SEBA Class 7 Bodo Mil Chapter 16 रावखान्थि बाहागो

SEBA Class 7 Bodo Mil Chapter 16 in Bodo रावखान्थि बाहागो | Rabkhanthi Bahago | Class 7 बिथ ‘राइ Question Answer in Bodo As Per New Syllabus to each Chapter is provided in the list of SCERT, NCERT, SEBA रावखान्थि बाहागो Class 7 Bodo Chapter 16 Question Answer/Class 7 Bodo Mil Chapter 16 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Bodo Question Answer In Bodo Chapter 16. Class 7 Bodo Solution Chapter 16. covers all the exercise questions in NCERT, SCERT.

Join us Now

Class 7 Bodo Mil Chapter 16 रावखान्थि बाहागो

SEBA Class 7 Bodo Notes Chapter 16 In Bodo रावखान्थि बाहागो । Rabkhanthi Bahago। Guide for Class 7th Bodo Mil Chapter 16 रावखान्थि बाहागो. Also Same NCERT Solutions for Class 7 Bodo Ankuran इस पोस्ट में हम आपको ये समझा ने कि कोशिश की है की Class 7 Bodo Question Answer Chapter 16 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Bodo Mil Chapter 16 In Bodo Medium बोहत लाभदायक हो सकता है। Ncert/Scert Bodo Class 7 Chapter 16 मे आप अपना ध्यान लगाके पढ़ कर इस SEBA Class 7 Bodo Question Answer Chapter 16 में अछि Mark ला सकते हो अपनी आनेवाली परीक्षा में।

फरा 16 रावखान्थि बाहागो

Chapter 16 Rabkhanthi Bahago

क-फरागुदियारि मावफारि

1. रावआ माखौ बुङो? रावखौ बेसेबां बाहागोआव राननाय जायो?

फिननाय: जों जोंनि गोसोनि साननायखौ गुबुननि सेराव फोरमायथिनो थाखाय खुगाजोंजाय सोदोबथि एबा ओंथि गोनां सोदोब रिंसारहोयो आरो गारां बोयो बेखौनो राव होननानै बुङो। रावखौ मोननै बाहागोआव राननाय जायो।

जैरै: (1) रायज्लायनाय एबा खुगानि राव आरो (2) लिरनाय एबा बिजाबनि राव।

2. खावखान्थि माखौ बुङो?

फिननाय: जाय बिजाबाव मोनसे रावनि लिरनायाव बाहायनांगौ ‘नेमखान्थिफोरखौ बिजिरनानै दिन्थिनानै होनाय जायो बेखौनो रावखान्थि होननानै बुंनाय जायो।

3. सानरायआ माखौ बुङो? बर’ रावआव सानरायआ मोनबेसे?

फिननाय: जाय सिन एबा दाजाबदाजों मोनसे एबा बेनि बांसिन अन्जिमानि गियान होनाय जायो बेखौनो सानराय होननानै बुंनाय जायो। जैरै- बिजाब (गांसे), बिजाबफोर (गोबां)। बर’ रावआव सानरायआ मोननै। जैरै- से सानराय आरो बां सानराय।

4. बर’ रावआव बां सानराय खालामग्रा दाजाबदाफोरा मा मा?

फिननाय: बर’ रावआव दाजाबदाफोरखौ से सानरायनिफ्राय बां सानरायआव लांनाय जायो।

गाहायाव दाजाबदाफोरखौ दिन्थिनाय जाबाय:

1. फोरा – मानसिफोरा, दाउफोरा।

2. फोर – सिख्लाफोर, हिन्जावफोर।

3. फालो – दाउफालो, बोरमाफालो।

4. हान्जा – सुबुंहान्जा, सेंग्राहान्जा।

5. माखा – दाउमाखा, बेरेमाखा।

6. सोर – नोंसोर, बिसोर।

7. मोन – नोंथांमोन, आगैमोन।

8. गोबां – न’गोबां, दाउगोबों।

9. बयबो – नोंसोर बयबो, बिसोर बयबो।

10. लागो – जोंनि लागो, बिसोर लागो।

11. बुरजा – दाउ बुरजा, ना बुरजा।

12. दामोल – अन्थाइ दामोल, बन दामोल।

13. दामा – जाबोर दामा, हा दामा।

5. बर’ रावआव बां सानरायखौ मोनबेसे राहाजों खालामनाय जायो?

