SEBA Class 5 Bodo Question Answer Chapter 15 रनसाइ

SEBA Class 5 Bodo Question Answer Chapter 15 रनसाइ | Ransai | Class 5 Ankuran Question Answer in Bodo As Per New Syllabus to each Chapter is provided in the list of SCERT, NCERT, SEBA रनसाइ Class 5 Bodo Mil Chapter 15 Question Answer/Class 5 Bodo Chapter 15 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 5 Ankuran Question Answer In Bodo Chapter 15. Class 5 Bodo Solution Chapter 15. covers all the exercise questions in NCERT, SCERT.

Class 5 Bodo Chapter 15 रनसाइ

SEBA Class 5 Bodo Notes Chapter 15 In Bodo रनसाइ । Ransai। Bodo Guide for Class 5th Chapter 15. Also Same NCERT Solutions for Class 5 Bodo इस पोस्ट में हम आपको ये समझा ने कि कोशिश की है की Class 5 Bodo Question Answer Chapter 15 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 5 Ankuran In Bodo Medium बोहत लाभदायक हो सकता है। Ncert/Scert Bodo Class 5 Chapter 15 मे आप अपना ध्यान लगाके पढ़ कर इस SEBA Class 5 Bodo Question Answer Chapter 15 में अछि Mark ला सकते हो अपनी आनेवाली परीक्षा में।

खोन्दो 15 रनसाइ

Chapter 15 Ransai

रनसाइ

जोंनि फरायसालि

फरायसालिनि मुं: जोंनि फरायसालिनि मुंआ बेदलाबारि गुदि फरायसालि। बे फरायसालिआ बागसा जिलानि बेनदोंआव गोग्लैयो। 

सोरगिदिं सिमा: जोंनि फरायसालिनि साहाथिंजाय राइजोनि दै लोंग्रा दैखर। सानजाहा सरकारि लामा। खोलाहा फरायसालिनि गेलेग्रा फोथार आरो सोनाबहा माय गायग्रा दुब्लि। 

बर्नायथि: जोंनि फरायसालिनि न’आ थिंनि। इनजुरआ पाक्कानि। गासै खथा मोन्नै। गंफ्रोम खथायाव दर गंसे, खिरखि गंब्रै दं। फरायसालिआव गासै सा थाम फोरोंगिरिफोर दं। जोंनि फरायसालिआव गासै सा 100 सो फरायसाफोर दं। फरायसाफोर जिरायनो थाखाय देक्स-बेन्स, फोरोंगिरि जिरायनो थाखाय मासि आरो आरांगा दं। थाखो खथायाव मोनफाहै टेबिल घरि, घन्टा, ब्लेक (गोसोम) बर्ड दं। मोननै ब्लेक बर्ड हुखोमोरग्रा दास्थारबो दं। जोंनि फरायसालिआ 9:30 बाजिआव जागायनानै बेलासिनि 2:30 बाजिआव गयो।

फोजोबनाय: जोंनि फरायसालिआ सरकारजों गनायजानाय गंसे गुदि फरायसालि। जोंनि गुदि फरायसालिनिफ्राय फरायलांनाय गोबां फरायसाया साबजाथाव-साबजाथाव साकरि मोनहैबाय। बे फरायसालिनि फोरोंगुरुआ आब्रुथि गोनां आरो फरायसाफोरखौ फोरोंनो थाखाय जुनिया रोंगथि थाखानाय। आं आसाफारियो जोंनि फरायसालिया बेबादिनो अराय जोंनानै थाबाय थाथों।

थालिर बिफां

जाथ आरो रोखोम: थालिरआ जाबाय खेबसे फिथाइ थाइखांनानै बिफाङा थैलांग्रा मुंसे मुलि जाटनि बिफां। बेयो बायदि रोखोमनि दङ। जेरै- थालिर हाइथा, सिनिसाम्फा, मालभग, भरतमुनि बायदि बायदि।

बेखेवनाय: थालिर बिफांआ 10 एबा 12 फुटसो गोजौ जायो। खायफाया नाथाय बेनिख्रुइ गाहाइसिनबो थायो आरोबाव खायफाया गोजौसिनबो जायो। बेहा दालाइ दासाफोर थाया। लाइफां आरो बिलाइ बिखंनि गेजेरजों बिथ महरै मैखुन ओंखारो, आरो उनाव बेनिफ्राइनो थालिर फिथाइआ जायो। बिफांनो बिलाइ आरो रोदाया आदार जगायो। रोदाया बिफांनो आदार जगायनायजों लोगोसे बिफांखौबो थोंगोरै लाखिनायाव मदद होयो। थालिर बिफांनो नांनाय बादियै हासार जगायनांगौ। सम-सम बिफांखौ आरो सुबाखौ साखोन सिखोन खालामनानै लाखिनांगौ।

