SEBA Class 5 Bodo Question Answer Chapter 2 दाउ आरो मानसि | Dau Aro Mansi | Class 5 Ankuran Question Answer in Bodo As Per New Syllabus to each Chapter is provided in the list of SCERT, NCERT, SEBA दाउ आरो मानसि Class 5 Bodo Mil Chapter 2 Question Answer/Class 5 Bodo Chapter 2 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 5 Ankuran Question Answer In Bodo Chapter 2. Class 5 Bodo Solution Chapter 2. covers all the exercise questions in NCERT, SCERT.
Class 5 Bodo Chapter 2 दाउ आरो मानसि
SEBA Class 5 Bodo Notes Chapter 2 In Bodo दाउ आरो मानसि। Dau Aro Mansi। Bodo Guide for Class 5th Chapter 2. Also Same NCERT Solutions for Class 5 Bodo इस पोस्ट में हम आपको ये समझा ने कि कोशिश की है की Class 5 Bodo Question Answer Chapter 2 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 5 Ankuran In Bodo Medium बोहत लाभदायक हो सकता है। Ncert/Scert Bodo Class 5 Chapter 2 मे आप अपना ध्यान लगाके पढ़ कर इस SEBA Class 5 Bodo Question Answer Chapter 2 में अछि Mark ला सकते हो अपनी आनेवाली परीक्षा में।
खोन्दो 2 दाउ आरो मानसि
Chapter 2 Dau Aro Mansi
क-फरगुदियारि
मावफारि
1: सल ‘खौ मोजाङै फराय आरो गावनि रावजों लिर।
फिननाय: (फरानि गुबै रावखौ नाय।)
2: फिननाय हो-
(क) बोर्लास्रोनआ माबायदि आखुनि राजामोन?
फिननाय: बोर्लास्रोनआ दुथां आखुनि राजामोन।
(ख) बोर्लास्रोननि आंगो जामुंआ मामोन?
फिननाय: बोर्लास्रोननि आंगो जामुंआनो जाबाय दाउ मैहुर खालामना जानाइ।
(ग) सल’ आव मानसिनि बानजायग्रा जिउनां होन्ना सोरखौ बुंनाय जादों?
फिननाय: सल ‘आव दाउ हारिखौ मानसिनि बानजायग्रा जिउनां होन्ना बुंनाय जादों।
(घ) मोनबारुआ हाबा लानाय राजखुंग्रिनि मुंआ मा?
फिननाय: मोनबारुआ हाबा लानाय राजखुंग्रिनि मुंआ अनाथिमोन।
(ङ) मोनबारुआ राजाखौ राइजोनि गोजोननि थाखाय मा खालामनो सुबुरुन होदोंमोन?
फिननाय: राइजोनि गोजोननि थाखाय मोनबारुआ राजाखौ दाउ मैहुर खालामनायखौ एंगारस्रांनो थाखाय सुबुरुन होदोंमोन।
3: सोर, सोरखौ, माब्ला आरो मानो बुंदोंमोन बेखेवना लिर।
(क) “थारैनो दाउफोरआ आबादारिफोरनि आंगो लोगो। बेनिखायनो राइजोनि गोजोननि थाखाय नोंथाङा दाउ मैहुर खालामनो एंगारस्रायोब्ला मोजां जागौ।”
फिनः “थारैनो दाउफोरआ आबादारिफोरनि……… एंगारस्रायोब्ला मोजां जागौ।”
गोजौआव होनाय बाथ्रा सिरिखौ “दाउ आरो मानसि” मुंनि सल ‘निफ्राय लानाय जादों। बे बाथ्रा सिरिखौ मोनबारुआ राजा बोर्लास्रोनखौ थांखिना बुंदोंमोन।
