Bodo Medium Class 10 Social Science Chapter 7 Question Answer आबहावा आरो आबहावानि जेंना Environment and Environmental Problems. Class 10 Social Science Question Answer in Bodo to each Chapter is provided in the list of SCERT, NCERT, SEBA सामाज बिगियान Bodo Medium Class 10 Social Science Chapter 7 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Class 10 Social Science Chapter 7 Question Answer. Class 10 Bodo Medium Social Science Chapter 7 Questions Answer. SEBA Bodo Medium Class 10 Social Science Chapter 7 आबहावा आरो आबहावानि जेंना Notes covers all the exercise questions in NCERT, SCERT.
Class 10 Social Science Chapter 7 आबहावा आरो आबहावानि जेंना
Bodo Medium Class 10 Social Science Chapter 7 बोडो मीडियम कक्षा 10 सामाज बिगियान खोन्दो 7 आबहावा आरो आबहावानि जेंना Question Answer | Environment and Environmental Problems | इस पोस्ट में हम आपको ये समझा ने कि कोशिश की है की कक्षा 10 बोडो मीडियम सामाज बिगियान खोन्दो 7 आबहावा आरो आबहावानि जेंना Question Answer. अगर आप एक सात्र या शिक्षाक हो बोडो मीडियम की, तो आपके लिए ये बोडो मीडियम कक्षा 10 सामाज बिगियान खोन्दो 7 Question Answer बोहत लाभदायक हो सकता है। कक्षा 10 सामाज बिगियान खोन्दो 7 मे आप अपना ध्यान लगाके पढ़ कर इस कक्षा 10 सामाज बिगियान में अछि Mark ला सकते हो अपनी आनेवाली परीक्षा में।
खोन्दो 7 आबहावा आरो आबहावानि जेंना
Chapter 7 Environment and Environmental Problems
नैथि खोन्दो
बांसायख’ सोंथिनि फिननाय
गेबें फिननायखौ सायख’ना दिहुन :
1. बुहुमनि दै बाहागोआ बुहुमखौ आवग्रिना दं–
(क) 90 जौखोन्दो।
(ख) 71 जौखोन्दो।
(ग) 29 जौखोन्दो।
(घ) 30 जौखोन्दो।
फिन : (ख) 71 जौखोन्दो।
सों 2. बारमण्डला बुहुम बिखंनिफ्राय गोजौसिम गोसारना दं–
(क) 480 कि.मि.
(ख) 500 कि.मि.
(ग) 1000 कि.मि.
(घ) 450 कि.मि.
फिन : (क) 480 कि.मि.
सों 3. जिब मण्डलाव दासिम बिफां-लाइफां आरो जिबि हारि सिनायथिनाय जादों–
(क) 3.00 निजुट।
(ख) 1.50 निजुट।
(ग) 1.75 निजुट।
(घ) 0.85 निजुट।
फिन : (ग) 1.75 निजुट।
सों 4. बारमण्डलाव नाइट्रजेन गेसनि बिबाङा दङ–
(क) 87.00 जौखोन्दो।
(ख) 21.00 जौखोन्दो।
(ग) 70.00 जौखोन्दो।
(घ) 78.08 जौखोन्दो।
फिन : (घ) 78.08 जौखोन्दो।
सों 5. फिलिपिन्सनि माउन्ट पिनाटुबनि अरगें गोबायनाया जादोंमोन–
(क) 1991 मायथाइयाव।
(ख) 1981 मायथाइयाव।
(ग) 2001 मायथाइयाव।
(घ) 1971 मायथाइयाव।
फिन : (क) 1991 मायथाइयाव।
सों 6. बालाहामा ओनसोलफोरा बुहुमनि हाखौ आवग्रिना लादों–
(क) 15 जौखोन्दो।
(ख) 20 जौखोन्दो।
(ग) 22 जौखोन्दो।
(घ) 13 जौखोन्दो।
फिन : (ख) 20 जौखोन्दो।
सों 7. गासै सानगोहोनि बारमण्डला सोबना लायो–
(क) 30 जौखोन्दो।
(ख) 51 जौखोन्दो।
(ग) 19 जौखोन्दो।
(घ) 25 जौखोन्दो।
फिन : (ग) 19 जौखोन्दो।
सों 8. थांनाय 150 बोसोरनि गेजेराव बारमण्डलनि कार्बन-डाइ अक्साइड गेसनि बिबाङा बांदों–
(क) 30 जौखोन्दो।
(ख) 5.8 जौखोन्दो।
(ग) 19 जौखोन्दो।
(घ) 15 जौखोन्दो।
फिन : (क) 30 जौखोन्दो।
सों 9. गोथां न’ गेस कार्बन-डाइ- अक्साइड, मिथेन, नाइट्रास अक्साइड आरो दैखफ ‘नि बिबाङा बारमण्डलनि गासै गेसनि बिबांनि–
(क) 5 जौखोन्दो।
(ख) 30 जौखोन्दो।
(ग) 5.8 जौखोन्दो।
(घ) 3.1 जौखोन्दो।
फिन : (ख) 3.1 जौखोन्दो।
फरानि सोंनायनि फिननाय
