Bodo Medium Class 10 Social Science Chapter 11 Question Answer मुलुगनां फसंथान हायुंआफाद आरो गुबुन गुबुन Class 10 Social Science Question Answer in Bodo to each Chapter is provided in the list of SCERT, NCERT, SEBA सामाज बिगियान Bodo Medium Class 10 Social Science Chapter 11 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Class 10 Social Science Chapter 11 Question Answer. Class 10 Bodo Medium Social Science Chapter 11 Questions Answer. SEBA Bodo Medium Class 10 Social Science Chapter 11 मुलुगनां फसंथान हायुंआफाद आरो गुबुन गुबुन Notes covers all the exercise questions in NCERT, SCERT.
Class 10 Social Science Chapter 11 मुलुगनां फसंथान हायुंआफाद आरो गुबुन गुबुन
Bodo Medium Class 11 Social Science Chapter 11 बोडो मीडियम कक्षा 10 सामाज बिगियान खोन्दो 11 मुलुगनां फसंथान हायुंआफाद आरो गुबुन गुबुन Question Answer | Mulugonag Fonsothan Hayungafad aro Gubon Gubon | इस पोस्ट में हम आपको ये समझा ने कि कोशिश की है की कक्षा 10 बोडो मीडियम सामाज बिगियान खोन्दो 11 मुलुगनां फसंथान हायुंआफाद आरो गुबुन गुबुन Question Answer. अगर आप एक सात्र या शिक्षाक हो बोडो मीडियम की, तो आपके लिए ये बोडो मीडियम कक्षा 10 सामाज बिगियान खोन्दो 11 Question Answer बोहत लाभदायक हो सकता है। कक्षा 10 सामाज बिगियान खोन्दो 11 मे आप अपना ध्यान लगाके पढ़ कर इस कक्षा 10 सामाज बिगियान में अछि Mark ला सकते हो अपनी आनेवाली परीक्षा में।
खोन्दो 11 मुलुगनां फसंथान हायुंआफाद आरो गुबुन गुबुन
Chapter 11 Mulugonag Fonsothan Hayungafad aro Gubon Gubon
नैथि खोन्दो
बांसायख’ सोंथिनि फिननाय
गेबें फिननायखौ सायख’:
सों 1. गिबि मुलुग दावहाया जादोंमोन–
(a) 1939 मायथाइ।
(b) 1914 मायथाइ।
(c) 1918 मायथाइ।
(d) 1945 मायथाइ।
फिन : (b) 1914 मायथाइ।
सों 2. नैथि मुलुग दावहाया जादोंमोन–
(a) 1945 मायथाइ।
(b) 1914 मायथाइ।
(c) 1939 मायथाइ।
(d) 1918 मायथाइ।
फिन : (c) 1939 मायथाइ।
सों 3. मुलुग गोजोननि थाखाय दाजानाय गिबि फसंथाना जाबाय–
(a) हारिमा आफाद।
(b) रैखाथि परिषद।
(c) हादोर गौथुम।
(d) गोजौनि मोनसेबो नङा।
फिन : (a) हारिमा आफाद।
सों 4. आथिखालाव हायुंआफाद सोद्रोमानि अनजिमाया–
(a) गं 183
(b) गं 51
(c) गं 180
(d) गं 193
फिन : (d) गं 193
सों 5. हायुंआफाद चनदाव सहि होनाय हादोरनि अनजिमा जाबाय–
(a ) गं 51
(b) गं 48
(c) गं 50
(d ) गं 61
फिन : (d) गं 51
सों 6. हायुंआफाद चनदाव थानाय गासै फारि (अनुच्छेद)–
(a) मोन 120
(b) मोन 111
(c) मोन 51
(d) मोन 393
फिन : (b) मोन 111
सों 7. गाहायनि बबे मोनसेया हादोरगौथुमनि थांखि–
(a) मुलुगाव दावहा सोमजिहोनाय।
(b) मुलुगाव हाथेर बांहोनाय।
(c) पारमाणबिक बमा बेर होनाय।
(d) मुलुगाव गोजोन आरो रैखाथि लाखिनाय।
फिन : (d) मुलुगाव गोजोन आरो रैखाथि लाखिनाय।
सों 8. हायुंआफाद गाहाइ मावखुलिया जादों–
(a) जेनेभा।
(b) पेरिस।
(c) निउइयर्क।
(d ) दिल्ली।
फिन : (d) निउइयर्क।
सों 9. गाहायनि बबे मोनसेया रैखाथि परिषदनि गागि सोद्रोमा नङा–
(a) फ्रान्स।
(b) चीन।
(c) आमेरिका।
(d) जापान।
फिन : (d) जापान।
सों 10. 1973 मायथाइयाव रांखान्थियारि आरो समाजारि परिषदनि सोद्रोमानि अनजिमाखौ बांहोनाय जायो–
(a) सा 54
(b) सा 27
(c) सा 18
(d) सा 55
फिन : (a) सा 54
सों 11. हायुंआफाद सान फालिनाय जायो–
(a) 15 आगष्ट।
(b) 10 दिसेम्बर।
(c) 24 अक्ट’बर।
(d) 26 फेब्रुवारि।
फिन : (c) 24 अक्ट’बर।
सों 12. 2007 मायथाइनि 1 जानुवारिनिफ्राय दासिम हाबा मावफुंगासिनो थानाय हायुंआफादनि नेहाथारि गाहाया जाबाय–
