Class 10 Boichitramoi Assam Chapter 6 Question Answer in Bodo मराणफोरा | Moranfora | Class 10 Boichitramoi Assam Question Answer in Bodo to each Chapter is provided in the list of SCERT, NCERT, SEBA मराणफोरा Class 10 Boichitramoi Assam Chapter 6 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of Class 10 Boichitramoi Assam Chapter 6 Question Answer. Class 10th Boichitramoi Assam Guide. SEBA Bodo Medium Class 10 Boichitramoi Assam Notes Chapter 6 covers all the exercise questions in NCERT, SCERT.
Class 10 Boichitramoi Assam Chapter 6 मराणफोरा
Class 10 Boichitramoi Assam Notes Chapter 6 मराणफोरा। Boichitramoi Assam Guide for Class 10th Chapter 6. Also Same NCERT Solutions for Class 10 Boichitramoi Assam इस पोस्ट में हम आपको ये समझा ने कि कोशिश की है की Class 10 Boichitramoi Assam Solution Chapter 6. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 10 Boichitramoi Assam बोहत लाभदायक हो सकता है। Ncert Boichitramoi Assam Class 10 Chapter 6 मे आप अपना ध्यान लगाके पढ़ कर इस Question Answer of Class 10 Boichitramoi Assam Chapter 6 में अछि Mark ला सकते हो अपनी आनेवाली परीक्षा में।
खोन्दो 6 मराणफोरा
Chapter 6 Moranfora
1. मराणफोरनि फोलेरारि सिनायथिनि सोमोन्दै सुंद ‘यै लिर।
फिन : मराणफोरा गेदेर किराद मंगलिय फोलेरनि मोनसे मख ‘जाथाव सुबुं हानजा। सुर्य कुमार भूयाया बिथांनि ‘कछारी बुरन्जि’ आव जिनै नखर कछारी दंमोन होनना मुख’दों। स’न’वाल कछारीफोरनि सासे लिरगिरि रजनी कान्ट हाजरिकानि ‘मंगल कछारीर तप्न इतिहास’ मुंनि बिजाबावबो जिनै नखर कछारीनि खोथा मखनाय दं। बेनि अनगायैबो खर ‘सा आसामनि कछारीफोरनि खुगा सल’ बादियैबो कछारीफोरहा मोन जिनै फोलेरनि मुं दंमोन।
बेफोर जादों दमचय (डिमाछा), इनटुहजय (हजाइ), बिहदय (बर’), जुहल-लुइवा (लालुं एबा दानि तिवा), बादु स’न’लय (सन ‘वाल) इनटु मिनखय (मराण), दिउनय (देउरि), इनटु-मेचय (मेछ), कुचुबय (कच), इनटु-गारय (गार’), राभा किराटय (राभा), बादु हजय (हाजं)।
मख’जाथावदि उनाव मोनसे समनिफ्राय बे किरात कछारीफोरा जयै गेदेर बर’ एबा बर ‘फोलेर होननानैबो मिथिजानायसै आरो बेनिखायनो आथिखालाव मराणफोरजों लोगोसे गुबुन गुबुनफोरखौबो जेयै बर’ फोलेर होननानैबो मिथिजानायसै आरो बेनिखायनो आथिखालाव मराणफोरजों लोगोसे गुबुन गुबुनफोरखौबो जयै बर’ फोलेरनि मानसि होननानै साननाय जायो।
गोदो गोदायनिफ्रायनो मराणफोरनि गेजेराव ‘बर ‘रुची’ मुंनि मोनसे बर’ दालाय राव दंमोन। बे रावआ जिदाइन जौथाइनि जोबनायसिम सोलिना दंमोन होनना एडवार्ड गेइट चाहाबआ मख ‘दों। गोदोनि मराण रावनि मोननैसो सोदोबआ जादों– दि (दै), सिम (संख्रि), माइ (माइ) माइरुम (माइरं)।
चाउलुं चुकाफा फैनाय समाव मराणफोरा गंसे उदां रायजो दंमोन। राज्योनि सिमाया साहा बुढ़िदिहिं, खोलाहा दिचां, सानजाहा चाफ्राइ आरो सोनाबहा बुरलुंबुथुर। बै समाव मराणनि राजाया बड’सा एबा बदौसामोन। बदौसानि ओंथिया जादों बर ‘नि फिसा। बे बदौसायानो मराणफोरनि जारिमिनारि मुगानि जोबथा राजा। बदौसानि सिगां सा दाइन राजाया गुबुन गुबुन समाव आसामनि दाब दाब बाहागोआव राज्यो खुंनायखौ मिथिनो मोनो।
2. आसाम आरो अरुणाचलनि माबे माबे जिलायाव मराणफोरनि थाथाया बांसिन?
