SEBA Class 9 Bodo MIL Question Answer Chapter 17 उदै

SEBA Class 9 Bodo MIL Question Answer Chapter 17 उदै | Udee | Class 9 Bodo Mil Question Answer As Per New Syllabus of SEBA to each Chapter is provided in the list of SCERT, NCERT, SEBA उदै कक्षा 9 बोडो एमाइल चेप्टर 17 प्रोश्न उत्तर/ SEBA Class 9 Bodo MIL Chapter 17 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 9 Bodo Mil Question Answer In Bodo Chapter 17. Class 9 Bodo Mil Question Answer Chapter 17 in Bodo. SEBA Class 9 Bodo Mil Question Answer In Bodo Medium Chapter 17 Udee covers all the exercise questions in NCERT, SCERT.

Class 9 Bodo MIL Chapter 17 उदै

SEBA Class 9 Bodo Mil Notes Chapter 17 In Bodo उदै । Udee । Bodo Mil Guide for Class 9th Chapter 17. Also Same NCERT Solutions for Class 9 Bodo इस पोस्ट में हम आपको ये समझा ने कि कोशिश की है की Class 9 Bodo Mil Question Answer Chapter 17 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 9 Bodo Mil In Bodo Medium बोहत लाभदायक हो सकता है। Ncert/Scert Bodo Mil Class 9 Chapter 17 मे आप अपना ध्यान लगाके पढ़ कर इस SEBA Class 9 Bodo Question Answer In Bodo Chapter 17 में अछि Mark ला सकते हो अपनी आनेवाली परीक्षा में।

खोन्दो 17 उदै

Chapter 17 Udee

फरानि सोंलु फिननाय

1. गाहायनि सोंथिफोरखौ मोनसे सोदोब एबा सारिसे बाथ्राजों फिन हो: 

(क) अरहे गोरा इस्लारिया बर’ गौथुमफोरनिफ्राय एरखेनानै कन्ट्राक बिजनेस खालामनाया बेसे बोसोर जादोंमोन? 

फिन: अरहे गोरा इस्लारिया बर’ गौथुमफोरनिफ्राय एरखेनानै कन्ट्राक बिजनेस खालामनाया स्नि बोसोर जादोंमोन।

(ख) अरहे गोरा इस्लारिया सोरनि सिङाव पार्टनार थिखा मावनायनि खाफाला गेवजेनदोंमोन?

फिन: अरहे गोरा इस्लारिया बि. आर. पि. एल. नि से थाखोनि थिखादार औम प्रकास आगरलावानि सिङाव पार्टनार थिखा मावनायनिफ्रायनो खाफाला गेवजेनदोंमोन।

(ग) अरहे गोराया मा खामानि मावोमोन? 

फिन: अरहे गोराया थिखादार खामानि मावोमोन।

(घ) सुग्रि-बाग्रि फुङाव फालेसे मानसिया सोर माहाजोननि फाथो सुदोंमोन? 

फिन: सुग्रि-बाग्रि फुङाव फालेसे मानसिया धनसिं माहाजोननि फाथो सुदोंमोन। 

(ङ) सुंद’ सल ‘आव अफिस कासारिफोराव मा गैयिखौ रावबो नायसनखाया होनना बुंदों?

फिन: सुंद’ सल ‘आव अफिस – कासारिफोराव उदै गैयिखौ रावबो नायसनखाया होनना बुंदों। 

2. गाहायनि सोंथिफोरखौ थामजिसो सोदोबनि गेजेराव फिन हो- 

(क) अरहे गोरा इस्लारिखौ बबे समनिफ्राय मानि थाखाय बयबो मिथिखौ? 

फिन: अरहे गोरा इस्लारिखौ बर’- सावथाल खैफोदनि समाव रिलिब केम्पफोरनि दिथा लानायनिफ्रायनो बयबो सिनायो।

(ख) अरहे गोरा इस्लारिया उदैनि थाखाय मा मा बेखाबुवाव गोग्लैदोंमोन? 

