Bodo Medium Class 9 Social Science Chapter 7 बारमण्डल : दाथाइ, बारनि नारथाइ आरो बार बारनाय Question Answer. Class 9 Social Science Question Answer in Bodo to each Chapter is provided in the list of SCERT, NCERT, SEBA सामाज बिगियान Class 9 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें. Class 9th Social Science Chapter 7 बारमण्डल : दाथाइ, बारनि नारथाइ आरो बार बारनाय Question Answer Class 9 Bodo Medium Social Science Chapter 5 Questions Answer. SEBA Bodo Medium Class 9 Social Science Chapter 7 बारमण्डल : दाथाइ, बारनि नारथाइ आरो बार बारनायNotes covers all the exercise questions in NCERT, SCERT.
Class 9 Social Science Chapter 7 बारमण्डल : दाथाइ, बारनि नारथाइ आरो बार बारनाय
बोडो मीडियम कक्षा 9 सामाज बिगियान खोन्दो 7 बारमण्डल : दाथाइ, बारनि नारथाइ आरो बार बारनाय Question Answer | Atmosphere | इस पोस्ट में हम आपको ये समझा ने कि कोशिश की है की कक्षा 9 बोडो मीडियम सामाज बिगियान खोन्दो 7 Atmosphere Question Answer. अगर आप एक सात्र या शिक्षाक हो बोडो मीडियम की, तो आपके लिए ये बोडो मीडियम कक्षा 9 सामाज बिगियान खोन्दो 7 Question Answer बोहत लाभदायक हो सकता है। कक्षा 9 सामाज बिगियान खोन्दो 5 मे आप अपना ध्यान लगाके पढ़ कर इस कक्षा 9 सामाज बिगियान में अछि Mark ला सकते हो अपनी आनेवाली परीक्षा में।
खोन्दो 7 बारमण्डल : दाथाइ, बारनि नारथाइ आरो बार बारनाय
Chapter 7 Atmosphere
उनसोलोंथि
1. बारमण्डल माखौ बुङो ? खारिजों बेनि दानाय सोमोन्दै सुंद यै लिर ।
फिन:- बुहुम बिखुंनिफ्राय एसे गोजौसिम बेनि सोरगिदिं जोबनो गैयि गेसारि थाथाइयाव थानाय बारनि साग्लोबनायखौनो बारमण्डल बडों । थामहिनबा बहुमनि सोरगिदिं थानाय बारनि लैथोआनो जादों बारमण्डल ।
बारमण्डला बुहुम बिखुंनिफ्राय एसे गोजौसिम साग्लोबनाय आरो बेयो गुबुन गुबुन गेस, दै, खफ आरो हाद्रि गुन्द्रा लोगोनां देरनानै दाजानाय। मख ‘जावदि बुहुम बिखुंनिफ्राय फारियै गोजौसिम बारमण्डलनि दाथाइ आरो आखुथाइया गुबुन गुबुन जायो । बेनिखायनो दुंथाइया बांनाय लोगो लोगो बारमण्डलाव थानाय गेस आरो गुबुन थादेरसाफोरनि बिबाडा सोलायो आरो बारनि रोजागासै, नारथाइ आरो दुंथाइनि सोलायनाया जायो ।
बारमण्डलाव थानाय गुबुन गुबुन गेसनि मादाव नाइट्रजेन आरो अक्सिजेननि गोनांथिया बयनिख्रुइ बांसिन। बारमण्डलाव थानाय गेसनि गासै जखानि 78.08 जौखोन्दो नाइट्रजेन आरो 20.94 जौखोन्दो अक्सिजेन, गुबुन गेसफोरनि गेजेराव 0.93 जौखोन्दो आर्गन, 0.036 जौखोन्दो कार्बन- डाइ अक्साइड आरो नियन, हिलियाम, मिथेन, क्रिपटन, हाइड्रजेन, अजन, जेनन बायदि मुंख’ जाथाव गेसफोरनि जौखोन्दोआ 0.014 ।
मख नाय गेसफोरनि बिबाङा 10,000 किल मिटारफ्राम जौथाइसिम गोसारनाय बारमण्डलनि गासैबो जौथाइनि थाखोआव एखे थाया। बारमण्डलाव नाङिजखानि बिबाड़ाव थानाय गिलिर गेसफोर जेरै- नाइट्जेन, अक्सिजेन, आर्गन, कार्बन डाइ अक्साइड आरिखौ 800-100 किल ‘मिटार जौथाइसिम मोननाय जायो। बे जौथाइनिफ्राय गोजौथिं बारमण्डलनि गेसफोरा गेसें जाबोनो हमो ।
थामहिनबा बारमण्डलनि गोबांसिन जौथाइयाव हिलियाम, हाइड्रजेन, आरिया जोबोर रेजें गेसजों बुंफबनाय । बारमण्डलाव थानाय देखाफ’ आरो हाद्रि गुन्द्रायाबो बेनि गाहाइ थोरफोआवनो सिमाथि जानानै थायो । बेनिखायनो बुहुम बिखुंनिफ्राय जौथाइया बांनाय लोगो लोगो बारमण्डलाव थानाय गेसारि आरो गुबुन गुबुन थादेरसानि अनजिमा आरो बेफोरनि बिबां आरो रोजागासैआ खम जायो ।
2. गेसनि रासायनारि दाथाइबादियै बारमण्डलखौ गाहायै मा मा थोरफोआव राननो हायो ? लोगोसे बे थोरफोफोरनि आखु – थाइखौ सुंद ‘यै लिर ।
फिन:- गेसनि रासायनारि दाथाइबादियै बारमण्डलखौ गाहायै मोननै बाहागोआव बाहागो खालामनाय जादों। बेयो जाबाय (1) हम ‘स्फियेर (2) हेटेर ‘स्फियेर ।
जौथाइखौ नायनानै खायफा आखुथाइनि फारागथिनि थाखाय हम ‘स्फियेर थोरफोखौ आरोबाव मोनथाम बाहागोआव रानदों (क) ट्रप’स्फियेर (ख) प्टेट’स्फियेर (ग) मेस ‘स्फियेर
बेबादिनो हेटेर ‘स्फियेरखौबो मोनने बाहागोआव रानबावदों (क) थार्मस्फियेर (ख) एक्स ‘स्फियेर ।
बारमण्डलखौ ट्रप ‘स्फियेर, स्टेट’स्फियेर, मेस ‘स्फियेर, थार्मस्फियेर आरो एक्स’स्फियेर बाहागो खालामनानै बेफोरनि दाथाइ आरो आखुथाइखौ सावरायनाय जायो ।
(क) टूप ‘स्फियेर: बुहुम बिखुडाव नांथाबनाय बारमण्डलनि बयनिख्रुइ गाहायसिन धोरफोआनो जादौं ट्रप ‘स्फियेर एबा टूप मण्डल । बे थोरफोनि गड़ जौथाइया 12 किल ‘मिटारफ्राम । बबेखानि बे जौथाइया अक्ष बाहागो बादियै गुबुन गुबुन जायो । बिषुबारि ओनसोलाव बेनि बयनिख्रुइ जौथाइया 16 किल’ मिटार आरो मेरु ओनसोलाव 8 किल मिटार । मख ‘नो गोनांदि बारमण्डलनि गासै गेसनि थाम बाहागोनि ब्रै बाहागो फ्राम आरो दै खफ जोब आरो हाद्रि गुन्द्राल’ बे ट्रप ‘स्फियेरावनो दङ । बोथोरनि गासैफ्राम रोखोमनि खामानि जेरै –जोमै, अखा, गिदिंनाय बार, बारहुंखा अखा आरि बेफोर ट्रप ‘स्फियेरावनो जायो ।
(ख) स्टेट ‘स्फियेर: ट्रप स्फियेरनि एसे गोजौनि थोरफोआनो जादों स्टेट’ स्फियेर एबा थोरफोमण्डल । ट्रप ‘स्फियेर आरो स्टेट ‘स्फियेर थोरफो मोननैनि गेजेरनि सिमाखौनो ट्रप ‘पज होनना बुंनाय जायो । ट्रप ‘पजनि गोजौआव ष्टेट ‘स्फियेरनि गाहाम बाहागोआव थानाय 60° सेन्टिग्रेडफ्राम दुंथाइया बे थोरफोनि गोजौ बाहागोआव 0° सेन्टिग्रेडफ्राम जायो ।
(ग) मेछ’स्फियेर: स्टेट ‘सिफ्येरनि जौसिन सिमा थामहिनबा ष्टेट’ पजनि एसे गोजौनि थोरफोखौनो मेछ’ स्फियेर बुंनाय जायो । बे थोरफोआ ष्ट्रट’ पजनिफ्राय 30 किल’मिटार जौथाइसिम गोसारना दं । बे थोरफोनि गाहाइ आखुथाइया जादों जौथाइ बांनाय लोगो लोगो बारनि दुंनाया खम जायो । बे बादिनो गोजौंथिं फारियै बिदुंआ खमायलांनानै बे थोरफोनि 80 किल मिटारफ्राम जौथाइयाव थानाय जोबथा सिमाया मेछ पजआव सिंथारनि 100 सेन्टिग्रेद जायो ।
(घ) थार्म ‘स्फियेर: मेछ’ स्फियेरनि जौसिन सिमा थामहिनबा मेछ’पजनि एसे गोजौ थोरफोखौ थार्म ‘स्फियेर एबा बिंदु मण्डल बुङो।
बारमण्डलनि बे थोरफोआ 80 किल ‘मिटारफ्राम जौथाइयाव थानाय मेछ ‘पजनिफ्राय 400 किल ‘मिटारफ्राम जौथाइसिम गोसारनाय। बेयो हेटेर ‘स्फियेर थोरफोनि गाहाय बाहागोआव दं । ये थोरफोआव बारनि दुंथाइया फिन जौथाइ बांनाय लोगो लोगो फारियै बांलाडों । बेनिखायनो बारमण्डलनि बे थोरफोनि मुङा थार्म ‘स्फियेर ।
बे थोरफोआव बारनि बिदुडा 1650° सेन्टिग्रेडसिम बाङो आरो बेयाव बारनि रोजाथिया लाथिख ‘सिम खमजायो। मख ‘नो गोनांदि बे थोरफोआवनो मोल्लिबारि सोमारनाय गोनां आयन गुन्द्रा दं । बेनिखायनो बे थोरफोखौ आयन’ स्फियेर होननानैबौ बुंनाय जायो । बहुम बिखुंनिफ्राय देैथाय हरनाय रेडिअ ‘ गुथालाबो बे थोरफोनिफ्राय बेरखाङो ।
(ङ) एक्स ‘स्फियेर: थार्म ‘स्फियेरनि सायाव थानाय बारमण्डलनि जौसिन थोरफोखौ एक्स ‘स्फियेर बुनाय जायो। बे थोरफोआ बारमण्डलनि 400 किल ‘मिटार जौथाइनिफ्राय 1000 किल ‘मिटारफ्राम जौथाइसिम गोसारनाय । बे बादि जौथाइयाव बारनि गुन्द्रासा गुन्द्रामानि रोजागासैया जोबोर गाहाय थाखोनि । हाइड्रजेन आरो हिलियाम गेसनि सिंगां मोनग्रोथाइनि थाखाय बे खलबआव बारआ जोबोर रेजें । बारमण्डलनि बे खलबाव बारनि दुंथाइया 5550° सेन्टिग्रेडसिम बांडो ।
3. जौथाइ आरो दुंथाइनि खम जानाय-बांनायनि बिथाइयाव बारमण्डलखौ मोनबेसे आरो मा मा थोरफोआव राननो हाथों, सावगारि होना लिर आरो मोनफ्रोमबो थोरफोनि आखुथाइनि सोमोन्दै गुसुङै लिर ।
फिन:- बारमण्डलनि जौथाइ आरो दुंथाइनि खम जानाय बांनायनि बिथायाव बारमण्डलखौ मोनब्रै थोरफोआव बाहागो खालामनाय जादों। बे थोरफोफोरा जाबाय :
(क) ट्रप ‘स्फियेर ।
(ख) स्टेट ‘स्फियेर ।
(ग) मेछ ‘स्फियेर ।
(घ) थार्म ‘स्फियेर ।
(क) ट्रप ‘स्फियेर : बुहुम बिखुंनि बयनिख्रुइ गाहायसिन थोरफोआनो जादों ट्रप’स्फियेर । बे थोरफोनि जौथाइया गासैआवबो समान नङा। बिषुबारि ओनसोलाव बेनि जौथाइया 16 किल ‘मिटार आरो मेरु ओनसोलाव 8 किल ‘मिटार । बे थोरफोआव दुंथाइया सिं बाहागोआव बारा आरो जौथाइया बांनाय लोगो लोगो खम जालाङो। सरासनस्रा मोनफ्रोम किल ‘मिटार जौथाइ बांनायाव 6.5° सेन्टिग्रेदयै दुंनाया खम जायो। ट्रप ‘स्फियेरनि गोजौ बाहागोखौ ट्रप’पजआव बुंनाय जायो । ट्रप ‘पजआव दुंनाया खमाय लांनानै 60° सेन्टिग्रेद जाहैयो ।
(ख) स्टेट ‘स्फियेर : ट्रप ‘स्फियेरनि गोजौनि थोरफोआनो जादों स्टेट’स्फियेर। बे मोननै थोरफोनि गेजेरनि सिमाखौनो ट्रप’ पज बुंनाय जायो । ट्रप ‘पजनिफ्राय गोजौसिम थामहिनबा स्ट्रेट’ स्फियेरनि गेजेरजों गोजौसिम दुंनाया बारायलाङो। प्ट्रेट’स्फियेरनि गाहाय बाहागोआव दुंनाया 60° सेन्टिग्रेद थायो आरो गोजौ बाहागोआव 0° सेन्टिग्रेद जाहैयो । बारमण्डलनि बे थोरफोआवनो अजन गेसनि थोरफो दङ । अजन गेसनि गुन्द्राया साननिफ्राय फैनाय जिवनि थाखाय खहा खालामग्रा जोबोर फानथाव गाव स्रां रोदाखौ सोबना लाना बुहुमसिम फैनायाव हेंथा होयो। ट्रप ‘पजनिफ्राय ष्ट्रेट’ स्फियेर थोरफोआ 80 किल ‘मिटारफ्राम गोजौसिम गोसारनां दं । ष्ट्रेट’ स्फियेरनि जौसिन बाहागोखौ ष्ट्रेट’पज बुंनाय जायो । बुहुम बिखुंनिफ्राय ष्ट्रेट’ पजसिम गड़ जौथाइया जादों 50 किल ‘मिटारफ्राम ।
(ग) मेछ’ स्फियेर: स्टेट’ स्फियेरनि जौसिन सिमा थामहिनबा ष्टेट’ पजनि एसे गोजौनि थोरफोखौनो मेछ’स्फियेर बुंनाय जायो । बे थोरफोआ स्ट्रेट’पजनिफ्राय 30 किल ‘मिटार जौथाइसिम गोसारना दङ । बे थोरफोनि गाहाइ आखुथाइया जादों जौथाइ बांनाय लोगो लोगो बारनि दुंनाया खम जायो। बेबादिनो गोजौथिं फारियै बिदुआ खमायलांनानै बे थोरफोनि 80 किल ‘मिटारफ्राम जौथाइयाव थानाय जोबथा सिमाया मेछ’ पजआव सिंथारनि 100 सेन्टिग्रेड जायो ।
(घ) थार्म ‘स्फियेर: मेस पजआव दुनाया खमाय लांनायनि उनाव लासैयै गोजौंथिं दावखोनो हमो । मेछ’पजनि गोजौथिं बारमण्डलाव बारनि दुंथाइया फिन जौथाइ बांनाय लोगो लोगो फारियै बांलांनाय थोरफोखौ थार्म ‘स्फियेर बुंनाय जायो । बे थोरफोआव बारनि बिदुङा 1650° सेन्टिग्रेडसिम बाङो आरो बेयाव बारनि रोजाथिया लाथिख ‘सिम खम जायो। बेयो हेटेर ‘स्फियेरनि थोरफोनि गाहाय बाहागोआव दङा ।
4. बारमण्डलनि नारथाइनि गोरोबलायि जानाय जाहोनफोरखौ बिदिन्थि होनांनै सावराय ।
फिन:- बारमण्डलनि नारथाइया सोलायस्लु । बारमण्डलनि नारथाइया जायगा आरो सम लानानै सोलायबाय थायो । बिदिन्थिबादियै बुहुमनि मोननै मेरु ‘ओनसोलाव गुसु आरो गिलिर बारनि गोहोमाव बारनि नारथाइया बांसिन जायो। फारसेथिं बिषुबारि ओनसोलाव दुंथाइया बांनायनि थाखाय बैयाव बारनि नारथाइया एसेल’थार। मानोना बारआ दुंखावोब्ला गोजौथिं दावखोयो। आरोबाव बोसोराव बोथोर सोलायनायनि थाखाय बारनि नारथाइनि खम जानाया बाङो । बारमण्डलनि नारथाइनि गोरोबलायिनि जाहोना मोननै (क) बारनि दुंथाइ आरो (ख) बुहुम बिखंनि जौथाइ ।
(क) बारनि दुंथाइ : बुहुम बिखुङाव बिदुंनि गोसारनाया गासैबो जायगायावनो समान नङा । बिदुं गोसारनायनि बेबादि फारागथिनि जाउनाव बहुमनि बबेबा ओनसोला गुसु, बबेबा ओनसोला दुडा सुवा ओनसोल आरो बबेबा ओनसोला गुदुं जायो । बिदुंनि बेफोरबादि गोरोबलायिनि थाखाय बुहुम बिखुङाव नांजाबना थानाय बारमण्डलनि थोरफोआव नारथाइनिबो फाराग जायो । दुंनाया बांबोला बारआ सोलाय सोलायसोल’ जायो आरो ‘बारआ सोलाय सोल’ जायोब्ला बेनि रोजागासैआ खम जायो। रोजागासैया खम जायोब्ला बारआ रेजें जायो । रेजें बारनि नारथाइयाबो बाङाइ जायो । फारसेथिं गुदुं बारनि दै खफ’ जानाय गोहोआ बांसिन । दै बाहागोनिफ्राय दै खफ बुथुमनानै गुदुं बारआ जेब्ला सिदोब जायो अब्ला बेफोरबादि सिदोबदोब बारनि नारथाइया बाङाइ जायो ।
