Class 10 Boichitramoi Assam Chapter 5 Question Answer in Bodo मटकफोर | Motokfor | Class 10 Boichitramoi Assam Question Answer in Bodo to each Chapter is provided in the list of SCERT, NCERT, SEBA मटकफोर Class 10 Boichitramoi Assam Chapter 5 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of Class 10 Boichitramoi Assam Chapter 5 Question Answer. Class 10th Boichitramoi Assam Guide. SEBA Bodo Medium Class 10 Boichitramoi Assam Notes Chapter 5 covers all the exercise questions in NCERT, SCERT.
Class 10 Boichitramoi Assam Chapter 5 मटकफोर
Class 10 Boichitramoi Assam Notes Chapter 5 मटकफोर। Boichitramoi Assam Guide for Class 10th Chapter 5. Also Same NCERT Solutions for Class 10 Boichitramoi Assam इस पोस्ट में हम आपको ये समझा ने कि कोशिश की है की Class 10 Boichitramoi Assam Solution Chapter 5. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 10 Boichitramoi Assam बोहत लाभदायक हो सकता है। Ncert Boichitramoi Assam Class 10 Chapter 5 मे आप अपना ध्यान लगाके पढ़ कर इस Question Answer of Class 10 Boichitramoi Assam Chapter 5 में अछि Mark ला सकते हो अपनी आनेवाली परीक्षा में।
खोन्दो 5 मटकफोर
Chapter 5 Motokfor
1. मटक सोदोबनि ओंथि लिर।
फिन : मटक सोदोबआ टाइ रावनि सोदोब। टाइ रावाव म माने गोहोगोरा, सोलोगोसा एबा गियानि आरो ‘टक’ माने आरजाथाव, ज ‘खा, फेर, आनजाद नायनाय। थामहिनबा आरजाथाव, गियानि, गोहोगोरा पण्डित।
2. मटक सोदोबनि जोनोमनि सोमोन्दै लिर।
फिन : मटक सोदोबनि जोनोमनि जारिमिनखौ नागिरना थाङोब्ला ‘फुखाव’ सोदोबनि जारिमिनखौ नायनांगोन। फुखावआ टाइनि मोनसे नागारहायि दालाइ। बे दालाइया टाइ मंगलिय फुथाइ दालाइनि सिङाव। ‘फु’ माने टाइ रावाव बिगुमा एबा मानगोनां मानसि आरो खाव माने गुफुर। टाइनि मोनसे गिदिर दालाया जाबाय फुथाइ। फुथाइफोरखौ चीन हादोरनि लाव रायजोआव थानायनि थाखायनो लाव होननानैबो बुंनाय जायो।
3. मटकफोरा सरासनस्त्रायै मा दोहोरोमनि सुबुं?
फिन : मटकफोरा सरासनस्त्रायै ताइ दोहोरोमनि सुबुं।
4. मटकफोरजों मवामरीया बिग्रायनायनि सोमोन्दै लिर।
फिन : मवामरीया बिग्रायनायनि गाहाइ दैदेनगिरि मटकफोरनि सायाव राजा नखरा अनागारि खालामदोंमोन। बिग्रायनायनि दैदेनगिरिफोरखौ नागिरनानै मोनिनि सासालग दायगैयि मानसिखौनो खानानै जोबथेसालियाव जोबनानै दोनदोंमोन। बे समावनो सर्बानन्दआ मवामरिया बिग्रायनायखौ दैदेनदोंमोन। जोबथेसालिनि सिं आरो बायजोनि गासै मटक सुबुंफोरनि गोसोबोलोखौ बांहोदोंमोन। सर्बानन्दनि दैदेननायाव बिग्रायारि फोरजाया आहमनि राजउलाफादखौ दखल खालामदोंमोन।
