SEBA Class 9 Bodo MIL Question Answer Chapter 14 गोजोननाय | Gojononay | Class 9 Bodo Mil Question Answer As Per New Syllabus of SEBA to each Chapter is provided in the list of SCERT, NCERT, SEBA गोजोननाय कक्षा 9 बोडो एमाइल चेप्टर 14 प्रोश्न उत्तर/SEBA Class 9 Bodo MIL Chapter 14 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 9 Bodo Mil Question Answer In Bodo Chapter 14. Class 9 Bodo Mil Question Answer Chapter 14 in Bodo. SEBA Class 9 Bodo Mil Question Answer In Bodo Medium Chapter 14 Gojononay covers all the exercise questions in NCERT, SCERT.
Class 9 Bodo MIL Chapter 14 गोजोननाय
SEBA Class 9 Bodo Mil Notes Chapter 14 In Bodo गोजोननाय । Gojononay। Bodo Mil Guide for Class 9th Chapter 14. Also Same NCERT Solutions for Class 9 Bodo इस पोस्ट में हम आपको ये समझा ने कि कोशिश की है की Class 9 Bodo Mil Question Answer Chapter 14 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 9 Bodo Mil In Bodo Medium बोहत लाभदायक हो सकता है। Ncert/Scert Bodo Mil Class 9 Chapter 14 मे आप अपना ध्यान लगाके पढ़ कर इस SEBA Class 9 Bodo Question Answer In Bodo Chapter 14 में अछि Mark ला सकते हो अपनी आनेवाली परीक्षा में।
खोन्दो 14 गोजोननाय
Chapter 14 Gojononay
फरानि सोंलु फिननाय
1. गाहायाव होनाय सोंलुफोरनि फिननायखौ सारिसेजों फिननाय होः
(क) गोजोननाय रायथाइनि लिरगिरिनि मुङा मा?
फिन: लक्षेस्वर ब्रहा।
(ख) गोजोननायनि गुबुन गुबुन बिथिंफोरा मा मा?
फिन: हास्थायना मोननाय, नुयिखौ नुनाय, जायिया जाफुंनाय बेफोरनो जादों गोजोननायनि गुबुन गुबुन बिथिं।
(ग) दैमा सेरनि मिल बिगोमाया मा बाथ्रा बुंदोंमोन?
फिन: दैम सेरनि मिल बिगोमाया बुंदोंमोनदि “आं रावखौबो हिंसा खालामा आंखौबो रावबो हिंसा दाखालाम”।
(घ) कौरब आरो पाण्डबनि गेजेराव जानाय दावहाखौ मा बुङो?
फिन: कुरुक्षेत्र।
(ङ) अर्जुननि बिसिगिया सोरमोन?
फिनः श्रीकृष्ण।
(च) एभारेष्ट हाजो थिखिनायाव सोर आगान हैजेननो हादोंमोन?
फिन: एदमाण्ड हीलारि।
2. गाहायाव होनाय सोंलुफोरखौ सारिनै सारिथामजों फिननाय होः
(क) मोजां मोननाय गोजोननाया माबादि गोथार जायो?
फिन: गोसोआव गोथार सानस्त्रि थायोब्ला मोजां मोननाय गोजोननायाबो गोथार जायो।
(ख) आगुनि दिनाव हौवासा जोनोम जानायखौ मा होननानै सानोमोन?
फिन: आगुनि दिनाव हौवासा जोनोम जानायखौ गोजोननायनि बाथ्रा होनना सानोमोन।
(ग) अरायथा गोजोननाय आरो दान्दिसे गोजोननायनि फारागा मा?
फिन: गोथार बिथिंनि गोजोननाया अरायथा गोजोननाय नाथाय गाज्रि बिथिंनि गोजोननाया दान्दिसेनि गोजोननाय।
(घ) गोजोननाया मानो गुबुन गुबुन रोखोमनि जायो?
फिन: मानसिनि आखल आखुआ जेरै गुबुन गुबुन रोखोमनि जायो बेबादिनो गोजोननायाबो गुबुन गुबुन रोखोमनि जायो।
3. गाहायनि सोंनायखौ 30 सो सोदोबजों फिन हो:
(क) गोजोननाया मोनबेसे रोखोमनि आरो मा मा?
फिन: गोजोननाया मोननै रोखोमनि मोनसेया जादों दान्दिसेनि आरो गुबुन मोनसेया अरायनि। मोजां हाबा मावनानै गोजोन मोननाया गोगगानाय थानो हागौ, नाथाय गाज्रि आखलै मोननाय गोजोननायाव गोगगानाय थानो हाया। इश्वर चन्द्र बिद्दाचागरआ बिमाखौ सिबिनायाव, सिन्धु मुनिया खाना बिमा बिफाखौ सिबिनायाव बेयो गैया। निदानाव खोख्लैनानै गोजोननाय लाबोनायाव गोथार गोजोननाय थानो हाया, निदाननि समाव राहा दिन्थिनानै बोखांबोनायावसो गोथार गोजोननाय दं। गोथार बिथांखिनि गोजोननायानो अरायनि आरो गाज्रि बिथांखिनि गोजोननाया दान्दिसेनि।
(ख) गिदिर निदाननिफ्राय बारगब्ला मावादि मोनो बिदिन्थि होना लिर।
फिन: गिदिर निदाननिफ्राय बारग ‘ब्ला जों गोजोननाय मोनो बहुमनि महरा जेरै गोमोथाव, बिबादिनो सुबुं हारिनि गोसोनि गोजोननायाबो गोमोथाव। हास्थायना मोननाय, नुयिखौ नुनाय, जायिया जापुंनायफोरानो जादों गोजोननायनि गुबुन गुबुन बिथिं। गोलोम बोथोरनि दुं दुं हाव हाव समाव गोजान लामा हान्थिनाने बिफांनि सायायाव जिरायला जों गोजोननाय मोनो।
मोनसे गिदिर निदाननिफ्राय बारग ‘ब्ला जों दासो गोजोन मोनबाय होननानै बुङे। हौवासा जोनोम जाफैनाया गोजोननायनि बाथ्रा। आनजादफोराव बारग’नो हायोब्ला सोलोंगिरिनि दुंलुब दुंलुब गोसोआव दैमु दैयाव गोजोमनानै थानाय बादि सुदेम मोनो, दै बानाखौ सानम्रिनाने बोरि मोननाय बादि मोनो। बादायलायनायाव देरहाब्ला जेरै बिखाया जौगाखाङो, बिबादिनो दावहाफोराव देरहाब्ला हादाबाव गोजोन सफैयो। बिबादिखायनो गोजोननाया सुबुंनि जिउ मोनसेयाव जोबोर गोनां मुवा।
(ग) भीष्मआ सौरमोन? थैनोसै समाव बियो सोरनि आखाइनि दै लोंनानै गोजोननाने थैलांदोंमोन?
फिनः भीष्मआ जादों महाभारत सलन्थाइमानि कौरब पाण्डबनि बोसोनगिरि। कुरुक्षेत्र दावहायाव बियो गावनि गोसो खुसियै थैनो हादोंमोन।
कुरुक्षेत्र दावहायाव गावनि गोसो खुसियै थैनो हानाय भीष्मआ जेब्ला शर-पुष्पआव गोलैनानै थानायसै होमब्ला बियो कौरब पाण्डब मोननियाव दै लोंनो बिदोंमोन। दुर्यधनआ होफैनाय देखौ बियो लोडाखै। धनन्जय अर्जुनखौ लिंहरनान जेव्ला बियो दै लोनो बिनायसै अब्ला बियो भीष्मनि आगदाथिंजाय हायाव जिलिद गावानै होनायसै आरो लोगो लोगो खोल खोल गोजों दै बिनि खुगायाव गोग्लैंफैनायसै आरो भीष्मआ गांगाजासे दै लोंनायसै। थैहां भीष्मनि जिउवा गोजोनग्लायनायसै।
(घ) गोजोननायनि गुबुन गुबुन महरफोरखौ रायथाइनि हेफाजाब लानानै लिर।
फिन: मानसिनि आखल आखुवा जेरै गुबुन गुबुन रोखोमनि बिबादिनो मानसिनि गोसोनि गोजोननायाबो गुबुन गुबुन महरनि। गुवार हादाब खुंगिरि राजा-रानि, मन्थ्रि-सान्थ्रिफोरनि गोजोननाया जेरै सासे निखाउरिनि गोजोननाया एरै नङा। सासे गथनि गोजोननाया सासे खर’ गुफुरनि गोजोननायजों जेब्लाबो रोखोमसे जानो हाया। बिमा असेया फिसानि मोजां महर मोखांखौ नुयोव्ला जेरै गोजोनो बिहारि बिमाया बिवादि गोजोनाबो जानो हागौ। बिबादिनो मोजां आखल आरो हाबा मावनानै मोननाय गोजोननायजों अरायबो रोखोमसे जानो हाया। बेबादिनो गोजोननानि गुबुन गुबुन महरफोरखौ जों फोरमायनो हायो।
(ङ) गावनि असे फिसा आरो बिहारि फिसाखौ अननाया मानो रोखोमसे जानो हायो फोरमायथि हो।
फिन: गावनि असे फिसा आरो बिहारि फिसाखौ अननाया रोखोमसे जायाबो जानो हागौ। मानोना मानसिनि आखुआ बयनियाबो गुबुन गुबुन बिमा असेया फिसानि मोजा महर मोखांखौ नुयोब्ला जेरै गोजोनो बिहारि विमाया विवादि गोजोनाबो जानो हागौ। बेबादिनो मोजां आखल आरो हावा मावनानै गोसोआव जेरै गोथार गोजोननाय फैयो, बेबादिनो गोजोननाया गाज्रि थांखि लानानै हाबा मावनानै मोननाय गोजोननायजों अरायबो रोखोमसे जानो हाया।