(a) ब्रुटस घालि।
(b) बेनि कि मुन।
(c) इउ थान्ट।
(d) क’ कि आन्नान।
फिन : (b) बेन कि मुन।
सों 13. UNESCO नि गाहाइ मावख सालिया दङ–
(a) पेरिच नोगोराव।
(b) निउइयर्कावि।
(c) जेनेभायाव।
(d) दि हेग नोगोराव।
फिन : (a) पेरिच नोगोराव।
सों 14. मुलुगनां न्यायालयनि (बिजिरसालि) गाहाइ मावख ‘वा–
(a) दि हेग नोगोर।
(b) टकिय।
(c) बेइजिं।
(d ) जेनेभा।
फिन : (a) दि हेग नोगोर (हलेण्ड)
सों 15. ‘पारमाणबिक हाथेर खमायनाय गोबोथा’ या जादोंमोन–
(a) 1952 मायथाइ।
(b) 1968 मायथाइ।
(c) 1963 मायथाइ।
(d) 1967 मायथाइ।
फिन : (b) 1968 मायथाइ।
सों 16. हायुंआफादनिफ्राय सुबुं मोनथाइ आय ‘गखौ दानाय जायो–
(a) 1946 मायथाइनि 10 दिसेम्बर।
(b) 1948 मायथाइनि 10 दिसेम्बर।
(c) 1946 मायथाइनि 16 फेब्रुवारि।
(d) 1962 मायथाइनि 10 दिसेम्बर।
फिन : (c) 1946 मायथाइनि 16 फेब्रुवारि।
सों 17. सुबुं मोनथाइ फालिनाय साना जाबाय–
(a) 10 दिसेम्बर।
(b) 24 अक्ट’बर।
(c) 26 जानुवारि।
(d) 15 आगष्ट।
फिन : (a) 10 दिसेम्बर।
सों 18. भारताव हादरारि सुबुं मोनथाइ आय ‘ग (NIIRC) दानाय जायो–
(a) 1993 मायथाइ।
(b) 1994 मायथाइ।
(c) 1991 मायथाइ।
(d) 1968 मायथाइ।
फिन : (a) 1993 मायथाइ।
सों 19. हादरारि सुबुं मोनथाइ आय’गनि (NIIRC) आफादगिरिया जाबाय–
(a) गोजौ बिजिरसालिनि बारग’ गिबि बिजिरगिरि।
(b) जौगा बिजिरसालिनि बारग’ गिबि बिजिरगिरि।
(c) सुबुं मोनथाइनि सोमोन्दै गियान थानाय सुबुं।
(d) गोजौनि मोनसेबो नङा।
फिन : (b) जौगा बिजिरसालिनि बारग’ गिबि बिजिरगिरि।
सों 20. कमनवेल्थ अब नेसन्सनि गाहाइ मावख’आ जाबाय–
(a) सिंगापुर।
(b) जाकार्ता।
(c) डुबाइ।
(d) लण्डन।
फिन : (d) लण्डन।
उनसोलोंथि
सुंथाबथार फिननायनि सोंलुः
सों 1. हायुंआफाद मानो दानाय जादोंमोन?
फिन : गिबि मुलुग दावहानि उनाव दाजानाय हारिमागौथुमा फेलें जानायनि उनाव 1939 मायथाइयाव नैथि मुलुग दावहाया जाफिनो। बे दावहाया लाबोनाय गिख्रंथाव आरो फोरमायथावि फोजोबस्रांनाया आरोबाव खनसे मुलुगनि मानसिफोरखौ गिखांहोयो सानखांफिन होयोदि मुलुगाव गोजोन लाबोनायनि थाखाय मोनसे मुलुगनां फसंथान गायसननाया गोनां। बे खोथाखौ सानखांनानैनो 1945 मायथाइनि 24 अक्ट’ बरखालि ‘हादोरगौथुम’ (U.N.O) मुंनि गोदान फसंथान दानाय जायो।
सों 2. हायुंआफाद मोननै थांखि लिर।
फिन : हायुंआफादनि मोननै थांखिया जाबाय–
(i) मुलुगनां हादोरफोरनि गोजोन आरो रैखाथिखौ सोलिहोबाय थानाय।
(ii) समान मोनथाय आरो गावखौ सामलायनायखौ बिथा खालामनानै हादोरफोरनि गेजेराव लोगोआरि सोमोन्दो गायसननाय।
सों 3. हायुंआफादनि बाहागोनि मुं लिर।
फिन : आयुंआफादनि बाहागोफोरनि मुङा जाबाय–
(i) साधारण गथुम (General Assembly)
(ii) रैखाथि गथुम (Security)
(iii) दोनथुम फोथायफुनसि गथुम (Trusteeship Council)
(iv) मुलुगनां बिजिरख’ एबा नियालय (International court of Justice)
(v) रांखान्थियारि आरो समाजारि परिषद (Economic and social council)
(vi) नेहाथारिख’ (Secretariat)
सों 4. हायुंआफादजों सरजाबफाजानाय मोननै एजेन्सिनि मुं लिर।
फिन : हायुंआफादजों सरजाबफाजानाय मोननै एजेन्सिनि मुङा जाबाय–
(i) मुलुगनां खामला गौथुम (ILO)
(ii) मुलुग सावस्रि गौथुम (WHO)
सों 5. हाथेर गैयि खालामनायनि सोमोन्दै जानाय मोननै गोरोबथानि मुं लिर।
फिन : हाथेरगैयि खालामनायनि सोमोन्दै जानाय मोननै गोरोबथानि मुङा जाबाय–
(i) 1967 मायथाइयाव ‘बायजोयारि अख्रांमा गोरोबथा’ (Outer Space Treaty)
(ii) 1968 मायथाइयाव ‘पारमाणबिक हाथेर खमायनाय गोरोबथा ‘(Nuclear Non-Proliferation Treaty)
सों 6. सुबुं मोनथाइ बुङोब्ला मा बुजियो?