बानजायनाय: थालिर बिफांहा गोबां बानजायनाय दं। बेयो जोबोट पुष्टि गोनां फिथाइ। बेनि मैखुखौ एवना जायोब्ला जोंनि देहानि बिंगुरनि थाखाय जोबोर बानजायथाव। बिफांखौबो दानना फोरानना खारै सावो। थालिर बिफांनि फस्लाया रोखोमसे गोथाव ओंख्रि। बेफोरनि अनगायैबो मोदाय दावदाय फुजिनायाव आरो न’खरफोराव हाबा, फोरबोफोर जायोब्ला थालिरनि लाइजौ आरो गोमोन फिथाइ नांथारगौ। हाबा खेराइआव थालिर दनानि खुरै आरो ओंखाम जानो लाइ दानोमोन। आथिखालआव थालिरनि दनाखौ बांसिनानो बाहायनाय नुनो मोनलिया। बेबादिनो थालिरआ गोबां बानजायनाय दं।

मोसौ

जायगायनाय: मोसौआ आथिं थोंब्रै न’आव फिसिजाग्रा जुनाट। बेहा खोमा फार्नै, मेगन थायनै, लानजाइ दोंसे, गं थनै थायो। गोसोम, गुफुर, फाख्रा-सिख्रा, जारे, मै गाब बायदि मैया गाबनि मोसौ थायो। मोसौआ गांसो, जिगाब, बिफां बिलाइ, दाना आरि जानानै थांना थायो। मोसौहा गोजौनि ख’खाबआव हाथाय थाया।

बानजायनाय: मोसौआ जोंनो गायखेर आरो बोसोरआव मासे मोसौ फिसा होयो। मोसौ हालुवाजों आबाद फोथाराव खामानि मावो। मोसौ गारिखौबो बेजोंनो बोहोनाय जायो। मोसौनि खिया मोजां हासार। बेनि बिगुरजों जों बाहायग्रा सेन्दल, जुथा, पेटि (बेल्ट) आरि बानायनाय जायो। मोसौ गोथैनि हारानिफ्राय रासायनिक हासारबो बानायो।

फोजोबनाय: जोंनि सानफ्रोमबोनि जिउआव मोसौनि गोबां गोनांथिफोर दं। बेखायनो जों बयबो बेखौ फिसिनो नाजानाया मोजां। मोसौ फिसियोब्ला न’खरनि थांना थानायनि राहाबो जानानै फैयो आरो लोगोसे गुबुनखौबो नांनाय समआव मदद होनो हायो।

बैसागु

रायथिनाय: बैसागुआ जाबाय, बोसोरआव खेबसे फालिजाग्रा बयनिख्रुइ देरसिन रंजाथाय फोर्बो। आसामआव बैसागुखौ गुबुन गुबुन समआव खेब थाम फालियो। बेफोरनो जाबाय-

(क) रंजालि बैसागु।

(ख) दमासि एबा मागो बैसागु आरो

(ग) कार्तिक गासा एबा कार्टिक बैसागु।

बेखेवनाय: रंजालि बैसागुखौ गोजाम बोसोरआ बारग’नानै गोदान बोसोर हाबनाय लोगो लोगो रंजालि बैसागुखौ फालिनाय जायो। बोसोरनि गिबि सानखौ मोसौ, मैसोनि बैसागु सान महरै फालिनाय जायो आरो बेनि उननिफ्राय स्नि सानसिम गामि-गामि साफ्रोम मानषिनि गोसोआव रंजानायजों उसिफावो। उन्दैआ गेदेरनो मान बावो आरो बोर बियो। बेनि उनाव ज’ ज’यै रंजायो आरो मोसायो। बेखायनो बेखौ रंजालि बैसागु बुंनाय जायो।

दमासि फोरबोआ एम दाननि जोबथारनाय दिननिफ्राय जागायजेनो। बैदिननि फुङाव बेलापुर सावो। उन्दैया गेदेरफोरखौ मान बावो। बेनि उनाव रंजा बाजायै फिठा सौराय जायो। बे समआव आबादथिलिनि गोदान फसल मोनो। माय, दैनि आंखाल गैया जायो। बेनिखायनो बे दमासिआव जानाय लोंनायजों बांसिन रंजानो सम मोनो।

कार्टिक दानआव जानाय बैसागुखौ कार्टिक बैसागु एबा कार्टिक गासाबो बुङो। बे बैसागुआवमाय आबाद थिलिआव गासा सावहैयो।

फोजोबनाय: गोदो गोदायनिफ्रायनो बे बैसागु फोरबोखौ सुबुं माहारिया दासिम फालिबोगासि दं। बेबादि फालिनायनि गेजेरजों गावबा गावनि गेजेरआव अनलाइनाय, फोथायलायनाया गोबांसिन जायो होन्ना फोथायनाय दं। बेखायनो हारिनि बिब्दि नेम एबा आखुखौ रावबो मुगैनो नाङा।

