SEBA Class 9 Bodo MIL Question Answer Chapter 11 आखल दानाय

SEBA Class 9 Bodo MIL Question Answer Chapter 11 आखल दानाय | Akhol Danay | Class 9 Bodo Mil Question Answer As Per New Syllabus of SEBA to each Chapter is provided in the list of SCERT, NCERT, SEBA आखल दानाय कक्षा 9 बोडो एमाइल चेप्टर 11 प्रोश्न उत्तर/SEBA Class 9 Bodo MIL Chapter 11 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 9 Bodo Mil Question Answer In Bodo Chapter 11. Class 9 Bodo Mil Question Answer Chapter 11 in Bodo. SEBA Class 9 Bodo Mil Question Answer In Bodo Medium Chapter 11 Akhol Danay covers all the exercise questions in NCERT, SCERT.

Class 9 Bodo MIL Chapter 11 आखल दानाय

SEBA Class 9 Bodo Mil Notes Chapter 11 In Bodo आखल दानाय । Akhol Danay। Bodo Mil Guide for Class 9th Chapter 11. Also Same NCERT Solutions for Class 9 Bodo इस पोस्ट में हम आपको ये समझा ने कि कोशिश की है की Class 9 Bodo Mil Question Answer Chapter 11 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 9 Bodo Mil In Bodo Medium बोहत लाभदायक हो सकता है। Ncert/Scert Bodo Mil Class 9 Chapter 11 मे आप अपना ध्यान लगाके पढ़ कर इस SEBA Class 9 Bodo Question Answer In Bodo Chapter 11 में अछि Mark ला सकते हो अपनी आनेवाली परीक्षा में।

खोन्दो 11 आखल दानाय

Chapter 11 Akhol Danay

फरानि सोंलु फिननाय

1. गाहायनि सोंलुफोरनि फिननायखौ सोदोब मोनसे एबा सारिसेजों हो: 

(क) आखल दानाय रायथाइखौ गुबैयै मा रावजों लिरदोंमोन?

फिन: आखल दानाय रायथाइखौ गुबैयै असमिया रावाव लिरदोंमोन।

(ख) आखल दानाय रायथाइनि गुबै लिरगिरिया सोर?

फिन: आखल दानाय रायथाइनि गुबै लिरगिरिया नमल चन्द्र बर’।

(ग) मानसिनि आखुखौ बबे समनिफ्राय दानांगौ?

फिन: मानसिनि आखुखौ उन्दै समनिफ्रायनो दानांगौ।

(घ) गाज्रि साननायखौ माजों रुजुनाय जायो?

फिन: गाज्रि साननायखौ मासे बिस गोनां जिबौजों रुजुनाय जायो।

(ङ) गाज्रि साननायखौ मानि मुसुखा होनना लिरगिरिया साननो थिनदों?

फिन: गाज्रि साननायखौ मासे जिबौनि मुसुखाबादि साननानै अराय गोसो सिङाव लाखिनांगौ होनना लिरगिरिया थिनदों। 

(च) मानि आंखालाव मानसि आरो जुनारनि गेजेराव फारागथि थाया?

फिन: आखलनि आंखालाव मानसि आरो जुनारनि गेजेराव फारागथि थाया।

2. गाहायाव होनाय सोंनायनि फिननायखौ सारिनै सारिथामजों हो-

(क) आखलखौ मानो खन गोनां बेगर बुंदों? 

फिन: आखलखौ खन गोनां बेगर होननानै बुंनाय जादों, मानोना आखलखौ गोसो आबादथिलियाव सोलोंथाइ बायदि बिदैखौ नांगौ बिबांनि सारस्त्रोनानै आखल बेगरखौ रज ‘होनानै जाफुंसारहोनो हायो।

(ख) मानसिया गोसो सिङाव माखौ फोनाने आखल जोलैखौ रज ‘होनो हायो? 

फिन: मानसिया गोसो आबादथिलियाव सोलोंथाइ बादि बिदैखौ नांगौ बिबांनि सारस्त्रिनानै आखल बेगर एबा जोलैखौ रजहोनो हायो होनना रायथाइगिरिया बुंदों। 

(ग) आखल गोनां मानसिखौ मानो थैनानैबो थैरोङिबुंनाय जायो?

फिन: अबं गसाइया होनाय माखासे गुनजों सुबुङा दाजानाय। बै गासैबो गुन एबा बेनि बांसिन बाहागोफोरखौ जाय मोनदों एबा बेफोरनि बिगोमा जानो हादों, बिसोरनो आखल गोनां होननानै मुलुगाव मुंदांखा जानानै अराय मानसिफोरनि खाथियाव बिसोरनि मोजां मुं सोरजिथायखौ फोसावनो हादों। बेखौनो थैनानैबो थैरोङिबुङो। बेनिखायनो आखल गोनां मानसिखौ थैनानैबो थैरोङिबुंनाय जायो।

(घ) मानसिनि गोसो सिङाव आखल बेगरआ (जोलैया) माबोरै रज ‘यो? 

फिन: जेरैबादि रुइदुब बेगरफोरा दै सारस्त्रो सारस्त्रो खालामनायनि थाखाय थाबैनो गाजा बेरखाङो, बिदिनो उन्दै बैसोनिफ्राय गोगो सोलोंथाइनि एफा एफा सर खालामनायजों गोसोआव आखल बेगरआ रज ‘यो।

(ङ) गाज्रि सर’ आ माबोरै गासैबो गोसो राज्योखौनो गाग्लोबो?

