SEBA Class 6 Social Science Chapter 4 in Bodo बुहुमनि गाहाइ मण्डलफोर

SEBA Class 6 Social Science Chapter 4 in Bodo बुहुमनि गाहाइ मण्डलफोर | Bohumoni Gahai Mondalfor | Class 6 सामाज बिगियान Question Answer in Bodo As Per New Syllabus to each Chapter is provided in the list of SCERT, NCERT, SEBA बुहुमनि गाहाइ मण्डलफोर Class 6 Social Science Chapter 4 Question Answer/Class 6 Social Chapter 4 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 6 Social Science Question Answer In Bodo Chapter 4. Class 6 Social Science Solution Chapter 4. covers all the exercise questions in NCERT, SCERT.

Class 6 Social Science Chapter 4 बुहुमनि गाहाइ मण्डलफोर

SEBA Class 6 Social Science Notes Chapter 4 In Bodo बुहुमनि गाहाइ मण्डलफोर । Bohumoni Gahai Mondalfor। Social Science Guide for Class 6th Chapter 4 बुहुमनि गाहाइ मण्डलफोर. Also Same NCERT Solutions for Class 6 Social Science इस पोस्ट में हम आपको ये समझा ने कि कोशिश की है की Class 6 Social Science Question Answer Chapter 4 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 6 Social In Bodo Medium बोहत लाभदायक हो सकता है। Ncert/Scert Social Science Class 6 Chapter 4 मे आप अपना ध्यान लगाके पढ़ कर इस SEBA Class 6 Social Science Question Answer Chapter 4 में अछि Mark ला सकते हो अपनी आनेवाली परीक्षा में।

फरा 4 बुहुमनि गाहाइ मण्डलफोर

Chapter 4 Bohumoni Gahai Mondalfor

हालुर खोन्दो

उनसोलों

1. गाहायनि सोंलुफोरनि फिन लिर-

(क) खोला दुलुरखावाव गोग्लैनाय हादरमानि मुङा मा?

फिनः खोला दुलुरखावाव गोग्लैनाय हादरमानि मुङा- असेनिया।

(ख) बुहुमनि गाहाय हादरमाफोरनि मुंफोरा मा मा?

फिनः बुहुमनि गाहाय हादरमाफोरनि मुंफोरा जाबाय- एसिया, इउरप, आफ्रिका, सा आमेरिका, खोला आमेरिका, असेनिया आरो एन्टार्कटिका।

(ग) बुहुमनि गाहाय मोनब्रै मण्डला मा मा?

फिनः बुहुमनि गाहाय मोनब्रै मण्डलफोरा जाबाय:

(i) हा मण्डाल

(ii) दै मण्डल

(ii) बार मण्डल आरो

(iv) जिब मण्डल।

(घ) बारमण्डलनि थोरफोफोरनि मुंफोरा मा मा?

फिनः बारमण्डलनि थोरफोफोरनि मुंफोरा जाबाय-ट्रप’ स्फियेर, ष्ट्रेट ‘स्फियेर, मेस ‘स्फियेर आरो थार्मस्फियेर।

(च) हादरमा आरो लैथोमाफोरनि मुंफोरा मा मा?

फिन: हादरमाफोरनि मुंफोरा जाबाय:

एसिया, इउरप, आफ्रिका, सा आमेरिका, खोला आमेरिका, असेनिया आरो एन्टार्कटिका।

लैथोमाफोरनि मुंफोरा जादों:

प्रशान्त लैथोमा, आटलान्टिक लैथोमा, भारत लैथोमा, सा लैथोमा आरो खोला लैथोमा।

(छ) जिब मण्डलाव मानसिया मा मा सोलाय सोल’ खालामनो हादों?

