SEBA Class 5 Environmental (EVS) Question Answer In Bodo Chapter 8 खैफोद आरो जों | Khefod Aro Jong | Class 5 Environmental Question Answer in Bodo As Per New Syllabus to each Chapter is provided in the list of SCERT, NCERT, SEBA खैफोद आरो जों Class 5 Environmental (EVS) Chapter 8 Question Answer/Class 5 EVS Chapter 8 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 5 EVS Question Answer In Bodo Chapter 8 Question Answer. Class 5 Environmental Question Answer Chapter 8 in Bodo. SEBA Class 5 EVS (Environmental) Question Answer In Bodo Medium Chapter 8 covers all the exercise questions in NCERT, SCERT.
Class 5 Environmental (EVS) Chapter 8 खैफोद आरो जों
SEBA Class 5 Environmental Notes Chapter 8 In Bodo खैफोद आरो जों । Khefod Aro Jong । Environmental Guide for Class 5th Chapter 8. Also Same NCERT Solutions for Class 5 EVS इस पोस्ट में हम आपको ये समझा ने कि कोशिश की है की Class 5 जों आरो जोंनि आबहावा Question Answer Chapter 8 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 5 EVS In Bodo Medium बोहत लाभदायक हो सकता है। Ncert/Scert Environmental Class 5 Chapter 8 मे आप अपना ध्यान लगाके पढ़ कर इस SEBA Class 5 Environmental Question Answer In Bodo Chapter 8 में अछि Mark ला सकते हो अपनी आनेवाली परीक्षा में।
खोन्दो 8 खैफोद आरो जों
Chapter 8 Khefod Aro Jong
फरानि सोंनायनि फिननाय
1. फिननाय लिर:
(क) मिथिंगायारियै जानाय मोनथाम खैफोदनि मुं रायखां।
फिन्नाय: मिथिंगायारियै जानाय मोनथाम खैफोदआ जादों- दै बाना, बांग्रिं, बारहुंखा।
(ख) बानायनाय दै बानायाव मा रोखोमनि जाब्रबथाइ जानो हागौ?
फिन्नाय: बानायनाय दै बानायाव जानाय मोनथाम जब्रबथाइ:
(i) नोगोर-सहराव गोबाङै अखा हायोब्लानो अखानि दैआ दाखोर दालाफोरखौ बोहैखार लांनानै नाला-हाखराव ज’ खालामहैयो। जाउनाव नाला-हाखरनिफ्राय अखानि दैआ ओंखार लांनो हायिलाय दै बाना सोमजि होयो।
(ii) हाखर बिलो आरि फबनानै मानसिया थानो लानायनि जाउनावबो अखानि दैआ जमा जानानै थानो थाखाय दैब’ बारिनि आंखाल जायो। बेनि जाउनाव दान्दिसे बुरजा अखा हायोब्लानो न’- बां, लामा-सामा लोमस्रावो।
(iii) हाजोनि बिफां-लाइफां दानस्त्रांनायनि थाखाय हाजोनि हाया अखाजों लोगोसे ओंखारबोनानै फैलाव हायेननि नोगोर-सहरनि नाला हाखर आरिखौ फबो। जाउनाव दै ओंखार लांनो हायियाव बानायनाय दै बाना सोमजियो।
(ग) हाग्रामा अर सोमजिनाया माबोरै जायो?
