Class 9 Science Notes Chapter 3 गुन्द्रासा आरो गुन्द्रामाफोर Notes covers all the exercise questions in Assam Board SEBA Textbooks. The SEBA Class 9 Science PDF Chapter 3 in the below last यहां प्रदान किया गया सभी अवधारणाओं की एक सहज और आसान समझ सुनिश्चित करता है। आप हमारे हर अध्याय के पीछे की अवधारणाओं को समझें और बोर्ड परीक्षा में अच्छा स्कोर करें यही है हमारा उद्देश्य 9 Class Science Notes, Science Guide for Class 9 in Bodo, Class 9 Science Chapter 3 Question Answer OR Class 9 Science Notes Chapter 3.
अनजिमायारि जेंना
1. फिनजाथाइ मोनसेयाव 5.3 ग्राम सडियाम कार्बनेटआ 6 ग्राम इथानयिक एसिडनि लोगोआव जाथाइ खालामदोंमोन। सोमजिनाय गलिलावफोरा जादों 2.2 ग्राम कार्बन-डाइ-अक्साइड, 0.9 ग्राम दै आरो 8.2 ग्राम सडियाम इथानयेट। दिन्थि दि फिथाइफोरनि मोदोमबांनि सरैखाथि बिखान्थि बादियै जादों।
सडियाम कार्बनेट + इथानयिक एसिड → सडियाम इथानयेट + कार्बन-डाइ-अक्साइड + दै
फिन : बेयाव होनाय रासायनारि फिनजाथाइया जादों–
सडियाम कार्बनेट + इथानयिक एसिड → सडियाम कार्बनेट + कार्बन-डाइ-अक्साइड + दै।
मोदोमबांनि सरैखाथि बिखान्थि बादियै।
फिनजाग्रानि मोदोमबां = फिनजा मुवाफोरनि मोदोमबां।
होनायबादियै, फिनजाग्राफोरनि मोदोमबां = (5.3 + 6.0) ग्राम = 11.3 ग्राम।
फिनजा मुवाफोरनि मोदोमबां = (2.2+0.9+8.2) ग्राम = 11.3 ग्राम।
नुनो मोनबाय दि फिनजाग्रानि मोदोमबां आरो फिनजा मुवाफोरनि मोदोमबांआ समान। बेनिखायनो मोदोमबांनि सोमजिनाय एबा जोबलांनाया रासायनारि सोलाइनाय समाव जायाखै। ओंखायनो फिथाइया मोदोमबांनि सरैखाथि बिखान्थि बादियै जादों।
2. हाइड्र जेन आरो अक्सिजेनआ 1.8 मोदोमबांनि रुजु ज ‘खा (रुजुथाड़) याव लोगो नांना दै सोमजि होदों। 3 ग्राम हाइड्र ‘जेननि लोगोसे आबुंयै फिनजाथाइ जानो बेसेबां मोदोमबां अक्सिजेननि गोनांथि जागोन?
फिन : दैनि/गुंन्द्रासा (H₂O) नि बिथिङाव दिदोम रुजुथाइ बिखान्थि बादियै–
H : O = 1 : 8
जुदि, H : 3 ग्राम जायो, अब्ला H : O = 3:3 × 8 = 3:24 जानांगोन।
थामहिनबा 3 ग्राम हाइड्र’जेनन लोगोआव आबुंयै फिनजाथाइ खालामना दै सोमजि होनो 24 ग्राम अक्सिजेननि गोनांथि जागोन।
3. 1 म’ल कार्बन गुन्द्रामानि मोदोमबांआ 12 ग्राम जायोब्ला, मोन 1 कार्बन गुन्द्रामानि मोदोमबांआ (ग्रामआव) बेसेबां जागोन?
फिन : 1 म’ल कार्बन गुन्द्रामानि मोदोमबां = 12 ग्राम।
∴ 1 म’ल कार्बन गुन्द्रामायाव कार्बननि अनजिमा = 6.023×10²³
थामहिनबा, 6.023×10²³ अनजिमायारि कार्बन गुन्द्रामानि मोदोमबां = 12 ग्राम
∴ 1 ” ” ” ”
= 12/6.023×10²³
= 1.99×10⁻²³ ग्राः
4. 100 ग्राम सडियाम एबा 100 ग्राम आइरन बे मोननैनि माबे मोनसेआव गुन्द्रामानि अनजिमाया बांसिन जागोन? (होनाय दं Na नि गुन्द्रामाररि मोदोमबां = 23u, Fe = 56u)
फिन : 23u एबा 23 ग्राम सडियाम (=1 म’ल) आव थानाय Na नि अनजिमा =6.023×10²³
∴ 100 ग्राम सडियामआव थानाय Na नि गुन्द्रामानि अनजिमा
= 6.023×10²³/23×100
= 2.617×10²⁴
