SEBA Class 8 Social Science Chapter 3 थाथिलि Question Answer. Class 8 Social Science Question Answer in Bodo to each Chapter is provided in the list of SCERT, NCERT, SEBA सामाज बिगियान Class 8 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें. Class 8th Social Science Chapter 3 Question Answer Class 8 Bodo Medium Social Science Chapter 3 Questions Answer. SEBA Bodo Medium Class 8 Social Science Chapter 3 थाथिलि Notes covers all the exercise questions in NCERT, SCERT.
Class 8 Social Science Chapter 3 थाथिलि
बोडो मीडियम कक्षा 8 सामाज बिगियान खोन्दो 3 थाथिलि Question Answer | Thathili | इस पोस्ट में हम आपको ये समझा ने कि कोशिश की है की कक्षा 8 बोडो मीडियम सामाज बिगियान खोन्दो 3 Thathili Question Answer. अगर आप एक सात्र या शिक्षाक हो बोडो मीडियम की, तो आपके लिए ये बोडो मीडियम कक्षा 8 सामाज बिगियान खोन्दो 3 Question Answer बोहत लाभदायक हो सकता है। कक्षा 8 सामाज बिगियान खोन्दो 3 मे आप अपना ध्यान लगाके पढ़ कर इस कक्षा 8 सामाज बिगियान में अछि Mark ला सकते हो अपनी आनेवाली परीक्षा में।
खोन्दो 3 थाथिलि
Chapter 3 Thathili
मावफारि
1. मानसिया आबादखौ मिरु खालामना थाजोरै थाथिलि जागायनायनि जाहोनखौ मा होननानै सानो लिर।
फिन : आबाद मावनो जुरिनाय लोगो लोगो मानसिया दाबसे जायगायावनो थाजोरै थानो लाजेनो। जर ‘खायै हा एवनाय, फसल नायनायनि सार्थआव मानसिया थाजोरै थाथिलि जागायजेनो। आबाद मावनानै मोननाय फस ‘लफोरखौ इयुननि थाखाय दोनथुमनो थाखायबो मानसिया थाजोरै थानो थाथिलि जागायजेनो।
2. मानसिया दैमा सेरफांखौ थाजोरै थाथिलिनि थाखाय सायख ‘नायनि जाहोना मा?
फिन : मानसि आरो आबाद मोननैनिबो थाखाय दैनि गोनांथि जानायनि थाखाय मानसिया दैमा सेरफांखौ थाजोरै थाथिलिनि थाखाय सायख ‘दोंमोन।
3. नोंसोरनि ओनसोलाव मा रोखोमनि न’ -बां लुनानै थानाय नुनो मोनो? ओनसोलनि थाथिलिनि रोखोमा बेफोरबादि जानायनि जाहोना मा जानो हागौ, हानजायाव सावराय।
फिन : फरायसाफोरा गावनो नाजा।
4. गामिनिख्रुइ नोगोराव सुबुं अनजिमाया बांसिन जानायनि जाहोना मा होननानै सानो सावराय।
फिन : गामि ओनसोलनिख्रुइ नोगोर ओनसोलाव सुबिदाफोरा गोबांसिन। जेरै– लामा-सामा, फसंथान, शिल्प-दारिमिन, हान्था-मेला, फालांगि आरि। बेफोरनि थाखायनो गोमिनिख्रुइ नोगोर ओनसोलाव सुबुं अनजिमाया बांसिन।
मावफारि
1. गामि आरो नोगोरनि गेजेराव सोमोन्दो थायामोनब्ला जोंहा मा रोखोमनि बेखाबु जागौमोन सावराय।
फिन : गामि आरो नोगोरनि गेजेराव जोबोद खाथि सोमोन्दो दंलायो। नाथाय बेबायदि सोमोन्दोआ थायामोनब्ला गोनां बेखाबुफोर नुजाथिनो हागौ। जेरै–
(i) गामि ओनसोलनि सुबुंफोरा सोलोंथाइ बिथिङाव फावसायनानै थागोन।
(ii) गामिनि सुबुंफोरा बेफार-फालांगियाव उन जालांगोन।