अमा

जागायनाय: गोदो गोदायनिफ्रायनो मानषि माहारिया अमा फिसिबोदों। अमाया हाब्रुआव गेलेनानै थाग्रा न’आव फिसिजाग्रा आथिं थोंब्रै जुनाट। बेहा खोमा फारनै, लानजाइ दोंसे, मेगन थायनै आरो गुनथ्रुथ्रि मोनसे थायो। गुनथ्रुथ्रिआ बिखौ आदार उरजानायाव हेफाजाब होयो। बेयो मानषि जाखोन्दा खालाइ, अफ्रि, गुन्दै आरि जायो।

बानजायनाय: अमानि बेदरआ आथिखालाव बयनिबो थाखाय मोजां खाजा। बेनि बेदरखौ बांसिनआनो जानानै मोजां मोनो। अमा फिसिनानैबो अमा फिसा फाननानै गोबां रां आरजिनो हायो। अमाया बोसोरसेआव खन्नै फिसा आजायो। मासे अमा बिमाया आजायगासेआव मा जि हा लागै अमा फिसा जोनोम होयो। 

फोजोबनाय: आथिखालआव गामिआरि ओनसोलफोरआवबो अमाखौ गोजौ बिखान्थिनि आदब खायदाजों फिसिनायनि राहा लायो। सोरखारि फसंथानआबो बेनि थाखाय नांगौ रोखोमनि राहा आरो बिथोन होयो।

सैमा

जागायनाय: सैमाया आथिं थोंब्रै न’आव फिसिजाग्रा रोखोमसे जुनाथ। बेहा खोमा फार्नै, मेगन थायनै आरो दोंसे जामफ्राव खोमोननि लानजाइ थायो। सैमाया मानसि जानाय बांसिन आदारखौनो जाजोबो। बेयो गोथां बेदरनि अनगायैबो खायफा गोमोन फिथायबो जायो। बेदर, ना अरनानै जानो थाखाय सैमाहा गोबौ आरो जंफार हाथाय जरानै थायो।

बानजायनाय: सैमाया मानषिनि खामानियाव मदद होयो आरो खायफा खामानिखौ गोग्लै खालामनानै होयो। गोदोनि मानषिफोरा सैमाखौ मैहुर खालामनायाव लांफायोमोन। सैमानि मोनामसुनाय गोहोआ गोख्रों जानायलाय दाबो फुलिस मिलिटारिआ सैमाखौ ट्रेइनिं होनानै सिखाव हमनाय आरो खायफा मुवा बेसाद दिहुन्नायाव बाहायो।

फोजोबनाय: सरासनस्रा न’खरआवबो सैमाया जोंखौ मदद होयो। सिखाव नेनायाव, खालाय दैफोन जागारनाय आरिआव सैमाया जोबोट गोनांथार। बेखायनो सैमाखौ फिसिनांगौ।

माय बिफां

जाथ आरो रोखोम: मायआ मुंसे गांसो हारिनि रज’जिब। बेयो गाहायै आसु आरो मायसालि बे मुंनै रोखोमनि। माय बिफाङा 2 आरो 3 फुटसो गोजौ जायो। आसु मायहा खरमा, इकरि, गाहाइ आयजुम आरि रोखोमनि दङ। मायसालिहाबो गोबां जाटनि दं। जेंरै- फुलफाख्रि, आयजुम, जोसा, मायब्रा, बासमुटि, रनजिट, पंकस बायदि बायदि।

बेखेवनाय: अखा हानाय जायगा आरो हासार गोनां हायाव मायनि आबादआ मोजां जायो। फागुन, चैत्र दानआव आसु मायखौ लोयो एबा गायो। जेठ, आषार दानआव बे आसु मायखौ हाहैयो। नाथाय मायसालिखौ आषार, सावन दानआव गायनानै आघोन, पुष डानआव हायो। मायनिफ्राय मायरं, सिरा बायदि जायो। मायरंनिफ्राय ओंखाम, फिथा, मुरि आरि जाग्रा मुवाफोर बानायो। माय जिगाबआ मोसौनि मोजां आदार। खायफा मायनि नाराजों न’नि उखुम ओलाबो जुजायआ दो दोख्ला सावनाय हाबायाव जोबोरै बाहायजाथाव। मागो दमासिआव, आलासिफोर न’खरआव फैयोब्ला फिथा, एनथाब जानो थाखाय जों मायब्रा मायरं बाहायो। थोंजोङै जों बेखौनो बुंनो हायोदि माय नाङाब्ला सुबुं माहारिआ थांना थानायाव गोब्राब जायो।

जोंनि गामि

मुं: आं थानाय गामिनि मुंआ पामहि। गोदोनि दिनाव बे जायगायाव गोजाननिफ्राय फामु जानो फैदोंमोनखायनो बे गामिनि मुङा पामहि जालांनायसै।

थाथाय आरो सोरगिदिं सिमा: आं थानाय गामिआ कामरुप जिलानि पुब रामसारानि मौजानि सिङाव दं। गामिनि साहाथिंजाय 37 नं गाहाय राजा लामा दं। खोलाथिंजाया मेघालयनि रोज्जा हाजो लारि। सानजाहा गुवार माय गायग्रा दुब्लि आरो सोनाबहा दिपर बिलो दं।