फिननाय: बर’ रावआव बां सानरायखौ मोनथाम राहाजों खालामनाय जायो। जैरै- (क) मुंमा एबा मुंराइनि उनाव गोबां दिन्थिग्रा दाजाबदा फज ‘नाय राहाजों। जैरै- मानसि – मानसिफोरा, (ख) मुंमा एबा मुंराइनि उनाव दाजाबदा फज ‘वालासे गुरै सोदोब दाजाबनाय राहाजों। जैरै- मेल खुंनो थाखाय मानसि ज’ जादों, (ग) मुंमा एबा मुंराइखौ खननै खननै बुनाय राहाजों। जेरै- न’ न’, गामि गमि।

6. सोदोब माखौ बुङो? सोदोबखौ मोनबेसे बाहागोआव राननो हायो?

फिननाय: मोनसे एबा बेनि बांसिन हांखो जथाइनानै दानाय मोनसे ओंथि गोनां हांखो जथाइयानो सोदोब। जैरै- आं, फै, लादो, मिनिदो बायदि बायदि। सोदोबखौ मोननै बाहागोआव राननो हायो। जेरै- थारजा आरो थार सोदोब।

7. थारजाया माखौ बुङो?

फिननाय: ओंथि थानाय नाथाय सिफायजायि सोदोबखौनो थारजा सोदोब बुङो। जेरै- हम, ला, थां, बु, जा आरि बायदि बायदि।

8. थार सोदोब माखौ बुङो?

फिननाय: जाय सोदोबफोरखौ सिफायनानै दिन्थिनो हाया आरो जाय सोदोबजों बेसाद एबा मुवानि मुं, मोजां-गाज्रि गुणफोरखौ दिन्थिनाय जायो बेबादि सोदोबखौनो थार सोदोब होननानै बुंनाय जायो। जैरै- अख्रां, मानसि, मोसौ, बिबार, बिफां आरि बायदि बायदि।

9. सोदोबमाया माखौ बुङो? बिदिन्थि होनानै लिर।

फिननाय: बेखेवफा दाजाबदेरनाय सोदोब आरो थारजाखौनो सोदोबमा बुंनाय जायो।

जेरै- मोसौआ गांसो जायो, मानसिआ ओंखाम जायो।

10. सोदोबमाया बेसेबां आरो मा मा?

फिननाय: सोदोबमाया गासै मोनबा। जैरै- मुंमा, मुंराइ, थाइजा, थाइलानि आरो महरथि।

11. मुंमाया माखौ बुङो? गासै बेसेबां आरो मा मा?

फिननाय: जायनि सोमोन्दै थारै माबा मोनसे बांथ्रा बुंनाय जायो एबा जाय मोदोबमाया माबा मोनसे मुं दिन्थियो- बेखौनो मुंमा होननानै बुंनाय जायो। जेरै- नेरसोन, दैमा, बोरमा, सालबारि आरो बायदि बायदि। मुंमाया गासै मोन द’। जैरै- फोलेर दिन्थिग्रा मुंमा, मुवा दिन्थिग्रा मुंमा, मुं दिन्थिग्रा मुंमा, गुण दिन्थिग्रा मुंमा, हाबा दिन्थिग्रा मुंमा आरो जथाइ दिन्थिग्रा मुंमा।

12. बिदिन्थि होनानै लिर-

(क) फोलेर दिन्थिग्रा मुंमा,

फिननाय: फोलेर दिन्थिग्रा मुंमा: जाय मुंमाया हारि, फोलेर एबा माहारिखौ दिन्थियो बेखौनो फोलेर दिन्थिग्रा मुंमा होननानै बुंनाय जायो।