(iii) गामिनि सुबुंफोरा मावमिनारि हाबायाव थिसन जानायनिफ्राय गोजानाव थानांगोन।
(iv) गामियारि ओनसोलनि मुवाफोरा नोगोराव पानजानायनिफ्राय गोजानाव थानांगोन।
(v) नोगोरनि दारिमिनफोराव दिहुननाय मुवाफोरखौ गामिनि सुबुंफोरा मोननायाव गोब्राब जागोन।
2. गोजौनि सावरायनायनि बिथायाव हाजोनि थाथिलि आरो हायेननि थाथिलिनि सोमोन्दै बै बिखुंनि फारिलाइयाव होनायबादि थाथिलि, आबाद आरो लाइफांनि बिथिङाव थानाय फारागखौ दिहुननो नाजा।
फिन : थाथिलि–
(i) जौयेन ओनसोलाव थाथिलिया गेसें नाथाय हायेन ओनसोलाव थाथिलिया गुबुं।
(ii) जोयेन ओनसोलाव नोगोरनि बिबाङा खम नाथाय हायेन ओनसोलाव बेनि अनजिमाया बारा।
(iii) जैयेन ओनसोलनि लामा एबा हान्थामेला राहाया मोजां नङा नाथाय हायेन ओनसोलनिया जौगाखां रोखोमनि।
आबाद :
(1) जयेन ओनसोलाव सरासेनस्रायै गोरान बोथोरनि आबाद बांसिन मावो नाथाय हायेन ओनसोलाव गोरान आरो अखा बोथोराव जानाय आबाद मोननैखौबो मायो।
(2) जौयेन ओनसोलाव आबादनि दिहुनथाया खम नाथाय हायेन ओनसोलाव बारा।
(3) जौयेन ओनसोलनि सुबुंफोरा फिसिनाय जुनारफोरखौ दोननो थाखाय बैसांनि गोनांथि जाया नाथाय हायेन ओनसोलाव बैसांनि गोनांथि जायो।
लाइफां :
(1) सरासनस्रायै जौयेन ओनसोलाव लाइफांनि बिबाङा बारा नाथाय हायेनारि ओनसोलाव खम।
(2) जौयेन ओनसोलनि लाइफांफोरा खफ’ एंगारनायखौ खम खालामनो बिसोरनि बिलाइआ खायसे जुनिया दाथाइ थायो नाथाय हायेन ओनसोलनि लाइफांखौ बेबायदि नुनो मोना।
(3) सरासस्रायै जौयेन ओनसोलनि लाइफांफोरा गोरा नाथाय हायेन ओनसोलनिया बिसोरनि रुजुनायाव गुरै एबा फंफ्ला।
उनसोलोंनि फिननाय
लांदां जायगा आबुं खालाम—
(क) ……….. हाबाया जागायनाय लोगो लोगो मानसिया दाबसे जायगायाव थाजोरै थानो लाजेननायसै।
फिन : आबादनि हाबाया जागायनाय लोगो लोगो मानसिया दाबसे जायगायाव थाजोरै थानो लाजेननायसै।
(ख) ……….. फुंखाखौ बिथा खालामनानै गामियारिया माखासे खाबु लायो।
फिन : दैनि फुंखाखौ बिथा खालामनानै गामियारिया माखासे खाबुं लायो।
(ग) लामा, रेललामा, दैमा सेर सेर जाखांबोनाय थाथिलिखौ …………… थाथिलि बुङो।
फिन : लामा, रेललामा, दैमा सेर सेर जाखांबोनाय थाथिलिखौ नोगोरारि थाथिलि बुङो।
(घ) आथिखालाव आसामाव गामिनि अनजिमाया दर ………….।
फिन : आथिखालाव आसामाव गामिनि अनजिमाया दर 25, 590 ।
2. गेबें फिननायखौ सायख–
(क) गामियारि थाथिलिफोरनि गुबै जिउखां राहाया जादों बेफार-फालांगिग /दारिमिन /आबाद।
फिन : आबाद।
(ख) गामि ओनसोलनिख्रुइ नोगोर ओनसोलाव सुबुं अनजिमानि रोजोबथिया खम /गोबां /समान।
फिन : गोबां।
(ग) भारतनि 70/80/60 जौखोन्दोफ्राम मानसिया गामियाव थायो।
फिन : 70।
(घ) बबेबा जायगायाव थुबुर जानानै थानायानो जादों हांखो आरि /मिरुथियारि /गेसें थाथिलि।
फिन : मिरुथियारि।
3. फिननाय लिर: (मोन 4 एबा मोन 5 बाथ्रायाव)
(क) मानसिया थाजोरै थानो लानायनि जाहोनखौ मा होननानै सानो?