रोखोमसेयैनो, 56u एबा 56 ग्राम आइरननि (=1 म’ल) आव थानाय Fe गुन्द्रामानि अनजिमा = 6.023×10²³
∴ 100 ग्राम आइरनआव थानाय Fe गुन्द्रामानि अनजिमा
= 6.023×10²³/56×100
= 1.075×10²⁴
बेनिखायनो, 100 ग्राम सडियाम थानाय गुन्द्रामानि अनजिमाया 100 ग्राम आइरनआव थानाय गुन्द्रामानि अनजिमानिख्रुइ बांसिन।
5. अक्सिजेन आरो बरन दानाय़ खौसे मुवानि मडेल मोनसेनि 0.24 ग्राम नायबिजिरनायाव 0.096 ग्राम बरन आरो 0.144 ग्राम अक्सिजेन मोननाय जादोंमोन। मोदोमबां हिसाबै खौसे मुवानि जौखोन्दो अरजाबनायखौ सानना दिहुन।
फिन : खौसे मुवा मडेलनि मोदोमबां = 0.24 ग्राम।
बरननि मोदोमबां = 0.096 ग्राम।
अक्सिजेननि मोदोमबां = 0.144 ग्राम।
∴ बरननि जौखोन्दो बिबां = 0.096/0.24×100%
= 9.6/2.4×100%
= 40%
6. 16 ग्राम ग’था सालफारआव थानाय सालफारनि गुन्द्रासा (S₈) नि अनजिमाखौ सानना दिहुन।
फिन : 1 म’ल सालफार (S₈) नि गुन्द्रासा = 32×8 = 256 ग्राम।
1 म’ल सालफार (S₈) नि गुन्द्रासा अनजिमा = 6.023×10²³ गुन्द्रासा।
= 3.76×10²³ गुन्द्रासा।
7. 0.051 ग्राम एलुमिनियाम अक्साइडआव थानाय एलुमिनियाम आयननि अनजिमाखौ दिहुन। (इसार : आयन मोनसेनि मोदोमबांआ एखे गुदि मुवानि गुन्द्रामा मोनसेनि मोदोमबांजों एखे। एलुमिनियाम (Al) नि गुन्द्रामायारि मोदोमबां = 27u)।
फिन : 1 म’ल Al₂O₃ = 2×27+3×16 = 54+48 = 102 ग्राम।
थामहिनबा 102 ग्राम AI₂O₃ आव थायो = 6.02×10²³ गुन्द्रासा।
आरोबाव, 1 म’ल Al₂O₃ = 2Al⁺⁺⁺ आयन
बेनिखायनो, 0.051 ग्राम Al₂O₃ = 2×3.01×10²⁰A⁺⁺⁺
= 6.023×10²⁰A⁺⁺⁺
8. 1 गुन्द्रामायारि मोदोमबां सानगुदि (1u) खौ S.I. सानगुदियाव लां।
फिन : बुंफौरथि बादियै,
1u = 1/12×¹² C समान थाथाइनि मोनसे गुन्द्रामानि मोदोमबा।
= 1/12×1.993×10⁻²³ ग्राम।
= 1.66×10⁻²⁴ ग्राम = 1.66×10⁻²⁷ किल ‘ग्राम।
9. 0.5 म’ल N₂ गेस (म’लनिफ्राय गुन्द्रासानि) मोदोमबांखौ दिहुन।
फिन : 1 म’ल N₂ गेस = 2×14-28 ग्राम।
∴ 0.5 ” ” ” = 28×0.5 ग्राम।
= 14 ग्राम।
10. 0.9 ग्राम एलुमिनियामआव मोनबेसेबां गुन्द्रामा दं, दिहुन।
फिन : एलुमिनियामनि ग्राम गुन्द्रामायारि मोदोमबां =A= 27 ग्राम।
एलुमिनियामनि मोदोमबां =W= 0.9 ग्राम।
∴ एलुमिनियामनि म’ल अनजिमा =w/a= 0.9/27=n
∴ n म’ल एलुमिनियामआव थानाय गुन्द्रामानि अनजिमा = n×Nₐ
= 0.9/27×6.002×10²³
= 2.007×10²²
11. 46 ग्राम Na गुन्द्रामा (मोदोमबांनि अनजिमा) सेरेपनि अनजिमाखौ दिहुन।
फिन : Na गुन्द्रामानि मोदोमबां = 23 ग्राम = 1 म’ल गुन्द्रासा।
थामहिनबा, 23 ग्राम सडियामआव थानाय सेरेपनि अनजिमा = 6.023×10²³
∴ 46 ग्राम ” ” ” ” = 2×6.023×10²³
= 12.046×10²³
12. (i) 9 ग्राम दैआव थानाय म ‘लनि अनजिमाया बेसेबां?
(ii) 9 ग्राम दैआव थानाय गुन्द्रासानि अनजिमाखौ दिहुन।
फिन : (i) दैनि ग्राम गुन्द्रासायारि मोदोमबां = 18 ग्राम।
18 ग्राम दै = 1 म ‘ल
∴ 9 ग्राम दै = 1/18×9 = ½ = 0.5 म ‘ल
(ii) 1 म ‘ल दैआव थानाय गुन्द्रासानि अनजिमा = 6.023×10²³
∴ 5 म’ल ” ” ” ” = 6.023×10²³
=3.0115×10²³
=3.012×10²³
13. 1 म ‘ल सलफिउरिक एसिडआव थानाय अक्सिजेननि म ‘ल गुन्द्रामा आरो गुन्द्रामानि अनजिमाखौ दिहुन।
