Class 12 Advance Assamese Chapter 3 Solution ‘ই যে অগ্নিবীণাৰ তান‘ বিচাৰি থকা students-সকলৰ বাবে এই post-টো বিশেষভাৱে helpful হ’ব। Class 12 Advance Assamese subject-ৰ Chapter 3 ভালদৰে বুজি পোৱা আৰু examination-ৰ বাবে important question answer practice কৰা অতি প্ৰয়োজনীয়। সেইবাবে chapter-টোৰ বিভিন্ন প্ৰশ্নৰ সহজ আৰু বুজিবলৈ সুবিধা হোৱা solution ইয়াত পাব পাৰিব।
AHSEC Class 12 Advance Assamese Chapter 3 ই যে অগ্নিবীণাৰ তান
যিসকল students-এ online-ত Class 12 Advance Assamese Chapter 3 Solution search কৰি আছে, তেওঁলোকে আমাৰ website-ৰ পৰা chapter-wise question answer আৰু অন্যান্য study materials লাভ কৰিব পাৰিব।
Chapter 3 ই যে অগ্নিবীণাৰ তান
গোট – 1
১। কবি অম্বিকাগিৰী বায়চৌধুৰীৰ চমু পৰিচয় দাঙি ধৰা।
উত্তৰঃ অসমৰ বিশিষ্ট জাতীয়তাবাদী কবি, সাহিত্যিক আৰু সমাজসংস্কাৰক অম্বিকাগিৰী ৰায়চৌধুৰীৰ জন্ম ১৮৮৫ চনত বৰপেটাৰ এখন সম্ভ্ৰান্ত ৰায়চৌধুৰী পৰিয়ালত হৈছিল। তেওঁৰ পিতৃৰ নাম কৃষ্ণৰাম ৰায়চৌধুৰী আৰু মাতৃৰ নাম দৈবকী দেৱী। শৈশৱত তেওঁ বৰপেটাতেই প্ৰাথমিক শিক্ষা গ্ৰহণ কৰে আৰু পিছত গুৱাহাটীৰ উচ্চ ইংৰাজী বিদ্যালয়ত অধ্যয়ন কৰি অষ্টম শ্ৰেণীলৈ শিক্ষা লাভ কৰে।
যুৱকালতেই অম্বিকাগিৰী দেশপ্ৰেমৰ আদৰ্শৰে উদ্বুদ্ধ হৈছিল। ১৯০৪-০৫ চনৰ স্বদেশী আন্দোলনত সক্ৰিয়ভাৱে অংশগ্ৰহণ কৰি তেওঁ স্বাধীনতা সংগ্ৰামৰ পথত আগবাঢ়ে। জাতীয় চেতনাৰ বিকাশৰ উদ্দেশ্যে ১৯১৮ চনত তেওঁ ‘চেতনা’ নামৰ এখন মাহেকীয়া আলোচনী প্ৰকাশ কৰে। ১৯০৬ চনত প্ৰতিষ্ঠা কৰা ‘অসম সংৰক্ষিণী সভা’ পাছলৈ অসম জাতীয় মহাসভালৈ ৰূপান্তৰিত হয়, যিয়ে অসমীয়াৰ জাতীয় জীৱনত গুৰুত্বপূৰ্ণ ভূমিকা পালন কৰিছিল।
দেশমাতৃকাৰ মুক্তিৰ বাবে সংগ্ৰাম কৰোঁতে তেওঁ কেইবাবাৰো কাৰাবাস ভোগ কৰিবলগীয়া হৈছিল। ১৯২২ চনত জেলত থকা সময়ছোৱাত তেওঁ বহুতো দেশপ্ৰেমমূলক আৰু উদ্দীপনাময় কবিতা ৰচনা কৰে। এই কবিতাসমূহৰ কিছুমান পিছত ইংৰাজী ভাষাত “Songs of the Call” নামেৰে প্ৰকাশ পায়।
