SEBA Class 8 Social Science Chapter 9 गोदान दोहोरोमारि सानस्रिनि जावरिथाइ Question Answer. Class 8 Social Science Question Answer in Bodo to each Chapter is provided in the list of SCERT, NCERT, SEBA सामाज बिगियान Class 8 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें. Class 8th Social Science Chapter 9 Question Answer Class 8 Bodo Medium Social Science Chapter 9 Questions Answer. SEBA Bodo Medium Class 8 Social Science Chapter 9 गोदान दोहोरोमारि सानस्रिनि जावरिथाइ Notes covers all the exercise questions in NCERT, SCERT.
Class 8 Social Science Chapter 9 गोदान दोहोरोमारि सानस्रिनि जावरिथाइ
बोडो मीडियम कक्षा 8 सामाज बिगियान खोन्दो 9 गोदान दोहोरोमारि सानस्रिनि जावरिथाइ Question Answer | Godan Dohoromori Sansrini Jabrithai | इस पोस्ट में हम आपको ये समझा ने कि कोशिश की है की कक्षा 8 बोडो मीडियम सामाज बिगियान खोन्दो 9 Godan Dohoromori Sansrini Jabrithai Question Answer. अगर आप एक सात्र या शिक्षाक हो बोडो मीडियम की, तो आपके लिए ये बोडो मीडियम कक्षा 8 सामाज बिगियान खोन्दो 9 Question Answer बोहत लाभदायक हो सकता है। कक्षा 8 सामाज बिगियान खोन्दो 9 मे आप अपना ध्यान लगाके पढ़ कर इस कक्षा 8 सामाज बिगियान में अछि Mark ला सकते हो अपनी आनेवाली परीक्षा में।
खोन्दो 9 गोदान दोहोरोमारि सानस्रिनि जावरिथाइ
Chapter 9 Godan Dohoromori Sansrini Jabrithai
उनसोलों:
1. फिननाय लिर–
(क) सिबिखान्थि बुङोब्ला मा बुजियो?
फिन : इसोरजों सुबुं जिउमानि गोरोबनाय, इसोरनि फारसे जोबनोगैयै मोजां मोननायजों लोगोसे सिबिथाइनि सायाव गोनांथि होनानै गेदेमा सुबुंफोरा जाय सानथौखौ सोरजिदोंमोन बेनो सिबिखान्थि।
(ख) सिबिखान्थि सोमावसारनायखौ सोरमिखांनायनि मोननै जाहोना मा मा?
फिन : सिबिखान्थि सोमावसारनायखौ सोमजिखांनायनि मोननै जाहोना–
(1) आलभारचफोरा बैष्णब खान्थि मानिग्रामोन।
(2) नायनारफोरा शैबखान्थि मानिग्रामोन।
(ग) दिब्यप्रबन्धमा मा?
फिन : आलभारचफ़ोरनि मेथाइ-खन्थाइ, खुगा-थुनलाइनि मावथाइफोरा उनाव सुजुथाइ महराव सेबखांजानाय बे सुजुथाइ थुनलाइनि बाख्रिखौनो ‘दिब्यप्रबन्धम’ होनना बुंनाय जायो।
(घ) सा-भारताव सिबिथाइ सोमावसारनायखौ दैदेनग्रा साब्रै सुबुंनि मुं लिर।
फिन : सा-भारताव सिबिथाइ सोमावसारनायखौ दैदेनग्रा साब्रै सुबुंनि मुङा-
(1) रामानन्द।
(2) कबीर।
(3) सुरदास आरो।
(4) तुलसीदास।
(ङ) शंकरदेबनि बादिब्ला मानसिया माबोरै उदांथि मोननो हायो?
