SEBA Class 9 Bodo MIL Question Answer Chapter 16 खोमसि फोथायथि, गाज्रि आसारखान्थि मोनसे गामियारि जेंना | Khomasi Fothayathi Gajri Asarkhanthi Monse Gamiyari Jengna | Class 9 Bodo Mil Question Answer As Per New Syllabus of SEBA to each Chapter is provided in the list of SCERT, NCERT, SEBA खोमसि फोथायथि, गाज्रि आसारखान्थि मोनसे गामियारि जेंना कक्षा 9 बोडो एमाइल चेप्टर 16 प्रोश्न उत्तर/ SEBA Class 9 Bodo MIL Chapter 16 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 9 Bodo Mil Question Answer In Bodo Chapter 16. Class 9 Bodo Mil Question Answer Chapter 16 in Bodo. SEBA Class 9 Bodo Mil Question Answer In Bodo Medium Chapter 16 Khomasi Fothayathi Gajri Asarkhanthi Monse Gamiyari Jengna covers all the exercise questions in NCERT, SCERT.
Class 9 Bodo MIL Chapter 16 खोमसि फोथायथि, गाज्रि आसारखान्थि मोनसे गामियारि जेंना
SEBA Class 9 Bodo Mil Notes Chapter 16 In Bodo खोमसि फोथायथि, गाज्रि आसारखान्थि मोनसे गामियारि जेंना । Khomasi Fothayathi Gajri Asarkhanthi Monse Gamiyari Jengna । Bodo Mil Guide for Class 9th Chapter 16. Also Same NCERT Solutions for Class 9 Bodo इस पोस्ट में हम आपको ये समझा ने कि कोशिश की है की Class 9 Bodo Mil Question Answer Chapter 16 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 9 Bodo Mil In Bodo Medium बोहत लाभदायक हो सकता है। Ncert/Scert Bodo Mil Class 9 Chapter 16 मे आप अपना ध्यान लगाके पढ़ कर इस SEBA Class 9 Bodo Question Answer In Bodo Chapter 16 में अछि Mark ला सकते हो अपनी आनेवाली परीक्षा में।
खोन्दो 16 खोमसि फोथायथि, गाज्रि आसारखान्थि मोनसे गामियारि जेंना
Chapter 16 Khomasi Fothayathi Gajri Asarkhanthi Monse Gamiyari Jengna
फरानि सोंलु फिननाय
1. खोमसि फोथायथि होनोब्ला मा मिथियो? नोंसोरनि हालामाव बेबादि रोखोमनि खोमसि फोथायथि सोलिदों नामा? बैफोरखौ होखारनायनि थाखाय नोंनि फारसेनिफ्राय नों हानाय रोखोमै मा मा राहा लानो, बेनि मोनसे लिरसुंथाइ लिर।
फिन: गाव सुफुंथिनि थाखाय, बान गैयि, जाथावि बाथ्रा मोनसे एबा गुंथि मोनसेखौ समाजाव फोसावनाने होनायानो बिरफुं रादाब एबा बांसावनाय खौरां। आरो बे गाज्रि आसारखान्थि बांसावनायफोरखौ इसेबी साना हवा गोनोखोआरि सानथौजों बानबुंथिजों बिजिराब्लानो फोथायना लानायानो खोमसि फोथायनाय।
जोंनि हालामावबो बेबादि रोखोमनि खोमसि फोथायनायखौ नुनो मोनो। जेरै बादि बेराम आजार जायोब्ला डाक्थारनि सोलायै अजाजों जारिजानाय, अजानि जारिनाय दें लोंनाय बायदिफोरान मोनसे रोखोमनि गोथे फोथायनाय। खायसे खायसे मानसिफोरखौ भुत फेथाखी गिनायनि बिदिन्थिवो नुनो मोनो।
बेफोरवादि फोथायथिखौ होखारनो थाखाय लानो गोनां राहाफोरनि मादाव गिबियावनो सोलोंथाइ गोसारहोनायनि बाथ्रिखौ मखनो हायो। फराफारियाव गोथे फोथायनायनि गाज्रि बिदिन्थिफोरजों सोमोन्दो गोनां आयदाफोरखौ फराफारियाव थिसननांगौ। अब्लानियाव उन्दैनिफ्राय फरायसाफोरा गोथे फोथायनायनिफ्राय सांग्रां जानो हागोन।
नैथियाव सावथुन एबा थुनफावथाइ दिन्थिपुंनायनि गेजेरजोंबो लेखा रोङिसुबुंफोरनि गेजेराव गोथे फोथायनायनि गाज्रि बिजाउनफोरखौ फोरमायनाने सुंबु साग्रंथिखौ बांहोनो हायो।
