Bodo Medium Class 9 Social Science Chapter 12 रांखान्थिनि गुदि आयदाफोर Question Answer. Class 9 Social Science Question Answer in Bodo to each Chapter is provided in the list of SCERT, NCERT, SEBA सामाज बिगियान Class 9 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें. Class 9th Social Science Chapter 12 Basic Concepts of Economics Question Answer Class 9 Bodo Medium Social Science Chapter 12 Questions Answer. SEBA Bodo Medium Class 9 Social Science Chapter 12 रांखान्थिनि गुदि आयदाफोर Notes covers all the exercise questions in NCERT, SCERT.
Class 9 Social Science Chapter 12 रांखान्थिनि गुदि आयदाफोर
बोडो मीडियम कक्षा 9 सामाज बिगियान खोन्दो 12 रांखान्थिनि गुदि आयदाफोर Question Answer | Basic Concepts of Economics | इस पोस्ट में हम आपको ये समझा ने कि कोशिश की है की कक्षा 9 बोडो मीडियम सामाज बिगियान खोन्दो 12 Geography of Assam Question Answer. अगर आप एक सात्र या शिक्षाक हो बोडो मीडियम की, तो आपके लिए ये बोडो मीडियम कक्षा 9 सामाज बिगियान खोन्दो 12 Question Answer बोहत लाभदायक हो सकता है। कक्षा 9 सामाज बिगियान खोन्दो 12 मे आप अपना ध्यान लगाके पढ़ कर इस कक्षा 9 सामाज बिगियान में अछि Mark ला सकते हो अपनी आनेवाली परीक्षा में।
खोन्दो 12 रांखान्थिनि गुदि आयदाफोर
Chapter 12 Basic Concepts of Economics
आयदानि सोंनाय फिननाय
1. रांखान्थि सोदोबखौ बबे रावनि सोदोबनिफ्राय लाबोनाय जादों ?
फिन:- ग्रीक रावनि सोदोबनिफ्राय लाबोनाय जादों ।
2. रांखान्थि सोदोबखौ बबे सोदोबनिफ्राय लानाय जादों ?
फिन:- रांखान्थि सोदोबखौ ‘Oikonomia’ सोदोबनिफ्राय लानाय जादों ।
3. रांर्बिगियाननि बिफा होनना सोरखौ बुंनाय जायो ?
फिन:- एडाम स्मिथखौ बुंनाय जायो ।
सुंद’ फिनहो
1. एडाम स्मिथनि रांबिगियाननि बुंफोरनिखौ लिर ।
फिन:- एडाम स्मिथनि बुंफोरथिया जाबाय– “रांबिगियाना सम्पदनि सम्पदनि बिगियान (Economics is the science of wealth) होनना बुदों । स्मिथनि बे बुफोरथिखौ सम्पद बिथायारि बुंफोरथि होननानै बुंनाय जायो ।”
2. मार्छेलनि रांबिगियाननि बुंफोरनिखौ लिर ।
फिन:- मार्छेलनि रांबिगियाननि बुंफोरथिया जाबाय सुबुंहारिनि सानफ्रोमबोनि जिउनि हाबाफारि फरायसंनायनो जादों रांखान्थि । बेयो गावारि आरो समाजारी हाबाफारिनि बै बाहागोखौ फरायसङो, जाय बाहागोआ बुहुमनि अनसायनाय आरो बेखौ बाहायनायजों लोगोसे सोमोन्दो गोनां । बेनिखायनो फारसेयों रांखान्थिया जादों सम्पदनि फरायसंनाय, गुबुन फारसेथिं गोबां गोनांथियै बेयो सुबुं फरायसंनायनि मोनसे बाहागो ।
3. रबिन्सनि रांबिगियाननि बुंफोरथिखौ लिर ।
फिन:- लायनेल रबिन्सनि रांबिगियाननि बुंफोरथिया जाबाय- जाय बिगियाना मानसिनि आंखालखौ मानसिनि जोबनो गैयि मिजिं (थांखि) आरो बेनि अन्थायै बेनि सोलाय बाहायनो गोनां सिमाथि सम्पदनि (राहा) गेजेरनि सोमोन्दो महरै फरायसङो बेनो रांखान्थि ।
4. छेमुवेलछन आरो नर्दहाछनि रांबिगियाननि बुंफोरथिखौ लिर ।
फिन:- छेमुवेलछन आरो नर्दहाछनि रांबिगियाननि बुंफोरथिया जाबाय मोननो गैयिनि मोखथाङारि बाथ्राखौ गनायना लानानै सम्पदखौ बयनिख्रुइ आखा फाखासिनै बाहायनायनि थाखाय समाज दानायनो जादों रांखान्थिनि गुबै आयदा । सिमा गोनां सम्पदफोरखौ दाथाइयारि नोजोरजों बाहायनायनो जादों संखान्थिनि गुबै आयदाफारि ।
5. रबिन्सनि रांबिगियाननि बुंफोरथिनि गुदि सानखांथाइया मा मा ?
फिन:- 1. मानसिनि आंखाला जोबनो गोयि ।
2. आंखाल सुफुंनायनि राहा एबा आगजुफोरा सिमागोनां ।
6. फिसा रांबिगियान माखौ बुङो ?