जैरै- मानसि, बोरमा, एम्बु आरि।

(ख) मुवा दिन्थिग्रा मुंमा,

फिननाय: मुवा दिन्थिग्रा मुंमा: जाय मुंमाया बेसाद एबा मुवानि मुंखौ दिन्थियो बेखौनो मुवा दिन्थिग्रा मुंमा होननानै बुंनाय जायो।

जैरै- बार, दै, माइ, बेसर, आलु, फाथो आरि।

(ग) मुं दिन्थिग्रा मुंमा,

फिननाय: मुं, दिन्थिग्रा मुंमा : जाय मुंमाया मानसि एबा जायगाफोरनि मुं दिन्थियो बेखौनो मुं दिन्थिग्रा मुंमा बुङो।

जैरै- अरगा, दिमाफुर, हिमालय आरि।

(घ) गुन दिन्थिग्रा मुंमा,

फिननाय: गुन दिन्थिग्रा मुंमा : जाय मुंमाया मानसि एबा मुवा-बेसादनि गाहाम-गाज्रि, गुन दिन्थियो बेखौनो गुन दिन्थिग्रा मुंमा बुंनाय जायो।

जैरै- बिलिफाङा अनसुला गोसोनि मानसि, सिनिआ गोदै, थाइखाया गोखै।

(ङ) हाबा दिन्थिग्रा मुंमा,

फिननाय: हाबा दिन्थिग्रा मुंमा : जाय मुंमाया माबा ‘मोनसे खामानि एबा हाबा मावनायखौ दिन्थियो बेबादि मुंभाखौ हाबा दिन्थिग्रा मुंमा होननानै बुंनाय जायो।

जैरै- रंजालिआ मोसादों, हंलाया बन सिन्दों आरि।

(च) जथाइ दिन्थिग्रा मुंमा।

फिननाय: जथाइ दिन्थिग्रा मुंमा : जाय मुंमाया माबा मोनसे मुवा, बिफा, मानसि आरिनि थुबुरथिखौ फोरमायो बेबादि मुंमाखौनो जथाइ दिन्थिग्रा मुंमा बुंनाय जायो।

जैरै- गोजानाव बै औवा सुबाखौ नुहरदोंना? दाउ फालेआ बिरलांबाय आरि।

13. माखौ आथोन बुङो? आथोनखौ मोनबेसे बाहागोआव राननाय जायो?

फिननाय: जाय सिनजों जो आरो जोलाखौ सायख ‘नाय आरो मिथिनाय जायो बेखौनो आथोन होननानै बुङो। आथोनखौ मोनब्रै बाहागोआव राननाय जायो।

जैरै- जो आथोन, जोला आथोन, बेसाद आथोन आरो, जुथम आथोन।

14. बर’ रावआव आथोन सोलायनायनि मोननैसो नेमखान्थिखौ सावराय।

फिननाय: बर’ रावआव जोला-आथोननिफ्राय जो-आथोनाव लांनाय मोननैसो नेमखान्थिखौ गाहायाव दिन्थिनाय जाबाय।

(क) हौवा एबा जोला दिन्थिनाय सोदोबजों हिन्जाव एबा जो दिन्थिनाय दाजाबदा दाजाबनानै जोला आथोननिफ्राय जो आथोनाव लानाय जायो।

जैरै-

जोला आथोन	जो आथोन
फिसाज्ला	फिसाजो
दाउज्ला	दाउजो
बुन्दा	बुन्दि।

नाथाय बायदि समाव जो-जोंला दिन्थिनाय सोदोब एबा दाजाबदाखौ सोदोबनि सिगाङावनो जनाय नुनो मोनो।

जैरै-

जोला आथोन	जो आथोन
हौवा आलासि	हिन्जाव आलासि
हौवा फरायसा	हिन्जाव फरायसा।

(ख) ‘आ’ आरो ‘उ’ जोबथा गारां थानाय जोला आथोनफोरखौ ‘इ’ (बर’ रावआव ‘ई’ बाहायनाय जाया) महर दाजाबदा दाजाबनानै आथोन फोरमायनाय जायो।