सोरखारआ बिरफुं रादाब फोसावनाने सरासनस्त्रा सासे मानसिखौ गाग्लोबनायनि (Mob lynching) हेंथायै आयेन दानो हायोब्ला मोजां।
2. गाज्रि आसारखान्थिया बबेफोरा? नोंनि हालामा बेफोरवादि गाज्रि आसारखान्थिजों साग्लोबजादों नामा? बिदिन्थि होना फोरमायना लिर।
फिन: जायफोर फोथायनाय एबा साननाय हनाया बानबुंथिनि सायाव फसंजानाय नङा, बिगियानआ जायफोर फोथायनायखौ सानखांथिखौ, जाथाइखौ नंखाय आरो बेसेनगैय होनना दिन्थिदों बेफोरनो खोमसि फोथायनाय। जायफोर नेम खान्थि, राहा बोहैथि दाहारा मोनसे गोगो समाजनि बेरेखा, समाजनि दावगानायाव हेंथा जाना गसंथेयो बैफोरनो गाज्रि आसार खान्थि। जोंनि हालामावबो बिदि रोखोमनि गाज्रि आसार खान्थिफोरखौ नुनो मोनो।
जेरैबादि फुजा फोरबोआव दाउसा फारौ बोलि होनानै इसोरखौ गोजोनहोनी नाजानाय, सोरबा लोमजायोब्ला साजायोब्ला सोरबा अजा एबा दायनाया रायनायनि थाखाय जादों होनना आन्दाजावनो सन्देह खालामनाय बादिफोरानो बेनि रोखा बिदिन्थि। खायसे सुबुङा गावनि मानसे लुबैनायखौ सुफुंनो थाखाय दायना साजायनायनि बिदिन्थियाबो जोंनि ओनसोलाव गैद्रायि नङा। सोरबा सासे सुबुङा उदै अरनाय, खर’ सानाय जायोब्ला सोरबा गाज्रि मोदायनि अरनायाव जादों साननानै फुजा फाथाल होनायनि बिदिन्थिखौबो जोंनि ओनसोलाव नुफ्लेबाय थायो।
3. ग्रा मा जायेनाव खोमसि फोथायथि, गाज्रि आसारखान्थिनि जोहै सासालग सुबुङा नाख्रेबजायो?
फिन: मा मा जाहोनाव खोमसि फोथायथि, गाज्रि आसारखान्थिनि जोहै सासालग सुबुङा नानेबजायो बेनि जाहोनफोरखौ गाहायाव सावरायनाय जाबाय-
खोमसि फोथायथिजों नाबजानायनि जाहोन महरै गिबियावनो सुबुंफोरा सरासनस्त्रा गियाननि आंखालावखौ गिबियावनो मुखनो हायो। मानोना आसामनि लेखा गोरोंनि हारआ 73.18 जौखोन्दी। बेखौ नोजोर होयोब्ला सोलोंथाय होननायनिंखुइ गियाननि आंखालनि थाखायनो मानसिया गाज्रि आसार खान्थि, खोमसि फोथायथिजों गफबना थायो। साफ्रोमबी मानुसियानो गावनि आखल आखु आरो जिउनिफ्राय मोननाय सोलोंथाइनि सायाव सोनारनानै सिगाङाव नुनाय जाथाइ मोनसेखौ बिजिरना नायो। जाथाइयाव बिनि बिफावा दाजाथायारि जागोनना दानख ‘थायारि जागोन, बेयो सोनारो बिनि नोजोर बिथिंनि सायाव। गमामा मोनफोमबो बाथ्राखौनो दाजाबआरि नोजोर बिथिंजों नायनो नांगोन। अब्लानो मोनफोमबो जेंनानि जेथो सिफायनाया जायो गोरलैथार आरो गोजोनथाव महरै।
जायफोर मानसिनो मोजां खामानि मावनों बिबान होनाय जादों, नुनो मोनो फिसा फिसा गावसुफुंधाइनि थाखाय बै बिबान गोनां मानसिफाबो माब्लाबा समाजनि थाखाय दानख ‘वारि खामानि मावो। जायगानि दैदेनगिरि सुबुंफोरनि बेबादि खामानि दामानि बिनि उनसोलोंसाफोराबो उन सोलोंनो जागायजेनो। बेफोर खामानिया समाजनि थाखाय माब्लाबा गिथाव महरै खहा खालामो।
जोंनि गेजेराव मोनसे आखुथाइ दबावो – दुखु खालामाब्लानो इसेल’ मावनानै जोंनो गासैखौबो नांगौ। जारला एबा दुखु सहायाब्लानो जाफुंथाइ नांगौ, जारला सहायाब्लानो दोहोन सम्फथि आरजिनो नांगौ, जामु, देलायफब मोदोमफब नांगौ। गोरलैयैनो गासैबो मोननो थाखायबो मानसिया खोमसि फोथायग्रा जायो।
बेबादियैनो खोमसि फोथायथि, गाज्रि आसारखान्थिनि जोहै सासालग सुबुङा नाखेबजानायनि जाहोनखौ फोरमायनो हायो।
4. खोमसि फोथायथि, गाज्रि आसारखान्थि, बिरफुं रादाबनि जोहै सासालग सुबुङा जाहाथे नाख्रेबजाया बेनि थाखाय मा मा राहा आजावनाया गोनांथार?
