SEBA Class 6 Social Science Chapter 12 in Bodo गोजाम नोगोरारि सोदोमस्रि

SEBA Class 6 Social Science Chapter 12 in Bodo गोजाम नोगोरारि सोदोमस्रि | Gojam Nogorari Sodomsri | Class 6 सामाज बिगियान Question Answer in Bodo As Per New Syllabus to each Chapter is provided in the list of SCERT, NCERT, SEBA गोजाम नोगोरारि सोदोमस्रि Class 6 Social Science Chapter 12 Question Answer/Class 6 Social Chapter 12 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 6 Social Science Question Answer In Bodo Chapter 12. Class 6 Social Science Solution Chapter 12. covers all the exercise questions in NCERT, SCERT.

Class 6 Social Science Chapter 12 गोजाम नोगोरारि सोदोमस्रि

SEBA Class 6 Social Science Notes Chapter 12 In Bodo गोजाम नोगोरारि सोदोमस्रि । Gojam Nogorari Sodomsri। Social Science Guide for Class 6th Chapter 12 गोजाम नोगोरारि सोदोमस्रि. Also Same NCERT Solutions for Class 6 Social Science इस पोस्ट में हम आपको ये समझा ने कि कोशिश की है की Class 6 Social Science Question Answer Chapter 12 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 6 Social In Bodo Medium बोहत लाभदायक हो सकता है। Ncert/Scert Social Science Class 6 Chapter 12 मे आप अपना ध्यान लगाके पढ़ कर इस SEBA Class 6 Social Science Question Answer Chapter 12 में अछि Mark ला सकते हो अपनी आनेवाली परीक्षा में।

फरा 12 गोजाम नोगोरारि सोदोमस्रि

Chapter 12 Gojam Nogorari Sodomsri

जारिमिन खोन्दो

उनसोलों

1. फिननाय लिरः

(क) मा मा दैमा सेराव गोजाम सोदोमस्रिया सोमजिखांदोंमोन?

फिनः बुहुमनि गोजाम सोदोमस्रिफोरनि बांसिनानो दैमा सेरावनो सोमजिदोंमोन। बिदिन्थि बायदियै-सिन्धु दैमानि सेराव सिन्धु सेरफांनि सोदोमस्रि, नील दैमानि सेराव मिसरारी सोदोमस्रि, इउक्रेटिस आरो टाइग्रिच दैमानि सेराव बेबिलनारि सोदोमस्रि, हवांह’ आरो इयां चिकियां दैमानि सेराव चीन सोदोमस्रि बायदि बायदि।

(ख) फरायाव मख ‘जानाय गोजाम सोदोमस्रिफोरनि मादाव बबे सोदोमस्रिनि गोसारथिया बयनिख्रुइबो बांसिन?

फिनः फरायाव मख ‘जानाय गोजाम सोदोमस्रिफोरनि मादाव सिन्धु सोदोमस्रिनि गोसारथियानो बयनिख्रुइबो बांसिन।

(ग) सिन्धु सेरफां सोदोमस्रिनि नोगोर बिथांखिनि सोमोन्दै लिर।

फिनः सिन्धु दैमानि सेरफाङाव हरप्पा आरो महेन्ज ‘दार’ गंनै नोगोर मोन्नाय जादों। महन्ज ‘दार’ नोगोरखौ सानै-हयै बानायनाय जादोंमोन होननानै सानखांनाय फैयो। बे नोगोरनि राजालामाफोरा गुवार-गेदेरमोन। गोथों गुवार लामाफोरा समानै नोगोरनि फारसे खर ‘निफ्राय गुबुन फारसे खर ‘सिम गोसारना दंमोन। बे लामाफोरा थोंगोरै दानस ‘लायनानै नोगोरखौ माखासे समान बाहागोआव रानदोंमोन। बेसाद रोगानालांनाय गिलिर मथर-गारिफोरा गोरलैयै खारलांनो हानाय बादि लामानि ख ‘नाफोरा बोरलाबादि दबनायमोन। गिदिर लामाफोरनि जिङाव दालान न ‘फोरा समायफ्लेहोदोंमोन। न ‘फोरखौ इथा आरो हाब्रु हाजों लुनाय जादोंमोन।