फिन : आबाद मावनो जुरिनाय लोगो लोगो मानसिया दाबसे दायगायावनो थाजोरै थानो लाजेनो। जरखायै हा एवनाय, फसल नायनायनि सार्थआव मानसिया थाजोरै थानो गोनां जायो। बिनि अनगायैबो आबाद मावनानै मोननाय फसलफोरखौ इयुननि थाखाय दोनथुमनो थाखायबो मानसिया थाजोरै थानाय बाथ्राखौ साननो हमो।
(ख) गामियारि थाथिलिफोरनि गुबै आखुथाइनि सोमोन्दै सावराय।
फिन : आबादानो गामियारि थाथिलिनि गाहाइ बिथा। दै आरो हा मोननैखौबो गामियारि थाथिलियाव बाहायनाय नुनो मोनो। गामिनि मानसिया दैयाव नाव जावनानै हान्था-मेला आरो रोगाथाइ जेंनाखौ सुस्रांनायनि अनगायैबो देखौ संनाय-खावनाय, सुनाय, दुगैनाय आरि हाबायाव बाहायो। दैमा-दैसा, बिलो आरियाव मोननाय नाखौ हमनानै गोबां गामियारि थाथिलिनि सुबुंआ जिउ खाङो। दैमा-दैसानि रुगुंआव हासार गोनां जानायखाय बेफोराव आबाद मावना जिउ दैदेनो।
(ग) मिरुथि थाथिलिया माबोरै सोमजियो लिर।
फिन : बुहुमनि सा बाहागोआव मानसिनि थानाया गासैयावबो एखे रोखोमनि नङा। जायफोर जायगानि हाया हासार गोनां, दैनि खाबु दं, न’ लुनायनि थाखाय आगजु आयलाफोरखौ गोरलैयै मोनो। रोगाथाइ राहाया मोजां बेफोरबादि जायगायाव सरासनस्रायै थाथिलिया गुबुं जायो। बेबायदिनो खायसे ओनसोला बायदिसिना खाबु थानायनि थाखाय मानसिनि थाथिलिया दाबसे जायगायावनो थुबुर जाना मिरुथि थुबुर जाना मिरुथि थाथिलि सोमजियो।
(घ) नोगोराव थानाय मानसिनि थांना थानाय राहाया माबादि, सुंद’ यै लिर।
फिन : नोगोरनि थाथिलिखौ पौर’ थाथिलि होननानैबो बुङो। बिनि ओंथिया जाबाय नोगोर। सोलोंथाइ गोनां मानसिनि हारआ नोगोराव बांसिन जानायनि थाखाय बिसोर मिथिंगानिफ्राय मोननाय गुबुन गुबुन सम्पद बाहायनानै आबादनि अनगायै शिल्प– दारिमिन गायसंनो हमो। बेनि अनगायैबो खायसेया सरकारि अफिस आरियाव खामानि मावो। थामहिनबा नोगोराव थाग्रा मानसिफोरनि थाखाय बेफार-फालांगि, शिल्प-दारिमिन, सोलोंथाइ फसंथान अफिस-आरिनि साख्रि आरिया गाहाइ जिउखां राहा जानानै फैयो।
(ङ) गामि आरो नोगोरनि गेजेरनि सोमोन्दोखौ सावराय।
फिन : गामि आरो नोगोराव थानायफोरनि गेजेराव गोबां फाराग दंब्लाबो गामि आरो नोगोरनि मानसिनि गेजेराव एंगारनो हायि सोमोन्दो दं।