फिनः जिब मण्डलाव थानाय जिबफोरखौ मोननै बाहागोआव राननो हायो- लाइफां आरो जिउनां मुलुग। बे लाइफां मुलुग आरो जिउनां मुलुगनि गेजेराव मोनसेया मोनसेखौ माबा नङा माबा राहाजों गोहोम खोख्लैयो। मानसिया बिफां-लाइफां दानफायनानै, अरनबारिफोरखौ फोजोबस्रांनानै आबाद मावनो एबा थाग्राखुलि खालामनो लानायाव हाया जामख ‘दों। गुबुनफारसे अरनाव थानाय जिउनांनि थाग्रा खुलिनिबो आंखाल जादों। बिथांखि गैया जासे न बां लुनाय, कल-कारखाना गायसंनाय, दैमानि बान्दोआरि थेलाबायनाया जिबमण्डलनि सिङाव थानाय बार, दै आरो हाखौ गुबुंले खालामदों। मानसिनि इयुन सानरोङै खामानिफोरानो मुलुग दुंथाय बांनायनि जेंनाखौ सोरजिदों।

2. गेबें फिननायाव (√) सिन हो-

(क) जौखोन्दो हिसाबाव बारमण्डलाव बयनिख्रुइ बांसिन थानाय थादेरसाया-

(1) नाइट्र ‘जेन

(2) अक्सिजेन

(3) कार्बन-डाइ-अक्साइड

फिनः (1) नाइट्र ‘जेन।

(ख) एसिया हादरमानिफ्राय इउर ‘पखौ जुदा खालामनाय हाजोमालारिया-

(1) एण्डिज

(2) हिमालय

(3) युराल

फिनः (3) युराल।

(ग) बयनिख्रुइ देरसिन हादरमाया जाबाय-

(1) आफ्रिका

(2) एसिया

(3) अचेनिया

फिनः (2) एसिया।

(घ) गोरा अन्थाइजों दाजानाय बुहुमनि गाहाइ मण्डला-

(1) बारमण्डल

(2) दै मण्डल

(3) हा मण्डल

फिनः (3) हा पण्डल।

3. जिब मण्डलाव जिबा थानो हानाय आबहावाखौ रैखा खालामनो जों मा खालामनाया मोजां? हानजायाव सावरायना लिर।

फिनः जिब मण्डलाव हा, दै आरो बार बे मोनथाम गाहाय मिथिंगायारि थादेरसाया खाथि खाथि थालायनानै जिब थावरिना थानो हानाय आबहावा सोरजियो। बे मण्डलावनो जिब-बिफां लाइफां गासैबो थांनानै थायो। जिब मण्डलनि लाइफां मुलुग आरो जिब मुलुगनि गेजेराव मोनसेया मोनसेजों सोमोन्दो दंज्लायो। जेरै बिफां-लाइफां थानायनि थाखायसो जिबफोरा थांना थानो हादों। नाथाय मानसिया आबाद मावनो थाखाय, न’-बां लुनो थाखाय, कल-कारखाना गायसंनो थाखाय दंफां-लाइफां, हाग्रा, अरनबारिफोरखौ फोजोबस्रांदों। जावनाव हा, दै, बार-बे मोनथाम जिउनि थाखाय गोनां थादेरसाफोरा गुबुंले जादों। बेखौ होबथानायनि राहा लायाब्ला आबहावाया मानसि, जिब-जुनार थांना थानो हाथावै जाहैगोन।

आबहावाखौ रैखा खालामनोब्ला जों गाहायाव होनाय राहाफोरखौ लानांगोन:

(1) बिफां लाइफां दाननायखौ बन्द’ खालामनाय।

(2) गोदानै बिफां-लाइफां गायनाय।

(3) जानला-मानला कल-कारखाना गायसननायखौ होबथानाय।

(4) कल-कारखानानि सिगारनाय मुवाफोरखौ दैमा दैसानि दैयाव नांदेरनो मोनैनि राहा लानाय।

(5) गोबां उखुन्दै ओंखारग्रा मथरगारि सालायनायखौ बन्द’ खालामनाय।

(6) गेसाव गोफोनफोरखौ दोननाय बायदि बायदि।

उफ्रा सोंथि

1. बबे लैथोमाखौ दरसे हादरनि मुङै लाखिनाय जादों?

फिनः भारत लैथोमाखौ।

2. भारत लैथोमानि सोरगिदिं मा मा हादरमाया बेंखनना दं?