(ख) बहुम बिखंनि जौथाइ : लैथो बिखुंनिफ्राय जेसेबांनो गोजौथिं थांनाय जायो एसेबांनो बारमण्डलनि गोथौथि थामहिनबा बारमण्डलाव थानाय गेसनि बिबाङा खम जायो । बारमण्डलनि गोथौथिया खम जायोब्ला बेनि लेरथाइया खम जायो आरो बारनि नारसिननायाबो खम जायो । बेनिखायनो जौथाइया बाङोब्ला बारमण्डलनि नारसिननायाबो खम जायो आरो जाय जायगायाव जौथाइया गोबां बै जायगायाव बारनि नारसिनथाइया खम जायो आरो जेराव खम जौथाइयाव दं बेयाव बारमण्डलनि नारसिनथाइया गोबां । मख’नो गोनांदि मोनफ्रोम 900 फुट जौथाइ बांनायाव बारनि नारथाइया इन्सि, थामहिनबा 34 मिलिबारफ्राम हाराव खम जायो । दुंथाइनि बेबादि गोरोबलायिनि थाखाय फिन बारमण्डलनि नारसिनथाइनि खमायनाय बांनाय जायो ।
5. सावगारिनि हेफाजाबाव बुहुमनि गाहाइ नारथाइ आसाननि आखुथाइखौ सावराय ।
फिन:- बहुमनि गुबुन गुबुन जायगायाव सरासनस्रा मोननै रोखोमनि बारनि नारसिनथाय नुनो मोनो गोजौ नारथाइ आरो गाहाय नारथाइ। जायगानि जौथाइ आरो दुंथाइनि फारागथिनि थाखाय बारनि नारथाइनि फारागथि जानानै बारमण्डलाव गोजौ नारथाइ आरो ग्राहाय नारथाइ सोमजियो । बारमण्डलनि नारथाइनि रुजुथाव फारागथि बादियै बुहुम बिखुङाव गाहाइयै मोनब्रै नारथाइ आसान एबा नारथाइ मण्डल सिनायनाय जादों–
(क) बिसुबारि गाहाय नारथाइ आसान ।
(ख) लेङाइ क्रान्तियारि गोजौ नारथाइ आसान ।
(ग) लेङाइ मेरु हादरारि गाहाय आसान ।
(घ) मेरु हादरारि गोजौ नारथाइ आसान ।
बुहुमनि नारथाइ मण्डल
(क) बिसुबारि गाहाय नारथाइ आसान : बिसुब हांखोनि साहाथिं 10° अक्ष बाहागो आरो खोलाहा 10° अक्ष बाहागोनि गेजेराव गासै बोसोर हमनानै साननि रोदाया थोंगारै गोग्लैयो । बेनिखायनो बे ओनसोलनि बारआ रुजुथाबबादियै गुदुं जानानै थायोखायनो बेनि बारआ रेजें जायो आरो रोजाथिया खम जायो । जाउनाव बे ओनसोलाव गाहाय नारथाइ सोमजियो । फारसेथिं बे ओनसोलाव हा रुजुनायाव दै बाहागोनि बिबाङा बारा । लोगोसे दुंनाया दुंनाया
बांनायनि थाखाय बे ओनसोलनि बाराव गोबां दै थायो आरो बेनिखायनो बे ओनसोलाव बारनि नारथाइया खम जायो । बेफोर जाहोनावनो बिसुब ओनसोलाव गोजोरै बारमण्डलनि नारथाइया गाहाय जानानै थायो। बिसुबारि गाहाय नारथाइ ओनसोलाव बारआ गुदुं, जानानै गोजौ मोखां जायो । बेफोरबादि थासारियाव बे ओनसोलाव बुहुम बिखुनि स्रेङै बबेबा बार बारनायखौ नुनो मोना । बेनिखायनो बे ओनसोलखौ बिसुबाकि दद्र आसान एबा मण्डल होननानै मिथि मोनो ।
(ख) लेङाइ क्रान्तियारि गोजौ नारथाइ आसान : बिसुबारि ओनसोलनिफ्राय गोजौ मोखां जानाय सिदोमा आरो रेजें बारआ सा आरो खोला फारसे सिगां लाङो । गोजौ मोखां जानाय बे बारआ उनाव लासै लासै गुसु जावोनो हमो आरो जाउनाव गिलिर जायो । 25°-35° सा आरो 25°-35° खोला अक्ष बाहागोनि मोननैबो लेङाइ क्रान्तियारि ओनसोलाव बेयो गुसु आरो गिलिर बारआ गाहायथिं ओंखारख्लायबोना थायो । बेनि अनगायैबों फारनै मेरु ओनसोलनिफ्रायबो गुसु आरो गिलिर बारआ बे ओनोसालव फैयो ।
साहानि कर्कटक्रान्ति आरो खोलाहानि मकरक्रान्तिनि सायाव बेबादि गिलिरि बार आरो गुसु बारआ ज ‘जानानै गोजौ नारथाइ आसान सोमजियो। बे ओनसोलाव बारनि गोख्रैथिया गोहाइयै गाहाय मोखां जायो आरो बेनिखायमो बेयाव बारएबा बार बारनायखौ मोनदाङा । बे ओनसोलाव बार बारनाया औरैबायदि खम जायोदि माब्लाबा लैथोआव जाहाज सालायनोबो हाया जायो। मख’नो गोनांदि लेङाइ क्रान्तियारि गोजौ नारथाइ मण्डलआ बोथोर लानानै माब्लावा एसे साहाथिं आरो माब्लाबा एसे खोलाहाथिं गोसारो।
(ग) लेङाइ मेरु हादरारि गाहाय आसान : लेङाइ मेरु हादरारि गाहाय नारथाइ आसाना सा दुसुरखावनि 60°-70° सा अक्ष बाहागो आरो खोला दुलुरखावनि 60-70° खोला अक्ष बाहागोआव दङ । बुहुमनि सा आरो खोला दुलुरखावआव बे फारनै लेङाइ मेरु ओनसोलाव बुहुमनि जोख्लोबनायनि गोखैथिया फारनै मेरुनिफ्राय रुजुथाइ बादियै बारा । जाउनाव मेरु ओनसोलनि बारआ लेङाइ क्रान्तियारि ओनसोलथिं जाथाय खालामो आरो अब्लानो लेङाइ मेरु ओनसोल मोननैयाव बारनि बिबाङा खम जायो आरो बेयाव गाहाय नारथाइ सोमजियो । बे नारथाइ मण्डलखौ बेनखानि बोथोर नायनानै माब्लाबा एसे साहाथिं आरो माब्लाबा एसे खोलाहाथिं खरथाइ खालामो।
(घ) मेरु हादरारि गोजौ नारथाइ आसान : थोजों साननि सोरांनि आंखालाव बुहुमनि मोननैबो मेरु ओनसोला बरफजों जोख्लोबनाय आरो बांद्राय गुसु । बेनि बारआ जोबोद गुसु । जोबोर गुसुनि थाखाय बे ओनसोलाव दैया बरफ महराव जमा जानानै थायो । बेनिखायनो बे ओनसोलनि बारआव दै खफ’ थायाखौनो बुंजायो । जाउनाव मेरु ओनसोल मोननैयाव थाजोरै बारनि गोजौ नारथाइ थायो। बेनिखायनो बे ओनसोलखौ मेरु हादरारि गोजौ नारथाइ आसान मण्डल बुंनाय जायो ।
6. बुहुमनि मोजां मोजां मिथिंगायारि आबहावा सोरजिनायाव बारमण्डलनि गोनांथिनि सोमोन्दै लिर ।
फिन:- बुहुमाव जिउनांफोरा थांना थानायनि गुदि राहायानो जाबाय बेनि आबहावा । बुहुमाव सोमजिनाय बे मिथिंगायारि आबहावानि गुदियानो जाबाय बार, दै, हा आरो बिदुं । गासैबो मिथिंगायारि आबहावानि सोमजिनाया सान एबा साननि सोरांआनोब्लाबो बारनि खामानि थामहिनबा बारमण्डलनि खामानिया बे बेलायाव खम नड़ा।
बारमण्डलाव गोबां गेसफोरा लोगो नांनानै दडब्लाबो बेयाव नाइट्रजेन गेस आरो अक्सिजेन गेसनि बिबांआवो बांसिन। बे मोननै गेसआनो जिबमुलुगनि थाखाय जोबोद गोनांथार । अक्सिजेन गेस गैयाब्ला जेरैबादियै जिबमुलुगआ थांना थानो हाया बिदिनो नाइटजेन गेसआबो लाइफांफोरनि गोनांथार गेस । मानसि आरो गुबुन जिबा हां लानायाव बारमण्डलनिफ्राय अक्सिजेन आजावनानै हां हगारनायाव कार्बन डाइ अक्साइड एंगारो । गुबुन फारसेथिं लाइफांफोरा कार्बन डाइ अक्साइड बाहायनानै सोरां बिजिरख’ दानायनि गेजेरजों आदार बानायना अक्सिजेन एंगारनानै जिउनांफोरखौ हेफाजाब खालामदों ।
बारमण्डलाव थानाय अजन थोरफोआ साननिफ्राय फैनाय जिबखौ खहा खालामग्रा फानथाव गाब स्रां रोदाखौ सोबना लानानै बुहुमखौ जिउनांफोरनि थाना हाथाव आबहावा सोरजिनायाव मदद खालामदों।
बारमण्डलनि मेस ‘स्फियेर थोरफोआ अखांनिफ्राय बुहुमाव फैनाय गासैबो रोखोमनि पदार्थफोरखौनो होबथायो । बुहुमसिम फैनाय खहा खालामग्रा धातुफोरा बे थोरफोआवनो खामानाने जोबस्राडो । बेनिखायनो बे थोरफोखौ आबहावा रैखा खालामग्रा होननानै साननाय जायो ।
बारमण्डलआ साननि सोरां रोदाखौ गोरलैयैनो हाबनो होयो नाथाय ओंखारलांनो नागिरनायाव हेंथा होयो । बेखौनो ‘ग्रीन हाउस’ एबा सोमखोर न’ बुंनाय जादों। बेनि थाखायनो बारमण्डलाव खायसे बिबांनि दुंथाइया हर समावबो थालाङो ।
जायगानि जौथाइ आरो दुंथाइनि फारागथिनि थाखाय बारनि नारथाइनि फारागथि बारमण्डलाव गोजौ नारथाइ आरो गाहाय नारथाइ सोमजियो । बेनि जाउनाव बारमण्डलाव खायसे बिबांनिब्लाबो दुंथाइनि गोहोआ सोमजियो ।
बारमण्डला लैथो लैथोमानिफ्राय दै खफ फोरखौ हमथानानै लाखियो। बे दै खफ’ फोरानो गिदिंखननानै बुहुमाव अखा हायो । अखानि हेफाजाबाव लाइफां आरो आबादफोरा मोजां जायो दै खफ’ आ सान गोहोखौ सोबख ‘ना बुहुम बिखुखौ जोबोर गुसु एबा जोलोर गुदुं जानायनिफ्राय रैखा खालामनानै ज़िब मुलुगनि थाखाय गोनां जानाय मोनसे दुंथाइनि समानथिखौ हमथाना लाखियो ।
7. बारनाय बार माखौ बुङो ? बारनाय बारनि सोमजिनाय जाहोनफोरखौ सावराय ।
फिन:- बारआ गिदिंब्लानो बेखौ बार एबा बार बारनाय बुंनाय जायो । थामहिनबा बारनि गिदिंनाय बिथाथियानो जादों बार । दाबसे जायगानि बोथोर आरो बारहावाया बै जायगायाव बारनाय बारनि आखुथाइनि सायाव सोनारो ।
जायखिजाया दाबसे जायगानि बारनाय बाराव गोहोम खोखलैनाय बे गाहाइ गोहो एबा जाहोनफोरा जादों :
1. नारथाइ मान थाखोथाइ ।
2. गेजेर बोखथाबमा गोहो ।
3. बायजो मिरु नारगार बोलो ।
4. हुथ्रोदनाय गोहो ।
1. नारथाइ मान थाखोथाइ : बुहुम बिखङाव थानाय बारमण्डलारि नारथाइनि फारागनि थाखाय सोमजिनाय गोहोआ बुंनो थाङोब्ला बारनाय बार सोमजि होयो । बोखौनो नारथाइ मान थाखोथाइ बुंनाय जायो । थारै बुंनो थांब्ला दाबनै जायगानि गेजेरनि बारमण्डलारि नारथाइ फारागथिनि हारखौनो नारथाइ मान थाखोथाइ बुङो । बेनिखायनो नारथाइ मान थाखोथाइनि थाखाय सोमजिनाय गोहोनि माना सोनारगोन दाबनै जायगानि गेजेराव थानाय नारथाइ फाराग आरो जानथाइनि सायाव । दाबनै जायगानि गेजेराव नारथाइनि फारागा बांसिन जायोब्ला बारनाय बारनि गोखैथिया बाङो। नाथाय जानथाइया बांसिन जायोब्ला गोखैथिया खम जायो । जिहेथु बारआ जेब्लाबो गोजौ नारथाइ ओनसोलनिफ्राय गाहाय नारथाइ ओनसोलसिम बारो, बेनिखायनो दाबनै जायगानि गेजेराव थानाय नारथाइ मान थाखो थाइया बारनाय बारनि दिगखौबो थि खालामो ।
2. गेजेर बोगथाबमा गोहो : बार बारनायनि बेलायाव थोंजोंङै बुहुमनि गेजेर बोगथाबमा बोलोनि जेबो जुनिया बिफाव गैया बादि मोनो । नाथाय साननि बादि बुहुमनि गेजेर बोगथाबमायाबो बार बारनायाव मोनसे दैदेनग्रा गोहोनि खामानि मावो । बुंनो थाङोब्ला बुहुमनि सोरगिदिं आवग्रिना थानाय गासै बारमण्डलखौ बुहुमनि गेजेर बोगथाबमा गोहोआ हमथाना लाखिदों । बेनिखायनो बारनि नारथाइया गेजेर बेगथाबम गोहोनि सायाव सोनारो । जों मिथिगौदि बारखौ नोजोराव गोग्लैथाब बादियै हमथाना लाखिनाय गेजेर बोगथामा गोहोआ जिहेथु गोजौ जानाय लोगो लोगो खम जायो बेखायनो लैथो बिखुंनिफ्राय जौथाइया बांनाय लोगो लोगो बारआ रेजें जायो आरो बेनि नारथाइया खम जायो ।
3. बायजो मिरु नारगार बोलो : बुहुमा गावनि मिरु बिथआव आस्रय लानानै गिदिंबाय थानायनि थाखाय बेनिफ्राय बायजो मोखां मोनसे गोहो सोमजियो। बेखौनो बायजो मेरु नारगार बोलो बुंनाय जायो । बे बायजो मिरु नारगार गोहोनि गोहोमाव बारनि गोख्रैथि दिगनि एसे नारगारनाय सोमजियो । बेबादि जाथाइनि बाथ्राखौ 1844 मायथाइयाव गिबियै गेपपार्ड दि क’ रिअलिय मुंनि फरासि सानखान्थिगिरि सासेया दिहुननायनि थाखाय बे गोहोखौ ‘क’रिअलिय बोलो’ महरै मुंदांखा ।
4. हुथ्रोदनाय गोहो : बार बारनायाव हुथ्रोदनाय गोहोनि गोहोमा जोबोर गोसो होनो गोनां । बारनि गोख्रैथियाव हुथ्रोदनाय गोहोआ दानख ‘थाइ खामानि मावो । जुनियायै लिगिरि बारआ माबादि बिखुंनि साजों बारो बेनि सायावसो हुथ्रोदनाय गोहोनि माना सोनारो। जुदि बुहुम बिखुं हाजो हायेननि हाखर- हालाजों बुंफबनाय एबा बिफां लाइफां गोजौ बिल्दिं आरिजों बुंफबनाय जायोब्ला हुथ्रोदनाय गोहोआ बाङो आरो बेबादि बिखुंजों बार बारोब्ला गोख्रौथिया जोबोर खम जायो । बेनिखायनो बुहुम बिखुंनि एसे साजों बार बारोब्ला हुथ्रोदनायनि बिबाङा जोबोर खम जायो आरो बारनि गोख्रैथियाबो बाडों ।
8. बारनाय बार सोमजिनायनि गुबै जाहोना मा ? बेनि गोबारथि आरो दिग थि खालामनायनि जाहोनफोरखौ सुंद ‘यै लिर ।
फिन:- बार एबा बारनाय बारनि सोमजिनाया बुंनो थांब्ला बारमण्डलनि दुंनाय फारागथि आरो बेजों लोगोसे अराय नांथाबना बारमण्डलारि नारथाइनि सायाव सोनारो।
साननि सोरांनि गेजेरजों बुहुम बिखुंनि गासै जायगायाव समान बिदुं गोग्लैया । बिसुब ओनसोलाव साननि सोरांआ थोंगोरै गोग्लैयोखायनो बैयाव दुंनाया बांसिन जायो । गुबुन फारसेथिं मेरु फारसेथिं साननि सोरांआ लासै लासै खेंसालियै गोग्लैनायनि थाखाय दुंनाया खम जायो। जों मिथिगौदि बारनि दुंनाया बाङोब्ला बेयो रेजें जानाने गोजौथिं खारथाइ खालामो आरो बै जायगायाव मोनसे गाहाय नारथाइ सोमजियो ।
बेनि बिदिन्थि बादियै रुजुथावै बिंदु गोग्लैनाय गोजौ नारथाइ ओनसोलनिफ्राय बेयो गाहाय नारथाइ ओनसोलसिम बारआ बारो। थामहिनबा लिगारि बारनि रोजाथिनाय सोलायनाय एबा नारथाइनि फारागथिनि थाखाय नारथाइ मानथाखोथाइ सोमजिनानै बार बारनाया जागायजेनो । बे बारनाया जेब्लाबो थिखानायवादियै गोजौ नारथाइ ओनसोलनिफ्राय गाहाय नारथाइ ओनसोलसिम थामहिनबा नारथाइ मान थाखोनि दिगथिं जायो । बबेखानि बारनि खारथाइबोलोआ नारथाइ मान थाखो गोहोनि सायाव सोनारो । गोसो होनो गोनांदि बिसुब ओनसोलाव बुहुम विखुंनिफ्राय गुदुं बारआ गोजौथिं दावखोयो आरो गोजौथिं गोजौ अक्ष बाहागोफारसे खारथाइ खालामना मेरु ओनसोलाव गाहाय मोखां जायो । आरोबाव बै बारआ बारमण्डलनि गाहाय थोरफोजों मेरु ओनसोलनिफ्राय बिसुब ओनसोलाव गुसु बार महरै खारथाइ खालामो ।
9. ‘क’ रिअलिच बोलो बुङोब्ला मा बुजियो ? बार बारनायाव बेनि बिफावा ?
