SEBA Class 5 Environmental (EVS) Question Answer In Bodo Chapter 4 जिउ खुंनायनि लामा | Jiu Khungnayani Lama | Class 5 Environmental Question Answer in Bodo As Per New Syllabus to each Chapter is provided in the list of SCERT, NCERT, SEBA जिउ खुंनायनि लामा Class 5 Environmental (EVS) Chapter 4 Question Answer/Class 5 EVS Chapter 4 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 5 EVS Question Answer In Bodo Chapter 4 Question Answer. Class 5 Environmental Question Answer Chapter 4 in Bodo. SEBA Class 5 EVS (Environmental) Question Answer In Bodo Medium Chapter 4 covers all the exercise questions in NCERT, SCERT.
Class 5 Environmental (EVS) Chapter 4 जिउ खुंनायनि लामा
SEBA Class 5 Environmental Notes Chapter 4 In Bodo जिउ खुंनायनि लामा । Jiu Khungnayani Lama । Environmental Guide for Class 5th Chapter 4. Also Same NCERT Solutions for Class 5 EVS इस पोस्ट में हम आपको ये समझा ने कि कोशिश की है की Class 5 जों आरो जोंनि आबहावा Question Answer Chapter 4 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 5 EVS In Bodo Medium बोहत लाभदायक हो सकता है। Ncert/Scert Environmental Class 5 Chapter 4 मे आप अपना ध्यान लगाके पढ़ कर इस SEBA Class 5 Environmental Question Answer In Bodo Chapter 4 में अछि Mark ला सकते हो अपनी आनेवाली परीक्षा में।
खोन्दो 4 जिउ खुंनायनि लामा
Chapter 4 Jiu Khungnayani Lama
फरानि सोंनायनि फिननाय
1. फिननाय लिर:
(क) गामियारि सुबुंफोरनि गाहाइ थांनानै थानायनि राहाया मा?
फिन्नाय: गामिनि थागिरिफोरनि गाहाइ जिउराहाया आबाद। सरासनस्रायै माइ, सबाइ, फाथो, बेसर, सिबिं, खुसेर, बाइदि रोखोमनि मैगं-थाइगं आरिनि आबादखौ हायेननि गामि ओनसोलाव नुनो मोनो। हाजोआरि गामिनि थागिरिफोरनि मावनाय आबादनि मादाव आसु माइ, जुखाम, सिबिं, हाइजें, हालदै आरियानो गाहाइ।
(ख) सर ओनसोलाव थांनानै थानाय सुबुंफोरा मा मा आबाद मावो?
फिन्नाय: सारा गालांनाय दैमाहाब्रां ओनसोलाव थानाय सुबुंफोरा सरासनस्रायै गोरान फसलनि आबाद मावो। सारा गालांनाय ओनसोलाव हाया फलन्थगोनां बाला साहिया जानायखायनो बेयाव गोरान बोथोराव बुरजा बिबांनि सबाइ, बेसर, फानलौ, फान्थाव, तरमुज आरिनि आबाद मावो।
(ग) जुम आबाद माखौ बुङो? बे आबाद मावनायनि आदबजों मा मा आबाद मावनाय जायो?
फिन्नाय: हाजोनि सेवला जायगायाव खदालजों हा जाउग्लिना आलि खोनानै मावनाय आबादखौनो जुम आबाद बुंनाय जायो। बे आबाद खान्थिजों मावनाय गाहाइ आबादफोरा जादों- आसु माइ, जुखाम, सिबिं, हाइजें, हाल्दै आरि।
(घ) दै सोरनि मानसिफोरा मा रोखोमै जिउ खुङोमोन?
फिन्नाय: दैमा जिङाव थानाय खायफा सुबुङा आबाद मावनायजों लोगोसे ना-गुरग्रा हिसाबै जिउराहा दायो। आथिखालाव गामि ओनसोलाव गेदेर गेदेर फुख्रि जाउनानै ना फिसिनानै गोबां सुबुङा रांखान्थि बिथिंआव मुलाम्फा लादों। मोसौ, बोरमा, हांसो-दाउ, अमा आरि फिसिनानैबो बे ओनसोलनि मानसिया जिउराहा दायो।
(ङ) साहा बागाननि सुबुंफोरा मा मा हाबा हुखाजों सोमोन्दो गोनां?