फिन : मानसिया सोद्रोम हारि महरै जिउ खुंनो माखासे खामानियाव उदांस्रि एबा मोनथाइ थानाया गोनांथार। मानसिनो गोनां जानाय बे उदांस्रि एबा मोनथाइयानो सुबुंमोनथाइ। मुलुगनि साफ्रोमबो सुबुङा मानगोनाङै जिउ खुंनायनि थाखाय गोनां जानाय माखासे मोनथाइखौ रैखाथि होनायनि थाखाय हायुंआफाद साधारण सभाया 1948 मायथाइ 10 दिसेम्बरखालि गं 48 सोद्रोमा हादोरनि मददाव सुबुं मोनथाय फोस्राव बिलाइ नाजावो। बेनिखायनो दिनैबो 10 दिसेम्बर सानखौ सुबुं मोनथाइ सान महरै फालिनाय जायो।
गोलाव फिननायनि सोंल
सों 1. हायुंआफाद दानायनि थांखि आरो बेनि खान्थिफोरखौ बेखेवना लिर।
फिन : हायुंआफाद फेलें जानायनि उनाव नैथि मुलुग दावहाया जुरियो आरो बे दावहानि गिख्रंथाव आरो फोसोबस्रांनायखौ मोनदांनानै मुलुगाव गागि गोजोन थासारि लाबोफिननायनि थांखियै 1945 मायथाइनि 24 अक्ट’ बरखालि हादोरगौथुम दानाय जायो। बे हायुंआफाद थांखि आरो खान्थिफोरखौ गाहायाव मख नाय जाबाय।
हायुआफादनि थांखिफोरः
हायुंआफादनि चनदाव थानाय मोन 111 अनुच्छेदनि गिबि अनुच्छेदाव हादोरगौथुमनि मोनब्रै थांखि होनाय जादों। बे थांखिफोरा जाबाय–
(i) मुलुगनां हादरफोरनि गोजोन आरो रैखाथिखौ सोलिहोबाय थानाय।
(ii) समान मोनथाइ आरो गावखौ सामलायनायखौ बिथा खालामनानै हादरफोरनि गेजेराव लोगोआरि सोमोन्दो गायसननाय।
(iii) मुलुगनां हादरफोरनि गेजेराव हेफाजाब होलायनायखौ बिथा खालामनानै रांखान्थियारि, समाजारि आरो हारिमुवारि जेंनाफोरखौ सुस्रांनाय आरो साफ्रोमबो सुबुङा जाहाथे सुबुं मोनथाइ आरो गोनांथार मोनथाइफोरखौ मोननो हायो बेनि बेबस्था खालामनाय।
(iv) गोजौवाव मख ‘बोनाय थांखिफोरखौ जाफुंहोनायनि थाखाय गुबुन गुबुन हादरफोरनि गेजेराव ‘सोमोन्दो गायसनखुलि’ महरै हाबा मावफुंनाय।
हायुंआफादनि खान्थिफोरा जाबाय–
(i) गासैबो सोद्रोमा हादोरनि समान उदां (Sovereign) खान्थिनि बिथायाव हादोरगौथुमा गायसन जागोन।
(ii) हायुंआफाद चनदाव मखजानाय नेमफोरखौ मानिनानै गासैबो सोद्रोमा हादोरा गावबा गाव बिबान फालिनांगोन।
(iii) मुलुगनां हादरनि गोजोन, रैखाथि आरो नियायाव जेबो हेंथा जाहोआलासे गासैबो सोद्रोमा हादरा गासैबो रोखोमनि जेंना-जेंसि फोरखौ गोजोनै सुस्रांनांगोन।
(iv) मुलुगनां सोमोन्दो रैखा खालामनायनि थाखाय बबेबा सोद्रोमा हादरा गोहो बाहायनो हानाय नङा।
(v) चनदाव मख ‘जानाय बादि आयुंआफादा माबा राहा लायोब्ला सोद्रोमा हादरफोरा हायुंआफादा हेफाजाब होनांगोन आरो हायुंआफादा साजा होनो लानाय हादरखौ हेफाजाब होनो मोननाय नङा।
(vi) हायुंआफाद सोद्रोमा हादरफोरनि इसिङारि आयदायाव आखाइ, होनाय नङा।
फिन : हायुंआफादनि जोबोर मख ‘जाथाव बाहागो मोनसेया जाबाय रैखाथि गौथुम। बे गथुमा हायुंआफादनि मावफुंगिरि बादि। बे गौथुमा गागि आरो दान्दिजोर (गागि नङ) रोखोमनै सोद्रोमाजों दाजानाय। हादर गौथुम दानाय समाव गौथुमनि गागि सोद्रोमाया साबामोन आरो दान्दिजोर सोद्रोमाया सा द ‘मोन।
1963 मायथाइयाव दान्दिजोर सोद्रोमानि अनजिमाखौ सा जि सिम बांहोनाय जायो। आथिखालाव बे रैखाथि गौथुम गागि आरो दान्दिजोर सोद्रोमाखौ लाना गासै सा जिबा। आमेरिका, ग्रेटब्रिटेइन, फ्रान्स, रासिया आरो चीन हादरफोरा गागि सोद्रोमा। बबेबा मोनसे आयदायाव थिरांथा लानांगौब्ला गागि सोद्रोमानि गनायथि नांगोन। गागि सोद्रोमा गंसेया बबेबा मोनसे, आयदानि थिरांथा नाजावनाय बिथिङाव हेंथा होयोब्ला बै थिरांथाया नाजावजाया। थिरांथा नाजावनाय बिथिङाव हेंथा होनाय गोहोखौनो भेट’ बुंनाय जायो। रेखाथि गौथुमा गोबां हाबा आरो गोहो दं। गाहायाव बे गौथुमनि गोहो आरो हाबा-हुखाखौ मख ‘नाय जाबाय–
(i) बे गौथुमनि गिबि आरो गाहाइ खामानिया जादों मुलुगनां गोजोन आरो रैखाथि लाखिनाय।
(ii) मुलुग गोजोन बायहांनाय थासारि सोमजियोब्ला साधारण सभा आरो नेहाथारि गाहाया रैखाथि परिषदसिम नोजोर बोनो हायो। परिषदा अब्ला दङाबाजियाव थानाय हादरफोरखौ सावरायलायनि गेजेरजों दाङाबाजिखौ फोजोबस्रांना लानाय सुबुरुन होयो एबा मुलुगनां नियायसालिसिम साफिनायनिबो बिथोन होयो।