फिनः भारत लैथोमानि साहाथिं एसिया, सोनाबथिं आफ्रिका आरो सानजाथिं अस्ट्रेलिया हादरसाफोरा बेंखनना दं।

3. मा दैसुजाबा सा लैथोमाखौ प्रशान्त लैथोमाजों फोनांजाबदों?

फिनः बेरिं दैसुजाबा।

4. मेरियान दैग्रंनि गोथौथिया बेसेबां?

फिनः 11, 022 मिटार।

5. जौसिन बिन्दो माउन्ट एभारेष्ट आरो हायसिन बिन्दो मेरियान दैग्रांनि गेजेराव गोजौ-गाहायनि फारागा बेसेबां?

फिनः 19, 870 मिटार।

6. बुहुमनि गासै हा बाहागोनि बांसिन बाहागोआ बबे दुलुरखावाव दं?

फिनः सा दुलुरखावाव दं।

7. बुहुमनि देरसिन हादरमाया मा?

फिनः एसिया हादरमा।

8. बुहुमनि गासै बाहागोनि बेसेबां बाहागोआ एसिया हादरमायाव दं?

फिनः ⅓ बाहागो।

9. बबे हाजोमालारिया एसिया आरो इउरप हादरमा गनैखौ जुदा खालामदों?

फिनः इउराल हाजोमालारिया।

10. इउर ‘प हादरमाया एसियानि बबे दिगथिंजाय दं?

फिनः सोनाब दिगथिंजाय दं।

11. नैथि देरसिन हादरमाया मा?

फिनः आफ्रिका।

12. मा हांखोआ आफ्रिका हादरमानि गेजेरजों बारलांदों?

फिनः बिसुब हांखोआ।

13. आफ्रिका हादरमाया मा ओनसोलाव गोग्लैयो?

फिनः बिसुबारि ओनसोलाव।

14. थार्म ‘स्फियेरनि गाहाय आरो गोजौनि बाहागो मोननैखौ मा मा बुंनाय जायो?

फिनः “थार्म ‘स्फियेरनि गाहायनि बाहागोखौ आयन ‘स्फियेर आरो गोजौनि बाहागोखौ एक्स ‘स्फियेर बुंनाय जायो।

15. बारमण्डला गाहायै मा मा गेसजों दाजानाय?

फिनः नाइट्र ‘जेन आरो अक्सिजेनजों।

16. बारमण्डलाव अक्सिजेन आरो नाइट्र ‘जेननि बिबाङा बेसेबां बेसेबां?

फिनः अक्सिजेननि बिबाङा 21% आरो नाइट्र ‘जेननि बिबाङा 78%

17. जिबा थांना थानो थाखाय मा गेस गोनां?

फिनः अक्सिजेन गेस।

18. सानखरांनि बबे ग्रहआव जिब थानो हायो?

फिनः बुहुमाव।

19. हा मण्डला माखौ बुंनाय जायो?

फिनः बुहुमनि सा बाहागोनि गोरा बाहागो जेराव जों थायो बेखौनो हा बाहागो एबा हा मण्डल बुंनाय जायो।

20. जिब मण्डला माखौ बुंनाय जायो?

फिनः मानसिखौ लाफानानै बायदि बायदि जिब-जुनाद थानाय हा मण्डल, दै मण्डल आरो बारमण्डलखौ ज’यै जिबमण्डल बुंनाय जायो।

21. लैथो बिखुंनि जौथाइखौ बेसेबां होनना हमना लानाय जायो?

फिनः लाथिख’ होनना हमना लानाय जायो।

22. मा मा लैथोमानि बाहागोफोरा लोगो नांनानै खोला लैथोमाखौ सोरजिदों?

फिनः 50° खोला अक्षफाननि खोलाहा थानाय प्रशान्त, आटलान्टिक आरो भारत लैथोमानि बाहागोफोरा लोगोनांनानै खोला लैथोमाखौ सोरजिदों।

23. बारमण्डला माखौ बुङो?

फिनः मोनसे गेसारि एबा बारबायलु खोबलाबा बुहुमखौ आवग्रिना दं। बेखौनो बारमण्डल बुंनाय जायो।

24. अस्ट्रेलियाखौ मा होननानै मिथिबावनाय जायो?

