Class 9 Science Notes Chapter 4 गुन्द्रासानि दाथाइ | Structure of the Atom | Class 9 Science Question Answer in Bodo to each Chapter is provided in the list of SCERT, NCERT, SEBA गुन्द्रासानि दाथाइ Class 9 General Science Chapter 4 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of Class 9 Science Chapter 4 गुन्द्रासानि दाथाइ Question Answer. Class 9th Science Guide. SEBA Bodo Medium Class 9 Science Notes Chapter 4 covers all the exercise questions in NCERT, SCERT.
Class 9 Science Chapter 4 गुन्द्रासानि दाथाइ
Class 9 Science Notes Chapter 4 गुन्द्रासानि दाथाइ। Science Guide for Class 9th Chapter 4. Also Same NCERT Solutions for Class 9 Science इस पोस्ट में हम आपको ये समझा ने कि कोशिश की है की Class 9 Science Solution Chapter 4. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 9 Science बोहत लाभदायक हो सकता है। Ncert Science Class 9 Chapter 4 मे आप अपना ध्यान लगाके पढ़ कर इस Question Answer of Class 9 Science Chapter 4 में अछि Mark ला सकते हो अपनी आनेवाली परीक्षा में।
खोन्दो 4 गुन्द्रासानि दाथाइ
Chapter 4 Structure of the Atom
थार फिननायखौ सायख ‘ना लिर
1. केथद सोरां रोदायाव थानाय सेरेपनि मुङा–
(a) इलेकट्रन।
(b) प्रटन।
(c) निउट्रन।
(d) निउक्लियास।
फिन : (a) इलेकट्रन।
2. राडारफर्डनि α- सेरेपनि जानगारलांनाय आनजादाव गाहायाव होनाय माबे सेरेपआ दिहुन जादोंमोन?
(a) इलेकट्रन।
(b) प्रटन।
(c) निउट्रन।
(d) निउक्सियास।
फिन : (d) निउक्लियास (गुन्द्रासायारि मिरु)।
3. ᵃ/ᶻX गुदि मुवायाव थानाय प्रटन, निउट्रन आरो इलेकट्रननि अनजिमाया जादों–
(a) A, Z, Z
(b) Z, A, (A-Z)
(c) Z, (A-Z), Z
(d) (A-Z), Z, Z
फिन : (c) Z, (A-Z), Z
4. समानथावनियारिआ जादों–
(a) समान मोदोमबां अनजिमानि गुबुन गुबुन गुदि मुवानि निउक्लयड।
(b) गुबुन गुबुन गुदि मुवानि गुबुन गुबुन मोदोमबां अनजिमानि निउक्लयड।
(c) रोखोमसे गुदि मुवानि गुबुन गुबुन मोदोमबां अनजिमानि निउक्लयड।
(d) मोनसेबो नङा।
फिन : (c) रोखोम गुदि मुवानि गुबुन गुबुन मोदोमबां अनजिमानि निउक्लयड।
5. इलेक्ट्रनआव थानाय चार्जनि मानआ–
(a) – 4.803×10⁻¹⁹ कुलम्ब।
(b) – 1.602×10⁻¹⁹ इ.एस.इउ।
(c) – 4.803×10⁻¹⁹ इ.ए.स. इउ।
(d) – 1.602×10⁻¹⁹ कुलम्ब।
फिन : (d) – 1.602×10⁻¹⁹ कुलम्ब।
6. गुन्द्रासायारि मोदोमबां सानगुदियाव प्रटन मोनसेनि थार मोदोमबांआ जादों–
(a) 5.48×10⁻⁴u
(b) 1.00728u
(c) 1.00866u
(d) 1.6725u
फिन : (c) 1.00866u
7. मोनसेल’ समानथावनियारि मिथिंगायाव मोननाय गुदि मुवाया जादों–
(a) अक्सिजेन।
(b) नाइट्रजेन।
(c) नियन।
(d) फ्ल ‘रिन।
फिन : (c) नियन।
8. आक्साइ आयन, 0²⁻ आव थानाय अरजाब इलेकट्रननि अनजिमाया–
(a) 2
(b) 6
(c) 0
(d) 8
फिन : (d) 8
9. गाहायनि माबे मोनसेया सडियामनि थार इलेकट्रनारि रानसारथि?
(a) 2, 8
(b) 8, 2, 1
(c) 2, 1, 8
(d) 2, 8, 1
फिन : (d) 2, 8, 1
10. इलेकट्रनखौ सोर दिहुनदोंमोन?
(a) जे.जे. थमसन।
(b) राडारफर्ड।
(c) जे. साडउइक।
(d) इ. गल्डष्टेइन।
फिन : (a) जे. जे. थमसन।
11. क्लरिननि गुन्द्रासायारि मोदोमबांआ जादों–
(a) 16u
(b) 17u
(c) 35.5u
(d) 40u
फिन : (c) 35.5u
12. अक्सिजेननि मोनसे गुन्द्रासायाव थानाय अरजाबग्राथि इलेकट्रननि अनजिमाया जादों–
(a) 8
(b) 6
(c) 2
(d) 3
फिन : (c) 2
13. मेगनेसियामनि अरजाबग्राथि इलेकट्रननि अनजिमाया जादों–
(a) 1
(b) 2
(c) 3
(d) 6
फिन : (b) 2
14. एलुमिनियाम अक्साइडआव एलुमिनियामनि अरजाबग्राथिया जादों–
(a) 2
(b) 3
(c) 4
(d) 6
फिन : (b) 3
15. एलुमिनियामनि इलेकट्रनारि रानसारथिया जादों–
(a) 2, 8, 1
(b) 2, 8, 7
(c) 2, 8, 3
(d) 2, 8, 2
फिन : (c) 2, 8, 3
16. गुन्द्रासानि बायजो खारदिं लामायाव थानो हानाय इलेकट्रननि बांसिन अनजिमाया–
(a) 2
(b) 8
(c) 18
(d) 36
फिन : (b) 8
17. निउट्रनखौ सोर दिहुनदोंमोन?
(a) निलस ब ‘र।
(b) जे. साडउइक।
(c) जे. जे. थमसन।
(d) राडारफर्ड।
फिन : (b) जे. साडउइक।
18. जायखिजाया गुदि मुवानि गुन्द्रासानि M खोलोबआव थानाय इलेकट्रननि बांसिन अनजिमाया जादों–
(a) 2
(b) 8
(c) 18
(d) 32
फिन : (c) 18
19. मोनसे खोलोबआव थानाय बांसिन इलेकट्रननि अनजिमाया जादों–
(a) n²
(b) 2n²
(c) 2n³
(d) n³
फिन : (b) 2n²
20. गाहायाव होनाय माबे मोनसेया क्लरिननि थार इलेकट्रनारि रानसारथि?
