Bodo Medium Class 9 Social Science Chapter 6 बुहुम बिखुंनि सोलायनाय Question Answer. Class 9 Social Science Question Answer in Bodo to each Chapter is provided in the list of SCERT, NCERT, SEBA सामाज बिगियान Class 9 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें. Class 9th Social Science Chapter 6 Change of the Earth’s Surface Question Answer Class 9 Bodo Medium Social Science Chapter 6 Questions Answer. SEBA Bodo Medium Class 9 Social Science Chapter 6 बुहुम बिखुंनि सोलायनाय Notes covers all the exercise questions in NCERT, SCERT.
Class 9 Social Science Chapter 6 बुहुम बिखुंनि सोलायनाय
बोडो मीडियम कक्षा 9 सामाज बिगियान खोन्दो 6 बुहुम बिखुंनि सोलायनाय Question Answer | Beginning of British Administration in Assam | इस पोस्ट में हम आपको ये समझा ने कि कोशिश की है की कक्षा 9 बोडो मीडियम सामाज बिगियान खोन्दो 5 Beginning of British Administration in Assam Question Answer. अगर आप एक सात्र या शिक्षाक हो बोडो मीडियम की, तो आपके लिए ये बोडो मीडियम कक्षा 9 सामाज बिगियान खोन्दो 6 Question Answer बोहत लाभदायक हो सकता है। कक्षा 9 सामाज बिगियान खोन्दो 6 मे आप अपना ध्यान लगाके पढ़ कर इस कक्षा 9 सामाज बिगियान में अछि Mark ला सकते हो अपनी आनेवाली परीक्षा में।
खोन्दो 6 बुहुम बिखुंनि सोलायनाय
Chapter 6 Change of the Earth’s Surface
उनसोलोंथि
1. बुहुम बिखुङाव हादरमा आरो लैथोमानि रानसारनायनि मोनसे फोरमायथि हो ।
फिन:- बहुमनि सा बाहागोआ हादरमा आरो लैथोमाजों दाजानाय । बेनिनो 71 जौखेन्दो दै बाहागो आरो 21 जौखोन्दो हा बाहागोआ आवग्रिना दं। हादरमाफोरनि गेजेराव फैलाव हायेन हा, जौयेन हा, हाजो हाला, दैमा सेरफां, बालाहामा लोमसावनाय समान आरि नुनो मोनो। बेबादिनो लैथोमायावबो दैयाव गोदोनानै थानाय बिथाथियाव दं जौयेन, समान थाला, हाजो सारि, गोथौ खात, प्रबाल इनजुर आरि बाहागो। बेनि अनगायैबो लैथोमायाव फिसा गेदेर गोबां द्वीपबो नुनो मोनो ।
बुहुम बिखुं आरो लैथोमा थालानि बेफोर बाहागोफोरा मुगानि उनाव मुगा सौलिबोनाय माखासे खामानि एबा जाहोननि थाखाय सोमजिदों। समनि बुब्लियाव बे बाहागोफोरनि सोलायनाया जायो । जायफोर खामानिया बे बाहागोफोरखौ सोमजिहोनायजों लोगोसे नांजाबफाना थायो, बेफोरबो समनि बुब्लियाव सोलायो । मिथिनो नांगौ बाथ्रादि बहुमनि हा बाहागो आरो दै बाहागोआव हावा मावलाय थानाय जाहोग्राफोरनि खायफा बायजोआरि आरो खायफा सिङारि । बायजोआरि जाहोग्राफोरा बायजोनिफ्राय खामानि मावो आरो सिङारि जाहोग्राफोरा सिं बाहागोआव खामानि मावबाय थायो । बायजोआरि जाहोग्राफोरनि मादाव साननि बिंदु, बार, अखा, दैमा, बरफदैमा, लैथोनि दोहौ आरियानो गाहाइ। गुबुन फारसेथिं सिङारि जाहोग्राफोरनि मादाव बांग्रिं मावनाय आरो अरगें बेरफ्रुसारनायानो गाहाइ। बैफोर जाहोना सरासनमस्रा बुहुम बिखुंजों लोगोसे लैथोमानि सिंथालाखौबो समान नङि खालामना लाखिनायाव बिहोमा जगायो ।
बांग्रिं फैयोब्ला हादरमानि एबा लैथोमानि सिंथालानि बबेबा बाहागोआ जाखांबोनो हागौ एबा ज ‘सोलांनोबो हागौ ।
