SEBA Class 6 Social Science Chapter 10 in Bodo गोजाम अन्थाइ मुगा

SEBA Class 6 Social Science Chapter 10 in Bodo गोजाम अन्थाइ मुगा | Gojam Anthai Muga | Class 6 सामाज बिगियान Question Answer in Bodo As Per New Syllabus to each Chapter is provided in the list of SCERT, NCERT, SEBA गोजाम अन्थाइ मुगा Class 6 Social Science Chapter 10 Question Answer/Class 6 Social Chapter 10 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 6 Social Science Question Answer In Bodo Chapter 10. Class 6 Social Science Solution Chapter 10. covers all the exercise questions in NCERT, SCERT.

Class 6 Social Science Chapter 10 गोजाम अन्थाइ मुगा

SEBA Class 6 Social Science Notes Chapter 10 In Bodo गोजाम अन्थाइ मुगा । Gojam Anthai Muga। Social Science Guide for Class 6th Chapter 10 गोजाम अन्थाइ मुगा. Also Same NCERT Solutions for Class 6 Social Science इस पोस्ट में हम आपको ये समझा ने कि कोशिश की है की Class 6 Social Science Question Answer Chapter 10 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 6 Social In Bodo Medium बोहत लाभदायक हो सकता है। Ncert/Scert Social Science Class 6 Chapter 10 मे आप अपना ध्यान लगाके पढ़ कर इस SEBA Class 6 Social Science Question Answer Chapter 10 में अछि Mark ला सकते हो अपनी आनेवाली परीक्षा में।

फरा 10 गोजाम अन्थाइ मुगा

Chapter 10 Gojam Anthai Muga

जारिमिन खोन्दो

उनसोलों

1. फिननाय लिरः

(क) गोजाम मुगानि सुबुङा मा मा जामुं जायोमोन?

फिनः गोजाम मुगानि सुबुङा अर ‘नारि जिब-जुनाद मैहुर खालामनानै, ना हमनानै, बिफांनि फिथाइ-सामथाइ रोदा, बेगर, बिलाइ आरि बुथुमनानै जायोमोन।

(ख) गोजाम सुबुङा मा जाहोनाव दाबसेनिफ्राय गुबुन दाबसे जायगासिम गिदिंथिङोमोन?

फिनः गोजाम मुगानि सुबुङा थाब थाब जायगा सोलायना गिदिंथिंबाय थायोमोन। मानोना, गोबां सान जायगा दाबसेयावनो हाबा मावनायनि जाउनाव बै जायगायाव जामुं बेसादफोरनि आंखाल जानो हमोमोन। जुनारफोराबो जामुं नागिरनानैं दाबसेनिफ्राय गुबुन दाबसेसिम गिदिङोमोन। जिहेतु गोजाम सुबुंफोरा मैहुर खालामनायजों लोब्बा दंमोन, बिसोरबो जिब-जुनादनि थांनाय-फैनायजों लोगोसे गावसोरनि थांनाय-फैनायखौ सोलायदोंमोन। गोजाम सुबुंफोरनि बोथोर नायनानै फिथाइ-सामथाइ नागिरनानै दाबसेनिफ्राय गुबुन दाबसेसिम दावबायथिंदोंमोन। रानस्राव बोथोराव जेब्ला बिलो, दैमा निजोरानि दैया रानलाङो अब्ला गोजाम सुबुङा दै नागिरना दै थानाय जायगासिम दावगालाङोमोन। बेफोरबादि माखासे जाहोननि थाखायनो गोदोनि मानसिफोरा जायगा सोलाय-सोलाय गिदिंथिंबाय थायोमोन।

(ग) आथिखाल मानसिनि दावबायनाय हाबानि थांखिनि गेजेराव मा मा बिथिङाव गोरोबनाय आरो गोरोबि दं?

