SEBA Class 6 Social Science Chapter 15 in Bodo गोदान सानस्रि जाखांनाय

SEBA Class 6 Social Science Chapter 15 in Bodo गोदान सानस्रि जाखांनाय | Godan Sansri Jakhangnay | Class 6 सामाज बिगियान Question Answer in Bodo As Per New Syllabus to each Chapter is provided in the list of SCERT, NCERT, SEBA गोदान सानस्रि जाखांनाय Class 6 Social Science Chapter 15 Question Answer/Class 6 Social Chapter 15 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 6 Social Science Question Answer In Bodo Chapter 15. Class 6 Social Science Solution Chapter 15. covers all the exercise questions in NCERT, SCERT.

Class 6 Social Science Chapter 15 गोदान सानस्रि जाखांनाय

SEBA Class 6 Social Science Notes Chapter 15 In Bodo गोदान सानस्रि जाखांनाय । Godan Sansri Jakhangnay । Social Science Guide for Class 6th Chapter 15 गोदान सानस्रि जाखांनाय. Also Same NCERT Solutions for Class 6 Social Science इस पोस्ट में हम आपको ये समझा ने कि कोशिश की है की Class 6 Social Science Question Answer Chapter 15 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 6 Social In Bodo Medium बोहत लाभदायक हो सकता है। Ncert/Scert Social Science Class 6 Chapter 15 मे आप अपना ध्यान लगाके पढ़ कर इस SEBA Class 6 Social Science Question Answer Chapter 15 में अछि Mark ला सकते हो अपनी आनेवाली परीक्षा में।

फरा 15 गोदान सानस्रि जाखांनाय

Chapter 15 Godan Sansri Jakhangnay

जारिमिन खोन्दो

उनसोलों

(क) मा मा जाहोनाव उननि बेदारि मुगायाव भारतनि मानसिनि गोसोआव गोदान सानस्रिनि दाहार सोमजिखांदोंमोन?

फिनः बायदि जाहोनाव उननि बेदारि मुगायाव भारतनि मानसिनि गोसोआव गोदान सानस्रिनि दाहार सोमजिखांदोंमोन। 

बेफोर जाहोनफोरा जाबाय:

सेथियाव आर्यफोरनि गोख्रों बोरोन बोखावनाय खान्थिनि जाउनाव क्षत्रीयफोरनिख्रुइ ब्राह्मणफोरनि माना बांसिनदोंमोन। नाथाय समनि दाहाराव क्षत्रीय राजाफोरा राजखान्थियारि, रांखान्थियारि, समाजारि बायदि गासैबो बिथिङावनो फारियै गोहोगोरा जाबोनो हमो। बेनिखायनो राजाया ब्राह्मणनि समान मान मोननो दाबि खालामदोंमोन। बेनि जाउनाव ब्राह्मण आरो क्षत्रीयनि गेजेराव हेंथा-हेंसि सोमजिदोंमोन।

नैथियाव, बेदारि मुगानि जोबनायहालागै आर्यफोरनि गेजेराव हम जग्य, फुजा-फाथाल, दान-होनाय, बोलि होनाय खान्थि रिया बांलांनायनि अनगायैबो बेयो बांसिन जेथो गोनां खान्थियाव सोलायदोंमोन। बेबायदि जेथो गोनां खोथाफोरा गासै सरासनस्रा सुबुंखौ गोजोन गैयि खालामनायाव बिसोरो गोरलै गोथों राहाजों दोहोरोमारि जिउ खांनायखौ साननो हमो।

थामथियाव, राङारि-समाजारि सोलायनाय लोगो लोगो नोगोर-नोगोरमा गोसारनाय, बेफार-फालांगिनि अरथाइ बायदि दाग्रा-देग्रा सुबुं अनजिमानि बांनाया समाजाव गोदान साननायनि दाहार लाबोदोंमोन। जाउनाव मानसिनि गोसोआव गोदान साननाय-हनाया सोमजिनायजों लोगोसे दोहोरोमारि आरो समाजारि सांग्रांथियाबो बांसिनदोंमोन। बेनिखायनो सोलिबाय थानाय दोहोरोमारि आसार-खान्थि, हारि बोखावनाय खान्थि आरिनि फारसे सुबुंफोरनि गोसोआव बेरेखा फिनजाथाइ सोमजिदोंमोन।

(ख) जैन दोहोरोमनि गाहाइ बुंदिन्थि सोलोंथाइफोरा मा मा?