फिन:- फिसा रांखान्थियारि (Micro Economics) सोदोबा ग्रीक सोदोब (Mikros) निफ्राय फैदों जायनि ओंथिया जादों ‘फिसा’ । फिसा रांखान्थिया सुबुं एबा गावनि फसंथायनि रांखान्थियारि आखुथाइफोरखौ गावबा गाव हारसिङै सावरायो । सासे आजावग्रा, सासे दिहुनग्रा एबा दिहुनथाइयारि फसंथान, गंसे हाथाइ, सासे रां दाहार होग्रा, सासे दोनथुमगिरिनि रांखान्थियारि आखुथाइया फिसा रांबिगियाननि सिङाव गोग्लैयो ।
7. गेदेर रांबिगियान माखौ बुङो ?
फिन:- गेदेर रांखान्थि (Macro Economics) सोदोबा ग्रीक सोदोब (Makros) निफ्राय फैदों जायनि ओंथिया जादों गेदेर । गंसे हादरनि रांखान्थिनि मोनफ्रोमबो आखुथाइ थामहिनबा गासैबो आजावग्रा, बाहायग्रा आखुनि आखुथाइफोरा गेदेर रांखान्थिनि सिङाव हादर गंसेनि सुबुं अनजिमा थिसनथाइ, दारिमिन फसंनाय, आबाद बायदि बायदिनि फरायसंनाया गेदेर रांखान्थिनि सिङाव गोग्लैयो। गेदेर रांखान्थिनि फरायसंनाया जादों गावखौनो फरायसंनाय ।
8. राङारि मुवा आरो राङारि नङि मुवानि फारागखौ लिर ।
फिन:- राङारि मुवाफोरखौ खावरिनि गेजेरजों मोननो हायो । गुबुन फारसेथिं राङारि मुवाफोरा जाबाय बोसोनथियारि आरो समाजारि अनसायनाय, जायफोरखौ खाउरिजों सुनो हाया । बिमा बिफाया गथ’नि थाखाय मावनाय अनसायनाया मोनसे रांखान्थियारि नङि अनसायनायनि बिदिन्थि । रांखान्थियाव रांखान्थिनि अनसायनायखौल’ जुनियायै सावरायनाय जायो ।
9. हादरारि आय माखौ बुङो ?
फिन:- गंसे हादरनि मोनसे थि राङारि बोसोरआव बानायनाय एबा मावसिन मुवा दिहुननाय जायो । बेनि खाउरि बेसेनानो जादों हादरारि एबा हायुङारि आय ।
10. खर’सा आयनि बुंफुरलुखौ लिर ।
फिन:- गंसे हादरनि गासै हादरारि आयखौ हादरनि सुबुं अनजिमाजों रानोब्ला जाय मान मोननाय जायो बेखौनो हादरारि खर’सा आय होननानै बुंनाय जायो । थामहिनबा
गोलाउ फिननायनि सोंनाय
1. रांबिगियान फरायसंनायनि गोनांथिखौ बिदिन्थि होनानै बेखेवना लिर ।
फिन:- समाज बिगियाननि मोनसे गोनांथार बाहागोआ जादों रां बिगियान । समाज आरो समाजनि बाहागो महरै सुबुंनि राडारि हाबा हुखानि सोमोन्दै फरायसंनाय समाज बिगियाननि बिफानफोरखौ रांबिगियान एबा रांखान्थि होननानै बुंनाय जायो ।
गोबां जाहोनाव रांखान्थि फरायसंनायनि गोनांथि दं । बेनिनो मोननैसो सुंथाबै मख’नो हागौ। गोगों सुबुंखुंथाइयाव नोगोरारि सांग्रांथिया गोनांथार । टेक्स होग्रा नोगोरारि सासेया थारैनो मिथिनो लुबैगोन सरकारा माबोरै खाजोना दैखाङो, दिखांनाय खाजोनाया माबोरै खरसा जायो, खरसा खालामनायाव मा नेमखान्थि मानिना सोलियो, दिखांनाय खाजोनाया नांगौरोखोमै बाहायजादोंना जायाखै बायदि बायदि । समाज दाग्रा एबा फोसावगिरि सासेया गोबां आरो गोथौ गैजारोङिनि जाहोनफोरखौ मिथिनो लुबैगोन ।
बेफोरबादि खालामनायाव बिथाङा मिथिनो मोनगोनदि जेंनानि गोबां जाहोना रांखान्थियारि । सांग्रां आजावग्रा महरै जों लुबैगोनदि हाथाइयाव गोनांथार मुवा बेसादनि बेसेननि बांनायनि जाहोनफोरा मा ? बुहुमनां खालामनाय, बेनि मोजां फिंथाइ आरो गाज्रि फिथाइफोर, रांखान्थियारि जौगानाय, आबहावायारि रांखान्थि बेफोरबायदि गोबां गोनांथार आयदाखौ रांखान्थियाव फरायसंनाय जायो ।
2. रांबिगियाननि बबे बुंफोरथिया बयनिख्रइ बांसिन आजावथाव आरो मानो ? बेखेवना लिर ।
