SEBA Class 7 Bodo Mil Chapter 4 in Bodo जोनोम हादर

SEBA Class 7 Bodo Mil Chapter 4 in Bodo जोनोम हादर | Jonom Hadar | Class 7 बिथ ‘राइ Question Answer in Bodo As Per New Syllabus to each Chapter is provided in the list of SCERT, NCERT, SEBA जोनोम हादर Class 7 Bodo Chapter 4 Question Answer/Class 7 Bodo Mil Chapter 4 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Bodo Question Answer In Bodo Chapter 4. Class 7 Bodo Solution Chapter 4. covers all the exercise questions in NCERT, SCERT.

Join us Now

Class 7 Bodo Mil Chapter 4 जोनोम हादर

SEBA Class 7 Bodo Notes Chapter 4 In Bodo जोनोम हादर । Jonom Hadar। Guide for Class 7th Bodo Mil Chapter 4 जोनोम हादर. Also Same NCERT Solutions for Class 7 Bodo Ankuran इस पोस्ट में हम आपको ये समझा ने कि कोशिश की है की Class 7 Bodo Question Answer Chapter 4 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Bodo Mil Chapter 4 In Bodo Medium बोहत लाभदायक हो सकता है। Ncert/Scert Bodo Class 7 Chapter 4 मे आप अपना ध्यान लगाके पढ़ कर इस SEBA Class 7 Bodo Question Answer Chapter 4 में अछि Mark ला सकते हो अपनी आनेवाली परीक्षा में।

फरा 4 जोनोम हादर

Chapter 4 Jonom Hadar

क-फरागुदियारि मावफारि

1. खन्थाइखौ साफा साफायै/हान्जायै आवराय।

2. खन्थाइनि सार बाहागोखौ लिर।

फिननाय: जेराव जों जोनोम मोन्दों बेनो जोंनि अनसुलि जोनोम हादर, उदां गोसोनि मावनाय दांनाय आरो सुथुरनिफ्राय उदां जानाय एबा देरहानाय गोनां आंगोनिबो आंगो स’ना फिथर असे आंगो। साहा दङ’ बेसेबा गोजौ हिमालय हाजोमा, खोला-सोनाबाव दङ’ लैथो। बे अनसुलि आंगो हादरनि रोजेराव जों बयबो खौसेयै अनज्लायना गोरोबलायना दङ’, बेयाव जों बयबो गोजोनै गइजो जाना दङ’। बिबार बारियाव रं-बिरंनि बाइदि मैया बिबार थानाय वादियै जोंनि बे जोनोम हादरावबो गोबां हारिया जथाइयौ सोरगोफुरियाव थानाय बादियै दङ’। जोंनि बे आंगो हादरावनो आबुं गियान बाख्रिनिफ्राय जों फरायसाफोरा जिउनि आलारि फोजोंनो हादों।

हिन्दु मुछलिम, इसाइ, शिख दोहोरोमारिनि सुबुं दङ’ बे जोंनि जोनोम हादराव। जोंनि बे अनसुलि स’ना फिथर हादरावनो गान्धी, भकत, कुशल क’वर, कनक, दैमालु, सोमदोन, जया, जनक, लाचित बरफुकन, चिलाराय मोनबादि बीर जोहोलावआ जोनोम मोनदों। जोंनि बे जोनोम हादराव गोबां दैमा-दैसा, दाउसिन-दाउला, बिफां लाइफां बेन्दों-बेनला आरि मिथिंगा सम्पदजों आबुं, बेसेबा समायना रमायना, जोंनि गोसोखौ खालामो बोदोर-खुसि। जोंनि जोनोम हादराव मानसिया आन्थोर जवा आसेनो उजिदों आरो थैदों। गोसो देरगायै जों नों बिमा स’ना फिथर जोनोम हादरखौ अराय फुजिनो मोनथों बेनो नोंनि सेराव अराय हास्थायनाय।

3. सुंद ‘यै फिन हो-

(क) नोंनि हादरनि मुङा मा?