फिन : शंकरदेवनि बादिब्ला संसारनिफ्राय निर्बाण (मुक्ति) मोननो जुनै रंजा-बाजा, फुजा-यज्ञ, बोलि-बाउनाय आरिनि जेबो गोनांथि गैया। इसोरनि सेराव गोथौ फोथायनायजों लोगोसे मुं-सिबिथाइ (नाम-भक्ति) नि जोहैनो मानसिया उदांथि (बारगनो) राहा मोननो हायो।
2. फरानि हेफाजाबाव थि सोदोबजों लांदों जायगा आबुं खालाम–
(क) शंकराचार्यआ ……………..फोथायग्रामोन।
फिन : सासेल’ सोरजिगिरि खान्थि।
(ख) ख्रीष्ट …………निफ्राय भारताव इसलाम दोहोरोमारि तुर्की-आफगानफोरा नुजाफैदोंमोन।
फिन : गुथि जौथाइनिफ्राय।
(ग) रामानन्दनि गुबै फुजिजाग्रा मोदाया …………मोन।
फिन : बिष्णुनि राफोदाइ राममोन।
(घ) तुलसीदासखौ …………होनना साननाय जादोंमोन।
फिन : बाल्मिकीनि राफोदाइ।
(ङ) गीत गबिन्दआव श्रीकृष्णनि ……….. आरो ………….. फोसावथिंनाय जादों।
फिन : गेलेथि (लीला) नि बाख्नायथि, गेदेमाथि।
3. लिरसुंथाइ लिर–
(क) शंकराचार्य, (ख) ज्ञानदेब, (ग) रामानन्द, (घ) नानक, (ङ) मीराबाई
फिन : (क) शंकराचार्य: शंकराचार्यआ सासे’ सोरजिगिरि खान्थि फोथायग्रामोन। बिथांनि बादिब्ला जिउमा आरो इसोरनि गेजेराव जेबो फाराग गैया। मानसिनि गेजेरावनो इसोरा गोसारना थायो। गोथार गियान आरो गोथार मावथाइनि गेजेरजों सुबुङो उदांथि मोननो हायो। बेनो सासेल’ इसोर फोथायनाय खान्थिनि गुबै साननि। बिथांनि दैदेननायावनो आलभारच आरो नायनारफोरनि समब्रा-समब्रि खोला भारतनि केरेला हादरसायावबो सिबिथाइ सानम्रिखौ बिथा खालामना मोनसे सानथौ गुबै दोहोरोमारि मदथाइ जावरिखांदोंमोन।
(ख) ज्ञानदेब: सा-सोनाब भारतनि महाराष्ट्रआव ज्ञानेस्वर एबा ज्ञानदेबनि (1271-95) दैदेननायावनो खृ: 13 जौथायाव सिबिथाइ सोमावसारनायनि मोनसे बोहैथि सोमजिखांदोंमोन। ज्ञानदेबा मेथाइनि गेजेरजों सिबिथाइ रादाबखौ राइजोराजानि गेजेराव फोसावदोंमोन। सोलिबोनाय समाजखान्थिनि हारि-बासिनाय खान्थि, दोहोनि-गोरिबआरि फारागथिफोरखौ बोस्रांना गोरलै, गेबें आरो लोगोथियारि सानस्रिजों जिउ खांनायाव गोसो होदोंमोन। साफ्रोमबो सोलेरावनो दि इसोर दं बे खोथाखौ राइजो-राजानि गेजेराव फोसावदोंमोन। ज्ञानदेबनि बे खौरांखौ उनाव नामदेब, एकनाथ, टुकाराम, रामदासआरिया सिबिखान्थि फोसाबगिरिफोरनि दैदेननायाव गुबुन गुबुन ओनसोलसिम गोसारलांदोंमोन।
(ग) रामानन्द: सा भारताव जर ‘खायै हिन्दी रावारि हालामाव सिबिखान्थि सोमावसारनायनि फोसावगिरियानो रामानन्दमोन। बिथाङा सासे रोंगौसा आरो समाज फोसाबगिरिमोन। बिथांनि सिबिथाइ सानथौनि गुदि सिबिजाग्रा मोदाया बिष्णुनि राफोदाइ राममोन। बिथाङा दोहोरोमनि दरजाखौ बयनिबो थाखाय खेंना दोनदोंमोन। बिथाङा हिन्दी रावाव खन्थाइ रनसायनानै दोहोरोम सिबिथाइखौ फोसावदोंमोन। बिथांनि सोलोंसाफोरनि मादाव कबीरा मख ‘जाथावमोन।