फिन : 1 म’ल सालफिउरिक (H₂SO₄) एसिड = (2×1+32+16×4) ग्राम।
बेयाव अक्सिजेननि म ‘ल गुन्द्रामा = 4 म ‘ल गुन्द्रामा
1 म ‘ल अक्सिजेनआव गुन्द्रामा अनजिमा = 6.02×10²³
4 म ‘ल अक्सिजेनआव गुन्द्रासानि अनजिमा = 6.02×10²³×4
= 24.08×10²³
14. CaCO₃ नि ग्राम गुन्द्रासायारि मोदोमबांखौ लिर। 0.5 म ‘ल CaCO₃ नि ग्राम गुन्द्रासायारि मोदोमबांआ बेसेबां?
फिन : CaCO₃ ग्राम गुन्द्रासायारि मोदोमबां = Ca+C+30
=40+12+3×16
=40+12+48
= 100 ग्राम म ‘ल
∴ 1 म ‘ल CaCO₃ = 100 ग्राम
∴ 0.5 म ‘ल CaCO₃ = 100×0.5 ग्राम
= 50 ग्राम
15. से म ‘ल नाइट्रिक एसिडआव अक्सिजेननि बेसेबां म ‘ल गुन्द्रामा आरो बेसेबां अनजिमानि गुन्द्रामा दं दिहुन।
फिन : 1 म ‘ल नाइट्रिक एसिड (HNO₃) = (1+14+16×3) ग्राम
बेयाव अक्सिजेननि म’ल गुन्द्रामा = 3 म ‘ल
आरोबाव, 1 म’ल अक्सिजेनआव गुन्द्रामानि अनजिमा = 6.02×10²³
∴ 3 म’ल ” ” ” = 6.02×10²³×3
= 18.06×10²³
16. 44 ग्राम CO₂ आव थानाय ग्राम गुन्द्रासायारि अनजिमाखौ दिहुन।
फिन : CO₂ नि गुन्द्रासायारि मोदोमबां = (12+16×2) गुन्द्रामायारि मोदोमबां।
CO₂ नि ग्राम गुन्द्रासायारि मोदोमबां = 44 ग्राम
44 ग्राम CO₂ आव थानाय ग्राम गुन्द्रासायारिनि अनजिमा (n)
17. 1.003×10²⁰ अनजिमायारि SO₂ नि गुन्द्रासानि मोदोमबांआ बेसेबां?
फिन : जों मिथिगौदि, SO₂ नि ग्राम गुन्द्रासायारि मोदोमबां = S+2×0
=32+2×16
= 64 ग्राम
थामहिनबा, SO₂ नि 1 म’ल = 64 ग्राम 6.02×10²³ अनजिमायारि SO₂ नि गुन्द्रासा = 64 ग्राम।
18. 1.5 म’ल अक्सिजेनआव थानाय गुन्द्रासानि अनजिमाखौ दिहुन।
फिन : म ‘ल अक्सिजेनआव (O₂) थानाय गुन्द्रासानि अनजिमा = 6.02×10²³
∴ 1.5 म ‘ल ” ” ” ” =6.02×10²³×1.5
=9.03×10²³
19. 25 ग्राम दैआव बेसेबां म ‘ल दै थागोन?
फिन : दै (H₂O) नि ग्राम गुन्द्रासायारि मोदोमबां = 2×1+16=18 ग्राम
थामहिनबा 18 ग्राम दैआव थायो = 1 म ‘ल दै
∴ 25 ग्राम ” ” = 1/18×25
= 1.32 म ‘ल दै।
20. 3.6 ग्राम दैआव थानाय गुन्द्रासानि अनजिमाया बेसेबां?
फिन : दैनि ग्राम गुन्द्रासायारि मोदोमबां = 18 ग्राम
थामहिनबा, 18 ग्राम दैआव थानाय गुन्द्रासानि अनजिमा = 6.02×10²³
∴ 3.6 ग्राम ” ” ” ” ” =6.02×10²³/18×3.6
= 1.204×10²³
21. 3.01×10²³ अनजिमायारि अक्सिजेनति गुन्द्रासानि मोदोमबांआ बेसेबां?
फिन : 6.02×10²³ अनजिमायारि अक्सिजेन गुन्द्रासानि मोदोमबां = 32 ग्राम।
∴ 23.1×10²³ ” ” ” “
32×3.01×10²³/6.02×10²³
= 16 ग्राम।
22. माबेबा गेसनि 1.2046×10²⁵ गुन्द्रासानि मोदोमबांआ 640 ग्राम। गेसनि गुन्द्रासायारि मोदोमबांआ बेसेबां? गेसनि 16 ग्रामाव बेसेबां म ‘ल गेस थागोन?
फिन : बेयाव होनाय दं- गेसनि।
23. नारथाइ आरो दुंथाइयाव 0.1204×10²⁵ अनजिमायारि O₂ गुन्द्रासानि रोजागासैआ बेसेबां जागोन?
फिन :
फोः दुः ना: आव 6.023×10²³ अनजिमायारि O₂ नि रोजागासै = 22.4 लि.
∴ फोः दुः ना: आव 0.1204×10²⁵ अनजिमायारि O₂ गुन्द्रासानि रोजागासै
24. गाहायाव होनाय फिनजाथाइ बादियै 3.6 ग्राम दै सोमजिनोब्ला बेसेबां ग्राम सडियाम हाइड्र ‘स्काइड (NaOH) नि गोनांथि जागोन?
H₂SO₄ + 2NaOH → Na₂SO₄ +2H₂O
फिन : समानसु फिनजाथाइया–
H₂SO + 2NaOH → Na₂SO₄ +2H₂O
2 म’ल 2 म’ल
=2(23+16+1)= 80 ग्राम = 2 (2+16) = 36 ग्राम
फिनजाथाइ बादियै–
36 ग्राम दै सोमजिहोयो 80 ग्राम NaOH आ
∴ 3.6 ग्राम दै सोमजि होगोन = 80/36×3.6
= 8 ग्राम NaOH आ
25. 1 ग्राम हाइड्र ‘जेननि लोगोआव 40 ग्राम क्ल ‘रिननि फिनजाथाइ जाहोयोब्ला माबे गेसनि बेसेबां गुन्द्रासा फिनजाथाइ जायाबालासिनो थागोन, दिहुन।
फिन : समानसु फिनजाथाइया जादों–
H₂+Cl₂ 2HCl
1 म’ल 1 म’ल
