Bodo Medium Class 10 Social Science Chapter 4 Question Answer उदांस्रि सोमावसारनाय आरो आसामाव हारिमायारि जांख्रिखांनाय Indian Freedom Movement and National Awakening in Assam. Class 10 Social Science Question Answer in Bodo to each Chapter is provided in the list of SCERT, NCERT, SEBA सामाज बिगियान Class 10 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Class 10 Social Science Chapter 4 Question Answer Class 10 Bodo Medium Social Science Chapter 4 Questions Answer. SEBA Bodo Medium Class 10 Social Science Chapter 4 उदांस्रि सोमावसारनाय आरो आसामाव हारिमायारि जांख्रिखांनाय Notes covers all the exercise questions in NCERT, SCERT.
Class 10 Social Science Chapter 4 उदांस्रि सोमावसारनाय आरो आसामाव हारिमायारि जांख्रिखांनाय
बोडो मीडियम कक्षा 10 सामाज बिगियान खोन्दो 4 उदांस्रि सोमावसारनाय आरो आसामाव हारिमायारि जांख्रिखांनाय Question Answer | Indian Freedom Movement and National Awakening in Assam | इस पोस्ट में हम आपको ये समझा ने कि कोशिश की है की कक्षा 10 बोडो मीडियम सामाज बिगियान खोन्दो 4 उदांस्रि सोमावसारनाय आरो आसामाव हारिमायारि जांख्रिखांनाय Question Answer. अगर आप एक सात्र या शिक्षाक हो बोडो मीडियम की, तो आपके लिए ये बोडो मीडियम कक्षा 10 सामाज बिगियान खोन्दो 4 Question Answer बोहत लाभदायक हो सकता है। कक्षा 10 सामाज बिगियान खोन्दो 4 मे आप अपना ध्यान लगाके पढ़ कर इस कक्षा 10 सामाज बिगियान में अछि Mark ला सकते हो अपनी आनेवाली परीक्षा में।
खोन्दो 4 उदांस्रि सोमावसारनाय आरो आसामाव हारिमायारि जांख्रिखांनाय
Chapter 4 Indian Freedom Movement and National Awakening in Assam
ब्रैथि खोन्दो
बांसायख’ सोंथिनि फिननाय
गेबें फिननायखौ सायख ‘ना दिहुन :
सों 1. गिबि इंग’ –बार्मी दावहाया जादोंमोन–
(a) 1824 मायथाइ।
(b) 1825 मायथाइ।
(c) 1858 मायथाइ।
(d) 1823 मायथाइ।
फिन : (a) 1824 मायथाइ।
सों 2. इष्ट इण्डिया कम्पानिनि बदलै भारतनि खुंथाया ब्रिटिस राजमुकुतनि सिं जादोंमोन–
(a) 1857 मायथाइ।
(b) 1858 मायथाइ।
(c) 1826 मायथाइ।
(d) 1825 मायथाइ।
फिन : (b) 1858 मायथाइ।
सों 3. 1837 मायथाइनिफ्राय आसामनि फरायसालि, अफिस आरो आदालताव सालायजानाय राव–
(a) असमिया।
(b) उर्दु।
(c) नेपालि।
(d) बांला।
फिन : (d) बांला।
सों 4. ‘ज’नाकी’ लाइसिखौ गिबि फोसावनाय जादोंमोन–
(a) कलिकतानिफ्राय।
(b) गुवाहाटीनिफ्राय।
(c) दिल्लीनिफ्राय।
(d) मुम्बाइनिफ्राय।
फिन : (a) कलिकतानिफ्राय।
सों 5. आसाम छात्र सम्मिलननि गिबि जथुमायाव आफादगिरि जादोंमोन–
(a) पद्मनाथ ग ‘हाइबरुवा।
(b) आनन्दराम ढेकियाल फुकन।
(c) गुनाभिराम बरुवा।
(d) लक्ष्मीनाथ बेजबरुवा।
फिन : (d) लक्ष्मीनाथ बेजरुवा।
सों 6. 19 जौथायाव गायसनजानाय रायत सभाफोरनि गाहाइ थांखिया जाबाय–
(a) आफु आबाद बन्द खालामनाय।
(b) खाज ‘ना बांहोनायखौ खमायनाय।