सों 1. आबहावा बुंब्ला मा बुजायो लिर।
फिन : ‘आबहावा’ सोदोबा जायखि जाया जिबि एबा जिउ फोलेरनि सोरगिदिंनि थासारिखौनो फोरमायो। सोरगिदिं सेरनि हालोद होननानै बुङाब्ला जायफोर थादेरसानि सायाव जिबिनि थाथाय आरो गोसारनाया सोनारो बेफोर गासिखौबो लानाय जायो। बे थादेरसाफोरा जिबियारि आरो जिबियारि नङि मोननैबो रोखोमनि जानो हायो। थादेरसा मोननैया गावजों गाव सोमोन्दोनि गेजेराव जिबिनि थाखाय गोनां आबहावा दाना होयो।
सों 2. आबहावानि माखासे जिबियारि आरो जिबियारि नङि थादेरसानि खोथा मुंख’।
फिन : आबहावानि गुदि मुवाफोरखौ गाहायै मोननै बाहागोआव राननो हायो (क) जिउआरि गुदि मुवा (ख) जिउआरि नङि गुदि मुवा। जिउआरि गुदि मुवाफोरा जिउ मण्डलनि सिङाव गोग्लैयो। जिउआरि गुदि मुवाफोरनि मादाव बायदि हारिसानि लाइफां, मेगनजों नुनो मोनै फिसांनिख्रुइ फिसासिन जिबिखौ लानानै बेसेबा गेदेर महरनि जिबिफोराबो जिबियारि थादेरसा। गुबुन फार्सेथिं बोरि, दै आरो बार बादि लोरसोर गैयि जिउ गैयि थादेरसाफोरा जिउ गैयि थादेरसानि सिङाव गोग्लैयो। जिबियारि आरो जिबियारि नङि थादेरसाफोरा गावजों गावजों गाव सोमोन्दो लाखिलायनानै जिबिनि थाखाय गोनां आबहावा सोरजियो।
सों 3. हा मण्डल होनोब्ला मा मिथियो लिर।
फिन : अन्थाइ, बाला, हा, मनि बायदिजों दाजानाय बुहुमनि हा बाहागोखौनो हा मण्डल बुंनाय जाया। बे हा मण्डला बुहुमनि हादोरमा माखासेखौ सरजाबनानै लादों। बेयो हा बाहागोनि 29 जौखोन्दो बेंखनना दं। हा मण्डलावनो बहुमनि हाजो-हाला, जौयेन, हायेन, दैमा, सेरफां, बोरिमा बायदि ओनसोलफोरा दं। हामण्डलनि गुन आरो सोलाय सोलवा बहुमनि आबहावानि खान्थिनि गुबुन मोनथाम मण्डलनि सायाव सोनारना थायो।
सों 4. दैमण्डलनि गेजेराव मा मा गोग्लैयो लिर।
फिन : दैमण्डला हाबाहागोनि 71 जौखोन्दोफ्राम बेंखननाने दं। हा मण्डलाव थानाय दैमा-दैसा, लैथो लैथोमा, बिलो बिलोमा बायदिनि दैफोरा बेनि सिङाव गोग्लैयो। दै मण्डलनि थाथाय आरो सोलाय सोलवा हामण्डल, बारमण्डल आरो जिबमण्डलनि सायाव सानारनानै थायो।
सों 5. बारमण्डला माजों दाजानाय लिर।
फिन : हा बाहागोनि गोजौ फार्से फारियै गोसारनानै मोनसे गेसनि थोरफो दं। अक्सिजेन, नाइट्रजेन, हाइद्रजेन, कार्बन-डाइ-अक्साइड, आरगन बायदि गेसजों दाजानाय रोसनि थोरफोखौनो बारमण्डल बुङो। हा-बाहागोनिफ्राय 480 किल ‘मिटारफ्राम गोजौसिम बारमण्डला गोसारनानै दं।
सों 6. जिबमण्डलनि गोसारथिनि सोमोन्दै लिर।
फिन : बुहुमनि जायफोर ओनसोलाव जिबि थामहिनबा जिउ-जुनाद आरो ‘बिफां-लाइफां दङ’ बेफोरखौनो खौसेयै जिब मण्डल बुंनाय जायो। जिब थानाय बाहागोफोरा जाबाय हाबाहागो, लैथो-लैथोमा आरो बारमण्डलनि दावमा-दावसा आरो एमफौ एनला बिरबायग्रा बाहागो। जिब मण्डलाव दासिम 1.75 निजुतफ्राम बिफां-लाइफां आरो जिबनि हारि सिनायथिनाय जादों।
सों 7. बहुमनि आबहावानि गाहाइ मोनब्रै मण्डलनि गेजेराव थानाय सोमोन्दोनि सोमोन्दै सुंद ‘यै लिर।
फिन : बुहुमनि आबहावानि थादेरसा एबा गुदि मुवाया मोनब्रै गाहाइ मण्डलनि सिङाव। बे मोनब्रैनि मोनफ्रोमहाबो आलादा आलादा आखुथाय दङ ब्लाबो मोनसेया गुबुन मोनसेजों मिथिंगारियै सोमोन्दो गोनां। बे थादेरसा मोनब्रै मण्डलफोरा जाबाय-हा मण्डल, दै मण्डल, जिब मण्डल आरो बार मण्डल।