फिन्नाय: साहा बागाननि मावदांसाफोरा बागाननि गोरलै साहा बिलाइखौ खाना, दारिमिनसिम बेसाद लांनाय-लाबोनाय, जुन्थि-जुनला सालायनाय आरि बाइदि खामानियाव नांथाबो।
2. ‘क’ बाहागोजों ‘ख’ बाहागोजों गोरोब हो–
| क | ख |
| मिथिंगायारि दिगनिफ्राय आसामा मोनसे आसामनि हायेन आरो हाजो दाबनैबो | ‘न’-बां गैजायि जिंउ खुदोंमोन |
| ओनसोलाव | धोनि हादरसा। |
| गोदो-गोदायनि मानसिया सर ओनसोलाव थांनानै थानाय | गोरान फसल मावो। |
| मानसिफोरा सरासनस्रायै | साहा बागान नुनो मोनो। |
फिन्नाय:
| क | ख |
| मिथिंगायारि दिगनिफ्राय आसामा मोनसे आसामनि हायेन आरो हाजो दाबनैबो | धोनि हादरसा। |
| ओनसोलाव | साहा बागान नुनो मोनो। |
| गोदो-गोदायनि मानसिया सर ओनसोलाव थांनानै थानाय | ‘न’-बां गैजायि जिंउ खुदोंमोन |
| मानसिफोरा सरासनस्रायै | गोरान फसल मावो। |
3. लांदां जायगाखौ आबुं खालाम–
(क) गोरान बोथोराव हाजोआरि ओनसोलाव……… आंखाल जायो।
फिन्नाय: दैनि।
(ख) हायेन ओनसोला सरासनस्रायै………. हा बाहागो।
फिन्नाय: समान।
(ग) हाजो ओनसोलनि सुबुंफोरा सरासनस्रायै………. मावो।
फिन्नाय: जुम आबाद।
(घ) आसामाव हाजो, हायेन मोननैबो जायगायाव……….. ओनसोल दं।
फिन्नाय: गामि।
(ङ) ……… मानसिफोरा न ‘खर दारिमिनजों सोमोन्दो थायो।
फिन्नाय: गामि ओनसोलनि।
4. गाहायाव होनाय बाथ्राफोरनिफ्राय गोरोन्थिखौ सायख नानै गेबेङै लिर–
(क) गोदो गोदायनि मानसिया न’-बां लुनानै गोजोरै जिउ खुदोंमोन।
फिन्नाय: गोरोन्थि। गेबें-गोदो गोदाय मानसिया थाजिमै न’ लुनानै जौगा थाखोनि जिउ खाङामोन।
(ख) दारिमिन, साख्रि, फालांगि बाइदिफोरा नोगोर ओनसोलनि सुबुंफोरनि जिउ खुंनायनि राहा गोनां।
फिन्नाय: गेबें।
(ग) नोगोर ओनसोलनिख्रुइ गामि ओनसोलाव गारि मथरनि अनजिमाया बाङाइसिन।
फिन्नाय: गेबें।
(घ) आबाद मावनायनि अनगायैबो गामि ओनसोलनि माखासे सुबुंफोरा साख्रि मावनानैबो जिउ खुङो।
फिन्नाय: गेबें।
(ङ) सर ओनसोलाव थांनानै थाग्रा सुबुंफोरा सरासनस्त्रायै गोरान फसल आबाद मावो।
फिन्नाय: गेबें।
5. अरनि दिहुननाया माबोरै जादोंमोन?
फिन्नाय: गिबि सुबुङा आदार बुथुमनायनि थाखाय हाग्राबारियाव गिदिंबायनाय समाव जाथाइबादियै थरनै अन्थाइखौ हुथ्रोदलायना अरखि सेरेफ सोमजिनाय नुदोंमोन। बे अरखि सेरेफआनो गोरान बिलाइ दालाइजों नांदेरनानै अर सोमजि खांदोंमोन। बेबादियैनो अरा संदिहुनजादोंमोन।
6. गोदो गोदायनि मानसिया मा मा हाबा-हुखानि थाखाय अन्थाइनि आगजु बाहायोमोन?
