Bodo Medium Class 9 Social Science Chapter 11 सोरखारनि बाहागो राननाय Question Answer. Class 9 Social Science Question Answer in Bodo to each Chapter is provided in the list of SCERT, NCERT, SEBA सामाज बिगियान Class 9 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें. Class 9th Social Science Chapter 11 Question Answer Class 9 Bodo Medium Social Science Chapter 11 Questions Answer. SEBA Bodo Medium Class 9 Social Science Chapter 11 सोरखारनि बाहागो राननाय Notes covers all the exercise questions in NCERT, SCERT.
Class 9 Social Science Chapter 11 सोरखारनि बाहागो राननाय
बोडो मीडियम कक्षा 9 सामाज बिगियान खोन्दो 11 सोरखारनि बाहागो राननाय Question Answer इस पोस्ट में हम आपको ये समझा ने कि कोशिश की है की कक्षा 9 बोडो मीडियम सामाज बिगियान खोन्दो 11 Question Answer. अगर आप एक सात्र या शिक्षाक हो बोडो मीडियम की, तो आपके लिए ये बोडो मीडियम कक्षा 9 सामाज बिगियान खोन्दो 11 Question Answer बोहत लाभदायक हो सकता है। कक्षा 9 सामाज बिगियान खोन्दो 11 मे आप अपना ध्यान लगाके पढ़ कर इस कक्षा 9 सामाज बिगियान में अछि Mark ला सकते हो अपनी आनेवाली परीक्षा में।
खोन्दो 11 सोरखारनि बाहागो राननाय
Chapter 11 Basic Economic Problems
आयदानि सोंथि-फिननाय
1. सोरखारखौ बाहागो राननाय गिबि राजखान्थियारि सानथौगिरिया सोर ?
फिन:- प्लेट’ ।
2. आथिखालाव मुलुगनि बयनिख्रुइबो मोजांसिन सोरखारा बबे ?
फिन:- फोरजाखान्थियारि सोरखार ।
3. संसदारि सोरखार थानाय हादोर गंसेनि में लिर ।
फिन:- इंलेण्ड ।
4. संसदारि खान्थिनि सोरखारनि सोरखार गाहाइ आरो हादोर गाहाइया सोर ?
फिन:- सोरखार गाहाइया जाबाय गाहाइ मन्थ्रि ।
हादोर गाहाइया जाबाय राजा एबा रानी नङाबा हादोरगिरि ।
5. गोहो बाहागो राननाया माबादि सोरखाराव थायो ?
फिन:- हादोरगिरियारि सोरखाराव ।
6. हादोरगिरियारि सोरखार थानाय गंसे हादोरनि मुं लिर ।
फिन:- आमेरिका जुथुम हादोर ।
7. मिरुसेयारि सोरखार थानाय हादोर गंसेनि मुं लिर ।
फिन:- जापान ।
8. जुथुम हादोरारि खान्थिनि सोरखाराव थानाय रोखोमनै सोरखारा मा मा ?
फिन:- (1) मिरुवारि सोरखार आरो राज्यो सोरखार ।
9. सुइजारलेण्डाव मा रोखोमनि सोरखार दं ?
फिन:- जुथुम हादोरारि सोरखार दं ।
10. भारताव नैथि नोगोरारिनि खान्थि दं नामा ?
फिन:- नैथि नोगारारिनि खान्थि दं ।
सुंद’ फिननायनि सोंनाय
1. आथिखालाव सोलिबाय थानाय बुहुमनि बायदि सोरखारफोरा मा मा ?
