Bodo Medium Class 10 Social Science Chapter 1 Question Answer बंग सोखावनाय (1905-1911) आरो गावहादरारि सोमावसारना. Class 10 Social Science Question Answer in Bodo to each Chapter is provided in the list of SCERT, NCERT, SEBA सामाज बिगियान Class 10 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें. Class 10 Social Science Chapter 1 Question Answer Class 10 Bodo Medium Social Science Chapter 1 Questions Answer. SEBA Bodo Medium Class 10 Social Science Chapter 1 बंग सोखावनाय (1905-1911) आरो गावहादरारि सोमावसारनाय Notes covers all the exercise questions in NCERT, SCERT.
Class 10 Social Science Chapter 1 बंग सोखावनाय (1905-1911) आरो गावहादरारि सोमावसारनाय
बोडो मीडियम कक्षा 10 सामाज बिगियान खोन्दो 1 बंग सोखावनाय (1905-1911) आरो गावहादरारि सोमावसारनाय Question Answer | The Partition of Bengal (1905-1911) and the Swadeshi Movement | इस पोस्ट में हम आपको ये समझा ने कि कोशिश की है की कक्षा 10 बोडो मीडियम सामाज बिगियान खोन्दो 1 बंग सोखावनाय (1905-1911) आरो गावहादरारि सोमावसारनाय Question Answer. अगर आप एक सात्र या शिक्षाक हो बोडो मीडियम की, तो आपके लिए ये बोडो मीडियम कक्षा 10 सामाज बिगियान खोन्दो 1 Question Answer बोहत लाभदायक हो सकता है। कक्षा 10 सामाज बिगियान खोन्दो 1 मे आप अपना ध्यान लगाके पढ़ कर इस कक्षा 10 सामाज बिगियान में अछि Mark ला सकते हो अपनी आनेवाली परीक्षा में।
खोन्दो 1 बंग सोखावनाय (1905-1911) आरो गावहादरारि सोमावसारनाय
Chapter 1 The Partition of Bengal (1905-1911) and the Swadeshi Movement
जारिमिन
सेथि खोन्दो
बांसायख’ सोंथिनि फिननाय
गाहायाव होनाय सोंनायफोरनि गेबें फिननाय सायख’ :
1. 1905 मायथाइयाव बंगखौ सोखावदोंमोन–
(a) लर्ड कार्जनआ।
(b) लर्ड मिन्ट ‘आ।
(c) लर्ड देलहावसिआ।
(d) लर्ड कर्णवालिसआ।
फिन : (a) लर्ड कार्जनआ।
2. भारताव सिफाय बिग्रायनाया जादोंमोन–
(a) 1757 मायथाइयाव।
(b) 1857 मायथाइयाव।
(c) 1826 मायथाइयाव।
(d) 1930 मायथाइयाव।
फिन : (b) 1857 मायथाइयाव।
3. बंग प्रेसिदेन्सिनि गबर्णर बिबानखौ ‘गबर्णर जेनेरेल’ बिबानसिम जौगाहोनाय आयेनआ–
(a) सामलायगिरि आयेन (Regulating Act)
(b) रावलट आयेन।
(c) पिट् इन्दिया आयेन।
(d) मर्ले-मिन्ट’ फोसाबथाय आयेन।
फिन : (a) सामलायगिरि आयेन।
4. म’गल सम्राट साह आलम आरो रबार्ट क्लाइबनि गेजेराव जानाय गोरोबथाया–
(a) इयाण्डाबु गोरोबथा।
(b) पुने गोजोन गोरोबथा।
(c) एलाहबाद गोरोबथा।
(d) पेरिस गोजोन गोरोबथा।
फिन : (c) एलाहबाद गोरोबथा।
5. आसाम मुंनि हादरसाखौ दानाय जायो–
(a) 1905 मायथाइनि 19 जुलाइ।
(b) 1905 मायथाइनि 16 अक्ट ‘बर।
(c) 1857 मायथाइनि 7 फेब्रुवारि।
(d) 1874 मायथाइनि 7 फेब्रुवारि।
फिन : (d) 1874 मायथाइनि 7 फेब्रुवारि।
6. बंग सोखावनायाव लार्ड कार्जनखौ हेफाजाब होनाय बृटिस मावख ‘गोराया (officer) जाबाय–
(a) उइलियाम वार्ड।
(b) रबार्ट क्लाइभ।
(c) एन्दु फ्रेजार।
(d) लर्ड नर्थब्रुक।
फिन : (c) एन्दु फ्रेजार।
7. ‘सानजा बंग आरो आसाम’ मुंनि गोदान हादरसानि राजथावनिया–
(a) ढाका।
(b) सिलं।
(c) कलिकता।
(d) पाटना।
फिन : (a) ढाका।
8. ‘बन्दे मातरम’ मेथाइखौ सुजुदोंमोन–
(a) सुरेन्द्र नाथ बेनार्जि।
(b) रबिन्द्र नाथ ठाकुर।
(c) बंकिम चन्द्र चट्टोपाध्याय।
(d) कृष्णकुमार मित्र।
फिन : (c) बंकिम चन्द्र चट्टोपाध्याय।
9. ‘बेंगली’ रादाब बिलाइनि सुजुगिरियि–
(a) कृष्णकुमार मित्र।
(b) भुपेन्द्रनाथ दत्त।
(c) सुरेन्द्रनाथ बन्दोपाध्याय।
(d) जगेन्द्रनाथ विद्याभूषण।
फिन : (c) सुरेन्द्र नाथ बन्दोपाध्याय।
10. बंग हादोरसानि नौनारिनि गेजेराव गोख्रों जावरिखांहोनाय रायथायनि मुंआ जाबाय–
(a) बंगर सर्बनास।
(b) स’नार बांला।
(c) बांला दर्शन।
(d) बंग दर्पन।
फिन : (a) बंगर सर्बनास।
11. बंगनि नौनारिया हारियारि दुखु सान फालिदोंमोन–
(a) 1905 मायथाइनि 5 मे।
(b) 1905 मायथाइनि 15 आगष्ट।
(c) 1905 मायथाइनि 5 जुन।
(d) 1905 मायथाइनि 16 अक्ट ‘बर।
फिन : (d) 1905 मायथाइनि 16 अक्ट ‘बर।
12. ‘हारिमायारि सोलोंथाइ गथुम’ गायसंनाय जादोंमोन–
(a) दिल्लीयाव।
(b) कलिकतायाव।
(c) पाटनायाव।
(d) आसामाव।
फिन : (b) कलिकतायाव।
13. ‘बंग लक्षी कटन मिल’ गायसंदोंमोन–
(a) प्रफुल्ल चन्द्र राय।
(b) जगदिश चन्द्र बसु।
(c) नीलरतन सरकार।
(d) रबिन्द्र नाथ ठाकुर।
फिन : (c) नीलरतन सरकार।
14. गावहादोरानि सोमावसारनायाव फरायसाफोरखौ बाहागो लानो नाङिनि फोसावलाइ होनाय सरकारनि गाहाइ नेहाथारिया–
(a) आर डब्लिउ कार्लाइल।
(b) एन्द्र फ्रेजार।
(c) हाबार्ट रिजली।
(d) जन फुलार।
फिन : (a) आर डब्लिउ कार्लाइल।
15. ‘भाइ भाइ एक ठाइ’ बे रायथाइनि लिरगिरि–
(a) रबीन्द्रनाथ ठाकुर।
(b) निबेदिता।
(c) कृष्णकुमार मित्र।
(d) अरबिन्द घोष।
फिन : (a) रबीन्द्रनाथ ठाकुर।
16. मुसलिम लीग गायसंनायाव मैखोम बाहागो लागिरि–
(a) महम्मद आलि।
(b) आगा खाँ।
(c) नबाब सालिमउल्ला।
(d ) महम्मद आलीजिन्ना।
फिन : (c) नबाब सालिमउल्ला।
17. ‘गाव खुंथाया जोंनि जोनोमनि मोनथाय’– बे बाथ्राखौ बुंदोंमोन।
(a) अरबिन्द घोष।
(b) बिपिनचन्द्र पाल।
(c) बाल गंगाधर तिलक।
(d) लाला लाजपत राय।
फिन : (c) बाल गंगाधर तिलक।
18. नबाब छालिमउल्लाया रुंसारि जादोंमोन–
(a) 1915 मायथाइयाव।
(b) 1907 मावधाइयाव।
(c) 1911 मायथाइयाव।
(d) 1905 मायथाइयाव।
फिन : (a) 1915 मायथाइयाव।
19. इंराज सरकारा बंगखौ खौसे खालामफिननाय जायो–
(a) 1911 मायथाइनि दिसेम्बर दानाव।
(b) 1907 मायइथाइनि 16 अक्ट ‘बराव।
(c) 1906 मायथाइनि दिसेम्बर दानाव।
(d) 1905 मायथाइनि 19 जुलाइयाव।
फिन : (a) 1911 मायथाइनि दिसेम्बर दानाव ।
फरानि सोंनाय फिननाय
जोबोर गुसुं सोंनायनि फिननाय :
1. बंग सोखावनाया सोर भाइसरयनि खुंथाइनि समाव जादोंमोन?
फिन : लर्ड नेथानियेल कार्जननि खुंथाय समाव जादोंमोन।
2. 1905 मायथाइनि बबे सानखालि बंग सोखावनाया जाफुंदोंमोन?
फिन : 1905 माइथाइनि 16 अक्ट’बराव बंग सोखावनायखौ मावफुंनाय जादोंमोन।
3. गुबुन हादरारि मुवा गारनाय थांखिखौ बबे आफादाव लानाय जादोंमोन?
फिन : 1905 मायथाइनि 20 जुलाइयाव दिनाजपुरनि आफादाव लानाय जादोंमोन।
4. गावहादरारि सोमावसारनाय समाव ‘युगान्तर’ मुंनि रादाब बिलाइखौ सोर सुजुदोंमोन?