फिन: अरहे गोरा इस्लारिया उदैनि थाखाय मर्निं वाक खालामनायनिफ्राय लानानै गामिनि मानसिफोरनि सेराव मोखां दिन्थिनायाव जोबोर असुविदायाव गोग्लैदोंमोन। 

(ग) हरेन गावबुराया सोरजों मानि थाखाय फायथेन होजानानै खोमा फारसे थालखा मारिनानै थालांनांदोंमोन?

फिन: हरेन गावबुराया खेबसे रिलिफ केम्पनि टाट थिंनि दावरावाव एम्ब्रा बुंबाय थानायनि थिखादारफोरजों दोखो दोखो फायथेन होजालांनायनिफ्रायनो खोमा फारसे थालखा मारिनानै थालांनांदोंमोन। 

(घ) अरहे गोरा इस्लारिखौ नुनानै हरेन गावबुराया हब्रा-हब्रा मा बुंनो गोसो जादोंमोन?

फिन: अरहे गोरा इस्लारिखौ नुनानै हरेन गावबुराया हब्रा-हब्रा मा बुंनो गोसो जादोंमोन- “ओइ अरहे थिकादार! नोंनि नंखाय गस्लाजों नोंनि लरबाय उदैखौ नों सान बेसे खोबनानै लानो? आं नुजोबबाय नोंनि उदै सिङाव ह-नै बेसेबांदि जाहारबारिनि दंफां, रिलिफनि रेसन, थिं, बिमा बिहामजोनि आलो आलो थिनाय चन्द्र हाला! आं खोना जोबबाय नोंनि उदै सिाङाव गोरिब खाथिसोमनानै जाग्रा बिमा-बिफा गाब्रस्रावना, थै, मोदै आरो गोलोमदै गसरनायनि सोदोब।.. खोनासं, जाय मानसिनि थैजों नों थैंगा, जाय मानसिनि आखाइ दौलदजों नों फुंगा…. बे.”

(ङ) फाथो सुनाय समाव फाथो बजाजों मा मा ना फैफादोंमोन? 

फिन: फाथो सुनाय समाव फाथो बजाजों ना बाला बोथिया, लदबदब नां बिंसि, नास्त्राय निस्ला, बामि बायदि बायदि ना फैफादोंमोन।

3. गाहायनि सोंथिफोरखौ बाजिसो सोदोबनि गेजेराव फिन हो: 

(क) अरहे गोरा इस्लारिया सोरमोन? बियो फुङाव मानि थाखाय मरनिं अवाक खालामोमोन?

फिन: अरहे गोरा इस्लारिया गिबियाव बेकार सेंग्रा आफादनि आफादगिरिमोन। नाथाय सार्कोल अफिसार, बि.डि.अ. ए.डि.सि. एबा पुलिस अफिसारफोरजों लोगो मोनलायनानै गोबां गुमुर रोंसिननायनि उनाव बियो सासे गिंदिर थिखादार जानो हादोंमोन।

उनावहाय लासै लासै अरहे गोरा इस्लारिया बर’ गौथुमफोरनिफ्राय एरखेनानै हारसिं कनत्रेक बिसनेस खालामनो लायो। अरहे गोरा इस्लारिया रांगोनां सुबुं जानायनि उनाव उदै गेदेर देरनो हमा। जेरावखि थाङि बियो गावनि देरबोनाय लन्दायदाय उदैखौ लानानै इनायनो असुबिदायाव गोग्लैदोंमोन। लरबाय बाय उदैखौ लानानै बयजोंबो बुंजाबाय थानायनि थाखाय उदै खमायनो थाखायनो बियो मर्निं वाक खालामनो लादोंमोन। लामायाव रावखौबो नुवाब्ला बियो खारहोहोलाङोबोमोन।