फिन:- बुहुमा गावनि मिरु बिथ ‘आव आसय लानानै गिदिंबाय थानायनि थाखाय बेनिफ्राय बायजो मोखां मोनसे गोहो सोमजियो । बेखौनो बायजो मिरु नारगार बोलो बुंनाय जायो । बै बायजो मिरु नारगार गोहोनि गोहोमाव बारनि गोख्रैथि दिगनि एसे नारगारनाय सोमजियो । बेफोरबादि जाथाइनि बाथ्राखों 1844 मायथाइयाव गिबि गिबियै गेचपार्ड दि क’ रिअलिच मुंनि फरासि सानखान्थिगिरि सासेया दिहुननायनि थाखाय बे गोहोखौ क ‘रिअलिच बोलो महरै मिथिनाय जायो ।
बार मण्डलारि नारथाइनि फारागथिनि थाखाय जेब्ला गोजौ नारथाइ ओनसोलनिफ्राय गाहाय नारथाइ ओनसोलसिम बार बारो अब्ला बे क’रिअलिचनि बोलोआ बै बारनि दिगखौ एसे सोलाय होयो । बारजों लोगोसे क’रिअलिच बोलोनि गोहोमा हा बिखुंनि गासैबो सोलायहोग्रा बेसाद एबा फिनजाथाइनि बेलायावनो एखे । बुहुमनि दावगिदिंनायनि थाखाय सोमजिनाय बे बोलोआनो सा दुलुरखावनि बार बारनायखौ घरिनि काटानि उलथा दिगआ आगसिफारसे गोग्लैयो । बेखौनो फेरेलनि बुंफोरथि होननानै बुंनाय जायो ।
साव : क ‘रिअलिच बोलोनि गोहोमाव बारनि गोग्लैनाय
बे बुंफोरथिबादियै सा दुलुरखावनि मेरु मोखां बारआ खेस्लायै सा सानजा मोखां जायो । बबेखानि क’रिअलिच बोलोनि माना बुहुमनि गासै जायगायावनों एखे नङा । बे बोलोनि माना बिसुब हांखोआव लाथिख’ आरो ‘बेयो मेरुथिं लासै लासै बंनानै जोबनायाव मेरुवाव बांसिन जायो । थामहिनबा बिसुबारि ओनसोलनि अनगायै बुहुमनि जायखिजाया जायगानि बार बारनायखौ बुहुमनि दावगिदिंनाय गोख्रैथिया गोहोम खोख्लैयो । बेनिखायनो जों नुनाय बार बारनाया थारैनो गिदिंखन माना बुहुमनि गिदिंखननायावसो सोमजिदों ।
10. ‘नारथाइ मान गोहो’ बुङोब्ला मा बुजियो ? बार बारनायाव बेनि बिफावा मा ?
फिन:- बुहुम बिखुङाव थानाय बारमण्डलारि नारथाइनि फारागनि थाखाय सोमजिनाय गोहोआ बुंनो थांब्ला बारनाय बार सोमजिहोयो । बेखौनो नारथाइ मान थाखोंथाइ बुंनाय जायो। बेनिखायनो नारथाइ मान थाखोथाइनि थाखाय सोमजिनाय गोहोनि मान सोनारगोन दाबने जायगानि गेजेराव थानाय नारथाइनि फाराग आरो जानथाइनि सायाव।
दाबनै जायगानि गेजेराव नारथाइनि फारागा बांसिन जायोब्ला बारनाय बारनि गोखैथिया बाङो ।
नाथाय जानथाइया बांसिन जायोब्लाग्गोख्रैथिया खम जायो । आरोबाव जेहेथु बारआ जेब्लाबो गोजौ नारथाइ ओनसोलनिफ्राय गाहाय नारथाइ ओनसोलसिम बारो, बेखायनो दाबनै जायगानि गेजेराव थानाय नारथाइ मान थाखोथाइया बारनाय बारनि दिगखौबो दि खालामो । जाय दिगाव नारथाइया खम जायो, बै दिगावनो नारथाइ मान थाखोथाइनि जखाखों लानाय जायो । थामहिनबा दाबसे ओनसोलनि नारथाइ मान थाखोथाइखौ फरासङोब्लानो बेयाव नुजानाथ बारनि दिग आरो गोख्रैथिनि सोमोन्दै गोरलैयै मिथिनो हायो। दाबसे जायगानि नारथाइ मान थाखोआ बाङोब्ला बारनि गोर्खेथिया बांनायनि अनगायैबो बैयाव थोजासे थाजोर नङि बारमण्डलारि थासारि सोमजियो । गुबुन फारसेथिं, नारथाइ मान थाखोआ खमद्राय जायोब्ला बैयाव बार बारनाया लाथिख’, जाफ्रामो आरो बारमण्डलारि थासारिबो दिदोम जायो। गोबां जायगा हमनानै बेफोरबादि थासारि सोमजियोब्ला बै ओनसोलनि समान नारथाइ मान सावगारियाव समान नारथाइ हांखोखौ नुनो मोनो ।
मख’नोगोनांदि दुंथाइनि फारागथिया सोमजिहोनाय बारमण्डलारि नारथाइनि गोहोमा बुहुमनि गासैबो जायगायावनो एखे नङा । बिदिन्थिबादियै दाबसे जायगानि बार बारनायाव सानफ्रोमबोनि दुंथाइनि फारागथिया सोमजिहोनाय नारथाइनि फारागनि गोहोमा औरैनो सिमाथि गोनां । नाथाय अक्ष बाहागोनि बिथायाव थानाय दुंथाइनि फारागथिया सोमजिहोनाय बारमण्डलारि नारथाइनि फारागथिनि गोहोमा बे बिभिङाव गोबांसिन ।
11. बार बारनायाव बुहुमनि बोगथाबमा गोहोनि बिफावनि सोमोन्दै सुंद ‘यै लिर ।
फिन:- बार बारनायनि बेलाबाव थोंजोङै बुहुमनि गेजेर बोगथाबमा बोलोनि जेबो जुनिया बिफाव गैया बादि मोनो । नाथाय साननि बादि बुहुमनि गेजेर बोगथाबमायाबो बार बारनायाव मोनसे दैदेनग्रा गोहोनि खामानि मावो । बुंनो थाङोब्ला बुहुमनि सोरगिदिं आवग्रिना थानाय गासै बारमण्डलखौ बुहुमनि गेजेर बोगथाबमा गोहोआ हमथाना लाखिदों । बेनि अनगायैबो बारनि नारथाइया बुंनो थांबला गेजेर बोगथाबमा गोहोनि सायावनो सोनारो । जो मिथिगौदि बारखौ नोजोराव गोग्लैथाव बादियै हमथाना लाखिनाय गेजेर बोगथाबमा गोहोआ जेहेथु गोजौ जानाय लोगो लोगो खम जायो बेनिखायनो लैथो बिखुंनिफ्राय जौथाइया बांनाय लोगो लोगो बारआ रेजें जायो आरो बारनि नारथाइया खम जायो ।
बेबादिनो बारमण्डलाव गोजौ नारथाइनिफ्राय गाहाय नारथाइसिम मोनसे थोंगोर बार बारनायाबो सोलिबाय थायो । बुहुमनि सा बाहागोआव थानाय गुबुन गुबुन हा बाहागोनि जौथाइनि फारागथिनि थाखाय बेबादि नारथाइनि फारागथि जायो आरो बेनि उनाव हायेननिफ्राय हाजोसिम बार बारनाया सोलियो । बेनि अनगायैबो गुबुन गुबुन गोहोजों लोगोसे गेजेर बोगथाबमा गोहोनि थाखाय दाबसे जायगानिफ्राय गुबुन दाबसे जायगासिम बारनाय बारनि गोख्रैथिया गोरलै हांखोआरि जायालासिनो एसे बोरला महरनि जायो ।
12. बारनि मुं दोननाय होनब्ला मा मिथियो ? दाबसे जायगानि साजों बारनाय बारनि मुं दोननायखौ माबोरै दोननाय जायो ?
फिन:- बारनि मुं दोननाया बार बारनायनि दिगखौ नायनाने दोननाय जायो । थामहिनबा जाय दिगनिफ्राय बारआ बारो बै दिगनि मुं बादियै बारनि मुं दोननाय जायो । बेखौनो बारनि मुं दोननाय बुंनाय जायो ।
मोनसे जायगानि साजों बार बारनायखौ मोजांयै नायोब्ला मिथिना मोनोदि बेयो बबे दिगनिफ्राय बारदों। बिदिन्थि बादियै सोनाब दिगनिफ्राय बारनाय बारख्रै सोनाबारि बार, सा सानजा दिगनिफ्राय बारनाय बारखौ सा सानजा बार बुङो । जाय ओनसोलनि साजों बार बारो, बारआ बै ओनसोलनि दुंथाइ सिदोमा आरि सानथौआरि दोहोरोमफोरखौ बुथुमो । बेनिखायनो लैथोनि साजों बारनाय बाराव गोबां बिबांनि दै खफ’ थायो । गुबुन फारसेथिं क्रान्तियारि बालाहामानि साजों बारआ गोरान आरो गुदुं जायो । बुहुम बिखुंनि जाय दिगनिफ्राय बार फैयो बेखौ बार मोखां आरो जाय दिगथिं बारो बेखौ बार आन्दो बुंनाय जायो ।
13. बारनि गोख्रैथिखौ माबोरै थिक खालामनाय जायो ? बेनि गोख्रैथिनि सानगुदिफोरा मा ?