फिन : आसामनि तिनिचुकिया, डिब्रुगड़, जरहाट, धेमाजि आरो अरुणाचलनि नामचाइ आरो चांलां जिलायाव मराणफोरनि थाथाया बांसिन। बेनि अनगायैबो आसामनि गलाघात, नगाव, शनितपुर, लक्षिमपुर जिलाफोरावबो मराणफोरनि गेसें नखर नुनो मोनो।
3. जारिमिनाव मख ‘जानाय जिनै नखर कछारीनि मुं लिर।
फिन : जारिमिनावं मख ‘जानाय जिनै नखर कछारीनि मुंफोरा जादों – दमचय (डिमाछा), इनटुहजय (हजाइ), बिहदय (बर’), जुहल-लुइवा (लालुं एबा दानि तिवा), बादु स’न’लय (सन ‘वाल) इनटु मिनखय (मराण), दिउनय (देउरि), इनटु-मेचय (मेछ), कुचुबय (कच), इनटु-गारय (गार’), राभा किराटय (राभा), बादु हजय (हाजं)।
4. मोन 10 मराण रावनि मोन जि सोदोब लिर।
फिन : मोन 10 मराण रावनिं मोनजि सोदोबफोरा जादों – दि (दै), सिम (संख्रि), माइ (माइ), माइरुम (माइरं), मियाम (ओंखाम), महन (बेदर), चान (सान), दान (अख़ाफोर), हाटाराइ (हाथरखि), मकुहां (अखा), जेनफं (बिफां), हंका (सि-जोम) बाइदि बाइदि।
5. मराणफोरनि जारिमिनारि मुगानि राज्योनि सोरगिदिं सिमाखौ मुख’।
फिन : मराणफोरनि जारिमिनारि मुगानि राज्योनि सोरगिदिं सिमाया जादों म्हा बुढ़िदिहिं, खोलाहा दिचां, सानजाहा चाफ्राइ आरो सोनाबहा बुरलुंबुथुर।
6. मराणफोरनि जारिमिनारि मुगानि जोबथा राजानि मुङा मामोन?
फिन : मराणफोरनि जारिमिनारि मुगानि जोबथा राजानि मुङा बदौसामोन।
7. मराणफोरा बैसागो बिहुखौ माब्ला आरो माबोरै फालियो?
फिन : बिहुवानो मराणफोरनि गाहाइ फोरबो। गोदोनिफ्रायनो मराणफोरा शदियानि केछाइखाती थानजों लोगोसे तिनिचुकीया जिलानि माकुमनि यग्य ‘ख’वा, दउशारल, चराइदेउ आरियाव थानसालि गायसननानै मोदाइ-मोदाइजोनि फुजा होयोमोन। बैसागो दाननि सेथि मंगलबारै मादाइ-मोदाइजोनि फुजा होना आरज गाबनानै बिहुखौ बरायदोंमोन आरो मंगलबाराव उरुका, बुधबाराव मोसौबिहु आरो बृहस्पतिबाराव मानसि बिहु महरै स्नि सान स्नि हर बिहु मोसायोमोन आरो बेबादिनो गुबुन गुबुन असमीयाफोरनिख्रुइ गुबुन गुबुन सान-बारायाव दिनैबो बिसोर बिहु फालियो।
जोबोर आंगो देउरीफोरनि बिहुबादिनो मराणफोरनि बिहुखौ मराण बिहु मुङैमिथिनो मोनो।
8. मराणफोरनि हारिमायारि आबादा मा?
