SEBA Class 5 Environmental (EVS) Question Answer In Bodo Chapter 7 आसामनि हारिमु | Assamoni Harimu | Class 5 Environmental Question Answer in Bodo As Per New Syllabus to each Chapter is provided in the list of SCERT, NCERT, SEBA आसामनि हारिमु Class 5 Environmental (EVS) Chapter 7 Question Answer/Class 5 EVS Chapter 7 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 5 EVS Question Answer In Bodo Chapter 7 Question Answer. Class 5 Environmental Question Answer Chapter 7 in Bodo. SEBA Class 5 EVS (Environmental) Question Answer In Bodo Medium Chapter 7 covers all the exercise questions in NCERT, SCERT.
Class 5 Environmental (EVS) Chapter 7 आसामनि हारिमु
SEBA Class 5 Environmental Notes Chapter 7 In Bodo आसामनि हारिमु । Assamoni Harimu । Environmental Guide for Class 5th Chapter 7. Also Same NCERT Solutions for Class 5 EVS इस पोस्ट में हम आपको ये समझा ने कि कोशिश की है की Class 5 जों आरो जोंनि आबहावा Question Answer Chapter 7 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 5 EVS In Bodo Medium बोहत लाभदायक हो सकता है। Ncert/Scert Environmental Class 5 Chapter 7 मे आप अपना ध्यान लगाके पढ़ कर इस SEBA Class 5 Environmental Question Answer In Bodo Chapter 7 में अछि Mark ला सकते हो अपनी आनेवाली परीक्षा में।
खोन्दो 7 आसामनि हारिमु
Chapter 7 Assamoni Harimu
फरानि सोंनायनि फिननाय
1. फिननाय लिर:
(क) महापुरुष शंकरदेवआ असमीया हारिमुआव बिहोमा होलांनाय मोननै बिथिंनि मुं लिर।
फिन्नाय: महापुरुष शंकरदेवआ असमीया हारिमुआव होलांनाय मोननै बिथिंआ जाबाय सेथियाव बैष्णव धोरोम फोसावनानै असमिया समाजखौ खौसेनि बेन्दोङाव लाखिदों। नैथियाव – महापुरुष शंकरदेवआ सोरजिनाय सिबिसालिखौ ‘हारिआरि फावथाइसालि’ बुंनाय जायो जेराव फावथाइनि गेजेरजों समाज जौगाखांनायनि सोमोन्दै सावरायनाय जायो।
(ख) मोनब्रै गोदोनायाव गाननाय असमीयानि गहेनानि मुं लिर।
फिन्नाय: गोदोनायाव गाननाय असमीयानि मोनब्रै गहेनाया जाबाय- जांफाइ लकापार, डुगडुगि, हाटहरि, गलपटा।
(ग) मोनथाम रोखोम मोसानायनि मुं आरो बेजों लोगोसे सोमोन्दो थानाय मोनथाम दामजुनि मुं लिर।
फिन्नाय: झुमुर मोसानाय, खेराइ मोसानाय, देउधनि सोसानाय आरो दामजु फोरा जाबाय- ढोल, खल, सिफुं।
(घ) माइरंनि अनगुन्दैजों बानायनो हानाय मोनब्रै जामुनि मुं लिर।
फिन्नाय: माइरंनि अन गुन्दैजों बानायनो हानाय मोनब्रै जामफोरा जादों- सिथाव, लारु, फिथा, एनथाब बाइदि।
(ङ) शिवसागर जिलायाव थानाय मोननै गोजाम गोसोखांथि नेरसोननि मुं लिर।
फिन्नाय: शिवसागर जिलायाव थानाय मोननै गोसोखांथि नेरसोना जादों- रंघर, कारेंघर।
(च) आसामाव थानाय मोननै मन्दिर, मोननै दौल आरो मोननै सत्रनि मुं लिर।
फिन्नाय: आसामनि मोननै मन्दिर- कामाख्या मन्दिर, हयग्रिब-माधव मन्दिर।