फिन्नाय: हाग्रामायाव जोंखांनाय अरखौनो हाग्रामा अर बुङो। माब्लाबा हाग्रा-बंग्रायाव मिथिंगायारि जाहोनाव गावनो गाव जोंखांनाने हाग्रामा अर सोमजियो, जैरै- अन्थाइजों अन्थाइ हुथ्रोदलायनानै, सारअन्थाइ गोग्लैनाय आरो मोब्लिब तारा हाग्राबारियाव जस ‘नानै गोग्लैनाय जाउनाव।
मानसिया जुम आबाद मावनो हाजोनि बिफां-लाइफांफोरखौ अर सावनानै आबादनि हाखौ लांदां खालामना लायो। अरनारि जिउनां होखारनो मानसिया माब्लाबा हाग्राबारियाव अर सावनानै होयो। मानसिनि माखासे आवसारि हाबानि जाउनाव जेरै सलाइनि जोंनाय खाथिखौ हाग्राबारियाव गारनाय जाउनाव हाग्राबारियाव अर खामना हाग्रामा अर सोमजियो।
(घ) हा गिसिखानायनि जाहोनफोरखौ लिर।
फिन्नाय: जिरायथयै अखा, बारहुंखा, हाग्रा-बंग्रा दानस्रांनाय, हा जावख’नाय आरिनि थाखाय हाया गुरै जानानै हा गिसिखानाय जायो। दैमानि देरबोनाय दैनि गोनों गोख्रों दाहाराव गेवसारै हा खुरखानाय जानाय जाउनाव खाथिखाला हालामनि बिफां-लाइफां, मानसिनि न’-बां, धोन-सम्पति, आबादथिलि आरिया दैमानि बिखायाव गोमोर लाङो। दैमायाव खुरखानाय जानानै एबा हाजोनि हा, अन्थाइ आरि गोबारै गोग्लैबोनानै हा खुरखानाय जायो।
2. ‘क’ बाहोगोखौ ‘ख’ बाहागोजों गोरोब हो–
| क | ख |
| हा-गिसिखानाय | दैनि फुंखाफोर रानलाङो। |
| खरां | बहुमनि सा-बाहागोआ हरखाब मावग्लुङो। |
| हाग्रामा अर | दैब’ हाया दैजों लोमस्त्राव जोबो। |
| बांग्रि | गुवारै हा, बाला, अन्थाइ आरि गोग्लैबोयो। |
| दै बाना | हाग्रामायाव नांनाय अर। |
फिन्नाय:
| क | ख |
| हा-गिसिखानाय | गुवारै हा, बाला, अन्थाइ आरि गोग्लैबोयो। |
| खरां | दैनि फुंखाफोर रानलाङो। |
| हाग्रामा अर | हाग्रामायाव नांनाय अर। |
| बांग्रि | बहुमनि सा-बाहागोआ हरखाब मावग्लुङो। |
| दै बाना | दैब’ हाया दैजों लोमस्त्राव जोबो। |
3. गाहायाव होनाय खैफोदफोरनि सोमोन्दै गुसुङै लिर–
(क) खरां।
फिन्नाय: खरां: गोबाव सान अखा हायिनि थाखाय भुम बिखं आरो थुम गोरबोनि फुंखाफोरा रानजोबो। हाया रानलांनायनि जाउनाव गावब्रायो। मानसि, जिउआरि, दाउसिन-दाउला आरो बिफां-लाइफांहा दैनि आंखाल जायो। बिफां-लाइफांफोरा रानज्रिं लाङो। दैनि आंखालाव आबादारिया आबाद मावनो हाया। आबाद जायिनि जाउनाव आदार मुवानि ‘आंखाल जायो।
खरांआ मोनसे मिथिंगायारि खैफोदब्लाबो मानसिया गोसो बादियै बिफांलाइफां दानस्त्रांनायनि थाखायबो अखानि बिबाङा बाङाइ जानानै खरां बोथोर सोमजिनो हागौ।
(ख) हा गिसिखानाय।
