Class 9 Science Notes Chapter 1 जोंनि सोरगिदिं थानाय मुवाफोर Notes covers all the exercise questions in Assam Board SEBA Textbooks. The SEBA Class 9 Science PDF Chapter 1 in the below last यहां प्रदान किया गया सभी अवधारणाओं की एक सहज और आसान समझ सुनिश्चित करता है। आप हमारे हर अध्याय के पीछे की अवधारणाओं को समझें और बोर्ड परीक्षा में अच्छा स्कोर करें यही है हमारा उद्देश्य 9 Class Science Notes, Science Guide for Class 9 in Bodo, Class 9 Science Chapter 1 Question Answer OR Class 9 Science Notes Chapter 1.
सुंद’ सोंनायनि फिननाय
1. गाहायनि नायबिजिरनि थाखाय जाहोन हो–
बांद्राय एवनायनि सोदोब जानाय गुदुं आदारनि मोदोमनाया गोबां मिटार गोजानाव थानाय नोंनिसिम स ‘हैयो, नाथाय गुसु आदारनिफ्राय मोदोमनाय मोननो नोंहा खाथिथाराव थांनाङो।
फिन : बांद्राय एवनायनि सोदोब जानाय गुदुं आदारनि मोदोमनायखौ दैदेन लांनाय सेरेबफोरनि खारथाइ शक्तिआ गोबांखायनो बेफोर खम समनि गेजेरावनो बारआव गोसारलानाय खान्थिजों गोबां जानथाइसिम गोसारलाङो। जाउनाव गोबां जानथाइनिफ्रायनो बेखौ मोन्दांनो हायो। नाथाय गुसु बेसाद एबा जामुंनिफ्राय मोदोमनाय दैदैननाय सेरेपफोरनि दुंथाइया खमखायनो खारथाइ शक्तिआ खम जायो आरो बारनि गेजेरजों बेनि गोसारलानाय जाथाइया जोबोद लासै जायो। जाउनाव खाथिथाराव थांब्लासो बेनि मोनामनायखौ मोननाय जायो।
2. सासे थब्ल’ग्राया (driver) सानस्त्रिनाय समाव फुख्रिनि देखौ सौसिनानै थांनो हायो। बे नायबिजिरथिया मुवानि बबे आखुखौ दिन्थियो?
फिन : लाव-लाव (बिलाव) मुवा (बे बिथिङाव दै) नि सेरेप (गुन्द्रासा, गुन्द्रामा) फोरनि गेजेराव लांदां थावनि बोगथाबनाय बोलोआ खम (लोरबां)। सेरेपफोरनि गेजेरनि लांदों थावनियाबो बांसिन। बेनिथाखायनो बेफोरनि गेजेराव थानाय बोलोआ बायजोनि सेफायग्रा बोलोखौ होबथानो हाया। थब्ल ‘ग्राया सानस्त्रिनाय समाव बेनिखायनो गोरलैनो दैखौ सौसिना थांनो हायो। मुवानि सेरेप धोरोमनि बिथाथियाव बेयो जाथावना जायो।
3. मुवानि सेरेपफोरनि धोरोमफोरा मा मा?
फिन : मुवानि सेरेपफोरनि धोरोमफोरा जाबाय–
(a) मुवानि सेरेपफोरा गेजेराव लांदां थावनि थायो।
(b) मुवानि सेरेपफोरा दोरोदथिंबाय थायो।
(c) मुवानि सेरेपफोरा गावजों-गाव गेजेराव बोगथाबलायनाय बोलो दं। मुवानि थाथाइ बादियै बेफोरनि माना गुबुन गुबुन जायो।
(d) मुवानि सेरेपफोरा गोसारलानाय जाथाइ दिन्थियो।
(c) रोखोमसे मुवानि सेरेपफोरनि महर आरो दाथाइया समान समान।
4. गाहायाव होनाय मुवाफोरनि रोजोबथिखौ जौगाफारियाव साजाय : बार, उखुन्दै गग्राजों गबोनाय गेस, बेरेमोदै, दै, स’क, खुन आरो सोर (ल ‘हा)।
फिन : होखानाय मुवाफोरखौ रोजोबथिनि जौगाफारियाव साजायोब्ला गग्राजों गबोनाय गेस : बार< उखुन्दै< खुन< दै < बेरे मोदै< सक< सोर।
5. मुवानि गुबुन गुबुन थाथाइ महरफोरनि धोरोमारि फारागफोरनि थख ‘लाइ बानाय।
फिन :
| गथा | लाव-लाव | गेसआरि |
| (i) बेफोर गोराथि आरो नारसेबनो हाया। | गोरोन्थि नङा।नारसेबनो हायो। | गोराथि नङा। गोरलैयैनारसेबनो हायो। |
| (ii) थि महर आरोरोजागासै दं। | थि महर गैया नाथायथि रोजागासै थायो। | थि महर आरो रोजागासैरोजागासै गैया। |
| (iii) लांदां थावनिनि जानथा इया जोबोद खम। | लांदां थावनिनि जानथाइयागेसआरिनिख्रुइ गोबां। | लांदां थावनिनिजानथाइया गोबांसिन। |
| (iv) लांदां थावनिनि बोग थाब बोलोआ जोबोदगोबां। | लांदां थावनिनि बोगथाबबोलोआ गथा मुवानिख्रुइखम। | लांदां थावनिनि बोगथाब बोलोआ जोबोदखम। |
| (v) जेबो आइजें गैयाब्लाबोदोननो हायो। | आइजेंआवसो दोनजायो। | फांथे आइजेंआवसोदोनजायो। |
| (vi) बोहै लाङा। | मोनसे थि दिगजोंसोबोहै लाङो। | सोरगिदिं दिगजोंबोहै लाङो। |
6. गाहायाव होनायफोरनि बुंफोरथि लिर।
राथाइ (Rigidity), नारसेबनाय, बिलाव, गंसे गेस आइजेङाव गेस सोनाय, महर, खारथाइ शक्ति आरो रोजोबथि।
