SEBA Class 9 Bodo MIL Question Answer Chapter 12 बर’नि हारिमु

SEBA Class 9 Bodo MIL Question Answer Chapter 12 बर’नि हारिमु | Bodoni Harimu | Class 9 Bodo Mil Question Answer As Per New Syllabus of SEBA to each Chapter is provided in the list of SCERT, NCERT, SEBA बर’नि हारिमु कक्षा 9 बोडो एमाइल चेप्टर 12 प्रोश्न उत्तर/SEBA Class 9 Bodo MIL Chapter 12 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 9 Bodo Mil Question Answer In Bodo Chapter 12. Class 9 Bodo Mil Question Answer Chapter 12 in Bodo. SEBA Class 9 Bodo Mil Question Answer In Bodo Medium Chapter 12 Bodoni Harimu covers all the exercise questions in NCERT, SCERT.

Class 9 Bodo MIL Chapter 12 बर’नि हारिमु

SEBA Class 9 Bodo Mil Notes Chapter 12 In Bodo बर’नि हारिमु । Bodoni Harimu। Bodo Mil Guide for Class 9th Chapter 12. Also Same NCERT Solutions for Class 9 Bodo इस पोस्ट में हम आपको ये समझा ने कि कोशिश की है की Class 9 Bodo Mil Question Answer Chapter 12 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 9 Bodo Mil In Bodo Medium बोहत लाभदायक हो सकता है। Ncert/Scert Bodo Mil Class 9 Chapter 12 मे आप अपना ध्यान लगाके पढ़ कर इस SEBA Class 9 Bodo Question Answer In Bodo Chapter 12 में अछि Mark ला सकते हो अपनी आनेवाली परीक्षा में।

खोन्दो 12 बर’नि हारिमु

Chapter 12 Bodoni Harimu

फरानि सोंलु फिननाय

1. गाहायाव होनाय सोंथिफोरखौ फंसे सोदोब एबा सारिसेजों फिननाय हो–

(क) बर ‘नि मुंदांखा माहारियारि मोसानायनि मुङा मा? 

फिन: बर’ नि मुंदांखा माहारियारि मोसानायनि मुङा ‘बागुरुम्बा’ मोसानाय।

(ख) मणिपुरी हारिनि माहारियारि मोसानायनि मुङा मा?

फिन: मणिपुरी हारिनि माहारियारि मोसानायनि मुङा ‘लायहावराबा’। 

(ग) गोदोनि दिनाव बर ‘नि हाबाया बेसेबां सान थायोमोन?

फिन: गोदोनि दिनाव बर ‘नि हाबाया स्नि सानसिम थायोमोन।

(घ) माखौ बिहु बुङो?

फिन: बैसागुखौनो बिहु बुङो।

(ङ) बिहु सोदोबआ बर’ सोदोब होनना सोर बुंदोंमोन?

फिन: बिहु सोदोबआ बर’ सोदोब होनना धुपाराम बसुमतारिया बुंदोंमोन। 

(च) महाभारत, पुराण दोहोरोम बिजाबाव महादेवखौ मा होननानै लिरलांदोंमोन?

फिन: महाभारत, पुराण दोहोरोम बिजाबाव महादेवखौ आर्य मोदाइ होननानै लिरलांदोंमोन।

(छ) गामियाव निदान खैफोदआ जाहाथे जोबना थाङा, बेनि थाखाय बर ‘फोरा मा फुजा होयोमोन?

फिन: गामियाव निदान खैफोदआ जाहाथे जोबना थाङो, बेनि थाखाय बर ‘फोरा बाथौ बोराइनि मुङै गार्ज फुजा होयोमोन।

(ज) आर्यफोरनि मन्दिरफोराव मोदाइफोरखौ सिबिनायाव मा मोसानाय नुनो मोनो?

फिन: आर्यफोरनि मन्दिरफोराव मोदाइफोरखौ सिबिनायाव ‘नटी’ फोरनि मोसानायखौ नुनो मोनो।

(झ) बर ‘नि देरसिन फोरबोआ मा? 

फिन: खेराइयानो बर ‘नि देरसिन फोरबो।

2. गाहायाव होनाय सोंथिफोरखौ सारिनै सारिथामजों फिन हो–

(क) बर ‘फोरा गोदोनिफ्राय फुजा-खेराइ होनानै सोरनि खाथियाव आर ‘ज गाबो?

फिन: बर ‘फोरा गोदोनिफ्रायनो गार्जा फुजा आरो खेराइ फुजा होनानै बाथौ बोराइ बाथौ बुरै आरो बिसोरनि साग्रिद सानथ्रि मोदाइ मोदाइजोफोरनि सेराव आरज गाबो।

(ख) खेराइ फुजायाव दौदिनिनि खामानिया मा?