2. बुहुम बिखुंनि सोलायनाया मानो जायो लिर।
फिन:- बुहुम बिखांनि सा बाहागोआ हादरमा आरो लैथोमाज दाजानाय। बुहुम बिखं आरो लैथोमानि थालानि बेफोर बाहागोफोरा मुगानि उनाव मुगा सोलिबोनाय माखासे खामानि एबा जाहोननि थाखाय सोमजिदों । समनि बुब्लियाव बे बाहागोफोरा सोलायस्ल्लु जायो । सोलायस्लुनि खायसेया बायजोआरि आरो खायसेया सिङारि जाहोग्रा । बायजोआरि जाहोग्राफोरखौ जों नुनो मोनो नाथाय सिङारि जाहोग्राफोरा जों नुवालसिनो बहुमनि सिङाव खामानि मावगासिनो थायो ।
बायजोआरि जाहोग्राफोरा जाबाय :
सानानि बिंदु, बार, अखा दैमा, बरफ दैमा, लैथोनि दोहौ बायदि ।
सिङारि जाहोग्राफोरा जाबाय: बांग्रिं मावनाय आरो अरगें बेरफ्रुसारनाय ।
3. बायजोआरि जाहोग्राया मा ? मोननैसो बायजोआरि जाहोग्रानि मुं लिर ।
फिन:- बायजोआरि जाहोग्राया जाबाय बायजोनिफ्राय खामानि मावनाय । बे जाहोग्राफोरनि फुंखाया जाबाय सान आरो बारमण्डल ।
मोननैसो बायजोआरि जाहोग्रानि मुङा जाबाय :
साननि गोहो, बार, अखा, दैमा, बरफनि दाहार बायदि।
4. बांग्रिं आरो अरगें बेरपुंनायखौ मानो रोगाथाइ जाहोग्रा होननानै बुंनाय जायो ?
फिन:- रोगाथाइ जाहोग्राफोरा जों नुयिबादि बुहुमनि सिं बाहागोआव खामानि मावबाय थायो । रोगाथाइ जाहोग्राफोरनि गेजेराव बाग्रिं मावनाय आरो अरगें बेरफ्रुसारनाय आरियानो गाहाइ । रोगाथाइ जाहोग्राफोरा हादरमानि सिं बाहागोजों लोगोसे लैथोमा थालानि सिं बाहागोआवबो खामानि मावनो हागौ। रोगाथाइ जाहोग्राया बुहुम बिखुंजों लोगोसे लैथोमानि सिं थालाखौबो समान नङि खालामना लाखिनायाव बिहोमा जगायो । बांग्रिं फैयोब्ला हादरमान एबा लैथोमानि सिंथालानि बबेबा बाहागोआ जाखांबोनो हागौ एबा ज’सोलांनो हागौ।
अरगें जोंखाङोब्ला बांग्रिंबो जायो आरो साखाथि जायगायाव अरगें सोमजियो । रोगाथाइ जाहोग्राफोरनि लोगोआव मोनसे गाहाइ खामानिया सरजाबनानै दं जायखौ थोरफो दोरोदनाय होननानै बुङो । बुहुम बिखंआ दाजानाय थोरफोफोरा दोरोदग्रा जानायनि थाखायनो गुबैयै बांग्रिं आरगें सोमजियो। बेखायनो बांग्रिं आरो अरगें बेरफ्रुनायखौ रोगाथाइ एबा सिंओरि जाहोग्रा होननानै बुङो।
5. दैखं महरनि दैमा बुङोब्ला मा बुजियो ? नावद्रा महर दैमानि मोनसे सावगारि बो।
फिन:- मोनसे दैमाया दालाइ दैसाजों लोगो नांनानै बोहैथि दै सोमजिहोनायानो दैखं महरनि दैमा । दैखं दैमाया औरैबायदि मोनसे ओनसोल जेराव दैसाफोरनि दैया दैमायाव गोलैनायनि उनाव थि खर ‘थिजों थांनाने लैथो लैथोमायाव गोलैहैयो। गासैबो गेदेर फिसा दैमाया दैसाफोरजों नांजाबफानाय । बे बादिनो गासैबो दैमायानो गावबा गाव बोहैगासिनो थायो ।
दैमानि मोनथाम खामानिया जाबाय खुरखानाय एबा जामख नाय, बोहैखारनाय आरो दोनथुमनाय एबा ज ‘खालामनाय । मोनफ्रोमबो दैमायानो एसे गोबां बिबाडै बे खामानिखौ मावो ।
6. दालाइ दैमाया मा ? बुरलुंबुथुरनि मोननै गाहाइ दालाइ दैमानि मुं लिर ।
फिन:- जाय दैमाया लैथोआव गोलियालासिनो गुबुन मोनसे दैमायाव गोलैयो बेबादि फिसा दैमाखौ दालाइ दैमा बुङो ।
(क) पुथिमारि ।
(ख) बेकि ।
7. दैमा खुरखानायनि मोनसे फोरमायथि हो ।