(घ) सिन्धु सेरफांनि मानसिया गुबुन गुबुन जायगाजों लोगोसे बेफार-फालांगि खालामनाय थोथाखौ माया फोरमान खालामो, फराजों लोब्बा लानानै लिर।

फिनः सिन्धु सेरफांनि मानसिफोरा बेफार-फालांगि खालामोमोन। बेफार-फालांगिनि बिथिङाव बिसोर जोबोद दावगानायमोन। बे सेरफांनि बेफार फालांगि खालामग्रा मानसिफोरा गोथां बेसाद धातु, गुबुन गुबुन रोखोमनि मणिक आरि मुवाफोरखौ गुबुन गुबुन जायगासिम् दैथायहरोमोन। धातुनि अनगायैबो जि-जोम, दो-दोखोल, हानि फुथुला मणिक आरो जामुं बेसादखौ गुबुन जायगासिम दैथायहरनाय जादोंमोन। हरप्पा सोदोमस्रियाव बाहायजानाय महर खावरि माणिक आरिखौ मेस ‘पटेमियायाव मोननाय जादों। बेनिफ्रायनो हमदांनो हायोदि सिन्धु सेरफां सोदोमस्रिजों लोगोसे मेस ‘पटेमिया आरो गुबुन गुबुन समब्रा-समब्रि सोदोमस्रिनि गेजेराव फालांगियारि सोमोन्दो दंमोन। बेफार-फालांगियाव नावखौनो बांसिनै बाहायजादोंमोन।

(ङ) मानि सायाव सोनारनानै सिन्धु सेरफांनि मानसिया सि-सुथेनाय सोलोखौ रोंदोंमोन होननानै सानदांनाय जायो?

फिनः जावखांनाय हाबायाव बुरखांना मोननाय बिजि, गुदाम संदिहुननायनिफ्राय संदाननो हायोदि बै समनि मानसिया सि-सुथेनाय सोलोखौ रोंदोंमोन होननानै सानदांनो हायो।

2. फरायाव थानाय मानसावगारिखौ नायनानै गाहायनि सोंनायफोरनि फिननाय हो-

(क) ल ‘थाल आरो कालिबांगाना आथिखालाव बबे बबे रायजोआव दं?

फिनः ल ‘थाल आरो कालिबांगाना आथिखालाव गुजराट आरो पानजाबाव दं।

(ख) सिन्धु दैमाया नांलांनाय जायगाफोरनि मुंखौ मुंख’।

फिनः च ‘टकाक ‘ह, आमरि, चानह ‘दार’, महेन्ज ‘दार’, हरप्पा आरि।

(ग) दानि पाकिस्तानाव गोलैनाय जायगा दाबब्रैसोनि मुं लिर।

फिनः च’टकाक’ह, आमरि।

(घ) झिलामा आथिखालाव बबे हादराव?

फिनः पाकिस्तानाव।

(ङ) र ‘पारा दा भारतनि बबे राज्योआव गोग्लैयो?

फिनः हिमाचल प्रदेशात्र गोग्लैयो।

3. क बाहागोजों लोगोसे ख बाहागोखौ गोरोबहो-

क	ख
1. सिन्धु सेरफांनि मानसिया	1. फसलफोरखौ दोननो
2. मह ‘रफोरा	2. इराकजों बेफार-फालांगि खालामदोंमोन
3. सिन्धु सेरफांनि मानसिया मोसौ गारि, नाव आरो	3. आखान्थिब्रै, दुलुर आरो हासुं महरनिमोन
4. बाख्रिफोरखौ बाहायनाय जादोंमोन	4. स’ना-रुफाजों दानाय
5. सिन्धु सेरफांनि समब्रा-समब्रि सोदोमस्रिया	5. जुनार बिखुङाव गाखोना बेफार-फालांगि खालामदोंमोन।
6. गराइयाव गाखोना बेरायदोंमोन
7. सुमेरीय सोदोमस्रि

