Bodo Medium Class 10 Social Science Chapter 9 Question Answer आसामनि भुमखौरां Geography of Assam. Class 10 Social Science Question Answer in Bodo to each Chapter is provided in the list of SCERT, NCERT, SEBA सामाज बिगियान Bodo Medium Class 10 Social Science Chapter 9 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Class 10 Social Science Chapter 9 Question Answer. Class 10 Bodo Medium Social Science Chapter 9 Questions Answer. SEBA Bodo Medium Class 10 Social Science Chapter 9 आसामनि भुमखौरां Notes covers all the exercise questions in NCERT, SCERT.
Class 10 Social Science Chapter 9 आसामनि भुमखौरां
Bodo Medium Class 10 Social Science Chapter 9 बोडो मीडियम कक्षा 10 सामाज बिगियान खोन्दो 9 आसामनि भुमखौरां Question Answer | Geography of Assam | इस पोस्ट में हम आपको ये समझा ने कि कोशिश की है की कक्षा 10 बोडो मीडियम सामाज बिगियान खोन्दो 9 आसामनि भुमखौरां Question Answer. अगर आप एक सात्र या शिक्षाक हो बोडो मीडियम की, तो आपके लिए ये बोडो मीडियम कक्षा 10 सामाज बिगियान खोन्दो 9 Question Answer बोहत लाभदायक हो सकता है। कक्षा 10 सामाज बिगियान खोन्दो 9 मे आप अपना ध्यान लगाके पढ़ कर इस कक्षा 10 सामाज बिगियान में अछि Mark ला सकते हो अपनी आनेवाली परीक्षा में।
खोन्दो 9 आसामनि भुमखौरां
Chapter 9 Geography of Assam
ब्रेथि खोन्दो
बांसायख’ सोंथिनि फिननाय
गेबें फिननायखौ सायख’:
सों 1. 2011 मायथाइनि सुबुं साननायनि खारिथि बादिब्ला आसामनि गासै सुबुंअनजिमाया–
(क) 159.99 लाखा।
(ख) 312.05 लाख।
(ग) 152.66 लाख।
(घ) 232.15 लाख।
फिन : (ख) 312.05 लाख।
सों 2. आसामनि सुबुंअनजिमा बांनायनि जौखोन्दो हारा बांसिनमोन–
(क) 1961 मायथाइयाव।
(ख) 1971 मायथाइयाव।
(ग) 2001 मायथाइयाव।
(घ) 1991 मायथाइयाव।
फिन : (क) 1961 मायथाइयाव।
सों 3. आसामनि सुबुंअनजिमानि रोजोबथाया मोनफ्रोम बर्ग कि.मि. आव–
(क) सा 340
(ख) सा 102
(ग) सा 286
(घ) सा 398
फिन : (ग) सा 398
सों 4. आसामनि मादाव बांसिन सुबुंअनजिमा थानाय जिलाया जाबाय–
(क) कामरुप मेट्र।
(ख) कक्राझार।
(ग) नगाव।
(घ) धुबुरी।
फिन : (ग) नगाव।
सों 5. आसामसिम हाबफैनाय गिबि सुबुं दाहारा जादोंमोन–
(क) तिबेत – बर्मन।
(ख) इन्द – आर्य।
(ग) मंगलीय।
(घ) अस्ट्रिक।
फिन : (घ) अस्ट्रिक।
सों 6. आसामाव हाबफैनाय आह ‘म सुबुंफोलेरा गुबैयै–
(क) मंगलीय फोलेरनि।
(ख) आर्य फोलेरनि।
(ग) ककेसीय फोलेरनि।
(घ) अस्ट्रिक फोलेरनि।
फिन : (क) मंगलीय फोलेरनि।
सों 7. बक्सिरहाटनिफ्राय राखाल दुबि जानानै जालुकबारिस्सिम थांनाय राजा लामानि नम्बरा–
(क) 31
(ख) 36
(ग) 52
(घ) 31
फिन : (घ) 31
सों 8. 2012-13 मायथाइनि खारिथि बादिब्ला आसामनि रेल लामानि गासै गोलावा जादों।
(क) 2,458.93 कि.मि.
(ख) 1,470.06 कि.मि.
(ग) 988.87 कि.मि.
(घ) 891.00 कि.मि.
फिन : (क) 2,458.93 कि.मि.।
सों 9. आसामाव हादोरारि हाग्रामा दङ गं–
(क) 20
(ख) 5
(ग) 7
(घ) 12
फिन : (ख) 5।
सों 10. आसामनि सुबुङा आबाद खोन्दोआव सरजाबनानै दं–
(क) 50 जौखोन्दो।
(ख) 85 जौखोन्दो।
(ग) 53 जौखोन्दो।
(घ) 60 जौखोन्दो।
फिन : (ग) 53 जौखोन्दो।
सों 11. भारतनि मादाव बांसिन मुगा खुन्दुं दिहुनग्रा हादोरसाया जाबाय–
(क) अरुनाचल।
(ख) आसाम।
(ग) महाराष्ट्र।
(घ) तामिलनादु।
फिन : (ख) आसाम।
सों 12. भारतनि मादाव गोजामसिन थाव मोनग्रा थावनिया–
(क) नाहरकटिया।
(ख) बङाइगाव।
(ग) डिगबै।
(घ) गुवाहाटी।
फिन : (ग) डिगबै।
सों 13. आसामनि मादाव रोजोबसिन सुबुंअनजिमा थानाय जिलाया जाबाय–
(क) नगाव।
(ख) बाकसा।
(ग) कामरुप मेट्र।
(घ) डिमा हासाव।
फिन : (ग) कामरुप मेट्र।
सों 14. आसामनि हा दब्लायथिया जाबाय–
(क) 78,438 बर्ग कि.मि.
(ख) 78,348 बर्ग कि.मि.
(ग) 56,770 बर्ग कि.मि.
(घ) 60,572 बर्ग कि.मि.
फिन : (क) 78,438 वर्ग कि.मि.।
सों 15. एसियानि बयनिख्रुइ गोजामसिन थाव सोदांग्राया जाबाय–
(क) बगांइगाव।
(ख) गुवाहाटी (नुनमाति)।
(ग) दिगबै।
(घ) नुमलिगड़।
फिन : (ग) दिगबै।
सों 16. भारतबर्षनि गासै हा-अरथायनि आसामनि बाहागोआ–
(क) 2.4 जौखोन्दो।
(ख) 44.2 जौखोन्दो।
(ग) 5.4 जौखोन्दो।
(घ) 56.1 जौखोन्दो।
फिन : (क) 2.4 जौखोन्दो।
फरानि सोंनायनि फिननाय
सों 1. आसामनि हा खालि, सुबुंअनजिमा आरो सुबुंअनजिमानि रोजोबथि सोमोन्दै खारिथि होना सुंद ‘यै लिर।
फिन : आसामा भारतबर्षनि गासै हा बाहागोनि 2.4 जौखोन्दो अदेबानि 78, 438 बर्ग कि.मि. फ्राम हा बाहागो बेंखनना लादों। भारतनि 2011 मायथाइनि सुबुं साननायनि खारिथि बादिब्ला भारतनि गासै सुबुंअनजिमानि 2.6 जौखोन्दोफ्राम सुबुंफोरा आसामाव थायो। आसामनि, गासै सुबुंअनजिमाया जादों 312.05 लाख आरो बेनिनो 159.93 लाख हौवा आरो 152.66 लाख आइजो। हादोरसायाव सोलोंथाइ मोननाय सुबुंनि अनजिमाया 2001 मायथाइयाव 63.25 जौखोन्दो आरो 2011 मायथाइयाव 72.19 जौखोन्दोसिम बाङो।
आथोन रुजुथाइखौ नायोब्ला नुनो मोनोदि 2001 मायथाइयाव 1000 हौवाफोरनि उलथायै आइजोफोरा जादोंमोन 935 सा आरो 2011 मायथाइयाव 958 सिम बाङो। 2011 मायथाइनि खारिथि बादिब्ला 85.90 जौखोन्दो सुबुङा गामियाव आरो। 14.09 जौखोन्दो सुबुङा नोगोराव थायो।
भारतबर्षनि गुबुन गुबुन हादरसाफोरनि बादि आसामावबो सुबुं अनजिमाया बांदों। सुबुंअनजिमा बांनायजों लोगोसे गुबुन मोनसे गोसो होनो गोनां आयदाया जादों सुबुंअनजिमानि राननाय। आसामनि सुबुंअनजिमाया हादरसानि गासै ओनसोलाव सुबुं थानाय आरो सुबुंअनजिमानि राननाया समान नङा। सुबुं थानाया बबेबा ओनसोलाव रोजोब आरो बबेबा ओनसोलाव सुबुंअनजिमाया खम एबा गेसें थायो।
भारतनि सुबुं साननाय खारिथि बादिब्ला 1901 मायथाइयाव आसामाव सुबुंअनजिमानि रोजोबथाइया जादोंमोन मोनफ्रोम बर्ग कि.मि.आव सा 42 ल’। 1941 मायथाइयाव सुबुंअनजिमानि रोजोबथाइया 1901 मायथाइनि रुजुनायाव फाननै बांनानै सा 85 जाहैयो। उदांस्रि मोननायनि एसे उनावनो 1951 मायथाइयाव आसामनि सुबुंअनजिमानि रोजोबथाइया मोनफ्रोम बर्ग कि.मि. आव सा 102 सिम बाड़ो। बेनि उननि समाव सुबुंअनजिमानि रोजोबथाइया फारियै बांबोदों। 1991 मायथाइयाव सुबुंअनजिमानि रोजोबथाइया मोनफ्रोम बर्ग कि.मि. आव सा 286, 2001 मायथाइयाव सा 340 आरो 2011 मायथाइयाव सा 398 सिम बांदों।
आसामनि गुबुन गुबुन ओनसोलनि गुबुन गुबुन मिथिंगायारि आबहावा बादियै हादरसायाव सुबुंअनजिमानि रोजोबथाइयाबो समान नङा। जायगा लायै जायगा सुबुंनि थाथाइया गुबुन गुबुन। बुरलुंबुथुर सेरफांनि हायेन ओनसोल, हासार गोनां हा, आबादनि मोजां राहा आरो हान्था मेला सुबिदानि थाखाय ओनसोलाव सुबुंनि रोजोबथिया गोबां। बे ओनसोलाव हादरसानि गासै सुबुं अनजिमानि 85 जौखोन्दो थायो। 2011 मायथाइयाव मोनफ्रोम बर्ग कि.मि. आव सा 1502 सिम बाङो। बेबादिनो बराक सेरफां ओनसोलाव 2011 मायथाइयाव मोनफ्रोम बर्ग कि.मि. आव सा 545 थायो। फारसेथिं कारबि आंलं आरो डिमाहासाव हाजोआरि जिला गंनैयाव सुबुं थानाय आरो रोजोबथिया खम। बे ओनसोलाव 2011 मायथाइयाव साननाय बादिब्ला मोनफ्रोम बर्ग कि.मि. आव सा 68 थायो।
सों 2. आसामनि सोलोंथाइ हारा माबोरै बांदों सुंद ‘यै मख’।
फिन : आसामनि गासै सुबुं अनजिमाया जादों 312.05 लाख आरो बेनिनो 159.93 लाख हौवा आरो 152.66 लाख आइजो। हादरसायाव सोलोंथाइ मोननायनि अनजिमाया 2001 मायथाइयाव 63.25 जौखोन्दोमोन आरो 2011 मायथाइयाव 72.19 जौखोन्दोसिम बाङो। बिनिफ्राय हमदांनो हायोदि आसामनि सोलोंथाइया जौगाबोगासिनो दं। 2001 निफ्राय 2011 सिमनि जि बोसोराव आसामनि सोलोंथाइनि हारा बांदों 8.94 जौखोन्दो।
सों 3. 2011 मायथाइनि खारिथि बादिब्ला आसामाव गंबेसे गिबि थाखोनि आरो गंबेसे नैथि थाखोनि सोहोर दं?