मोनब्रैबो मण्डला गावजों गाव सोनारलायो। मोनब्रैबो मण्डलनि गेजेराव दै सोरखि, कार्बन सोरखि बायदिफोरनि बादि गावजों गाव जाथाय बिजाथाय सोलिबाय थायो। बिनि जाउनावनो बुहुमाव जिबनि गोनांथिनि थाखै गाहायै मोनसे आबहावानि जोनोम जादों। बेफोर मण्डलनि सिङाव अनजिमा गैयि जिउगोनां आरो जिउगैयि गुदि मुवाफोरा गावजों-गाव सोमोन्दोनि मोनसे जेथो गोनां जेनि गेजेरजों बुहुमनि आबहावाखौ आथिखालनि महर होदों। ‘गुदि मुवा एबा थादेरसाफोरनि दोहोरोमनि सोलायनाय आरो लोगोसेनो बेफोरनि सिङारि सोमोन्दोनि सोलायनाया बहुमनि आबहावाखौ अराय सोलाय होदों। लोगोसे जायगा आरो सम लानानै बहुमनि आबहावाया सोलाय सोल’ जायो।
सों 8. आबहावा सोलाय सोल ‘नि गाहाइ जाहोथाइफोरखौ मुंख’।
फिन : मिथिंगायारि गुदि मुवाफोरनि गुन बायदिया बहुमनि गासिबो ओनसोलावनो समान नङा। हा, दै, बिंदु, जिब बायदिखौ ओनसोल लानानै ओनसोल फाराग नुनो मोनो। बहुमनि गेजेरजों सानजा सोनाबै साननानै लानाय बिषुब हांखोनि सेराव थानाय ओनसोलफोरनि मिथिंगायारि हालोदा मिरु ओनसोल एबा बालाहामा ओनसोलनिख्रुइ जोबोद आलादा। गोजौ हाजो ओनसोलफोरनि मिथिंगायारि हालोदा आरो बांद्राय आलादा दैमा सेरफांनि मिथिंगायारि हालोदा लैथो लैथोमा सेरनि बोरिमा ओनसोलनिख्रुइ आलादा।
बहुम बिखंसानि जायगानि थाथाय, हा दाथाय महर लैथो लैथोमानिफ्राय जानथाय, लैथो बिखंनि जौथाय, दै-बार लाइफां, हाग्रानि जिब-जुनार बायदि रोखोमनि जाहोग्राफोरा बै जायगानि मिथिंगायारि आबहावाखौ थि खालामो। बे जाहोथायफोरनि ओनसोल एबा जायगा लानानै फाराग दङ’ खायनो बुहुम बिखंआव आबहावानि ओनसोलारि फाराग नुनो मोनो।
सों 9. आबहावानि जेंनाया मा फोरमाय।
फिन : आबहावाजों सोमोन्दो थानाय जेंनाफोरानो आबहावायारि जेंना। सानथ्र ‘हायि गुदि मुवाफोरनि गेजेराव थानाय सोमोन्दोनि बाउसि गोमाना जाय जेंना सोमजियो बेनो आबहावा जेंना। बायदि रोखोमनि आबहावायारि जेंनाफोरा जाबाय-हाग्रा फोजोबस्रांनाय, बार मैला जानाय, दै मैला जानाय, हा मैला जानाय, दुलुरारि बिदुं बांनाय, हागिसिखानाय, गरान खुरनाय बायदि। गोख्रै हाराव सुबुं अनजिमा बांनाय, गोबां हाराव सम्पद बुथुमनाय आरो बाहायनाय, दिहुनथायाव बांद्राय आरोंदामिन बाहायनाय, मटर गरि बांनाय, गोदान गोदान नोगोरमा गोसारनाय बायदिनि जाउनाव आबहावानि जेंनाया सोमजिदों।
भुमखौराङारि बिथिंनिफ्राय आबहावानि जेंनाफोरखौ मोनथाम रोखोमै राननो हायो–
(क) जायगायारि जेंना।
(ख) ओनसोलारि जेंना आरो
(ग) गल ‘कारि जेंना।
सों 10. भुमखौराङारि बिथिंनिफ्राय आबहावानि जेंनाखौ मा मा बाहागोआव राननो हायो लिर।
फिन : भुमखौराङारि बिथिंनिफ्राय आबहावानि जेंनाफोरखौ मोनथाय बाहागोआव राननो हायो। बेफोर जाबाय–
(क) जायगायारि जेंना।
(ख) ओनसोलारि जेंना आरो
(ग) गल ‘कारि जैना। सोमजिनाय आरो गोसारनायनिफ्राय जायगायारि जेंनाफोरखौ मोनफा मोनफा फिसा एलेकायाव बेंखनानै दोननो हायो। मोनसे फिसा उद्य’गा खालामनाय थि बेंखननि हा मैला जानाय, बिलोनि थालाया गाहाय जानायखाय मेसें बोथोराव दैनि आंखाल जानाय, बबेबा जायगायाव दैमाया सोरजिनाय हा खुरखानाय जेंनाया मोनसे जायगायारि जेंना। माखासे जेंनाया मोनफा मोनफा भुमखौराङारि ओनसोल गोसारनानै सोमजिनो हागौ।
आसामनि बुर्लुबुथुर आरो बराक सेरफाङाव दैबानानि जेंना, गुवार -उद्य ‘गारि ओनसोलनि दै गुबुंले जानायनि जेंना, नोगोरमा ओनसोलनि हा-सिंनि दैनि आंखालनि जेंनाफोरा ओनसोलारि जेंनानि बिदिन्थि। माखासे आबहावायारि जेंनाया गासै बुहुमखौनो सरजाबनानै लायो। बिदि जेंनानि गोसारथिया जेबो भुमखौराङारि सिमा थाया। गल ‘कारि बिदुं बांनाया रोखोमसे गल ‘कारि आबहावा जेंना। बे जेंनाया बारमण्डल लोगोसे आबहावानि दै बाहागो, हा बाहागो आरो जिबमुलुगनि सायावबो गोहोम गोग्लैयो।
