SEBA Class 8 Social Science Chapter 22 भारतारि संबिजिर Question Answer. Class 8 Social Science Question Answer in Bodo to each Chapter is provided in the list of SCERT, NCERT, SEBA सामाज बिगियान Class 8 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें. Class 8th Social Science Chapter 22 Question Answer Class 8 Bodo Medium Social Science Chapter 22 Questions Answer. SEBA Bodo Medium Class 8 Social Science Chapter 22 Notes covers all the exercise questions in NCERT, SCERT.
Class 8 Social Science Chapter 22 भारतारि संबिजिर
बोडो मीडियम कक्षा 8 सामाज बिगियान खोन्दो 22 भारतारि संबिजिर Question Answer | Bharotari Songbijir | इस पोस्ट में हम आपको ये समझा ने कि कोशिश की है की कक्षा 8 बोडो मीडियम सामाज बिगियान खोन्दो 22 Question Answer. अगर आप एक सात्र या शिक्षाक हो बोडो मीडियम की, तो आपके लिए ये बोडो मीडियम कक्षा 8 सामाज बिगियान खोन्दो 22 Question Answer बोहत लाभदायक हो सकता है। कक्षा 8 सामाज बिगियान खोन्दो 22 मे आप अपना ध्यान लगाके पढ़ कर इस कक्षा 8 सामाज बिगियान में अछि Mark ला सकते हो अपनी आनेवाली परीक्षा में।
खोन्दो 22 भारतारि संबिजिर
Chapter 22 Bharotari Songbijir
उनसोलों:
1. सुंद’यै फिननाय लिर:
(क) भारतारि संबिजिरखौ रनसायनायाव बेसेबां सम लादोंमोन?
फिन : भारतारि संबिजिरखौ रनसायना दिहुननायाव 2 बोसोर 11 दान आरो 18 सान लादोंमोन।
(ख) बबे मायथाइयाव भारतारि संबिजिरखौ आबुङै बाहायफुंनाय जादोंमोन?
फिन : 1950 मायथाइनि 26 जानुवारिनिफ्राय भारतारि संबिजिरखौ आबुङै बाहायफुंनाय जादोंमोन।
(ग) भारतबर्ष आव माब्लानिफ्राय सोद्रोमा बिसायख ‘नाय बिखान्थिया जागायजेनो?
फिन : 1892 माइथाइनि भारत गथुम आइन बादियै भारतबर्षआव सोद्रोमा बिसायख ‘नाय बिखान्थिया जागायजेनो।
(घ) 1935 मायथाइनि भारत सरकार आइनाव मा राहाखौ बेखेवजेनदोंमोन?
फिन : 1935 मायथाइनि भारत सरकार आइनाव गिबिखेबनि थाखाय जारखुंथाइ आरो जथाइ हादरारि खुंथाइखौ बेखेवजेनदोंमोन।
(ङ) संबिजिरनि खचरा आफादखौ माब्ला दानाय जादोंमोन?
फिन : 1947 मायथाइनि 29 आगष्टआव भारतारि संबिजिर खचरा आफादखौ दानाय जादोंमोन।
2. लांदां जायगा सुफुं—
(क) भारतारि संबिजिराव———– दफा———– आयदा फारिलाइ दं।
फिन : भारतारि संबिजिराव 395 दफा 22 आयदा 12 फारिलाइ दं।
(ख) संबिजिरा गोहोफोरखौ———– फारिलायाव बाहागो खालामदों।
फिन : संबिजिरा गोहोफोरखौ गांथाम फारिलायाव बाहागो खालामदों।
(ग) संबिजिरनि—– थि फोसाबनायनि गेजेरजों ———– सरजाबों।
फिन : संबिजिरनि 42थि फोसाबनायनि गेजेरजों समाज खान्थियारि सोदोबखौ सरजाबदों।
(घ) संबिजिरनि खचरा आफादाव थानाय आसामनि सोद्रोमाया जादों———–।
फिन : संबिजिरनि खचरा आफादाव थानाय आसामनि सोद्रोमाया जादों महम्मद चादुल्ला।
3. फिननाय हो :
(क) भारतनि संबिजिरखौ मानो लावसिन संबिजिर होनना बुंनाय जायो?