(iii) सोरबा दाङाबाजि (बिबाद) नांग्रा हादोरा बिबादखौ गोजोनग्लाय राहाजों फोजोबनो सानाब्ला आरो बै बिबादनिफ्राय बहुमनि गोजोनथिया बायलांनो हागौ होननानै रैखाथि परिषदा हमदाङोब्ला बै हादोरनि बेरेखायै सोमोन्दो नागारनायनि बिथोन सोद्रोमा हादोरफोरनो दैथायनो हायो।
(iv) सोमोन्दो नागारहोनाय राहायावबो फेलें जायोब्ला रैखाथि गौथुमा बै हादरनि बेरेखायै सान्थ्रियारि राहा लानो हायो।
(v) रैखाथि गौथुमनि गुबुन गुबुन खामानिया जाबाय हायुंआफादनि नेहाथारि गाहाइ आरो मुलुगनां नियायसालिनि सोद्रोमा थिसननाय। बबेखानि बेबादि थिसननायखौ साधारण गौथुमनिबो गनायथि नांगौ।
(vi) आयुंआफाद गोदान सोद्रोमा थिसननाय आरो नांगौ जायोब्ला सोद्रोमा हादर एरख ‘नायावबो रैखाथि गौथुमनि गोहो दं।
सों 3. मुलुग गोजोननि थाखाय आयुंआफादा लानाय हाबाफारिफोरखौ बेखेवना लिर।
फिन : नैथि मुलुग दावहानि गिख्रोंथाव आरो फोसोबस्रांनायखौ हमदांनानै मुलुगाव अराय गोजोन थासारि सोमजि होनायनि थांखियै मुलुगनि हादरफोरा लोगो नांनानै 1945 मायथाइनि 24 अक्ट’ बरखालि हादरगौथुमखौ दानाय जायो। दिनै बे हायुंआफादखौ गायसननाया 70 बोसोर जालांबाय। बे गोलाव समखिनियाव जेंनाजों बुंफबनाय मुलुगाव गोजोन थासारि लाबोनानै गासैबो रोखोमनि जेंनाखौ रायज्लायनायनानै आरो गोरोबलायनानै फोजोबस्रांनायाव हायुंआफादा लानाय बिफावा थारै गोजोनथाव आरो मिजिंथिथाव।
अदेबानि बायदि बिथिङाव आमेरिका हायुंआफादनि गोख्रों थामोनथा आरो बबेबा बबेबा बिथिङाव हायुंआफादनि गनायथि गैयालासेनो आमेरिकाया लानाय सान्थ्रियारि हाबाफारिफोरा हायुंआफादनि थामोनथायाव एसे गिखांनाय लाबोदोंमोन। नाथाय थेवबो थांनाय बेसेबा गोबाव समहालागै मुलुगनां दावहानि बादि गिदिर दावहानि थासारिखौ फेजेननानै लाखिनो हानाय खामानियानो हादोरगौथुमनि जाफुंसारनायखौ फोरमायो।
हाथियारगैयि खालामनायनि हेफाजाबाव मुलुगनि हादरफोरनि गेजेराव दावहानि थासारि गैयि खालामनो थाखाय हायुंआफादा थांनाय समफोराव मावबोनाय हाबाफोरा मख ‘जाथाव 1952 मायथाइनि जानुवारि दानाव हायुंआफादा ‘हाथेर गैयि’ खालामनाय आय ‘ग’ दानानै होयो।
हायुंआफादनि नाजानायावनो मुलुगाव हाथेर गैयि खालामनाय एबा बाङाइ खालामनाय बायदि बिथिङाडाव थांनाय समफोराव गोबां गोरोबथा जाना थांनाय नुनो मोनो। बेफोर गोरोबथाफोरनि मोननैसोया जाबाय–खावसेयै आणबिक हाथियार बेरफुंहोनायनि हेंथा गोरोबथा (1963), बायजोआरि हेंथा गोरोबथा (1967), पारमाणबिक हाथियार खमायनाय गोरोबथा (1968), पारमाणबिक हाथियार आनजाद नायनायनि हेंथा गोरोबथा (1996), बायदि। 2007 मायथाइनि जुन दानाव हायुंआफादा गनायना लानाय ‘होबथायारि कुटनीति ‘नि हेफाजाबाव जेंनाखौ सुस्रांनानै गोजोन थासारि लाबोनायाव सांग्रां बाहागो लानायाबो मख ‘जाथाव हाबा।
थारै हायुंआफादखौ गोहो गोरा महरै गायसननायनि बिबाना गंफ्रोमबो सोद्रोमा हादोरफोरनि। बे हादोरफोरनि मोजां गोसो, हेफाजाब होलायनाय आरो गनायलाय नायासो हायुंआफादखौ गोख्रों खालामनो हागोन आरो मुलुग गोजोन बिथिङाबो मिजिं थिनायबादि जागोन।
सों 4. भारतबर्षनि हायुङारि सुबुं मोनथाइ आय ‘गनि सोमोन्दै मोनसे फोरमायथि हो।
फिन : हायुंआफादनि सोद्रोमा हादोरफोराव सुबुं मोनथाइ दानायनि सोमोन्दै साधारण सभानि थांखि बादियै 1993 मायथाइनि जुन दानाव भियेटनामाव खुंजानाय जथुमायाव गंफ्रोमबो सोद्रोमा हादराव मोनफा मोनफा सुबुं मोनथाइ आयो’ग दानायनि सायाव गोसो होफिननाय जायो। बे बादियैनो मुलुगनि हादरफोराव सुबुं मोनथाय रैखाथि होनायनि थाखाय सुबुं मोनथाय आय’ग दाजायो।
भारतबर्षवाव 1993 मायथाइनि 28 सेप्टेम्बरखालि हादरगिरिया मोनसे ‘अध्यादेश’ जारि खालामनानै बै बोसोरनिनो 12 अक्ट’ बरखालि हादोरारि सुबुं मोनथाइ आयोग दायो। आरोबाव बै बोसोरनिनो 18 दिसेम्बराव सिगांनि ‘अध्यादेश’ नि जायगायाव संसदाव मोनसे बिधेयक दैखाङो। 1994 मायथाइनि 8 जानुवारि खालि ‘अध्यादेश’ आ हादोरगिरिनि गनायथि मोननानै आयेन महर मोनो। बे आयेन बादियैनो रायजोफोरावबो रायजोआरि सुबुं मोनथाइ आय’ग दानांगौ।
हायुंङारि सुबुं मोनथाइ आय’गनि आफादगिरिया जौगा न्यायालयनि (Supreme Court) बारग गिबि बिसारगिरि जानांगौ। बे आय’गनि सोद्रोमाफोरा जाबाय–
(i) सासे सोद्रोमा जौगा न्यायलयनि बिसारगिरि एबा बारग’ बिसारगिरि।