सों 11. आबहावानि जायगायारि जेंनाया मा बिदिन्थि होना लिर।
फिन : सोमजिनाय आरो गोसारनायनिफ्राय जायगायारि जेंनाफोरखौ मोनफा मोनफा फिसा एलेकायाव बेंखननानै दोननो हायो। बिदिन्थि हिसाबै मोनसे फिसा उद्य ‘गा खालामनाय थि बेंखननि हा मैला जानाय, बिलोनि थालाया गाहाय जानायखाय मेसें बोथोराव दैनि आंखाल जानाय, बबेबा जायगायाव दैमाया सोरजिनाय हा खुरखानाय जेंनाया मोनसे जायगायारि आबहावा जेंना।
सों 12. आबहावानि ओनसोलारि जेंनानि मोननै बिदिन्थि हो।
फिन : माखासे आबहावायारि जेंनाया मोनफा मोनफा भुमौराडारि ओनसोल गोसारनाने सोमजिनो हायो अब्ला बिदि जेंनाखौ ओनसोलारि जेंना बुंनाय जायो। आबहावानि ओनसोलारि जेंनानि मोननै बिदिन्थिया जाबाय- (क) आसामनि बुलर्लुबुथुर आरो बराक सेरफाङाव दैबानानि जेंना। (ख) गुवार उद्य ‘गारि ओनसोलनि दै गुबुंले जानायनि जेंना।
सों 13. मा मा जेंनाखौ ग ‘लकारि आबहावा जेंना होऩना बुंनाय जायो लिर।
फिन : माब्लाबा आबहावायारि जेंनाया गासै बुहुमखौनो सरजाबनानै लायो। बिदि आबहावा जेंनानि गोसारथिया जेबो भुमखौराङारि सिमा थाया। गल’कारि बिंदु बांनाया रोखोमसे गल’कारि आबहावा जेंना। बे जेंनाया बारमण्डल लोगोसे आबहावानि दै बाहागो, हा बाहागो आरो जिब मुलुगनि सायावबो गोहोम खोखलैयो।
सों 14. आबहावानि गाहाइ जेंनाफोरखौ लिर।
फिन : आबहावानि गाहाइ जेंनाफोरा जादों–
(1) हाग्रा फोजोबस्रांनाय।
(2) गोख्रै हाराव सुबुं अनजिमा बांनाय।
(3) गोबां बिबाङाव दारिमिन गायसननाय।
(4) नोगोर नोगोरमानि गोसारनाय।
(5) बांद्राय हान्था मेला आरो रोगाथाय राहा।
(6) सुबुं सोदोमस्रिनि सोमोनांथाव जौगानाय आरो
(7) बांद्राय बिबांनि मिथिंगायारि सम्पद बाहायनाय।
सों 15. गुबुंलेनि ओंथि लिर।
फिन : गाज्रि खालामग्रा मुवाया आबहावा गाज्रि खालामनायखौनो गोरलै रावै गुबुंले जानाय होनना बुंनो हायो। गुबैयै मानसिया दिहुननाय मुवा बांद्रायै आबहावाजों गोरोबफायोब्ला जिब मुलुगनि खहा खालामनो हायो। बिदि मुवाखौ गुबुंले खालामग्रा होनना बुंनाय जायो। हाद्रिबाला, उखुन्दै, हांगार, गाज्रि मोनामनाय, सिहा, सालफार-डाइ-अक्साइड, कार्बन-डाइ-मन ‘क्साइड बायदिफोरा आबहावा गाज्रि खालामग्रानि बिदिन्थि।
सों 16. दै गुबुंलेया मा आरो बोरै जायो लिर।
फिन : दैजों माबाफोर रासायनिक मुवा, मुवासाफोर, जिबसा, हगारनाय मुवाफोर गोरोबफानाने दैनि सरासनस्रा गुनखौ सोलाय होयो। दैनि गुन सोलाय सोल’ जाहोनाय खान्थिखौनो दै गुबुंले जानाय बुंनाय जायो। थोंजोङै गाज्रि मुवा दैजों गोरोबनानै गोगो दैखौ बाहायजाथावि खालामनाय हाबाखौनो दै गुबुंले जानाय बुङो।
दैमा गोबां जाहोनाव गुबुंले जायो। बेफोरनि मादाव दङ’–
(1) शिल्प दारिमिननि गाज्रि मुवा गनाय।
(2) आबाद फोथाराव रासाय’निक हासार आरो एमफौ फोथैग्रा मुलि बाहायनाय।
(3) खनि मुवा दिहुननाय फुंखा थावनि।
(4) नोगोरमानि गारजानाय मुवा।
सों 17. हा गुबुंलेनि सोमोन्दै सुंद’ फोरमायथि लिर।
फिन : हाया मिथिंगानि रोखोमसे मख’जाथाव थादेरसा। सुबुं सोदोमस्रिनि गोसारनाया गाहायै हा सम्पदनि सायाव बिथा खालामनानैनो जाफुंसारदों। नाथाय मानसिनि मावथायनि थाखायनो हा सम्पदा गुबुंले जाबोदों। सरासनस्रायै हाजों लोगोसे माबा रासायनिक मुवा, बिसगोनां धातु, उद्य’गारि जाबोर, गावनो गाव सांग्रां मुवा, एसिद अखा-बायदिया गोरोबोब्ला हानि सरासनस्रा गुना जोबना थाङो आरो हासाराबो खमायबोयो। बिदि थासारियाव. बै हा बाहागोखौनो गुबुंले जानाय हा होनना साननाय जायो।