4. गाहायनि सोंनायनि फिननायखौ 50 निफ्राय 150 सो सोदोबजों फिन हो:
(क) सासे निखावरि आरो सासे हादाब खुंगिरि, राजा-रानिफौरनि गोजोननाया मानो रोखोमसे जानो हाया बेनि फोरमायथि लिर।
फिन: मानसिनि आखल आखुवा जेरै गुबुन गुबुन रोखोमनि बिबादिनो मानसिनि गोसोनि गोजोननायाबो गुबुन गुबुन महरनि। गुवार हादाब खुंगिरि राजा-रानि, मन्थ्रि-सान्थ्रिफोरनि गोजोननाया जेरै सासे निखाउरिनि गोजोननाया एरै नङा। सासे गथ’नि गोजोननाया सासे खर’ गुफुरनि गोजोननायजों जेब्लाबो रोखोमसे जानो हाया। बिमा असेया फिसानि मोजां महर मोखांखौ नुयोब्ला धेरै गोजोनो बिहारि बिमाया बिबादि गोजोनाबो जानो हागौ। मानोना मानसिनि आखु साननहाय हनाया गासैनियाबो समान नङा। सासे निखाउरिनि हास्थायनाया खबसे आंखामनि थाखाय जानो हागौ नाथाय राजा, मन्थ्रि एबा सान्थ्रिनि लुबैनाया ओंखाम खबसेनि अनगायैबो गुबुन गोबां रोखोमनि हास्थायनाय थानो हागौ। रायजो मोजां सालायनायनि, हादोरखौ गोजोन रैखाथि होनायनि बायदि बायदि। बेखायनो राजा मन्थ्रि सान्थि आरो निखावरिनि गोजोननाया रोखोमसे जानो हाया।
(ख) नख ‘रखौ खौसे गोजोन लाखिनो आरो जौगाखांहोनोब्ला जोंनो गोजोननाय नांगौ। रायथाइनि हेफाजाब लानानै लिर।
फिन: नख ‘रखौ खौसे गोजोन लाखिनो आरो जौगाखांहोनोब्ला जोंनो गोजोननाय नांगौ। मानोना गोजोननाय गैयालासे जों जायखि जाया खामानिखौनो थाजिम गोसो लाना खामानि मावनो हाया। अब्लानिया नखर फोसाबनायनि खामानि आरो नखरखौ जौमाखांहोनायनि खामानिखौ जों मावनो हानाय नङा। नखराव गोजोननाय गैयाब्ला, नखरनि जौगानायनि थाखाय रावबो खामानि मावांब्ला नखरआ बायला-जिला आरो सिलिंखार जालाङो। मानोना न’ गंसे होननानै बुङोब्ला नखराव थानाय बिमा- बिफा, बिदा-फंबाइ, बिब’- बिनानाव, बिबौ-बिबै, बिबधै बिमादै बयखौबो फोरमायो। बेखायनो बयनिबो गेजेराव गोरोबलायनाय गैयाब्ला नखरा गाहाम जानाने फैया, न ‘आ जोंखांबोआ।
बेनिखायनो नख ‘रखौ खौसे गोजोन लाखिनो आरो जौगाखांहोनोब्ला जोनो गोजोननाय नांगौ।
(ग) सासे गथ ‘नि गोजोननाय आरो सासे खर’ गुफुरनि गोजोननायजों मानो समान जानो हाया फोरमाय।
फिनः सासे गथ’नि गोजोननाय आरो सासे खर’ गुफुरनि गोजोननायजों जेब्लाबो समान जानो हाया। मानोना समजों आरो बैसोजों लोगोसे मानसिनि साननाय लुबैनायाबो गुबुन गुबुन जायो। मानसिनि गोजोननाया सोनारो बिनि आखु, लुबैनाय हास्थायनाय आरो सान्नाय-हनाय आखल-आखुनि सायाव। सासे गोरलै गथ’नि आखु आरो सासे बैसोगोरा एबा बोराइ बैसोनि सुबुंनि गेजेरावबो साननाय हनाय आरो लुबैनायनि गोबां फाराग दं। बेखायनो सासे गथ ‘नि गोजोननाय आरो सासे खर’ गुफुरनि गोजोननाया जेब्लाबो समान जानो हाया।
(घ) श्रीकृष्णनि उन्दै समनि लोगोआ सोरमोन? गोबाव समनि उनाव गावनि बिसिगिखौ लोगो मोनना मा मा खालामदोंमोन फोरमाय।
फिन: श्रीकृष्णनि उन्दै समनि लोगोआ बिप्र दामदरमोन।
उन्दै समनि जिउनां लोगो बिप्र’ दामदरआ जेब्ला गोबां बोसोरनि उनाव श्रीकृष्णनियाव फैदोंमोन होनब्ला श्रीकृष्णनि साननायाव निखाउरि दाम ‘दरआ बेसेबा गोमोहाबदोंमोन। लोगो दाम ‘दरखौ श्रीकृष्णआ गावनो आथिं सुनानै होदोंमोन, जाहोदोंमोन, लोंहोदोंमोन, फुथुदोंमोन आरो बिबादिनो साननो मोननानै बेसेबादि गोजोनदोंमोन।
5. गुदि खोथाजों सोमोन्दो लाखिना बेखेवना लिर:
(क) बेखौ नागिरनानै जों जेब्लाबो बेनि उन उन थाबायथिङो।
फिन: “बेखौ नागिरनानै जो जेब्लाबो बेनि उन उन थाबायथिङो”
‘गोजनि बाथ्रा खोन्दोखौ लक्षेस्वर ब्रह्मआ लिरनाय गोजोननाय मुनि रायथाइनिफ्राय दिखांना लानाय जादों। बे बाथ्रा खोन्दोनि गेजेरजों रायथाइगिरिया बेखौनो फोरमायदोंदि गोजोननाय होननाय जिरादखौ जों गोरलैयैनो मोननो हाया।
रायथाइगिरिनि फोरमायनाय बादियैब्ला सुबुंनि जिउवाव गोजोननाया थांनाय फैनायनि अनजिमा गया। बेयो हरखाबै फैयो आरो हरखाबै थाङो। नाथाय मानसिनो अरायबो बे गोजोननायखौ नांगौ। बेखौ नागिरनानै जों जेब्लाबो बेनि उन उन थाबायथिङो। नाथाय बेखौ मोननाया गोब्राब। बेयो सुबुंनि सिगां सिगां सिगाङो। बेनि उनखौसो मानसिया होसोयो। यक्षआ गावनि जिउनि अनजालि अलकाखौ लोगो मोननो थाखाय गोदाव सोराव जोमैखौ रादाब फोरमायनो थाखाय खावलायदोमोन दाख्राय दाख्राय।
गोजोननायखौ होसोनानै नागिरनाने मोननाया गोब्राब। राजा रानि दावहाथिना बिर जोहोलाव जाब्लाबो गोजोननायखौ मोना। आलेकजेण्डार, नेपलियन एबा राम मूर्ति, क्लिउपेट्रा, एलिजाबेथ टेइलर एबा रिता फारियामोना गोहो आरो रुकखौ लानानै गोजोननाय मोननो हागौ, नाथाय बे गोजोननाया फैलासेमबादि। दैमा सेरनि मिल बिगोमाया बुंनाय बादि “आं रावखौबो हिंसा खालामा, आंखौबो रावबो हिंसा खालामा” होननायावसो दैमु दै बादि सुदेम गोजोननाय दें। बेफोर वाथ्राखौनो रायथायगिरिया गोजौनि “बेखौ नागिरनानै जों जेब्लाबो बेनि उन उन थाबायथिङो” बाथ्रा खोन्दोनि गेजेरजों फोरमायनो नाजादों।
(ख) गोसोआव गोथारथि थायोब्ला मोजां मोननाया गोजोननायाबो गोथार जायो।
फिन: “गोसोआव गोथारथि थायोब्ला मोजां मोननाया गोजोननायाबो गोथार जायो” गोजौनि बाथ्रा खोन्दोखौ लक्षेस्वर ब्रह्मनि लिनाय गोजोननाय मुंनि रायथाइ आयदानिफ्राय दिखांना लानाय जादों। बे बाथ्रा खोन्दोनि गेजेरजों बेखौनो फोरमायदोंदि गोथार गोजोननि गोजोननाया जेब्लाबो गोथार जायो।
बिथांनि फोरमायनाय बादियैब्ला श्रीकृष्णनि बिप्र दाम ‘दरखौ साननाय, बेउला साबित्रिनि आखुवाव गोथारथि दें। बेफोरो गोथार हाबानि गोथार गोजोननायनि नेरसोन। दुशासनआ द्रौपदीनि गाननाय सिखौ सेनायाव गोथार गोजोननाय थानो हाया। गोजोननाया बेनिखायनो मोननै रोखोमनि मोजां हाबा मावनानै गोजोन मोननाया गोगगानाय थानो हागौ, नाथाय गाज्रि आखले मोननाय गोजोननायाव गोगगानाय थानो हाया। इश्वर चन्द्र विद्दाचागरा बिमाखौ सिबिनायाव सिन्धु मुनिया खाना बिमा-बिफाखौं सिबिनायाव बेयों गैया। निदानाव खोख्लैनाने गोजाननाय लाबोनायाव गोथार गोजोननाय थानो हाया, निदाननि समाव राहा दिन्थिनानै बोखांबोनायावसो गोथार गोजोननाय दं। गोथार बिथांखिनि गोजोननायानो अरायनि आरो गाज्रि बिथांखिनि गोजोननाया दान्दिसेनि।
बेफोर बाधाखौनो रायथाइगिरिया गोजौनि बे “गोसोआव गोथारथि थायोब्ला मोजां मोननाया गोजोननायाबो गोथार जायी” बाथ्रा खोन्दोनि गेजेरजों फोरमायदों।
(ग) गोजोननाया गावनि सोलेर आरो गोसोजों सोमोन्दो गोनां।
फिन: “गोजोननाया गावनि सोलेर आरो गोसोजों सोमोन्दो गोना “
गोजौनि बाथ्रा खोन्दोखौ लक्षेस्वर ब्रहानि लिरनाय गोजोननाय मुंनि रायथाइनिफ्राय दिखांना लानाय जादों। बे बाथ्रा खोन्दोनि गेजेरजों रायथाइगिरिया बेखौनो फोरमायदोंदिं मानसिनि गोंजोननाया जोंनि देहा सोलेर आरो गोसोनि लुबैनाय साननाय हनायजों सोमोन्दो दं।