(a) 2, 8
(b) 2, 8, 6
(c) 2, 8, 7
(d) 2, 8, 6
फिन : (c) 2, 8, 7
21. क्लरिन (Cl⁻) आयनआव अरजाबग्राथि इलेकट्रननि अनजिमाया–
(a) 16
(b) 8
(c) 17
(d) 18
फिन : (b) 8
21. गाहायनि थार बुंथिफोराव T आरो गोरोन्थि बुंथिफोराव F लिर।
(a) जे. जे. थमसनआ बिथांखि होदोंमोनदि गुन्द्रासानि निउक्लियासाव निउक्लियनल’ थायो।
फिन : F
(b) इलेकट्रन मोनसे आरो प्रटन मोनसे लोगो नांनानै मोनसे निउट्रन दायो। बेनिखायनो बेयो दद्र।
फिन : F
(c) इलेकट्रन मोनसेनि मोदोमबांआ प्रटननि मोदोमबांनि 1/2000 फान फ्राम।
फिन : T
(d) टिंसार आयडिन दानायाव आयडिननि मोनसे समान थावनियारि बाहायनाय जायो।
फिन : T
22. थार सायख ‘नायनि थाखाय (✓) सिन आरो गोरोन्थि सायख ‘नायनि थाखाय (x) सिन हो।
(i) राडारफर्डनि आलफा (∝) सेरेप जानगारनाय आनजादआ–
(a) गुन्द्रासायारि निउक्लियास।
(b) इलेकट्रन।
(c) प्रटन।
(d) निउट्रन संखांदोंमोन।
फिन : (a) ✓ (b) × (c) × (d) ×
(ii) गुदि मुवा मोनसेनि समान थावनियारिफोरा–
(a) रोखोमसे रासायनारि धोरोमफोर गोनां।
(b) गुबुन गुबुन महरारि धोरोमफोर गोनां।
(c) गुबुन गुबुन अनजिमायारि निउट्रन गोनां।
(d) गुबुन गुबुन गुन्द्रासायारि अनजिमा गोनां।
फिन : (a) x (b) x (c) ✓ (d) x
23. गाहायाव होनाय बुंथिफोरा थार ना गोरोन्थि सायख’, गोरोन्थि बुंथिफोरखौ थार खालाम।
(i) केथड सोरां रोदा दाजाबथा सार्ज गोनां सेरेपफोरजों दाजानाय।
फिन : गोरोन्थि, केथड सोरां रोदाफोरा दानख ‘था सार्ज गोनां सेरेफफोरजों दाजानाय।
(ii) गुन्द्रासायारि अनजिमा निउक्लियननि अनजिमाजों समान।
फिन : गोरोन्थि, गुन्द्रासायारि अनजिमाया प्रटननि अनजिमानि समान।
(iii) गुन्द्रासायारि मोदोम अनजिमाया निउक्लियासआव थानाय प्रटन आरो निउट्रननि गासै मोदोमबांजों समान।
फिन : थार।
(iv) समानथा मोदोमफोराव समान अनजिमानि निउट्रन थायो।
फिन : गोरोन्थि, समानथा मोदोमफोराव समान अनजिमानि प्रटन थायो।
(v) ब ‘र-बेरी सानमावथाइनि बादिब्ला, गुन्द्रासानि जोबथारनाय (बायजोसिन) खोलोबनि सिगांनि खारदिं लामायाव 2n² अनजिमानि इलेकट्रन थायो जेराव n आ जादों बै गोहो (शक्ति) खोलोबनि अनजिमा।
फिन : थार।
(vi) गुन्द्रासा मोनसेनि सखावआ 10⁻⁸ से.मि. फ्रामल’ जायो।
फिन : गोरोन्थि, गुन्द्रासा मोनसेनि सखावआ 10⁻¹⁰ मि. फ्रामल’ जायो।
(vii) ⁶⁰₂₇Co समानथावनियारिखौ थाइरयडनि बेरामआ मुलि हिसाबै बाहायनाय जायो।
फिन : गोरोन्थि, ₂₇Co⁶⁰ समानथावनियारिखौ केन्सार बेराम फाहामनायाव बाहायनाय जायो।
24. लांदां जायगा आबुं खालाम :
(i) केथड सोरां रोदाफोरा____ सार्ज गोनां सेरेपजों दाजानाय।
फिन : दानख ‘था।
(ii) प्रटननि मोदोमबांआ____ कि.ग्रा आरो बेनि सार्जनि मानआ____ कुलम्ब।
फिन : 1.625×10⁻²⁷; 1.602×10⁻¹⁹
(iii) निउट्रनआ मोब्लिबआरि हिसाबै____ आरो बेनि मोदोमबांआ प्रटननि मोदोमबांजों____ ।
फिन : सार्ज गैयि; समान।
(iv) गुन्द्रासायाव थानाय सार्जगोनां गुदि मुवा सेरेपफोरा जादों____ आरो____ ।
फिन : प्रटन; इलेकट्रन।
(v) समानथावनियारिफोराव समान अनजिमायारि____ आरो गुबुन गुबुन अनजिमायारि____ थायो।
फिन : प्रटन; निउट्रन।
(vi) समानथामोदोमफोरनि मोदोमबां अनजिमाया____ नाथाय प्रटननि अनजिमाया____ ।
फिन : समान; गुबुन गुबुन।
(vii) गुदि मुवा मोनसेनि गुन्द्रासायारि अनजिमाया 12 आरो मोदोम― बां अनजिमाया 24 बेनिखायनो गुदि मुवायाव मोन____ इलेकट्रन आरो मोन____ निउट्रन थागोन।
फिन : 12; 12
(viii) सडियामनि इलेकट्रनारि रानसारथिया____ आरो बेनि अरजाबग्राथिया____ ।
फिन : 2, 8, 1; 1
जोबोद सुंद’ सोंनायनि फिननाय
1. सोर गिबिसिन गुन्द्रासाया खायसे दाजाबसा गुन्द्रासायारि सेरेपजों दाजानाय होनना बुंदोंमोन?
फिन : जे. जे. थमसनआ 1900 मायथाइयाव।
2. केनेल सोरां रोदा एबा दाजाबथा सोरां रोदाखौ सोर संखांदोंमोन?
फिन : इ. गल्डष्टेइनआ।
3. सोर गिबिसिन मोब्लिबारि सार्जनि आखुथाइनि सोमोन्दै बुंथिदोंमोन?
फिन : उइलियाम गिलबार्टआ।
4. सोर गिबि-गिबियै मा आनजादनि हेफाजाबयै दाजाबथा आरो दानख ‘था सार्ज गोनां आयननि जोहै मोब्लिब गोसारथिफोरा दाजानाय होनना मोनथिहोदोंमोन?
फिन : माइकेल फेराडेआ मोब्लिब नायबिजिरनाय एबा मोब्लिब बिजिरथि आनजादनि जोहै मोब्लिबआरि गोसारथिफोरा दाजाबथा आरो दानख ‘था आयनजों दाजानाय होनना मोनथि होदोंमोन।
5. सोर माब्ला दानख ‘था सार्ज गोनां आयनाव थानाय सार्जखौ इलेकट्रन होनना मुंहोदोंमोन?
फिन : पि. जे. ष्टनीआ 1874 मायथाइयाव मोब्लिबआरि सार्ज गोनां आयनफोरआव थानाय सार्जखौ इलेकट्रन होनना मुं होदोंमोन।
6. सोरनि आनजादनिफ्राय इलेकट्रननि थाथाइनि सोमोन्दै मोनथिनो हादोंमोन?
फिन : जे.जे. थमसननि आनजादनिफ्राय इलेकट्रननि थाथाइनि फोरमान मोननाय जादोंमोन।
7. (a) गुन्द्रासायारि सानगुदियाव इलेकट्रन आरो प्रटननि मोदोमबांआ बेसेबां?
फिन : इलेकट्रननि मोदोमबां = 5.4857×10⁻⁴u प्रटननि मोदोमबां = 1.00728u
(b) ¹⁴₇N दिन्थिथिया मा फोरमायदों लिर।
फिन : ¹⁴₇N दिन्थिथिया नाइट्रजेननि गुन्द्रासाखौ फोरमायदों।
बेयाव, नाइट्रजेननि गुन्द्रासायारि अनजिमाया 7 आरो मोदोमबां अनजिमाया 14।
8. सोर गिबिसिन गुन्द्रासानि दिन्थिथि (Nuclear Model) दिहुनदोंमोन?
फिन : जे. जे. थमसनआ– प्लाम पुडिं दिन्थिथि।
9. थमसननि दिन्थिथिखौ सावगारि बो।
फिन : थमसननि गुन्द्रासानि दिन्थिथि–
10. राडारफर्डनि आनजादखौ मा बुङो?
फिन : सेरेप जानगारलांनाय आनजाद।
11. गुन्द्रासानि बयजोंबो गनायथि होजानाय आथिखालनि दिन्थिथिखौ सोर दिहुनदोंमोन?
फिन : नीलस ब ‘र।
12. निउट्रनखौ सोर दिहुनजेनदोंमोन?
फिन : 1932 मायथाइयाव जेमस साडउइकआ दिहुनजेनदोंमोन।
13. (a) इलेकट्रनफोरा खारदिं लामायाव रानसारना थानाय फरमुलाया मा?
फिन : ब’र-बेरिनि 2n² (n=1, 2, 3….) फरमुला।
(b) Cl (क्लरिन) नि इलेकट्रनारि साजायथिया मा जागोन लिरना बेनि अरजाबग्राथिखौ दिहुन।
फिन : Cl नि इलेकट्रनारि साजायथि = 2, 8, 7; बेनि अरजाबग्राथिया जादों = -1
14. गुन्द्रासायारि अनजिमाया मा?
फिन : गुन्द्रासायाव थानाय प्रटननि अनजिमाखौ गुन्द्रासायारि अनजिमा बुङो।
15. समानथावनियारि (Isotopes) माखौ बुङो?
फिन : मोनसे गुदि मुवानि जायफोर गुन्द्रासानि गुन्द्रासायारि मोदोमबां एबा मोदोमबां अनजिमाया गुबुन गुबुन बैखौनो आइस ‘टप एबा समानथावनियारि बुङो।
16. (a) समानथामोदोम (Isobars) नि बुंफोरथि हो।
फिन : एखे एबा समान मोदोमबां अनजिमा गोनां, नाथाय गुन्द्रासायारि अनजिमाया गुबुन गुबुन गुन्द्रासायारिफोरखौ समानथामोदोम एबा आइस ‘बार बुङो।
(b) कार्बननि समानथावनियारि मोननैनि फरमुला लिर।
फिन : कार्बननि समानथावनियारि मोननैनि फरमुलाया जादों–
₆¹²C आरो ₆¹⁴C
17. आइस ‘टनआ मा?