गोदान मुगानि आबाद मावनाय, उद्य’गनि गोसारनाय आरो फारियै बांबोनाय हाग्रामा फोजोबस्रांनायाबो हा गुबुंले जानायनि गाहाइ दायनिगिरि। आबादनि गोदानारि खालामनाया आबाद बिथिङाव रासाय’निक हासार, दै सारनाय, एमफौ बुथारग्रा मुलि बाहायनायखौ बांहोदों। रासायनिक हासार बाहायोब्ला हानि सरासनस्रा दाथाय आरो गुनखौ गुस्लाय होयो। बेनि अनगायैबो एमफौ बुथारनाय मुलि आरो हाग्रा बुथारग्रा मुलि बाहायोब्लाबो खहा खालामग्रा एमफौ एनला आरो गोनांथि गैयि बिफां-लाइफांनि अनगायैबो हायाव थानाय मोजां जिब आरो जिबसाफोराबो जोबस्राङो। हासिंनि खैला, सोदाङि थाव दिहुननायावबो बेफोरनि एफा एनै हायाव गोग्लैयो आरो हायाव गोरोबनानै हा गुबुंले खालामो।
सों 18. बारा माबोरै गुबुंले जायो लिर।
फिन : मिथिंगायारि एबा सुबुं सोरजिनाय जाहोनाव बारमण्डलाव गोरा, लाव लाव आरो गेसारि मुवा सरजाबोब्ला बारनि सरासनस्रा थासारिया सोलाय सोल’ जानो हायो। बिदि सोलाय सोल ‘वा जिउ गोनां आरो जिउ गैयि गासैबो मुवाफोरनि खहा खालामोब्ला बार गुबुंले जादों होनना बुंनाय जायो।
बार मैला जानायनि जाहोनफोरा जाबाय–
(1) अरगें गोबायनाय।
(2) शिल्प-उद्य’गनिफ्राय गनाय उखुन्दै एबा शिल्प-उद्य’ग गोसारनाय।
(3) मथर गारिनिफ्राय गनाय मैला।
(4) गोबांद्राय बेगेंथाय सावनाय।
(5) नोगोरारि खालामनाय।
(6) आणबिक बेरफ्रुहोनाय।
(7) हाग्रा फोजोबस्रांनाय।
(8) हाग्रानि अर आरो
(9) आबाद मावनाय।
सों 19. बालाहामा माखौ बुङो? बालाहामा खालामनायनि बुंफुरलु हो।
फिन : बुहुम बिखंनि बबेबा ओनसोला मिथिंगायारियै रानस्राव गोरान, अखानि बिबाङा इसेल ‘थार, बिफां-लाइफांनि खोबथाया गेसें फैलाव गुवार बालाजों बुंफबनाय ओनसोलखौनो बालाहामा बुङो। भुमखौराङाव सा मिरु आरो खोला मिरु ओनसोलनि बरफ साग्लोबनाय ओनसोलखौबो गुसु बालाहामा महरै गनायनाय जायो।
‘बालाहामा खालामनाया एरैबादि मोनसे खान्थि जाय हानि जिबियारि जानो हाथाव एबा गोहोखौ गाज्रि खालामनानै उनाव बालाहामाबादि थासारि सोरजियो’। बालाहामा खालामनाय खान्थिया हानि दिहुननाय गोहो खमाय होयो आरो बालाहामानि सेराव एबा गोजाननि हाबाहागोखौबो बालाहामायाव सोलाय होनो हायो। आथिखालाव बुहुमनि 35 जौखोन्दो हा बालाहामा खालामनाय खान्थिजों साग्लोब जादों। बालाहामा खालामनाय सोदोबा थारै बालाहामा सेरनि ओनसोलफोरखौ बालाहामासिम गुस्लाय होनायखौ फोरमायो।
सों 20. बालाहामा खालामनायनि जाहोन फोरमाय।
फिन : मिथिंगायारि आरो मानसि सोरजिनाय जाहोथायानो बालाहामा खालामनाय खान्थिखौ हेफाजाब होयो। रानस्राव बोथोर आरो गल’कारि बिदुं बांनाया मिथिंगायारि जाहोथाय। रानस्राव थासारियाव हानि दिहुननाय गोहोखौ खमाय होनायजों लोगोसे बिफां-लाइफांनि बारायनायाव गाज्रि गोहोम खोलैयो। बिनो बालाहामा खालामनायं खान्थिखौ गोख्रै खालामो। गल’कारि बिंदु बांनाया बालाहामा खालामनाय खान्थिखौ गिख्रंथाव महर होगोन होनना बिगियानिफोरा गिखांदों।
फार्सेथिं बालाहामा खालामनायनि थाखाय मानसिनि मांवथायफोरखौनो बांसिनै दायनिगिरि सानो। मानसिनि मावथायफोरनि गेजेराव बांद्राय मोसौ गुमग्रा फोथार, आबाद गोसार होनाय आरो हाग्रामा फोजोबस्रांनायानो गाहाइ। आथिखालाव सुबुं अनजिमा बांनाया बालाहामा आरो बालाहामाफ्राम ओनसोलाव मानसि थानाय बांबोबाय आरो बे बांबोनाया बालाहामा गोसारनायाव जोबोर हेफाजाब होयो। आथिखालाव बुहुमनि गं 200 सो हादोरा बालाहामा खालामनायनि मोगा मोगि जानांदों।
सों 21. बालाहामा खालामनाय जेंना सुस्रांनाया जाथावना ना?