फिन:- दैमानि दै बाहागोआ गोजौ हानिफ्राय फारियै गाहायथिं बोहैबोनायाव नावद्रानि सा बाहागोआव सरासनस्रा खुरखानाय खामानि जायो। अखानि दैया जेब्ला दैसा जानानै बोहैलाङो अब्ला सरासनस्रा दैनि खुरखानाय गोहोआ बाङो। बबेखानि दैसानि खुरखनाय खामानिया दैखंनि सा बाहागोनि दाथाय, सिं बाहागोनि अन्थाइ थोरफोनि गोराथि, लाइफांनि खोबथेनाय, बोहैबाय थानाय दैनि बिबां आरिया गोबां जाहोननि सायाव लामा नायो। वैमानि दैखंनि गासै बाहागोआवनो गोबां एसे बिबांनि जावनाय खामानि सोलियोब्लाबो गुबैयै दैमानि बोहैनायावसो खुरखानाय एबा जामख ‘नाय खामानिया रोखा जायो ।
दैमानि दैनि खुरखानाय खामानिया गोबां जाहोग्रानि सायाव सोनारो। बेनि मादाव दैमानि बोहैथि हा बिरोंमायारि दाथाइ आरो दैनि खुरखानाय गोहोआ गाहाइ ।
दैमाया जौयेन हानि थिया सरख्लायजों बोहैबोनाने हायेनाव हाबफैनायनि उनाव दैमानि खुरखानाय गोहोमा सोलायो । जौयेन ओनसोलाव दैमानि गोख्रैथिया गोख्रों, बोहैथि लामाया गेसेब नाथाय गोथौ जानाय नुनो मोनो। हायेन ओनसोलाव दैनि दाहारा खम जायो । गोथौथिया खम जायोब्ला दै बाहागोखौ बुखारना लाबोनायनि खाथिरावसो दैमाया फारनैबो रुगुखौ खुरखानो हमो। रुगुं खुरखानानै बोहैथि लामाखौ गुवार खालामनानै दै बाहागोखौ दैमाया गाहायथिं बोहैखार लांहोयो। दैमानि बेफोरबादि खामानिखौनो रुगुं खुरखानाय बुंनाय जायो ।
हायेन ओनसोलनि गुरै सरख्लायजों बोहैबोनायाव दै लामाया सरासनस्रा खेंख्रा खेंख्रि जायो। दैमानि रुगुं खुरखानाया बेनि बोहैथि लामाखौ बांसिनै खेंख्रा खेंख्रि खालामो । खेंख्रा खेंख्रि लामाजों दैमाया खालामनाय बेफोरबादि बोहाहैनायखौ दिंग्राय बोहैथि होनना बुंनाय जायो ।
8. दैमानि हाब्रांखुरखानाय बुङोब्ला मा बुजियो ?
फिन:- दैमाया बोहैथि लामाखौ गुवार खालामनो थाखाय रुगुं खुरखानायखौ हाब्रां खुरखानाय बुङो ।
जौयेन हानि थिया सख्लायजों बोहैबोनाने हायेनाव हाबफैनायनि उनाव दैमानि खुरखानाय गोहोआ बारायो। जौयेन ओनसोलाव दैमानि गोख्रैथिया गोख्रों, बोहैथि लामाया गेसेब नाथाय गोजौ जानाय नुनो मोनो। हायेनाव फारियै हाजो जिनज्रिया खम जाबोनायनि जाउनाव जौयेन हानिफ्राय दाहारा लाबोफानाय गोदिफोरा हायेनाव जमा जाबोनो हमो ।
जाहोनाव, हायेन ओनसोलाव दैनि गोथौथिया खम जायो। गोथौथिया खम जायोब्ला दै बाहागोखौ बुखारना लाबोनायनि खाथिरावनो दैमाया फारनैबो रुगुंखौ खुरखानो हमो। रुगं खुरखानानै बोहैथि लामाखौ गुवार खालामनानै दै बाहागोखौ दैमाया गाहायथिं बोहैखार लांहोयो। दैमानि बेबादि खुरखानाय खामानिखौ हाब्रां खुरखानाय बुङो । हाब्रां खुरखानाया दैमानि रुगुं खुरखानायनि गोहोम ।
9. गराइ आसुगुर बिलोआ मा ? सावगारिनि हेफाजाबाव बेनि सोमजिनाया माबोरै जायो बुजायना हो ।
फिन:- दैमाया गावनि दिंग्रायनो गोनां बाहागोखौ गालांनानै गुबुन दिगजों थोंजों बोहैलांनायाव गालांनाय बाहागोआव दै जमा जानानै थालांबा बे बाहागोखौ गराइ आसुगुर बिलो बुङो ।
आरिजनाव कलराड’ दैमाया सोमजिहोनाय मोनसे गराइ आसिगुर बिलो
हायेननि बबेबा बाहागोआव दैमानि लामाया जोबोर दिग्रांयनाय जायो । दैमानि दिंग्रायनाय लामाया दैज्लां समाव दैमाजों बोहैखारजानाय गोबां बिबांनि दैखौ लांखारनो हाया जायो। अब्ला दैमाया गावनि बोहैंथि लामानि दिंग्रायनाय गोनां बाहागोखौ गारनाने थोंजों बोहैयो। बेबादि गारलांनाय बाहागोआव उनाव दै जमा जानानै बिलो सोमजियो ।