फिन : जायफोर गुन्द्रासायाव निउट्रननि अनजिमाया एखे थायो, बेखौनो आइस ‘टन बुङो।
18. केनेल रोदाया मा?
फिन : केनेल रोदा : गेसनि मोब्लिब एंगारनायाव केथडनिफ्राय बेनि उल्था फारसेथिं केथडनि गुदुं गेजेरजों बेयो दाजाबथाइ रोदा बेरस्रां होयो बैखौनो केनेल रोदा एबा दाजाबथाइ रोदा बुङो।
19. गुन्द्रासा मोनसेयाव मोनसे प्रटन आरो मोनसे इलेकट्रन थायोब्ला बेयो माबाफोर सार्ज दैदेनगोन ना दैदेना?
फिन : जेबो सार्ज दैदेना। मानोना मोननैनिबो सार्जआ समान आरो उल्था धोरोमारि। बेनिखायनो गुन्द्रासाया दद्र’ जागोन।
20. थमसननि गुन्द्रासानि दिन्थिथि बादियै गुन्द्रासा मोनसेया सरासनस्रायै माबादियै गोरोबलायो बेखेव।
फिन : थमसननि गुन्द्रासानि दिन्थिथि बादियै गुन्द्रासा मोनसेयाव थानाय प्रटन आरो इलेकट्रननि अनजिमाया समान। मोननैनिबो सार्जआ उल्था धोरोमारि आरो समानमाननि। बेनिखायनो मोब्लिबारि बादियै गुन्द्रासा मोनसेया दद्र’।
21. राडारफर्डनि गुन्द्रासा दिन्थिथि बादियै गुन्द्रासानि निउक्लियासआव माबे लोगो थाफादेर गुन्द्रासायारि सेरेप थायो?
फिन : राडारफर्डनि गुन्द्रासानि दिन्थिथि बादियै प्रटनआ लोगो थाफादेर (दाजाबसा) गुन्द्रासायारि सेरेपफोरा गुन्द्रासानि मिरु (Nucleus) आव थायो।
22. मोनथाम खोलोबजों लोगोसे ब ‘रनि गुन्द्रासानि दिन्थिथिनि मोनसे सावगारिबो।
फिन : मोनथाम खोलोबजों लोगोसे ब’रनि गुन्द्रासानि दिन्थिथिनि सावगारि आखिनाय जाबाय।
23. गुन्द्रासानि मोनथाम दाजाबसा गुन्द्रासायारि सेरेपफोरनि मुंखौ लिर।
फिन : (i) इलेकट्रन (0ᵉ⁻) (ii) प्रटन (1p⁺¹) (iii) निउट्रन (1n⁰)
24. गुन्द्रासा मोनसेनि K आरो L खोलोबफोरा आबुं जानानै थायोब्ला गुन्द्रासायाव इलेकट्रननि गासै अनजिमाया बेसेबां जागोन?
फिन : गुन्द्रासा मोनसेनि K आरो L खोलोबफोरा आबुं जानानै थायोब्ला गुन्द्रासायाव इलेकट्रननि अनजिमाया जागोन– 2+8=10
सुंद’ सोंनायनि फिननाय
1. हिलियाम गुन्द्रासानि गुन्द्रासायारि मोदोमबांआ 4u आरो बेनि निउक्लियासआव मोननै प्रटन दं। बेयाव मोन बेसेबां निउट्रन थागोन?
फिन : हिलियाम गुन्द्रासानि गुन्द्रासायारि मोदोमबां = 4u
प्रटननि अनजिमा = 2
∴ गुन्द्रासायारि मोदोमबां = प्रटन + निउट्रन
⇒ 4u = 2 + निउट्रन
⇒ निउट्न = 4-2
= 2
मानोना मोनफ्रोम प्रटन आरो निउट्रननि–
मोदोमबां = 1u
2. कार्बन आरो सडियाम गुन्द्रासायाव इलेकट्रननि रानसारथिखौ दिन्थि।
फिन : कार्बनआव इलेकट्रननि अनजिमा = 6
बेनिखायनो बेनि इलेकट्रनारि साजायथि K = 2
L = 4
थामहिनबा 2, 4
आरो सडियामनि इलेकट्रननि अनजिमा = 11
बेनिखायनो बेनि इलेकट्रनारि साजायथि K = 2, L = 8, M = 1
थामहिनबा 2, 8, 1
3. जदि ∝- सेरेप जानगारलांनाय आनजादआव सनानि बिलाइनि सोलाइ गुबुन धातुनि बिलाई बाहायोब्ला मा नुनो मोनगोन होनना सानो?
फिन : सनानि बिलाइनि सोलाइ थाइजौ बिलाइजों राडारफर्डनि आनजादखौ खालामब्लाबो फिथाइया एखेखौनो मोननो हागौमोन। नाथाय सनानि बादि बिलाइआ गोबा जानो नांगोन। बे रोखोमनि गोबा बिलाइ सनानि अनगायै गुबुन धातुनिफ्राय मोननाया गोब्राब। मानोना गुबुन धातुफोरा साननि बादि बुदामब्लानानै गोसार होनो हाया। नाथाय रोजा बिलाइ बाहायनाने ∝ जानगारलांनाय आनजादनि फिथाइखौ मोननो हानाय नङा। मानोना, ∝ -सेरेपफोरा बिलाइनि गेजेरजों बारलांनो हानाय नङा आरो गिदिंफिनबोगोन। बेनिखायनो निउक्लियासजों जाथाइ जानाय जानगारलांनायखौ नुनो मोननाय नङा।
4. क्लरिन, सालफार आरो मेगनेसियामनि अरजाबग्राथिखौ माबोरै मोनगोन?
फिन : गुन्द्रासा मोनसेनि बायजो खोलोबआव थानाय इलेकट्रननि अनजिमाया 4 एबा 4 निख्रुइ (अरजाबग्रा इलेकट्रन) बांसिन जायोब्ला, बेनि अरजाबग्राथिखौ मोनांगौब्ला 8 निफ्राय अरजाबग्रा इलेकट्रनखौ दानख ‘योब्ला अरजाबग्राथिखौ मोननाय जायो। बेयाव क्लरिन, सालफार आरो मेगनेसियामनि इलेकट्रनारि साजायथिया फारियै–
Cl = 2, 8, 7 S = 2, 8, 6 Mg = 2, 8, 2
बेनिखायनो Cl- नि अरजाबग्राथि 8-7=1
∴ S नि अरजाबग्राथि 8-6=2
Mg नि अरजाबग्राथि = 2
5. जुदि गुन्द्रासा मोनसेआव इलेकट्रननि अनजिमाया 8 आरो प्रटननि अनजिमायाबो 8 जायो। अब्ला,
(i) गुन्द्रासानि गुन्द्रासायारि अनजिमाया मा जागोन?
(ii) गुन्द्रासानि सार्जआ बेसेबां जागोन?
फिन : (i) गुन्द्रासायारि अनजिमा = 8
(ii) सार्जआ जागोन लाथिख’।
6. H, D आरो T दिन्थिसिननि मोनफ्रोमआव थानाय मोनथाम दाजाबसा गुन्द्रासायारि सेरेपफोरनि फारिलाइ बानाय।
फिन : H (हाइड्रजेन), D (डिउटेरियाम) आरो T (ट्रिटियाम) आव थानाय दाजाबसा गुन्द्रासायारि सेरेपफोरनि फारिलाइया जादों–
| दाजाबसा गुन्द्रासायारि सेरेप | H | D | T |
| इलेकट्रन। | 1 | 1 | 1 |
| प्रटन। | 1 | 1 | 1 |
| निउट्रन। | 0 | 1 | 2 |
7. जरासेयै समानथावनियारि आरो समानथामोदोमनि इलेकट्रनारि रानसारथि लिर।
फिन : जरासे समानथावनियारि (Isotopes) आ जादों–
¹²₆C आरो ¹⁴₆C बेसोरनि इलेकट्रनारि रानसारथिया समान। मानोना बेसोरहा समान अनजिमायारि इलेकट्रन थायो। इलेकट्रनारि रानसारथि = 2, 4
जरासे समानथामोदोम (Isobars) आ जादों– ²²₁₀Ne आरो ²²₁₁Na
इलेकट्रनारि रानसारथि = ²²₁₀Ne = 2, 8, 1, ²²₁₁Na = 2, 8, 1
8. इलेकट्रन, प्रटन आरो निउट्रननि धोरोमफोरखौ रुजु।
फिन : गुन्द्रासायाव थानाय गुदि सेरेपफोरनि धोरोमफोरखौ संलाइयाव दिन्थिनाय जाबाय–
| आखुथाइ | इलेकट्रन | प्रटन | निउट्रन |
| दिन्थिसिन | 0e- | 0p+ | 1n0 |
| मोब्लिबआरि आखुधाइ | दानख ‘थाइ | दाजाबथाइ | दद्र’ |
| सार्ज | -1 | 1 | 0 |
| सार्जनि मान (कुलम्ब) | -1.602×10-19 | +1.602×10-19 | |
| मोदोमबां– | |||
| सि.जि.एस. सानगुदि (ग्राः) | 9.109×10-28 | 1.625×10-24 | 1.675×10-24 |
| एस.आइ. सानगुदि (किग्रा:) | 9.109×10-31 | 1.625×10-27 | 1.675×10-27 |
| गुन्द्रासायारि मोदोमबांसानगुदि (u) | 5.4857×10-4 | 1.00727 | 1.00866 |
9. जे.जे. थमसननि गुन्द्रासा दिन्थिथिनि सिमाथिफोरा मा मा?