फिन : ‘युगान्तर’ मुंनि रादाब बिलाइखौ भुपेन्द्र नाथ दत्तआ सुजुदोंमोन।
5. बंग हादराव ‘हारिमायारि सोलोंथाइ गथुम’ मुंनि फसंथाना माब्ला गायसन जादोंमोन?
फिन : 1906 मायथाइनि 11 मार्सआव गायसन जादोंमोन।
6. ‘बेंगल केमिकेलस’ मुंनि उद्य’ग फसंथाननि गाहाइ दैदेनगिरिया सोरमोन?
फिन : ‘बेंग केमिकेल’ मुंनि उद्य’ग फसंथाननि गाहाइ गायसनगिरिया आचार्य प्रफुल्ल चन्द्र राय।
7. सोरनि दैदेननायाव खुंजानाय हारिमायारि कंग्रेसनि जथुमायाव भारतारिनि थाखाय ‘गाव खुंथाय’ बिनानै थांखि लादोंमोन?
फिन : भारतारिनि थाखाय ‘गाव खुंथाय’ बिनानै थांखि नाजावनाय जादोंमोन दादा भाई नौरजीनि कंग्रेस जुथुमायाव।
8. ‘बन्दिनी भारत’ मुंनि थुनफावथाइखौ सोर लिरदोंमोन?
फिन : अम्बिकागिरि राय चौधुरी।
9. बंग हादरा माब्ला ज जाफिनदोंमोन?
फिन : 1911 मायथाइनि 12 दिसेम्बर।
गुसुं सोंनायनि फिननाय
1. बंग सोखावनानानै सोरजिनाथ ‘सानजा बंग आरो आसाम’ मंनि हादोरसाजों सरजाब जानाय बंग हादोरनि गाहाइ मोनथाम ‘भुमखौराङारि मण्डलखौ मख’।
फिन : सानजा बंग आरो आसाम मुंनि हादरसाजों सरजाब जानाय बंग हादरनि मोनथाम भुमखौराङारि मण्डलआ जोबाय–
(1) ढाका।
(2) चट्टग्राम आरो।
(3) राजशाही।
2. बंग सोखावनायनि सिङावनि थांखिया मामोन सुंदवै लिर।
फिन : गुवार बंग हादरसाखौ सासे लेफ्टेनेन्ट गबर्णरजों मोजाङैखुनो हायिनि असिला लानानै लर्ड कार्जना खुंथाइनि सुबिदानि थाखाय बंग हादरसानि अरथायखौ फिसा खालामनो नागिरनाय आरो आसामानि अरथापखौ बांहोनो नागिरनायनि जुक्ति होदोंमोनब्लाबो बे मावथांखिनि सिङावनि थांखिया गुबुनसोमोन। बंग सोखावनायनि सिङावनि थांखिफोरा जाबाय–
(1) हिन्दु-मुसलमाननि गेजेराव थानाय खौसेथिखौ सिफाय होनानै बिसोरनि गेजेराव फोलेरारि फारागथि बां होनाय।
(2) भारतारि हारिमायादरिनि मिरु बिन्दो रबंग हादरसाखौ सोखावनानै हिन्दु बाङालि आरो सानसुमै सुबुंफोरखौ गंनैबो हादरसायाव एसेल’ अनजिमायाव खोलैना बृटिस साम्राज्यबादखौ गोख्रों खालामनाय।
(3) बंग सोखावनाय मावथांखिनि गेजेरजों राजखान्थियारि बिथिङाव दावगायि मुसलमानफोरखौ इंराज खुंथाइनि फार्से मोजां मोनहोनो नाजानाय आरो बेराफार्सेथिं भारतारिनि गेजेराव हारिमारि साननायनि बिसनि बेगर फोद्लाना होनाय। एखे समावनो बृटिस बेरेखा थिउरियानि दैदेनगिरिफोरखौ दबथायनो थाखाय बंग सोखावनायखौ मोनसे हाथियार महरै बाहायनाय।
3. बंग सोखावनाय बेरेखा सोमावसारनाया ‘गावहादरारि सोमावसारनाय’ मुं मानो मोनदोंमोन सुंद यै लिर।
फिन : बंगनि थागिरिफोरनि गोसोनि बेरेखायै बृटिस सोरखारा बंगखौ सोखावनायनि बिथांखिखौ नाजावदोंमोन। बंग हादरनि साननो गोरों फिसा सुरेन्द्रनाथ बन्द्योपाध्याय, बिपिन चन्द्र पाल, अरबिन्द घोष, रबीन्द्र नाथ ठाकुरमोनबादिया बृटिस सरकारनि बे गाज्रि फाय फान्दायनायखौ मोनथिना मोनदोंमोन आरो बिसोर रायजोनि गेजेराव बे फाव फान्दायनायखौ फोसावना बंग सोखावनायनि हेंथायै सुबुं जावरिखांनाय लाबोदोंमोन।
सरकारनि बिथिंनिफ्राय बंग सोखावनायनि मावफुंनाया रोखायै बेरखांनायनि उनाव बंग हादरआव सरकार बेरेखा सुबुं जांख्रिखांनाया फारियै बांबोनो जागायदोंमोन। हारिमायारि सुबुंमत (Public opinion) खौ नेवसिनायजों लोगोसे बाङालि हारियारिबादखौ सिलिंखार खालामना हिन्दु-मुसलमाननि गेजेराव गाज्रि सानलायनाय सोमजिहोनोसो सरकारा नाजावनो नागिरनाय बंग सोखावनायनि बेरेखायै गासै बंग हादरसायाव गेदेर हारिमायारि सोमावसारनाय सोमजिखांहोदोंमोन।
लर्ड कर्जना भारतारिफोरनि सोलोंथाइ, रादाब बिलाइ, जायगायारि गावखुंन्थाय बायदिनि मोनथायनि सायाव आखाइ होनानै दुलाराय भारतारिनि गोसोआव गोजोन गोयि सोमजि होदोंमोन। बेखायनो बंग सोखावनायनि थाखाय गोसो गोजोनिन दुंहाव बारा खुद्रिनाय सोमजि होदोंमोन।
1903 मायथाइनि 6 दिसेम्बर खालारै बंगखौ खावनै खालामनायनि बिथांखि दैखांनायनिफ्राय 1905 माइथायनि 19 जुलाइ खालारै बंग खावनै खालामनायनि बिथांखिखौ सोरखारसारियै फोसावनायसिमहालागै सानजा बंग, सा-बंग आरो सोनाब बंगनि दाब दाब जायगायाव जानाय हेंथा आफादनि गेजेरजों गोख्रों सुबुं सोमावसारनाय जादोंमोन। हारि-गाब सायख’आजासे गासैबो सुबुंआनो बे सुबुं सोमावसारनायाव बारसोमदोंमोन।
बंग सोखावनायनि फिथाय महरै जवै गुबुन हादरारि बेसाफोरखौ गारनाय आरो गावहादरारि बेसादफोरखौ बाहायनायनि थिरांथाखौ रायजो मेलाव गनायजानायनि उनाव बे सोमावसारनाया “गाव हादोरारि सोमावसारनाय” मुङै मिबथिजायो।
4. गाबहादरारि सोमावसारनाया हारिमायारि सोलोंथाइयाव होनाय बिहोमानि सोमोन्दै सावराय।
फिन : गाव हादरारि सोमावसारनाया बंग हादरनि सोलोंथाइ राहानि सायावबो गोबां गोहोम खोख्लैदोंमोन। बे बिथिङाव फरायसाफोरा बंग हादोरनि गाहाइ नेहाथारि कार्लइनि फोसावलाइखौबो मानियाखैमोन। बिसोरखौ सोमावसारनायनिफ्राय आनज्रायना लाखिनो हायाखैमोन। बाराखौ नङा फरायसाफोरा कार्लइनि फोसावथायनि हेंथायै थाखो खथासो एंगारदोंमोन।
बिपिन चन्द्र पाल, रबीन्द्र नाथ ठाकुर, आबदुल रसुल मोनबादि दैदेनगिरिया फरायसा समाजखौ सोरखारि सोलोंसालिफोरखौ नागारनो थाखाय खावलायदोंमोन। रादाब बिलाइ ‘दा डन’ (The Dawn) नि गेजेरजों फरायसाफोरखौ कलिकता मुलुग सोलोंसालिखौ गलाम ‘खाना मुङे मख ‘नानै बेखौ एंगारना हारिमायारि सोलोंथाइ लानो हांख्रायदोंमोन।
‘डन स ‘साइटि’ मुंनि हारियारि फसंथाना फरायसाफोरनि गेजेराव हादर अनफावरि फोजा खांनायाव नांथाबदोंमोन। बे स’साइटिया कार्जननि मुलुग सोलोंसालि आयेन, कार्लाइनि फोसावलाइयाव फुरायै हेंथा होनानै हारिमायारि सोलोंथाइ गोख्रों
महराव गायसननायनि सोमावसारनाय जागयदोंमोन। हारिमायारि सोलोंथाइ जौगा होनायनि थाखायनो कलकतायाव ‘बंग हादोरारि फरायसालि’ आरो रंपुराव नैथि ‘हारियारि फरायसालि, गायसंनाय जादोंमोन।
सरकारि फरायसालि नागारानानै फरायसाफोरा बेफोरबादि फायसालियाव फरायनों लादोंमोन। रासबिहारी बसुनि आफाद दैदेननाय ‘हारियारि सोलोंथाइ परिषद’ जादोंमोन। गावहादोरारि सोमावसारनायनि समाव गासै गं 62 गेजेर आरो गं 3000 गुदि हादोरारि फरायसालिफोर गायसन जायो।
5. गाव हादरारि सोमावसारनायनि समाव बंग हादोरनि हारिमायारि शिल्पनि गोसारनाया माबादि जादोंमोन?