फिन : आथिखालाव हादोरमाफोरनि गासै हा बाहागोनि गोरान जायगानि 27 जौखोन्दोफ्राम हा बाहागोआ बालाहामा खालामनायनि गोहोमाव गोग्लैदों। बे बालाहामा खालामनाय जेंना सुस्रांनाया गासै मुलुगनि मानसिफोरनि मोनसे गोब्राब बादायलायनाय जानानै फैबाय। मुलुगनां हेफाजाब होलायाब्ला बे जेंनाखौ सुस्रांनाया जाथावना नङा। गल’कारि बिदुं बांनायबादि खान्थिजों सरजाब फानायनि थाखाय बालाहामा खालामनायनि जेंनाया गोब्राब आरो गोख्रों जाबोदों।
मानसिनि मावथाया मिथिंगानि उल्थाफार्से थाङोब्ला इयुनाव बे जेंनाया आरोबाव गोख्रों जाबोगोन। बेनिखायनो बालाहामा खालामनायखौ होबथानो मानसिफोरा नाजानांगोन। मुलुगनि हादोरफोरनि खुंगिरिफोरा जथुमलायनानै सावरायना होबथानायनि बिथांखि लाना खामानि मावनांगोन। लोगोसे UNO आ बेखौ होबथानायनि गोख्रों हाबाफारि लायोब्ला थारैनो बालाहामा खालामनाखौ होबथानो हागोन आरो बेवहाय मानसिफोरनिबो सांग्रांथिया गोनांथि जागोन।
सों 22. गल’कारि बिदुं बांनाया मा? बेनि जाहोथायफोरखौ मुंख’।
फिन : मानसिनि मिथिंगायारि हेंथा खामानि मावनायनि जाउनाव बारमण्डलनि दुंथाय बांनाय जाथायखौ दुलुरारि (गल’कारि) बिंदु बांनाय बुंनाय जायो। बहुमनि हा बिखंनि दुंथाय बांनायनि गाहाइ जाहोना जादों सोमखोर (गोथां न’) न’ गेसनि उन जाथाय। कार्बन-डाइ-अक्साइड, मिथेन, नाइट्रास-अक्साइड, क्ल’र ‘फ्लुर कार्बन बायदि सोमखोर न’ गेसनि बिबाङा बारमण्डलाव बोरैबाफोर बाङोब्ला बारमण्डलजों लोगोसे भुम बिखंनि दुंथायाबो बाङो आरो बे दुंथायखौनो गल’कारि बिंदु बांनाय बुंनाय जायो।
गल’कारि बिदुं बांनायनि जाहोथायफोरा जाबाय–
(क) हाग्रामा फोजोबस्रांनाय।
(ख) शिल्प दारिमिन गायसननाय आरो मथर गारि बाहायनाय।
(ग) आबाद मावनाय आरो मि फिसिनाय।
(घ) अरगें गोबायनाय आरो
(ङ) मानसिनि मावनाय दंनाय बांबोनाय।
सों 23. ग’लकारि बिदुं बांनाया माबादि जेंना सोमजिहोनो हायो लिर।
फिन : ग’लकारि बिदुं बांनायनि जाउनाव नुजानो हानाय जेंनाफोरखौ गाहायाव होनाय जाबाय–
(क) ग’लकारि बिदुं बांनायः हाग्रामा फोजोबस्रांनाय, शिल्प उद्य’ग गायसंनाय, मथर गारि बांद्राय सालायनाय, मानसिनि मावनाय दांनाय जाहोनाव सोमखोर न’गेस (गोथां न’गेस) नि बिबाङा बांनाय जाउनाव ग’लकारि बिदुङा बांदों। दुलुरारि बिदुंआ बांबाय थायोब्ला इयुनाव बुहुमाव गर दुंथाया 2050 मायथाइनि गेजेराव 1.5° निफ्राय 5.5° सेन्टिग्रेदसिम बांनो हागौ।
(ख) लैथो बिखुंनि जौथाय बांनाय: ग’लकारि बिदुं बांनायनि जाउनाव मिरु ओनसोलनि लोगोसे हाजो-हाजोमानि बरफा गलिगोन आरो बिनि जाउनाव दैनि बिबांजों लैथोनि बिखुंनि जौथाया बांनो हागौ। होमब्ला सुबुं थानाय ओनसोलफोरा लोमगोन आरो थाखुलिनि आंखाल जागोन।
(ग) आबादनि सायाव गोहोम: गोबां बिबांनि आबाद दिहुनाथाया खमायनानै मोनसे समाव गैया जाजोबनो हागौ। फसल हेंथा होग्रा लाइफां एबा एमफौ एनला लोगोसे गाज्रि जिउसाफोराबो बांनानै जिब मुलुगनि खहा खालामगोन।
(घ) बालाहामा सोमजिनो हागौ।
(ङ) बुहुमनि दै बारा बांद्राय दुंहाव, बांद्राय अखा एबा बांद्राय रानास्राव जानो हागौ।
(च) जिब मुलुगनि सावस्रिनि सायाव गाज्रियै गोहोम गोग्लैनो हागौ।
सों 24. गल’कारि बिदुं बांनाय होबथानायनि राहाया मा?