(c) ब्रिचिसखौ होखारहरनाय।
(d) गोजौनि मोनसेबो नङा।
फिन : (b) खाज ‘ना बांहोनायखौ खमायनाय।
7. आह ‘म सभानि गिबि जथुमाया खुंजादोंमोन–
(a) शिबसागर।
(b) ज’रहाट।
(c) गुवाहाटी।
(d) बरपेटा।
फिन : (a) शिबसागर।
सों 8. हारिमायारि कंग्रेछनि 41 थि बोसोरसालिया जथुमाया खुंजादोंमोन–
(a) गुवाहाटीनि पाण्डु।
(b) डिब्रुगड़।
(c) नगाव।
(d) ज’रहाट।
फिन : (a) गुवाहाटीनि पाण्डु।
सों 9. सवरमती आस्रमनिफ्राय डाण्डिनि लैथो सेरसिम जानथाया–
(a) 250 फ्राम माइल।
(b) 240 फ्राम माइल।
(c) 260 फ्राम माइल।
(d) 370 फ्राम माइल।
फिन : (b) 240 फ्राम माइल।
सों 10. हेफाजाबहोयि सोमावसारनाया जागायदोंमोन–
(a) 1920 मायथाइ।
(b) 1922 मायथाइ।
(c) 1930 मायथाइ।
(d) 1942 मायथाइ।
फिन : (a) 1920 मायथाइ।
सों 11. ग्रुपिं मावथांखिनिफ्राय आसामखौ रैखा खालामो–
(a) तरुणिराम फुकन।
(b) नबीन चन्द्र बरदलै।
(c) मनिराम देवान।
(d) ग ‘पीनाथ बरदलै।
फिन : (d) ग’पीनाथ बरदलै।
सों 12. ‘कानिंहाम सार्कुलार ‘आ गाहायनि बबे सोमवासारनायजों सोमोन्दों गोनां–
(a) भारत एंगारनाय सोमावसारनाय।
(b) हरिजन सोमावसारनाय।
(c) आयेन मानियि सोमावसारनाय।
(d) हेफाजाबहोयि सोमावसारनाय।
फिन : (c) आयेन मानियि सोमावसारनाय।
सों 13. ‘मावगोन नङाबा थैगोन’ (do or die) स्ल ‘गाना जाबाय–
(a) महात्मा गान्धी।
(b) सुभास चन्द्र बसु।
(c) बालगंगाधर तिलक।
(d) लाला लाजपत राय।
फिन : (a) महात्मा गान्धी।
सों 14. भारत एंगारनाय सोमावसारनाय जागायदोंमोन–
(a) 1930 मायथाइ।
(b) 1942 मायथाइ।
(c) 1920 मायथाइ।
(d) 1914 मायथाइ।
फिन : (b) 1942 मायथाइ।
सों 15. चीन-भारतनि दावहाया जादोंमोन–
(a) 1964 मायथाइ।
(b) 1962 मायथाइ।
(c) 1971 मायथाइ।
(d) 1950 मायथाइ।
फिन : (b) 1962 मायथाइ।
सों 16.1969 मायथाइयाव आसाम आबाद मुलुगसोलों सालिखौ गायसननाय जायगा–
(a) गुवाहाटी।
(b) नगाव।
(c) ज’रहाट।
(d) डिब्रुगड़।
फिन : (c) ज’रहाट।
सों 17. शिलचर देहाफाहामसालि कलेजखौ गायसननाय जादोंमोन–
(a) 1968 मायथाइ।
(b) 1959 मायथाइ।
(c) 1960 मायथाइ।
(d) 1948 मायथाइ।
फिन : (a) 1968 मायथाइ।
सों 18.19 जौ जौथायनि गेजेर बाहागोआव आसामाव सोलोंथाइ मोननाय गेजेर थाखो जोनोम होदोंमोन–
(a) सोनाबारि सोलोंथाइ।
(b) भारतारि सोलोंथाइ।
(c) सानजायारि सोलोंथाइ।
(d) गोजौनि मोनसेबो नङा।
फिन : (a) सोनाबारि सोलोंथाइ।
सों 19. आसाम एस ‘सियेसननि गिबि नेहाथारिया जाबाय–
(a) प्रभात चन्द्र बरुवा।
(b) मानिक चन्द्र बरुवा।
(c) पियलि बरुवा।
(d) रहिनी कान्त बरुवा।
फिन : (b) मानिक चन्द्र बरुवा।
सों 20. ज’रहाट सार्बजनिक सभानि मोनसे मख ‘जाथाव हाबाफारिया जाबाय–
(a) कानि फोजोबनाय थांखिखौ गनायथि होनाय।
(b) हा-खाज ‘ना खान्थियाव मदद होनाय।
(c) कानि फोजोबनाय थांखिखौ हेंथा होनाय।
(d) गोजौनि मोनसेबो नङा।
फिन : (c) कानि फोजोबनाय थांखिखौ हेंथा होनाय।
फरानि सोंनाय फिननाय
सुंथाबथार फिननायनि सोंनाय :
सों 1. इयाण्डाबु गोरोबथाया माब्ला जादोंमोन?