फिन : गावहादरारि सोमावसारनायनि फिथाइ महरै बंगआव हारियारि शिल्प उद्य’ग एबा गाव हादरारि शिल्प उद्य’ग गायसंनाया जागायदोंमोन। गाव हादरनि मुवानि गोनांथिया बांबोनायनि जउनाव बायदि नखर शिल्प आरो गिदर शिल्प फसंथानफोरा गायसंजादोंमोन।
खुन्दुं लुग्रा मेसिन, फिसा आरो गेजेर थाखोनि तात सालनि उद्य’ग बेसरनि थाव, साबोन, सिनि, स’लाइ आरो बिस्कुट बायदिनि कारखाना गायसं जादोंमोन। बेनि लोगोसे गायसनजादोंमोन हादोरारि बेंक आरो गाव हादरारि इन्स्युरेन्स क’म्पानि। गाव हादरारि बाख्रि इण्डियान स्ट’रस, लक्षी भाण्डार आरो इउनाइटेड बेंगल स्ट’रसं बायदि गलाफोरा गायसनजादोंमोन। बेफोरबादि गलायाव गावहादरारि मुवा फाननाय आयोमोन।
जगदिसचन्द्र बसु, प्रफुल्ल चन्द्र राय, नीलरतन सरकारमोन बायदि सुबुंनि नाजानायाव गिदिर दामिनफोर गायसनजादोंमोन। बेफोर गिदर दारिमिनफोरनि मादाव ‘बंगलक्षी कटन मिल’, बेंगल केमिकेलस, जामसेदजी टाटानि मुंदांखा सोरनि शिल्प-कारखाना बायदिनि मुं मख ‘नो हायो।
बंग हादरनि जा गावहादोरनि सोमावसारनाय बेखो मिरु खालामनानै भारतबर्षनि बायदि हादरसायाव गोदानारि शिल्प-दारिमिन गायसननायनि बिथा सोमजिखांदोंमोन। मोनसे खोथायाव बुंनो थाङोब्ला भारतबर्षनि फालांगि आरो शिल्पनि बिथिङाव गाव हादोरनि सोमावसारनाया मोनसे गोदान मुगा जागायदोंमोन।
6. गावहादरारि सोमावसारनायखौ दबथायनो थाखाय बृटिस सोरखारा मा सोमावसारनाय बेरेखा हाबाफारि लादोंमोन?
फिन : बृटिस सरकारा बंग सोखावनायनि बिथिङाव कंग्रेसनि उदां गोसोनि दैदेनगिरि फोरनिफ्राय हेफाजाब मोनजानो लुबैदोंमोन। लर्ड कार्जनआ बे दैदेनगिरिफोरखौ गावनि आखाय मुथायाव लाखिनाय थांखियै बिसोरनि गोबांनोनी बृटिस सरकारा होनाय बिमुं, बान्था आरो बिबान होदोंमोन। उदां गोसोनि कंग्रेस सोद्रोमाफोरनो गोजौ बिजिरसालिनि बिजिरगिरिनि बिबान, बृटिस संसदनि सोद्रोमा बिबान, भाइचरय परिषदनि सोद्रोमा बिबान बायदि लुबैथावनाय सोद्रोमा बिबान जासिदोंमोन। नाथाय थेवबो लर्ड कार्जना बंग सोखावनायनि सोमावसारनायखौ लोरबां खालामनो हायाखैमोन। बेखायनो कार्जना सोमावसारनायखौ दबथायनो गाहायनि हाबाफारिफोरखौ नाजावदोंमोन–
(क) सरकारा गोख्रों आयेन दानानै बंग हादरनिफ्राय नुजानाय रादाब लाइसिफोरनि मोन्थाइखौ गोथे होदोंमोन। थामहिनबा रादाब बिलाइनि सायाव मावनो मोनै बिथोन जाबसिनना होदोंमोन।
(ख) बंगनि राइजोनि लामा सामायाव बन्दे मातरम रिंसारहोनायखौ आयेन बेरेखा खालामदोंमोन। 1907 मायथाइनि 15 आगष्टआव बे मेथाइखौ भारतबर्षआव बन्ध खालामदोंमोन।
(ग) फरायसाफोरखौ सोमावसारनायाव बाहागो लायैनि कार्लाइनि जा सिगिनाय फोसावलाइ, बेयो फेलें जानायाव सरकारा फरायसाफोरनि सायाव साजा गोनां आयेन जाबसिनना होदोंमोन।
(घ) खायसे सिगांसिरि दैदेनगिरिफोरनि सायाव हादर बेरेखानि दाय साबसिनना बिसोरनि सायाव दबथायारि आयेन बाहायना साजा होदोंमोन।
(ङ) हिन्दु-मुसलमाननि गेजेराव फारागथि सोमजिहोना मुसलमानफोरनिफ्राय बंग सोखावनायाव हेफाजाब लानो नाजादोंमोन।
(च) सरकारा बंग सोखावनायनि बेरेखायै जानाय सुबुं सोमावसारनायखौ फोजोबस्रांनो पुलिस आरो साथ्रिजों हिंसायारि सिगि-सग’ राहा लादोंमोन।
बेफोरबादिनो बृटिस भारत सरकारा गाव हादरारि सोमावसारनायखौ दबथायनो बायदि हाबाफारि नाजावदोंमोन।
7. गावहादरारि सोमावसारनायनि मोनथाम फिथाइ लिर।
फिन : लर्ड कार्जना 1905 मायथाइनि 19 जुलाइयाव बंग सोखावनायनि बिन्थाखिखौ फोसावदोंमोन आरो 16 अक्ट’बराव बेखौ मावफुंनायनि सान थि खालामनाय लोगो लोगो बंगनि साननोगोरों दैदेनगिरिफोरा बेनि बेरेखायै सोमावसारदोंमोन आरो बे सोमावसारनाया गावहादरारि सोमावसारनाय मुङै मोनथि जायो। गाव हादरारि सोमावसारनायनि खायसे जाउन एबा फिथाइ दङ। बेफोरनि मादाव गाहायाव मोनथाम फिथाइ मख’नाय जाबाय।
(क) हादरारि थुनलाइ : गावहादरारि सोमावसारनायनि जाउनावनो हादोराव थुनलाइ सोमजिदोंमोन। खौरां बिलाइ, लाइसि, बिजाब आरो मेथाइ, थुनफावथाइ, रायथाइ बिजाब सुजुजादोंमोन। बेफोर खौरां बिलाइ आरो लाइसिफोरा जाबाय- बेंगली, सनजीवनी, हितबादी, युगान्तर, सन्ध्या, डि डन, सुप्रभात, बन्देमातरम बायदि बायदि। थुनफावथिना एबा नायजाबफोरनि मादाव दंमोन-पलाशीर प्रायचित्त, चिराजउद्दौला, मिर काछिम, साब्बास बाङाली बाइदि। रायथाय बिजाबफोरनि मादाव जापानी बीर, जय संगीत, नब्य भारत बाइदिखौ मख ‘नो हायो।
(ख) हादरारि सोलोंथाइ : गाव हादरनि सोमावसारनाया बंग हादरसानि सोलोंथाइ राहानि सायावबो गोहोम खोख्लैदोंमोन। रादाब बिलाइ ‘डि. डन’ आरो ‘डन स’साइटि’ मुनि हारिमायारि आफादा फरायसाफोरनि गेजेराव हादोर अनफावरि साननायखौ जावरिखां होदोंमोन। फरायसाफोरा बृटिसनि फरायसालि आरो मुलुग सोलोंसालि नागारदोंमोन आरो गावहादरनि फरायसालि फोराव मुं थिसननो थियारि जादोंमोन। जाउनाव गावहादरनि सोमावसारनायनि समाय गं 62 गेजेर आरो गं 3000 गुदि हादरारि फरायसालि गायनजायो।
(ग) मुसलिम लीगनि गायसननाय : बृटिस खुंग्राफोरा भारतबर्षआव खौसेथिनि गिदिर भारतारि हारि दानायखौ लुबैयाखैमोन। साम्रज्यबादखौ लाखिबाय थानायनि सार्थआव बृटिसा हारि, दोहोरोम, राव, ओनसोल बाइदि बेलायाव भारतारिफोरनि गेजेराव मुगैलायनाय लाबोनो नागिरदोंमोन।
लर्ड कार्जननि उननि भाइसरय लर्ड मिन्ट ‘आ मुसलमानफोरनो आलादा राजखान्थियारि सुबिदा होनायनि इसारा होनानै मुसलमानफोरखौ मुसलिम लीग दानो बिथोन होदोंमोन। बे बिथोन बादियैनो ढाकानि नवाब सालिममुल्लानि हांख्रायनाय बादियै मुसलिम लीग दानाय जायो आरो बे मुसलिम लीगा हारिमायारि कंग्रेसनि बिहारु हानजा जायो।
8. गाव हादरारि सोमावसारनायनि मोनथाम बिहोमा लिर।
फिन : गाव हादरारि सोमावसारनायनि मोनथाम बिहोमाखौ गाहायाव मख ‘नाय जाबय–
(1) गावहादरारि सोमावसारनाया भारतारिफोरनो सुबुं सोमावसारनाय सोमोन्दै मोनसे राजखान्थियारि सोलोंथाइ होनो हादोंमोन। हादोरनि गोबां मानसियानो सोमावसारनायाव ज’ जायोब्लादि सुबुं-सोमावसारनाया जाफुंसारो, बे बाथ्राखौ भारतारि फोरा गावहादरारि सोमावसारनायनि गेजेरजों मोनथिनो हादोंमोन।
(2) बंग सोखावनायखौ मिरु खालामना सोमजिनाय गावहादरारि सोमावसारनायनि गेजेरजों हारिमायारि कंग्रेसनि साननाय-हनाया सोलायनो लादोंमोन। ‘सुबुं-सोमावसारनायनि’ गेजेरजोंलदि भारतारिफोरनि जौगानाया जाफुंगोन, बे साननायखौ गावहादरारि सोमावसारनाया हारिमायारि कंग्रेसनो होदोंमोन।