फिनः जैन दोहोरोमनि गुदि बोसोनफोरखौ मोनबा बोसोन खान्थिनि सायाव बिथा खालामनानै थि खालामनाय जादों। बेफोर बोसोनखान्थिफोरा जादों फारियै अहिंसा, सैथोसुला, सिखाव खावि, एंगारनाय आरो सिजौमा संनाय।

(ग) जैन दोहोरोमा भारतनि बबे बबे जायगायाव गोसारहैदोंमोन?

फिनः जैन दोहोरोमा भारतनि गुबुन गुबुन जायगायाव जर ‘खायै सा-भारत, गुजरात, तामिलनाडु, कर्णाटक आरियाव गोसारहैदोंमोन।

(घ) गौतम बुद्धआ दोहोरोमनि फारसे गोसो गेलेमनायनि गुदियाव मा दङ’मोन?

फिनः कपिलाबस्तु मुंनि दाबसे राज्योनि राजफोलेराव गौतम बुद्धआ जोनोम जादोंमोन। बियो उन्दै समनिफ्रायनो सानसुलामोन। बेनिखायनो राज अन्दरनि गासैबो आलो-गोजोन, सुखु-खहाबनाया बिखौ गोजोनहोनो हायाखैमोन। 29 बोसोरल’ बैसोआवनो बियो बिसि-फिसाइ नागारनानै मानसिनि सुखु-गोजोननि राहा-लामा नागिरना न ‘निफ्राय ओंखारलाङो। बेनिखायनो गौतम बुद्धनि धोरोमनि फारसे गोसो गेलेमनायनि जाहोनानो जादों- संसारनि माया-लुबैनाय आरिनि सायाव सोमजिनाय बेरेखा गोसो।

(ङ) मानि सायाव सोनारनानै बौद्ध बुंखान्थिया सोमजिखांदोंमोन?

फिनः बौद्ध बुंखान्थिया सोमजिदोंमोन मोनब्रै सैथोनि सायाव सोनारनानै। बेफोर जादों- (1) बुहुमा दुखुजों बुंफबनाय (2) मानसिनि मिजिं-हाबिलासनिफ्राय दुखुवा सोमजियो। (3) मिजिं-हाबिलासखौ दबथायना लाखिब्ला दुखुनिफ्राय उदां मोननो हायो आरो (4) बै उदां मोननायनि थाखाय अष्टांगिक मार्ग एबा मोनदाइन लामाखौ उनसंनायनि गोनांथि दङ’।

(च) बौद्ध बिहारफोरनि हाबाया मामोन?

फिनः बौद्ध बिहारफोरनि हाबाया जादोंमोन बौद्ध दोहोरोमनि खोथा एबा बोसोन-खान्थिफोरखौ सुबुंनि गेजेराव फोसावनाय।

(छ) उननि समाव राजाफोरा बौद्ध दोहोरोमनि फोसावनायनि थाखाय मा मा राहा आखाइयाव लादोंमोन?

फिनः उननि समनि राजाफोर जैरै बिम्बिसार, अशक, कनिष्क, हर्षबर्धन आरि राजाफोरा बौद्ध दोहोरोम फोसाबनायनि जुनै गोबां हाबाफारि आखाइयाव लादोंमोन। गुबुन गुबुन जायगायाव गोजारै बौद्ध मठ-मन्दिर लुनायनि अनगायैबो बेफोराव बुद्धनि बुंथि आरो बौद्ध सावगारि आरि एरखांनाय जादोंमोन। बेनि अनगायैबो बिथांमोना गावनि राज्योआव “बौद्ध महामेला” खुंनानै बेयाव गुबुन गुबुन हादरनि गोबां गुनि-गियानि, सानथौगिरि, रोंदांसाखौ हांख्रायना लाबोनानै दोहोरोमनि बागै सावरायदोंमोन।