फिन्नाय: गोजाम मुगानि मानसिया गुबुन गुबुन खामानिनि थाखाय अन्थाइनि आगजु बाहायदोंमोन। अन्थाइखौ जेरावबो मोननाय जायोमोन। बे अन्थाइनि आगजुफोरखौ गावनि खामानियाव उदायनाय बादियै दानानै बाइदि खामानियाव, जेरै- मैहुर खालामनो, जामु दाननो एबा गुन्दै खालामनो बाहायदोंमोन। बिसोर सावगारि आखिनो अन्थाइनि गोफार आरो स्लिम स्लिम आगजु बाहायदोंमोन।
7. फारागथि लिर–
(क) गामि आरो नोगोर।
फिन्नाय: गामि आरो नोगोरनि फारागथि:
| गामि | नोगोर |
| 1. गामि ओनसोलनि गोबां अनजिमानि सुबुङा आबाद मावनाय, न’खर शिल्प, ना फिसिनाय, हांसो-दाउ फिसिनायनि गेजेरजों जिउ राहा दायो। | 1. सहर ओनसोलनि गोबांसिन सुबुङानो शिल्प, फालांगि, साख्रि आरिनि गेजेरजों जिउ राहा दायो। |
| 2. जिउराहा दानायनि सिमागोनां खाबु दं। | 2. जिउराहा दानायनि सिमागैयि खाबु दं। |
| 3. सुबुं थाथाइया गेसें। | 3. सुबुं थाथाइया गुबुं। |
| 4. दावबाय-दिङानि सानखोआ खम। | 4. दावबाय-दिङानि सानखोआ गोबां। |
| 5. सोलोंथाइ, सोखाथाइ, हान्था-मेला, मोब्लिब, दै आरिनि राहाया खम। | 5. सोलोंथाइ, सोखाथाइ, हान्था-मेला, मोब्लिब, दै आरिनि राहाया गोबां। |
(ख) हायेनारि आरो हाजोआरिनि फारागथि–
फिन्नाय: हायेन आरो हाजोआरि ओनसोलनि फारागथिफोर:
| हायेन ओनसोल | हाजोआरि ओनसोल |
| 1. हायेन ओनसोला सरासनस्रायै समान हालाम। | 1. हाजोआरि ओनसोला सरासनस्रायै गाहाय-गोजौ। |
| 2. हायेन ओनसोलनि हाया आबादनि थाखाय खाब-जाथाव। | 2. हाजोआरि ओनसोलनि हाया आबादनि थाखाय खाबजाथाव नड़ा। |
| 3. जुम आबाद मावनाय नुनो मोना। | 3. जुम आबाद मावनाय नुनो मोनो। |
| 4. हान्था-मेलानि राहायाव खाबुगोनां। | 4. हान्था-मेलानि राहायाव खाबुगोनां नङा। |
| 5. गोरान बोथोरावबो दैनि आंखाल जाया। | 5. गोरान बोथोराव दैनि आखाल जायो। |
होफादेरनाय सोंनायनि फिननाय
1. गोजाम मुगायाव मानसिया मा मानि थाखाय मिथिंगानि सायाव सोनारदोंमोन?
फिन्नाय: गोजाम मुगायाव मानसिया आदार, थाग्राखुलि आरो गाननाय जोमनायनि थाखाय मिथिंगानि सायाव सोनारदोंमोन।
2. गोजाम मुगानि मानसिया बबेयाव आस्राय लायोमोन आरो मानो?
फिन्नाय: गोजाम मुगानि मानसिया आदार बुथुमनो थाखाय दाबसे जायगानिफ्राय गुबुन दाबसे जायगासिम गिदिंला बायनायाव सान्दुं, अखा, सार’-थाइ, बारहुंखा आरिनिफ्राय रैखा मोननो गेदेर बिफांनि दन्दर, हाजोनि खंखर आरियाव आस्राय लादोंमोन।
3. गोजाम मुगानि मानसिफोरा लाजिनायखौ फांथेनो थाखाय मा मा गानदोंमोन?
फिन्नाय: गोजाम मुगानि मानसिफोरा लाजिनायखौ फांथेनो थाखाय बिफांनि बिगुर, बिलाइ जिउनांनि बिगुर आरि गानदोंमोन।
4. गोदो गोदाय मानसिया गावजों गाव हेफाजाब खालामनाय, दोलोखौ दैदेननाय आरि गुनफोरखौ गावनो गाव बादियै गोरलैयैनो माबोरै आर्जिदोंमोन?