फिनः दीप हादरमा।

25. बबे हादोरमायाव मानसि थाया?

फिनः एन्टार्कटिकायाव।

26. एन्टार्कटिकायाव मानो मानसि थानो हाया?

फिनः बे हादरमाया जोबोद गुसुनि थाखाय अराय बरफजों खोबजानानै थायो। बेनिखायनो बै हादरमायाव मानसि थानो हाया।

27. एन्टार्कटिका एबा खोला मेरु हादरमायाव भारतवर्षआ गायसंनाय गंनै बिजिरसं मिरुनि मुङा मा मा?

फिनः (1) मैत्रि आरो (2) गंगत्री।

28. एन्टार्कटिका हादोरमाखौ मानो हादरमा बुंनो नागिरा?

फिनः एन्टार्कटिक हादरमायाव मानसिनि थाजोर बिथा गैयिखाय बेखौ बांसिन मानसिया हादरमा बुंनो नागिरा।

29. बुहुमखौ मा ग्रह’ होननानै बुंबावनाय जायो।

फिनः बुहुमखौ नीला ग्रह होननानै बुंबावनाय जायो।

30. बुहुमाव दैया बेसेबां बाहागो आवग्रिना दं?

फिनः ¾ बाहागो।

31. दै मण्डला माबोरै दाजादों?

फिनः लैथो, लैथोमा, दैमा-दैसा आरो बिलो आरिनि बोहैनाय दै बरफ दैमायाव थानाय बरफ, हा सिङाव थानाय लावलाव ख’फ’-बे गासैबो लोगोनांनानै दै मण्डला दाजादों।

32. लैथोनि दैया मानो बाहायजाथाव नङा?

फिनः लैथोनि दैया जोबोद गोबाब। बेनि थाखाय लैथोनि दैया बाहायजाथाव नङा।

33. बुहुमनिफ्राय बेसेबां जौथायसिम बारमण्डला गोसारनानै दं?

फिनः 1,600 किल ‘मिटारफ्रामसिम।

34. जों बबे बारमण्डल थोरफोआव दं?

फिनः ट्रप ‘स्फियेर थोरफोआव।

35. बुहुमनि जौसिन हाजो थिखिनिनि मुङा मा? बेनि जौथाइया बेसेबां?

फिनः बुहुमनि जौसिन हाजो थिखिनिनि मुङा माउन्ट एभरेष्ट। बेनि जौथाइया 8, 848 मिटार।

36. बुहुमनि बयनिख्रुइ देरसिन गुदुं बालाहामाया मा आरो बेयो बबेयाव दं?

फिनः बुहुमनि बयनिख्रुइ देरसिन गुटुं बालाहामाया जाबाय साहारा बालाहामा। बेयो आफ्रिका हादरमायाव दं।

37. बुहुमनि बयनिख्रुइ लाउसिन दैमाया मा आरो बेयो बबेयाव दं?

फिनः बुहुमनि बयनिख्रुइ लाउसिन दैमाया जाबाय नील दैमा। बेयो आफ्रिका हादरमायाव दं।

38. बुहुमनि थामथि गेदेर हादरमाया मा?

फिनः सा आमेरिका।

39. सा आमेरिका आरो खोला आमेरिकाखौ नांदेरहोनाय हासुजाबनि मुङा मा?

फिनः पानामा हासुजाब।

40. रकि हाजोमालारिया बबेयाव दं?

फिनः सा आमेरिकायाव।

41. बुहुमनि बयनिख्रुइ लाउसिन हाजोमालारिनि मुङा मा?

फिनः एन्दिज हाजोमालारि।

42. एन्दिज हाजोमालारिया बबे हादरमायाव दं?

फिनः खोला आमेरिकायाव।

43. बुहुमनि बयनिख्रुइ गुवारसिन दैमानि मुङा मा आरो बेयो बबे हादरमायाव दं?

फिनः बुहुमनि बयनिख्रुइ गुवारसिन दैमानि मुङा आमाजान। बेयो खोला आमेरिका हादरमायाव दं।

44. बुहुमनि बयनिख्रुइ फिसासिन हादरमानि मुङा मा? 