फिन : ग’लकारि बिदुं बांनायनि जाहोनफोरनि मादाव सुबुंनि मावथायानो बांसिन। बिखायनो ग’लकारि बिदुं बांनायखौ होबथानायनि थाखाय मानसिनि मावनांगौआबो बांसिन। मानसिफोरा हाग्रामा फोजोबस्रांनाय खामानिखौ बन्ध खालामनानै बारमण्डलाव कार्बन-डाइ-अक्साइड गेसनि बिबां खमायहोनो हायो। मथर गारि, संनाय-खावनाय खामानियाव जनग्रा खनि मुवानि सोलायै सान गोहो बाहायना ग’लकारि बिदुं बांनायखौ होबथानो हायो।
शिल्प उद्य’गफोरखौ रोजा सुबुं अनजिमा थानायाव गायसनाबालानो सुबुं थायि गोजान जायगायाव गायसननांगोन। उद्य’गनिफ्राय ओंखारनाय उखुन्दैफोरा बारमण्डलाव कार्बन-डाइ-अक्साइड गेसनि थोरफोआ बाङो आरो बे थोरफोरखौ दै खफ’ गोनां गुदुं बारफोरा गोजौथिं थांनो हाया जानानै बारमण्डलनि दुंथायखौ बांहोयो।
ग’लफारि बिंदु बांनायखौ होबथानोब्ला गोबां बिबांनि बिफां लाइफां गायनांगोन आरो आबाहावाखौ गाज्रि खालामो हानाय गासै हाबा हुखाखौ बन्ध खालामनांगोन। सुबुंनि सार्थआव बाहायनाय रिफ्रिजारेटर, एयारकुलार, ए.सि बाहायनायखौ खमायनांगोन। आबाद मावनाय, जुनार फिसिनाय बिथिङाव आबहावा मैला जाग्रा जिरादफोरखौ गारनानै मिथिंगायारि खान्थिजों मावनांगोन।
सों 25. नोंनि जायगायाव आबहावानि माबा जेंना दंना? दंब्ला बेनि जाहोनखौ फोरमाय आरो सुस्रांनायनि राहा लामा सान।
फिन : आंनि जायगायाव आबहावा जेंनानि गासैबो रोखोमानो दंजोबो। थेवब्लाबो गुबुनफोरनिख्रुइ हा गुबुंले जानाया गोबांसिन आरो जेथोगोनांसिन जाबोदों। जाहोनाव आबाद थिलिफोराव आबादफोरा नांगौ रोखोमनि जालिया, फसलफोरा इसेनिफ्राय इसेसिन जाबोदों।
आं गामियारि आबाद मावग्रा ओनसोलाव थायोखायनो हा गुबुंले जानायखौ मोनदांसिनदों। गोदो आबादारिफोरा आबाद फोथाराव हासार होआबालानो आबादखौ खालामोमोन, होयोमोनब्लाबो गोबोर हासारखौल’ होयोमोन। नाथाय आथिखालाव बांद्राय सुबुंअनजिमानि थाखाय फसल दिहुनथायखौ गोबांनिफ्राय गोबांसिन दिहुननांगौ जानायाव आबाद फोथाराव रासायनिक हासार, एमफौ एनला फोथैग्रा मुलि, हाग्रा बंग्रा फोथैग्रा मुलिफोर बाहायनायनि गोहोमाव हानि गुना जामलांबाय आरो हासार गैया जालांबाय।
रासायनिक हासार बाहायोब्ला हानि सरासनस्रा दाथाय आरो गुनखौ गुस्लाय होयो। जोंनि आबादारिफोरा नांनाय नाङै जानला मानला आरो नांनायनि बांद्राय रासायनिक हासार बाहायो। नांनायनि बांद्राय हासार बाहायोब्ला आबादा लाजोबनो हायैयाव बेफोर दैयाव आरो हा सिङाव थांनानै दै आरो हाखौ मैला खालामो। ओंखायनो रासायनिक हासार आरो मुलि बांद्राय बाहायनायखौ खमायनांगोन नङाब्ला सानसे समाव आबाद जायैनि थाखाय बुहुमाव आदारनि आंखाल जागोन। लोगोसे हा गुबुंले जानायनि थाखाय जिब मुलुगनि खैफोद लाबोगोन।
आबहावा जेंनानि मोनसे बाहागो हा गुबुंले जानायखौ सुस्रांनायनि राहा महरै गाहायनि राहाफोरखौ लानो हायो–
(i) सुबुंफोरनि गेजेराव आबहावायारि सांग्रांथि लाबो नांगोन।
(ii) सरकारा गोरा खान्थि बाहायनानै मैला जानायखौ होबथानांगोन।
(iii) दारिमिनफोरनिफ्राय गनाय बिसगोनां जिरादफोरखौ हगार होयैनि थाखाय गोख्रों नोजोर होनांगौ।
(iv) आबाद फोथाराव रासायनिक हासार बाहायनायनि सोलायै जिबियारि हासार बाहायनायखौ बांहोनांगोन।
(v) आबाद मावजायै हाफोराव बिफां-लाइफां गायनांगोन।
उफ्रा सोंनायनि फिननाय
गाहायनि सोंलुफोरनि फिन हो:
सों 1. हा, दै, बार आरो जिबिनि गेजेराव गावजों गाव सोमोन्दोनि फिथायखौ आबहावा होनना सोर बुंदोंमोन?
फिन : पिटार हेगेट।
सों 2. बुहुमनि बेसेबां जौखोन्दो बाहागोआ हा?
फिन : 29 जौखोन्दो।
सों 3. सरासनस्रा थासारियाव बारमण्डलाव बेसेबां जौखोन्दो कार्बन-डाइ अक्साइड (Co₂) गेस थायो?