फिन: गाज्रि हुदानि मुहिनो हानाय गोहो गुनजों मानसिया थाबैनो रंजा-बाजा लुबैसुला आरो दुथां दुगामारा जायो। उनाव गावनो गावनि जिउनि सुथुर जानानै आसखान्दायै जिउनि गेलेनायखौ फोजोबनांगौ जायो एबा जेरै बर ‘फोरा थुबुर जानानै गेर अन्थाइनि महर लायो आरो उनाव लेरथाया बांनायाव हाजो थिखिनियाव थानो हायिनि हरखाब मानसि थाग्रा जायगाफोराव फैनानै उनाव मानसिफोरनि गोबां खहा खालामो, बिदिनो गाज्रि हुदाफोराबो जोंनि गोसोनि इसेल’ जायगायाव माबोरैबा जायगा लानानै उनाव लासै लासै गासैबो गोसो राज्योखौनो साग्लोबो। 

(च) उन्दै समखौ मानो फामे बिबारजों रुजुनाय जादों?

फिन: जेरैबादि फख्रियाव फामे बिबारनि थपिनायफोरा उदां बोथोरनि गोगो गोथार बारजों बारग्लाङो बिदिनो गोगो सोलोंथाइनि मिलौदो गुनजों गोसो लैथोआव उन्दै बैसैआव आखल फामेया बारगलाङो। बेखायनो उन्दै बैसाखी फामे बिबारजों रुजुनाय जायो।

3. सोंनाय बादियै सुंथाबै फिननाय हो–

(क) बे मुलुगनि मानसि, जिउ, आखल बायदिफोरखौ मिथिंगानि मा मा मुवाजों रुजुदों लिर।

फिन: रायथाइगिरिया बे मुलुगाव मानसिखौ आबादारि, जिउमाखौ हा, आखलखौ खन थानाय बेगर, सोलोंथाइखौ खामानि मावनाय दै एबा बिदै, गांनाय उखैनाय आरो रंजानाय बाजानायखौ आबादथिलिनि गेजेराव खहा खालामग्रा फिसा फिसा लाइफां बायदिसिनाजों रुजुदों। बेनि अनगायैबो मोजां लोगो, सिरि सिरि थानाया बेनि खान्थि, गोसो हमथानाया थार फिथाइ मोननो नेनाय सम आरो मुंदांखाया बेनि फिथाइ होनना फोरमायदों।

(ख) मानेकखौ बयबो अनो – बे खोथाजों सरजाबनाय खोथाखौ लिर। 

फिन: मानेकखौ बयबो अनो – अखाफोरनि सोरांजों सांग्रेमानि सोराङा जेरै रुजुथावि, बिदिनो आखल गोनों निखाउरिथिर मानसिजोंबो आखल गैयि दुथां रांनि बिगोमा, दोहोनि मानसिफोरा रुजुजाथावा। दुगामारा एबा दुथां गोसोनि दोहोनिफोरा गोबां रां बाहायनानै जाय खामानिखौ मावनो हाया, आखल गोनां मानसिफोरा बेखौ इसाराजोंनो मावफुनो हायो। आखल गोनां मानसिया जाय थासारियावनो थायो मानो, बेयो मुलुगनि अनजाथाव दोहोन। मानोना मानिकनि अनसायजानाया जेरावबो दं।

(ग) मोजां आखलखौ माब्ला दानांगौ?

फिन: मोजां आखलखौ उन्दै समावनो दानांगौ। जों जेब्लाबो नुबोदोंदि हानि दो दोख्ला दाग्राफोरा हानि दो-दोख्लाफोरखौ गुरै गोथां हाजों जेरै गोसो एरै महर होना लानो हायो, नाथाय जेब्ला अराव सावना लायो अब्ला आरो बेफोरनि महरखौ सोलाय-सोल’ खालामनो हाया। बिदिनो जोंनि जिवावबो उन्दै बैसोआवनो जेब्ला गोसो सिङाव संसारनि गाज्रि सानखांथि, गाज्रि हुदाफोरा नुजाथिफैनानै गोसोखौ खोख्लोबना लाया, जेब्ला माहि, गोरलै थार बुंनाय बायदि सोरगोआरि समायना सानखांथिफोरा गोसोआव ज ‘यै जायगा लाफैयो, अब्लानो आखल दानायनि थार सम। जैरैबादि फख्रियाव फामे बिबारनि थफिनायफोरा उदां बोथोरनि गोगो गोथार बारजों बारगलाङो बिदिनो गोगो सोलोंथाइनि मिलौदो गुनजों गोसो लैथोआव उन्दै बैसोआव आखल फामेया बारगलाङो। जेरै बादि रुइदोब बेगरफोरा दै सारस्त्रो खालामनायनि थाखाय थाबैनो गाजा बेरखाङो, बिदिनो उन्दै बैसोनिफ्राय गोगो सोलोंथाइनि एफा एफा सर’ खालामनायनि थाखाय थाबैनो गाजा बेरखाङो, बिदिनो उन्दै बैसोनिफ्राय गोगो सोलोंथाइनि एफा एफा सर खालामनायजों गोसोआव आखल बेगरा रजयो। बे मिलौहाब समा बारग’लाङोब्ला सेंग्रा बैसोनि इनाय अनागारिया आखल बेगरखौ खनजों-जाबजों गाज्रि खालामो।

(घ) गोसोनि गाज्रि साननायखौ मानो गारनांगौ? 