रायथाइगिरिया फोरमायनाय बादियैब्ला सोलेरनि लुबैनायखौ हमथान जेरै गोब्राब बिबादिनो गोसोनि गोजोननाय होननाय बेसादखौ हमथानो हानाथाबो गोब्राब। गोसोनि साननाय आरो सोलेरनि लुबैनायखौ हगारसारोब्ला बेसेबां गुवार सिमादि अरगौ बेखौ बुंस ‘नो हाया। मोथांखोर जोब्लाउरि अखाडा जेसेबां गुवार बेनिख्रुइबो गुवारसिन जागोन। मानोना मोनसे हास्थायनाया जाफुंखाङोब्ला मोनसे हास्थायनाया फैगोन।
मोनसे हाबाया जाफुंखाङोब्ला गुबुन मोनसे हाबाखौ मावनो गोनां जानानै फैगोन। जेंसि मोनसेखौ सौसिखाङोब्ला गुबुन मोनसे जेंसिखौ सौसिनो गोनां जानानै फैयो। मानोना हाबा खालामनायानो मोजां मोननायनि जोबथारनाय हाबा नङा। हाबानि उनाव गथ’ गथायनि बाथ्रा सफैगोन, फेदेरनाय, फोलावनायनि आरो मानसि खालामनायनि। थारैनो बुंनो थाङोब्ला, जों जा हास्थायदों बे हास्थायनाया जाफुंगोन, नाथाय दासिमबो जाफुडाखै बेयावहायसो मानसिनि बांसिन गोजोननाय दं। बेफोर बाथ्राखौनो रायथायगिरिया गोजौनि बे “गोजोननाया गावनि सोलेर आरो गोसोजों सोमोन्दो गोनां” बाथ्रा खोन्दोनि गेजेरजों फोरमायदों।
(घ) जिउनि गोजोननायखौ मिजिं खालामनाय सुथुर दैथुनआ जादों सेंग्रा बैसो।
फिन: ” जिउनि गोजोननायखौ मिजिं खालामनाय सुथुर दैथुनआ जादों सेंग्रा बैसो”
गोजौनि बाथ्रा खोन्दोखौ लक्षेस्वर ब्रहानि लिरनाय गोजोननाय मुंनि रायथाय खोन्दोनिफ्राय दिखांना लानाय जादों। बे बाथ्रा खोन्दोनि गेजेरजों रायथायगिरिया सेंग्रा बैसोखौ बोदोरबाउलि जानायनि सम होननानै फोरमायदों।
रायथाइगिरिया फोरमायनाय बादियैब्ला उन्दै समाव जायखलं बादि गावगोनां बायदिसिना साननायनि सानबोलाउरि मानसिफोरा नुयो। सोरांजेननायनि सानलालियाव बायसेथ्रा सावगारि जों अखोराडाव नुनो मोनो नाथाय सानजौफु बादि सेंग्रा बैसोखौ बारहुंखा फैनायबादि बायदि मैया दैथुनआ फैनानै लोरबां-थोरवां खालामनो नाजायो। बै दैथुनखौ सानस्रिनो हाब्लासो मानसिया देरहायो। बे देरहासारनायाव गोजोननाय दं।
गोजोननाया बेनिखायनो गावनि गोसोजों सोमोनदो गोनां नांसारि। बेफोर बाथ्राखौनो रायथाइगिरिया गोजौनि बे “जिउनि गोजोननायखौ मिजिं खालामनाय सुथुर दैथुनआ जादों सेंग्रा बैसो” रायथाइ खोन्दोनि गेजेरजों फोरमायदों।
उफेरा सोंथि फिननाय
1. गोजोननायनि गुबुन गुबुन बिथिंफोरा मा मा?
फिन: हास्थायनायखौ मोननाय, नुयिखौ नुनाय, जायिया जापुंनाय बेफोरनो जादों गोजोननायनि गुबुन गुबुन बिथिं।
2. मानसिनि गोसोनि गोजोननाया मानो गुबुन गुबुन जायो?
फिन: मानसिनि आखल बायदियै गोसोनि गोजोननायाबो गुबुन गुबुन महरनि जायो।
3. दैमा सेरनि मिल बिगोमाया मा बाथ्रा बुंदोंमोन?
फिन: दैमा सेरनि मिल बिगोमाया बुंदोंमोन “आं रावखौबो हिंसा खालामा,आंखौबो रावबो हिंसा खालामा।”
4. मोजां मोननाय गोजोननाया मा बायदि गोथार जायो?
फिन: गोसोआव गोथार थायोब्ला मोजां मोननाय गोजोननायबो गोथार जायो।
5. अरायथा गोजोननाय आरो दानदिसे गोजोनायनि फारागखौ लिर।
फिन: गोथार बिथांखिनि गोजोननाया अरायथा गोजोननाय। नाथाय गाज्रि बिथांखिनि गोजोनुनाया दान्दिसेनि गोजोननाय।
6. गोजोननायनि गुबुन गुबुन महरफोरखौ बेखेवनानै लिर।
फिन: सुबुंनि गोजोननायखौ गुबुन गुबुन महराव नुनो मोनो। गोलोम बोथोराव बिफांनि सायायाव जिरायनानै मानसिया गोजोननाय मोन। आनजादफोराव देरहानो हायोब्ला फोरोंगिरि आरो फरायसाफोरा गोजोननाय मोनो। गेदेर खैफोदनिफ्राय बारगब्ला मानसिया गोजोननाय मोनो। मानसिनि आखल आखुफोरा बाइदि रोखोमनि जानाय बादिनो बिसोरनि गोजोननायनि मैहरफोराबो गुबुन गुबुन जायो। सासे राजानि गोजोननायजों सासे नेहात गैजारोङै निखाउरिनि गोजोननाया समान जानो हाया। बेबादिनो गथ’ नि गोजोननायजों बोरायनि गोजोननाया समान नङा।
बिमा असेया फ्रसानि मोजां महर मोखांखौ नुयोब्ला जेरै गोजोनो बिहारि बिमाया बिबायदि गोजोनाबो जानो हागौ। गोजोननायखौ होसोनानै नागिरनानै मोननाया गोब्राब। राजा, राणी, जोहोलाव जाब्लाबो बे गोजोननायखौ मोना। बेयो हरखाब फैयो आरो हरखाब थाङो। गोहो आरो रुकखौ लानानै गोजोननाया दान्दिसेनि थाखायल’। अलेकजेण्डार, नेप’लियन मोनहा भुमखौ गाग्लोबनाने गावसोरनि सिं खालामनानै गोजोननो सानदोंमोन। क्लिउयेट्रा, रीता फारिया मोनहा रुकखौ लानानै गोजोनदोंमोन नाथाय बेयो दानदिसेनि थाखायल’ मोन। बेफोर गोजोननाया फैला सेम बायदि . दानो दं दानो गैया मोजां खामानि मावनानै गोजोननाय मोननाया अराय समनि थाखाय आरो बेयाव गोगानाय थायो।
कुरुक्षेत्र दावहायाव थैहां जानाय भीष्मनो अर्जुना दे लोंहोनायाव भीष्मआ गोजोननाय मोनदोंमोन। बेबादिनो श्रीकृष्णआ निखावरि दास’ दरखौ गावनो थिं सुना होदोंमोन, जाहोदोंमोन, लोहोदोंमोन, फुधुदोंमोन आरो बिब्दि खामानि मावनानै श्रीकृष्णआ जोबोद गोजोननाय मोनदोंमोन। गोथार गोसोयै इश्वर चन्द्र बिद्यासागरआ बिमाखौ आरो सिन्धु मुनिया खाना बिमा बिफाखौ सिबिनानै अराय गोजोनदोंमोन। गाज्रि गोसोयै हाबा मावनायनिफ्राय दान्दिसेनि थाखायल’ गोजीन्नो हायो। दुशासनआ द्रीपदीनि सि खुनानै आरो रत्नाकर दुस्यआ मालाइनि इनाय मावनानै गोजोन्दोंब्लाबो बेफोर दानदिसेनि थाखायल’ मोन। गोथार मावनायनिफ्राय अराय गोजोननाय आरो गाज्रि मावनायनिफ्राय दानदिसेनि थाखायल’ गोजोननाय फैयो। बिब्दिनो सुबुंआ गाव गावनि गोजोननायखौ गुबुन गुबुन महराव मोननायजों नुनो मोनो।
7. गुबुन गुबुन रोखोमनि गोजाननायखौ दिन्थि होनानै लिर।
फिन: गोजोनना गुबुन गुबुन रोखोगनि। कुरुक्षेत्र दावहा थिलियाव गावनिगोसो खुसियै थैनो हानाय भीष्मआ ‘शरपुष्प’ आव गोलांनानै थानाय समाव जेब्ला कौरब पाण्डव मोननियाव दै लोंनो विदोंमोन अब्ला दुर्जधना होफैनाय देखो लोडाब्लानो अर्जुना हायाव जिलिर गावनाने लाबोनाय देखौ गांगासे लोडो आरो गोजोनग्लायो। बेबादिनो श्रीकृष्ण उन्दै समनि आंगो लोगो बिप्र’ दामदरआ जेब्ला गावनि न’आव फैयो अब्ला बिखौ गावनो आथिं सुनानै होदोंमोन, जाहोदोंमोन, लोहोदोंमोन, फुथुदोंमोन आरो बिब्दिनो सिबिनो मोननानै बेसेबा गोजोनदोंमोन।
गोथार गोसोयै मावनाय हाबानिफ्राय गोथार गोजोननाय मोनो। गोसोआव गोथार मोजां मोननाय दंमोन होननानै बेउलाया फिसाइ लखिन्दारनि आरो साबित्रीया फिसाइ सत्यबाननि जिउखौ जम राजानिफ्राय बिख’ नानै लाबोनो हादोंमोन आरो गोजोन मोनदोंमोन। गोथार गोसो लानानै ईश्वर चन्द्र विद्यासागरआ बिमाखौ सिन्धु मुनिया खाना बिमा-बिफाखौ सिबिनानै अराय गोजोन मोननो हादोंमोन। गाज्रि गोसो लानानै हाबा मावब्ला गोजोननाया दान्दिसेल’ थायो। दुशासनआ द्रीपदीनि सि सेनानै आरो रत्नाकर दुस्याआ इनाय हाबा मावनानै दानदिसेनि थाखाय गोजोनदोंब्लाबो नाथाय बिसोर अराय गोजोननो हायाखैमोन।
गुसुं सोंथिनि फिननाय
1. श्रीकृष्ण नि उन्दै समनि लोगोआ सोरमोन?