मानोना राजा बोर्लास्रोनआ दाउफोरखौ मैहर खालामना जायोमोन। जाहोनाव दाउफोरआ जोबलांनो हमदोंमोन। आबाद खहा खालामग्रा एमफौ एनला हमना जानो आबाद रैखा खालामनो दाउफोरआ गोमालांनो हमदोंमोन। जायनि जाहोनाव आबाद फोथारआव आबाद खहा खालामग्रा एमफौफोरा बांलांना आबाद खहा खालामनो हमदोंमोन। राजानि बेबायदि दाउ मैहुर खालाम नायखौ मोनबारु सेंग्राया नागारनो थिनदोंमोन आरो राइजोनि गोजोननि थाखाय गोजौनि बाथ्राजों राजाखौ सुबुरुन होदोंमोन।
(ख) “बे दाउफालोखौ नोंथाङा लाना थांदो। दाउफालोखौ नोंथाङा गावनि फिसा बादियै फिसिना गेदेर गोलाउ खालाम।”
फिननाय: “बे दाउफालोखौ नोंथाङा………… गेदेर-गोलाउ खालाम।”
गोजौनि बाथ्रा सिरिखौ “दाउ आरो मानसि” सल ‘निफ्राय लानाय जादों। बे बाथ्रा सिरिखौ मोनबारुआ राजा बोर्लास्रोनखौ बुंदोंमोन।
सानसे समाव राजाया दाउ मैहुर खालामना जानानै दाउफोरखौ फोजोब स्रांजोबदोंमोन। जाहोनाव आबाद खहा खालामग्रा एमफौ-एनला खनना जाग्रा दाउफोरनि आंखालआव आबाद फोथारआ एमफौ एनलाज़ं जाजाना लांदां जालांदोंमोन। राइजोनि मानसिफोरा आंखाल जालांदोंमोन। राजायाबो उनाव आंखालआव गोग्लैना माइरं मागिना जानो गोनां जादोंमोन। सानसेखालि राजाया मागियै मागियै मोनबारुनि राइजोआव मोनहै दोंमोन। मोनबारुआ राजाखौ गावनि राजउलाफादआव बरायना लांदोंमोन आरो गावनि सिनायथिखौ होदोंमोन।
मानोना सानसे समाव राजाखौ मोनबारुआ दाउ गावथारनायनि थाखाय हेंथा होदोंमोन। नाथाइ राजाया जेबो खोथा खोनासाङाखिसै। दुखुजों मोनबारुआ राजानि राइजोखौ नागारना गुबुन दरसे राइजोआव थांनायसै आरो बै राइजोनिनो राजानि सासेल’ फिसाजो अनाथिजों हाबा जानानै बै राइजोनि राजा जाहैदोंमोन। मोनबारुनि बाथ्रा खोना सङैनि थाखाय राजाया दिनै बिबायारि जानांनायसै। इयुनाव नोंथाङा दाउ सिथार नांलिया होन्नानै फालोसे दाउ फान्जारिआव सोनानै बोर्लास्रोन राजानो उनमुं महरै होनानै गोजौनि बाथ्रा सिरिखौ मोनबारुआ बुंदोंमोन।
4: जाहोन दिन्थिना लिर-
(क) बोर्लास्रोन राजानि राज्योआव मानो अखा गया जाखो?
फिननाय: बोर्लास्रोन राजाया दाउफोरखौ मैहुर खालामना जानायनि जाहोनाव दाउफोरआ जोबस्रां लांदोंमोन आरो एमफौ-एनलानि अन्जिमाया बांलांना दुब्लिनि आबाद जाना फोजोबनो हमदोंमोन। बिफां-लाइफांफोर बेनदों बिलाइ बायदि गासैबो रानजोब लांदोंमोन। बेबादिनो बोर्लास्रोन राजानि राज्योआव अखा गया जालांदोंमोन।
(ख) एमफौ-एनलानि अन्जिमा बांनाया बोर्लास्रोननि राज्योआव मा जाथाइ सोमजि होखो?
फिननाय: एमफौ-एनलानि अनजिमा बांनाया बोर्लास्रोनलि राज्योआव जोबोद आंखाल सोमजि होदोंमोन। दुब्लिनि आबादफोरखौ जाना लानदां-सिदां खालामदोंमोन। बिफां-लाइफां, बेनदों बेनला गासैबो रानलांनो हमदोंमोन जाहोनाव अखा हाया जालांदोंमोन। रायजो-राजा बयबो जामुंनि आंखालाव गोग्लैना बिबायारि जानो गोनां जादोंमोन।
(ग) मोनबारुआ बोर्लास्रोनखौ माबादि मदद खालामदोंमोन?