बेखेवनाय: जोंनि गामिया गासै 30 सो न’खरजों दाजानाय। गामिनि सुबुं अनजिमाया गासै सा 120 सो जाफ्रामगोन। जोंनि गामियाव गंसे एम. भि., गंसे गुदि फरायसालि दं। गामिनि सुबुंआ खायसे आबाद मावनानै खायसेहा साकरि आरो खायसेआ फालांगि खालामनानैबो न’खरखौ सामलायो। फरायनाय बिथिंआव जों गामिनि गथफोरआ सांग्रां। गामियाव मोजां मोजां साकरि मावनाय सुबुंफोरबो दं। गंसे बिजाब बाख्रि, गंसे देहा फाहामसालि फसंथानफोरबो जोंनि गामियाव दं। हान्थिनायनि थाखायबो जोंनि गामिया जेंना गैया। दैज्लां, मेसें मोन्नैबो बोथोरआवनो समानै हान्थिनो हायो। गामिनि लामाया 37 नं राजा लामाजों नांजाबनायलाय दाब-दाब जायगायाव थांनोबो जेबो गोब्राब जाया। जोंनि गामियाव बोसोरि बैसागु फांसन आरो रास फुजाबो फालियो। गामिनि मानषिफोरा बोसोरनि गुबुन-गुबुन बोथोरआव सिबिनो थाखाय बाथौ थानसालि दंखायो। लोंग्रा दैनि थाखाय जोंनि गामियाव आंखाल जाफेरा। गामियाव हिन्दु घोरोमनि मानसिफोरल’ दङ। जोंनि गामियाव बर, कारबि, नेपालि, हारसा मोनथाम हारिनि मानषि दं। दुखु-जारलायाव गावजों गाव अनलायनानै सुंसलायो।

फोजोबनाय: जोंनि गामिया गंसे आब्रुथि गोनां गामि। मानोना साफ्रोम बिमा बिफाया गासै गथफोरखौनो फरायनायनि समान बिथोन होयो। फरायनायाव हेफाजाब होयो। बयबो अनलायनायखाय आं गामिखौनो न’खरबादि मोनो।

सरस्वती फुजा

मागो दाननि दानसोरांनि बा (5) थि तिथिखालि बे फुजाखौ फालिनाय जायो। सरस्वती खौ बिद्या एबा गियाननि देबी बुङो। आथिखालआव बे फुजाखौ फरायसालिनि अनगायैबो जायगा जायगा फालियो। अब्लाबो फरायसालि, सोलोंथाय फसंथान आरिफोरआव बांसिनै बे सानखालि रंजा- बाजायै फालिनाय जायो। फरायसा, फरायसुलि, फोरोंगिरि आरो फरायसाफोरनि बिमा बिफानि मदद होलायनायाव बे फुजाखौ फालिफुङो।

सरासनस्रायै बेखौ सासे सरास्वती देबिनि मुसुखा फज’नानै फालिनाय जायो। फुजानि सानसे आगोल मुसुखाखौ फालिगोन जायगायाव फज’नानै जायगाफोरखौ लिरस्रां-आरिस्रां खालामखानानै लानाय जायो।

फुजानि सानखालि फुङावनो दुगैयै लोबै बिबार, थुलुंसि, बेहेल बिलाइ दुब्रि हाग्रा बायदि लानानै फरायसाफोरा फरायसालिआव नुजाफैयो। बायदि रोखोमै बाउनाय मुवाफोरखौ फुजारिया साजायनानै जायगाखौ धुप-धुना सावनानै नायथाव आरो मोदोमफ्रु खालामो। सम सब्ला फुजा खालामनानै हुम होयो। उनाव फरायसा, फरायसुलिफोरा बिबार बाउस्रांङो। सिबिखांनानै उनाव फुजारिया दै सान्टि सारनानै हुमनि फोथा होनानै दसे उनाव फुजानि प्रसाद रान्नानै होयो।

फुजाया जोबनायनि उनाव गासैबो अनज्लायनानै रंजाबाजाजों जानाय लोंनाय जायो। बेलासि समाव हांखायहरनाय आलासिफोरखौ हाजासे मान बावनानै बरायो। जाखां लोंखां जोबोब्ला गासैखौबो सुस्रांनानै जायगाखौबो सिबस्रांजोबनानै गावबा गाव न’ फार्से थाङो। अखानायै मुसुखाखौ दैआव फोजावहरनाय जायो। गियाननि गुदि एबा सोरजिगिरि होन्नानै सरस्वती देबिखौ बयबो फुजियो।