फिन: खेराय फुजायाव दौदिनि गुबै खामानिया जादों मोदाइ मोदाइजोफोरनि आखल आखुफोरखौ खाम, सिफुं आरो जथानि मिलौदो देंखोजों मोसानानै दिन्थिफुंनाय। बेनि अनगायैबो दौदिनिया गामियाव सोरबा सुवासुथि दंब्ला खेरायनाय समाव, बेखौ हमखांनाय।

(ग) बर ‘नि मोनब्रै मोसानायनि मुं लिर।

फिन: बर’नि मोनब्रै मोसानायनि मुंफोरा जादों- बैसागु मोसानाय, ना गुरनाय मोसानाय, मोसाग्लांनाय मोसानाय, थाख्रिफाल्ला मोसानाय आरो बागुरुमबा मोसानाय। 

(घ) सावरि जानाय होनब्ला मा बुजियो?

फिन: हारसिङै मावनो हायि खामानिखौ गामिनि रायजोफोरखौ हांख्रायनानै मावनायखौनो सावरि-बादालि जानाय बुङो।

3. गाहायनि सोंथिफोरखौ 50 सो सोदोबजों फिन हो–

(क) बर’ सुबुंफोरा गोदोनिफ्रायनो माबादि थानो मोजां मोनोमोन?

फिन: बर’ सुबुंफोरा गोदोनिफ्रायनो इसोरखौ सिबिनानै राइजो जानो मोजां मोनोमोन। इसोर सिबिनो थाखाय गोथार गोसो आरो गोथार मोदोमै थानायखौ बर ‘आ मोजां मोनो। बेनिखायनो बिसोर खालामफ्लांनाय गाज्रि हाबा, बुंफ्लांनाय गाज्रि बाथ्रा एबा फाबफोरखौ निमाहा होनो थाखाय गार्जा फुजा होनानै अबंलाउरिखौ सिबियो आरो आरज गाबोमोन। गोथारै थानाया बर ‘फोरनि मोनसे हुदामोन।

(ख) बोसोराव मावफ्लांनाय दाय दसनि थाखाय बर’ सुबुंफोरा मा फुजा होयोमोन?

फिन: बोसोराव मावफ्लांनाय दाय दस, बिसोर खालामफ्लांनाय गाज्रि हाबा, बुंफ्लांनाय गाज्रि बाथ्रा एबा फाबफोरखौ निमाहा बिनानै बर ‘फोरा थाखाय गार्जा फुजा होनानै अबंलाउरिखौ सिबियो आरो आरज गाबोमोन।

4. गाहायाव होनाय सोंथिफोरखौ 150 सो सोदोबजों फिन हो–

(क) खेराइ एबा गार्जा होनायनि सुबदै बावनाय हुदाया आर्च्य फोलेरनि सुबुंफोरनियाव नाहैदों होनना नों सानो नामा?

फिन: खेराइ एवा गार्जा होनायनि सुबदै बावनाय हुदाया आर्ज्य फोलेरनि सुबुंफोरनियाव नाहैदों होनना जों सानो हायो। मानोना बर ‘नि खेराइ फोरबोनि दौदिनि मोसानायनि सायायाबो आर्य हिन्दुफोरनि ‘देवधनी’ एबा ‘नटी’ मोसानायाव नांहैदों होनना बुंनो हायो। बेनि लोगो लोगो मोदाइफोरनो दावसा, फारौ, बोरमा आरि बोलि होनायनि सायख ‘ङा आर्य तानत्रिकफोरनि सायाव नाहैदों होनना बुंजायो। खेराइ एबा गार्जा होनाय समाव सुबदै बाउनाय हुदायाबो बर ‘फोरनिफ्रायनो गुबुन आर्य फोलेरनि मानसिफोरनि सायाव नांहैदों होनना बुंजायो। बेफोरनिबादियैनो रायथाइगिरिया गोजौनि बाथ्रा खोन्दोनि गेजेरजों बर ‘फोरनि देरसिन फोरबो होनना खेराइखौ फोरमायदों।

(ख) “सिजौआ गरंबा, बाथौआ बानदोबा, बर’ बोराइनि रावाबो फंबा”- होननाय रावजों मा फोरमायनाय जायो रायथाइनि हेफाजाब लाना लिर।

फिन: “सिजौआ गरंबा, बाथौआ बानदोबा, बर बोराइनि रावबो फंबा”। बे बाथ्रायाव गोथौ सानथौनि इसारा दं। बाथौखौ बान्दोबा दुमनायाव भारतारि सान्थौनि बा तत्वजों गोरोबनाय नुनो मोनो। बिदिब्ला भारतारि सानथौनि बा तत्वखौ बर ‘फोरासो मोन्दांजेन्दों होनना साननो हाथो होनना रायथाइगिरिया फोरमायदों।

बाथौ बोराइनि खुगानिफ्रायनो “लावबा लावसोम, खावबा खावसोम, आदा गोसोम दैयाव बारसोम” बाथ्राया बेरखांनाय लोगो लोगो सासे जोंमा महरै गिदिर गोलावै मानसि नुजाथिनायसै। बिनि खुगानि रावनिफ्रायनो बे बुहुम, सान, अखाफोरा, हाथख्रि हाला, दै दैमा, दाउ-अमा, एम्फौ एनला, बायदि बायदि उजिखांनायसै। बयनिबो सिगां महर मोखां लानानै नुजाथ्रिग्रोनायखाय आनान गसाइनि मुङा सिब्राइ एबा सिब्राइ जादों होनना बर ‘फोरा बुङो। बे सिब्राइ एबा सिब्राइयानो बाथौ बोराइ। बे सासेयानो “रांरासि, मैथाहाजि, बारि गंथाम – नों सासेयानो फाना फानथाम” बुंनाय बाथ्राया थारैनो गोथौ जेरै बादि आर्य हिन्दुफोरा ब्रह्म, बिष्णु आरो महेस्वर होनना गाबज्रियो।

(ग) आगुनि आरो आथिखालनि बैसागु फोरबो फालिनायाव माबा फाराग दं होनना नों सानो नामा?