फिन : राथाइ (Rigidity) : मुवानि बे मोनसे धोरोम जायनि थाखाय मुवानि दाथाइखौ गोरलैयै सोलाय होनो दाया।
नारसेबनाय एबा नारसेबथि (Compressibility) : जाय धोरोमनि थाखाय मुवाखौ बायजोआरि बोलो बाहायनायजों नारसेबनानै बिनि रोजागासैखौ खमायनो हायो, बेखौनो मुवानि नारसेबथि एबा नारसेबनाय बुङो।
बिलाव एबा बिलावथि (fluidity) : मुवाखौ जायखिजाया मोसे बिखुंआव दोनोब्ला, बै दोनग्रा जायगानिफ्राय सोरगिदिं बोहैलांनो हानाय धोरोमानो बिनि बिलावथि एबा बिलाव।
गंसे गेस आइजेङाव गेस सोनाय (Refilling gas in a cylinder) : गेस सेरेबफोरा थाद ‘नाय गैयै जेरै-मेरै गोजौ खरथिजों गासै दिगआव दोरोदथिंबाय थायो। सानगुदि दब्लाइथियाव बे दोरोदथिंनाय गेस सेरेबफोरनि बोलोआनो दोनग्रा सिलिन्दारनि इनजुरफोराव नारथाइ होयो आरो दोनग्रा सिलिन्दारखौ फुरायै आबुं खालामो।
महर (Shape) : मुवानि सोरगिदिं रुगुं दिन्थिनाय सिमा हांखोआनो बिनि महर।
खारथाइ शक्ति (Kinetic energy) : मुवा सेरेपफोरा एबा बेसाद मोनसेआ बोलो बाहायनाय जाउनाव मोननाय शक्तिजों जुदि खारथाइ मोनो अब्ला बै खारथाइयाव बाहायजानाय शक्तिआनो खारथाइ शक्ति। मुवानि सेरेबफोरा थाद’नाय गैयै खारथिंबाय थायो खायनो, बिसोरनियाव खारथाइ शक्तिया हाबसोना थायो। बे खारथाइ शक्तिजोंनो मुवाखौ दोननाय आइजेंनि इन्जुराव बेयो नारथाइ होयो।
रोजोबथि (Density) : सानगुदि रोजागासै आव थानाय मुवानि मोदोमबांआनो जादों, बै मुवानि रोजोबथि।
7. जाहोनफोरखौ होः
(a) दोनग्रा आइजेङाव मोनसे गेसआ आबुंयै बुंफबनानै थायो।
(b) दोनग्रा आइजेंनि इन्जुराव गेसआ नारथाइ होयो।
(c) दंफांनि आरांगा गंसेखौ गथा बुंनो हागौ।
(d) जोंनि आखाइखौ बारआव गोरलैयै फिदिंनो हायो, नाथाय थुख्रासे दंफांनि गेजेराव बेबादि खालामनोब्ला जोंनो सासे कारटे गोरों नांगोन।
फिन : (a) बेनि जाहोना जाबाय गेसनि गुन्द्रासायारिफोरनि गेजेराव गावजों-गाव बोगथाबलायनाय गोहोआ जोबोद खम। बेनिखायनो बिसोर फ्राय उदांयै थायो। बेनिखायनो जाय आइजेंआव दोननाय जायो, बे आइजोंनि जायखिजाया जायगायावनो बे गुन्द्रासाफोरा दोरोदथिंनो हायो। जाउनाव आइजेंआ गेसखौ आबुङै बुंफबना लाखियो। थामहिनबा दोनग्रा आइजेंआव गेसआ फुरायै एबा आबुंयै बुंफबनानै थायो।
(b) गेसनि गुन्द्रासाफोरा दोनग्रा आइजेंनि सिंआव जेरै-मेरै थादनाय गोयि खारथिंबाय थायो एबा दोरदथिंबाय थायो। दोरोदथिंबाय थानायाव गुन्द्रासाफोरा गावजों-गावनि गेजेराव सौदावलायो आरो आइजेंनि इन्जुरावबो सौदावलायो। आइजेंनि इनजुराव सौदावोब्ला बेसोर बोलो बाहायो। बे बोलोनि सानगुदि दब्लाइथिनि मानानो गेसनि नारथाइ। बेनिखायनो गेसआ आइजेंनि इनजुराव नारथाइ होयो।
(c) दंफांनि मासिआ गथा मुवाजों दाजानाय। बेनिखायनो बेनि दाथाइखौ बायजोआरि बोलो बाहायना गोरलैयै सोलाय होनो हाया। बेनिखायनो आरांगाखौ गोराथि आरो गथा मुवा बुंनो हागौ।
(d) बारनि सेरेपफोरनि गेजेराव गावजों-गावनि जानथाइया जोबोद गोबां। बेनिखायनो जोंनि आखाइजों सेरेपफोरखौ नारहरना गोरलैयैनो आखाइखौ सेरेपफोरनि गेजेरजों उदाङै फिदिंनो हायो। गोबां बोलोनि गोनांथि जाया।
नाथाय, दंफां थुख्राया गोराथि मुवा। बेनिथाखायनो बेनि सेरेपफोरनि गेजेरआव बोगथाबलायनाय जानथाइया जोबोद खम। लोगोसे बेनि सेरेबफोरनि गेजेराव गोख्रों बोगथाबलायनाय गोहो (बोलो) आ जाथाइ खालामगासिनो थायो। जाउनाव बेनि गेजेरजों आखाइ फारसेखौ फिदिंनो गोबां बोलोनि गोनांथि जायो। केरेटियान रोंगौथि गोनां सासेनि आखाइनि बोलोआ बांसिन जानायनि थाखाय दंफां थुख्राखौ सेफायना (बुस’नानै) आखाइखौ बिनि गेजेरजों लांनो हायो। थामहिनबा केरेटियान रोंगौसायासो दंफां थुख्रानि गेजेरजों आखाइखौ गोरलैयै सौसिलांनो हायो।
8. बिलावफोरा सरासनस्रायै गथाफोरनि रुजुनायाव एसेसिन रोजोबथि थायो। नाथाय नुदों ना-बरफआ दैआव गोजावो? मानो?