फिनः आथिखालाव मानसिफोरा बायदि थांखि लानानै दावबायो। जैरै- फालांगिनि दावबायनाय, रंजानायनि थाखाय दावबायनाय, धोरोमारि थावनिफोराव दावबायहैनाय, मुवा बायहैनो थाखायबो दावबायहैनाय बायदि बायदि।

(घ) गोजाम मुगानि सुबुङा मानो अन्थाइखौनो आगजु महरै बाहायदोंमोन बेखेवना हो।

फिनः गोजाम मुगानि मानसिफोरा अन्थाइखौनो आगजु महरै बाहायदोंमोन। मानोना बै समाव दिनैनि बायदि आयजें-आइला दिहुननो हानाय जेबोआनो जायाखैमोन। बेनिखायनो बिसोरनि खामानियाव फैनाय बादि अन्थाइखौनो गुबुन गुबुन महर-दाथायनि आगजु आरो हाथियार दानना लादोंमोन। आगजुफोरा गिबियाव बुथुवा बायदिमोन। फारियै सान बारलांनाय लोगो लोगो बिसोरनि आगजुफोराबो बांसिन मिहि, स्लिम-स्लिम आरो गोफार जाबोदोंमोन।

(ङ) अन्थाइखौ मा मा हाबायाव बाहायनाय जायो बेनि सायाव दोंसे रेबसुं जथाय।

फिनः अन्थाइया जोंनि गोबां खामानियाव फैयो। जेरै- न’ लुनाय,, मथ मन्दिर बानायनाय, मुसुखा बानायनाय, लामा-दालां बानायनाय, बान्दो बानला होनाय बायदि खामानिफोराव अन्थाइ नङाब्लानो जाया। गोदोनि मानसिफोरा अन्थाइनि आइजें-आइला, हाथियार बायदि बानायनानै खामानियाव बाहायबोदोंमोन। अन्थाइनि दन्दराव थानो लादोंमोन।

(च) अरनि संदिहुननाया माबोरै जादोंमोन?

फिनः जारिमिनगिरिफोरा गोजाम दन्दरफोरखौ नायदिंनायाव दन्दरफोराव माखासे हांगारनि रेगा नुनो मोनदोंमोन। बे रेगाफोरनिफ्राय जारिमिनगिरिफोरा सान्दाङोदि गोजाम सुबुङा अरजों सिनायथि दंमोन। बिसोर आन्दाज खालामदोंदि आदार नागिरनायाव गोजाम सुबुङा हाग्रायाव गिदिंबायनायावनो जानो हागौ सानसे थाखि-थुखि अन्थाइजों अन्थाइ हुथ्रोदनानै अरखि बेरफ्रुनाय नुसनदोंमोन आरो अब्लानिफ्रायनो जानो हागौ बिसोर अर बाहायनो सोलोंदोंमोन। बिब्दियैनो अरनि संदाननाया जादोंमोन।

(ज) गोजाम सुबुंनि जिउ खांनायाव अरा माबादि हे फाजाब खालामदोंमोन?

फिनः अर दिहुननो हानाया गोजाम सुबुंनि जिउ खांनायाव मोनसे सोलायनाय लाबोदोंमोन। बिसोर गोथां-गोब्रामै जानायनि सोलाय गावसोरनि खाजाफोरखौ संनानै, सावनानै जानो सोलोंदोंमोन। खोमसि दरसि थानायनि सोलाय सोरां फोजोंनानै थानो सोलोंदोंमोन। अरजों जुनारफोरखौ सिगि-सोग’ खालामनानै खारहोदोंमोन आरो हाग्रा बुंग्रा जारसिफोरखौ सावस्रांनानै जायगाफोरखौ लान्दां खालामनानै आबाद मावनो हमदोंमोन।