(3) गावहादरारि सोमावसारनाया भारतनि रांखान्थि आरो दारिमिन जौगानायनि जारिमिनाव अरायसम जोंब्लावना थानाय बिहोमा होदोंमोन।
सुंथाब बिलिरथि
1. कबिगुरु रबीन्द्रनाथ ठाकुर: कलिकतानि जोड़ासाकोनि मुंदांखा ठाकुर नखराव 1861 मायथाइनि 7 मेआव रबीन्द्रनाथ ठाकुरनि जोनोम जायो। बिनि बिफानि मुङा महर्षि देबेन्द्र नाथ ठाकुर। ठाकुर नख ‘रनि सोलोंथाइ, हारिमुवारि साननाय आरो दोहोरोम फोथायनायफोरा उन्दै समावनो रबीन्द्रनाथ ठाकुरनि सायाव गोहोम खोलैदोंमोन। बियो बिफानिफ्राय संस्कृत आरो भारतारि थुनलाइ आरो बिदा सत्येन्द्रनाथनिफ्राय इंराजी सोलोंथाइनि गियान मोनो।
रबीन्द्रनाथ ठाकुरनि रनसायनायफोरा बाङालि थुनलाइखौ दोहोनि खालामना दोनलांदों। ‘गीतान्जलि’ मुंनि खन्थाइ बिजाबनि थाखाय बियो 1913 माइथायाव नबेल बान्था मोननो हायो। बिनि जाउनावनो बियो बंगनि खन्थाइ गिरिखौ दोनथ’ना मुलुगनि खन्थाइगिरि मुङै मोनथिजायो।
बिनि लिरनाय खन्थाइ, रायथाद, मेथाइफोर बायदिया भारतनि उद्रांस्रि सोमावसारनायाव भारतारिफोरखौ सोमावसारनायाव बारसोमनो थुलुंगाखां होदोंमोन। बिनि सुजुनाय “जन गन मन अधिनायक” मेथाइया भारतनि हारिमायरि मेथाइ। बंग-सोखावनाय सोमावसारनायनि समाव बियो उदांस्रिनि लुबैनाय बाथ्राखौ बेरखां होदोंमोन। बिथाङा भारतनि गोबां दाथायारि खामनिबो मावना गारलांदो।
मुलुगनि बयजोंबो मिथिजानाय खन्थाइगिरि रबीन्द्र नाथ ठाकुरआ 1941 मायथाइनि 7 आगष्ट खालि रुंसारि जायो।
2. मागरिट एलिजाबेथ नबोल (बिनानाव निबेदिता):
मागरिट एलिजाबेथ नबोलआ 1864 मायथाइयाव आयारलेण्डाव जोनोम जयो। बिखौ गुबै मुंजों गाबज्रियाबालानो बिनानाव निबेदिता होननानैसो गाबज्रियोमोन। भारतनि उद्रांस्रि दावहा सोलिबाय थानाय समाव बियो भारतबर्षयाव फैयो। बियो भारतारि आइजो आरो लाइमोन सेंग्रा-सिख्लाफोरनि गेजेराव सोमावसारनायनि जांख्रिखांनाय सोमजिहोनायाव गोबां बिहोमा होदोंमोन।
बियो कलिकतायाव थानाय समाव रबीन्द्रनाथ ठाकुर आरो गुबुन गुबुन दैदेनगिरि फोरखौ लोगो मोनो। कलिकतायाव थानाय समावनो बियो इयं मेन्स हिन्दु इउनियन, बिबेकानन्द स’साइटि, डन स’साइटि आफादफोरजों थोंजों लोबबा थानानै आइजो आरो सेंग्रा-सिख्लाफोरखौ हादरारि दानाय लुनायनि गेजेरजों गावनि आथिङाव गसंथानो खावलायदोंमोन।
लर्ड कर्जना सानजायारिफोरनि फारसे गाज्रि बिबुंथि होनायनि थाखाय निबेदिताया जोबोर दुखु मोनदोंमोन। बेखायनो बियो ‘अमृत बाजार पत्रिका’ आरो ‘दि स्टेटसमेन’ रादाब बिलाइयाव मोननै रायथाय लिरनानै कार्जननि भारत बेरेखा साननायखौ भारतारिफोरनि गेजेराव दिन्थिफुंना होदोंमोन। बियो भारतारि आइजोनि फारसे जुजिनायनि थाखाय मुंदांखा। बियो भारताव जिनै बोसोर थादोंमोन। 1911 माइथायाव बियो सोर्गोआरि जायो।
3. नबाब छलिमउल्ला: छलिमउल्लाया ढाकानि नाबाबमोन। लर्ड कार्जननि बंग सोखावनायनि बेरेखायै बंगआव जानाय गावहादरारि सोमावसारनायनि फारसे बियो बेरेखा थादोंमोन।गावहादरारि सोमावसारनायनि बेरेखा फारसे थानायनि थाखायनो बृटिस भारत सरकारा नबाब छलिमउल्लानो 14,00,000रां दाहार होनानै गावसोरनि फारसे खालामना लादोंमोन। 1906 माइथायनि 30 दिसेम्बराव नबाब छलिमउल्लानि हांख्रायनाय बादियै ढाकानि राजदरबाराव मोनसे आफाद ज’दोंमोन। आफादखौ दैदेनदोंमोन नबाब बिकरउल मुलकआ। बे आफादावनो ‘मुसलिम लीग’ गायसंनाय जादोंमोन।
4. अम्बिकागिरि रायचौधुरी : अम्बिकारि रायचौधुरीया 1885 मायथाइनि 20 दिसेम्बराव जोनोम जायो। बिथांनि बिफानि मुङा कृष्णराम रायचौधुरी आरो बिमानि मुङा दैवकी देबी। बिथां रायचौधुरीया गुवाहाटीनि स’नाराम गोजौ फरायसालिनि दाइन थाखोसिम फरायदोंमोन। बियो भारतनि उदांस्रि दावहायाव बारसोमनानै बिमा हादरखौ बृटिसनिफ्राय उदां खालामनो नागिरदोंमोन। बियो महात्मा गान्धीनि अहिंसा सोमावसारनायजों बोगथाब जानानै सानदोंमोनदि भारतनि उदांस्रिखौ अहिंसा सोमावसारनायजोंसो लाबोनो हायो हाथियार सोमावसारनायजों नङा। बेखायनो बिथां रायचौधुरीया गान्धीजिनि अहिंसा सोमावसारनायव गोसो गोथारै बारसोमदोंमोन।
बियो ग ‘बिन्द लाहिड़ीनि लोगोआव गुवाहाटीनि फरायसाफोरनि गेजेराव सोमावसारग्रा गथुम गायसंदोंमोन। बिसोर आसामनि जिलाफोराव गावहादरारि मुवा बाहायनायनि थाखाय फोसावदोंमोन। अम्बिकागिरि रायचौधुरीया ‘बन्दिनी भारत’ मुंनि मोनसे बिग्रायग्रा थुनफावथिना सुजुदोंमोन। नाथाय बे थुनफावथिनानि लिरनाय बिलाइखौ पुलिसा लाना थांदोंमोन। रायचौधुरीया ‘सेवा संघ’ मुंनिबो मोनसे बिग्रायारि आफाद दादोंमोन। बिथाङा 1906 मायथाइनिफ्राय 1914 मायथाइसिम बरपेटायाव इसिङारि खाजानाय महरै थानो गोनां जादोंमोन। 1967 मायथाइनि 2 जानुवारि सानखालि बिथाङा रुंसारि जायो।
उफ्रा सोनाय फिननाय
गुसुं फिननायनि सोंनाय :
1. सोर भाइसरया बंगखौ सोखावदोंमोन?
फिन : भाइसरय लर्ड नेथानियेल कार्जन।
2. भारतनि राजखान्थियारि जारिमिनाव मोनसे मख’जाथाव जाथाया मामोन?
फिन : लर्ड कार्जननि खुंथाइ समाव जानाय बंग सोखावनाय।
3. 1874 मायथाइनि 7 फेब्रुवारियाव दानाय ‘आसाम’ हादरसानि दब्लायथिया बेसेबांमोन?
फिन : 54,100 बर्गमाइल।
4. आसाम हादरसा गोदानै दानानै बैहाय थिसननाय सिफ कमिसनारा (गाहाइ खुंगिरि) सोरमोन?
फिन : कर्णेल आर एइस कीटिन्ज।
5. बंग सोखावनायाव लर्ड कार्जनखौ जर’खायै हेफाजाब होनाय सासे बृटिस मावख ‘ग्रानि मुं लिर।
फिन : एन्द्रु फ्रेजार।
6. आसामनि सिफ कमिसनार उइलियाम वार्डआ मानो आसामनि सिमाखौ बंग हादरनि चट्टग्रामसिम गोसारहोनो बिथांखि होदोंमोन?
फिन : आसामाव साहा आबाद गोसारहोनायजों लोगोसे इउर ‘पियारि साहा आबादारिफोरनि फालांगियारि सुबिदानि थाखाय दैलामा नागिरनानै इउलियाम वार्डआ आसामनि सिमाखौ गोसारहोनो बिथांखि होदोंमोन।
7. ‘बंग सोखावनाय’ माखौ मिथिनाय जायो?
फिन : बंग हादरखौ खावनै खालामनानै आरो सोखावजानाय खायसे बाहागोखौ आसामजों सरजाबबनाय मावफारिखौ ‘बंग सोखावनाय’ मुङै मोनथिनाय जायो।
8. बंग सोखावनायनि आन्दोनि (सिङावनि) थांखिया मामोन?
फिन : बंग सोखावनायनि सिङावनि थांखिया जाबाय- हिन्दु आरो मुसलमाननि गेजेराव खौसेथिखौ सिफायना होनाय।
9. ‘संजिवनी’ रादाब बिलाइखौ सोर सुजुदोंमोन?
फिन : कृष्ण कुमार मित्र।
10. बंग सोखावनाय बिथांखिखौ माब्ला मावफुंनाय जादोंमोन?
फिन : 1905 मायथाइनि 16 अक्ट ‘बर।
11. बंग सोखावनायखौ मावफुंनाय सानखालि बंगआरिफोरा मा खालामदोंमोन?