(ख) अरहे गोरा इस्लारिया मा रोखोमै से थाखोनि थिखादार जाहैनो हादोंमोन लिर। 

फिन: अरहे गोरा इस्लारिया गिबियाव बेकार सेंग्रा आफादनि आफादगिरिमोन। नाथाय सार्कोल अफिसार, बि.डि.अ. ए.डि.सि. एबा पुलिस अफिसारफोरजों लोगो मोनलायनानै गोबां गुमुर रोंसिननायनि उनाव बियो सासे गिदिर थिखादार जानो हादोंमोन। अरहे गोरा इस्लारिखौ बर’ सावथाल खैफोदनि समाव रिलिब केम्पफोरनि दिथा लानायनिफ्रायनो बयबो सिनायो। थिकाडार जानो हाखांनायनि उनाव गावनि आथिङाव गसंनो हानाय जानानै गौथुमफोरनिफ्राय लासैनो जुदा जुदा एरखे एरखे थानो हमो। 

उनाव लेखा गोरों बेकार सेंग्रा आफादनि आंफादगिरि जानाय समाव बि.आर.पि. एल. नि से थाखोनि थिखादार औम प्रकास आगरवालनि गाहायाव पार्टनर थिखा मावनानै खाफाला गेवजेनो। बेनि उनाव बे दावखोनायनो दावखोनायसै, उनथिं आरो नायहरफिननो गोनां जायाखिसै। से थाखोनि थिखादार रेजिस्प्रेसन खालामनानै NEEPCO नि टावार लाइन बोनाय से कौटिनि खामानिखौ  हारसिडैनो मावनो मोनो। आसा जेरावबो उग्रपन्थिनि थाखाय दिसटार्ब एरिया होननानै कम्पानिया टेन्दारावनो 10 जौखोन्दो बारा हमनानै होखानायब्लाबो गोजाननि माल्दार पार्टिफोरा आवगायबोआ। थिखादार इस्लारिया दा नुमलिगरावबो 2.5 सि.नि. पाइप लाइन फजनायनि स्लिपिं पार्टनारल’ नङा, बियो सासे मोजां डनारबो। बेबादियैनो अरहे गोरा इस्लारिया से थाखोनि थिखादार जाहैनो हादोंमोन। 

(ग) उदै सुंद’ सल नि गेजेरजों फोरमायनो नागिरनाय गुबै बाथ्राखौ नोंनि रावजों फोरमाय। 

फिन: उदै सुंद’ सल ‘नि गेजेरजों फोरमापनी नागिरनाय गुबै बाथ्राखौ जादों समाजनि उन्दै भाखोति खामानि भावनानै जानाय आरो आखाइ गोलाव सुनिजि नायनि आदब खायदा। सल ‘निफ्राय जों मोनसे गियानखौ मोननो हायोदि, जों बयबो सुबुङानि सुखुयै जिउ खुंनो लुबैया। सुमुखौ नागरानै जों जेब्लाबो जिउनि दावहा नाङा। नाथाय जिउनि दावहाया गासैनियाबो आलादा आलादाब्लाबो बयनियो थांखिया जिउवाव गोजोन मोननाय। बेखयन जिउआव बयबो खारनाङो। निखावरि सुबुङा उदैनि उखैनायखौ सुफुंनो थाखाय खामानि नागिरनानै सोरांनाय लोगो लोगो खारो, फारसेथि दोहोनि सुबुङा मोजां साबै जानानै देरनाय उदैखौ खमायनो थाखाय खारो। थामहिनबा थे खारनाया जिउनि मोनसे दाउहा। आरो बे दाउहाखौ गोरिब गोनां वयबो नांनांगौ जायो। बेनि अनगायैबो गोनां गोथों सुबुंफोस बोलो गैयिखौ नासयनाय जानायनि साउगारियाबो बे सलनि गेजेरजों बेरखांदों। 

4. गुदि खोथाजों सोमोन्दो लाखिनाने बेखेवना लिर-

(क) “दे, नोसोर गेदेर गोलावनि खोथा! सानफोमबो ‘गोजा’ ना-बेदर खाजा नङाब्ला ओंखामखौनो जाफेरा नालाय… आरोबाव सानफ्रमबो गारि मथर सा-सा…। बोरैथो उदैया बाराया जानो?”