मोननै दौलनि मुं- शिवदौल, जयदौल।
मोननै सत्रनि मुं- आउनिआटि सत्र आरो कमलाबारि सत्र।
2. लांदां जायगाखौ आबुं खालाम:
(क) बैसागाव……….. फालिनाय जायो।
फिन्नाय: बिहु।
(ख) खेराइ फुजाखौ………… फालिनाय जायो।
फिन्नाय: बर’फोरा।
(ग) बिहुवा………. हारिनि फोरबो।
फिन्नाय: असमीया।
(घ) मिसिंफोरा……….. फालियो।
फिन्नाय: आलि-आये-लृगां।
(ङ) करम फुजाखौ……….. फालिनाय जायो।
फिन्नाय: सावथालिफोरा।
3. असमीया हारिमुआव महापुरुष शंकरदेवनि होलांनाय बिहोमानि सोमोन्दै मोनजि बाथ्रा लिर।
फिन्नाय: महापुरुष शंकरदेवआ बैष्णव धोरोम फोसावनानै असमीया समाजखौ खौसेनि बेन्दोङाव लाखिदों। बिथाङा कीर्तन, देंखो, सावरायमेल आरो थुन फावथार, सिबिसालि, खल-तालफोरखौ लानानै बाइदि रोखोमनि गोनां जानाय दामजुफोरखौ सोरजिलांदों।
महापुरुष शंकरदेवआ सोरजिनाय’ सिबिसालिखौ ‘हारिआरि फावथाइसालि’ बुंनाय जायो जेराव फावथाइनि गेजेरजों समाज जौगाखांनायनि सोमोन्दै सावरायनाय जायो। बिथाङा सोरजिनाय ‘सत्रिया’ मोसानाया भारतारि मोसानाय आरिमुजों जुजिनो हानाय जाबाय। ‘सत्रिया’ मोसानाया हायुंआरि मान मोननो हाबाय। बे मोसानाया आथिखालाव दुलाराय भारतावनो मान मोन्दों। शंकरदेव आरो बिथांनि आंगो सोलोंसा माधवदेवनि बिहोमाया असमिया हारिमुखौ मोनसे गोदान दावगानाय लाबोदों।
4. सुंद यै लिर:
(क) बिहु।
फिन्नाय: बिहु: मोनफ्रोमबो हारि-थागिबि हारिसाफोरहानो गावबा गावनि आंगो हारिनि रंजाफोरबो दं, जायखौ हारिनि बयबो खौसेयै फालिनाय जायो। आसामनि हारियारि फोरबोआ जाबाय ‘बिहु’। हारि-धोरोम बासिलायाजासे गासै असमियाफोरानो ‘बिहु’फोरबो फालियो। हारियारि फोरबो बिहुआ आबादजों सोमोन्दो थानाय फोरबो।
आसामनि जौखोन्दो स्त्रिजिबा बाहागो मानसिया आबाद मावनायजों सोमोन्दो थालायनाय हारि- थागिबि हारि गासैबो गोरोबलायनानै लोगोसेयैनो फोरबोखौ फालियो। बिहुआ मोनथाम- बैसाग दानाव रंगालि बैसागु एबा रंगाली बिहु, माग दानाव मागो दमासि एबा भोगाली बिहु आरो कार्तिक दानाव काति बिहु। बैसागाव आबादारिया फोथाराव बेगर जोलैफोर फोयो आरो मागोआव आबाद दिखाङो। कार्तिक दानाव आबुं फसलनि दुब्लिखौ हास्थायो आरो आबादथिलिखौ एम्फौ एनलानिफ्राय रैखा मोननो थाखाय जेवारि सावो।
फोरबोफोरा आबादजों सोमोन्दो थानायलाय गोबां हारि-थागिबि हारिफोरा सुबुं माहारिफोरा गावबा गाव हारिनि नेमखान्थि बादियै फोरबोखौ फालियो। बर’फोरा बैसागु, मिसिंफोरा ‘आलि-आये-लुगां, कार्बिफोरा हाछाकेकान फालियो। थिख बिब्दिनो डिमासाफोरा ‘बुचु डिमा’, फोरबो फालियो। राभाफोरा बाइख’, देउरिफोरा बैसागी बाइदि फोरबो फालियो। बेफोरबादि फोरबो फालिनायनि गेजेरजों हारिनि हारिमुखौ रिफिखाङो।
(ख) फुथुला मोसाहोनाय।
फिन्नाय: फुथुला मोसाहोनाय: आसामनि हारिमुवारि मुलुगाव गोदो गोदायनिफ्रायनो दासिमबो मोननैसो फावथाइफोरा सुबुंफोरनि आंगो जानानै दं। जेरै- फुथुला मोसाहोनाय। दिरुंनि हेफाजाबै फुथुलाखौ मोसाहोनाय जायो। रामायण, महाभारत बाइदिफोर गोदोनि सलन्थाइफोरखौ फुथुला दिन्थिनायनि गेजेरजों फोरमायथिनाय जायो।