2. थार नंखाय सायख’-

(क) जैन दोहोरोमा मावनायनि फिथाइ आरो फिनजोनोमखौ फोथायो।

फिनः थार।

(ख) बुद्धदेबा बोलिखान्थियाव बांसिन गोनांथि होदोंमोन।

फिनः नंखाय।

(ग) बुद्धदेबा सारनाथाव गोसोसिंगियान मोनदोंमोन।

फिनः नंखाय।

(घ) बौद्ध संघफोराव बुद्धनि बुंथिफोरखौ सावरायनाय जादोंमोन।

फिनः थार।

(ङ) गासैबो बैसोनि सुबुङा बौद्ध संघनि सोद्रोमा जानो हादोंमोन।

फिनः थार।

3. सुंद ‘यै फिननाय लिर-

(क) क्षत्रियफोरा मानो ब्राह्मणनि समान मान सादिदोंमोन?

फिनः आर्य फोरनि गोख्रों बोरोन बोखावनाय खान्थिनि जाउनाव क्षत्रीयफोरनिख्रुइ ब्राह्मणफोरनि माना बांसिनदोंमोन। नाथाय समनि दाहाराव क्षत्रीय राजाफोरा राजखान्थियारि, रांखान्थियारि, समाजारि बायदि गासैबो बिथिङावनो फारियै गोहोगोरा जाबोनो हमनायाव बिसोरो ब्राह्मणनि समान मान मोननो सादिदोंमोन (दाबिखालामदोंमोन)।

(ख) महाबीरा मानो ‘जिन’ बिमुं मोनदोंमोन?

फिनः क्षेत्रीय राजखुंगुरब्लाबो महाबीरा संसारनि अननाय लुबैनायफोरखौ मोजां मोनाखैमोन। बेनिखायनो 30 बोसोर बैसोआवनो न ‘निफ्राय ओंखारलांनानै सन्यासि जिउ खांदोंमोन। गोलाव 12 बोसोर सम बियो गोब्राब तपस्यायाव लौहाबदोंमोन। तपस्यानि जोबनायाव बियो गावगियानखौ मोननायसै। अब्लानिफ्रायनो बियो “गासै गियाननि बिगुमा” आरो इन्द्रिय देरहासा महरै मिथिजादोंमोन। इन्द्रिय जै खालामदोंमोनखायनो बियो ‘जिन’ बिमुं मोनदोंमोन।

(ग) जैन दोहोरोमनि बाहागो मोननैनि मुङा मा मा?

फिनः जैन दोहोरोमनि बाहागो मोननैनि मुङा:

(क) दिगम्बर आरो (ख) स्वेताम्बर।

(घ) बुद्धदेबा गिबियाव बबेयाव दोहोरोम फोसावदोंमोन?

फिनः बुद्धदेबा गिबियाव बाराणसी खाथिनि सारनाथाव दोहोरोम फोसावजेनदोंमोन।

(ङ) बौद्ध दोहोरोमनि गाहाइ बुंखान्थिया मामोन?

फिनः गौतम बुद्धआ जाय बुंथि एबा बुंखान्थिखौ फोसावदोंमोन बे जोबोरैनो गोरलै आरो सरासनस्रा थाखोनि मानसिनि थाखाय बानजाथावमोन। बियो बुंदोंमोनदि मोजाङै जिउ खांनो थाखाय बोलि-खान्थि एबा हम जग्यनि गोनांथि गैया। हारि बासिनाय खान्थियाबो जेबो गोनांथि गैया। थारलामाजों आगान सुरनानै गोरलै एबा सादा-सिदा जिउ खांनायावसो मानसिया सुखु गोजोनखौ मोननो हायो।

4. बौद्ध दोहोरोम आरो जैन दोहोरोमनि गेजेराव थानाय गोरोबनायफोरनि गांसे फारिलाइ जथाय।

फिनः बौद्ध दोहोरोम आरो जैन दोहोरोमनि गेजेराव गोबां गोरोबनाय नुनो मोनो।

मोननैबो दोहोरोमा अहिंसा, सैथोथि आरि खान्थिनि सायाव गायसंजानाय।

मोननैबो दोहोरोमनि बादियै अहिंसायानो जादों सुबुं जिउनि गुबै खान्थि। मोनसे मोजां जिउ खांनो थाखाय बोलि खान्थि एबा हम जग्यनि गोनांथि गैया। थार लामाजों आगान सुरनानै गोरलै एबा सादा-सिदा जिउ खांनायावसो मानसिया सुखु-गोजोनखौ मोननो हायो।