2. हान्जायारि हाबाः

(क) फारि बादियै अन्थाइनि आगजुनि सावगारि बोनानै थाखो खथायाव सैनानै दोन।

फिनः गावबा गाव खालामना नाय।

(ख) गोजाम मानसिनि मैहुर आरो आदार बुथुमनायनि सावगारि बो।

फिनः गावबा गाव खालामना नाय।

3. गोजाम सुबुङा बुथुमनाय जामुंखौं मानो थिना दोनाखैमोन? बेखेव।

फिनः गोजाम सुबुङा मैहुरारि आरो आदार बुथुमग्रा महरै रोखोमसे सादा-सिदा बबेखानि गोब्राब जिउ खांदोंमोन। गासैबो लोगो नांनानै हाबा मावदोंमोन। जाय जामुं बेसादखौ बुथुमदोंमोन, बेफोरखौ रानलायनानै जादोंमोन। बेफोरखौ बिसोर बुथुमना दोननायनि खोथाखौ सानखाङाखैमोन। बै समाव जामुं बेसादफोरखौ गोबाङैमोननो थाङोमोन आरो बेफोरनि थाखाय सिन्था खालामनो गोनां जायामोन। बेनिखायनो गोजाम सुबुङा जामुंखौ थिना दोनाखैमोन।

हानजायाव सावरायः

(क) गोदोनि मानसिया मा मा हाबायाव अर बाहायदोंमोन?

फिनः गोदोनि मानसिया बेदर सावनाय, संनाय, सोरांनि थाखाय आरो जुनारफोरखौ सिगिनो थाखाय अरखौ बाहायदोंमोन।

(ख) आथिखालाव अरखौ जों मा मा हाबायाव बाहायो?

फिनः आथिखालाव जों अरखौ संनाय हाबायाव, आइजें-आइला दानायाव, गुसुनिफ्राय बारग ‘नो थाखाय अरखौ बाहायो।

(ग) अर गैयामोनब्ला मानसिनि जिउ खांनाय आदबा मा बादि जागौमोन?

फिनः अर गैयामोनब्ला मानसिनि जिउ खांनाया गोब्राब जागौमोन। मानसिया गोथां गोब्रामैनो ना, बेदर, खाजा, बायदि जामुंफोरखौ जानांगौमोन। अर गैयामोनब्ला मानसिफोरा बै गोजाम सुबुंफोरबायदिनो जिउ खांनांगौमोन, सुबुं सोदोमस्रिया दावगानाय नङामोन। अरनि संदिहुननायखौ सुबुं सोदोमस्रिनि दावगानायनि मोनसे आगान बुंजायो।

उफ्रा सोंथि

1. बबेखिनि समखौ गोजाम अन्थाइ मुगानि सम होनना सानना लानाय जादों?

फिनः ख्रीष्ट गिबि 5,00,000 निफ्राय ख्रीष्टगिबि 8000 बोसोरसिम समखौ।

2. गोजाम अन्थाइ मुगाखौ बेसेबां खलबाव बाहागो खालामनो हागौ आरो मा मा?

फिनः गोजाम अन्थाइ मुगाखौ मोनथाम खलबाव बाहागो खालामनो हागौ।

बेफोर जाबाय:

(क) गुदि गोजाम अन्थाइ मुगा।

(ख) गेजेर गोजाम अन्थाइ मुगा।

आरो (ग) जौगा गोजाम अन्थाइ मुगा।

3. बबेखिनि समखौ गेजेर गोजाम अन्थाइ मुगा होननानै सानना लानाय जादों?

फिनः ख्रीष्टगिबि 8000 निफ्राय 4000 सिम समखौ।

4. गेजेर गोजाम अन्थाइ मुगायाव बाहायजानाय आगजुफोरा माबादिमोन?

फिन: गेजेर गोजाम अन्थाइ मुगायाव बाहायजानाय आगजुफोरा मिहि, स्लिम स्लिम आरो फिसा महरनिमोन।

5. गोजाम सुबुंनि मोनसे मख ‘जाथाव आखुथाइया मा?

फिनः गोजाम सुबुंनि मोनसे मख ‘जाथाव आखुथाइया जादोंमोन बिसोरो हाग्रानि गिथाव-जिब जुनादनिफ्राय गावखौ रैखा खालामनो थाखाय अजायै हानजा जुथिनानै बेरायदोंमोन।

6. गोजाम सुबुंनि जिउखौ मानो गोब्राब होनना साननाय जायो?