फिन:- बायदि रोखोमनि सोरखारफोरा जाबाय–
(1) मिरुसेयारि सोरखार ।
(2) जुथुम हादोरारि सोरखार ।
(3) संसदारि सोरखार ।
(4) हादोरगिरियारि सोरखार ।
2. संसदारि सोरखारनि मोननै आखुथाइ लिर ।
फिन:- संसदारि सोरखारनि मोननै आखुथाइया जाबाय–
(क) सानै गोरा गाहाइ: बे सोरखाराव सानै गोरा गाहाइनि खान्थि दं । सासेया थार मावफुंगिरि आरो सासेया नामावल’ मावफुंगिरि । गाहाइ मन्थ्रिनि दैदेननायाव मन्थ्रि परिषदानो गुबै मावफुंगिरि आरो हादोर गाहाइया (राजा/ रानि/हादोरगिरि) नामावल’ मावफुंगिरि ।
(ख) कार्यपालिकानि सोद्रोमाफोरा बिधान मण्डलनिबो सोद्रोमा: बेबादि सोरखाराव कार्यपालिका एबा मन्थ्रि परिषदनि सोद्रोमाफोरा बिधान मण्डलनिबो सोद्रोमा जायो ।
3. संसदारि सोरखारनि मोननै गोरोन्थि आरो मोननै गुणनि सोमोन्दै सुंदयै लिर ।
फिन:- संसादारि सोरखारनि मोननै गोरोन्थि―
(क) संसदारि सोरखाराव मोनसेबो राजखान्थियारि हान्जाया बिधान मण्डलाव अनजिमागोबां जानो हायाब्ला सोरखार दानो हाया, अब्ला जथाइ सोरखार दानाय जायो । जथाइ सोरखारा दान्दिजोर आरो जायखिजाया समावनो राजखान्थियारि आंखाल बेरखांनोबो हागौ ।
(ख) बिब्दि सोरखारनि बिफानारि मन्थ्रिफोरा बिफानारि खामानियाव रोंग ‘थि थायिनि थाखाय गोबां समाव अफिसारफोरनि सायाव सोनारनानै, थानांगौ जायो । बेनि जाहोनाव सोरखारनि खामानियाव अफिसारफोरनि गोहोमासो रासिन जायो आरो सोरखारानो अफिसारफोरनि सोरखारनि महर मोनो ।
संसदारि सोरखारनि गुण :
(क) संसदारि खान्थिनि सोरखाराव कार्यपालिका आरो बिधान मण्डलनि गेजेराव मोजां सोमोन्दो आरो हेफाजाब होलायनाय थायो । बेनि जाहोनाव जायखिजाया जेंनाखौनो आयेननि हेफाजाबाव गोरलैयै सुस्रांनो हायो ।
(ख) बे सोरखारा विधानमण्डलनि सेराव गंग्लायनायखाय हादोरनि सुबुंनि सार्थनि बेरेखा खामानि सोरखारा मावनो हाया ।
4. गोहो बाहागो राननाय खान्थिया मा ?
फिन:- जुथुम हादोरारि सरखाराव मोनथाम अंगो कार्यपालिका, बिधान मण्डल आरो न्यायपालिकाफोरा गावबा गावनि खामानिनि थिलियाव उदां। मोनसेया मोनसेनि जाफुमा नङा ।
5. हादोरगिरियारि सोरखारनि मोननै आखुथाइ लिर:
फिन:- हादोरगिरियारि सोरखारनि मोननै आखुथाइफोरा जाबाय―
(क) हादोर गाहाइ आरो सोखार गाहाइनि गेजेराव जेबो फारथि गया: संसदारि खान्थिनि सोरखार बायदि हादोरगिरियारि सोरखाराव हादोर गाहाइ आरो सोरखार गाहाइ होननाय सानै सुबुंथाया । बेयाव हादोरगिरियानो हादोर गाहाइ आरो सोरखार गाहाइ जायो ।