सरासनस्रायै बेफार-फालांगि आरो मावमिनारि हाबाफोरानो गामि आरो नोगोरनि गेजेराव सोमोन्दोखौ गोख्रों खालामो। गामियाव आबाद मावना दिहुननाय जिरादफोरखौ नोगोराव जगायो आरो बेबादिनो नोगोरनि दारिमिनफोराव दिहुननाय मुवाफोरखौ गामिनि सुबुंफोरा बायनानै लाबोयो। गामिनि खायसे मानसिया बायदिसिना खामानि नागिरनानै सानफ्रोमबो नोगोराव फैयो आरो नोगोरनिफ्राय बायदिसिना जिरादफोर बायनानै गामियाव लाङो। बेबायदिनो गामि आरो नोगोरनि गेजेराव खाथि सोमोन्दो दंलायो।
4. लिरसुंथाइ लिर–
(क) हांखोआरि थाथिलि।
(ख) बर्ग दब्लाइ महरनि थाथिलि।
(ग) जौयेनाव थानाय थाथिल।
फिन : (क) हांखोआरि थाथिलि: बुहुमनि सा बाहागोआव मानसिनि थानाया गासैयावबो एखे रोखोमनि नङा। जायफोर जायगानि हाया हासार गोनां, दैनि खाबु दं, न लुनायनि थाखाय आगजु आयलाफोरखौ गोरलैयै मोनो रोगाथाइ राहाया मोजां बेफोरबादि जायगायाव सरासनस्रायै थाथिलिया गुबुं जायो। थाथिलिया गुबुन गुबुन महरनि जानो हागौ। जेब्ला थाथिलिया लामानि सेर सेर गोलावै गोसारनानै थायो अब्ला बेफोरबादि थाथिलिखौ हांखोआरि थाथिलि बुङो।
(ख) बर्ग दब्लाइ महरनि थाथिलि: सरासनस्रायै हाजोआरि ओनसोलाव बायदि रोखोमनि बेखाबु थानायनि थाखाय थाथिलिया गेसें जायो। बबेखानि खायफा समान जायगायावबो गाज्रि बारहावा, हासार गोयि हा आरो हान्था मेलानि मोजां राहा गोयिनि थाखाय थाथिलिया गेसें एबा सेररखाय बेरखाय रोखोमनि जानो हागौ। बेबायदिनो बे ओनसोलनि गामियाव थानाय आबादथिलिखौ मिरु खालामनानै थाथिलि सोमजिखांनो हागौ। बे रोखोमै सोमजिखांनाय थाथिलिखौ बर्ग दब्लाइ महरनि थाथिलि बुंनाय जायो।
(ग) जौयेनाव थानाय थाथिलि: जौयेनाव सरासनस्रा हा-बाहागोनि सरख्लायथिया आरो बुहुम बिखुङा उस्ला-उस्लि जानायनि थाखाय थाथिलिया गेसें। जौयेन हानि आबाद मावनाया खायफा बिथिङाव जुदा। जौयेनाव थानाय मानसिया आबादनि थाखाय जायगा सोलायो। वेफोरबादि ओनसोलाव माइ, जुखाम, सिबिं, आलु, थास’, मैगं-थाइगं, कमला, राइमालि आरि आबाद मावनाय जायो।
जौयेन हायाव आबाद मावनायनि बेलायाव गुबुन मोनसे गोसोआव लाखिनो गोनां बाथ्राया बेनोदि मेसें बोथोराव दैनि आंखालाव बेफोरबादि जायगायाव दिहुनथाया जोबोर एसेल’ जायो। जौयेनाव थानाय मानसिया सरासनस्रा हाजोनि सरख्लाय जायगायाव बैसां न’ लुयो। बैयाव थानाय मानसिफोरा न ‘फोरखौ दंफां, औवा, थुरि आरि जों लुनानै लायो। बिसोरनि बांसिनानो अमा, दाउ-हांसो आरि फिसियो।
5. फारागथि लिर—
(क) गामियारि थाथिलि आरो नोगोरारि थाथिलि।
(ख) हांखोआरि थाथिलि आरो मिरुथि थाथिलि।