फिन:- रांबिगियाना मा बेनि सोमोन्दै….. गोबां रांबिगियानगिरिया गुबुन गुबुन बुंफोरथि होदों । बेनि मादाव एडाम स्मिथ, आलेफ्रेद मार्छेल, लायनेल रबिन्स, छेमुवेलछन आरो नर्दहाछ नि बुंफोरथिया मख ‘जाथाव ।
रांखान्थि बिगियाननि बिफा एडाम स्मिथआ बिथांनि 1776 मायथाइयाव फोसावनाय बिजाब An Enquiry into the Nature and causes of the wealth of Nations आव “रांबिगियाना सम्पदनि बिगियान” होनना बुंदों । स्मिथनि बे बुंफोरथिखौ सम्पद बिथायारि बुंफोरथि होननानै बुंनाय जादों । स्मिथनि बे बुंफोरथिखौ उन फारिनि समाज बिगियानगिरि कार्लाइल आरो रास्किना खुबेरनि बोसोनथि होनना सावरायदों ।
केमब्रिज रांखान्थिगिरि माछैल बिथाङा 1890 मायथाइयाव सेबखांजानाय बिजाब Principles of Economics आव रांखान्थिनि अनसाइ बिथायारि बुंफोरथिखौ होदों । बिथांनि बादिब्ला सुबुंहारिनि सानफ्रोमबोनि जिउनि हाबाफारि फरायसंनायानो जादों रांखान्थि । बेयो गावारि आरो समाजारि हाबाफारिनि बाहागोखौ फरायसोङो, जाय बाहागोआ बुहुमनि अनसाइनाय आरो बेखौ बाहायनायजों सोमोन्दो गोनां । बेनिखायनो फारसेजों रांखान्थिया जादों सम्पदनि फरायसंनाय, गुबुनफारसेथिं गोबां गोनांथियै बेयो सुबुं फरायसंनायनि मोनसे बाहागो ।
स्मिथनि बुंफोरथिनिख्रुइ मार्छेला बुंफोरथिया गोबां बिथिङाव जौगासिननाय । थोवब्लाबो मार्छेलनि बुंफोरथिया मोनसे आजावथाव बुंफोरथि होननानै सानजायखिसै । मानोना मार्छेला खालि बुहुमनि अनसायनाय ‘बाश्राखौल’ सावरायदों ।
रांखान्थिगिरि लाय ‘नेल रबिन्सआ 1932 मायथाइयाव बिथांनि सेबखांनाय बिजाबाव रांखान्थिनि बयनिख्रुइ आजावथाव बुंफोरथि होदों । बिथांनि बादिब्ला जाय बिगियाना मानसिनि आंखालखौ मानसिनि जोबनोगैयि मिजिं आरो बेनि उल्थायै बेनि सोलाय बाहायनो गोनां सिमानि सम्पदनि (राहा) गेजेरनि सोमोन्दो महरै फरायसङो बेनो रांखान्थि ।
बे बुंफोरथियाव मोनथाम गुदि सानखांथाइया गोनांथि मोनदों–
1. मानसिनि आंखाला जोबनो गोयि ।
2. आंखाल सुफुंनायनि राहा एबा आगजुफोरा सिमागोनां ।
3. सिमागोनां सम्पदफोरा सोलायथाव बाहायजाग्रा ।
बे मोनथाम गुदि सानखांथाइनिफ्राय रांखान्थियारि जेंना आरो सायख ‘नायनि जेंना सोमजियो। रबिन्सनि बुंफोरथिखौ मोननो गैयि (आंखालनि) बुंफोरथि होननानैबो बुंनाय जायो । बेनिखायनो रबिन्सनि बुंफोरथिया बयनिख्रुइबो आजावजाथाव ।
3. रांबिगियाननि खाबुनि सायाव लिर ।
फिन:- रांबिगियाननि खाबुआ समाज बिगियाननि राङारि हाबा-हुखाखौ सरजाबना लायो । राङारि नङि, हाबा- हुखाखौ रां बिगियाननि आयदाफारिनि सिङाव हमनाय जाया । रांबिगियाननि खाबुआ सरासनस्रा गाहायनि आयदाफोरखौ सरमावना लायो ।
1. बाहायनाय हाबा: जोंनि आखालखौ फोजोबनायनि हाबायानो जादों बाहायनाय । बाहायनाय हाबाजों सोमोन्दो गोनां खान्थिफोरा बाहायनायनि समानथाइ बाइदि बाइदि फरायसंनाया रांखान्थिनि खाबुनि सिङाव सरजाबनाय ।
2. दिहुनथाइ: साबजाथाव बेसाद एबा मावमिन सोरजिनायानो जादों दिहुनथाइ । दिहुनथाइनि मोनब्रै थादेरसा – हा, मावथाइ, गुदि रां आरो दाथाइनि अनगायैबो दिहुनथाइनि खान्थि, दिहुनग्रानि समानथि, राङारि राहा बायदि बायदिनि सोमोन्दै बिगियानाव सावरायनाय जायो।
3. रानसारनाय: बेसाद दिहुननाय हाबाखौ फोजोबनायनि उनाव बेखौ बाहायग्रा आरो आजावग्रानि गेजेराव राननानै होयोब्लासो बाहायनाय हाबाया जाफुंगोन । रानसारनाय हाबाया जाहाथे रैखा जायो बेनि थाखाय जायफोर नेमखान्थि एबा बान्दो उनसंनो गोनां बेफोर बाथ्राखौ रानसारनाय आयदानि गेजेराव सावरायनाय जायो ।