फिन्नाय: अरनारि जिउनां, बिसगोनां जिबौ आरिनिफ्राय रैखा मोननो थाखाय अरायबो समाव गोदो गोदायनि मानसिफोरा दोलो खानानै थाबायथिङोमोन। बेबादिनो दोलो खानानै थाबायथिंनायनि थाखाय मानसिया गावजों-गाव हेफाजाब खालामनाय, दोलोखो दैदेननाय आरि गुनफोरखौ गावनो गाव बादियै गोरलैयैनो आर्जिदोंमोन।
5. गोजाम मुगाखौ मानो अन्थाइ मुगा बुंनाय जायो? सावराय।
फिन्नाय: गिबि सुबुङा बाइदि खामानियाव अन्थाइजों दाजानाय आगजु बाहायदोंमोन। मानोहोनब्ला अन्थाइखौ जेरावबो मोननाय जायोमोन। बे अन्थाइनि आगजुफोरखौ गावनि खामानियाव उदायनाय बादियै दानानै गुबुन गुबुन खामानियाव, जेरै- मैहुर खालामनो, जामु दाननो एबा गुन्दै खालामनो बाहायदोंमोन। बिसोर सावगारि आखिनो अन्थाइनि गोफार आरो स्लिम स्लिम आगजु बाहायदोंमोन। जिरायनाय समाव बिसोर आस्रय लानाय खंखरफोराव सानफ्रोमबोनि जिउजों गोरोबनाय माखासे सावगारि, जेरै- मैहुर खालामनाय, मोसानाय आरि दानख दोंमोन।
बेनि अनगायैबो सोरगिदिं नुनो मोननाय बाइदि जिउनां, दाउ, बिबार आरिनि सावगारिबो बे खंखरफोराव दानख’ दोंमोन। सावगारिफोराव मिथिंगायारि बादियै थियारि खालामनाय गुबुन गुबुन गाब फुननानै बिमायनो गोसोबोहोनो हादोंमोन। मध्यप्रदेशनि भुपालनि भीमबेटका खंखरनि सिङाव बिब्दि रोखोमनि गोजाम मुगायाव मानसिया दानख ‘नाय गुबुन गुबुन सावगारि दिनैबो नुनो मोनो। अन्थाइयानो बै मुगानि गाहाइ बादायजानाय आगजुमोन, बेखायनो बै सम खोन्दोखौ अन्थाइ मुगा होनना बुंनाय जायो।
6. सोलायसोल’ खान्थिया मा?
फिन्नाय: सोलायसोल’ खान्थिया जादों मोनसे खान्थि जायनि राहाजों गिबि सुबुङा गावनि बाहागोआव गोबांसिनै थानाय जामुफोरखौ गावजोंगावनि गेजेराव सोलायलायना गावनि थाखाय गोनांथार बेसादनि साहिदाखौ सुफुंदोंमोन।
7. मानसिया आबाद मावनानै थाजिमै माबोरै थानो लादोंमोन बेनि सोमोन्दै मोनसे बिदिन्थिजों फोरमाय।
फिन्नाय: मानसिया आबाद मावजेननानै थाजिमै थानो लानायनि मोनसे बिदिन्थि गाहायाव फोरमायनाय जाबाय। सानसे समाव दखरसे बिलोनि हाब्राङाव पानिक मुंनि मोनसे दोलोआ थानो लादोंमोन। बे दोलोआव हौवा-हिनजाव आरो सेंग्रा-सिख्ला गोरोबलायनानै सा नैजिबासो मानसि दंमोन। बे समाव बिसोर खालि जिउनांनि बिगुर आरो बिफांनि बिगुरसो गानदोंमोन। हौवाफोरा नांगौ बादियै आदार नागिरनानै अरनबारियाव गिदिंलाबायना बिसोर जिउनां, ना-खासेव, खांख्राइ आरि जेराव जा मोनो हमना लाबोनानै न’खर फारसे गिदिंबोफिनोमोन। साननि समाव हिनजाय आरो गथ ‘साफोरा अरनबारियाव फिथाइ-सामथाइ नागिरदिंहैयोमोन। बिब्दिनो आदार बुथुमनानै गिदिंबायनायावनो बिसोर बेखौ नुसनबायदि बिफांनि बेगरा हायाव माखासे सान गोग्लैना थानायनि उनाव आरोबाव एखेरोखोमनि बिफां गाजा बेरबोयो आरो एखे फिथाइ थायो।