जेरै-

जोला आथोन	जो आथोन
जाम्बा	जाम्बि
बंग्ला	बंग्लि।

(ग) आखु दिन्थिग्रा जोला आथोन ‘सुला’ जों जो आथोन ‘सुलि’ दाजाबदा दाजाबनानै फोरमायनाय जायो।

जैरै-

जोला आथोन	जो आथोन
जासुला	जासुलि
अनसुला	अनसुलि।

(घ) बर’ रावआव जोला आरो जो आथोन दिन्थिग्रा एबा फोरमायग्रा सोदोब दंखायो। बेफोर सोदोबखौ गाहायाव दिन्थिनाय जाबाय।

जोला आथोन	जो आथोन
आफा	आइ
आदा	आब’
बिदा	बिनानाव
दाहोना	रुवाथि
आदै	मादै
आमाइ	आनै
बोराइ	बुरै
सेंग्रा	सिख्ला
जाम्बा	जाम्बि

15. थाइजाया माखौ बुङो? थाइजाया मोनबेसे?

फिननाय: जाय सोदोबमाया माबा मोनसे खामानि मावनाय एबा जाऊंनायखौ फोरमायो बेखौनो थाइजा होननानै बुंनाय जायो। जेरै- जादों, जाखांबाय, थांबाय, जागोन आरि बायदि बायदि।

गुबैयै थाइजाया मोननै रोखोमनि।

जैरै-

(क) जाफुंजा थाइजा आरो

(ख) जाफुङि थाइजा।

16. जाफुंजा थाइजा आरो जाफुङि थाइजाया माखौ बुङो? बिदिन्थि होनानै लिर।

फिननाय: जाफुंजा थाइजा : जाय थाइजा माबा मोनसे जाफुंनाय एबा मावफुंनायखौ फोरमायो बैखौनो जाफुंजा थाइजा होननानै बुङो। जेरै- आं ओंखाम जादों।

जाफुङि थाइजा : जाय थाइजाया माबा मोनसे खामानि जाफुङिखौ फोरमायो बेखौनो जाफुङि थाइजा बुङो। जैरै- आं ओंखाम जागोन। बे बाथ्राया मोनसे खामानि जाफुङिखौ दिन्थिनाय जादों।

17. मावजाग्रा गोनां थाइजा मावजाग्रा गैयि थाइजाया माखौ बुङो बिदिन्थि होनानै लिर।

फिननाय: मावजाग्रा गोनां थाइजा : जाय थाइजाहा मावजाग्रा थायो बेखौनो मावजाग्रा थाइजा बुंनाय जायो। जैरै- आं ओंखाम जादों। बेआव ‘जादों’ थाइजानि मावजाग्राया जाबाय ‘ओंखाम’।

मावजाग्रा गैयि थाइजा : जाय थाइजाहा मावजाग्रा गैया बेखौनो मावजाग्रा गैयि थाइजा बुंनाय जायो। जेरै- बियो खारदों। बेयाव ‘खारदों’ थाइजानि मोनबो मावजाग्रा गैया।

18. मुंराइ माखौ बुङो? मुंराइखौ गासै मोनबेसे बाहागोआव रान्दों आरो मा मा?

फिननाय: जाय सोदोबमाखौ मुं एबा मुंमानि सोलाय बेनि जायगायाव फज’नाय जायो बेबादि सोदोबमाखौनो मुंराइ बुंनाय जायो। जेरै- नों, बि, बियो, बिसोर बायदि बायदि।

मुंराइखौ गासै मोनब्रै बाहागोआव राननाय जायो।

जैरै-

(1) सुबुं दिन्थिग्रा मुंराइ,

(2) थावनि दिन्थिग्रा मुंराइ,

(3) थाइलालि दिन्थिग्रा मुंराइ,

(4) बिदिन्था दिन्थिग्रा मुंराइ। बे गुबै मोनब्रै बाहागोनि अनगायैबो

मुंराइखौ आरोबाव गुबुन मोनथाम बाहागोआव रानबावनाय जायो।

जैरै-

(1) थांखि दिन्थिग्रा मुंराइ,

(2) सोंनाय दिन्थिग्रां मुंराइ

(3) गाव दिन्थिग्रा मुंराइ।

19. थाइलालि माखौ बुङो? आरो बेसेबां रोखोमनि?