फिननाय: बोर्लास्रोनआ बिबायारि जानायाव मोनबारुआ गावनि राज उलाफादआव बरायना लांनानै आलासि सोंहै दोंमोन राइजोनि आंखालखौ फोजोबनो थाखाय दाउ सिथारनो नांलिया होन्नानै सुबुरन होदोंमोन। मानोना दाउफोरासो आबाद खहा खालामग्रा एमफौ-एनलाखौ हमना जायो आरो आबाद रैखा खालामो। बेनिफ्राय मोनबारुआ बोर्लास्रोननो गावनि राज्योनिफ्राय फालोसे दाव फानजारिआव सोनानै अनमुं महरै हरो आरो गावनि फिसा बायदि हाय गेदेर गोलाव खालामनो सुबुरन होयो आरो आबाद रैखा खालामनायाव मदद खालामो।
5: राजा बोर्लास्रोनआ बिबायै बिबायै थांना सोरनि राज्योआव सहैदोंमोन। बेनि उनाव बिथांआ मा जादोंमोन फोरमायना लिर।
फिननाय: राजा बोर्लास्रोनआ विवायै विवायै थांना मोनबारुनि राज्योआव सहैदोंमोन। बेनि उनाव मोनबारुआ गावनि सिनायथिखौ बोर्लास्रोननि सिंगांआव होदोंमोन आरो बुंदोंमोन नोंथांखौ दाउ गावथारनायाव आंनो हेंथा होदोंमोन। नाथाय नोंथाङा आंनि बाथ्राखौ खोना साङाखिसै। बेनिखाइनो नोंथाङा बेबायदि गाज्रि फिथाइखौ मोनदों। बेबायदि बुंनानै मोनबारुआ बोर्लास्रोनखौ इयुनआव माब्लाबाबो दाउ गावथार नाङा होन्नानै सुबुरन होनायसै। उनाव मोनबारुआ बोर्लास्रोननो फालोसे दाव फिनजारिआव सोनानै गावनि राज्योनिफ्राय हरदोंमोन। आरो बेखौ आलो आलो फिसा बादियै गेदेर गोलाव खालामनो थिनदोंमोन। दाउफोरखौ बुथारना जोबोद आंखालआव गोग्लैना बिबायारि जानांनानै बोर्लास्रोनआ उनाव उनदाहा खालामदोंमोन आरो उनाव बिथाङा दाउफोरखौ बुथारनो नागारनायसै आरो गावनि राज्योनि आंखालखौ सुफुंनो नाजा नायसै।
(ख) राव फरायसंनाय (बाहायारि रावखान्थि)
सों 6: उल्था आथोन फोरमायना सोदोब लिर-
| आथोन | उल्था आथोन |
| राजा | रानी |
| हौवासा | हिनजावसा |
| लोगो | सुथुर |
| सेंग्रा | सिख्ला |
| हौवा गोदान | हिनजाव गोदान |
7: सोदोब सिफायना दिन्थि
| सोदोबमा | सोदोब | बेखेवफा |
| मोनबारुआ | मोनबारु | + आ |
| सेंग्राया | सेंग्रा | + या |
| दाउफालोखौ | दाउफालो | + खौ |
| राजाखौ | राजा | + खौ |
| थिरजों | थिर | + जों |
| हादरसिम | हादर | + सिम् |
8: उल्था ओंथि दिन्थिग्रा सोदोब लिर-
| सोदोब | उल्था सोदोब |
| साबजानाय | साबजायि |
| बान्था | साजा |
| आगान सुरजेननाय | जोबथा आगान |
| मोजां फिथाइ | गाज्रि फिथाइ |
| खुंग्रि | खुंगुर |
| गोजोन गैयि | गोजोनथाव |
| आंगो | जुदा |
| नुजाथिनाय | गोमोर लांनाय |
9: बाथ्रा दा-
आलो-गोजोन- मोनबारुआ आला-गोजोनै राज्यो जादोंमोन। गेदेर गोलाउ- गेदेर गोलाउ जाबोला मान मोनो।
दाउमा दाउसा- दाउमा-दाउसाखौ मैहुर खालामनाया मोजां नाङा।
बिफां-लाइफां- बिफां-लाइफांआ जोंनो अक्सिजेन होयो।
हालाय-हाफाय- बोर्लास्रोनआ सानसे समाव हालाय-हाफाय जानादोंमोन।
10: फरानिफ्राय नागिरनानै दिहुनना गाहायनि फारिलाइयाव मुंमा, मुंराइ आरो मुंलालि सोदोबमा लिर।
फिननाय:
| मुंमा | मुंराइ | मुंलालि |
| दाउ | बिथाङा | गुरै |
| मोनबारु | बै | मोजां |
| राजा | बिनि | खहा |
| ओंखाम | बयबो | बानजायग्रा |
| दाउस्रि | आंखाल |
ग – गियान फेहेरनाय
11 : दाउआ जोंनि मा मा बान्जायो हान्जायाव सावरायना लिर।
फिननाय: दाउ-आ जोंनि थाखाय गोबां बान्जायथाव खामानि मावो। जों मिथिगौदि दाउस्रि बायदि दाउफोरा फोथारनि आबाद खहा खालामग्रा एमफौ एनलाफोरखौ हमना जायो आरो आबादफोरखौ रैखा खालामो। नआव फिसिजानाय दाउफोराबो बायदि रोखोमनि खहा खालामग्रा एमफौ-एनलाफोरखौ जानानै जोंनि थाखाय- बानजायथाव खामानि मावो।
