Class 10 Boichitramoi Assam Chapter 7 Question Answer in Bodo मिचिंफोर | Minchifor | Class 10 Boichitramoi Assam Question Answer in Bodo to each Chapter is provided in the list of SCERT, NCERT, SEBA मिचिंफोर Class 10 Boichitramoi Assam Chapter 7 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of Class 10 Boichitramoi Assam Chapter 7 Question Answer. Class 10th Boichitramoi Assam Guide. SEBA Bodo Medium Class 10 Boichitramoi Assam Notes Chapter 7 covers all the exercise questions in NCERT, SCERT.
Class 10 Boichitramoi Assam Chapter 7 मिचिंफोर
Class 10 Boichitramoi Assam Notes Chapter 7 मिचिंफोर। Boichitramoi Assam Guide for Class 10th Chapter 7. Also Same NCERT Solutions for Class 10 Boichitramoi Assam इस पोस्ट में हम आपको ये समझा ने कि कोशिश की है की Class 10 Boichitramoi Assam Solution Chapter 7. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 10 Boichitramoi Assam बोहत लाभदायक हो सकता है। Ncert Boichitramoi Assam Class 10 Chapter 7 मे आप अपना ध्यान लगाके पढ़ कर इस Question Answer of Class 10 Boichitramoi Assam Chapter 7 में अछि Mark ला सकते हो अपनी आनेवाली परीक्षा में।
खोन्दो 7 मिचिंफोर
Chapter 7 Minchifor
1. ‘मिचिं’ जनजातिनि सोमोन्दै मोनसे लिरसुंथाइ लिर।
फिन : आसामनि नैथि गेदेर जनजाति सुबुंफोलेरआ जादों मिचिं। चिंफोरखौ ‘मिरि’ मुडैबो मिथिनो मोनो। भारतनि संबिजिदाव मिचिंफोरखौ आसामनि हायेनारि जनजाति महरै मिरि मुङै सिनायथि होदों। मिरि सोदोबखौ मचिंफोरा गावसोर बाहाया। मिरि सोदोबखौ मिचिंफोरा समाजनि मोनसे थाखोनि मिबु एबा पुरहितनि बिथिङावसो बाहायो।
मिरि सोदोबखौ बाजि जौथायाव नब-बैष्णब दोहोरोमनि फोसावगिरि शंकरदेबआ बाहायजेनदोंमोन होननानै सोरबा सोरबाया बुङोब्लाबो जारिमिननि बिदियैब्ला शंकरदेबनि सिगां मिरि सोदोबा बाहायाखै बे नङा। उन समाव इंराजफोराबो बे मोनसे सोदोबखौनो बाहायनानै लिरनाय फरायनायाव श बाहायदोंमोन। गुवार ओंथियाव बिसोर गावखौनो ‘तानि’ होननानै सिनायथि होयो। ‘तानि’ सोदोबनि ओंथिया मानसि एबा सुबुं।
मिचिं सुबुं फोलेरनि गेजेराव गोबां रोखोमनि हाबा खुंनाय जायो। बाय बाहागि एबा माहारि साननायखौ हौवानि नखरनिफ्राय खालामनाय जायो। गोसोआ नागिरनाय बादि जिउनि लोगो नागिरनायनि बेलायाव सेंग्रा-सिख्लाफोरनि गेजेराव उदांस्त्रि दं। हाबानि उनाव फारनै नखरनिफ्राय गनायथि होलायोब्ला गासैबो जेंनाया सुस्रांजायो। नाथाय हाबाखौ मोनसे कुलनि गेजेराव खुंनाय जायो। कुल बिजिरनायाव गोजौ गाहाइ बिजिरनाय एबा साननाय थाया।
मिचिंफोरा आबाद गाहाइ समाजनि सोद्रोमा। आबादानो मिचिंफोरनि थांना थानायनि फुंखा। बोसोराव गुबैयै रोखोमनै माइ आबाद मावनाय नुयो आसु आरो माइ सालि।