फिन:- दाबसे जायगानि बारनि दिगखौ जोमै, उखुन्दै, दैनि मावनाय बायदिसिनाफोरनिफ्राय बारनि गोख्रैथिखौ थि खालामनाय जायो। बेनि गोख्रैथिनि सानगुदिफोरा जाबाय :
(1) उइण्ड भेन ।
(2) एनिम’ मिटार ।
(3) एनिम ग्राफ ।
(4) बिउफट स्केल ।
(5) नट ।
14. बारनि थाखो राननायखौ माबोरै खालामनाय जायो ? बिदिन्थि होनानै सुंद’यै सावराय ।
फिन:- बार बारनाया जैरैबादि मोनसे जेथोगोनां थिख बेबादिनो गासै बुहुमाव बेसेबां रोखोमनि बार बारनाय दं बेखौ रोखायै बुंनाया गोब्राब । बबेखानि गाहाइयै गोसारथिनि सायाव सोनारनानै गुवारै बार बारनायखौ मोनथाम थाखोआव राननो हागौ :
1. गाहाइ एबा गुदि बारनाय बार ।
2. सरासनस्रा बारनाय बार ।
3. जायगायारि बार ।
1. गाहाइ एबा गुदि बारनाय बार: बुहुम बिखुंआव थाजोरै थानाय नारथाइ आसाननि रानसारनायनि सायाव सोनारनाने सरानसनस्रा गासै बुहुमनाङै जाय बारनि सोलायनाया जाबाय थायो बेखौनो गुदि एबा गाहाइ बारनाय बार बुङो । बे बारनाय बारा जेल्लाबो बुहुमनि मोननैबो दुलुरखावनि लेङाइ क्रान्तियारि आरो मेरु हादरारि गोजौ नारथाइ आसाननिफ्राय बिसुबारि आरो लेङाइ मेरु हादरारि गाहाय नारथाइ आसानसिम सोलिबाय थायो। बेफोरबादि बारखौ अरायथा बार एबा ग्रहआरि बार होननानै बुंनाय जायो। फालांगि बार, सोनाबारि बार, आरो मेरु हादरारि बारा गुदि बारनाय बारनि सिडाव गोलैयो ।
2. सरासनस्रा बारनाय बार: हा बाहागोनि रोखोम आरो हा दै बाहागोनि गोसारथिनि गुबुनथि आरो ओनसोलारि बोथोरखौ नायनानै नारथाइ दुंथाइनि गोरोबलायिनि जाउनाव बुहुमनि गुबुन गुबुन ओनसोलाव सोमजिनाय बार बारनायफोरखौ सरासनस्रायै अराय बारनाय बार होननानै बुडों । बार गिदिंनाय, एन्टि साफेन बार, बारनि बिबां, मेरु सिगां, मौसुमी बार आरियानो गाहाइयै सरासनस्रा बारनि सिडाव गोग्लैयो । बेफोरबादि बार बारनाया मोनफा मोनफा ओनसोलाव बोथोरनि मेगनाव गोग्लैथाव सोलायनाय लाबोयो आरो माब्लाबा बारमण्डलनि, थासारिखौ सोलिथावि खालामो ।
3. जायगायारि बार: हा बाहागोनि रोखोम आरो जौथाइनि फारागथिनि थाखाय मोनफा ओनसोलखौ साग्लोबनानै जाय बारनाय बार सोमजियो बेखौनो जायगायारि बार बुडों । जायगायारि बारनि सिङाव दैयारि बार, हा सानि बार, हाजोआरि बार, हायोननि बार आरिया मख ‘जाथाव ।
15. गुदि बार बारनाय होनोब्ला मा मिथियो ? गांसे सावगारियाव गुदि बार बारनायनि रानसारनायखौ दिन्थि । बेनि गाहाइ आखुथाइफोरखौ मख’ ।
फिन:- बुहुम बिखुंआव थाजोरै थानाय नारथाइ आसाननि रानसारनायनि सायाव सोनारनानै सरासनस्रा गासै बुहुमनाङे जाय बारनि सोलिनाया जाबाय थायो बेखौनो गुदि एबा गाहाइ बारनाय बार बुङो । मख ‘नो गोनांदि गुदि बारनाय बारा गुबुन गाहाइ थाखोनि बारनाय बारनि आबहावा सोमजियो । बेफोरबादि थाजोर बारनाय बारआ जेब्लाबो बुहुमनि मोननैबो दुलुरखावनि लेङाइ क्रान्तियारि आरो मेरु हादरारि गोजौ नारथाइ आसाननिफ्राय बिसुबारि आरो लेङाइ हादरारि गाहाय नारथाइ आसानसिम सोलिबाय थायो । फालांगि बार, सोनाबारि बार आरो मेरु हादरारि बारा गुदि बारनाय बार बिखान्थिनि सिङाव गोग्लैयो ।
1. फालांगि बार: 30° सा आरो 30° खोला अक्ष बाहागोनि खाथिखाला थानाय लेङाइ क्रान्तियारि गोजौ नारथाइ आसाननिफ्राय बिसुबारि गाहाय नारथाइ आसानथिं फैनाय बिखुंनि बारखौ फालांगि बार बुङो । क’ रिअलिंच बोलोनि थाखाय के बारआ सा दुलुरखावआव सा सानजानिफ्राय खोला सोनाब दिगाव आरो खोला दुलुरखावआव खोला सानजानिफ्राय सा सोनाब दिगाव बारो । बेनिखायनो बेखौ सा दुलुरखावआव सा सानजा फालांगि बार आरो खोला दुलुंरखावआव खोला सानजा फालांगि बार बुङो ।
2. सोनाबारि बार: लेङाइ क्रान्तियारि गोजौं नारथाइ आसाननिफ्राय गोजौं अक्ष बाहागो आरि लेड़ाइ मेरुनि फारसे थानाय गाहाय नारथाइ ओनसोलसिम जाय अराय बार बारो बेखौ सोनाबारि बार बुङो । क ‘रिअलिच बोलोनि थाखाय बे बार बारनाया सा दुलुरखावआव खोला सोनाबनिफ्राय सानजा आरो सा-सानजासिम जायो नाथाय खोला दुलुरखावआव बे बार बारनाया. सा सोनाबनिफ्राय खोला सानजा दिगाव जायो । फालांगि बारनि रुजुनायाव सोनाबारि बारआ बांसिन सोलायसुलि आरो गोबार । मख ‘नो गोनांदि गोजौं नारथाइ आसाननि जा बाहागोनिफ्राय फालांगि बार आरो सोनाबारि बार बारो बेयावबो मोनसे दिदोम बार बारनायनि आसान दं । बे ओनसोलनिफ्राय बारआ बायजोआरि मोखां जायोब्लाबो बेनि गेजेर बाहागोआव बारआ गोबारथि गैयै जानानै मोनसे गोजोन थासारियाव थायो ।
3. मेरु बारनाय बार: मेरु हादरारि गोजौं नारथाइ आसाननिफ्राय गोजौ अक्ष बाहागोआव थानाय लेङाइ मेरु हादरारि गाहाय नारथाइ आसानसिम जाय सरासनस्रा बार बारो बेखौ मेरु बार बारनाय बुंनाय जायो । बुहुमनि मोननैबो दुलुरखावआवनो बे बारनाया सानजा दिगनिफ्राय बारोखायनो बेखौ मेरु हादरारि सानजानि बार होननानैबो बुङो । मिथिनो गोनांदि बे ओनसोलाव मेरु हादरारि बार आरो सोनाबारि बारनि गोरोबनाय जायो । उलथा दिगनिफ्राय फैनाय मोननै उल्था दोहोरोमारि बारनि गलाय मोन्देर जानायनि जाउनाव बे ओनसोलाव मेरु हादरारि मेरु सिगां आरो सुदेम बारहुंखा सोमजियो।
16. सरासनस्रा एबा लेङाइ बार माखौ बुङो? बिदिन्थि होनानै दाबसे जायगानि बारहावा थि खालामनायाव बेनि बिफावखौ सावराय ।
फिन:- हा बाहागोनि रोखोम आरो हा दै बाहागोनि गोसारथिनि गुबुनथि आरो ओनसोलारि बोथोरखौ नायनानै नारथाइ दुंथाइनि गोरोबलायिनि जाउनाव बहुमनि गुबुन गुबुन ओनसोलाव सोमजिनाय बार बारनायफोरखौ सरासनस्रा एबा लेङाइ बारनाय बार बुंनाय जायो । बार गिदिंनाय, मौसुमी बार, एन्टि साफेन बार, मेरु सिगां आरिया गाहाइये सरासनस्रा बारनि सिङाव गोग्लैयो । बेफोरबादि बार बारनाया मोनफा मोनफा ओनसोलाव बोथोरनि मेगनाव गोग्लैथाव सोलायनाय लाबोयो आरो माब्लाबा बार मण्डलनि थासारिखौ सोलिथावि खालामो ।
1. बारनि बिबां: बिदुं, सिदोमा आरिनि समान गुन गोनां गेदेर महरनि मोनफा मोनफा बारनि थुबुरखौनो बारनि बिबां बुङो । बबेबा मोनसे गेदेर ओनसोलाव बारआ गोबाव सम दिदोम थासारियाव थायोब्ला बेनि गाहाय थोरफोनि बारआ गाहाय हानि जोहै सामलायजायो आरो हानि गुनखौ नायनानै बे बारआ थि बिदुं आरो सिदोमा आजावो । बेनिखायनो थोंगोरारि दिगाव हा बिखुंनिफ्राय गोजौसिम बारमण्डलनि दुंनाय आरो सिदोमानि फारागथिखौ नुनो मोनो । बिंदु रानसारनाया बारनि गुसु आरो दुंनायनि अनगायै बारनि दिदोमथि आरो दिदोमथि नङिनि सोमोन्दैबो इसारा होयो ।
2. मोखां बाहागो: जेब्ला दुंनाय, सिदोमा, नारथाइ, रोजाथि आरिनि गोरोबलायिनि थानाय मोननै गुन गोनां बार दामोला गावजों गाव मोगा-मोगि, जायो, बिसोरनि गेजेराव गोथों गोरोबलायनाय जायाजासे मोननैनि गेजेराव मोनसे नागारलायनाय बार बिखुंनि एबा दानस’ग्रा हांखो सोमजियो। बेखौनो मेरु मोखां बाहागो बुंनाय जायो । मेरु मोखां बाहागो सोमजिनो बार दामोल मोननैनि जुनिया थासारि गोनां–
(1) मोननै बार दामोलनि मोनसेया गुबुननि रुजुनायाव गुसु आरो गिलिर जानांगोन आरो
(2) बार बारनाया मोखांजों मोखां जानांगोन जाहाथे मोननैबो बार दामोला उलथा दिगनिफ्राय गावजों गाव मोखां जानानै बारो ।
रोखोम आरो गुननि बिथायाव मोखां बाहागोफोरखौ गाहाइयै मोनब्रै थाखोआव राननाय जायो :
(1) गुसु मोखां बाहागो ।
(2) गुदुं मोखां बाहागो ।
(3) लोरसोर गैवि मोखां बाहागो ।
(4) सिङाव थानाय मोखां बाहागो ।
3. मैसुमी बार- बोथोर लानानै थामहिनवा बोथोर सोलायनायनि सायाव सोनारनानै बारनाय समारि बार बारनायखौ मौसुमी बार बुङो । मौसुमीया मोनसे रोखोमनि बिखुङारि बारनाय बार, जाय गोलोम बोथोरनि बोहैथि दिगआ गोजां बोथोरनि उलथाथार। गुबैयै मौसुमी बारआ क्रान्तियारि आरो लेङाइ क्रान्तियारि ओनसोलनि मोनसे ओनसोलारि बार ।
4. बार मोदाइ: बारमण्डलारि बारनायनि जाय थाथाइयाव मोनसे गाहाय नारथाइखौ मिरु खालामनानै गोबारै बारआ सक्र महराव गिदिङो बेखौनो बार मोदाइ बुङो । बारमोदाइया गाहाइयै मोननै रोखोमनि (1) क्रान्तियारि बार मोदाइ (2) बायजो क्रान्तियारि बारमोदाइ ।
5. उलथा बार मोदाइ: जेब्ला मोनसे गुवार ओनसोल हमना गोजौ नारथाइ बार बारनानै बेनि मेरुनिफ्राय दिंखन महरै जुदा जुदा बार बारनाय सोमजियो बेखौनो उलथा बारमोदाइ बुंनाय जायो ।
17. जायगायारि बार माखौ बुङो ? जायगायारि बारआ दाबसे बोथोर थि खालामनायाव माबादि गोहोम खोखलैयो ? बिदिन्थि होनानै सुंद’यै सावराय ।
फिन:- खायफा जायगानि जाहोन जेरै- हा बाहागोनि गोरोबलायि आरो जौथाइनि फारागथिनि थाखाय सिमाथि गोनां ओनसोलखौ लाफानानै जाय बार बारनाया सोमजियो बेखौनो जायगायारि बारनाय बार बुंनाय जायो ।
जायगायारि बारनाय बारनि मादाव दैनि बार, हानि बार, हाजोआरि बार, हायेननि बार आरिया मख ‘जाथाव ।
1. दैनि बार: दै बाहागो आरो हा बाहागोनि दुंथाइ आजावनाय आरो नागारनायनि गोहोआ गुबुन गुबुन । हा बाहागोआ साननि बाहागोआव जोबोद एसेल’ समाव बिदुं आजावनानै गुदुं जायो आरो बेबादिनो हरनि समाव ‘जोबोर थाबै बिदुं एंगारनाने गुसु जायो । नाथाय दै बाहागोनि बेलायाव बेयो उलथाथार । जेरैबादि साननि बाहागोआव जोबोर गोहैलो खारथाइयाव बिदुं एंगारो । बेनिखायनो हा बाहागो आरो दै बाहागोनि गेजेराव दुंथाइनि फाराग जायो । सानाव दै बाहागोनिख्रुइ हा बाहागोनि दुंनाया बारा जायो आरो हारनि समाव हा बाहागोनिख्रुइ दै बाहागोनि दुंनाया बारा जायो ।
2. हाजो आरि बार: बुहुमनि दाब दाब जायगायाव बोथोर लानानै जायगायारियै गुदुं आरो गुसु बार बारो । बेबादि जायगायारि बारनाय बारआ सरासनस्रायैब्लाबो दाबसे जायगानि बोथोर थि खालामनायाव गोहोम खोखलैयो । जौयेन हाजोनि हायेनाव दैनि बार आरो हानि बार बादि मोनसे रोखोमनि बार बारो । गोजौ हानि बारआ रेजेंखायनो बिदुं आजावनाय गोहोआबो एसेल’ ।
गुबुन फारसे हायेननि रोजा बारा थाब गुदां जायो । जाउनाव साननि बाहागोआव हायेननि बारनि दुंनाया बाहो आरो बारआ रेजें जानानै जौयेननि सरख्लायजों गोजौं मोखां जायो । बेबादिनो साननि बाहागोआव दैमा सेरफां एबा हायेननिफ्राय जोयैननि सरख्लायजों फैनाथ गोजी मोखां बारनाय बारखौनो हाजोआरि बार बुङो । हाजोआरि बार बारनायनि थाखायनो गोजां बोथोरावबो गुबुन गुबुन हाजोआरि ओनसोलनि हायेनाव फुं आरो बेलासियाव खुवा खुनायखौ नुनो मोना ।
3. गुबुन गुबुन जायगायारि बार: बुहुमनि सा बाहागोनि जायगायारि थाखोआव थानाय हा मिथिंगानि फाराग आरो बिदूंनि गोरोबलायिनि थाखाय गोबां जायगायारि बार बारो । बेनि मादाव थिनुक, फोन, चिर’क्क’, मिहेल, लु आरिया जुनियायै मख ‘जाथावना ।
18. बारमोदाइ माखौ बुङो ? बे मोनबेसे रोखोमनि आरो मा मा ? दाबसे जायगानि बोथोर एबा बारहावायाव बेनि गोहोमफोरा मा रोखोमनि सुंद’यै सावराय ।
फिन:- बारमण्डलारि बारनायनि जाय थाथायाव मोनसे गाहाय नारथाइखौ मिरु खालामनानै गोबारै बारआ सक्र महराव गिदिङो बेखौनो बारमोदाइ एबा गिदिंखन बार बुङो । बारमोदाइनि मिरुआव थानाय गाहाय नारथांइनि रुजुनायाव , सोरगिदिं बारमण्डलारि नारथाइया गोबांद्राय जानायनि थाखाय बारनि गोख्रैथिया गोबार जायो। बारमोदाइया मोननै रोखोमनि (1) क्रान्तियारि बारमोदाइ आरो (2) बायजो क्रान्तियारि एबा गेजेर अक्ष बाहागोआरि बारमोदाइ।
1. क्रान्तियारि बार मोदाइ: क्रान्तियारि ओनसोलनि जाय सिं नारथाइखौ मिरु खालामनानै सोरगिदिं गोजौ नारथाइ ओनसोलनिफ्राय फैनाय गोबारै बारनाय बारआ जेब्ला दिंखन महरै बारनामै मोनसे गिथाव महर लायो बेखौनों क्रान्तियारि बारमोदाइ बुंनाय जायो ।
क्रान्तियारि बारमोदाइनि गोबारथिया मोनफ्रोम घन्टायाव 120 निफ्राय 280 किल’ मिटारसिम जायो । क्रान्तियारि दिंखन बारआ आबुङै लैथोआरि आबहावानि गोहोमाव गोलोम बोथोरावल’ नुजायो। मोनफा आबुं जानाय क्रान्तियारि बारमोदाइनिफ्राय बेसेबा गोजौं बिबांनि गोहो ओंखारोखायनो बे बादि दिंखन बारफोरा गिथाव बाथाव, फोजोबस्रांग्रा आरो खहा खालामग्रा । बेफोर बारहुंखाया गोबां ओनसोल आरो सम थानानै गोखों जाना थायो । क्रान्तियारि ओनसोलनि बारमोदाइखौ गुबुन गुबुन मुङै मिथियो । बेखौ सानजानि प्रसान्त लैथोमायारि बोरिमायाव टाइफुन, सोनाब भारतारि द्वीप गोबां ओनसोलाव हारिकेन, भारत लैथोमायारि ओनसोलाव चाइक्ल ‘न, आसामाव बारदैसिख्ला आरो अष्ट्रेलियानि सा सोनाब बोरिमायाव इउली उइली होननानै बुङो ।
(3) बायजो क्रान्तियारि बार मोदाइ: दुङा-सुवा ओनसोल आरो गोजौ अक्ष बाहागो ओनसोलाव सोमजिनाय बारमोदाइखौ बायजो क्रान्तियारि बारमोदाइ बुंनाय जायो । बायजो बारमोदाइया सा आरो खोला दुलुरखावनि 30° निफ्राय 65° अक्ष बाहागो ओनसोलाव नुजायो । गुसु मेरु बार आरो क्रान्तियारि गुदुं बारनि गोरोबनायनि जाउनाव मोखां बाहागो सोमजियो । जेब्ला क्रान्तियारि ओनसोलनि गुदुं बार आरो मेरु ओनसोलनि गुसु बारआ गेजेर अक्ष बाहागो ओनसोलाव थानाय गाहाय मेरुनि जोहै बोगथाबजानानै गोरोबनायनि जाउनाव सोमजिनाय मेरु मोखां बाहागोआव जाय बारमण्डलारि दिदोम नङि सोमजियो बेखौनो बायजो क्रान्तियारि बारमोदाइ बुङो । बेनि थाखायनो बुंनो थाङोब्ला दुङा -सुवा ओनसोलनि बोथोरा थाब थाब सोलायनानै दिदोम नङि जानाय नुनो मोनो ।
19. बारनि बिबां माखौ बुङो ? बेखौ माबोरै थाखो राननाय जायो ? दाबसे जायगानि बारहावा थि खालामनायाव बेनि बिफावा मा ?
