SEBA Class 9 Bodo MIL Question Answer Chapter 15 दावहा

SEBA Class 9 Bodo MIL Question Answer Chapter 15 दावहा | Dabah | Class 9 Bodo Mil Question Answer As Per New Syllabus of SEBA to each Chapter is provided in the list of SCERT, NCERT, SEBA दावहा कक्षा 9 बोडो एमाइल चेप्टर 15 प्रोश्न उत्तर/SEBA Class 9 Bodo MIL Chapter 15 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 9 Bodo Mil Question Answer In Bodo Chapter 15. Class 9 Bodo Mil Question Answer Chapter 15 in Bodo. SEBA Class 9 Bodo Mil Question Answer In Bodo Medium Chapter 15 Dabah covers all the exercise questions in NCERT, SCERT.

Class 9 Bodo MIL Chapter 15 दावहा

SEBA Class 9 Bodo Mil Notes Chapter 15 In Bodo दावहा । Dabah। Bodo Mil Guide for Class 9th Chapter 15. Also Same NCERT Solutions for Class 9 Bodo इस पोस्ट में हम आपको ये समझा ने कि कोशिश की है की Class 9 Bodo Mil Question Answer Chapter 15 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 9 Bodo Mil In Bodo Medium बोहत लाभदायक हो सकता है। Ncert/Scert Bodo Mil Class 9 Chapter 15 मे आप अपना ध्यान लगाके पढ़ कर इस SEBA Class 9 Bodo Question Answer In Bodo Chapter 15 में अछि Mark ला सकते हो अपनी आनेवाली परीक्षा में।

खोन्दो 15 दावहा

Chapter 15 Dabah

फरानि सोंलु फिननाय

1. सुंद यै फिननाय हो-

(क) सोरनि बेगनिफ्राय रां गोमादोंमोन? 

फिन: फैलाउनि बेगनिफ्राय रां गोमादोंमोन।

(ख) सिमांसामोननि थाखोनि फोरोंगिरिनि मुङा मामोन?

फिन: महेन्द्रमोन।

(ग) निर्मलआ सोरखौ नागिरना गलायाव थांदोंमोन?

फिनः निर्मलआ सिमांसाखौ नागिरना गलायाव थांदोंमोन। 

(घ) सिमांसाया पेन्सिल बक्साव माखौ थिनाने दोनदोंमोन?

फिन: सिमांसाया बिनि बिफाया होनाय सकलेटनि पेकेतफोरखौ पेन्सिल बक्साव थिनानै दोनदोंमोन।

(ङ) निर्मलआ मानो गोबां साननि थाखाय बायजोआव थांनांगौ जादोंमोन? 

फिन: निर्मलआ मोनसे गोब्राब बेरामाव गोग्लैदोंमोन आरो बे बेरामनि सिक्तिसानि थाखाय बायजोआव थांनांगौ जादोंमोन।

2. गाहायनि सोंनायफोरनि फिननाय हो-

(क) सिमांसाया मानो फैलावनि बेगनिफ्राय रां खावदोंमोन?

फिन: सिमांसाया सासे ड्राग्स निसा जानाय फरायसामोन। बिहा ड्राग्स बायनो थाखाय रां गैयियाव फैलावनि बेगनिफ्राय रां खावदोंमोन।

(ख) मा मा जाहोनाव सिमांसाया फेग्रा मुवानि फारसे गोसो बोथाबदोंमोन? 

फिन: सिमांसाया फेग्रा मुवानि फारसे गोसो बोगथाबनायनि गुबै जाहोनफोरनि मादाव गिबियावनो मख ‘नो हायो जों बिनि नखराव बिमा-बिफानि खौसे गैयिनि दुखु। फारसेथिं बिनि दुखुनि लोरबांथिनि खाबु लानानै खाबु फलान गलादारआ रां खामायनायनि सिमांजों गोरलै गोसोनि सिमांसानि आखाइयाव सिगारेटजों लोगोसे ड्राग्सनि निसाखौ बाहायहोजेमनाय।

(ग) निर्मलआ सिमांसाखौ नागिरना मानो गयनि गलायाव थांदोंमोन? 

फिन: सिमांसाया थाखो खथायाव फोरोंगिरिजों रां खावनायनि सन्देह खालामजानाय आरो सिमांसानि जिउनि दुखु दाहानि आन्दोआव मा जाहोन थाखोमानो हागौ, बेफोरखौ निर्मलआ मिथिनो लुबैदोंमोन। बेल’ नङा बियो सिमांसाखौ बे गलायाव सिगारेटबो सोबखांनाय नुफेरबाय। बेफोरनि आन्दोआव मा जाहोन थाखोमानो हागौ बेफोरखौ बिजिरनो नाजानानैनो निर्मलआ सिमांसाखौ नागिरनानै गलायाव थांदोंमोन। मानोना सिमांसाया फरायसालियाव थाडियाबो जोबोर गोबाव जाबायमोन।

(घ) सिमांसाया मानो निर्मलजों मोगा-मोगि जानो नागिराखैमोन? 

फिन: सिमांसाया निर्मलजों मोगा-मोगि जानो नागिराखैमोन। मानोना, निर्मलजों मोगा-मोगि जानो थाखाय बिनो इसे गोसोआरि थाग थियारिनि गोनां। मानोना बियो निर्मलबादि थार सुबुंथिनि लोगोखौ खोमाना लानो गोसो जायाखैमोन।

(ङ) निर्मलनि गोब्राब बेरामनि बाथ्रिखौ मिथिना सिमांसाया मा बुंदोंमोन? 