फिनः असेनिया हादरमा।

45. असेनिया हादरमाया बबे दुलुरखावाव गोग्लैयो? 

फिनः खोला दुलुरखावाव।

46. असेनिया हादरमानि गंनै हादोरनि मुं लिर।

फिनः अष्ट्रेलिया आरो निउजिलेण्ड।

47. बुहुमनि गासै दैनि बेसेबां बाहागोआ लैथो लैथोमायाव थायो?

फिनः 97% बाहागोआ।

48. बुहुमनि लैथोमाफोरा बेसेबां आरो मा मा?

फिनः बुहुमनि लैथोमाफोरा गासै गंबा। बेफोर जादों- प्रशान्त लैथोमा, आटलान्टिक लैथोमा, भारत लैथोमा, सा लैथोमा आरो खोला लैथोमा।

49. बुहुमनि थौसिन आरो देरसिन लैथोमानि मुङा मा?

फिनः प्रशान्त लैथोमा।

50. बुहुमनि नैथि देरसिन लैथोमानि मुङा मा?

फिनः आटलान्टिक लैथोमा।

51. लाइफांआ थांना थानो थाखाय मा गेसा गोनां जायो?

फिनः नाइट्र ‘जेन गेस।

52. बारमण्डलाव कार्बन-डाइ-अक्साइड गेसनि बिबाङा बेसेबां आरो बेयो मानो गोनां?

फिनः बारमण्डलाव कार्बन-डाइ-अक्साइडनि बिबाङा जोबोद इसेल ‘थार। अब्लाबो नाथाय बेयो जोबोद गोनांथार गेस। मानोना-बुहुमा रिफिनाय बिदुंखौ बेयो सोबना लायो। लाइफांनि बांनायनि थाखायबो बे गेसा जोबोद गोनांथार।

53. लैथो बिखुंआव बारनि रोजाथिया खम ना बारा?

फिनः बारा।

54. बुहुमनिफ्राय जेसेबांनो गोजौथिं दावखोगोन एसेबांनो बारनि रोजाथिया मा जालाङो?

फिनः खम जालाङो।

55. बारा माबोरै बोहैलाङो?

फिनः गोजौ नारसिनथाइ थानाय ओनसोलनिफ्राय बारा गाहाय नारसिनथाइ ओनसोलथिं बोहैलाङो।

56. बारमण्डलनि बबे थोरफोआव जोमै, अखा आरो बार सोमजियो?

फिनः टुप ‘स्फियेर थारफोआव।

57. मुलुगारि दुंथाइ बांनाया मा?

फिनः बारआव थानाय कार्बन-डाइ-अक्साइड गेसनि बिबाङा बाङोब्ला दुलराय बुहुमावनो बिदुङा बाङो। बेबादि हाबानि जाउनाव बुहुम बिखुङाव बिदुं बांनायखौ मुलुगारि दुंथाइ बांनाय होननानै बुंनाय जायो।

58. असेनिया हादरमानि सोमोन्दै लिर।

फिनः बुहुमनि हादरमाफोरनि मादाव असेनिया हादरमाया बयनिख्रुइ फिसासिन हादरमा। बे हादरमाया फुरायै खोला दुलुरखावाव गोग्लैयो। बेनि सोरगिदिं लैथो-लैथोमाया बेंनानै दं। बे हादरमानि गंनै हादरा जाबाय अष्ट्रेलिया आरो निउजिलेन्द। सोरगिदिं दैजों बेंजानानै थानाय थाखाय असेनियानि गाहाय दीप अष्ट्रेलियाखौ दीप हादरमा बुंनाय जायो।