फिन: दे, नोंसोर गेदेर गोलावनि खोथा! सानफोमबो ‘गोजा’, ना-बेदर खाजा नङाब्ला ओंखामखौनो जाफेरा नालाय… आरोबाव सानफ्रोमबो गारि मथर सा-सा….। बोरैथो उदैया बाराया जानों ?”

गोजौनि बाथ्रा खोन्दोखी गबिन्द बसुमतारीया लिनाय उदै मुंनि सुंद सल आयदानिफ्राय दिखांना लानाय जादों। बे बाथ्रा खोन्दोनि गेजेरजों गोनां गोथों सुबुंनि जिउ खुंनायनि आदब खायेदानि बाथ्राखौनो फोरमायनो नाजादों। 

अरहे गोरा इस्लारिया सासे से थाखोनि थिखादार। सानफोमबो जौवै बेदरें मोजां साबै जानायनि जाहोनाव बिनि उदैया लरबायवाय ओंखानाने असुबिदा नुग्रा जाबोदोंमोन। बेखौनो मानसिफोरजों बुंजाबाय थानायलाय खमायनो सानना मर्निं वाक खालामनायाव गामिनि सासे सुबुं गायदांगों लोगो मोनन्लायनायाव गोजौनि बाथ्राखौ बुंजायो अरहे गोरा इस्लारिया। देहानि बोलोजों खामानि मावालासे मोनजायोब्लाबो अरहे गोरा इस्लारिया गावनि उदैखौ खमायनो थाखाय सोरांनाय लोगो लोगोनो बोलोनि खामानि मावनांदों अरहेया। बे बाथ्राखौनो सलगिरिया गोजौनि बे “दे, नोंसोर गेदेर गोलावनि खोथा! सानफोमवो ‘गोजा’, ना-बेदर खाजा नङाब्ला ओंखामखौनो जाफेरा नालाय… आरोबाव सानफोमबो गारि मथर सा-सा..। बोरैथो उदैया बाराया जानो?” बाथ्रा खोन्दोनि गेजेरजों फ़ोरमायदों। 

(ख) नांगौबोलै आगै, उदैखोबो। अफिस कासारिफोराव उदै गैयिखौ रावबो नायसनखायाबो। 

फिनः “नांगौबोलै आगे, उदैखोबो। अफिस कासारिफोराव उदै गैयिखौ रावबो नायसनखायाबो”

गोजौनि बाथ्रा खोन्दोखौ गबिन्द बसुमतारनि लिरनाय उदै सुंद’ सल ‘निफ्राय दिखांना लानाय जादों। बेनि गेजेरजों सल ‘गिरिया समाजाव सोलिनो थाखाय नुनायनि गोनांथिनि बाथ्राखौबो फोरमायदों।

से थाखोनि थिखा खामानि मावनाय अरहे इस्लारिया लरबाय बाय उदैखौ खमायनो थाखाय मर्निं वाक खालामनाय समावनो गामिनि गायदांखौ लोगो मोननायाव उदै खमायनायनि बाथ्रा रायज्लायनाय समाव गायदांआ अरहेखौ गोजौनि बाथ्रिखौ बुंदोंमोन। थामहिनवा अफिस कासारिफोराव उदै देरनाय मानसिखौसो गिदिर मानसि होनना नायसननायनि बाथ्राखौनो फोरमायदों। जोंनि आद्रा-खिद्रा समाजाव उदै गेदेर नुब्लानो गेदेर मानसि साननाया जोंनि सुबुंफोरनि हुदा बादि जालांबाय। बेफोर बादि समाजनि सावगारिखौनो सलगिरिया गोजौनि “नांगौबोले आगे, उदैखोबो। अफिस कासारिफोराव उदै गयिखौ रावबो नायसनखायाबो” बाथ्रा खोन्दोनि गेजेरजों फोरमायदों।

(ग) आंनियाव फैसा दं… फैसा… आं होगोन…..आं….।

फिन: ” आंनियाव फैसा दं फैसा.. आं होगोन.. आं….’