फिन : इयाण्डाबु गोरोबथाया 1826 मायथाइनि 24 फेब्रुवारि खालारखालि जादोंमोन।
सों 2. क’म्पानिनि आमोल बुङोब्ला बबेनि समखौ फोरमायो?
फिन : 1826 मायथाइनिफ्राय 1858 मायथाइसिम समखौ क’म्पानिनि आमोल बुंनाय जायो।
सों 3. आसामाव बांला राव बाहायनाया माब्ला जादोंमोन?
फिन : आसामाव बांला राव बाहायनाया 1837 मायथायाव जादोंमोन।
सों 4. बांला रावनि सोलाय आसामाव असमिया रावा माब्ला बाहाय जाफिनदोंमोन?
फिन : आसामाव बांला सवनि सोलाय असमिया रावा 1873 मायथायाव बाहाय जाफिनदोंमोन।
सों 5. अरुण ‘दय लाइसिनि गिबि सुजुगिरिया सोरमोन?
फिन : ड० नाथान ब्राउन।
सों 6. आसाम छात्र सम्मिलननि खुगा लाइसिया मामोन?
फिन : आसाम छात्र सन्मिलननि खुगा लाइसिया ‘मिलन’ मोन।
सों 7. रायत सभानि गुबै थांखिया मामोन?
फिन : रायत सभानि गुबै थांखिया गोदान हा-खान्थि आरो खाज ‘ना खान्थिनि हेंथा होनाय।
सों 8. दुलाराइ आसाम रायत सभाया माब्ला दाजादोंमोन?
फिन : दुलाराइ आसाम रायत सभाखौ 1933 मायथायाव गायसननाय जादोंमोन।
सों 9. आह ‘म सभानि नेहाथारिया सोरमोन?
फिन : आह’म सभानि नेहाथारिया पद्मनाथ ग’हाइबरुवामोन।
सों 10. ज’रहाट सार्बजनिक सभाया माब्ला आरो सोरनि दैदेननायाव गायसननाय जादोंमोन?
फिन : ज’रहाट सार्बजनिक सभाखौ 1884 मायथाइयाव जगन्नाथ बरुवानि दैदेननायाव गायसननाय जादोंमोन।
सों 11. आसाम प्रेदश कंग्रेछ कमिटिनि गिबि आफादगिरि आरो नेहाथारिया सोरमोन?
फिन : आसाम प्रदेश कंग्रेछ कमिटिनि गिबि आफादगिरि आरो नेहाथारिया जाबाय– कुलधर चलिहा आरो न ‘बीन चन्द्र बरदलै।
सों 12. आसाम प्रेदश कंग्रेछ कंमिटिनि फसंथानारियै सायख ‘जानाय गिबि आफादगिरिया सोरमोन?
फिन : कुलधर चलिहा।
सों 13. आसामनि गिबि गाहाइ मन्थ्रिया सोरमोन आरो माब्ला सायख’ जादोंमोन?