फिन : दासिम रनसायजानाय संबिजिरफोरनि मादाव भारतनि संबिजिरानो बयनिख्रुइबो लावसिन संबिजिर। वे संविजिराव मोन 395 दफा, मोन 22 आयदा आरो मोनं 12 फारिलाइ दं। बुहुमनि माखासे हादरनि संविजिरनिफ्राय आदर्शफोरखौ सायख’बासिख’ बुथुमना संबिजिराव सरजाबनायनि थाखाय भारतनि संविजिरा गोलावथार जादों।
(ख) गलायमोनदेर संबिजिर बुंब्ला माखौ बुजियो?
फिन : जायफोर संबिजिरनि फोसाबनाय बिखान्थियाव गोरलै आरो गाब्राब मननैबो आखुथाया थायो बेखौनो गलायमोनदेर संबिजिर बुंनाय जायो। भारतारि संबिजिरा मोनसे गलायमोनदेर संबिजिर। गोदान राज्यो दानाय, राज्योनि सिमा थि खालामनाय आरि आयदाफोरखौ गोरलैयै फोसाबनो हायो। नाथाय हादरगिरिनि बिसायख’नाय खान्थि, मिरु आरो राज्योनि गेजेराव गोहो राननाय, जौसिन आरो गोजौ बिजिरसालि आरिनि आयदाफोरखौ गोरलैयै फोसाबनो हाया। बेनिखायनो भारतनि संबिजिरखौ गलायमोनदेर संबिजिर बुंनाय जायो।
2. हादरखौ सामलायनायनि बिथोनारि खान्थिनि गाहाय थांखिफोरा मा मा?
फिन : आयारलेण्डनि संबिजिरनि नमुनाजों भारतनि संबिजिरावबो बिथोनारि खान्थिखौ सरजाबनाय जादों। भारतबर्षखौ दरसे नंगुबै सुबुं अनसायग्रा हादर महरै गायसननायानो बेनि गुबै थांखि। बे थांखिखौ जाफुंहोनो थाखायनो माखासे खान्थि आजावनाय जादों। जेरै- हादरनि गासै सुबुंनि जिउ खांनायनि मानथाखोखौ जौगा खालामनाय, रांखान्थियारि समानथि गायसननाय, गामि ओनसोलफोरखौ जौगाहोनाय, पनचायतनि राहा खालामनाय, जेंनाखौ गोजोनै सुस्रांनाय आरो लोगोथि सोमोन्दो गायसननाय, लेखा रोङि जेंनाखौ सुस्रांनो थाखाय गासै गथ’नो (6-14 बोसोर) बेसेननाङि आरो नागारजायि सोलोंथाइनि राहा होनाय, समाजनि गोग्लैसोनाय हारिनि थाखाय जुनिया सरैखानि राहा खालामनाय, हादरनि जारिमिनारि जायगा आरो नेरसोन खामफाफोरखौ सरैखा खालामनाय, मिथिंगायारि आबहावाखौ सरैखा खालामनाय आरो जौगाखांहोनायानो बे खान्थिफोरनि गाहाइ थांखि। बे खान्थिफोरखौ मावफुंनो थाखाय सरकारखौ नारसिननो हाया आरो बिजिरसालिनि राहाबो लानो हाया।
(घ) बबे हादरनि संबिजिरनि दिन्थिथियाव जोंनि संबिजिराव बिथोनारि खान्थिखौ थिसननाय जादों?