অম্বিকাগিৰীৰ সাহিত্যসাধনাও অত্যন্ত সমৃদ্ধ। তেওঁৰ উল্লেখযোগ্য কাব্যগ্ৰন্থসমূহ হৈছে ‘বীণা’, ‘তুমি’, ‘অনুভূতি’, ‘স্থাপন কৰ’ আৰু ‘বেদনাৰ উল্কা’। গদ্য সাহিত্যৰ ক্ষেত্ৰত ‘ডেকা-ডেকেৰীৰ বেদ’ আৰু নাট্যসাহিত্যত ‘কল্যাণময়ী’ আৰু ‘জয়দ্ৰথ বধ’ বিশেষভাৱে উল্লেখযোগ্য। তেওঁৰ সাহিত্যত দেশপ্ৰেম, জাতীয় চেতনা, আত্মত্যাগ, মানৱতা আৰু ৰহস্যবাদৰ সুন্দৰ সমন্বয় দেখা যায়।
অসমীয়া জাতিৰ উন্নতি, ভাষা-সাহিত্যৰ বিকাশ আৰু জাতীয় সত্তাৰ প্ৰতিষ্ঠাই আছিল তেওঁৰ জীৱনৰ মূল লক্ষ্য। এই মহান কবি আৰু স্বাধীনতা সংগ্ৰামীজনে ১৯৬৭ চনত ইহলীলা সম্বৰণ কৰে। অসমীয়া সাহিত্য আৰু জাতীয় জীৱনত তেওঁৰ অৱদান চিৰস্মৰণীয় হৈ থাকিব।
২। কবি অম্বিকাগিৰী ৰায়চৌধুৰীৰ ‘ই যে অগ্নিবীনাৰ তান’ কবিতাটোৰ সাৰাংশ লিখা।
উত্তৰঃ কবি অম্বিকাগিৰী ৰায়চৌধুৰীৰ “ই যে অগ্নি-বীণাৰ তান” এটি শক্তিশালী স্বদেশপ্ৰেমমূলক কবিতা। এই কবিতাৰ জৰিয়তে কবিয়ে দেশপ্ৰেম, আত্মত্যাগ আৰু স্বাধীনতাৰ বাবে সংগ্ৰামৰ আহ্বান জনাইছে।
কবিৰ মতে, এই সময় আনন্দ-উল্লাস বা বিলাসিতাত মগ্ন হৈ থকাৰ সময় নহয়; ই হৈছে দেশৰ মুক্তিৰ বাবে আত্মনিয়োগ কৰাৰ সময়। পৰাধীনতাৰ শৃংখলে দেশক যি অপমান, দুখ আৰু বেদনাৰ মাজলৈ ঠেলি দিছে, সেই বেদনাৰ অগ্নিশিখাই যেন কবিৰ হৃদয়ত অগ্নি-বীণাৰ সুৰ তুলিছে। এই সুৰে জাতিক জাগ্ৰত কৰি অন্যায় আৰু অত্যাচাৰৰ বিৰুদ্ধে থিয় হ’বলৈ আহ্বান জনায়।
কবিয়ে দেশৰ কল্যাণৰ বাবে ত্যাগ আৰু কষ্ট স্বীকাৰ কৰাৰ আদৰ্শ আগবঢ়াইছে। তেওঁ পৌৰাণিক সমুদ্ৰ মন্থনৰ দৃষ্টান্ত উল্লেখ কৰি কৈছে যে, অমৃত লাভৰ আগতে যিদৰে বিষ ওলাইছিল আৰু মহাদেৱে সেই বিষ পান কৰিছিল, তেনেদৰে স্বাধীনতা আৰু কল্যাণ লাভ কৰিবলৈ হ’লে কষ্ট আৰু ত্যাগ স্বীকাৰ কৰিব লাগিব। দেশমাতৃৰ পূজাৰ বেদীত নিজৰ সুখ-স্বাৰ্থ বিসৰ্জন দিয়াই এই সময়ৰ প্ৰধান কৰ্তব্য।