फिन: निर्मलनि गोब्राब बेरामनि बाथ्राखौ मिथिना सिमांसाया निर्मलआ गावखौ ड्राग्स मोननाय गलायाव थांनो दाथां होनना खावलायनायनि फिन महरै बुंदोंमोन -“आं नाजागोन निर्मल। मेगन नोजोराव गैयाब्लाबो नों आंनि बिखा गेजेरनिफ्राय आंखौ हाबथाबाय थागोन – आं मिथिगौ।”

3. ‘नोंहा मा जादों आंनो बुंथारनांगोन सिमांसा” -निर्मलनि बे बाथ्राया सिमांसाखौ माबादि गोहोम खोलैदोंमोन? 

फिन: “नोंहा मा जादों आंनो बुंथारनांगोन सिमांसा” निर्मलआ सिमांसाखौ बिदि बुंनाय बाथ्राया सिमांसानि जिउवाव इनायनो गोहोम खोखलैदोंमोन। 

सिमांसानि नखरनि हालोदा मोजां नडामोन। बिमा बिफाया सानफ्रोमबो नांज्लाय खमज्लाय जाबाय थानानै उनाव सानैनि गेजेराव गावस्त्रालायदोंमोन। जाय समाव बिमानि गोरबोआव उफ्लेना थानो मोजां मोनो बै बैसोआव सिमांसाया बिमा- बिफानि नांज्लायनायाव मेगन मोदै हुगारबोना सम बारहोबोदों। बेफोरनि दाहायावनो बियो उनावहाय ड्राग्स जाग्रा जालाङो। लासै लासै नखरनि रां खावनाय एखनबा लोगोफोरनि बेगनिफायबो रां खावखोमाना ड्राग्स जाग्रा जायो।

गुबुन फोरोंगिरि एबा लोगोफोरा सिमांसानि थासारिखौ बुजिनो हायाखैमोन। नाथाय निर्मल मुंलि बिनि लोगोआ सिमांसाखौ जेब्लाबो नोजोर लादोंमोन आरो बियो मिथिनो नाजादोंमोन सिमांसाया बिदि हालोदाव गोग्लैलांनायनि जाहोनआ मा ? थारैनो सिमांसाया निर्मलनि बादि सुबुंथिजों बुंफबनाय लोगोनि सेराव गोजेन “जानांदोंमोन। महेन्द्र मास्तार बादिनि मेगनाव मेगन नायनानै थार बाथ्रिखौ सिखमानो हानाय सिमांसाया निर्मलजों मोगा मोगि जानानै नंखाय बाथ्रा बुंनो हायाखैमोन। 

जिउनि गासैबो दुखु-दाहाखौ बियो निर्मलनो फोरमायदोंमोन आरो जोबथियाव निर्मलनि खावलाय बाथ्राखौबो रैखा खालामनो समाय लादोंमोन। निर्मलआ बिखौ ड्राग्स मोननाय जायगायाव आरो दा थांस होननानै खावलायदोंमोन। निर्मलनि बिदि सुबुंथिनि अननायजों आंगो खालामनानै सिमांसानि जिउनि दुखु-दाहाखौ बिजिरनाया सिमांसाखौ मोजां लामाजों लाबोफिननो हादोंमोन निर्मलनि “नोंहा मा जादों आंनो बुंथारनांगोन सिमांसा” बुंनाय बाथ्राया बिदिनो सिमांसानि जिउवाव गोबां गोहोम खोखलैनो हादोंमोन।

4. सिमांसाया मानो सुमार गैजायि जादोंमोन फोरमायना लिर।

फिन: सिमांसाया सुमार गैजायि जादोंमोन, मानोना बिनि जिउवा दुखु-दाहानि लैथोआव बुसोमजादोंमोन। बिनि दुखु दाहाया जादों बिमा बिफानि अननाय आरो जोथोननि आंखाल।

सिमांसानि बिमा-बिफाया सानफ्रोमबो नखराव नांज्लाय खमज्लाय जागासिनो थायोमोन। बेफोरखौ लानानै सिमांसाहा इनायनों गाबखांनाय दं। जाय समाव सिमांसाया बिमा-बिफानि अननाय जोथोननि गोनांथि जादोंमोन बै समाव सिमांसाया रुखु रुखु मोदैनि बानाजों बेसेबांबा हर बारहोहरनांदों। उनावहाय सिमांसामोनखौ बिनि बिफाया नागारलांदोंमोन। बिफाया बिखौ फरायसालियाव सकलेट, बायदिसिना जाग्रा लानानै लोगो हमफैयो। बेफोर नाथाय सिमांसानि गोसोखौ गोजोनहोनो हायाखै। बिमायाबो बिखौ फरायसालियाव थांनाय थाडिखौ एसेबां जोथोन लायि जालांनो हमो। बेफोर जाथायनि दुखुआवनो सिमांसाया लासै ड्राग्सनि हेफाजाब लानो गोनां जालाङो। खेबसे ड्राग्स लादावनायनि उनाव नाथाय बियो आरो हरखाबै मोजां लामाजों गिदिंफिनना फैनो हायाखैमोन। बेबादियैनो सिमांसाया सुमार गैजायि जादोंमोन। 