फिन: श्रीकृष्णनि उन्दै समनि लोगोआ बिप्रदाम’ दरमोन।
2. कुरुक्षेत्रनि दावहाया सोर सोरनि गेजेराव जादोंमोन?
फिन: कुरुक्षेत्रनि दावहाया पाम्डब आरो कौरबफोरनि गेजेराव जादोंमोन।
3. सोरनि होफैनाय देखौ भीष्मआ लोंआखैमोन?
फिन: दर्यधनआ होफैनाय देखौ भीष्मआ लोंआखैमोन।
4. डान्टेआ सोरमोन?
फिन: डान्ट्रेआ इटालि हादरनि खन्थायगिरिमोन।
5. डान्टेआ सोर सिखलाखौ गोसोथोनाने खन्थाय लिरजेनदोंमोन?
फिन: वियेट्रिच मुनि सासे सिख्लाखौ गोसो थोनाने डान्टेआ खन्थाय लिरजेनदोंमोन।
6. सोरनि थाखाय डान्टेआ हामलांदोंमोन?
फिन: बियेट्रिचनि थाखाय डान्टे आ हागलांगोन।
7. सोर सोरनि थाखाय डान्टे बायदि हामलांदोमोन?
फिन: चण्डीदासाबो राम धुबुनिनि थाखाय डान्टे बायदि हामलांदोमोन।
8. यक्षनि अनजालिनि मुङा मामोन?
फिन: यक्षनि अनजालिनि मुङा अलकामोन।
9. चण्डीदासा सोरखौ मोजां मोनोमोन?
फिन: चण्डीदासा रामि धुबुनिखौ मोजां मोनोमोन।
10. आलेकजेण्डारा सोर मोन?
फिन: आलेकजेण्द्वारा सासे ग्रीक जोहोलायमीन।
11. सोर सोर आइजोआ रुकखौ लानाने गोगादोंमोन?
फिन: क्लिडपेत्रा, एलिजाबेथ, टेलर आरो रिता फारियामोना रुकखौ लानानै गोगादोंमोन।
12. रीता फारियाया सोर?
फिन: रीता फारियाया सासे मुंदांखा नायनो मोजां हिन्दी सावथुननि फावगिरिमोन।
13. माखौ नागिरनानै सुबुङा बेनि उन उन थाङो?
फिन: गोजोननायखौ नागिरनाने सुबुङा बिनि उन उन थाङो।
14. नेपलियना सोरमोन?
फिन: नेपलियना सासे फरासी जोहोलावमोन। दुलाराय इडर हादरंगाखौ फेजेननो बियो थांखि लादोंमोन।
15. ‘गोजोननाय’ रायथायनि लिरगिरिया सोर?
फिन: ‘गोजोननाथ’ रायथायनि लिरगिरिया लक्षेश्वर ब्रहम।
16. एभरेष्ट हाजो थिखिनियाव गिबियै गाखोहैनाय मानसिफोरा सोर सोर?
फिन: एभारेष्ट हाजी थिखिनियाव गाखोहैजेननाथ मानसिफोरा जाबाय सेरपा टेनजिं नरके आरो एडमाण्ड हिलारि।
17. सोरखौ ‘धनन्जय’ होनना बुंनाय जायोमोन?
फिन: अर्जुनखौ ‘धनन्जय’ होनना बुंनाय जायोमोन।
18. अखाफोराव आगान हैजेननाय मानसिफोरा सोर सोरमोन?
फिन: अखाफोराव आगान हैजेननाय मानसिफोरा जाबाय एडुइन एलड्रिन, माइकेल कलिन्स आरो नील आर्मष्टंमोन।
19. सोर सोर दुलाराय बहुमखौ गाग्लबनाने गावसोरनि सिं खालामनो नाजादोंमोन?
फिन: आलेकजेण्डार, नेपलियन आरो राम मुर्ति मोना दुलाराय बहुमखौ गाग्लोबनानै गावसोरनि सिं खालामनो नाजादोंमोन।
20. गोजोननाया माजों सोमोनदो गोनां?
फिन: गोजोननाया गावनि सोलेर आरो गोसोजों सोमोन्दो गोनां।
21. उर्मिलाया सोरमोन?
फिन: उर्मिलाया लक्ष्मननि विसिमोन।
22. लखीन्दारनि जिउखौ सोर यम राजानि आखाइनिफ्राय बिख’ना लाबोदोंमोन?
फिन: बिसि बिठलाया लखीन्दारनि जिउखौ यमराजानि आखाइनिफ्राय विख’ ना लाबोदोंमोन।
23. साबित्रिनि फिसाइनि मुङा मा मोन?
फिन: साबित्रिनि फिसाइनि मुङा सत्यवानमोन।
24. सोर सानै हिनजावफोरा गावसोरनि फिसाइनि जिउखौ यम राजानि आखाइनिफ्राय बिख’ना लाबोदोंमोन?
फिन: बेठला आरो सावित्रि मोना गावसोरनि फिसाइनि जिउखौ यमराजानि ‘आखाइनिफ्राय बिख’ना लाबोदोंमोन।
25. सिन्धुमुनिया सोरमोन?
फिन: सिन्धुमुनिया अन्य मुनिनि फिसाजोला मोन।
26. सिन्धुमुनिया मा खालामोमोन?
फिन: सिन्धुमुनिया मेगन नुयि बिमा विफा सानैखौबो खादायाव फज’ नानै बानथिङोमोन।
27. सिन्धुमुनिया सोरनि आखाइयाव थैदोंमोन?
फिन: सिन्धुमुनिया दशरथनि आखाइयाव थैदोंमोन।
28. द्रौपदीया सोरमोन?
फिन: द्रौपदीया पाण्डवनि बिसिमोन।
29. सीताया सोरमोन?
फिन: सीताया रामनि बिसिमोन।
30. सोरनि खोथायाव रामा सीताखौ हाग्रायाव दोनहरदोंमोन।
फिन: सासे धबानि खोथायाव रामा सीताखौ हाम्रायाव दोनहरदोंमोन।
31. ईश्वर चन्द्र बिद्यासागरा सोर?
फिन: इश्वर चन्द्र बिद्यासागारा बंग हादरनि संस्कृत पण्डितमोन।
32. सोरनि होफैनाय देखौ भीष्मआ लोङाखैमोन?
फिन: दुर्यधननि होफैनाय देखौ भीष्मआ लोंआखैमोन।
33. ‘शर-पुष्य’ आव गोलैनानै थानाय समाव भीष्मआ कौरब-पाण्डबफोरनियाव मा बिदोंमोन?
फिन: ‘शर-पुष्य’ आव गोलनानै थानाय समाव भाष्मआ कौरब पाण्डबफोरनियाव दै लोंनो बिदोंमोन।
34. थैहां भीष्मनि जिउवा माबोरै गोजोनग्लायदोंमोन?
फिन: थैहां भीष्मनि जिउवा अर्जुना हायाव जिलिद गावनानै दिहुननाय देखौ लोंनानै गोजोनग्लायदोंमोन।
35. मा रोखोमनि गोजोननाया अरायथा समनि?
फिन: गोथार बिथांखिनि गोजोननाया अरायथा समनि।
36. श्रीकृष्णआ लोगो बिप्रदाम’ दरखौ माबायदि बाहायदोंमोन?
फिन: श्रीकृष्णआ लोगो बिप्रदाम’ दरखौ गावनो आथिं सुनानै होदोंमोन, जाहोदोंमोन, लोहोदोंमोन, फुथुदोंमोन आरो बिब्दि बाहायनानै गोजोननाय मोन्दोंमोन।
37. सोरनि जिउवाव गोजोननाय थांलाय फैलायनि अनजिमा गैया?
फिन: सुबुंनि जिउआव गोजोननाया थांलाय फैलायनि अनजिमा गया।
38. जिउनि गोजोननायखौ मिजिं खालामनाय सुथुर दैथुना मा?
फिन: ‘जिउनि गोजोननायाखौ मिजिं खालामनाय सुथुर दैथुना जादों सेंग्रा बैसो।
39. सोरनि आखाइन दैखौ लोनों भीष्मआ विदमोन?
फिन: भीष्मआ धनन्जय अर्जुननि आखाइनि दैखौ लोंनो बिदोंमोन।
40. थैनोसै समाव भीष्मआ बबेयाव गोग्लैनाने दंमोन?
फिन: थैनोसै समाव भीष्मआ ‘शर-पुष्य’ आव गोग्लैनानै दंमोन।
41. सुबुं हारनि जारिमिना मा?
फिन: सुबुं हारिनि जारिमिना जादों अरयाथा गोदान मोननो, नुनो, मोनोथिनो हास्थायनायनि जारिमिन।
42. गोदोनि सलन्थायफोराव मा मा लिरलांदों?
फिन: गोदोनि दिनाव रौरोथोनजों अखाफोराव थांनाय बाथ्राखौ लिरलादों।
43. राममूर्तिआ सोर?
फिन: राममूर्तिया से बोलोनों गोहो गोरा भारतनि बीर जोहोलाव।
44. क्लिउपेट्राया सोर?
फिन: क्लिउपेट्राया जुलियास चीजारनि बिसिमोन।
45. नख’ रनि महर मुस्रिखौ फोसाबनो आरो जौगाखां होनोब्ला जोंनो मा नांगौ?
फिन: नख’ रनि महर मुस्रिख फोसाबनो आरो जौगाखां होनोब्ला जोंनो गोजोननाय नांगौ।
46. सोर सोर गावनि जिउ मोनसेखी दुखु खैफोदाव खोख्लैनानेबो मालायखौ गोजोन होदोंमोन?