फिनः गोजाम सुबुंफोरा मैहुर खालामनानै, फिथाइ-सामथाइ बुथुमनानै जायोमोन। बिसोर आदारनि थाखाय दाबसे जायगानिफ्राय गुबन दाबसे जायगासिम गिदिंथिंबायनो गोनां जादोंमोन। बेफोरखौ गोरलैयै मोननायनि राहा गैयामोन। बेबादि गिदिंथिंनायाव बिसोर माखासे खैदां-खैफोद मोननांदोंमोन। जायानो जायामानो बिसोरनि जिउ खुंनाया गोब्राब रोखोमनिमोन।

7. गोजाम सुबुङा मा मानिफ्राय गावसोरनि आगजुफोरखौ बानायदोंमोन?

फिन: गोजाम सुबुङा जिब-जुनादनि बेगें, हाथाइ, अन्थाइ बायदिनिफ्राय गावसोरनि आगजुफोरखौ बानायदोंमोन।

8. गोजाम सुबुङा अन्थाइनि आयजें-आयलाफोरखौ मा मा खामानियाव बाहायदोंमोन?

फिनः गोजाम सुबुङा अन्थाइनि आइजें-आइलाफोरखौ बेदर दाननाय हानाय, दंफांनि बिगुर आरो जिब-जुनारनि बिगुर खुनाय, दंफांनि रोदा जावख ‘नाय, मैहुर खालामनाय बायदि खामानियाव अन्थाइनि आइजें- आइला बाहायदोंमोन।

9. गोदोनि मानसिया मा मा हाबायाव अर बाहायदोंमोन?

फिनः अर संदिहुननायनि उनाव गोदोनि मानसिया जिब-जुनारखौ मैहुर खालामना लाबोनानै बेफोरखौ अराव सावनानै जादोंमोन।

10. आथिखालाव अरखौ जों मा मा हाबायाव बाहायो?

फिनः अरनि संदिहुननाया सुबुं सोदोमस्रि दावगानायनि मोनसे मख ‘जाथाव आगान। आथिखालाव मानसिया अरजों संनानै जानो सोलोंबाय। बेखौ आथिखालाव गोहोनि फुंखा महरैबो बाहायदों।

11. अर गैयामोनब्ला मानसिनि जिउ खांनाय आदबा माबादि जागौमोन?

फिनः अर गैयामोनब्ला सुबुं सोदोमस्रिया दावगानाय नङामोन। गोदोनि मानसि आरो दानि मानसिनि गेजेराव जेबो फाराग थानाय नङामोन। गोथां-गोब्रामैनो बेदर, ना बायदिफोरखौ जागौमोन। हर-खोमसियाव स्रां एबा लेनथन गैयाजासे खोमसियै थानांगौमोन।

12. गोजाम-सुबुङा रंजानाय-बाजानायनि थाखाय मा मा खालामदोंमोन?

फिन: गोजाम सुबुङा रंजानाय-बाजानायनि थाखाय हानजा जुथिनानै मैहुराव थांनाय, जामुं बुथुमनो थांनाय, सावगारि बोनाय बायदि खामानि मावदोंमोन। बिसोर मिथिंगायाव मोननाय गाब गोनां अन्थाइ, दंफां बिगुर, बेगर आरिखौ उननानै गाब बानायना दन्दराव सावगारि बोदोंमोन। खायसे खायसे दन्दराव मैहुर मोसानायनि सावगारिबो नुनो मोननाय जादों। बेफोर सावगारि बोनायनि गेजेरजों गोजाम सुबुङा रंजानाय मोनदोंमोन।

13. गोजाम सुबुंनि गहेना आरो गाननाय-जोमनायफोरा मा बायदिमोन?