फिनः

क	ख
1. सिन्धु सेरफांनि मानसिया	इराकजों बेफार-फालांगि खालामदोंमोन
2. मह ‘रफोरा	आखान्थिब्रै, दुलुर आरो हासुं महरनिमोन
3. सिन्धु सेरफांनि मानसिया मोसौ गारि, नाव आरो	जुनार बिखुङाव गाखोना बेफार-फालांगि खालामदोंमोन
4. बाख्रिफोरखौ बाहायनाय जादोंमोन	फसलफोरखौ दोननो थाखाय
5. सिन्धु सेरफांनि समब्रा-समब्रि सोदोमस्रिया	स’ना-रुफाजों दानाय
6. गराइयाव गाखोना बेरायदोंमोन
7. सुमेरीय सोदोमस्रि

4. हान्जानि हाबा: 

नोंनि ओनसोलाव सावनाय हाजों मा मा बेसाद बानायो बेनिं गांसे फारिलाइ जथाय।

फिनः नोंसोर गावबा गावनो नाजा।

5. थार बाथ्रायाव सिन √हो-

(क) महेन्ज ‘दार’ नोगोरनि लामाफोरा गोथोंमोन। [  ]

फिनः [ √ ]

(ख) लामानि खनाफोरा गोथोंमोन। [ √ ]

फिनः [ × ]

(ग) न ‘फोराव गंफा गंफा दैखर आरो दुगैग्रा न’ दंमोन। [  ]

फिनः [ √ ]

(घ) न ‘फोरनिफ्राय मैलादै ओंखारलांनायनि जेबो राहा गैयामोन। [  ]

फिनः [ x ]

(ङ) हरप्पा सुबुमिननि बेसादफोरनि बांसिनानो थिं आरो थामा धातुनि गलाय मोनदेराव दाजाबनाय। [  ]

फिनः [ √ ]

6. सिन्धु सेरफां सोदोमस्रिनि नोगोर बिथांखिनि बागै लिर।

फिनः सिन्धु दैमानि सेरफाङाव हरप्पा आरो महेन्ज ‘दार’ गंनै नोगोर मोननाय जादों। महेन्ज ‘दार’ नोगोरखौ सानै-हयै बानायनाय जादोंमोन होननानै सानखांनाय फैयो। बे नोगोरनि राजा-लामाफोरा गुवार-गेदेरमोन। गोथों गुवार लामाफोरा समानै नोगोरनि फारसे खर ‘निफ्राय गुबुन फारसे खर ‘सिम गोसारना दंमोन। बे लामाफोरा थोंगोरै दानस’लायनानै नोगोरखौ माखासे समान बाहागोआव रानदोंमोन। बेसाद रोगाना लांनाय गिलिर मथर-गारिफोरा गोरलैयै खारलांनो हानाय बादि लामानि ख ‘नाफोरा बोरलाबादि दबनायमोन। गिदिर लामाफोरनि जिङाव दालान न ‘फोरा समायफ्लेहोदोंमोन। न ‘फोरखौ इथा आरो हाब्रु हाजों लुनाय जादोंमोन।

7. हरप्पा सुबुमिननि मानसिया बाहायनाय आयजें आयला, न ‘लुनाय खान्थि आरिनि सायाव मोनसे रेबसुं जथाय।

फिनः हरप्पा सुबुमिननि मानसिफोरा बायदि रोखोमनि आयजें-आयला बाहायदोंमोन। बै समाव दो-दोब्ला दाग्रा कुमार, कारिकर बायदि थाखोनि मानसिफोर दंमोन। बुरखांजानाय गुबुन गुबुन महरजों दाजानाय दो-दोख्लाफोरा जोबोद समायनामोन। गुबुन गुबुन गाब आरो नमुना महरजों साजायनाय बेसादफोरजों जर ‘खायै थिं आरो थामा धातुनि गलाय मोनदेराव बानायनाय ब्रन्ज धातुजों दाजानायमोन। बेनि अनगायैबो हानि दो-दोख्ला गहेना, फुथुला आरिबो दानायनि फोरमान मोननाय जादों।