मोननैबो दोहोरोमावनो सुबुंखौ उदां आरो निर्बाण मोननो थाखाय मोजां हाबा, मोजां गियान, मोजां आखु बायदि मानिना सोलिनो खावलायदों।

मोननैबो दोहोरोमनि बाणीफोरखौ सरासनस्रा सुबुंफोरा बुजिनो हानाय बादियै सोलिबाय थानाय बुंनाय रावजों लिरनाय जादोंमोन आरो मोननैबो दोहोरोमा इयुनफारसे मोननै बाहागोआव गावस्रादोंमोन।

5. क बाहागोजों ख बाहागोखौ गोरोबहो-

क	ख
(क) त्रिपिटक	महाबीरनि जोनोम जायगा
(ख) कुशीनारा	बुद्धदेबनि जिउमा उदां मोननाय जायगा
(ग) गोसोसिंगियान	प्राक-त रावनि खन्थाइ बिजाब
(घ) कुन्दपुर	तपस्यानि जोबनायाव महाबीरा मोनदोंमोन
(ङ) पुर्ब	बौद्ध दोहोरम बिजाब

फिनः

क	ख
(क) त्रिपिटक	बौद्ध दोहोरम बिजाब
(ख) कुशीनारा	बुद्धदेबनि जिउमा उदां मोननाय जायगा
(ग) गोसोसिंगियान	तपस्यानि जोबनायाव महाबीरा मोनदोंमोन
(घ) कुन्दपुर	महाबीरनि जोनोम जायगा
(ङ) पुर्ब	प्राक-त रावनि खन्थाइ बिजाब

उफ्रा सोंथि

1. जैन दोहोरोमनि फोसावगिरिया सोरमोन?

फिनः जैन दोहोरोमनि फोसावगिरिया महाबीरमोन।

2. बेसेबां सम महाबीरा तपस्यायाव लोहाबना दंमोन?

फिनः गोलाव 12 बोसोर महाबीरा तपस्यायाव लोहाबना दंमोन।

3. बेसेबां बोसोराव महाबीरा जिउ एंगारदोंमोन?

फिनः 72 बोसोर बैसोआव महाबीरा जिउ एंगारदोंमोन।

4. जैन दोहोरोमा माखौ फोथायो?

फिनः जैन दोहोरोमा जोनोम आरो मावनायनि फिथाइखौ फोथायो।

5. जैन दोहोरोमनि बादिब्ला सुबुं जिउनि गुदि खान्थिया मा?

फिनः जैन दोहोरोमनि बादिब्ला अहिंसायानो सुबुं जिउनि गुदि खान्थि।

6. ‘पुर्ब’आ मा?

फिनः महाबीरनि बुंफुरथिफोरखौ उननि समाव मोनजिब्रै खोन्दोआव लिरथुमना दोननाय जादों। बेफोरखौनो ‘पुर्ब’ बुंनाय जायो।

7. महाबीरनि बुंथिफोरखौ मा रावाव लिरनाय जादोंमोन?

फिनः महाबीरनि बुंथिफोरखौ प्राकृत रावाव लिरनाय जादोंमोन।

8. महाबीरा बबेयाव जोनोम जादोंमोन?

फिनः कुन्दपुर मुंनि जायगायाव महाबीरा जोनोम जादोंमोन।

9. गौतम बुद्धआ बबे राज्योआव जोनोम जादोंमोन?

फिनः कपिलाबस्तु मुंनि दाबसे राज्योआव गौतम बुद्धआ जोनोम जादोंमोन।

10. गौतम बुद्धनि उन्दै समनि मुङा मामोन?

फिनः गौतम बुद्धनि उन्दै समनि मुङा सिद्धार्थमोन।

11. गौतम बुद्धनि बिमा-बिफानि मुङा मा मामोन?

फिनः गौतम बुद्धनि बिफानि मुङा शुद्ध ‘ धन आरो बिमानि मुङा मायादेबीमोन।

12. गौतम बुद्धनि बिसिनि मुङा मामोन?