फिन:- बिदुं, सिदोमा आरिनि समान गुन गोनां गेदेर महरनि मोनफा मोनफा बारनि थुबुरखौ बारनि बिबां बुङो।
बारनि दामोला गोजौ हानिफ्राय जुदा जुदायै बारनायाव बोथोरनि सोलायनायनि अनगायै गावनिबो दुंनाय सिदोमानि सोलायनाया जायो। बारनि फुंखा थावनि आरो बेनि आखुथाइनि सायाव सोनारनानै बेखौ गाहाइयै मोनब्रै थाखोआव राननाय जायो―
1. क्रान्तियारि ओनसोलनि हादरमायारि बार दामोल ।
2. क्रान्तियारि ओनसोलनि लैथोमायारि बार दामोल ।
3. मेरु ओनसोलनि हादरमायारि बार दामोल ।
4. मेरु ओनसोलनि लैथोमायारि बार दामोल ।
बे बार दामोलखौ दुंनाय आरो गिदिंनाय बिथाथिनि सायाव सोनारनानै आरोबाव बाहागो राननो हागौ ।
जेब्ला दुंनाय, सिदोमा, नारथाइ रोजाथि आरिनि गोरोबलायि थानाय मोननै गुन गोनां बार दामोला गावजों गाव मोगा मोगि जायो, बिसोरनि गेजेराव गोथों गोरोबलायनाय जायाजासे मोननैनि गेजेराव मोनसे नागारलायनाय बार बिखुंनि दानस’ग्रा हांखोखौ मेरु मोखां बाहागो बुंनाय जायो । मेरु मोखां सोमजिनो बार दामोल मोननैनि जुनिया थासारि नांगौ जायो- (1) मोननै बार दामोलनि मोनसेया गुबुननि रुजुनायाव गुसु आरो गिलिर जानांगोन आरो (2) बार बारनाया मोखांजों मोखां जानांगोन जाहाथे मोननैबो बार दामोला उलथा दिगनिफ्राय गावजों गाव मोखां जानानै बारो ।
उलथा गुन गोनां मोननै बार दामोलनि गोरोबलायनाय जायोब्ला रुजुथाव बादियै गुदुं रेजें बारआ गुसु गिलिर बारनि सायाव ओंखारनानै मोनसे गोरोबनाय एबा गोजोर थासारियाव थायो । मेरु मोखां ओनसोलाव नारथाइ थाखोथाइया उलथा मोखां जानायनि जाउनाव बारनि सोलायनाय जायो आरो मेरु मोखांथिं आगान सुरनाय लोगो लोगो सोमोन्दोगोनां बारनि दुंनाय आरो सिदोमा सोलायनायनि जाउनाव मेरु मोखां ओनसोलाव जोमै जायो ।
20. मोखां बाहागो बुङोब्ला मा मिथियो ? बेयो माबोरै सोमजियो ? बारहावा आरो मोखां बाहागोनि सोमोन्दोखौ सुंद ‘यै सावराय ।
फिन:- जेबला दुंनाय, सिदोमा, नारथाइ, रोजाथि आरिनि गोरोबलायि थानाय मोनौ गुन गोनां बार दामोला गावजों गाव मोगा मोगि जायो, बिसोरनि गेजेराव गोथों गोरोबलायनाय जायाजासे मोननैनि गेजेराव मोनसे नागारलायनाय बार बिखुंनि दानस ‘ग्रा हांखो सोमजियो। बेखौनो मेरु मोखां बाहागो बुंनाय जायो ।
मोखां महागो सोमजिनाय मोनौ जाहोना जाबाय :
(1) मोनौ बार दामोलनि मोनसेया गुबुननि रुजुनायाव गुसु आरो गिलिर जानांगोन ।
(2) बार बारनाया मोखांजों मोखां जानांगोन जाहाथे मोननैबो बार दामोला उलथा दिगनिफ्राय गावजों गाव मोखां जानानै बारो ।
उलथा गुनगोनां बेफोरवादि मोननै बार दामोलनि गोरोबलायनाय जायोब्ला रुजुथाव बादियै गुदुं रेजें बारआ गुसु गिलिर बारनि सायाव ओंखारनानै मोनसे गोरोबनाय एबा गोजोर थासारियाव थायो । मेरु मोखां ओनसोलाव नारथाइ थाखोथाइमा उलथा मोखां जानायनि जाउनाव बारनि सोलायनाम जायो आरो मेरु मोखांथिं आगान सुरनाय लोगो लोगो सोमोन्दो गोनां बारनि दुंनाय आरो सिदोमा सोलायनायनि जाउनाव मेरु मोखां ओनसोलाव जोमै जायो ।
सोमोन्दो: बारहावाया मोखां बाहागोजों गोबां सोमोन्दो गोनां । जायखिजाया ओनसोलनि आबहावाया मोखां बाहागोजों गोहोम खोख्लैजानाय । बबेबा जायगायाव सोमजिनाय थि जायगायारि थाखोनि मोखां बाहागोआव आबहावाया गोहोम खोख्लैजायो । मोनब्रै रोखोमनि मोखां बाहागोफोरा जाबाय (1) गुसु मोखां बाहागो, (2) गुदुं मोखां बाहागो, (3) लोरसोर गोयि मोखां बहागो आरो बे मोनब्रै रोखोमनि मोखां बाहागोआ जायखिजाया ओनसोलनि आबहावाखौ गाहायाव होनाय रोखोमै गोहोम खोख्लैयो ।
(1) सरासनस्रायै गुदुं मोखां बाहागोआ गुसु गोखां बाहागोआव साजों बारलांनायाव गुसुआ खम जायो आरो बारखौ गुदुं खालामनायाव हेफाजाब खालामो । बेबादिनो गुसु मोखां बाहागोआ गुदुं मोखां बाहागोनि साजों बारलाङोब्ला बारनि दुंथाइया खम जालाङो ।
(2) नैथियाव उलथा मोखां मोननै बाहागोआ गोरोबलायनि जाउनाव जोमै सोमजियो आरो अखानि बिबांआ बारायो ।
21. मौसुमी बार बुङोब्ला मा बुजियो ? बेयो माबोरै सोमजियो ? बेनि गोहोमा बुहुमनि बबेफोर ओनोसोलाव रोखासिन ?
फिन:- बोथोर लानानै थामहिनबा बोथोर सोलायनायनि सायाव सोनारनानै बारनाय समारि बार बारनायखौ मौसुमी बार बुङो। मौसुमीया मोनसे रोखोमनि बिखुडारि बारनाय बार, जाय गोलोम बोथोरनि बोहैथि दिगआ गोजां बोथोरनि उलथाथार । गुबैयै मौसुमी बारआ क्रान्तियारि आरो लेङाइ क्रान्तियारि ओनसोलनि मोनसे ओनसोलारि बार।
मौसमी बार सोमजिनाय:
(1) गोलोम बोथोरनि मौसुमी: गोलोम बोथोराव सा दुलुरखावनि खोला एसिया, खोला सानजा एसिया, खोला सानजा सिन, सा आफ्रिकानि सा सानजानि बाहागो, खोला आमेरिकानि सा सानजानि ओनसोल साननि सोराङा थोंगोरै गोलैयो। साननि सोरांनि थाखाय बेयाव मोनसे खम नारथाइ सोमजियो। फारसेथिं खोला आरो खोला सानजा ओनसोलनि दै बाहागोआव गोजौ नारथाइ सोमजियो। बेनिखायनो गोलोम बोथोराव सा दुलुरखावआव बारआ दै बाहागोनिफ्राय हा बाहागोआव बारबोयो। बेबादि गोजौ नारथाइ ओनसोलनिफ्राय बायजो मोखां सिदोमा बारआ हा बाहागोनि गाहाय नारथाइ ओनसोलाव हाबनानै गोजौ मोखां जानानै एबा हाजो हालामाव सौग्रावनानै जुब जुब अखा हायो। बेबादिनो गोलोम बोथोराव प्रसान्त लैथोमानिफ्राय बारबोनाय खोला सोनाब मैसुमी बारनि गोहोमाव सिन, जापान, इण्डचिन आरो थाइलेण्डआव गोबां अखा हायो। बे समाव सा आमेरिकानि खोला सानजा आरो खोला सोनाब ओनसोलाव आरो आफ्रिकानि सानजानि खायसे बाहागोआवबो एसे एनला मैसुमी बार बारो।
(2) गोजां बोथोरनि मौसुमी बार: गोजां बोथोराव बारनि दिगआ सोलायो । गोजां बोथोराव हा बाहागोनि रुजुनायाव दै बिखुंनि दुंनाया बारा जायोखायनो दै बाहागोआव गाहाय नारथाइ सोमजियो आरो हा बाहागोआव गोजौ नारथाइ । बेखायनो हा बाहागोनिफ्राय गोरान बार दै बाहागोसिम बारो। गोरान बारआ लैथोनि साजों एसे गोजानाव बारलांनायनि उनाव गुदुं लैथोनिफ्राय दै खफ’ बुथुमना लाबोयो। बे बादिनो गोजां बोथोराव गोरान सा सानजा मौसुमी बारआ बंगप लैथोनिफ्राय दै खफ’ सोबनानै उनाव खोला भारतनि तामिलनाडु बोरिमायाव एफा एनै अखा हायो ।
मौसुमी बारनि गोहोम गोग्लैनाय ओनसोलफोरा जाबाय खोला आफ्रिका, जथुम हादरनि खोला सानजा बोरिमा आरो खोला सोनाब बोरिमा, मेक्सिक ‘लेङाइ लैथोमायारि ओनसोल, सा सानजा अष्ट्रेलिया आरि । एसिया हादरमायाव जुनियायै बेनि खोला आरो खोला सानजा बाहागोआव मौसुमीनि गोहोमा बयनिख्रुइ रोखासिन आरो गोख्रोंसिन।
22. जाहोन दिन्थिनानै फिननाय लिर:
(क) ट्रप ‘स्फियेर ओनसोलाव गाहाइयै बोथोरनि मावफारिया मानो जायो ?
फिन:- बोथोरनि मावफारिया गुबैयै ट्रप स्फियेर ओनसोलावनो जायो मानोना ट्रप ‘स्फियेर ओनसोलावनो दैखफ’, हाद्रि गुन्द्रा आरो खायसे थादेरसाफोरा थायो। बेफोरनि थाखायनो बोथोरनि गासैफ्राम खामानि जेरै जोमै, अखा, गिदिंनाय बार, बारहुंखा अखा आरि बेफोर ट्रप’ स्फियेरावनो जायो ।
(ख) बारमण्डलाव कार्बन-डाइ-अक्साइडनि बिबाङा बाङोब्ला बेनि फिथाइया मा जागोन ?
फिन:- बारमण्डलाव कार्बन डाइ अक्साइड गेसनि बिबाङा बांनायनि फिथाइया गिथावना । कार्बन डाइ अक्साइड गेसआ साननि बिदुंखौ हमथाना लाखिनौ हानाय गोहो दङ । बेनिखायनो बे गेसआ बारायोब्ला बुहुमखौ गोबां गुदुं खालामगोन आरो गल ‘कारि दुंखावनाय सोमजिहोगोन । फारसेथिं कार्बन डाइ अक्साइडनि बांनाया अजन थोरफोखौ खहा खालामनानै फानथौ गाबनि सोरांखौ बुहुमाव फैहोगोन ।
(ग) सिदोम बारनिख्रुइ गोरान बारनि नारथाइया मानो बारा ?
फिन:- सिदोमा बाराव गोबां बिबांनि दै खफ’ थायो नाथाय गोरान बाराव एसेल’ बिबांनि दै खफ’ थायो, जाउनाव एसेल’ बिबांमि दै खफ’ थानायनि थाखाय बारनि रोजाथिया बारायो आरो गोजौ नारथाइ सोमजियो । बेनिखायनो गोरान बारनि नारथाइया सिदोमा बारनि नारथाइनिख्रुइ बारा मानोना सिदोमा बाराव थानाय गोबां बिबांनि दें खफ’आ बारनि रोजाथिखौ खमायना खम नारथाइ सोमजिहोयो ।
(घ) अजन गेसनि थोरफोआ माबोरै जिब मुलुगनि साबजाथाव लाबोयो ?
फिन:- ष्टेट’स्फियेर थोरफोआव थानाय अजन थोरफोआ जिडब मुलुगनि थाखाय गोबां बानजायग्रा । साननिफ्राय फैनाय जिबनि थाखाय खहा खालामग्रा जोबोर फानथाव गाब स्रां रोदाखौ सोबना लानो हानाय गोहो अजन थोरफोनि अजन गेसनि गुन्द्राफोरा दङ । जोबोर फानथाव गाव स्रांनि थाखाय बिगुरनि केनसार बेरामजों लोगोसे आरो गोबां बेराम जायो । बेबादिनो अजन गेसनि थोरफोआ जिब मुलुगखौ रैखा खालामो ।
(ङ) लैथो बिखुङाव बारनि नारथाइया बयनिख्रुइ मानो बारा ?
फिन:- लैथो बिंखुङाव बारनि नारथाइया बयनिख्रुइ बांसिन । मानोना साननि दुंथाइनि जाउनाव बेनि दै खफ ‘आ गुदुं जानानै गोजौसिम थांनायनि थाखाय गोजौनि बारआ गोरान जायो । गोरान बारनि नारथाइनि रोजाथिया बांसिन आरो बेनिखायनो गोजौ नारथाइ सोमजियो ।
(च) ट्रप स्फियेर थोरफोनि थोंगोर गोसारथिया मेरु ओनसोल आरो बिसुबारि ओनसोलाव मानो गुबुन गुबुन जायो ?
फिन:- बहुमनि महरा दुलुर दालार महर बादि फ्राम । ट्रप ‘स्फियेरनि बिसुबारि ओनसोलाव बेनि बयनिख्रुइ जौथाइया 16 किल मिटार आरो मेरु ओनसोलाव 8 किल मिटार। मेरु ओनसोल फारसे बुहुमनि खनायारि थासारिनि थाखायनो गुबुन गदबुन जायो ।
(छ) बिसुबारि गाहाय नारथाइ आसानाव हा बिखुंनि लिग महरै बार बारनायखौ सरासनस्रा मानो मोनदाङा ?
फिन:- बिसुबारि गाहाय नारथाइ आसानाव हा बिखुंनि लिग महरै बार बारनायखौ जो मोनदाङा मानोना बेयाव बारआ बारा । साननि दुंथाइनि थाखाय बिसुबारि ओनसोलाव दुंथाइया बांनायनि जाउनाव बारनि नारथाइया एसेल ‘थार जायो । मानोना बारआ दुंखावोब्ला गोजौंथिं दावखोयो। बारआ गोजौथिं थांनाय लोगो लोगो नारथाइया खम जायो आरो जाउनाव बार बारनायखौ मोनदाङा ।
23. गाहायनि सोंनायफोरनि सुंद’ फिननाय लिर।
(क) बारमण्डला बेसेबां जौथाइसिम गोसारना दं ?
फिन:- बारमण्डला 10.000 कि.मि. जौथाइसिम गोसारना दं ।
(ख) बुहुम बिखुंनिफ्राय बेसेबां जौथाइसिम बारमण्डलनि गेसफोरनि रासायनारि दानाया एखे थाफ्रामो ?
फिन:- 80 किल ‘मिटार ।
(ग) ह ‘म ‘स्फियेर आरो हेटेर’ स्फियेरनि गेजेरनि सिमानि मुङा मा ?
फिन:- मेस ‘पज ।
(घ) फेरेलनि बुंफोरथिया मा ?