बिमोन्थिनिफ्राय बुजिनो हाबायदि सिदोमागोनां हायावसो बिफां-लाइफांफोरनि बेगरफोरा थाब थाबै गाजा बेरो। बिसोर थानाय जायगानि साखाथि-फाखाथियाव गावसोरनो जोलै बेगर फबनानै बिफां फुलिनि बारायनाया माबोरै जायो नोजोर होनानै जोबोद गोजोननाय मोनबाय। बिब्दि जाहोनावनो बिसोर दाबसेल’ जायगायावनो दुखु-जारला सहायनाङा लासिनो गोबाव सानसिम थादोंमोन। बिसोर नाथाय बै समसिमबो गावसोर मोजाङै आबाद मावनायनि बाथ्रा सानफेराखैमोन। सानसेखालि केकय मुंनि मोनसे गोहोगोरा दोलोआ फैनानै पानिकफोरखौ होख्रांहरनायसै। दानिया पानिकफोरा राहा गोथेजानानै बिसोर दरसे फिसा हाग्राबारियाव थाहैनायसै।
बे गोदान जायगायाव बिसोर सिगांनि बादि गोरलैयैनो मैहुर, फिथाइ-सामथाइ आरो अरनारि फसलफोरखौ मोनलिया जाबाय। बेनिखायनो बिसोर मोनसे हाबा मावबाय। बिसोर जानो लाबोनाय फसलनि बेगर जोलै माखासे दैमा सेरनि दखरसे सिदोमागोनां हायाव फोदलाना होनानै गाजा बेरहोनो नाजाबाय। नाथाय दाउमा-दाउसाफोरा बे बेगर जोलैफोरखौ जाजोबनायसै। बेनिखायनो बिसोर मोनसे सोलो दिहुनना दाउमा दाउसाया जानो हायिनि बेगर जोलैफोरखौ हा जाउनानै फबना दोनबाय। नाथाय हाया दहला जानायनि थाखाय दैमानि दैया गाजा ओंखारनाय बेगरफोरखौ फोजोबस्रांनायसै। अब्ला पानिक दोलोआ अरननि दैया गाखोहैयि रैखाथिगोनां जायगा दखरसे सायख’ना लाबाय।
बिसोर अन्थाइजों बानायनाय रुवा, जं, थांगोन आरिजों हा दखरखौ गुरै खालामना आबादनि थाखाय बानजाथाव गुरै खालामना लाबाय। बे हायाव बेगर फोनानै बिसोर आबाद मावनो जागायनायसै। बिब्दनो आबादा जुरिजेनबाय। बिसोर आबाद मावनाय जायगानि साखाथि-फाखाथियाव थाजिमै थानो हमनायसै।
8. गोदो गोदाय आबाद मावनो लानायनि लोगो लोगो अन्थाइनि आगजुनि अनगायैबो मा मा हाथियार आबादनि थाखाय बाहायजाथाव बादियै दानानै लादोंमोन?
फिन्नाय: अन्थाइनि आगजुनि अनगायैबो बेगें, हाथाइ आरो दंफांनि बाइदि हाथियार आबादनि थाखाय बाहाय-जाथाव बादियै दानानै लादोंमोन।
9. आसामनि बबेयाव गिबि सुबुङा बाहायनाय अन्थाइनि आगजु आरो हानि आइजेंनि देगाव गोबाय मोननाय जादों?
फिन्नाय: आसामनि डिमा हासाव जिलानि दावजालि हाडिं मुंनि जायगायाव।
10. माब्लानिफ्राय मानसिनि न’ गैजायि जिउआ थुंगेफैयो?
फिन्नाय: आबादं मावनो रोंनायनि उननिफ्रायनो मानसिनि न’ गैजायि जिउआ थुंगेफैयो। आबाद मावनायनि थाखाय मानसिया दाबसेयावनो दोलो खानानै थाजिमै थानो लानायनि जाहोनाव दरफा दरफा गामि सोमजिदोंमोन।
11. आसामनि माब्लानिफ्राय मानसिया थाजिमै थानो लाखो बेनि सोमोन्दै जारिमिनाव मख ‘नाय दङ’ ना?
फिन्नाय: आसामाव माब्लानिफ्राय मानसिया थाजिमै थानो लाखो बेनि सोमोन्दै जारिमिनाव मख ‘नाय गैया।
12. हायेनारि हाया मानो आबादनि थाखाय खाब जाथाव?
