Bodo Medium Class 10 Social Science Chapter 12 Question Answer खावरि आरो बेंक बेबस्था Money and Banking Class 10 Social Science Question Answer in Bodo to each Chapter is provided in the list of SCERT, NCERT, SEBA सामाज बिगियान Bodo Medium Class 10 Social Science Chapter 12 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Class 10 Social Science Chapter 12 Question Answer. Class 10 Bodo Medium Social Science Chapter 12 Questions Answer. SEBA Bodo Medium Class 10 Social Science Chapter 12 खावरि आरो बेंक बेबस्था Notes covers all the exercise questions in NCERT, SCERT.
Class 10 Social Science Chapter 12 खावरि आरो बेंक बेबस्था
Bodo Medium Class 11 Social Science Chapter 12 बोडो मीडियम कक्षा 10 सामाज बिगियान खोन्दो 12 खावरि आरो बेंक बेबस्था Question Answer | Money and Banking | इस पोस्ट में हम आपको ये समझा ने कि कोशिश की है की कक्षा 10 बोडो मीडियम सामाज बिगियान खोन्दो 12 खावरि आरो बेंक बेबस्था Question Answer. अगर आप एक सात्र या शिक्षाक हो बोडो मीडियम की, तो आपके लिए ये बोडो मीडियम कक्षा 10 सामाज बिगियान खोन्दो 12 Question Answer बोहत लाभदायक हो सकता है। कक्षा 10 सामाज बिगियान खोन्दो 12 मे आप अपना ध्यान लगाके पढ़ कर इस कक्षा 10 सामाज बिगियान में अछि Mark ला सकते हो अपनी आनेवाली परीक्षा में।
खोन्दो 12 खावरि आरो बेंक बेबस्था
Chapter 12 Money and Banking
रांखान्थि बिगियान
गिबि खोन्दो
उनसोलोंथि
सुंथाब थार फिननायनि सोंलु :
सों 1. सोलाय सोल’ खान्थिया मा?
फिन : बबेबा मुवाजों थोंजों सोलाय सोल’ खालामलायनायानो जादों सोलाय सोल’ खान्थि।
सों 2. खावरिया मा?
फिन : सोलायनायनि बिजों महरै सरासनस्रा गनाय जानाय आरो लोगोसे मुवानि बेसेननि मानथाखों आरो बेसेननि बाख्रि महरै हाबा मावफुंनाय जायखिजाया मुवायानो जाबाय खावरि।
सों 3. खावरिनि गुबै हाबा मोनसे मख’।
फिन : खावरिनि मोनसे गुबै हाबाया जाबाय– खावरिया जाबाय सोलाय सल ‘नि बिजों।
सों 4. खान्थियारि नङि खावरिनि बिदिन्थि हो।
फिन : खान्थियारि नङि मुद्राया जाबाय– सेक।
सों 5. थान्दैयारि लेखा बिलाइनि खावरिया मा?
फिन : सोलाय सोल ‘नि बिजों महरै लेखा बिलाइनि खावरि बाहायनाय जायो। सिगांनि लेखा बिलाइनि खावरिनि समान बेसेननि सना एबा रुफासिम महर सोलायनाय जायोमोन। थामहिनबा 100 रांनि लेखा बिलाइनि खावरि 100 रां बेसेननि सना एबा रुफासिम महर सोलाय जायोमोन। बिदि लेखा बिलाइनि खावरिखौ थान्दैयारि लेखा बिलाइ बुंनाय जायो।
सों 6. बेंकआ मा?
फिन : बेंकआ रोखोमसे राङारि फसंथान जाय दाहार होनाय फालांगि खालामो। बेंकआ दोनथुमग्राफोरनिफ्राय दोनथुमनाय बुथुमो आरो बुथुमना मोननाय दोनथुमनायखौ दाहार लाग्राफोरनो दाहार हरो।
सों 7. रिजार्भ बेंक अब इण्डिया बबे मायथायाव गायसनजादोंमोन?
फिन : 1935 माइथायाव गायसनजादोंमोन।
सों 8. सोलिनाय आमानता मा?
फिन : सोलिनाय आमानता जाबाय– दोनथुमग्राया दोनथुमोब्ला एबा जमा खालामोब्ला जमा दोनग्राया गावनि जमा दोननायखौ जायखिजाया समावनो सेकनि जोहै दिहुनना लांनो हायो।
सुंद ‘यै फिननायनि सोंलु
सों 1. सोमोन्दो गैलायि आंखाला सोलाय सोल’ खान्थियाव माबादि जेंना सोमजि होयो?
फिन : सोमोन्दो गैलायि आंखालाव सोलाय सल’ खान्थिया मावफुं जाया। जायखिजाया जौगाफु समाजाव आंखालनि गोनांथिखौ थियै मिथिलायनाया गोब्राब। सोलाय सल खन्थिया सोलिनायनि थाखाय सानै मानसिनि आंखला गावबा गाव सुफुं जानो नांगोन। थामहिनबा सानै मानसिया हरलायनाय मुवा बेसादआ सानैनिबो थाखाय गनायजाथावना जानो नांगोन। गनाय जाथावना नङाब्ला बेयो गोबां जेंना सोमजिहोगोन। बिदिनो गोरोबलायनाय गैयिनि सोलाय सल खान्थिया लासैनो गैया जाबाय।
सों 2. बेसेननि बाख्रि होनोब्ला मा बुजियो?