फिन : बंग सोखावनायखौ मावफुंनाय सानखालि बंगआरिफोरा ‘हारिमायारि दुखु सान’ फालिदोंमोन।
12. ‘सानजा बंग आरो आसाम’ मुंनि गोदान हादरसानि गासै सुबुं अनजिमाया बेसेबांमोन?
फिन : 3 कौटि 10 लाख।
13. ‘फरायसा संसद’ सोरनि दैदेननायाव दानाय जादोंमोन?
फिन : सुरेन्द्र नाथ बन्दोपाध्यायनि दैदेननाय दानाय जादोंमोन।
14. गावहादरारि सोमावसारनायनि समाव फोसावजानाय आइजो लाइसिनि मुङा मा?
फिन : आइजो लाइसिनि मुङा जाबाय सुप्रभात।
15. ‘बंगमाता’ सावगारिखौ सोर एरदोंमोन?
फिन : अबनीन्द्र नाथ ठाकुर।
16. ‘बंगमाता’ खौ सोर ‘भारत माता’ नि महर होदोंमोन?
फिन : ‘बंग माता ‘खौ ‘भारत माता’ नि महर होदोंमोन बिनानाव निबेदिताया।
17. आर डब्लिउ कार्लाइला फोसावलाइनि गेजेरजों मा खालामदोंमोन?
फिन : आर डब्लिउ कार्लाइला फोसावलाइनि गेजेरजों फरायसाफोरखौ सोमावसारनायाव बाहागो लानो नाङैनि सिगिदोंमोन।
18. बंग सोखावनायनि समाव सोर गिबि ‘नाइटहुड’ बिमुंखौ बृटिसनो गथायना होफिनदोंमोन?
फिन : ग ‘पालकृष्ण ग’खले।
19. बंगनि सासे अख्राहानजानि दैदेनगिरिनि मुं लिर।
फिन : अरबिन्द घोष।
20. फरायसाफोरनि गेजेराव हादोरनि फारसे साग्रां खालामनाय हारियारि आफादनि मुंआ मा?
फिन : फरायसाफोरनि गेजेराव हादरनि फारसे साग्रां खालामनाय हारियारि आफादनि मुंङा जाबाय ‘डन स’ साइटि’।
21. आसामनि गिबि आइ.सि.एस. मावख ‘गोराया सोर?
फिन : आनन्द राम बरुवा।
22. ‘बेंगल टेकनिकेल इनस्टिटिउट’ मुंनि फसंथानखौ उनाव मा मुङै मिथिनाय जायो?
फिन : जादबपुर मुलुगसोलोंसालि मुडङै मोनथिनाय जायो।
23. लर्ड कार्जननि उनाव भारताव भाइसरय बिबानाव सोर थिसन जादोंमोन?
फिन : लर्ड मिन्ट ‘आ थिसन जादोंमोन।
24. बंग सोखावनायनि उनाव बंगनि राजथावनिनि मुंआ मा?
फिन : कलिकता।
25. बंग सोखावनायनि समाव लिरनाय ‘सिराजउद्दौला’ थुनफावथाइखौ सोर लिरदोंमोन?
फिन : गिरिश घोष।
26. ‘आमार स’नार बांला तोमाके भालबासि’ मेथायखौ सोर सुजुदोंमोन?
फिन : खन्थाइगुरु रबीन्द्रनाथ ठाकुर।
27. मुसलिम लीगनि मावसालिखौ लक्षनौ सिम माब्ला दैखांलांनाय जादोंमोन?
फिन : 1910 मायथाइनि मार्स दानाव।
28. ढाकानि जिला बेंगिरि बि.चि. एलेनखौ माब्ला गुलि गावना बुथारनाय जादोंमोन?
फिन : 1907 मायथाइनि 23 दिसेम्बराव बुथारनाय जादोंमोन।
29. हारिमायारि कंग्रेसनि चुराट जथुमानि रायदाव आफादनि आफाद गिरिया सोरमोन?
फिन : रास बिहारी बसु।
30. ‘गाव खुंथाइनि दाबी’ हारिमायारि कंग्रेसनि बबे जथुमानि बिथांखिमोन?
फिन : भारतारि हारिमायारि कंग्रेसनि 1906 मायथाइयाव जनाय कलिकता जथुमानि बिथिांखिमोन।
31. बंग सोखावनाय बिथिङाव लर्ड कार्जनखौ जरखायै हेफाजाब होनाय सानै इंराज मावख ‘ग्रानि मुं लिर।
फिन :
(1) एन्द्रु फ्रेजार।
(2) जन ब्यामफिल्ड फुलार। (J. Bampfylde Fuller)
32. लर्ड कार्जना बंगखौ मा मोननै बाहागोआव रानदोंमोन?
फिन : लर्ड कार्जना बंगखौ बाहागो खालामनायनि बाहागो मोननैया जावाय–
(1) सानजा बंग आरो आसाम।
(2) सोनाब बंग (बंग हादरनि सोनाब बाहागो, बिहार आरो उरिष्या)।
33. लर्ड कार्जना बंग हादोरखौ सोखावनायनि मोनब्रै गाहाइ जाहोन लिर।
फिन : लर्ड कार्जना बंग हादोरखौ सोखावनायनि गाहाइ जाहोनफ्रा जावाय–
(1) गुवार बंग हादोरसाखौ सासे लेफ्टेनेन्ट गबर्णरजों मोजाङै खुंनो हायि।
(2) हिन्दु मुसलमाननि गेजेराव खौसेथि सिफायना होनाय।
(3) भारतारि हारिमायारि सानस्रिनि मिरु बंग हादोरसाखौ खावनै खालामनानै हिन्दु बाङालि आरो सानसुमै सुबुंफोरखौ गंनैबो हादोरसायाव एसेल’ अनजिमायाव खोख्लैनानै हारियारिबाद साननायखौ मिलिंखार खालामनाय।
(4) राजखान्थियारि बिथिंआव दावगावि मुसलमानफोरखौ गावसोरनि फारसे खालामना लानाय आरो फारसेथिं भारतारि समाजाव हारियारि साननायनि बिसनि बेगर फोलाना होनाय।
34. 1765 मायथाइयाव रबार्ट क्लाइबआ एलाहाबाद गोरोबथानि गेजेरजों म’गल सम्राटनिफ्राय मा मा ओनसोलखौ मोनदोंमोन?
फिन : क्लाइबआ एलाहाबाद गोरोबथानि गेजेरजों मोननाय ओनसोल फोरा जाबाय। (1) बंग (2) बिहार आरो (3) उरिष्या।
35. ‘आसाम’ मुंनि हादोरसाखौ इंराजा बबे मायथाइयाव दादोंमोन आरो बेनि दब्लायथिया बेसेबांमोन।
फिन : ‘आसाम’ मुनि हादोस्साखौ इंराजा 1874 मायथाइनि 7 फेब्रुवारियाव दादोंमोन आरो बेनि दब्लायथिया 54,100 बर्ग माइलमोन।
36. ‘रेगुलेटिं एक्ट ‘नि गेजेरजों मा गंनै जायगाया गवर्णर जेनेरेलनि सिङाव फैदोंमोन?
फिन : रेगुलेटिं एक्ट (सामलायारि आयेन) नि गेजेरजों गबर्णर जेनेरेलनि सिङाव फैनाय जायगा गंनैया जाबाय–
(1) ब’म्बाइ।
(2) माद्राज।
37. अन्द्रु फ्रेजारआ मा गंनै जायगाखौ बंग हादोरनिफ्राय दानख ‘नानै मध्यप्रदेशजों सरजाबहोनायनि बिथांखि होदोंमोन?
फिन : मध्य प्रदेशजों सरजाबनो होनाय बिथांखिनि गंनै जायगाया जाबाय–
(1) सम्बलपुर आरो
(2) उरिष्या।
38. आसामनि सिफ कमिसनार (गाहाइ खुंगिरि) फुलारआ मानो सानजा बंगनि चट्टग्रामखौ आसामजों सरजाबनायनि बिथांखि होदोंमोन?
फिन : आसामनि साहा फालांगिखौ गोसारहोनायनि सार्थआव फुलारआ चट्टग्रामखौ आसामजों सरजावनायनि विथांखि होदोंमोन।
39. एन्द्रु फ्रेजारआ माब्ला आरो बबेयाव लेफटेनेन्ट गवर्णर मासियाव थिसन जादोंमोन?
फिनः एन्ड फ्रेजारआ 1903 मायथाइयाव बंग हादोरसानि लेफटेनेन्ट गबर्णर मासियाव थिसन जादोंमोन।
40. बंग सोखावनाय मावथांखिनि गिबि खलबनि मोनब्रं बिथांखि लिर।
फिन : बंग सोखावनाय सावथांखिनि गिबि खलबआव थानाय बिथांखिफोरा जाबाय–
(1) राजशाही, ढाका आरो चट्टग्राम जथाय ओनसोलखौ आसामजों सरजाबना दानाय गोदान हादोरसानि मुङा ‘सानजा बंग आरो आसाम’ जागोन।
(2) ‘सानजा बंग आरो आसाम’ हादोरसानि राजथावनि जागोन ढाका।
(3) ‘सानजा बंग आरो आसाम’ हादोरसानि खुंथाइनि बिबानखौ सासे लेफटेनेन्टनि आखाइयाव गथायनाय जागोन।
(4) आसामनि राजथावनिखौ सिलंनिफ्राय ढाकासिम सोलायनाय जागोन।
41. बंग सोखावनाय मावथांखिनि नैथि खलबनि मोननै बिथांखिफोरा मा मा?
फिन : बंग सोखावनाय मावथांखिनि नैथि खलबनि बिथांखि मोननैया जाबाय–
(1) सानजा बंग, आरो आसामनि थाखाय ढाकायाव आलादायै गोजौ बिजिरसालि (High Court) गायसननाय जागोन।
(2) आलादा गोजौ बिजिरसालि फसंनाय जायागौमानि हादरसाया कलिकता गोजौ बिजिरसालिजों सालाय जागोन।
42. बंग सोखावनाय मावथांखिनि थामथि आरो ब्रैथि खलबाव थानाय बिथांखिया मा मा?