फिन: आगुनि आरो आथिखालनि बैसागु फोरबो फालिनायाव गोबां फाराग दं होनना साननो हानायनि लामा दं। मानोना गोदो गोदाय बर ‘फोरा बैसागुखौ दानसेसिमहालागै खुंनायमोन। आथिखालाव नाथाय हाबथा मोनसेल’ खुंनाय नुनो मोनसै। गोदो गोदायनि बैसागुवाव बर ‘नि नंगुबै हारिमुनि नेरसोनफोरखौ नुनो मोनोमोन, आथिखालाव नाथाय बरनि हारिमुनि नंगुबै नेरसोनफोरखौ नुनो मोनबांलिया। गामिनि बर’ नखर नखर रायजो राजाया, बोराइ बुरै ज’ ज ‘यै आरो सेंग्रा सिख्लाफोरा ज’ ज ‘यै मोसानामै रंजानाय गोदो-गोदायनि बैसागुआ आथिखालाव जौसां एबा बबेबा क्लाब एबा गौथुमफोरनि सायनासालियाव जायगा मोनफैबाय।

गोदो गोदान सेरजा-सिफुं, खाम जथा दामनानै बैसागु रंजायोमोन। आथिखालाव नाथाय बर’ लाइमोन सेंग्रा सिख्लाफोरखौ गोदान मुगानि दामजु, मोब्लिब गोहोजों सोलिनाय दामजु, डिजिटेल मेडियानि गेजेरजोंसो बैसागु रंजा-बाजा खालामनो नाजानायखौ नुनो मोनसै।

(घ) आगुनि हाबाया माबादि जायोमोन? थावख्रि फाल्ला गावनखौ बबे समाव दिन्थिनाय जायोमोन? रायथाइनि हेफाजाब लानानै लिर।

फिन: बर ‘फोरनि आगुनि हाबाया जोबोद गाजा-गोमजायै जायोमोन। मानोनाँ गोदो गोदाय बर ‘नि हावा जानाय हुदाया जोबोद गाव गोनां। गोदोनि दिनाव बर ‘नि हाबाया स्नि सानसिम थानायमोन। हावायाव जोबनो गैयि जुमाइ, अमा बेदर आरो ओंखामनि बाथ्राखौ साननानै नायब्ला बर’ हारिया जानाय लोंनायाव रावनिबो गेजेन नङामोन होनना बुंजायो। बेफोर बाथ्राखौ जो धोरोम सिबिनायनि आरज मेथाइफोरनि गेजेरजोंबो मोनथिना मोनो। जेरै– “बेदरनि आखाय, जौनि फुख्रि, ओंखामनि आलि खालामनानै धुब-धुनाजों मोदोमफ्रु मोदोमहोनानै फुजा खालामो जोङो”। “थाख्रि फाल्ला गावनखौ बर ‘नि हाबा खुंनाय समाव दिन्थिनाय जायोमोन।

5. गुदि खिथाजों सोमोन्दो लाखिनानै बेखवना लिर–

(क) “बाथौ दोहोरोमानो बर ‘नि गुदि दोहोरोम।”

फिन: “बाथौ दोहोरोमानो बर ‘नि गुदि दोहोरोम”

गोजौनि बाथ्रा खोन्दोखौ कामेश्रर बर ‘आ लिरनाय ‘बर ‘नि हारिमु’ मुंनि राइथाय आयदानिफ्राय दिखांना लानाय जादों। बे बाथ्रा खोन्दोनि गेजेरजों रायथाइगिरिया बाथौखौनो बर ‘नि गुदि धोरोम होननानै फोरमायदों।

रायथाइगिरिया फोरमायनाय बादियैब्ला बाथौ बोराइखौनो बर ‘फोरा गिला दामब्रा खोरिया बोराइ एबा सिब्राइ होनना बुङो। आर्यफोरा बर’नि मोदाइ गाहाइ बाथौ बोराइ एबा सिब्राइखौनो आदि देव महादेव होनना सिबियो। महाभारत, पुराण बादि धोरोमनि बिजाबफोराव महादेवखौ आर्य मोदाइ होनना लिरलांदों।