(ख) गोहो जुदा खालामनाय खान्थि: हादोरगिरियारि सोरखाराव कार्यपालिकाया बिधानमण्डलनि सेराव गंग्लायनाय नङा। मोननैनिबो थामोनथाया उदां । बिधानमण्डलनि सोद्रोमाया कार्यपालिकानि सोद्रोमा जानौ हाया । संसदारि खान्थिनि सोरखारनिवादि हादोरगिरियारि सोरखाराव कार्यपालिकानि सोद्रोमाया बिधानमण्डलनि हाबाफारियाव बाहागो लानो हाया ।
6. मिरुसेयारि सोरखारनि मोननै गुण आरो मोननै गोरोन्थि सोमोन्दै सुंद ‘यै लिर ।
फिन:- मिरुसेयारि सोरखारनि मोननै गुण:
(क) मिरुसेयारि सोरखारा गासै हादोरनि थाखाय एखे रोखोमनि खुंथाइ खान्थि बाहायनाय आरो मावफुंनायनि थाखाय खुंथाइया गोख्रों जायो । बेयाव जेबो बेले बेजे थाया ।
(ख) मिरु सोरखारा गासैबो हादोरनि खुंथाइखौ खुंनायलाय जायखिजाया समावनो दायनिगिरि जायो । मिरुवारि सोरखारा जायगानि सोरखारखौ गावनि गोरोन्थिनि थाखाय दायनिगिरि खालामनो हाया ।
मिरुसेयारि सोरखारनि मोननै गोरोन्थि:
(क) गिदिर हादोरनि थाखाय बिब्दि सोरखारा साबजानाय नङा ।
(ख) मिरुसेयारि सोरखाराव सरासनस्रा सुबुंफोरा सांग्राङै हादोर खुंनाय हाबायाव बाहागोलानो खाबु मोना । बेनि जाहोनाव सरासनस्रा सुबुंफोरनियाव सांग्रांथिया खम जायो ।
गोलाउ फिननायनि सोंनाय
1. हादोरगिरियारि सोरखारनि गुण आरो गोरोन्थि फोरखौ लिर ।
फिन:- (क) हादोरगिरि सोरखारनि गुणफोर:
1. हादोर गिरियारि सोरखाराव हादोरगिरिया थि मावफुंसमनि थाखाय सायख ‘जानायखाय आरो गोरलैयै बिखौं मासिनिफ्राय बोख्लायनो हायिनि थाखाय सोरखारा जोरथाय जायो । बेयाव बिधानमण्डलाबो थि मावफुंसम थायो ।
2. गोहो जुदा जुदा खालामनायनि राहा थानायखाय सोरखारनि मोनथामबो बाहागोआ उदङै खामानि मावनो खाबु मोनो । मख ‘जाथावदि बे सोरखाराव नायबिजिरनाय आरो समानथि (Check and balance) खान्थि थानायखाय सोरखारनि बबेबा बाहागोआ गोसोबादियै मावनो हाया ।
3. बिदि सोरखारा जरुरीकालीन थासारिनि थाखाय जोबोर मोजांथार । सोरखारनि थार गोहोआ हादोरगिरिनियाव ज’ जानानै थानायखायनो गोरलैयै जायखि जाया थिरांथा थाबै लानो हायो ।
4. कार्यपालिकाया गोख्रों जानायखाय बिदि सोरखारा हादोरनि खौसेथिखौ गोरलैयै हमथाना लाखिनो हायो ।
5. जुथुम हादोरारि सोरखारा राजखान्थियारि हान्जानि गोहोमनिफ्राय संसदनि अन्जिमा गोबांनि गनायथिनि समाव सोनारना थानाङा ।
(ख) हादोरगिरि सोरखारनि गोरोन्थि:
1. हादोरगिरियारि सोरखाराव हादोरगिरिखौ बिधानमण्डला सामलायनो हायिनि थाखाय सोरखारा गोसो बादियै मावनो हानायनि गिनाय थायो ।
2. गोहो सोलाय-सोल’ खान्थिनि थाखाय हादोरगिरियारि सोरखाराव कार्यपालिका आरो बिधानमण्डलनि गेजेराव हेफाजाब होलायनाय थाया । जथायै बेनो हादोरनि खुंथाइयाब गाज्रि गोहोम खोख्लैयो ।