फिन : जे.जे. थमसननि गुन्द्रासा दिन्थिथिनि सिमाथिफोरा जादों–
(i) थमसननि बादिब्ला मोदोमबांआ बेनि इलेकट्रन आरो प्रटननि गासै मोदोमबांजों समान।
(ii) गुन्द्रासायाव इलेकट्रन आरो प्रटनआ समान समानै रानसायनारि थायो, जायखौ राडारफर्डआ नासयदों।
10. राडारफर्डनि गुन्द्रासा दिन्थिथिनि सिमाथिफोरा मा मा?
फिन : राडारफर्डनि गुन्द्रासा दिन्थिथिनि गेनाफोरा जादों–
(i) स्रांबेरस्रांनायनि मोब्लिब सुम्बकआरि बुंफोरथि बादियैब्ला सार्जगोनां बेसादा मोनसे बेंखानारि खारदिं लामायाव गिदिंबाय थायोब्ला बेयो जोबनोगोयि शक्ति स्रांबेरस्रां होगोन। राडारफर्डनि दिन्थिथिआव इलेकट्रनफोरा बेंखनारि खारदिं लामायाव निउक्लियासनि सोरगिदिं गिदिंबाय थायो। जिहेथु इलेकट्रनआ दानख’था सार्ज गोनां, ओंखायनो (जाखायनो) बेंखनारि खारदिं लामायाव गिदिंबाय थानायाव इलेकट्रना थादनाय गोयि शक्ति स्रांबेरस्रां होबाय थागोन। जाउनाव इलेकट्रनआ फारियै शक्ति एंगारनानै बेंखनारि दोनथुम (Coil) नि बादि लामाजों फैना निउक्लियासआव गोग्लैफैगोन। थामहिनबा सानख’रांनि बादि राडारफर्डनि गुन्द्रासाया थादोम (दिदोम) जानो हाया।
(ii) राडारफर्डनि बादिब्ला इलेकट्रनफोरा निउक्लियास (गुन्द्रासा मिरु) नि सोरगिदिं थाद’नाय गोयि गिदिंबाय थानानै शक्ति स्रांबेरस्रां होयो। जाउनाव गुन्द्रासा मोनसेनिफ्राय मोननाय गाबसोरां मालाया थाद ‘नाय गोयि जानांगौ। नाथाय गुन्द्रासाफोरा मोनसे थि सानदांथि गाबनिसो हांखो गाबसोरां माला दिन्थियो।
11. (a) ब ‘रनि गुन्द्रासा दिन्थिथिनि गनायथिफोरखौ लिर।
फिन : ब’रनि (Bohr) गुन्द्रासा दिन्थिथिनि गनायथिफोरा जाबाय–
(i) गुन्द्रासा मिरुनि सोरगिदिं खायसे थाद ‘नाय खारदिं लामा दं, जेराव इलेकट्रनफोरा मोजां थाथियै थायो।
(ii) मोजां थाथाइनि खारदिं लामायाव थानाय इलेकट्रनफोरा शक्ति स्रांबेरस्राङा।
(b) ब ‘रनि गुन्द्रासा दिन्थिथिखौ बेखेव।
फिन : ब ‘रनि गुन्द्रासा दिन्थिथिखौ बेखेवनाय जाबाय–
(i) गुन्द्रासा मोनसेनि इलेकट्रनफोरा निउक्लियास (गुन्द्रासा समिरु) नि सोरगिदिं थानाय खायसे थि बेंखनारि खारदिं लामायाव गिदिंबाय थायो। बे खारदिं लामाफोरखौ दलर एबा थाथ ‘नाय खारदिं लामा एबा शक्ति खोलोब बुंनाय जायो।
(ii) मोनफ्रोम शक्ति खोलोबाव थामोन शक्तिनि बिबांआ थिखानाय। शक्ति खोलोबफोरखौ K,L,M,N…….. एबा 1,2,3,4,……… अनजिमाजों फोरमायनाय जायो। निउक्लियासनि खाथिथारआव, थानाय शक्ति खोलोबनि (K-शक्ति खोलोब एबा 1 शक्ति खोलोब) शक्तिआ खमसिन। निउक्लियासनिफ्राय जानगारलांनाय
लोगो लोगोनो गोजौफारसे खारदिं लामाफोरनि शक्तिआ फारियै बांलांबाय थायो। थामहिनबा गुन्द्रासा मोनसेआव खारदिं लामाफोरनि शक्तिआ बांलांनाय फारिआ जादों–
K<L<M<N……. (एबा 1<2<3<4….)।
साव : गुन्द्रासाफोरनि शक्ति खोलोब
(iii) थि खारदिं लामा मोनसेआव गिदिंबाय थानायाव इलेकट्रन मोनसेयाव थि बिबांनि शक्तिआ थामोन जानानै थायो। जाखायनो दलर (दिदोम) खारदिं लामा मोनसेआव गिदिंबाय थानाय थासारियाव इलेकट्रन मोनसेया शक्ति सोबख’आ एबा स्रांबेरस्राङा।
(iv) मोनसे खारदिं लामानिफ्राय गुबुन मोनसे खारदिं लामासिम इलेकट्रन मोनसेआ बाज्ल ‘योब्ला थि बिबांनि शक्ति सोबख ‘गोन एबा स्रांबेरस्रांगोन। गाहायनि खारदिं लामानिफ्राय गोजौनि खारदिं लामासिम थाङोब्ला इलेकट्रनआ शक्ति सोबख ‘गोन आरो गोजौनि खारदिं लामानिफ्राय गाहाय खारदिं लामासिम बाज्ल ‘योब्ला इलेकट्रनआ शक्ति स्रांबेरस्रां होगोन।
12. बे खोन्दोआव होनाय गुन्द्रसानि दिन्थिथिफोरखौ रुजु।
फिन : बे खोन्दोआव होनाय गुन्द्रासानि दिन्थिथि मोनथामआ जादों–
(i) जे.जे. थमसननि दिन्थिथि।
(ii) राडारफर्डनि दिन्थिथि।
(iii) ब ‘रनि दिन्थिथि।
जे.जे. थमसननि बादिब्ला गुन्द्रासानि सिंआव थानाय इलेकट्रनफोरा प्रटनजों समान समानै रानसारनानै थायो। थिक प्लाम पुडिं मोनसेनि बादि।
राडारफर्डनि आलफा (∝) सेरप जानगारहोनाय आनजादनि बादिब्ला इलेकट्रन आरो प्रटननि अनजिमाया समान। नाथाय प्रटनफोरा गुन्द्रासानि निउक्लियासआव थायो आरो इलेकट्रनफोरा बेनि सोरगिदिं जिबौ खारथाइयारि बेंखनाव गिदिंबाय थायो।
नीलस ब ‘रनि बादिब्ला गुन्द्रासानि गेजेराव निउक्लियास थायो। निउक्लियासआव प्रटनफोरा थायो आरो इलेकट्रनफोरा निउक्लियासनि सोरगिदिं खायसे थाद ‘नाय खारदिं लामायाव गिदिंबाय थायो। जेब्ला मोनसे खारदिं लामानफ्राय गुबुन मोनसे खारदिं लामासिम इलेकट्रनफोरा बाज्ल ‘यो, अब्ला बेसोर शक्तिखौ सोबखांना लायो।
13. गिबि मोनजिदाइन गुदि मुवानि थाखाय गुबुन गुबुन खोलोबाव इलेकट्रन रानसारथिनि खान्थिफोरखौ सुंद ‘यै लिर।
फिन : गिबि मोन 18 गुदि मुवानि गुबुन गुबुन खोलोबाव इलेकट्रननि रानसारथिनि खान्थिफोरा जादों–
(i) जुदि गुदि मुवानि गुन्द्रासायाव n(n=1,2,3,……) अनजिमानि खोलोब थायो, अब्ला बेयाव 2n² बांसिन अनजिमानि इलेकट्रन थानो हांगौ। बे बादियैनो K खोलोब एबा गिबि खोलोबआव इलेकट्रननि–
अनजिमा = 2×1²=2
L खोलोब एबा नैथि खोलोबाव इलेकट्रननि अनजिमा = 2×2²=8