फिन : 2011 मायथाइनि सुबुं अनजिमा साननायनि खारिथि बादिब्ला आसामाव गं 7 गिबि थाखोनि आरो गं 6 नैथि थाखोनि सोहोर दं।
सों 4. 1901 मायथाइनिफ्राय 2011 मायथाइसिम आसामनि सुबुंअनजिमा बांनायनि सोमोन्दै सावराय।
फिन : 1901 मायथाइयाव आसामनि सुबुं अनजिमाया जादोंमोन 3,289,680 सा। हादोरसायाव 1901 मायथाइनिफ्राय मोनफ्रोमबो 10 बोसोराव सुबुं अनजिमाया फारियै बांबोना 1941 मायथाइयाव जाहैयो 6,694,790 सा। 11901 मायथाइनिफ्राय 1941 मायथाइसिम 40 बोसोरनि गेजेराव बांनानै फाननैनि बांसिन जाहैदों। आसामाव 1901-11 मायथाइयाव सुबुंअनजिमानि बांनाय हारा जादोंमोन 16.11 जौखोन्दो। उननि जिथाय 1911-21 आव 20.48 जौखोन्द्रोसिम बाङो। बिनि उननि मोनथाम जिथायाव सुबुं अनजिमानि बांनाय हारा समानै थाफ्रामो। 1921-31 जिथायाव 19.90 जौखोन्दो, 1913-41 जिथायाव 20.40 जौखोन्दो आरो 1941-51 जिथायाव 19.93 जौखोन्दो। नाथाय 1951 मायथाइनिफ्राय आसामनि सुबुंअनजिमाया गोख्रै हाराव बांनाय नुनो मोनो।
जर’खायै 1951-61 आरो 1961-71 जिथाय मोननैयाव हादोरसानि सुबुंअनजिमाया सिंगांनि 19 एबा 20 जौखोन्दो बांनायनि रुजुनायाव फारियै 34.98 जौखोन्दो आरो 34.95 जौखोन्दोसिम बांदोंमोन। नाथाय बिनि उननि जिथायफोराव सुबुंअनजिमा बांनाया फारियै खम जाबोयो। 1971-81 आव 23.36 जौखोन्दो, 1981-91 आव 24.24 जौखोन्दो, 1991-2001 आव 18.92 जौखोन्दो आरो 2001-11 आव 17.07 जौखोन्दो। हादोरसायाव सुबुंअनजिमा बांनाया फारियै खम जाबोनायनि जाहोना जादों जोनोमनि हार खमायनाय आरो सुबुंफोरनि सांग्रांथि लोगोसे सोरखारनि सांग्रांथि, फारसेथिं बायजो हादोरनिफ्राय हाबसन फैनाया खम जादों।
सों 5. भुमखौराङारि ओनसोलनि जुदाथि मानसावगारि मददजों आसामनि सुबुंअनजिमानि राननायखौ सावराय।
फिन : आसामनि भुमखौराङारि बिथाथिखौ नायनानै बुरलुंबुथुर सरेफां, बराक सेरफां आरो हाजोआरि ओनसोल बे मोनथाम बाहागोआव राननो हायो।
आसामनि गुबुन गुबुन ओनसोलनि गुबुन गुबुन मिथिंगायारि आबहावा बादियै सुबुंअनजिमाया गासै ओनसोलावनो समान नङा। बिखायनो ओनसोल लाना ओनसोल सुबुंअनजिमानि रोजोबथाया समान नङा। बुरलुंबुथुर सेरफांनि हायेन, हासारगोनां हा, मोजां आबाद मावनाय आरो हान्थामेलानि मोजां राहानि थाखाय सुबुं थानाया रोजोब। बे सेरफांआव आसामनि गासै सुबुंअनजिमानि 85 जौखोन्दो सुबुङा थायो।
बेवहाय सुबुंअनजिमानि रोजोबथाया 2011 मायथाइयाव सा 1502 बे सेरफांनि सानजा बाहागोआव गासै सुबुंअनजिमानि 21 जौखोन्दोफ्राम सुबुङा थायो। 2011 मायथाइनि खारिथि बादिब्ला सुबुं अनजिमानि रोजोबधिया से बर्ग कि.मि. आव सा 371 फारसेथिं गेजेर बरलंबुथुर सेरफां ओनसोलाव गासै सुबुंअनजिमानि 27 जौखोन्दोफ्राम सुबुङा थायो। 2011 मायथाइयाव बे ओनसोलनि सुबुंअनजिमानि रोजोबथाया मोनफ्रोम बर्ग कि. मिटाराव सा 500 आफां बुरलुंबुथुर सेरफां ओनसोलाव बुरलुंबुथुर सेरफांनि 36 जौखोन्दोफ्राम सुबुङा थायो। बेयाव सुबुं अनजिमानि रोजोबथाया मोनफ्रोम बर्ग कि.मिटाराव सा 631
बराक सेरफांनि हासार गोनां हायेन ओनसोला आबाद मावनाय आरो हान्था मेलानि थाखाय मोजां जानायखाय सुबुं थानाया रोजोबथार। 2011 मायथाइनि खारिथि बादिब्ला सुबुंअनजिमानि रोजोबथाया जादों मोनफ्रोम बर्ग कि.मिटाराव सा 545 आसामनि गासै सुबुंअनजिमानि 11 जौखोन्दोफ्राम सुबुङा बराक सेरफांआव थायो।
बुरलुंबुथुर आरो बराक सेरफांनि गेजेराव थानाय कार्बि आंलं आरो डिमा हासाव हाजोआरि जिला गंनैया हाजोआरि ओनसोलनि गाज्रि मिथिंगायारि थासारिनि जाहोनाव सुबुं थानाया गेसें। बे हाजोआरि ओनसोलाव आसामनि गासै सुबुंअनजिमानि 3.75 जौखोन्दोफ्राम सुबुं थायो। बेयाव सुबुंअनजिमानि रोजोबथाया 2001 मायथाइनि सुबुं साननाय खारिथि बादिब्ला मोनफ्रोम बर्ग कि.मिटाराव सा 58 आरो 2011 मायथाइयाव सा 68.
सों 6. आसामनि सुबुंअनजिमा गोसारनायनि जुदा जुदा जानाय जाहोनफोरखौ बिदिन्थि होना सुंद यै सावराय।
फिन : आसामनि गासिबो थावनियावनो सुबुंअनजिमानि रानसारनाया एखे नङा। ओनसोल लाना ओनसोल सुबुं अनजिमानि थाथाया गेसें आरो गुबुं। बेफोरबादि जुदा जुदा जानायनि गुबै जाहोनफोरा जादों- मिथिंगायारि थासारि आबहावा, हानि रोखोम, ‘ मिथिंगायारि सम्पद, हान्था मेला, रांखान्थियारि थासारि, खुंथायारि थावनि बायदिनि सायावनो सुबुंअनजिमानि गोसारथिया सोनारो।
(क) बुरलुंबुथुर सेरफां : आसामनि बुरलुंबुथुर सेरफांआव आसामनि सुबुं अनजिमानि 84.63 जौखोन्दो सुबुं थायो। बेयाव मोनफ्रोम बर्ग कि.मिटाव सा 1502 थायो। बे एसेबां रोजोब सुबुंअनजिमा थानायनि जाहोनफोरखौ नायोब्ला जों नुनो मोनो– बे ओनसोलनि हाया समान (हायेन) बेखायनो आबाद मावनायनि थाखाय साबजाथाव।
हायेन जानायखाय हा लामा, रेल लामा आरो (अख्रां) बिरखं लामाफोरखौ बानायनो सुबिंदा जायो। बे ओनसोलनि आबहावाया आबादनि थाखाय साबजाथाव। बुरलुंबुथुर दैमाया बे फैलाव हायेननि बिखाजों सानजानिफ्राय सोनाबसिम बोहैलांदों। बेखायनो सानजानिफ्राय सोनाबसिम दै लामानि मोजां सुबिदा जाखांदों। हायेननि खर’सा बाहागोआवं खैला, पेट्रल बायदिनि फुंखाफोर दं। फारसेथिं बे ओनसोलाव गोबां फालांगि मिरु आरो खुंथायारि थावनिफोर गायसन जादों। बेखायनो बे ओनसोलाव सुबुंअनजिमानि रोजोबथिया गुबुन ओनसोलनि रुजुनायाव बांसिन जादों।
(ख) बराक सेरफां : आसामनि बराक सेरफां ओनसोलाव आसामनि गासै सुबुंअनजिमानि 11.62 जौखोन्दो सुबुं थायो। बे ओनसोलाव मोनफ्रोम बर्ग कि. मिटाराव सा 545 थायो। बराक सेरफां ओनसोलाव बे रोखोमनि सुबुंअनजिमानि रोजोबथि जानायनि जाहोनफोरखौ नायोब्ला नुनो मोनो- बे ओनसोलनि हाया समान, आबाद हान्था-मेला आरो आबाहावाया सुबुं थानायनि थाखाय साबजाथाव। फारसेथिं बे ओनसोलाव खनि बेसादफोरनि फुंखा गेयाब्लाबो खुंथायारि मिरु थावनि आरो सोलोंथायारि मिरुफोर गायसन जानायनि थाखायनो सुबुं अनजिमा थानायनि रोजोबथिया गोबां जादों।
(ग) हाजोआरि ओनसोल : आसामनि बे ओनसोलाव आसामनि गासै सुबुंअनजिमानि 3.75 जौखोन्दो सुबुं थायो। ओनसोलाव मोनफ्रोम बर्ग कि.मि.आव सा 68 थायो। आसामनि मादाव बे ओनसोलावनो सुबुंअनजिमानि रोजोबथिया खमसिन। बे ओनसोलाव मोननै जिला डिमा हासाव आरो कारबि आलं दं। मोननैबो जिलाया हाजो आरो जौयेनजों बुंफबनाय। बेखायनो बे ओनसोलाव सुबुं थानायनि थाखाय खाबजाथाव नङा। हाजो जौयेनजों बुंफबनायखायनो आबाद मावनायनि थाखाय असुबिदा, हान्था-मेलानि थाखाय जेंना, बेफार फालांगिनि थाखायबो साबजाथाव नङा। बेखायनो बे ओनसोलाव सुबुं थाथाया गुबुन ओनसोलनि रुजुनायाव गेसेंसिन।
सों 7. 2011 मायथाइनि खारिथिबादियै आसामनि जिलाफोरनि गेजेराव बयनिख्रुइ बांसिन सुबुंअनजिमा आरो सुबुंअनजिमा रोजोब थानाय आरो बयनिख्रुइ खम सुबुंअनजिमा आरो सुबुंअनजिमानि खम रोजोब थानाय जिलानि मुंखौ मख’।
फिन : 2011 मायथाइनि खारिथि बादिब्ला आसामनि जिलाफोरनि मादाव बयनिख्रुइ बांसिन सुबुंअनजिमा थानाय जिलाया जाबाय नगाव आरो सुबुंअनजिमा रोजोब थानाय जिलाया जाबाय कामरुप मेटू’ आरो बयनिख्रुइ खम सुबुंअनजिमा आरो खम रोजोब थानाय जिलाया जाबाय डिमा हासाव (सा कासार)।
सों 8. आसामनि सुबुंअनजिमा बांनायनि जाहोनफोरखौ सुंद ‘यै सावराय।
फिन : आसामाव गोबां हारै सुबुंअनजिमा बांनायनि जाहोना जादों गुबैयै मोननै। बेनि मोनसेया जादों सरासनस्रा सुबुंअनजिमा बांनाय आरो गुबुन मोनसेया जादों बायजोनिफ्राय हादोरसासिम गोबां बिबाङाव हाबफैनाय। हादोरसानि सुबुंअनजिमा बांनाय बेलायाव सरासनस्रा बांनायनिख्रुइ गुबुननिफ्राय हाबफैनायनि बिफावा बांसिन। आसामनि सुबुंअनजिमानि सरासनस्रा बांनायनि जाहोनाव हादोरसायाव जि हाराव सुबुंअनजिमा बांदों, बेनि समानफ्राम हाराव भारतबर्षनि सुबुंअनजिमायाबो बांदों। बेनिखायनो आथिखालाव गोबां बिबाङै सुबुंअनजिमा बांनायनि बेलायाव आसामाव गोबां बिबाङै गुबुननि सुबुं हाबफैयामोनब्ला आसामनि सुबुं अनजिमाया सरासनस्रायैनो बांबाय थागौमोन। बेनिखायनो गुबुननि सुबुं हाबफैनाया आसामनि सुबुंअनजिमा बांनायनि मोनसे गाहाइ जाहोन होनना मोनथि जायो।
सों 9. आसामसिम गोजान मुगानिफ्राय आथिखालसिम बायजोनिफ्राय हाबफैनाय सुबुंनि बोहैथि दाहारफोरखौ फारियै मख’।