কবিয়ে জাতিৰ অন্তৰত থকা ভয়, হীনমন্যতা, দুৰ্বলতা আৰু নীচ চিন্তাক দূৰ কৰিবলৈ আহ্বান জনাইছে। তেওঁ বিচাৰে যে সকলো মানুহে এক আদৰ্শত উদ্বুদ্ধ হৈ ঐক্যবদ্ধভাৱে আগবাঢ়ি যাওক। এই অগ্নি-বীণাৰ সুৰ অত্যাচাৰী আৰু উৎপীড়কৰ অহংকাৰ ভাঙি দিয়াৰ শক্তিৰ প্ৰতীক। ই নিদ্ৰিত জাতিক জগাই তুলি অধিকাৰ আৰু স্বাধীনতাৰ বাবে সংগ্ৰাম কৰিবলৈ উদ্বুদ্ধ কৰে।
কবিৰ দৃষ্টিত স্বাধীনতাৰ সংগ্ৰাম কেৱল ৰাজনৈতিক মুক্তিৰ বাবে নহয়, ই মানৱ মৰ্যাদা আৰু অধিকাৰ প্ৰতিষ্ঠাৰ এক পবিত্ৰ অভিযান। পৰাধীনতাৰ শৃংখল ভাঙি অন্যায়, অত্যাচাৰ আৰু মানৱতাবিৰোধী শক্তিক পৰাস্ত কৰাই ইয়াৰ লক্ষ্য।
সেয়েহে কবিয়ে দেশবাসীক দেশমাতৃৰ আহ্বান শুনি আত্মবলিদানৰ মানসিকতাৰে আগবাঢ়ি আহিবলৈ আহ্বান জনাইছে। “ই যে অগ্নি-বীণাৰ তান” কবিতাখনে জাতীয় চেতনা, দেশপ্ৰেম, সাহস আৰু আত্মত্যাগৰ মহান আদৰ্শক শক্তিশালীভাৱে প্ৰকাশ কৰিছে।
৩। প্রসংগ সংগতি দর্শাই ব্যাখ্যা কৰাঃ
(ক) ই যে সুধাৰ কাৰণে দেব-ন্দানৱৰ সিন্ধু মথন গান
ই যে মৃত্যুঞ্জয় পদৰ কাৰণে মহা হলাহল পান।
উত্তৰঃ ব্যাখ্যেয় কবিতাংশ কবি অম্বিকাগিৰী ৰায়চৌধুৰী ৰচিত ‘ই যে অগ্নি-বীণাৰ তান’ কবিতাটোৰ পৰ উদ্ধৃত।
ইয়াত কবিয়ে পৰাধীন দেশক স্বাধীন কৰাৰ বাবে জনসাধাৰণক জাগ্ৰত কৰাৰ প্ৰসংগত উক্ত কবিতাংশ উল্লেখ কৰিছে।
কবিৰ মতে এই সময় হাঁহি তামাচা কৰি ভাগৰ জুৰোৱাৰ নহয়। এই সময় হ’ল জীৱন মৰণক একাকাৰ কৰা অগ্নি-বীণাৰ তান। অমৃতৰ কাৰণে দেৱতা আৰু দানৱসকলে সকলো শত্রুতা পাহৰি এক লগ হৈ সমুদ্র মন্থন কৰিছিল। সমুদ্র মন্থনৰ সময়ৰ ওলোৱা বিষ পান কৰি মহাদেৱ যেনেকৈ মৃত্যুঞ্জয় হৈছিল তেনেকুৱা ধৰণে দেশৰ জনগণেও হলাহল পান কৰি মৃত্যুঞ্জয়ী হ’ব লাগে।
(খ) ই যে মাতৃৰ চৰণ পূজাৰ বেদীত হৃদয় ৰক্ত দান,
ই যে ভাই ভাই সবে চকু পচাৰতে এক হৈ যোৱা প্রাণ।
উত্তৰঃ উক্ত কবিতাংশ কবি অম্বিকাগিৰী ৰায়চৌধুৰী ৰচিত ‘ই যে অগ্নি-বীণাৰ তান’ কবিতাটোৰ পৰা তুলি দিয়া হৈছে।