फिन : आसामनि गिबि गाहाइ मन्थ्रिया ग ‘पीनाथ बरदलै आरो बिथांखौ 1946 मायथाइयाव सायख’नाय जादोंमोन।
सों 14. आसामाव गायसनजानाय गिबिसिन हारिमायारि फसंथाना मा?
फिन : आसाम एस ‘सियेसन (1903)।
सों 15. कुशल के’वरखौ मा दायाव फासि होदोंमोन?
फिन : बरपथाराव रेल खोखलैनायनि दायाव कुशल क’वरखौ फासि होनाय जादोंमोन।
सों 16. गौहाटी मुलुग सोलोंसालिया माब्ला गायसन जादोंमोन?
फिन : गौहाटी मुलुग सोलोंसालिखौ 1948 मायथाइनि 26 जानुवारिखालि गायसननाय जादोंमोन।
सों 17. आसाम देहाफाहामग्रा कलेज मुंखौ माब्ला दोननाय जादोंमोन?
फिन : आसाम देहाफाहामग्रा कलेज मुंखौ 1947 मायथाइनि 3 नबेम्बरखालि दोननाय जायोमोन।
सों 18. गुवाहाटी देहाफाहामग्रा कलेजा माब्ला जागायजेनो?
फिन : गुवाहाटी देहाफाहामग्रा कलेज (गुवाहाटी देहाफाहामसालि कलेज) खौ 1960 मायथाइनि 20 सेप्टेम्बरखालि जागायजेननाय जायो।
सुंद’ फिननायनि सोंनाय
सों 1. असमीया लिटारेरी ससाइटिनि सोमोन्दै सुंद ‘यै लिर।
फिन : देबीसरन बरुवा आरो गुणग ‘बिन्द फुकननि दैदेननायाव 1872 मायथाइयाव ‘असमीया लिटारेरी ससाइटि ‘खौ कलिकतायाव गायसननाय जायो। बे गौथुमनि गुबै थांखिया जादोंमोन थुनलाइ सर्सा खालामनाय। बबेखानि बे गौथुमाव राजखान्थियारि साननायाबो थिसन जाबायमोन। बे गौथुमनि मुंदांखा सोद्रोमा जगन्नाथ बरुवा आरो मानिक चन्द्र बरुवामोनहा बे ससाइटिनि जानानै भाइसरय लर्ड नर्थब्रुकनो गांसे गोसोखां बिलाइ होदोंमोन। बै गोसोखां बिलाइयाव मोननै दाबि दोंमोन। दाबि मोननैया जाबाय– (i) आसामनि मिथिंगायारि सम्पदनि जौगाहोनाय आरो (ii) आसाम आरो बंगनि गेजेराव रेल फोनांजाब गायसननायनि थाखाय नांगौबादि राहा लानाय। बबेखानि बे गौथुमा 1885 मायथाइसिमहालागि सांग्रां जाना दोंमोन।
सों 2. ज’नाकी मुगा होनोब्ला बबे समखिनिखौ फोरमायो? बे मुगानि मख ‘जाथाव हारियारि खान्थि बेरखांनायनि सुंद’ फोरमायथि हो।
फिन : ज’नाकी मुगा होनोब्ला जिगु जौथाइनि जोबथा बाहागोनिफ्राय नैजि जौथाइनि थामजि जिथाइ समखिनिखौ (1889-1929) फोरमायनाय जायो। ज’नाकी लाइसिया नुजाजेनदोंमोन 1889 मायथाइयाव कलकातानिफ्राय चन्द्र कुमार आगरवालानि सुजुनायाव। बबेखानि बे ज’नाकी लाइसिया आसाम भाषा उन्नति साधिनी सभाजों फोसाव जादोंमोन।