फिन : समाज बिगियानिफोरा हमना लानाय बादिब्ला जानो हागौ आसामसिम हाबफैनाय गिबि सुबुं दाहारा जादोंमोन अष्ट्रिक सुबुं फोलेर। अष्ट्रिकफोरनि उनाव आसामाव हाबफैनाय सुबुंफोलेर हानजाया जादोंमोन तिबेत-बर्मन राव बुंग्रा मंगलिय ‘फोर। मंग’लीय’ सुबुं फोलेरनि सुबुंफोरा फैनाय उनाव इन्द’ आर्य राव बुंग्रा सुबुंफोरा गंगा हायेन ओनसोलनिफ्राय आसामसिम हाबफैदोंमोन। 13 जौथायसोनि जागायनायावनो इन्द- एरियान फोलेरनि इसलाम दोहोरोमनि दोलोसे सुबुं आसामाव हाबफैयो। आसामसिम फैनाय गुबुन मोनसे सुबुं हारिया जादों आहमफोर। 1228 मायथाइयाव सुकाफानि दैदेननायाव सा म्यानमारनि सान जौयेननिफ्राय पाटकाइ हाजो बारनानै आसामाव फैयो।
ब्रिटिसफोरा 1826 निफ्राय आसामखौ सालायनो लानाय उनावबो आसामसिम खम बिबाङैब्लाबो सुबुं हाबफैनाया जाबाय थादोंमोन। ब्रिटिसफोरा गावसोरनि खुंथायारि रांखान्थियारि आरो फालांगियारि हाबा-हुखाखौ सामलायनो थाखाय बेंगल, बिहार, उत्तर प्रदेश, राजस्थान बायदिनिफ्राय गोरों सुबुंफोर लाबोदोंमोन। बेनि अनगायैबो नेपालनिफ्राय नेपालि हारिनि सुबुंफोरखौबो ब्रिटिसफोरा लाबोदोंमोन। साह आबादाव खामानि मावनो थाखाय स’ट’नागपुर जौयेन ओनसोलनिफ्राय मुनदारि राव बुंग्रा सुबुंफोरखौ लाबोयो। आसामसिम फैनाय गुबुन मोनसे मख’जाथाव सुबुंहारिया जादों सानबा बंग’ (बांलादेश) निफ्राय फैनाय मुसलमानफोर।
भारत हादोरा उदांस्रि मोननाय समाव हादोरखौ बोखावनायनि जाहोनाव गोबां हिन्दु सरनार्थिया सानजा पाकिस्ताननिफ्राय भारतसिम आरो आसामसिम फैना थाफैयो। मख’नो गोनांदि बांलादेशनिफ्राय आसामाव सुबुं हाबफैनाया आथिखाल समावबो सोलिगासिनो दङ। फारसेथिं भारतनि हादोरसाफोरनिफ्राय इसिङारि हाबफैनायाबो सरासनस्रायै जागासिनो दं आरो बिसोर आसामाव गोजोरै थानो लानायनि जाहोनाव आसामनि सुबुं दाथाया गोबारै सोलायदों।
सों 10. आसामनि आह’मफोरनि सुबुं फोलेरनि सिनायथिखौ मख’ना लिर।
फिन : आहमफोरा गुबैयै मंगलीय सुबु फोलेरनि मोनसे हानजा। 1228 मायथाइयाव सुकाफानि दैदेननायाव सा म्यानमारनि सान जौयेननिफ्राय पाटकाइ हाजो बारनानै आसामाव हाबफैयो। बै हिसाबै आहमफोरनि गुदि थाग्रा खुलिया म्यानमारनि सान जौयेनमोन। बिसोर गिबियाव खर’सा आसामाव थानो लाना आहम रायजो गायसङो। उननि समाव बिथांमोना गासै बुरलुंबुथुर सेरफांखौ गावसोरनि खुंथाय सिङाव लाङो।
बिसोर आसामाव हाबफैना आसामनि राव, हारिमु आरो धोरोमखौ बजबना लाना असमीया हारि दानायाव मैखोम बाहागो लाबोदों। बिसोर आसामखौ दजौ बोसोरफ्राम रायजो खुंना आसामनि समाज हारिमुवाव गोबां बिहोमा होलांदों। आथिखालाव आहमफोरा खर’सा आसामनि तिनसुकिया, डिब्रुगड़, शिबसागर, जरहाट, गलाघाट, लखिमपुर आरो धेमाजि जिलानि अनगायैबो गेजेर आसामनि मरिगाव, नगाव आरो सनितपुर जिलायाव गोसारनानै दं।
सों 11. रोगादिंनाय राहाया आसामनि रांखान्थियारि जौगानायाव माबोरै हेफाजाब होदों सुंद’यै सावराय।
फिन : हान्था-मेलाया आथिखाल समनि रांखान्थियारि जौगाखांनायनि गोनांथार थादेरसा। हान्था-मेला राहानि गेजेरजों गुबुन गुबुन ओनसोलनि गेजेराव फोनांजाबनाय गायसननो हानायजों लोगोसे सम्पद, गियान आरो सोदोमस्रि हारिमुनि होलाय लालाय जायो। मोजां रोगादिंनाय राहानि जाहोनाव गंसे हादोरनि फारफ्रोमबोनिफ्राय आबुङै जौगानायजों लोगोसे थिसननाय आरो बेफार फालांगिनिबो जौगानाय लाबोयो। वे फारफ्रोमबो जौगानाय लाबोयो। बे फारफ्रोमबो जौगानाय लाबोनायजों लोगोसे रांखान्थियारि जौगानायाबो लोगोसे जाफायो।
आसामाव थानाय रोगादिंनाय (हान्था-मेला) राहाफोरा जाबाय लामा हान्था-मेला, रेल हान्था-मेला, दै हान्था-मेला आरो बिरखं हान्था-मेला। आबाद, शिल्प, फालांगि, फोनांजाब बायदि रांखान्थियारि खोन्दोफोरनि जौगानाया सोनारो मोजां हान्था-मेला (रोगाद़िनाय) राहानि सायाव। आसामा सा-सानजा भारतनि दरजा मोखां जानायखाय भारतबर्षजों लोगोसे सा-सानजा भारतनि हादोरसाफोरजों फोनांजाब गायसनदों।
बेनिखायनो आसामनि रोगादिंनाय राहानि जौगानायजों लोगोसे सा-सानजा भारतनि रांखान्थियारि जौगानाया थोंजोङै लोबबा दं। फारसेथिं आसामा भारतनि भुमखौराङारियै गोजानाव जानायखाय हान्था-मेला राहाया आसामनि रांखान्थियारि जौगानायनि मोनसे मख’जाथाव बिजों महरै गनाय जादों। आसामनि रोगादिंनाय राहाखौ जागा होबावोब्ला गुबुन गोबां बिथिङाव जौगाबावनायजों लोगोसे रांखान्थियावबो जौगानाय फैगोन।
सों 12. आसामनि दै रोगादिंनायनि सोमोन्दै सुंद ‘यै लिर।
फिन : आसामनि दै हान्था मेलानि राहाया गुबैयै इसिडारि हान्था- मेला राहा । भारतनि गासै दै सम्पदनि 32 जौखोन्दो दै सम्पद मोननो हानाय बुरलुंबुथुर, बराक आरो गोबां दैसाफोरा गोरोबना गुवार दै लामा सोरजिदों। सानजा सदियानिफ्राय धुबुरिसिम बुरलुंबुथुरनि 891 कि.मि. रुंमा लामा आरो बराकनि 121 कि.मि. रुंमा लामा दं। बुरलुंबुथुरनि दै लामाखौ 1988 मायथाइयाव हादोरनि नैथि हादोरारि दै लामा महरै फोसावनाय जादोंमोन।
बे दै लामाया आसामजों लोगोसे सा-सानजा भारतनि रांखान्थियारि जौगानायाव गोबां बिहोमा होबोदों। फारसेथिं बराक दैमानि लखिपुरनिफ्राय भांगासिम गासै 121 कि.मि. दै लामाखौ भारत सोरखारा 2013 मायथाइयाव हादोरनि 6 थि हादोरारि दै लामा महरै गनायथि होयो। बे मोननै दै लामाजों खारबाय थानाय रुंमा (जाहाज) नि मददजों खम खरसायाव मुवा-बेसाद रोगादिंना दुलाराय सा-सानजा भारत जर ‘खायै आसाम, नागालेण्ड, मेघालय, मिज’राम, मनिपुर, त्रिपुरा आरो अरुनाचल प्रदेशनि जौगानाय लाबोगोन होनना मिजिंथिनाय जादों।
आसामाव दै रोगादिंनाय राहाखौ जौगा होनायनि थाखाय मोननै सोरखारि फसंथान-मिरुवारि इसिङारि दै हान्था मेला निगम आरो इसिङारि दें हान्था मेला सन्सालकालया खामानि मावो। पाण्डुखौ लाफाना बुरलुंबुथुराव गोबां दैमा बन्दरफोर दं। बेनि अनगायैबो दावबायारि आरो मुवा बेसाद रोगादिंनायनि थाखाय बुरलुंबुथुर दैमानि मोननै सेरफाङाव गं 30 जरानिबो बांसिन फेरिघात दं। आथिखालाव बुरलुंबुथुर, बराक आरो बेफोरनि दैसाफोराव इसिङारि दै हान्था मेला बिफाननि मोनथाम मण्डलाव गासै गं 96 फेरी खारगासिनो दें। मोजा हान्था-मेला गैयि गोथौ ओनसोलफोरखौ लाफाना दावबायारि आरो मुवा बेसाद रोगादिंनायनि थाखाय दै रोगाथाय बिफाना गं 61 रुंमा (जाहाज) खारहोनायनि राहा लादों। बेनि अनगायैबो साफा साफा बिगोमानि गोबां फेरी आरो भुटभुटि नाव मानसि आरो मुवा-बेसाद रोगानायनि थाखाय सोलिगासिनो दें।
सों 13. आसामनि रोगादिंनाय राहा जौगानायनि हेंथा महरै नुजाथिनाय मोनबा गाहाइ जाहोनफोरखौ मख’।
फिन : आसामनि लामा हान्था-मेला, रेल हान्था-मेला, दै हान्था-मेला आरो बिरखं हान्था-मेला राहाया भारतवर्षनि गुबुन ओनसोलनि रुजुनायाव उन जाना दं। बे हान्था मेलाया जौगानायाव हेंथा महरै नुजाथिनाय मोनबा जाहोनफोरा जादों–
(क) हाजो, जौयेन, हायेन, फुलुंखोबनाय, दैब’ बायदि आखुथाय गोनां आसामनि गुबुन गुबुन रोखोमनि हानि थाखाय हान्था-मेलानि राहाखौ गोसारहोनायाव गोबां असुबिदा जायो।
(ख) आसाम हादोरसाया सोनाबहा गुसेब हा खोन्दोनि गेजेरजों भारतजों फोनांजाबदों आरो बिखायनो हान्था-मेलानि बेलायाव जेंना सोमजिदों।
(ग) उद्यगारि जौगानायनि बेलायाव आसामा भारतनि गुबुन माखासे रायजोफोरनि रुजुनायाव दासिम उन जानाने दं। बिनि गाहाइ जाहोना जादों आसामनि जौगायि हान्था मेला राहा। गुबुन फारसे उद्यगारि जोगायोब्ला सरासनम्रायै हान्था मेला राहायाबो समानैनो जौगागोन।
(घ) आसामाव दावबायदिंनाय उद्यग जौगानायनि थाखाय गोबां लामा दंब्लाबो बेनि जौगानायनि थाखाय नांगौबादि राहा लानाय जायाखै। दावबायदिंनाय उद्यगनि, जौगानाय बेलायाव गोसो होयोब्ला थारैनो हादोरसानि हान्था-मेला राहायाबो जौगानो हागोन।
(ङ) आसामनि गिदिर हाथाइनि आंखालाव बेनि हान्था मेला राहानि जौगानाया मिजिंथिनाय बादि जायाखै। हादोरसा गेजेरारि आरो मुलुगनां थाखोआव फालांगिजों आसामा सांग्राडै सरजाबनो हायाखे जायनि जाहोनाव नि हान्था,-मेला राहानि दाथाया लोरबां जाना दं।
सों 14. सम्पद बुङाब्ला मा बुजियो? आसामनि गाहाइ मिथिंगायारि सम्पदफोरा मा मा?