फिन : मानसिया आरजिनायनि मोनसे बाहागोखौ दोन थुमना दोननो नागिरो। खावरिनि गेजेरजों बे दोनथुमनाय हाबाया मावफुं जायो। बेनि जाहोना जाबाय खावरिया गोरलैयैनो थिनानै दोनजायो। बेयो गुबुन मुवा बेसादफोरबादि गाज्रि जालाङा। दोनथुमनायनि गेजेरजों खावरिखौ मुवा बेसाद बायनायाव बाहायनो हायो। मानसिफोरा इयुननि रैखाथि, इयुननि लेन देन आरो आयनि थाखाय दोनथुमनो नागिरो। बेनिखायनो खावरि दोन थुमनाया इयुननि थाखाय गोनांथार। बेनि थाखायनो खावरिखौ मुवा बेसादनि बेसेननि बाख्रि बुंनाय जायो।
सों 3. खावरिनि बबे आखुआ बयनिख्रुयबो गोनांसिन आरो मानो?
फिन : खावरिनि बयनिख्रुयबो गोनांसिन आखुआ जाबाय– खावरिया सरासनस्रा गनाय थावना गुन गोनां।
खावरिया सरासनस्रा गनाय थावना गुन गोनां जानांगो, नङाब्ला खावरिया सोलाय सलनि बिजों जानाय नङा।
सों 4. खावरिनि गोरलै गुणा मा?
फिन : जायखिजाया खावरिया समान बेसेननि मुवा बेसादसिम थाबनो आरो ‘थोंजोङै सोलायोब्लानो खावरिनि गोरलै गुण दं होनना बुंनांगोन। सोलाय सल’ खान्थियाव बाहायनाय मुवाफोरा गोरलै गुण थाया, मानोना मुवाफोरा थाब आरो थोंजोंङै गुबुन मुवासिम महर सोलायब्लाबो मुवाफोरा जोर थाय जाया।
सों 5. ‘खावरिया मुवा-बेसादनि बेसेननि मानदान्दा’- बेखेवना लिर।
फिन : खावरिनि हाबाफोरनि गेजेराव मुवा बेसादनि बेसेन सुनाया मख’ जाथाव। गासैबो दाङारि मुवाफोरानो बेसेन दं। उदां मुवाफोरासो बेसेन थाया। जेरै साननि सोरां, बार, दैमानि दैफोरा मोनबो बेसेन थाया। जायफोर मुवाफोरा बाजाराव फाननाय बायनाय जायो बेफोर मुवाफोरा बेसेन दं। खावरि महराव फोरमाय जानाय मुवाफोरनि सोलनि सल’ बेसानानो जाबाय मुवानि बेसेन। खावरिया मुवानि बेसेननि सरासनस्रा सुग्रा, मानोना गासैबो राङारि मुवानि बेसेनखौ खावरिनि महराव फोरमायनाय जायो।
सों 6. सिमा गोनां खान्थियारि आरो सिमा गैयि खान्थियारि खावरिनि फारागथिया मा?
फिन : जाय खान्थियारि खावरिजों थि खालामखानाय बेसेननिल’ लेनदेन खालामनो हायो बे खावरिया सिमा गोनां खान्थियारि खावरि। थामहिनबा खम बेसेननि लेखा बिलाइनि एबा धातुनि खावरिया सिमा गोनां खान्थियारि खावरि।
फारसेथिं गोबां बेसेननि खावरिया जागोन सिमा गैयि खान्थियारि खावरि।
सों 7. ओनसोलारि गामियारि बेंकआ मा हाबा मावो लिर।
फिन : ओनसोलारि गामियारि बेंका मावफुंनाय मोननै हाबाया जाबाय–
(1) बेफारि, माहाजोनफोरनिफ्राय गोबां हारनि सुत होनानै दाहार लांनाय गामियारि मानसिफोरनो एसेल’ हारनि सुत लानानै दाहार होनानै मदद होनाय।
(2) गामियारि थिनाय बुथुमनानै बायदि दिहुनथायारि हाबायाव बै थिनायखौ बाहायनाय।
सों 8. बेनक नङि फसंथानफोरा बेंकनिफ्राय मा बादि जुदा?
फिन : बेंक नङि फसंथानफोरा बेंक बादि चेक होनो हाया। बेनिखायनो बिदि फसं थानफोरनिफ्राय थिगिरिफोरा गावनि जमायनाय रांखौ चेकनि गेजेरजों दिहुननो खाबु मोना।
गोलाव सोंनायनि फिननाय
सों 1. सोलाय सल’ खान्थिनि मोनब्रै जेंनानि सोमोन्दै बेखेवना लिर।
फिन : सम बारग ‘नाय लोगो लोगोनो सोलाय सल’ खान्थियाव खायसे जेंना नुजाफैयो। बे जेंनाफोरा जाबाय–
- गोरोबलायि आंखाल।
- सानजादनि गनायथाव सुनगुदि आंखाल।
- बाहागो रानजायि एबा सिफाय जायिनि आंखाल।
- बेसेननि बाख्रिनि आंखाल।
सों 1. गोरोबलायिनि आंखाल : आंखाल एबा गोनांथिनि गोरोबलायनाय गैयाब्ला सोलाय सल’ खान्थिया मावफुं जाया। गावनो गाव गसंथानो हाथियानो गावजों गाव सोनारलायनायनि गुबै जाहोन। सोलाय सल’ खान्थियाव सानै मानसिनि आंखाल जेरै– सासेनो माइ आरो सासेनो खुसेर नांगौ जायोब्ला सानैबो सोलाय सल’नि गेजेरजों बे आंखालखौ सुफुंनो हायो।