5. निर्मलआ सिमांसाखौ माबोरै गाज्रि लामानिफ्राय बोखांनो लाबोदोंमोन फोरमाना लिर।

फिनः निर्मलआ सासे गियान गुन आरो सुबुंथिनि अननायजों बुंफबनाय सासे गोसो गुवार फरायसा। सिमांसाया आगोलाव सासे जोबोर मोजां फरायसामोन, नोरोम आखुनि, सरासनस्त्रायै सासे मोजां गथ ‘बादि गथ ‘मोन। बे बाथ्राखौ निर्मलआ मोजाडैनो मिथिगौ। नाथाय हरखाबनो सिमांसाया नखरनि दुखुवाव ड्राग्स जाग्रा जालाङो आरो सिखावे खावनाय बायदि गाज्रि खामानिनि लामाजों आगान सुरलांनो हमो।

निर्मलआ बेफोर जाथाइनि आन्दोआव मा जाहोन थाखोमानो हागौ बेफोरखौ संना नागिरदोंमोन आरो बिजों खाथियाव सार्फिनानै बिनि दुखु-दाहाखौ बुजिनो नाजादोंमोन आरो सिमांसाखौ हाजासे बुजायदोंमोन। जिउवाव जेरैथिंबो जेननानै लोरबां जानाय सिमांसानि गोसोआव हाजासे थुलुंगानि गोहो बोलो जगायनायाव निर्मलआ जाफुंसार जानो हादोंमोन। सिमांसाया बिखौ एरा एरा खालामसेयावबो निर्मलआ बिखौ नाजाथाबनायनि गेजेरजों लोगो हमै हमै बिनि दुखु-दाहानि बाथ्राखौ बुजिना लादोंमोन आरो सिमांसानि जोबोर आंगो जानो हादोंमोन। उनावहाय बियो माखासे मोजां मोजां बोसोन फोरोंखांनायनि उनाव सिमांसाखौ खावलायदोंमोनदि नों आरो बै ड्राग्स मोननाय गलायाव दा थांस होननाने। निर्मलनि खावलायनायखौ सिमांसाया गनायदोंमोन आरो मोजां लामाजों आगान सुरफिननो थि खालामदोंमोन। बेबादियैनो निर्मलआ सिमांसाखौ मोजां लामाजों लावोनो हादोंमोन।

6. ‘मिनिनो हाया, गेलेनो हाया, उन्दुनो हाया- एरैबादि गिलिर बै लाथिख’थिनि बिबाना – दुखुजोंखामग्लिनाय’ – बाथ्राखौ सोरनि सोमोन्दै आरो मानो बुंनाय जादों बुजायना लिर।

फिन: ‘मिनिनो हाया, गेलेनो हाया, उन्दुनो हाया- एरैबादि गिलिर बै लाथिख ‘थिनि बिबाना – दुखुजों खामग्लिनाय’ -बेवहाय सिमांसानि सोमोन्दै बिनि जिउनि दुखु-दाहाखौ फोरमायनानै बुंदों।

बे बाथ्राया सिमांसानि जिउनि गासै दुखु दाहाजों सोमोन्दो जानाने दें। सिमांसानि बिमा बिफाया सानफ्रोमबो नखराव नांग्लाय खमज्लाय जागासिनो थायोमोन। बेफोरखौ लानानै सिमांसाहा इनायनो गाबखांनाय दं। जाय समाव सिमांसाया बिमा-बिफानि अननाय जोथोननि गोनांथि जादोंमोन बै समाव सिमांसाया रुखु रुखु मोदैनि बानाजों बेसेबांबा हर बारहोहरनांदों। उनावहाय सिमांसामोनखौ बिनि बिफाया नागारलांदोंमोन। बिफाया बिखौ फरायसालियाव सकलेट, बायदिसिना जाग्रा लानानै लोगो हमफैयो। बेफोर नाथाय सिमांसानि गोसोखौ गोजोनहोनो हायाखै। 

बिमायाबो बिखौं फरायसालियाव थांनाय थाडिखौ एसेबां जोथोन लायि जालांनो हमो। बेफोर जाथायनि दुखुआवनो सिमांसाया लासै लासै ड्राग्सनि हेफाजाब लानो गोनां जालाङो। ड्राग्स जानायनि निसा जानायनि उनाव बियो बिमानि आसान खावनानै ड्राग्स बायनो हमो। बेनि उनाव बियो लासै लासे फरायसालियाव लोगोफोरनि बेगखौबो आखाइ होग्रा जालाङो। सानसे बियो फैलावनि बेगनिफ्राय रां खावनानै फरासालियाव महेन्द्र मास्तारजों सोंखारिजायो।

सिमांसानि बेफोर दुखु दाहानि जाहोनखौ निर्मल मुंनि सासे मोजां आखल आखुनि हौवासाया नोजोर होगासिनो दंमोन। निर्मलआ सिमांसानि फारसे थानाय आंगोथिनि अननायनि रावा सिमांसानि गोसोखौ वांसिन लोरबां खालामंदोंमोन। बिनि जिउवा लाथिख ‘बादि खंख्ला जालांदोंमोन। निर्मल बादि मोजां लोगोखौबो बियो सोलिनानै सुग्रिनांदोंमोन। बेबादियैनो सल’आव ‘मिनिनो हाया, गेलेनो हाया, उन्दुनो हाया- एरैबादि गिलिर बै लाथिख ‘थिनि बिबाना दुखुजों खामग्लिनाय’ बाथ्राजों सिमांसानि दुखु दाहानि बाथ्राखौनो फोरमायदों। 

7. सिमांसाया मानो बिमानि आसानखौ खावनांदोंमोन आरो उनाव मानो खावजादोंमोन बुजायना लिर।