फिन : जाय मुवा-बेसाद, गुदि मुवा आनखि जिउआरिया जोंनि आंखाल आरो लुबैनायखौ आबुं खालामनो हायो बि फोरखौनो सम्पद होनना बुजिनाय जायो।
आसामनि मिथिंगायारि थासारिया हादोरसायाव ओनसोल लायै ओनसोल गुबुन गुबुन जानायनि थाखाय मिथिंगायारि सम्पदफोरनि बाहागो, गुन आरो गोसारनाया ओनसोल लायै ओनसोल जुदा जुदा। आसामाव मोननाय गाहाइ मिथिंगायारि सम्पदफोरा जादों- हा सम्पद, हाग्रामा सम्पद, खनिनि सम्पद आरो दै सम्पद।
सों 15. आसामनि गाहाइ थाव थिलिफोरखौ मख’।
फिन : आसामनि गाहाइ थाव थिलिफोरा जादों- डिगबै, नाहरकटीया, मरान–हुग्रीजान, रुद्र ‘सागर, लाकवा, गेलेकी, बरह’ला आरो आमगुरि।
सों 16. आसामनि दै सम्पदनि सोमोन्दै सुंद’यै लिर।
फिन : सा-सानजा भारतजों लोगोसे आसाम दै सम्पदआव दोहोनि। आसामाव थोजासे हा सानि दै सम्पद आरो हा सिंनि दै सम्पद दं। गोबां अखा, गासै बोसोरनाङै बोहैबाय थानाय दैमा-दैसानि दै बोहैनाय, जामफै, बिलो, दैब्रु, दहला हा बायदिनि दैफोरा आसामनि हा सानि दै सम्पद। हादोरसानि मोननै गाहाइ दैमा बुरलुंबुथुर आरो बराक आरो गोबां दैसाफोरा हादोरनि ½ बाहागो दै सरजाबना लादों। गोबां फिसा-गिदिर बिलो आरो दैब”नि अनगायैबो। 3 रोजानिबो बांसिन दहला हा दं।
बिफोराव गोबां रोखोमनि ना आरो बायदि हारिनि दैनि लाइफां मोननाय जायो। हा सायाव बोहैनाय दैमा-दैसानि दैफोरा आबाद मावनायजों लोगोसे नख’रारि खामानियाव आरो उद्यग आरो दै रोगादिंनाय खोन्दोआव बाहायनाय जायो। फारसेथिं दैमा-साफोराव बान्दो थेनानै ना फिसिनायनि अनगायैबो दै मोब्लिब दिहुनना हादोरसानि नांगौ जानाय गोहोखौ फोलोमदों। बुरलुंबुथुर आरो बराक सेरफाङाव हा सिंनि दै सम्पदा गोबां थुबुर जाना दं।
ओनसोलाव 5 मिटारफ्राम सिंनिफ्रायनो हा सिंनि दैनि थाखो मोननाय जायो। हा सानि आरो हा सिंनि दैखौ हादोरसानि आबादनि अनगायैबो नख’रारि आरो उद्यग थिलियाव बाहायनाय जादों। बुरलुंबुथुर आरो बराक दैमायाव नाव सालायनानै हान्था-मेला खालामनायजों लोगोसे मुवा बेसाद रोगानानै हादोरसानि रांखान्थिखौ जौगा होदों।
सों 17. आसामनि मिथिंगायारि सम्पदफोरनि जामलांनायनि जाहोनफोरा मा मा?
फिन : मिथिंगायारि सम्पदआव दोहोनि आसाम हादोरसानि मिथिंगायारि सम्पदफोरा आथिखालाव संरखाथि खालामैनि जाहोनाव साफ्रोमबो खहा जाबोगासिनो दं। सुबुंअनजिमा बांनायनि जाहोनाव जर’खायै सुबुं थाग्रा थिलिया गोसारदों आरो जाग्रा मुवा दिहुनथायखौ बांहोनो गोनां जानायाव हाग्रा बंग्राफोरखौ सिफायनानै आबाद मावदों न’बां लुना थाग्रा थिलि बानायदों। बिनि जाहोनाव हाग्रामा, दैब’, दहला, आबादथिलि बायदि सम्पदफोरा फारियै खहा जाबोनो हमदों। आबादथिलियाव गोबां रासायनिक हासार बाहायनायनि जाहोनावबो आबादथिलिनि गुना गाज्रि जादों।
आसामनि हाम्रा सम्पदआबो सुबुंनि मावथायजों खहा जादों। दासान्दि सोलिबाय थानाय हाग्रा फोजोबस्रांनाय हाबाखौ दानो होबथानो हायाब्ला आसामनि हाग्रा सम्पदआ जोबस्रांलांगोन। हाग्रामा ओनसोलनि आंखाल जाना गोख्रों आबहावायारि जेंना सोमजिगोन। हादोरसायाव जर’खायै रोगादिंनाय, उद्यग आरो गोहो खोन्दोनि जौगानायनि थाखाय खनियारि सम्पदफोरखौ बाहायनाया फारियै बांबोनायनि जाहोनाव फोदानजाफिनि सम्पदफोरनि बाख्रिया खंख्ला जालांगोन।
आथिखालाव सुबुंनि रांखान्थियारि हाबा-हुखानि बेंखना बांबोदों। आसामाव नोगोर सोहोर खालामनाय आरो उद्यग फसंनाय हाबाया फारियै दावगाबोदों, जाहोनाव मिथिंगायारि सम्पदफोरनि सायाव थोंजों आरो खेंसालियै गोहोम गोलैदों। थि बिथांखि गयाबालानो नोगोर खालामनाय आरो उद्यग फसंनाय हाबाया सोलिबाय थाब्ला हादोरसायाव बार, हा आरो दै सम्पदफोरा गुबुंले जागोन। मिथिंगायारि सम्पदखौ थारै आरो सानै-हयै बाहायनांगोन अब्लासो सम्पदफोरा जोरथाय जागोन आरो हादोरसायाव जौगानाय फैगोन।
सों 18. बांबोनाय सुबुंअनजिमाया मिथिंगायारि सम्पदनि सायाव माबोरै गोहोम खोलैदों?