फिन : गोरा (गथा) मुवानि रोजोबथिनि रुजुनायाव बै मुवानि बिलाव थाथाइनि रोजोबथिया खम। नाथाय दैनि बिथिङाव बे गोरोबलाया (आलादा)। दैनि रुजुनायाव दैनि गथा थाथाइ (बरफ)नि रोजोबथिया नाथाय खम। बरफ जानाय समाव बरफआव थानाय दैनि गुन्द्रासानि गावजों गाव बोगथाबलायनाय जानथाइया बाङो। बेनिखायनो बरफआ दैनिख्रुइ गोबासिन जायो। बेनिथाखायनो बरफआ दैआव गोजावो, जाय गुबुन मुवानि बिथिङाव जाया।
9. जायखिजाया बेसादनि थाखाय थाथाइनि महर सोलायनाय समाव दुंथाइया मानो समानै थायो?
फिन : जायखिजाया मुवानि महरारि थाथाइनि सोलायनाय समाव दुंथाइया समानै थायो। मानोना बे समाव मुवानि महरारि थाथाइनि आबुंयै सोलायनायनि थाखाय बिदुं शक्तिनि गोनांथि जायो। बेनिखायनो मुवाया बिनि सायाव बाहायनाय बिदुंखौ महरारि थाथाइनि सोलायनायनि थाखाय बाहायो। बेखौनो गोमानाय बिदुं बुङो। बे बिदुंआ मुवानि बिदुंखौ बांहोआ। बेनिखायनो मुवानि बे थाथाइयाव बिदुंआ दिदोमै थायो।
10. मोनसे बाला सुग्लाइ होग्राया (Desert Cooler) गुदुं गोरान सानाव मानो साबसिनै सुग्लाइ होयो?
फिन : बाला सुग्लाइ होग्रा मोनसेआ गुदुं गोरान सानाव साबसिनै सुग्लाइ होनायनि जाहोना जादों-गुदुं गोरान साननि बोथोराव सिदोमथिया खम आरो दुंथाइया बांसिन। दैखौ खफ’जाहोनोब्ला बे मोननैबो जाहोग्रायानो जोबोद गोनांथि। बे रोखोमनि सुग्लाइ होग्रायाव दैखौ खफ’जाहोना बारआव एंगारनानै बारखौ गुसु खालामनाय जायो।
11. गोलोम बोथोराव गंसे हानि दैहुआव लाखिनाय दैआ माबोरै गुसुयै थायो?
फिन : गोलोम बोथोराव हानि दैहुआव खायसे फिसा-फिसा गुदुं (गब्लं) थायो। दैहुनि गुदुंजों ओंखारनाय (बोहैनाय) दैआ खफ’ एंगारनायनि जाहोनाव दैहुआ गुसु जाना थायो। जाउनाव बिनि सिंआव थानाय दैनिबो दुंथाइया खम जायो। बेनि जाहोनाव गोलोम बोथोराव हानि दैहुनि दैआ गुसु जानानै थायो।
12. जेब्ला जोंनि आखाइ थालायाव एसे बिबांनि एसिटन एबा पेट्रल एबा मोदोमग्रा (perfumue) होयो अब्ला जों मानो गुसु मोनो?
फिन : एसिटन, पेट्रल एबा मोदोमग्रा आरिनि खफ ‘एंगारनाया जोबोद खम। मानसिनि आखाइ थालानि दुंथाइया बेनिख्रुइ बांसिन। जेब्ला बेफोरखौ आखाइ थालायाव लुना होनाय जायो, बै दुंथाइयावनो बेफोरनि खफ’ एंगारनाय जाथाइया जायो। जाउनाव गोमानाय बिदुंखौ आखाइनि थालानिफ्राय लायो। बेनि जाहोनाव आखाइ थालाया गुसु मोन्दांङो।
13. गंसे कापनि अनगायै गंसे प्लेट (saucer) निफ्राय जों मानो गुदुं साहा एबा गाइखेरखौ गोख्रैसिनै सुरुबनो एबा लोंनो हायो?