थामहिनबा सानै मानसिनि आंखाल एबा गोनांथिया गोरोबलायनाय जानांगोन। माइ आरो खुसेर नागिर ‘नाय सानै मानसिया गावजों गाव सोनारलायनाय आरो बिसोरनि आंखाला गावजों गाव सुफुंजानाय। नाथाय माइनि बिगोमाया खुसेरनि सोलाय नासो नागिरोब्ला बिसोरनि गेजेराव सोलाय सल’नि खान्थिया जानाय नङा। बिदिनो ‘सोलाय सल’ खान्थिया जोबलाङो। खावरिया बे जेंनाखौ फोजोबबाय। माइनि बिगोमाया माइखौ फाननानै मोननाय रांजों नाखों बायनो हादों।
सों 2. सानजादनि गनायथाव सुनगुदिनि आंखाल : सोलाय सल’ खान्थियाव मुवा बेसादनि बेसेननि बेलायाव गोबां जेंना नुजायो। सोलाय सल’ खान्थियाव गुबुन गुबुन मुवा बेसादनि गनायजाथाव बेसेन थाया। बेबादि थासारियाव गासैबो मुवा बेसादखौ मोनफा बेसेनजों फोरमायनाया गोरलै नङा। बेसादनि बेसेनखौ थि खालामनाया आंखालनि सायाव सोनार नानैसो खालामनाय जायो। जेरै– थाइसे आपलजों थाइथाम समफ्राम सोलायदों। बिदिब्ला थाइसे (1) आपेल = थाइथाम (3) समफ्राम। नाथाय आपेलनि सोलाय सल’ हारा थाइसेल’ जानो हाया।
बाजाराव जेसेबां मुवाफोर दं बेसेबां मुवानि उलथायै ‘सोलाय सल’ हार थानांगोन। गासैबो मुवानि सोलाय सल’ हारखौ गोसोआव लानाया गोरलै नङा। खावरि बेबस्थायाव खावरिया जाबाय गनाय थाव सुनायमान। मोनफा मुवानि सोलाय हारखौ जुदा जुदा मुवानि सोलाय सल’ हारजों फोरमायालासे गासैबो मुवानि सोलाय सल’ हारखौ खालि खावरिनि हेफाजाबाव फोरमायनायनि थाखाय सोलाय सल’नि बे जेंनाया जोबलांबाय।
सों 3. बाहागो रानजायि एबा सिफाय जायिनि आंखाल : माखासे मुवाफोर दं जायफोरखौ फिसा फिसा बाहागोआव राननो हाया। सोलाय सल’ खान्थियाव बेफोरबादि मुवाया जेंना सोमजि होयो। जेरै-मैदेर बिगोमानो सेरसे माइरं नांगौ। माइरं सेरसे आरो मैदेर मासेनि बेसेना समान नङा। नाथाय मैदेरखौ बाहागो रानजाया। खावरि बेबस्थायाव बे जेंनाया थाया। खावरिया राननो हानाय।
गोबां बेसेननि लेनदेननि थाखाय जिबादि खावरि दं बिदिनो एसेल’ बेसेननि लेनदेननि थाखायबो खावरि दं। 1000 रांनि लेखा बिलाइनि न’टखौ 500, 100, 50, 20, 10, 5 रांनि न’टसिम आरो 5 रांखौ 2,1 आरो 50 फैसासिम खुस्रा सिफायनानै लानो हायो। 55 फैसानि लेनदेनानो जाथों एबा कौटि रांनि लेनदेनानो जाथों खावरि बेबस्थायाव बाहागो रानजायि एबा सिफायजायि जेंना सोमजिनो हाया।
सों 4. बेसेननि बाख्रिनि आंखाल : बेसेन बुङोब्ला मुवा बेसादनि बेसेनखौनो मिथिनांगोन। मुवा-बेसादफोरा गोबाव समसिम थिनानै दोनजाया। ना, गाइखेर, दाउदै बायदि मुवाफोरा बारा गोबावसिम थिजाया। गोबाव थिनानै दोनोब्ला गाज्रि एबा सेवना थाडो। सोलाय सल’ खान्थियाव बेसेननि महरै मुवाखौ थिनाने दोन थुमनांगोन। गुबुनफारसे मुवानि बाख्रि थिनानै दोननाया खाबु गोनां नङा, खावरिया बे आंखालखौ फोजोबबाय।
खावरि बेबस्थायाव मुवा थिनानै दोननाङा। खावरि महरै थिनानै दोनजायो। फिथाइ, सामथाइ, मैगं थाइगंफोरबादि बे थिनाया सेवनानै थाङा। सासे सुबुङा बे थिनानै दोननायखौ गावजों गाव लाफाया लासै बेंकफोरावबो जमा दोननो हायो आरो जेब्लानो नांगौ जायो अब्लानो दोन थुमनाय खावरिजों गोनां मुवा बायना लानो हायो। बेनिखायनो खावरिखौ मुवा बेसादनि बेसेननि बाख्रि बुंनाय जायो।
सों 2. खावरिनि जायखि जाया मोनब्रै गाहाइ आखुथाइनि सोमोन्दै बेखेवना लिर।
फिन : खावरिया खायसे आखुथाइफोर दङ। जायफोर आखुथाइफोरखौ सरासनम्रा मानसिफोराबो सिनायनो। हायो। बे आखुथाइफोरनि गाहायनि मोनब्रै आखुथाइखौ बेखेवनाय जाबाय––
1. खावरिया सरासनस्रा गनाय थावना जानांगोन।
2. खावरिनि सिनायथिया गोरलै जानांगोन।
3. खावरिया गोरलैयै गाज्रि जानाय मुवा जानो हाया।
4. खावरिया सिफाय जानाय।
1. खावरिया सरासनस्रा गनायथावना जानांगोन : खावरिखौ सरासनस्रा मानसिफोरा गनायना लायो। सरासनस्रा गनायजाथावना गुन थायाब्ला खावरिया
सोलाय सल’नि बिजों जानो हाया। खावरिनि आखुथाइफोरनि गेजेराव बे आखुथायानो बयनिख्रुइबो मख ‘जाथावसिन।