फिन : आयारलेण्डनि संबिजिरनि दिन्थिथियाव जोंनि संबिजिराव बिथोनारि खान्थि फोरखौ थिसननाय जादों। बे बिथोनारि खान्थिफोरखौ संबिजिराव थिसननायनि गुबै थांखियानो जादों भारतबर्षखौ दरसे नंगुबै सुबुं अनसायग्रा हादर महरै गायसननाय।
4. मोनसे सोदोबाव फोरमाय :
(क) जाय हादरनि बिगोमाया फोलेरारियै जाया————।
फिन : सुबुंखान्थि हादर।
(ख) जाय हादरा गुबुनारि खुंथाइनिफ्राय उदां————।
फिन : सर्बभौम हादर एबा उदां हादर।
(ग) जाय हादराव जेबो हादरारि दोहोरोम गैया————।
फिन : दोहोरोम सायख ‘यि हादर।
(घ) जाय हादरा नगोरारिनि मोजांखौ हास्थायो————।
फिन : सुबुं अनसायग्रा हादर।
5. आगदानि बाहागोजों आगसि बाहागोखौ गोरोब हो–
| (क) बृटिश संविजिरनिफ्राय। | (क) उदांस्रि, समानथि, बिदा-फंबाय सानलायनाय। |
| (ख) कानाडा, अष्ट्रेलिया, खोला आफ्रिकानिफ्राय। | (ख) हादरनि बिथोनारि खान्थि। |
| (ग) आमेरिका जथाइ हादरनि संबिजिरनिफ्राय। | (ग) जथाइ हादरारि खुंथाइ राहा। |
| (घ) फराछी संबिजिरनिफ्राय। | (घ) गुदि मोनथाइ। |
| (ङ) आयारलेण्डनि संबिजिरनिफ्राय। | (ङ) संसदारि सुबुंखान्थि। |
फिन :
| (क) बृटिश संविजिरनिफ्राय। | (ङ) संसदारि सुबुंखान्थि। |
| (ख) कानाडा, अष्ट्रेलिया, खोला आफ्रिकानिफ्राय। | (ग) जथाइ हादरारि खुंथाइ राहा। |
| (ग) आमेरिका जथाइ हादरनि संबिजिरनिफ्राय। | (घ) गुदि मोनथाइ। |
| (घ) फराछी संबिजिरनिफ्राय। | (क) उदांस्रि, समानथि, बिदा-फंबाय सानलायनाय। |
| (ङ) आयारलेण्डनि संबिजिरनिफ्राय। | (ख) हादरनि बिथोनारि खान्थि। |
6. भारतारि संबिजिरनि जारिमिनारि उननि सोमोन्दै सुंद ‘यै लिर।
फिन : बृटिश सरकारा गुबुन गुबुन समाव गुबुन गुबुन आइन बानायनानै भारतबर्षखौ खुंनो लादोंमोन। 1858 मायथाइयाव बृटिस सरकारा मोनसे आइन रनसायना भारतनि खुंथाइ बिबानखौ इष्ट इण्डिया कम्पानीनिफ्राय इंलेण्डनि राणीनि आखायाव लाङो। 1892 मायथायाव भारत गथुम आइन 1904 मायथायाव भारत सरकार आइन, भारत सरकार आइन (1909) भारत खुंथाइ आइन (1935), बायदि आइन बानायना भारतखौ खुंनो हमो।
1922 मायथायाव महात्मा गान्धीया हादरनि थाखाय भारतारिफोरा रनसायनाय गांसे संबिजिरनि थाखाय दाबि दैखांदोंमोन। 1924 मायथाइयाव स्वराज पार्टियाबो संबिजिर रनसायनो थाखाय मोनसे संबिजिर आफाद दानो दाबि दैखांदोंमोन। 1927 मायथायाव सार छाइमन कमिचननि फोरमायलाइ बायदियै भारतनि थाखाय गांसे आदा संबिजिर रनसायनायनि गोनांथि होनाय जायो।
1946 मायथाइयाव केबिनेट मिछना भारताव फैयो आरो भारतनि थाखाय मोनसे एखुथा संबिजिर रनसायनो थाखाय बिथांखि आजावो। बे बिथांखि बायदियैनो भारतारि संबिजिर आफादखौ दानाय जायो। ड: राजेन्द्र प्रसादखौ बे आफादनि आफादगिरि महरै बिसायख ‘नाय जादोंमोन। 1950 मायथाइनि 26 जानुवारिनिफ्राय संबिजिरखौ आबुङै बाहायथारनाय जादोंमोन।
7. संबिजिर रनसायनायाव आसामनि बिफावा मामोन लिर।