फिन: खोमसि फोथायथि, गाज्रि आसारखान्थि, बिरफुं रादाबनि जोहै सासालग सुबुडा जाहाथे नाख्रेबजाया बेनि थाखाय आजावनो गोनांथार राहाफोरनि सोमोन्दै गाहायाव फोरमायनाय जाबाय-
सांग्रांथिया खोमसि फोथायथि आरो गाज्रि आसारखान्थि जायखारहोहरनायनि मोनसे गोखों आयजें। सांग्रांथि होनोब्ला जथुम खुंनानै बिबुंसार लाखिनायानो नङा। सांग्रांथि होनोब्ला लामा लामा हान्जार्दिनायानो नङा। फरायसालिनि फरा बिजोडाव बै मुंथिखौ सोदांनायनि थांखियांनो जाबाय जाहाथे उन्दैनिफ्रायनो फरायसाफोरा मिथियो खोमसि फोथायथि, गाज्रि आसारखान्थिं गिख्रंथाव महरखौ। खोमसि फोथायथि, गाज्रि आसारखान्थियादि समाज मोनसेखौ खंगा खालामो, नैजिसे जौथायनि समाज मोनसेखौदि फिन गोदो गोदायनि थाखोसिम लाना थाङो बेखौ मिथिनांगोन।
खारिमिनारि सावथुन एबा बेफोर बादि फोसावदिं बिजोंनि जोहै सासालग सुबुंनि गेजेराव सांग्रांथि लाबोनाया जोबोर गोनांथार। बयबो मिथिनांगोनदि दायना एबा साखन्द्रा बादि खोमसि फोथायथिनि खाबु लानानै माखासे गावसुफुं मानसिया समाजाव बुथारनाय सुथारनाय आरि समाज बेरेखा आरो सुबुं बेरेखा खासानि मावदों। सरासनस्त्रायै नुनो मोनो सम्फथिनि लुबैनायाव एबा नसुंसेनि सोरबा नखरसेया दावगायोब्ला बिनि सायाव मोहेर नोजोरजों बै जुनिया नखरनि सोरखौबा दायना सिनायथि होनानै असिद गोसोनि मानसिया समाजारि दाडाबाजि खालामो। बेबादिनो गावसुफुंथिनि थाखायनो साखन्द्रा बांसावनाय आराव खालामो। माब्लाबा जिउ फोजोबनाय बादि मुगेथाव जाथाइफोरबो जाना थाङो।
जों मिथिगौदि नोगोरारिफोरनि गुदि मोनथाइफोरनि गुदि मोनथाइफोर आरो हादोरनि बिथोन खान्थिफोरनि गेजेराव गुदि फारागथि दङा नोगोरारिफोरा होनाय गुदि मोनथाइफोरखौ मावफुंनो सोरखारआ जेबो गोदान आइन दानो नाङा। बेफोरो गावनो मोनफा मोनफा आइनखा। नाथाय बिथोन खान्थिफोरा आइन नङा। बेफोरखौ मावफुंनो थाखाय गिबियाव बेफोरनि सायाव आइना दाना लानांगोन। दासिम भारत हादोराव सासे एबा सानै मानसिखौ हाजा लानानै गाग्लोबनायनि सायाव खाखानाय जेबो आइन गया। नाथाय जुगुमखानाय हान्जा लानानै गाग्लोबनाय बादि समाज बेरेखा, सुबुं बेरेखा खामानिखौ होबथानो थाखाय गोख्रो आइन दानायनि सम जाबाय। दायना एबा साखन्द्रा मुथिखौ समाजनि सालदांथि मोन्दांथि आरो गोरोन्थि बुजिलायनायनि सरासनस्त्रा जाथाइ महरै रेहाय होनाया गनायथाव नङा।