फिन्नाय: हा गिसिखानाय: जिरायथ ‘यै अखा, बारहुंखा, हाग्रा-बंग्रा दानस्रांनाय, हा जावख ‘नाय बाइदिनि थाखाय हाया गुरै जानानै हा गिसिखानाय जायो। दैमानि देरबोनाय दैनि गोख्रों दाहाराव गेवसारै हा खुरखानाय जानाय जाउनाव खाथि खाला हालामनि बिफां-लाइफां, मानसिनि न’-बां, धोन-सम्पति, आबादथिलि बाइदिया दैमानि बिखायाव गोमोर लाङो। दैमायाव खुरखानाय जानानै एबा हाजोनि हा, अन्थाइ आरि गोबोरै गोग्लैबोनाने हा खुरखानाय जायो। हा गिसि खानाय जाउनाव हाजोआरि ओनसोलनि लामा-सामा बन्द जायो, हान्था-मेलायाव हेंथा सोमजियो।
(ग) बांग्रिं।
फिन्नाय: बांग्रिं: बांग्रिंआ हरखाबै जाब्रबनाय मोनसे गिलु-बालु मिथिंगायारि खैफोद। बुहुमनि सा बाहागोआ हरखाबै मावखाङोब्ला एबा खम्फि खाङोब्ला बांग्रि मावदों होन्ना बुंनाय जायो। बे बांग्रिंनि गोख्रोंथिया माब्लाबा खम, माब्लाबा बारा, माब्लाबा गेजेरारि नङाबा माब्लाबा जोबोर बाराबो जानो हागौ।
4. फारागथि लिर:
(क) खरां आरो दै बाना।
फिन्नाय: खरां आरो दै बाना: गोबाव सान अखा हायिनि थाखाय भुम बिखं आरो भुम गोरबोनि फुंखाफोरा रानजोबो। हाया रानलांनायनि जाउनाव गावब्रायो। मानसि, जिउआरि, दाउसिन-दाउला आरो लाइफांहा दैनि आंखाल जायो। बिफां लाइफांफोरा रानज्रिंलाङो। दैनि आंखालाव आबादारिया आबाद मावनो हाया। खरांआ मोनसे मिथिंगायारि खैफोदब्लाबो मानसिया गोसो बादि बिफां-लाइफां दानस्रांनायनि थाखायबो अखानि बिबांआ बाङाइ जानानै खरां बोथोर सोमजिनो हागौ।
आसामाव दैज्लां बोथोराव बांसिनै अखा हायोखायनो दैमा-दैसा आरिनि दैब’ बारिफोराव लासै लासै दैआ बुंबोनो हमो। जेब्ला बे अखानि बिबाङा बांसिन जायो, अब्ला हाजोफोरनिफ्राय ओंखार बोनाय दैआ दैब ‘फोरखौ उसिफाव होयो। अब्ला उसिफावनाय दैब ‘फोरनि दैआ खाथि- खालानि हालामफोरखौ दोबैहोयो। बेखौनो दैबाना होननानै बुंनाय जायो।
बुहुमनाङै दुंथाइनि जाउनाव बरफ गलिनानै एबा गेदेर बांग्रिं जानायनि जाउनाव दै बाना जानो हागौ। बेफोरो जाबाय आबुङै मिथंगायारि जाहोनाव जानाय दै बाना।
(ख) मिथिंगायारि खैफोद आरो सुबुं सोरजिनाय खैफोद।
फिन्नाय: मिथिंगायारि खैफोद आरो सुबुं सोरजिनाय खैफोद: मिथिंगायारि खैफोदआ हरखाबै फैयो। बे खैफोदआ गुबैयै मिथिंगायारि जाहोनाव सोमजियो। मिथिंगायारि खैफोदनि जाउनाव सुबुंनि धोन-सम्पतिया सिलिंखार जानायनि अनगाबो माब्लाबा जिबनि जिउ खहाबो जानो हागौ। खैफोदनि जाउनाव आबहावानि सोलायनाय आरो गोबां खहा जानो हागौ।
सुबुं सोरजिनाय खैफोदआ मानसिनि सांग्रांथि गैयिनि जाउनाव जायो। खैफोदआ जैरैखि दाजाथों बेनि फिथाइया जोबोर गिथाव बाथाव जानो हागौ।
5. लांदां जायगाखौ आबुं खालाम।
(क) 1950 मायथाइयाव आसामाव गेदेर……… जादोंमोन।
फिन्नाय: दैबाना।
(ख) हाग्रामा खालामनायनि गेजेरजों………. होबथानो हायो।
फिन्नाय: दैबाना।
(ग) सारअन्थाइ गोग्लैनानै मिथिंगायारियै हाग्रामायाव……… नाङ़।
फिन्नाय: हाग्रामा अर।
(घ) बाघजान थावारि हाखरनि बेरफ्रुनाया मोनसे……….. जाब्रबथाइ।
फिन्नाय: गेदेर दारिमिनारि।
6. खैफोद बुङोब्ला मा बुजियो?