फिन : भारतनि संबिजिर रनसायनायाव आसामा मोनसे गोनां बिफाव लादोंमोन। आसामनि चैयद महम्मद चादुल्ला, गपीनाथ बरदलै, धरणीधर बसुमतारी, रेबारेन्ट जे जे एम निकलछ रय, निवारण चन्द्र लस्कर, कुलधर, चहिला, रहिनी कुमार चौधुरी आरो आब्दुर रौफ मोना राफोद बाहागो लादोंमोन। बिथांमोननि गेजेराव महम्मद चादुल्लाया संबिजिर आफादनि खचरा आफादनि सोद्रोमामोन।
गपीनाथ बरदलैया आसामनि फारियाव थिसनजानाय आरो हाजोआरि फारियाव थिसनजानाय हारिफोरनि स्वार्थ रैखाथिनि थाखाय दाजानाय खम सुबुं अनजिमा बोसोनथाइ आफादनि आफादगिरि जादोंमोन। बे आफादनि बोसोन बायदियै संबिजिराव दथि दफाखौ सारजाबनाय जायो। बे दफायाव सा-सानजा भारतनि।
होजोआरि आरो फारियाव थिसनजानाय हारिनि ओनसोलफोरनि थाखाय जारखुंथाइनि राहा होदों। बेबादिनो भारतारि संबिजिर रनसायनायाव गुबुन गुबुन असमीया सुबुंफोरा थोजासे गोख्रो आरो दाथायारि बिफाव लादोंमोन। दुलाराय हादरजों लोगोसे गावनि राज्योनि स्वार्थआव बिथांमोना खौसेयै राव होदोंमोन।
8. मा मा हादरनि संबिजिरनिफ्राय मा मा आदर्शखौ भारतारि संबिजिर रनसायगिरिफोरा आजावदों लिर।
फिन : भारतारि संबुिजिर रनसायगिरिफोरा बुहुमनि माखासे हादरनि संबिजिरनिफ्राय आदर्शफोरखौ सायख’ सायख’ बुथुमनानै संबिजिराव सरजाबफादों। गाहायाव गंनैसो हादोरनि संबिजिरनिफ्राय लानाय आदर्श आरो हादोरनि मुंखौ दैखांना होनाय जाबाय।
(क) बृटिश संबिजिरनिफ्राय – संसदारि सुबुंखान्थि आदर्शखौ लादों।
(ख) कानाडा, अष्ट्रेलिया, खोला आफ्रिकानिफ्राय – जथाइ हादरारि खुंथाइ राहानि आदर्शखौ लादों।
(ग) आमेरिका जथाइ हादरनि संबिजिरनिफ्राय – गुदि मोनथाइ आदर्शखौ लादों।
(घ) फराछी संबिजिरनिफ्राय – उदांत्रि, समानथि, बिदा-फंबाइ सानलायनाय आदर्शखौ लादों।
(ङ) आयारलेण्डनि संबिजिरनिफ्राय ― हादरारि बिथोन खान्थि आदर्शखौ लादों।
9. भारतारि संबिजिरनि खुगा फोरनायाव थानाय गुदि आदर्शफोरखौ फोरमाय।
फिन : गांसे बिजाबाव जेरैबादि रायफोरनाय थायो थिग बेबादिनो भारतारि संबिजिरावबो आमेरिका जथाइ हादरनि संबिजिरनि दिन्थिथि बादियै मोनसे रायफोरनाय होनाय जादों। बे रायफोरनायखौ संबिजिरनि खुगा फोरनाय बुंनाय जायो। बे खुगाफोरनायखौ संबिनिरनि आयना होननाबो बुंनो हायो। बेनि गेजेरजों भारत हादरनि आदर्श, नोजोर आरो थांखिफोरा बेरखांदों।
बे खुगाफोरनाय बायदियै भारत हादरनि गासै गोहोनि फुंखाया जादों नोगोरारिफोर। बे संबिजिरखौ भारतारिनि दारै रनसायना भारतबर्षनि नोगोरारिफोरनि मोजांनि थाखाय नोगोरारिफोरनो होनाय जादों। संबिजिरा भारतबर्षखौ दरसे सार्बभौम हादर होनना फोसावदों आरो बेनि गेजेरजों भारतबर्षआ गुबुन हादरनि सिं जायाब्लानो उदाङै हादर इसिङारि आरो गुबन, हादरारि खान्थिखौ थि खालामनो हानायखौ फोरमायदों। भारतारि संबिजिरनि खुगाफोरनायाव 1976 मायथाइनि संबिजिरनि 42 थि फोसाबथाइनि दारै समाजखान्थियारि आरो दोहोरोम सायखयि आदर्शखौ सरजाबदों।
