SEBA Class 6 Social Science Chapter 11 in Bodo गोदोनि गानसिनि रांखान्थियारि हाबा-हुखा आरो गोजोर थानाय (गोदान अन्थाइ मुगा)

SEBA Class 6 Social Science Chapter 11 in Bodo गोदोनि गानसिनि रांखान्थियारि हाबा-हुखा आरो गोजोर थानाय (गोदान अन्थाइ मुगा) | Godani Gansini Ranglkanthiyari Haba Hukha aro Gojor Thanay (Godan Anthai) | Class 6 सामाज बिगियान Question Answer in Bodo As Per New Syllabus to each Chapter is provided in the list of SCERT, NCERT, SEBA गोदोनि गानसिनि रांखान्थियारि हाबा-हुखा आरो गोजोर थानाय (गोदान अन्थाइ मुगा) Class 6 Social Science Chapter 11 Question Answer/Class 6 Social Chapter 11 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 6 Social Science Question Answer In Bodo Chapter 11. Class 6 Social Science Solution Chapter 11. covers all the exercise questions in NCERT, SCERT.

Class 6 Social Science Chapter 11 गोदोनि गानसिनि रांखान्थियारि हाबा-हुखा आरो गोजोर थानाय (गोदान अन्थाइ मुगा)

SEBA Class 6 Social Science Notes Chapter 11 In Bodo गोदोनि गानसिनि रांखान्थियारि हाबा-हुखा आरो गोजोर थानाय (गोदान अन्थाइ मुगा) । Godani Gansini Ranglkanthiyari Haba Hukha aro Gojor Thanay (Godan Anthai)। Social Science Guide for Class 6th Chapter 11 गोदोनि गानसिनि रांखान्थियारि हाबा-हुखा आरो गोजोर थानाय (गोदान अन्थाइ मुगा). Also Same NCERT Solutions for Class 6 Social Science इस पोस्ट में हम आपको ये समझा ने कि कोशिश की है की Class 6 Social Science Question Answer Chapter 11 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 6 Social In Bodo Medium बोहत लाभदायक हो सकता है। Ncert/Scert Social Science Class 6 Chapter 11 मे आप अपना ध्यान लगाके पढ़ कर इस SEBA Class 6 Social Science Question Answer Chapter 11 में अछि Mark ला सकते हो अपनी आनेवाली परीक्षा में।

फरा 11 गोदोनि गानसिनि रांखान्थियारि हाबा-हुखा आरो गोजोर थानाय (गोदान अन्थाइ मुगा)

Chapter 11 Godani Gansini Ranglkanthiyari Haba Hukha aro Gojor Thanay (Godan Anthai)

जारिमिन खोन्दो

उनसोलों

1. फिननाय लिरः

(क) सुमननि फरायसालिनि फोरोंग्रा आब ‘आ सिगांनि सानाव मानि सोमोन्दै फोरमायदोंमोन?

फिनः सुमननि फरायसालिनि फोरोंग्रा आब ‘आ गोदोनि मानसिनि सोमोन्दै बुंदोंमोन। बियो बुंदोंमोनदि गोजाम सुबुंफोरा जोबोद खस्थ’ खालामनानैसो जाग्रा बेसादफोरखौ बुथुमनो गोनां जादोंमोन। बिसोर मैहुर खालामनानै जिब जुनारनि बेदर आरो हाग्रानि फिथाइ-सामथाइ आरि जानो थाखाय बुथुमना लाबोयौमोन। बिसोरहा खस्थ ‘नि सिमा गैयामोन। जाग्रां बेसादफोरखौ गोरलैयै मोननायनिबो राहा गैयामोन। बेनि रुजुनायाव दिनै जों जाग्रा बेसादफोरखौ गोरलैयैनो हाथाइ-बाजार एबा गलायाव मोनो। आदार बुथुमनाया गोदोनिख्रुइ दा गोरलैसिन जाना फैबाय।

(ख) गोदोनि मानसिया हाग्रायाव मोननाय फिथाइ-सामथाइनि बिफांफोरनि सोमोन्दै मा नोजोर होदोंमोन?