4. सोलायनाय: सोरबा सुबुं एबा ओनसोल एबा हादरा गोनां मोनफ्रोमबो बेसादखौ गावनो दिहुननानै लाजोबनो हाया । बे बिथिङाव सुबुं ओन्सोल आरो हादरनि गेजेराव सोलायनायनि गोनांथि जायो । बेनिखायनो हादरारि फालांग आरो हादर गेजेरारि फालांगि नि गेजेरजों हादरारि आरो हादर गेजेरारि सोलायनाय जायो । रांखान्थियाव बे मोननैबो रोखोमनि सोलायनायनि सोमोन्दै सावरायनाय जायो ।
5. खाउरि: मुवानि थोजों सोलाव- सोल’ खान्थिनि बेखाबुखौ होखारनानै सोलाय – सोल’ खालामनाय राहाखौ गोलैसिनै मोनहोनायनि खाउरिया सोमजिदों। खाउरिनि बिफाव, खाउरिनि हाबा हुखा आरो रोखोम बायदि बायदिनि सोमोन्दै सावरायनाया रांखान्थि खाबुनि मोनसे मख ‘जाथाव बाहागो ।
6. आय: खर’सा आय, हायुङारि एबा हादरारि आप बेनि बुंनाय आरो रानसारथि, रांखान्थियारि अनसायनायनि लोगोसे बेनि सोमोन्दै सावरायनाया रांखान्थिनि खाबुनि सिङाव ।
7. राइजोआरि राङारि बिगियान: सरकारनि आय, सरकारनि खरसा आरो सरकारनि रां दाहार लानापनि सावरायनायानो जादों राङारि बिगियान ।
8. अनसाइयारि रांखान्थि: बाहायनाय हावायाल’ दिहुनथाइ आरो रानसारथाइ रांखान्थिनि गुबै आयदा फारि जानो हाया । बेफोर हाबाजों लोगोसे सुबुं आरो समाजनि अनसाइनाय बिथिंखी गोसो खानांगोन ।
9. आबहावायारि रांखान्थि: फारसेथिं रांखान्थियारि जौगानायखौ गोख्रैसिन खालामनाय थांखियै दारिमिनारि खालामनायनि सायाव बांसिन गोसोहोनाय आरो गुबुन फारसेथिं आबहावायारि समानथिखौ फोजोबस्रांनाया बुहुमनि समाजबिगियान सानसुमैगिरिफोरखौ गोबां सानहाबहोदों । बेबादि बुब्लियाव आबहावायारि समानथिखौ माबादि रैखा खालामनो हायो बे थांखियै आबहावायारि फरायसंनायखौ रांखान्थि आयदायाव सरजाब देरनाय जादों । बे सरजाबनाया रांखान्थि आयदायाव मोनसे गोदान महर होदों ।
10. आखा फाखा: सिमागोनां सम्पदखौ आखा फाखायै बाहायनायनि गेजेरजों समाज दानाया रांखान्थिनि गुबै आयदा । बे सिमागोनां सम्पदखौ आखा-फाखायै बाहायनायनि गेजेरजों दिहुननाय, हाबाफारिनि नेमखौ गोख्रै खालामनो हायोब्लासो सुबुं समाजनि अनसाइनाय जागोन ।
गोजौनि आयदाफोरा रांखान्थिनि खाबुनि सिङाव गोग्लैयो । नाथाय मोनसे बाथ्राखौ गोसोहोनांगोनदि आथिखाल खारथाइ बुहुमाव बबेबा मोनसे आयदानि खाबुआ सिमाथि जानानै थाया । समनि लोगो लोगो आयदाफारियाबो खारथाइ खालामो। बेनिखायनो रांखान्थि बिगियाननि मादाव बुहुमनां रांखान्थिनि गोदान सानस्रि, आजावथाव जौगाथाइ आरिया गोदान गोदान आयदा सरजाब जानानौ बेनि खाबुआबो बांबोदों ।
बांद्राय सोंथि
जोबोद गुसुं फिननायनि सोंथि
1. समाज बिगियाननि मोनसे गोनांथार बाहागोआ मा ?
फिन:- समाज बिगियाननि मोनसे गोनांथार बाहागोआ जादों रां बिगियान ।
2. रांबिगियाना माखौ बुङो ?
फिन:- समाज आरो समाजनि बाहागो महरै सुबुंनि राङारि हाबा-हुखानि-सोमोन्दै फरायसंनाय समाज बिगियाननि बिफानखौनो रांबिगियान एबा रांखान्थि होननानै बुंनाय जायो ।
3. Oikonomia नि सोदोबनि ओंथिया मा ?
फिन:- Oikonomia सोदोबाव मोननै सोदोब लोगोजानाने दं ‘Oikos’ आरो ‘nomos’ बेनि Oikos सोदोबनि ओंथिया जादों नखर आरो nomos सोदोबनि ओंथिया जादों नेम ।
4. एडाम स्मिथनि बुंफोरथिखौ कुबेरनि बोसोनथि होनना सोर सोर सावरायदों ?