सरासनमस्रा गराइ आसुगुर महरनि बेफोरबादि बिलोखौ गराइ आसुगुर बिलो बुङो। बुहुमनि गोबांसिन गेदेर दैमानि सेरफां जायगायाव गोबां बेफोरबादि बिलो थायो । आसामनि बुरलुंबुथुर आरो बराक दैमायाबो गाव गावनि सेराफाङाव बेफोरवादि गोबां बिलो सोमजिहोदों। बेफोर बिलोफोरा गोबां दैखौ हमथाना लाखिनायखाय दैबानानि गोवारथिखौ खमायनायाव एसेब्लाबो हेफाजाब खालामो ।
10. लोमसाव हायेना मा आरो बेनि सोमजिनाया माबादि जायो लिर ।
फिन:- दैमानि फारर्नैथिंबो गोदि ज ‘नायनि जाउनाव फुलुं हा सोमजिनायखौनो लोमसाव हायेन बुंनाय जायो ।
दै बानानि समाव दैमाया रुगुंखौ सेफायनानै गोजानसिम बुखारना लाङो । समाव ओनसोला हासार गोनां फुलुंजों आबादनि थाखाय साबजाथाव जायो ।
सरासनस्रा सानि बोहैथि बाहागोआव खुरखानाया सोलियो। बेनि उलथा गेजेर बोहैथि आरो सिं बोहैंथि बाहागोआव बोहैथि लामाजों लोगोसे फारनैथिंबो गोदि जनायनि जाउनाव फुलुं हायेन हा सोमजियो। बुरलुंबुथुर, गंगा, सिन्धु, मिसिसिप, नील, आमाजान, ह’वाह आरि गेदेर दैमाफोरनि फारनैथिंबो फैलाव बाना लोम हा नुनो मोनो।
11. दैमा बोहैथिनि बबेयाव आरो माबोरै बाला हायेन सोमजियो लिए।
फिन:- दैमा गेजेराव बाला हाब्रु ज ‘जानानै सोमजिनाय बालाबारिफोरा गोबां बिथिंनिफ्राय गोनांथि सानजादों । बालाबारिफोरा माब्लाबा दैमा मोखाङाव आरो माब्लावा गेजेर बाहागोआव जाखाङो । बेफोर सरासनस्रा थाजोर नङा आरो गुबुन गुबुन महरनि। दैज्लां बोथोरनि दैमानि गोबार दाहारा बालाबारि जायगाफोराव महरफोरखौ सोलाय होयो। दैमानि खुरखानाया खायफाखौ सेरखार बेरखायबो खालामो । मेसें बोथोराव दैमानि दैया ओंखारख्लायबोयोब्ला बालाबारिफोरा मोजांयै नुजासारो। बुरलुंबुथुरनि बिखायावबो गेदेर फिसा गोबां बालाबारि नुनो मोनो। दैमानि गेजेराव थानाय माजुली मुंनि गेदेर दैमा द्वीपबाबो मोनसे रोखोमनि बालाबारि ।
12. ब- द्वीपनि सोमजिनाया माबोरै जायो लिर ।
फिन:- बोरिमानि साखाथियाव थानाय थौले लैथोआव जेराव दैमाया गोग्लैहैयो बेयावनो दैमाया बुखारना लाबोनाय गोदिफोरा ज’ जानानै द्वीप जायो। बे द्वीपफोरनि महरा असमीया ब एबा इंराजी (Delta) नि बादि । बेखायनो बेबादि द्वीपफोरखौ ब द्वीप बुंनाय जायो। गंगा बुरलुंबुथुर, नील, मिछिछिपि आरि दैमानि ब द्वीपा मुंदांखा ।
13. बालाहामायाव बारनि खामानिया मानो गोबार जायो लिर ।
फिन:- बुहुमनां बारं बिखान्थिया बहुमनि गासैबो जायगायावनो बायदि रोखोमनि खामानि मावो। बुहुमनि बालाहामा फोरावसो सोलायहोग्रा जाहोन हिसावै बारनि गोहोमा बेसेवा गोजानसिम थाङो। बालाहामानि हा बाहागोफोरनि सोमजिनाय आरो बैफोरनि महर दाथाइफोरा गुबैयै बारनि खामानि मावनायनि सायाव सोनारो।
बालाहामायाव लाइफांनि सोमजिनाया जोबोर गेसें जानायनि थाखायनो मुरु बिखुङाव बारआ गोरलैयै खामानि मावनो हायो । हाद्रि- बालाफोरखौ बारा दाबसे जायगानिफ्राय गुबुन दाबसे जायगासिम दैबथिंना लांनी हायो । बेफोरबादि बवेबा बाहांगोनिफ्राय हाद्रि बाला बुखारना लांनाय हाबाखौ दुद्रुनाय बुंनाय जायो । दुद्रुनाय हाबानि जाउनाव बालाहामा ओनसोलाव थाब थाब हाद्रिनि बारहुंखा सोमजियो ।
14. दुद्रुखारनाय एबा बुखारनाय बुङोब्ला मा बुजियो ?