(ii) सासे सोद्रोमा बबेबा गोजौ न्यायालयनि ( High Court) गिबि बिसारगिरि एबा बारग’ गिबि बिसारगिरि।
(iii) सानै सोद्रोमा सुबुं मोनथाइनि सोमोन्दै गियान थानाय आरो रोंगथि थानाय सुबुं।
बेनि अनगायैबो हादरारि बाङाइ सुबुं अनजिमा आय’गनि आफादगिरि, अनुसुचित जाति आरो जनजातिनि हादोरारि आय’गनि आफादगिरि आरो हादरारि आइजो आय’गनि आफादगिरियाबो बे सुबुं मोनथाइ आय’गनि सोद्रोमा जानानै थायो। गासैबो सोद्रोमाखौनो भारतनि हादरगिरिया 5 बोसोरनि थाखाय थिसनो।
भारतबर्षआव सुबुं मोनथाइ फेलें खालामनायनि गासैबो बिथिं नायबिजिरनानै बेनि मोजां बेबस्थानि थाखाय सोरखारनिसिम प्रदिबेदन (लिरबिदां) होनायजों लोगोसे हादरारि सुबुं मोनथाइ आय’गा बे बिथिङाव उन्दुरोङि नेग्रा महरै बिफाव लानांगौ।
सों 5. सुबुं मोनथाइनि सोमोन्दै हायुंआफादा लानाय हाबाफारिखौ सावराय।
फिन : हायुंआफादा जोबोर मख’जाथावै सुबुं मोनथाइनि रैखान्थिनि बिथिङाव जरखा गोसो होबोदों। मुलुगनि साफ्रोमबो सुबुङा मान गोनाङै जिउ खुंनायनि थाखाय गोनां जानाय माखासे मोनथाइखौ रैखाथि होनायनि थाखाय हायुंआफादनि साधारण आफादा 1948 मायथाइनि 10 दिसेम्बरखालि गं 48 सोद्रोमा हादरनि मददाव सुबुं मोनथाइ फोस्राव बिलाइ नाजावो। बेनिखायनो मोनफ्रोमबो बोसोरनि 10 दिसेम्बर सानखौ सुबुं मोनथाइ सान महरै फालिनाय जायो।
मोनसे रायफोरनाय आरो मोन 30 फारि गोनां बे फोस्राव बिलाइया गुबैयै मोननै थांखि जाफुं हादों। गिबियाव, मुलुगनि सुबुंफोरनि थाखाय गोनांथार मोनथाइफोरखौ बे फोस्राव बिलाइयाव सरजाबनाय जादों। नैथियाव, बे फोस्राव बिलाइयाव मखजानाय मोनथाइफोरखौ सोद्रोमा हादर माखासेया गनायथि होदों।
मख’जाथावदि बे फोस्राव बिलाइयाव मख’जानाय मोनथाइफोरा हायुंआफादनि सोद्रोमा हादरफोरनि गोहो आरो हाबाफारिनि सायाव एसे बेंखनथि (Limitation) लाबोनानै होफैदों। मानोना खान्थिबादियै मोनसेबो हादरानो बे मोनथाइफोरखौ नेवसिनो हाया। हादरनि नोगोरारिफोरखौ बे मोनथाइनिफ्राय जानगार खालामनानै मुलुगनां हादरनि गोजोन आरो रैखाथि फोथांना ‘लाखिनो हानाया जाथावना नङा। बे बाथ्राखौ फोस्राव बिलाइनि गेजेरजों रोखा खालामदों। मुलुगनि नोगोरारिनि जिउ खुंनायनि मानदान्दा जौगाखांहोनाय आरो मोनसे मानगोनां जिउ खुंनायनि लामा दिहुननो थाखाय हायुंआफादा सुबुं मोनथाइनि सोमोन्दै दासिम लानाय हाबाफारिफोरा थारैनो मख’जाथाव।
सुबुं मोनथाइ फोस्राव बिलाइया गोरोबथा नङाब्लाबो बेनि गेजेरजों सोद्रोमा हादरफोरखौ मावथारनांगौ होनना बिथोन हरदों। थेवबो सोद्रोमा हादरफोरनि गोसो जानायनि सायाव बिथा खालामनानै बे फोस्राव बिलाया मुलुगनि सुबुं समाजखौ गासैबो बिथिंनिफ्राय सुबुंथि गोसारंनायाव खाबु होदों।
फरानि उफ्रा सोंनाय फिननाय
सुंद’ फिननायनि सोंलुः
सों 1. मुलुगाव गोजोन लाबोनानै आरो दावहाखौ अराय फोजोबनायनि थाखाय दाजानाय गिबि मुलुगनां फसंथाननि मुङा मा?
फिन : हारिमा आफाद (League of Nations)।
सों 2. नैथि मुलुग दावहाया माब्ला जादोंमोन?
फिन : 1939 मामथाइ।
सों 3. हायुंआफादखौ माब्ला जोनोम होनाय जादोंमोन?
फिन : 1945 मायथाइनि 24 अक्ट’बर।
सों 4. 24 अक्ट’बर सानखौ मा सान महरै फालिनाय जायो?
फिन : 24 अक्ट ‘बर सानखौ ‘हायुंआफाद सान’ महरै फालिनाय जायो।
सों 5. सानफ्रान्सिसो जथुमायाव गं बेसेबां हादरा मुंसाइ (सहि) होदोंमोन?
फिन : गं 51 हादरा मुंसाइ होदोंमोन।
सों 6. हायुंआफादनि चनदाव बेसेबां फारि (अनुच्छेद) दङ?
फिन : हायुंआफादनि चनदाव गासै मोन 111 फारि दं।
सों 7. हायुंआफादनि चनदनि बेसेबां फारियाव हायुंआफादनि थांखिनि सोमोन्दै बुंफोरनाय दङ?
फिन : चनदनि गिबि फारियाव हायुंआफादनि थांखिनि सोमोन्दै बुंफोरनाय दङ।
सों 8. बोसोरनि बबे खालारखौ हायुंआफादनि सान महरै फालिनाय जायो?
फिन : बोसोरनि 24 अक्ट’बरखौ हायुंआफादनि सान महरै फालिनाय जायो।
सों 9. हायुंआफादा बेसेबां बाहागो दङ?
फिन : हायुंआफाद मोन ‘द’ बाहागो दङ।
सों 10. रांखान्थियारि आरो समाजारि गौथुमनि सोद्रोमानि बिबान समा बेसेबां?
फिन : रांखान्थियारि आरो समाजारि गौथुमनि सोद्रोमानि बिबान समा थाम बोसोर।
सों 11. आथिखालाव रांखान्थियारि आरो समाजारि परिषदनि गासै सोद्रोमानि अनजिमाया बेसेबां?