59. एन्टार्कटिका हादरमानि सोमोन्दै गुसुङै लिर।

फिनः एन्टार्कटिका एबा खोला मेरु हादरमाया फुरायै खोला दुलुरखावाव दं। बे हादरमानि गेजेरावनो खोला मेरु बिन्दोआ गोग्लैंदों। बे हादरमाया खोला मेरु ओनसोलाव थानायलाय बेयो अरायबो बरफजों खोबजानानै थायो। बेयाव मानसिनि थाजोर बिथा गैया। बुहुमनि गोबां हादरा बरफ खोबनाय बे हादरमायाव बिजिरसं मिरु गायसंदों। भारत हादरहाबो मैत्रि आरो खोला गंगत्री मुंनि गंनै बिजिरसं मिरु दं। बे हा बाहागोआव मानसिनि थाजोर बिथा गैयिखाय बेखौ बांसिन मानसिया हादरमा बुंनो नागिरा।

60. एसिया हादरमानि सोमोन्दै लिर।

फिनः एसिया हादरमाया बयनिख्रुइ देरसिन हादरमा। बुहुमनि गासै हा बाहागोनि ⅓ बाहागो बे हादरमायाव दं। बे हादरनि बांसिन बाहागोआ सा दुलुरखावाव दं। हादरमानि खोला बाहागोनि गेजेरजों सानजा सोनाबै कर्कतक्रान्ति हांखोआ बारलांदों। इउरलन हाजोमालारिया एसिया हादरमाखौ इउर ‘प हादरमानिफ्राय जुदा खालामदों।

61. सा आमेरिका हादरमानि सोमोन्दै लिर।

फिनः बुहुमनि थामथि गेदेर हादरमायानो जादों सा-आमेरिका। मोनसे जोबोद गुसेब हा खोन्दोजों बे हादरमाया खोला आमेरिकाजों लोगो नांदेरना दं। बे गुसेब हा खोन्दोखौ पानामा सुजाब होननानै बुंनाय जायो। बे हादरमाया फुरायै सा दुलुरखावाव दं। रकि हाजोमालारिया सा आमेरिकानि मख ‘जाथाव हाजोमालारि। बे हादरमाखौ गंथाम लैथोमा जेरै- प्रशान्त लैथोमा, आटलान्टिक लैथोमा आरो सा लैथोमाया आवग्रिना दं।

62. इउर’प हादरमानि सोमोन्दै लिर।

फिनः इउर’प हादरमाया एसिया हादरमानिख्रुइ फिसासिन। बे हादरमाया, एसिया हादरमानि सोनाबहा दं। हादरमानि सा बाहागोनि गेजेरजों सानजा सोनाबै सामेरु बेंखनना बारलांदों। बे हादरमाया फारथामथिंबो दैजों बेंजानाय।

63. आफ्रिका हादरमानि सोमोन्दै लिर।

फिनः आफ्रिकाया जाबाय बुहुमनि नैथि गेदेर हादरमा। बे हादरमानि गेजेरजों बिसुब हांखोआ बारलांदों। बे हादरमाया सा आरो खोला मोननैबो दुलुरखावावनो समानै गोसारनानै दं। खालि बे हादरमानि गेजेरजोंल’ कर्कटक्रान्ति हांखो, बिसुब हांखो आरो मकरक्रान्ति हांखोआ बारलांदों। बिसुबारि ओनसोलाव थानाय आफ्रिका हादरमानि बारहावाया जोबोद गुदुं। बुहुमनि बयनिख्रुइ देरसिन साहारा बालाहामाया बे हादरमायावनो दं। बुहुमनि बयनिख्रुइबो लाउसिन नील दैमायाबो बे हादरमायावनो दं।

64. लान्दां जायगाखौ सुफुंः

(a) बयनिख्रुइ फिसासिन हादरमानि मुङा ………..।

फिनः असेनिया।

(b) बुहुमनि जौसिन थिखिनिया जाबाय ……….।

फिनः माउन्ट एभारेष्ट।

(c) बुहुमनि थौसिन बिन्दोआ प्रशान्त लैथोमानि …………आव।

फिनः मेरियाना दैग्रं।

(d) ……….लैथोमाखौ हादरनि मुङै दोननाय जादों।

फिनः भारत।

(e) बुहुमनि गासै बाहागोनि ………..बाहागोआ एसिया हादरमायाव दं।

फिनः ⅓ ।

फरासिंनि सोंथि

1. बुहुम सावगारिफोर नायनानै हानजायाव सावरायनानै लिरनि फै-

(क) बुहुमनि गाहाय हादरमाया दरबेसे आरो मा मा?