(घ) नानक: शिखफोरनि गेजेराव सिबिथाइ सानथौनि फोसावग्रा गुरु नानका बकीरनि सासे मख’जाथाव सोलोंसामोन। बिथांनि बादिब्ला, इसोरा सासे, रावजोंबो रुजुजायि आरो नुवाथारि। बिथाङा हिन्दु दोहोरोमनि मुसुखा फुजिनाय आदब आरो हारि बासिनाय खान्थिखौ फोथायामोन। गुरु नानकनि सोलोंसाफोरखौ उन बुब्लियाव शिख होनना बुंनाय जायो।
(ङ) मीराबाई: सा-सोनाब भारतनि महाराष्ट्रआव ज्ञानेस्वर एबा ज्ञानेदेबनि दैदेननायाव खृः 13 जौथायाव सिबिथाइ सोमावसारनायनि समब्रा-समब्रियै गुजराट आरो राजस्थानावबो मीराबाई, रबिदास, दादु दयालमोनननि दैदेननायाव गुबुन मोनसे सिबिखान्थिनि बोहैथि सोमजिखांदोंमोन। मीराबाया भजन-कीर्तननि जोहै इसोरनि गुन बाख्नायथिखौ राइजो-राजानि गेजेराव फोसावदोंमोन। राइजो-राजाखौ बे सिबिथाइ ‘सानथौवा जर ‘खायै बोगथाबनो हादोंमोन।
4. आल भारच् फोरा सोर? बिसोरनि गुबै दोहोरोम सानथौवा मामोन?
फिन : आलभारचफोरा बैष्णब खान्थि मानिग्रामोन।
आलभारचफोरा बिष्णु सिबिग्राखाय बिसोरनि बादिब्ला बिष्णुवा बयनिख्रुइ देरसिन आरो सोरजिनि गुदि। बिसोरनि बादिब्ला दुगा सानस्रिखौ नागारनानै इसोरनि सेराव गावखौनो बाउसोमनो हायोब्ला उदांथि (निर्बाण) मोननो हायो। सुबुंनि गेजेरावनो इसोरखौ मोननो हायो। ओंखायनो जिबखौ अनसायनायानो इसोरखौ अनसायनायनि गुदि। बेबादिनो आलभारचफोरा भारतारि हारिमुवाव बैष्णव सोमावसारनायनि मोनसे गोदान बोहैथि लाबोनायसै। बबेखानि बिसोर सिबिथाइनि सानखांथाइफोरखौ मेथाइनि गेजेरजों फोसावथिंदोंमोन।
5. चुफिखान्थिनि गुबै मोनथिनाया मामोन? भारताव चुफि खान्थि गोसारहोनायाव बिफाव लानाय सानै सुबुंनि मुं लिर।
फिन : चुफिखान्थिनि गुबै मोनथिना (फोथायनाय) या जादों सासेल’ इसोरखौ फुजिनाय। चुफिफोरनि बादिब्ला मोजां मोननाय आरो गोथौ सिबिथाइनि गेजेरजों इसोरखौ मोननो हायो। चुफिखान्थिया गेवलां (उदार) जानायनि थाखाय बिसोरो गुबुन दोहोरोमखौबो माननि नोजोरजों नायदोंमोन। बिसोरनि गुबै थांखियानो जाबाय झेसोरखौ मोजां मोननाय आरो सुबुंखौ मोजां मोननायनि गेजेरजों जिउखौ दैदेनलांनाय। बिसोरनि बादिब्ला उदां गोसोजों आरज गाबनाय, जाया लोङा थानाय (उपवास), आसार-फसंथान आरिनि ओंथि गैया। बिदि गेवलां सानखांथिनि थाखायनो हिन्दु दोहोरोमनि मानसिफ्राबो बे चुफि साधनागिरिफोरखौ मान होदोंमोन आरो सिबिदोंमोन।
भारताव चुफिखान्थि गोसारहोनायाव बिफाव लानाय सुबुनि मुङा- निजामुद्दिन आउलिया, मइनुद्दिन चिस्ति, आब्दुल कादिर जिलानी आरियानो मख ‘जाथाव।
6. कबीरा मानो हिन्दु आरो इसलाम दोहोरोमारि गासैबो सुबुंनि गेजेराव अनसायजाग्रामोन?