फिन:- बुहुमनि दावगिदिंनायनि थाखाय सोमजिनाय क’रिअलिच बोलोआ सा दुलुरखावनि बार बारनायखौ घरिनि काटानि दिगाव आगदाथिं आरो खोला दुलुरखावनि बार बारनायखौ घरिनि काटानि उलथा दिगआ आगसि फारसे गोग्लैयो। बेखौनो फेरेलनि बुंफोरथि बुङो ।
(ङ) बिउफर्ट स्केलआ मा ? बिदिन्थि होनानै बे स्केलनि बाहायथिनि सोमोन्दै सुंद’ यै लिर ।
फिन:- 1805 मायथाइयाव इंराज गोनोखोगिरि सार फ्रेन्सिस बिउफर्टआ दिहुननाय 0-12 नम्बर स्केलनि हेफाजाबाव बारनि गोख्रैथि मान बादियै बेनि रोखोम आरो गोहोमखौ मिथिनो हायो । बेनो बिउफर्ट स्केल ।
बिउफर्ट स्केलखौ मोनब्रै बाहागोआव बोखावनाय जादों ।
(i) बिउफर्टनि नाम्बार, (ii) बारनि गोबारथि, (iii) बारनि रोखोम, (iv) बारनि गोहोम |
बिडफर्ट स्केलनि बाहायथि :
| बिउफट नम्बर | बारनि गोबारथि(नट हिसाबै) | बारनि रोखोम | बारनि गोहोम |
| 0 | <1 | दिदोम बार (Calm) | उखुन्दैया खेंस्लायगोजौथिं दावखोयो । |
| 1 | 1-3 | लोखां बार (light air) | उखुन्दैया बारनि दिग बादियैथाङो, नाथाय बारनि दिन्थिग्राया गिदिङा । |
| 2 | 4-6 | रेजें बार(Light breeze) | बार दिन्थिग्राया गिदिङो,मेगन-मोखाङाव बारनि नांनायखौ मोन्दाङो । |
| 3 | 7-10 | सुदेम बार(Gentle breeze) | बिफांनि बिलाइ आरो गोरलैबिलाइया मावो, गोबा सिनिफिरफिलाया गोथों जायो । |
| 4 | 11-16 | बारस्लिव बार(Moderate breeze) | हाद्रि आरो जिनाय खाखोरखौ बिरखारना लाङो, बिफांनिदालाइया मावो । |
| 5 | 17-21 | थाजिम बार(Fresh breeze) | फिसा-बिफां-लाइफंआ गोग्लैयो, फख्रिनि दैयाव फिसा दोहौ जाखाङो । |
| 6 | 22-27 | गोख्रों बार(Strong breeze) | बिफांनि गेदेर गेदेर दालाइ मावो, टेलिफ’न तारआव मुसुरनायनि सोदोब जायो, साथा बाहायनायाव खष्ट मोनो । |
| 7 | 28-33 | बारस्लिव बारहुंखा(Moderate Gale) | बिफां-लाइफां मावो, थाबाय-नायाव बारआ बुयो । |
| 8 | 34-40 | थाजिम बारहुंखा बार(Fresh Gale) | बिफांनि गोरलै बिलाइया जलाङो थाबायना सिगांलांनो हाया । |
| 9 | 41-47 | गोख्रों बारहुंखा बार(Strong Gale) | न’-बां बायलाङो, बिफांनि दालाइ बायलाङो, थोरि उखुम न’खौ बुखार लाङो । |
| 10 | 48-55 | साफेननाय बार(Whole Gale) | न’-बां बुखारलाङो, बिफां-लाइफांगुबुयो, न’-बांनि खहा जायो । |
| 11 | 56-63 | बारहुंखा बार(Storm) | न’-बां बुखारलाङो, बिफां-लाइफांगुबुयो, न’-बांनि खहा जायो । |
| 12 | ≥64 | बारहुंखा बार(Storm) | गिनाय सोमजिहोग्रा बार, दोहोन-दौलद, फोजोबसांग्रा क्रान्तियारिओनसोलाव बांसिनै नुनो मोनो । |
(च) लेप्च हारआ मा सुंद ‘यै लिर ।
फिन:- बारमण्डलनि ट्रप ‘स्फियेर थोरफोआव सिं बाहागोआव दुंनाया बारा आरो जौथाइया बांनाय लोगो लोगो दुंनाया फारियै खम जालाङो । सरासनस्रा मोनफ्रोम किल’ मिटार जौथाइ बांनायाव 6.5° सेन्टिग्रेदयै बारनि दुंनाया खम जायो। बेखौनो लेप्च हार बुंनाय जायो ।
24. लिरसुंधाइ लिर।
(क) हम ‘स्फियेर ।
फिन:- हम ‘स्फियेर: बुहुम बिखुंनिफ्राय अजाय 80 किल मिटारफ्राम जौथाइसिम बारमण्डलनि गेसफोरनि ससायनारि दानाया एखे थाफ्रामोखायनो बारमण्डलनि बे गाहाय थोरफोखौ ह ‘म ‘स्फियेर बुंनाय जायो । मख ‘नो गोनांदि बुहुम बिखंनिफ्राय 32 किल मिटारफ्राम जौथाइनि गेजेरावनो बारमण्डलाव थादेरसानि गासै लेरथाइनि 99 जौखोन्दो दंफ्रामो । जौथाइखौ नायनामै खायफा आखुथाइनि फारागथिनि थाखाय हम ‘स्फियेर थोरफोरखौ आरोबाव बुहुम बिखुंनिफ्राय फारियै ट्रप ‘स्फेियर, स्टेट ‘स्फियेर आरो मेछ ‘स्फियेर महरै बाहागो खालामनाय जादों ।
(ख) हेटेर ‘स्फियेर ।
हेटेर ‘स्फियेर: बारमण्डलनि मोनसे मख ‘जाथाव थोरफोआ हेटेर ‘स्फियेर । मेछ ‘स्फियेर थोरफोनि उननिफ्राय थामहिनबा 80 किल ‘मिटार जौथाइनिफ्राय गोजौथिं बारमण्डलनि गेसफोरनि जुनिया रासायनारि सोलायनाय जानानै मोनसे आलादा थासारि सोमजिहोयोखायनो बे थोरफोखौ हेटेर ‘स्फियेर बुंनाय जायो । बारमण्डलनि बे थोरफोआव नाइट्रजेन, अक्सिजेन, हिलियाम आरो नाइट्रजेन गेसआ बिसोरनि अनुवारि लेरथाइ बादियै मोनब्रै थोरफोआव सोमजिहोदों । जौथाइबादियै बे थोरफोफोरा जादों फारियै नाइट्रजेन थोरफो 80 कि.मि. निफ्राय 200 कि.मि. जौथाइसिम, अक्सिजेन थोरफो 1125 किल ‘मिटार जौथाइसिम, हिलियाम थोरफो 3540 कि.मि. जौथाइसिम आरो हाइड्रजेन थोरफो 10,000 कि.मि. जौथाइसिम गोसारनाय ।
(ग) बारनि बिदुं, बुहुम बिखुंनि जौथाइ आरो बारनि नारथाइनि सोमोन्दो ।
बारनि बिदुं, बुहुम बिखुंनि जौथाइ आरो बारनि नारथाइनि सोमोन्दो: बारनि बिदुं, बुहुम बिखुंनि जौथाइ आरो बारनि नारथाइनि गेजेराव जोबोद खाथि सोमोन्दो दङ’। बिदुंनि माना जायगानि भुमखौराडारि थाथाइ थामहिर्बा अक्ष बाहागोनि सायाव सोनारो। बारमण्डलनि बिदुंखौ सामलायनाय आरो गोहोम खोख्लैनाय मोननै जाहोना जाबाय बारनि जौथाइ आरो बारनि नारथाइ । दुनाया बांबोला बारआ सोलाय सोल’ जायो आरो बारआ सोलाय सोल’ जायोब्ला रोजागासैया खम जायो। रोजागासैया खम जायोब्ला बारआ रेजों जायो । खम रोजागासैया खम नारथाइ सोमजिहोयो । बेखायनो बारनि नारसिननाया जाय जायगायाव बारा बे जायगायाव नारसिनथाइया खम आरो नारसिननाया एसेल’ जायगायाव नारथाइया बारा। बेनि थाखायनो मेरु ओनसोलाव नारथाइनि बिबाङा बारा ।
(घ) मेरु हादरारि गोजौ नारथाइ आसान ।
मेरु हादरारि गोजौ नारथाइ आसान: थोंजों साननि सोरांनि आंखालाव बुहुमनि मोननैबो मेरु ओनसोला बरफजों जोख्लोबनाय आरो बांद्राय गुसु। बेनि बारआ जोबोद गुसुथार । जोबोर गुसुनि थाखाय बे ओनसोलाव दैया बरफ महराव जमा जानानै थायो । बेनिखायनो ओनसोलनि बारआव दै खफ’ थायाखैनो बुंजायो । जाउनाव मेरु ओनसोल मोननैयाव थाजोरै बारनि गोजौं नारथाइ जायो। बेखायनो बे ओनसोलखौ मेरु हादरारि गोजौ नारथाइ आसान बुंनाय जायो ।
(ङ) बार बारनाय तन्त्र ।
बार बारनाय तन्त्र: बारआ गिदिंब्लानो बिखौ बार बारनाय बुङो । थामहिनवा बारनि गिदिंनाय बिथाथियानों जादों बार । बार बारनाया मोननै जाहोननि थाखाय जायों (1) दुंथाइनि फारागथि (2) बारमण्डलारि नारथाइ ।
बारनि गोख्रैथिया मोननै रोखोमनि (1) हा स्रें बारनाय बार (2) थोंगोर बारनाय बार ।
बारनि गोख्रैथिया जेब्लाबो लिग । बारआं लिग आरो थोंगोर दैदेनजायो । थेवब्लाबो लिगारि बारनाय बारआ बांसिनै बारो। बार बारनाया बारमण्डलाव जाथाइ जानाय गोबां मावफारिनि मोनसे गोनांथार बिजों जाय अरायसम दुंखावनाय, सिदोमा आरो बारमण्डलनि गुबुन गुबुन गोबां सानथौआरि गुना दाबसे जायगनिफ्राय गुबुन दाबसे जायगासिम दैखारलांनायाव हेफाजाब होयो ।
(च) नारसिननाय ।
नारसिननाय: मोननै जायगानि गेजेरनि बारमण्डलारि नारथाइनि फारागथिनि जायगाखौनो नारसिननाय बुंनाय जायो । बेखायनो नारसिननायनि जाहोनाव सोमजिनाय गोहोनि माना सोनारगोन मोननै जायगानि गेजेराव थानाय नारथाइनि फारागथि आरो जानथाइनि सायाव । दाबनै जायगानि नारथाइनि फारागथिया बारा जायोब्ला बारनि गोख्रैथियाबो बारा जायो । नाथाय जानथाइया गोजान जायोब्ला गोख्रैथिया खम जायो। बेखायनो दाबसे ओनसोलाव बिजिरसंनानै नायोब्लानो बेवहाय थानाय बारनि दिग आरो गोख्रैथिखौ गोरलैयै मिथिनो मोनो । दाबसे जायगानि नारसिननाय माना गोबां जायोब्ला बारनि गोख्रैथिया बांनायनि अनगायैबो बेयाव मोनसे रोखोम सिलिंखारआरि बारहावाबो सोमजियो । फारसेथिं नारसिननायनि माना खम जायोब्ला बेयाव बार बारनाया फ्राय गैयानो जायो आरो बारमण्डलाबो निजोमै थायो ।
(छ) फालांगि बार ।
फालांगि बार: 30° सा आरो 30° खोलाहा अक्ष बाहागोनि खाथिखाला थानाय लेङाइ क्रान्तियारि गोजौ नारथाइ आसाननिफ्राय बिसुबारि गाहाय – नारथाइ आसानथिं फैनाय बिखुंनि बारखौ फालांगि बार बुङो । क’रिअलिच बोलोनि थाखाय बे बारआ सा दुलुरखावआव सा सानजानिफ्राय खोला सोनाब दिगाव आरो खोला दुलुरखावआव खोला सानजानिफ्राय सोनाब दिगाव बारो । बेखायनो बेखौ सा दुलुरखावआव सा सानजा फालांगि बार आरो खोला दुलुरखावआव खोला सानजा फालांगि बार बुङो । क्रान्तियारि ओनसोलनि बे सान-सानजा खोला सानजा फालांगि बारआ बिसुबारि ओनसोलाव ज’ जानानै मोनसे रानजाग्रा सोमजिहोयो ।
(ज) गराइ अक्ष बाहागो ।
गराइ अक्ष बाहागो: बुहुमनि मोननैबो दुलुरखावनि जुनियायै 30° निफ्राय 35° अक्ष बाहागोनि गेजेराव थानय बे ओनसोलखौनो गराइ अक्ष बाहागो बुंनाय जायो । बे ओनसोलाव बारआ गोबारथि गैयि जानानै मोनसे गोजोन थासारियाव थायो । बारआ बे ओनसोलाव सिंजोंसो बारो। बेनि थाखायनो गोदोयो नाबिकफोरा बे ओनसोलाव जाहाज सलायनायाव हेंथा सोमजिनाय मोनदोंमोन । जाहाजनि लिरथाइखौ खम खालामनो थाखाय बिसोर लैथोआव बिसोरनि गराइफोरखौ गारदोंमोन, जाहाथे बिसोरनि जाहाजनि गोख्रैथिया बारायो ।
(झ) होस्रिख्रावनाय मोखांनि ब्रैजि ।
होसिख्रावनाय मोखांनि ब्रैजि: खोला दुलुरखावनि जुनियायै 40° निफ्राय 60° अक्ष बाहागो ओनसोल लैथोमाया आवग्रिना दंखायनो बे बाहागोआव सोनाबारि बारनि गोबारथिया बांसिन जायो । बेखायनो लैथोमायारि नाबिकफोरा ब्रैजि जिथाइनि अक्ष बाहागो ओनसोलखौ होसिख्रावनाय बैजि बुङो । सोनाबारि बारआ मोननैबो दुलुरखावआवनो लेङाइ क्रान्तियारि गोजौं नारथाइ आसाननिफ्राय गोजौ अक्ष बाहागोआरि लेङाइ मेरुनि फारसे थानाय गाहाय नारथाइ ओनसोलसिम बारो ।
(ञ) उलथा बारमोदाइ ।
उलथा बारमोदाइ: जेब्ला मोनसे गुवार ओनसोल हमना गोजौ नारथाइ बार बारनानै बेनि मेरुनिफ्राय दिंखन महरै जुदा जुदा बार बारनाय सोमजियो बेखौनो उलथा बारमोदाइ बुङो । उलथा बारमोदाइनि मिरुआव नारथाइया बांसिन जायोखायनो बेखौ गोजौ नारथाइ मिरुबो बुङो । गोजौ नारथाइ मिरुवा दिंखन महर जायाजासे एसे गोलाउ जायोब्ला बेखौ जौखां बुंनाय जायो। बुंनो थाङोब्ला उलथा बार मोदाइया बारमण्डलारि थासारि जाय बारमोदाइनि उलथथार ।
बबेबा दाबसे जायगानि बोथोरखौ थि खालामनायाव बार मोदाइनि रुजुनायाव उलथा बार मोदाइनि बिफावा एसेल’ थार । बुहुमनि मोननैबो दुलुरखावआव लेङाइ क्रान्तियारि आरो गोजौं अक्ष बाहागो ओनसोलाव उलथा बार मोदाइ सोमजियो । बुहुमनि साग्लोबनायनि थाखाय सा दुलुरखावआव उलथा बार मोदाइनि बारा गोजौ नारथाइ मिरुनि सोरगिदिं घरिनि दाबुनि दिगाव आरो खोला दुलुरखावआव घरिनि दाबुन उलथा दिगाव बारो ।
(ट) जेट बार बारनाय ।
जेट बार बारनाय: क्रान्तियारि ओनसोलनि गोजौ थोरफोजों सोनाबारि बार बारनायबादि मोनसे गोख्रै बारनाय बार सानजा मोखां फारसे बारो । बेखौनो जेट बारनाय बार बुङो । बेनि गोख्रैथिया घण्टायाव 640 किल ‘मिटार । बे जेट बारनाय बारआ दाबसे जायगानि बोथोर आरो बारहावानि मोनसे गोदान सोलायनाय लाबोयो । जेट बार बारनाया गोजां बोथोराव गोख्रै जायो ।
(ड) क्रान्तियारि बारमोदाइ ।
क्रान्तियारि बारमोदाइ: क्रान्तियारि ओनसोलनि जाय सिं नारथाइखौ मिरु खालामनानै सोरगिदिं गोजौ नारथाइ ओनसोलनिफ्राय फैनाय गोबारै बारनाय बारआ जेब्ना दिंखन महरै बारनाने मोनसे गिथाव महर लायो बेखौनो क्रान्तियारि बारमोदाइ बुंनाय जायो । बुहुम जोख्लोबनायनि थाखाय सा दुलुरखावआव सोमजिनाय बेफोरबादि बार मोदाइया घरिनि दाबुनि उलथा दिगाव आरो खोला दुलुरखावआव घरिनि दाबुनि दिगाव बारो । क्रान्तियारि बार मोदाइनि गोबारथिया मोनफ्रोम घण्टायाव 120 निफ्राय 280 किल’ मिटारसिम जायो । बेफोरबादि मोनफा मोनफा बैंखन महरनि बारमोदाइनि खाव हांखोआ किल ‘मिटार मोननैसोनिफ्राय बेसेबा गोजौ किल’ मिटारसिम जानो हागौ ।