फिन:- बार हाद्रि बालाफोरखौ दाबसे जायगानिफ्राय गुबुन दाबसे जायगासिम बुखारना लांनायखौनो दुद्रुखारनाय बुङो ।
दुद्रुखारनायनि जाउनाव बालाहामा ओनसोलाव थाब थाब हाद्रिनि बारहुंखा सोमजियो। ज़ायफोर बाहागोनिफ्राय बारआ हाद्रि बाला बुखारना लाङो. बैफोरनि सा बाहागोआ रुजुज ‘खायै गोथौ जायो। बेफोरबादि गोथौ बाहागोआव थाजोर नङि बिलोबो सोमजिनो हागौ ।
15. बालाहाफावनि सोमजिनाया माबोरै जायो ?
फिन:- बालाहामा ओनसोलाव बारनि बुखारनायजों हाद्रिबालाफोरा गोजौ जानानै हाजोनि महर लानायखौ बाला हाफाव बुङो । दुद्रुखारनाय बारआ बाला आरो हाद्रिफोरखौ बालाहामा ओनसोलाव लानदां जानायनि थाखाय गोबारै बुबथिङो । बारनि दोहोरोम, बोहैथि, गोहो आरो लाइफांनि जोख्लोबनाय आरिनि सायाव सोनारनानै बालाला हाफावनि दाथाइया गुबुन गुबुन जायो ।
16. इनछेलबार्गआ मा ?
फिन:- बालाहामानि गोबारै बारनाय बारआ हाद्रि बालाजों लोगोसे अन्थाइबो बुखारना लाङो । बारआ बुखारलांनाय अन्थाइ बालाया बोर्हैथि लामायाव थानाय गोजौ हानि खहा खालामो । हुथ्रोदनायनि गेजेरजों सोमजिनाय बेफोरबादि खहा खालामनाय हाबाखौ खुरख ‘नाय बुङो। खुरख ‘नायनि जाहोनावनो गोजौं हाया खुरखाजानानै इनछेलबार्ग सोमजियो ।
बालाहामायाव सरासनस्रा मेगनाव गोग्लैनाय जुनिया महरनि खहा जानाय गाहाय हाजोफोरानो इनछेलबार्ग। जारमान सोदोब इनछेलबार्गनि ओंथिया जादों द्वीपनि बादि द्वीपारि एबा हाजो एबा हाजोमा ।
17. बरफ दैमानि अनजिमाखौ हो आरो दैमाजों बेनि गोरोबलायिआ मा ?
फिन:- बहुमनि जोबोर गुसु ओनसोलफोरनि सा बाहागोखौ बरफआ जोख्लोबनानै दोनदों। बेफोर ओनसोलफोरनि गेजेराव फारनैबो मेरु ओनसोल आरो जोबोर गोजौ हाजोफोरनि गोजौ बाहागोफोरा गोग्लैयो। बेफोराव गेदेर गेदेर बिबांनि बरफ थोरफोआ ज’ जानातै दङ । सरासनम्रा बेफोरबादि ज ‘जानानै थानाय बरफफोरा बुहुम बिखुंनि सरख्लाय लामाजों लासै लासै ओंखारख्लायबोयो। बेफोरबादि ओंखारख्लायबोनाय बरफखौनो बरफ दैमा होननानै बुङो ।
बरफ दैमा आरो दैमानि फाराग :
(क) दैमानि बोहैथिया गोजौ जायगायाव बांसिन आरो हायोनाव खम। नाथाय बरफ दैमाया गोजौनिफ्रायबो लासैयै ओंखारबोयो ।
(ख) दैमाखौ बुहुमनि गासैबो जायगायावनो नुनो मोनो ।
नाथाय बरफ दैमाखौ मोननैबो मेरु ओनसोलावल ‘सो मोनो।
(ग) दैमाया खुरखानाय, बोहैखारनाय आरो दोनथुमनायनि खामानि मावो ।
बरफ दैमा खुरख’नाय, दैदेननाय आरो गोग्लैबोनायनि खामानि मावो।
18. बरफ गुन्द्राया मा ? सावगारि आखिनानै गुबुन गुबुन महरनि बरफ गुन्द्राफोरखौ दिन्थि ।
फिन:- बरफ दैमाया बरफ खोन्दोनि लोगोसे गेदेर- फिसा अन्थाइ, बाला, जिबारि मुवा बुखारना लाबोनाय मुवाफोरखौ ज ‘यै बरफ गुन्द्रा बुङो । बरफ गुन्द्राया मोनब्रै रोखोमनि दङ ।
(क) साखाथि बरफ गुन्द्रा ।
(ख) हानि बरफ गुन्द्रा ।
(ग) गेजेरारि बरफ गुन्द्रा ।
(घ) उफ्रा बरफ गुन्द्रा ।