“बर ‘नि रावै आरोबाव बुंबावदों सिजौआ गरंबा, बाथौआ बान्दोबा, बर’ बोराइनि रावाबो फंबा। बे बाथ्रायाव गोथौ सान्थौनि इसारा दं। बाथौखौ बान्दोबा दुमनायाव भारतारि सान्थौनि बा तत्वजों गोरोबनाय नुयो। बिदिब्ला भारतारि सानथौनि बा तत्वखौ बर ‘फ्रासो मोन्दांजेनदों होनना साननो हायो। बेफोर बाथ्राखौनो रायथाइगिरिया गोजौनि बे “बाथौ दोहोरोमानो बर ‘नि गुदि दोहोरोम” बाथ्रा खोन्दोनि गेजेरजों फोरमायनो नाजादों।

(ख) “खेराइयानो बर ‘नि देरसिन फोरबो।” 

फिन: “खेराइयानो बर ‘नि देरसिन फोरबो”

गोजौनि रायथाइ खोन्दोखौ कामेस्वर बर ‘नि लिरनाय “बर ‘नि हारिमु” मुंनि रायथाय आयदानिफ्राय दिखांना लानाय जादों। बे रायाथाइ खोन्दोनि गेजेरजों रायथाइगिरिया बेखौनो फोरमायदोंदि बिथांनि बादियैब्ला खेराया बर ‘फोरनि गोदोनिफ्राय फालिबोनाय मोनसे गेदेर फोरबो।

रायथाइगिरिया फोरमायनाय बादियैब्ला खेराइ फोरबोआ बर ‘नि जिउनि समान। बर’ हारिनि महर मोखाङा खेराइनि गेजेरजोंनो गेवस्त्रानो खाबु मोनो। दौदिनिनि आखु आरो गोहोखौ मोजाङै सानना नायब्ला जोबोद गोमोथाव। मोदाइ मोदाइजोफोरनि आखल आखुफोरखौ खाम, सिफुं आरो जथानि मिलौदो देंखोजों मोसानानै दिन्थिफुंजोबो। गुबुन हारिबादि बर’ हारिया मुसुखा लानानै मोदाइ दावदाइखौ सिबिया। मुसुखा लायालासे फुजा थिलियाव गोसोखौ हमथानानै ईसोरखौ सिबिनाया गोरलै बाथ्रा नङा।

बर’नि खेराइ फोरबोनि दौदिनि मोसानायनि सायाया आर्य हिन्दुफोरनि ‘देवधनी’ एबा ‘नटी’ मोसानायाव नांहैदो होनना बुंनो हायो। बेनि लोगो लोगो मोदाइफोरनो दावसा, फारौ, बोरमा आरि बोलि होनायनि सायखङा आर्य तानत्रिकफोरनि सायाव नांहैदों होनना बुंजायो। खेराइ एबा गार्जा होनाय समाव सुबदै बाउनाय हुदायाबो बर’ ‘फोरफोरनिफ्रायनो गुबुन आर्य फोलेरनि मानसिफोरनि सायाव नाहैदों होनना बुंजायो। बेफोरनिबादियैनो रायथाइगिरिया गोजौनि बाथ्रा खोन्दोनि गेजेरजों बर ‘फोरनि देरसिन फोरबो होनना खेराइखौ फोरमायदों। 

(ग) “गोथारै थानायानो बर ‘फोरनि मोनसे हुदा।”

फिन: “गोथारै थानायानो बर ‘फोरनि मोनसे ‘हुदा “

गोजौनि बाथ्रा खोन्दोखौ कामेस्वर बर ‘नि लिरनाय “बर ‘नि हारिमु” मुंनि राइथाइ आयदानिफ्राय दिखांना लानाय जादों। बे बाथ्रा खोन्दोनि गेजेरजों रायथाइगिरिया बेखौनो फोरमायनो नाजादोंदि बर’ फोरा गोदो गोदायनिफ्रायनो गोथार देहा सोलेरजों इसोरखौ सिबिनानै रायजो जानो मोजां मोनग्रा हारि।

रायथाइगिरिया फोरमायदोंदि गोथार गोसो आरो गोथार मोदोमै थानायखौनो बर ‘आ गाहाम मोनो। बेनिखायनो बिसोर खालामफ्लांनाय एबा मावफ्लांनाय गाज्रि हाबा, बुंफ्लांनाय गाज्रि बाथ्रा एबा फाबफोरखौ निमाहा होनो थाखाय गार्जा फुजा होनानै अबंलाउरिखौ सिबोयो आरो आर’ज गाबो। बेजों लोगोसे फैगौ गोदान बोथोरावबो गथ’-गथाय बोराइ बेन्थ, रावनिबो सायाव खैफोद आफोद जाहाथे खालामा बेनिबो आरज गाबो। बे आरज गाबनायाव बाहायनाय रावा एरै- “हे आफा बिफा गुरु, फिसा फिसौखौ मोजाङै लाखिनांगोन, हिन्जावफ्रा नाहा थांगोन, हौवाफ्रा मैहा थांगोन सिगि-सग’ खालामनो मोननाय नङा, हौवाफ्रा बनहा मैहा थांगोन मोसा मुफुर जानानै बाइदि मैया खालामनो मोननाय नङा, दहाय दे आइफोर आफाफोर होनना खुलुमो।”