फिन: सिमांसाया गावनि जिउनि दुखु दाहाखौ बावगारनो थाखाय ड्राग्सनि हेफाजाभ लादोंमोन। बिनि दुखु-दाहानि गुबै जाहोनानो जाबाय बिमा बिफानिफ्राय नांगौबादि जोथोन आरो अननाय मोनिनि। नाथाय बिनि बे दुखु- दाहा बावनो नाजानायानो बिनि जिउवाव सुनि लानानै फैदोंमोन बियो ड्राग्स जायाब्ला थानो हायि जादोंमोन। बेखायनो बियो एखनबा न ‘निफ्राय रां खावखोमानाय, एखनब्ला फरायसालियाव लोगोफोरनि बेगनिफ्राय रां खावखोमानाय बायदि खामानिखौ मावग्रा जालांदोंमोन। जोबथियाव राहा गैथारिनि बिमानि सनाखौबो बियो खावना लांनायसै। 

बिमानि आसानखौ खावना लांनायनि उनाव बियो नाथाय निसा लुबैनायनि जारलायाव गाव ड्राग्स जाहैबाय थाग्रा गलादारनो खम बिबांनि ड्राग्सनि सोलायै सनानि आसानखौ होबोदोंमोन। बेबादियैनो बियो सनानि आसानखौ खावजानाय बादि जादोंमोन।

8. थारैनो गोसो जाब्लानो सुखि जानो हायो मिथिगौना’ – निर्मलआ माजों लोबबा लाना बे बाथाखौ बुंदोंमोन बुजायना लिर।

फिन: ‘थारैनो गोसो जाब्लानो सुखि जानो हायो मिथिगौना’

निर्मलआ बे बाथ्राखौ सिमांसानि जिउनि दुखु-दाहाखौ रेजें खालामनानै बिखौ मोजां लामाजों लाबोनायनि थागिदायाव बे बाथ्राखौ सिमांसाखौ थांखिना बुंदोंमोन। निर्मलआ मिथिमोनदोंमोनदि सिमांसाहा जिउवाव बेसेबा दुखुजों सौदावजानाय सासे नोरजिया गोसोनि सुबुं। जायं जेब्लाबो हारसिं हारसिं थानानै गावखौनो गाव साजा होगासिनो दं। नाथाय जोबथियाव बियो गावनि सुबुंथिनि बोलोजों सिमांसाखौ गावनि आंगोनिबो आंगोसिनाव लाबोनो हादोंमोन। दुख-दाहानि बाथ्रा रायज्लायदोंमोन सानैवो हाजासे। 

सिमांसानि फंफ्रोमबो बाथ्रियाव जिउवाव जेननायनि लोरबांथि साननायनि इसारा मोनदोंमोन निर्मलआ। सिमांसाया बुंदोंमोनदि जिउवा गावखौ थगायबाय होननानै। नाथाय निर्मलआ जिउखौ लानानै खारखोमासुला नङा। बेखायनो बियो सिमांसानि गोसोआव हाजासे थुलुंगा आरो गोहो जगायनो थाखाय बिखौ बुंदोंमोन – “थार बाथ्राया मा मिथिगौनो ? नोंदि बुंदोंमोन जिउवा नोंखौ थगायबाय होनना जिउखौ मोजां मोनोब्ला जिउवा माब्लाबाबो थगाया। बे दैमा, हाजो, अख्रां, अखाफोर, हाथरखि गासैखौबो गोसो जाब्लानो गावनि आंगो खालामना लानो हायो। बेफोरखौ मोजां मोनग्रा मानसिया माब्लाबाबो गावखौनो दुखुथिया, जेबो गैरोङि होनना सानना लाया। थारैनो गोसो जाब्लानो सुखि जानो हायो मिथिगौना?”। 

9. बेखेवना लिर –

(क) मानसिया नुनाय मुगैथाव सैथोनि आन्दोआव माब्लाबा हाबसोना थायो खायसे दुखुनांथाव सैथो। 

फिन: “मानसिया नुनाय मुगैथाव सैथोनि आन्दोआव माब्लाबा हाबसोना थायो खायसे दुखुनांथाव सैथो”

गोजौनि बाथ्रि खोन्दोखी गुबैयै मृणाल कलिताया लिरनाय ड° रुपालि सरगियारिया राव दानस्लायनाय दावहा सुंद’ सल’ आयदानिफ्राय दिखांना लानाय जादों। बे बाथ्रा खोन्दोनि गेजेरजों सिमांसानि सिखाव खावनाय मुगैथाव सैथो बाथ्रानि गुमुरखौनो सल ‘गिरिया फोरमायनो नाजादों।

सिमांसाया सासे जेरैबो लामा आन्दायनाय सुबुं । न ‘खरनि दुखु जारलाखौ सहायनो हाथियाव बियो ड्राग्स जानायनि निसागोनां जालाङो। जेरावबो रां थुब्रायनो हायियाव बियो थाखो लोगो फैलावनि रांखौ खावनानै महेन्द्र मास्तारजों सोंखारिजायो। बिनि बे आखुखौ निर्मल मुंनि सासे आखल गोनां हौवासाया नोजोर होगासिनो थादोंमोन।

सिमांसाया बेसेवा गोबाव फरायसालियाव फैयालासे थानायाव फरायसाफोरनियाव नायदावना सोंदावनायसै सिमांसाया फैयाखै नामा होनना। गासैबो फरायसाफोरनि सेराव गावनो गाव बुङो। सिखाव खावना हमजाबायनालाय दा लाजिनाने फैनो हायाखै।