फिननाय: जाय सोदोबमाया गुबुन सोदोबखौ रोखा एबा थारै दिन्थियो एबा जाय सोदोबमाया मुंमानि दाय, गुण, मोजां-गाज्रि, गेदेर-फिसा बेफोरखौ फोरमायथिनानै होयो बेखौनो थाइलालि बुङो। जैरै- समायना, गोजौ, गोसोम, गुफुर, मोजां बायदि बायदि।

थाइलालिआ गासै मोनथाम रोखोमनि। बेफोर जाबाय-

(1) मुंमानि थाइलालि,

(2) थाइलालिनि थाइलालि,

(3) थाइजानि थाइलालि।

20. ‘मानसि’ सोदोबखौ गासैबो सोदोब बेखोवफा आरो सानरायआव लिर।

फिननाय:

बेखेवफा	से सानराय	बां सानराय
बेखेवगासे	मानसिआ	मानसिफोरा
बेखेवगानै	मानसिखौ	मानसिफोरखौ
बेखेवगाथाम	मानसिजों	मासिफोरजों
बेखेवगाब्रै	मानसिनो	मानसिफोरनो
बेखेवगाबा	मानसिनिफ्राय	मानसिफोरनिफ्राय
बेखेवगाद’	मानसिनि	मानसिफोरनि
बेखेवगास्त्रि	मानसिनिआव	मानसिफोरनिआव

21. महरथि माखौ बुङो? बिदिन्थि होनानै लिर।

फिननाय: जाय सोदोबनि महरा थि एबा बेनो-बे थायो एबा जाय सोदोबनि महरा आथोन, दाजाबदा, सानराय जेरावबो गुबुन महर लाया, जैरै- दं ओरैनो थायो बेखौनो महरथि होननानै बुङो। जैरै- आय’, आरो, एबा, नाथाय, थामहिनेबा बायदि बायदि।

22. होनजाब सोदोब माखौ बुङो?

फिननाय: जिब-जुनार, दाउमा-दाउसा आरो मुवा-बेसादनि गाबनाय एबा सोदोबखौ सोलोंनानै खुगाजों बुंनाय सोदोबखौनो होनजाब सोदोब होननानै बुङो। जेरै- गा गा, मेव मेव, एब-अं एब-अं, खौऔ खौऔ बायदि बायदि।

23. दाजाब सोदोब माखौ बुङो?

फिननाय: गुबै सोदोबनि सोदोबथिखौ गुवारै फेहेरना दिन्थिनो थाखाय माखासे गुबै सोदोबजों खायफा सोदोबथि गैयि सोदोब दाजाबदेरनाय जायो। बेबादि सोदोबफोरखौनो दाजाब सोदोब बुंनाय होननानै बुंनाय जायो। जेरै- गुफुर-सुफुर, ओंखाम-थोंखाम, ओंख्रि-थांख्रि, खर’-सर’ बायदि बायदि।