দেশবাসীক স্বদেশপ্রেমত উদ্বুদ্ধ কৰা প্ৰসংগত কবিয়ে উক্ত কবিতাংশ উল্লেখ কৰিছে।
কবিৰ মতে হাঁহি ধেমালি কৰি ভাগৰ জুৰোৱাৰ ই সময় নহয়। এই সময় হ’ল জীৱন মৰণক একাকাৰ কৰা অগ্নি-বীণাৰ তান। হ হ’ল দেশ মাতৃৰ চৰণ পূজাৰবেদীত ৰক্তদান কৰাৰ সময়। দেশ মাতৃৰ উদ্ধাৰৰ বাবে ভাই ভাই সকলোৱে এক হৈ যোৱাৰ সময়। কবিয়ে সকলোকে এক হৈ হৃদয়ৰ ৰক্তদান কৰি দেশ মাতৃৰ চৰণ পূজা কৰিবলৈ আহ্বান জনাইছে।
(গ) ই যে শত আঘাতৰ ৰক্ত ধুউৱা শ্রাবণৰ মহাবান
ই যে মাতৃ আদেশ, সন্তান-প্রাণ দিবলকে বলিদান।
উত্তৰঃ ব্যাখ্যেয় কবিতাংশ কবি অম্বিকাগিৰী ৰায়চৌধুৰী ৰচিত ‘ই যে অগ্নি-বীণাৰ তান’ কবিতাটোৰ পৰা তুলি দিয়া হৈছে। কবিয়ে তেওঁৰ অন্তৰত উঠলি উঠা স্বদেশ প্রেমক প্রকট কৰি তোলা প্ৰসংগত উক্ত কবিতাংশ উল্লেখ কৰিছে।
কবিৰ দৃষ্টিত এতিয়া হাঁহি-তাম্ৰ্চা কৰি ভাগৰ জুৰোৱা সময় নহয়। হীনতা-নীচতা, ভীকতা-দীনতা আতৰ কৰি মাতৃৰ চৰণত ৰক্ত দান কৰি সকলোৱে এক হৈ যোৱাৰ সময়। এইটো সময় হ’ল মানৱতাক অপমান কৰা সকলক মর্দিত কৰাৰ সময়। ই হ’ল শাওনৰ মহাপ্লাবনত শত আঘাতৰ তেজ ধুউৱাৰ সময়। দেশ মাতৃৰ আদেশ শিৰোধাৰ্য্য কৰি পুত্ৰসকলে নিজৰ প্ৰাণ বিসর্জন দি হ’লেও দেশ মাতৃক ৰক্ষা কৰিব লাগে।
(ঘ) বাখ্যা কৰাঃ
ই যে হীনতা-নীচতা, ভীৰুতা-দীনতা জোকাৰি পেলোৱা ভাব,
ই যে এক ৰূপ ৰসে, একে ৰঙে চঙে এক কৰি দিয়া ছাৰ।
উত্তৰঃ ব্যাখ্যেয় কবিতাংশ কবি অম্বিকাগিৰী ৰায়চৌধুৰী ৰচিত ‘ই যে অগ্নি-বীণাৰ তান’ কবিতাটোৰ পৰা উদ্ধৃত।
ইয়াত কবিয়ে দেশ মাতৃৰ সেৱাৰ বাবে সকলো আগবাঢ়ি আহিবলৈ আহ্বান জনাইছে। তেওঁ সকলোকে উচ্চ-নীচ, দুর্বল-দুখীয়া আদি ভাব আঁতৰাই থৈ এক আদর্শত আগবাঢ়ি যাবলৈ আহবান জনাইছে। তেওঁৰ মতে এই সময় হ’ল জীৱন মৰণক একাকাৰ কৰা অগ্নি-বীণাৰ তান। ই হ’ল দেশ মাতৃৰ চৰণ পূজাৰ বেদীত ৰক্তদান কৰাৰ সময়। কবিয়ে সকলোকে এক হৈ হৃদয়ৰ ৰক্তদান কৰি দেশ মাতৃৰ চৰণ পূজা কৰিবলৈ আহ্বান জনাইছে।
৪। চমু উত্তৰ দিয়াঃ
(ক) ‘ই যে অগ্নিবীণাৰ তান’ কবিতাটোৰ কবিজনাৰ নাম কি?