फिन : गुबुन गुबुन सिबिथाइ सानथौनि धियानगिरिफोर बादि कबीराबो सासेल’ इसोरखौ फुजिग्रामोन। इसोरखौ बिथाङा राम, हरि, आल्ला, ख ‘दा आरि बायदिसिना मुङैगाबज्रिग्रामोन। रामानन्द बादिनो कबीराखौ खन्थाइनि जोहैबो सिबिथाइ दोहोरोम फोसावदोंमोन। सरासनस्रा सुबुंनि गेजेराव कबीरा एसेबां अनसायजाग्रामोनदि बिथांनि समब्रा-समब्रि मुसलमानेफोरा बिथांखौ चुफि सिबिग्रा आरो हिन्दुफोरा राम सिबिग्रा होनना सिमान लादोंमोन। हिन्दु मुसलमान मोननैबो दोहोरोमनि सुबुंफोरा बिथांनि सोलोंसाथि आजावदोंमोन।
7. सिबिथाइ सोमावसारनायनि दैदेनगिरिफोरा दोहोरोमनि अनगायैबो समाज फोसाबथाइनि खामानिखौबो मावनो लानायनि थांखिया मामोन?
फिन : लासै लासैयै सिबिखान्थिनि आवथाया गुवार जालांनो हमनायलाय सिबिथाइ सोमावसारनायनि दैदेनगिरिफोरा दोहोरोमनि अनगायैबो समाज फोसाबथाइनि खामानिखौबो मावनो लानायनि थांखि नाजावो। मानोना इसोरनि फारसे मान बाउनायखौल’ सिबिथाइ होनना सानालासिनो इसोरारि गोहो फुजिनायनि गेजेरजों समाज फोसाबनानै सरासनस्रा सुबुंनि गासै रोखोमनि मोजां आरो जौगा खामानि मावनायखौबो सिबिथाइनि बाहागो होनना सानना लानायसै। जाउनाव गेजेर मुगायाव बेफोरबादि सिबिखान्थियारि सोमावसारनाया सा आरो सा-सानजा भारताव गोसारलांदोंमोन। बिदिनो दुलाराय भारताव सिबिखान्थिया बयजोंबो अनसायजायो।
8. भारतबर्षआव सिबिथाइ, सोमावसारनाया अनसायजानायनि जाहोना मा?