फिन: द्रीपदी, सिता, उर्मिला बिसोरो गावनि जिउ मोनसेखौ दुखु खैफोदाव खोख्लैनानै मालायखौ गोजीन होदोंमोन।
47. माबादि हाबा मावनानै गोजोननायाव गोगानाय थानो हागौ?
फिन: मोजां हाबा मावनानै गोजोननायाव गोगानाय थानो हागौ।
48. माबायदि गोजोननाया दान्दिसेनि ?
फिन: गाज्रि बिथांखिनि गजननाया दान्दिसेनि।
49. गोजोननायखौ नागिरना मोननाया मानो गोब्राब?
फिन: गोजोननायखौ नागिरना मानोनाय गोब्राब मानोना बेयो सुबुंनि सिगां सिगां सिगाङो।
50. “आं रावखौबो हिंसा खालामा, आंखौबो रावबो हिंसा खालामा” – बे बाथाखौ सोर बुंदोंमोन?
फिन: बे बाथ्राखौ दैमा सेरनि मिल बिगोमाया बुंदोंमोन।
51. मा गैयाब्ला नख’रा गाहाम जानानै फैया?
फिन: नख’ राव गोरोबलायनाय गैयाब्ला नख’रा गाहाम जानानै फैया।
52. कुरुक्षेत्र दावहायाव सोर गावनि गोसो खुसियै थैनो हादोंमोन?
फिन: करुक्षेत्र दावहायाव भीष्मआ गावनि गोसो खुसियै थैनो हादोंमोन।
53. भीष्मआ अर्जुननियाव जेब्ला दै लोंनो बिदोंमोन अब्ला अर्जुनआ मा खालामदोंमोन?
फिन: अब्ला अर्जुना भीष्मनि आगदाथिंजाय हायाव जिलिद गावनानै होनायसै आरो लोगो लोगो खोल खोल गोजों दै बिनि खुगायाव गोग्लै फैनायसै आरो भीष्मआ गांगाजासे लोंनायसै।
54. “गोजोननाय” रायथायाव रायथायगिरिया सोर सोरनि आखुआव गोथार दं होननानै बुंदों?
फिन: रायथायगिरिया श्रीकृष्णनि बिप्रदाम’ दरखौ साननाय, बेउला साबित्रिमोननि आखुआव गोथार दं होननानै बुंदों।
55. सोर द्रौपदीनि गाननाय सिखौ सेदोंमोन?
फिन: दुशासना द्रौपदीनि गाननाय सिखौ सेदोंमोन।
56. जयमतीया सोरमोन?
फिन: जयमतीया गदापानीनि बिसिमोन।
57. मा जायोब्लाबो गोजोननायखौ मोननाया गोब्राब होननानै रायथायगिरिया बुदों?
फिन: राजा-राणि दावहाथिना बीर जोहोलाव जाब्लाबो गोजोननाय मोना।
58. मानि गोजोननाया फैलासे बायदि?
फिन: गोहो आरो रुकखौ लानानै गोजोननाया फैला सेम बायदि।
59. यक्षआ गावनि अनजालिखौ लोगो मोननो थाखाय मा मा खालामदोंमोन?
फिन: यक्षआ गावनि अनजालि अलकाखौ लोगो मोननो थाखाय गोदाव सोराव जोमैखौ रादाब फोरमायहैनो दाख्राय दाख्राय खावलायदोंमोन।
60. सुबुंनि जिउवाव माया हरखाबै थाङो आरो फैयो?
फिन: सुबुंनि जिउवाव गोजोननाया हरखाबै थाङो आरो फैयो।
61. सुबुंनि बांसिन गोजोननाया बबेयाव थायो?
फिन: दासिमबो जाफुङाखै बेवहायसो सुबुंनि बांसिन गोजोननाय थायो।
62. हाबा खालामनायानो मोजांमोननायनि जोबथारनाय हाबा नङा होनना भानो बुंदों?
फिन: हाबा खालामनायानो मोजां मोजां मोननायनि जोबथा हाबा नङा होनना रायथायगिरिया बेनिखायनो बूंदों मानोना हाबानि उनाव गथ’ – गथायनि बाथ्रा सफैयो, फैदेरनाय फोलावनायनि आरो मानसि खालामनायनि बाथ्रा फैयो।
63. सुथुर दैथुन होनना रायथायगिरिया माखौ बुंदों?
फिन: सेंग्रा समखौ सुथुर दैथुन होनना रायथायगिरिया बुंदों।
64. मा खालामनो हायोब्ला बे बुहुमा नांसारि जागोन होनना रायथायगिरिया बुंदों?
फिन: गोथार गोजोननायखौ गावनि, नखरनि आरो माहारिनि दुलाराय सुबुं हारनि थाखाय लाबोनो हायोब्ला बे बुहुमा नांसारि जागोन होनना रायथायगिरिया बुंदों।
65. यक्षआ सोरमोन? बिहा मा जानोगोनां जादोंमोन?
फिन: यक्षआ जाबाय संस्कृत खन्थाइगिरि कालिदास लिरनाय मेघदुत काब्यनि गिबि आखु। महादेवनि साव होनायाव बियो हाबा जागोदान बिसिखों गारनो गोनां जादोंमोन।
66. गोजोननाया रोखोमसे नामा?
फिन: गोजोननाया रोखोमसे नङा।
67. गोजोननाया बेसेबां रोखोमनि?
फिन: रायथायगिरिया गोजोननायखौ मोननै रोखोमनि होनना बंदों–
(क) गोथार गोजोननाय आरो।
(ख) गाज्रि गोजोननाय।
68. माखौ मोनसे गिदिर सोलोंनाय होनना रायथायगिरिया बुंदों?
फिन: गावखौ गाव हमथानो हानायासो मोनसे गिदिर सोलोंनाय होनना रायथायगिरिया बुंदों।
69. गोसोआव माया थायोब्ला मोजां मोननाय गोजोननायाबो गोथार थायो?
फिन: गोसोआव गोथारा थायोब्ला मोजां मोननाय गोजोननायाबो गोथार थायो।
70. उन्दै समाव मानसिफोरा मा नुयो?
फिन: उन्दै समाव जाइख्लं बायदि गाबगोनां बायदिसिना साननायनि सानबोलावरि मानसिफोरा नुयो।
71. सेंग्रा बैसोखौ माया फैनानै लोरबां-थोरबां खालामनो नाजायो?
फिन: सेंग्रा बैसोखौ सुथुर दैथुना फैनानै लोरवां थोरबां खालामनो नाजायो।
72. उन्दै समाव बिप्रदाम’ दरा श्रीकृष्णखौ मा खालामदोंमोन?
फिन: बिमा यशदाया श्रीकृष्णखौ दुरुंजों खानानै दोननायाव दाम ‘दरा दिरुंखौ खावनानै लांजोबदोंमोन।
73. सिन्धु मुनिया सोरखौ सिबिदोंमोन?”
फिन: सिन्धुमुनिया गावनि खाना बिमा बिफाखौ सिबिदोंमोन।
74. ईश्वरचन्द्र बिद्यासागरा सोरखौ सिबिदोंमोन?
फिन: ईश्वर चन्द्र बिद्यासागरा गावनि बिमाखौ सिबिदोंमोन।
75. गोथार हाबानि गोथार गोजोननायनि मोननै नेरसोन फोरमाय।
फिन: (ग) ईश्वर चन्द्र विद्यासागरनि बिमाखौ सिबिनाय आरो अन्धमुनिया खाना बिमा बिफाखौ सिबिनाय।
76. गोथार गोजोननाया माजों अरायबो रोखोमसे जानो हाया?
फिन: गोथार गोजोननाया गाज्रि थांखि लानानै हाबा मावनानै मोननाय गोजोननायजों अरायबो रोखोमसे जानो हाया।
77. मानि लुबैनायखौ हमथानाया गोब्राब?
फिन: सोलेरनि लुबैनायखौ हमथानाया गोब्राब।
78. मानसिनि हास्थायनाया जोबथा दं नामा?
फिन: मानसिनि हास्थायनाया जोबनो थाङा। मोनसे हास्थायनाया जाफुंखांनायनि उनाव मोनसे हास्थायनाया फैयो।
79. सोर विद्यानि लैथो बिमुं मोन्दोंमोन?