फिन:- समाज बिगियानगिरि कार्लाइल आरो रास्किनमोना कुबेरनि बोसोन होनना सावरायदों ।
5. सम्पदखौ गोबां गोनांथिहोयोब्ला मायाव सोलायगोन ?
फिन:- सम्पदखौ गोबां गोनांथि होयोब्ला रांबिगियाना मोनसे मिजिंथिथाव बिगियानाव सोलायो ।
6. केमब्रिज रांखान्थिगिरिया सोर ?
फिन:- आलफ्रेद मार्छेल ।
7. Principle of Economics बिजाबनि लिरगिरिया सोर ? बे बिजाबा माब्ला सेबखांजादों मोन ?
फिन:- बिजाबनि लिरगिरिया जादों आलेफ्रेद मार्छेल । बे बिजाबखौ 1890 मायथायाव सेबखांनाय जादोंमोन ।
8. रांबिगियाना सम्पदनि बिगियान होनना सोर बुंदोमोन ?
फिन:- एडाम स्मिथा ।
9. An essay on the nature and significance of economic Science बिजाबखौ सोर लिरदोंमोन आरो माब्ला सेबखांजादोंमोन ।
फिन:- लाय’नेल रबिन्सआ। 1932 मायथाइयाव ।
10. दिहुनथाइया मा ?
फिन:- साबजाथाव बेसाद एबा मावमिन सोरजिनायानो जादों दिहुनथाइ ।
11. खाडरिया मानो सोमजिदोंमोन ?
फिन:- मुवानि थोजों सोलाय सोल’ खान्थिनि बेखाबुखौ होखारनानै सोलाय सोल’ ‘खालामनाय राहाखौ गोर्लेसिन मोनहोनायनि थाखायनो खाउरिया सोमजिदोंमोन ।
12. राइजोआरि राङारि बिगियाना मा ?
फिन:- सरकारनि आय, सरकारनि खरसा आरो सरकारनि रां दाहार लानायनि सावरायनायानो जादों राइजोआरि राङारि बिगियान ।
13. अनसाइयारि रांखान्थिखौ नामदांखा खालामनाय रांखान्थि गिरिफोरनि मुं लिर ।
फिन:- रांखान्थिगिरिफोरनि मुङा जाबाय–
1. ए. चि. पिण्ड, भिलफ्रेड’ पेरेट’, हिक, अमर्ट सेन ।
14. रांखान्थिनि गुबै आयदाया मा ?
फिन:- सिमागोनां सम्पदखौ आखा फाखायै बाहायनायनि गेजेरजों समाज दानाया रांखान्थिनि गुबै आयदा ।
15. बाहायनाया मा ?
फिन:- जोंनि आंखालखौ फोजोबनायनि हाबायानो जादों बाहायनाय ।
16. बाहायथिया मा ?
फिन:- बाहायथिया जादों बबेबा बेसाद एबा मावमिननि मानसिनि आखांलखौ सुफुंनो हाग्रा गोहो ।
17. शचिन टेण्डुलकारनि गेलेनायनि रोंगौथिया सम्पद ना ?
फिन:- शचिन टेण्डुलकारनि गेलेनायनि रोंगौथिया सम्पद नङा ।
18. गोनां (Wants) आमा ?
फिन:- बबेबा मुवानिफ्राय साबजाथाव मोननायनि मिजिं सोमजिनायखौनो गोनां जानाय बुङो । गुबुन बाथ्रायाव मोनसे मुवानि बाहायनाया गोनांथार जानाय थासारियानो जादों आंखाल ।
19. मोननै रोखोमनि अनसायनाय लिर ।
फिन:- मोननै रोखोमनि अनसायनायफोरा जाबाय–
(1) रांखान्थियारि अनसायनाय ।
(2) रांखान्थियारि नङि अनसायनाय ।
20. भारत हादरनि दोनथुनाय आरो जगायनाय आफादनि मुङा मा ?
फिन:- भारतारि आदार निगम ।
21. F. C. I नि आबुं ओंथिखौ लिर ।
फिन:- Food Corporation of India.
22. गुदि रां सोरजिनायनि मोजां राहा एबा आगजुआ मा ?
फिन:- दोनथुमनाय ।
23. दोनथुमनाया माखौ बुङो ?
फिन:- आय जानायनि जाय बाहागोखौ बाहायनाय हाबायाव खरसा खालामनाय जायो बेखौनो दोनथुमनाय बुंनाय जायो ।
24. खाथायनाया माखौ बुङो ?
फिन:- गुदि रांखौ जेब्ला दिहुननाय खामानियाव बाहायनाय जायो बेखौनो खाथायनाय बुङो ।
25. हादरारि आय माखौ बुङो ?
फिन:- गंसे हादरनि मोनसे थि राडारि बोसोरआव जाय बानायनाय मुवा एवा मावमिन मुवा दिहुननाय जायो बेनि खाउरि बेसेनानो जादों हादरारि एबा हायुङारि आय ।
26. खर ‘सा आया माखौ बुङो ?