फिन : गोथार गियान आरो गोथार मावथाइनि गेजेरजों सुबुङा उदांथि मोननो हायो। बेनो सासेल’ इसोरखौ फोथायनाय खान्थिनि गुबै सानस्रि आरो भारतवर्षआव सिबिथाइ सोमावसारनाया अनसायजानायनि गुबै जाहोन। मानोना इसोरनि फारसे मान ‘बाउनायखौल’ सिबिथाइ होनना सानालासिनो इसोरारि गोहो फुजिनायनि गेजेरजों समाज फोसाबनानै सरासनस्रा सुबुंनि गासै रोखोमनि मोजां आरो जौगा खामानि मावनायखौबो सिबिथाइनि बाहागो होनना सानना लानायसै। जाउनाव गेजेर मुगायाव बेफोर बादि सिबिखान्थियारि सोमावसारनाया सा आरो सा-सानजा भारताव गोसारलादोंमोन। बिदिनो दुलाराय भारताव सिबिखान्थिया बयजोंबो अनसायजानो हमो।
9. श्रीमन्त शंकरदेबा असमीया समाजाव होनाय बिहोमानि बागै 50 सो सोदोबनि गेजेराव मोनसे लिरथाइ लिर।
फिन : 1449 ख्रीष्टआव असमीया हारिमुनि जिउबादि गेदेमा शंकरदेबा जोनोम जायो। गेदेमा सुबुं श्रीमन्त शंकरदेबनि जोनोम थावनिया जाबाय बरदवानि आलिपुखुरी गामि। मख ‘जायोदि, ख्रीष्टगिबि बाथि जौथायाव आसामाव श्रीमन्त शंकरदेबनि दैदेननायावबो सिबिथाइ (भक्तिबाद) सोमावसारनाया महर मोनो। बिथाङा भारतनि मुंदांखा गोथार थावनिफोराव बेरायथिंना फैनानै श्रीमन्त शंकरदेबा सिबिखान्थिनि सानखांथिजों असमीया समाजखौ गोदानै दाफिननायसै। असमीयाफोरनि समाजारि जिउखौ खौसेयाव लाबोनो थाखाय बिथाङा समानथि, सहायथि आरो हिंसा गैयै खान्थिनि बोसोन फोसावो।
सिबिखान्थिखौ बिथा खालामनानै बिथाङा बैष्णब दोहोरोम फोसावनायजों लोगोसे समाज फोसाबनायावबो गोसो होदोंमोन। दोहोरोमखौ राइजो- राजानि खाथिसिनाव लाना थांनो जुनै शंकरदेबा संस्कृतनि बदलै ब्रजाबली आरो असमीया रावाव दोहोरोम बिजाबफोरखौ रनसायदोंमोन। समाजारि खौसेथि आरो लोगोथिनि दौलेंखौ गोरा खालामनो थाखाय बिथाङा बायदिसिना हारिमुवारि मावफारिनि राहा लादोंमोन। समाजारि समानथि आरो गासैबो हारिनि जथाइ बाहागो लानायखौ थिरां खालामनानै बिथाङा आसामनि राव आरो हारिमु-आरिमुनि गुवार फोथारखौ बानायदोंमोन। शंकरदेबनि बेबादि साधनानि गुबै आयदाया असमीया रावनि जौगाथाइ, हारिमु-आरिमुनि आन्थोरजयै सावरायनाय आरो सिबिखान्थिखौ गोसार होनायानोमोन। थार ओंथियाव बिथाङा असमीया हारिनि दैदेनग्रा, असमीया राव आरो हारिमु-आरिमुनि बयनिख्रुइ देरसिन गायसनगिरि।
उफेरा सोनाय – फिननाय
1. माखौ चुफिखान्थि होनना मिथिनाय जायो?
फिन : सिबिखान्थि सोमावसारनायनि गुदि खोथाया जादों इसोर एबा सोरजिगिरिया सासेल’। बियो जेरैबो गोहोगोनां आरो मिथिजोबनाय। मानसिया बे संसाराव दुखु जाल्लानिफ्राय रैखा मोननो थाखाय सिबिथायारि गोसोजों इसोरनि मुङाव आरज गाबोब्लानो थोजासे जायो। इसोरनि सेराव दोहोनि गोरिब, गोजौ-गाहाय आरिनि जेबो फाराग गैया। हिन्दु दोहोरोमनि बादि इसलाम दोहोरोमावबो बै एखे समावनो मोनसे गेवलां सानस्रिनि सानथौ खिलिखांदोंमोन। बेखौनो चुफिखान्थि होनना मिथिनाय जायो।
2. आलभारच आरो नायनार हारिनि सिबिथाइ सोमावसारनायाव सोर सोर सुबुंफ्रा बाहागो लादोंमोन?
फिन : आलभारच आरो नायनार हारिनि सिबिथाइ सोमावसारनायाव मावदांसा, आबादारि, हानि आइजें दाग्रा (कुमार), फलान, सानथ्रि, ब्राह्मणनि लोगोसे सुवा सुबुंफ्राबो (अस्पृश्य) बाहागो लादोंमोन।
3. मा जाहोनाव गेजेर मुगायाव खायसे हिन्दु मानसिया इसलाम दोहोरोमनि फारसे गोसो गंग्लायदोंमोन?