फिननाय: जोंनि हादरनि मुङा भारत।

(ख) खन्थाइगिरिनि जोनोम हादरा बबे?

फिननाय: खन्थाइगिरिनि जोनोम हादरा भारत हादर।

(ग) जोनोम हादरनि साहाथिं मा दङ’?

फिननाय: जोनोम हादरनि साहाथिं दङ’ जौमा हाजो (हिमालय हाजो)।

(घ) जोनोम हादरखौ सोरगोफुरि होननानै मानो बूंदों?

फिननाय: बिबार बारियाव रं-बिरंनि बिबार थानाय बादियै जोंनि जोनोम हादराव बाइदि बाइदि हारिनि सुबुं जथाइयै जिउ खुंना दङ’। आबुं गियाननि फुंखा मोनना फरायसाफोरनि जिउ आलारिया जोंखांदों। बिनिखायनो जोनोम हादरखौ सोरगोफुरि होननानै बुंदों।

(ङ) खन्थाइगिरिनि बादिब्ला जोनोम हादरा मा बादि?

फिननाय: खन्थाइगिरिनि बादिब्ला जोनोम हादरा आंगोनि आंगो स’ना फिथर बादि।

(च) जोनोम हादराव मानि बाहान्दारि दङ’?

फिननाय: जोनोम हादराव गियाननि बाख्रि (बाहान्दारि) दं।

(छ) जोनोम हादराव मिथिंगाया मा खालामो?

फिननाय: जोनोम हादराव मिथिंगाया हाइला हुइला मोसाना गोसोखौ खालामो आला-गला।

4. गाहायनि सोदोबफोरनि ओंथिखौ मिथिना लानि फै-

फिननाय:

सोदोब	ओंथि
जोनोम हादर	जोनोम मोननाय हादर
उदां	हेंथा गैयि
साथ-सुथुर	गोबां सुथुर, बेरेखा
लैथो बाजो	रोखोमसे मैहुर खालामग्रा दाउ
जथाइ सुबुं	गुबुन गुबुन हारिनि जयै थानाय सुबुं
सोरगोफुरि	गोजोनफुरि
आन्थोर जयै	जोबरोङै
गोजोर	अराय जोरनाय, गोबाव थानाय
इसाइ	खृष्टियान
अराय बोथोर	जेब्लाबो
अनसुलि	अननो गोरों
आंगो	असे।

5. सिगाङाव नोंसोर फरायना मोनबोनाय दोंसे हादर अनफावरि खन्थाइ आवराय।

फिननाय: गावबा गाव फिननाय हो।

6. खन्थाइ खोन्दोनि लांदां जायगाखौ आबुं खालाम।

जेराव आं ………मोनबाय

जोनोमगिरि आइनि ……….

……….मावनाय-दांनाय

गोहो साथ-सुथुरजों………..

बेनो आंनि …………जोनोम हादर

……….आंगो सना फिथर।

फिननाय:

जेराव आं जोनोम मोनबाय

जोनोमगिरि आइनि अननाय

उदां गोसो मावनाय-दांनाय

गोहो साथ-सुथुरजों देरहानाय

बेनो आंनि अनसुलि जोनोम हादर

आंगोनि आंगो सना फिथर।

7. गुदि खिथा फोरमायना बेखेवनानै लिर-

(क) जेराव आं जोनोम मोनबाय

जोनोमगिरि आइनि अननाय

……………….………

बेनो आंनि अनसुलि जोनोम हादर

आंगोनि गांगो स’ना फिथर।

फिननाय: गौजौआव होनाय खन्थाइ खोन्दोखौ खन्थाइगिरि गुणेश्वर मोसाहारीआ लिरनाय ‘जोनोम हादर’ मुंनि खन्थाइनिफ्राय दिखांनानै होनाय जादों।