फिन: ईस्वर चन्द्र विद्यासागरा।
गोलाव सोंथिनि फिननाय
1. “बेखौ नागिरनानै जों जेब्लाबो बेनि उन उन थाबायथिङो”। बेयाव मा नागिरनाय बाथ्रा बुंदों? बेखौ नागिरनायनि फेलेंजानाय माखासे दिन्थि बिजाबजों सोमोन्दो लाखिनानै लिर।
फिन: रायथाइगिरिया बेवहाय गोजोननायखौ नागिरनायनि बाथ्रा बुंदों। गोजोननायखौ होसोनानै मानसिया हाखुंर जादों। सुबुंनि जिउवाव गोजोननाय थांनाय फैनायनि अनजिमा गैया। बेयो हरखाबै फैयो आरो हरखाबै थाङो। नाथाय मानसिनो अरायबो बे गोजोननायखौ नांगौ। बेनिखायनो बे गोजोननायखौ नागिरबायनानै जों जेब्लाबो, बिनि उन उन थाबायधिङो। मानोना बेयो सुबुंनि सिगां सिगां थाङो। बेनि उनावसो मानसिया होसोयो।
गोजोननायखौ हास्थायनाने मानसिया बिनि उन उन होसोनानै फेलेंजानो गोनां जादों। बिब्दि फेलेंजानाय गोबां सल’ दं। जेरै यक्षआ गावनि जिउनि अनजालि अलकाखौ लोगो मोननो थाखाय गोदाव सोराव जोमैखौ रादाब फोरमायहैनो थाखाय दाख्राय दाख्राय खावलायदोंमोन। बियेत्रिचनि थाखाय सानबायनानै डान्टेआ जेरै हामलांदोंमोन चण्डीदासआवो रामी धुबुनीनि थाखाय बेबायदि जादोंमोन। गोजोननायखौ नागिरना मोननाया गोब्राब। राजा, राणी, दावहाथिना बीर जोहोलाव जाब्लाबो गोजोननायखौ मोना। आलेकजेण्डार, नेपलियन, हिटलारा बिसोरो दुलाराय बहुमखौनो गाग्लोबनानै गावसोरनि सिं खालामनो नाजादोंमोन। नाथाय बिसोर गोजोननाय मोननो हायाखैमोन। बेबादिनो एलिजाबेथ टेइलर एबा रीता फारिया मोनहा गावसोरनि रुकखौ लानानै गोजोननाय मोनदोंमोनब्लाबो नाथाय फैला सेम बायदि दान्दिसेनि थाखायल’ मोन। मानोना गोहो आरो रुका मानसिजों अराय सम थाबाय थाया।
2. सुबुं हारिनि जारिमिना जादों अरायथा गोदानखौ मोननो नुनो, मोननो हास्थायनायनि जारिमिन। बे बाथ्राया बबे रायथाइनि? रायथाइजों गोरोब होनानै बाथ्रानि ओंथिखौ लिर।
फिन: बे बाथ्राया लक्षेश्वर ब्रह्म लिरनाय गोजोननाय’ रायथायनि।
सुबुंनि गोसोआ अराय हास्थायसुला। बेनिखायनो सुबुं हारिनि जारिमिना जादों अरायथा गोदानखौ गोननो, नुनो, मोनथिनो हास्थायनायनि जारिमिन बे जारिमिना माबोला थुंगिहैंगोन, जोबहैगोन बेखौ रावबो बुंस’नो हाया। मानोना मानसिनि मिथिनो लुबैनायनि सिमा गैया। मानसिया नाजानाय मानिखौ मोनसेनि उनाव मोनसे सोरखिनो हादों नाथाय मोनसे सोरखिनो हानायनि उनाव आरो मोनसेबाव मिथिनो लुबैनाया बिनि गोसोआव उसाव बादाव खालामंदों।
मानसिनि गोदानखौ मोननो, नुनो, मिथिनो लुबैनाया मोनसेनि उनाव मोनसे साखाबायदि गिदिंगासिनो दं। गोदोनि सल’ खन्थायफोराव रौरोथोनजों अखाफोराव थांनाय सल’ बाधा खोनादोंमोन। बाथ्राखौ जों नाथाय फोथायनो गोब्राब गोन्दोंमोन। दानि मुगायाव जों मेगनजों नुमारबाय। एडुइन एलड्रन, माइकेल कलिन्स आरो नील आर्मष्टंमोना गमामायैनो अखाफोराव थांनानै सुबुं हारनि देरहासार फिरफिसाखौ बिरहोबाय। सेरपा टेनजिं नरके आरो एडमाण्ड हिलारी मोना एभरेष्ट हाजो थिखिनियाव गाखोहैबाय। नाथाय बिसोर अखाफोराव थांनो हादोंब्लाबो, एभरेष्ट हाजो थिखिनियाव गाखोहैंनो हादब्लावो मानसिया अखांआव थांनो एवा हाजो गाखोनो एंगाराखें।
3. गोजोननाया मोनबेसे रोखोमनि? गोथार गोजोननायखौ माबोरै मोननो हायो?
फिन: रायथाइगिरिया गोजोननायखौ मोननै रोखोमनि होनना बंदों
(क) गोथार गोजोननाय आरो
(ख) गाज्रि गोजोननाय।
गोसोआव गोथार थायोब्ला गोजोननायावी गोथार जायो। मालायखौ खैफोदनिफ्राय बोखांनायाव, गावनिखौ एसेयैब्लाबो एंगारनो हानायाव गोथार गोजोननाय थायो। आंगो जिउ मोनसेखौ बेसेबांबा दुखु आफोदाव खोख्लैनानैबो, मालायखौ गोजोन होनायनि गेजेरजों अराय गोथार गोजोननाय फैयो। द्रौपदी, उर्मिला मोननि जिउमाया गोथार गोजोननायनि नेरसोन। लक्षीन्दारनि जिउखौ बेउलाया आरो सत्यबाननि जिउखौ साबित्रीया जम राजानिफ्राय बिनानै लोबोनो हानाया सोमोनांथावब्लाबो बिसोरनि जिउवाव गोथार गोजोननाय दं।
जयमती, नलदमयन्ती मोननि जिउवावबो बे बायदिनो गोथार गोजोननाय दें। कृष्णनि बिप्रदाम’ दरखौ फुजिनाय, बेउला, साबित्रीनि फिसाइ सिविनायाव गोथार गोजोननाय दं। बेफोर गोथार मावनानै मोननाय गोथार गोजोननायनि नेरसोन। दुशासना द्रौपदीनि गाननाय सिखौ सेनायाव गोथार सानानाय एबा मावनाय गया। बेनिखायनो बेवहाय गोथार गोजोननायबी थानो हाया। ईश्वर चन्द्र विद्यासागरा बिमाखौ सिबिनाय आरो सिन्धुमुनिया खाना बिमा-बिफाखौ सिबिनायाव गोथार गोजोननाय दं। बे बादिनो निदानाव खोखलैनानै गोजोननाय लानायाव गोथार गोजोननाय थानो हाया। निदाननि समाव राहा दिनथिनानै बोखांनायावसो गोथार गोजोननाय दं। गोथार गोजोननाया अरायथा गाज्रि बिथिंनि गोजोननाथा दसे समनि थाखायल’।
4. श्रीकृष्णआ मा मावनानै गोजोननाय मोन्दोंमोन? बिनि गोजोननाय मोननाया मानो गोमोथाव?
फिन: श्रीकृष्णनि न’ आव जेब्ला गावनि उन्दै समनि जिउनां लोगो बिप्रदाम’ दरआ ‘बेसेबांबा बोसोरनि उनाव आलासि जाफैदोंमोन, अब्ला आलासि सिबिनो मोननाने श्रीकृष्णआ बेसेबांबा रंजाखांदोंमोन। श्रीकृष्णनि आलासि सिबिनायखौ नुनानै निखावरि बिप्रदाम’ दरआ गोमोहाबदोंमोन। लोगो दाम दरखौ श्रीकृष्णआ गावनो आथिं सुनानै होदोंमोन, जाहोदोंमोन, लोंहोदोंमोन आरो फुथुदोंमोन। लोगोखौ बिब्दियै आलासि सिबिनो मोननाने श्रीकृष्णआ बेसेबांबा गोजोननाय मोनदोंमोन।
गावनि लोगो बिप्रदाम’ दरखौ आलासि सिबिनानै श्रीकृष्णआ गोजोननाय मोननायखौ गोमोथाव होननानै सानजायो। मानोना श्रीकृष्णआ सासे राजा आरो बिप्र दामदरआ सासे बेसेबांबा गोरिब मानसि। राजाया फोरजाफोरनि थाखाय मोदायनि समान। मोदायखौ जेरै सिबियो बेबादिनो श्रीकृष्णखौ फोरजाफोरा सिबियो। गोमोथावा बेनोदि कृष्णबादि सासे मानगोनां राजाया गोरिव बिप्रदाम’ दरखौ मोदाय बादि सिविदों। श्रीकृष्णनि आखुखौ नुनानै दाम’ दरा गोमोहाबदोंमोन।
5. (क) माखौ गोजोननाय बुङो?
फिन: गोजोननायनि ओंथिया जाबाय गोसोखौ सां मोननाय। गोलोम बोथोरनि दुं दुं हाव हाव समाव गोजान लामा हानथिनानै बिफां सायायाव जिरायनो मोनब्ला मोनसे गिदिर निदाननिफ्राय बारग’ ब्ला, सोरनिया नख’ राव हौवासा जोनोम जाब्ला, आनजादफोराव बारग’नो हायोब्ला, बादायलायनायाव आरो दावहायाव देरहानो हायोब्ला, हास्थायनायखौ मोनोब्ला गोसोखौ स्रां मोनो। बेखौनो गोजोननाथ बुङो।
(ख) मा मा खालामब्ला गोजोननाय फैयो?
फिन: मानसिया गोजोननायखौ मोननो थाखाय अराय बिनि उन उन होसोगासिनो दं। हास्थायनायखौ मोनोब्ला, नुयैखौ नुयोब्ला, जायैखौ जाफुंहोनो हायोब्ला गोजोनाय फैयो। मानसिति आखल आखुआ जेरै गुबुन गुबुन रोखोमनि, बेबादिनो मानसिनि गोसोनि गोजोननायाबो गुबुन गुबुन महरनि आरो बेयो गुबुन गुबुन रोखोमै फैयो। श्रीकृष्णआ गावनि उन्दै समनि लोगो बिप्रदाम’ दारखौ बेसेबांबा गौबावनि उनाव न’ आव आलासि सिबिनो मोननानै इनायनो गोजोननाय मोनदोंमोन।
बेउला साबित्रीमोना गावनि जिउखौ खैफोदाव खोखलैनानैब्लाबो फिसाइनि जिउखौ लाबोफिननो हानायाव अरायथा गोजोननाय दं। बे बादिनो गोजोननाया मोननै रोखोमनि दं। जेरै- मोजा हाबा मावना गोजोननाय आरो गाज्रि हाबा मावना गोजोननाय। मोजां हाबा मावनानै गोथार गोजोननाय मोननो हायो आरो बेयो अरायथा गोजोननाय। नाथाय गाज्रि हाबा मावनानै मोननाय गोजोननाया दानदिसेनिल’। गोजोननाया मानसिनि गेजेराव गोबां मोजां गाज्रिनि गेजेरजों फैयो। जेरै- दावहायाव देरहानो हायोब्ला, बादायलायनायाव देरहानो हायोब्ला, खामानि मावनोरोडैखौ मावनो रोङोब्ला, सोरनिबा नख’ राव हौवासा जोनोम जाफैयोब्ला, गोलोम बोथोराव वार मोनोब्ला, गावनि हास्थायनाय अनजालु एबा अनजालिखौ मोनोब्ला गोजोननाया मानसिनि गेजेराव आलो गोजोनै फैयो।
(ग) गोजोननायखौ मानो नांगौ?