উত্তৰঃ অম্বিকাগিৰী ৰায়চৌধুৰী।
(খ) কোন চনত অম্বিকাগিৰী ৰায়চৌধুৰীৰ জন্ম হৈছিল?
উত্তৰঃ ১৮৮৫ চনত অম্বিকাগিৰী ৰায়চৌধুৰীৰ জন্ম হৈছিল।
(গ) কোন চনত অম্বিকাগিৰী ৰায়চৌধুৰীৰ মৃত্যু হৈছিল?
উত্তৰঃ ১৯৬৭ চনত অম্বিকাগিৰী ৰায়চৌধুৰীৰ মৃত্যু হৈছিল।
(ঘ) ‘অসম কেশৰী’ হিচাপে কাক জনা যায়?
উত্তৰঃ ‘অসম কেশৰী’ হিচাপে অম্বিকাগিৰী ৰায়চৌধুৰীক জনা যায়।
(ঙ) অম্বিকাগিৰী ৰায়চৌধুৰীৰ কবিতা আৰু গীতত দুটা সুৰ প্ৰকাশ হোৱা দেখা যায়। সেই সুৰ দুটা কি কি?
উত্তৰঃ অম্বিকাগিৰী ৰায়চৌধুৰীৰ কবিতা আৰু গীতত প্রকাশ পোৱা সুৰ দুটা হ’ল— (ক) ৰহস্যবাদী আৰু (খ) স্বদেশ প্রেম।
(চ) অম্বিকাগিৰী বায়চৌধুৰীৰ প্ৰকাশিত দুখন কবিতা পুথিৰ নাম লিখা।
উত্তৰঃ অম্বিকাগিৰী ৰায়চৌধুৰীৰ প্ৰকাশিত দুখন কবিতা পুথি হ’ল–
(ক) বেদনাৰ উল্কা,
(খ) অনুভূতি।
(ছ) অম্বিকাগিৰী ৰায়চৌধুৰীয়ে লিখা গীতৰ পুথিখনৰ নাম লিখা।
উত্তৰঃ অম্বিকাগিৰী ৰায়চৌধুৰীয়ে লিখা গীতৰ পুথিখন হ’ল- চেতনাৰ কণ্ঠ।
(জ) অম্বিকাগিৰী ৰায়চৌধুৰী অসম সাহিত্য সভাৰ কোনখন অধিবেশনত সভাপতিত্ব কৰিছিল?
উত্তৰঃ অম্বিকাগিৰী ৰায়চৌধুৰী ১৯৫০ চনৰ একবিংশতিতম অসম সাহিত্য সভাৰ অধিবেশনত সভাপতিত্ব কৰিছিল।
(ঝ) কোনখন কবিতা পুথিৰ বাবে মৰণোত্তৰভাৱে অম্বিকাগিৰী ৰায়চৌধুৰীয়ে সাহিত্য অকাডেমি বঁটা লাভ কৰিছিল?