फिनः गौतम बुद्धनि बिसिनि मुङा ग’पा एबा यश ‘धरामोन।

13. जाय बिफांनि सिङान बुद्धदेबा गोसोसिंगियानखौ मोनदोंमोन बे बिफांखौ मा मुङै मिथिनाय जादोंमोन?

फिनः बे बिफांखौ बधिद्रुम बिफां मुङै मिथिनाय जादोंमोन।

14. बबे जायगायाव बुद्धदेबा जिउ गारदोंमोन आरो बेसेबां बोसोराव?

फिनः कुशी एबा कुशीनारा मुंनि जायगायाव 80 बोसोर बैसोआव बुद्धदेबा जिउ गारदोंमोन।

15. मा सानखौ दुलाराय मुलुगावनो बुद्धफुर्रिमा मुङैफालिनाय जायो?

फिनः बैसागो दाननि फुर्निमा सानखौ।

16. बौद्ध दोहोरोम बिजाबनि मुङा मा?

फिनः बौद्ध दोहोरोमनि बिजाबनि मुङा त्रिपिटक। बेखौ पालि रावाव लिरनाय जादों।

17. मा मा गांथाम बिजाब जथायनानै “त्रिपिटक” जादों?

फिनः बिनय पितक, सुत्त पितक, अभिधर्म्म पिटक-बे गांथाम बिजाब जथायनानै “त्रिपिटक” जादों।

18. बिनय पितक, सुत्त पिटक, अभिधर्म्मआव मा मा खोथाफोरनि बेखेवथि दं?

फिनः बिनय पिटकाव बौद्ध भिक्षुफोरा बौद्ध बिहाराव मानिना सोलिनां खान्थिफोरखौ, सत्त पिटकाव बुद्धनि बोसोनफोरखौ, अभिधर्म्म पिटकाव बौद्ध बुंखान्थिनि सानथौयारि खोथाफोरनि बेखेवथिनाय दङ’।

19. अष्टांगिक मार्गआ बेसेबां आरो मा मा?

फिनः अष्टांगिक मार्गआ मोनदाइन। बेफोर जाबाय-थारखौ साननाय, थार थिरांथा, थार बाथ्रा, थार आखु, थारखौ मावनाय, थार नाजानाय, थारखौ गोसोखांनाय आरो थार आमुथि।

20. बुहुमनि बबे बबे हादराव बौद्ध धोरोमा अनसायजादोंमोन?

फिनः बौद्ध धोरोमा भारताव जोनोम मोनदोंमोनब्लाबो बे हादरनि एसेल’ सुबुङानो बौद्ध धोरोमारि। नाथाय चीन, जापान, क ‘रिया, श्रीलंका, थाइलेण्ड आरि हादराव बौद्ध धोरोमा जोबोद अनसायजादोंमोन।

21. गौतम बुद्धनि मोन से सुंद’ जिउ जारिमिन लिर।

फिनः कपिलाबस्तु मुंनि दाबसे राज्योनि राजफोलेराव गौतम बुद्धआ जोनोम जादोंमोन। बिनि उन्दै समनि मुङा सिद्धार्थमोन। सिद्धार्थआ उन्दै समनिफ्रायनो सानसुमामोन। राज अन्दरनि गासैबो आलो-गोजोन, सुखु-खहाबनाया बिखौ गोजोनहोनो हायाखैमोन। 29 बोसोरल’ बैसोयावनो राजखुंगुर सिद्धार्थआ सानसेखालि हरगेजेराव गावनि बिसि-फिसाखौ नागारनानै मानसिनि सुखु-गोजोननि राहा-लामा नागिरना न ‘निफ्राय ओंखारलाङो।

जोबथारनायाव ब ‘धगाया मुंनि जायगायाव तपस्या खालामनानै गोसोसिंगियान मोनो आरो मोनसे गेदेमा सैथो मुलुगनो खिन्थानो हानाय जायो। अब्लानिफ्रायनो सिद्धार्थआ बुद्ध थामहिनबा जौसिन गियानि होननानै मुंदांखा जादोंमोन। कुशी एबा कुशीनारा मुंनि जायगायाव 80 बोसोर बैसोआव बुद्धदेबआ जिउगारदोंमोन।

22. आसामनि बबे बबे सुबुंफोलेरनि गेजेराव बौद्ध दोहोरोमा सोलिना दं?