जाथायनि आन्दोआव मा जाहोन थानो हागौ बेखौ बिजिरालासे बिदि बुंनायाव निर्मलआ इनायनो दुखु मोनदोंमोन। आरो गोसोजों गोसो सानदोंमोन “मानसिया नुनाय मुगैथाव सैथोनि आन्दोआव माब्लाबा हाबसोना थायो खायसे दुखुनाथाव सैथो”। वे बाथ्रानि गुमुरखौ निर्मलआ संनो लुबैदोंमोन। वे बाथ्राखौनो सल’गिरिया गोजौंनि बे “मानसिया नुनाय मुगैथाव सैथोनि आन्दोआव माब्लाबा हाबसोना थायो खायसे दुखुनांथाव सैथों” बाथ्रा खोन्दोनि गेजेरजों फोरमायदों।

(ख) “मोननांगौ अननायखौ खोमानानै सिलिंखार जानाय नख’ र – संसारनि बियो जाबोदोंमोन बिग्रायारि नाथाय दुखुनांथाव आखु”। 

फिन: “मोननांगौ अननायखौ खोमानानै सिलिंखार जानाय नख’र – संसारनि बियो जाबोदोंमोन बिग्रायारि नाथाय दुखुनांथाव आखु”

गोजौनि बाथ्रा खोन्दोखौ गुबैयै मृणाल कलिताया लिरनाय ड° रुपालि सरगियारिया राव दानस्लायनाय दावहा सुंद’ सल’ आयदानिफ्राय दिखांना लानाय जादों। बे बाथ्रा खोन्दोनि गेजेरजों सिमांसानि जिउनि दुखु-दाहाखौनो फोरमायनाय जादों।

बेवहाय सल ‘गिरिया सिमांसानि खंख्ला जालांनाय नखरआ सिमांसानो नांगौ बादि जोथोन आरो अननाय होनो हायि बाथ्राखौनो फोरमायदों। सिमांसानि बिमा बिफाया जेब्लाबो नांग्लाय खमज्लाय जागासिनो थायोमोन। मानिबा जाहोनाव सिमांसानि बिमा बिफाया गोरोबलायनो हायियाव सिमांसानि बिफाया नखरखौ नागारनाने दाबसेयाव थांदोंमोन। फरायसालियाव फैनानै सिमांसाखौ लोगो हमफैलाने बिनो थोजासे अननाय होयोमोनब्लावो बेफोर अननाया सिमांसानि खंख्ला जानाय जिउखौ आबुं खालामनो हायाखैमोन।

नखरनि बेफोर दुखखौ सहायनो हायियाव बिनि जिउआ लाथिख ‘बादि खंख्ला जालांदोंमोन। नाथाय बेजों लोगोसे बिनि गोसोआव बुजिस ‘हायि रागा खुदिनायनि बिग्रायनायबो दंमोन। बेफोर बाथ्राखौनो सल ‘गिरिया गोजौनि बे “मोननांगों अननायखौ खोमानाने सिलिंखार जानाय नख’र – संसारनि बियो जाबोदोंमोन बिग्रायारि नाथाय दुखुनांथाव आख” बाथ्रा खोन्दोनि गेजेरजों फोरमायदों। 

(ग) “साफ्रोम मानसिनि जिउवा मोनफा मोनफा दावहा”। 

फिन: “साफ्रोम मानसिनि जिउवा मोनफा मोनफा दावहा”

गोजौनि बाथ्रा खोन्दोखौ गुबैयै मृणाल कलिताया लिरनायं ड° रुपालि सरगियारिया राव दानस्लायनाय दावहा सुंद’ सल’ आयदानिफ्राय दिखांना लानाय जादों। बेवहाय सल ‘गिरिया सिमांसा आरो निर्मलनि जिउनि दुखु नांथाव जाथायखौ बिदिन्थि लानानै जिउनि जेंना जेंसिनि बाथ्राखौनो फोरमायनो नाजादों।

बेवहाय सल ‘गिरिया मानसिया जिउवाव मोननांनाय हाजासे जेंना हेंथा, दुखु, साद-जारलानि बाथ्राखौनो फोरमायनो नाजादों। मानसिया थांना थानो थाखाय हासाजे जेंनाजों जुजिनो गोनां जायो। जेरै सिमांसानि बिमा बिफाया संसार जानानै गथ’ सासेनि मोखां नुनायनि उनावबो गोरोबलायनानै थानो हायाखै जाहोनाव गोरलै गोसोनि सिमांसाया बिनि दाहा आरो खोमसि इयुनखौ सहायनांदों। निर्मलआ सुबुंथि गोनां मोजां आखलनि सासे हौवासा नाथाय गोब्राब बेरामजों नाख्रेबजानाय। बेफोर हाजासे जेंना जेंसिखौ सौसिनानैनो मानसिया थांना थानांगौ जायो। बेफोर बाथ्राखौनो सल ‘गिरिया गोजौनि बे “सोफ्रोम मानसिनि जिउवा मोनफा मोनफा दावहा” बाथ्रा खोन्दोनि गेजेरजों फोरमायनो नाजादों।

10. दावहा सल ‘नि मुंजों सल ‘नि जाथाया गोरोबदोंना? गोरोबदोंब्ला माबोरै गोरोबदों फोरमायना लिर।