फिन : गुदुं साहा एबा गाइखेरआ कापआव थानायाव बेनि बिखुं बाहागोआ खम बिबांनि आवग्रिथाइखौ मोनो। जुदि बेखौ प्लेटआव लुस्लायना होयो, अब्ला बेयो प्लेटाव बांसिन (गुवारसिन) आवग्रिथाइ मोनो। बिलावनि खफ ‘एंगारनाया बिनि आवग्रिथाइ (दब्लाइ) बांबोला बांलाङो एबा अरसिनलाङो। बेनिखायनो प्लेटआव लुस्लायनाय लोगो-लोगो खम समावनो गुसु जायो। ओंखायनो लोंनायाव एबा सुरुबनायाव गोरलै जायो।
14. गोलोम बोथोराव जों मा रोखोमनि सिफोर गाननांगौ?
फिन : गोलोम बोथोराव जों खुननि सिफोर गाननांगौ। मानोना खुननि सिफोरा बिदुंनि (दुंथाइ) गाज्रि दैदेनग्रा। बेनिखायनो बेयो बायजोनि दुंथाइखौ मोदोमसिम थांनायाव हेंथा होयो। बेनि अनगायैबो खुननि सिफोरा सोबखांग्रा हिसाबैबो साबसिन। मोदोमनिफ्राय (सोलेर) जिरिनाय (ओंखारनाय) गोलोमदैखौ सिजों सोबखांना मोदोमखौ गोजोन सुग्लाय होयो।
15. गाहायनि नायबिजिरनायफोरनि थाखाय जाहोन हो–
(a) नेफथेलिननि फिथरफोरा समजों लोगोसे जेबो गथा मुवा थालाङा जासे जोबलाङो।
(b) जों माखासे मिटार गोजानाव जिरायनायावबो मोदोमग्रानि (perfumue) मोदोमनायखौ मोननो हायो।
फिन : (a) नेफथेलिनआ रुंग ‘नाय बिखान्थिजों खफ’एंगारो। थामहिनबा बेयो गथा थाथाइनिफ्राय थोंजोङै गेसआरि थाथाइसिम सोलायोखायनो जेबो आद्रा थालाङाबालासिनो बेयो खाननैसोनि उनावनो गैया जायो।
(b) मोदोमनाया बारनि गेजेरजों गोसारलांनो हायो। मानोना मोदोमनायनि सेरेबफोरा बारनि सेरेबफोरनिख्रुइबो उन्दै (फिसा) गोसारलानाय बिखान्थिजों बेयो गोबां जानथाइसिम थाङो। बेनिखायनो गोजाननिफ्रायनो बेनि मोदोमनायखौ मोननाय जायो।
16. जुक्टिनि थाखाय मोननै जाहोन हो–
(a) सरासनस्रा दुंथाइयाव (Room Temperature) दैआ मोनसे लाव लाव मुवा।
(b) सरासनस्रा दुंथाइयाव (Room Temperature) गंसे सोरनि आलमारिया मोनसे गथा मुवा।
फिन : (a) सरासनस्रा दुंथाइयाव दैआ मोनसे लाव-लाव मुवा। जुक्तिया (बानबुंथाइ) जादों–
(i) बे दुंथाइयाव दैआ खारथाइ धोरोम मोनो।
(ii) बे दुंथाइयाव दैनि जेबो थि महर गैया नाथाय थि रोजागासै दं।
(b) सरासनस्रा दुंथाइयाव गंसे सोरनि आलमारिया मोनसे गथा मुवा। बेनि जुक्तिआ जादों–
(i) सोरनि आलमारिया मोनसे सरासनस्रा दुंथ्राइयाव जोबोद गोराथाइ।
(ii) बेहा थि दाथाइ, महर आरो रोजागासै दं।
17. 273K आव लाखिनाय बरफआ मानो समान दुंथाइयाव थानाय दैनिख्रुइ गुसु खालामनाय एबा सुग्लाय होनायाव साबसिन?
फिन : 273K दुंथाइयाव थानाय बरफनि गोमानाय बिदुंनि बिबांआ खम। नाथाय 273K दुंथाइयाव थानाय दैनि गोमानाय बिदुंआ बांसिन। बेनिखायनो बरफआ गुबुन मुवानिफ्राय गोबांयै बिदुं सोबख’नो (सोबखांनो) हायो। दैआ बेबादि गोबां हाया। बेनिखायनो 273K दुंथाइयाव थानाय बरफआ समान दुंथाइयाव थानाय दैनिख्रुइ सुग्लाय होनायाव बांसिन खामानि गोनां।
18. गोदौनाय दै एबा खफ’, बबेया बांसिनै खामनाय दिन्थिगोन?
फिन : खफ’आ गोदौनाय दैनिख्रुइ बांसिनै खामो। मानोना खफ’आव गोमानाय बिदुंआ हाबसोना थायो। गोदौनाय दैआव थाया। नाथाय गोबां समनि थाखाय गोदौनाय दैनि नांदेरनायाव थायोब्ला बेयो गाज्रियै ख’हा जानायबादियै खामो।
19. गाहायनि सावगारियाव दिन्थिनाय थाथाइ सोलायनायखौ A, B, C, D, E आरो F फोरनि मुं लिर–
फिन : A = आवलिनाय (fusion)।
B = खफ ‘एंगारनाय (evaporation)।
C = रोजा जाहोनाय (condensation)।
D = गथा थाथाइसिम सोलायनाय (Solidification)।
E = रुंग ‘नाय (Sublimation)।
F = रुंग’नाय (Sublimation)।
20. ‘मुवाफोरा उन्दै सेरेपफोरजों दाजानाय’- बेखौ माबोरै आनजाद नायनो हायो?