फिन: मानसिया जेब्लाबो सुखखौ हास्थायो। बेखौ लुबैनाने बेनि उन उन होसोयो। नाथाय दुखुआबो सुखुनि उन उन खारफायो। सुबुं माहारिया अरायबो आलो गोजोनै थानो हास्थाय। मानसिफोरा बुहुमाव अराय सम रायजो जानायाव गोजोनखौ लुबैयो। नख’ रखौ खौसेयै लाखिनो बेनि महर मुस्रिखौ फोसाबनो आरो जौगाखां होनोब्ला जोंनो गोजोननायखौ नांगौ जायो बेबादिनो बुहुमाव एबा गुबुन गुबुन हादोरफोराव गोजोननाय गयाब्ला हादोरफोराव सुख गोजोननाय फैया। बेनिखायनो गोजोननायखौ नांगौ जायो।
6. गावखौ गाव हमथानो हानायासो मोनसे गिदिर सोलोंनाय होनना लिरगिरिया मा, फोरमायदों?
फिन: मानसिया गांवनि गोसोखौ हगारसारलानो नाङा। मानोना खनसे हगार सारद्लाबानो बिखौ हमथाफिननो गोवाब जायो। जों जेब्लाबो खोनासंथावै खोथाफोरखौ खोनासंनो, मावथावै हाबाफोरखौ मावनो, दांनायनो, सोलायनो एबा मोनामसुनो लुबैयो। नाथाय जों बेफोर बायदि लुबैनायनिफ्राय गावनि गोसोखौ ” हमथानानै लाखिनांगौ। बबेबा बबेबा समाव जो गाज्रि हाबा मावनोवो सानफ्लाङो।
बेबायदि साननायनिफ्राय गावनि गोसोखौ हमथानानै लाखिनांगौ। खोनादला बायनाय, जाथावै बाथ्राफोरखौ बुंनो नाङा। बेबादि खामानिनिफ्राय गोसोखौ हमथानांगौ। नङाब्ला गोसोआव गाज्रि साननाय फैगोन। गोसोआव गाज्रि साननाया साग्लोबबानो जों नडैखौबो नंगौ होननानै सानफ्लांगोन आरो बेनिफ्राय दुखुबो मोनगोन। जों भावनांगौ हाबाखौ मावनो बानाया मोजां नङा। मावनो बानायानो जेबो दुखुनि गुदि । जेब्लाबो नंगौखौ साननाय, नंगौखौ बुंनाय, थारखौ मावनाय, जाम्बा जाम्बीखौ फोरोंनाय आरो गोहो बोलो होनानै लोरबांखौ हेफाजाब होनाया गोथार खामानि आरो बेनिफ्राय गोसोआव सोरांफैगोन आरो गोजोननाय मोनगोन।
7. जक्ष, चण्डीदास, डान्टे मोना गोजोन नागिरनानै मा जानांदोंमोन?
फिन: मानसिया गोजोनखौ मोननो थाखाय हांखुर जायो आरो बेखौ नागिरथिंबायनानै उन उन गिदिंबायो। यक्ष चण्डीदास, डान्टेमोनाबो गोजोननायखौ नागिरनानै हामफ्ला सिफ्ला जादोंमोन।
यक्षया महादेवनि सावाव गावनि हाबा जागोदान बिसि अलकाखौ गारनो गोनां जानायाव जोबोद दुखु मोनदोंमोन। बियो बिसि अलकाखौ लोगो मोनफिननो थाखाय गोदाव-सोराव जादोंमोन आरो जोमैखौ रादाब फोरमायहैनो थाखाय दाख्राय दाख्राय खावलायदोंमोन। बांला रावनि मुदांखा खन्थायगिरि चण्डी दासा मालायनि बिरामी धुनिख मोजां मोननानै विनि थाखाय सानवायनानै रानज्रिं जालांदोंमोन। इटाली हादरनि खन्थाइगिरि डान्टेआबो बियेट्रिस मुंनि सिख्लाखौ मोनैयाव जोबोद दुखु मोन्दोंमोन आरो विनि थाखाय जिंगासिनानै हामख्रें लांदोंमोन।
8. गोजोननाया गावनि सोलेर आरो गोसोजों मा सोमोन्दो दं?
फिन: गोजोननाया गावनि सोलेर आरो गोसोजों सोमोन्दो दं। मानसिया सोलरनि लुबैनायखौ हमथानो जेरै गोब्राब बिब्दिनो गोसोनि गोजोननायाखौबो हमथानो गोवाब। मानसिनि लुबैनाया जोबनो गया। मोनसेखौ मोनखांनायनि उनाव आरो गुबुन मोनसे नांबावगौ जायो। बिब्दिनो मानसिया गावनि सोलेर आरो गोसोखी गोजोन होनो थाखाय मुलुगाव नुनाय मानि बेसादखौ मोनोन हास्थायो, नाथाय गोसोनि गोजोननायखौ रावबो मोननो हाजोबा। बिब्दि मोनै बेसादखौ होसोनाने जों गोसोखौ दुखुआव नारसोम हरो। बेनिखायनो जों गोसोनि गोजोननायखौ मोननो लुबैयोबोला गावनि सोलेरनि लुबैनायखौ दबथिनांगौ। अब्लानो गोसोनि गोजोननाया फैगोन।
9. सेंग्रा बैसोखौ मानो जिउनि गोजोननायखौ मिजिं खालामनाय सुथुर दैथुन होनना बुंदों?
फिन: सेंग्रा एबा लाइमोन बैसोखौ सुबुंनि जाखांफुनाय सम होननानै बुंनाय जायो। जिउनि सानजौफु समाव एबा जुवान बैसोआव मानसिया बायदिसिना रंगिना सिमां नुयो। जाइख्लंआव बायदि बायदि गाव नुनायबायदि गावनि जिउआवबो बानबुंथायनिखुइ आबेगजों बांसिनै दैदेनजानो नागिरो। नाथाय सानजौफुवाव बारहुंआ फैननै गुलाय गुजाय खालामलांनाय बायदि सेंग्रा बैसोखौ बारहुंखा बायदि मोनथिस्लाबै मैयै मैया दैथुनफोरा एबा गिलु बालु जाथायफोरा लोरबां थोरबां खालामनो नाजायो। बे बायदि खैफोदफोरनिफ्राय बारग’ नो हाब्लासो मानसिया देरहायो आरो अब्लासो गोजोननाय फैयो। सेंग्रा बैसोखौ समलायनानै सोलिनो हाब्लानो मानसिया गावनि मिजिंथिनायखौ मोननो आरो गोजोननो हायो।
(घ) राव बेखेवना लिर:
1. “ मानसिनि आखल आखुवा धेरै गुबुन रोखोमनि बेबायदिनो मानसिनि गोसोनि गोजोननायाबो गुबुन गुबुन महरनि”।
फिन: बे बाथ्राखौ लक्षेश्वर ब्रह्मआ लिरनाय “गोजोननाय” रायथाइनिफ्राय दैखांना लानाया जादों। मानसिनि आखल आखुवा जेरै गुबुन गुबुन बिब्दिनो बिब्दिनो गोजोननायाबो गुबुन गुबुन रोखोमनि जायो होनना रायथायगिरिया वे बाथ्रानि गेजेरजों बुंनो थांदों।
सुबुंनि गेजेराव थानाय गोजोननाया रोखोमसे नंजोबा। हादर खुंगिरि, राजा-रानी, मन्थ्रि सान्थ्रिफोरनि गोजोननाया सासे निखावरिनि गोजोननायजों एखे नङा। सासे गथ’ नि गोजोननाया सासे खर’ गुफुरनि गोजोननायजों एखे नङा। बिमा असेया गावनि फिसानि मोजां महरखौ नुनानै जेरै गोजोननाय मोनो, सासे बिहारी बिमानि गोजोननाया बिब्दि नङाबो जानो हागौ। बिब्दिनो मोजां हाबा मावनानै मोननाय गोजोननाया गाज्रि थांखि लानानै हाबा मावनानै मोननाय गोजोननायजों अरायबो समान जानो हाया।
2. “गोजोननाया गावनि सोलेर आरो गोसोजों सोमोन्दो गोंना।”
फिन: गोजौनि रायथिय सिरिखौ लक्षेश्वर ब्रह्मनि “गोजोननाय ” रायथाइनिफ्राय लानाया जादों। राय थाइगिरिया बेवहाय गोजोननायखौ सोलेर आरो गोसोजों सोमोन्दो गोनां होनना बुंदों।
मानसिया सोलेरनि लुबैनायखौ हमथानो जेरै गोब्राब बिन्दिनो गोसोनि गोजोननायखौ हमथानो हानायाबो गोब्राब। मानसिफोरा, गावनि सोलेर आरो गोसोखौ गोजोन होनो थाखाय मुलुगाव नुनाय मानि बेसादखौ मोननो हास्थायो। नाथाय मानसिफोरा गोसोनि गोजोननायखौ माब्लाबाबी मोननो हाजोबा। मानोना संसाराव रावबो नुनायमानि मुवाफोरखौ मोननो हाजोबा। नाथाय मोनै बेसादफोरखौ होसोनाने जो गोसोखौ दुखनिफ्राय दुखुआवसो नारहरसिनो। बेनिखायनो जों गोजोननायखौ मोननो लुबैयोब्ला गावनि गोसोनि लुबैनायखौ दबथायनांगौ। अब्लानो गोसोनि गोजोननाया फैगोन।
3. “गोसोआव गोथार थायोब्ला मोजां मोनना गोजोननायाबो गोथार जायो।”
फिन: बे बाथ्राखौ लक्षेश्वर ब्रह्म लिरनाय “गोजोननाय रायथाइनिफ्राय लानाय जादों। बेवहाय रायथाइगिरिया बुंदोंदि सुबुंनि गोजोननाया गोथार जानांगौला गोसोआ गोथार थानांगौ।
गोथार गोसो लानानै हाबि मावब्ला बिनि फिथाइया जेब्लाबो मोजां जायो आरी गोसोआव गोथार गोजोननाय फैयो। श्रीकृष्णनि बिप्रदाम’ दरखौ सान्नाय, बेउला, साबित्रीनि आखुआव गोथार दं। बेनिखायनो बिसोरनि गोजोननायाव गोथार दं। खायफा मानसिया गाज्रि हाबा मावनानैबो गोजोननाय लायो। नाथाय बिब्दि गोजोननाय माब्लाबाबो गोथार जानो हाया। मोजां हाबा मावनानै गोजोन मोननायाव गोगानाय थानो हागौ, नाथाय गाज्रि हाबा मावनानै गोजोनना मोननायाव गोगानाय थानो हाया।