फिनः बुहुमनि गाहाय हादरमाफोरनि अनजिमाया गं स्नि। बे हादरमाफोरा जाबाय-एसिया, इउर’प, आफ्रिका, सा आमेरिका, खोला आमेरिका, असेनिया आरो एन्टार्कटिका।

(ख) बिसुब हांखो, कर्कट क्रान्ति आरो मकर क्रान्ति हांखो मोनथामा बबे हादरमानि गेजेरजों थांदों?

फिनः आफ्रिका हादरमानि गेजेरजों।

(ग) पानामा हासुजाबा मबे हादरफोरखौ फोनांजाबदों?

फिनः सा आमेरिका आरो खोला आमेरिका हादरमाफोरखौ।

2. फिननाय हो:

(क) बुहुमनि बयनिख्रुइ गुवारसिन दैमानि मुङा मा? 

फिनः आमाजान।

(ख) बुहुमनि बयनिख्रुइ देरसिन बालाहामाया बबे? 

फिनः साहारा बालाहामा।

(ग) बुहुमनि बनिख्रुइ लाउसिन दैमानि मुङा मा?

फिनः नील दैमा।

(घ) बुहुमनि बयनिख्रुइ लाउसिन हाजोमालारिनि मुङा मा?

फिनः एन्दिज।

(ङ) बुहुमनि बयनिख्रुइ देरसिन हादरमानि मुङा मा? 

फिनः एसिया।

SEBA Class 6 Social Science In Bodo

Chapter No.	CONTENTS
Chapter – 1	सानखराङाव जोंनि बुहुम
Chapter – 2	बुहुमनि देरथाइ आरो महर
Chapter – 3	बुहुमनि खारथाइ
Chapter – 4	बुहुमनि गाहाइ मण्डलफोर
Chapter – 5	हालुर फरायसंनायनि आगजुः मानसावगारि
Chapter – 6	बुहुमनि गाहाइ हा-महर
Chapter – 7	आसाम : बारहावा, मिथिंगायारि लाइफां, हाग्रानि जिउनां आरो आबाद
Chapter – 8	जोंनि भारतबर्ष
Chapter – 9	मा, बबेयाव, माब्ला आरो माबोर
Chapter – 10	गोजाम अन्थाइ मुगा
Chapter – 11	गोदोनि गानसिनि रांखान्थियारि हाबा-हुखा आरो गोजोर थानाय (गोदान अन्थाइ मुगा)
Chapter – 12	गोजाम नोगोरारि सोदोमस्रि
Chapter – 13	बेदारि सोदोमस्रि
Chapter – 14	महाजन पद
Chapter – 15	गोदान सानस्रि जाखांनाय
Chapter – 16	मैर्य साम्राज्यो गेदेमा अश’क आरो कौटिल्यनि अर्थशास्त्र
Chapter – 17	जोंनि गुदि गोनांथिफोर
Chapter – 18	जौगाखां जिउनि गोनांथिफोरा (जोंनि गावारि आरो समाजारि गोनांथि)
Chapter – 19	जिउ खांनायनि मान जौगाहोनायाव आरोंदानि गोहोम
Chapter – 20	आबाद, दारिमिन आरो मावमिन खोन्दोआव आरोंदानि गोहोम
Chapter – 21	सरखारनि सानखांथि आरो बायदि रोखोमनि सरखार
Chapter – 22	सुबुं खुंथाइ आरो बेनि खान्थिफोर
Chapter – 23	मिरुवारि आरो राज्योआरि सरखार
Chapter – 24	जायगायारि जारखुंथाइ राहा

Notes of Class 6 Social Science in Bodo Medium | Bodomedium Class 6 सामाज बिगियान notes इस पोस्ट में हम आपको ये समझा ने कि कोशिश की है की Bodo Medium Class 6 Social Science Question answer | SEBA Class 6 Social Science सामाज बिगियान Question Answer In Bodo Chapter 4 अगर आप एक Bodo सात्र या शिक्षाक हो तो आपके लिए लावदयक हो सकता है।

Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।