3. हादोरगिरियारि सोरखारनि मख’जाथाव आखुथाइया जाबाय बेनो गोरलैयै सोलायजायि संबिजिर । संबिजिरा गोरलैयै सोलाय जायिखाय सोलायस्लुवारि थासारि आरो थामोनथायाव संबिजिरखौ सोदांनायाव गोब्राब जायो ।
4. हादोरगिरियारि सोरखाराव कार्यपालिका आरो बिधानमण्डला जुदा जुदा राजखान्थियारि हान्जानि जायोब्ला राजखान्थियारि आंखाल जानो हागौ ।
5. बे सोरखाराव मन्थ्रि (सेक्रेटारि) मोननायनि बेलायाव गावनि मोजां मोनजानाया, रोंथाय आरो रोंगथिनिख्रुइ बांसिन गोहोम सोरख्लैनो हागौ ।
2. संसदारि खान्थिनि सोरखारनि आखुथाइफोरखौ लिर ।
फिन:- संसदारि खान्थिनि सोरखारनि आखुथाइफोर:
1. सानै गोरा गाहाइ : बे सोरखाराव सानै गोरा गाहाइनि खान्थि दं । सासेया थार कार्यपालिका (मावफुंगिरि) आरो सासेया नामावल’ कार्यपालिका (मावफुंगिरि) । गाहाइ मन्थ्रिनि दैदेननायाव मन्थ्रि परिषदानो गुबै कार्यपालिका आरो हादोर गाहाया (राजा/ रानि/ हादोरगिरि) नामावल’ कार्यपालिका जायो ।
2. कार्यपालिकानि सोद्रोमाफोरा बिधान मण्डलनिबो सोद्रोमा: बेबादि सोरखाराव कार्यपालिका एबा मन्थ्रि परिषदनि सोद्रोमाफोरा बिधान मण्डलनिबो सोद्रोमा जायो ।
3. बिधानमण्डल आरो कार्यपालिका सोमोन्दो गोनां: संसदारि खान्थिनि सोखाराव बिधान मण्डल आरो कार्यपालिकानि सोमोन्दोआ एंगारलायनो हायिबादि जायो ।
4. मन्थ्रिपरिषदा बिधानमण्डलनि सेराव गंग्लायनाय: संसदारि खान्थिनि सोरखाराव कार्यपालिकाया गासैबो खामानि मावोखायनो बिधानमण्डलनि सेराव गंग्लायना थायो । बिधानमण्डला गनायि थांखि नाजावोब्ला मन्थ्रिपरिषदा मासि हगारनांगौ जायो ।
5. मन्थ्रिपरिषदनि बयनिबो गंग्लायनाय: बे सोरखाराव मन्थ्रिपरिषदा जयै बिधानमण्डलनि सेराव गग्लायना थानांगौ जायो । मन्थ्रिपरिषदनि सासे सोद्रोमानि फेसेंनि थाखाय गासैबो सोद्रोमाया गंग्लायनांगौ जायो ।
3. जुथुम हादोरारि सोरखारा आथिखालाव मानो बयजोंबो गनाय जादों बिदिन्थि होना लिर ।
फिन:- जुथुम हादोरारि सोरखाराव गंफ्रोमबो राज्योआनो गावखुंथाइनि खाबु मोननायजों लोगोसे गंसे गेदेमा आरो गोख्रों हादोरनि बाहागो राज्यों जानो हागौ । बेनि जाहोनाव ओनसोलारि गाव खुंथाइ आरो हारिमायारि खौसेथिनि मोननैनिबो खाबु मोननाय नुनो मोनो । गुबुन गुबुन धोरोम, हारि आरो रावारि सुबुं हान्जा थानाय गंसे गिदिर हादोरनि थाखाय जुथुम हादोरारि सोरखारा बांसिन फिथाइगोनां जायो । मिरु सोरखार आरो राज्योआरि सोरखारनि गेजेराव गोहो राननाया जायगायारि एबा राज्योआरि जेंनाफोरखौ सुस्रांनाय बिबाननिफ्राय मिरु सोरखारखौ रैहाय होयो ।