फिन:- गंसे हादरनि गासै हादरारि आयखौ हादरनि सुबुं अनजिमाजों रानोब्ला जाय मान मोननाय जायो बेखौनो हादरनि खरसा आय होननानै बुंनाय जायो ।
27. रांबिगियाननि बुंफोरनि होनाय रांखान्थिगिरिफोरनि गेजेराव सोरनि बुंफोरथिया बांसिन आजावजाथाव ?
फिन:- लाय’नेल रबिन्सनि बुंफोरथिया ।
28. रांखान्थि बिगियाननि आयदा आरो जेंना सानखांनाय आरो बिजिरनायनि थाखाय आदबा बेसेबां आरो मा मा ?
फिन:- आदबा मोननै ।
(1) फिसा रांखान्थियारि ।
(2) गेदेर रांखान्थियारि ।
29. मा मा रांखान्थियारि आखुथाइया फिसा रांबिगियाननि सिडाव गोग्लैयो ?
फिन:- सासे आजावग्रा, सासे दिहुनग्रा एबा दिहुनथाइयारि फसंथान, गंसे हाथाइ, सासे रां दाहार होग्रा, सासे दोनथुमगिरिनि रांखान्थियारि आखुथाइया फिसा रांबिगियानि सिङाव गोग्लैयो ।
30. मा मा रांखान्थियारि आखुथाइया गेदेर रांबिगियाननि सिङाव गोग्लैयो ?
फिन:- गंसे हादरनि रांखान्थिनि मोनफ्रोमबो आखुथाइ थामहिनबा गासैबो आजावग्रा, बाहायग्रा हादर गंसेनि सुबुं अनजिमा, थिसनथाइ, दारिमिन फसंनाय, आबाद बायदि बायदिनि फरायसंनाया गेदेर रांखान्थिनि सिङाव गोग्लैयो ।
30. बुहुमनि सुबुं अनजिमायाव नैथि देरसिन सुबुं अनजिमानि हादरा मा ?
फिन:- भारतबर्ष ।
32. भारतनि खर ‘सा हादरारि आया मा ?
फिन:- 5350 पि दि पि डलार (2013) ।
33. भारतनि 2013 मायथाइनि गासै नखरारि दिहुनथाइ (जि.डि.पि) आ मा ?
फिन:- 1,498.87 (डलार) ।
34. पि.पि.पि नि आबुं ओंथिया मा ?
फिन:- Purchasing Power Party.
सुंद’ फिननायनि सोंथि
35. Oikonomia सोदोबनि ओंथिया मा ? बेखेवना लिर ।
फिन:- Oikonomia सोदोबा ग्रीक सोदोब । बे सोदोबआव मोननै सोदोब लोगोनांनानै दं । बेनि गिबि Oikos सोदोबनि ओंथिया जादों नखर आरो nomos सोदोबनि ओंथिया जादों नेम । बेनिखायनो रांखान्थियारि नखर एबा समाज दैदेननायनि नेम होननानै गनायना लानाय जायो ।
36. रांबिगियाननि बुंफोरनि होनाय रांबिगियानगिरि सानसैनि मुं लिर ।
फिन:- गोबां रांबिगियानगिरिफोरानो बायदि बायदि रांखान्थिबिगियाननि बुंफोरथिहोदों। बिसोरनि गेजेराव एन्डाम स्मिथ, आलफ्रेद मार्छेल, लायनेल रबिन्स, छेमुवेलछन आरो नर्दहाछ ।
37. स्मिथनि बुंफोरथिखौ कार्लाइल आरो रास्किन मोना मा होनना सावरायदों ? बेखेव ।
फिन:- स्मिथनि बुंफोरथिखौ कार्लाइल आरो रास्किनआ कुबेरनि बोसोनथि होनना सावरायदों । सम्पद बुथुमनाया सुबुं जिउनि गुबै थांखि माब्लाबाबो जानो हाया । बेयो सुबुं जिउनि थांखिखौ मोननायनि मोनसे आइजेंबोल’ । सम्पदखौ गोबां गोनांथि होयोब्ला रांबिगियाना मोनसे मिजिंथिथावि बिगियान आव सोलायगोन ।
38. रांखिन्थिनि अनसाइ बिथायारि बुंफोरथिखौ सोर होदों ?
फिन:- रांखान्थिनि अनसान बिथायारि बुंफोरथिखौ केमब्रिज रांखान्थिगिरि माछेला बुंदों । 1890 मायथाइयाव सेबखांनाय बिजाब Principles of Economics आव बियो एरै बुंफोरथि होदों सुबुंहारिनि सानफ्रबोनि जिउनि हाबाफारि फरायसंनायानो जादों रांखान्थि । बेयो गावारि आरो समाजारि हाबाफारिनि बै बाहागोफोरखौ फरायसङो, जाय बाहागोआ बुहुमनि अनसाइनाय आरो बेखौ बाहायनायजों लोगोसे सोमोन्दो गोनां ।
39. मार्छेलनि बुंफोरथिया मानो मोनसे आजावथाव बुंफोरथि होनना सानजायाखिसै ?