फिन : मराणफोरनि हारिमायारि आबादआ जादों कमला।
9. मराण सेंग्राफोरनि हान्जा दैदेनगिरिनि बिबानआ माबादि?
फिन : मराण सेंग्राफोरनि हान्जा दैदेनगिरिनि बिबानआ जादों समाज सामलायनाय। मराण समाजाव सेंग्राफोरनि गेजेराव सासे हान्जागोरा एबा लेङाइ हान्जागोरा थायो। बिसोर समाज सामलायनाय हाबायाव बाहागो लायो।
10. बबे बबेयाव मराणफोरनि मोदाइ-मोदाइजोखौ फुजा होनायनि थानसालि दंमोन?
फिन : गोदोनिफ्रायनो मराणफोरहा शदियानि केचाइखाती थानजों लोगोसे तिनिचुकिया जिलानि माकुमनि यग्य ‘खवा, दउशाल, चराइदेउ आरियाव थानसालि गायसननानै मोदाइ-मोदाइजोनि फुजा होयोमोन।
11. लिरसुंथाइ लिर:
(क) बीर सान्थ्रि गाहाइ झपरा जगधा।
(ख) महन शइकीया।
(ग) राघब मराण।
(घ) किरात सुर्य बदौ’सा।
(ङ) जोहोलावजो राधा-रुकुनि।
फिन : (क) बीर सान्थ्रि गाहाइ झपरा जगधा : झपरा जगधाया जिथि जौथाइनि मराण सुबुं हान्जानि सासे बीर जोहोलावमोन। बिथांनि बिफानि मुङा दारबिमोन। जिथाम जौथाइयावनो आसामाव चावलुं चुकाफाया फैलानै मराण, बराही, कछारी बादि हारिफोरखौ लाफानानै गेदेर आहम राज्यो खुंदोंमोन। जिबा जौथाइनि उनसमसिम मराणफोरबादि गोबां सुबुं हान्जाफोरा गुदुं हाग्रामा गेजेराव थानानै जिउ खांदोंमोन।
बिथांमोना हान्जा दैदेनगिरि एबा गामि गोरानि सामलायनायाव समाज दानानै थादोंमोन। बेफोरबादि सासे हान्जा गोराया जादों खावखाइ। गोजाम सौमार खोन्दोनि मोनसे गुवार ओन्सोलआ बिथांनि दैदेननायाव मुख’जाथाव बिफाव लादोंमोन। मख ‘नो गोनांदि मराणफोरा आहम राज्यो आरो असमिया हारि गायसननायाव गाहाइ बिफाव लादोंमोन।
बेनिखायनो बिथांमोना आहम राज्यो खुंथाइनो खाजोना होनाङामोन। खावखाइ आरो दारस्निनि साद’ फिसाज्लाफोरनि मादाव जगधाया बाथि फिसाज्लामोन। बिथाङा बयनिख्रुइबो बोलोगोरा आरो गोहो गोनांसिनमोन। उन्दै समावनो बिथाङा दैज्लां बोथोराव डिब्रु दैमा बारलांनानै हाग्रामानिफ्राय मैदेर हमना लाबोनो हागौमोन।
खेबसे खामतिफोरा मराण गामिखौ फारसेनिफ्राय गाग्लोबदोंमोन। सान्थ्रि गाहाइ झपरा जगधाया सानस्नि दउचाङाव सुथुरफोरखौ दबथायनो थाखाय केचाइखातियाव फुजा होदोंमोन।
(ख) महन शइकीया : मराणफोरनि हान्जाफोरनि गोदान मुगानि आगान सुरजेननाय सुबुंफोरनि मादाव रुंसारि महन शइकीयायाबो सासेमोन। गोदो आसामनि गोहोगोरा सुबुंफोलेरब्लाबो गुबुन गुबुन जारिमिनारि जाथायाव गोग्लैनानै आथिखालाव जोबोर जेंना आरो फारफ्रोमथिंबो दावगानो हायि मराण समाजनि गिबिसिन सानैसो लेखा गोरोंफोरनि मादाव शइकीयानि मुङा मख ‘जाथाव।