19. बरफ दैमानि जाथाइनि जाउनाव गोफार थिखिनि माबोरै सोमजियो लिर ।
फिन:- हाजो एबा जौयेन बरफ दैमाफोरा गाहाइयै इउरपनि आल्पस, सा आमेरिकानि रकि आरो एसियानि हिमालय ओनसोलाव नुनो मोनो। बे रोखोमनि बरफ दैमाया सरासनस्रायै मोननै हाजो सारिनि गेजेराव सेरफारसेथिं ओंखारख्लायबोयो । बेफोरबादि बरफ दैमाया बरफ खोन्दोनि लोगोसे गेदेर-फिसा अन्थाइ, बाला, जिबारि मुवा आरिखौ बुखारना लाबोयो। बरफ दैमाया बुखारना लाबोनाय बेफोर मुवाफोरानो बोहैथि लामायाव गोरलैयै खुरखानाय खामानि मावो।
बरफ दैमानि बोहैथि लामाया गोलाउ । हासायै बेखौ U महरनि नुनो मोनो। बोहैबोनाय मुवानि गेजेरजों सोमजिनाय गोबार हुथ्रोदनायनि जाउनाव बोहैथि लामाया गोथौ आरो थिया जायो। बबेबा बबेबा हाजोनिफ्राय बरफ दैमाफोराबो ओंखारख्लायबोनो हागौ । अब्ला फारफ्रोमथिंनिफ्राय सोलिनाय खुरखानायनि जाउनाव हाजोनि साथाराव गोफार जं बादि जायो ।
20. बोरिमा माखौ बुङो ?
फिन:- बुहुमनि सा बाहागोनि मोनसे गेदेर बाहागोखौ लैथो लैथोमाया बेंखननानै दङ । बेखौ लैथो-लैथोमानि बोरिमा बुंनाय जायो।
21. लैथो गाथोना मा ? बेनि गोनांथिनि सोमोन्दै लिर ।
फिन:- गुथाला जाथाइ खालामबाय थानाय बोरिमानि हाब्रां बाहागोआव ज ‘ जानाय गोदि, जुनियायै बालानि बिबाङा बांद्राय जायोब्ला बैयाव सरासनस्रा मोनसे रोखोमनि समान थाला महरनि बाहागो सोमजियो। बाला ज’ जानानै सोमजिनाय खायफा दानखलें जानाय बाहागोखौ लैथो गाथोन बुंनाय जायो ।
22. लैथो-लैथोमानि गुथाला बोरिमानि माबादि सोलायनाय लाबोय सुंद ‘यै लिर ।
फिन :- लैथो लैथोमानि गुथाला थाद नाय गैयि खामानि मावनानै बोरिमा ओनसोलाव गोबां सोलायनाय लाबोयो। हा बिरोंमायारि दाथाइ, लैथों सेरनि गोथौथि, दैमानि नुजाथि, बारनि खामानि, बोरिमायारि लाइफांनि खोबथेनाय आरि गोबां जाहोननि सायाव गुथालनि दोहोरोम आरो गावसारनाया सोनारो ।
लैथो मानि खुरखानाय गुथाला जाथाइ खालामनानै सोमजि होनाय मोनसे दन्दरा जाबाय लैथो दन्दर। बोरिमा बाहागोआव ग्रेनाइट, बेछल्ट आरिफोरबादि गोरा अन्थाइजों दाजायोब्ला लैथोनि गुथाला बेयाव जाथाइ खालामनानै थिया ग्रं ग्रं हाखर सोमजिहोयो । बे थिया ग्रं ग्रं खुरखानाय हाखरखौ लैथो दन्दर बुंनाय जायो । फारसेथिं गुथाला जाथाइ खालामबाय थानाय बोरिमानि हाब्रां बाहागोआव ज’ जानाय गोदि, बांद्राय बालानि बिबाङा मोनसे रोखोमनि समान थाला सोमजियो। गाहायै बाला ज’ जानानै सोमजिनाय खायफा दानख्लें बाहागोखौ लैथो गाथोन बुंनाय जायो ।
माब्लाबा फिन लैथोमानि घालायाव गेदेर बांग्रिं मावनायाव लैथो लैथोमायाव जुनिया रोखोमनि गुथाल सोमजिखाङो । बोरिमायाव बे गुथाला बे गोबां खहा खालामनो हायो । फोजोबस्राङारि बे गुथालखौनो सुनामि बुंनाय जायो ।
23. गाहायाव होनाय जाहोग्रा आरो हा बाहागोफोरनि बबे सोरनि सोमजिनाय थि सिनजों दिन्थि ।