फिन:- मानोना माछेलआ खालि बुहुमनि अनसाइनाय बाथ्राखौल’ मख ‘दो । बुहुमनि नङिअनसाइनाय जेंरै फोरोंगिरि, देहा फाहामग्रानि सिबिथाइ आरिनि बाथ्रा मख ‘आखै ।
40. रांखान्थिनि बयनिख्रुइबो आजावजाथावसिन बुंफोरथिखौ सोर होदों ? बिथांनि मुंदांखा बिजाबनि मुङा मा ?
फिन:- आजावजाथावसिन बुंफोरथिखौ लायनेल रबिन्सआ होदों । बिथांनि मुंदांखा बिजावनि मुङा जाबाय “An Essay on the nature and significance of economic science.”
41. रबिन्सनि बुंफोरथिखौ मोननो गैयि (आंखालनि) बुंफोरथि होननानै मानो बुंनाय जायो ?
फिन:- सोलायथाव बाहायथावनाया सिमा गोनां सम्पदनि हेफाजाबाव जोबनो गैयि आंखाल नि बबे मोनसे आंखाल सुफुंनायाव बांसिनै गोसो होगोन बेखौ लानानै जायफोर जेना सोमजियो बेखौनो रांखान्थियारि जेंना एबा सायख’नायनि जेंना बुंनाय जायो। बेनिखायनो रबिन्सनि बुंफोरथिखौ मोननो गैयि (आंखालनि) बुंफोरथि होननानै बुंनाय जायो।
42. लाय’नेल रबिन्सनि बुंफोरथियाव मा मा मोनथाम गुदि सानेखांथाइया गोनांथि मोनदों ?
फिन:- गाहाइनि मोनथाम गुदि सानखांथाइफोरा गोनांथि मोनदों :
1. मानसिनि आंखाला जोबनो गोयि ।
2. आंखाल सुफुंनायनि राहा एबा आगजुफोरा सिमागोनां ।
3. सिना गोनां सम्पदफोरा सोलायथाव बाहायजाग्रा ।
43. दिहुनथाइनि थादेरसाफोरा बेसेबां आरो मा मा ?
फिन:- दिहुनथाइनि थादेरसाफोरा मोनब्रै ।
(1) हा (2) मावथाइ (3) गुदिरां आरो (4) दाथाइ ।
44. मानि गेजेरजों हादरारि आरो हादर गेजेरारि सोलायनाय जायो ?
फिन:- हादरारि फालांगि आरो हादर गेजेरारि फालांगि नि गेजेरजों हादरारि आरो हादर गेजेरारि सोलायनाय जायो ।
45. आसामनि बवे जिलायाव ज ‘नबिल मेला जायो ?
फिन:- मरिगाव जिलायाव ।
46. ज ‘नबिल मेलाया मा ?
फिन:- आसामनि मरिगाव जिलायाब ज ‘नबिल मेलाया जायो । मै मेलाया थोंजों सोलाय-सोल’ खान्थिनि मोनसे जौगा थाखोनि बिदिन्थि । जिबा जौथाइनिफ्रायनो सोलिवाय थानाय बे मेलासिम कार्बि, खामति, तिवा, जायन्तिया आरि ट्राइबेल सुबुंफोरा गावनि दिहुननाय मुवा बेसादफोरखौ लानानै बे मेलायाव सोलाय सोल’ खालामनाय हाथाइ । जेराव दासिमबो सोलायसोल’ खालामनाय खान्थिया जोरनानै दं । बे मेलाया सा-सानजा भारतनि हारि-माहारिनि गेजेराव बिदाफंबायथि आरो गोरोबलायनायनि नोर्सोन महर ।
47. मुवा एबा बेसादखौ बेसेबां बाहागोआव राननाय जादों ?
फिन:- मोननै बाहागोआव राननाय जादों :
(1) बेसादारि सानथौ आरो (2) बेसादारि सानथौ नङि । बे मोननै बाहागोनि अनगायैबो मुवाखौ आरोवाव मोननै बाहागोआव रानबावनाय जादों–
(1) उदां मुवा आरो राङारि मुवा ।
48. बेसादारि सानथौनि मोननैसो ब्रिदिन्थि हो ।
फिन:- मासि आरांगा, न’- बां, जोन्योर, आदार, सि जोम ।
49. बेसादारि सानथौ निङिनि मोननैसो बिदिन्थि हो ।
फिन:- फोरोंगिरि, डाक्टर, राजखान्थिगिरि, पुलिस, उकिल आरिनि खामानि ।
50. सम्पदनि मोनब्रै गुन लिर ।
फिन:- सम्पदनि मोनब्रै गुनफोरा जाबाय:
(1) गोनांथि ।
(2) मोननो गैथि एबा गोली नङि ।
(3) सोलायजाथाव आरो
(4) बायजोआरि ।
51. सम्पदनि मोननैसो बिदिथि हो आरो मानो बेफोर सम्पद बेखौ बेखेवना हो ।
फिन:- सम्पदनि मोननैसो बिदिन्थिफोरा जाबाय जाग्रा मुवा, सि जोम, मासि आरांगा, खैला, सोदाङिथाव, आरि । मानोना बेफोर गासैयावबो सम्पदनि गासै गुनफोरखौ नुनो मोनो ।
52. मोननै रोखोमनि अनसायनाय में लिर ।
फिन:- मोननै रोखोमनि अनसायनायफोरा जाबाय–
(1) रांखान्थियारि अनसायनाय आरो
(2) रांखान्थियारिनङि अनसायनाय ।
53. बेसेना मा ?