फिन: गोसोनि गाज्रि साननायखौ गारनांगौ होनना रायथाइगिरिया बुंदों, मानोना गाज्रि साननाया मानसिनि गोसोखौ गुन अरनाय औवा बादि सिं सिं खंख्ला खालामलाङो। अब्ला गोसोनि बोलोआ खमायलाङो आरो गुबुन गुबुन साननाय हनायनि गोख्रों दोहौआ गोसोखौ जेरै मोनो एरै बोहैखारहोयो।

(ङ) गाज्रि लोगोआ आखल दानायाव माबादि हेंथा होयो?

फिन: गाज्रि लोगोआ आखल दानायाव हेंथा होनो हायो। जाय मानसिया रंजा बाजाखौल लुबैयो, आलो-गोजोन लुबैयो, बिनो रंजानाय-बाजानाय, गोजोननायावल’ देहाखौ हगारसारना होनो मोजां मोनो। ब्लटिं लेखायाव खालि सोबखांनाय बादि रंजानाय गोजोननायनि सिं जानाय मानसिफोरा गाज्रि लोगोजों खेबसे गोरोबलायोब्ला बेयावनो गोदोसोनानै थायो आरो गिदिंफिनबोनो नागिरा। दंफां खामनानै हांगार जायोब्ला बेखौ गाइखेरजों सुबाय थाब्लाबो गुफुर गाब खालामफिनबोनो नागिरा। दंफां खामनानै हांगार जायोब्ला बेखौ गाइखेरजों सुबाय थाब्लाबो गुफुर गाब खालामफिननो हाया। बेबादियै गाज्रि लोगोआ मोजां आखल दानायाव हेंथा होनो हायो। 

(च) आखल मोजां खालामनाय आरो गाज्रि लोगोनिफ्राय बारग ‘नायनि राहाफोरा मा मा लिर।

फिन: आखल मोजां खालामनाय आरो गाज्रि लोगोनिफ्राय बारग ‘नायनि राहाफोरा जाबाय–

(क) सिरियै थानाय – बेनिफ्राय गोबां नंखाय खोथा बुंनायनिफ्राय बारग’नो हायो आरो गावनि गोसोखौ हमथानो हानाय जायो, 

(ख) इसोर फोथायि मानसिफोरनि खोथा खोनासङि, 

(ग) सुथुरनि आखलनि सोमोन्दै खोनासङि, 

(घ) हानायमानि गावखौनो गाव सामलायनाय आरो गोसो हमथानो नाजानाय। 

4. गाहायनि सोंनायनि फिननायखौ 150 सो सोदोबजों हो–

(क) आखल गोनां मानसिफोरा समाजाव माबादि जायगा मोनो लिर।

फिन: आखल गोनां मानसिफोरा समाजाव जेब्लाबो गोजौ मासि मोनो होनना रायथाइगिरिया फोरमायदों। बयबो मानसियानो मानेकखौ मोजां मोनो। आखल गोनां मानसिखौबो थरफा थरफा मानेक होननानै साननो हायो। मानोना मानसिनि आखलानो रुजुजाथावि दोहोन आरो रुजुजाथावि बिमुं। अखाफोरनि सोरांजों सांग्रेमानि सोराङा जेरै रुजुथावि, बिदिनों आखल गोनां निखाउरिथार मानसिजोंबो आखल गैयि दुथां रांनि बिगोमा, दोहोनि मानसिफोरा रुजुजाथावा। 

दुगामारा एबा दुथां गोसोनि दोहोनिफोरा गोबां रां बाहायनानै जाय खामानिखौ मावनो हाया, आखल गोनां मानसिफोरा बेखौ इसाराजोंनो मावफुनो हायो। आखल गोनां मानसिया जाय थासारियावनो थायो मानो, बेयो मुलुगनि अनजाथाव दोहोन। मानोना मानिकनि अनसायजानाया जेरावबो दं। अबं गसाइया होनाय माखासे गुनजों सुबुङा दाजानाय। बै गासैबो गुन एबा बेनि बांसिन बाहागोफोरखौ जाय मोनदों एबा बेफोरनि बिगोमा जानो हादों, बिसोरनो आखल गोनां होननानै मुंलुगाव मुंदांखा जानानै अराय मानसिफोरनि खाथियाव बिसोरनि मोजां मुं सोरजिथायखौ फोसावनो हादों। बेखौनो थैनानैबो थैरोङिबुङो।

(ख) आखल मोजां खालामनायाव सर नि गोनांथिया मा? 