फिन : गासै सोद्रोमानि अनजिमाया सा 54
सों 12. हायुंआफादनि चनदनि बेसेबां फारि नंआव फोथायथि गौथुमनि खोथा मख’नाय दङ?
फिन : चनदनि फारि नं 76
सों 13. हायुंगौथुमनि नेहाथारि गाहाइखौ सोर थिसनो?
फिन : हायुंआफादनि नेहाथारि गाहाइखौ रैखाथि गौथुमा गनायथि बादियै साधारण सभाया थिसनो।
सों 14. हायुंआफादनि गिबि नेहाथारि गाहाइया सोरमोन?
फिन : हायुंआफादनि गिबि नेहाथारि गाहाइया नर ‘वेनि ट्राइमहाल्डाल ली मोन।
सों 15. हायुंआफादनि आथिखालनि नेहाथारि गाहाइया सोर?
फिन : खोला करियानि बेन. कि. मुन।
सों 16. CTBT नि आबुं महरा (form) मा?
फिन : CTBT नि आबुं महरा जाबाय– Comprehensive Test Ban Treaty.
सों 17. बोसोरनि बबे खालारखौ सुबुं मोनथाइ सान महरै फालिनाय जायो?
फिन : 10 दिसेम्बरखौ सुबुं मोनथाय सान महरै फालिनाय जायो।
सों 18. हायुआफादनि सुबुं मोनथाइ आय ‘गखौ माब्ला दानाय जादोंमोन?
फिन : हायुंआफादनि सुबुं मोनथाइ आय ‘गखौ 1946 मायथाइनि 16 फेब्रुवारिखालि दानाय जादोंमोन।
सों 19. हायुंआफादनि सुबुं मोनथाइ आय’गनि सोद्रोमानि बिबान समा बेसेबां?
फिन : 3 (थाम) बोसोर।
सों 20. भारतबर्षयाव हायुङारि सुबुं मोनथाइ आय ‘गखौ (NHRC) माब्ला दानाय जादोंमोन?
फिन : भारतबर्षयाव हायुङारि सुबुं मोनथाइ आय ‘गखौ 1993 मायथाइनि 12 अक्ट’बरखालि दानाय जायो।
सों 21. हायुङारि सुबुं मोनथाइ आय’गनि आफादगिरिया सोर?
फिन : जौगा नियायसालिनि (Supreme Court) सासे बारग’ गिबि बिजिरगिरि।
सों 22. भारतबर्षनि हायुङारि सुबुं मोनथाइ आय ‘गनि सोद्रोमाफोरखौ सोर सायख ‘यो?
फिन : हादोरगिरि। बा बोसोरनि थाखाय सायख ‘नाय जायो।
सों 23. फिफा (FIFA) नि गाहाइ मावख ‘आ मा?
फिन : फिफा (FI]A) नि गाहाइ मावख ‘वा जाबाय जुरिक।
सों 24. इन्टरनेसनल हकी फेडरेसननि गाहाइ मावख’नि मुङा मा?
फिन : लौसेन।
सों 25. होबथायारि कुटनीति (Preventive Diplomacy) माब्ला नाजावनाय जायो?
फिन : 2007 मायथाइ।
सों 26. सुबुं मोनथाइ आय’ग जोनोम जानायनि जाहोना मा?
फिन : मुलुगनि मानसि समाजनि मोनथायखौ रैखा होनो थाखाय बे फसंथाननि जोनोम जायो।
सों 27. हारिमा आफादखौ (League of Nation) माब्ला मानो दानाय जादोंमोन?
फिन : हारिमा आफादखौ 1920 मायथाइनि 10 जानुवारिखालि दानाय जादोंमोन। मुलुगाव गोजोन लाबोनानै आरो दावहाखौ अराय फोजोबनायनि थाखाय बे आफादखौ दानाय जादोंमोन।
सों 28. नैथि मुलुग दावहाया माब्ला जादोंमोन? बे दावहानि गिख्रोंथाव आरो फोजोबस्रांनायनिफ्राय बारग ‘नो थाखाय जोनोम जानाय फसंथाननि मुङा मा?
फिन : नैथि मुलुग दावहाया 1939 मायथाइयाव जादोंमोन। बे दावहानि गिख्रंथाव आरो फोजोबस्रांनायनिफ्राय बारग ‘नो थाखाय गायसननाय फसंथाननि मुङा जाबाय हादोरगौथुम।
सों 29. हायुंआफादनि थांखिफोरखौ लिर।
फिन : हायुंआफादनि थांखिफोरा जाबाय–
(i) मुलुगनां हादरफोरनि गोजोन आरो रैखाथिखौ सोलिहोबाय थानाय।
(ii) समान मोनथाइ आरो गावखौ सामलायनायखौ बिथा खालामनानै हादरफोरनि गेजेराव लोगोआरि सोमोन्दो गायसननाय।
(iii) मुलुगनां हादरफोरनि रांखान्थियारि, समाजारि आरो हारिमुवारि जेंनाफोरखौ सुस्रांनाय आरो साफ्रोमबो सुबुङा जाहाथे सुबुं मोनथाइ आरो गोनांथार मोनथाइफोरखौ मोननो हायो बेनि राहा खालामनाय।
(iv) गोजौवाव मख’बोनाय थांखिफोरखौ जाफुंहोनायनि थाखाय गुबुन गुबुन हादरफोरनि गेजेराव ‘सोमोन्दो गायसनखुलि’ महरै हाबा मावफुंनाय।
सों 30. हायुंआफादनि मोनथाम खान्थि रायखां।
फिन : हायुंआफादनि मोनथाम खान्थिया जाबाय–
(i) गासैबो सोद्रोमा हादरनि समान उदां (Sovereign) खान्थिनि बिथायाव हायुंआफादा गायसन जागोन।
(ii) हायुंआफादनि चनदाव मख’जानाय नेमफोरखौ मानिनानै गासैबो सोद्रोमा हादरा गावबा गाव बिबाव फालिनांगोन।
(iii) मुलुगनां हादरनि गोजोन, रैखाथि आरो नियायाव जेबो हैंथा जाहोआलासे गासैबो सोद्रोमा हादरा जेंना-जेंसिफोरखौ सुस्रांनांगोन।
सों 31. हायुंआफादखौ माब्ला दानाय जादोंमोन? बे फसंथाननि जायखिजाया मोननै अंगति मुं लिर।
फिन : हायुंआफादखौ 1945 मायथाइनि 24 अक्ट’बरखालि गायसननाय जादोंमोन। बे फसंथाननि मोननै अंगवा जाबाय–
(i) साधारण आफाद (General Assembly)
(ii) रैखाथि गौथुम (Security Council)
सों 32. भेट’ बुङोब्ला मा मिथियो?