गामियाव सोरबाफोर गाज्रि हाबा मावफ्लांदोंब्ला बाथौनि सिगाङाव बुंथिनानै लाथारनांगौ। लाखोमानो सानब्लाबो खेरायनाय बोथोराव दौदिनियानो हमखांनो हायो। गामियावबो निदान खैफोदआ जोबनो थाङा जायो। गामिनि सुख-गोजोननि थाखाय बाथौ बोराइनि मुङै फुजा होनांगौ जायो। बेफोर बाथ्राखौनो रायथाइगिरिया गोजौनि बे “गोथारै थानायानो बर ‘फोरनि मोनसे हुदा” रायथाइ खोन्दोनि गेजेरजों फोरमायदों।

6. बाथ्रा दा–

दौरि, दौदिनि, खेराइ, सावरि-बादालि, खैफोंद-आफोद।

फिन: दौरि: दौरिया खेराइ फुजा होनायनि गोनांथार बाहागो। 

दौदिनि: दौदिनिया खेराय फुजा होनायाव मोसायो।

खेराइ: खेराइ फोरबोआ बर ‘नि देरसिन फोरबो। 

सावरि-बादालि: सावरि-बादालि जानाया बर ‘फोरनि गोदोनि मोनसे नागारहायि हुदा।

खैफोद-आफोद: खैफोद आफोदनिफ्राय रैखा मोननो थाखाय बर ‘फोरा बाथौ बोराइनि सेराव आरज गाबो। 

7. नोंनि जायगायाव खोनानाय एबा सोलिनाय दोंनै खुगा मेथाइ बुथुमना लिर।

फिन: जोंनि जायगायाव खोनानाय एबा सोलिनाय दोंनै खुगा मेथाइफोरखौ गाहायाव होनाय जाबाय–

(क) आंनि मुङालाय थाफ्लि बुद्रां

द्रां आदा द्रां,

जौ लोङै लोङै ओंखाम जायै जायै, 

नवालाय जालांबाय लांदां-फांदां। 

गोदोब दंमोन बाख्रिया गंनै ससे, 

दा गैथारलिया मावसि मासे।

(ख) परबत जरा परपदजरा

दमफां दाननो थांबोला गुमै थांबोला 

साल जरा माखु जरा 

लाबो लाबो गुमै लारु बान्दारु 

दे लाबोगोन आगै ददेरे माइनाव 

माइब्रानि जौ रोसिखौल’ सिरना दोनखा।

उफेरा सोंथिनि फिननाय

1. गाहायाव होनाय सोंथिफोरखौ फंसे सोदोब एबा सारिसे बाथ्राजों हो:

(क) बर ‘फोरा माबे फोलेरनि सुबुं?

फिन: बर ‘फोरा मंगलिय’ फोलेरनि।

(ख) कीरात होननानै सोरखौ बुंनाय जायो?

फिन: बर ‘फोरखौनो किरात होननानै मिथिनाय जायो।

(ग) आर्य आरो बर ‘फोरनि गेजेराव हारिमुनि सोलाय सोल’ जादों होननानै नों सानो नामा?

फिन: आर्य आरो बर ‘फोरनि गेजेराव हारिमुनि सोलाय सोल’ जादों होननानै आं सानो।

(घ) आसामनि गोजामसिन मुङा मा?

फिन: प्रागज्योतिषपुर। 

(ङ) भानुमतिया सोर राजानि बिनानावमोन?

फिन: भगदत्त एबा बोगदात राजानि। 

(च) भगदत्तनि गुबुन मोनसे मुङा मा?

फिन: बोगदात।

(छ) महाभारताव मुख ‘नाय मुंदांखा दावहानि मुङा मा? 

फिन: महाभारताव मुख ‘नाय मुंदांखा दावहानि मुङा जादों कुरुक्षेत्र।

(ज) श्रीकृष्णआ सोरखौ हाबा खालामदोंमोन?

फिन: श्रीकृष्णआ रुक्मिणीखौ हाबा खालामदोंमोन।

(झ) रुक्मिणीया सोरनि फिसाजोमोन?

फिन: रुक्मिणीया बर’ राजा भीष्मकनि फिसाजोमोन। 

(ञ) अनिरुद्धआ सोरमोन? 

फिन: अनिरुद्धआ श्रीकृषणनि फिसौज्लामोन। 

(ट) उषा देबीनि बिलोगोआ सोरमोन?

फिन: उषा देबीया सित्रलेखानि बिलोगोमोन। 

(ठ) बर’नि गुदि धोरोमआ मा?

फिन: बाथौ धोरोमानो बर ‘नि गुदि धोरोम।

(ड) माखौ रायथाइगिरिया बर ‘नि जिउनि समान होननानै बुंदों?

फिन: खेराइखौनो राइथाइगिरिया बर ‘नि जिउनि समान होननानै बुंदों।

(ढ) बर’ हारिनि महर मोखाङा मानि गेजेरजोंनो गेवस्रानो खाबु मोनो? 

फिन: बर’ हारिनि महर मोखाङा खेराइनि गेजेरजोंनो गेवस्रानो खाबु मोनो।

(ण) बर’ माहारिनि हारिमुखौ फोथांनानै गेवलां होनायनि बिबाना सोरनि होननानै रायथाइगिरिया फोरमायदों?