जेराव आं जोनोम मोनदों, जोनोमगिरि आइ एबा बिमानि अननाय बिलिरनायाव। आइनि अननाय जासिनायाव आं उदां गोसोजों मावनो दांनो खाबु मोनदों। सुथुरजों जुजिनानै जों देरहानो हादों आरो उदां मोनदों। आंनि बे उदां हादरानो जोंनि जोनोमगिरि अनसुलि बिमा। बेनो आंनि जोनोम हादर आंगोनिबो आंगोसिनथार स’ना फिथर। नोंनि अननाय जासिनायावनो जों उदां गोसोयै जिउखुंनो हादों, मावयै-दांयै सोलिनो हादों।

(ख) रं-बिरंनि हादर बे बिबार बारि

जथाइ सुबुंनि सोरगोफुरि

………..………..…..

बेनो जोंनि जोनोम हादर

बयनिबो असे स’ना फिथर।

फिननाय: गोजौआव होनाय खन्थाइ खोन्दोखौ खन्थाइगिरि गुणेश्वर मोसाहारीया लिरनाय ‘जोनोम हादर’ मुंनि खन्थाइनिफ्राय दिखांनानै होनाय जादों।

बे खन्थाइ खोन्दोआव जोंनि हादराव थानाय बाइदि बाइदि हारिनि सुबुंखौ बाइदि गाबनि बिबारजों रुजुनायजों लोगोसे गियाननि बाख्रि दङ होननाबो बुंदों।

बिबार बारियाव बाइदि रं-बिरंनि बिबार थानाय बादिनो जोंनि हादरावबो गोबां हारिनि सुबुं दङ’ बेखायनो जथाइ सुबुंनि सोरगोफुरि होनना बुंदों। बेनि अनगायैबो जोंनि हादरखौ गियाननि बाख्रिजों आबुं, आरो फरायसा जिउनि आलारि फोजोंगिरि बयनिबो असे स’ना फिथरजों रुजुदों।

8. हान्जायाव खावरायनानै फिन-

(क) जोंनि जोनोम हादराव गाहाइयै मा मा दोहोरमिनि सुबुं दङ’?

फिननाय: जोंनि जोनोम हादराव गाहाइयै हिन्दु, मुछलिम, इसाइ, शिख दोहोरोमनि सुबुं दङ’।

(ख) कनकलता आरो कुशल क ‘वर मोना सोरमोन?

फिननाय: कनकलता आरो कुशल क’वर मोना उदांस्त्रि दावहारु बीर जोहोलावमोन।

(ग) दैमालु आरो सोमदोन जोहोलावा सोरमोन?

फिननाय: दैमालुआ सासे बर ‘नि जोहोलाव। बियो मान आरो मणिपुरीफोरजों दावहा नांनानै जोनोम हादरखौ सुथुरनिफ्राय रैखा खालामनो नाजादोंमोन।

सोमदोनाबो सासे जोहोलावमोन। बिथाङा इंराजफोरजों दावहा नांनानै उनाव बुथार जायो।

ख-राव फरायसंनाय (बाहायारि रावखान्थि)

9. गाहायाव होनाय सोदोबजों ओंथि गोनां बाथ्रा दा-

साथ-सुथुर, स’ना फिथर, आंगोनि आंगो, आला गला, दैमा-दैसा, दाउसिन-दाउला, हाइला-हुइला।

फिननाय:

साथ-सुथुर : समाजनि इनाय हाबा मावनायनि थाखाय लादुमाजों साथ-सुथुर दंसो गारो।

स’ना फिथार : जोनोम हादरा जों बयनिबो थाखाय स’ना फिथर।

आंगोनि आंगो : जोनोम हादरा जोंनि थाखाय आंगोनि आंगो।

आला-गला : गुवाहाटीयाव थांनानै बिग्राइया आला-गला गिदिंथिंनो गोनां जादोंमोन।

दैमा-दैसा : जोंनि आसाम हादरसायाव गोबां दैमा-दैसा दङ’।

दाउसिन-दाउला : सोरांनाय लोगो लोगो दाउसिन-दाउलाया बिरथिंना आदार नागिरथिंबाय।

हाइला-हुइला : बैसागु बोथोराव बर’ गामियाव सेंग्रा-सिख्लाफोरा हाइला-हुइला मोसायो।

10. खन्थाइयाव थानाय ज ‘रा सोदोबफोरखौ सायख ‘ना लिर-

फिननाय: साथ-सुथुर, रां-फुंखा, दैमा-दैसा, दाउसिन-दाउला, हाइला-हुइला, आला-गला।

11. खन्थाइखौ फरायना जोबथा हांखो गोरोबनाय सोदोबफोरखौ नागिरना फारिलाइ खालाम।

फिननाय: मोनबाय, अननाय, दांनाय, देरहानाय, हादर, फिथर, हाजो, बाजो, गोजो, राइजो, बिबारबारि, सोरगोफुरि, आलारि, कनक, जनक, दाउला, बेनला, हुइला, गला, आन्थोर, गोजोर, बोथोर।

ग-गियान फेहेरनाय

मिथिनि फै :

गान्धी : महात्मा गान्धी। माहारिनि बिफा। उदांस्त्रि सोमावसारनायनि दैदेनगिरि।

भगत : आबुं मुङा भगत सिं। इंराजनि हेंथायै भारतनि उदांस्त्रि सोमावसारनायाव गोख्रों बाहागो लानायनि थाखाय फासि होजायो।

कुशल : आबुं मुङा कुशल क’वर। भारत उदांस्त्रि सोमावसारनायाव गोख्रों बाहागो लादोंमोन। उनाव बियो फासि होजादोंमोन।

कनक : आबुं मुङा कनकलता। आसामनि सासे लाइमोन आइजो। उदांस्त्रि सोमावसारनायनि हान्जा सुरनायाव पुलिसनि गुलियाव जिउ गारनाङो।

जया : आबुं मुङा जयमती कुवरी। आह’म आइजो गदाधर क’वरनि बिसि। फिसाइनि थंखौ खिन्थायिनि थाखाय सावदांफोरा बिखौ गिलु-बालु साजा होनानै बुथारो।

जनक : दोहोरोमसुला राजा। सीतानि बिफा। रामायणनि मोनसे गोनां आखु।

दैमालु : बर’नि सासे जोहोलाव। बियो मान आरो मणिपुरीफोरजों दावहा नांनानै जोनोम हादरखौ सुथुरनि आखाइनिफ्राय रैखा खालामनो नाजादोंमोन।

सोमदोन : सासे बर’ जोहोलाव। बिथाङा इंराजफोरजों दावहा नांनानै उनाव बुथार जायो।

लाचित : आबुं मुङा लाचित बरफुकन। आह’म सान्ध्रि गाहाइ। बिथाङा म ‘गलनि बेरेखायै दावहा नांनानै आसामखौ म ‘गलनि आखाइनिफ्राय रैखा खालामदोंमोन।

सिला : आबुं मुङा सिलाराय। क’च राजा नरनारायणनि सान्थ्रि गाहाइ। बिथाङा सासे आखा-फाखा दावहारुमोन। सिला दाउ बिरनाय बादि बारसोमनानै बिथाङा दावहा नांनो गोरोंमोन।

सम्बुधन कछारी : सम्बुधन कछारीनि बर’ मुङा सोमदोनमोन। बै समाव दुलाराय भारत हादरखौ गुफुरसाफोरा इनाय सोलोजों गाग्लोबना लानानै बेंदोंमोन आरो गावसोरनि आथिं सिङाव गादबना लाखिदोंमोन। बेनिखायनो बै इनायनि बेरेखायै गसंनानै जोहोलाव सोमदोना गुफुरसाफोरनि हेंथायै जावरिखांदोंमोन। बियो जिउ थाजासिम बिसोरजों जुजिदोंमोन नाथाय राहा मोनैनि उनाव मुंख्लं जानाङो।