फिन : आसामा मिथिंगायारि सम्पदआव दोहोनि। बेफोरनि गेजेराव गाहाइ सम्पदफोरा जादों हा सम्पद, हाग्रामा सम्पद, खनिनि सम्पद आरो दै सम्पद। नाथाय बे सम्पदफोरा गोख्रै हाराव सुबुंअनजिमा बांबोनायनि जाहोनाव लासै जामलांनो हमदों। मिथिंगानि सायाव बांबोनाय सुबुं अनजिमाया थोंजोङै आरो खेंसालियै गोबां गोहोम खोख्लैदों। मिथिंगायारि सम्पदा मिथिंगानि उदां दान (होथाय) होनना जोंनि गेजेराव गोरोन्थि साननाय दं। बे साननायखौ लाना सुबुङा मिथिंगायारि सम्पदफोरखौ जानला मानला बाहायो।
थांनाय माखासे जिथायाव गासै बुहुमावनो सुबुंअनजिमाया जोबोरै बांबोदों। जाहोनाव जर’खायै सुबुं थाग्रा थिलिया गोसारदों आरो जाग्रा मुवाखौ बांहोनो गोनां जानायाव हाग्रा बंग्रा लान्दां खालामना आबाद मावदों। बेनि अनगायैबो हासार गोनां फुलुंखोबनाय आबाद मावग्रा हाखौ थाग्राथिलि महरै बाहायनाय जादों। बेबादि सुबुं थाग्रा थिलि बांलांनायनि जाहोनाव हाग्रामा, दैब’ दहला, आबादथिलि बायदि बेसेन गोसा सम्पदफोरा जाबोनो हमदों।
बांबोनाय सुबुंअनजिमानि आंखालखौ फोलोमनो थाखाय आबाद, दारिमिनफोरखौ बांहोनो गोनां जानायाव हाग्रामा, दैब’ बायदिखौ सिफायना, फबना दारिमिन गायसंनो गोनां जादों। जाहोनाव मिथिंगायारि सम्पदफोरा जोबस्रांदों लोगोसे आबहावायारि जेंना सोमजिदों। बिदिनो बांबोनाय सुबुंअनजिमानि थाखायनो जर’खायै रोगादिंनाय दारिमिन आरो गोहो खोन्दोनि जौगानायनि थाखाय खनियारि सम्पदफोरखौ बाहायनाया फारियै बांबोदों। जाहोनाव सानसे बे फोदानजाफिनि सम्पदफोरनि बाख्रिया खंख्ला जागोन।
बांबोनाय सुबुंअनजिमानि थाखायनो सुबुंनि रांखान्थियारि हाबाहुखानि बेंखना बांबोदों। नोगोर खालामनाय आरो दारिमिन फसंनाय हाबाया फारियै दावगाबोदों आरो बिनि जाहोनाव मिथिंगायारि सम्पदफोरनि सायाव थोंजों आरो खेंसालियै गोहोम गोग्लैदों। दारिमिननिफ्राय गनाय उखुन्दैआ बाराव गोरोबना बारखौ मैला खालामदों आरो दारिमिननिफ्राय गारजानाय गाज्रि मुवाफोरा बोहैलांनानै हा आरो दैखौ मैला खालामो।
सों 19. आसामनि गोबां सुबुंअनजिमाया हादोरसानि बिबान (जेंना) ना सम्पद सावराय।
फिन : आसामाव बांबोनाय सुबुंअनजिमाया हादोरसानि बिबान (जेंना) जादों। सुबुंअनजिमानि जेंनाया हादोरसायाव गोबां रोखोमनि जेंना सोमजिहोदों। बेनिखायनो सुबुंअनजिमा बांनायखौ सामलायाब्ला आरो गोबां सुबुंअनजिमाखौ सुबुं सम्पद महरै दानो हायाब्ला सुबुंअनजिमानि जेंनाया हादोरसायाव गिख्रंथाव महर लागोन। 2011 मायथाइनि सुबुं साननाय बादिब्ला आसामनि सुबुंअनजिमाया जादों सा 31,205,576 (312 लाख)। हादोरसानि 73 जौखोन्दोफ्राम सुबुङा सोलोंथाइ मोननाय बेनिनो 78 जौखोन्दोफ्रामा हौवा आरो 67 जौखोन्दोफ्रामा आइजो।
आरोबाव नोगोर ओनसोलाव 88 जौखोन्दो आरो गामि ओनसोलाव 70 जौखोन्दो सुबुङा सोलोंथाइ मोननाय। गोसो होनो गोनांदि 15 बोसोरनिफ्राय 34 बोसोर बैसोनि गेजेराव आसामनि गासै सुबुंअनजिमानि 35 जौखोन्दो सुबुं। बे मोनसे मिजिंथिथावदि आसामनि सुबुंअनजिमायाव लाइमोन जोलै जावरिखांदों। गोबां हाबा मावनो हानाय 15 बोसोरनिफ्राय 34 बोसोरनि लाइमोन आथाला हादोरसानि सुबुंअनजिमानि मोनसे बुरजा बाहागो दैदेनदों। बे लाइमोनफोरखौ सामलायना सोलोंथाइ, सोलो, दारिमिनारि हारोंथाइ बेलायाव नांगौबादियै दाना लानांगोन।
फारसेथिं समाजनि लोरबां थाखोनि सुबुंफोर, गैजारोङै सुलुं, देहायारि बेंगुरा सुबुं आरो आइजोफोरनि थाखाय गावखौ जौगाखां होनो थाखाय हाबाफारि लाब्लासो थार ओंथियाव सुबुं सम्पदनि जौगानाया जागोन। आसामनि गोबां सुबुंअनजिमाखौ हादोरसानि बिबान जानो होआबालानो माबोरै सुबुं सम्पद महरै दानो हागोन, बेनि बिथांखि लानायनि सम जाबाय। नाङाब्ला बांद्राय सुबुंअनजिमाया हादोरसानि मोनसे गेदेर बिबान आरो जेंना महरै गसंखांफैगोन।
सों 20. आसामाव सुबुं सम्पद दानो माबोरै आखाइयाव लानांगौ?
फिन : 2011 मायथाइनि सुबुं साननाय बादिब्ला आसामनि सुबुंअनजिमाया सा 312 लाखफ्राम। बे सुबुंअनजिमानि 73 जौखोन्दोफ्राम सुबुङा सोलोंथाइ मोननाय बेनिनो हौवा सोलोंथाइ मोननाय बिबाङा 78 फ्राम आरो आइजोनि सोलोंथाइ मोननाय हारा 67 जौखोन्दोफ्राम। गोसो होनो गोनांदि 15 बोसोरनिफ्राय 34 बोसोर बैसोनि गेजेराव आसामनि 35 जौखोन्दो सुबुं दं।
बै हिसाबै आसामाव गोबां लाइमोन खामानि मावनो हानाय अनजिमानि बिबाङा दङ। बे एसेबां बुरजा लाइमोन गोहोखौ गेबेङै सामलायना सोलोंथाइ, सोलो, दारिमिनारि हारोंथाइ बेलायाव नांगौबादि दाना लानांगोन। फारसेथिं लोरबां थाखोनि सुबुंफोर आरो आइजोफोरनि थाखाय गावखौ जौगाखां होनो थाखाय हाबाफारि लाबासो थार ओंथियाव सुबुं सम्पदनि जौगानाया जाथावंना जागोन। बेखायनो बांनाय सुबुंअनजिमाखौ सामलायना आरो गोबां सुबुं अनजिमाखौ सुबुं सम्पद महरै दानो थाखाय मोजां बिथांखि लानांगोन अब्लासो बांबोनाय सुबुंअनजिमानि जेंनानिफ्राय बारग’नो हागोन।
सों 21. आसामनि रांखान्थियाव आबाद खोन्दोनि बिफावनि सोमोन्दै सुंद ‘यै सावराय।
फिन : आसामा गंसे आबाद गाहाइ हादोरसा। आसामनि रांखान्थिनि गुबै बिथाया जादों आबाद आरो आबाद खोन्दोआ रांखान्थिनि गाहाइ सालायग्रा गोहो। आसामनि गासै हाबायाव थिसनजानाय सुबुंनि गेजेराव 53 जौखोन्दोनि बांसिन सुबुङा आबाद खोन्दोआव थोंजोङै आरो खेंसालियै सरजाबना दं। आसामनि आबाद जरिपनि खारिथि बादिब्ला 2010-11 मायथाइयाव गासै 24.11 लाख हेक्टर हायाव आबाद मावनाय जादोंमोन। आसामनि गासै आबाद मावनो हानाय हानि 88 जौखोन्दोफ्राम हायाव आबाद मावनाय जादोंमोन। हादोरसानि 85 जौखोन्दो आबादारिया फिसा आरो उफेरा थाखोनि आबादारि।
आसामाव अखा आरो बिदुंनि बिबां, हानि रोखोम लोगोसे हाबिखंनि आखुथाया जेरावबो समान नड़ा। ओंखायनो ओनसोल लायै ओनसोल आबादनि रोखोम, दिहुनथाइ, आबादनि आदब बायदिफोरा गुबुन गुबुन जायो।
माइया आसामनि गाहाइ आबाद। 2011-12 मायथाइनि खारिथि बादिब्ला आसामाव गासै 25.45 लाख हेक्टर हायाव माइ आबाद मावनाय जादोंमोन आरो बिनिफ्राय 50.45 लाख मेट्रिकटन माइ मोननो हादोंमोन। माइनि अनगायै सबाइ, मुगु दालि, मसुर दालि, मटर, खख्लिं, बुट बायदि आबादखौ 1.32 लाख हेक्टर हायाव मावना 0.76 लाख मेट्रिकटन आबाद दिहननाय जादोंमोन।
फारसेथिं थाव हारिनि आबाद बेसर, सिबिं, टिसि, एरागुटि बायदि आबादखौ 2.76 लाख हेक्टर हायाव मावना 1.56 लाख मेट्रिकटन आबाद दिहुननाय जादोंमोन। गोथां मैगं-थाइगं, फिथाइ-सामथाइनि आबादखौ फारियै 2.66 आरो 1.36 लाख हेक्टर हायाव मावनानै हादोरसायाव नांगौ जानायखौ फोलोमनो हानायजों लोगोसे गुबुन हादोरसाफोराव फानहरना रां खामायनो हादों।
फाथो आबादाबो आसामनि बुरलुंबुथुर सेरफांनि लोमसावनाय हायाव गोबां बिबाङै मावनाय जायो आरो बिनिफ्राय गोबां बिबांनि फसल मोननो हायो। कार्बि आंलं आरो डिमा हासाव गंनै हाजोआरि जिलायाव झुम आबाद मावनाय जायो। बेवहाव बिसोर आलु, थास’, हाइजें, हालदै, जालुक बायदि मस्ला हारिनि आबाद मावनानै हादोरसायाव नांगौ जानायखौ फोलोमनायजों लोगोसे बायजोआरि रां खामायनो हादों। बिनि अनगायैबो गायनाय आबाद साह, रबर, कफि बायदि आबादफोरा आसामाव जासोगारो। बे रोखोमनि आबादफोरनि सायावनो आसामनि रांखान्थिया सोनारनानै दङ। ओंखायनो आसामनि संखान्थिखौ जौगाहोबावनांगौब्ला आबाद खोन्दोखौ आरोबाव जौगा होबावनो गोनां जागोन।
सों 22. आसामनि आबाद-बारहावा ओनसोलफोरा मा मा? बेफोरनि आखुथायफोरनि सोमोन्दै सुंद ‘यै मख’।
फिन : आसामखौ गासै मोन द’ आबाद-बारहावा ओनसोलाव रानानय जादों। बेफोर जाबाय–
(1) आफां बुरलुंबुथुर सेरफां ओनसोल।
(2) सा फारसेनि हायेन ओनसोल।
(3) गेजेर बुरलुंबुथुर सेरफां ओनसोल।
(4) खर ‘सा बुरलुंबुथुर सेरफां ओनसोल।
(5) बराक सेरफां ओनसोल आरो
(6) हाजोआरि ओनसोल।
आसामनि आबाद-बारहावायारि ओनसोलफोराव गाव गावनि आखुथाय दंब्लाबो हायेन ओनसोलफोरनि आबादफोरा गोबां गोरोबलायनाय दं। दैज्लां समाव माइसालि आरो फाथोनि आबाद मावनाय जायो आरो बे समाव दानसेयाव गरै अखाया 300 मिलिमिटारनि बांसिन हायो। फारसेथिं गोजां बोथोराव अखानि बिबाङा खम जाना दानसेयाव गरै अखाया 10 मिलिमिटारनिबो खम जायो। बे समखिनियाव बेसर, गेहु, आलु आरो गुबुन गुबुन गोथां मैगं-थाइगं आबाद मावनाय जायो। हाजोआरि ओनसोलाव गाहायै झुम आबाद मावनाय जायो। बबेखानि हाजोनि सनख्लायाव फिथाइ-सामथाइनि। आबाद आरो हाजो गेजेरनि गुसेब दैमा सेरनि हायेनाव जायगा जायगा माइ आबाद मावनाय जायो।
आसामनि कारबि आंलं आरो डिमा हासाव हाजोआरि जिला गंनैखौ बेंखनना लानाय हाजोआरि आबाद बारहावायारि ओनसोलाव झुम आबादा गाहाइ जायगा मोनदों। कारबि आंलं जिलानि गासै हा कालिनि 66 जौखोन्दो ओनसोल आरो डिमा हासाव जिलानि 85 जौखोन्दो ओनसोलखौ हाजोआ साग्लोबना दं। कारबि आंलं जिलायाव 5452 बर्ग कि.मि. आरो डिमा हासाव जिलायाव 2597 बर्ग कि.मि. हायाव झुम आबाद मावनाय जायो।
सों 23. आसामाव मा मा माइनि आबाद मावनाय जायो? बेफोरनि सोमोन्दै सुंद ‘यै लिर।
फिन : आसामाव मोनथाम रोखोमनि माइ आबाद मावनाय जायो। बेफोर जाबाय–
(1) आसु माइ।
(2) माइसालि आरो
(3) बर’माइ।
आसामाव मोइसालि माइनि आबादखौनो बांसिनै मावनाय जायो। गासै माइनि आबाद मावनाय हानिफ्राय 70 जौखोन्दोनि सायाव माइसालि माइ आबाद मावनाय जायो। बुरलुंबुथुर आरो बराक सेरफांनि हासारगोनां. हायाव माइसालि आबाद मावनाय जायो। बे आबादखौ गायनाय खान्थिजों जुलाइ आगष्ट दानाव जागायना नबेम्बर दिसेम्बर दानाव मोननाय जायो। आसु आबादखौ हासार गोनां समान जायगायाव आफां आसामाव मावनाय जायो।
आसु माइनि आबादखौ फोनाय आरो गायनाय मोननै रोखोमै मावनाय जायो। फेब्रुवारि-मार्स दानाव जागायना जुन-जुलाइ दानाव दैखांनाय जायो। बर’ माइखौ बाहाय बांलायै आसामनि गासै जिलायावनो खालामनाय जायो। सरासनस्रायै दहला जायगाफोराव गोजां बोथोराव जागायना दैज्लांनि जुन-जुलाई दानाव दै बाना फैनायनि सिगां दैखांनाय जायो। दैबाना जाग्रा ओनसोलनि थाखाय बर’ माइनि आबादा आथिखालाव मोजां मोनथायाव जादों।
सों 24. माइया मानो आसामनि गाहाइ आबाद जानो हादों?