फिन : इसलाम दोहोरोमाव रंजा-बाजा जौगा होनाय आरो मुसुखा फुजिनाय गैया। बे दोहोरोमाव सासेल’ इसोर (आल्ला) खौ फुजिनाय जायो आरो इसोरनि नोजोराव बयबो समान। जाउनाव हिन्दु समाजनि खायसे नेवसि जानाय सुबुङा बे दोहोरोमनि ‘फारसे ‘खर’ गंग्लायनो हमदोंमोन।
4. कबीरा रनसायनाय सिबिथाइ सानथौनि खन्थाइफोरखौ मा बुंनाय जायो? द’हाया मा? बेखौ माबे बिजाबाव सरजाबफानाय जादों?
फिन : कबीरा रनसायनाय सिबिथाइ सानथौनि खन्थाइफोरखौ द ‘हा बुंनाय जायो। कबीरनि दहाफोरा हिन्दी थुनलाइनि बेसेन बहूा सम्पद बेफोर द’हानि खायसे खायसे बाहागोखौ शिख दोहोरोमनि बिजाब गुरुग्रन्थचाहिबाव सरजाबफानाय जादों।
5. कबीरा सासे जौसिन बैष्णब होनना शंकरदेबा माधबदेबनि सिगाङाव बुंनाय खोथाया माबे बिजाबाव मख ‘नाय दं?
फिन : गुरुचरित बिजाबाव।
6. ‘रामचरित-मानस ‘खौ सोर रनसायदोंमोन?
फिन : तुलसीदासा।
7. “शंकरदेबनि बादियैब्ला इसोरनि बोर मोननो थाखाय रंजा-बाजा, फुजायज्ञ, बोलि-बाउनाय आरिनि गोनांथि गैया”- बे बाथ्रानि सुंद’ बिजिरथि हो।
फिन : शंकरदेबा सासेल’ इसोरखौ फोथायग्रामोन। इसोरनि नुवाथारि महरानो बिथांनि सानस्रिनि गुदि बाथ्रा। सुबुंथियारि बेसेनथि आरो हिंसा गैयि सानस्रियानो जादों शंकरदेबनि सानथौमिननि गाहाइ आयदा। बै दोहोरोमनि बादिब्ला हारि, दोहोरोम बासियाजासे गासैबो थाखोनि मानसिहानो इसोरनि सेराव फुजिनाय बाउनायनि समान मोनथाइ दं। संसारनिफ्रायं निर्बाण (मुक्ति) मोननो जुनै रंजा-बाजा फुजा-यज्ञ, बोलिबाउनाय आरिनि गोनांथि गैया। इसोरनि सेराव गोथौ फोथायनायजों लोगोसे मुंसिबिथाइ (नाम-भक्ति) नि जोहैनो मानसिया इसोरनिफ्राय बोर मोननो हायो।
8. सिबिधाइ सोमावसारनायनि साथाम गुबै दैदेनगिरिफोरनि मुं लिर।
फिन : सिबिथाइ सोमावसारनायनि साथाम गुबै दैदेनगिरिफोरा जाबाय- रामानन्द, ज्ञानदेब आरो नामदेब।
9. सिबिथाइ सोमावसारनायनि मोनथाम बिहोथाइखौ लिर।
फिन : सिबिथाइ सोमावसारनायनि मोनथाम बिहोथाया जाबाय–
(क) भारतनि खौसेथि- गोरोबथिखौ रैखाथाइ होनाय।
(ख) ओनसोलारि रावखौ गोसारहोनाय। आरो
(ग) सिल्प दोहोरोमनि जौगाथायाव जोबोरै बिहोमा होदोंमोन।
Notes of Class 8 Social Science in Bodo Medium | Bodomedium Class 8 Social notes इस पोस्ट में हम आपको ये समझा ने कि कोशिश की है की Bodo Medium 8th class Social Science Question answer | Class 8 Social Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।