फिन: आखल मोजां खालामनायाव सर ‘नि गोनांथि दं। उन्दै समनिफ्रायनो जाय सोलोंथाइनि सर खालामनाय जायो बैसो जानाय लोगो लोगो बेफोरनो हुदायाव बारस्लायो। आखलनि गोहोआ अदेबानि गोख्रों नाथाय हुदानि गोहोआबो इसेल’ नंथारा। गाज्रि हुदानि मुहिनो हानाय गोहो गुनजों मानसिया थाबैनो रंजा-बाजा लुबैसुला आरो दुथां दुगामारा जायो। उनाव गावनो गावनि जिउनि सुथुर जानानै आसखान्दायै जिउनि गेलेनायखौ फोजोबनांगौ जायो एबा जेरै बर ‘फोरा थुबुर जानानै गेदेर अन्थाइनि महर लायो आरो उनाव लेरथाया बांनायाव हाजो थिखिनियाव थानो हायिनि हरखाव मानसि थाग्रा जायगाफोराव फैनानै मानसिफोरनि गोबां खहा खालामो, बिदिनो गाज्रि हुदाफोराबो जोंनि गोसोनि इसेल’ जायगायाव माबोरैबा जायगा लानानै उनाव लासै लासै गासैबो गोसो रायजोखौनो साग्लोबो आरो उनाव जोंनि माहि गोसोआ बेनि उदखारखौ सहायनो हायिनि बायदि-मैया खामानि मावनो गोनांथार जायो आरो गावनि जिउखौ खैफोद गोनां खालामना लायो। जेरै फिसा दंफां फुलि फांसेयाव दागो होयोब्ला बिफाङा देरना लोगो लोगोनो बे दागोआबो देरलाङो, बिदिनो उन्दै बैसोआवनो गाज्रि हुदाया जागायोब्ला बैसो बांनाय लोगो लोगोनो बिबो बांलाङो। उनाव जिउआव दुखु गोनां फिथाइखौ मोननांगौ जायो।

(ग) गाज्रि साननायखौ होखारनायनि राहाफोरा मा मा?

फिन: गाज्रि साननायखौ होखारनायनि राहाफोरखौ गाहायाव फोरमायनाय जाबाय–

(i) गाज्रि साननायखौ मासे बिस गोनां जिबौनि मुसुखाबादि साननानै अराय गोसो सिङाव लाखिनांगौ। मानोना जों जिबौखौ जेब्लाबो गिथाव सानो।

(ii) गाज्रि साननाया गोसोआव फैनाय लोगो लोगोनो मोजां बिजाब फरायनांगौ एबा मोजां खोथा सावरायनांगौ, नङाब्ला मोजां सानहाबनांगौ। मानोना जाय मानसिया मोजोमसे सौराय आरो थाइसे थालिर जानानै गोजोन मोनो बै मानसियानो आरोबाव गोदै मुवा मोनियाव लाखोमानानै जानो मोनोब्ला बेनिख्रुइ गोजोनसिन मोनो, बै मानसियानो आरोबाव गोदै मुवा मोनियाव लाखोमानानै जानो मोनोब्ला बेनिख्रुइ गोजोनसिन मोनो, मोजां साननायनि बेरे मोदै बादि बिदै मोननानै बिनि गोसोआव आरो मानो बैनिख्रुइ बांबावा जानो?

(iii) जायफोरा रोजाबनाय दामनाय-देनायाव आखा फाखा, बिथांमोना गाज्रि साननाया गोसोआव फैनाय लोगो लोगो बिमा अनसायनाय नङाब्ला इसोर सिबिनाय मेथाइ रोजाबनांगौ। अब्ला नुनो मोनगोन गले गले गाज्रि साननायजों खामब्लाव जानाय सोरनिबा गोसोखौ गोजोननि सुदेम बार बारफैनानै सुग्लायहोफैनो हमदोंसै। अब्ला नुगोन गाज्रि साननाय माथो रोङिजुनारा मेथाइ सिंहनि गिख्रिंथाव नेरखांनायाव एबा सोगोमनायाव रावबो मिन्थिसयै खोनासये हादोराव खारखोमानानै गावखौ निजोमै लाखिनो नाजादों।

(iv) हाबथासेयाव खमैब्लाबो सानथाम गेदेमा सुबुंनि जिउखौरांफोरखौ गोसो होनानै फरायनांगौ। हानायमानि दुखु खालामना थायालासिनो गोसो गोजोनै थानांगौ। गोसोआव मोनसे नङा मोनसे मोजां साननाय अराय सांग्रां खालामनानै लाखिनांगौ। आखल दानायनि आरोबाव माखासे हेंथाफोर नुनो मोनो, बेफोरनि गेजेराव गाज्रि लोगोआनो गाहाइ।

(v) गिदिर मानसिनि जिउखौरां फरायनाया गाज्रि लोगो गारनायाव माबादि हेफाजाब होयो?