फिन : रैखाथि परिषदाव मोनसे थिरांथा नाजावनो थाखाय गासैबो गागि सोद्रोमानि गनायथि नांगौ। बे गागि सोद्रोमा हादोर गंसेवा गनायथि होवाब्ला नाजावनाय थिरांथाया बाथिल जागोन। गागि सोद्रोमानि बे गोहोखौनो भेट’ बुंनाय जायो।
सों 33. रैखाथि गौथुम गंनै गागि सोद्रोमा हादरनि मुं लिर।
फिन : रैखाथि गौथुम गंनै गागि सोद्रोमा हादरा जाबाय–
(i) इंलेण्ड।
(ii) फ्रान्स।
सों 34. रांखान्थियारि आरो समाजारि गौथुमनि मोननै हाबा लिर।
फिन : रांखान्थियारि आरो समाजारि गौथुमनि मोननै हाबा हुखाया जाबाय–
(i) मुलुगनाङै रांखान्थियारि, समाजारि, हारिमुवारि, सोलोंथाइ, सावस्रि आरो सरजाबदेरफानाय जेंना सुस्रांनाय।
(ii) गोजौवाव होनाय आयदाफोरनि हाबा-हुखा मावनायनि सोमोन्दै साधारण आफादसिम प्रतिबेदन (Report) हरनाय।
सों 35. फोथायफुनजि गौथुम (Trusteeship Council) खौ मानो गायसननाय जादोंमोन?
फिन : फोथायफुनजि गौथुमनि सरजाब जानाय हादोरफोरनि सरासनस्रा सुबुंफोरखौ रांखान्थियारि, राजखान्थियारि, समाजारि आरो सोलोंथाइनि बिथिङाव दावगाहोनानै उदांस्रिमोन होनायनि थाखाय थियारि खालामनो बे परिषदखौ दानाय जादोंमोन।
सों 36. फोथायफुनजि गौथुमा मा रोखोमनि सोद्रोमाजों दाजानाय?
फिन : फोथायफुनजि गौथुमा गाहायाव होनाय सोद्रोमाफोरजों दाजानाय। बेफोर जाबाय–
(i) दोनथुम ओनसोल सामलायग्रा हादरफोर।
(ii) दोनथुम ओनसोलनि बिबानाव थायि रैखाथि गौथुमनि गागि सोद्रोमाफोर।
(iii) साधारण आफादा बोसोरथामनि थाखाय सायख’नानै होनाय सोद्रोमाफोर।
सों 37. हायुंआफादनि नियायारि बाहागोआ मा? बे बाहागो गाहाइ खामानिखौ लिर।
फिन : हायुंआफादनि नियायारि बाहागोआ जाबाय मुलुगनां बिजिरसालि। हायुंआफादनि बे बाहागोनि गाहाइ खामानिया जाबाय हादरफोरा अजद होनाय दायफोरखौ बिजिरना’ फोजोबनाय।
सों 38. हायुंआफादनि नेहाथारि गाहाइखौ माबादि थिसननाय जायो?
फिन : हायुंआफादनि चनदनि 97 नं फारि बादियै रैखाथि गौथुमनि गनायथि बादियै साधारण आफादा नेहाथारि गाहाइखौ थिसनो। नेहाथारि गाहाइखौ थिसननायनि बेलायाव रैखाथि गौथुमनि गागि सोद्रोमा मख’जाथाव बिफाव थायो। नेहाथारि गाहाइनि मावफुं बिबान समा 5 बोसोर। बबेखानि बियो आरोबाव सायख’जाफिननो हायो।
सों 39. हायुंआफादनि मोनथाम जरखा एजेन्सिनि मुं लिर।
फिन : हायुंआफादनि मोनथाम जरखा एजेन्सिनि मुङा जाबाय–
(i) मुलुगनां खामला गौथुम (ILO)
(ii) मुलुग सावस्रि गौथुम (WHO)
(iii) हायुंआफादनि सुबुंमोनथाइ आयग (UNIIRC)
सों 40. ‘हाथेर गैयि खालामनाय आयग’ माब्ला दानाय जादोंमोन? बे आयगनि गाहाइ थांखिया मा?
फिन : ‘हाथेर गैयि खालामनाय आयग’खौ 1952 मायथाइनि जानुवारि दानाव दानाय जादोंमोन। बे आय’गनि गाहाइ थांखिया जाबाय मुलुगनि हादरफोरनि गेजेराव दावहानि थासारि गैयि खालामनाय।
सों 41. 1948 मायथाइनि सुबुं मोनथाय फोस्राव बिलाइया जाफुंहोनाय मोननै थांखि मख’।
फिन : 1948 मायथाइनि सुबुं मोनथाइ फोस्राव बिलाइया जाफुंहोनाय मोननै थांखिया जाबाय–
(i) मुलुगनि सुबुंफोरनि थाखाय गोनांथार मोनथाइफोरखौ बे फोस्राव बिलाइयाव सरजाबनाय जादों।
(ii) बे फोसाव बिलाइयाव मख’जानाय मोनथाइफोरखौ सोद्रोमा हादर माखासेया गनायथि होदों।
सों 42. हायुंआफादनि सुबुंमोनथाइ आय’गनि दाथाइनि सोमोन्दै लिर।
फिन : हायुंआफादनि सुबुं मोनथाइ आय ‘गखौ 1946 मायथाइनि 16 फेब्रुवारिखालि दानाय जादोंमोन। मुलुगनि सुबुं समाजनि मोनथाइफोरखौ रैखाथि होनायनि थाखायनो बे फसंथानखौ गायसननाय जादोंमोन। गायसनजेननाय समाव बेनि सोद्रोमानि अनजिमाया सा 18 मोन।
1962 मायथाइयाव बे आय ‘गनि सोद्रोमानि बिबांखौ बांहोनानै सा 21 खालामो। आरोबाव 1990 मायथाइयाव बेनि सोद्रोमानि अनजिमाखौ सा 53 सिम बांहोनाय जायो। सोद्रोमाफोरखौ बोसोर थामनि थाखाय सायख’नाय जायो।
सों 43. भारतबर्षयाव हायुङारि सुबुं मोनथाइ आय’गखौ माब्ला दानाय जादोंमोन आरो बेनि आफादगिरिया सोर?