फिन: बर’ माहारिनि हारिमुखौ फोथांनानै गेवलांहोनो नाजानांगौवा जाखांबोनाय बेर’ सेंग्रा-सिख्लाफोरनि मावनांगौ हाबाफारि होनना रायथाइगिरिया फोरमायदों।

2. गाहायनि सोंथिफोरखौ सुंदयै फिन–

(क) जिसु खृष्ट जोनोम जानायनि आगोल खोला-सोनाब आरो सानजाहा गंगा सेरफाङाव सोरनि हारिमुवा गोसारदोंमोन?

फिन: जिस खुष्ट जोनोम जानायनि हाजारसे बोसोर आगोल खोला-सोनाब आरो सानजाहा गंगा सेरफाङाव आर्य, द्राबिड़ आरो अष्ट्रिकफोरनि हारिमुवा गोसारदोंमोन। 

(ख) आर्य, द्वाबिड़ आरो अष्ट्रिकफोरनि हारिमुवा माब्ला आरो बबेयाव गोसारदोंमोन?

फिन: आर्य, द्राबिड़ आरो अष्ट्रिकफोरनि हारिमुवा जिसु खुष्ट जोनोम जानायनि हाजारसे बोसोर आगोल खोला-सोनाब आरो सानजाहा गंगा सेरफाङाव गोसारदोंमोन। 

(ग) कौरबनि दुर्यधनआ सोरखौ हाबा लादोंमोन?

फिन: सानजा भारतनि प्रागज्योतिषपुर एबा गोजाम कामरुपनि बर’ राजा भगदत्त एबा बोगदानि बिनानाव भानुमतिखौ कौरबनि देरसिन बिदा दुर्यधनआ हाबा लादोंमोन।

(घ) भानुमतिया सोर राजानि बिनानावमोन?

फिन: भानुमतिया सानजा भारतनि प्रागज्योतिषपुर एबा गोजाम कामरुपनि बर ‘राजा भगदत्त एबा बोगदातनि बिनानावमोन।

(ङ) बोगदातआ सोर?

फिन: बोगदातआ सानजा भारतनि प्रागज्योतिषपुर एबा गोजाम कामरुपनि राजामोन। बिथांखौ भगदत्त होननानैबो मिथिनाय जायो। 

(च) कुरुक्षेत्र दावहायाव भगदत्तआ सोरनि जानानै दावहा नांदोंमोन?

फिन: महाभारतनि मुंदांखा कुरुक्षेत्र दावहायाव राजा भगदत्तआ सीना आरो बर’ रौनियाफोरखौ लानानै कौरबफोरजों लोगो जानानै गिलु बालु दावहा नांदोंमोन।

(छ) बर ‘नि हारिमुखौ सोर माबोरै गावनि हादोराव गोसारहोनो खाबु होदोंमोन? 

फिन: आर्यफोरनि देरसिन अबतार श्रीकृष्चआबो बर’ फोलेरनि राजा भीष्मकनि फिसाजो रुक्मिणीखौ हाबा खालामनानै बर ‘नि हारिमुखौ गावनि हादोराव गोसारहोदोंमोन।

(ज) अनिरुद्धआ सोरखौ हाबा खालामदोंमोन?

फिन: अनिरुद्धआ बर’ राजा बाणनि फिसाजो उषा देबीखौ हाबा खालामदोंमोन।

(झ) सोनाब आरो खोला भारताव बर’नि खननाय-मोसानाय आरो गाननाय जोमनायखौ सोर फोस्रावहैदोंमोन?

फिन: बर’ सिख्ला उषा देबी आरो बिनि बिलोगो सित्रलेखामोना बर ‘नि खननाय मोसानाय, गाननाय-जोमनाय आरो बायदिसिना आखल आखुफोरखौ सोनाब आरो खोला भारताव फोस्रावहैदोंमोन।

(ञ) बाथौ बोराइखौ बर ‘फोरा मा मा मुङैगाबज्रियो? 

फिन: बाथौ बोराइखौनो बर ‘फोरा गिला दामब्रा खोरिया बोराई एबा सिब्राइ होनना।

(ट) आर्यफोरा सोर मोदाइखौ सिबियो?

फिन: आर्यफोरा बर ‘नि मोदाइ गाहाइ बाथौ बोराइ एबा सिब्राइखौनो आदि देव महादेव होनना सिबियो।

(ठ) गार्जा फुजा होनायाव बर ‘फोरा मा राव बाहायनानै आर’ज गाबो फोरमाय।

फिन: गार्जा फुजा होनायाव बर ‘फोरा आर ‘ज गाबनायाव बाहायनाय रावा एरै– “हे आफा बिफा गुरु, फिसा फिसौखौ मोजाङै लाखिनांगोन, हिन्जावफ्रा नाहा थांगोन, हाफ्रा मैहा थांगोन सिगि सग खालामनो मोननाय नङा, हौवाप्रा बनहा मैहा थांगोन मोसा मुफुर जानानै बाइदि मैया खालामनो मोननाय नङा, दहाय दे आइफोर आफाफोर होनना खुलुमो।”

(ड) बर ‘नि खेराइ फोरबोनि दौदिनि मोसानायनि सायाया माबेयाव नाहैदों होनना बुंनो हायो? 