5. गुदि खोथाजों सोमोन्दो लाखिनानै बेखेवना लिर–

(क) जायहा खन गैया, बेखौ दै लुबाय थाब्लाबो रज ‘रोङा।

फिन: “जायहा खन गैया, बेखौ दै लुबाय थाब्लाबो रज ‘रोङा” 

गोजौनि बाथ्रा खोन्दोखौ ‘आखल दानाय’ मुनि रायथाइ खोन्दोनिफ्राय दिखांना लानाय जादों। बे बाथ्रा खोन्दोनि गेजेरजों रायथाइगिरिया आखलखौ बेगरनि खनजों रुजुदों।

रायथाइगिरिया फोरमायनाय बादियैब्ला जायहा खन गैया, बेफोर बादियाव अराय दै होबाय थाब्लाबो बेयो गाजा बेरखाङा। खनानै थायाब्ला आरो बेनि ओंगो बारायनायनि आसाया बबाव? खन थानाय बेगरखौ जेरावनो गारना दोननाय जायो बेयावनो मिथिंगानि जोबनो रोङिबिदैनि हेफाजाबाव बे रज ‘खागोन। 

बेयाव मानसिनि जोथोननि जेबो गोनांथि थाया नाथाय मोजाङै नायबिजिरोब्ला माब्लाबा माब्लाबा बेनिबो लोरसोर जानाय नुनो मोनो। बेनि जाहोनफोरा मा जों गोरोन्थियावबो खेबसेबो सानफेरा। जोथोन लायियानो बेनि जाहोन आरो जोथोननि आंखालाव रज ‘नाय लोगो लोगोनो बेयो जोबस्त्रांलाङो। बे सानस हायि मुलुगाव मानसिया आबादारि, जिउमाया हा, आखला खन थानाय बेगर, सोलोंथाइया खामानि मावनाय दै एबा बिदै, गांनाय उखैनाय आरो रंजानाय बाजानाया आबादथिलिनि गेजेराव खहा खालामग्रा फिसा फिसा लाइफां। 

रायथाइगिरिया मोजां लोगो आरो सिरि सिरि थानाया बेनि खान्थि, गोसो हमथानाया थार फिथाइ मोननो नेनाय सम आरो मुंदांखाया बेनि फिथाइ होनना फोरमायदों। बेखायनो गोसो आबादथिलियाव सोलोंथाइ बादि बिदैखौ नांगौ बिबांनि सारस्त्रानानै आखल बेगरखौ रज ‘होनानै जांफुंसारहोनो हायो। बेखौ नाजानायासो बयनिबो मख ‘नो गोनां। मानोना राजानि खर ‘आ मुकुट आरो जोहोलावनि आखाया हाथियारजों जेरै समाइखाङो बिदिनो मानसिनि जिउआवबो आखलआ समायखाङो। मानसिनि आखलना रुजुजाथावि दोहोन आरो रुजुजाथावि बूमुं। बेफोर बाथ्राखौनो रायथाइगिरिया गोजौनि “जायहा खन गैया, बेखौ दै लुबाय थाब्लाबो रज रोङा” बे बाथ्रा खोन्दोनि गेजेरेजों रायथाइगिरिया फोरमायदों। 

(ख) आखल गोनां मानसिया जि थासारियावनो थायामानो बियो मुलुगनिनो अनजाथाव दोहोन। 

फिन: “आखल गोनां मानसिया जि थासारियावनो थायामानो बियो मुलुगनिनो अनजाथाव दोहोन”

गोजौनि बाथ्रा खोन्दोखौ नमल चन्द्र बर’आ लिरनाय ‘आखल दानाय’ मुंनि रायथाइ आयदानिफ्राय दिखांना लानाय जादों। बे रायथाइ खोन्दोनि गेजेरजों रायथाइगिरिया बेखौनो फोरमायनो नाजादोंदि मोजां आखल गोनां मानसिखौ समाजनि बयबो सुबुङानो अनसायो आरो अनसायनाय नोजोरजों नायो।

रायथाइगिरिया फोरमायनाय बादियैब्ला अखाफोरनि सोरांजों सांग्रेमानि सोराङा जेरै रुजुथावि, बिदिनो आखल गोनां निखाउरिथार मानसिजोंबो आखल गैयि दुथां रांनि बिगोमा, दोहोनि मानसिफोरा रुजुजाथावा। दुगामारा एबा दुथां गोसोनि दोहोनिफोरा गोबां रां बाहायनानै जाय खामानिखौ मावनो हाया, आखल गोनां मानसिफोरा बेखौ इसाराजोंनो मावफुनो हायो। आखल गोनां मानसिया जाय थासारियावनो थायो मानो, बेयो मुलुगनि अनजाथाव दोहोन। मानोना मानिकनि अनसायजानाया जेरावबो दं। बेफोर बाथ्राखौनो रायथाइगिरिया गोजौनि बे” आखल गोनां मानसिया जि थासारियावनो थायामानो बियो मुलुगनिनो अनजाथाव दोहोन” बाथ्रा खोन्दोनि गेजेरजों फोरमायदों।

उफेरा सोंथिनि फिननाय

1. गाहायनि सोंथिखौ फंसे सोदोब एबा बाथ्राजों हो–

(क) आखलखौ रायथाइगिरिया माजों रुजुदों? 

फिन: आखलखौ रायथाइगिरिया खन थानाय बेगरजों रुजुदों। 

(ख) माखौ दोहोन आरो बिमुंजों रुजुनो हाया?

फिन: मानसिनि आखलानो रुजुजाथावि दोहोन आरो रुजुजाथावि बिमुं। 

(ग) माखौ जेब्लाबो गोसोनिफ्राय गोजानाव लाखिनांगौ होनना रायथायगिरिया बुंदों?

फिन: गाज्रि साननायखौ जेब्लाबो गोसोनिफ्राय गोजानाव लाखिनांगौ होनना रायथाइगिरिया बुंदों।

(घ) सुबुङा माजों दाजानाय होनना रायथाइगिरिया बुंदों? 