बेबायदियैनो संदिहुनजानाय बायखोन्दाफोरखौ नायनानै सिन्धु सेरफांनि न ‘फोरखौ मोनथाम बाहागोआव बाहागो खालामनो हायो। बेफोर- (क) सरासनस्रा मानसि थाग्रा न’, (ख) गिदिर दालान आरो (ग) दुगैग्रा न’। न ‘फोरखौ इथा आरो हाब्रु हाजों लुनाय जादोंमोन। बे बायखोन्दाफोरनि मादाव खायसे थालासेयारि आरो खायसे थालानैयारि न ‘नि बिदिन्थिबो मोननाय जादों। गंफ्रोमबो न’आवनो दैखर आरो दुगैग्रा न’ थानायनि अनगायैबो न ‘फोरनिफ्राय दै ओंखारलांनायनि थाखाय मोजा राहा दंमोन। बे नालाफोरनिफ्राय ओंखारलांनाय दैया राजालामानि गिदिर नालाफोरजों थांनानै हाख ‘राव गोग्लैहैदोंमोन। नालाफोराव खोबग्रानि राहा दंमोन। गफ्रोमबो न ‘खरावनो गंफा गिदिर सिथ्ला दंमोन।

8. हरप्पा सुबुमिननि मानसिनि जिउ खांनायनि फुंखाया मा मामोन? फारिलाइ जथाय।

फिनः हरप्पा सुबुमिननि मानसिनि जिउ खांनायनि गाहाइ फुंखाया जादोंमोन आबाद आरो जुनार फिसिनाय।

हरप्पा हारिमुनि एबा सुबुमिननि खायसे मानसिया आबाद मावनानै जिउ खाङोमोन। बै समाव आबादारिफोरा गम, बार्लि, मटर आरिनि अनगायैबो बेसर, खुन आरिनि आबाद मावदोंमोन। हरप्पा हारिमुनि मानसियानो गिबिसिन खुन आबाद खालामजेनदोंमोन होन्नानै सानदांनाय जादों।

बै समाव गोबाङैनो जुनार फिसिनानैबो उदै सुफुंदोंमोन। मोसौ-मैसो, बोरमा, बोरमा मेन्दा, अमा आरि फिसिदोंमोन। सैमा आरो माउजिबो फिसियोमोन। बेसाद रोगानायनि थाखाय उट आरो गाध’ लाखिदोंमोन। गराइनि बाहायथिया खममोन। मैदेर, बलद हाग्रानि मोसौ आरि जिबखौ हरप्पा सोदोमस्रिनि मानसिया बांसिन गोनांथि होदोंमोन।

बेनि अनगायैबो गोबां सुबुङा न’ लुनानै इथा आरि दानानै आरो जि दानानैबो जिउ खांदोंमोन। थामहिनबा बै समाव आबादारि आरो जुनार फिसिग्रानि अनगायैबो खुमार, दाग्रा-देग्रा, फालांगिरि, दंफां मिस्थ्री, जि-दाग्रा आरि थाखोनि मानसिबो दङ’मोन।

उफ्रा सोंथि

(1) मा दैमानि सेराव मिसरारि सोदोमस्रिया जाखांदोंमोन?

फिनः नील दैमानि सेराव।

(2) बेबिलनारि सोदोमस्रिया मा मा दैमानि सेराव जाखांदोंमोन?

फिनः इउफ्रेटिस आरो टाइग्रिच दैमानि सेराव।

(3) चीन सोदोमस्रिया मा मा दैमानि सेराव जाखांदोंमोन?

फिनः ह ‘वांह’ आरो इयां चिकियां दैमानि सेराव।

(4) सिन्धु सेरफांनि सोदोमस्रिया बबे दैमानि सेराव जाखांदोंमोन?