बेफोरनि अनगायैबो गोसोआव लाखिनो गोनाडा जादों जों नुनो मोनोदि दायना होनना बिरफुं रादाव फोसावनायनि जाउन महरै जा मुगैथाव जाथाय जायो बे सुबुंथि बेरेखा जाथायाव जौसेनि गुजि बाहागोनिबो बांसिन आइजोफोरानो नाखेबजायो। साखन्द्रां होनना बिरफुं रादाब फोसावनायनि जाउन महरै सिनायमोनि आरो बांसिन बिथिङाव जुनिया सावत्रिनि गुफुं सुबुङानो नावजानाय नुनो मोनो। बेफोर समाजखौ गादबना दोननाय मोनसे खोमसि फोथायथि। सोद्रोम समाजनि थाखाय मोनसे साव। बेनि थाखाय गुबुन गुबुन समाजारि, राजखान्थियारि, रांखान्थियारि जैनाफोरखौ फोजोबस्रांनायनि लोगोसे सासालग सुबुंनि गेजेराव गायामारि गोसोआरि जागिखांनायनि गोनांथि दं।
5. ‘दायना’, ‘साखन्दा’ बेफोरो खोमसि फोथायथि। खोमसि फोथायथि होनना मिथिनानैबो माखासे मानसिया बे मुंथि मोननैखौ लानानै बिरफुं रादाब फोसावो आरो गोबां मानसिया फोथायनानैबो लायो। बेनि जाहोनखौ मा मा होननानै सानो?
फिन: ‘दायना’ ‘साखन्द्रा’ बेफोसे खोमसि फोथायथि। खोमसि फोथायथि होनना मिथिनानैबो माखासे मानसिया बे मुंथि मोननैखौ लानानै बिरफुं रादाब फोसावो आरो गोबां मानसिया फोथायनानैयो लायो। बेनि जाहोनानो जाबाय सोरबा गाव-सुफुं सुबुङा गावनि माबा मोनसे लुबैनायखौ सुफुंनायनि हाबिलास थायो । बेखायनो माबा मोनसे नंखाय सल ‘खौ नंगौबादि साजायनाने बिसोर जाम्बा जाम्बिनि समाजाव फोथायथाव रादाब खालामनानै फोस्रावो। बेनि गेजेरंजों गावनि लुवैनायखौ सुफुङो।
खायसे खायसेया गावनि गोजाम सुथुरथिखौ सुफुंनो थाखायबो दाय गैयि सुबुंखौ दायना साजायो। जोंनि समाजाव बिदि गावनि माबो मोनसे सार्थखौ सुफुंनो थाखाय माखासे मानसिया दाय गैयि सुबुंखौ फाव फान्दायनायनि जाथाया जाफ्ले गासिनो दं। एखनबा मानसि सिथारनाय जाथायफोराबो जागासिनो दं। माखासे सांग्रां नङि सुबुंफोरा बेफोर बिरफुं रादाबखौ फोथायनानैबो लायो। बे फोथायना लानायनि थाखायनो गावखौल’ सानग्रा दुथां आखुनि बिरफुं रादाब फोसावगिरिनि देरहानायाबी जाफुंसारो।
6. ‘दायना’, ‘साखन्द्रा’ – बे खोमसि फोथायथिफोरा सुबुं सोदोमस्त्रिनि सुबुंथिनि सुथुर। खमैबो मोनबा बानबुंथीजों फोरमायना लिर।
फिन: ‘दायना’ ‘साखन्द्रा’ – बे खोमसि फोथायथिफोरा सुबुं सोदोमस्त्रिनि सुबुंथिनि सुथुर।
मानोना, दानि मुगायावबो जोंनि समाजाव जर ‘खायै गामि गफाफोराव दायना दायनिखौ लानानै मोनसे खोमसि फोथायनाया खर दैखांदों। बेनि जाउन महरै गोबां जाथावि जाथायनि थासारि सोमजिदों। बबेखानि मोनसे नांग्लायनाय, बुधारलायनाय आरि सुबुं बेरेखा खामानिफोरबो जादों। दायना दायनि फोथायनायनि थाखाय माखासे दाय गैयि सुबुङा साजा मोननाङो। अब्लानिया समाजाव अनज्लायनाय आरो सुबुंथिनि फोथायलायनाया खमायलाङो।