2. मिचिंफोरनि रोखोमथाम गाननाय-जोमनायनि मुं लिर।
फिन : मिचिंफोरनि रोखोमथाम गाननाय-जोमनायनि मुंफोरा जादों – हिनजावफोरनि रिहा-मेखला, रिबि-गासें आरो हौवाफोरनि मिबु गालुग।
3. मिचिंफोरनि दोहोरोमखान्थिनि सोमोन्दै लिर।
फिन : मिचिंफोरनि गेजेराव महापुरुषारि, शैव, शाक्त तान्त्रिक आरो जुनियायै केवलीया एबा हराव सिबिग्रा दोहोरोमखौ आजावनाय नुनो मोनोब्लाबो ‘दायि-पल’ आ मिचिंफोरनि गाहाइ दोहोरोम। सुबुं फोथायनायखौ मिचिंफोरा जोबोर फोथायो।
दाउज्लाखौ खैफोद-आफोदनि रैखा कबच महरै फोथायो। दुबुर फुजाया मिचिंफोरनि दोहोरोमारि फोरबो। बायदि मोदाइखौ गोजोनहोनो थाखाय दुबुराव फुजा होयो। न’नि खैफोद-आफोद आरो दावगानायाव मोदाइनि नोजोर दं होननाानै फोथायो।
जोनोमनिफ्राय थैजासिम ‘जिउखौ ‘दयि-पल’ एबा सान-अखाफोरा दैदेनो होन्ना मिछिंफोरा फोथायो। मिचिंफोरा जोबोर फोरबो मोजां मोनग्रा हारि। हारियारि फोरबो आलि-आइलिगां नि अनगायैबो माग बिहु, रङालि बिहु आरो काति बिहुखौ मिचिंफोरा फालियो।
4. आलि आये लिगां माखौ बुङो आरो बेखौ माब्ला खुंनाय जायो?
फिन : आबाद फोजेननायनि आगोल आबादफोरा मोजां जाथोंखौ हास्थायनानै मिसिंफोरा फागुन दानाव मोनसे रोखोमनि फुजा खुङो, बेनो आलि आइलिगां। मिचिंफोरा गोदो गोदायनिफ्रायनो आलि आयेलिगां फोरबोखौ फालिबोदों। आबादारि बिथानि बे फोरबोजों बडहर चंलु, मपिन फोरबोफोरा गोरोबनाय दं। मिचिंफोरनि हारियारि फोरबो आलि आयेलिगाङा मोनथाम सोदोबनि जथाय।
आलि, आइ आरो लृगां। आलिनि ओंथिया जादों हा सिङाव जानाय, आये आ जादों बिफांनि बिथ’आव एबा मोदोमाव नाय फिथाइ एबा बेगर आरो लुगां सोदोबनि ओंथिया जादों गायनाय हाबाखौ जागायजेननाय। थामहिनबा जोलै बेगर गायनायखौ जागायजेननाय। फागुन दाननि गिबि बुधबार खालि बे फोरबोआ जागायजेबोदों। बे सानखौ सानना लानानै बेगर जोलै गायनायखौ जागायजेनो। पुरां आपिन एबा थफला ओंखामजों जाफानाय, ङचान थामहिनबा न’ गोरान, बेदर आरो आपंआ बे फोरबोनि गाहाइ जामुं।
5. आलि आये लिगां सोदोबनि सोमजिखांनायखौ लिर।
फिन : मिचिंफोरनि हारियारि फोरबो आलि आयेलिगाङा मोनथाम सोदोबनि जथाय। आलि, आइ आरो लृगां। आलिनि ओंथिया जादों हा सिङाव जानाय, आये आ जादों बिफांनि बिथ’आव एबा मोदोमाव नाय फिथाइ एबा बेगर आरो लृगां सोदोबनि ओंथिया जादों गायनाय हाबाखौ जागायजेननाय। थामहिनबा जोलै बेगर गायनायखौ जागायजेननाय। बेबादिनो आलि आयेलिगां सोदोबनि सोमजिनायखौ जों फोरमायनो हायो।
6. लिरसुंथाइ लिर:
(क) भृगुमनि कागयुं।
(ख) मुंख्लं कमला मिरि।
(ग) एराम बरि।
(घ) पद्मश्री यादब पायें।
फिन : (क) भुगुमनि कागयुंः भृगुमनि कागयुंनि सिगांनि आजै-आजौनि मुङा कार्तमोन। कार्तहा साथाम फिसाज्ला दंमोन; बिसोर जादों – तामन, खहुवा आरो कुशराम। 1932 मायथाइनि अक्टबर दाननि बबेबा मोनसे मोजां समाव आलिमुर गामियाव खहुवानि गोर्बोआव भृगुमुनिया जोनोम मोनदोंमोन। भृगुमुनि कागयुंआ उनदै बैसोखौ आलिमुर गामियावनो बाबेनहोदोंमोन।