फिन : मुवाफोरा दि उन्दै सेरेपफोरजों दाजानाय बेखौ आनजाद खालामनो (नायनो) थाखाय गाहायनि आनजादखौ नायनो हायो।
(i) मोनसे (गंसे) 100 मि:लिः जखानि आनजाद आइजें (बिकार) लानाय जाबाय।
(ii) बिकारनि खावसे बाहागोसिम दै लुनानै बैयाव दैनि बिखुंसिम समानै सिन (हांखो) होना लानाय जाबाय।
(iii) सामुससे संख्रि एबा सिनिखौ बिकारआव थानाय दैजों गलायनाय जाबाय। बेखौ गसिजों एरनाय जाबाय।
(iv) सेनिनि सेरेपफोरा दैनि सेरेपफोरनि गेजेराव थानाय उन्दै-उन्दै हाल’ जायगाफोराव हाबसो लांदों।
सावगारि: सिनिआ दैआव गलिनानै दैनि सेरेपफोरनि गेजेरनि जायगायाव हाबहैदों। सिनिनि सेरेपफोरा गोमालांदों। बेनिफ्राय नुनो मोनबाय दि दैनि गुन्द्राफोरनिख्रुइबो सिनिनि सेरेपफोरा उन्दैसिन। थामहिनबा मुवाफोरा उन्दै उन्दै सेरेपफोरजों दाजानाय।
21. मुवानि सेरेपफोरा बेसेबां उन्दै बेखौ माबोरै आनजाद खालामनो हायो बेखेव।
फिन : गाहायनि आनजादनिफ्राय मुवानि सेरेपफोरा दि जोबोद उन्दै बिखौ फोरमान खालामनो हायो।
(i) मोनसे आइजेंआव 100 मिः लिः दै लानाय जाबाय।
(ii) दैआव मोननै एबा मोनथामसो पटासियाम 10 m पारमांगेनेट फिथरखौ गलि होनाय जाबाय। दैआ रोजा फानथाव गाब जागोन।
(iii) आइजेंनिफ्राय मोनसे आनजाद टिउब (हासुं) आव 10 मि.लि. बे गाबगोनां दैखौ लानाय जाबाय।
(iv) बे 10 मि.लि. दैखौ 90 मि.लि. दै थानाय गुबुन मोनसे आइजेंआव गलायदेरनाय जाबाय।
(v) नैथि आइजेंनिफ्राय आरोबाव 10 मि.लि. गलिलावखौ लाना गुबुन मोनसे 90 मि.लि. दै थानाय आइजेंआव गलायदेरनाय जाबाय।
(vi) बेबादियैनो बेदबखौ खेब 5 निफ्राय खेब 8 सिम खालामफिनबाय थानाय जाबाय।
(vii) जोबथिथार आइजेंनिबो दैआ गोबा फानथाव गाबनिनो जागोन। थामहिनबा आनजादनिफ्राय फोरमान जाबाय ‘दि मोननै एबा मोनथाम पटासियामनि फिथरफोरा बायस्रायै बायस्रायै फ्राय 1000 मि.लि. (1 लिटार) दैनि गुन्द्रायाव हाबसोलाङो। 1 लिटार दैखौ गाबगोनां खालामनो हादों। बेनि ओंथियानो जादों पटासियाम पारमांगेनेटनि सेरेपफोरा बायस्रायै बायस्रायै जोबोद उन्दैसिन सेरेपफोराव सोलायदों। थामहिनबा मुवानि सेरेपआ जोबोद उन्दै। बे सेरेपफोरा जोंनि सिगांनिबो मोनदांस ‘हायै।
22. मुवानि सेरेपफोरा थादनाय गोयि दोरोदथिंबाय थायो। बेखौ माबोरै फोरमान खालामनो हायो?
फिन : मोनसे सावै धुपनि खाथि लानाय जाबाय। इसे (खम) जानथाइनिफ्राय बेनि मोदोमनायखौ लानो नाजानाय जाबाय। मोदोमनायखौ मोननाय जायाखिसै।
धुपनि खाथिखौ सावनाय जाबाय। गिबि खेबआव मोदोमनायखौ मोनै जायगानिफ्राय बेखेबआव धुपनि मोदोमनायखौ मोननाय जाबाय। बेनिफ्राय फोरमान जाबाय दि मुवानि सेरेपफोरा थादनाय गोयि दोरोदथिंबाय थायो। दुंथाइ बांनाय लोगो लोगो बेनि खारथाइ शक्तिया बांलाङो।
23. गोसारलानाय माखौ बुङो? मोनसे आनजादजों दिन्थि।
फिन : गोसारलानाया जादों मोननै गुबुन गुबुन मुवानि सेरेपफोरा गावजों गाव गोरोबलायनाय (गलायदेरनाय) बिखान्थि। मोनसे आइजेंआव दै लाना बैयाव थोबसे सियाहि (एबा रेबदै) खौ होयोब्ला सियाहि फिथरा दैयाव गलायदेरनानै दैआ निला गाब जायो। दैनि सेरेपफोरनि गेजेर गेजेर सियाहिनि सेरेपफोरा हाबसोहैयो। बे आनजादनि जोहै गोसारलानायखौ फोरमान खालामनो एबा दिन्थिनो हायो।
24. दैनि टेप मोनसेखौ खुलिना (खेवना) दैनि दाहारखौ आखाइनि आसिजों मानो सेफायनो हाया?