1930 मायथाइनि 22 नबेम्बर खालारखालि तिनिचुकीया जिलानि तालापनि मोनसे गोग्लैसोनाय ओन्सोलनि 22 नं तामुलि गामियाव बिथाङा जोनोम मोन्दोंमोन। बिफानि मुङा रुंसारि ग्यानेन्द्र शइकीया आरो बिमानि मुङा रुंसारि शुकानि शइकीयामोन। गुदि सोलोंथाइखौ गामियावनो फरायनानै 1950 मायथाइयाव डाङरी गोजौ फरायसालिनिफ्राय मेट्रिक आनजादखौ उथ्रिनानै 1955 मायथाइयाव डिब्रुगड़ कानै कमार्च कलेजनिफाय बि.कम. खौ उथ्रिनानै गिबियाव डिब्रुगड़ जिलानि चार्कल अफिसाव केराणी साख्रियाव हाबो।
बिथांनि मेलेम बह्रा आरो आखा-फाखाखौ गासै खर ‘सा आसामाव मिथिसारनो मोन्दोंमोन आरो महाकालि साहा बागाननि बिगुमाया, बिथांनो मेनेजार साख्रि जासिदोंमोन। बेनि अगायैबो अ.एन.जि.सि. आव मोजां साख्रिबो मोनदोंमोन। नाथाय बे गासैखौबो बिथाङा नागारना गोग्लैसोना थानाय ओन्सोलनि समाजाव सोलोंथाइनि सोरां लाबोनो काकपथार गोजौ फरायसालियाव फोरोंगिरि महरै हाबनानै उनाव टङना गोजौ फरायसालिनि गाहाइ फोरोंगिरि बिबानखौ आजावना लायो।
(ग) राघब मराण : आसाम मुलुगाव जानाय मुलुगनि सेथि मवामारीया सुबुं जांख्रिथाइनि गाहाइ दैदेनगिरियानो जादों बीर राघब मराण।
दजौ बोसोर आहम राज्यो खुंनायनि जोबनायथिं उदखारि जाबोनाय राज्यो खुंथाइनि बांद्राय अनागार, गादबनाय-सोबख ‘नायनिफ्राय राज्योनि गासै हारि-हारिसा मावसोमना जाग्रा फोरजाफोरनि उदांस्त्रिनि थाखाय बे गेदेमा बीर सुबुंनि दैदेननायावनो जोनोम जादोंमोन मुलुगनि गिबि जथाइ (सुबुं) सोमावसारनाया।
राजा नखरनि जारिमिननि बिलायाव बे जांख्रिथाइखौ मराणनि हिंसायारि, राघब मराणखौ निस्थुर, अनागारि, हिन्जावफोर लांखारग्रा महरै गाज्रयै फोसावनायनि उल्थायै गोदान मुगानि दावगालु पण्डित ड॰ अमलेन्दु गुह, ड॰ हीरेन गहाइ, ड॰ स्वर्णलता बरुवा, ड॰ ध्रुबज्यति बरा, ड॰ देबब्रत शर्माखौ लाफानानै गुबुन गोबां सान्थौगिरि सुबुङा राघबनि खुगानिफ्राय ओंखारनाय ‘रायजोआनो राजा’ मोन्थोरजों फोसावनाय बे जांख्रिथाइखौ गादबग्रा आरो गादबजाग्रानि गेजेराव जानाय नखर दावहा होनना फोरमायदों। मखनो गोनांदि जारिमिनदांखा फराची जांख्रिथाइनि नैजि बोसोरनि सिगाङावनो बे जांख्रिथाइया जादोंमोन।
(घ) किरात सुर्य बड’सा : आसामनि गुबुन सासे गोजाम थागिबि किरात-मंगलीया फोलेरनि सिङाव थानाय मराणफोरनि जारिमिनारि मुगानि जोबथा राजाया जादों बदौसा राजा। 1928 खृष्टआव चाउलुं चुकाफाया आसामाव हाबफैनाय समाव बदौसानि सिङाव साहा बुढ़ीदिहिं, खोलाहा दिचां, सानजाहा चफ्राइ आरो सोनाबहा बुरलुंबुथुर दैमानि गेजेर खोन्दोआव गंसे दोहोन-दौलदजों बुंफबनाय मराण राज्यो दंमोन।