2. खावरिनि सिनायथिया गोरलै जानांगोन : जुदि खावरिनि सिनायथिया गोरलै जाया, अब्ला बेखौ रावबो नाजावनाय नङा आरो मुवा बायनाय–
फाननाय समाव जेंना नुजानो हागौ।
3. खावरिया गोरलैयै गाज्रि जानाय मुवा जानो हाया : ना, दावदै, गाइखेर बायदिफोरनि मोनसेबो खावरि जानो हाया। मानोना बेफोर मुवाया गोलाव समसिम जोरनानै थाया। खावरिया थिनायनि बाख्रि जानोब्ला खावरिफोरा गोबाव सम जोरना थानांगोन।
4. खावरिया सिफाय जानाय : गोबां बेसेननि खावरिखौ खम बेसेननि खावरिसिम महर सोलाय होनो हायो। सोलाय सल’ खान्थियाव मुवाफोरा सिफाय जायियाव सोलायनायाव जेंना नुजाफैयोमोन। खावरि बेबस्थायाव बे जेंनाया जोबो। 50 फैसानि लेनदेनाबो जानो हायो आरो 5 कौटिनि लेनदेनाबो जानो हायो।
सों 3. खावरिया मावफुंनाय मोनब्रै गुबै हाबा बेखेवना लिर।
फिन : खावरिनि गुबै मोनब्रै हाबाया जाबाय–
1. खावरिया सोलाय सल ‘नि बिजों।
2. खावरिया मुवा बेसादनि बेसेन सुग्रा महरै हाबा मावो।
3. खावरिया दोनथ’नाय होनांगौ-मोननांगौनि मानदान्दा महरै हाबा मावफुङो।
4. खावरिया बेसेननि बाख्रि महरै हाबा मावफुंनांगौ।
1. खावरिया जादों सोलाय सल’नि बिजों : सोलाय सल’ खान्थियाव मुवानि सोलाय मुवा थोंजों सोलायनाय जायोमोन। खावरि बेबस्थायाव मुवानि सोलाय मुवा खेंसालियै सोलायनाय जायो। माइरं दिहुनग्रा मानसिया माइरं फाननानै खावरि बुथुमो आरो बै खावरिजों बियो खुसेर बायगोन। सोलाय सल’ खान्थिनि मोनसे लेनदेना खावरि बेबस्थायाव मोननै लेनदेनाव सोलायबाय। खावरिया जाबाय लेनदेननि बिजों। जाय खावरिया सोलाय सल’नि बिजों महरै खामानि मावफुंनो हाया बे खावरि जानो हाया।
2. खावरिया मुवा बेसादनि सुग्रा महरै खामानि मावो : गासैबो राङारि मुवाफोरानो बेसेन दं। उदां मुवाफोरासो बेसेन थाया। साननि सोरां दैमानि दै बायदिफोरनि थाखाय बेसेन होनाङा। जायफोर मुवाफोरा बाजाराव बायनाय फाननाय जायो बैफोर मुवाफोरा बेसेन दं। खावरि महराव फोरमाय जानाय मुवाफोरनि सोलाय सल’ बेसेनानो जाबाय मुवानि दाम। खावरिया मुवानि बेसेननि सरासनस्रा सुग्रा, मानोना गासैबो राङारि मुवानि बेसेनखौ खावारिनि फोरमायनाय जायो।
3. खावरिया दोन थनाय होनांगौ -मोननांगोनि मानदान्दा महरै हाबा मावफुडो : माखासे मुवा आरो उफेरा सम्पद बायनाय फाननायनि समाव दामखौ लोगो लोगो होनाय जाया। दाहारनि बेलायावबो दाहार लाग्राया दाहार होग्रानो दाहार सुजायनायाव सम लायो। बिदि बिथिङाव दोहोन होनाय खान्थिया थाब जाया, खान्थिखौ दोनथ’नाय जायो। गासैबो दोनथ ‘नाय होनो गोनां मोननो गोनांनि हिसाब खावरिनि महराव फोरमायनाय जायो।
4. खावरिया बेसेननि बाख्रि महरै हाबा मावफुंनांगौ : मुवाखौ थिनानै लाखिनो हाया। मुवाफोरा थाबनो गाज्रि जालाङो सोलाय सोल’ खान्थियाव बेनिखायनो थिनायनि बाख्रि गैयामोन। खावरि बेबस्थायाव खावरिखौ थिनानै लाखिनो हायो आरो थिनाय खावरिखौ नांगौबादियै मुवा बायनायाव बाहायनो हायो। बे विथिंनिफ्राय खावरिखौ मुवाफोरनि बेसेननि बाज्रि होनना बुंनो हायो। अदेबानि जरखा मोनसे थासारियाव खावरिनि बेसेननि दिदोमथिया आबुङैगोमा लाङोब्ला (बिदिन्थि महरै सानथावि बादियै थाद ‘नाय गैया जासे मुवा–बेसादनि बेसेना बाङोब्ला) खावरिया थिनायनि बाख्रि महरै हाबा मावफुंनो हानाय नङा। बिदि थासारियाव सरासनस्रायै सना एबा हा एबा गुबुन उफेरा सम्पदफोरासो थिनायनि बाख्रि जानानै फैगोन।
सों 4. चेक गांसेया खावरि ना? जुक्ति होना सावराय।
फिन : चेक गांसेया गुबैयै खावरि नङा। खावरिनि सायाव थानाय मोनसे दाबिलसो। आथिखालाव लेन-देननि बेलायाव चेकखौ गोबां रोखोमै बाहायनाय नुनो मोनदों। नाथाय चेकआ खान्थियारि खावरि नङा। अदेबानि चेकआ गुबै, खावरि नाङाब्लाबो जोबोद खम समनि गेजेरावनो बेखौ खावरियाव महर सोलाय होनो हायो। बेनिखायनो चेकखौ सेरावनि खावरि बुंनाय जायो।