(ग) असमीया राव।
फिन्नाय: असमीया राव: आसामनि जायगायारि रावआ असमीया। रावआ हारिमु दावगा-लांनायनि बिथाखौ गोख्रों खालामो आरो गासैखौबो खौसेथियै गुवार समाज सोरजिनायाव मदद खालामो। रावआ मोननै महरनि- मोनसेया रायज्लायनाय आरो गुबुन मोनसेया लिरनाय। असमीया रावआ लिरनाय महर मोननायनि सिगाङाव मानसिनि खुगा खुगा सोलिबोनाय गोबां रोखोम मेथाइफोर जेरै- बिहुनाम, आइनाम, बिया नाम, निसुकनि मेथाइफोरानो गाहाइ। बैफोरखौ दा लिरनाय महराव मोननो हाबाय। बिब्दिनो फाव-फेसन, फेस्ला, सल’ आरियाबो सोलिदों। बेफोर गासैबो असमीया हारिमुनि फोथारखौ फोथांनानै लाखिदों।
(घ) सत्रिया मोसानाय।
फिन्नाय: सत्रिया मोसानाय: महापुरुष शंकरदेवआ असमीया हारिमुखौ गोसोरहोनो नाजादोंमोन। बिथाङानो सत्रिया मोसानायखौ सोरजिदोंमोन। बिथाङा सोरजिनाय सत्रिया मोसानाया भारतारि मोसानाय आरिमुजों जुजिनो हानाय जाबाय। केरेलानि कथाकलि, उरिष्यानि अडिसि मोसानाय बादिनो सत्रिया मोसानाया हायुंआरि मान मोननो हानाय जाबाय। बे मोसानाया आथिखालाव दुलाराय भारतावनो मान मोन्दों।
(ङ) फोरबो फालिनाय।
फिन्नाय: फोरबो फालिनाय: फोरबोफोरा आबादजों सोमोन्दो थानायलाय गोबां हारि-थागिबि हारिफोरा सुबुं माहारिफोरा गावबा-गाव हारिनि नेमखान्थि बादियै फोरबोखौ फालियो। बर’फोरा ‘बैसागु’, मिसिंफोरा आलि आये लृगां, कार्बिफोरा ‘हाछाकेकाल’ फालियो। थिख बिब्दियैनो डिमासाफोरा ‘बुचु डिमा ‘फोरबो फालियो। राभाफोरा बाइख’, देउरिफोरा बैसागी बाइदि फोरबो फालियो। बेफोर बादि फोरबो फालिनायनि गेजेरजों हारिनि हारिमुआ रिफिखाङो।
माखासे फोरबोआ धोरोमजोंबो सोमोन्दो गोनां। बर’फोरनि खेराइ फुजा, बाथौ. फुजा, कार्बिफोरनि चमांकान, सावथालिफोरनि करम फुजा बाइदिखौ मुंख ‘नो हायो।
आसामाव गुबुन गुबुन हारि हारिसाफोर आरो बाइदि धोरोम फालिग्रा सुबुंफोर थायो। इसलाम धोरोमारिफोरा इद फालियो। खृष्टान धोरोमारिफोरा बरदिन फालियो। शिख धोरोमारि सुबुंफोरा गुरुनानकनि जोनोम सानखौ गुरुनानक जयन्ती हिसाबै फालियो। बौद्ध धोरोमारि सुबुंफोरा बुद्धदेवनि जोनोम, गियान मोननाय आरो रुंसारि जानाय सानखौ बुद्ध पुर्णिमा हिसाबै फालियो। बिब्दियैनो आसामाव गोबां धोरोमारि आरो समाजारि फोरबो फालिनाय जायो।
5. ‘क’ बाहागोजों ‘ख’ बाहागोखौ गोरोबहो-
| क | ख |
| तेजपुर | भुवन हाजोनि मन्दिर |
| कामरुप | टेगबाहादुरनि गुरुद्वार |
| ग’वालपारा | अग्निगड़ |
| धुबुरी | प’वामक्का |
| काछार | सूर्ज हाजो। |
फिन्नाय:
| क | ख |
| तेजपुर | अग्निगड़ |
| कामरुप | प’वामक्का |
| ग’वालपारा | सूर्ज हाजो। |
| धुबुरी | टेगबाहादुरनि गुरुद्वार |
| काछार | भुवन हाजोनि मन्दिर |
6. मासे दाउनि सावगारि आखि।
फिन्नाय: गावबा-गावनो खालामनो नाजा।
होफादेरनाय सोंनायनि फिननाय
1. महापुरुष श्रीमन्त शंकरदेवनि माबे सोरजिथाइया असमीया हारिमुनि गेदेर खाम्फा?