भृगुमुनि कागयुंआ गामिनिनो 58 नं आलिमुर गुदि फरायसालिनिफ्राय गुदि सोलोंथाइखौ लादोंमोन। जरहात सरकारि बहुमुखि गथ ‘सा गोजौसिन फरायसालिनिफ्राय 1958 मायथाइयाव बिथाङा प्राइभेटयै आनजाद होनानै मेट्रिक आनजादखौ उथ्रियो। भृगुमुनि कागयुंआ उन्दैनिफ्रायनो गावखौ फोथायग्रामोन।
बिफा थैखांनायनि उनाव फरायनायनि खरसाखौ बिथाङा गावनो दिहनना लादोंमोन। बेनिखायनो साननि सिगां गावनो रां दिहुननायनि थांखि लानानै गुबुन गुबुन फसंथानफोराव खामानि मावदोंमोन आरो हरनि समाव कलेजाव फरायदोंमोन। बेबादिनो बिथाङा जे.बि. कलेजनिफाय आइ.ए. (पि.इउ.) आरो बि.ए. डिग्री लायो। बेनि अनगायैबो कागयुंआ 1992 मायथाइयाव महीशुरनि Institute of Indian Language -आव मिचिं बैसो-गोराफोरनि फराय बिजाब सेबखांनायनि थाखाय फोरोंथाइ लायो। बे फसंथानावनो बिथाङा आयदायारि फोरोंथाइ लादोंमोन।
(ख) मुंख्लं कमला मिरिः गावनि जोनोम हादोरखौ मालायनि आखाइनिफ्राय उदां खालामनो जायफोरा जिउखौ नेहाद साननानै गावनि जिउखौ बाउलांबाय बिथांमोनखौ समाजाव मोदाइनि मासि होनानै फुजा होनाय नुनो मोनो। जोनोम हादोरखौ सोर्गोनिख्रुइबो देरसिन होनना बुंनाय जायो। बेफोरबादि गेदेमा मुंख्लंफोरनि मैखोम बिहोमाया उन जोलैनि थाखाय जोबनो गैयि थुलुंगानि फुंखा जाना फैयो। बेफोरबादि गावखौ नागारथाबना खामानि मावनाय सासे सुबुङानो जादों कमल चन्द्र लइं, जाय कमला मिरि मुङै सिनायजाबोदों।
1894 मायथाइयाव शिवसागर जिलानि रङामाटि मौजानि बेन्दोङाव थानाय अपर टेमेरा गामियाव कमला मिरिया जोनोम मोनदोंमोन। अपर टेमेराया समनि फारियाव गोबां गामियाव गावस्त्रबाय आरो कमला मिरि जोनोम जानाय गामिखौ दासान्दि गुलुं टेमेरा मुङैसो मिथिनो मोनो। कमला मिरिनि बिफानि मुङा चिकौ लइं आरो बिमानि मुङा मंगली लइंमोन। बै समाव अपर टेमेरा गामियाव गंसेबो फरायसालि गैयिनि थाखाय भलागुरिसिम थांदोंमोन आरो बै समफ्रिायनो उदांस्त्रि दावहारु आपिराम गगैजों लोगो जालायनो खाबु मोनदोंमोन होनना मिथिना मोनो।
(ग) एराम बरिः मिसिं हारिमुनि बिफा एराम बरिनि जोनोमा जादोंमोन ब्रिटिछ खुंथायनि ‘नेफा’ (हृश्वस्त्र) नि सिङाव थानाय आयान गामियाव (अयानआ आथिखाल आसाम सिमायाव थानाय अरुणाचलनि गंसे मखजाथाव मिचिं गामि)। बिथांनि जोनोम सानखौ बिमा-बिफाया गोसोआव नखर आरो खुरमाफोरनिफ्राय मिथिनो मोननाय जादों। बरिनि बिफा आरो बिमानि मुङा फारियै रुंसारि ताकिर बरि आरो मडगी बरि।
बै समाव रुंसारि बरिनि गामिनि खाथि-खाला फरायसालि गैयामोन। अब्लाबो फरायनानै गुनि-गियानि मानसि जानो नागिरनाय बरिया हाग्रा-बंग्रा, दैमा-दैसा बारसोमग्रा गावनि गामिनिफाय 30-35 किल ‘मिटार हायेननि गोजाम मुकंचेलकनि सिङाव थानाय गुदि फरायसालियाव थाखो ब्रैसिम फरायो।