উত্তৰঃ ‘বেদনাৰ উল্কা’ নামৰ কবিতা পুথিখনৰ বাবে মৰনোত্তৰভাৱে অম্বিকাগিৰী ৰায় চৌধুৰীয়ে সাহিত্য অকাডেমি বঁটা লাভ কৰিছিল।
৫। ‘ই যে অগ্নি বীণাৰ তান’ কবিতাটোত প্রকাশ পোৱা দেশপ্ৰেমৰ আভাস দাঙি ধৰা।
উত্তৰঃ অম্বিকাগিৰী ৰায়চৌধুৰীৰ ‘ই যে অগ্নি-বীণাৰ তান’ কবিতাটোত গভীৰ স্বদেশপ্ৰেমৰ ভাব সুস্পষ্টভাৱে প্ৰকাশ পাইছে। কবিজনৰ কাব্যচেতনাত ৰহস্যবাদী অনুভূতিৰ লগতে দেশপ্ৰেমৰ শক্তিশালী সুৰ সদায় বিদ্যমান আছিল। এই কবিতাটোত তেওঁ পৰাধীন জাতিৰ বেদনা, আত্মমৰ্যাদাবোধ আৰু স্বাধীনতাৰ আকাংক্ষা এক বলিষ্ঠ কণ্ঠেৰে প্ৰকাশ কৰিছে।
কবিতাটোৰ আৰম্ভণিৰ পৰাই কবিয়ে জীৱন আৰু মৰণক একাকাৰ কৰি দেশমাতৃৰ মুক্তিৰ বাবে আত্মত্যাগৰ আহ্বান জনাইছে। তেওঁৰ মতে, দেশৰ ওপৰত হোৱা অপমান, লাঞ্ছনা আৰু অত্যাচাৰে জাতিৰ অন্তৰত গভীৰ বেদনা সৃষ্টি কৰিছে। সেই বেদনাই যেন অগ্নিশিখাৰ দৰে জ্বলি উঠি স্বাধীনতাৰ সংগ্ৰামৰ শক্তি যোগাইছে।
এই ভাব কবিৰ পংক্তিত সুন্দৰভাৱে প্ৰতিফলিত হৈছে—
“ই যে শত অপমান লাঞ্ছনা হানি উজৰা অসীম তাপ,
ই যে ৰুদ্ধ আত্মবেদনা নিজৰি ওলোৱা অনল ভাপ।”
অম্বিকাগিৰী অসম আৰু অসমীয়াৰ কল্যাণৰ প্ৰতি অত্যন্ত সচেতন আছিল। সেয়ে এই কবিতাৰ জৰিয়তে তেওঁ অসমবাসীক জাগ্ৰত কৰিবলৈ চেষ্টা কৰিছে। তেওঁ সমাজৰ সকলো শ্ৰেণীৰ লোকক ভেদাভেদ, হীনমন্যতা আৰু সংকীৰ্ণতা পৰিহাৰ কৰি একতাৰ বন্ধনত আবদ্ধ হ’বলৈ আহ্বান জনাইছে। দেশৰ স্বাৰ্থত সকলোৱে সমানে আগবাঢ়ি আহিব লাগিব বুলি তেওঁ বিশ্বাস কৰিছিল।
কবিয়ে কোঁচ ৰজা নৰনাৰায়ণৰ দৰে ঐতিহাসিক ব্যক্তিত্বৰ উল্লেখ কৰি অসমীয়াক নিজৰ গৌৰৱময় অতীতৰ কথা স্মৰণ কৰাইছে। অতীতৰ বীৰত্বগাঁথাই জাতিৰ মনত আত্মবিশ্বাস আৰু দেশপ্ৰেমৰ সঞ্চাৰ কৰে বুলি তেওঁ অনুভৱ কৰিছিল। ইতিহাসৰ এই অনুপ্ৰেৰণাই জনগণক দেশৰ বাবে ত্যাগ স্বীকাৰ কৰিবলৈ উৎসাহিত কৰে।