क्रान्तियारि दिंखन बारआ आबुङैलैथोआरि आबहावानि गोहोमाव गोलोम बोथोरावल’ नुजायो । बेनि सिं नारथाइ मिरुआ आबुं जानायनि उनाव बेयो लैथोआरि बोरिमा आरो लासै लासै हा बाहागोसिम ओंखारख्लायबोयो । सा आमेरिकानि खोला सानजा बाहागो, जापाननि सानजा बोरिमा, भारतबर्षनि सानजा बोरिमा ओनसोलाव बेफोरबादि क्रान्तियारि दिंखन बारनि जाउनाव बोसोरफ्रोमबो दोहोन दौलद गोबां खहा जायो। क्रान्तियारि ओनसोलनि बारमोदाइखौ टाइफुन, हारिकेन, चाइक्ल ‘न, बरदैसिला आरो उइली उइली मुंजों मिथिंनाय जायो ।
25. फारागथि लिर ।
(क) थोंगोरै बार बारनाय आरो लिगारि बार बारनाय ।
फिन:- (क) थोंगोरै बार बारनाय आरो लिगारि बार बारनाय: (1) बारआ जेब्ला गोजौ मोखां जानानै बारो अब्ला बेखौ थोंगोरै बारनाय बार बुङो । फारसेथिं बुहुमनि लिग बादियै गिदिंनाय बारखौ लिगारि बारनाय बार बुंनाय जायो ।
(2) थोंगोरै बारनाय बारआ लिगारि बारनाय बारनि रुजुनायाव बिबाङा खमसिन ।
(ख) बार बारनाय आरो बारनि बिबां ।
बार बारनाय आरो बारनि बिबां: (i) बारनि गिदिंनाय बिथाथियानो जादों बार बारनाय | फारसेथिं बिदुं, सिदोमा आरिनि समान गुन गोनां गेदेर महरनि मोनफा मोनफा बारनि थुबुरखौ बानि बिबां बुंनाय जायो।
(ii) बार बारनाया मोनसे गेदेर जाथाइ आरो बेजों लोगोसे गोबां मावफारिया सोमोन्दो दङ । नाथाय बारनि बिबांआ सरासनस्रायै मोनसे फिसा जाथाइ। बेयो रोखोमसे दिदोम बार ।
(iii) बार बारनायखौ मोनथाम थाखोआव राननाय जादों । बेफोर जाबाय– (1) गाहाइ एबा गुदि बारनाय बार (2) सरासनस्राबारनाय बार (3) जायगायारि बारनाय बार फारसेथिं बारनि बिबांखों मोनब्रै थाखोआव राननाय जादों। बेफोर जाबाय – ( 1 ) क्रान्तियारि ओनसोलनि हादरमायारि बार दामोल । (2) क्रान्तियारि ओनसोलनि लैथोमायारि बार दामोल (3) मेरु ओनसोलनि हादरमायारि बार दामोल । (4) मेरु ओनसोलनि लैथोमायारि बार दामोल ।
(ग) क्रान्तियारि बारमोदाइ आरो बायजो क्रान्तियारि बारमोदाइ।
क्रान्तियारि बारमोदाइ आरो बायजो क्रान्तियारि बारमोदाइ: (i) क्रान्तियारि ओनसोलनि जाय सिं नारथाइखौ मिरु खालामनानै सोरगिदिं गोजौ नारथाइ ओनसोलनिफ्राय फैनाय गोबारै बारनाय बारआ जेब्ला दिंखन महरै बारनानै मोनसे गिथाव महर लायो बेखौनो क्रान्तियारि बारमोदाइ बुंनाय जायो ।
दुङा सुवा ओनसोल आरो गोजौ अक्ष बाहागो ओनसोलाव सोमजिनाय बार मोदाइखौ बायजो क्रान्तियारि बार मोदाइ बुंनाय जायो ।
(ii) क्रान्तियारि बारमोदाइया क्रान्तियारि ओनसोलाव सोमजियो । फारसेथिं बायजो क्रान्तियारि बार मोदाइया मेरु मोखां ओनसोलाव सोमजियो ।
(iii) क्रान्तियारि बारमोदाइया जोबोद गिथाव- बाथाव खहा खालामग्रा आरो फोजोबस्रांग्रा । नाथाय बायजो क्रान्तियारि बारमोदाइया एसेबां गिथावना फोजोबस्रांग्रा नङ ।
(iv) क्रान्तियारि बारमोदाइया गोलोम सोंमजियो आरो बायजो क्रान्तियारि बारमोदाइया बोसोरनि जायखिजाया समावनो सोमजिनो हायो ।
(v) क्रान्तियारि बारमोदाइखौं टाइफुन, हारिकेन, चाइक्ल ‘न, बरदैचिला बायदि मुंजों मिथिनाय जायो । फारसेथिं बायजो क्रान्तियारि बारमोदाइखौ दोहौ बारमोदाइ मुङै मिथिनाय जायो ।
(घ) दैनि बार आरो हानि बार ।
दैनि बार आरो हानि बार: (i) साननि बाहामोआव दै बाहागोनिफ्राय हा बाहागोसिम बारनाय बारखौ दैनि बार बुंनाय जायो । गुबुन फारसेथिं हरनि समाव हा बाहागोनिफ्राय दै बाहागोसिम बारनाय बारखौ हानि बार बुंनाय जायो ।
(ii) सानाव दै,बाहागोनिख्रुइ हा बाहागोनि दुंनाया बारा जानायनि थाखाय हा बाहागोआव दै बाहागोनिख्रुइ खमसिन नारथाइ जायो ।
हरनि समाव हा बाहागोआ दै बाहागोनिख्रुइ थाब गुसु जायो आरो बेखायनो हा बाहागोआव दै बाहागोनिख्रुइ बांसिन नारथाइ सोमजियो।
(ङ) हाजोआरि बार आरो हायेननि बार ।
हाजोआरि बार आरो हायेननि बार: (i) हरनि समाव गोजौ हा, थामहिनबा हाजो थिखिनियाव बारआ हायेननि रुजुनायाव गुसु आरो गिलिर जानायनि जाउनाव हायेनसिम बारबोयो । बेखौनो हाजोआरि बार बुङो ।
बेबादिनो साननि बाहागोआव दैमा, सेरफां आरो हायेननिफ्राय जौयेननि सरख्लायजों फैनाय गोजौ मोखां बारनाय बारखौ हायेननि बार बुङो ।
(ii) हाजोआरि बारखौ सरासनस्रायै गुसु मोनदाङो। हायेननि बारनि मोनदांथिया गुदुं ।
(च) बारमोदाइ आरो उलथा बारमोदाइ ।
बारमोदाइ आरो उलथा बारमोदाइ: (i) बारमण्डलारि बारनायनि जाय थाथायाव मोनसे गाहाय नारथाइखौ मिरु खालामनानै गोबारै बारआ सक्र महराव गिदिङो बेखौनो बार मोदाइ बुङो ।
जेब्ला मोनसे गुवार ओनसोल हमना गोजौ नारथाइ बार बारनानै बेनि मेरुनिफ्राय दिंखन महरै जुदा जुदा बार बारनाय सोमजियो बेखौनो उलथा बारमोदाइ बुङो ।
(ii) बारमोदाइया गोबां गोख्रैथि गोनांखायनो गोबां फोजोबसांग्रांबो। नाथाय उलथा बार मोदाइया फोजोबस्रांग्रा नङा ।
(iii) बारमोदाइया जायखिजाया ओनसोलनि दै बाहागोखौबो सिलिंखार खालामो । उलथा बार मोदाइया बोथोरखौ रानस्राव खालामो ।
(छ) गुसु मोखां आरो गुदुं मोखां ।
गुसु मोखां आरो गुदुं मोखां: (i) जाय मोखां बाहागोआव गुसु बार बाहागोआ गुदुं बार बाहागोनि जायगा सोलाय होयो बेखौ गुसु मोखां बाहागो बुङो ।
जाय मोखां बाहागोआव सिगांग्रो गुदुं बार बाहागोआ गुसु बार बाहागोनि साजों बारनानै बेखौ जायगा सोलाय होयो बेखौनो गुदं मोखां बाहागो बुङो ।
(ii) गुसु मोखां बाहागोखौ खारथाइनि दिगाव आखान्थिथाम महरनि थिरजों दिनथिनाय जायो आरो गुदुं मोखां बाहागोखौ आद्रा बेंखन महरनि खावस्लिं हांखोजों फोरमायनाय जायो ।
(ज) ट्रप ‘स्फियेर आरो स्टेट ‘स्फियेर ।
ट्रप ‘स्फियेर आरो स्टेट ‘स्फियेर: (i) हा सानि नांथाबना थानाय 12 किल मिटारफ्राम जौथाइसिम गोसारना थानाय थोरफोआनो जादों ट्रप ‘स्फियेर ।
ट्रप ‘स्फियेरनि गोजौनि थोरफोआनो जादों स्टेट ‘स्फियेर ।
(ii) ट्रप ‘स्फियेरनि गोजौनि सिमाखौ ट्रप पज बुङो । फारसेथिं स्टेट ‘स्फियेरनि जोबथा सिमाखौ प्टेट ‘पज बुंनाय जायो ।
(iii) ट्रप ‘स्फियेरनि बाहागोआवनो बोथोरनि गासैफ्राम खामानि जेरै जोमै, अखा, गिदिंनाय बार, बारहुंखा आरिया जायो ।
स्टेट ‘स्फियेराव बे बायदि रोखोमनि मोनबो खामानि जाया ।
(iv) ट्रप ‘स्फियेरआव जिब मुलुगआ थायो । नाथाय स्टेट ‘स्फियेरआव बे रोखोम मोनबो थानो हाया । बे थोरफोआव थानाय अजन गेसनि गुन्द्राया बारमण्डल साननिफ्राय फैनाय फानथाव गाब स्रां रोदाखौ सोबना लाना जिब मुलुगखौ रैखा खालामो ।
26. गेबें फिननायखौ सायख’
(क) अ’जन गेसनि थोरफोआ बबेयाव दं ?
(1) ट्रप ‘स्फियेर ।
(2) स्ट्रेट ‘स्फियेर ।
(3 ) मेछ’ स्फियेर ।
(4) थार्मस्फियेर ।
फिन:- (2) स्ट्रेट’ स्फियेर ।
(ख) बारमण्डलाव लेरथाइ महरै अक्सिजेना बेसेबां थायो ?
(1) 20.94%
(2) 29.01%
(3) 32.47%
(4) 78.08%
फिन:- (1) 20.94%.
(ग) बार बारनायनि गुबै जाहोना जादों–
(1) सिदोमानि गोरोबलायि ।
(2) नारथाइनि गोरोबलायि ।
(3) गेजेर बोगथाबमा गोह ।
(4) मिरुवारि बोलो ।
फिन:- (3) गेजेर बोगथाबमा गोहो ।
(घ) बारनि गोबारथिखौ सुनाय दाजेमा जादों–
(1) उइण्ड भेन ।
(2) एनिम’मिटार ।
(3) बिउफ’र्टस्केल ।
(4) हाइड्रमिटार ।
फिन:- (3) बिउफ’र्टस्केल ।
(ङ) बारनि गोबारथिनि सानगुदिया जादों–
(1) नट ।
(2) मिलिबार ।
(3) जौ खोन्दो ।
(4) दि’ग्री ।
फिन:- (2) मिलिबार ।
(च) मौसुमी बारआ गाहायनि बबे थाखोआवर गोग्लैयो ?
(1) जायगायारि बार ।
(2) गुदि बार ।
(3) सरासनस्रा बार ।
(4) अराय बारनाय बार ।
फिन:- (1) जायगायारि बार ।
(छ) प्रशान्त लैथोमायारि बोरिमा ओनसोलनि बारमोदाइनि मुङा जादों–
(1) चाइक्ल ‘न ।
(2) हारिकेन ।
(3) उइली उड़ली ।
(4) टाइफुन ।
फिन:- (4) टाइफुन ।
उफेरा सोंथि
1. बारमण्डला बुहुमनि बेसेबां जौथाइसिम गोसारना दं ?
फिन:- बारमण्डला बुहुमनिफ्राय 10,000 किल ‘मिटार जौथाइसिम गोसारना दं ।
2. बारमण्डला मानि थाखाय बुहुम बिखुंजों नांजाबनानै दङ ?
फिन:- बुहुमनि गेजेर बोगथाबमा गोहोनि थाखायनो बारमण्डला बुहुम बिखुंजों नांजाबनानै दङा ।
3. जिब मुलुग माखौ बुङो ?
फिन:- हा आरो दै थामहिनबा हा मण्डल आरो दै मण्डलजों लोगोसे बारमण्डला बुहुमाव जिबनि सोमजिनाय, जौगानाय आरो थानायनि थाखाय मोनसे साबजाथाव आबहावा सोरजिना होदों । बे आबहावाखौनो जिब मण्डल बुंनाय जादों ।
4. सानखरांनि ग्रहफोरनि गेजेराव बबे ग्रहआ जौसिन आरो आलादा?
फिन:- जौसिन आरो आलादा ग्रहआ जाबाय बुहुम ।
5. बारमण्डलनि बबे मोनने गेसनि गोनांथिया बांसिन ?
फिन:- नाइट्रजेन आरो अक्सिजेन ।
6. बारण्डलाव बबे गेसनि बिबांआ बांसिन ?
फिन:- नाइट्रजेन ।
7. बबे गेसआ साननि फानथाव गाव सोरांखौ सोबख यो ?
फिन:- अजन गेसआ सोबख ‘यो ।
8. अखाया माबोरै हायो ?
फिन:- बारमण्डलाव थानाय दै खफ फोरा हाद्रि गुन्द्राफोरखौ आसय एबा जायगा होनाने गिदिंखनना जोमै सोमजिहोनानै अखा हायो ।
9. गोदान बोथोर बिगियानगिरिफोरा राननाय मोननै बारण्डलनि मुङा मा ?
फिन:- हम ‘स्फियेर आरो हेटेर ‘स्फियेर ।
10. बुहुम बिखुंनिफ्राय बेसेबां जौथाइसिम बारमण्डलनि गेसफोरनि रासायनारि दानाया एखे थायो ?
फिन:- बुहुम बिखुंनिफ्राय 80 कि.मि. फ्राम जौथाइसिम बारमण्डलनि गेसफोरनि दानाया एखे थायो ।
11. हेटेर ‘स्फियेर थोरफोनि मोनब्रै थोरफोआ मा मा ?
फिन:- नाइट्रजेन, अक्सिजेन, हिलियाम आरो हाइद्रजेन ।
12. ट्रप ‘स्फियेरनि गड़ जौथाइया बेसेबां ?
फिन:- 12 किल मिटारफ्राम ।
13. ट्रप ‘स्फियेरनि बिषुबारि आरो मेरुआरि जौथाइया मा मा ?
फिन:- ट्रप ‘स्फियेरनि विषुबारि जौथाइया 16 कि.मि. आरो मेरु ओनसोलनिया 8 कि.मि. ।
14. लेप्च हार माखौ बुङो ?
फिन:- ट्रप ‘स्फियेर थोरफोआव थाम बाहागोनि ब्रै बाहागोफ्राम आरो दैखफ ‘जोब आरो हाद्रि गुन्द्राल’ । बारमण्डलनि बे थोरफोनि सिं बाहागोआव दुंनाया बारा आरो जौथाइया बांनाय लोगो लोगो दुंनाया फारियै खम जालाङो । सरासनस्रा मोनफ्रोम किल ‘मिटार जौथाइ बांनायाव 6.5° सेन्टिग्रेडयै बारनि दुंनाया खम जायो । बेखौनी लेप्च हार बुंनाय जायो ।
15. बारमण्डलनि नारथाइ माखौ बुङो ?
फिन:- मोनफ्रोम सानगुदि दब्लायथियाव बारआ बाहायनाय बोलोनि मानानो जादों बारमण्डलनि नारथाइ ।
16. बारनि नारथाइखौ मा सानगुदियाव फोरमायनाय जायो ?
फिन:- मिलिबार सानगुदियाव फोरमायनाय जायो ।
17. बारनि नारसिनथाइखौ सुग्रा जोनथोरनि मुङा मा ?
फिन:- बेर’मिटार मुंनि जोनथोरजों ।
18. फेरेलनि बुंफोरथिखौ लिर ।
फिन:- बारमण्डलारि नारथाइनि फारागथिनि थाखाय जेब्ला गोजौ नारथाइ ओनसोलनिफ्राय गाहाय नारथाइ ओनसोलसिम बार बारो अब्ला क’रिअलिचनि बोलोआ बै बारनि दिगखौ एसे सोलायहोयो । बारजों लोगोसे क’रिअलिच बोलोनि गोहोमा हा बिखुंनि गासैबो सालायग्रा बेसाद एबा फिनजाथाइनि बेलायावबो एखे । बुहुमनि दावगिदिंनायनि थाखाय सोमजिनाय बै बोलोआनो सा दुलुरखावनि बार बारनायखौ घरिनि काटानि दिगआव आगदाथिं आरो खोला दुलुरखावनि बार बारनायखौ घरिनि काटानि दिगआ आगसि फारसे गोग्लैयो। बेखौनो फेरेलनि बुंफोरथि बुंनाय जादों ।
19. बार मोखां आरो आन्दो मोखां बार माखौ बुङो ?
फिन:- बुहुम बिखुंनि जाय दिगनिफ्राय बार फैयो बेखौ बार मोखां आरो जाय दिगथिं बारो बेखौ बार आन्दो बुंनाय जायो ।
20. बारनि दिगखौ दिहुननो हानाय जोन्थोरनि मुङा मा ?