= 2×1 =2×35.5
= 2 ग्राम =71 ग्राम
फिनजाथाइ बादियै–
2 ग्राम H₂ आ फिनजाथाइ खालामो 71 ग्राम Cl₂ जों
∴ फिनजाथाइ बादियै 1 ग्राम H₂ आव फिनजाथाइ खालामो ग्राम 71/2 ग्राम
एबा 35.5 ग्राम Cl₂ जों।
सोंथि बादियै– Cl₂ नि मोदोमबां = 40 ग्राम
∴ फिनजाथाइ जायि Cl₂ नि मोदोमबां = 40-35.5=4.5 ग्राम
∴ फिनजाथाइ जायि Cl₂ नि म’ल अनजिमा
26. (a) दैनि (H₂O) सोमोन्दोनां गुन्द्रामायारि मोदोमबां दिहुन।
(b) HNO₃ नि सोमोन्दोनां गुन्द्रामायारि मोदोमबां दिहुन।
फिन : (a) हाइड्र’जेननि गुन्द्रासायारि मोदोमबां = lu
अक्सिजेननि ” ” = 16u
∴ दैनि गुन्द्रासायारि मोदोमबां = 2×1+1×16
= 2+16=18u
(b) HNO₃ नि गुन्द्रामायारि मोदोमबां = H+N+O₃
= 1+14+16×3
= 1+14+48
= 63u
27. गाहायाव होनायफोरनि थाखाय म ‘लनि अनजिमाखौ दिहुन।
(i) 52 ग्रामनि He (हिलियाम) नि मोदोमबांनिफ्राय।
(ii) 12.044×10²³ He (हिलियाम) गुन्द्रासाफोरनि अनजिमा (सेरेपफोरनि)
फिन : हमनाय जाबाय–
म’लनि अनजिमा = n, होनाय मोदोमबां = m
गुन्द्रामा अनजिमा मोदोमबां = M
सेरेपफोरनि होखानाय अनजिमा = N
सेरेपफोरनि एभ ‘ग्रेड्र’ अनजिमा = No
(i) He नि गुन्द्रासायारि मोदोमबां = 4u
He नि गुन्द्रामा अनजिमा मोदोमबां = 4g
खोन्दोनि खायसे सोलोंनो गोनां बाथ्राफोर
भारतआरि महारिसि एबा सानथौगिरि कनाडआ खृष्ट गिबि (बि.सि.) 500 सोआवनो सानखांदोंमोन दि मुवाफोरा उन्दै उन्दै सेरेपफोरजों दाजानाय। बे सेरेपफोरा रानजोबथायि आरो बेखौ गुन्द्रामा बुङो। भारतनि गुबुन सासे सानथौगिरि पकुधा कत्यायामा बिथाङा कनाडनि नेमखौ उनसंना बुंदोंमोन दि सेरेपफोरा सरासनस्रायै अरजाब लायनाय थासारियाव थायो आरो बेनि जोहैनो मुवानि गुबुन गुबुन महरखौ मोननाय जायो।
समब्रा समब्रि बे समावनो ग्रीक सानथौगिरि डेमक्रिटास आरो लिउसिप्पासआ मुवाया सेरेपफोरजों दाजानाय होनना बुंदों। डेमक्रिटासआ सेरेपफोर राजायै होनाय बुंनानै बेनि मुंखौ ‘एटम’ (atom → a = not, tom = divisible थामहिनबा रानहाथि नङि) होयो।
जिदाइनजौ जौथाइनि जोबनाय फारसे बिगियानिफोरा सानथौमिन साननायनि फिथाइ महरै मुवाफोरा गुदि मुवा आरो खौसे मुवा हिसाबै सिनायथि जादोंमोन।
बिगियानगिरि एन्टइन एल लेभसियारआ रासायनारि अरजाबथाइनि मोननै गोनांथार बिखान्थि गायसनदोंमोन। बैफोर जाबाय–
(i) मोदोमबांनि सरैखानि बिखान्थि (law of mass conservation): रासायनारि फिनजाथाइ मोनसेआव मोदोमबांखौ सोमजिहोनो एबा फोजोबस्रांनो हायो।
थामहिनबा रासायनारि फिनजाथाइयाव फिनजाग्रानि गासै मोदोमबांआ फिनजा मुवानि गासै मोदोमबांजों समान।
गाहायाव होनाय फिनजाथाइनिफ्राय बेखौ फोरमायनो हायो।
कपार सालफेट + सडियाम कार्बनेट → सडियाम सालफेट + कपार – अक्साइड + कार्बन-डाइ-अक्साइड।
बेयाव कपार सालफेट आरो सडियाम कार्बनेटनि मासै मोदोमबांआ कपार सालफेट, कपर अक्साइड आरो कार्बन-डाइ-अक्साइडनि गासै मोदोमबांजों समान।
(ii) दिदोम रुजुथाइनि बिखान्थि (Law of constant proportion): मोनसे रासायनारि खौसे मुवायाव गुदिमुवाफोरा अराइ थि मोदोमबांनि रुजुथाइयाव थायो।
य’सेफ एल प्राउष्ट (Joseph L. Proust) आ बे बिखान्थिनि सायाव होनाय बादियै बुंफोरथि होदोंमोन। बिदिन्थि हिसाबै जेनिफ्रायनो लाबोनाय दैआनो जाया मानो दैनि मोनसे गुन्द्रासाया हाइड्र ‘जेन आरो अक्सिजेननि रुजुथाइया अराइबो एबा जेब्लाबो 1:8 (से रुजुथाइ दाइन)। थामहिनबा जुदि 9 ग्राम दैखौ सिफायनाय (decompose) जायो, अब्ला बैयाव 1 ग्राम हाइड्र ‘जेन आरो 8 ग्राम अक्सिजेन गेस मोननाय जायो।
रोखोमसेयैनो, मिथेनआव 6 ग्राम कार्बन आरो 4 ग्राम हाइड्र ‘जेन थायो। 1807 मायथाइयाव बृटिस बिगियानगिरि जन डेल्टनआ मुवानि गुन्द्रामायारि बुंफोरथाइखौ फोरमायथिना होदोंमोन।