फिन : बंग सखावनाया मावथांखि थामनि खलबनि बिथांखिया जाबाय– सोनाब बंग, बिहार, उरिष्या आरो सटनागपुरजों– ‘बंग हादोरसनि’ राजथावनिया कलिकता जागोन आरो मावथांखिनि ब्रैथि खलबनि बिथांखिया जाबाय– 1905 माइथायनि 16 अक्ट ‘बराव बंग सोखावनाय विथांखिखौ मावफुंनाय जागोन।
43. बंग सोखावनायनि बेरेखायै भारतारिफोरा माबादि फोसावदोंमोन?
फिन : बंगआरि लुबैनायनि बेरेखायै बृटिस सरकारा बंग सोखावनायनि बिथांखि लादोंमोन। बंग हादोरनि मुंदांखा साननोगोरोंफोरा बृटिसनि बें गाज्रि फावफान्दायनायखौ मोनथिना मोनदोंमोन आरो बिसोर सुबुंनि गेजेरआव बे फावफान्दायनायखौ फोसावना बंग सोखावनायनि बेरेखायै सुबुं जांख्रिथाइ सोमजि होदोंमोन।
बंग सोखावनायखौ मावफुंब्ला बाङालि हारिनि जारिमिनाव खहा जानायजों लोगोसे हिन्दु मुसलमाननि गेजेराव थानाय सोमोन्दोआ गुबुंले जागोनखौ गिनानै बिसोर लिरनाय आरो मेल-मिटिंनि गेजेरजों सुबुंनि गेजेराव बंग सोखावनायनि बेरेखायै फोसावदोंमोन।
44. बंगआरिफोरा ‘हारिमायारि दुखु सान’ माब्ला आरो माबादि फालिदोंमोन?
फिन : 1905 मायथाइनि 16 अक्ट ‘बराव’ हारिमायारि दुख सान’ फालिदोंमोन। नख’रनि मानसिया बै सानखालि अरदाब ओंखाम संनायखौ बन्द लाखिदोंमोन। एरैबादि हाय बिसोर हारिमायरि दुखु सान फालिदोंमोन।
45. सोरनि खावलायनायाव आरो मानो राखि खानाय फालिदोंमोन?
फिन : खन्थाइगुरु रबीन्द्र नाथ ठाकुरनि खावलानायनायाव कलिकतानि राइजोफोरा बाङालि हारिनि गावस्रायिनि नेरसोन महरै राखि खानायखौ फालिदोंमोन। हिन्दु मुसलमानानि गेजेराव सोमोन्दै आरो बिफंथाइखौ गोगोम खालामनो थाखाय लामानि मानसिफोरनि आखाइयाव राखि गानहोदोंमोन। मसजिदआव नुजाहैनानै मौलबी आरो गुबुन गुबुन मुसलमाननि आखाइयाव राखि खादोंमोन।
46. अरबिन्द घोषा गुबुन हादोरारि मुवा नेवसिनाय आरो गावहादोरारि मुवा नाजावनाय सोमोन्दै मा बुंदोंमोन?
फिन : गुबुन हादरारि मुवा नेवसिनाय आरो गावहादरारि मुवा नाजावनाय सोमोन्दै अरबिन्द घोषा बुंदोंमोन– “नेवासिनायनि ओंथिया जादों गावहादरारि आरो गावहादरारिनि सिंनि ओंथिया जादों– इंराजफोरखौ जेरैबो हेफाजाबहोयि”।
47. गावहादरारि सोमावसारनायनि गुदि बिथायाव रनसाय जानाय गांथाम थुनफावथिना थुनफावथाइगिरिनि मुंजों लिर।
फिन :
| थुनफावथाइ | थुनथावथाइगिरि |
| पलाशीर प्रायश्चित्त | क्षीरोद प्रसाद |
| चिराजद्दौला | गिरीश घोष |
| चाब्बास बाङाली | अमृतलाल बसु |
48. माब्ला आरो सोरनि नाजानायाव ‘बंगीय कला संसद’ मुंनि हारिमायारि फसंथानखौ गायसंनाय जादोंमोन?
फिन : 1907 मायथाइयाव अबनीन्द्रनाथ ठाकुरनि नाजानायाव ‘बंगीय कला संसद’ मुंनि हारिमायारि फसंथानखौ गायसंनाय जादोंमोन।
49. माब्ला आरो सोर ‘एन्टि चार्कुलार स ‘साइटि ‘ खौ गायसंदोंमोन?
फिन : 1905 मायथाइनि 4 नभेम्बरआव रबीन्द्रनाथ ठाकुरा ‘एन्टि चार्कुलार स ‘साइटि ‘खौ गायसंदोंमोन।
50. कार्लाइलनि फोसावलाय (Notice) फोसावनायनि उनजाथाया मामोन?
फिन : कार्लाइलआ मोनसे फोसावनायनि गेजेरजों फरायसाफोरखौ सोमावसानायाव दा बाहागो लाथों होनना सिगिदोंमोन। बे फोसावनायनि उनजाथाय महरै गासै बंग हादोराव हेंथानि दोहों सोमजिदोंमोन। फरायसाफोरा कार्लाइलनि फोसावनायनि बेरेखायै हेंथाखालामना थाखो ख’था नागारदोंमोन। रबीन्द्रनाथ ठाकुरनि आफाद दैदेननायाव गायसंजानाय ‘एन्टि चार्कुलार स’साइटि’ आ सरकारनि बे बिथोनखौ मानियैनि बिथांखि नाजावदोंमोन। बेनो सरकारनि बिथोन मानियैनि गिबि जाथाय।
51. गावहादरारि सोमावसारनायनि समाव हारिमायारि मुलुगसोलोंसालिनि नेर्सोनाव गायसनजानाय बंगनि बाइजोनि गंथाम फरायसालिनि मुं लिर।
फिन : गावहादरारि सोमावसारनायनि समाव हारिमायरि मुलुगसोलोंसालिनि नेर्सोनाव गायसनजानाय बंगनि बाइजोनि गंथाम फरायसालिया जाबाय–
(1) पाटनानि ‘बिहार बिद्यापीठ’
(2) महाराष्ट्रनि ‘समर्थ बिद्यालय’
(3) गुजराटनि ‘गुजराट बिद्यालय’
52. गावहादरारि सोमावसारनायाव सरला देवी चौधुराणीनि बिहोमाया मा?
फिन : सरला देवी चौधुराणीया बिग्रायारि सानथाइजों गावहादरारि सोमावसारनायखौ दावगाहोनो महाराष्ट्रनि शिवाजी फोरबोनि उनसंनानै बीरष्टमी ब्रट, प्रतापादित्य फोर्बो, उदयादित्य फोर्बो,, ब्यायाम आफाद बाइदि फोर्बो फसंथान बंग हादरसानि गुबुन गुबुन जायगायाव खुंनानै सेंग्रा सिख्लाफोरखौ लाउथिजों गेलेनाय आरो खमलायनाय फोरोंथाइ होदोंमोन। ‘भारती’ मुंनि लाइसि सुजुनानै बियो हादरसानि लाइमोनफोरखौ सोमावसारनायाव बारसोम होनो थियारि खालामदोंमोन।
53. गावहादरारि सोमावसारनायाव बिहोमाहोनाय सानै मुंख’थाव आइजोनि मुं लिर।
फिन : गाव हादरारि सोमावसारनायाव बिहोमा होनाय सानै मुंख’थाव आइजोआ जाबाय–
(1) सरलादेबी चौधुराणी।
(2) बिनानाव निबेदिता (मागरिट एलिजाबेथ नबोल)।
54. गाव हादरारि सोमावसारनायनि समाव गायसनजानाय बंगनि गंनै मुंदांखा गला एबा फसंथाननि में लिर।
फिन : गाव हादोरारि सोमाव सारनायनि समाव बंगआव गायसनजानाय गंनै मुंदांखा गला एबा फसंथाना जाबाय–
(1) इण्डियान स्ट’रस् (1905)।
(2) इउनाइटेड बेंगल स्ट ‘रस् (1906)।
55. ‘स्वदेशी भाण्डार’ आ मा? बेखौ सोर माब्ला गायसनदोंमोन?
फिन : स्वदेशी भाण्डारआ ‘गावहादरारि बाख्रि’ गंसे सि फाननाय गला-एबा फसंथान। बेखौ रबीन्द्रनाथ ठाकुरआ 1897 मायथाइयाव गायसनदोंमोन।
56. गाव हादरारि सोमाव सारनायनि समाव बंग हादरसायाव गिदिर दामिन गायसननायनि बागै साननाय साथाम मुंख ‘जाथाव सुबुंनि मुंलिर।
फिन : गाव हादरारि सोमावसारनायनि समाव बंग हादरसायाव गिदिर दामिन गायसननायनि बागै साननाय-हनाय खालामनाय साथाम मुंख ‘जाथाव सुबुंआ जाबाय–
(1) जगदीश चन्द्र बसु।
(2) प्रफुल्ल चन्द्र राय आरो
(3) नीलरतन चरकार।
57. ‘बंगलक्षी कटन मिल ‘खौ सोरनि नाजानायाव माब्ला गायसंनाय जादोंमोन?
फिन : ‘बंगलक्षी कटन मिल ‘खौ नीलरतन चरकारनि नाजानायाव 1906 माइथायनि 1 आगष्टखालि गायसननाय जादोंमोन।
58. ‘भारतारी दामिन जथुमा’ माब्ला सोरनि आफाद दैदेननायाव बारानसीयाव जोनोम मोनदोंमोन?
फिन : भारतारि दामिन जथुमा ‘खौ 1905 मायथाइनि 17 दिसेम्बराव आर.सि. दत्तनि आफाद दैदेननायाव गायसननाय जादोंमोन।
59. ‘भारतारि मुसलिम लीग’ खौ सोर आरो माब्ला जोनोम होदोंमोन?