फिन्नाय: खैफोद बुङोब्ला जों बेखौनो बुजियो दि मिथिंगायारि आरो सुबुं सोरजि जाथाइ एबा फिन फिथाइया गिथाव महर लानानै हरखाबै आबहावानि सानख ‘हायि खहा खालामनाय जाथाइ एबा फिन फिथाइफोर। बिदिन्थि महरै- गेदेर बांग्रिं, बारहुंखा, दैबाना आरिया मोनफा मोनफा खैफोद।
होफादेरनाय सोंनायनि फिननाय
1. मानसिया दैबानानिफ्राय बारग ‘नो थाखाय लानो हाथाव माखासे राहा मख’:
फिन्नाय: दै बानानिफ्राय बारगनाय राहा:
(क) दैब’ जायगाखौ फबनानै जेराव-मेरावनो बिथांखि गैया लासिनो न’-बां लुनायखौ बन्द खालामनाय।
(ख) दैब’ जायगाखौ सरैखाथिनि राहा लानाय।
(ग) दै बोहैगारलांनो नाला-जाम्फै जाउनाय।
(घ) जाबोर-जोथोर जेराव-मेराव गारनाय आरो दामोल खालामना दोननायखौ बन्द खालामनाय।
(ङ) बिफां गायनाय।
(च) न’नि बिथाखौ गोजौ खोनाय।
2. दै बानाया जोंनो मोननै बानजायनाय मख’।
फिन्नाय: दै बानाया जोंनो बानजायो:
(i) दै बानानि उसिग्लायनाय दैया बोहैखारहोना लाबोनाय फलन्थ गोग्लैना हाया हासार गोनां जानानै गोबांसिन फसल दिहुननायाव हेफाजाब खालामो।
(ii) दैमा-दैसानि दैखौ आबुं खालामनानै दै रोगाथाइ राहानि जेंनाखा सुफुङो।
3. बांग्रिंङा मा?
फिन्नाय: बांग्रिंङा हरखाबै जाब्रबनाय मोनसे गिलु-बालु मिथिंगायारि खैफोद। बुहुमनि सा बाहागोआ हरखाबै मावखाङोब्ला एबा एम्फिखाङोब्ला बांग्रिं फैदों होनना बुंनाय जायो। बे बांग्रिंनि गोख्रोंथिया माब्लाबा खम, माब्लाबा बारा, माब्लाबा गेजेरारि नाङाबा माब्लाबा जोबोद बाराबो जानो हागौ।
4. बांग्रिं मावनायनि जाउनाव मा मा जानो हागौ?
फिन्नाय: बांग्रिं मावनायनि जाउनाव:
(i) माब्लाबा हाया गावस्रानानै सासिम दै आरो बाला ओंखारबोयो।
(ii) न’-बां बायो।
(iii) दैमा दैसानि बोहैनाय लामाया सोलायो।
(iv) दैमा-दैसानि बान्दोआ बायनानै दैबाना जायो।
(v) माब्लाबा हा-गिसिखायो।
(vi) हा-सिंनिफ्राय हा, बाला, अन्थाइ आरि दावखोबोनानै दहला हाखौ गोजौ खालामना होयो।
(vii) हा-बिखुंनि हाया गाहायाव जस्लोदना हाखर बिलो, दैब’ बारि आरि सोमजिहोयो।
(viii) बांग्रिं मावनायनि जाउनाव लैथोनि दैयाव गुथाल सोमजियो। बिब्दि गुथाला गोबां मिटार गोजौसिम दावखोना गुवारै सोरगिदिं गोसारद्लाना लैथोआरि रुगुं ओनसोलाव दैबाना सोमजिहोयो। जायखौ चुनामी होनना बुंनाय जायो।
5. बांग्रिं मावोब्ला लानो गोनां राहाफोरा मा मा?
फिन्नाय: बांग्रिं मावोब्ला लानो गोनां राहाफोरा जादों:
(क) गिनानै खारला-खारसि खालामनो नाङा।
(ख) न’नि सिङाव थायोब्ला इनजुरनि सेराव गसंना थानांगौ नङाबा बिसिना एबा आरांगानि सिङाव आस्रय लानांगौ।
(ग) फरायसालियाव थानाय समाव बांग्रिं मावोब्ला बेन्सि एबा आरांगानि सिङाव आस्रय लानानै खुन्थियायाव गोबाख्रबना थानांगौ।
(घ) हायोब्ला लांदां जायगासिम ओंखारबोनांगौ।
(ङ) अर जोंबाय थानानै दङ’ब्ला खोमोरनांगौ।
(च) गोजौ बिफांनि सिंनिफ्राय जानगाराव थानांगौ।
(छ) गोजौ फाखा न’ जायोब्ला बायजोसिम ओंखारबोनो लिफट बाहायालासिनो सिरिजों ओंखारबोनांगौ।
6. बांग्रिं मावनायनिफ्राय जानाय खहाखौ खमायहोनो मा मा राहा लानो हायो?