महात्मा गान्धी

महात्मा गान्धीआ 1869 मायथाइनि 2 अक्टबरखालि गुजराटनि परबन्दर मुंनि जायगायाव जोनोम मोनो। बिथांनि गुबै मुङा महनदास करमसाँद गान्धी। बिथांनि बिफानि मुङा काबा गान्धी आरो बिमानि मुङा फुटलीबाईमोन। उन्दै समाव गान्धीआ गाज्रि आखुनि लोगोफोरजों थाफानानै खायसे गाज्रि हुदा सोलोंदोंमोन। नाथाय बेफोरखौबो उनावहाय गारनो हादोंमोन। बिलाटआव बेरिस्टारी फरायखांनानै बम्बाई हाई कर्टआव आइननि फालांगि जुरिजेनो। बिथाङा उन्दैनिफ्रायनो सैथो, उदांश्री आरो अहिंसानि फिन महरमोन।

उन्दै समाव गिख’ आरो लाजिगुसु गथ’आनो जोबोत गोहोबोलो गोरा बृटिसफोरजों लांदां आखायै सोमावसारनानै भारतबर्षखौ उदां खालामदोंमोन।

1960 माइथायाव महात्मा गान्धीआ दुलाराय भारतारीफोरनि आखायाव अना हेफाजाब सोमावसारनायनि ज्रो-ज्रो हाथियारखौ दैखांनानै होयो। 1924 मायथाइनि उनाव गान्धीजीया राजखान्थि नागारो आरो गसाइखौ सानहाबनायाव गोसो होयो। बेबादिनो मोन्नैसो बोसोर थांनायनि उनाव 1930 मायथाइयाव आरोबाव संख्रि सत्याग्राहखौ जुरियो। बेनि उनाव नैथि मुलुग दावहाया नांनायसै। बे दावहाया सोलिबाय थानाय समावनो 1942 माइथायाव महात्मा गान्धीआ आगस्त सोमावसारनाय आरो भारत नागार सोमाव सारनायखौ जुरिजेनो। बेफोर बादिनो बिथाङा देहा मोदोम होसोनानै हादोतनि थाखाय जिवै माहामै नाजाथाबनायाव गोबां सम जेलाव जोबजादोंमोनब्लाबो उनफिननानै थायाखैमोन। अब्लासिमहालागै भारत हादराव इंराजफोरनि बेंनाया गोबां लरग’ थरग’ जाबायमोन।

1947 मायथाइनि 15 आगस्टखालि जोंनि भारतवर्षआ पाकिस्तानजों गावस्रायो आरो गुफुरसाफोरा भारत बेंनायखौ थारला हगारनानै होयो। भारतआ बिसोरनिफ्राय उदांश्री मोनो। महात्मा गान्धीखौ हारिनि बिफा होन्नानै बयबो मान बावनाय जायो। नाथाय दुखुनांथाव बाथ्रादि- 1948 मायथाइनि 30 जानुवारि खालि अहिंसानि नेर्शोन महात्मा गान्धीया नाथुराम बिनायक गडसे मुंनि सासे सेंग्रानि गुलियाव जोंनि बिखानिफ्राय अराय समनि थाखाय आनज्रायलाङो।

बिथांनि रादाबआ अरायबो सैथो आरो अहिंसानि रादाब। बिथाङा बयनिख्रुइबो जौसिन मासि मोन्नायनि गुदियावनो दं-सुबुंखौ अन्नाय, सुबुंखौ सिबिनाय आरो गसाईनि फार्से खर’ गंग्लायनाय। गुबुनखौ बोसोन होनायनि सिगाङावनो बिथाङा जायखि जाया गुनखौ गावनि जिवाव बाहायनानै नाइग्रोयोमोन। बिथाङा सुबुं समाजनो अराय होलांदों गोजोन रादाब- आंनि जिवआनो आंनि रादाब। हरिजन सोमावसारनायखौबो सुबुंनि गेजेराव बिथाङानो सोनानै होलांदोंमोन। बिथांखौ जों अराय सम बावनाय नङा। बिथांनि होलांनाय सैथो रादाब, गुबुननि दुखुआव दुखु खालामफानाय, गुबुनखौ हाजासिम थैथाब थांथाब मददखालामनाय बेफोर गासैखौबो जों बिथांनिफ्रायनो सोलोंनो हायो। गुफुरसाफोरनि दिहुननाय रं-बेरंनि गस्ला-गामसाखौ गावनि देहायाव बाहायालाबासिनो जोंनि हादरावनो दिहुनजानाय खद् दार खुन्दुंनि सिखौ गाव बाहायनायनि अनगायैबो भारतारिफोरखौ बयखौबो गुरैयै खावलायदोंमोन। हादरनि खना-खनला बोराय-बेन्थ बिथांखौ मानियि रावबो गैया। बिथांखौ सिनायि रावबो गया। माहारिनि बिफा महरै जों बिथांखौ सिबिनो अराय मोनबाय थाथों बेखौनो जों बयबो हास्थायनांगौ। बिथांनि बायदि बयखौबो आंगो सान्नाय, बयजोंबो गोसो होसारनानै खामानियाव मदद होनाय गुनफोरनि थाखायनो अरायबो जोंनि गोसोआव मिथांनि मुङा गोथार जायगा मोनगोन।