M खोलोब एबा थामथि खोलोबआव इलेकट्रननि अनजिमा = 2×3²=18…बायदि।
(ii) जुदि खोलोबआ बायजोनि खोलोब जायो, अब्ला बैयाव बांसिनै मोन 8 इलेकट्रन थागोन।
(iii) इलेकट्रनफोरा 2n² बुंफोरथि बादियै मोनसेनि उनाव मोनसेयै खोलोबआ आबुं जागोन आरो जोबनायाव थालांनाय इलेकट्रनफोरा जुदि मोन 8 निख्रुइ बारा थायो, अब्ला बेनि मोन 8 बायजोसिनआव थानाय खोलोबनि सिगांनि खोलोबआव थागोन आरो आद्रा थानाय माखासेआ (8 निख्रुइ खम) बायजोसिन खोलोबआव थागोन। बे खोलोबखौ अरजाबग्राथि खोलोब बुंनाय जायो।
14. सिलिकन आरो अक्सिजेनखौ बिदिन्थि हिसाबै लाना अरजाबग्राथिनि बुंफोरथि हो।
फिन : जायखि जाया मोनसे गुदि मुवानि गुन्दासाया गुन्द्रामा दानोब्ला बेयो गुबुन गुदि मुवानि जेसेबां गुन्द्रासा हमथाना लानो हायो, बेखौनो बेनि अरजाबग्राथि बुङो।
इलेकट्रनारि साजायथि बादिब्ला अरजाबग्रा खोलोबआव (गुन्द्रासानि बायजोसिन खोलोब) थानाय इलेकट्रनानो अरजाबग्राथिखौ दिन्थियो।
जुदि अरजाबग्रा खोलोबाव मोन 4 एबा बेनिख्रुइ खम अनजिमानि इलेकट्रन थायो, अब्ला बै अरजाबग्रा इलेकट्रननि अनजिमायानो गुदि मुवानि अरजाबग्राथिखौ फोरमायो।
जुदि मोन 4 एबा बेनिख्रुइ बांसिन (बांसिनयै 8) थायो, अब्ला अरजाबग्राथिआ जागोन = 8 – अरजाबग्रा इलेकट्रन
सिलिकननि गुन्द्रासायारि अनजिमा = 14
बेनिखायनो बेनि इलेकट्रननि रानसारथि = 2,8,4
बेनिखायनो बेनि अरजाबग्राथि = 8-4 = 4
अक्सिजेननि गुन्द्रासायारि अनजिमा = 8
इलेकट्रननि रानसारथि = 2, 6
बेनिखायनो अरजाबंग्राथि 8-6 = 2 थामहिनबा बेनो गावनि बायजोसिन खोलोबाव मोन 8 इलेकट्रन आबुंजानो थाखाय आरोबाव मोन 2 इलेकट्रन नांबावगोन।
15. बिदिन्थिजों लोगोसे बेंखेव–
(a) (i) गुन्द्रासायारि अनजिमा।
(ii) मोदोमबां अनजिमा।
(iii) समानथावनियारि आरो
(iv) समानथामोदोम।
(b) समानथावनियारिनि जायखिजाया मोननै बाहायथि लिर।
फिन : (a) (i) गुन्द्रासायारि अनजिमा : गुदि मुवा गुन्द्रासानि निउक्लियासाव थानाय प्रटननि अनजिमाखौनो, बेनि गुन्द्रासायारि अनजिमा बुङो। बिदिन्थि हिसाबै नाइट्रजेननि गुन्द्रासायारि अनजिमा = 7
थामहिनबा बेनि निउक्लियासाव मोन 7 प्रटन दं।
(ii) मोदोमबां अनजिमा : गुन्द्रासायाव थानाय प्रटन (p) आरो निउट्रन (n) नि गासै अनजिमाखौनो, बै गुदि मुवानि मोदोमबां अनजिमा बुङो। बिदिन्थि हिसाबै- कार्बननि मोदोम अनजिमा (A)
A = p + n = 6 + 6 = 12
बेनि निउक्लियासाव मोन 6 प्रटन आरो मोन 6 निउट्रन-दं।
(iii) समानथावनियारि : मोनसे गुदि मुवानिनो गुन्द्रासायाव बेसोरनि गुन्द्रासायारि मोदोमबां एबा मोदोमबां अनजिमाया आलादा जायोब्ला, गुन्द्रासाफोरखौ समानथावनियारि एबा आइस ‘टप बुङो। बिदिन्थि हिसाबै– ¹²₆ C आरो ¹⁴₆ फोरा जादों कार्बननि मोननै समानथावनियारि।
(iv) समानथामोदोम : गुबुन गुबुन गुदि मुवानिनो गुन्द्रासानि जायफोरनि मोदोमबां अनजिमाया एखे एबा समान, बैखौनो समानथामोदोम एबा आइस ‘बार बुंनाय जायो। बिदिन्थि हिसाबै–
C¹⁴ आरो N¹⁴ फोरा समानथामोदोम।
(b) समानथावनियारिनि मोननै बाहायनाया जाबाय–
(i) कबाल्टनि समानथावनियारि Co⁶⁰ खौ केन्सारनि फाहामथाइयाव बाहायनाय जायो।
(ii) इउरेनियामनि समानथावनियारि ²³⁵U खौ निउक्लिय’ रिएक्टरआव (जनजाग्रा) खाममुवा हिसाबै बाहायनाय जायो।
16. Na + आव आबुं महरै फुरा जानानै थानाय K आरो L दं। ब्रेखेवना लिर।
फिन : (Na) सदियामनि गुन्द्रासायारि अनजिमा = 11
बेनिखायनो दद्र’ सडियाम गुन्द्रासायाव मोन 11 इलेकट्रन थायो। गुबुन फोरसेथिं Na⁺ आयनाव मोन 10 इलेकट्रन थायो। बेनिखायनो Na⁺ नि खोलोबाव K खोलोबाव = 2 आरो L खोलोबाव = मोन 8 थायो। K खोलोब आरो L खोलोबआ आबुं जानानै थायो।
17. जुदि ब्रमिन गुन्द्रासाया ⁷⁹₃₅Br (49.7%) आरो ⁸¹₃₅Br (50.3%) समानथावनियारिनि महराव थायो, अब्ला बेनि गड़ गुन्द्रासायारि मोदोमबांआ बेसेबां जागोन सानखांना लिर।
फिन : ⁷⁹₃₅Br समानथावनियारिनि जौखोन्दो बिबां = 49.7%
बेनिखायनो, ⁷⁹Br नि गुन्द्रासायारि मोदोमबां = 49.7/100×79 = 39.26u
बेनिखायनो, ⁸¹₃₅Br समानथावनियारिनि जौखोन्दो बिबां = 50.3%
रोखोमसेयैनो, ⁸¹Br नि गुन्द्रासायारि मोदोमबां = 50.3/100 × 81 = 40.74u
बेनिखायनो, ब्रमिन गुन्द्रासानि गड़ गुन्द्रासायारि मोदोमबां = 39.26 + 40.74 = 80.0u
18. मोनसे गुदि मुवा X नि मोनसे नमुनानि गड़ गुन्द्रासायारि मोदोमबांआ 16.2u नमुनायाव समानथावनियारि ¹⁶₈X आरो ¹⁸₈X नि जौखोन्दो बिबांआ मा मा?
फिन : हमना लानाय जाबाय–
¹⁶₈X नि जौखोन्दो बिबां = A
∴ ¹⁸₈X नि जौखोन्दो बिबांआ जागोन = 100 – A
∴ जों मोनो दि–
19. जुदि Z = 3 जायो, अब्ला गुदि मुवानि अरजाबग्राथिआ बेसेबां जागोन? गुदि मुवानि मुंखौ लिर।
फिन : होनाय दं, Z = 3
थामहिनबा गुन्द्रासायारि अनजिमा = 3
∴ गुदि मुवानि मुङ- लिथियाम
बेनि इलेकट्रनारि रानसारथि = 2, 1
बेनि अरजाबग्राथि = 1
20. मोननै गुन्द्रासा X आरो Y निउक्लियासनि अरजाबग्राखौ गाहायाव होनाय जादों।
X Y
प्रटन = 6 6
निउट्रन = 6 8
X आरो Y नि मोदोमबां अनजिमाखौ लिर। मोननैनि गेजेराव थानाय सोमोन्दोआ मा?