सों 5. खावरिया सोरजिनाय मोनब्रै जेंनानि सोमोन्दै लिर।
फिन : खावरिनि गेजेरजों जेसेबां सुबिदा मोनदों खायसे बेलायाव जेंनाबो सोरजिहोदों। बे जेंनाफोरखौ गाहायाव सावरायनाय जाबाय।
1. खावरिनि बेसेना थादवा जासे खमायोब्ला रायजोफोरा जेंनानि मोगा मोगि जानाङो, मानोना बिसोर एखे मुवाखौनो बायनो गोबां रां बाहायनांगौ जायो। मुंथियै थि आयनि मानसिफोरा रांखान्थि बिथिङा लोरबां जायो। थिग बिदिनो मुवानि बेसेनफोरा बांद्राय खमायोब्ला अदेबानि खावरिनि बेसेना बाङोब्ला दिहुनग्राया खहा जानो गोनां जायो।
2. खावरिया रांखान्थियारि सम्पद आरो आय खौसे खालामनायनि रोखोमसे आगजु जानो हायो। खावरिबिथा रांखान्थियाव खावरिया रांखान्थियारि गोहो बुथुमनायनि राहा जानानै फैयो।
3. खावरिनि फारसे थानाय लोरबांथिया समाजारि बेसेनथिनि जामख ‘नायनि जाहोन जानो हायो। गाज्रि खान्थि, नेम बेरेखा, बिसार खालामिनि गुदियानो खावरि होननानै बुंब्ला बांद्राय जानाय नङा।
4. खावरिनिफ्राय गोसोम खावरि सोमजियो। गोसोम खावरिया रांखान्थियारि दायजों। जेरै– आयन खाजोना थगायनाय, सरजाबनाय। बेफोरबादि दायनि जाहोनाव सोरखारा खाजोना खोमानांगौ जायो।
सों 6. मिरुवारि बेंकनि मोनब्रै गाहाइ खामानिनि सोमोन्दै लिर।
फिन : मिरुवारि बेंकआ माखासे खामानि मावफुंनांगौ। बेफोरनि मोनब्रैया जाबाय :
1. लेखा बिलाइनि खावरि सेबखाङो।
2. दाहार खावरि सामलायो।
3. बेंकफोरनि बेंक।
4. सोरखारनि बेंक।
1. लेखा बिलाइनि खावरि सेबखाङो : मिरुवारि बेंक– आ लेखा बिलाइनि खावरि सेबखाङो। मिरुवारि बेंकआल’ बे मोनथायखौ मोनो। गुबुन जेबो बेंकआ बे ‘मोनथायखौ मोना।
2. दाहार खावरि सामलायो : मिरुवारि बेंकआ रैखाथि खावरि आरो दाहार खावरिनि बिबांखौ सामलायो। बे खावरिया गासै खावरिनि मोनसे गोख्रों बाहागो। फालांगियारि बेंकफोरनि दाहार होनाय गोहोनि सायाव रैखाथि खावरि एबा दाहार खावरिनि बिबाङा सोनारो। मिरुवारि बेंकआ दाहार सामलायनायनि बेबस्थाखौ गनायनानै फालांगियारि बेंकफोरनि दाहार होनो हानाय गोहोखौ सामलायनो हायो।
3. बेंकफोरनि बेंक : गासैबो बेंकफोरनि हिसाब-निकास मिरुवारि बेंकआ नायफिनो। मिरुवारि बेंकआ गुबुन गुबुन बेंकफोरनि खैफोद समनि लोगो। राङारि आंखालनि समाव मिरुवारि बेंकआनो गुबुन बेंकफोरनि रैखागिरि जायो।
4. सोरखारनि बेंक : बाजेट खहाखौ फोजोबनो जोंनि हादराव मिरु सोरखारा मिरुवारि बेंकनिफ्राय राङारि मदद लानो हायो। मिरुवारि बेंकआ गोदान खावरि दिहुननानै बे मददखौ खालामो। मिरुवारि बेंकआ सरखारनि सुबरन होग्राबो। सोरखारनि आयखान्थि, खाजोना खान्थि, फालांगि खान्थि बायदिनि सोमोन्दै मिरुवारि बेंकआ सुबरुन होयो। मिरुवारि बेंकआ सोरखारनि एजेन्टबो। मानोना गासिबो सोरखारि बेंकआ सोरखारनि एजेन्टबो। मानोना गासिबो सोरखारि आय आरो बाहायनायनि हिसाबखौबो मिरुवारि बेंकाव लाखिनाय जायो।
सों 7. फालांगियारि बेंकआ मावफुंनाय मोननै गाहाइ हाबाफोरखौ बेखेवना लिर।
फिन : फालांगियारि बेंकनि मोननै गाहाइ हाबाफोरखौ गाहायाव सावरायनाय जाबाय :
1. फालांगियारि बेंकफोरा थिनायखौ बुथुमो : बे थिनाया मोनथाम रोखोमनि
(क) सोलिबाय थानाया अमानत।
(ख) थि अमानत एबा समनि अमानत।
(ग) थिनाय अमानत। सोलिबाय थानाय अमानताव थियोब्ला एबा जमा दोनोब्ला थिगिरि एबा अमानतगिरिया गावनि थिनायखौ जायखिजाया समावनो चेकनि गेजेरजों दिहुननो हायो। थि एबा समनि अमानतनि बेलायाव बिदि खालामनो हाया। बे अमानतखौ दिहुननांगौ जायोब्ला अमानतगिरिया सिगांनो बेंकनो मिथि होनांगोन। थिनाय अमानतनि बेलायाव जमानि मोनसे बाहागो अमानतगिरिया नांगौ जायोब्ला दिहुनना लाबोनो हायो नाथाय गुबुन मोनसे बाहागोखौ दिहुन नांगौब्ला बेंकनिफ्राय सिगांनो गनायथि लाग्रोनांगोन।