फिन्नाय: हायेननि हाया फलन्थगोनां जानायनि थाखाय आबादनि थाखाय खाबजाथाव।
13. गोजाम मुगायाव मानसिया गाव गावनि बेसादनि साहिदाखौ माबोरै सुफुंदोंमोन सावराय।
फिन्नाय: गोजाम मुगायाव मानसिनि जिउआ जोबोर दुखु-जारला गोनांमोनब्लाबो जोबोर गोरलैमोन। दोलो दानानै मैहुराव थांनाय एबा आदार बुथुमनो थांनाया बिसोरनि थाखाय रंजाखांथावनामोन। बयबो लोगोसेयै खामानिफोरखौ मावदोंमोन। जामुखौ जा मोनदोंमोन बयबो गोरोबलायना राननानै जादोंमोन। इयुननि थाखाय दोनथुमना लाखिनायनि बाथ्राखौ बिसोर सानफेराखैमोन। सोलायसोल’ ‘खान्थिनि हे फाजाबै बिसोर गावनि बाहागोआव थानाय जामुफोरखौ गावजोंगावनि गेजेराव सोलायलायना गावनि थाखाय गोनांथार बेसादनि साहिदाखौ सुफुंदोंमोन।
14. जिउनांनि लोगोआव मानसिनि सोमोन्दोआ गोजाम मुगानिफ्राय मा बादिमोन सावरायना लिर।
फिन्नाय: जिउनांनि लोगोआव मानसिनि सोमोन्दोआ गोजाम मुगानिफ्रायनो दंमोन। मानसिया अरनारि जिउनांखौ मैहुर खालामना बिनि बेदर जायोमोन। माब्लाबा मैहुराव थांनानै जिउनांनि फिसाफोरखौ बुथारा लासिनो इयुनाव मैहुर मोनाब्ला बेफोरखौ जानो हागोन होनना लोगोआव लाबोफादोंमोन। बिसोर न’ रौजायि जानायनि थाखाय दाबसेनिफ्राय गुबुन दाबसेसिम थांनायाव बिसोरनि लोगोआव बै जिउनांफोरखौबो लाफायोमोन। माब्लाब बिसोर जिउनांफोरनि बिखुङाव गाखोनानै थांङोमोन आरो लोगोसे लाबोफानाय लाय-लथरफोरखौ बिसोरनि बिखुङाव बाहोना लाङोमोन।
बिसोर बिमोन्थिनिफ्राय बुजिनो हादोंमोनदि बेदर आरो गाइखेर मोननायनि अनगायैबो बै जिउनांफोरखौ गुबुन खामानियावबो बाहायनो हायो। बेनि खायनो बेदर, गाइखेर, आबाद मावनायाव हेफाजाब खालामनो आरो माल-माथा रोगाना लांनो बिसोर खायफा जिउनांखौ फिसियोमोन। बिदिन्थि महरै- मोसौ, बोरमा, अमा, बोरमा मेन्दा, गराइ, गाद’ बाइदि बाइदि। बिसोर मैहुराव हेफाजाब खालामनाय, न’खर नेनाय आरि खामानिनि थाखाय सैमा फिसिदोंमोन।
15. आसामनि मिथिंगायारि थादेरसानि सोमोन्दै सुंद ‘यै लिर।
फिन्नाय: आसामाव माब्लानिफ्राय मानसिया थाजिमै थानो लाखो बेनि सोमोन्दै जारिमिनाव मख’नाय गैया। आसामा मिथिंगायारि बादियै जोबोद धोनि हादरसा। हाजो, जौयेन, हायेन, दैमा-दैसा, सेरफां, सारा गालांनाय हाब्रां आरि मिथिंगायारि थादेरसाजों बे हादरसाया दाजानाय। बिब्दि मिथिंगायारि अंगआ गोजाम मुगानिफ्रायनो मानसिखौ थानो थाखाय गोसो बोगथाबबोदों। बेखायनो हादरसानि गासिबो बाहागोआवनो जों एफा-एनै बिबांनि सुबुं थानाय जायगा नुनो मोनो।
दै-बाना जाफ्लायबाय थाग्रा ओनसोलनिफ्राय थारला हाजोनि आफांंनि खाथि-खाला ओनसोलसिम आसामनि गासिबो ओनसोलाव मानसि थानाय नुयो। जोंनि हादरसायाव आथिखालाव गं 26 रोजाफ्राम गामि दं। बेनिनो बांसिन बाहागो गामिया बुरलुंबुथुर आरो बराक सेरफांनि समान हालामाव दं। हाजोआरि जिला गंनै थामहिनबा कार्बि आंलं आरो सा-काछार हाजोआवबो गोबां गामि दङ’। हायेन, जौयेन, हाजो जेरावखि थाया मानो, दरफ्रोमबो गामिनि आखुथाइया सोनारो बेनि मिथिंगायारि थासारिनि सायाव।