डेल्टननि गुन्द्रामा बुंफोरथाइनि थांखिफोरा जाबाय–
(i) गासै मुवाफोरा गुन्द्रामाजों दाजानाय।
(ii) गुन्द्रामाफोरा रानजायि एबा सिफायजायि सेरेप, जायफोरखौ मोनसे रासायनारि फिनजाथाइयाव सोमजिहोनो एबा फोजोबस्रांनो हाया।
(iii) बबेबा मोनसे गुदि मुवानि गुन्द्रासाफोरा मोदोमबां आरो रासायनारि धोरोमफोराव, सिनायथि गोनां।
(iv) गुबुन गुबुन गुदि मुवाफोरनि गुन्द्रासाफोरा मोदोमबां गुबुन गुबुन मोदोमबां आरो रासायनारि धोरोमफोर थायो।
(v) गुन्द्रामाफोरा खौसे मुवाफोर सोमजिनायाव उन्दै गुबै अनजिमानि रुजुथाइयाव अरजाबलायो।
(vi) मोनसे खौसे मुवाया गुन्द्रामाफोरनि सोमोन्दो-रोखोमफोरा दिदोम थायो। जिगुजौ जौथाइयाव थमसन, राडारफर्ड मुलार, मार्सडेन मजलि, ब’र (Bohr) आरि बिगियानगिरिफोरा मोननैसो मुगा देरहाथाइ आनजादजों गुन्द्रामानि मडेल दिहुनदोंमोन। राडारफर्डआ गुन्द्रामानि निउक्लियासखौं दिहुनदोंमोन। गुन्द्रामाया मोनसे सेरेप आरो बेयो प्रटन, निउट्रन आरो इलेकट्रन मुंनि खायसे उफ्रा सेरेपजों दाजानाय।
गुन्द्रासा (atom): गुदि मुवा मोनसेनि गावनि असे आखु गोनां उन्दैसिन रानजायि एबा सिफायजायि सेरेपखौ, बे गुदिमुवानि गुन्द्रासा बुङो। गुन्दासाया महरारि आरो रासायनारि फिनजाथाइयाव बाहागो लायो आरो गावनि असे थामोनथाइ एबा आखुथाइखौ सरैखायैलाखियो।
गुन्द्रासानि महरआ एरैबादि उन्दै दि बेखौ गोहोगोरासिन माइक्र ‘स्कप दाजेमजोंबो नुनो मोननाय जाया। Scanining Tunneling Electron Microscopy-STEM मुंनि गोदान सोलो एबा आदबनि हेफाजाबजों गुन्द्रासाखौ गाव मेगनजोंनो नायनो हायो। गुन्द्रासा मोनसेनि महरथाइखौ गुन्द्रासायारि सखावनि जोहै साननो हायो। बे सखावनि जखानि थाखाय नेन’, पिक’ एबा फेम ‘ट’मिटार सानगुदिखौ बाहायनाय जायो।
1 नेन ‘मिटार (nm) = 10⁻⁹m
1 पिक ‘मिटार (pm) = 10⁻¹² m
1 फेम ‘ट’मिटार (fm) = 10⁻¹⁵m
साननानै मोननाय जादों दि–
H– गुन्द्रासानि सखाव = 10⁻¹⁰m
H₂O– गुन्द्रामानि सखाव = 10⁻⁹m = 1nm
हिन ‘ग्लबिन गुन्द्रामानि सखाव = 10⁻⁸m
बाला-हानि मोनसे सेरेपनि सखाव = 10⁻⁴m बायदि बायदि। मोनफ्रोम गुदि मुवानि मुं होनाय सानदांथाइ खालामजेननाय उननिफ्राय गुदि मुवानि मुंफोरनि गासै
गुन्द्रासानि।
दिन्थिसिन : डेल्टन, बार्जिलियास आरि बिगियानगिरिफोरा गुदि मुवानि इंराजि मुं, गुदि मवाफोरनि दिहुननाय जायगानि मुं, गाब (रं) नि मुं. दिहुनगिरिनि मुं एबा जायखिजाया बिगियानगिरिनि मान होनायनि बिमुं आरिजों होनाय जायो। IUPAC (International Union of Pure and Applied Chemistry) आबो गुदि मुवाफोरनि मुंखौ गनायथि होयो। खायसे गुदि मुवानि मुंखौ लेटिन, जार्मान आरो ग्रिक रावारि मुंनिफ्रायबो लानाय जादों।
गुन्द्रासायारि मोदोमबां (atomic mass) : गुन्द्रासा मोनसेनि आलादायै मोदोमबां दिहुननाया गोरलै खामानि नङा। बेनिखायनो रासायनारि अरजाबाइ बिखान्थिफोरखौ बाहायना गुदि मुवाफोरनि सोमोन्दोनां गुन्द्रासायारि मोदोमबांखौ दिहुननाय जायो।
गिबि गिबियाव अक्सिजेननि गुन्द्रासा मोनसेनि मोदोमबांनि 1/16 बाहागोखौ सानगुदि हिसाबै लानानै गुबुन गुन्द्रासानि सोमोनदोनां मोदोमबांखौ दिहुननाय जादोंमोन। बेनि उनाव कार्बननि मोनसे समानथावनियारि (isotope) C-12 नि मोदोमबांनि
1/12 बाहागोनि मोदोमबांखौनो गुन्द्रासायारि मोदोमबां सानगुदि एबा 1u खौ हमनाय जायो।
थामहिनबा, C-12 नि मोनसे गुन्द्रासा मोदोमबांनि 1/12 बाहागोनि लोगोआव रुजुनानै गुदि मुवानि गुन्द्रासायारि मोदोमबांखौ दिहुननाय जायो। बेबादियै मोननाया गुदि मुवानि गुन्द्रासा मोनसेनि गड़ मोदोमबांखौनो गुदि मुवानि सोमोनदोनां गुन्द्रासायारि