रनसाइ बाहागो

आसामनि मिथिंगायारि सम्पद

मिथिंगानि बिखायाव उजिनाय दोहोनानो जादों मिथिंगायारि दोहोन। फुंखा आरो थाखो नायनानै बे दोहोनफ्रा-हाग्रामानि जिउ जिरादनि आरो खनिनि जानो हागौ। हाग्रामा दोहोनाव आसामा जोबोद दोहोनि। मिथिंगाया गोबां मुवा होनानै आसामखौ सोरजिदों। आसामनि मोनफ्रोमबो बिन्दोआनो मोनफा मोननो गोयि बेसेन गोसा दोहोननि बाख्रि आसामनि हाजो-हाला, हाजोनि गाहायाव, हायेननि गुबुन बिदाबाव सान्थ्र हायि बेसेन गोसा दंफां दङ’। साल, सनालु, खैरो, गन्धसरै, बनसम, सामा, सेगुन, अगरु, सन्दन, तितासाप, सुमलि, पमा बायदि बायसेथ्रा दंफांनि हाग्रामा आसामनि बिखायाव दङ’। न लुनायनि बायदिसिना बेसाद आरो बायदि रोखोमनि आइजें आइला बानायनो थाखाय बेफोर बेसेन गोसा दोहोन, भारतनि गुबुन राइजोआव फानहरनाय जायो। रेलनि स्लिपार बाइदिया आसामनि दंफांजोंनो बानायनाय जायो। अगरु, सन्दन बायदि दंफांनिफ्राय मोनामग्रा आतार, धुपखाथि बायदि जायो। सुमलि दंफांआ सलाइ बानायनाय सिल्पआव गोबाङैनो बाहायजायो। सुमलि दंफांखौ सलाइ सिल्पनि जिउ होन्नानै बुङोब्लाबो बाराद्राय बुंनाय जाया। सामा दंफांनि नावआ जोबोर मोजांथार।

आसामनि हाग्रामायाव जोबोर गोबांनो औवा आरो राइदों मोनो। औवा राइदोंनि साहिदाया राइजोनि गेजेरावनो जैरे गोबांथार, बेबादिनो राइजोनि बाहेरावबो गोबां थार। लेखा बिलाइ बानायनो दंफां आरो औवाखौ थारगौ जायो। आसामनि दंफां औवाखौ नायनानै आसामाव माखासे लेखा बिलाइनि कारखाना फसंनो हागौखौ नङा बुंनो हाया। दा आसाम आरो बिहारनि दारभाङानि ज’ जानानै मोन्नैजों नाजानायाव ग’वालपारा जिल्लानि ज ‘गिघपायाव अश’क पेपार मिल मुंनि लेखाबिलाइनि कारखाना फसंनाय जादों। मिथिनाय जादोंमोन नाथाय बेखौ बख’ नो एबा थारै बेसेबां थार बिबांनि सना दिहुन जागोन बेखौ बिजिरनानै नायदोंना नायाखै मोनथिनाय जायाखै। सुबनसिरि बालायाव सना सेरेफ मोनो।

मिथिंगाया हाग्रामा, जिउ-जिराद, खनिनि सान्थ्रहायि बाख्रि खालामनानै सोरजिदों। नाथाय जों जेबोरोङि निखाउरि आसामनि सुबुंफोरा बे जोबरोङि बाख्रिनि जोबरोङि स ‘नाफोरखौ बख ‘नानै आसामखौ दोहोन- दौलत गोनां खालामनो हायाखै। बे दोहोनफोरखौ बख’ नो थाखाय जोंनो जन्त्रपाति बायनानै लाबोनांगोन। बेनि थाखाय हान्था मेलानि गोर बेसेन गोसा दोहोनफोरा अराय सम नेउसिनानै आरो नागिरनानै दिहुनै जानानै थाबाय थालांगोन आरो ओनसोलनि जौगानायाबो थाबथानानै थागोंन।

टेलिभिसन

बेतार, सिनेमा बायदिसिनानि बायदि टेलिभिसनाबो बिगियाननि मोनसे गोमोथाव दिहुनथाय। बेखौ दिहुननाया बारा गोबाव जायाखैब्लाबो जौगाखांनाय हादरफोराव बेखौ दा गोबांयै बाहायसै। स्कटलेण्डनि बैज्ञानिक जन लगी बेयार्डआ बेनि दिहुनगिरि। टेलिभिसन सोदोबआ ग्रीक टेलि आरो लेटिन भिसिब सोदोबनिफ्राय सोमजिदों। टेलिनि सोदोबथिआ गोजान आरो भिसिबनि सोदोबथिआ नुनाय। टेलिभिसन होनोब्ला जों दाबसे जायगानिफ्राय गुबुन दाबसे जायगायाव सावगारि दैथाय हरनायखौ बुजियो। रेडिअनि हेफाजाबजों दिल्लीआव होनाय बिबुंसारखौ जों आसामाव खोनायो। नाथाय टेलिभिसनआव बाथ्रानि लोगो-लोगो बुंग्रा मानसिखौबो नुनो मोनो।