फिनः गोदोनि मानसिया हान्जा जुथिनानै गिदिंथिंनायाव मोननैसो बाथ्राखौ नोजोर होदोंमोन। बिसोर नोजोर होदोंमोनदि माबोरै बेगरनिफ्राय गोदान बिफां रजयो, फिथाइ-सामथाइ थायग्रा बिफां-लाइफांफोरा बबेयाव बांसिन रजयो बायदि बायदि। बिसोर नोजोर होदोंमोन खायसे जायगायाव बिफांफोरा थाबैनो रजयो आरो खायसे जायगायाव बिफांनि गाजा खिलिनायाव गोबाव जायो। जायफोर जायगायाव बिफांफोरा थाबै गाजा खिलियो बेफोर बायदि जायगांयावनो बिसोर बेगर फोदोंमोन।

(ग) आबाद मावनो थाखाय गोदोनि मानसिया माजों आगजु बानायदोंमोन?

फिनः आबाद मावनो थाखाय गोदोनि मानसिया अन्थाइनि आगजु बानायना लादोंमोन। बेफोर आगजुफोरखौ बिसोर अन्थाइयावनो उननानै मिहि, जों जों आरो गोफार खालामना लादोंमोन। बेनि अनगायैबो जिब-जुनारनि बेगें, हाथाइनि खुन्दा आरो दंफांनि गुबुन गुबुन आइजेंफोरखौ आबादाव उदायथावै बानायना लादोंमोन। फसल होख्रेमनो बिसोर अन्थाइनि फाथा, जाथा बायदि बानायना लादोंमोन।

(घ) गोदोनि मानसिया मा मा जाहोनाव जिब-जुनार फिसिदोंमोन?

फिनः गोदोनि मानसिया खायसे दद्र आखुनि जुनारफोरखौ फिसिदोंमोन।

(1) मैहुर मोनै समाव बेफोरखौ जामुं महरै बाहायनो थाखाय बिसोर जुनारफोरखौ फिसिदोंमोन। 

(2) हान्थिनाय हाबायाव बाहायनो थाखायबो खायसे जुनारफोरखौ फिसिदोंमोन। 

(3) जिब-जुनारनिफ्राय गाइखेर मोननायनि थाखायबो बिसोर जुनार फिसिदोंमोन आरो (4) गावसोरनि मैहुर खामानियाव हेफाजाब होनो थाखाय सैमाखौ फिसिदोंमोन।

(ङ) साखा बाहायनाया गोदोनि मानसिखौ मा मा हाबायाव मदद खालामदोंमोन?

फिनः साखानि दिहुनथाइया गोदोनि मानसिनि जिउ खांनाय आदबखौ जोबोरैनो दावगाहोदोंमोन। बिदिन्थि महरै आगुवाव मानसिया थाबायनानै एबा जुनारनि बिखुंआव गाखोना दाबसेनिफ्राय गुबुन दाबसे जायगासिम थांदोंमोन। नाथाय, साखा लागायनानै बानायनाय गारिखौ जुनारजों बोहोनायनि राहा खालामनायाव सासेनिख्रुइ बांसिन मानसि सम मोनसेयावनो गोजान गोजानसिन थांनो हानाय जादोंमोन। बेनि अनगायैबो आबादनि फसल आरो बायदि गिलिर गिलिर बिबान रोगानो थाखाय साखागोनां गारिफोरखौ बाहायनाय जादोंमोन। मोनसे समाव हानि दो-दोख्ला बानायनायनि बेलायावबो साखाया बाहायजानो हमनायसै।

(च) गामियाव हान्जा जुथिनानै थानायनिफ्राय गोदोनि मानसिहा मा मा खाबु जादोंमोन?

फिनः गामियाव हान्जा जुथिनानै थानायनि जाउनाव गोदोनि मानसिहा गोबां खाबु जादोंमोन। बिसोर आबाद मावनाय, मैहुर खालामनाय, बायदि खैदां- खैफोदफोराव गावजों-गाव हेफाजाब होलायनो हादोंमोन आरो रैखाथि मोननो हादोंमोन।

(छ) गोदोनि मानसिया मा मा जाहोनाव हानि दो-दोख्ला बाहायदोंमोन?