फिन्नाय: बांग्रिं मावनायनिफ्राय जानाय खहाखौ खमायहोनो थाखाय लानाय राहाफोर:
(क) बिथांखि गैयालासिनो बुरजा थालागोनां न’ लुनो’ नाङा।
(ख) न’नि इनजुर, उखुम, खुन्थिया आरियाव थानाय गावब्रानाय। एबा गोबाय-गिजि बाहागोखौ फाहामनानै लाखिनांगौ।
(ग) फिसा-फिला जखम जानायनि सोखाथाइनि थाखाय गुदि सोखाथाइ बागसु थानांगौ।
(घ) मोब्लिब सोंखनथाइयाव जेंना दङ’ब्ला फाहामनानै दोननांगौ।
(ङ) बांग्रिं मावनायनि आगु-मिथिसारखौ टि. भि., रेडिअ आरियाव फोसावनाय जायो। न’आव बेटारीगोनां रेडिअ थानाया गोनांथार जाहाथे बांग्रिं मावनायनि जाउनाव मोब्लिब दाहार गैयि जाब्लाबो न’आव थानानैनो बांग्रिं मावबाय थानाय समाव फोसावनाय गासिबो खौरांखौ मोननो हायो।
(च) न’खरनि बयबो सुबुङा संग्रा गेस, दै, मोब्लिब बाथि आरिनि सोंखनथाइखौ बन्द खालामनो सोलोंनांगौ।
7. हा-गिसिखानाय होनोब्ला मा बुजियो?
फिन्नाय: हा-गिसिखानाया जाबाय गुबुन मोनसे मिथिंगायारि खैफोद। सरासनस्रायै हाग्रामा फोजोबस्रांनाय, खनि जाउखनाय आरिनि जाउनाव माबेबा दाबसे जायगानि हा, बाला, अन्थाइ आरिया गुवारै गुगालाङो। बेनो जादों हा-गिसिखानाय।
8. हा-गिसिखानायनि मोनथाम जाउनखौ लिर।
फिन्नाय: हा-गिसिखानायनि मोनथाम जाउन:
हा-गिसिखानायनि जाउनाव माब्लाबा हाजोआरि ओनसोलनि लामा सरगफोरा बन्द जायो। माब्लाबा बे हा-गिसिखानायनि जाउनाव न’ बायसिनना मानसिनि जिउआबो गोमानो हागौ। दैमा-दैसानि हाब्रां खुरखानानै हा-गिसिखानाय जाउनाव गोबां मानसिनि थाग्राखुलिया दैमा-सानि बिखायाव दोबैलांबाय।
9. हा-गिसिखानायखौ माबोरै होबथानो हागौ?
फिन्नाय: समाजारि हाग्रामा बानायना हा-गिसिखानायखौ होबथानो हायो। मानोना बिफां-लाइफांनि रोदाया हायाव सुथाबना थानानै हानि खुरखानायखौ होबथायो। बेनिखायनो गोबां बिफां-लाइफां थानाय ओनसोल मोनसेनि हा गिसिखानाया सरासनस्रायै बिफां-लाइफां खम थानाय ओनसोलनिख्रुइ खम बिबांनि जायो।
10. दै बानाया मा? बेयो जोंनि मा मा खहा खालामो?