फिन : भारतबर्पयाव ‘हायुङारि सुबुं मोनथाइ आय’गखौ 1993 मायथाइयाव दानाय जादोंमोन आरो बे आय’गनि आफादगिरिया जाबाय जौगा बिजिरसालिनि (Supreme Court) बारग’ गिबि बिजिरगिरि।
सों 44. हायुंआफादनि अनगायैबो मुलुगाव थानाय मोनथाम मख ‘जाथाव मुलुगनां फसंथाननि मुं लिर।
फिन : हायुंआफादनि अनगायैबो मुलुगाव थानाय मोनथाम मख ‘जाथाव मुलुगनां फसंथानफोरा जाबाय–
(i) कमनवेल्थ अब नेसन्स।
(ii) एमनेस्टि इन्टरनेसनेल।
(iii) नर्थ आटलान्टिक ट्रिटि अब अरगेनायजेसन।
सों 45. ‘पारमाणबिक हाथेर आनजाद नायनायनि हेंथा गोरोबथा’ माब्ला जादोंमोन आरो गं बेसेबां हादोरा बेखौ गनायथि हादोंमोन?
फिन : ‘पारमाणबिक हाथेर आनजाद नायनायनि हेंथा गोरोबथा’ या 1996 मायथायाव जादोंमोन आरो बेखौ गं 158 हादोरा गनायथि हादोंमोन।
सों 46. हायुंआफादा सुबुं मोनथाइ रैखानि बिथिङाव जरखा गोसो होनायनि मोननै जाहोन मख’।
फिन : हायुंआफादा सुबुं मोनथाइ रैखानि बिथिङाव जरखा गोसो होनायनि मोननै जाहोना जाबाय–
(i) मुलुगाव गोजोन थासारि लाबोनाय।
(ii) हादरफोरनि गेजेराव हेफाजाब बांहोलायनाय।
सों 47. साधारण आफाद आरो रैखाथि गौथुमनि मोननै गोरोबनाय (Common) हाबाफारि लिर।
फिन : गोरोबनाय हाबाफारि मोननैया जाबाय–
(i) नेहाथारि गाहाइ आरो मुलुगनां बिजिरसालिनि बिजिरगिरि थिसननायाव मोननै फसंथाननि गनायथि नांगौ।
(ii) गोदान सोद्रोमा हादर थिसननाय एबा एरख’नाय बिथिङावबो साधारण आफाद आरो रैखाथि गौथुमनि गनायथि नांगौ।
सों 48. बबेबा गंसे सोद्रोमा हादरखौ माब्ला हायुंआफादनि सोद्रोमा मासिनिफ्राय एरख ‘नो हायो?
फिन : बबेबा गंसे सोद्रोमा हादोरा हायुंआफादनि चनदनि खान्थिखौ फेलें एबा चनदनि बादगा खामानि मावोब्ला बे हादरखौ हायुंआफादनि सोद्रोमा मासिनिफ्राय एरख’नो हायो। बिदि खालामनो गिबियै रैखाथि गौथुमाव बै हादरनि बेरेखायै बिथांखि नाजावनाय जायो आरो बै बिथांखिखौ साधारण आफादाव गनायथि मोनब्लानो हादरा सोद्रोमा मासि गोमायो।
सों 49. मुलुग सावस्रि गौथुमा मा आरो बेनि गुबै थांखिया मा?
फिन : मुलुग सावस्रि गौथुमा जाबाय हायुंआफादनि मोनसे जरखा एजेन्सि। बे गौथुमनि गुबै थांखिया जाबाय मुलुगनिफ्राय रोग-बियादि गैयि खालामनाय आरो सरासनस्रा सुबुंनि सावस्रि जौगाहोनाय।
सों 50. हायुङारि सुबुं मोनथाइ आयगनि मोननै हाबा आरो गोहो लिर।
फिन : हायुङारि सुबुं मोनथाइ आय ‘गनि मोननै हाबा आरो गोहोआ जाबाय–
(i) बबेबा नियायसालियाव सुबुं मोनथाइ नेवसिनायनि बेरेखायै माबा गसर सोलिबाय थायोब्ला बै नियायसालिनि होमोन लानानै आय’गा आखाइ होनो हायो।
(ii) संबिजिदा होनाय सुबुं मोनथाइनि रैखा-बेंखनथिखौ सावरायनानै नांगौजायोब्ला बेनि थाखाय सुबुरुन होनो हायो।
| SL No. | CONTENTS |
| Unit – 1 | जारिमिन |
| Chapter – 1 | बंग सोखावनाय (1905-1911) आरो गावहादरारि सोमावसारनाय |
| Chapter – 2 | महात्मा गान्धी आरो भारतनि उदांस्रि सोमावसारनाय |
| Chapter – 3 | आसामाव ब्रिटिस बेरेखा जांख्रिखांनाय आरो आबादारि बिग्रायनाय |
| Chapter – 4 | उदांस्रि सोमावसारनाय आरो आसामाव हारिमायारि जांख्रिखांनाय |
| Chapter – 5 | भारत आरो सा-सानजा ओनसोलनि हारिमुवारि गोदोमिन |
| Unit – 2 | भुमखौरां |
| Chapter – 1 | रांखान्थियारि भुमखौरां : आयदाफारि आरो सम्फद |
| Chapter – 2 | आबहावा आरो आबहावानि जेंना |
| Chapter – 3 | बहुमनि भुमखौरां |
| Chapter – 4 | आसामनि भुमखौरां |
| Unit – 3 | राजखान्थियारि बिगियान |
| Chapter – 1 | भारतारि फोरजाखान्थि |
| Chapter – 2 | मुलुगनां फसंथान हायुंआफाद आरो गुबुन गुबुन |
| Unit – 4 | रांखान्थि बिगियान |
| Chapter – 1 | खावरि आरो बेंक बेबस्था |
| Chapter – 2 | रांखान्थियारि जौगानाय |
| Chapter – 3 | जोंनि मोनथाइ जोंनि बिबान |
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।