फिनः आसामाव जर ‘खायै खर’सा आसामनि स्याम, आइतनीया, चिंफौ, खामति आरो फाकियाल आरि सुबुंफोलेरनि मानसिफोरनि गेजेराव बौद्ध दोहोरोमा सोलिना दं।

23. बुर्द्धमान महाबीरनि जिउ जारिमिननि सोमोन्दै सुंद ‘यै लिर।

फिनः बर्द्धमान महाबीरा कुन्दपुर मुंनि जायगानि क्षत्रीय फोलेरनि हान्जा दैदैनगिरि सासेनि फिसाज्लामोन। क्षत्रीय राजखुंगुरब्लाबो महाबीरा संसारनि अननाय लुबैनायफोरखौ मोजां मोनाखैमोन। बेनिखायनो 30 बोसोर बैसोआवनो न ‘निफ्राय ओंखारलांनानै सन्यासि जिउ खांदोंमोन। गोलाव 12 बोसोर सम बियो गोब्राब तपस्यायाव लोहाबदोंमोन। तपस्यानि जोबनायाव बियो गावगियानखौ मोननायसै। अब्लानिफ्रायनो बियो “गासै गियाननि बिगुमा” आरो “इन्द्रिय देरहासा” महरै मिथि जादोंमोन। गोलाव 30 बोसोर सम क’शल, मगध, मिथिला, बिदेह, अंग आरि गुबुन गुबुन जायगायाव जैन दोहोरोम फोसावनानै 72 बोसोर बैसोआव बियो बे संसारखौ नागारलाङो।

SEBA Class 6 Social Science In Bodo

Chapter No.	CONTENTS
Chapter – 1	सानखराङाव जोंनि बुहुम
Chapter – 2	बुहुमनि देरथाइ आरो महर
Chapter – 3	बुहुमनि खारथाइ
Chapter – 4	बुहुमनि गाहाइ मण्डलफोर
Chapter – 5	हालुर फरायसंनायनि आगजुः मानसावगारि
Chapter – 6	बुहुमनि गाहाइ हा-महर
Chapter – 7	आसाम : बारहावा, मिथिंगायारि लाइफां, हाग्रानि जिउनां आरो आबाद
Chapter – 8	जोंनि भारतबर्ष
Chapter – 9	मा, बबेयाव, माब्ला आरो माबोर
Chapter – 10	गोजाम अन्थाइ मुगा
Chapter – 11	गोदोनि गानसिनि रांखान्थियारि हाबा-हुखा आरो गोजोर थानाय (गोदान अन्थाइ मुगा)
Chapter – 12	गोजाम नोगोरारि सोदोमस्रि
Chapter – 13	बेदारि सोदोमस्रि
Chapter – 14	महाजन पद
Chapter – 15	गोदान सानस्रि जाखांनाय
Chapter – 16	मैर्य साम्राज्यो गेदेमा अश’क आरो कौटिल्यनि अर्थशास्त्र
Chapter – 17	जोंनि गुदि गोनांथिफोर
Chapter – 18	जौगाखां जिउनि गोनांथिफोरा (जोंनि गावारि आरो समाजारि गोनांथि)
Chapter – 19	जिउ खांनायनि मान जौगाहोनायाव आरोंदानि गोहोम
Chapter – 20	आबाद, दारिमिन आरो मावमिन खोन्दोआव आरोंदानि गोहोम
Chapter – 21	सरखारनि सानखांथि आरो बायदि रोखोमनि सरखार
Chapter – 22	सुबुं खुंथाइ आरो बेनि खान्थिफोर
Chapter – 23	मिरुवारि आरो राज्योआरि सरखार
Chapter – 24	जायगायारि जारखुंथाइ राहा

Notes of Class 6 Social Science in Bodo Medium | Bodomedium Class 6 सामाज बिगियान notes इस पोस्ट में हम आपको ये समझा ने कि कोशिश की है की Bodo Medium Class 6 Social Science Question answer | SEBA Class 6 Social Science सामाज बिगियान Question Answer In Bodo Chapter 15 अगर आप एक Bodo सात्र या शिक्षाक हो तो आपके लिए लावदयक हो सकता है।

Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।