फिन: अबं गसाइया होनाय माखासे गुनजों सुबुङा दाजानाय होनना फोरमायदों।

(ङ) रायथाइगिरिया माखौ रुजुजाथावि दोहोन आरो बिमुं होनदों?

फिन: मानसिनि आखलखौनो रुजुजाथावि दोहोन आरो रुजुजाथावि बिमुंजों रुजुदों। 

(च) बेगर गोनां खनजों माखौ रुजुदों?

फिन: आखलखौनो बेगर गोनां खनजों रुजुनाय जादों।

(छ) आखल दानायनि थार समा माब्ला?

फिन: उन्दै सम।

(ज) माखौ हुदायाव बारसालायो होनना बुंदों?

फिन: उन्दै समनिफ्रायनो जाय सोलोंथाइनि सर खालामनाय जायो बैसो जानाय लोगो लोगो बेफोरनो हुदायाव बारस्लायो।

(झ) गाज्रि साननाया मानसिनि गोसोखौ माबादि खालामो होनना बुंदों?

फिन: गाज्रि साननाया मानसिनि गोसोखौ गुन अरनाय औवा बादि सिं सिं खंख्ला खालामो।

(ञ) आखल दानायनि मोनसे हेंथा लिर।

फिन: आखल दानायनि मोनसे हेंथाया जादों गाज्रि लोगो।

(ट) मालायनि मोजां मावनो थांग्रा सुबुङा माब्लाबा मा जानांगौ जायो होनना फोरमायदों? 

फिन: गोबाङानो मालायनि मोजां मावनो थांनानै उनाव गावनि जिउखौ खैफोदाव खोख्लैना लायो।

(ठ) मुहिनो हानायनि ओंथिया मा?

फिन: मुहिनो हानायनि ओंथिया गोसो बोनो हानाय। 

2. गाहायनि सोंथिफोरखौ सुदयै फिन हो–

(क) गाज्रि साननायखौ जेब्लाबो मानो गोसोनिफ्राय गोजानाव लाखिनांगौ होनना रायथायगिरिया बुंदों?

फिन: गाज्रि साननायखौ जेब्लाबो गोसोनिफ्राय गोजानाव लाखिनांगौ होनना रायथाइगिरिया बुंदों, मानोना गाज्रि साननाया मानसिनि गोसोखौ गुन अरनाय औवा बादि सिं सिं खंख्ला खालामलाङो। अब्ला गोसोनि बोलोआ खमायलाङ़ आरो गुबुन गुबुन साननाय हनायनि गोख्रों दोहौआ गोसोखौ जेरै मोनो एरै बोहैखारहोयो। 

(ख) गाज्रि साननाया मानसिखौ मा मा खालामनो हायो होनना रायथाइगिरिया बुंदों? 

फिन: गाज्रि साननाया मानसिनि गोसोखौ गुन अरनाय औवा बादि सिं सिं खंख्ला खालामलाङो। अब्ला गोसोनि बोलोआ खमायलाङो आरो गुबुन गुबुन साननाय हनायनि गोख्रों दोहौआ गोसोखौ जेरै मोनो एरै बोखारहोयो। 

(ग) आखल माखौ बुङो फोरमाय।

फिन: जैरै जुजायाव अर थानाय थायिखौ मोनथि मोना, उनाव जोंखांब्लासो बेनि थादेरनायखौ मोनथि मोनो बे बादिनो जोंनि सुबुं समाजनि गेजेरावबो बिदि मोनसे आयदा दं जायखौ गिबियाव नुनायाव जेबोआनो गैयाबादि मोनो नाथाय खामानियाव बेरखांब्लासो बेनि थादेरनायनि सोमोन्दै मोनदांहायो। बेखायनो मानसिनि मावनाय दांनायजों नुजानाय जाथायफोरानो आखल। आखलआ मानसिनि दोहोन, आखलानो सोलो, गोहो बोलो आरो जिउनि गासैबो।

(घ) आखल गोनां सुबुं थानाय समाजखौ माबादि जायो होनना रायथाइगिरिया फोरमायदों?

फिन: आखल गोनां सुबुङा जाय’ समाजाव थायो, बे समाजाबो गोजोन गोगो दै बोहैनाय निजोरा बादि, सोमखोर समायना आबादथिलिफोर बादि अराय गोथार गोजोन गोगो जायो होनना रायथाइगिरिया फोरमायदों। 

(ङ) माबादि मानसिया गावखौ आखल गोनां महरै बिसोरनि मोजां मुंखौ मुलुगाव फोसावनो हादों?

फिन: अबं गसाइया होनाय माखासे गुनजों सुबुङा दाजानाय। बै गासैबो गुन एबा बेनि बांसिन बाहागोफोरखौ जाय मोनदों एबा बेफोरनि जाय बिगोमा जानो हादों बिसोरनो आखल गोनां होननानै मुलुगाव मुंदांखा जानानै अराय मानसिफोरनि खाथियाव बिसोरनि मोजां मुं सोरजिथायखौ फोसावनो हादों। 

(च) थैनानैबो थैनो रोङि सोरखौ बुङो?