(ग) जौयेन ओनसोलनि थाथिलि आरो हायेन ओनसोलनि थाथिलि।
फिन :
(क) गामियारि थाथिलि आरो नोगोरारि थाथिलिः
| गामियारि थाथिलि | नोगोरारि थाथिलि |
| 1. थागिरिफोरनि जिउखां राहाया गुबैयै आबाद मावनाय। | 1. थागिरिफोरनि जिउखां राहाया गुबैयै बेफार-फालांगि, दारिमिन, अफिसनि साख्रि आरि। |
| 2. थाथिलिया गेसें आरो सेरखाय-बेरखाय। | 2. थाथिलिया गुबुं आरो थुबुरारि। |
| 3. हान्थामेलानि राहाया सरासनस्रायै मोजां नङा। | 3. हान्थामेलानि राहाया मोजां। |
| 4. मथर गारिनि अनजिमाया खम। | 4. मथर गारिनि अनजिमाया गोबां। |
| 5. फसंथाननि अनजिमाया खम। | 5. फसंथाननि अनजिमाया गोबां। |
(ख) हांखोआरि थाथिलि आरो मिरुथि थाथिलि :
| हांखोआरि थाथिलि | मिरुथि थाथिलि |
| 1. थाथिलिया गोलावै गोसारनाय | 1. थाथिलिया दाबसेयाव थुबुर जाना थायो। |
| 2. थाथिलिया लामानि सेर सेर जायो | 2. थाथिलिया सेरखाय बेरखाय। |
| 3. थाथिलिया गेसें जायो | 3. थाथिलिया गुबुं जायो। |
| 4. सरासनम्रायै हाजोआरि ओनसोलाव जायो। | 4. सरासनस्रायै हायेन ओनसोलाव जायो। |
(ग) जौयेन ओनसोलनि थाथिलि आरो हायेन ओनसोलनि थाथिलि :
| जौयेन ओनसोलनि थाथिलि | हायेन ओनसोलनि थाथिलि |
| 1. थाथिलिया गेसें। | 1. थाथिलिया गुबुं। |
| 2. हाजोनि सरख्लाय जायगायाव बैसां न’ लुयो। | 2. गोजौ बिथायाव न’ लुयो। |
| 3. बेफार-फालांगिनि सुबिदाया खम। | 3. बेफार फालांगिनि सुबिदाया बारा। |
| 4. हान्था मेलाफोरा मोजां नङा। | 4. हान्थामेलाफोरा मोजां। |
| 5. मेसें बोथोरनि आबाद बांसिनै मावो। | 5. दैज्लां बोथोरनि आबादबो मावो। |
6. नोंनि गामि एबा नोगोरनि (गेदेर नोगोरब्ला मोनसे बाहागोनि) गांसे मडेल सावगारि आखिनानै बेयाव थानाय दैमा-दैसा, हाजो, बिलो आरि मिथिंगायारि थादेरसा (दंब्ला) आरो मानसिया सोरजिनाय थादेरसाफोरखौ फज’।
फिन : फरायसाफोरा गाव हारसिं नाजा।
उफ्रा सोनाय-फिननाय
1. गोजाम मुगायाव मानसिया माबायदि जिउ खांदोंमोन?
फिन : गोजाम मुगायाव मानसिया दाबसे जायगानिफ्राय गुबुन दाबसेसिम गिदिंबायना न’ गैजाय जिउ खांदोंमोन।
2. गोजाम मुगानि मानसिया थाथिलि हिसाबै माबादि जायगाफोरखौ बाहायदोंमोन?
फिन : गोजाम मुगानि मानसिया थाथिलि हिसाबै हाजोमानि दन्दर, गेदेर बिफां लाइफां आरिखौ थाथिलि हिसाबै बाहायदोंमोन।
3. दैमा सेरनि ओनसोलखौ मानसिया थाथिलि हिसाबै सायख ‘ना लानायनि जाहोना मा?