फिन:- उइण्ड भेन ।
21. बारनि गोबारथि सुग्रा जोन्थोरनि मुङा मा ?
फिन:- एनिम’ मिटार ।
23. फालांगि बार माखौ बुङो ?
फिन:- 30° सा आरो, 30° खोला अक्ष बाहागोनि खाथिखाला थानाय लेङाइ क्रान्तियारि गोजौ नारथाइ आसाननिफ्राय बिषुबारि गाहाय नारथाइ आसानथिं फैनाय बिखुंनि बारखौ फालांगि बार बुंनाय जायो।
24. अराय बारनाय बारनि सिङाव गोग्लैनाय बारफोरा मा मा ?
फिन:- बार गिदिंनाय एबा साफेननाय बार, एन्टि साफेन बार, बारनि बिबां, मेरु सिगां, मौसुमि बार आरिया गाहाइयै अराय बारनाय बारनि सिङाव गोग्लैयो ।
25. बारनि बिबां माखौ बुङो ?
फिन:- बिदुं, सिदोमा आरिनि समान गुन गोनां गेंदेर महरनि मोनफा मोनफा बारनि थुबुरखौ बारनि बिलां बुङो ।
26. मेरु मोखां माखौ बुङो ?
फिन:- जेब्ला दुंनाय, सिदोमा, नारथाइ, रोजाथि आरिनि गोरोबलायि थानाय मोननै गुन गोनां बार दामोला गावजों गाव मोगा मोगि जायो, बिसोरनि गेजेराव गोथों गोरोबलायनाय जायाजासे मोननैनि गेजेराव मोनसे नागारलायनाय बार बिखुंनि एबा दानस’ग्रा हांखो सोमजियो बेखौनो मेरु मोखां बाहागो बुंनाय जायो ।
27. मोखां बाहागोखौ बेसेबां थाखोआव रानदों ? मोनफ्रोमबो थाखोनि मुंखौ लिर ।
फिन:- गासै मोनब्रै थाखोआव रानदों। बेफोर जाबाय–
(i) गुसु मोखां बाहागो ।
(ii) गुदुं मोखां बाहागो ।
(iii) लोरसोर गैयि मोखां बाहागो ।
(iv) सिङाव थानाय मोखां बाहागो ।
28. बारमोदाइनि मोननै रोखोमा मा मा ?
फिन:- क्रान्तियारि बारमोदाइ आरो बायजो क्रान्तियारि बारमोदाइ ।
29. क्रान्तियारि ओनसोलनि बारमोदाइखौ आसामाव मा बुङो ?
फिन:- बारदैसिख्ला ।
30. उल्था बारमोदाइ माखौ बुङो ? बे सोदोबखौ सोर गिबिसिन बाहायदोंमोन ?
फिन:- जेब्ला मोनसे गुवार ओनसोल हमना गोजौ नारथाइ बार बारनानै बेनि मिरुनिफ्राय दिखंन महरै जुदा जुदा बार बारनाय सोमजियो बेखौनो उल्था बारमोदाइ बुंनाय जायो । बोथोर बिगियानगिरि सार फ्रेन्सिस गेल्टनआ गिबिसिनै 1861 मायथाइयाव बाहायग्रोदोंमोन ।
31. उल्था बारमोदाइनि मोननै रोखोमा मा ?
फिन:- लेङाइ क्रान्तियारि दुंब्रुद उल्था बारमोदाइ आरो गोजौ अक्ष ब्राहागोआरि गुसु उल्था बारमोदाइ ।
32. गुसु बारहुंखाया बबेयाव सोमजियो ?
फिन:- सा सानजा कानाडा आरो सा सानजा इउरपआव गुसु बारहुंखा सोमजियो ।
33. जायगायारि बार माखौ बुङो ? मोननैसो बिदिन्थि हो ।
फिन:- हा बाहागोनि गोरोबलायि आरो जौथाइनि फारागथिनि थाखाय सिमाथि गोनां ओनसोलखौ लाफानानै जाय बार बारनाया सोमजियो बेखौनो जायगायारि बारनाय बार बुङो । बेफोर जाबाय दैनि बार, हानि बार, हाजोआरि बार, हायेननि बार आरि ।
34. चिनुकआ मा ?
फिन:- जुथुम हादरनि फैलाव हायेन ओनसोलाव गाहाय नारथाइ सोमजिनायनि जाउनाव सोनाब दिगनिफ्राय फैनाय बारआ जेब्ला रकि हाजी जिनज्रिखौ बारबोनानै हायेनथिं बारबोनो हमो बेखौनो चिनुक बुङो ।
35. चिरक्क’ माखौ बुङो ?
फिन:- सा आफ्रिकानि साहारा बालाहामायाव सोमजिनाय जोबोर गुदुं आरो “गोरान खोलाथं बार बारनायखौ चिरक्क’ बुङो ।
36. भुमध्य लैथोआरि बोरिमा ओनसोलाव बारनाय गिलिर गुसु बारखौ मा बुङो ?
फिन:- मिष्ट्रेल बुङो ।
37. बिउफ’र्ट स्केलनि बाहागोफोरखौ लिर ।
फिन:- 1. बिउफर्ट नम्बर ।
2. बारनि गोबारथि ।
3. बारनि रोखोम ।
4. बारनि गोहोम ।
38. बारमण्डलनि बबे गेसखौ गोथै रोस बुंनाय जायो ?
फिन:- नाइट्रजेन गेसखौ ।
39. बारमण्डलनि बबे थोरफोआव बबे बबे गेसआ बेसेबां जौथाइयै मोनब्रै थोरफो सोमजिदों ?
फिन:- बारमण्डलनि हेटेर ‘स्फियेर थोरफोआव नाइट्रजेन, अक्सिजेन, हिलियाम आरो हाइद्रजेन गेसआ अनुवारि लेरथाइ बादियै मोनब्रै थोरफो सोमजिहोदों । जौथाइ बादियै बे थोरफोफोरा जादों- नाइट्रजेन थोरफो 80 कि. मि. निफ्राय 200 किल ‘मिटार जौथाइसिम, अक्सिजेन थोरफो- 1125 कि.मि. जौथाइसिम, हिलियाम थोरफो- 3540 कि.मि. जौथाइसिम आरो हाइद्रजेन थोरफो- 10,000 कि.मि. जौथाइसिम ।
40. बुहुम बिखुंनिफ्राय दैथायहरनाय रेडिअ ‘ गुथाला बबे थोरफोआव बेरखाङो ?
फिन:- आयन ‘स्फियेर थोरफोआव बेरखाङो ।
41. इन्सि जौथाइनि पारा लावधिनि नारथाइनि माना बेसेबां ?
फिन:- 33.9 मिलिबार ।
42. बेर’ मिटारनि हेफाजाबाव मा आखिनाय जायो ?
फिन:- बेर’ मिटारनि हेफाजाबाव बेर ‘ग्राफ थामहिनबा नारथाइ बो सावगारि आखिनाय जायो ।
43. बारमण्डलनि नारथाइ गोरोबलायि जाहोना मा ?
फिन:- बारनि दुंथाइ आरो बुहुम बिखुंनि जौथाइ ।
44. सरासनस्रा मोननै रोखोम बारनि नारथाइखौ लिर ।
फिन:- गोजौ नारथाइ आसे गाहाय नारथाइ ।
45. बारनि गोवारथिखौ मायाव फोरमायनाय जायो ? 1 नट मने मा ?
फिन:- बारनि गोबारथिखौ नटआव फोरमानाय जायो ।
1 नट माने 1 नटिकल माइल मानफ्रोम से घण्टायाव 1 थामहिनबा 1.854 किल मिटार मोनफ्रोम घण्टायाव एबा 30.9 मिटार मोनफ्रोम मिनिटआव ।
46. रफेननाय बारनि गोहोमाव मा जायो ?
फिन:- न’बां बुखारलाङो, बिफ लाइफां गुबुयो, न’बांनि खहा जायो ।
47. मा रोखोम बार बारनायाव थाबायना सिगांलांनो हाया जायो ?
फिन:- थाजिम बार हुंखा बार बारनायाव ।
48. बबे रोखोम बाराव टेलिफन तारआव मुसुरनायनि सोदोब जायो?
फिन:- गोख्रों बारआव ।
49. दाबसे जायगायाव बोथोर आरो बारहावानि सोलायनाय लाबोग्रा बारआमा ?
फिन:- जेट बारनाय बार ।
50. मा बारनि महरा इंगजी हांखो भि (v) नि बादि ?
फिन:- बायजो क्रान्तियारि बारमोदाइनि महरा ।
51. गुदुं गुथाल बारआ बबेयाव सोमजियो ?
फिन:- अमेरिका जथुम हादरनि गेजेर आरो खोला सानजा बाहागोआव सोमजियो ।
52. मौसुमी सोदोबखौ मानिफ्राय सोमजिनाय होनना बुंनाय जायो ?
फिन:- आरबी मौसम आरो मालायान रावनि मनचिननिफ्राय सोमजिनाय होननानै बुंनाय जायो ।
53. फ’न बारआ बबेयाव बारो ?
फिन:- आल्पछ हाजो जिन्ज्रिनि साहा सराख्लायजों फोन बारआ बारो।
54. चिरक्क’ बारखौ इजिप्त आरो आरबाव मा म मुंजों मिथियो ?
फिन:- चिरक्क’ बारखौ इजिप्तआव खामसिन आरो आरबाव चिमुम बुंनाय जायो ।
55. उल्था बारमोदाइ बुङोब्ला मा मिथियो ? बेखौ सोर दिहुनग्रोनाय ? बेयो माबारै सोमजियो ? बेनि रोखोमफोरखौ सावराय ।
फिन:- जेब्ला मोनसे गुवार ओनसोल हमना गोजौ नारथार बार बारनानै बेनि मिरुनिफ्राय दिंखन महरै जुदा जुदा बार बारनाथ सोमजियो बेखौनो उल्था बारमोदाइ बुंनाय जायो । उल्था बारमोदाइनि मिरुआव नारथाइया बांसिन जायोखायनो बेखौ गोजौ नारथाइ मिरुबो बुङो । बे गोजौ नारथाइ मिरुवा दिंखन महर जायाजसे एसे गोलाउ ज़ायोब्ला बेखौ ‘जौखां’ बुंनाय जायो । बोथोर बिगियानगिरि सार फ्रेन्सिस गेल्टनआ गिबिसिनै 1861 मायथाइयाव बे ‘Anticyclone’ सोदोबखौ बाहायदोंमोन ।
बुंनो थाङोब्ला उलथा बारमोदाइया बारमण्डलारि थासारि जाय बारमोदाइनि उल्थाथार । बबेबा दाबसे जायगानि बोथोरखौ थि खालामनायाव बारमोदाइनि रुजुनायाव उल्था बारमोदाइनि बिफावा एसेल ‘थार । नाथाय गोसो होनो गोनांदि उल्था बारमोदाइयालो बोथोर सोलायहोनो हनाय गोहो गैथारि नङा । बुहुमनि मोननैबो दुलुरखावआव लेङाइ क्रान्तियारि आरो गोजी अक्ष बाहागो ओनसोलाव उल्था बारमोदाइ सोमजियो । बुहुमनि साग्लोबनायनि थाखाय सा दुलुरखावआव उल्था बारमोदाइनि बारा गोजौ नारथाइ मिरुनि सोरगिदिं घरिनि दाबुनि दिगाव आरो खोला दुलुरखाव आव घरिनि दाबुनि उल्था दिगाव बारो ।
उलथा बारमोदाइया गाहाइये मोननै रोखोमनि (i) लेङाइ क्रान्तियारि दुंब्रुद उल्या बारमोदाइ (Sub-tropical warm care Anticyclone) आरो (2) गोजौ अक्ष बाहागोआरि गुसु उलथा बारमोदाइ (High latitude cold core Anticyclone)। बे मोमनैबो उल्था बारमोदाइनि सोमणि भावनि आरो गोबारथिया गुबुन गुबुन । लेङाइ मेरु ओनसोलाव सोमजिनाय गुसु उल्था बारमोदाइया खोलाथं बारो। गुबुन फारसेथिं लेङाइ क्रान्तियारि ओनसोलाव सोगजिनाथ गुदुं उल्था बारमोदाइया सोनाबनिफ्राय सानजाथिं बारो । बबेखानि साननि थि सा फारसे आरो खोला फारसे मोखां जानायनि थाखाय उलथा बारमोदाइ सोमजिनाय जायगा आरो दावबायनाय लामाया गोलोम बोथोराव एसे साहाथिं आरो गोजी बोथराव एसे खोलाथिं जायगा सोलायो । उल्था बारमोदाइनि गोजौ नारथाइ मिरु आरो बायजो बाहागोनि गेजेराव थानाय नारथाइनि गोरोबलाविया जोबोर बाराद्राय नाङिनि थाखाय बारनि गोबारथिया बारा नङा । बेबादि बारमोदाइनि जाड़नाव अखानि बिबङाबी बाराद्राय नङा । गोजौ अक्ष बाहागोआरि गुसु उल्था बारमोदाइनि थाखाय गाहाइयै गोजां बोथोराव सा आमेरिका, सोनाब इउरप आरियाव बांद्राय गुसु बार बारो। सा सानजा कानाड़ा आरो सा-सानजा इउरपआव गुसु बारहुंखा (Blizzard) सोमजियो । बेबाद गदुसु बार बारनायखौ ‘गुसु गुथाल’ (cold wave) होननानैबो बुंनाय जायो ।
गुबुन फारसे लेङाइ क्रान्तियारि बारमोदाइनि गोजौं नारथाइ मिरूफोरनिक्राय ओंखारनाय बारा जोबोर लासै एबा गोहैलो । जिहेथु उल्था बारमोदाइनि नारथाइ आरो बार बारनाया बारमोदाइनि उल्था, बेनि बोथोराबो उल्था रोखोनि सानजाथाव । सरासनस्रा उल्था बारमोदाइनि जाउनाव बोथोरा दानस्रां जायो । बबेखानि लेङाइ क्रान्तियारि ओनसोलनि उलथ बारमोदाइफोरा गुदुं लैथोनि साजों -बारोब्ला दै खफ ‘नि गोबाङै ओंखारबोनाय आरो दुंनायनि गोरोबलायिनि थाखाय एसे बिबाङै अखा हायो । बिदिन्थिबादियै गोलोम बोथोराव मेक्सिक’ लैथोमाजों आमेरिका जुथुम हादरनि खोला बाहागोआव हाबफैनाय लेङाइ क्रान्तियारि उल्था दिंखर बारनि थाखाय बै ओनसोलाव एसे अखा हायो । बिबादिनो बुहुमनि मोननैसो क्रान्तियारि बोरिमा ओनसोलाव अखा हानीय नुनी मोनो । नाथाय लेङाइ क्रान्तियारि ओनसोलनि खावस्लिंसे दिदोम उल्था बारमोदाइफोरनिफ्राय सानजाथिं बारनाय बारआ गुदुं जायो । बेबादि बारनय बार ‘गुदुं गुथाल’ (Hot wave) सोमजिहोयो, थामहिनबा मोनसे सरासनस्रा नङि गुदुं गोरान बोथोर सोमजिहोयो । आमेरिका जथुम हादरनि गेजेर आरो खोला सानजा बाहागोआव अजाय बेबादि गुदुं गोरान बोथोर मोनदाङो ।
| SL No. | CONTENTS |
| Unit – 1 | जारिमिन |
| Chapter – 1 | भारतबर्ष हादराव इउर’पियानफोरनि हाबफैनाय |
| Chapter – 2 | भारतारि माहारियारि सानस्रि बेरखांनाय |
| Chapter – 3 | मवामरीया सुबुं बिग्रायखांनाय |
| Chapter – 4 | माननि आसाम गाग्लोबनाय |
| Chapter – 5 | आसामाव बृटिस खुंथाइनि जागायनाय |
| Unit – 2 | भुमरखौरां |
| Chapter – 1 | बुहुम बिखुंनि सोलायनाय |
| Chapter – 2 | बारमण्डल |
| Chapter – 3 | भारतबर्षनि भुमरखौरां |
| Chapter – 4 | आसामनि भुमरखौरां |
| Unit – 3 | राजखान्थि |
| Chapter – 1 | भारतनि राजखान्थियारि हान्जा |
| Chapter – 2 | सोरखारनि बाहागो राननाय |
| Unit – 4 | रांखान्थि बिगियान |
| Chapter – 1 | रांखान्थिनि गुदि आयदाफोर |
| Chapter – 2 | गुबै रांखान्थियारि जेंनाफोर |
Notes of Class 9 Social Science in Bodo Medium | Bodomedium Class 9 Social notes इस पोस्ट में हम आपको ये समझा ने कि कोशिश की है की Bodo Medium 9th class Social Science Question answer | Class 9 Social Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।