फिन: बर ‘नि खेराइ फोरबोनि दौदिनि मोसानायनि सायाया आर्य हिन्दुफोरनि ‘देवधनी’ एबा ‘नटी’ मोसानायाव नांहैदों होनना बुंनो हायो।

(ढ) धुपाराम बसुमतारिनि बादियैब्ला बिहु सोदोबआ बोरै जादों? 

फिन: धुपाराम वसुमतारिनि बादियैब्ला ‘बि’ आरो ‘हो’-निफ्राय ‘बिहो’ आरो बेनिफ्राय ‘बिहु’ जादों।

(ण) बर ‘फोरनि मोनसे आंगो दुदाया मा?

फिन: सावरि बादालि जानाय हुदाया बर ‘फोरनि मोनसे आंगो हुदा। 

(त) सावरि बादालि जानाया माखौ बुङो?

फिन: हारसिङै मावनो हायि खामानिखौ गामिनि रायजोफोरखौ हांख्रायनानै मावनायखौनो सावरि-बादालि जानाय बुङो।

(थ) सावरि जानायाव खामानि मावखांनानै बर ‘फोरा मा खालामो?

फिन सावरि जानाय समाव बर ‘फोरा खामानि मावखांनानै बेलासि एबा मोनाबिलि समाव जिरायलायनानै जुमाइ लोङो आरो मेथाइ खनो।

(द) बर ‘नि सल ‘बाथाफोराव मोननाय सानैसो बिर जोहोलावफोरनि मुंमख’।

फिन: बर ‘नि सल ‘बाथाफोराव मोननाय सानैसो बिर जोहोलाउफोरा जाबाय बिर दैमालु, खुसियास्त्रोन, मावरियास्रोन, एम्बुस्त्रोन, बेलस्त्रि सिख्ला, थाइगिरस्त्रि सिख्ला, गाम्बारि सिख्ला। 

(ध) “बर ‘नि हारिमु” राइथाइनि रायथाइगिरिया बर ‘नि मा माखौ गुबुननि  गेजेन नङा होननानै फोरमायदों?

फिन “बर ‘नि हारिमु” राइथाइनि रायथाइगिरिया बर ‘नि हावा जानाय, बैसागु मोसानाय, माइ गायनाय, ना गुरनाय मोसानाय, मोसाग्लांनाय मोसानाय, थाख्रिफाल्ला मोसानाफ्रा गुबुन हारिनि मोसानाय आयदानि गेजेन नङा होननानै फोरमायदों।

(न) दानि बर’ सेंग्राफोरा माबे सल ‘खौ बुंनो रोंलिया?

फिन: बर ‘नि दानि सेंग्राफोरा मावरियास्त्रोन, खुसियास्त्रोन सल ‘खौ बुंनो रोंलिया।

(प) थाख्रि फाल्ला मोसानायनि सोमोन्दो लिर। 

फिन: गोदोनि दिनाव हाबा-हुखायाव एबा गामिनिफ्राय बै गामि मोसाना बादि नांलायनाय मोसानायखौनो थाख्रि फाल्ला मोसानाय बुङो। बे मोसानायखौ आइजो एबा हिन्जावफोरासो मोसायो हौवाफोरा नङा। नाथाय दा बे मोसानायखौ नुनो थालिया।

3. गाहायनि सोथिफोरखौ गुवारै फोरमायना लिर- 

(क) गार्जा फुजाखौ बर ‘फोरा मानो होयो? गार्जा फुजा होनायाव बर ‘फोरा मा होननानै आरज गाबो फोरमाय।

फिन: गोथार गोसो आरो गोथार मोदोमै थानायखौनो बर ‘आ गाहाम मोनो। बेनिखायनो बिसोर खालामफ्लांनाय एबा मावफ्लांनाय गाज्रि हाबा, बुंफ्लांनाय गाज्रि बाथ्रा एबा फावफोरखौ निमाहा होनो थाखाय गार्जा फुजा होनानै अबंलाउरिखौ सिबोयो आरो आरज गाबो।

बेजों लोगोसे फैगौ गोदान बोथोरावबो गथ’- गथाय बोराइ बेन्थ रावनिबो सायाव खैफोद आफोद जाहाथे खालामा बेनिबो आरज गाबो। बे आरज गाबनायाव बाहायनाय रावा एरै– “हे आफा बिफा गुरु, फिसा फिसौखौ मोजाङै लाखिनांगोन, हिन्जावफ्रा नाहा थआंगोन, हाफ्रा मैहा थांगोन सिगि सग खालामनो मोननाय नङा, हौवाफ्रा बनहा मैहा थांगोन मोसा मुफुर जानानै बाइदि मैया खालामनो मोननाय नङा, दहाय दे आइफोर आफाफोर होनना खुलुमो।” 