फिन: दावहा सुंद’ सल ‘आ सल’नि मुं आरो जाथायजों इनायनो गोरोबफ्लेदों होननानै जों बुंनो हायो। मानोना बेवहाय सल ‘नि जाथाया एरै – सिमांसाया सासे ड्राग्स जानायनि निसा जानाय हौवासा। बिनि बिदि ड्राग्स जानायनि निसा जानायनि आन्दोआव दं बिनि नखरनि जेंना। नख ‘रनि जेंनाया जादों बिमा- बिफानि गेजेराव गोरोबलायनाय गैयि आरो सानफ्रोमेबो नांज्लाय- खमज्लाय जागासिनो थानाय। जाय समाव सिमांसाया बिमा- बिफानि अननाय मोननो लुबैदोंमोन बै समाव बियो मोदै रुखु-रुखु गाबनानै सम हगारहरनांदोंमोन।

बिनि-दुखु जारलानि थाखायनो सिमांसानि आखुवा सोलायलांदोंमोन। बियो ड्राग्स जानायजों लोगोसे सिखाव खावनाय बायदि गाज्रि गाज्रि आखुखौ हुदा खालामनानै लादोंमोन। बिनि बिदि आखु सोलायनायनि जाहोनखौ नाथाय निर्गल मुनि सासे मोजां लोगोआ नोजोर होगासिनो थादोंमोन आरो बिखौ बुजायनायनि गेजेरजों मोजां लामायाव फैफिननो थाखाय सिमान जाहोनो हादोंमोन। निरमलआबो नाथाय बै समाव मोनसे गोब्राब बेरामाव भुगिनानै बायजोओव सिकितसानि थाखाय थांनो गोनां जादोंमोन। मानसिनि जिउवा बेफोरबादि हाजासे दुखु खैफोद आरो जेंना जेंसिनि गेजेरजोंसो थांना थानो हायो। जाय बिदि जेंनाजों दाउहा नांनो हायो बिसोरसो संसाराव मोजाङै मानसिबादि थांना थानो हायो। बेफोर जाथायखौनो दाउहा सल’नि जाथाया फोरमायो। बेखायनो सल ‘नि जाथायजों सल ‘नि मुंजों इनायनो गोरोबफ्लेदों होननानै जों फोरमायनो हायो।

11. बाथ्रा दा-

उसु-गुदु, हाबिलास, राहा गोथे, सानस ‘हायि, दाहा।

फिन: उसु-गुदु: खैफोदाव गोग्लयोब्ला मानसिया उसु-गुदु जागासिनो थायो। 

हाबिलासः मानसिनि हाबिलासा जेब्लाबो गोजीवाव जानांगौ। 

राहा गोथे: राहा गोथे जायोब्ला मानसिया सहायनाने राहा दिननो नाजानांगौ। 

सानस ‘हायि: सानसनो हाथियावनो मानसिया गोरोन्थि मावफ्लाडो। 

दाहा: दाहा खालामनानै मानसिया जेंना सुस्रांनो हाया।

12. रोखोमसे ओंथिनि सोदोब लिर-

आगोल, नोरोम, दिङा, नागिर, खाथि।

फिन: आगोल – सिगां

नोरोम – माहि 

दिङा – नाव 

नागिर – हास्थाय 

खाथि – सेर।

13. दावहा’ सल’ आव ड्रागस जानाय मानसिनि फारसे माबादि सुबुंथियारि मदद दिन्थिनाय जादों बुजायना लिर।

फिन: दावहा सल ‘आव ड्राग्स जानाय मानसिनि फारसे सुबुंथियारि मदद दिन्थिनाय जादों। दाउहा सल ‘नि सल’ बिथाखौ फसंनाय जादों सिमांसानि जिउखौ लानानै आरो बिनि दोबैलांनाय जिउआव निर्मलआ गोदान जिउ लाबोनानै होफैनायजों। सिमांसाया सासे ड्राग्सजों गफबनाय फरायसा। बिनि आन्दोआव दं बिमा-बिफानि नांगोबादि जोथोन मोनि। सिमांसाया ड्राग्स जानो थाखाय रां थुब्रायना मोनियाव फरायसालिनि लोगोनिफ्रायबो रां खावनो हमो। नाथाय सिखाव हमजानानै बियो महेन्द्र मास्तारजों सोंखारिजायो आरो लाजिफोनांजायो। नाथाय निर्मल मुंनि फरायसाया सिमांसाखौ अननाय आरो सुबुंथिनि नोजोरजों नायदोंमोन आरो बिनि बिदि आखुनि आन्दोआव मा जाहोन धानो हागौ बेफोरखौ बिजिरो नाजादोंमोन।

बेफोरनि आन्दोआव थाखुमानाय जाहोनखौ बिजिरनो थाखाय बियो गिबियावनो सिमांसाजों जोबोर आंगो लोगो महरै लोगो जादोंमोन। अननायनि गेजेरजों बिजों सुख-दुखुनि बाथ्रा रायज्लायदोंमोन आरो बिनि गोसो सिंनि दुखु-दाहाखौ मिथिनानै लादोंमोन। उनावहाय बेबादियैनो निर्मलआ सिमांसाखौ गाज्रि लामानिफ्राय बोखांना लाबोनो हादोंमोन।

14. फेग्रा मुवा जानाय मानसिनि फारसे थानाय सुबुंथियारि मददा माबोरै जानांगौ गावनि रावजों लिर।