फिनः सिन्धु दैमानि सेराव।

(5) मोनफ्रोमबो गोजाम सोदोमस्रियानो दोंफा दैमा सेराव सोमजिखांदोंमोन जाहोन हो।

फिनः गासैबो गोजाम सोदोमस्रिफोरखौ नायब्ला जों दोंफा दैमा सेराव सोमजिखांनायखौ नुनो मोनो। बेनि जाहोना गोबां दं। दैमा सेरफांफोरा मानसिफोरनि जिउ खांनायाव गोबां बिथिङाव खाबुगोनां। दैमा सेरफोरनि हाया हासारगोनां। गोदोनि मानसिफोरा गुबैयै आबाद मावनानै जिउ खुंग्रामोन। दैमा सेरफांफोराव आबाद जासोनायनि थाखाय बिसोर बेनि सेरफांफोराव थानो लादोंमोन।

दैमा सेरफांफोराव गोबां बिबांनि गांसो रजयो। बेनिखायनो जुनार फिसिनायाव खाबु जायो। गोदोनि गोबां मानसिया जुनार फिसिनानै जिउखाङोमोन। बेनिखायनो बिसोर दैमा सेरफांफोराव थानो लादोंमोन।

दैमाफोरनि हेफाजाबै आबाद फोथाराव दै जगायनाय आरो हान्थिनायनि गोबां खाबु जादोंमोन। दैमाफोरनि मददजों बेफार-फालांगियावबो गोबां खाबु जादोंमोन।

बेफोर जाहोननि थाखायनो गोदोनि गोजाम सोदोमस्रिफोरा दैमा सेरफांफोराव सोमजिखांदोंमोन।

(6) सिन्धु सेरफांनि सोदोमस्रिखौ जारिमिनाव मा मुङैबो मिथिनाय जायो?

फिनः हरप्पा हारिमु।

(7) सिन्धु दैमा सेरफाङाव दिहुनजांनाय गंनै नोगोरनि मुङा मा मामोन?

फिनः महेन्ज ‘दार’ आरो हरप्पा।

(8) महेन्ज ‘दार’ आरो हरप्पानि बायखोन्दाफोरा बबे बबेसिम गोसारनानै दंमोन?

फिनः बे गंनै नोगोरनि बायखोन्दाया सिन्धु दैमा सेरफांनि जम्मु नोगोरनिफ्राय नर्मदा दैमानि मोखांसिम आरो बेलुसिस्टाननिफ्राय मीराटसिम गोसारनानै दंमोन।

(9) सिन्धु सेरफांनि न ‘फोरखौ बेसेबां बाहागोआव राननो हायो आरो मा मा?

फिनः सिन्धु सेरफांनि न ‘फोरखौ मोनथाम बाहागोआव बाहागो खालामनो हायो। बेफोर जाबाय- (क) सरासनस्रा मानसि थाग्रा न’ (ख) गिदिर दालान आरो (ग) दुगैग्रा न’।

(10) महेन्ज ‘दार’ आरो हरप्पा नोगोरखौ बबेयाव संदिहुननाय जादोंमोन आरो माब्ला?

फिनः सिन्धु दैमानि सेरफाङाव, 1922 मायथाइयाव।

(11) 1922 मायथाइयाव संदिहुनजानाय सिन्धु दैमा सेरफांनि नोगोर गंनैनि मुङा मा मा?

फिनः हरप्पा आरो महेन्ज ‘दार’।

(12) गोजाम सोदोमस्रिफोरखौ दैमा सेरफांफोराव जाखांनायनि जाहोनखौ मा होनना सानो?

फिनः गोजाम सोदोमस्रिफोरा दैमा सेरफां सोमजिखांदोंमोन मानोनाः

(क) दैमा सेरनि हाया हासार गोनां।

(ख) दैमा सेराव गोबां बिबांनि गांसो हाग्रा रज्यो, बेखायनो जुनार फिसिनो खाबु मोनो।

(ग) दैमाफोरनि हेफाजाबै आबाद फोथाराव दै जगायनाय आरो हान्थिनायनि थोजासे खाबु जादोंमोन।

(घ) दैमाफोरनि मददजों बेफार-फालांगियाव खाबु जायो।

(13) हरप्पा सोदोमस्रिनि गाननाय-जोमनाया माबादिमोन?