लोगो लोगो आहम राज्योनि गुबुन हालामाव मवामरीया बिग्रायनायनि माखासे दैदेनगिरिफोरा मोनफा मोनफा दखरा दखल खालामना गावखौनो उदां राजा होनना बुंना लादोंमोन। सर्बानन्दआ बेंमरायाव राज्यो फाथिनानै गावखौनो राजा होनना मिथिसारहोदोंमोन। सर्बानन्द सिंहआ राजा जाना गिबियावनो आथिखालनि तिनिचुकियानिफ्राय जि किल ‘मितारफ्राम साहा रङागड़ायाव 1788 खृष्टाब्दआव राजथावनि गायसंदोंमोन आरो 1791 खृष्टाब्दआव बेमरा थामहिनबा दासान्दिनि तिनिटुकीयासिम राजथावनिखौ जायगा सोलायदोंमोन।
5. मटक राज्योनि जौगाथाइनि थाखाय सर्बानन्द सिंहआ मावनाय सुबुं सिबिथायारि खामानि दामानिफोरखौ बरनायनानै लिर।
फिन : मटक हारिनि मवामारिया बिग्रायनायखौ सर्बानन्द सिंहआ दैदेनदोंमोन। मटक राज्योनि जौगानायनि थाखाय सर्बानन्द सिंहआ गुबुन गुबुन सुबुं अनसायारि खामानि आखाइयाव लादोंमोन। लामा-साम बानायनानै हान्था-मेलानि राहाखौ जौगाहोदोंमोन। रङा गड़ा आलि, गधा आलि, राजगड़ आलि, हाती आलि आरि आलिखौ खोहोदोंमोन।
फोरजानि खाबुनि थाखाय राजथावनिनि सिङाव आरो बायजोआव गासै गंनैजिब्रै फुख्रि जावहोदोंमोन। बेफोरनि मादाव बेंमरा फुख्रि, थामख ‘नायारि फुख्रि, देवी फुख्रि, शेलुकीया फुख्रि, बर फुख्रि चाउलख’वा फुख्रि, गधा फुख्रि आरियानो गाहाइ। सर्बानन्दआ जावहोनाय थामखनायारि फुख्रिनि मुं बादियैनो उनाव बेंमरा नोगोरनि मुङा तिनिचुकीया जादोंमोन।
सर्बानन्द सिंहनि राज्यो खुंनायाव फोरजा फिसाफोरा गोजोनै रायजो जादोंमोन होनना मिथिनाय जायो। गोनां जानाय हाथियार आयजें आइलाखौ गावनि रायजोआवनो दाना लादोंमोन। सर्बानन्द सिंहआ इयुन सानगिरि आरो जोबोर सोलो गोनां राजामोन।
6. लिरसुंथाइ लिर:
(क) सोलोंथाइगिरि पवन नेउग
(ख) राजकुमार लंकेश्वर ग ‘हाइ
(ग) सर्बानन्द सिंह।
फिन : (क) सोलोंथाइगिरि पवन नेउगः पवन नेउगआ 1933 मायथाइनि 18 अक्टबर खालारखालि बरगुरि, तिनिचुकियायाव जोनोम जायो। बिफानि मुङा आसाम्बर नेउग आरो बिमानि मुङा गलापी नेउग। बिमा थैनायनि उनाव बिमादै मुहीला नेउगजों खांजानानै बा बोसोर बैसोआव सोलोंथाइखौ तिनिचुकिया आदर्श गुदि फरायसालियाव जुरिजेनो। गुदि सोलोंथाइखौ फोजोबनानै चेनाइराम हायर सेकेण्डारि फरायसालियाव मुं थिसनो आरो बे फरायसालिनिफ्राय 1953 मायथायाव मेट्रिक आनजादखौ उथ्रिनो हायो।
गेलेनाय-बानायलायनायाव गोबां गोसो थानाय नेउगआ जरखायै जोलुर (बल) आरो बुलुर (भलिबल) गेलेनायाव फरायसालिनि मादाव सासे मोजां गेलेगिरि महरै मुंदांखा जादोंमोन। बिथाङा मेथाइ सोजाबनो मोजां मोनोमोन आरो जेसेबां हागौ सर’बो खालामदोंमोन। बिथाङा बांबा मेलेमनि थाखाय गासै फोरोंगिरिफोरनि जोबोर अनजालु फरायसा जानो हादोंमोन।
मेट्रिक आनजादखौ बारग ‘नायनि उनाव बिथाङा गोजौ सोलोंथाइनि थाखाय जरहाट जे.बि. कलेजनि आरिमु आयदायाव मुं थिसनो। फरायनायनि अनगायैबो बिथाङा देहास्त्रि दिन्थिनाय बादायलायनायाव मुंदांखा जायो। Muscle Control बिफानाव बिथाङा रोंगौथि दिन्थिनायनि थाखाय 1955 मायथाइयाव Mr. J.B. बिमुं मोनो।
बिथांनि गोसो बोलो आरो गोहोआ सिमना गैयामोन। गथ’– गथाइफोरखौ जोबोर अनोमोन। जायगानि खैफोद आफोदाव गोग्लैनाय सुबुंफोरखौ बियो मोजां सुबुरुन्थाइ होनानै मदद खालामोमोन।