गोजौनि बाथ्रा खोन्दोखौ गबिन्द बसुमतारीनि लिरनाय उदै सुंद’ सल ‘निफ्राय दैखांना लानाय जादों। बेनि गेजेरजों अरहे गोरा इसलारिया गावनि गोरोन्थिखौ सुद्रायनायनि राहा नागिरनायनि इसाराखौनो फोरमायदों।

सल ‘नि चादियैब्ला अरहे गोरा थिखादारआ गावनि आथिङाव गसंखांनो हानायनि उनाव गावनि लरबाय बाय उदैखौ खमायनो थाखाय फुङावनो मर्निं वाक खालामनो लायो। लामायाव फाथो सुबायथानाय हरेन गावबुराखौ माथो हरनानै मिथिबायदि बिनि खोमाया थालखा जानाने दं। खेबसे रिलिब केम्पआव टाटा थिंनि दावरावाव एम्ब्रा एम्ब्रा बुंबाय थानायनि थिखादारफोरजों दोखो दोखो फायथेन होजालांनायालायनिफ्रायनो हरेन गावबुरानि खोमाया थालखा नाना थादों ।। बेखौनो अरहे गोरा थिखादारआ गाव फैसा होगोन होननानै दाकथारनियाव थांनो लोगो लायो अरहे गोरा थिखादारआ। नाथाय बोरनाय आरो खुद्रिनायजों बिग्रायलु जाना थानाय हरेन गावबुराया थांनो राजि जायाखिसै। बे बाथ्राखौनो गोजौनि बे ” आंनियांव फैसा दं… फैसा….आं होगोन…. आं…. ” बाथ्रा खोन्दोनि गेजेरजों फोरमायनो नाजादों।

उफेरा सोंथिनि फिननाय

1. गाहायनि सोंथिखौ फंसे सोदोब एबा बाथ्राजों होः

(क) उदै सुंद सलनि लिरगिरिया सोर?

फिन: गबिन्द बसुमतारि।

(ख) अरहे गोरा इस्लारिया से थाखोनि थिखादार मावनायनि आगोल मामोन? 

फिन: अरहे गोरा इस्लारिया से थाखोनि थिखादार मावनायनि आगोल बेकार गौथुमनि आफादगिरिसोमोन।

(ग) सोरनि उदैया लरबाय बाय बारायबोदोंमोन?

फिन: अरहे गोरा इस्लारिनि उदैया।

(घ) अरहे गोरा इस्लारिया मर्निं वाक खालामनो थांनानै गिबियावनो सोरखौ लोगो मोनदोंमोन?

फिन: अरहेया मर्निं वाक खालामनो थांनानै गिबियावनो गामिनि बिगुमै सोमोन्दोनि गायदांखौ लोगो मोनहैदोंमोन।

(ङ) अरहे थिकादारआ से थाखोनि थिखादार जानो हानायनि उनावबो माखौ गाराख होननानै सलआव फोरमायदों? 

फिन: हारिखौ गाराखै होननानै फोरमायदों।

2. गाहायनि सोंथिफोरखौ सुंद ‘यै फिन: 

(क) से थाखोनि थिखादार जानायनि आगोल अरहे गोरा इस्लारिया मा मा खामानिजों लोब्बा दंमोन?

फिन: से थाखोनि थिखादार खामानि मावनायनि आगोल अरहे गोरा इस्लारिया गुबुन गुबुन गौथुमाव खामानि मावदोंमोन। बर’ सावथालनि खैफोद समाव रिलिब केम्पनि दिथा लानायनिफ्रायनो बयबो सिनायो अरहे गोरा इस्लारिखो। बेकार गौथुमनिबो आफादगिरि जादोंमोन अरहे थिखादारआ।

(ख) थिखादारफोरजों फायथनजानानै खोमा थालखा नांना थानाय सुबुङा सोर?