फिन : माइया आसामनि गाहाइ आबाद। माइखौ हादोरसानि फ्राय गासिबो आबाद-बारहावायारि ओनसोलावनो मावनाय जायो। बेजों लोगोसे आसामनि फ्राय गासैबो सुबुङानो ओंखामखौ गाहाइ आदार महरै जायो। 2011-12 मायथाइनि खारिथि बादिब्ला आसामाव गासै 25.45 लाख हेक्ट हायाव माइ मावनाय जादोंमोन आरो 50.45 लाख मेट्रिकटन माइ मोनदोंमोन। आसामनि बारहावाया माइ आबादनि थाखाय साबजाथाव। बोसोरनि जिनै दानावबो आसामाव माइ आबादखौ मावनाय जायो। बोसोराव बोथोर आरो अखानि बिबाङा सोलाय-सोल’ जानायजों लोगोसे खाब जाहोनानै गासै मोनथाम रोखोमनि माइ आबाद मावनाय जायो। जुलाइ-आगष्ट दानाव जागायना नबेम्बर-दिसेम्बर दानाव दैखाङो बेखौ माइसालि माइ बुङो।
फेब्रुवारि-मार्स दानाव जागायनानै जुन-जुलाइ दानाव दैखांनाय बे रोखोमनि आबादखौ आसु माइ बुंनाय जायो। फारसेथिं गोजां बोथोराव आसामनि दाब दाब दहला थावनिफोराव बर’ माइखौ मावनाय जायो। बेबादिनो आसाम हादोरसानि गासै ओनसोलाव माइखौ आबाद मावनायखायनो आरो मावनो हानाय हासार गोनां हा लोगोसे आबहावाया सुबिदा जानायखाय आसामनि गासैबोफ्राम सुबुङा ओंखाम जायोखायनो माइया आसामनि गाहाइ आबाद जानो हादों।
सों 25. आसामाव मा मा सबाइ हारिनि आबाद मावनाय जायो?
फिन : आसामनि गुबुन गुबुन ओनसोलाव गोबां रोखोमनि सबाइ हारिनि आबाद मावनाय जायो। बेफोर जाबाय सबाइ, मुगु दालि, मसुर दालि, मटर, खख्लिं, खाला, बुट बायदि।
सों 26. आसामनि झुम आबादनि सोमोन्दै सुंद यै लिर।
फिन : आसामनि कार्बि आंलं आरो डिमा हासाव हाजोआरि जिलानि हाजोआरि आबाद-बारहावायारि ओनसोलाव झुम आबादा गाहाइ जायगा मोनदों। कार्बि आंलं जिलानि गासै हा-कालिनि 66 जौखोन्दो ओनसोल आरो डिमा हासाव जिलानि 85 जौखोन्दो ओनसोलखौ हाजोआ साग्लोबना दं। कार्बि आंलं जिलायाव 5452 बर्ग कि. मिटार आरो डिमा हासाव जिलायाव 2597 बर्ग कि. मिटार हायाव झुम आबाद मावनाय जायो। सरासनस्रायै हाजोनि सनख्लायाव हाग्रा-बंग्रा सावना आबादानि हा दिहुनना दोरोङारि खान्थिजों जनजातिय सुबुंफोरा झुम आबाद मावो।
दब्लायसे हायावनो गोबां बोसोर झुम आबाद मावनायनि उनाव हानि हासारा खम जालाङोब्ला गुबुन दब्लायखौ सायख’ना लाना बेयाव झुम आबादखौ गोदानै जगायफिनो। झुम आबाद मावनाया जनजातिय सुबुंफोरनि समाजारि हारिमु आरो जिउ खुंनाय राहाजों एंगारलायनो हायिबादि सरजाबफानाय। झुम आबादा मोनसे रोखोमनि गलाय मोन्देर आबाद खान्थि जाब्लाबो बेनिफ्राय मोजां दिहुनथाय मोना। बे आबादनि जाहोनाव हाग्रामा जोबस्रांनाय, हा जामख नाय, हानि हासार खम जानाय बायदि जेंना सोमजियो। बेनिखायनो झुम आबादखौ आबहावाबादि खालामनायनि गोनांथि जादों आरो झुम आबादनि सोलायै बेदिका आबाद (Terrace cultivation) खान्थिखौ बजबजाथाव खालामनो नाजानो आखायाव लानांगौ।
सों 27. 2014 मायथाइनि आसामनि दारिमिनारि आरो रां थिसनथाय खान्थिनि गाहाइ थांखिफोरा मा मा?
फिन : 2014 मायथाइनि आसामनि दारिमिनारि आरो रां थिसनथाय खान्थिनि गाहाइ थांखिफोरा जादों।
(क) हादरसायाव मुवा दिहुनग्रा खोन्दो आरो सिबिथाय खोन्दोजों लोगोसे गुबुन गुबुन रांखान्थियारि हाबा-हुखा जौगाहोनानै हादोरसानि गासै नखरारि दिहुननायखौ बांहोनाय।
(ख) हादरसायाव जर ‘खायै गामि ओनसोलाव जन’मुरि आय (सुबुं खर’फा आय) आरो थिसनथायनि खाबुखौ बांहोनाय।
(ग) हादरसायाव जोबोर फिसा, फिसा आरो गेजेरारि उद्यग जौगाहोनायनि थाखाय रां थिसननायखौ बांहोनाय।
(घ) गोबां अनजिमानि हारोंथाइ गोनां सुबुं सोरजिहोनाय।
सों 28. सिबिथाइ खोन्दोनि उद्यग बुङोब्ला मा बुजियो? बिदिन्थि होना फोरमायना लिर।
फिनः सिविथाइ खोन्दोंनिव उद्यगा औरैबादि मनसे गुवार फोथार दं जायखौ अनजिमाजों थारै हमदांजोबनो हाया। बे खोन्दोनि दारिमिनाव सुबुंफोरा खामानि मावनानै गोबां सिबिथाइ दिहुनो नाथाय बेवहाय बेसाद दिहुननाय जाया। दारिमिननि दिहुननाय जिरादफोरा फानजायोब्लाबो बेखौ मुवा एबा मोदोमारि महरै मोननो हाया। रांखान्थिनि बे मोनसे खोन्दोआव दांनानै मोनदाङि जिरादफोरखौल’ दिहुननाय जायो।
आथिखालाव सिबिथाइ खोन्दोनि दारिमिना बयजोंबो गोरलैयैनो अनसाय जादों। मानोना बे खोन्दोआव गोबां आसोल रां, दाजेम, दांसा आरो जायगाफोरनि गोनांथि जाया। बिमा सिबिथायनि थाखाय सुबुडा गाव गोसो जायोब्ला खामानि मावनानै गाव सोलिनो थाखाय रां आरजिनायजों लोगोसे गोबां सुबुंनिबो मोजां खामानि मावना होनाय जायो। हटेल फालांगियाबो मोनसे सिबिथाय खोन्दोनि दारिमिन। दावबायारि एबा हानथिग्रा सुबुंफोरखौ हेफाजाब होनानै सिबिनाय बावो लोगोसे रां खामायनो हायो। बिदिनो आथिखालाव फालांगि, फोनांजाबथाइ आरो हान्था-मेला, सुबुं खुंथाइ, बेंक आरो रोगाथाइ खामानिफोरखौ सिबिथाइ खोन्दोनि दारिमिन मुं होनाय जादों।
सों 29. आसामनि गाहाइ आबाद सोनारथि दारिमिनफोरा मा मा?
फिन : आसामनि गाहाइ आबाद सोनारथि उद्यगफोरा जादों–
(क) हाग्रामा दारिमिन।
(ख) साहा दारिमिन।
(ग) रेस’म दारिमिन।
(घ) रबर दारिमिन।
(ङ) आदार बानायग्रा दारिमिन आरो
(च) लेखा बिलाइ दारिमिन।
सों 30. आसामनि साहा दारिमिननि सोमोन्दै सुंद ‘यै लिर।
फिन : साहा दारिमिना आसामनि बयनिख्रुइबो देरसिन आबाद बिथा दारिमिन। भारतावल’ नङा गासै मुलुगावनो आसामनि साहा दारिमिना मोनसे मोजां मुं दं। आसामनि रांखान्थियाव साहा दारिमिना मोनसे मख’जाथाव बिफाव लादों। आसामा हारसिङै भारतनि गासै साहा दिहुननायनि खावसेनि बांसिन दिहुनो। आसामाव गासै 318 रोजा हेक्टर हायाव साहा आबाद मावनाय जायो। साहा दिहननाय बेलायाव 2009 मायथाइयाव आसामा 500 रोजा ट’न आरो 2012 मायथाइयाव 590 रोजा ट’न साहा दिहुनदोंमोन। साहा दारिमिना गोबां अनजिमानि सुबुंखौ थिसनथाइ होदों। आसामनि साहा दारिमिना गरै सानसेयाव सा 6.86 लाखनि बांसिन सुबुं थिसनदों। साहा दिहुननायाव हादरनि गेजेरावनो आसामादि मोनसे जर ‘खा जायगा दं बेखौ खारिथिनिफ्राय रोखा मोनथिमोनो। भारतनि गासै साहा दिहुनथाइनि 51 जौखोन्दोनिफ्राय 53 जौखोन्दो साहाखौ आसामा हारसिङै दिहुनना गोगगानो हादों।
सों 31. आसामनि ना दारिमिननि दासान्दिनि थासारिया माबादि?