2. फालांगियारि बेंकफोरा दाहार होयो : आबादारि, उद्यगगिरि, कारिकर, थेला सालायग्रा, रिक्सा सालायग्राखौ लानानै समाजनि गुबुन गुबुन थाखोनि मानसिफोरा बेंकनिफ्राय दाहार लानो हायो। दाहारखौ मोजाङै बाहायनायनि जाहोनाव दाहार लाग्राफोरनि राङारि थासारिया एसे गोख्रों जायो।
सरासनस्रायै फालांगियारि बेंकफोरा गोबाव समनि थाखाय दाहार होआ। बेनि जाहोना जाबायदि गोबाव समनि थाखाय हमना लानाय जाबाय 5, 10, 15 बोसोरनि थाखाय, बेंकआ दाहार होयोब्ला दाहार सुखखाङागौमानि बेंकआ थिनायखौ मोनफिना। बिदियाव दोनथुमगिरिया गावनि थिनायखौ दिहनना लाबोयोब्ला आरो बेंकआ बै थिनायखौ हरनो हायाब्ला बेंकनि फारसे राइजोनि फोथायनाया गैया जागोन आरो समनि फाखनाव बेंकआ बन्दबो जानो हायो।
सों 8. गाहायाव होनाय फसंथानफोरा मा हाबा मावफुङो सुंद ‘यै फोरमाय :
(क) आइ दि बि आइ (IDBL)।
(ख) ओनसोलारि गामियारि बेंक।
(ग) आबाद आरो गामि जौगानायनि हादोरारि बेंक।
(घ) भारतारि फिसा उद्यग जौगानाय बेंक।
फिन : (क) आइ दि बि आइ (IDBI) :
आइ दि बि आइ बेनि आबुं बर’ ओंथिया जाबाय भारतारि उद्य ‘गारि जौगाखां बेंक। बे बेंकखौ 1964 मायथाइयाव गायसननाय जादों। बेनि गाहाइ खामानिफोरा जाबाय–
1. उद्य ‘गारि फसं थानफोरनो राङारि मदद होनाय।
2. उद्य ‘गारि जौगानायजों सरजाबफानाय फसंथानफोरनि गोसारनायाव हेफाजाब होनाय। बे बेंकआ उद्य ‘गफोरनि सिम दाहारनि महराव थोंजोङै मदद होयो।
3. रांखान्थियारियै गोग्लैसोनाय ओनसोलफोरनि उद्य ‘गफोराव सुतनि हारखौ रेहाइ होनानै बे बेंकफोरा दाहार होयो।
4. बेंकआ ट्रेइनिंनि हेफाजाबाव उद्य’ग गैयि जिलाफोराव उ’द्योग फसंनायाव बाहागो लायो।
(ख) ओनसोलारि गामियारि बेंक :
1975 मायथाइयाव गिबियै गंबा ओनसोलारि गामियारि बेंक गायसननाय जायो। बे बेंकआ मावफुंनाय मोननै गुबै खामानिया जाबाय–
(1) बेफारि, माहाजोनफोरनिफ्राय गोबां हारनि सुत होनानै दाहार लानांनाय गामियारि मानसिफोरनो एसेल हारनि सुत लानानै दाहार होनानै मदद होनाय आरो
(2) गामियारि थिनाय बुथुमनानै बायदि दिहुनथायारि हाबायाव बै थिनायखौ बाहायनाय।
(ग) आबाद आरो गामि जौगानायनि हादरारि बेंक :
1982 मायथाइयाव आबाद आरो गामि जौगानायनि बेंक थामहिनबा नार्बादखौ गायसननाय जायो। नार्बाद बेंकआ मावफुंनाय गाहाइ हाबाफोरा जाबाय :
(1) गामि ओनसोलाव जेसेबां थिसननाय आरो दिहुननायजों सरजाबफानाय फसंथानफोर दं बेफोरनो रां होग्राफोरनि गेजेराव नार्बाद बेंकआनो बयनिबो जौगायाव दं।
(2) दाहार होनाय खान्थि, बिखान्थिखौ नायफिननाय आरो बिजिरनाय, ट्रेइनिं बायदिखौ गोख्रों खालामनो थाखाय नार्बाद बेंकआ राहा लामा लायो।
(3) गासैबो राङारि फसंथान, भारत सोरखार, राइजो सोरखार, रिजार्भ बेंक बायदिजों नार्बाद बेंकआ सोमोन्दो गायसनो।
(घ) भारतारि फिसा उद्यो’ग जौगानाय बेंक :
बे बेंकनि गाहाइ खामानिफोरा जाबाय :
(1) फिसा उद्य ‘गफोरनि थाखाय जौगा बिरोंदामिन आरो गोदान मुगाजों गोरोबफा होनायनि राहा खालामनाय।
(2) फिसा उद्य ‘ग खोन्दोआव दिहुनजानाय मुवाफोरखौ फाननो थाखाय बाजारनि खाबु खालामनानै होनाय।
(3) नोगोरफ्राम एलेकायाव फिसा उद्य ‘गफोराव गोबां थिसननायनि राहा खालामनानै गामि आरो नोगोरफ्राम एलेकानिफ्राय नोगोरसिम थांनायखौ होबा थानाय।
(4) राइजोआरि राङारि निगम, उद्य ‘गारि निगम, फालांगियारि बेंक, समबाय बेंक आरो ओनसोलारि गामियारि बेंकफोरनो राङारि मदद होनाय आरो बे फसंथानफोरनि गेजेरजों फिसा उद्य ‘गनो दाहार होनाय।
उफ्रा फिननायनि सोंलु
(क) सुंथाबथार थामहिनबा से नाम्बारनि सोंनाय फिननाय
सों 1. सोलाय सोल’ खान्थिनि जायखिजाया मोनसे जेंना मुंख’।
फिन : गोरोबलायि आंखाल।
सों 2. सोलाय सल’ खान्थिखौ माया फोजोबदों।
फिन : खावरिया।
सों 3. खावरिनि फारि दावगाया बेसेबां थाखो दं?