फिन्नाय: दै बानाया आसामनि मोनसे एंगार हायि मिथिंगायारि खैफोद। आसामाव दैज्लां बोथोराव गोबां अखा हायो। अखा हादैया हाजो- हालानिफ्राय बोहैग्लायबोनानै हायेननि हाखर-हाला, बिलो, दैमा-दैसा आरि दैब जायगाखौ उसिफाव होयो। अखाया गोब्रांद्राय हायोब्ला दैबानानि दैया लासे लासै दैब’ बारिनि नांजाबनाय खाथिखाला ओनसोलफोरखौ लोमस्रावजोबो। दै बानाया मानसिनि न’-बां, धोन-दौलद, आबाद दुब्लि आरिनि गोबां खहा खालामो। दैबाना जायोब्ला गोबां न ‘खराव फिसिनाय जिउनां, अरनारि जिउनां, दाउमा-दाउसा आरिया थैनो गोनां जायो।
11. भुपाल गेस जाब्रबथाइनि सोमोन्दै सुंद ‘यै लिर।
फिन्नाय: भुपाल गेस जाब्रबथाइया मोनसे रोखोमनि सुबुंसोरजि खैफोद। 1984 मायथाइयाव मध्यप्रदेशनि भुपालाव थानाय इउनियन कार्बाइड इण्डिया लिमिटेड कारखानानिफ्राय हरखाब जाथाइयाव गोग्लैना बिसगोनां गेस ओंखारदोंमोन। बे गेसा 5 कि.मि. सिम गोसारना बारमण्डलाव लोगोनांहैदोंमोन। जाउनाव मानसिनि लोगोसे जिउनाङाबो बे बिसगोनां गेसखौ लानायनि जाउनाव थैनांगौ जादोंमोन। बेयो भुपाल गेस जानबथाइ हिसाबै मुदांखा।
12. सुबुं सोरजिथाइ खैफोद माखौ बुङो?
फिन्नाय: मानसिनि मावनाय-दांनाय, हाबा-हुखा आरिनि गेजेरजों सोमजिनाय खैफोदखौनो सुबुं सोरजिथाइ खैफोद बुंनाय जायो। बिदिन्थि महरै-बानायलु दै बाना, हा गिसिखानाय आरिया सुबुं सोरजि खैफोद।
13. मिथिंगायारि सोरजिथाइ खैफोद माखौ बुङो?
फिन्नाय: मिथिंगायारियै सोमजिखांनाय खैफोदखौनो मिथिंगायारि सोरजिथाइ खैफोद बुंनाय जायो। बिदिन्थि महरै-बारहुंखा, बांग्रिं आरिया मिथिंगायारि सोरजिथाइ खैफोद।
14. खैफोदनि सरासनस्रा गोहोमफोरा मा मा?
फिन्नाय: खैफोदनि सरासनस्रा गोहोमफोरा जादों:
(क) खैफोदनि जाउनाव बिफां-लाइफांनि लोगोसे हाग्रामा ओनसोला सिलिंखार जायो।
(ख) मानसि आरो जिउनां मोननैबो खैफोदनि मोगा-मोगि जायो एबा थैनांगौबो जायो।
(ग) मिथिंगायारि आबहावाया जोबस्राङो।
(घ) दाबफा दाबफा गेदेर हालामाव आदार, सि-जोम आरो थाग्राखुलिनि आंखाल जायो।
(ङ) खैफोदनि गोहोमाव आबहावाया गेब्रेंनाय जायो।
(च) सरासनम्रा राइजोआ गिनानै समखियो।
(छ) हादरनि जौगानाय बिथिङाव हेंथा सोमजियो।
Class 5 Environmental (EVS) Question Answer
| Chapter No. | CONTENTS |
| Chapter – 1 | जोंनि आबहावा |
| Chapter – 2 | जिबि आरो आबहावा |
| Chapter – 3 | बोथोर |
| Chapter – 4 | जिउ खुंनायनि लामा |
| Chapter – 5 | आदारनि गोनांथि |
| Chapter – 6 | आसामनि मिथिंगायारि सम्पद आरो सरैखाथि |
| Chapter – 7 | आसामनि हारिमु |
| Chapter – 8 | खैफोद आरो जों |
| Chapter – 9 | आबहावा गेब्रेंनाय |
| Chapter – 10 | जोंनि दारिमिनफोर |
| Chapter – 11 | जोंनि आफाद-फसंथानफोर |
| Chapter – 12 | जोंनि हादर |
| Chapter – 13 | भारत उदांस्रि सोमावसारनायाव आरो आसाम |
| Chapter – 14 | जोंनि समाजारि जेंना |
| Chapter – 15 | जोंनि सानफ्रोमबो जिउआव बिरोंदामिन |
| Chapter – 16 | जोंनि नसुं राज्योफोर |
| Chapter – 17 | सवगारि |
| Chapter – 18 | गोरलै गियान |
Notes of Class 5 Environmental (EVS) in Bodo Medium | Bodomedium Class 5 Environmental (EVS) notes इस पोस्ट में हम आपको ये समझा ने कि कोशिश की है की Bodo Medium Class 5 Environmental Question answer | SEBA Class 5 Environmental Question Answer In Bodo Chapter 8 अगर आप एक Bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।