फिनः गोजाम सुबुङा गावसोरनो गोनां जानाय गाननाय-जोमनाय, गहेनाफोरखौ दाना लादोंमोन। बिसोर गुसु, गुदुं आरिनिफ्राय गावखौ बासायनो गुबुन गुबुन सि-जोम दानानै गानदोंमोन। दंफां बिगुर, जुनादनि बिगुर आरो खोमोन आरिनिफ्राय बानायनाय खसाबखौ गोजाम सुबुङा गानदोंमोन। जुनादनि बेगें, हाथाइ, संख्ला, अन्थाइ आरिजों बानायनाय गुबुन गुबुन रोखोमनि गहेनाफोर गानदोंमोन।

14. लान्दां जायगाखौ सुफुंः

(i) गोदोनि मानसिया गिबि आगजु महरै …………खौ बाहायदोंमोन।

फिन: अन्थाइ।

(ii) बुथुमनाय आदारखौ गोदोनि मानसिया थिना दोननांगौनि गोनांथिखौ …………।

फिन: सानखाङाखैमोन

(iii) जारिमिनगिरिफोरा गोजाम दन्दरफोरखौ नायदिंनायाव माखासे …………रेगा नुनो मोनदोंमोन।

फिन: हांगारनि।

(iv) …………संदिहुननाया सुबुं सोदोमस्रिनि दावगानायनि मोनसे मख ‘जाथाव आगान।

फिन: अरनि।

SEBA Class 6 Social Science In Bodo

Chapter No.	CONTENTS
Chapter – 1	सानखराङाव जोंनि बुहुम
Chapter – 2	बुहुमनि देरथाइ आरो महर
Chapter – 3	बुहुमनि खारथाइ
Chapter – 4	बुहुमनि गाहाइ मण्डलफोर
Chapter – 5	हालुर फरायसंनायनि आगजुः मानसावगारि
Chapter – 6	बुहुमनि गाहाइ हा-महर
Chapter – 7	आसाम : बारहावा, मिथिंगायारि लाइफां, हाग्रानि जिउनां आरो आबाद
Chapter – 8	जोंनि भारतबर्ष
Chapter – 9	मा, बबेयाव, माब्ला आरो माबोर
Chapter – 10	गोजाम अन्थाइ मुगा
Chapter – 11	गोदोनि गानसिनि रांखान्थियारि हाबा-हुखा आरो गोजोर थानाय (गोदान अन्थाइ मुगा)
Chapter – 12	गोजाम नोगोरारि सोदोमस्रि
Chapter – 13	बेदारि सोदोमस्रि
Chapter – 14	महाजन पद
Chapter – 15	गोदान सानस्रि जाखांनाय
Chapter – 16	मैर्य साम्राज्यो गेदेमा अश’क आरो कौटिल्यनि अर्थशास्त्र
Chapter – 17	जोंनि गुदि गोनांथिफोर
Chapter – 18	जौगाखां जिउनि गोनांथिफोरा (जोंनि गावारि आरो समाजारि गोनांथि)
Chapter – 19	जिउ खांनायनि मान जौगाहोनायाव आरोंदानि गोहोम
Chapter – 20	आबाद, दारिमिन आरो मावमिन खोन्दोआव आरोंदानि गोहोम
Chapter – 21	सरखारनि सानखांथि आरो बायदि रोखोमनि सरखार
Chapter – 22	सुबुं खुंथाइ आरो बेनि खान्थिफोर
Chapter – 23	मिरुवारि आरो राज्योआरि सरखार
Chapter – 24	जायगायारि जारखुंथाइ राहा

Notes of Class 6 Social Science in Bodo Medium | Bodomedium Class 6 सामाज बिगियान notes इस पोस्ट में हम आपको ये समझा ने कि कोशिश की है की Bodo Medium Class 6 Social Science Question answer | SEBA Class 6 Social Science सामाज बिगियान Question Answer In Bodo Chapter 10 अगर आप एक Bodo सात्र या शिक्षाक हो तो आपके लिए लावदयक हो सकता है।

Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।