फिन : गासै मोनबा थाखो।
सों 4. खावरिनि फारिदावगानि गिबि थाखोआ मा?
फिन : सोलाय सोल’ खान्थि।
सों 5. खावरि महरै मा जुनारखौ बाहायदोंमोन?
फिन : बोरमा।
सों 6. खावरिनि मोननै रोखोमा मा मा?
फिन : हिसाब निकासनि खावरि आरो थार खावरि।
सों 7. भारतनि हिसाब-निकासखौ मानि मानाव फोरमायनाय जायो?
फिन : ‘रां’ नि मानाव।
सों 8. आमेरिकानि हिसाब निकासखौ मानि मानाव फोरमायो?
फिन : ‘डलार’ नि मानाव।
सों 9. खान्थियारि खावरिनि मोननै रोखोमा मा मा?
फिन : सिमा गोनां खान्थियारि खावरि आरो सिमा गैयि खान्थियारि खावरि।
सों 10. चेकआ मा रोखोमनि खावरि?
फिन : खान्थियारि नङि खावरि।
सों 11. बिथोनारि खावरिया मा?
फिन : सोरखारि बिथोन बादियै जाय खावरिया सोलाय सोल ‘नि बिजों महरै गनाय जायो बै खावरियानो जाबाय बिथोनारि खावरि।
सों 12. गुदुं खावरिया माब्रै सोमजियो?
फिन : आसोल दोहोन गलांनायाव गुदुं खावरिया सोमजियो।
सों 13. बबे खावरिया रांखान्थियारि दाय गोनां?
फिन : गोसोम खावरिया।
सों 14. गोरलैयै मोननाय खावरिया बोरै जायो?
फिन : मिरुवारि बेंकआ सुतनि हारखौ खमायोब्ला दाहार लाग्राफोरा गोबां जागोन खावरि जागायनाया बांगोन। बिदिनो गोरलैयै मोननाय खावरि सोमजियो।
सों 15. बाजार मिरुवारि रांखान्थिनि गाहाइ आखुथाइया मा?
फिन : दाम-दरा।
सों 16. रांखान्थिगिरि क्राउ ‘थारनि बादिब्ला बेंकनि गिबि सुबुं सोर सोरखौ बुंदों?
फिन : रांखान्थिगिरि क्राउथारनि बादिब्ला बेफारि, सनारि आरो दाहार होग्रा माहाजोनफोरानो बेंकनि गिबि सुबुं।
सों 17. बेंक सोदोबा बब्ला फोसाव जायो?
फिन : गेजेर मुगायाव इटालीयाव बेंक अन भेनिच गायसननाय लोगो लोगोनो बेंक सोदोबा फोसावजायो।
सों 18. मन्ते सोदोबनि सोलाय जार्मानफोरा मा सोदोब बाहायनाय?
फिनक्ष: bank सोदोबखौ।
सों 19. बेंक बेबस्थानि बिगोमा बेंकनि मुङा मा?
फिन : मिरुवारि बेंक।
सों 20. बयनिख्रुयबो गोजामसिन मिरुवारि बेंकनि मुङा मा?
फिन : सुइदेननि रिक्स बेंक।
सों 21. भारतबर्षनि मिरुवारि बेंकनि मुङा मा?
फिन : रिजार्भ बेंक अब इण्डिया।
सों 22. 2001 मायथाइनि सुबुं साननाय बादियै भारतबर्षनि गासै बेसेबां सुबुंआ पासबुक खुलिनाय?
फिन : 36 जौखोन्दो सुबुङा।
सों 23. बबे बेंकआ दाहार खावरि सोरजियो?
फिन : फालांगियारि बेंकआ।
सों 24. 2014 मायथाइसिम भारतबर्षआव बेसेबां गं ओनसोलारि गामियारि बेंक सोलिगासिनो?
फिन : गं 57
सों 25. SIDBI (सिदबि) नि गाहाइ मावखुलिया बबेयाव?
फिन : लक्षनौवाव।
सों 26. गंबा ओनसोलारि गामियारि बेंकखौ बब्ला गायसननाय?
फिन : 1975 मायथाइयाव।
सों 27. उद्य ‘गिरि फसं थानफोरनो मा बेंक-आ दाहार होयो?
फिन : भारतारि उद्य ‘गारि जौगाखां बेंक आ।
सों 28. ‘रिजर्भ बेंक अब इण्डिया’ बेसेबां मायथाइयाव गायसनजानाय?
फिन : 1935 मायथाइयाव।
सों 29. बेंक नङि रांङारि फसंथानफोरनि रेजिष्ट्रेसनआ बबेयाव जायो?
फिन : ‘रिजर्भ बेंक अव इण्डिया’ आव जायो।
सुंद ‘यै फिननायनि सोंलु
सों 1. खावरि नङि धातुमान राहानि मोननै जेंनाखौ लिर।
फिन : 1. सना एबा रुफाया गोगो गोनां नांगौना नङा खनफ्रोमबो लेनदेननि समाव बेखौ थि खालामनांगौमोन।
2. बेसेन बरहा धातुफोरखौ दाबसेनिफ्राय दाबसेयाव गियालासे लांनाया गोरलै नाङामोन।
सों 2. खावरि नङि धातुमान जोबलांनायनि मोननै जाहोन लिर।
फिन : (1) सना रुफानि जगायनाया बांनाय गैयि।
(2) गोजानाव लाना थांनायनि जेंना।
सों 3. इंराज रांखान्थिगिरि जियफ्री, क्राउथारनि खावरिनि सायाव बुंथिनाय बिबुंथिखौ लिर।
फिन : सोलायनायनि बिजों महरै सरासनस्रा गनायजानाय आरो लोगोसे मुवानि बेसेननि मानथाखो आरो बेसेननि बाख्रि महरै हाबा मावफुंनाय जायखि जाया मुवायानो जाबाय खावरि।
सों 4. कर बेंकिं माखौ बुङो?