फिन : दैनि गुन्द्राफोरनि गेजेराव गावजों गाव बोगथाब लायनाय बोलो दं। बिनिनो जाउनाव आखाइनि आसिजों दैनि दाहारखौ सेफायनो नाजानो नागिरब्लाबो दाहारआ दानस’जाया एबा बायलाङा। रोखोमसेयैनो गासैबो एबा मोनफ्रोम मुवानि सेरेपफोरा गावजों गावनि गेजेराव जाथाइ खालामनाय बोलो थायो। बे बोलोआनो सेरेपफोरखौ जयै लाखियो।
25. मुवानि गुबै थाथाइ (महर) फोरनि मुंखौ लिर। गावजों गाव बोगथाब लायनायनि बिथा खालामना थाथाइफोरखौ बेखेव।
फिन : मुवानि गुबै थाथाइफोरा मोनथाम। बेफोरनि मुंफोरा जाबाय–
(क) गथा एबा गोराथि।
(ख) लाव-लाव एबा बिलाव।
(ग) खफ’ एबा गेसआरि।
सावागरि :
(क) आव गथा थाथाइखौ दिन्थिनाय जादों गथा मुवानि सेरेप एबा गुन्द्राफोरनि गेजेरनि लांदां थावनि आरो खारथाइ शक्तिआ बाङाइसिन।
(ख) सावगारियाव लाव-लाव थाथाइखौ दिन्थिनाय जादों। बिलाव एबा लाव-लाव मुवानि सेरेपफोरनि गेजेरनि लांदां थावनि आरो बै सेरेपफोरनि खारथाइ शक्तिआ गथा मुवानिख्रुइ इसे गोबां एबा गेजेर जखानि।
(ग) सावगारियाव खफ’ एबा गेसआरि थाथाइखौ दिन्थिनाय जादों। गेसआरि थाथाइनि मुवानि सेरेपफोरनि गेजेरनि लांदां थावनि आरो बै सेरेपफोरनि खारथाइ शक्तिआ बयनिख्रुइबो बांसिन।
26. गथा आरो लाव-लाव मुवाया उदां बिखुं थायो नाथाय गेसआरि मुवानिआव मानो थाया?
फिन : गथा मुवानि गुन्द्रा एबा सेरेपफोरा थाद’नाय गैयि मावसारबाय थायो। गावजों गाव बोगथाबनाय मानआ एरैबादि गोबां दि बिसोर गावजों गावनि गेजेराव बोगथाबनाय बोलोजों थुबुर जाना दाबसे जायगायाव (थावनि) नो दोरोदबाय थायो। खरथि मोना। बेनि बिखुं बाहागोनि गुन्द्राफोराबो दाबसे जायगायावनो थायो। जाउनाव बेनि उदां बिखुं मोननाय जायो।
लाव-लाव मुवानि ब्रिथिङाव गुन्द्राफोरनि गावजों गाव बोगथाबनाय बोलोआ असे गोबां। जाउनाव गावजों गाव बोनथुमना थायो। नाथाय बेफोर खौसेयै थाना गुबुन जायगासिम खारथिंनो हायो। बेनिखायनो लाव-लाव मुवानिबो उदां बिखुं मोननाय जायो। गेसआरि मुवानि बिथिङाव लांदां थावनिनि जायगाया जोबोद गोबां। जाउनाव गावजों गाव बोगथाबनाय बोलोनि मानआ जोबोद खम। मोनसे गुन्द्राया गुबुन मोनसेखौ हमथाना लाखिनो हाया। जाउनाव बिसोरनि सायख्ल ‘यै खारथाइ थायो। जेरै-मेरै सोरगिदिं खारथिङोखायनो बेसोर जेबो थामोनथाइ उदां बिखुं सोमजिनो हाया। बेनिखायनो गेसआरि मुवानि उदां बिखुं थाया।
27. “दुंथाइनि सायाव मुवानि महरारि थाथाइआ सोनारो”- फोरमायना लिर।
फिन : मुवानि महरारि थाथाइआ जादों- गथा, लाव-लाव, गेसआरि आरो प्लाजमा। बे थाथाइफोरा मुवाया मोननाय दुंथाइनि सायाव सोनारस्लु। खम दुंथाइयाव (मुवाबादियै) मुवाखौ गथा थाथाइयाव मोननाय जायो। दुंथाइखौ फारियै बारायलाङोब्ला गथा मुवाया गलिनानै लाव-लाव थाथाइ मोनहैयो। गलिलांनायाव दुंथाइआ थाद’ना गलिनायनि गोमानाय बिदुं बाहायो।
बिनि उनाव दुंथाइखौ बांहोनानै गोदौ बिन्दो मोननाय लोगो लोगो मुवाया गोदौनो हमो आरो बे गोदौ बिन्दोआवनो थानानै खफ’एंगारनायनि गोमानाय बिदुं बाहायना बेखौ खफ ‘सिम सोलायनाय जायो। खफ’खौ आरोबाव गोबां बिबांनि बिदुं होनानै खफ ‘फोरनि सेरेपफोरखौ आयन, सार्ज आरो सेरेपफोरनि मोनसे गलायमोन्देरसिम सोलायो। बेखौनो मुवानि ब्रैथि थाथाइ “प्लाजमा” बुङो।