16. हायेननि गामि ओनसोलनि जिउखांनायनि आदबखौ सुंद यै फोरमाय।
फिन्नाय: हायेननि समान हालामाव मानसिया गामि फसंनानै थायो। गामियाव थाग्राफोरनि गाहाइ जिउ, राहाया जाबाय आबाद। सरासनस्रायै माइ, सबाइ, फाथो बेसर, सिबिं, खुसेर, बाइदि रोखोमनि मैगं-थाइगं आरिनि आबादखौ गामिनि सुबुंफोरा मावनाय नुयो। गामि ओनसोलनि खायफा सुबुङा न ‘खर शिल्पआव नांथाबना थायो।
हायेननि गामिफोराव थाग्रा सुबुङा दिहुननाय बाइदि रोखोमनि फसल, फिथाइ-सामथाइ, मैगं-थाइगं, हानि दो-दोख्ला, औवा-राइदोंनि आगजें आरिखौ खाथिनि हाथाइफोराव फानहैना रांखान्थियारि बिथिङाव मुलाम्फा खालामो। माखासे सानखोनि सुबुङा साख्रि मावनानैबो जिउ राहा दायो। गामि ओनसोलनि हान्था-मेलानि राहाया गाहामै जौगानाय नङा। दावबाय दिङानि सानखोआ खम। सरासनस्रायै सोलोंथाइ, सोखाथाइ, फालांगि आरिनि खाबुआ खम।
17. हायेननि सहरनि सोमोन्दै सुंद यै फोरमाय।
फिन्नाय: गामि ओनसोलनिख्रुइ सहर ओनसोलाव थानायनि खाबुआ बांसिन। सहरनि लामा-सामाया गुवार ब्लां-ब्लां, हान्था-मेलानि थाखाय खाबुगोनां। सहरनि सुबुं थाथाइया गुबुं। दावबाय दिङानि सानखोआ गोबां। बेयाव गोबां फरायसालि, जौमा फरायसालि, सरकारि एबा सरकारि नङि मावख’, आफाद-फसंथान आरि थायो। गेदेर गेदेर दारिमिनफोरखौ सहरनि नांजाबना थानाय ओनसोलाव फसंनाय जायो। साख्रि, फालांगि आरिया सहर ओनसोलनि सुबुंफोरनि जिउराहा दानायनि गुदि राहा लामा।
18. हाजोआरि ओनसोलनि जिउ खांनाय राहानि सोमोन्दै सावराय।
फिन्नाय: हाजोनि गाहाय-गोजौ जायगायाव थानाय सुबुंफोरा बिसोरनि जिउराहा दानायनि थाखाय बाइदि राहा लामानि सायाव सोनारो। गोरान बोथोराव हाजोआरि ओनसोलाव दैनि आंखाल जायो। बे ओनसोलनि सुबुंफोरखौ सरासनस्रायै जुम आबाद मावनाय नुयो। हाजोनि सेवला जायगायाव खदालजों हा जाउग्लिना आलि खोनानै जुम आबाद मावो। बिसोर मावनाय आबादनि मादाव आसु माइ, जुखाम, सिबिं, हाइजें, हालदै आरियानो गाहाइ। जुम आबाद मावनाया जोबोद गोब्राब।
दिहुनजानाय फसलनि माखासे बाहागोखौ गावनि थाखाय लाखिनानै आद्रा बाहागोखौ हाथाइयाव फानहैनानै रांखान्थि बिथिंआव मुलाम्फा लायो। अमा, मोसौ, दाउ आरि फिसिनानैबो हाजोआरि ओनसोलनि सुबुंफोरा जिउ दायो। माखासे सानखोनि सुबुङा साख्रि, फालागि आरियावबो नांथाबना दं। बेनि हान्था-मेलानि राहाया हायेननि बादि खाबुगोनां नङा। बे ओनसोलनि मानसिया जिउ खांनायनि थाखाय गोब्राब खामानि मावनांगौ जायो।
19. हायेननि गामिनि सुबुङा मा मा आबाद मावो?