फिनः गोदोनि मानसिया संनाय-खावनाय आरो जामुं दोनथुमनो थाखाय हानि दो-दोख्ला बाहायदोंमोन। बिसोर हाजोंनो नांगौ रोखोमनि दो-दोख्ला बानायनानै बेफोरखौ अराव सावना गोरा खालामना लादोंमोन। उनावहाय बिसोर साखानि हेफाजाबैबो हानि दो-दोख्लाफोरखौ बानायना लानायसै।

2. मानसावगारि नायसंनानै फिननाय हो-

दावजालि हादिंआ बबे जिलायाव? नोंनि जिलानिफ्राय बेयो बबेथिंजाय दङ’?

फिनः सा-कासार जिलायाव। खोला-सानजा थिंजाय दं।

3. मावथांखि जथाय (हान्जा लानानै)-

नोंनि हालामाव साखाखौ मा मा हाबायाव बाहायनाय जायो?

फिनः गावबा गाव नाजा। नों साखानि खायसे बाहायनायखौ अरायबो नुखादों जेरै-मथर गारिजों हान्थिनाय, रोगानाय बायदि हाबायाव, दैखरनिफ्राय दै खावनाय हाबायाव, दालि, सबाइ बायदि हुख्रेमनाय हाबायाव, जेनथेरफोराव साखाखौ बाहायनाय जायो। गोबां फिननाय होनो नाजाबावदो।

4. भारतनि गंसे मानसावगारि आखिनानै गाहायनि जायगाफोरखौ फज’-

(क) बुर्जाहम

(ख) मेहरगड़

(ग) चिराण्ड

(घ) भीमबेटका

(ङ) पैयामपल्ली।

उफ्रा सोथि

1. गोदोनि मानसिया मा बादि गिदिंथिंदोंमोन?

फिनः गोदोनि मानसिया हान्जा जुथिनानै गिदिंथिंदोंमोन।

2. गोदोनि मानसिया फसलखौ बोरै थिना दोनदोंमोन?

फिनः गोदोनि मानसिया फसलखौ थिना दोननो थाखाय गेदेर गेदेर हानि दोस्राव बानायदोंमोन आरो बेफोराव सोना दोनदोंमोन। गांसो-हाग्राजोंबो ख’ हेबनानै एबा माब्लाबा हायावनो हाखर जावनानै फबनानै दोनदोंमोन।

3. गोदोनि मानसिया जाथाखौ मानो बानायदोंमोन?

फिनः फसल होख्रेमनो बिसोर अन्थाइनि फाथा, जाथा बायदिफोरखौ बानायना लादोंमोन।

4. सा-कासार जिलानि दाउजालि हाडिं मुंनि जायगायाव मा मा मोननाय जादों?

फिनः सा-कासार जिलानि दाउजालि हाडिं मुंनि जायगायाव गोबां मिहि खदाल महरनि अन्थाइ आरो फसल होख्रेमग्रा फाथा आरो दोस्रावनि थुख्रा मोननाय जादों।

5. बबे बबे जायगायाव गोजाम सुबुङा बाहायनाय आगजुफोरखौ मोननाय जादों?

फिनः सा-कासार जिलानि दाउजालि हाडिं, काश्मिर सेरफां, खोला भारतनि कृष्णा आरो गदाबरी सेरफां, बिहारनि चिराण्ड आरो उत्तर प्रदेशनि बैलान सेरफाङाव गोजाम सुबुङा बाहायनाय आगजुफोरखौ मोननाय जादों।

6. ‘अर’ आरो ‘साखा’ बबे मोनसेखौ गोजाम सुबुङा संदिहुनग्रोदोंमोन?

फिनः अरखौ गोजाम सुबुङा संदिहुनग्रोदोंमोन।

7. साखानि गोनांथि आरो बाहायनायनि खोथाया गोदोनि मानसिनि गोसोआव माबोरै जाखांफैजेनदोंमोन?

फिनः गोदोनि मानसिया दुलुर महरनि दंफां थुख्राखौ माब्लाबा हा साजों दुद्रुलांनायखौ नोजोर होदोंमोन। बेनिफ्रायनो बिसोर साखानि गोनांथि आरो बाहायनायनि खोथाखौ गोसोआव सानखांदोंमोन।

8. माब्लानिफ्राय गोदोनि मानसिया गामि दानानै थानो लादोंमोन?

एबा

गामिया माबोरै सोमजिदोंमोन?