फिन :
X Y
प्रटन = 6 6
निउटून = 6 8
∴ X नि मोदोमबां अनजिमा = 6 + 6 = 12
Y नि मोदोमबां अनजिमा = 6 + 8 = 14
बेयाव, X आरो Y मोननैनिबो गुन्द्रासायारि अनजिमाया एखे, नाथाय मोदोमबां अनजिमाया गुबुन गुबुन। बेनिखायनो मोननैबो समानथावनियारि। ¹²₆X आरो ¹⁴₆Y
21. गाहायनि संलाइखौ आबुं खालाम।
| गुन्द्रासायारि अनजिमा | मोदोमबां अनजिमा | निउट्रननि अनजिमा | प्रटननि अनजिमा | इलेकट्रननि अनजिमा | गुन्द्रासा/आयननि मुं |
| 9 | ― | 10 | ― | ― | ― |
| 16 | 32 | ― | ― | ― | सालफार |
| ― | 24 | ― | 12 | ― | ― |
| ― | 2 | ― | 1 | ― | ― |
| ― | 1 | 0 | 1 | 0 | ― |
फिन :
| गुन्द्रासायारि अनजिमा | मोदोमबां अनजिमा | निउट्रननि अनजिमा | प्रटननि अनजिमा | इलेकट्रननि अनजिमा | गुन्द्रासा/आयननि मुं |
| 9 | 19 | 10 | 9 | 9 | फ्लरिन |
| 16 | 32 | 16 | 16 | 16 | सालफार |
| 12 | 24 | 12 | 12 | 12 | मेगनेसियाम |
| 1 | 2 | 1 | 1 | 1 | डिउटेरियाम |
| 1 | 1 | 0 | 1 | 0 | प्रटियाम |
22. गुन्द्रासायाव थानाय गुदि सेरेपफोरनि मुंखौ लिर। बे सेरेपफोरनि मोदोमबां आरो सार्जनि मानखौ SI सानगुदिआव लिर।
फिन : गुन्द्रासायाव थानाय गुदि सेरेपफोरा जाबाय–
प्रटिन, निउट्रन आरो इलेकट्रन।
बे सेरेपफोरनि मोदोमबां आरो सार्जनि मुङा जाबाय–
मोदोमबां : प्रटन (ᵐp) = 1.625 × 10⁻²⁷ कि: ग्रा:
निउट्रन (ᵐq) = 1.675 × 10⁻²⁷ कि: ग्रा:
इलेकट्रन (ᵐe) = 9.109 × 10⁻³¹ कि: ग्रा:
सार्ज : प्रटन (⁺e) = + 1.602 × 10⁻¹⁹ कुलम्ब
इलेकटून (-e) = -1.602 × 10⁻¹⁹ कुलम्ब
निउट्रन (n) = 0
23. ∝- सेरेप जानगारलांनाय आनजादखौ सोर खालामदोंमोन? बे आनजादनि नायबिजिरथिखौ लिर।
फिन : ∝- सेरेप जानगारलांनाय आनजादखौ इ. राडारफर्ड मुंनि बिगियानगिरिया खालामदोंमोन।
आनजादनि मोननै नायबिजिरथिया जादों–
राडारफर्डनि आनजादनिफ्राय गाहायाव होनाय नायबिजिरफोरखौ मोननाय जाबाय–
(i) बांसिन बाहागो ∝- सेरेपआ सनानि बिलाइ गेजेरजों ओंखार लाङो।
(ii) बिलाइ गेजेरजों गलांनायाव जोबोद खम बिबांनि ∝- सेरेपनि लामानि दिगआ सोलायो। बे खम बिबांनि मोन 1000 फ्राम मोनसे सेरेपनि जानगारलांनाया 108° सिम जायो। थामहिनबा सनानि बिलाइआव सौदावना फैनाय लामायाव गिदिंफिनलाङो।
24. राडारफर्डनि ∝-रोदा जानगारलांनाय आनजादखौ सुंद ‘यै बेखेव। आनजादआव मोननाय नायबिजिरथिनिफ्राय मा गरन्थलानो हानाय जायो लिर।
फिन : राडारफर्डनि आलफा (∝)- रोदा जानगारलांनाय आनजाद : 1911 मायथाइयाव इ. राडारफर्डआ गुन्द्रासा दाथाइनि सोमोन्दै बिथांनि दिन्थिथिखौ होलांदों। बिथांनि आनजादखौ गाहायाव होनाय जाबाय। बे आनजादखौ गाइगार मार्सडेन आनजाद होननाबो मिथिनाय जायो।
राडारफर्डआ गांसे जोबोद गोबा सनानि बिलाइखौ (0.00004 से.मि.) ∝- सेरेपजों सौदावहोजादोंमोन। आलफा (∝)- सेरेपआ जादों माखासे स्रांबेरस्रांग्रा गुदि मुवा (जेरै- रेडियाम) निफ्राय ओंखार बोनाय जोबोद गोख्रैथि गोनां मोननै सानगुदि दाजाबथा सार्ज गोनां हिलियामनि गुन्द्रासा (He²⁺)। सेहा (लेड) नि बिलाइ गांसेआव थानाय गब्लं (गुदुं) मोनसेनि गेजेरजों ∝- सेरेपफोरखौ थांनो होयोब्ला सेरेपफोरनि मोनसे समान-समान (खान्थिनां) रोदा मोननाय जायो। बे रोदाया बैसमाव समानि बिलाइयाव सौदावो।
सना बिलाइनि सोरगिदिं जिंक सालफाइडनि गाब लिदलानाय बेंखनारि (दुलुर) पर्दा दं।
∝- सेरेपआ पर्दायाव सौदावोब्ला जोंथि सोरां सोमजियो। जोंथि सोरांफोरनि थावनिफोरनिफ्राय ∝- रोदा जानगारलांनायनि बिबांखौ दिहुननो हायो।
∝-सेरेप जानगारलांनाय आनजादनिफ्राय राडारफर्डआ नायबिजिरदोंमोन दि–
(i) बांसिन बाहागो ∝- सेरेपआ गोरलैयैनो सनानि बिलाइनि गेजेरजों बारलाङो।
(ii) जोबोद खम अनजिमानि ∝ सेरेपआ गुबै (गुदि) लामानिफ्राय जानगारो। मोन 1000 फ्राम सेरेपनि मोन 1 सेरेपआ एखे लामाजों आबुंयै गिदिंफिनो।
साव : राडारफर्डनि दिन्थिथि गोजौनि नायबिजिरथि मोनफ्रोमनि बेखेवथिखौ राडारफर्डआ बेबादियै होदोंमोन। बिथांनि बादिब्ला गुन्द्रासा मोनसेनि दाजाबथा सार्जफोरा बेनि मिरुआव खौसेयै थुबुर जाना थायो। बे मिरुखौ बिथाङा गुन्द्रासाख’ एबा निउक्लियास (गुन्द्रासा मिरु) मुं होदोंमोन। ∝- सेरेपफोरा बिसोरनि लामानिफ्राय जानगारलांनाय जाहोना जादों बेफोरनि दाजाबथा सार्ज आरो निउक्लियासआव थानाय दाजाबथा सार्जनि गेजेराव जानाय नारगारनायनि थाखाय। जा मोनफा मोननै ∝-सेरेपआ निउक्लियासनि जोबोद खाथिसिम फैयो, बैफोर सिगांनि लामाजों फ्राय गिदिंफिनो।
नायबिजिरथिनिफ्राय राडारफर्डआ गरन्थ (थिरांथा) खालामो दि गुन्द्रासा दिन्थिथिनि मोननै बाहागो थायो। मोनसे निउक्लियास बाहागो आरो गुबुन मोनसेआ बायजोनि निउक्लियास बाहागो। निउक्लियासनि सोरगिदिं इलेकट्रनफोरा थाद ‘नाय गोयि बेंखनारि लामाजों मोब्लिब सुम्बकआरि शक्ति स्रांबेरस्रां होना दिदिंथिङो।
25. गाहायाव होनाय गुदि मुवाफोरनि इलेकट्रनारि साजायथि लिर।
He, B, C, O, Cl, Na, Al, Ca, K, S, P, N
फिन :