(ख) बर’नि मा मा हुदाया आर्य हारिमुवाव गोहोम खोख्लैदों रायथाइनि जाफाजाबै फोरमाय।

फिन: बर ‘नि बायदिसिना हारिमुनि आसार आदबफोरा आर्य हारिमुवाव गोहोम खोख्लैहैदों होननानै जों फोरमायनो हायो। बर ‘नि खेराइ फोरबोनि दौदिनि मोसानायनि सायाया आर्य दिन्दुफोरनि ‘देवधनी’ एबा ‘नटी’ मोसानायाव नांहैदों होनना बुंनो हायो। बेनि लोगो लोगो मोदाइफोरनो दावसा, फारौ, बोरमा आरि बोलि होनायनि सायखङा आर्य तानत्रिकफोरनि सायाव नांहैदों होनना बुंजायो। खेराइ एबा गार्जा होनाय समाव सुबदै बाउनाय हुदायाबो बर ‘फोराफोरनिफ्रायनो गुबुन आर्य फोलेरनि मानसिफोरनि सायाव नाहैदों होनना बुंजायो। बेफोरनिबादियैनो रायथाइगिरिया गोजौनि बाथ्रा खोन्दोनि गेजेरजों बर ‘फोरनि देरसिन फोरबो होनना खेराइखौ फोरमायदों।

(ग) बर’नि हारिमु सिबिसुला धुपाराम बसुमतारिया बुहुमाव जिउ जिराद उजिनायनि सोमोन्दै मा फोरमायदों रायथाइनि हेफाजाबै लिर।

फिन: बर’ हारिनि हारिमु सिबिग्रा धुपाराम बसुमतारीया बिथांनि रावै बूंदों गुदिथाराव बे बहुमाव अखाफोर, सान, हाथर्खिहाला जेबो गैयामोन। आनान गसाइ बिनान गसाइयाबो सिरि दंखायोमोन। सानसेखालि बियो गावखौ नुजाहोनो गोसो जानायसै आरो जिब-जिरादफोरखौ सोरजिनो गोसो सानायसै।

बाथौ बोराइनि खुगानिफ्रायनो “लावबा लावसोम, खावबा खावसोम, आदा गोसोम दैयाव बारसोम” बाथ्राया बेरखांनाय लोगो लोगो सासे जोंमा महरै गिदिर गोलावै मानसि नुजाथिनायसै। बिनि खुगानि रावनिफ्रायनो बे बुहुम, सान, अखाफोरा, हाथर्खि हाला, दै दैमा, दाउ-अमा, एम्फौ एनला, बायदि बायदि उजिखांनायसै। बयनिबो सिगां महर मोखां लानानै नुजाथिग्रोनायखाय आनान गसाइनि मुङा सिब्राइ एबा सिब्राइ जादों होनना बर ‘फोरा बुङो। बे सिब्राइ एबा सिब्राइयानो बाथौ बोराइ। बे सासेयानो “रांरासि, मैथाहाजि, बारि गंथाम – नों सासेयानो फाना फानथाम ‘बुंनाय बाथ्राया थारैनो गोथौ जेरै बादि आर्य हिन्दुफोरा ब्रह्म, बिष्णु आरो महेस्वर होनना गाबज्रियो। 

4. लिरसुंथाइ लिर–

थाख्रि फाल्ला मोसानाय

फिन: थाख्रि फाल्ला मोसानाय: गोदोनि दिनाव हावा-हुखायाव एबा बे गामिनिफ्राय बै गामि मोसाना बादि नांलायनाय मोसानायखौनो थाख्रि फाल्ला मोसानाय होनना बुङो। बे मोसानायखौ आइजो एबा हिन्जावफोरासो मोसायो हौवाफोरा नङा। नाथाय दा बे मोसानायखौ नुनो थांलिया।

Class 9 Bodo Mil Question Answer

Chapter No.	CONTENTS
Chapter – 1	गोरबोनि असमफुरि
Chapter – 2	सरखार हिनजाव
Chapter – 3	दानसोरां हराव
Chapter – 4	आय’ दाउ-ख्लिं
Chapter – 5	दैमा
Chapter – 6	जोब्लाउरि खुन्थिया
Chapter – 7	मिजिंक
Chapter – 8	नों अख्रां बेसे हावार
Chapter – 9	जावलिया देवान
Chapter – 10	बिमा राव
Chapter – 11	आखल दानाय
Chapter – 12	बर’नि हारिमु
Chapter – 13	सोरांनि लामाजों दावगानाय गामि
Chapter – 14	गोजोननाय
Chapter – 15	दावहा
Chapter – 16	खोमसि फोथायथि, गाज्रि आसारखान्थि मोनसे गामियारि जेंना
Chapter – 17	उदै
Chapter – 18	हांखो सिनायथि, रिंसार, सोदोबमा, थाइजा, बिदिन्था, सानराइ
Chapter – 19	रनसाइ बाहागो

Notes of Class 9 Bodo MIL in Bodo Medium | Bodomedium Class 9 Bodo MIL notes इस पोस्ट में हम आपको ये समझा ने कि कोशिश की है की Bodo Medium Class 9 Bodo Mil Question answer | Class 9 Bodo MIL Question Answer In Bodo Chapter 12 अगर आप एक bodo सात्र या शिक्षाक हो तो आपके लिए लावदयक हो सकता है।

Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।