एराम बरिया जारिमिननि बिखायाव गोमालांनो हमनाय मेहेरगोनां मिचिं हारिमुखौ सरैखा खालामना लाखिनाय खामानिखौ 1950 मायथाइनि सिगांनिफायनो नाजादोंमोन। 1952 मायथाइनिफ्राय हारिमु मोजां मोनग्रा सानैसो सेंग्रा-सिख्लाफोरखौ लोगोआव लाफानानै मिचिंफोरनि बेसेन गोसा एनित्तम, चोल्लाया, लोरोलि, लप्ले, काबान, तोबत्तोकां, बृनि, मिबुं आत्त्वा बायदि बायदिनि खान्थिनां चर्चा, सरैखाथि आरो दोनथुमनाय खामानियाव नांथाबो।
(घ) पद्मश्री यादब पायें: बिफां थाब्लासो मानसि थागोन। थामहिनबा बिफां आरो मानसिनि गेजेराव एंगारनो हायि सोमोन्दो दं। बे बुहुमनि मिथिंगायारि आबहावाखौ रैखा खालामनाय बिथिङाव मानसिहा गिदिर बिबान दं। बेनि थाखाय नांगौ गोसो आरो आबहावा रैखा खालामनायनि मिजिं। बे गेदेर बिबानखौ रुजुननानै गासै बुहुमनि सुबुं समाजखौ मिथिंगा रैखा खालामनायनि खौरां होनो सिगांबोनायसै जरहाटनि ककिलामुखनि 1 नं मिचिं गामिनि थाखो जिसिमल’ फरायनाय मुस्त्रि यादब म’लाइ पायें। 1979 मायथाइयाव बिफां गायनो लाजेननाय यादब पायेंआ थांनाय 40 बोसोर सिम बिफां गायदों आरो बेफोरखौ जोथोन लाबोदों।
लोगोसे मलाइ काटनियाव थानाय आरो गिदिंनो फैनाय जिब-जुनार, दाउमा-दाउसाफोरखौबो बिथाङा फिसिदों। मिथिंगा अनफावरि आरो आबहावा मावथि, भारतनि’ अरनबारि सुबुं’ यादब पायेंआ आसामनि बै समनि शिबसागर आरो आथिखालनि जरहाट जिलानि ककिलामुखनि बरघप गामियाव जोनोम मोनदोंमोन 1959 मायथाइनि 30 आक्टबरखालि। बुरलुंबुथुरनि खहानिफ्राय बारग ‘नो न’ सोलायनो गोनां जानायाव आथिखालाव ककिलामुखनि 1 नं मिरि गामियाव थानो लायो।
बिथांनि बिफानि मुङा लक्षीराम पायें आरो बिमानि मुङा आफुलि पायें। बिमा-बिफानि सा 11 गथ’- गथाइनि मादाव यादब पायेंआ थामथि फिसाज्ला। खाथिथारनि ब्राह्मन गामिनि यदुनाथ बेजबरुवानि सामलायनायाव यादब पायेंआ 90 नं बालि गाव गुदि फरायसालियाव सोलोंथाइखौ जुरिजेनदोंमोन। बिथांनिफ्राय यादब पायेंआ आबहावा सरखाथि खालामनाय आरो जिब-जुनारनि फारसे अननाय गोसो थानायखौ सोलोंजेनदोंमोन। थाखो जिसिम फरायनाय पायेंआ मेट्रिक आनजाद होआलाबानो नसिम गिदिंना फैफिनदोंमोन।
| Chapter No. | CONTENTS |
| Chapter – 1 | तिवाफोर |
| Chapter – 2 | देउरीफोर |
| Chapter – 3 | नेपाली रावारि गर्खाफोर |
| Chapter – 4 | बर ‘फोर |
| Chapter – 5 | मटकफोर |
| Chapter – 6 | मराणफोरा |
| Chapter – 7 | मिचिंफोर |
| Chapter – 8 | मणिपुरीफोर |
| Chapter – 9 | राभाफोर |
| Chapter – 10 | स ‘न’वाल कछारीफोर |
| Chapter – 11 | हाजंफोर |
| Chapter – 12 | आसामनि नाथ य ‘गी सुबुं माहारिनि सुंद’ सिनायथि |
| Chapter – 13 | आदिबासी सुबुं हानजा |
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।