मोदोमबां (relative atomic mass) बुंनाय जायो। गाहायाव होनाय संलाइयाव खायसे गुदि मुवानि मुं, दिन्थिसिन आरो गुन्द्रासायारि मोदोमबांनि फारिलाइ गांसे होनाय जाबाय :
| गुदि मुवा | दिन्थिसिन | मोदोमबां (amu एबा u) |
| हाइड्र ‘जेन | H | 1.008 |
| हिलियाम | He | 4.00 |
| लिथियाम | Li | 6.94 |
| बेरेलियाम | Be | 9.0 |
| बरन | B | 10.8 |
| कार्बन | C | 12.0 |
| नाइट्र’ जेन | N | 14.0 |
| अक्सिजेन | O | 16.0 |
| फ्ल ‘रिन | F | 19.0 |
| नियन | Ne | 20.1 |
| स ‘डियाम | Na | 23.0 |
| मेगनेसियाम | Mg | 24.3 |
| एलुमिनियाम | Al | 27.0 |
| सिलिकन | Si | 28.1 |
| फंसफ’ रास | P | 31.0 |
| क्ल ‘रिन | Cl | 35.5 |
| आर्गन | Ar | 39.9 |
| पटासियाम | K | 39.1 |
| केलसियाम | Ca | 40.1 |
| मार्कारि | Hg | 200.6 |
| रेडन | Rn | 222.0 |
| टिटानियाम | Ti | 47.9 |
| भेनाडियाम | V | 50.9 |
| क्र’मियाम | Cr | 52.0 |
| मेंगानिज | Mn | 54.9 |
| आइरन | Fe | 55.8 |
| कबाल्ट | Co | 58.9 |
| निकेल | Ni | 55.7 |
| कपार | Cu | 63.5 |
| जिंक | Zn | 65.4 |
| आरसेनिक | As | 74.9 |
| ब्र ‘मिन | Br | 79.9 |
| थिं(टिन) | Sn | 118.7 |
| आयडिन | I | 126.9 |
| जेनन | Xe | 131.3 |
| सिजियाम | Cs | 132.9 |
| बेरियाम | Ba | 137.3 |
| टांष्टेन | W | 183.8 |
| प्लेटिनाम | Pt | 195.1 |
| ग’ल्ड | Au | 197.0 |
| लेड | Pb | 207.6 |
| इउरेनियाम | U | 238.0 |
| स्रां बेस्रां |
गुन्द्रामा (Molecule) : गुदि मुवा एबा खौसे मुवा मोनसेनि उदांयै थानो हानाय, जाय उन्दैसिन सेरेपआ गुदि मुवा एबा खौसे मुवानि गासै धोरोमखौ दिन्थियो, बेखौनो गुन्द्रामा बुङो। एखे एबा गुबुन गुबुन गुदि मुवानि गुन्द्रासा लोगो नांनानै गुन्द्रामा सोमजियो। अक्सिजेन, अजन, क्ल ‘रिन, हिलियाम, आर्गन, नियन, हाइड्र ‘जेन’ आरि गुदि मुवाफोरनि गुन्द्रामाफोरा जादों–
O₂, 0₃, Cl₂, He₃, Ar, Ne, H₂ आरि।
गुन्द्रामा मोनसेआ जेसेबां अनजिमानि गुन्द्रासाजों दाजानाय, बेखौनो गुन्द्रामानि गुन्द्रासा अनजिमा बुङो।
He, Ar, Ne आरिफोरा से-गुन्द्रासायारि (monoatomic); अक्सिजेन, हाइड्र’जेन, नाइट्र’जेन क्ल ‘रिन आरिफोरा नै-गुन्द्रासायारि (diatomic); फसफरासआ ब्रै-गुन्द्रासायारि (tetraatomic); सालफारआ बां-गुन्द्रासायारि (polyatomic)।
खौसे मुवानि गुन्द्रामाफोराव मोनसे एबा बेनिख्रुइ बांसिन गुदि मुवानि गुन्द्रासाया थि रुजुथाइयाव लोगोनांना दाजायो।
दै (H₂O); एम ‘निया (NH₃); कार्बन-डाइ-अक्साइड (CO₂); सालफिउरिक एसिड (H₂SO₄); मिथेन (CH₅); इथेन (C₂H₆); केलसियाम कार्बनेट (CaCO₃) आरिफोरा माखासे खौसे मुवा गुन्द्रामानि बिदिन्थि।
दैआव हाइड्र’जेन आरो अक्सिजेननि गुन्द्रासानि रुजुथाइया–
H:O=1:2; NH₂ आव N:H=1:3, CH₄ आव C:H=1:4 आरि।
आयन (Ion) : मोनसे एबा बेनिख्रुइ बांसिन गुन्द्रासानि सार्जगोनां हानजाजों दाजानाय थुबुरखौनो आयन बुङो। आयनआ दाजाबथाइ एबा दानख ‘थाइ सार्जजों
दाजानो हागौ। दाजाबथाइ सार्ज गोनां आयनखौ केटायन (Cation) आरो दानख ‘थाइ सार्जगोनां आयनखौ एनायन (anion) बुङो। जेरै- NaCl आव Na⁺ आ जादों केटायन आरो Cl⁻ आ एनायन, बेबादियैनो H₂SO₄ आव 2H⁺ SO₄²⁻ आ जादों फारियै केटायन आरो एनायन।
गुन्द्रामायारि मोदोमबां (Molecular mass): गुन्द्रासानि बायदिनो गुदि मुवानि गुन्द्रामानिबो सोमोनदोनां गुन्द्रामायारि मोदोमबां दिहुननाय जायो। माबेबा मोनसे गुन्द्रामा ¹²C समानथावनियारिनि मोनसे गुन्द्रासानि 1/12 बाहागोनिख्रुइ जेसेबां फान गिलिर, बेखौ बिनि गुन्द्रामायारि मोदोमबां बुंनाय जायो।