ইয়াৰ উপৰিও কবিয়ে নিজৰ কবিতাক শাওণৰ প্ৰবল বানপানীৰ সৈতে তুলনা কৰিছে। যেনেকৈ বানপানীয়ে সকলো বাধা ভাঙি আগবাঢ়ে, তেনেকৈ দেশপ্ৰেমৰ জোৱাৰেও জাতিক জাগ্ৰত কৰি স্বাধীনতাৰ লক্ষ্যৰ ফালে আগুৱাই নিব পাৰে। কবিয়ে দেশমাতৃৰ সুৰক্ষা আৰু মৰ্যাদা ৰক্ষাৰ বাবে প্ৰয়োজন হ’লে প্ৰাণ আহুতি দিবলৈও আহ্বান জনাইছে।
সাৰাংশত ক’ব পাৰি যে ‘ই যে অগ্নি-বীণাৰ তান’ কবিতাটোত অম্বিকাগিৰী ৰায়চৌধুৰীয়ে গভীৰ দেশপ্ৰেম, আত্মত্যাগৰ আদৰ্শ, জাতীয় চেতনা আৰু স্বাধীনতাৰ আকাংক্ষাক শক্তিশালীভাৱে প্ৰকাশ কৰিছে। এই কবিতাই অসমীয়াৰ মনত স্বদেশপ্ৰেমৰ অগ্নিশিখা প্ৰজ্বলিত কৰাৰ এক অনন্য প্ৰয়াস।
৬। ‘ই যে মাতৃ আদেশ, সন্তান-প্রাণ দিবলকে বলিদান”
—কথাষাৰৰ ভিত্তিত কবিতাটিৰ সাৰমৰ্ম বুজাই লিখা।
উত্তৰঃ কবি অম্বিকাগিৰী ৰায়চৌধুৰীয়ে এই কথাষাৰিৰ জৰিয়তে দেশপ্ৰেমৰ চূড়ান্ত ইঙ্গিত দিছে। কবিতাটোৰ শেষৰ স্তৱকটোত নিজ মাতৃয়ে সন্তান সকলকো যে দেশ বক্ষার্থে নিজব প্রাণবলি দিব লাগে সেই আকূল আহ্বান জনোৱা কথা প্রকাশ পাইছে। কবিৰ মতে সন্তান জন্ম দিয়া মাতৃ আৰু জন্মভূমি একেই। সন্তানে যিদবে নিজ মাতৃসকলৰ কথা সৰোগত কৰি কৰ্তব্য পালন কৰিব লাগে সেইদৰে দেশৰ জনগণেও নিজ জন্মভূমির প্রতি অহা প্রত্যাহ্বানকো ওফবাই দিয়াৰ ক্ষেত্ৰত নিজৰ জীৱন উছৰ্গা কৰা উচিত। মুঠতে কবিতাটোৰ এই পংক্তিটোৰ ভিত্তিত যি ‘দেশপ্রেমৰ নিদৰ্শন ফুটি উঠিছে সেয়াই কবিতাটোৰ সাৰমৰ্ম।
৭। এইতো নহয় হাঁহি-তামচাৰ ভাগৰ জুৰোৱা গান
ই যে জীৱন-মৰণ একাকাৰ কৰা অগ্নি-বীণাৰ তান।
উত্তৰঃ উক্ত কবিতাংশ অম্বিকাগিৰী ৰায়চৌধুৰীদেৱ বিৰচিত ‘ই যে অগ্নিবীণাৰ তান’ কবিতাটোৰ পৰা উদ্ধৃত কৰা প্ৰসংগত উক্ত কবিতাংশ উল্লেখ কৰা হৈছে।
কবিয়ে স্বদেশ প্রেম কবিতাটোৰ মাজেৰে প্ৰকট কৰি তুলিছে। স্বদেশ প্রেম প্রকট কৰিবলৈ যাওঁতে কবিয়ে কৈছে যে বৰ্তমানৰ সময় হাঁহি ধেমালি কৰি ভাগৰ জুৰোৱা নহয়। এই সময় হ’ল জীৱন আৰু মৃত্যুক একাকাৰ কৰাৰ সময়। ই অগ্নি-বীণাৰ তান।
Note: If you find any mistakes in this CHAPTER, please let us know or correct them yourself. Thank you.