फिन:- बबेबा मुवा बेसादनि खाउरि बेसेनानो जादों दाम एबा बेसेन । थामहिनवा बेसादनिफ्राय मोननाय बेसेनानो जादों दान । जेरै गांसे बिजाबनि बेसेना 50 रां, गंसे रेडिअनि बेसेना 3000 रां बायदि बायदि।
54. साहिदाया मा ?
फिन:- सासे बाहायग्राया जायखि जाया बेसाद मोनसे मोननोगोनां हाबिला एबा मिजिंखौनो साहिदा होननानै बुंनाय जायो । नाथाय गोजौनि मुवा एबा बेसादखौ बायनो हानाय गोहो थानांगोन ।
55. हाथाइ होनब्ला मा बुजियो ? बिदिन्थि ।
फिन:- सरासनस्रा ओंथियाव हाथाइ होननानै बुङोब्ला दाबसे जायगाखौ बुजायो जेराव मुवा बायनाय फाननाय जायो । नाथाय रांखान्थि बिगियानाव इथाइया बबेबा थि जायगाखौल ‘बुजाया । रांखान्थि बिगियानाव हाथाइ होननानै बुङोब्ला औरैबादि मोनसे राहाखौ बुंजायो जेराव मोनसे थि बेसेनाव जायखिजाया मोनसे मुवा बायग्रा आरो फानग्रानि गेजेराव थोंजों एबा खेरलायै बायनाय फाननाय जायो । ब्लक हाथाइ, अनलाइन, आरिया हाथाइनि बिदिन्थि।
56. गुदि रांआ मा ?
फिन:- दिहुननायनि राहा आगजुआनो जादों गुदिरां । थामहिनबा दिहुननायनि बै बाहागोखौ गुदि रां होननानै बुंनाय जायो, जायफोरखौ फिन दिहुथाइनि खामानियाव बाहायनाय जायो ।
बिदिन्थि महरै आदार फसल दिहुननायनि थाखाय दखरसे हाया गुदि रां, सि दिहुननायनि थाखाय हिसान, सिलाइ मेसिन आरि जुन्थिफोरा गुदि रां ।
57. खाथायनाय माखौ बुङो ?
फिन:- गुदि रांखौ जेब्ला दिहुननाय खामानियाव बाहायनाय जायो बेखौमो खाथायनाय बुङो ।
गुदि रांआ जादों मोनसे दोनथुमनाय सानखांथाइ आरो खाथायनाया जादों मोनसे बोहैथि सानखांथाइ ।
58. फिसा रांखान्थियारि (Micro Economics) सोदोबा मा सोदोबनिफ्राय फैदों ? बेनि ओंथिया मा ?
फिन:- फिसा रांखान्थियारि Micro Economics सोदोबा ग्रीक सोदोब Mikros निफ्राय फैदों। बेनि ओंथिया ‘फिसा’ ।
59. गेदेर रांखान्थि ( Macro Economics) सोदोबा मा सोदोबनिफ्राय फैदों आरो ओंथिया मा ?
फिन:- गेदेर रांखान्थि ( Macro Economics) सोदोबा ग्रीक सोदोब Makros निफ्राय फैदों । बेनि ओंथिया जादों गेंदेर ।
| SL No. | CONTENTS |
| Unit – 1 | जारिमिन |
| Chapter – 1 | भारतबर्ष हादराव इउर’पियानफोरनि हाबफैनाय |
| Chapter – 2 | भारतारि माहारियारि सानस्रि बेरखांनाय |
| Chapter – 3 | मवामरीया सुबुं बिग्रायखांनाय |
| Chapter – 4 | माननि आसाम गाग्लोबनाय |
| Chapter – 5 | आसामाव बृटिस खुंथाइनि जागायनाय |
| Unit – 2 | भुमरखौरां |
| Chapter – 1 | बुहुम बिखुंनि सोलायनाय |
| Chapter – 2 | बारमण्डल |
| Chapter – 3 | भारतबर्षनि भुमरखौरां |
| Chapter – 4 | आसामनि भुमरखौरां |
| Unit – 3 | राजखान्थि |
| Chapter – 1 | भारतनि राजखान्थियारि हान्जा |
| Chapter – 2 | सोरखारनि बाहागो राननाय |
| Unit – 4 | रांखान्थि बिगियान |
| Chapter – 1 | रांखान्थिनि गुदि आयदाफोर |
| Chapter – 2 | गुबै रांखान्थियारि जेंनाफोर |
Notes of Class 9 Social Science in Bodo Medium | Bodomedium Class 9 Social notes इस पोस्ट में हम आपको ये समझा ने कि कोशिश की है की Bodo Medium 9th class Social Science Question answer | Class 9 Social Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।