फिन: अबं गसाइया होनाय माखासे गुनजों सुबुङा दाजानाय। बै गासैबो गुन एबा बेनि बांसिन बाहागोफोरखौ जाय मोनदों एबा बेफोरनि जाय बिगोमा जानो हाटों बिसोरनो आखल गोनां होननाने मुलुगाव मुदांखा जानानै अराय मानसिफोरनि खाथियाव बिसोरनिं मोजां मुं सोरजिथायखौ फोसावनो हादों। बिदि मानसिखाती थैनानैबो थैनो रोङिहोनना बुङो।

(छ) रायथाइगिरिया मख ‘नाय सासे गेदेमा सुबुनि बुंथिया माबादि फोरमाय। 

फिन: सासे गेदेमा लिरगिरिया एरैहाय लिरदोंमोन, “आं गोबां गेदेर गेदेर मानसिनि जिउ खौरों फरायबाय, गोबां आखाइ गोलाउ गोहोगोनां मानसिफोरजों रायज्लायबाय। नाथाय नेहाद आबादारि आरो आबादारिनि रायज्लायनाया बिथांमोननिख्रुइ गोबां गुन जौगा थाखोनि साननाय हनाय गोनां।”

(ज) गाज्रि साननायखौ गोसोनिफ्राय मानो जानगार खालामनांगौ? 

फिन: गाज्रि साननायखौ सरासनस्त्रायै गोसोनिफ्राय गोबां गोजानाव लाखिनाया मोजां, मानोना गाज्रि साननाया मानसिनि गोसोखौ गुन अरनाय औवा बादि सिं सिं खंख्ला खालामलाङो।

(झ) गाज्रि साननायखौ गोसोनिफ्राय जानगार होनायनि मोनसे जर ‘खा राहा फोरमाय।

फिन: गाज्रि साननायखौ गोसोनिफ्राय जानगार होनायनि मोनसे राहाया जादों गाज्रि साननायखौ मासे बिसो गोनां जिबौनि मुसुखाबादि साननानै अराय गोसो सिङाव लाखिनांगौ। 

(ञ) गाज्रि साननायखौ जानगारहोनो थाखाय मेथाइ खननो गोरों सुबुंफोरखौ मा खालामनो थिन्दों?

फिन: जायफोरा रोजाबनाय, दामनाय-देनायाव आखा-फाखा, बिथांमोना गाज्रि साननाया गोसोआव फैनाय लोगो लोगो बिमा अनसायनाय नङाब्ला इसोर सिबिनाय मेथाइ रोजाबनांगौ। 

3. गाहायनि सोंथिफोरखौ फोरमायना लिर: 

(क) आखल दानाय रायथाइयाव रायथाइगिरिया आखलखौ मा माजों रुजुदों फोरमायना लिर। 

फिन: आखल दानाय रायथायाव रायथायगिरिया आखलखौ बायदिसिना जिरादजों रुजुदों। जेरै जुजायाव अर थानाय थआयिखौ मोनथि मोना, उनाव जोंखांब्लोसो बेनि थादेरनायखौ मिनथि मोन बे बादियो जोंनि सुबुं समाजनि गेजेरावबो बिदि मोनसे आयदा दं जायखौ गिबियाव नुनायाव जेबोआनो गैयाबादि मोनो नाथाय खामानियाव बेरखांब्लासो बेनि थादेरनायनि सोमोन्दै मोनहांहायो। बे सुबुंनि जिउआव मेसिननि सोलिबाय थानो हानाय गोहो बादियै खामानि मावो। जेरै मेसिननि गाज्रि जानाय मोनसे फिसा बाहागो फाहामब्ला गासैबो मेसिनानो खामानि मावनो हाया जायो आरो लासै लासै बेनि गासैबो बाहागोआवनो माराम जाजोंबो। उनाव बेखौ फाहामफिननाय गोब्राब जानानै फैयो, बिदिनो जोंनि जिउ जोन्थोरनि सोलिहोनो हानाय गोहोआ खेबसे गाज्रि जायोब्ला आरो बेखौ थाबैनो फाहामफिनाब्ला माराम जानाय मेसिन बादि जोंबो जेबो खामानियाव नाङिजाना थानांगोन आरो इयुनावबो बेखौ फाहामफिननो हागोन ना हाया बेखौ बुंनो हानायाबो गोब्राब।

जायनि गोहोआ सिमा गैया, जाय गोहोनि गोहोमाव जोंनि गेजेराव हारियारि, धोरोमारि साननायफोरा गोख्रों जायो, जों जोंनि फारसे खनसेबो नायफिना। जायनि आंखालाव मानसिया थार मानसि मुंनि मोनथायखौ रैखा खालामनो हाया, जायनि आंखालाव मानसि आरो जुनारनि गेजेराव जेबो फाराग थाया, जों बेफोरनि फारसे नायफिननो हाया। जों जायखौ उन्दैथार होननानै नेवसिगारदों बेनिफ्रायनो बे मुलुगनि गेदेर थांखियाबो जाफुंसारो बेफोरखौ रावबो खेबसेबो साननानै नायफिना। गोसोआवबो साना दि गेदेर गेदेर थांखियाबो जाफुंसारो, बेफोरखौ रावबो खेबसेबो साननानै नायफिना। गोसोआवबो साना दि गेदेर गेदेर बिफांफोराबो नेहाद फिसा फिसा बेगरनिफ्रायसो सोमजिखाङो।