12: दाउ-मि, बिफां-लाइफांनि-लोगोआव मानसिहा नांजाबफानाय सोमोन्दोनि बाथ्राखौ हान्जायाव सावरायना लिर।
फिननाय: दाउ-मि, बिफां-लाइफांजों मानसिहा एंगारनो हायै सोमोन्दो दङ। जेरैहाय दंफां-लाइफांआ जोंनो अक्सिजेन होयो। अक्सिजेन गैयाब्ला मानसि जुनाद रावबो थांनानै थानो हाया। बेनि अनगायैबो दंफां- लाइफांआ मानसिनो थाना थानो थाखाय गोबां रोखोमनि-
फिथाइ-सामथाइ, न ‘बानायनो थाखाय काठ, आदार फोमोनना जानो बन, बायदि रोखोमनि-सियार, तेबुल, बेन्स (फार्निसियार) बायदि बायदि बानायनायाव गोबां बिहोमा होयो। बेखाइनो बिफां लाइफांआ मानसिजों खथि सोमोन्दो दङएबा नागारलायनो हायै सोमोन्दो दङ।
दाउ-मि फोराबो मानसिजों खथि सोमोन्दो दङ। मानोना दाउफोर फोथारनि आबाद खहा खालामग्रा एमफौ एनला हमनानै जायो आरो आबाद रैखा खालामो। बिफां लाइफांआव थानाय खहा खालामग्रा एमफौ फोरखौ जानानै बिफां-लाइफांखौ रैखा खालामो। बेफोरो जोंनि थाखाय जोबोद बानजाथाव।
फारसेथि न’आव फिसिजानाय दाउफोराबो मानसि माहारिनि गोबां बानजाथाव खामानि मावना होयो। दाउ अमा, बोरमा-मोसौ मैसो, मै बायदि जुनार फोरखौ न ‘आव फिसिनानैबो मानसिया गोबां बानजाथाव हाबा मावनो हायो। जेरैहाय- मोसौ, मैसोआ जोंनो गायखेर होयो लोगोसेनो मोसौ-मैसोनि खि (गोबोर) खौ फोथारआव सारना हासार गोनां खालामनो हायो। बोरमा मेन्दानि खोमोनखौ उल खन्दुं बानायनो हायो। दाउ, अमा फिसिना रां खामायनो हायो। बेबायदिनो दाउ मि-बिफां-लाइफांनि लोगोआव मानसिहा नांजाबफानाय सोमोन्दो दङ।
घ – माव थांखि
13: दाउनि सावगारि बुथुमना गांसे एलबाम बानाम।
फिननाय: (गावबागाव नाजा।)
14: आवहावा नेखार जामिनि थाखाय रायजोनि सांग्रांथि सोमजिहोयो हानाय मोनथाम मोनथाम कल’गान थाखो- खथायाव आलायना दोन।
फिननाय: 1. लाइफां, थामोब्लासो जों थांगोन।
2. अरनारि जिब थामोब्लासो अरना थागो।
3. दाखोर-दालाखौ जेराव-मेराव दागार।
15: नों नुनाय आरो मिथिनाय, मानसिनि थासारिनि खाथि- खाला थानाय दाउसिन-दाउलानि गांसे फारिलाइ खालाम।
फिननाय: 1. दाउस्रि, 2. दाउखा, 3. दाउथु, 4. दाउलुद, 5. फारौ, 6. सिला, 7. टाउस्रि हाजि, 8. पोसा, 9. दाउखाऔ, 10. फेरेंग, 11. ना लांखाइ, 12 सिख्रा बाजो, 13 फानफेवालि, 14, बुराखाथं, 15. गोबोरलादा, 16. स’खा, 17. सखा, थुलेन।
Class 5 Bodo Ankuran Question Answer
| Chapter No. | CONTENTS |
| Chapter – 1 | आसामआ जोंनि समायना |
| Chapter – 2 | दाउ आरो मानसि |
| Chapter – 3 | थेबगांनि आर’ जलाइ |
| Chapter – 4 | फिथानि मेल |
| Chapter – 5 | ललित कलारत्न ड. श’ भा ब्रह्म |
| Chapter – 6 | अखाफोरनि जोंथि |
| Chapter – 7 | बिबार खुंगुरनि मेथाइ |
| Chapter – 8 | गाबनि गुमुर |
| Chapter – 9 | गेन्द्रा आरो जासुलानि नांज्लायनाय |
| Chapter – 10 | माथाम नानि सल’ |
| Chapter – 11 | इन्दुमती बर’ |
| Chapter – 12 | सिगां गावनो गोथार जाग्रो |
| Chapter – 13 | खेराइ फोरबो |
| Chapter – 14 | उन्दै हिन्जावसा आरो दाउ |
| Chapter – 15 | रनसाइ |
Notes of Class 5 Ankuran in Bodo Medium | Bodomedium Class 5 Ankuran notes इस पोस्ट में हम आपको ये समझा ने कि कोशिश की है की Bodo Medium Class 5 Bodo Question answer | SEBA Class 5 Bodo Ankuran Question Answer In Bodo Chapter 2 अगर आप एक Bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।