जुदि बे बिखान्थिखौ उल्था दिगथिं दैदेननाय जायो, थामहिनबा दुंथाइखौ बांद्राय बिबांनिफ्राय फारियै खमायबाय थानाय जायो, अब्ला प्लाजमानिफ्राय गेसआरि, गेसआरिनिफ्राय लाव-लाव आरो बेनि उनाव गथा थाथाइखौ मोनफिननाय जायो। जाथाइखौ गाहायनि सावगारियाव होनायबादि आखिनो हायो।
28. (i) आवलि बिन्दो (ii) गलिनाय आरो (iii) गोमानाय बिदुंनि बुंफोरथि लिर। मोनसे बिदिन्थिजों बोसोरनि गेजेराव थानाय सोमोन्दोखौ बेखेव।
फिन : (i) आवलि बिन्दो (Melting Point) : बारमण्डलारि नारथाइयाव, जाय दुंथाइयाव गथा मुवाया गलिनानै (आवलिना) लाव-लाव थाथाइसिम सोलायो, बै दुंथाइखौनो बै मुवानि आवलि बिन्दो बुङो।
(ii) गलिनाय (Fusion) : आवलि बिन्दोआवनो थाना मुवा मोनसेआ गथा थाथाइनिफ्राय आबुङै लाव-लाव थाथाइ मोननाय बिखान्थिखौनो गलिनाय बुङो।
(iii) गोमानाय बिंदुं (Latent heat) : गलिनाय एबा खफ ‘एंगारनाय बिखान्थियाव मुवाखौ बिदुं होबाय थायोब्लाबो बेफोरनि दुंथाइया बांहैया। बाहायनाय बिदुंखौ मुवाया बिनि थाथाइनि सोलायनायावसो बाहायो। मुवाया एखे दुंथाइयावनो थाना जा बिदुं बाहायना बिनि गलिनाय एबा खफ ‘एंगारनाय जाथाइखौ आबुं खालामो, बै बिदुंखौनो बिनि गोमानाय बिदुं बुङो। गोमानाय बिदुंनि ओंथिया गोमालांनाय एबा थाखोमानाय बिदुं।
दैनि गथा थाथाइया जादों-बरफ। बरफआव बिदुं होयोब्ला बेयो जेब्ला 0°C दुंथाइ (एबा 273.16K) मोनो, अब्ला बरफआ गलिनो हमो। बरफ थुख्राखौ बे थाथाइयाव बिदुं होबाय, थायोब्लाबो बेयो 0°C दुंथाइयावनो गलिलांजोबना लाव-लाव थाथाइसिम स’हैयो। बेनि उनाव बिदुं होबाय थायोब्ला, बेयो फारियै दुंथाइया बांलांबाय थायो। दुंथाइया 100°C (373K) मोनोब्ला बेयो गोदौनो हमो। बेफोरखौ आरोबाव बिदुं होयोब्लाबो बेयो 100°C दुथाइयावनो थानानै खफ’ जानो हमो।
दैआ आबुंयै खफ’महर जानायसिम बिदुंखौ बाहायनाय थानो गोनां जायो। गलिनाय आरो खफ’एंगार जाथाइ जानाय समाव जा बिदुं बाहायनाय जाबाय, बै बिदुंआनो फारियै गलिनायनि गोमानाय बिदुं आरो खफ ‘एंगारनायनि गोमानाय बिदुं। सानख ‘ना मोननाय जादों दि बरफनि गलिनाय गोमानाय बिदुंआ 80 केलरि आरो दैनि खफ’एंगारनाय गोमानाय बिदुंनि मानआ 540 केलरि।
29. रोखोमनै रुंग’नाय मुवानि मुं लिर। रुंग ‘नाय बिखान्थिनि मोनसेनि आनजाद खालामना दिन्थि।
फिन : रोखोमनै रुंग ‘नाय मुवाया जाबाय-कर्पुर आरो एम ‘नियाम क्ल ‘राइड (NH₄Cl)। एसे कर्पुर एबा एम ‘नियाम क्ल ‘राइडनि गुन्दैखौ सिना हानि फिसा थोरसि मोनसेयाव लानाय जाबाय। सावगारियाव होनाय जादों।
थोरसिनि सायाव कासनि फानेल मोनसेखौ उल्थाइनानै गुन्दैखौ खोबथेनाय जाबाय।
फानेलनि गोलाउ हासुंनि खर ‘खौ खुननि प्लागजों खोबथेनाय जाबाय। थोरसिनि थालायाव एसे बिबांनि बिदुं होनाय जाबाय। नुनो मोनबाय दि कर्पुर एबा एम ‘नियाम क्ल ‘राइडनि गुन्दै बिदुं मोननानै गोलिलाङालासिनो थोंजोङै खफ’आव सोलायलांदों। फानेलनि हासुं खर ‘नि खुनखौ बोखारना बे गेसनि मोनामनायनिफ्राय गुन्दैनि गेसआरि थाथाइखौ हमदांनो हायो।
थोरसिनि थालायाव गुन्दैनि जेबो नेरसोनआनो थालाङाखिसै। बे बिखान्थियानो जादों रुंग ‘नाय बिखान्थि।
30. खफ’एंगारनायनि बुंफोरथिखौ हो। खफ ‘एंगारनायनि जाहोग्राफोरखौ मख’।
फिन : गोदौ बिन्दोआवनो थानानै मुवा मोनसेआ आबुं महरै गेसआरि थाथाइ मोननाय बिखान्थिखौनो खफ ‘एंगारनाय बुङो। खफ’एंगारनायनि जाहोग्राफोरा जादों–