(ख) राजकुमार लंकेश्वर ग ‘हाइः राजकुमार लंकेश्वर ग ‘हाइया बै समनि बेंमारा राज्योनि (1788) गायसनगिरि राजा सर्गदेउ सर्बानन्द सिंहनि फिसौमोन। राजा सर्बानन्द सिंहनि साथाम फिसाज्ला माटिबर, कलिबर आरो कमलेश्वर। माटिबरहा भगबर, भगीरथ, दुखीरथ, सुक आरिमोनखौ लानानै साजि फिसाज्ला दंमोन।
भगीरथनि थामथि फिसाज्ला बिशरनि ग ‘दाय आरो दथि फिसाज्लाया राजकुमार लंकेश्वर गाहाइमोन। लंकेश्वर गहाइआ 01-05-1954 अक्टआव बै समनि लक्षीमपुर जिलानि जिला मावफुंगिरिनि सिगाङाव जारिमिनारि बेंमरा राज्योखौ फइन बोखांफिननो थाखाय होनाय गचरनि साक्षीयाव बिथांनि जोनोमआ 1887 मायथाइयाव तिनिचुकियायाव जादों होननानै मख ‘नाय दं।
सर्गदेउ सर्बानन्द सिंहआ थैनायनि उनाव राजफोलेरजों लोगोसे बेंमरा राज्योनि गुबुन गुबुन बिबानगिरिफोरा गुबुन गुबुन जायगायाव गोसारनानै थानो लादोंमोन। राजखुंगुर लंकेश्वर ग ‘हाइया 10-12 बोसोरसो जानाय समाव नखरैनो चाबुवासिम खारलाङो। राजाफोलेर थानायनि थाखाय जायगानि मुङा उननि समाव राजाबारी मुड़ै मिथिजायो। बै समाव आबादनि सायाव सोनारनायनि थाखाय जागानि मुङा उननि समाव राजाबारी मुङै मिथिजायो।
बै समाव आबादनि सायाव सोनारनायनि थाखाय राजखुंगुरनि फोलेरखौनो लानानै राजाफोलेरनि माखासे सुबुङा आबाद मावनाय हानि गुमुर संनानै आथिखालनि तिनिचुकिया जिलानि डिराक सिम खारलाङो आरो डिराकावनो दिदोमै थानो लायो।
(ग) सर्बानन्द सिंहः सर्बानन्द सिंहनि बिफानि मुङा मरुतनन्दन आरो बिमानि मुङा पातयमोन। बिमा-बिफानि सासेल’ फिसा सर्बानन्दआ गोरलै समावनो बिमाखौ खोमानो गोनां जादोंमोन। जोबोर सासालग खाथिनानै जाग्रा मरुतनन्दनआ मटकनि बुरुक चुतीया खेल (फोलेरनि) मानसिमोन। सर्बानन्दनि बिफा होनाय मुङा ‘मेजेरा’ मोन।
बिमा गैजायि मेजेराखौ जेब्लाबो समाव मरुत नन्दनआ लोगोआव लानानै बेरायनो गोनां जायोमोन आरो जोबोर जोथोनै खाङै-बायै गिदिर-गोलाउ खालामदोंमोन। मरुत नन्दनआ खनसे मेजेराखौ बिखुङाव बानानै फुख्रि जावबाय थानायाव राजाया नुनानै बिथांखौ खामानिनिफ्राय आजिरा होदोंमोन। बिफानि खांनाय बानायाव लासै लासै मेजेराया देरनानै सेंग्रा जानायसै।
मेजेराया जोबोर दोहोरोमंसुलामोन। बिथाङा मायामरा दोहोरोम गुरु अष्टभुज गसाइनि सेराव शरण लादोंमोन। शरण लानाय समाव गसाइया शरण लाग्राखौ मोनफा मोनफा मुं दोननाया मायामरा बैष्णब होदोरोमनि मोनसे दोरों। बेनिखायनो मेजेराखौ अष्टभुज गहाइया सर्बानन्द मुं होदोंमोन।
| Chapter No. | CONTENTS |
| Chapter – 1 | तिवाफोर |
| Chapter – 2 | देउरीफोर |
| Chapter – 3 | नेपाली रावारि गर्खाफोर |
| Chapter – 4 | बर ‘फोर |
| Chapter – 5 | मटकफोर |
| Chapter – 6 | मराणफोरा |
| Chapter – 7 | मिचिंफोर |
| Chapter – 8 | मणिपुरीफोर |
| Chapter – 9 | राभाफोर |
| Chapter – 10 | स ‘न’वाल कछारीफोर |
| Chapter – 11 | हाजंफोर |
| Chapter – 12 | आसामनि नाथ य ‘गी सुबुं माहारिनि सुंद’ सिनायथि |
| Chapter – 13 | आदिबासी सुबुं हानजा |
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।