गुन्द्रामा मोनसेयाव थानाय गुन्द्रासाफोरनि गासै दाजाबगासैयानो जादों गुन्द्रामायारि मोदोमबां
= 2×H+1×0
=2×1+1×16=18u
रोखोमसेयैनो H₂SO₄ नि गुन्द्रामायारि मोदोमबां
= 2×H+S×1+4×0
= 2×1+32×1+4×16
=2+32+64
= 98u
ग्राम गुन्द्रासायारि मोदोमबां आरो गुन्द्रामायारि मोदोमबां : गुन्द्रासायारि मोदोमबांखौ ग्रामआव लांब्ला, ग्राम गुन्द्रासायारि आरो गुन्द्रामायारि मोदोमबांखौ ग्रामआव लांब्ला, ग्राम गुन्द्रामायारि मोदोमबां बुंनाय जायो। बिदिन्थि हिसाबै– अक्सिजेननि गुन्द्रासायारि मोदोमबांआ 16 ग्राम आरो ग्राम गुन्द्रामायारि मोदोमबांआ 32 ग्राम। गुदि मुवा मोनसेनि गुन्द्रासायारि मोदोमबांखौ ग्रामआव लांब्ला, मोननाय गुन्द्रासायारि मोदोमबांखौ। ग्राम गुन्द्रासा बुंनाय जायो। ग्राम गुन्द्रासाखौ “n” हांखोजों दिन्थियोब्ला–
खायसे गुदि मुवाया खौसे मुवा दायोब्ला, मोनसेनिख्रुइ बांसिन अरजाबग्राथि दिन्थियो। गुदि मुवानि बेबादि अरजाबग्राथिखौ सोलायस्लु अरजाबग्राथि बुङो। बिदिन्थि हिसाबै नाइट्र ‘जेननि अरजाबग्राथि 1, 2, 3, 4 आरो 5 । सालफारनिया – 2, 4 आरो 6। गाहायाव
सोलायस्लु अरजाबग्राथि जाफुंहोनाय गुदि मुवा मोननैसोनि दिन्थिसिन आरो अरजाबग्राथिखौ दिन्थिनाय जाबाय :
N– 1, 2, 3, 4, 5
Cu– 1, 2
S– 2, 4, 6
Hg– 1, 2
Fc– 2, 3
P– 3, 5
खाबुनि थाखाय गाहायनि सुंलाइयाव गुदि मुवा आरो बेनि अरजाबग्राथिफोरनि फारिलाइ होनाय जाबाय–
1. से-गुन्द्रासायारि: (a) धातुनङि : H, N, F, Cl, Br, I (b) धातु : Li, Na, K, Cu, Ag, Hg, Au
2. नै-गुन्द्रासायारि: (a) धातुनङि : N, O, S, Se (b) धातु : Be, Mg, Ca, Sr, Ba, Cu, Mn, Fe Co, Ni, Zn, Sn, Hg, Pt, Pb
3. थाम-गुन्द्रासायारि: (a) धातुनङि : N, P, B (b) धातु : Al, Cr, Fe, Au, Bi
4. बै-गुन्द्रासायारि: (a) धातुनङि : N, S (b) धातु : Sn, Pt, Ti, Mn, Pb
5. बा-गुन्द्रासायारि: (a) धातुनङि : N, P (b) धातु : V
6. द’-गुन्द्रासायारि : (a) धातुनङि : S
He, Ne, Ar, Kr, Xe आरो Re आ जादों दद्र’ गेस।
बे गेसफोरनि अरजाबग्राथिया लाथिख’। बेसोरखौ ओंखायनो लाथिख’ अरजाबग्राथि गुदि मुवा बुङो। एखुथा थाथाइयाव जेन ‘न (Xe) आ अक्सिजेन आरो फ्ल’रिननि लोगोआव खौसे मुवा दायो। बेबादि खौसे मुवा माखासेया जाबाय–
XeFe₂, XeF₄, XeO₃ आरो XeO₄ बेयाव Xe आ 2, 4, 8 आरो 8 अरजाबग्राथि दिन्थियो।
हानजा एबा रोदा (Group or Radical) : आयनारि खौसे मुवाफोरनि सार्जगोनां मोननै आयन आरो हानजा थायो। हानजाया दाजाबथाइ एबा दानख ‘थाइ सार्ज गोनां मोननै एबा बेनिख्रुइ बांसिन गुन्द्रासानि जथाइ एबा थुबुरथि। हान्जाया एबा रोदाया मोनसे, मोननै एबा बेनिख्रुइ बांसिन गुन्द्रासाया ज’ एबा थुबुर जायोब्ला, बेखौ खौसे मुवानि हानजा बुङो। दानख ‘थाइ सार्ज गोनां हानजाखौ एनायन एबा एसिडारि हानजा आरो दाजाबथाइ सार्ज गोनां जायोब्ला केटायन एबा खारदैआरि हानजा बुङो। बे दानख ‘थाइ एबा दाजाबथाइ सार्जनि अनजिमाखौनो हानजानि अरजाबग्राथि बुङो।
1. से-गुन्द्रासायारि : खारदैआरि हानजा– H⁺, Na⁺, K⁺, NH₄⁺, Cu⁺ (किउप्रास), Ag⁺, Hg₂²⁺ (मारकिउरास), Au⁺ (अ ‘रास)।
एसिडआरि हानजा– F⁻, Cl⁻, Br⁻, I⁻, NO₃⁻, HCO₃⁻, (बाइकार्बनेट), NO₂⁻ (नाइट्राइट), HSO₄⁻ (बाइसालफेट), MnO₄⁻ (पारमेंगानेट), OH⁻ (हाइड्र ‘क्साइड)।
2. नै-गुन्द्रासायारि : खारदैआरि हानजा– Be²⁺, Mg²⁺, Ca²⁺, Sr²⁺, Ba²⁺, Cu²⁺ (किउप्रिक), Fe²⁺ (फेरास), CO²⁺, Ni²⁺, Mn²⁺ (मेंगेनास), Sn²⁺ (ष्टेनास), Zn²⁺, Pb²⁺ (प्लाम्बास), Hg²⁺ (मारकिउरिक), Pt²⁺ (प्लेटिनास)।
एसिडआरि हानजा : O²⁻, S²⁻, CO²⁻, SO₄²⁻, SO₃²⁻, ZnO²⁻ (जिंकेट), CrO₄²⁻ (क्रमेट), CrO₇²⁻ (डाइक्रमेट), SiO₃²⁻ (सिलिकेट)।