दायना फोथायनायनि जुनै माखासे सुबुंफोरा नखराव सोरबाफोर माबा मोनसे लोमजानाय साजानाय जायोब्ला डाकथारनियाव सिकितसा लायालासे अजा-बेजाजों सिंकितसा खालामो आरो उनावहाय बेरामिखौलो सिथारना लानानै नंखाय सुबुंखौ दायना सन्देह खालामफ्लाङो।
साखन्द्रा आरो दायना फोथायनाया गोरलै गोसोनि सुबुंफोरनि गोरबोआव गिनाय सोमजिहोनानै गाज्रि गोहोम खोख्लैनो हागौ। दायना एबा साखन्द्रा फोथायनाया सुबुं समाजखौ गाहाय फारसे गोग्लैलांनायाव बिहोमा जगायो।
7. बाथ्रा दा-
बिरफुं रादाब, सुबुंथि, गुलाय-गुजाय, सोदोमस्त्रि, आरोंदायारि, गोनोखोआरि, दाङाबाजि।
फिन: बिरफुं रादाब: बिरफुं रादाबआ सुबुंखौ गोरलैयैनो खैफोदाव खोख्लैनो हायो।
सुबुंथि: सुबुंथिनि अनगायै मानसिया थांना थानो हाया।
गुलाय-गुजाय: गुलाय-गुजायखौ मोजां खालामनो थाखाय जोंनो सोलोंथाइ नांगौ।
सोदोमस्त्रिः गोनोखोनि जौगानाय सुबुं सोदोमस्रिया जोगायोगासिनो दें।
आरोंदायारिः गोनोखोनि जौगानायजों लोगोसे आरोंदायारिनि जौगानायाबो सुबुं समाजाव साग्लोबनो हमदोंसै।
गोनोखोआरि: आथिखालनि मुगायाव गोनोखोआरि गोसो दानो हानाया गोनांथार।
दाङाबाजि: गावजों गाव दाङाबाजि जायोब्ला गासैनिबो खहा जायो।
उफेरा सोंथिनि फिननाय
1. गाहायनि सोंथिफोरख्रौ फंसे सोदोब एबा बाथ्राजों फिन होन:
(क) भुत पेताखौ फोथायनाया मा?
फिन: भुत पेताखौ फोथायनाया मोनसे गौथे फोथायनाय।
(ख) “खोमसि फोथायथि, मोनसे गाज्रि आसारखान्थि मोनसे गायामारि जेंना ” रायथाइनि गुबै लिरगिरिया सोर?
फिनः जयन्त बरा।
(ग) खोमसि फोथायथिनि मोनसे बिदिन्थि हो।
फिन: दायना फोथायनाया खोमसि फोथायथिनि मोनसे बिदिन्थि।
(घ) साखन्द्राया मोनसे मा?
फिन: साखन्द्राया मोनसे खोमसि फोथायथि। साखन्द्राखौ गथ’ – गथाइ खावखोमानाने लांग्रा होनना फोथायनाय जायो।
(ङ) खोमसि फोथायनायनि मोनसे जाहोन मख’।
फिन: खोमसि फोथायनायनि मोनसे जाहोना जादों सांग्रांथि गैयि समाज।
(च) खोमसि फोथायथिखौ होखारनो हानायनि मोनसे राहा मख’।
फिन: खोमसि फोथायथिखौ होखारनो हानायनि मोनसे राहाया जादों गोनोखोआरि सोलोंथाइ गोसारहोनाय।
2. गाहायनि सोंथिफोरखौ सुंद ‘यै फिन।
(क) सुबुंथियारि बेसेनखौ माया थेर बेथेर खालामदों होननानै फोरमायदों?