समाजखान्थियारि सोदोबनि गेजेरजों बेखौनो फोरमायदोंदि बे आदर्श बादि हादरनि सम्पदा जाहाथे थाखोसे मानसिनि आखाइयावल’ थाया बेनि थाखाय हादरा राहा लागोन। दोहोरोम सायख ‘यि सोदोबनि गेजेरजों बेखौनो फोरमायदोंदि हादरा मोनसेबो दोहोरोमनि फारि लाया आरो जेबो दोहोरोमखौनो गनायना लाया । बेवहाय थानाय गासै दोहोरोमनि मानसिफोरानो गावनि गोसो बादियै जायखिजाया दोहोरोम फालिनो, आजावनो, सावरायनो आरो फोसावनो हायो।
आरोबाव संबिजिरा बारतखौ दरसे सुबुंखान्थियारि हादर महरै फोसावदों। बेनि ओंथिया जादों नोगोरारिपोरजों सायखजानाय सरकारानो हादरखौ सामलायो। खुगाफोरनायनि गेजेरजों भारतखौ दरसे सुबुंराज्यो महरै गायसनदों। बे आदर्श बादियै हादर खुंथाइनि जौसिन मासियाव थानाय मानसिया थामहिनबा हादरगिरि फोलेरारि राहाजों बे मासियाव थानो हाया। हादरनि नोगोरारिनि मोनथाइफोरा जाहाथे मोजाङै गायसनजायो बेनि थाखाय संबिजिरनि खुगा फोरनायाव मोननैसो गेदेमा आदर्श जैरा-न्याय, उदांस्रि सानथि आरो बिदा फंबाय सालायनायखौ फोसावदों।
10. लिरसुंथाइ लिरः
(क) डः भीमराव आम्बेदकार: ड: भीमराव आम्बेदकारनि आबुं बाबाचाहेब भीमराव आम्बेदकार। बिथांखौ बाबा चाहाब होननानैबो मिथियो 1947 मायथाइनि 29 आगष्ट खालाराव ड: आम्बेदकार अ फादगिरि महरै तानाने भारतारि संबिजिरनि खचरा आफाद दानाय जायो। 1950 मायथाइनि 26 जानुवारिनिफ्राय बे संबिजिरखौ आबुङै बाहायथारनाय जायो। आम्बेदकारा समाजाव थानाय हारि बासिनायखौ होखारनो थाखाय संबिजिराव गुदि मोनथाइखौ सरजाबना समाजारि समानथि गायसनदोंमोन। आइजोफोरनि जौगाथाइनि फारसे नोजोर होना सोलोंथाइ आरो दोहोननि मोनथाइनि सायाव बांसिन गोनांथि होदोंमोन। भारतारि संबिजिरखौ मावफुंहानाय खालामनो थाखाय बिथाङा गोख्रों राहा लादोंमोन।
(ख) ड० राजेन्द्र प्रसाद: ड० राजेन्द्र प्रसादा भारतारि संबिजिर आफादनि आफादगिरिमोन। बिथाङा 1949 मायथाइनि 26 नबेम्बराव खचरा संबिजिराव मुंसाइ होयो आरो 1950 मायथाइनि 26 जानुवारिनिफ्राय संबिजिरखौ आबुङैबाहायथारनाय जायो। संबिजिर आफादनि आफादगिरि ड० राजेन्द्र प्रसादखौनो भारतनि गिबि हादरगिरि महरै बिबान होनाय जायो।
(ग) संसदारि सरकार: संसदारि सरकारा भारतारि संबिजिरनि गुबुन मोनसे गोहोम गोनांथार आखुथाइ। बे राहायाव हादरनि गाहाया जादों हादरगिरि। बिथाङा मुङावल’ हादरनि बिगोमा महरै हादरनि हाबाखौ सामायो। भारतारि संबिजिरा मावफुं आफादनि गोहोखौ हादरगिरिनि आखाइयाव गथायदों। नाथाय हादरनि गासै गोहोखौ गाहाय मन्थ्रिजों लोगोसे मन्थ्रि गथुमा बाहायो। बे मन्थ्रि गथुमा सुबुं आफादनि खाथियाव दाय गोनां जाना थायो। बे मन्थ्रि गथुमा हादरगिरिनि मुङाव हादरनि गासै हाबा-हुखाखौ सामलायोखायनो बेखौ संसदारि सरकार बुंनाय जायो।
11. भारतबर्षनि संबिजिरनि आखुथाइफोरखौ मोनफायै लेखा बिलाइनि फिसा थुख्रायाव लिरना ला। थाखोनि गासै फरायसाफोरा बेनि सायाव मोनसे हरखाब बिबुंथिनि आफाद खुंनानै आयदाफोरनि सायाव बिबुंथि हो। (आफादखौ सामलायनो आयदा फोरोंगिरिनो बिबान हो।)