बेनि जाहोनाव हारिमायारि गोनांथि गोनां आयदाफोराव मिरु सोरखारा बांसिन गोसो होनो हायो । जुथुम हादोरारि खुथाइयाव गोहो राननाय थाखानायखाय मिरु सोरखार आरो राज्यो सोरखारनि गेजेराव बिग्रायनायनि गिनाय थाया आरो मिरु सोरखाराबो गावनि गोसोबादियै हावा मावनो लुबैया । जुथुम हादोरारि सोरखारा बांद्राय फोरजा खान्थियारि । मिरु आरो राज्यो सोरखारनि गेजेराव गोहो राननाय थाखानायखाय बयबो फोरजो खान्थियाव बाहागोलानो खाबु मोनो ।
बेफोर जाहोननि थाखायनो आथिखालाव बुहुमाव जुथुम हादोरारि सोरखारा बांसिन सुबुं गनायथि मोन्दों। आमेरिका, आफ्रिका, अष्ट्रेलिया सुइजारलेण्ड आरो भारत बादि हादोराव जुथुम हादोरारि सोरखारनि जाफुंसारनायखौ नायनानै गोख्रोङै बुंनो हायोदि- बायदि गोरोबलायिजों बुंफबनाय गोसारदलानाय हादोराव जुथुम हादोरारि सोरखारा बांसिन गनाय जानाय आरो मुलाम्फा गोनां । मोनसे खुंथाइ खान्थि महरै जुथुम हादोरारि सोरखारा इयुनाव बांसिन गनायजागोन होनना साननो हायो ।
4. मिरुसेयारि सोरखारनि आखुथाइफोरखौ लिर ।
फिन:- जाय खान्थिनि सोरखाराव गासैबो गोहोआ मिरुवारि सोरखारनि आखाइयाव ज’ जानानै थायो अदेबानि मोनसेल’ मिरुनिफ्राय खुंथाइया सोलियो बिब्दि सोरखारखौ मिरुसेवारि सोरखार बुंनाय जायो । मिरुसेवार सोरखार सोलिनाय हादोरफोरा जाबाय ब्रिटेइन, फ्रान्स, जापान, इटाली, नेदारलेण्ड बायदि बायदि ।
मिरुसेयारि सोरखारनि आखुथाइफोर:
1. गोख्रों मिरुवारि सोरखार: बिब्दि सोरखाराव संबिजिरा गासैबो गोहो मिरुवारि सोरखारनो होयो । बोनि जाहोनाव मिरुवारि सोरखारनि थाथाया दोबोद गोख्रों जायो ।
2. लिरनाय एबा लिरि संबिजिर: मिरुसेयारि सोरखाराव संबिजिरा लिरनाय एबा लिरि जानो हागौ । बिदिन्थि बायदियै इंलेण्डनि संबिजिरा लिरि आरो नेदारलेण्डनि संबिजिरा लिरनाय ।
3. मोनसेल’ नागोरारि मोनथाइ: मोनसेल’ नोगोरारि मोनथाइया मिरुसेयारि सोरखारनि गाहाइ आखुथाइ । जुथुम हादोराव थानायबादि मोननै नोगोरारिनि मोनथाइनि राहा बेयाव थायो ।”
4. लोरबां नियायपालिका: मिरुसेयारि सोरखाराव आयेन सभानि गोहोमथिखौ नुनो मोनो । आयेन सभाया दानाय आयेना गासैबो हादोरावनो बाहाय जायो आगे बिदि आयेननि सायाव निसायारि नायफितनायनि राहा लामा थाया । आयेन सभाया दानाय आयेनखौ नियाय पालिकाया संबिजिरारि नङा होनना फोसावनो हाया ।
5. गोरलै संबिजिर: मिरसेयारि सोरखारनि संबिजिरा सरासनस्रायै गोरलै जायो । मिरुवारि सोरखारा नांगौ जायोब्ला संबिजिरखौ सोलाय सोल’ खालामनो हायो ।
5. मिरुसेयारि सोरखारा थारै फोरजाखान्थियारि ना सावराय:
फिन:- मिरुसेयारि सोरखारा थारैनो फोरजाखान्थियारि नङा । मानोना आथिखालानि गिदिर गिदिर हादोरनि थाखाय बिदि सोरखारा साबजानाय नङा । बिदि सोरखाराव सरासनस्रा सुबुंफोरा सांग्राङै हादोर खुंनाय हाबायाव बाहागो लानो खाबु मोना । बेनि जाहोनाव सरासनस्रा सुबुंफोरनियाव राजखान्थियारि सांग्रांथिया खम जायो । ओन्सोलारिफोरा समान खाबुमोनाब्ला एबा जेंनाफोरखौ सुस्रांनायाव थिरोखोमनि राहालानाय नुवाब्ला बिग्रायनाय नुजाथिनो हागौ । बै सरखाराव खुंथाइनि खाबुनि थाखाय जायगायारि खुंथाइ गौथुमफोरा आबुङै संबिजिरारि नङा, बे गौथुमफोरा आबुङै मिरुसेयारि सरकारनि सिङावसो ।
गंसे गेदेर हादोराव बायदि रोखोमनि राव, धोरोम, हारिमु थानो हागौ । बेफोरबायदि थासारियाव दुलाराय हादोरनि थाखाय मोनसे रोखोमनि आइन बानायनाया जाथाव नङा । बेबादि सोरखाराव सोरखारा गाव गोसोबायदियै मावनो लुबैनायनि गोसोआ गोख्रोंथायो । जुथाइ हादोरारि सरकार बादि बिदि सोरखाराव मिरु आरो अंगो सोरखारनि गेजेराव गोहोनि राननाय खान्थि थायैयाव बिदि सरखाराआव गोसोबायदियै खुंथाइखौ सोलियो ।
बांद्राय सोंथि
1. मानि सायाव बिथा खालामनानै हादोरनि थाखो राननाय जायो ?
फिन:- सोरखारनि आखुनि सायाव बिथा खालामनानै हादरनि थाखो रान्नाय जायो ।
2. प्लेट ‘नि उनाव सोरखारनि थाखो राननायखौ सोर खालामदोंमोन?
फिन:- एरिष्ट’टलआ सोरखारनि थाखो राननायखौ खालामदोंमोन ।
3. सोरखारखौ खुंग्रानि अनजिमा आरो थांखिनि सायाव बिथा खालामनानै बाहागो राननाय सानै सुबुंनि में लिर ।
फिन:- (1) प्लेट’ (2) एरिष्ट’टल ।
4. राजतन्त्र (राजाखान्थि) आ मा ?
फिन:- सुबुंनि मोजांनि थाखाय खुंनाय सासेनि सासनानो जादों राजतन्त्र ।
5. बबे रोखोमनि सासन राहायाव नोगोरारिफोरा खमै बाहागो लायो?
फिन:- एकनायकतन्त्र (हारसिंनि खुंथाइ) सासन राहायाव ।
6. Democracy सोदोबा बबे रावनिफ्राय सोमजिनाय ?
फिन:- ग्रीक राजनिफ्राय सोमजिनाय ।
7. एकनायकतन्त्र (हारसिंनि खुंथाइ) नि मोननै गोरोन्थि लिर ।
फिन:- (1) सासननि गासै गोहोआ सासेनि आखाइयाव थायो ।
(2) हादोरनि नोगोरारिफोरहा जेबो मोनथाइ थाया ।
8. जुथुम हादोरनि जायखिजाया मोननै आखुथाइ लिर ।
फिन:- (1) जुथुम हादोरआय मोननै सोरखार थायो मिरु सोरखार आरो राज्यो सोरखार ।
(2) गोहोनि संबिजिरारि राननाय यायो ।
9. सरकारनि मोननै गाहाइ अंगोनि में लिर ।
फिन:- (क) बिधान मण्डल आरो ।
(ख) कार्यपालिका ।
10. मुंआवल’ कार्यपालिका थानाय गंसे फोरजाखान्थि हादरनि मुं लिर ।
फिन:- भारतबर्ष ।
11. गोबां कार्यपालिका थानाय गंसे हादोरनि मुं लिर ।
फिन:- छ’भिवेट रुछिया ।
12. फोलेर फारि बायदियै कार्यपालिका थानाय गंसे हादोरनि मुं लिर।
फिन:- इंग्लेण्ड ।
13. लीककनि आबुं मुङा मा ?