बिब्दिनो ईश्वर चन्द्र विद्यासागरा बिमाखौ सिबिनानै, सिन्धुमुनिया खाना बिमा-बिफाखौ सिबिनानै जा बायदि गोजोनदोंमोन, बे गोजोननायाव अराय गोथार दंमोन। मानसिखौ निदानाव खोख्लैनाने गोजोननाय लानायाव गोथार गोजोननाय थानो हाया। निदाननि समाव राहा खिन्थिनानै बोखां बोनायावसो गोथार गोजोननाय दं। थामहिनवा गोजोननाथ गोवार जनगीता गोसोआव अराय गोधार थानांगौ।
4. “सुबुं हारिनि जारिमिनानो जादों अयथा गोदानखी मोननो, नुनो, मिथिनो, हास्थायनायनि जारिमिन।”
फिन: बे बाथ्राखौ लक्षेश्वर ब्रह्म लिरनाय “गोजोननाय'” रायथाइनिफ्राय देखांना लानाय जादों। सुबुंनि गोसोआ अराय गोदानखौ मोननो, नायनो मिथिनो हांखुर जायो बेखौ लिरगिरिया बे बाथ्रानि गेजेरजों बुंनो थांदों।
सुबुं समाजा अरायथा गोदानखौ मोननो, नुनो, मोनथिनो लुबैयो। सुबुंनि हास्थायनाया रुगुं गैयै फैलाव अख्रांबायदि। मोनसे हास्थायनाया जाऊंबोला आरो गुबुन मोनसे हास्थायनाय फैयो। मोनसे खामानिखौ मावफुंखाडोब्ला आरो गुबुन मोनसे खामानि मावपुंनांगौ जानाने फैयो। गोदान गोदान मोननो नागिरनाय, नायनो लुबैनाय, मिथिनो हास्थायनायफोरा मानसिनि आखु। मोनसे समाव अखाफोराव थांनाय, एभरेष्ट हाजो थिखिनियाव गाखोहैनाय हास्थायनायफोरा जाफुंबाय ब्लाबो मानसिया दाबो अख्राङाव थांनो एबा हाजो थिखिनियाव गाखोहैनो नागाराखै। मानोना मानसिनि गोसोनि हास्थायनायानो जादों अराय गोदान गोदान नागिरनाय, मोनथिनो लुबैनाय। वे लुबैनाय हास्थायनायफोरा जोबनो गैया अराय सोलिबाय थागोन।
5. “जिउनि गोजोननायखौ मिजिंक खालामनाय सुथुर दैथुना जादों सेंग्रा बैसो।”
फिन: बे बाथ्राखौ लक्षेश्वर ब्रह्म लिरनाय “गोजोननाय” रायथाइनिफ्राय लानाय जादों। बेवहाय रायथायगिरिया सासे सेंग्रा एबा लाइमोन बैसोखौ मानसिनि जिउनि गोजोननाय मिजिंक खालामनायाव सुथुर दैथुन होननानै बुंदों।
सुबुंनि गोजोननायनि मिजिंक खालामनाय सुथुर दैथुना जाबाय सेंग्रा बैसो। सेंग्रा बैसोख सुनि जाखांफुनाय बैसो होननानै बुंदों। उन्दै समाव मानसिया बायदि रोखोमनि मिजिं गोसोआव लाबोयो। जाइख्लंआव बायदि बायदि गाब नुनाय बायदि बियो गावनि जिठवायचो बायदि साननायनि सानबोलाउरी नुयो। नाथाय सानजौफुआव बारहुंखा बारबोनानै गालाय गुजाय खालामलांनाय बायदि सेंग्रा बैसोखौ हरखाबै बायदि गाज्रि जाधायफोरा सोरबा थोरबां खालामो। बेनिखायनो बे समाव जेब्लाबो साखाफारा जानानै थानांगौ थामहिनबा गावनि सोलेरनि लुवैनायफोरखौ हमथा हमथा सोलिनांगौ। सेंग्रा समनि बे खैफोदनि दैथुनफोरखौ बारग’नो हाब्लासो मानसिया देरहासार जानो हायो आरो गोजोना सफैयो।
6. “ गोथार बिथांखिनि गोजोननाया अरायथा समनि नाथाय गाज्रि बिथांखिनि गोजोननाया दान्दिसेनि।”
फिन: गोजौनि बाथ्राखौ लक्षेश्वर ब्रह्म लिनाय ‘गोजोननाय’ रायथाइनिफ्राय लानाय जादों। लिरगिरिया बेवहाय गोथार बिथांखिनि आरो गाज्रि बिथांखिनि गोजोननायफोरनि फारागखौ बुंनो थांदों।
मानसिया मोननै रोखोमनि हाबा मावनानै गोजोननायखौ मोननो हायो। गोसोआव गोथार बिथांखि लानानै हाबा मावना मोननाय गोजोननाया अराय गोथार आरो अरायथा जायो। बे बायदि गोजोननायाव गोगानाय थायो। निदाननि समाव राहा दिन्थिनानै गुबुनखौ बोखांनाय खामानियाव जा बायदि गोजोननाय मोनो बे गोजोननाया अराय गोथार। खायफा मानसिया गाज्रि हाबा मावनानै गोजोननाय लानो नाजायो। नाथाय बेफोरबादि गोजोननायाव थार गोथारथि थाया आरो बेयो दान्दिसेनि थाखायल’ गोजोननाय दुशासनआ द्रौपदीनि गाननाय सिखौ सेनानै गोजोननाया गाज्रि हाबा मावनानै गोजोननाय। बेफोर बायदि गोजोननायाव गोगानाय थानो हाया।
7 “गोजोननाया रोखोम रोखोमनि दं।”
फिन: गोजौनि बाथ्राखौ लक्षेश्वर ब्रह्म लिरनाय “गोजोननाय” रायथाइनिफ्राय लानाय जादों। बेवहाय रायथाइगिरिया गुबुन गुबुन रोखोमनि गोजोननायनि बाथ्रोखौ बुंनो थांदों। गोजोननाया बायदि रोखोमनि दं। कुरुक्षेत्रनि दावहायाव गावनि गोसो खुसियै थैनो हाग्रा भीष्मआ शट पुष्यआव गोलांनानै अर्जुननि आखाइजों दै मोनलोंनानै गोजोनै थैलांदोंमोन। श्रीकृष्णआ गावनि उन्दै समनि लोगो बिप्र’ दामदरखौ आलासि सिबिनो मोननानै गोजोननाय मोनदोंमोन। रामायन आरो महाभारत सलन्थाइमायाव द्रोपदी, सीता, उर्मिला आरो गुबुन गुबुन सल ‘फ्राव बेउला, साबित्री, जयमती, नल दमयन्ती मोनहा गावसोरनि दंनायमानि नागारनानै गुबुननि मोजां मावनानै गोजोननाय मोन्दोंमोन।
8. “सुबुनि जिउवाव गोजोननाय थांनाय फैनायनि अनजिमा गैया।”
फिन: गोजौनि बाथ्राखौ लक्षेस्वर ब्रह्मनि “गोजननाय” रायथाइनिफ्राय लानाय जादों।
सुबुंनि जिउ जारिमिना सुख-दुखुजोंनो बुंफबनाय। नाथाय सुख दुखुवा मानसिजों थाफाबाय थाया। दानो सुखु एबा गोजोननाय दं आरो दानों दुखुवा साग्लोबफैगोन। मानसिया गोजोननाखौ अरायबो हास्थायो। बेखौ नागिरनानै बेनि उन उन गिदिंथिङो। नाथाय बेखौ मोननाया गोब्राब। मानोना बेयो सुबुंनि सिगां सिगां खारो। बेनि उनखौसो मानसिया होसोयो।
9. ओंथि लिर:
बिथिं, खुंगिरि, रोखोमसे, थाबायथिङो, दावहाथिला,
सिगाङो, सुथुर, दैथुन, सानलालि, नांसारि, बायदि।
फिन:
बिथिं – आयदा।
खुंगिरि – दैदेनगिरि, दैदेनग्रा।
रोखोमसे – समान।
थाबायथिङो – थाबायना गिदिङो।
सुथुर दैथुन – दैथुन बायदि गोहोगोरा सुथुर।
सानलालि – साननि आथिं।
नांसारि – नांजाबनाय, आंगो।
बायदि – बादि, रोखोमसे।
Class 9 Bodo Mil Question Answer
| Chapter No. | CONTENTS |
| Chapter – 1 | गोरबोनि असमफुरि |
| Chapter – 2 | सरखार हिनजाव |
| Chapter – 3 | दानसोरां हराव |
| Chapter – 4 | आय’ दाउ-ख्लिं |
| Chapter – 5 | दैमा |
| Chapter – 6 | जोब्लाउरि खुन्थिया |
| Chapter – 7 | मिजिंक |
| Chapter – 8 | नों अख्रां बेसे हावार |
| Chapter – 9 | जावलिया देवान |
| Chapter – 10 | बिमा राव |
| Chapter – 11 | आखल दानाय |
| Chapter – 12 | बर’नि हारिमु |
| Chapter – 13 | सोरांनि लामाजों दावगानाय गामि |
| Chapter – 14 | गोजोननाय |
| Chapter – 15 | दावहा |
| Chapter – 16 | खोमसि फोथायथि, गाज्रि आसारखान्थि मोनसे गामियारि जेंना |
| Chapter – 17 | उदै |
| Chapter – 18 | हांखो सिनायथि, रिंसार, सोदोबमा, थाइजा, बिदिन्था, सानराइ |
| Chapter – 19 | रनसाइ बाहागो |
Notes of Class 9 Bodo MIL in Bodo Medium | Bodomedium Class 9 Bodo MIL notes इस पोस्ट में हम आपको ये समझा ने कि कोशिश की है की Bodo Medium Class 9 Bodo Mil Question answer | Class 9 Bodo MIL Question Answer In Bodo Chapter 14 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।