आथिखालनि शिवसागर जिला आरो डिब्रुगड़ जिलानि बाहागो मोननैसोखौ लाफानानै मराण राज्योनि सिङाव दंमोन। मराण राज्योनि सेरावनो बराही राज्यो दंमोन आरो गुबुन गुबुन ओन्सोलाव चुटिया, कछारी, भूया राज्योनि अनगायैबो हाजो-हायेननि गासैबो गोजाम फोलेरनि गावगा गाव हाखोन्दो दंमोन। बे गोजाम
राज्योफोरनि गेजेराव हारि-सुबुंफोलेरफोरनि गेजेराव खैफोद-आफोद, नांज्लाय-खमज्लाय, दावहा आरि जानायखौ जारिमिनाव मोननो थाङा। बेनिखायनो गासै हा खोन्दोआवनो हाजार कौटि गोजाम गोजोन अनज्लायनाय आरो खौसेथिनि आबहावा सोलिदोंमोन होननानै गोरलैयै सानखांनो हायो।
(ङ) जोहोलावजो राधा-रुकुनि : मुलुग जारिमिननि सुबुं बिग्रायनायफोरनि मादाव गेजेर मुगानि आसाम हादोरसायाव जानाय मवामरीया सुबुं बिग्रायनाया मुंख ‘थाव। बे सुबुं बिग्रायनायाव आइजो गोहोनि गोगोम बाहागो लानाया मोनसे सोमोनांथाव आयदा महरै सिनायथि मोनदों। मवामारिया बिग्रायनायखौ दैदेननाय गुबुन गुबुन मराण दैदेनगिरिफोरनि गेजेराव राधा रुकुणीयाबो सासे। बीर राघब मराण आरो नाहरखवा मराणनि सिगांग्रो बिफाव लानायजों समान फोरजाफोरखौ जयै खौसे खालामनो थाखाय गोहो गोरायै बाहागो लादोंमोन नाहरनि फिसाजो सानै भातुकी, भाबुली एबा राधा-रुकुणीया।
मवामरीया बिग्रायनायनि जाहोनाव सोलायनायबो फैदोंमोन बिसोर सानै थानाय समावनो। राजा लक्षी सिंहआ गेदेर धाक बानायनो थाखाय बिफां दाननो हाग्रायाव मानसि दैथायहरदोंमोन। राधा रुकुणीया गामिनि मानसिफोरखौ ज’ खालामनानै बे मावै-दैङै जानाय राइजो राजानि गोदो गोदायनि हाग्रा-बंग्रा, समायना-रमायना मिथिंगायारि सम्पद, बेनि राजाया मोनथाइ गैया होननानै राजानि मानसिखौ फिदिंना थिनहरफिनदोंमोन।
मख ‘जाथावदि बे सानै जोहोलावजोआ बै मुगानि बुहुमाव माब्लाबाबो जाफेरि-नुफेरि मोनसे गोहोगोरा दावहा नांग्रा हान्जा दादोंमोन।
| Chapter No. | CONTENTS |
| Chapter – 1 | तिवाफोर |
| Chapter – 2 | देउरीफोर |
| Chapter – 3 | नेपाली रावारि गर्खाफोर |
| Chapter – 4 | बर ‘फोर |
| Chapter – 5 | मटकफोर |
| Chapter – 6 | मराणफोरा |
| Chapter – 7 | मिचिंफोर |
| Chapter – 8 | मणिपुरीफोर |
| Chapter – 9 | राभाफोर |
| Chapter – 10 | स ‘न’वाल कछारीफोर |
| Chapter – 11 | हाजंफोर |
| Chapter – 12 | आसामनि नाथ य ‘गी सुबुं माहारिनि सुंद’ सिनायथि |
| Chapter – 13 | आदिबासी सुबुं हानजा |
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।