| जाहोग्रा | हा बाहागो। |
| दैमा | लोमसाव हा, लैथो गाथोन इनछेलबार्ग। |
| बार | ब- द्वीपबालानि हाजो बरफ गुन्द्रा। |
| बरफ दैमा | जंफार गं (थिखिनि) बाला गाथोनV सेरफां। |
| लैथोनि गथाल | गराइ आसुगुर बिलो बोरिमा U सेरफां। |
फिन:-
| दैमा | लोमसाव हा,बाला गाथोन,गराइ आसुगुरब -द्वीप। |
| बार | बालानि हाजो,इनछेलबार्ग। |
| बरफ दैमा | U सेरफांV सेरफांबरफ गुन्द्रा। |
| लैथोनि गथाल | बाला गाथोन। |
24. बुहुम बिखुङाव इयुनाव बेफोरबादि सोलायनाय जानो हागौ सानखांना लिर ।
फिन:- मानसिनि गाज्रि आखुआनो मिथिंगा बिखायाव गोबां खहा खालामदों । मानसिया जैरै-मेरै बिफां लाइफां दानदों, हाजो हाला दानख्ल’ना लामा न’ लुदों। बेनि जाउनाव गोबां खहा जादों। जिउनांफोरनि थानाय जायगाया गैया जादों, जामुंफोरा खहा जादों । जाहोनाव बै जिउनांफोरा मानसिफोरनि थाखुलिफोराव ओंखारबोदों। दैमा दैसा, हाखर बिलो, दुब्लि फोथारफोराव प्लासतिक, जाबोर आरिफोरखौ जैरे मैरे गारनायाव दै बायदिफोराबो मैला गोनां जादों। दैयाव थानाय जिउनांफोराबो खैफोद गोनां जादों। जाख्रिसे अखायावनो दै बाना सोमजिदों। मानसिफोरा बायदि रोखोम जेंनायाव गोग्लैदों ।
25. नोंनि गावनि गामि एबा नोगोरनि बुहुम बिखुंनि आखुथाइनि सोमोन्दै मोनसे रेबसुं लिर । हायेननि मोनसे सावगारि एरनानै गाहाइ बाहागो (दैमा-हाजो, बिलो, हायेन, हा) खौ दिन्थिनो नाजा ।
फिन:- जांनि गामिया बागसा जिलानि बरमा पुलिस थानानि सिङाव । बेयों बुरलुंबुथुर हायेननिं साहा ओनसोलनि मोनसे हायेन । बे जिलानि साहा भुटान हादर। जिलानि साहा थानाय हाजोनिफ्राय बेकि, दिरिं, पागलादिया बायदि दालाइ दैसाफोरा बोहैबोनानै बुरलुंबुथुरनि बिखायाव गोलैदों। बेयाव मानास माहारियारि हाग्रामा पार्क दङ । बेयो मोसा थानायनि थाखाय मुंदांखा। जिलानि मानसिफोरा बांसिनै माइ आबादनि सायाव सोनारना थांनानै थायो । बेनि अनगायैबो साहा आबाद, आलु, बेसर बायदि बायदि आबाद मावनायावबो जौगाफुदो। (फरायसामोना गावबा गाव ओनसोलनि सावगारि आखिनो नाजा)
उफेरा सोंथि
1. बहुमनि सा बाहागोआ माजों दाजानाय ?
फिन:- बुहुमनि सा बाहागोआ हादरमा आरो लैथोमाजों दाजानाय ।
2. हादरमाफोरनि गेजेराव मा मा नुनो मोनो ?
फिन:- हादरमाफोरनि गेजेराव फैलाव हायेन हा, जौयेन हा, हाजो हाला दैमा सेरफां, बालाहामा लोमसावनाय समान आरि नुनो मोनो।
3. लैथोमायाव मा मा नुनो मोनो ?
फिन:- लैथोमायाव दैयाव गोदोनानै थिनाय बिथाथियाव जौयेन, समान थाला, हाजो सारि, गोथौ खात, प्रबाल इनजुर आरि नुनो मोनो ।
4. बुहुमनि हा बाहागो आरो दै बाहागोआव हाबा मावबाय थानाय जाहोग्राफोरा मा मा ?
फिन:- बायजोआरि जाहोग्रा आर सिङारि जाहोग्रा ।
5. बायजोआरि जाहोग्रानि बिदिन्थि हो ?
फिन:- साननि बिदुं, बार, अखादैमा, बरफ दैमा, लैथोनि दोहौआरि ।
6. बांग्रिं आरो अरगेंया मानो सोमजियो ?