फिनः आबाद मावनो जागायजेननाय लोगो लोगोनो गोदोनि मानसिनि बेसेबांबा बोसोर जायगा सोलाय सोलाय गिदिंथिंनाय हुदाया गैया जालांनायसै। आबाद मावनो थाखाय बिसोर जायगा दाबसेयावनो गोजारै थाजेननो हमनायसै। बिसोर हानजा जुथिनानै थानो हमनायसै। जाउनाव दरता गामि जोनोम जानायसै।

9. बुहुमनि गोजाम सोदोमस्रिफोरा दैमा सेरफांफोराव मानो सोमजिखांदोंमोन?

फिनः गोदोनि मानसिफोरा दैमा एबा बिलो सेरफोराव थाजेननो लादोंमोन। मानोना गावसोर फिसिनाय मि-जुनार आरो आबाद फसलनि थाखाय दैया गोनांथार जानायलाय, बे खाबुनि थाखायनो बिसोर दैमा सेरफां, बिलो खाथिफोराव थानो लादोंमोन। बेनिखायनो, बुहुमनि गोजाम सोदोमस्रिफोरा दैमा सेरफांफोराव सोमजिखांदोंमोन।

10. गाहायाव होनाय थावनिफोरखौ गोरोब होनानै बेफोराव मोननाय फसलनि नेरसोन आरो फिसिजानाय जुनारनि बेगेंफोरखौ लिर।

मेहागड़, चिराण्ड, हाल्लुर, पैयामपल्ली

फिनः थावनि फसल आरो जिब जुनारनि बेगें:

मेहागड़ – माइरं, मोसौ, हा-सायाव जुनारनि ओथिंनि महर रेगा।

चिराण्ड – गम, बुट, बार्लि, मैसो, मोसौ, खार

हाल्लुर – गम, मोसौ, बोरमा मेन्दा, बोरमा, अमा।

पैयामपल्ली – सबाइ, गम, मोसौ, बोरमा मेन्दा, बोरमा, अमा।

11. जामुं फसलखौ मानो थिनानै दोननांगौ जायो?

फिनः खायसे आबादखौ खायसे थि समावसो मावनाय जायो। बेनिखायनो आबाद गैयै समाव आरो आबाद मावफिननायनि थाखाय जोलै महरै बाहायनो जों जामुं फसलखौ थिना दोननांगौ जायो।

12. गोजाम सुबुङा माबोरै जामुं फसलखौ थिना दोनदोंमोन?

फिनः गोदोनि सुबुङा गेदेर गेदेर हानि दोस्राव बानायनानै जामुं फसलखौ थिना दोनदोंमोन। फसल दोननो थाखाय गांसो-हाग्राजों ख’ हेबदोंमोन आरो माब्लाबा हायावनो हाखर जावनानै फबनानै दोनदोंमोन।

13. गोजाम सुबुङा दिहुननाय फसलनि एफा-एनै बाहागोआ गाज्रिबो जायोमोन। मानो जायोमोन?

फिनः गोजाम सुबुङा दिहुननाय फसलनि एफा-एनै बाहागोआ गाज्रिबो जायोमोन। बेनि जाहोना जाबाय बिसोर गावसोरनि दिहुननाय आबाद फसलफोरखौ मोजां रोखोमै थिनानै दोननो रोङाखैमोन। बायदि रोखोमनि मिथिंगायारि अलखद, एमफौ-एनलाफोरनि नाख्रेबनाया बेफोरखौ गाज्रि खालामदोंमोन।

14. आथिखालाव मानसिया जामुं फसलखौ माबोरैहाय थिनानै दोनो?

फिनः आथिखालाव मानसिनि सोदोमस्रिया गोबाङैनो दावगालांबाय। दानिया जौगा माननि राहाजों आबाद फसलखौ थिनानै दोनो। बायदि रोखोमनि रासायनारि मुवा एबा मुलै बाहायनानै बेफोरखौ एमफौ-एनलानिफ्राय सरैखायै लाखियो।

15. फिसिजानाय जुनारफोरखौ मानो “थिनानै दोननाय जामुं” बुंनाय जायो।

फिनः फिसिजानाय जुनारफोरा सरासनस्रायै फेलेर बांहोयो। जोथोन लानानै फिसियोब्ला बेयो जोंनो गुबुन मोनसे गाहाय जामुं महरै गायखेर होयो आरो नांगौ समाव बेदर हिसाबैबो बाहाय जायो। बेनिखायनो फिसिजानाय जुनारफोरखौ “थिनानै दोननाय जामुं” बुंनाय जायो।

16. गोदोमिनगिरिफोरा गोदोनि आबादारि जुनार फिसिग्रा मानसिफोरा माबायदि न’ लुनानै थानाय बाथ्राखौ मिथिना मोनदों?