फिन्नाय:- ष्टिफेन लीकक ।
14. लीककआ गोदान मुगानि सोरखारखौ गाहाइयै बेसेबां बाहागोआव रानदों ?
फिन:- मोन्नै बाहागोआव रानदों ।
(क) उदखारि खुंथाइ ।
(ख) फोरजाखान्थि ।
14. एकनायकन्त्र (सासेनि खुंथाइ) माखौ बुङो ?
फिन:- सासेल’ मानसि एबा मोनसेल’ राजखान्थि हान्जानि गोसो बायदि खुंथाइ सोलिनायखौनो एकनायकतन्त्र बुंनाय जायो ।
15. गणतन्त्र (फोरजाखान्थिया) आ मा ?
फिन:- गणतन्त्रआ जाबाय सरासनस्रा सुबुंनि मोजांनि थाखाय खुंनाय खुंथाइ ।
16. फोरजाखान्थियाव (गणतन्त्रआव) गासै गोहोनि फुंखा आरो मोनथाइगिरिया सोर ?
फिन:- सरासनस्रा सुबुं ।
17. मिरुसेयारि सोरखार सोलिनाय गंब्रै हादरनि मुं लिर ।
फिन:- (1) बृटेइन (2) फ्रान्स, (3) जापान, ( 4 ) इटाली ।
18. गंसे लिस्नायगैयि आरो गंसे लिरनायगोनां संबिजिर थानाय हादोरनि मुं लिर ।
फिन:- लिरनायगैयि संबिजिर थानाय हादोर इंलेण्ड लिनायगोनां संबिजिर थानाय हादर नेदारलेण्ड ।
19. आमेरिकाखौ “जुथुम हादोरनि जोनोमथिलि ” मानो बुंनाय जायो?
फिन:- आमेरिकायावनो गिबि जुथुम हादोर सरकारा दाजादोंमोन ।
20. आथिखालाव बयजोंबो गनाब जानाय फोरजाखान्थियारि सोरखार मोनब्रैया मा मा ?
फिन:- (1) मिरुसेयारि ।
(2) जुथुम हादोरारि ।
(3) संसदारि आरो ।
(4) हादोरगिरियारि ।
21. संसदारि खान्थिनि सरकाराव सोर खौसे सरकार दायो ?
फिन:- संसदरि खान्थिनि सरकाराव जिदु रावबो राजखान्थि हान्जाया बिधान मण्डलाव अनजिमा गोबां मोननानै सरकार दोनो हाथा अब्ला बिसोर गोरोबनानै खौसे सरकार दायो ।
| SL No. | CONTENTS |
| Unit – 1 | जारिमिन |
| Chapter – 1 | भारतबर्ष हादराव इउर’पियानफोरनि हाबफैनाय |
| Chapter – 2 | भारतारि माहारियारि सानस्रि बेरखांनाय |
| Chapter – 3 | मवामरीया सुबुं बिग्रायखांनाय |
| Chapter – 4 | माननि आसाम गाग्लोबनाय |
| Chapter – 5 | आसामाव बृटिस खुंथाइनि जागायनाय |
| Unit – 2 | भुमरखौरां |
| Chapter – 1 | बुहुम बिखुंनि सोलायनाय |
| Chapter – 2 | बारमण्डल |
| Chapter – 3 | भारतबर्षनि भुमरखौरां |
| Chapter – 4 | आसामनि भुमरखौरां |
| Unit – 3 | राजखान्थि |
| Chapter – 1 | भारतनि राजखान्थियारि हान्जा |
| Chapter – 2 | सोरखारनि बाहागो राननाय |
| Unit – 4 | रांखान्थि बिगियान |
| Chapter – 1 | रांखान्थिनि गुदि आयदाफोर |
| Chapter – 2 | गुबै रांखान्थियारि जेंनाफोर |
Notes of Class 9 Social Science in Bodo Medium | Bodomedium Class 9 Social notes इस पोस्ट में हम आपको ये समझा ने कि कोशिश की है की Bodo Medium 9th class Social Science Question answer | Class 9 Social Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।