रेडिअ, सिनेमा बायदिसिनानि बादि बेनियाबो गुदिआव मोब्लिब आरो थारनिनो हाबा। जोबोद गोहो गोनां केमेरानि हेफाजाबजों फट’ लानानै बेखौ मोब्लिब दोहौयाव सोलायनानै सोदोब दोहौजों लोगोसे इथार लैथोआव दैथाय हरनाय जायो आरो टेलिभिसन जन्त्रआव बेयो सावगारि आरो सोदोब महरै हमजायो। टेलिभिसन स्टुडिअनिफ्राय बे हाबाखौ मावनाय जायो। नाथाय टेलिभिसन स्तुडिअनिफ्राय सोदोब आरो सावगारिखौ बारा गोजानाव दैथायहरनो हाया। बेनिखायनो आथिखालाव बानायनाय ग्रहसानिफ्राय बे हाबाखौ मावनाय जायो। बानायनाय ग्रहसानिफ्राय दैथायहरनाय सोदोब आरो सावगारिआ जेरावबो थानाय नाजावग्रा जन्त्रआव बेरखां हैयो।

टेलिभिसनआ बाराद्राय बेसेन गोसाद्राय। बेनिखायनो जौगारोङै हादरफोराव बेयो दाबो सोलिनो हायाखै। भारताव दासिमबो माखासे जायगायाव टेलिभिसन गैया। सरकारआ गासै भारतनि जेरावबो टेलिभिसन होनायनि राहा खालामनो थाखाय बिथांखि लाबाय।

सिनेमा आरो रेडिअ बादि टेलिभिसनआ रंजा बाजानिल’ आइजें नङा-बेयो फोसाबनायनि मोनसे गाहाम राहाबो सिक्षा, हारिमु आरो उद्य ‘गनि बिथिङाव बेनि हेफाजाबजों गोबां हाबा मावनो हायो। गुबुन गुबुन हादरफोरनि कल कारखानानि हाबाफोरखौ दिन्थिनानै बेफोर आयदायाव मानसिफोरखौ फोरोंनायनि राहा खालामनो हायो। बेनि हेफाजाबजों स्कुल-कलेजनि फरायसाफोरखौबो बायदि आयदानि गियान सोलोंनायाव मदद खालामनो हायो। नाथाय टेलिभिसन सेटआ दासिमबो रेडिअ सेटबादि गोलैंयै मोन्नो हानाय जायिलाय जौगाखाङि हादरनि नौ-नारीफोरा बेनि मोजां हेफाजाबखौ मोन्नो हायाखै।

बैसागु आरो बर’ हारि

बैसागुआ आसामनि थागिबि आरो बर’ फोरनि मोनसे हारिनि रंजालि फोर्बो। ब बोर्फोआव आसामनि उन्दै-गेदेर, ग’थ-गथाइ सेंग्रा सिख्ला, बोराइ-बेन्थ बयनिबो गोसोआ रंजानायजों उसिफावो। साफ्रोमबोनि न’ आव जानाय-लोंनाय रंजानायनि दोहौ जाखाङो। बैसागुआ बोसोरआव खनथाम जायो। बे मोनथामआ जादों (1) रंजालि बैसागु (2) काति गासा एबा आंखाल बैसागु आरो (3) मागो बैसागु।