फिन : आसामाव नानि गोबां गोनांथिजों लोगोसे ना दिहुननायनि गोबां लामा थासेयावबो हादरसानि बिलो दैब ‘फोराव ना दिहुननायनि थाखाय नांगौबादियै बाहायनाय जायाखै। जाहोनाव आसामनि ना दारिमिन खोन्दोआ हादरसानि नख ‘रारि दिहुननायाव जर ‘खा बिहोमा होनो हायाखै। हादरसानि नख ‘रारि दिहुननायाव ना उद्या खोन्दोआव बिहोमाया जादों 2 जौखोन्दो। ना दिहुननायनि थोजासे खाबु थानायावबो आसामाव ना दिहुननाया एसेबो गोजोनथाव नङा। 2011-12 मायथाइयाव हादरसायाव गासै 2.44 लाख ट’न ना दिहूननाय जादोंमोन।
जायनि जाहोनाव आथिखालाव आसामा बोसोरि 0.20 लाख ट’न ना गुबुन हादरसानिफ्राय लाबोयो। आसामाव बोसोरि जेसेबां ना गोनां जायो बे रुजुथावै हादरसानि ना दिहुननाय आरो गुबुन हादरसानिफ्राय लाबोजानाय नानि बिबाङा थोजासे नङा। बेनि जाहोनाव हादरसायाव बोसोरि 0.52 लाख टन नानि थोस्लाबै जायो आरो बेखायनो नानि बेसेना गोबां हाराव बांनो हमदों।
सों 32. आसामनि आबाद जौगानायनि जेंनाफोरखौ मख’।
फिन : आसामनि 75 जौखोन्दो सुबुङा आबादखौ गाहाइ थांना थानायनि राहा महरै आजावना लादों। नाथाय दासिमबो हादरसायाव आबाद खोन्दोआ मख ‘जाथावै जौगायाखै। बेनि गाहाइ जेंनाफोरा जादों–
(क) आसामनि हायेन ओनसोलाव दोरोङारि आबाद आरो हाजोआरि ओनसोलाव झुम आबाद दासिमबो गोजाम खान्थिजोंनो सोलिगासिनो दं।
(ख) आसामनि आबादारिफोरनि आबाद थिलिया सरासनस्रायै फिसा फिसा खोन्दोआव राननाय जानायखाय बेफोराव गोदान मुगानि आबाद मावग्रा आयजें आरो आदब बाहायथावा।
(ग) दैसारनाय खान्थिया जौगानाय नङा आरो दैसारनायनि खाबुवा थोजासे नङा।
(घ) आसामाव माइ आबादखौ गुवारै मावनाय जायो आरो आबाद रांखान्थियाव बेनि गोनांथिया बांसिन। नाथाय बे आबादनि जौगानायनि थाखाय गोदान मुगानि आबाद मावनायनि खान्थि बाहायनायाव गोनांथि होनाय जायाखै।
(ङ) खरां बोथोरनि थाखाय खहा जानाय आबाद मावनायजों लोगोसे आबादारिफोरखौ रैखाथि होनो नांगौबादि आबाद बिथांखिनि आंखाल।
(च) आबाद रैखाथिनि आदब आरो आबाद दैखांनाय खान्थिया जौगानाय नङा।
(छ) आबाद जरखायै जाग्रा आबाद संरखानि खाबुवा एसेल ‘थार।
(ज) आबादारिया दिहुननाय फसलनि मोननांगौ बेसेनखौ आबादारिया थोंजोङै मोननो हानाय राहा गैयिनि जाहोनाव आबादारिफोरा रांखान्थि फारसे लोरबां जादों।
(झ) आबादारिफोरा जौगामाननि जोलै, गोनां जानाय हासार, आबादनि आयजें-आयला आरो आबाद दाहारखौ रेहाय हाराव गोरलैयै मोननो हानाय राहानि आंखाल।
(ञ) सिङाव थानाय आबादारि ओनसोल आरो नोगोर सोहोरनि हाथायनि गेजेराव जौगा हान्था-मेला आरो रोगादिंनाय राहानि आंखाल।
(ट) आबाद खोन्दो आरो आबाद बिथा दारिमिन खोन्दोनि जौगानाया समान थाखोआव आवगायाखै।
(ठ) आबादखौ जुन्थियारि खालामनाय बेलायाव रुजुनाय खम खरसा जाग्रा मोब्लिब गोहोनि बाहायनाया जोबोर खम जाना दं।
(ड) आबाद खोन्दोनि जौगानायनि थाखाय हादरसायाव जथाइ इसिं दाथाइयारिनि आंखाल।
सों 33. आसामनि दारिमिनारि जौगानाया दासिम लासै जाना दं। बेफोरनि जेंनाफोरखौ लिर।
फिन : आसामाव दारिमिनारि जौगानायनि थाखाय गोबां जानो हाथाव खाबु थासेयावबो दारिमिनारि खालामनाय हाबाया दासिमबो लासै जाना दं। बेनि गाहाइ जोंनाफोरा जादों–
(क) हादरसानि मिथिंगायारि सम्पदनि थि बाहायनायनि गेजेरजों दारिमिनारि जौगाहोनायनि थाखाय गोगो बिथांखिनि आंखाल।
(ख) गोबां जाथावथावब्लाबो आबाद बिथा दारिमिन खोन्दोनि सिमा गोनां आरो लासै जौगानाय।
(ग) जौगाखाङि हान्था-मेला आरो फोनांजाबनायनि राहा।
(घ) आसोल दोहोननि आंखाल।
(ङ) हादरसायाव गोहोखौ नांनाय बादियै जगायनाय आरो राननाया अरायथा आरो थोजासे नङा।
(च) जायगानि सुबुंनि गेजेराव दारिमिनारि थुलुंगाखांनाय बांहोनो नांगौबादि बिथांखिनि आंखाल।
(छ) दारिमिन गायसननो थाखाय गोरलै आरो गुरै दारिमिन खान्थिनि आंखाल।
(ज) रां थिसनथाया गोजोनथाव नङा, जर ‘खायै हादोरसायाव जाखांनाय बिग्रायारि जेंनानि थाखाय आसामाव रां थिसननो बायजोनिफ्राय रां थिसनगिरिफोरा गोसो जाया।
(झ) गोग्लैयै सेवलांग्रा आबादारि फसलनि संरखाथिनि थाखाय नांगौबादि बाख्रिनि आंखाल, आदार बानायग्रा दारिमिना मिजिंथिनाय बादि जौगानो हायाखै।
(ञ) बयनिख्रुइबो देरसिना जाबाय दारिमिन बानायनायनि थाखाय गोनां जानाय इसिं दाथाइयारिनि आंखाल।
(ट) हादरसायाव गोबां जानो हाथाव खाबु थासेयावबो दावबायदींनाय खोन्दोआव थोजासे आसोल दोहोननि थिसनथाय आंखाल। जौगाखाङि हान्था-मेला राहाया गुबुन हादरनि दावबायारिखौ गोसो बोगथाबनो हानाय थासारिनि आंखाल, दावबायदींग्रा जायगाफोराव लोरबां इसिं दाथाइयारि बायदि जेंनानि थाखाय दावबायदिंनाय दारिमिना मिजिंथिनाय बादि जौगायाखै।
सों 34. आसामनि दावबायदिंनाय दारिमिननि जेंनाफोरखौ मख’।
फिन : आसामाव दावबायदिंनाय दारिमिननि जानो हाथाव गोबां खाबुफोर दं। नाथाय गोबां जेंनानि जाहोनाव बे खोन्दोनि दारिमिना आसामाव मिजिंथिनायबादि जौगानो हायाखै। आसामनि मिथिंगायारि महरा बायजोनि दावबायारिफोरखौ गोसो बोनो हायोब्लाबो थासारिया मोजां नङिनि थाखाय दावबायारिफोरा आसामसिम फैनो गोसो जाया।
बे खोन्दोआव आसोल रां थिसननो रां थिसनगिरिफोरा गोसो जाया। मानोना आसामाव दासिम बिग्रायारि जेंनाया सुस्रांजायाखै। हान्था-मेला राहाया नांगौबादि जौगायाखै जाहोनाव रोगादिंनाय राहायाव मानसिफोरा गोसो होनो हायाखै। दावबायदिंग्रा मिरु थावनिफोराव दासिमबो नांगौ रोखोमनि इसिं दाथाइयारिया जौगायाखै। बिखायनो दावबायारिफोरा फैनानै जेंनायाव गोग्लैनो गोनां जायो। दावबायदिंनाय उद्यगनि मोनसे बाहागो हटेल फालांगियाव आसामनि सुबुंआ दासिम उन जानाने दं। बिनि गुबै जाहोनखौ नायोब्ला नुयो आसामाव सुबुं सम्पदनि जौगाखाङि आरो सिविथाय खोन्दोनि दारिमिनखौ मोनसे उद्यग महरै गनायनानै लानो हायाखै।
सों 35. आसामनि रांखान्थियारि जौगानायनि जानो हाथावनाफोरा मा मा?
फिन : आसामा भारतनि मादावनो मिथिंगायारि सम्पदाव दोहोनि। आसामनि मिथिंगायारि महरा बायजोनि सुबुंफोरनि गोसोखौ मुहि होनो हायो। बै हिसाबै हादोरसायाव दावबायदिंनाय उद्यगनि जौगानायनि थाखाय थोजासे राहा लाया दं। बिनि थाखाय जोंनो नांगोन मोजां बिथांखि लानानै मावनायनि गोसो बोलो। हा आरो दै सम्पदावबो आसामा दोहोनि।
नाथाय हादरसानि हानि गुननि बिथायाव नांगौबादि हा बाहायनायनि बिथांखि दासिम लानाय जायाखै। हा सम्पदनि नांगौबादि बाहायनाया हादोरसानि रांखान्थियारि जौगानायखौ गोख्रै खालामनो हायो। फारसेथिं बुरलुंबुथुर, बराक आरो बिसोरनि दालाइ दैसाफोराव गोबां दै सम्पदा मिजिंथिनाय बादि बाहायजायाखै। नांगौबादि बिथांखिजों आबाद, दारिमिन, गोहो आरो रोगादिंनाय खोन्दोआव दै सम्पदखौ वाहायोब्ला हादरसानि रांखान्थियारि जौगानायखौ मिजिंथिनो हायो।
आसामावबो सुबुं सम्पद जौगानायनि गोबां लमा दं। आसामनि जिउ खुंनाय राहानि आखुथाइखौ नुनो मोनोदि गुदियारि जिउ खुंनाय राहानि अनगायै नैथियारि, थामथियारि आरो बोधथियारि खोन्दोआव दावगानो हायाखै। हादरसानि बुरजा सुबुंअनजिमानि हाबा मावनो हानाय हारोंथाइ बांहोना राखान्थियारि खोन्दोफोसव रां थिसननायनि राहा खालामनो हायोब्ला सुबुं सम्पदनि जौगानायखौ मिजिंथिनो हायो।
बेनि अनगायैबो लोरबां थाखोनि सुबुं आरो आइजोफोरखौ नांगौबादि जौगाखांहोनो हानांगोन। रांखान्थियारि जौगानायनि मुङावल’ मिथिंगायारि सम्पदफोरखौ साना हवा बाहायब्लाल’ जानाय नङा, गनायजाथाव जौगानायनि थांखिजों मिथिंगायारि सम्पद बाहायनायनि सायाव गोनांथि होनो नांगोन। बेनि अनगायैवो हादरसानि रांखान्थियारि जौगानायनि थाखाय आबाद, दारिमिन, गोहो, रोगादिनाय, सिबिथाइ खोन्दोफोरनि गेजेराव मोजां गोरोबलायनाय गायसनोब्ला जौगानो हाथावना गोबां खाबुफोर दं ।
उफ्रा सोंनाय फिननाय
फिननाय हो:
सों 1. 2011 मायथाइनि खारिथिबादिब्ला खारिथिबादिब्ला आसामनि बेसेबां जौखोन्दो सुबुडा गामियाव थायो ?
फिन : 85.90 जौखोन्दो।
सों 2. आसामनि बबे जिलायाव सुबुंअनजिमानि ७?$ रोजोबथिया गेरेसिन?