मादार-टेरेसा

1910 मायथाइनि 26 आगष्टखालि जुगस्लाभियानि स्कपजे नोगोराव मादार टेरेसाया जोनोम मोनो। बिथांनि बिफाया सासे न’ बानायग्रा थिकादारमोन। टेरेसानि न’खराव साथाम हिन्जावसाफोर दंमोन। बेनिनो बियो देरसिन फिसाजोमोन। मादार टेरेसानि गुबै मुङा एगनेस गंजा वोजाक्यिउमोन। उन्दै समाव एगनेसखौ अन्नानै बयबो गंजा होन्नानै गाबज्रियोमोन। जायनि ओंथिया आलबेनियानि रावआव बिबारनि बिथ’राइ। स्नि बोसोर बैसोआव जेब्ला बिहो बिफा थैजायो अब्ला फोलेरनि गेदेरसिनफोरा बिथांखौ सेक्रेटहार्ट सार्जआव दोनहरो। उन्दै समनिफ्रायनो साखोन-सिखोन थानाय, गुबुननि फार्से अनफानाया गंजानि जिउनि गाहाइ आखुथाइमोन। जिनै बोसोर बैसोआव जेब्ला बिथाङा सुबु सिबिनाय लैथोआव बारसोमनो थाखाय गोसो होयो अब्ला धोरोमारि सन्यासि थामहिनबा नान जायो अब्लानो 1928 मायथाइनि नबेम्बर दानआव लरेट एबबि सिस्टारफोरनिफ्राय इंराजि राव सोलोंनायनि थांखियाव भारतआव आगानहोफैयो। भारतनि गोबां जायगायाव मादार टेरेसाया थायोमोन। अब्लाबो दार्जिलिंआव थानाय लरेटी नेभिसियेट मुंनि फरायसालियाव सोलोंसा सन्यासि बादि जिउनि खामानि मावो। बेनि उनाव 1931 मायथाइयाव बिथाङा सिस्टार टेरेसा हिसाबै भारटाव बयजोंबो मिथिजायो।

मादार टेरेसानि जिउआ दुखुथिया आरो हावरियानि फार्से अरायबो गाबखाङोमोन। बेनिखायनो सानसे लरेटखौ एंगारनानै गावनि गोसोनि दाहाखौ मोगथाङाव जाफुंहोनो थाखाय निखावरि गोग्लैसोनानै थानाय मानसिफोरनि जिउ सिबिनायाव बारसोमो। थारैनो बिथाङा बंग- हादरनि मटिभिलआव गथ’फोरनि थाखाय गुरै गोसो मुंनि गंसे फरायसालि गायस’नो। बे फरायसालियाव फरायसाफोरा बांसिनानो दुखुथिया आरो जक्ष्मा बेरामाव गोग्लैनायमोन।

बै फरायसालियावबो बिथाङा बेरामि फरायसाफोरखौ देहा-मोदोम होसोनानै जोथोन खालामदोंमोन। मोनसेनि उनाव मोनसे सुबुं सिबिनानै गावखौनो बुहुम सोरगिदिं सुबुं सिबियारि महरै सिनायथि होदोंमोन। 1962 मायथायाव भारत सोरखारनिफ्राय पद्मश्री बिमुं मोनो। बे एखे बेसोरावनो फिलिपाइननि रमम मेगसेसे बान्थाबो मोनबावो। 1972 मायथायाव भारतरत्न बान्थाखौबो मोनो। 1993 मायथाइयाव सदभावना बान्था मोनो। 1979 मायथाइयाव गोजोननि नबेल बान्था मोनो। बैबादिनो मादार टेरेसाया मोनसेनि उनाव मोनसे गावनि जिउआव गोबां बान्था मोनदोंमोन। सुबुं सिबिनायावनो गावनि जिउखौ बाउसोमनानै थांनाय 1997 मायथाइनि 5 सेप्टेम्बर अक्टआव जों गासैनिफ्राय आनज्रायलाङो। थैजासिम बिथांआ फंसे बाथ्राखौनो बुंदों मोनदि- जों जिदु खाथियाव थानाय खाथियाव नुनाय, खाथियावनो दांनो मोननाय आरो जेब्लाबो लोगोआव थानाय जोंनि नसुंसेनि मानसिफोरखौनो मोजां मोनाबोला जों नुयि गसाइखौ माबोरै मोजां मोननो हानो?