फिनः खेबसे रिलिब केम्पआव ताता तिंनि दावरावांव एम्ब्रा एमब्रा बुंबाय थानायनि थिखादारफोरजों दोखो दोखो फायथेन होजालांनायनिफ्राय खोमा फारसे थालखा नांना थानाय सुबुङा जादों हरेन गावबुरा।

(ग) अरहे थिखादारआ मोननाय से कौटि रांनि थिखाया मानिमोन?

फिनः अरहे थिखादारआ मोननाय से कौटिनि थिखाया NEEPCO नि टावार लाइन बोनायनिमोन। 

(घ) अरहे गोरा इस्लारिया मा मा गाननानै मर्निं वाक खालामनो ओंखारदोंमोन? 

फिन: अरहे गोरा इस्लारिया गोजा बोथोरनि फुङाव ट्रेक सुत, हान्टारसु, हेन्द ग्लब आरो मोखा थफि हमनानै मरनिं अवाकाव ओंखारदोंमोन। 

(ङ) “अफिस कासारियाव उदै गयिखौ रावबो नायसनखायाबो” बे बाथ्राखौ सोर सोरखौ थांखिना बुंदोंमोन?

फिन: “अफिस कासारियाव उदै गैयिखौ रावबो नायसनखायाबो” बे बाथ्राखौ गायदांआ अरहे गोरा इस्लारिखौ थांखिना बुंदोंमोन। 

(च) “ओरैनोलाय थिखयैनो दंदा?” बे बाथ्राजों सोरनि मा बाथ्रा बुंनाय जादों?

फिन: “एरैनोलाय थिखयैनो दंदा?” बे बाथ्राजों हरेन गावबुरानि बाथ्राखौनो बुंनाय जादों। खेबसे रिलिब केम्पआव टाटा थिंनि दावरावाव एमब्रा एमब्रा बुंबायथानायनि थिखादारफोरजों फायथेन होजानाय हरेन गावबुरानि खोमाया थालखा नांनानै थानायनिफ्राय मोजाङै खोनाबाङा। मर्निं वाक खालामनो थांनानै हरेनखौ फाथो सुवायथानाय लोगो मोनैना रायदावनायखौ खोनायियाव बे बाथ्राखौ अरहे थिकादारआ हरेननि बिसिनियाव सोंदावदोंमोन।

Class 9 Bodo Mil Question Answer

Chapter No.	CONTENTS
Chapter – 1	गोरबोनि असमफुरि
Chapter – 2	सरखार हिनजाव
Chapter – 3	दानसोरां हराव
Chapter – 4	आय’ दाउ-ख्लिं
Chapter – 5	दैमा
Chapter – 6	जोब्लाउरि खुन्थिया
Chapter – 7	मिजिंक
Chapter – 8	नों अख्रां बेसे हावार
Chapter – 9	जावलिया देवान
Chapter – 10	बिमा राव
Chapter – 11	आखल दानाय
Chapter – 12	बर’नि हारिमु
Chapter – 13	सोरांनि लामाजों दावगानाय गामि
Chapter – 14	गोजोननाय
Chapter – 15	दावहा
Chapter – 16	खोमसि फोथायथि, गाज्रि आसारखान्थि मोनसे गामियारि जेंना
Chapter – 17	उदै
Chapter – 18	हांखो सिनायथि, रिंसार, सोदोबमा, थाइजा, बिदिन्था, सानराइ
Chapter – 19	रनसाइ बाहागो

Notes of Class 9 Bodo MIL in Bodo Medium | Bodomedium Class 9 Bodo MIL notes इस पोस्ट में हम आपको ये समझा ने कि कोशिश की है की Bodo Medium Class 9 Bodo Mil Question answer | Class 9 Bodo MIL Question Answer In Bodo Chapter 17 अगर आप एक bodo सात्र या शिक्षाक हो तो आपके लिए लावदयक हो सकता है।

Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।