फिनः सा कासार (डिमा हासाव)।
सों 3. सा-सानजा सिमायारि रेल मण्डलनि गाहाइ मावखुलिया बहा गव
फिन : गुवाहाटीनि मालिगावाव।
सों 4 शदियानिफ्राय धुबुरिसिम बुरलुंबुथुर दैमायाव बेसेबां कि.मि. नाव दै लामा दं?
फिनः शदियानिफ्राय धुबुरिसिम बुरलुंबुथुर दैमायाव 891 कि. मि. नाव दै।
सों 5. गुवाहाटीनि बिरखं बन्दरनि मुङा मा?
फिन : ल ‘कप्रिय ग ‘पिनाथ बरदलै मुलुगनां बिरखं बन्दर।
सों 6. माखौ लाव लाव सना (Liquid Gold) बुङो?
फिन : खनिनि थावखौ लाव लाव सना बुड़ो।
सों 7. आसामा भारतबर्षनि गासै दिहुनथाइनि बेसेबां जौखोन्दो मिथिंगायारि गेस दिहुनो?
फिन : भारतबर्षनि गासै दिहुनथाइनि 25 जौखोन्दोफ्राम।
सों 8. हाजोआरि आबाद-बारहावायारि ओनसोलाव गुबैयै मा आबादा गाहाइ?
फिन : हाजोआरि आबाद-बारहावायारि ओनसोलाव गुबैयै झुम आबादानो गाहाइ।
सों 9. 2012 मायथाइनि खारिथि बादिब्ला आसामाव गं बेसेबां साहा बागान दं?
फिन : 2012 मायथाइनि खारिथिबादिब्ला आसामाव गं 765 साहा बागान दं। बिनि अनगायैबो गं 78091 फिसा साहा बागानफोर दं।
सों 10. आसामनि माबे जिलायाव बांसिन ना फावना दिहुननाय जायो?
फिन : 2011-12 मायथाइयाव बरपेटा जिलाया आसामनि मादावनो बांसिन ना फावना दिहुनो।
सों 11. आसामनि गाहाइ आबाद फसलनि मुं लिर।
फिन : माइ।
सों 12. 2014 मायथाइनि ‘आसाम दारिमिनारि आरो खाथायनाय खान्थि ‘नि मोनसे गाहाइ नोजोर मख’।
फिन : हादरसायाव जरखायै गामि ओनसोलाव सुबुं खरफा आय आरो थिसननायनि सुबिदा बां होनाय।
सों 13. खनि दारिमिननि सिङाव थानाय मोनसे गाहाइ दारिमिननि मुं लिर।
फिन : थाव आरो मिथिंगायारि गेस दारिमिन।
सों 14. आसामनि रांखान्थि जौगानायनि गाहाइ बिथाया मा?
फिन : आसामनि रांखान्थि जौगानायनि गाहाइ बिथाया जाबाय आबाद।
सों 15. आसामाव दासान्दि गं बेसेबां हादरारि बारि (National Park) दं?
फिन : आसामाव दासान्दि गं 5 हादरारि बारि दङ।
सों 16. आसामाव जौसिन हायाव सुबुं अनजिमा बांनायनि मोनसे जाहोन लिर।
फिन : गुबुन हादरनिफ्राय आसामाव बांद्रायै सुबुं हाबफैनाय।
गुसुङै फिननाय हो
सों 1. आसामखौ मानो सा-सानजा भारतनि दरजा बुंनाय जायो?
फिन : आसाम हादरसाया बेनि सोनाब दिगाव 50 कि.मि. फ्राम गुवार एसेल’ हा बाहागोजों सोनाब बंगजों नांफाना भारतनि हा बाहागोजों सरजाबफाना दं। भारतजों दुलाराय सा सानजा ओनसोला आसामनि हा बाहागोनि गेजेरजों सरजाबफानानै दं। बेनिखायनो आसामखौ सा-सानजा भारतनि दरजा बुंनाय जायो।
सों 2. आसामाव दासिम गंबेसे गिबि थाखोनि आरो नैथि थाखोनि नोगोर दं?
फिन : आसामाव दासिम (2011) गं 7 गिबि थाखोनि आरो गं 6 नैथि थाखोनि नोगोर दं।
सों 3. 1951-2001 मायथाइ समखिनियाव आसामाव गोख्रै सुबुंअनजिमाया मानो बांदोंमोन?
फिन : आसामाव बे सम खोन्दोआव सरासनस्रा नङि बांनायनि गुबै जाहोना जादों बांलादेशनिफ्राय आसामसिम सिखावै गोबां सुबुं हाबफैनाय। बबेखानि गोदान सावस्रि फाहामथाइ खान्थि बाहायनायनि जाहोनाव थैनायनि हारा खम जादों जाहोनाव सुबुंअनजिमाया एसे बांदों।
सों 4. आसामाव मोनबेसे रोखोमनि लामा हान्था मेलानि राहा दं आरो मा मा?
फिन : आसामाव मोनस्नि रोखोमनि लामा हान्था मेलानि राहा दं। बेफोर जाबाय–
(क) पाखानि लामा।
(ख) पाखा जायि लामा।
(ग) हादोरारि राजा लामा।
(घ) हादोरसायारि लामा।
(ङ) जिलानि गाहाइ लामा।
(च) गामियारि लामा।
(छ) नोगोरनि लामा।
सों 5. सम्पदा गाहायै मोनबेसे थाखोनि आरो मा मा?
फिन : सम्पदा गाहायै मोनने थाखोनि-मिथिंगायारि सम्पद आरो सुबुं आरो सुबुं सोरजिनाय सम्पद।
सों 6. आसामनि हानि गुनखौ नायनानै बेसेबां रोखोमाव रानदों आरो मा मा?
फिन : आसामनि हानि गुनखौ नायनानै मोनब्रै रोखोमाव रानदों। बेफोर जाबाय–
(क) दै सेरनि हायेननि फुलुंखोबनाय हा।
(ख) हाजो संख्लायनि हा।
(ग) हाजोआरि हा आरो
(घ) बालासाहि हा।
सों 7. आसामनि आबाद-बारहावाखौ मोनबेसे बाहागोआव रानदों आरो मा मा?
फिन : हानि रोखोम आरो गुन, हा बिखंनि आखुथाइ, अखा आरो बिदुं गोसारनाया गुबुन गुबुन जानायनि सायाव बिथा खालामनानै आसामखौ गासै मोनद’ आबाद-बारहावा ओनसोलाव राननाय जादों। जेरै–
(क) आफां बुरलुंबुथुर सेरफां ओनसोल।
(ख) सा फारसेनि हायेन ओनसोल।
(ग) गेजेर बुरलुंबुथुर सेरफां ओनसोल
(घ) खर’सा बुरलुंबुथुर सेरफां ओनसोल।
(ङ) बराक सेरफां ओनसोल।
(च) हाजोआरि ओनसोल।
सों 8. आसामाव मोनबेसे रोखोमनि माइ आबाद मावनाय जायो आसे मा मा?
फिन : आसामाव मोनथाम रोखोमनि माइ आबाद मावनाय जायो। बेफोर जाबाय–
(क) आसु माइ।
(ख) माइसालि माइ आरो
(ग) बर’ माइ।
सों 9. आसामनि दारिमिनखौ मोनबेसे रोखोमाव रानदों आरो मा मा?
फिन : आसामनि दारिमिनफोरखौ मोनबा रोखोमाव राननाय जादों बेफोर जादों–
(1) खनि दारिमिन।
(2) आखाइनि हारिमु दारिमिन।
(3) आबाद बिथा दारिमिन।
(4) गोहो (मोब्लिब) दारिमिन आरो
(5) सिबिथाइ खोन्दोनि दारिमिन।
सों 10. आसामनि थाव हारिमुनि सोमोन्दै सुंद ‘यै लिर।
फिन : आसामा खनिनि थाव सम्पदाव दोहोनि। आसामाव थाव दिहुननायनि थाखाय 1889 मायथाइयाव डिगबैयाव जावनाय हाबाखौ जागायो। डिगबैया भारतनि वयनिख्रुइबो गोजाम थाव मोनग्रा जायगा। 13 बर्ग कि.मि. ओनसोल लाफाना थानाय बे थाव थिलिनिफ्राय थावफोरखौ डिगबै थावसोदांग्रासिम लांनाय जायो। डिगबैनि उनाव नारहकटिया थाव थिलिखौ नागिरना मोनो आरो बेयाव 1954 मायथाइनिफ्राय थाव दिहुननायखौ जागायो।
आथिखालाव बे थाव थिलिनिफ्राय बोसोराव 2.5 निजुत टन थाव आरो से निजुत घन ‘मिटार मिथिंगायारि गेस दिहुननाय जायो। बेनिफ्राय नुनमाटि (गुवाहाटी) थाव सोदांग्रा आरो बिहारनि बाराउनि थाव सोदांग्रासिम पाइप लाइननि हेफाजाबै लांनाय जायो। मरान-हुग्रीजान थाव थिलियाव 1956 मायथाइनिफ्राय थाव दिहुननायखौ जागायो। बिनि अनगायैबो रुद्र ‘सागर, लाकंवा, गेलेकि, बरह ‘ला आरो आमगुरि थाव थिलिनिफ्राय थाव दिहुननाय जायो।
दासान्दि आसामाव गंब्रै थाव सोदांग्रा दं-डिगबै, नुनमाटि (गुवाहाटी), बङाइगाव आरो नुमलिगड़। डिगबैनिफ्राय बोसोरै 0.7 निजुत मेट्रिक टन थाव सोदांनाय जायो, गुवाहाटीनिफ्राय 1 निजुत मेट्रिक टन आरो बङाइगावनिफ्राय बोसोरै 2.4 निजुत मेट्रिक टन थाव सोदाड़ो। फारसेथिं नुमलिगड़ थाव सोदांग्रानिफ्राय बोसोरै 3 निजुत मेट्रिक टन थाव सोदांनाय जायो। आसामा 2012-13 मायथाइयाव 4.86 निजुत मेट्रिक टन सोदाङि थाव आरो 2681 निजुत घनमिटार मिथिंगायारि गेस दिहुनदों।
| SL No. | CONTENTS |
| Unit – 1 | जारिमिन |
| Chapter – 1 | बंग सोखावनाय (1905-1911) आरो गावहादरारि सोमावसारनाय |
| Chapter – 2 | महात्मा गान्धी आरो भारतनि उदांस्रि सोमावसारनाय |
| Chapter – 3 | आसामाव ब्रिटिस बेरेखा जांख्रिखांनाय आरो आबादारि बिग्रायनाय |
| Chapter – 4 | उदांस्रि सोमावसारनाय आरो आसामाव हारिमायारि जांख्रिखांनाय |
| Chapter – 5 | भारत आरो सा-सानजा ओनसोलनि हारिमुवारि गोदोमिन |
| Unit – 2 | भुमखौरां |
| Chapter – 1 | रांखान्थियारि भुमखौरां : आयदाफारि आरो सम्फद |
| Chapter – 2 | आबहावा आरो आबहावानि जेंना |
| Chapter – 3 | बहुमनि भुमखौरां |
| Chapter – 4 | आसामनि भुमखौरां |
| Unit – 3 | राजखान्थियारि बिगियान |
| Chapter – 1 | भारतारि फोरजाखान्थि |
| Chapter – 2 | मुलुगनां फसंथान हायुंआफाद आरो गुबुन गुबुन |
| Unit – 4 | रांखान्थि बिगियान |
| Chapter – 1 | खावरि आरो बेंक बेबस्था |
| Chapter – 2 | रांखान्थियारि जौगानाय |
| Chapter – 3 | जोंनि मोनथाइ जोंनि बिबान |
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।