फिन : मानसि आरो आबाद मोननैनिबो थाखाय दैनि गोनांथि जानायनि थाखाय मानसिया दैमा सेरनि ओनसोलखौनो थाथिलिनि थाखाय सायख ‘ना लादोंमोन।
4. थाथिलिया गाहायै बेसेबां रोखोमनि आरो मा मा?
फिन : थाथिलिया गाहायै मोननै रोखोमनि। बेफोर जाबाय–
(1) गामियारि थाथिलि
(2) नोगोरारि थाथिलि।
5. थाथिलि गायसंनो गोजौ जायगाखौ मानो सायख ‘नाय जायो?
फिन : गोजौ जायगायाव थाथिलि गायसंब्ला दैबाना आरो सिदोमा आबहावानिफ्राय बारग’ना थानो हायो। बिनिखायनो मानसिया थाथिलि गायसंनो गोजौ जायगाखौ सायख’ नाय जायो।
6. मोननैसो न’ लुनायाव गोनां आगजुफोरनि मुं मख’।
फिन : औवा, दंफां, थुरि, बाला, अन्थाइ आरि।
7. माबादि जायगायाव थाथिलिया गुबुं जायो?
फिन : जायफोर जायगानि हाया हासार गोना, दैनि खाबु दं, न’ लुनायनि थाखाय आगजु-आयलाफोरखौ गोरलैयै मोनो, रोगाथाइ राहाया मोजां, बेफोरबादि जायगायाव सरासनस्रायै थाथिलिया गुबुं जायो।
8. हाथर्खि महरनि थाथिलि माखौ बुङो?
फिन : माब्लाबा बबेबा जायगायाव दोंनै-दोंथाम लामा नांजावलायोब्ला बेबादि लामाखौ बिथा खालामनानै जाखांनाय थाथिलिखौ हाथर्खि महरनि थाथिलि बुङो।
9. बुरलुंबुथुर दैमानि सेराव जाखांबोनाय गंनैसो नोगोरनि मुं लिर।
फिन : डिब्रुगड़, तेजपुर, गुवाहाटि, धुबुरी।
10. गुदि जिउखां राहायाव गोग्लैनाय सुबुंनि आखुथाइखौ मख’।
फिन : आबाद, जिब जुनार फिसिनाय, ना हमनाय, मैहुर खालामनाय, खनियारि सम्पद बुथुमनाय आरिनि जोहै जिउ खाङो।
11. लांदां जायगा आबुं खालाम–
(क) गोदो मानसिया………… गैजायि जिउ खांदोंमोन।
(ख) गामियारि थाथिलिनि बेलायाव……….. नि समानै…….. निबो गोनांथि दं।
(ग) लामानि सेर सेर गोलावै गोसारनानै जाखांबोनाय थाथिलिखौ………. थाथिलि बुङो।
फिन : (क) गोदो मानसिया न’ -बा गैजायि जिउ खांदोंमोन।
(ख) गामियारि थाथिलिनि बेलायाव दैनि समानै हा निबो गोनांथि दं।
(ग) लामानि सेर सेर गोलावै गोसारनानै जाखांबोनाय थाथिलिखौ हांखोआरि थाथिलि बुङो।
12. थार फिनखौ सायख’–
(क) गामियारि थाथिलिया नोगोरारि थाथिलिनिख्रुइ गुबुं /गेसें।
फिन : गेसें।
(ख) जौयेन ओनसोलाव समान /उस्ला-उस्लि जानायनि थाखाय थाथिलिया गेसें।
फिन : उस्ला-उस्लि।
(ग) भारताव सा 30/ 70 जौखोन्दो सुबुङा नोगोराव थायो।
फिन : 30 ।
Notes of Class 8 Social Science in Bodo Medium | Bodomedium Class 8 Social notes इस पोस्ट में हम आपको ये समझा ने कि कोशिश की है की Bodo Medium 8th class Social Science Question answer | Class 8 Social Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।