फिन्नाय: सरासनस्रायै माइ, सबाइ, फाथो, बेसर, सिबिं, खुसेर, बाइदि रोखोमनि मैगं-थाइगं आरिनि आबादखौ हायेननि गामिनि सुबुङा मावो।
20. हाजोआरि ओनसोलाव मा मा आबाद मावनाय जायो?
फिन्नाय: हाजोआरि ओनसोलाव जुम आबाद मावनाय नुनो मोनो। बेयाव मावनाय आबादनि मादाव आसु माइ, जुखाम, सिबिं, हाइजें, हालदै बायदियानो गाहाइ।
21. गोदो गोदाय मानसिनि जिउखांनाय आदबफोरा माबादिमोन सावराय।
फिन्नाय: गोदो गोदाय मानसिनि जिउ खांनायनि आदबफोरा दिनैनि बादि नाङामोन। बै समाव मानसिया आदार, थाग्राखुलि आरो गाननाय-जोमनायनि थाखाय मिथिंगानि सायाव सोनारदोंमोन। बिसोर मैहुर खालामना मोननाय जिउनांनि बेदर एबा मोदोम आरो बिफांनि फिथाइ-सामथाइ, बेगर, रोदा, अरनारि फसल आरि बुथुमना जादोंमोन। बै समाव बिसोर गासिबो बेसादखौनो गोथाङै जोयोमोन।
आदार बुथुमनो थाखाय दाबसे जायगानिफ्राय गुबुन दाबसे जायगासिम गिदिंलाबायनायाव सान्दुं अखा, सार’ अन्थाइ, बारहुंखा आरिनिफ्राय रैखा मोननो गेदेर बिंफांनि दन्दर, हाजोनि खंखर आरियाव आस्रय लादोंमोन। बिसोर लाजिनायखौ फांथेनो थाखाय बिफांनि बिगुर, बिलाइ जिउनांनि बिगर आरि गानदोंमोन। अरनारि जिउनां, बिसगोनां जिबौ आरिनिफ्राय रैखा मोननो थाखाय अरायबो समाव बिसोर दोलो खानानै थाबायथिङोमोन। बिब्दिनो दोलो खानानै थाबायथिंनायनि थाखाय मानसिया गावजों-गाव हेफाजाब खालामलायनाय, दोलोखौ दैदेननाय आरि गुनफोरखौ गावनो गाव बादियै गोरलैयैनो आर्जिदोंमोन।
Class 5 Environmental (EVS) Question Answer
| Chapter No. | CONTENTS |
| Chapter – 1 | जोंनि आबहावा |
| Chapter – 2 | जिबि आरो आबहावा |
| Chapter – 3 | बोथोर |
| Chapter – 4 | जिउ खुंनायनि लामा |
| Chapter – 5 | आदारनि गोनांथि |
| Chapter – 6 | आसामनि मिथिंगायारि सम्पद आरो सरैखाथि |
| Chapter – 7 | आसामनि हारिमु |
| Chapter – 8 | खैफोद आरो जों |
| Chapter – 9 | आबहावा गेब्रेंनाय |
| Chapter – 10 | जोंनि दारिमिनफोर |
| Chapter – 11 | जोंनि आफाद-फसंथानफोर |
| Chapter – 12 | जोंनि हादर |
| Chapter – 13 | भारत उदांस्रि सोमावसारनायाव आरो आसाम |
| Chapter – 14 | जोंनि समाजारि जेंना |
| Chapter – 15 | जोंनि सानफ्रोमबो जिउआव बिरोंदामिन |
| Chapter – 16 | जोंनि नसुं राज्योफोर |
| Chapter – 17 | सवगारि |
| Chapter – 18 | गोरलै गियान |
Notes of Class 5 Environmental (EVS) in Bodo Medium | Bodomedium Class 5 Environmental (EVS) notes इस पोस्ट में हम आपको ये समझा ने कि कोशिश की है की Bodo Medium Class 5 Environmental Question answer | SEBA Class 5 Environmental Question Answer In Bodo Chapter 4 अगर आप एक Bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।