ज’नाकी मुगायाव दिहुनजानाय बे ज’नाकी लाइसिया बै समनि गोबां गोदान थुनलाइगिरि हारोंथाइ गोनां मानसिफोरखौ दिहुनना लाबोनो हादोंमोन। ज’नाकी लाइसिया गिबि समाव राजखान्थिनिफ्राय गोजानाव थादोंमोनब्लाबो समनि फाखनाव बेवहाय फोसावजानाय खन्थाइ, रायथाइ, लिरथाइफोराव लिरगिरिनि हारियारिबादी साननाय हनायफोरा बेरखांदोंमोन। ब्रिटिस फैनायनि जाउनाव आसामनि जायगायारि उद्य’ग आरो फालांगियाव जा गाज्रि गोहोम गोलैदोंमोन बेनि सोमोन्दै बे मुगानि लिरथाइफोरा असमीया सुबुंफोरनि गेजेराव हारियारि खान्थि साननाय बेरखांहोदोंमोन।
सों 3. आह’म सभानि राजखान्थियारि दाबिनि सोमोन्दै लिर।
फिन : आह’म सभाखौ पद्मनाथ ग ‘हाइ बरुवानि दैदेननायाव 1893 मायथाइयाव गायसननाय जादोंमोन। आह ‘म हारिनि राजखान्थियारि, रांखान्थियारि, सोलोंथाइ, हारिमुवारि हायग्लायलांनायखौ नोजोर होनानै बे आफादखौ गायसननाय जादोंमोन। कानि होबथानायाबो बे आफादनि मख ‘जाथाव दाबिमोन। उनावहाय बे आफादखौ ‘दुलाराय आसाम आह’म एस ‘सियेसन’ मुं होनाय जादोंमोन। बे एस’सियेसननि राजखान्थियारि दाबिया जाबाय- आह ‘मफोरखौ सोरखारियारियै अनजिमा बाङाइ महरै गनायनानै बिसोरनि थाखाय बिधान सभायाव आसन (मासि) थिखानाय आरो जुदा समष्टि दानाय।
सों 4. कानि बाहायनायनि सोमोन्दै ज’रहाट सार्बजनिक सभानि साननाया मामोन लिर।
फिन : ज’रहाट सार्बजनिक सभाया आसामनिफ्राय कानि (आफिं) होबथानायखौ बेरेखा खालामदोंमोन। कानि होबथानायनि बिथिङाव बे सभानि साननाया एरैबादिमोन कानिखौ होबथायोब्ला आसामनि सुबुंफोरनि सायाव बांद्रायै जाबसिनना होनाय खाज
खाज ‘नाखौ सुबुंफोरा होनो हानाय नङा। बेखायनो बे सभाया 1893 मायथाइयाव आसामनि गिबि नेहाथारिनि हेफाजाबै ‘राजायारि कानि आय ‘ग’ सिम गोसोखां बिलाइनि गेजेरजों कानिनि गोबां मोजां फोरमायथि होनानै सोरखारनि कानि खान्थिखौ सोलायसल’ एबा कानि फोजोबनाय थांखिखौ हेंथा हरदोंमोन।
5. आसाम एस ‘सियेसना ब्रिटिस सोरखारनि सेराव दैखांनाय आयदाफोरा मा मामोन?