फिनः हरप्पा सोदोमस्रिनि जावखांना मोननाय अन्थाइयाव दानख ‘नाय मुसुखानि खसाबफोरनिफ्राय संदाननो हायोदि, मानसिया गाननाय-जोमनाय महरै गांनै जि बाहायदोंमोन। मोदोमनि सा बाहागोआव गांसे साद्रि लादोंमोन, गाहायनि बाहागोआव मानसिया आथिखालाव बाहायना धुटि बादि रोखोमसे गानग्रा जि बाहायदोंमोन। बिजि, गुदामनि संदिहुनायनिफ्राय संदाननो हायोदि बै समनि मानसिया जि सुथेनाय सोलोखौबो मोजाङै मिथिदोंमोन।

(14) नील दैमानि सेराव जाखांनाय सोदोमस्रिनि मुङा मा?

फिनः मिसरारि सोदोमस्रि।

(15) महेन्ज ‘दार ‘आव संदिहुनजानाय राइजोआरि दुगैग्रा न ‘खौ बिजिर।

फिनः महेन्ज ‘दार ‘आव संदिहुनजानाय बयनिख्रुइबो मख ‘जाथावसिन बिदिन्थिया जादों राइजोआरि दुगैग्रा न’। बेयो आखान्थिब्रै महरनि। बेनि गेजेराव 11.88×7.01 मिटार जखानि गंसे दैहुं दंमोन। बेनि थौथिया 2.43 मिटार। बे दैहुंनि दैया मैला जायोब्ला बेखौ दिहुननानै गोदानै सोनो थाखाय खाथियावनो दैखर दंमोन। दैहुंसिम ओंखरलांनो थाखाय सिरि आरो बेनि खाथि खाथि जि गानस्लायनो थाखाय खथाबो दंमोन।

(16) सिन्धु सेरफांनि सोदोमस्रियाव सं दिहुनजानाय हांखोफोरनि सोमोन्दै मा मिथिगौ लिर।

फिनः सिन्धु सेरफां सोदोमस्रिनि गुबुन मोनसे मख ‘जाथाव बिहोमाया जाबाय हांखो बाहायनाय। अन्थाइयाव, हानि दो दोख्लायाव आरो खाउरिफोराव बे हांखोफोरखौ मोननाय जादों। नाथाय दिनैसिमहालागैबो बे हांखोफोरनि गेजेरजों मा फोरमायनो नागिरदों मिथिनाय जायाखै।

(17) सिन्धु सेरफाङाव संदिहुनजानाय महरफोरा माबादिमोन?

फिनः सिन्धु सेरफाङाव नै रोजानिख्रुइबो बांसिन अन्थाइ आरो हानि महर मोननाय जादों। बेफोर आखान्थिब्रै, दुलुर आरो हासुं महरनि। महरफोराव बायदि बायदि महरहांखौ दानख ‘नाय दङ’। बै महरहांखोफोरा बै समनि मानसिनि बेफार-फालांगि आरो दोहोरोमारि फोथायथि आरिनि इसारा होयो।

(18) हरप्पा सोदोमस्रिनि मानसिफोरा मा रोखोमनि गहेना गानदोंमोन?