फिन : आथिखालाव खावरि आरो बेंक बेबस्थायाव खावरिनि थार गथायनाय जायालासेनो लेनदेन मावफुंनाय जासै। बेंकनि हिसाबनि खथायाव दाजाब ‘दानख’ जाबाय। बायग्रानि हिसाबनि न’आव बेसेनखौ दाजाबनाय जाबाय। बेखौनो कर बेंकिं होनना बुंनाय जायो।
सों 5. खावरिनि मोनब्रै हाबाखौ इंराजीयाव फोरमाय।
फिन : खावरिनि मोनब्रै हाबाखौ इंराजीयाव एरै फोरमायो–
Money is a matter of functions four-a medium, a measure, a standard and a store.
सों 6. खावरिनि गाहाइ हाबाफोरा मा मा?
फिन : (1) खावरिया जादों सोलाय सोल ‘नि बिजों।
(2) खावरिया मुवा बेसादनि बेसेन खुग्रा महरै हाबा मावो।
सों 7. खावरिनि लेङाइ हाबाफोरा मा मा?
फिन : (1) खावरिया दोनथ ‘नाय होनांगौ मोननांगौनि मानदान्दा महरै हाबा मावफुङो।
(2) खावरिया बेसेननि बाख्रि महरै हाबा मावफुङो।
सों 8. गुवार ओंथियाव खावरिया बेसेबां रोखोमनि? मा मा?
फिन : गुवार ओंथियाव खावरिया मोननै रोखोमनि।
1. हिसाब-निकासनि खावरि।
2. थार खावरि।
सों 9. मन्ते सोरखौ बुंनाय जायोमोन?
फिन : इटालीनि फिसा फिसा राइजोफोरनि गेजेराव दावहा, नांलाय खमलाय जाफ्लेबाय थानायलाय खुंगिरिफोरनो रां नांनाय जायोमोन। बिदि रांखौ बुथुमनो थाखाय खांगिरि थिसननाय जादोंमोन। बे खांगिरिफोरखौ मन्ते बुंनाय जायोमोन।
सों 10. भारतबर्षनि गिबि बेंकनि मुङा मा? बेयो बब्ला गायसनजानाय?
फिन : बेंकनि मुङा जाबाय बेंक अब हिन्दुस्तान।
1770 मायथाइयाव गायसननाय जादोंमोन।
सों 11. आसामनि गिबि बेंक आ मा? बेखौ बेसेबां मायथाइयाव गायसननाय?
फिन : गुवाहाटी बेंक।
बेखौ 1926 मायथाइयाव गायसनदोंमोन।
सों 12. भारतबर्षनि मिरुवारि बेंक आ मा आरो बेखौ बब्ला गायसननाय?
फिन : मेरुवारि बेंकनि मुङा जाबाय– रिजार्भ बेंक अब इण्डिया। बेखौ 1935 मायथाइयाव गायसननाय जायो।
सों 13. सिदबिनि आयेनखौ बब्ला गनायनाय आरो बब्लानिफ्राय हाबा मावनाय?
फिन : सिदबि आयेनखौ 1989 मायथाइयाव गनायो आरो 1990 मायथाइनिफ्राय सिदबिया हाबा मावनो जागायो।
सों 14. गाहायाव होनायफोरनि आबुं मुंखौ लिर
IDBI, RRB, NABARD, SIDBI, NEDFI, ICICI, SBI
फिन : IDBI – Industries Development Bank of India.
RRB – Regional Rural Bank.
NABARD – National Bank for Agriculture and Rural Development.
SIDBI – Small Industries Development Bank of India.
NEDFI – North East Development Finance Corporation of India.
ICICI – Industrial Credit and Investment Corporation of India.
SBI – State Bank of India.
| SL No. | CONTENTS |
| Unit – 1 | जारिमिन |
| Chapter – 1 | बंग सोखावनाय (1905-1911) आरो गावहादरारि सोमावसारनाय |
| Chapter – 2 | महात्मा गान्धी आरो भारतनि उदांस्रि सोमावसारनाय |
| Chapter – 3 | आसामाव ब्रिटिस बेरेखा जांख्रिखांनाय आरो आबादारि बिग्रायनाय |
| Chapter – 4 | उदांस्रि सोमावसारनाय आरो आसामाव हारिमायारि जांख्रिखांनाय |
| Chapter – 5 | भारत आरो सा-सानजा ओनसोलनि हारिमुवारि गोदोमिन |
| Unit – 2 | भुमखौरां |
| Chapter – 1 | रांखान्थियारि भुमखौरां : आयदाफारि आरो सम्फद |
| Chapter – 2 | आबहावा आरो आबहावानि जेंना |
| Chapter – 3 | बहुमनि भुमखौरां |
| Chapter – 4 | आसामनि भुमखौरां |
| Unit – 3 | राजखान्थियारि बिगियान |
| Chapter – 1 | भारतारि फोरजाखान्थि |
| Chapter – 2 | मुलुगनां फसंथान हायुंआफाद आरो गुबुन गुबुन |
| Unit – 4 | रांखान्थि बिगियान |
| Chapter – 1 | खावरि आरो बेंक बेबस्था |
| Chapter – 2 | रांखान्थियारि जौगानाय |
| Chapter – 3 | जोंनि मोनथाइ जोंनि बिबान |
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।