फिन: खोमसि फोथायथि आरो गाज्रि आसार खान्थिया सुबुंथियारि बेसेनखौ थेर बेथेर खालामो होननाने बुंदों।
(छ) गाज्रि आसार खान्थिनि मोननैसो बिदिन्थि फोरमाय।
फिन: गाज्रि आसार खान्थिनि मोननैसो बिदिन्थि महरै जों बर’ समाजनि खायसे मामियाव दासिमबो इसोर सिविनायाब बोलि बिधान होनायनि बिदिन्थिखौ नुनो मोनो। बेनि अनगायैबो लोमजानाय साजानाय जायोब्ला मोदाय दावदायनो बेराम हामनायनि मुङै फुजा होनाय बायदिफोरखौनो गाज्रि आसार खान्थिनि बिदिन्थि महरै मख’नो हायो।
(ख) खोमसि फोथायथि आरो गाज्रि आसारखान्थिनि जाउनाव मा मा जायो होनना बुंदों?
फिन: खोमसि फोथायथि आरो गाज्रि आसारखान्थिनि जाउनाव अनलायनाय, गोरोबलायनाय, सुबुंथि आरि सुबुंथियारि बेसेनथिफोरखौ थेर बेथेर खालामनानै सोदोमस्रि गोनां सुबुं समाजखौ गुबुंले खालामो। सुबुं जिउनि गोजोन जिउ खांनायनि राहाखौ खैफोदाव खोख्लैनाने समाजखौ गोजोननाय आरो थादिना गैयि खालामो।
(ग) बिरफुं रादाबखौ सोरबादि मानसिया फोस्रावो होनना नों सानो?
फिन: जायफोर मानसिया समाजनि मोजांखौ हास्थाया, गावनि माबा मोनसे मुलाम्फानि ‘बाथ्राखौल’ सानो बिसोरबादि मानसियानो बिरफुं रांदाबखौ फोस्रावो होननानै बुंनाय जादों।
(घ) मिसनारिफोरा होफैनाय कलेरा हामनायनि बड़ि मुलि जानाय सानैसो मानसिफोरखौ मा खालामदोंमोन?
फिन: मिसनारिफोरा होफैनाय कलेरा हामनायनि बड़ि मुलि जानाय सानैसो मानसिफोरखौ समाजनि आद्रा मानसिफोरा जाथि थांबाय एबा सुवा जाबाय होननानै दाय-फोदो खोखलैनानै समाजनिफ्राय एरख ‘नाने दोनदोंमोन।
(ङ) बिगियानआ मा माखौ नेवसिदों?
फिन: बिगियानआ दायनि- जखनि, बहुथ-पेथानि बाथ्राखौ नेवसिदों।
(च) मा माखौ लानानै जोंनि गामियारि समाजाव खोमसि फोथायनाय दं?
फिन: भुत-फेथा, द्रायना दायनिखौ लानानै जोंनि गामियारि समाजाव खोमसि फोथायनाय दं।
Class 9 Bodo Mil Question Answer
| Chapter No. | CONTENTS |
| Chapter – 1 | गोरबोनि असमफुरि |
| Chapter – 2 | सरखार हिनजाव |
| Chapter – 3 | दानसोरां हराव |
| Chapter – 4 | आय’ दाउ-ख्लिं |
| Chapter – 5 | दैमा |
| Chapter – 6 | जोब्लाउरि खुन्थिया |
| Chapter – 7 | मिजिंक |
| Chapter – 8 | नों अख्रां बेसे हावार |
| Chapter – 9 | जावलिया देवान |
| Chapter – 10 | बिमा राव |
| Chapter – 11 | आखल दानाय |
| Chapter – 12 | बर’नि हारिमु |
| Chapter – 13 | सोरांनि लामाजों दावगानाय गामि |
| Chapter – 14 | गोजोननाय |
| Chapter – 15 | दावहा |
| Chapter – 16 | खोमसि फोथायथि, गाज्रि आसारखान्थि मोनसे गामियारि जेंना |
| Chapter – 17 | उदै |
| Chapter – 18 | हांखो सिनायथि, रिंसार, सोदोबमा, थाइजा, बिदिन्था, सानराइ |
| Chapter – 19 | रनसाइ बाहागो |
Notes of Class 9 Bodo MIL in Bodo Medium | Bodomedium Class 9 Bodo MIL notes इस पोस्ट में हम आपको ये समझा ने कि कोशिश की है की Bodo Medium Class 9 Bodo Mil Question answer | Class 9 Bodo MIL Question Answer In Bodo Chapter 16 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।