गपिनाथ बरदलै

जोनोम: 1890 मायथाइनि 6 जुन खालाराव नगावनि रहायाव गपिनाथ बरदलैआ जोनोम जायो। बिथांनि बिफानि मुङा बुधीन्द्रनाथ बरदलै आरो बिमानि मुङा प्रानेस्वरी देबिमोन।

सोलोंथाइ: 1907 मायथायाव गपिनाथ बरदलैआ कटन कलेजियेटनिफ्राय प्रबेशिका आनजादआव सेथि थाखोआव उथ्रियो। 1909 मायथायाव कटन कलेजनिफ्राय आई. ए. आनजादखौबो उनिबावो। बेनि उनाव कलिकाटायाव थांनानै एम. ए. आरो आइन फरायो। एम.ए. खौ गिबि थाखोआव उथ्रिनानै आसामआव गिदिंबोफिनो।

खामानि मावनाय बैसो: आसामआव फैनानैनो बिथाङा सनाराम गोजौ फरायसालिनि गाहाय फोरोंगिरि जायो आरो 1917 मायथायनिफ्राय अकालटि जागायो। भारतनि उदांश्री सोमावसारनायाव सासे दावहारु महरै बिथांनि नांथाबनाया गोबां। बै समावनो बिथाङा जोबथेसालियावबो जोबजानो गोनां जादोंमोन। 1932 मायथायाव बिथाङा गुवाहाटी नोगोरारि आफादनि आफादगिरि जायो। बेनि उनाव 1938 मायथाइनि 20 सेप्टेम्बराव आसामनि गिबि मन्थ्रि जायो। गणिनाथ बरदलैआ खालि उदांश्री सोमावसारग्रा एबा राजखान्थिगिरिल नाङामोन, बिथाङा सासे समाज फोसाबग्रा, समाज फसंग्रा, महरगिरि, गेदेमा आरो गोबां गुननि सुबुंमोन। बिथांखौ बयबो सिनायोमोन आरो बयबो मोजां मोनोमोनखायनो लोकप्रिय एबा बयनिबो अनजाथाय बिमुं मोनदोंमोन।

थैनाय: 1950 मायथायनि 5 आगष्ट खालाराव हरनि 11 सो बाजिआव बरदलै बिथांहा सहायथावि बिखानि सानाय जायो आरो अराय समनि थाखाय मेगन मेसेबो।

दुर्गा फुजा

दुर्गा मोदाइजोआ गोदोनिफ्रायनो बिगोमा मोदायजो महरै थाखोसे सोलोंसाफोरजों सिबिजाबाय थाबोदों। दुर्गा फुजाया बेबादिनो मोनसे फुजा। बंग हादरनि सुबुंआ जिउखांनायनि सादजार्ला दुखु खैफोद बायदिखौ नेवसिनानै गोसोनि गाज्रिखौ जायखारहोनो थाखाय आसिन दानाव गाजा गोमजायै फालियो।

पुराननि बादिब्ला हाजोनि राजा हिमालय बिजौजों मेनकानि गोरबोआव दुर्गा मोदाइजोआ जोनोम मोनो। मोदायनि बिफा महादेबा दुर्गा मोदाइजोनिनो फिसाइ। दुर्गा मोदाइजोखौ बायदि जायगायाव बायदि मुङै मिथियो जेरै- रोनसोन्दि, कालि, काफालि बायदि-बायदि। सैथो मुगायाव सुरद राजाया राइजो गोमाजानानै मेघस आस्रमाव आथिं हमहैनानै आर’ज गाबनायाव मुनिया गोजोननानै बिखौ दुर्गा मोदाइजोनि मुङै फुजा होनो थिनदोंमोन। थिननायलेखा फुजा होमारनानै सुरद राजाया गोमानाय राइजोखौ मोनफिनदोंमोन। बेखायनो दुर्गा फुजाखौ मानसिफोरा गोसोनि हास्थायनायखौ जाफुंसारहोनायनि आसामाव बे फुजाखौ होयो। दुफां बोथोराव फालिनायखाय बेखौ बिसन्ति फुजाबो बुंनाय जायो। दुर्गा मोदाइजोनि मोनजि आखायाव गुबुन-गुबुन रोखोमनि हाथियार लानानै सिंहनि बिखुंआव गाखोनानै गोहो-गोरा महिसासुरखौ बुथारनो नागिरनाय नुनो मोनो। बेनि आगदा फार्से लक्ष्मी आरो गणेश थापायो। आगसि फारसे स्वरस्वती थायो।

आसिन दाननि द’थि सान (माब्लाबा काटि दानावबो गोग्लैयो) आव मोदाइजोखौ फुजिनाय हाबाखौ मावफुंनाय जायो। बे फुजाखौ जुनियायै बाङालिफोरा न’खरनि जिउखांनायाव गोरोबलायनायनि फोरबो होननानै बुंजायो। मानोना फुजानि समावनो न’खरनि मानसिया दाब-दाब जायगानिफ्राय न’आव फैनानै जमाहै है मोखां नायलायनानै रंजायो, जायो-लोङो, गोदान सि होनानै मान बावो। बेबादियैनो दुर्गा फुजाया बिसुखेथिखौ फोजाखाङो। जाउनाव न’खरनि, ओनसोलनि गावजों गाव सिनायनाय, अनलायनाया गोख्रोंसिन जायो।