फिन : ‘भारतारी मुसलिम लीग’ खौ ढाकानि नबाब छालिमउल्लानि हांख्रायनाय बादियै 1906 मायथाइनि 30 दिसेम्बराव जोनोम होदोंमोन।
60. 1906 माइथायाव गायसन जानाय ‘भारतारी मुसलिम लीग’ नि नोजोर आरो थांखिआ मा मा?
फिन : 1906 मायथाइयाव गायसन जानाय ‘भारतारि मुसलिम लीग’ नि नोजोर आरो थांखिया जाबाय–
(1) बृटिस सरकारनि फार्से मुसलमान राइजोफोरनि गोसोआव मोजांमोननाय गोसार होनाय।
(2) बृटिस सरकारखौ मुसलमान राइजोनि राजखान्थियारि मोनथाइ आरो सार्थनि फारसे अरायबो साग्रां खालामना लाखिनाय।
(3) मुसलमान राइजोफोरनि गोसोनिफ्राय गिनाय, दुंथा, बेरेखा सानलायनायखौ फोजोबस्रांनानै गासैनिबो गेजेराव खौसेथि दानाय।
61. गाव हादरारि सोमावसारनायाव बाहागो लानाय गोदान दैदेनगिरिफोरा हाथियारजों बिग्रायनायनि लामा लानायनि गाहाइ मोननै जाहोन मख’।
फिन : गोदान दैदेनगिरिफोरा हाथियारजों बिग्रायनायनि लामा लानायनि गाहाइ मोननै जाहोना जाबाय।
(1) गोजोननि लामाखौ फोथायना सावरायनायनि गेजेरजों सोमावसारनायखौ देदेननाय दैदेनगिरिफोरा बंग सोखावनायखौं बोखारफिनहोनायाव फुरायै फेलें जादोंमोन।
(2) सरकारनि दबथायनाय आरो इनाय अनागारा माखासे बिग्रायरिफोरखौ हाथियारजों बिग्रायनायनि लामा लानो बाध्य खालामदोंमोन।
62. महाराष्ट्रनि कमिसनार रबार्ट रान्द आरो लेफटेनेन्ट आयरष्टकखौ सोर बबेयाव गावथारदोंमोन?
फिन : महाराष्ट्रनि कमिसनर रबार्ट रान्द आरो लेफटेनेन्ट आयरष्टकखौ दाम ‘दर चापेकार आरो बालकृष्ण चापेकारा पुनायाव गवथारदोंमोन।
63. ‘इयं इटाली’ खौ उनसंनानै महाराष्ट्रआव गायसननाय मोननै स्रोद बिग्रायारि गौथुमनि मुं लिर।
फिन : ‘इयं इटाली’ खौ उनसंनानै महाराष्ट्रआव गायसनजानाय मोननै स्रोद बिग्रायारि गौथुमनि मुङा जाबाय।
(1) अभिनब भारत आरो
(2) मित्र मेला।
64. भारतारि हारिमायारि कंग्रेसखौ माब्ला बबेयाव गायसननाय जादोंमोन?
फिन : भारतारि हारिमायारि कंग्रेसखौ 1885 मायथाइयाव बम्बायाव गायसननाय जादोंमोन।
65. भारतनि नेहाथारि मर्लेनि राजखान्थियारि बोसोनगिरिया सोरमोन? बिखौ सोर गावथारदोंमोन?
फिन : भारतनि नेहाथारि मर्लेनि राजखान्थियारि बोसोनगिरिया कर्णेल कार्जन वाइली। बिखौ लण्डननि राजभवननि दरखंआव महनलाल धिरां मुंनि सासे भारतारिया गावथावदोंमोन।
66. हारिमायारि कंग्रेसआ माब्ला खावनै जादोंमोन आरो बेनि बाहागो मोननैया मा मा?
फिन : भारतारि हारिमा कंग्रेसआ 1907 मायथाइयाव खावनै जादोंमोन। खावनै जानायनि बाहागो मोननैया जाबाय–
(1) अख्रा हानजा।
(2) गुरै हानजा।
67. हारिमायारि कंग्रेसनि अख्रा हानजायाव थानाय साथाम दैदेनगिरिनि मुं लिर।
फिन : हारिमायारि कंग्रेसनि अख्रा हानजायाव थानाय साथाम दैदेनगिरिफोरा जाबाय–
(i) लाला लाजपट राय।
(ii) बिपिन चन्द्र पाल।
(iii) अरबिन्द घोष।
68. बृटिस सरकारा गाव हादरारि सोमावसारनायनि हेंथायै लानाय हाबाफारिनि सोमोन्दै लिर।
फिन : बृटिस सरकारा बंग सोखावनायनि बिथिङाव हारिमायारि कंग्रेसनि गुरै हानजानि दैदेनगिरिनिफ्राय हेफाजाब आसा खालामदोंमोन। लर्ड कार्जना बे दैदेनगिरिफोरखौ गावनि फार्से खालामनाय थांखियै बिसोरनि गोबांनोनो बृटिस सरकारनि बिमुं, बान्था, आरो बिबान गथायदोंमोन।
कंग्रेसनि खायसे सोद्रोमाफोरनो गोजौ न्यायसालिनि बिजिरगिरिनि बिबान, बृटिस संसदाव सोद्रोमा बिबान, भाइसरय परिषदनि सोद्रोमा बिबान आरो गोबां लुबैथाव बिबान जासिना बंग सोखावनाय बिथांखियाव बिसोरनि मददथि आसा फारिदोंमोन। नाथाय थेवबो लर्ड कार्जना बंग सोखावनायनि बेरेखायै जानाय सोमावसारनायखौ लोरबां खालामनो हायाखैमोन।
69. बृटिस सरकारनि फार्से बंग सोखावनायनि मोननै गाज्रि फिथाइ मुंख’।
फिन : बृटिस सरकारनि फार्से बंग सोखावनायनि मोननै गाज्रि फिथाया जाबाय–
(i) गावहादोरारि सोमावसारनाय।
(ii) गाव खुंथाइनि बिथांखि।
70. स्नि बोसोरारि गावहादरारि सोमावसारनायनि फिथाइ बादियै बृटिस भारत सरकारा मावफुंनाय मोनब्रै मंख ‘थाव हाबा लिर।
फिन : स्नि बोसोरारि गावहादरारि सोमावसारनायनि जाउन बादियै बृटिस भारत सरकारा मावफुंनाय मोनब्रै मुंख ‘थाव हाबाया जाबाय–
(i) 1911 मायथाइनि 12 दिसेम्बराव दिल्लीयाव खुंजानाय आफादनि गेजेरजों बंग हादरसाखौ फिन खौसे खालामनाय जायो।
(ii) भारतबर्षनि राजथावनिखौ कलिकतानिफ्राय दिल्ली सिम सोलाय होनाय जायो।
(iii) आसामा गाहाइ कमिसनारनि सिंनि हादरसायाव सोलायजायो।
(iv) आसामनि राजथावनिया सिलंसिम लांफिन जायो।
गोलाउ सोंनाय फिननाय
1. गावहादरारि सोमावसारनायनि सोमोन्दै सुंद ‘यै सावराय।
फिन : बंगआरिनि लुबैनायनि हेंथायै बृटिस सरकारा बंग सोखावनायनि बिथांखि नाजावदोंमोन। बंग हादोरसानि सुरेन्द्रनाथ बन्दोपाध्याय, बिपिन चन्द्र पाल, अरबिन्द घोष, रबिन्द्र नाथ ठाकुर, मोनबादि सानसुमैफोरा बृटिस सरकारनि बंग सोखावनायनि गाज्रि खैसारिखौ मोनथिदोंमोन। बेखायनो बिसोर बे बंग सोखावनायनि गाज्रि खैसारिनि बेरेखायै- नौनारिफोरखौ जावरिखां होदोंमोन।
लर्ड कार्जना 1906 मायथाइनि 19 जुलाइयाव बंग सोखावनायनि बिथांखिखौ फोसावदोंमोन आरो 16 अक्ट ‘बराव बंग सोखावनायखौ मावफुंनायनि सान थि खालामदोंमोन। बे बिथांखिखौ फोसावनाय लोगो लोगो बंगनि सुबुंफोरा खुद्रिदोंमोन आरो बंगनि दाब दाब जायगायाव हेंथा आफादनि गेजेरजों गोगोम सुबुं सोमावसारनाय जावरिखां होदोंमोन।
हारि, गाब, दोहोरोम सायख’वा जासे गासैबो नौनारिफोरा बे सोमावसारनायाव बारसोम दोंमोन। बंग ‘सोखावनायनि जाउन बादियै गुबुन हादरारि मुवा नेवसिनाय आरो गाव हादरनि मुवा नाजावनायनि थांखिआ राइजो मेलाव गनाय जानायनि उनाव बे सोमावसारनाय ‘गावहादरारि सोमवसारनाय’ मुङै मिबथि जायो।
बंगआव सोमावसारनायनि आबहावाया फरायसा समाजखौबो बोगथाबदोंमोन। रिपन कलेजनि (आथिखालाव सुरेन्द्रनाथ कलेज) फरायसाफोरा गिबि गिबि थाखो ख’था नागारनानै सोमावसारनायाव बाहागो लादोंमोन। बे कलेजनि फरायसानि दैदेननायाव कलिकतानि गासै स्कुल कलेजनि फरायसाया गुवार फरायसा जथुम खुंनानै बंग सोखावनायनि हेंथा खालामदोंमोन।
फरायसाफोरा मिरुवारि सोमावसारनाय आफाद दानानैबो बंग सोखावनायनि हेंथायै सोमावसारनायनि गरन्थ लादोंमोन। 1905 मायथाइनि 7 आगष्टआव कलिकतानि कासिम बाजारनि टाउन हलाव खुंजानाय गिदिर राइजो मेलाव गुबुन हादरनि मुवा नेवसिनायनि बिथांखि लादोंमोन। बै सानखालि फरायसाफोरा मुकुन्द दासनि ‘…… बिलाति पोसाके आर साजिब ना ‘बिलाटि आहार, बिलाटि आसार त्याजित करिब …..’ मेथाइखौ खनदोंमोन। सुरेन्द्र नाथ बन्दोपाध्यायनि दैदेननायाव ‘फरायसा संसद’ दानाय जादोंमोन। फरायसाफोरा गुबुन हादरारि मुवा बेसाद फाननाय-बायनाय बन्द खालामनानै फालांगियारि फसंथानफोराव पिकेटिं खालामनायनि गरन्थ’ लादोंमोन। आफादथिलिफोराव गुबुन हादरारि सि-जोम आरो गुबुनारि मुवा-बेसाद सावना हांगार खालामदोंमोन।