फिन : आसाम एस ‘सियेसना ब्रिटिस सोरखारनि सेराव दैखांनाय आयदाफोरा जाबाय–
(i) बंग सोखावनायनि हेंथायै आसामखौ सानजा बंगनिफ्राय आलादी खालामनाय।
(ii) आसाम एस ‘सियसननिफ्राय बिधान सभायाव (आयेन आफाद) थान्दै लानाय।
(iii) 1918 मायथाइनि मन्टेग’–सेमस् फर्ड रिपर्टनि थांखिनाय खुंथाय सोदांनायाव आसामखौ सरजाबफानाय।
(iv) आसामाव मुलुग सोलोंसालि गायसननाय।
सों 6. आसामाव गुबुन हादरारि मुवा गारनाय हाबाफारिनि सोमोन्दै लिर।
फिन : बंग हादरनि गाव हादरारि सोमावसारनायनि बिजाथाया आसामसिमबो गोसारफैदोंमोन। बंगआव जाबादिहाय गुबुन हादरारि मुवा नागारनानै गाव हादरनि मुवा नाजावनाय हाबाफारि सोलिदोंमोन बिदि आसामावबो बे हाबाफारिया सोलिनो लादोंमोन। आसामकेशरी अम्बिकागिरी रायचौधुरी आरो ग’बिन्द लाहिड़ीया फरायसाफोरनि गेजेराव बिग्रायारि गौथुम दानानै आसामनि जिलाफोराव गावहादरनि मुवा बाहायनायनि थाखाय फोसावदोंमोन।
बे खोथाखौ मिथि मोननानै आसामनि मानसिफोरा संख्रैनि सोलाय खारदै, गुबुन हादरनि सेनिनि सोलाय बेनारसनि सेनि, गुबुन हादरारि जिनि सोलाय जायगानि इन्दि, मुगा, खुननि आरो खादी जि बाहायदोंमोन। बेफोरबादि गुबुनारि मुवा- संख्रै, सेनि, जि नागारनायनि अनगायैबो इंराजी राव, इंराजा होनाय बिमुं बायदिफोरखौं नागारनायनि हाबाफारि लानाय जादोंमोन। आसामनि सुबुंफोरा गुबुनारि हादरनि मुवाफोरखौ दामोल खालामनानै सावनानै नागारदोंमोन। सोरखारि फरायसालिफोरखौबो नागारदोंमोन।
सों 7. आसामाव हे फाजाबहोयि सोमावसार नायाव दैदेननाय दैदेनगिरिफोरनि सोमोन्दै मख’।
फिन : भारतवर्षआव खिलाफत कमिटि आरो कंग्रेछनि ज ‘थाइ दैदेननायाव हेफाजाब होयि सोमावसारनाया जाखांदोंमोन। आसामावबो बे सोमावसारनायनि बारा नांफैदोंमोन। आसामाव हेफाजाबहोयि सोमावसारनायखौ चन्द्रनाथ शर्मा, हेमचन्द्र बरुवा, अमिय कुमार दास, महिबुद्दिनन आहमेद, तरुणराम फुकन, नबीचन्द्र बरदलै आरो कुलधर चलिहामोनहा दैदेनदोंमोन। बिसोरो गिबिनिफ्रायनो सोमावसारनायनि शक्ति बांहोनो थैथां नाजादोंमोन। बे बुब्लियाव मख ‘जाथाव बिफाव लादोंमोन चन्द्रनाथ शर्माया।
चन्द्रनाथ शर्मा, हेमचन्द्र बरुवा, अमिय कुमार दास आरो महिबुद्दिन आहमेदमोनहा आसामनि सेंग्रा फरायसाफोरखौ दैदेनदोंमोन। बिथांमोननि दैदेननायावनो आसामनि सेंग्राफोरा सोरखारि फरायसालिफोरखौ नागारनानै बे सोमावसारनायाव बाहागो लादोंमोन।
बिसोरनि मख ‘जाथाव माखासेफोरा जाबाय लक्षीधर शर्मा, र ‘हिणी कान्त हातीबरुवा, बिमलाकान्त बरुवा, कनक चन्द्र बरुवा, बेणुधर शर्मा आरो तिलक शर्मा बायदि। आरोबाव हेफाजाबहोयि सोमावसारनायखौ दैदेननाय तरुण राम फुकन, नबीन चन्द्र बरदलै, कुलधर चलिहामोनहा आवगाय उकिल साख्रि मावदोंमोन नाथाय बिसोरबो उखिलगिरिखौ नागारनानै बे सोमावसारनायखौ दैदेनदोंमोन।
सों 8. कानिंहाम सार्कुलारा आसामाव आयेन मानियि सोमावसारनायाव माबादि गोहोम खोलैदोंमोन?