(1) रंजालि बैसागु: बैसागनि बैसामुखौ रंजालि बैसागु बुङो। बे बैसागुआव जानाय लोंनायआ बर’ हारिनि मानसिफोरनिआव गोबां जायो। आरो रंजानाय बाजानायाबो जोबोरैनो साथिफबो। साफ्रोमबो बर’ फोरनि गोसोआवनो रंजानाय नुजाखाङो। मिथिंगानि बिफां-लाइफां, बेन्दों-बेनला बायदिनि गेजेराव दुफां बोथोरनि बार नाङो। मोसौनि गंआव आथिंआव थाव फुननानै थुखैनानै लाउ-फानथाव जाहोनानै दीघलति बिलाइजों बुयै बुयै मेथाइ रोजाबनानै आरो खाफालआव गुफुर, गोसोम फोथा होनानै रंजायो। साफ्रोमबो मोदोमाव बैसागुनि गोदान सि लायो। उन्दैआ गेदेरखौ खुलुमनानै मान खालामो। आरो सेंग्रा-सिख्ला, गथ’ गथायफोरा ज’ ज’ बैसागु मोसायो आरो बोराइ बुरैफोराबो खाम-सिफुं जथा दामनानै साफ्रोमबोनि न’ न’ थांनानै जौ आरो दाउदै मागिनानै रंजानाय बर’ हारिनि गेजेराव नुनो मोनो। बै सानाव बर’ गामिआव खाम सिफुंनि गोम-गोम सोदोबजों सेरजा जथानि रिं रिं रिनायजों जोंब्लाउखाङो बर’ गामिआव। बयनिबो गोसोआ बाज्लखाङो। बिदायनि समाव आथिखालाव बर’ फोराबो फानसन एबा कनफारेन्स खुनानै गेलेनाय बादायनाय, रोजाबनाय बादायनाय मोसानाय बादायनाय बायदि बायदि बादायलायनानै रंजा-बाजायै गोसो खुसियै रंजाली बैसागुखौ बिदाय होयो।

(2) काति गासा एबा आंखाल बैसागु: काति गासा एबा आंखाल बैसागुआ कार्तिक अखाफोराव जायो। कार्तिक अखाफोराव सरासनस्रा मानसिफोरा जानाय-लोंनायाव इसे थोहां थोवाहां जायो। बांसिन मानसिआनो थिखानाय मायफ्रा जोबो आरो गोदान माय मोननोबो गोबाव सान नांबावगौ जायो। खायफा जायगायाव आंखाल नुजायो। बेनिखायनो बे बैसागुखौ आंखाल बैसागु बुङो। बै बैसागुआव मोनाबिलिआव बाख्रि, थुलुनसि बिफांनि गुदि, माय दुब्लिआव आलारि बाथि सावनानै बिमा माहालमीखौ सिबियो। बे सानाव आलारि बाथिनि रिफिनायाव माइ फोथारखौ स’नाजों दाजानाय बायदि नुयो आरो बयनिबो गोसोआ सोराङो।

(3) मागो बैसागु: माघ अखाफोराव जानाय बैसागुखौ मागो बैसागु बुङो। बे बैसागुआव मानसिफोरनि जानाय-लोंनाय रंजानाय बाजानाय, गेलेनाय बायदिफ्रा इसे रासिन जायो। मानसिफोरनि गेजेराव जानाय लोंनाय आंखालआ गैया जायो। माय, बेसर, सबाइ, सिबिंनि फुनाय मारा होनायखौ मानसिफोरआ फोजोबस्रांना लायो। बेनिखायनो न ‘फोराव गाजा गोमजायै सिरा, फिथा, बायदि जानाय-लोंनाय माइरं निफ्राय बानायनानै जायो। बे साननि गिबि सानखालि खुदिया गथ’-गथाइफ्रा ज’ जानानै जिगाब एबा नारा हानानै औवाजों बेलागुर बानायनानै अर सावनानै रंजायो। बे रंजाथाइ फोर्बोफोरा बर’ हारिनि सोलिबोनाय एंगारनो हायो मोनफा मोनफा फोर्बो।