मैदेर

जाथ: मैदेरा आथिं थोंब्रे न’आव फिसिजाग्रा जुनाथ। हाग्रानिफ्राय मानसिया हमना लाबोनानै बेखौ न’आव लाबोयो आरो गुबुन जुनाथफोरबादि फिसिनानै बायदि खामानियाव बाहायो। मैदेरा गांसो जाग्रा आरो बिगोमा मानिसुला मि। बुन्दा मैदेरखौ दान्थाल आरो बुन्दि मैदेरखौ उखुन्दि बुंनाय जायो। बहुम बिखंनि सा बाहागोआव जों नुनो मोन्नाय जुनाथफोरनि मादाव मैदेरानो देरसिन। मासे बैसो जाफुंनाय मैदारा 3 निफ्राय 3.5 मिटारसो गोजौ जायो। मैदेरहा गांनै गुवार खोमा, मेगन थाइनै, उनथिंजाय लानजाइ दोंसे थायो। बुन्दा मैदेरा खुगानिफ्राय गेदेर-गेदेर हाथाइ थनैओंखारो। बे हाथाइजोंनो बियो गावनि देहाखौ सुथुरनिफ्राय रैखा खालामो। मैदेरहा खुगानिफ्राय गोलाव सुन्दाय थायो। बे सुन्दाइजोंनो बियो हां लायो आरो गावनि देहायाव दै, हाद्रि बाला सारनानै लायो। थोंब्रे आथिंनि बिजौआव मोनबाहै गेदेर-गेदेर आसिगुर थायो।

जानाय आदार: मैदेरा दंफांनि दालाइ, बिलाइ, बिगुर, थालेर, औवा बिलाइ, जोगोनाय फिथाइ, माइ, संख्रि बायदि जानानै थांना थायो। सुन्दाइजों हमखांनाय जायखि-जाया गांसो, हाग्रा बिलाइफोरखौ हान्थुआव बुस्रिनानै खुगायाव सोयो। दैखौ सिन्थायनो सुन्दायनि गन्थं गब्लंजों सुरुबखोनानै खुगायाव लुसा’ननानै होयो।

बानजायनाय: मैदेरा जोंनि बायदि खामानियाव बानजायथाव। मानसिया दैखांनो हायि गिलिर मुवाखौ बियो गोरलैयैनो दैखांनो हायो। गारियाव गेदेर-गेदेर दंफांखौ दैखांहोनानै दाबसेयाव रोगानायाव गोरलै जायो। मैदेरा मिथिंगायारि सम्पद। बेखौ जों सरैखा खालामनांगौ। दोलो जानानै थानाया गासै मैदेरनिनो आखुथाइ। बुन्दि मैदेरा राफुनाय बैसो जायोब्ला 7/8 बोसोरनि उन उनै मासे फिसा आजायो। फिसाया बिमानि गायखेर जानानै गेदेर गोलाव जायो। मैदेर बिमाया गावनि फिसाखौ जोबोर अनसो गारो। मैदेरा बांसिन गोसोम गाबनिनो जायो। गोदोनि दिनाव राजा महाराजाफोरा मैदेराव गाखोनानै बायदि आदब खायदाजों दावहा नाङोमोन दाबसेनिफ्राय गुबुन दाबसेसिम थाङोमोन। गोबां धोनि न’खरा गावनि न’खरनि खामानि मावहोनानै धोन आरजियोमोन। मैदेर हाथाया जोबोर बेसेन गोसा। बेनि हाथाइजों बायदि रोखोमनि गानग्रा गहेना, खानजं, फुतला, बायदि बानायनाय जायो।

हिन्दु धोरोमाव मैदेरखौ गणेश मोदाय बादियै मान बाउनानै बयबो फुजियो। बेनिखायनो मैदेरा जों साफ्रोमबोनि रैखा-खालामनो गोनांथार सम्पद।

Class 5 Bodo Ankuran Question Answer

Chapter No.	CONTENTS
Chapter – 1	आसामआ जोंनि समायना
Chapter – 2	दाउ आरो मानसि
Chapter – 3	थेबगांनि आर’ जलाइ
Chapter – 4	फिथानि मेल
Chapter – 5	ललित कलारत्न ड. श’ भा ब्रह्म
Chapter – 6	अखाफोरनि जोंथि
Chapter – 7	बिबार खुंगुरनि मेथाइ
Chapter – 8	गाबनि गुमुर
Chapter – 9	गेन्द्रा आरो जासुलानि नांज्लायनाय
Chapter – 10	माथाम नानि सल’
Chapter – 11	इन्दुमती बर’
Chapter – 12	सिगां गावनो गोथार जाग्रो
Chapter – 13	खेराइ फोरबो
Chapter – 14	उन्दै हिन्जावसा आरो दाउ
Chapter – 15	रनसाइ

Notes of Class 5 Ankuran in Bodo Medium | Bodomedium Class 5 Ankuran notes इस पोस्ट में हम आपको ये समझा ने कि कोशिश की है की Bodo Medium Class 5 Bodo Question answer | SEBA Class 5 Bodo Ankuran Question Answer In Bodo Chapter 15 अगर आप एक Bodo सात्र या शिक्षाक हो तो आपके लिए लावदयक हो सकता है।

Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।