फिन : 0.035 जौखोन्दो।
सों 4. आमेरिका जुथुम हादोरनि गासै दैमा लावथायनि बेसेबां जौखोन्दोआ आबादजों गुबुंले जायो?
फिन : 55 जौखोन्दो।
सों 5. आथिखालाव बुहुमनि बेसेबां जौखोन्दो हाया बालाहामा खालामनाय खान्थिजों साग्लोब जादों?
फिन : 35 जौखोन्दो हाया।
सों 6. आथिखालाव बुहुमनि गंबेसेसो हादोरा बालाहामा खालामनायनि मोगा मोगि जानांदों?
फिन : गं 200 सो-हादोरा।
सों 7. एसिया हादोरमानि बेसेबांसो हाया बालाहामा खालामनायनि गोहोमाव गोग्लैदों?
फिन : 20 जौखोन्दो।
सों 8. बारमण्डलनि बिदुं बांनायाव गोथांन’ (सोमखोर देरा) गेसफोरनि मादाव मानि गोहोमा बांसिन?
फिन : बारमण्डलनि बिदुं बांनायाव गोथांन’ गेसफोरनि गेजेराव कार्बन-डाइ-अक्साइड गेसनि गोहोमा बांसिन।
सों 9. मा गेसा बाङोब्ला बारमण्डलनि बिदुङा बाङो?
फिन : गोथां न’ गेसनि बिबाङा बाङोब्ला।
गाहायनि सोंलुफोरनि सुंद’यै फिन हो
सों 1. आबहावानि थादेरसाफोरा मोनबेसे आरो मा मा?
फिन : आबहावानि थादेरसाफोरा मोननै। बेफोर जादों जिबियारि आरो जिबियारि नङि।
सों 2. बुहुमनि आबहावानि मण्डला मोनबेसे आरो मा मा?
फिन : बुहुमनि आबहावानि मण्डला मोनब्रै बेफोर जाबाय–
(क) हा मण्डल।
(ख) दै मण्डल।
(ग) बारमण्डल आरो
(घ) जिबमण्डल।
सों 3. भुमखौराङारि बिथिंनिफ्राय आबहावानि जेंनाफोरखौ बेसेबां रोखोमै साननो हायो?
फिन : आबहावानि जेंनाफोरखौ मोनथाय रोखोमै साननो हायो। जेरै–
(क) जायगायारि जेंना।
(ख) ओनसोलारि जेंना।
(ग) गल’कारि जेंना।
सों 4. फसिल गोहो बाहायनायनि जाहोनाव बारमण्डलाव मा मा बिसगोनां मुवाफोरा बाङो?
फिन : फसिल गोहो बाहायनायनि जाहोनाव बारमण्डलाव कार्बन-मन’-अक्साइड, नाइट्र’जेन-डाइ-अक्साइड, हाइड्र कार्बन, सालफार-डाइ-अक्साइड बायदि बिसगोनां मुवाफोरा बाङो लोगोसे बारमण्डलखौ गुबुंले खालामो।
सों 5. मा जाहोनाव एसिड अखा (ACID RAIN) सोमजियो?
फिन : बारमण्डलाव बांद्राय सालफार-डाइ-अक्साइड आरो नाइट्रजेन-डाइ-अक्साइड थुबुर जानानै थायोब्ला एसिड अखा सोमजियो।
सों 6. बारमण्डलनि बिदुङा 2 निफ्राय 3 डिग्रि सेलसियास बांबावोब्ला बुहुमाव मा जागोन?
फिन : सानना लानाय जादोंदि बारमण्डलनि बिदुङा 2 निफ्राय 3 डिग्रि सेलसियास बांबावोब्ला सा आरो खोला मिरुआव थानाय बरफफोरा आवलिगोन आरो लैथोनि दैया जौखांबोगोन। लैथोनि दैया से मिटार जौखां बोयोब्ला बुहुमनि बोरिमा ओनसोलनि 5 निजुट बर्ग कि.मि. फ्राम बाहागोआ दैनि सिङाव थागोन।
| SL No. | CONTENTS |
| Unit – 1 | जारिमिन |
| Chapter – 1 | बंग सोखावनाय (1905-1911) आरो गावहादरारि सोमावसारनाय |
| Chapter – 2 | महात्मा गान्धी आरो भारतनि उदांस्रि सोमावसारनाय |
| Chapter – 3 | आसामाव ब्रिटिस बेरेखा जांख्रिखांनाय आरो आबादारि बिग्रायनाय |
| Chapter – 4 | उदांस्रि सोमावसारनाय आरो आसामाव हारिमायारि जांख्रिखांनाय |
| Chapter – 5 | भारत आरो सा-सानजा ओनसोलनि हारिमुवारि गोदोमिन |
| Unit – 2 | भुमखौरां |
| Chapter – 1 | रांखान्थियारि भुमखौरां : आयदाफारि आरो सम्फद |
| Chapter – 2 | आबहावा आरो आबहावानि जेंना |
| Chapter – 3 | बहुमनि भुमखौरां |
| Chapter – 4 | आसामनि भुमखौरां |
| Unit – 3 | राजखान्थियारि बिगियान |
| Chapter – 1 | भारतारि फोरजाखान्थि |
| Chapter – 2 | मुलुगनां फसंथान हायुंआफाद आरो गुबुन गुबुन |
| Unit – 4 | रांखान्थि बिगियान |
| Chapter – 1 | खावरि आरो बेंक बेबस्था |
| Chapter – 2 | रांखान्थियारि जौगानाय |
| Chapter – 3 | जोंनि मोनथाइ जोंनि बिबान |
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।