फिन : गान्धीनि दैदेननायाव भारतनाङैनो आयेन मानियि सोमावसारनाय सोलिबाय थानाय समावनो आसाम सरकारनि सोलोंथाइ गोरा जन रिछार्ड कानिंहामा फरायसाफोरखौ सोमावसारनायनिफ्राय जानगारहोना लाखिनो थाखाय मोनसे सार्कुलार दिहुनो। बे सार्कुलार बादियै फरायसा आरो बिनि बिमा बिफाफोरा जायखि जाया राजखान्थियारि हाबाफारियाव बाहागो लाया होननानै लिरनाय महराव खोथा होनांदोंमोन।
दायनिगिरि जानायफोरखौ खना (जरिमाना) फोनांनायजों लोगोसे फरायसा बृतिबो (scholarship) होनाय नङा होननानै फोसावदोंमोन। नाथाय कानिंहामनि सार्कुलारा फरायसाफोरखौ सोमावसारनायनिफ्राय बोखारनायनि सोलाय बियाव बाहागो लानोसो बांसिन थुलुंगा होदोंमोन। फरायसाफोरा सोरखारि सोलोंसालि नागारनानै बे आयेन मानियि सोमावसारनाय गोसारहोनायाव बिहोथाइ होदोंमोन।
सों 9. ग ‘पीनाथ बरदलै मन्थ्रि आफादा उदांस्रिनि उनाव मोगा मोगि जानांनाय जेंनानि सोमोन्दै लिर।
फिन : 1946 मायथाइयाव खुंजानाय आसामनि सरासनस्रा बिसायखथियाव कंग्रेछ हानजाया देरहायो आरो ग ‘पीनाथ बरदलैनि दैदेननायाव मन्थ्रि आफाद दायो (1946, 11 फेब्रुवारि)। नाथाय बरदलैनि मन्थ्रि आफादा उदांस्रिनि उनावनो गोबां जेंनाजों मोगा मोगि जानांनाय जादोंमोन। गाहायाव मोगा मोगि जानांनाय जेंनाफोरखौ मख ‘नाय जाबाय–
(i) सिमा जेंनानि मोगा मोगि जानांनाय।
(ii) सा सानजा भारतनि हानथा-मेलायाव नुजानाय जेंना। मानोहोनब्ला हादर सोखावनायनि उनाव सोनाब बंग आरो आसामनि गेजेरनि रेल लामा आरो दै लामाया हरखाबै सानजा पाकिस्ताननि सिं जायो।
(iii) रांखान्थियारि बेले बेजेनि मोगा मोगि जानांनाय जेंना।
(iv) सा-सानजा भारताव गुबुनारि हाबफैनाय जेंना।
(v) रैखाथिनि बेलायाव मोनसे गिनो गोनां ओनसोल महरै थानांनाय जेंना।
सों 10. आसाम आबाद मुलुग सोलोंसालिनि गायसननायनि सुंद’ जारिमिन लिर।
फिन : करिमगन्ज आरो तिताबराव गायसंनजानाय आबाद बिजिरसं खुलियानो आसाम आबाद मुलुगसोलोंसालि गायसननायनि जागायजेननाय बुंनो हायो। बे खुलिफोरनि बिजिरसं आरो ट्रेइनिंफोरनिफ्राय मोनथिना मोनदोंमोनदि आबाद आरो जुनार कलेजनि आलादा आलादा फसंथान नांगौ। बेखौ नोजोर होननानैनो 1948 मायथाइयाव नगाँवाव आसाम जुनार कलेज आरो ज ‘रहाटाव आसाम आबाद कलेज गायसननाय जायो। बे गंनै कलेजखौ लाफानानै 1969 मायथाइयाव ज’रहाटाव आसाम आबाद मुलुगसोलोंसालि गायसननाय जायो आरो जुनार फाहामग्रा कलेजखौ नगावनिफ्राय गुवाहाटीनि खानापारासिम दोरोदहोनाय जायो।
बे मुलुगसोलोंसालिनि गुबै थांखिफोरा जाबाय–
(i) आबाद खोन्दोयाव सुबुं सम्पद जौगाहोनाय।
(ii) दिहुननाय बांहोनो थादवाजासे बिजिरसंनाय।
(iii) बिरोंदामिन बिद्यानि जौगाखांहोनाय आरो राइजोनो मिथिहोनाय।
(iv) आबाद खोन्दोयाव बिरोंदामिन बाहायनाय बांहोनाय।
(v) आबाद खोन्दोजों सरजाबनाय गासैबो थाखोनि गेजेराव मोनसे गोरोबलायहोनाय आरो आदारनि बेलायाव रैखाथि सोरजिनाय।