फिनः आथिखालनि बादिनो हरप्पा सोदोमस्रिनि मानसिफोरा गहेनानि फारसे लुबैनाय दंमोन। हौवा, हिनजाव बयबो गहेना गानोमोन। स’ना, रुफा आरि गुबुन गुबुन धातु, मैदेर हाथाइ, शंख’, अन्थाइ, जुनारनि बेगें आरिजों गहेना दानानै गानोमोन। आसिथाम, आसान, गोदोनानि जिन्जिरि, खोमानायाव गानग्रा आरिया गाहाय गहेनामोन।

(19) हरप्पा सोदोमस्रिनि मानसिफोरनि धोरोम फोथायथिनि सोमोन्दै लिर।

फिनः जावखांना ‘मोननाय अन्थाइयाव दानख ‘नाय सावगारियाव सासे मानसिनि खर ‘आव मोसौ खर ‘नि गं आरो बेनि फारफ्रोमथिंबो जिब-जुनार थानाय नुनो मोनदों। बै सुबुङा जानोहागौ बै समनि मानसिफोरनि थाखाय अबंलावरि बादिमोन। फाख्रि बिफां आरो जिबौनि सावगारिनिफ्राय, हरप्पा सोदोमस्रिनि मानसिफोरा बैसुमुथि मोदाइजोजों लोगोसे बिफां आरो जिबौखौ सिबियोमोन बेखौ सानखांनो हायो। बिसोर बिमा मोदाइजोखौ सिबियोमोन। सिन्धु सेरफांनि सोदोमस्रिनि बायखोन्दानि गेजेराव दासिम जेबो थानसालिनि थाथिलि मोननाय जायाखै।

(20) हरप्पा सोदोमस्रिजों समब्रा-समब्रि मोननै सोदोमस्रिनि मुं लिर।

फिनः सुमेरीय आरो मेस ‘पटेमिया सोदोमस्रि।

SEBA Class 6 Social Science In Bodo

Chapter No.	CONTENTS
Chapter – 1	सानखराङाव जोंनि बुहुम
Chapter – 2	बुहुमनि देरथाइ आरो महर
Chapter – 3	बुहुमनि खारथाइ
Chapter – 4	बुहुमनि गाहाइ मण्डलफोर
Chapter – 5	हालुर फरायसंनायनि आगजुः मानसावगारि
Chapter – 6	बुहुमनि गाहाइ हा-महर
Chapter – 7	आसाम : बारहावा, मिथिंगायारि लाइफां, हाग्रानि जिउनां आरो आबाद
Chapter – 8	जोंनि भारतबर्ष
Chapter – 9	मा, बबेयाव, माब्ला आरो माबोर
Chapter – 10	गोजाम अन्थाइ मुगा
Chapter – 11	गोदोनि गानसिनि रांखान्थियारि हाबा-हुखा आरो गोजोर थानाय (गोदान अन्थाइ मुगा)
Chapter – 12	गोजाम नोगोरारि सोदोमस्रि
Chapter – 13	बेदारि सोदोमस्रि
Chapter – 14	महाजन पद
Chapter – 15	गोदान सानस्रि जाखांनाय
Chapter – 16	मैर्य साम्राज्यो गेदेमा अश’क आरो कौटिल्यनि अर्थशास्त्र
Chapter – 17	जोंनि गुदि गोनांथिफोर
Chapter – 18	जौगाखां जिउनि गोनांथिफोरा (जोंनि गावारि आरो समाजारि गोनांथि)
Chapter – 19	जिउ खांनायनि मान जौगाहोनायाव आरोंदानि गोहोम
Chapter – 20	आबाद, दारिमिन आरो मावमिन खोन्दोआव आरोंदानि गोहोम
Chapter – 21	सरखारनि सानखांथि आरो बायदि रोखोमनि सरखार
Chapter – 22	सुबुं खुंथाइ आरो बेनि खान्थिफोर
Chapter – 23	मिरुवारि आरो राज्योआरि सरखार
Chapter – 24	जायगायारि जारखुंथाइ राहा

Notes of Class 6 Social Science in Bodo Medium | Bodomedium Class 6 सामाज बिगियान notes इस पोस्ट में हम आपको ये समझा ने कि कोशिश की है की Bodo Medium Class 6 Social Science Question answer | SEBA Class 6 Social Science सामाज बिगियान Question Answer In Bodo Chapter 12 अगर आप एक Bodo सात्र या शिक्षाक हो तो आपके लिए लावदयक हो सकता है।

Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।