| He नि–गुन्द्रासायारि अनजिमा = 2इलेकट्रनारि साजायथि = 2B नि–गुन्द्रासायारि अनजिमा = 5इलेकट्रनारि साजायथि = 2,3C नि–गुन्द्रासायारि अनजिमा = 6इलेकट्रनारि साजायथि = 2,4Al नि–गुन्द्रासायारि अनजिमा = 13इलेकट्रनारि साजायथि = 2,8,3Ca नि–गुन्द्रासायारि अनजिमा = 20इलेकट्रनारि साजायथि = 2,8,8,2K नि–गुन्द्रासायारि अनजिमा = 19इलेकट्रनारि साजायथि = 2,8,8,1 | O नि–गुन्द्रासायारि अनजिमा = 8इलेकट्रनारि साजायथि = 2,6Cl नि–गुन्द्रासायारि अनजिमा = 17इलेकट्रनारि साजायथि = 2,8,7Na नि–गुन्द्रासायारि अनजिमा = 11इलेकट्रनारि साजायथि = 2,8,1S नि–गुन्द्रासायारि अनजिमा = 16इलेकट्रनारि साजायथि = 2,8,6P नि–गुन्द्रासायारि अनजिमा = 15इलेकट्रनारि साजायथि = 2,8,5N नि–गुन्द्रासायारि अनजिमा = 7इलेकट्रनारि साजायथि = 2,5 |
26. गुन्द्रासानि अरजाबग्रा खोलोब आरो अरजाबग्रा इलेकट्रन बुङोब्ला मा बुजियो? मोनसे बिदिन्थि होना फोरमायना लिर।
फिन : गुन्द्रासानि अरजाबग्रा खोलोब : गुन्द्रासानि जोबथिआव थानाय शक्ति खोलोब एबा खोलोबखौ अरजाबग्रा खोलोब बुङो।
अरजाबग्रा इलेकट्रन : अरजाबग्रा खोलोबआव
थानाय इलेकट्रनफोरखौनो अरजाबग्रा इलेकट्रन बुङो। बिदिन्थि हिसाबै-सडियाम गुन्द्रासानि गुन्द्रासायारि अनजिमा = 11
बेनि इलेकट्रनारि सजायथि = 2,8,1 ब’रनि गुन्द्रासानि दिन्थिथिबादियै बेनि दिन्थिथिया जादों-
बेनि K, L, M खोलोब मोनथामनि M खोलोबआ अरजाबग्रा खोलोब।
अरजाबग्रा खोलोबआव थानाय इलेकट्रननि अनजिमा = 1 बेनिखायनो, अरजाबग्रा इलेकट्रनआ 1
27. अक्टेट (Octet) खान्थि (नेम) आ मा? बे खान्थि हेफाजाबजों गुदि मुवा मोनसेनि अरजाबग्राथिखौ माबोरै दिहुननो, मोनसे बिदिन्थिजों बेखेव।
फिन : अक्टेट खान्थि : रासायनारि गोरोबलायनाय समाव गुदि मुवानि गुन्द्रासाफोरा बेसोरनि अरजाबग्रा खोलोबा मोन दाइन इलेकट्रनजों आबुं जानो नागिरो। बेनि जोहै गुन्द्रासा मोनसेआ फारिफिन संलाइयाव थानाय बेसोरनि खान्थिनि गेदेमा गेसनि मोजां रोजोबै इलेकट्रनारि थाथाइ मोनो।
गुन्द्रासा मोनसेनि बायजोसिन खोलोबखौ अरजाबग्रा खोलोब (Va-lence shell एबा Orbit) होनना बुङो। अरजाबग्रा खोलोबाव थानाय इलेकट्रनफोरखौ बेनिखायनो अरजाबग्रा इलेकट्रन (Valence electron) होनना बुंनाय जायो। गेदेमा गेसफोरनि मादाव हिलियामनि अनगायै गुबुन गुबुन गुदि मुवाफोरनि अरजाबग्रा इलेकट्रननि अनजिमाया अराइ 8 जायो।
कंसेल आरो लिउविसनि अक्टेट खान्थिनि सायाव बिथा खालामना गुदि मुवानि अरजाबग्राथिनि बुंफोरथि होनो हायो। बुंफोरथिआ जादों- माबेबा मोनसे रासायनारि फिनजाथाइयाव माबेबा गुदि मुवानि मोनसे गुन्द्रासाया बेनि खाथिनि गेदेमा गेसनि मोजां रोजोबथि मोननोब्ला जेसेबां अनजिमानि इलेकट्रन एंगारना होयो एबा लायो एबा गुबुन गुदि मुवानि गुन्द्रासाजों लोगोसे रानो, बै अनजिमाखौनो बै गुदि मुवानि अरजाबग्राथि होनना बुंनाय जायो। बिदिन्थि हिसाबै- एलुमिनियामनि अरजाबग्राथिया 3। एलुमिनियामनि अरजाबग्रा खोलोबाव मोनथाम इलेकट्रन थायो। जुदि एलुमिनियामाव माबेबा मोनसे गुदि मुवानि लोगोआव खौसे मुवा दानो नांगौ, अब्ला बेयो बेनि अरजाबग्रा इलेकट्रन मोनथामखौ एंगारगोन। जाउनाव बेयो Ne नि दाथाइ मोनना दिदोम जागोन। बेनिखायनो Al नि अरजाबग्राथिया 3।
28. सडियाम आयन आरो क्लराइड आयननि इलेकट्रनारि रानसारथिफोरखौ लिर। सडियाम क्लराइडनि फरमुलाया मा जागोन, अक्टेट खान्थि बादियै लिर।
फिन : सडियाम आयननि इलेकट्रनारि रानसारथि–
Na⁺ आयननि गुन्द्रासायारि अनजिमा = 10
Na⁺ आयननि इलेकट्रनारि रानसारथि = 2, 8
Cl⁻ आयननि गुन्द्रासायारि अनजिमा 18
Cl⁻ आयननि इलेकट्रनारि रानसारथि = 2, 8, 8
अक्टेट नेमखान्थि बादियै सडियाम क्लराइडनि फरमुलाया जागोन–
29. बुंफोरथि लिर।
(a) मोदोमबां अनजिमा।
(b) गुन्द्रासायारि अनजिमा।
(c) समानथावनियारि।
(d) समानथामोदोम।
(e) अरजाबग्राथिनि इलेकट्रनारि सानथौ।
फिन : (a) मोदोमबां अनजिमा : गुन्द्रासानि निउक्लियासआव थानाय प्रटन आरो निउट्रननि गासै अनजिमाखौनो मोदोमबां अनजिमा बुङो।
मोदोमगुन्द्रासायारिबां अनजिमा (A) = प्रटन (p) + निउट्रन (n)
∴ A = p + n
(b) गुन्द्रासायारि अनजिमा : गुन्द्रासानि निउक्लियासआव थानाय प्रटननि अनजिमाखौनो गुन्द्रासायारि अनजिमा एबा गुन्द्रासा फारिनं (z) बुङ़।
थामहिनबा, z = p
(c) समानथावनियारि : एखे गुन्द्रासायारि अनजिमा गोनां गुबुन गुबुन मोदोमबां अनजिमानि गुदि मुवाफोरखौ समानथावनियारि होनना बुंनाय जायो।
(d) समानथामोदोम : एखे मोदोमबां गोनां थेवबो (अब्लाबो) गुबुन गुबुन गुन्द्रासा अनजिमा गोनां गुन्द्रासाफोरखौ समानथामोदोम बुङो।
(e) अरजाबग्राथिनि इलेकट्रनारि सानथौ : गुन्द्रासा मोनसेआ गुबुन गुन्द्रासानि लोगोसे खौसे मुवा दानायाव जेसेबां अनजिमानि अरजाबग्रा इलेकट्रन एंगारो एबा लायो एबा समान समान जायो, बेखौनो गुन्द्रासानि अरजाबग्राथि बुङो।
30. जाहोन हो :
(a) ₁H¹ ₁H³ आरो ₁H³ निउक्लाइडफोरनि मोब्लिबारि बादियै दद्र’ आरो रासायनारि धोरोमा एखे।
फिन : ₁H¹, ₁H2 आरो ₁H⁴ आ जादों हाइड्रजेननि आइस ‘टप एबा समानथावनियारि। बेयाव मोनफ्रोमआवबो मोनसेयै प्रटन दं। ²₁H आरो ³₁H समानथावनियारि मोननैआव फारियै मोन 1 आरो मोन 2 यै निउट्रन दं। ¹₁H आव निउट्रन गैया।
मोनसेयै प्रट्रन आरो बे गुन्द्रासानि समानथावनियारिफोराव मोनसेयै इलेकट्रनबो दं। बेनिखायनो दाजाबथा आरो दानख ‘था सार्जनि मानआ समान समान। जाउनाव बेसोर मोब्लिबारि बादियै दद्र’ आरो रासायनारि धोरोमा एखे।
(b) Na गुन्द्रासानिख्रुइ Na+ आयनआ बांसिन दिदोम।