3. थाम-गुन्द्रासायरि : खारदैआरि हानजा– Al³⁺, Fe³⁺ (फेरिक), Cr³⁺, Co₃⁺, Sb³⁺, Bi³⁺
एसिडआरि हानजा : BO₃³⁻, PO₄³⁻, AsO₄³⁻, ASO₃³⁻ (आरसेनाइट)।
4. ब्रै-गुन्द्रासायारि : खारदैआरि हानजा– Sn⁴⁺ (ष्टेनिक), Pt⁴⁺ (प्लेटिनिक), Pb⁴⁺ (प्लाम्बिक)।
गुन्द्रामायारि फरमुला : गुदि मुवा एबा खौसे मुवाफोरनि गुन्द्रामा मोनसेयाव थानाय गुदि मुवानि दिन्थिसिनजों दिन्थिसिननि गाहायाव आफा हिसाबै गुन्द्रासानि अनजिमाखौ दिन्थिना फज ‘नायखौनो गुन्द्रामायारि फरमुला बुङो। बिदिन्थि हिसाबै हाइड्र ‘जेननि गुन्द्रामानि दिन्थिसिनआ H₂ क्लरिन Cl₂ दै H₂O₂ सालफिउरिक एसिड H₂SO₄ बायदि बायदि।
खौसे मुवानि गुन्द्रामायारि फरमुला लिरनायनि नेमआ जादों– जुदि A आ गुदि मुवा मोनसेनि x अनजिमानि गुन्द्रासाया B गुदि मुवानि ‘y’ अनजिमानि गुन्द्रासानि लोगोआव लोगो नांनानै AB खौसे मुवा मोनसे दायो, अब्ला खौसे मुवानि गुन्द्रासायारि फरमुलाया जागोन– AyBx । x आरो y खौ A आरो B नि अरजाबग्राथि बुङो। बिदिन्थि हिसाबैः दैनि गुन्द्रामानि गुन्द्रामायारि फरमुलाया = H₂O₁ थामहिनबा H₂O बेयाव H नि अरजाबग्राथिया = 1 आरो O नि अरजाबग्राथिया = 2
रोखोमसेयैनो, AgNO₂ आ जादों सिलभार नाइट्रेडनि फरमुला। बेयाव Ag नि अरजाबग्राथिया = 1 आरो NO₃ खौसे मुवा हानजानि अरजाबग्राथिया = 1।
म ‘ल (Mole) : माबेबा मुवानि जाय बिबांआव 6.023×10²³ अनजिमानि सेरेप (गुन्द्रामा, गुन्द्रासा, आयन) थायो बे बिबांखौनो से म ‘ल बुङो। जैरै– से म’ल हाइड्र’जेन गुन्द्रासा = 6.023×10²³ मोन H नि गुन्द्रासा। गुबुन रावआव, जायखिजाया मुवानि ग्राम गुन्द्रामायारि मोदोमबांखौ से म’ल बुङो। जैरै– 1 म’ल दैनि (H₂O) मोदोमबां = 2×H+O=2×1+16=18 ग्राम।
आरोबाव, फोरमानथाइयारि, दुंथाइ आरो नारथाइयाव 22.4 लिटार गेसनि बिबांखौनो से म’ल बुङो। थामहिनबा 1 म ‘ल SO₂ गेस बुङ़ब्ला फोरमानथाइयारि, दुंथाइ आरो नारथाइयाव गेसनि बिबांआ 22.4 लिटार।
एभ ‘गेड्र ‘नि अनजिमाया जादों– 6.023×10²³ गुबुन फारसेथिं।
एभ ‘गेड्र ‘नि दिदोमआ जादों– 6.023×10²³ म ‘ल’।
फोरमानथाइयारि नारथाइ आरो दुथाइ : 1 बारमण्डलारि नौरथाइ (=1.013×10⁵ पास्केल) खौ फोरमानथाइयारि नारथाइ आरो O°C एबा 273K दुंथाइखौ फोरमानआरि दुंथाइ बुङो।
एभ ‘गेड्र’नि अनजिमा (Na एबा No) : से ग्राम गुन्द्रामानि गेसआव थानाय गुन्द्रामानि अनजिमाखौनो एभ ‘गेड्र’नि दिदोम एबा एभ ‘गेड्र’नि अनजिमा बुङो। इलेकट्र ‘नारि अरजाबग्राथि दिहुननाय, स्रां बेस्रांथि, सोरां गोसारथि फरायसंनाय आरिनिफ्राय एभ ‘गेड्र ‘नि अनजिमा (Na) खौ दिहुननाय जायो। बेनि मानआ 6.022×10²³ मोनफ्रोम म ‘ल।
| Chapter No. | CONTENTS |
| खोन्दो – 1 | जोंनि सोरगिदिं थानाय मुवाफोर |
| खोन्दो – 2 | जोंनि सोरगिदिं थानाय मुवाया गोथार नामा? |
| खोन्दो – 3 | गुन्द्रासा आरो गुन्द्रामाफोर |
| खोन्दो – 4 | गुन्द्रासानि दाथाइ |
| खोन्दो – 5 | जिउनि गुदि सानगुदि |
| खोन्दो – 6 | बिदाम |
| खोन्दो – 7 | जिउआरि मुलुगनि फारागथि |
| खोन्दो – 8 | खारथाइ |
| खोन्दो – 9 | बोलो आरो खारथाइनि बिखान्थिफोर |
| खोन्दो – 10 | बोगथाबमा |
| खोन्दो – 11 | हाबा आरो शक्ति |
| खोन्दो – 12 | सोदोब |
| खोन्दो – 13 | जों मानो लामाजायो? |
| खोन्दो – 14 | मिथिंगायारि सम्पदफोर |
| खोन्दो – 15 | आदार सम्पदनि साबखांहोनाय |
Notes of Class 9 Science in Bodo Medium | Bodomedium Class 9 Science notes इस पोस्ट में हम आपको ये समझा ने कि कोशिश की है की Bodo Medium 9th class Science Question answer | Class 9 General Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।