फिन : भारतारि संबिजिरनि आखुथाइफोरः
(क) भारतारि संबिजिरा लिरानाय आरो बुहुमनि मादाव लावसिन।
(ख) खुगाफोरनाया भारतारि संबिजिरनि मोनसे मुंख ‘जाथाव आखुथाइ।
(ग) भारतारि संबिजिरनि मोनसे आखुथाया जाबाय गोरलै आरो गोब्राब संबिजिरनि मोनसे आखुथाइ।
(घ) संबिजिरा भारतखौ गंसे सार्बभौम हादर होनना फोसावदों।
(ङ) दोहोरोम सायखयिया भारतारि संबिजिरनि मोनसे मख ‘जाथाव आखुथाइ।
(च) संबिजिरा 42 थि फोसाबनायनि गेजेरजों भारतबर्षखौ गंसे समाजबादि हादर महरै गनायथि होदों।
(छ) मोनसे नोगोरारिथिया भारतारि संबिजिरनि मोनसे आखुथाइ।
(ज) भारतारि संबिजिरा जथाइ हादरारि आरो मिरुसेयारि खान्थिनि गलायमोनदेर।
(झ) संसदारि सरकारा भारतारि संबिजिरनि मोनसे गोहोम गोनां आखुथाइ।
(ञ) गोहोराननाया भारतारि संबिजिरनि गुबुन मोनसे आखुथाइ।
(ट) भारतारि संबिजिरा नोगोरारिफोरनो गुदि मोनथाइ आरो मावनां हाबा थिसनदों।
(ढ) हादर सामलायनायनि बिथोनारि खान्थि सरजाबनायाबो भारतारि संबिजिरनि मोनसे मुंख ‘जाथाव आखुथाइ।
उफ्रा सोंथि
गुसुङै फिननाय हो:
(क) भारतनि खुंथाइ बिबाना माब्ला बृटिश सरकारनि आखायाव फैयो?
फिन : 1958 मायथाइयाव भारतबर्षनि खुंथाइ बिबानखौ इष्ट इण्डीया कम्पानीनिफ्राय बृटिश सरकारनि आखायाव लाबोयो।
(ख) बेसेबां मायथाइयाव बृटिश सरकारा भारत गथुम आइनखौ आजावो?
फिन : 1861 मायथाइयाव।
(ग) माहात्मा गान्धीया माब्ला गांसे संबिजिरनि थाखाय दाबि दैखांदोंमोन?
फिन : 1922 मायथाइयाव।
(घ) संबिजिर आफादनि आफादगिरिया सोरमोन ?
फिन : ड० राजेन्द्र प्रसाद।
(ङ) संबिजिरनि खचरा आफादनि आफादगिरिनि मुङा मामोन?
फिन : ड० भीमराउ आम्बेदकार।
(च) बबे हादरनि संबिजिरनि दिन्थिथिजों जोंनि संबिजिराव हादरनि बिथोनारि ‘खान्थिखौ थिससननाय जादों?
फिन : आयारलण्डनि संबिजिरनि दिन्थिथिजों।
2. मावफारि:
न्याय, उदांस्रि, समानथि आरो बिदा-फंबाय सानलायनाय आरि सानस्रिया जोंनि समाजाव थायाब्ला माबादि जेंना जानो हागौ हानजायाव सावरायना लिर।
फिन : न्याय, उदांस्रि, समानथि आरो बिदा-फंबाय सानलायनाय आरि सानस्रि जोंनि समाजाव थायाब्ला मोनसे आब्रुथि गैयि आवसारि थासारि सोमजिगोन। आब्रुथि गैयि समाज मोनसेयाव बायदि जेंना सोमजियो। जेंनाया समाजनि दावगानायाव हेंथा होयो। बिब्दि हाल-सालाव समाजनि एबा सुबुंनि दावगानाया थादयो। बिब्दियैनो समाजा नोरोखआव दोबैलाङ़। बेफोरबायदि बाथ्राखौ साननानैनो जोंनि हादरनि संबिजिराव न्याय, उदांस्रि, समानथि आरो बिदा-फंबाय सानलायनाय सानस्रिफोरखौ थिसनफानाय जादों।
Notes of Class 8 Social Science in Bodo Medium | Bodomedium Class 8 Social notes इस पोस्ट में हम आपको ये समझा ने कि कोशिश की है की Bodo Medium 8th class Social Science Question answer | Class 8 Social Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।