फिनः गोदोमिनगिरिफोरा खायसे ओनसोलफोराव गोदोनि आबादारि जुनार फिसिग्रा मानसिफोरनि न ‘नि सोमोन्दै मिथिनो हादों। बिदिन्थि महरै आथिखालनि काश्मिरनि बुर्जाहमाव मानसिया हा सिंसिम जावख ‘नानै न’ लुदोंमोन आरो बेयाव हाबहैनो सिरि बानायदोंमोन। खायसे न’आव सिं आरो बायजो दाबनैयावबो संग्रा इसिं दंमोन। जानो हागौ बोथोर नायनानै बे संग्रा इसिंफोरखौ बाहायनाय जादोंमोन।

17. लान्दां जायगाखौ सुफुंः

(क) अर आरो आबाद मावनायखौ संदिहुननायनि उनाव गोदोनि मानसिनि गुबुन मोनसे मख ‘जाथाव संदिहुनथाया जाबाय …………।

फिनः साखा।

(ख) माखासे न ‘खरा हान्जा जुथिना थानानै दरफा …………जोनोम होदोंमोन।

फिनः गामि।

(ग) गोदोनि मानसिया आदार आबाद मावनाय आरो …………आरियाव बाहायनो जुनार फिसिदोंमोन।

फिनः हान्थिनाय।

SEBA Class 6 Social Science In Bodo

Chapter No.	CONTENTS
Chapter – 1	सानखराङाव जोंनि बुहुम
Chapter – 2	बुहुमनि देरथाइ आरो महर
Chapter – 3	बुहुमनि खारथाइ
Chapter – 4	बुहुमनि गाहाइ मण्डलफोर
Chapter – 5	हालुर फरायसंनायनि आगजुः मानसावगारि
Chapter – 6	बुहुमनि गाहाइ हा-महर
Chapter – 7	आसाम : बारहावा, मिथिंगायारि लाइफां, हाग्रानि जिउनां आरो आबाद
Chapter – 8	जोंनि भारतबर्ष
Chapter – 9	मा, बबेयाव, माब्ला आरो माबोर
Chapter – 10	गोजाम अन्थाइ मुगा
Chapter – 11	गोदोनि गानसिनि रांखान्थियारि हाबा-हुखा आरो गोजोर थानाय (गोदान अन्थाइ मुगा)
Chapter – 12	गोजाम नोगोरारि सोदोमस्रि
Chapter – 13	बेदारि सोदोमस्रि
Chapter – 14	महाजन पद
Chapter – 15	गोदान सानस्रि जाखांनाय
Chapter – 16	मैर्य साम्राज्यो गेदेमा अश’क आरो कौटिल्यनि अर्थशास्त्र
Chapter – 17	जोंनि गुदि गोनांथिफोर
Chapter – 18	जौगाखां जिउनि गोनांथिफोरा (जोंनि गावारि आरो समाजारि गोनांथि)
Chapter – 19	जिउ खांनायनि मान जौगाहोनायाव आरोंदानि गोहोम
Chapter – 20	आबाद, दारिमिन आरो मावमिन खोन्दोआव आरोंदानि गोहोम
Chapter – 21	सरखारनि सानखांथि आरो बायदि रोखोमनि सरखार
Chapter – 22	सुबुं खुंथाइ आरो बेनि खान्थिफोर
Chapter – 23	मिरुवारि आरो राज्योआरि सरखार
Chapter – 24	जायगायारि जारखुंथाइ राहा

Notes of Class 6 Social Science in Bodo Medium | Bodomedium Class 6 सामाज बिगियान notes इस पोस्ट में हम आपको ये समझा ने कि कोशिश की है की Bodo Medium Class 6 Social Science Question answer | SEBA Class 6 Social Science सामाज बिगियान Question Answer In Bodo Chapter 11 अगर आप एक Bodo सात्र या शिक्षाक हो तो आपके लिए लावदयक हो सकता है।

Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।