फिन्नाय: नामघर आरो सत्रआ।
2. असमीया समाजाव सोलिनाय मोननै आसार खान्थिनि मुं लिर।
फिन्नाय: नं ‘खरनि बैसोगोराखौ मान होनाय आरो काति बिहु आव थुलुनसिनि गुदियाव आरो आबाद फोथाराव जेवारि साउनाय।
3. आसामनि जायगायारि रावआ मा?
फिन्नाय: आसामनि जायगायारि रावआ असमीया।
4. आसामाव मा मा राव सोलियो?
फिन्नाय: आसामाव असमीया रावनि अनगायैबो बेयाव सायख’ जानाय थागिबि हारिनि राव जैरै- बर’, देउरी, राभा, मिछिं, गार’, तिवा, डिमासा, आदिबासी आरि राव आरो हिन्दी, बांला, नेपाली आरि रावआबो सोलिबोगासिनो दं।
5. असमीया थुनलाइया लिरनाय महर मोननायनि आगोलावनो समाजारिबादियै मा मा सोलिबोदों?
फिन्नाय: असमीया थुनलाइया लिरनाय महर मोननायनि आगोलावनो बाइदि बाइदि मेथाइ, बाथ्रा-फान्दाय, बाथ्राफाव, जेथोगोनां सोंलु, सल’ आरिया समाजारि बादियै सोलिबोदों।
6. टागला आरो गना अगानआ मा मा हारिनि गाननाय जोमनाय?
फिन्नाय: टागला – तिवाफोरनि गानग्रा सि।
गना अगान – मिछिंफोरनि गानग्रा सि।
7. असमीया हारिमुआव दोरोङारिबादियै सोलिबोनाय माखासे गहेना- फाथरिफोरा मा मा?
फिन्नाय: खोमानि खेरा, जनबिरि, दलबिरि, गामखारु, लकापार खपाफुल, कानफासा, गलफाथा, आस्थाम, थुरीया, डुगडुगी, साखिफुल आरि।
8. माबे फोरबोआ असमीया हारियारि फोरबो?
फिन्नाय: बैसागोआ असमीया हारियारि फोरबो।
9. आलि-आइ-लृगां आरो हेच्छाया मा मा हारिनि फोरबो?
फिन्नाय: आलि-आइ-लृगां-मिछिंफोरनि फोरबो।
हेच्छा- कार्बिफोरनि फोरबो।
Class 5 Environmental (EVS) Question Answer
| Chapter No. | CONTENTS |
| Chapter – 1 | जोंनि आबहावा |
| Chapter – 2 | जिबि आरो आबहावा |
| Chapter – 3 | बोथोर |
| Chapter – 4 | जिउ खुंनायनि लामा |
| Chapter – 5 | आदारनि गोनांथि |
| Chapter – 6 | आसामनि मिथिंगायारि सम्पद आरो सरैखाथि |
| Chapter – 7 | आसामनि हारिमु |
| Chapter – 8 | खैफोद आरो जों |
| Chapter – 9 | आबहावा गेब्रेंनाय |
| Chapter – 10 | जोंनि दारिमिनफोर |
| Chapter – 11 | जोंनि आफाद-फसंथानफोर |
| Chapter – 12 | जोंनि हादर |
| Chapter – 13 | भारत उदांस्रि सोमावसारनायाव आरो आसाम |
| Chapter – 14 | जोंनि समाजारि जेंना |
| Chapter – 15 | जोंनि सानफ्रोमबो जिउआव बिरोंदामिन |
| Chapter – 16 | जोंनि नसुं राज्योफोर |
| Chapter – 17 | सवगारि |
| Chapter – 18 | गोरलै गियान |
Notes of Class 5 Environmental (EVS) in Bodo Medium | Bodomedium Class 5 Environmental (EVS) notes इस पोस्ट में हम आपको ये समझा ने कि कोशिश की है की Bodo Medium Class 5 Environmental Question answer | SEBA Class 5 Environmental Question Answer In Bodo Chapter 7 अगर आप एक Bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।