फिन : Na गुन्द्रासानिख्रुइ Na⁺ आयनआ बांसिन दिदोम। मानोना Na नि अरजाबग्रा खोलोबआव 1 अरजाबग्रा इलेकट्रन थायो। नाथाय Na⁺ आयननि इलेकट्रनारि रानसारथिया 2, 8, 8। बेनिखायनो, बेनि अरजाबग्रा खोलोबआ दिदोम बेयो सांग्रां नङि Ne नि बुंफोरथि मोनो। बेनिखायनो Na⁺ आ Na निख्रुइ बांसिन दिदोम।
(c) अक्सिजेननि अरजाबग्राथिया अराय मोननै।
फिन : अक्सिजेननि अरजाबग्राथिआ अराय मोननै। मानोना, अक्सिजेननि अरजाबग्रा खोलोबआव मोन 6 इलेकट्रन थायो। जुदि मोन 6 इलेकट्रन एंगारनो गोनां जायो, अब्ला मोन 2 इलेकट्रन लानायनिख्रुइ गोबां शक्ति खहा खालामनो गोनां जायो। अक्सिजेनआ मोन 6 इलेकट्रनजों लोगोसे गुबुन गुन्द्रासानिफ्राय मोन 2 इलेकट्रन लानानै अक्टेट नेमखान्थिखौ फालियो। बेनिखायनो अक्सिजेनआ अराय मोननै इलेकट्रन लानो गोनां जायो। जाउनाव बेनि अरजाबग्राथिया अराय नै जायो।
31. गाहायाव होनाय जराफोरनिफ्राय समानथावनियारिफोरखौ सायख’ना दिहुन।
33. (a) समानथावनियारि आरो समानथामोदोमनि मोनसे फारागथि लिर।
फिन : समानथावनियारिफोराव प्रटननि अनजिमाया समान, नाथाय समानमोदोमफोराव प्रटननि अनजिमाया गुबुन गुबुन।
(b) समानथावनियारि माखौ बुङो? बेनि मोननै बाहायनाय लिर।
फिन : समानथावनियारि : जायफोर गुन्द्रासानि गुन्द्रासा फारिनंआ एबा अनजिमाया एखे, अब्लाबो गुन्द्रासायारि मोदोमबां एबा मोदोमबां अनजिमाया गुबुन गुबुन, बैफोरखौनो समानथावनियारि बुङो। समानथावनियारिया जेब्लाबो मोनफ्रोम गुदि गुदि मुवानिनो गुबुन गुबुन गुन्द्रासानि गेजेराव जायो। बिदिन्थि हिसाबै- C⁻¹² नि समानथावनियारिफोरा जाबाय–
36. मोनसे गुदि मुवानि गुन्द्रासायारि अनजिमाया 16 आरो मोदोमबां अनजिमाया 34 गुदि मुवायाव मोनबेसेबां प्रटन, इलेकट्रन आरो निउट्रन दं? गुदि मुवानि इलेकट्रनारि रानसारनायखौ लिर। गुदि मुवानि अरजाबग्राथिया मा जागोन?
फिन : गुदि मुवानि गुन्द्रासायारि अनजिमा = 16
मोदोमबां अनजिमा = 34
∴ गुदि मुवायाव थानाय प्रटननि अनजिमा (p) = 16
इलेकट्रननि अनजिमा (e) = 16
निउट्रननि अनजिमा (n) = 34 – 16 = 18
∴ गुदि मुवानि इलेकट्रनारि रानसारनाय = 2, 8, 6
आरो गुदि मुवानि अरजाबग्राथि = 8 – 6 = 2
37. मोनथाम समानथा मोदोमनि बिदिन्थि हो।
38. आइस ‘बार मुंनि सोदोमखौ सोर होदोंमोन? ग्रीक सोदोबनि माबे मोननै सोदोमनिफ्राय बे सोदोबआ जादोंमोन?
फिन : ए. डब्लिउ. स्टुवार्टआ आइस ‘बार मुंखौ होदोंमोन। ग्रीक गुबै सोदोब iso (=एखे) आरो boros (= मोदोमबां) सोदोबनिफ्राय बेनि जोनोम जायो।
39. (a) हाइड्रजेन आरो अक्सिजेननि समानथावनियारिफोरखौ लिर।
फिन : हाइड्रजेननि समानथावनियारि मोनथामआ जाबाय–
(b) मिथिंगायाव क्लरिनआ 3:1 रुजुथाइयाव 35u आरो 37u मोदोमबां गोनां मोननै समानथावनियारि महराव थायो। क्लरिननि गड़ गुन्द्रासायारि मोदोमबांखौ दिहुन।
40. H, He, Be, Mg, Al, P, Si, Ar आरो Ca नि गुन्द्रासा दिन्थिथिनि सावगारि बो।
41. आयन माखौ बुङो? अक्साइड आयन आरो सडियाम आयनआ माबोरै दाजायो बेखेव।
फिन : सार्ज गोनां गुन्द्रासा एबा गुन्द्रासानि जथाइयानो जादों आयन। दाजाबथा आयन गोनां आयनफोरखौ केटायन (Cation) आरो दानख’था सार्ज गोनां आयनफोरखौ एनायन (Anion) होनना बुङो।
अक्साइड आयन (O²) : अक्सिजेननि इलेकट्रनारि रानसारनाया 2,6 अक्सिजेननि बायजोसिन खोलोबआव (n = 2) मोनद’ इलेकट्रनफोर दं। अक्टेट नेमखान्थिबादियै अक्सिजेनआ बेनि बायजो खोलोबआव मोन दाइन इलेकट्रननि रानसारमाय मोननो मोननै इलेकट्रति गोनां जायो। अब्ला बेनि इलेकट्रन रानसारनाया बेनि खाथिनि नियननि रानसारनाय बादि जागोन आरो अक्साइड आयन, O²⁻ हिसाबै दिदोमथि मोनगोन। बेनिखायनो अक्साइड आयननि सोमजिनायखौ गाहायाव होनाय समानथाइनि जोहै दिन्थिनो हायो।
इलेकट्रनारि रानसारनाय : O + 2e⁻ ––→ O²⁻
2,6 2,8 (नियननि रानसारथि)
सडियाम आयन, (Nat) : सडियामनि इलेकट्रनारि रानसारथि 2,8,1 बेनि गुन्द्रासानि बायजोसिन खोलोबआव (n=3) मोनसेल’ इलेकट्रन दं। अक्टेट नेमखान्थि बादियै सडियामआ बेनि बायजोसिन खोलोबआव मोनसेल’ इलेकट्रनखौ एंगारनानै सडियाम
आयन (Na⁺) दायो आरो नियननि दिदोमथि इलेकट्रनारि दाथाइ मोनो। बे बिखान्थिखौ गाहायाव होनाय–
Na ––→ Nₐके
इलेकट्रनारि 2.8,1 ––→ 2.8 ,,8 (नियननि दाथाइ) दाथाइ।
| Chapter No. | CONTENTS |
| खोन्दो – 1 | जोंनि सोरगिदिं थानाय मुवाफोर |
| खोन्दो – 2 | जोंनि सोरगिदिं थानाय मुवाया गोथार नामा? |
| खोन्दो – 3 | गुन्द्रासा आरो गुन्द्रामाफोर |
| खोन्दो – 4 | गुन्द्रासानि दाथाइ |
| खोन्दो – 5 | जिउनि गुदि सानगुदि |
| खोन्दो – 6 | बिदाम |
| खोन्दो – 7 | जिउआरि मुलुगनि फारागथि |
| खोन्दो – 8 | खारथाइ |
| खोन्दो – 9 | बोलो आरो खारथाइनि बिखान्थिफोर |
| खोन्दो – 10 | बोगथाबमा |
| खोन्दो – 11 | हाबा आरो शक्ति |
| खोन्दो – 12 | सोदोब |
| खोन्दो – 13 | जों मानो लामाजायो? |
| खोन्दो – 14 | मिथिंगायारि सम्पदफोर |
| खोन्दो – 15 | आदार सम्पदनि साबखांहोनाय |
Notes of Class 9 Science in Bodo Medium | Bodomedium Class 9 Science notes इस पोस्ट में हम आपको ये समझा ने कि कोशिश की है की Bodo Medium 9th class Science Question answer | Class 9 General Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।