फिन: फेग्रा मुवा जानाय मानसिनि फारसे थानाय सुबुंथियारि मददा जोबोर, आंगो जानांगौ। बे सल’नि गेजेरजों बेखौनो बुजिना मोनोदि सासे निजा जानाय मानसिखौ गाज्रि रावजों सौंखारिनाने मोजां लामाजों लाबोनो हाया। जेरै महेन्द्र मास्तारनि रावजों सौंखारिजानाय सिमांसाखी महेन्द्र मास्तारा बिदि आदबजों माब्लाबाबो मोजां लामाजों लाबोनो हानाय नडामोन। नंगुबै जाहोनखौ बिजिरालासे जों सासे मानसिखौ नेवसिगारनो नाङा। बिनि नुसारनाय आखुनि आन्दोआव मा जाहोन थानो हागौ बेफोरखौ बिजों गावनि आंगो बादियै लोगो जानानै जोथोन लानांगौ। बिनि दुखु-दाहाखौ गावनि असे सुबुंबादि बुजिनो नाजानांगौ। बेबायदियै सासे निसा जाग्रा सुबुंजों दिन्थिनाय सुबुंथिया गावनि असे सुबुंजों थानाय सोमोन्दो बादि जानांगौ।

उफेरा सोंथिनि फिननाय

1. गाहायनि सोंथिफोरखौ फंसे सोदोब एबा बाथ्राजों फिनः

(क) दावहा सुंद’ सल ‘नि गाहाइ आखुवा सोर? 

फिन: सिमांसा। 

(ख) सिमांसानि जिउनि लामाया मोजांनि फारसे गिदिंबोफिननायनि आन्दोआव सोर सुबुंनि बिहोमा दं होनना नों सानो?

फिनः सिमांसानि जिउनि लामाया मोजांनि फारसे गिटिंबोफिननायनि आन्दोंआव निर्मल मुंनि सासे सुबुंनि बिहोमा दं।

(ग) निर्मलआ सोर?

फिनः निर्मलआ सिमांसामोननि फरायसालियाव समान थाखोआव फरायनाय सासे मोजां आखलनि सुबुंथि गोनां फरायसा।

(घ) दावहा सल’आव ड्राग्सजों निसा जानाय सुबुडा सोर?

फिन: सिमांसा।

(ङ) सिमांसाया सोरनिफ्राय सनानि आसान खावदोंमोन?

फिन: सिमांसाया बिमानिफ्राय सनानि आसान खावदोंमोन। 

(च) दावहा सुंद’ सल ‘नि गुबै लिरगिरिया सोर?

फिन: दाउहा सुंद’ सल ‘नि गुबै लिरगिरिया ड° मृणाल कलिता।

(छ) दावहा सुंद’ सल ‘नि राव सोलायगिरिया सोर?

फिनः दावहा सलनि राव सोलायगिरिया ड° रुपालि सरगियारि। 

(ज) सिमांसानि बेगखौ सोर सेग्रोमना नायदोंमोन?

फिनः सिमांसानि बेगखौ महेन्द्र मास्तारआ सेग्रोमना नागिरदोंमोन।

2. गाहायनि सोंथिफोरखौ सुंद ‘यै फिन:

(क) सिमांसाखौ रां खावनायनि दायाव सोर सोंखारिदोंमोन? 

फिन: सिमांसाखौ बिसोरनि फरायसालिनि महेन्द्र मुंनि सासे फोरोंगिरिया रां खावनायनि दायाव सोंखारिदोंमोन।

(ख) सिमांसाया बिमानिफ्राय सनानि आसान खावनायनि फिथाइया मा जानाय? 

फिन: सिमांसाया बिमानिफ्राय सनानि आसानखौ खावखांनायनि उनाव बिसोरनि रुवाथियासो फुलिसजों हमना लांजादोंमोन। 

(ग) बिमानिफ्राय सनानि आसानखौ खावनानै सिमांसाया मा खालामदोंमोन? 

फिन: बिमानिफ्राय सनानि आसानखौ खावनानै सिमांसाया ड्राग्स गलादारनो खम बिबांनि ड्राग्सनि सोलायै सनानि आसानखौ होबोदोंमोन।

(घ) दावहा सुंद’ सल ‘आव सोर सोरनि जिउखौ दाउहाजों मोगा मोगि जानांनायनि बिदिन्थि दिन्थिनाय जादों?

फिन: दाउहा सुंद’ सल आव सिमांसा आरो निर्मलनि जिउखौ दाउहाजों मोगा मोगि जानांनायनि बिदिन्थिखौ दिन्थिनाय जादों। 

(ङ) “बुहुमाव बाजि रांनि नटआ गांनैल नामा” – बे बाथ्राखौ सोर मानो बुंदोंमोन?

फिन: “बुहुमाव बाजि रांनि नटआ गांनैल ‘नामा” बे बाथ्राखौ सिमांसाया महेन्द्र मास्तारनि सिगाडाव बुंदोंमोन। थाखो खथायाव फैलावनि बेगनिफ्राय रां गोमानायनि अजत मोनखांनायनि उनाव जेब्ला महेन्द्र मास्तारआ सिमांसानि बेगखौ सेग्रोमनानै गांने बाजि रांनि नट मोनदोंमोन अब्ला सिमांसाया बेखौ हेंथा होनाय गारांजों बे बाथ्राखौ बुंदोंमोन।

(च) सिमांसाखौ सोर ड्राग्स जानो फोरोंग्रोदोंमोन?

फिन: सिमांसाखौ सासे गयनि गलादारआ ड्राग्स थानाय सिगारेटखौ सोबहोनानै ड्राग्स जानो फोरोंग्रीदोंमोन। 

(छ) गयनि गलादारआ निर्मलखौ मानो मोजां मोनाखैमोन?

फिन: गयनि गलादारआ खाबु लानानै गाज्रि गथ ‘फोरनो ड्राग्स फानखुमायोमोन। गावनि खामानियाव निर्मलआ हेंथानि देवना जानानै गसंथेनो हागौ साननानै गयनि गलादारआ निर्मलखो मोजां मोनाखैमान।

(ज) सिमांसाया माब्ला बेसेबांबा साननि उनाव गोजोनै उन्दुलांदोंमोन? 