बंग सोखावनाय मावफुं सानखालि (16 अक्टर’बर, 1905) बंगाआरि फोरा ‘हारिमायारि दुखु सान’ फालिदोंमोन। बंग हादोरसानि गंफ्रोम नख’रनि सुबुङा बै सानखालि संनाय सावनायनि इसिंखौ बन्द लाखिदोंमोन। बै सोनखालिनि बेलासेबो गासै कलिकतायाव बंग सोखवनायनि हेंथायै हरताल खालामनाय जायो। ग’ला, आफाद-फसंथान, बास-ट्राक गासैबो बन्द जायो। बंकिमचन्द्र चट्टोपाध्यायनि ‘बन्दे मातरम’ मेथाइजों कलिकतानि राइजोआ अख्रां बार गोमसार होयो। बंग हादारसानि राइजोआ बै सानखालिनिफ्राय ‘दुखु सानखौ बोसोरनाडैनो फालियो।
गिबि गिबियाव गावहादरारि सोमावसारनाया गुबुन हादरारि मुवा नेवसिनाय आरो गावहादरारि सुवा नाजावनायाव सिमागोथे जाना दोंमोन। उनाव गुबुन हादरारि मुवा नेवसिनायाव सिमागोथे थायाबालानो बृटिस खुंथाइ, सरकारी सोलोंसालि, न्यायसालि नेवसिनायनि बिथांखि लानाय जादोंमोन। बाराखो नङा सरकारखौ गुबुन हादरारि सानना खाजना, सरकारि दाहार बायदि सुखंयैनिबो सोमावसारग्राफोरनि गोसोआव जायगा मोनदोंमोन। गावहादरारि सोमावसारनायनि मिरुआ गावस्रायि बंग हादोरसा मोनब्लाबो बे सोमावसारनाया बंगनि हालुरारि सीमि बारलांनानै दुलाराय भारतारि महर मोनदोंमोन।
2. गावहादरारि सोमावसारनायाव भारतारि आइजोनि बिहोमानि सोमोन्दै लिर।
फिन : बंग हादरसानि गेजेर थाखोनि आइजो समाजा हौवाफोरजों लोगोसे समानै गावहादरारि सोमावसारनायाव बाहागो लादोंमोन। आइजोनि बाहागो लानाया सोमवसारनायखौ मोनसे गदयै दावगाहोनायाव मदद होदोंमोन। गावहादरारि सोमावसारनायाव बाहागो लानाय-आइजोफोरनि गेजेराव सासेया सरला देवी चौधुराणी।
बिग्रायारि सानथायजों गावहादरारि सोमावसारनायखौ दावगाहोनो महाराष्ट्रनि शिवाजी फोरबोनि उनसंना बाइदि फोर्बो फसंथान बंग हादोरसानि दाब दाब जायगायाव खुंना-सेंग्रा- सिख्लाफोरखौ लाउथिजों गेलेनाय आरो खमलायनाय फोरोंथाय होदोंमोन। ‘भारती’ मुंनि लाइसि सुजुना बंग हादोरसानि लाइमोनफोरखौ सोमावसारनायाव बारसोमहोनो थियारि खालामदोंमोन।
आइजो आरो सेंग्रा सिख्लाफोरनि गेजेराव जांख्रिखांनाय सोमजिहोनायाव बिहोमा होनाय गुबुन सासे आइजोआ बिनानाव निबेदितामोन। आयारलेण्डाव जोनोम मोननाय बे आइजोनि मुङा मागरिट एलिजाबेथ नबोल। कलिकतायाव थानाय समाव बियो इयंमेनस् हिन्दु इउनियन, बिबेकानन्द स’साइटि, डन स’साइटि आरो अनुशीलन समिटि जों-थोंजों लोबबा जानानै आइजो आरो सेंग्रा-सिख्लाफोरखौ हादरारि दानाय–लुनायनि गेजेरजों गावसोनारनाय जानो हांख्रायदोंमोन।
बंग हादोरसानि आइजोनि साहसखौ बृटिस खुंगिरिया सोमोनांदोंमोन। बंगनि आइजोनि साहसनि सोमोन्दै लण्डननि ‘डेइलि टेलिग्राफ’ मुंनि रादाब बिलाइयाव फोसावजादोंमोन एरैहाय– ‘The most obstinate and most dangerous antagonist of the English.
3. गावहादरारि सोमावसारनायाव हादरारि थुनलाइनि बिहोमानि सोमोन्दै सावराय।
फिन : गावहादरारि सोमावसारनायनि जाउन बादियै हादोर अनफावरिनि दोहौवा थुनलाइ सोमजिनायाव जर ‘खा बिहोमा होदोंमोन। गावहादरारि सोमवसारनायखौ सोनारना बायदि रादाबबिलाइ, लाइसि, बिजाब, आरो मेथाइ, फावथाइ, रायथाइ बायदि फोसावजादोंमोन। गाहायाव बिदि थुनलाइनि बिहोमाखौ थख’ थख’ यै सावरायनाय जाबाय।
(i) रादाब बिलाइ आरो लाइसि : बेंगली, सन्जीवनी, हितबादी, युगान्तर, सन्ध्या, दि डन, सु-प्रभात आरो बन्देमातरम बाइदि रादाब बिलाइ आरो लाइसियाव फोसावजानाय हारिमायारिथाइ लिरबिदांफोरा बंग सोखावनायनि हें थायै जानाय सोमावसारनायनि खारथाइखौ गोख्रों खालामदोंमोन।
(ii) थुनफावथाइ आरो बिजाब : गावहादरारि सोमावसारनायखौ सोनारनानै लिरनाय मुंख’थाव थुनफावथाइफोरनि गेजेराव दंमोन–पलाशीर प्रायशचत्त, सिराजउद्दौला, मिर कासिम, साब्बास बाङाली, बंगर अंगसेद बाइदि। बे बादियै गाव हादरारि सोमावसारनायखौ सोनारना लिरजानाय मुंदांखा बिजाबफोरनि मादाव दंमोन– जापानी बीर, जय संगीत, नब्य भारत आरो बंगलक्षीर ब्रतकथा बाइदि। बेफोर थुनफावथाय आरो बिजाबाव फोसावजानायफ्रा थोंजो एबा खेंसालियायै गाव हादरारि सोमावसारनायाव बिहोमा होदोंमोन।
(iii) मेथाइ : गावहादरारि सोमावसारनायखौ मिरु खालामना रबीन्द्रनाथ ठाकुरा दों 23 मेथाइ सुजुदोंमोन। बिथांनि सुजुनाय बे मेथाइफोरा भारतारि हारिमुनि दोहोन जानानै थागोन। ‘आमार स’नार बांला आमि तोमाके भालबासि’ मेथाइया उनावहाय उदां बांलाहादोरनि हायुवारि मेथाइ महरै गनायजादोंमोन। सोमावसारनायनि समाव रजनी कान्ट सेन, मुकुन्द दास, दिजेन्द्रलाल रय मोन बादिनि मेथाइफोरा बाङाली हारिखौ हादर अनफावरि खालामदोंमोन।
(iv) सावगारि आरिमु : अबनीन्द्रनाथ ठाकुरनि नाजानायाव ‘बंगीय कला संसद’ मुंनि गंसे हारिमायारि फसंथान गायसन जादोंमोन। गावहादरारि सोमावसारनायनि समाव गायसनजानाय बे फसंथाना सोनाबारिनि गोहोम गैयि भारतारि सावगारि आरिमुनि मोनसे जौगानाय हारिमुनि बिथा गायसननायाव गोसो होदोंमोन। अबनीन्द्रनाथ ठाकुरा बिनि मुंदांखा ‘बंग माता’ सावगारिखौ एरनानै सोनाबारि आरिमुनि समान बादियै भारतारि आरिमुखौ गायसनदोंमोन। बिनानाव निबेदिताया ‘बंग माता’ सावगारिखौ ‘भारत माता’ नि महर होदोंमोन।
| SL No. | CONTENTS |
| Unit – 1 | जारिमिन |
| Chapter – 1 | बंग सोखावनाय (1905-1911) आरो गावहादरारि सोमावसारनाय |
| Chapter – 2 | महात्मा गान्धी आरो भारतनि उदांस्रि सोमावसारनाय |
| Chapter – 3 | आसामाव ब्रिटिस बेरेखा जांख्रिखांनाय आरो आबादारि बिग्रायनाय |
| Chapter – 4 | उदांस्रि सोमावसारनाय आरो आसामाव हारिमायारि जांख्रिखांनाय |
| Chapter – 5 | भारत आरो सा-सानजा ओनसोलनि हारिमुवारि गोदोमिन |
| Unit – 2 | भुमखौरां |
| Chapter – 1 | रांखान्थियारि भुमखौरां : आयदाफारि आरो सम्फद |
| Chapter – 2 | आबहावा आरो आबहावानि जेंना |
| Chapter – 3 | बहुमनि भुमखौरां |
| Chapter – 4 | आसामनि भुमखौरां |
| Unit – 3 | राजखान्थियारि बिगियान |
| Chapter – 1 | भारतारि फोरजाखान्थि |
| Chapter – 2 | मुलुगनां फसंथान हायुंआफाद आरो गुबुन गुबुन |
| Unit – 4 | रांखान्थि बिगियान |
| Chapter – 1 | खावरि आरो बेंक बेबस्था |
| Chapter – 2 | रांखान्थियारि जौगानाय |
| Chapter – 3 | जोंनि मोनथाइ जोंनि बिबान |
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।