बेनिखायनो रायथायगिरिया आखलखौ बेगर गोनां खनजोंबो रुजुदों। बेबादियैनो रायथायगिरिया मानसिनि आखलखौ बायदिसिना जिरादजों रुजुदों। 

(ख) आखल बेगरखौ रज ‘होनानै माबादि जाफुंसारहोनो हायो फोरमायना लिर।

फिन: जायहा खन गैया, बेफोर बादियाव अराय दै होबाय थाब्लाबो बेयो गाजा बेरखाङा। खनानै थायाब्ला आरो बेनि ओंगो बारायनायनि आसाया बबाव? खन थानाय बेगरखौ जेरावनो गारना दोननाय जायो बेयावनो मिथिंगानि जोबनो रोङि बिदैनि हेफाजाबाव बे रज ‘खागोन। बेयाव मानसिनि जोथोननि जेबो गोनांथि थाया नाथाय मोजाङै नायबिजिरोब्ला माब्लाबा माब्लाबा बेनिबो लोरसोर जानाय नुनो मोनो। बेनि जाहोनफोरा मा जों गोरोन्थियावबो खेबसेबो सानफेरा। 

जोथोन लायियानो बेनि जाहोन आरो जोथोननि आंखालाव रज ‘नाय लोगो लोगोनो बेयो जोबस्त्रांलाङो। बे सानस ‘हायि मुलुगाव मानसिया आबादारि, जिउमाया हा, आखला खन थानाय बेगर, सोलोंथाइया खामानि मावनाय दै एबा बिदै, गांनाय उखैनाय आरो रंजानाय बाजानाया आबादथिलिनि गेजेराव खहा खालामग्रा फिसा फिसा लाइफां। रायथाइगिरिया मोजां लोगो आरो सिरि सिरि थानाया बेनि खान्थि, गोसो हमथानाया थार फिथाइ मोननो नेनाय सम आरो मुंदांखाया बेनि फिथाइ होनना फोरमायदों। बेखायनो गोसो आबादथिलियाव सोलोंथाइ बादि बिदैखौ नांगौ बिबांनि सारस्त्रोनानै आखल बेगरखौ रज ‘होनानै जाफुंसारहोनो हायो।

(ग) आखलगोनां सुबुंनि समाजा माबादि जायो होनना रायथाइगिरिया फोरमायदों? 

फिन: आखल गोनां सुबुङा जाय समाजाव थायो, बे समाजाबो गोजोन गोगो दै बोहैनाय निजोरा बादि, सोमखोर समायना आबाद थिलिफोर बादि अराय गोथार गोजोन गोगो जायो। मानसिनि उदां गोसो, सैथो बाथ्रा बुंनाय आरो गोगो गोथार आखल गुना बाङो। मालायनि मोजां मावनानै बिसोर गोसो गोजोन मोन। मालायखौ जौगाखांहोनो बिसोरहा गोसो जायो। सान ओंखारनाय लोगो लोगो मुलुगा जेरै स्त्रां जायो, सुदेम बार बारोब्ला जेरै सुबुंनि गोसोआ रंजाखाङो, गावदां अखाफोरनि सोराङा दुखु-दाहाजों नाख्रेबजानाय गोसोखौ जेरै सोरां हायो, आखल गोनां सुबुंनि नुजाथिफैनाय आरो बिसोरजों थाजाबनाय मानसिफोरनि गेजेरावबो बे बादि गियाना नुजाथिफैयो, बोसोन मोननानै गोसोआ रंजाखाङो आरो रायज्लायनानै गोसोनि दुखु दाहाया जानगारो।

Class 9 Bodo Mil Question Answer

Chapter No.	CONTENTS
Chapter – 1	गोरबोनि असमफुरि
Chapter – 2	सरखार हिनजाव
Chapter – 3	दानसोरां हराव
Chapter – 4	आय’ दाउ-ख्लिं
Chapter – 5	दैमा
Chapter – 6	जोब्लाउरि खुन्थिया
Chapter – 7	मिजिंक
Chapter – 8	नों अख्रां बेसे हावार
Chapter – 9	जावलिया देवान
Chapter – 10	बिमा राव
Chapter – 11	आखल दानाय
Chapter – 12	बर’नि हारिमु
Chapter – 13	सोरांनि लामाजों दावगानाय गामि
Chapter – 14	गोजोननाय
Chapter – 15	दावहा
Chapter – 16	खोमसि फोथायथि, गाज्रि आसारखान्थि मोनसे गामियारि जेंना
Chapter – 17	उदै
Chapter – 18	हांखो सिनायथि, रिंसार, सोदोबमा, थाइजा, बिदिन्था, सानराइ
Chapter – 19	रनसाइ बाहागो

Notes of Class 9 Bodo MIL in Bodo Medium | Bodomedium Class 9 Bodo MIL notes इस पोस्ट में हम आपको ये समझा ने कि कोशिश की है की Bodo Medium Class 9 Bodo Mil Question answer | Class 9 Bodo MIL Question Answer In Bodo Chapter 11 अगर आप एक bodo सात्र या शिक्षाक हो तो आपके लिए लावदयक हो सकता है।

Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।