(i) सा-दब्लाइथिनि बांनाय।
(ii) दुंथाइनि बांनाय।
(iii) बारनि सिदोमाथि खमायनाय।
(iv) बारनि खरथि बांनाय।
31. गिसि हि (सि)खौ सानदुंआव लामना फोराननायाव जाथाइ जानाय खफ’एंगारनाय बिखान्थियाव नों मा मा जाहोग्रानि बिहोमा नुनो मोनखौ फोरमायना लिर।
फिन : गिसि हिखौ सान्दुंआव लामना फोराननायाव खफ ‘एंगारनाय जाथाइया जादों। बे खफ ‘एंगारनायनि खरथिखौ बांहोनायनि थाखाय गाहायनि खामानिफोरखौ खालामनाय जाबाय।
(i) हिखौ सेपना बिनिफ्राय उफ्रा दैखौ बोखारनाय जाबाय।
(ii) बेनि उनाव हिखौ फुवारना जांख्रिना बेनि बिखुं दब्लाइथिखौ बांहोनाय जाबाय।
(iii) सान्दुंआव लामना बेनि सायाव बिदुंनि बिबांखौ (दुंथाइ) बांहोनाय जाबाय।
(iv) हिखौ उदां जायगायाव (बायजोआव) लामना होनाय जाबाय जाहाथे बिनि सायाव बार नाङो।
32. खफ ‘एंगारनाया माबोरै गुसु जाहोयो?
फिन : खफ ‘एंगारनायनि जाहोनाव खम जालांनाय शक्तिखों सुफुंनो लाव लाव मुवानि सेरेपफोरा बिनि सोरगिदिंनिफ्राय शक्तिखौ बुथुमो। बेबादियै शक्ति बुथुमनाय एबा सोबखांनायनि जाउनाव खफ’एंगारनाय जायगानि खाथि-खालाया गुसु जायो।
33. बरफ थानाय (दोननाय) गिलास गंसेनि बायजोफारसे दैनि थरथिं जोंख्लाबना थानाय मानो नुयो?
फिन : बारआव दैआरि खफ’ थायो। बरफ दोननाय गिलास गंसेनि बायजोनि बिखुं बाहागोआ गुसु जानानै थायो। बेनिखायनो बिखुंनि खाथियाव थानाय बारनि दैआरि खफ’आ रोजाजानानै लोगो नांना दैनि सेरेपआव सोलायो। दैनि सेरेपफोरा लोगो नांनानै दैनि फिथर दायो आरो बेफोर गिलासनि बायजोनि बिखुंआव नांथाबना थायो एबा सिथाबना थायो।
34. प्लाजमाया मा? बेयो माबोरै सोमजियो?
फिन : प्लाजमाया जादों मुवानि ब्रैथि थाथाइ। गेसआरि मुवाखौ बांद्राय बिबांआव फुदुंनानै एबा दुंथाइ होनानै गेसनि सेरेप एबा गुन्द्राफोरखौ सेफायना आयन आरो सार्जसिम सोलाय होयो। फ्लुरेसेन्ट टिउबआव हिलियाम गेस आरो नियन बाल्ब आव नियन गेस थायो। बे गेसनि गेजेरजों मोब्लिब दाहार बोहैयोब्ला गेसआ सार्ज जायो। जाउनाव टिउबनि सिंआव प्लाजमा सोमजियो। गेसनि आखुथाइनि सायाव प्लाजमानि गाबआ गुबुन गुबुन जायो।
सान आरो सानबादि जोंलारि (नक्षत्र) नि सिंआवबो बांद्राय दुंथाइनि जाउनाव प्लाजमाया सोमजियो।
| Chapter No. | CONTENTS |
| खोन्दो – 1 | जोंनि सोरगिदिं थानाय मुवाफोर |
| खोन्दो – 2 | जोंनि सोरगिदिं थानाय मुवाया गोथार नामा? |
| खोन्दो – 3 | गुन्द्रासा आरो गुन्द्रामाफोर |
| खोन्दो – 4 | गुन्द्रासानि दाथाइ |
| खोन्दो – 5 | जिउनि गुदि सानगुदि |
| खोन्दो – 6 | बिदाम |
| खोन्दो – 7 | जिउआरि मुलुगनि फारागथि |
| खोन्दो – 8 | खारथाइ |
| खोन्दो – 9 | बोलो आरो खारथाइनि बिखान्थिफोर |
| खोन्दो – 10 | बोगथाबमा |
| खोन्दो – 11 | हाबा आरो शक्ति |
| खोन्दो – 12 | सोदोब |
| खोन्दो – 13 | जों मानो लामाजायो? |
| खोन्दो – 14 | मिथिंगायारि सम्पदफोर |
| खोन्दो – 15 | आदार सम्पदनि साबखांहोनाय |
Notes of Class 9 Science in Bodo Medium | Bodomedium Class 9 Science notes इस पोस्ट में हम आपको ये समझा ने कि कोशिश की है की Bodo Medium 9th class Science Question answer | Class 9 General Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।