फिन: सिमांसाया जेबला नखरनि दुखु दाहाजों गोदोफबनानै दंमोन बैं सभावनो खाबु फलान गयनि गलादारआ सिमांसानि आखायाव ड्राग्स गलायनाय सिगारेट थरसे खावलायखोथाबनाने सोबहोदोंमोन। बै सानखालि सिमांसाया बेसेबांबा साननि उनाव हराव मोजाङै आरो गोजोनै उन्दुलांनो हादोंमोन।

(झ) निर्मलखौ सोर बुदोंमोन? 

फिन: निर्मलखौ गयन गलादार ड्राग्स फानखुमाग्रा गलादारनि लोगो बाइक लानाय सानै सेंग्राया बुदोंमोन।

3. गाहायनि सोंथिफोरखौ फोरमायना लिरः

(क) निर्मलनि आखुखौ बिजिरना लिर। 

फिन: दावहा सल ‘नि गेजेरजों निर्मलनि आखुवा सासे सुबुंथिजों बुंफबनाय, अनसुला आरो नोरोम माहि आखुनि हौवासा महरै बेरखांदों। सल ‘आव निर्मलनि बिहोमाखौ नायोब्ला जों बिखौ सासे गोसो रानाय बैसोनि सुबुं महरै नुनो मोनो। उन्दै बैसोनि निर्मलआ सिमांसाखौ गाज्रि लामानिफ्राय बोखांना लाबोनो थाखाय गोत्रावै नाजादोंमोन।

गावनि नांथाब नाजानायनि गेजेरजों बियो गावनि हास्थायनायाव जाफुंसारबो जानो हादोंमोन। बियो गावनो माबेबा गोब्राब बेरामाव भुगिनानैबो गोसो बायालासे गावख सामलायनायजों लोगोसे सिमांसाखौ गाज्रि लामानिफ्राय मोजां लामासिम लाबोदोंमोन। बेफोरनिफ्राय बेखौ बुजिना मोनोदि बियो सासे गोसो हमथासुलाल’ ना बियो सासे सहायसुला आखुनि सुबुंबो।

(ख) “नोंहा मा जादों” – बे बाथ्राखौ सोर सोरखौ थांखिना मानो बुंदों?

फिन: “नोंहा मा जादों” – बे बाथ्राखौ निर्मलआ सिमांसाखौ थांखिना बुंदोंमोन। बे बाथ्राखौ सिमांसाखौ थांखिना बुंनायनि जाहोना जादों, सिमांसाया हरखाबनो मानोबा गावनि सरासनस्त्रा नंगुबै आखुनिफ्राय सोलायलादोंमोन। नखरनि दुखु जारलाजों नानेबजानानै सिमांसाया रावजोंबो रंजाया बाजायालासे हारसिङै एरा एरा थाग्रा जादोंमोन। बेल’ नडा बियो ड्राग्स जानायनि निसा गोनां जालांदोंमोन। 

नखरनिफ्राय रां खावनानै मिलायनो हायियाव लोगोफोरनि बेगनिफ्रायबो बियो रां खावनो हमग्रा जालांदोंमोन। बेफोर जाथायखौ नाथाय निर्मलआ नोजोर होगासिनो दंमोन। सिमांसानि आखुवाव बिदि सोलायनाय फैनायखौ नोजोर होगासिनो थानाय निर्मलआ मिथिनो लुबैदोंमनो थारैनो सिमांसाहा मा जामारदों। निर्मलआ गोसी सिङाव सानदोंमोन बिनि नंगुबै जाहोनखौ बियो संना दिहुनगोन आरो बिखौ मोजां लामाजों लायोनायनि राहा लागोन। बे भाखियैनी निर्मलआ जोबोर आंगोयै अननायनि गारांगो सिमांसाखी सोंदाबदोंमोन “नौहा मा जादों सिमांसा” होननानै।

Class 9 Bodo Mil Question Answer

Chapter No.	CONTENTS
Chapter – 1	गोरबोनि असमफुरि
Chapter – 2	सरखार हिनजाव
Chapter – 3	दानसोरां हराव
Chapter – 4	आय’ दाउ-ख्लिं
Chapter – 5	दैमा
Chapter – 6	जोब्लाउरि खुन्थिया
Chapter – 7	मिजिंक
Chapter – 8	नों अख्रां बेसे हावार
Chapter – 9	जावलिया देवान
Chapter – 10	बिमा राव
Chapter – 11	आखल दानाय
Chapter – 12	बर’नि हारिमु
Chapter – 13	सोरांनि लामाजों दावगानाय गामि
Chapter – 14	गोजोननाय
Chapter – 15	दावहा
Chapter – 16	खोमसि फोथायथि, गाज्रि आसारखान्थि मोनसे गामियारि जेंना
Chapter – 17	उदै
Chapter – 18	हांखो सिनायथि, रिंसार, सोदोबमा, थाइजा, बिदिन्था, सानराइ
Chapter – 19	रनसाइ बाहागो

Notes of Class 9 Bodo MIL in Bodo Medium | Bodomedium Class 9 Bodo MIL notes इस पोस्ट में हम आपको ये समझा ने कि कोशिश की है की Bodo Medium Class 9 Bodo Mil Question answer | Class 9 Bodo MIL Question Answer In Bodo Chapter 15 अगर आप एक bodo सात्र या शिक्षाक हो तो आपके लिए लावदयक हो सकता है।

Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।