फिन:- बुहुम बिखंनि थोरफोफोरा दोरोदनायनि थाखायनो अरगें आरो बांग्रिं सोमजियो ।
7. बायजोआरि जाहोग्रानि गुबै फुंखाया मा ?
फिन:- गुबै फुंखाया जाबाय – सान आरो बारमण्डल ।
8. दैमानि मोनथाम खामानिया मा मा ?
फिन:- दैमानि मोनथाम खामानिया जादों :
(क) खुरखानाय एबा जामख ‘नाय ।
(ख) बोहैखारनाय ।
(ग) दोन थुमनाय एबा ज ‘खालामनाय ।
9. दैमानि बोहैलामा मा बुजियो ?
फिन:- दैमानि बोहैलामा बुङोब्ला फुंखानिफ्राय दैमा मोखांसिम जा गोलाउ लामाजों दैमाया बोहैयो बे लामाखौनो बुजियो ।
10. दिंग्राय बोहैथि माखौ बुङो ?
फिन:- हायेन ओनसोलनि गुरै सरख्लायजों बोहैबोनायाव दै लामाया सरासनस्रा खेंखा खेंखि जायो। दैमानि रुगं खुरखानाया बेनि बोहैथि लामाखौ बांसिनै खेंख्रा खेंखि खालामो। खेंखा- खेखि लामाजों दैमाया खालामनाय बेफोरबादि बोहैनायखौ दिंग्राय बोहैथि बुंनाय जायो ।
11. दैमाया बेसेबां रोखोमनि गोदि आरो मा मा गोदि रोगायो ?
फिन:- दैमाया मोनथाम रोखोमनि गोदि रोगायो। जेरै-
(क) माखासे मुवाखौ दैमायाव लाव लाव बिथाथियाव थानाय समाव रोगायो ।
(ख) गुबुन माखासे मुवाखौ गोजावना थानाय बिथाथियाव रोगायो ।
(ग) गुबुन माखासेखौ दैमाया गेजेरजों थांबाय थानाय समाव रोगायो ।
12. बालाहामायाव मानि थाखाय थाब थाब मानि बारहुंखा जायो ?
फिन:- दुद्रुनाय हाबानि जाउनाव बालाहामा ओनसोलाव थाब थाब हाद्रिनि बारहुंखा जायो ।
13. गोजावना थानाय बिथाथियाव दैमाया मा मा रोगाना लाबोयो?
फिन:- गोजावना थानाय बिथाथियाव दैमाया बाला, हाब्रु, फुलुं आरिफोरखौ दैमाया रोगाना लाबोयो ।
14. दैमा गेजेरनि बिबान बुङोब्ला मा बुजियो ?
फिन:- गेदेर मुवाफोरखौ दैमानि दाहारा बोहैथि लामाजों बुखारै बुखारै हायेनसिम बुखारलाङो । बेफोरबादि मुवाफोरखौ दैमा गेजेरनि बिबान होननानै बुङो ।
15. दैमा गेजेरनि सोमजिनाय जेंनाफोरनि मुं लिर ।
फिन:- दैमा गेजेरनि सोमजिनाय जॅनाफोरनि मुं फोरा बालाबारि, लोमसाव हायेन, मिथिंगायारि बान्दो आरो ब-द्वीप।
16. लोमसोव हा नुनो मोननाय दैमानि मं लिए ।
फिन:- बुरलुंबुथुर, गंगा, सिन्धु, मिसिसिपि, नील ।
17. मिथिंगायारि बान्दो माखौ बुङो ।
फिन:- गिलिर मुवाफोरखौ दैमाया गोजान जायगासिम बुखारना लांनो हायैआव बोहैथि लामानि सेरावनो ज’ दोनथुमो । ज’ दोनथुमजानाय मुवाफोरा समनि ‘बुब्लियाव गोलाव बान्दो एबा माथावरिनि महर लायो। मिथिंगायारि हाबाजों सोमजिखांनाय खायनो बेफोर बादि बान्दोखौ मिथिंगायारि बान्दो बुंनाय जायो ।
18. मोनथाम रोखोम जाब्रथाइ सोमजिहोनाय बारनि मुं लिर ।
फिन:- (क) हारिकेन ।
(ख) टाइफन ।
(ग) टनेंड ।
19. इनछेलबार्गआ मा ?
फिन:- इनछेलवार्गआ मोनसे जार्मान सोदोब । बेनि ओंथिया जाबाय द्वीपनिवादि द्वीपारि हाजो एबा हाजोमा । बालाहामायाव खुरख ‘नायनि जाहोनाव गोजौ हाया खुरखाजानानै इनछेलबार्ग सोमजियो।
20. इयारदां सोदोबआ मानिफ्राय फैदों ?
फिन:- चीननि तारिम नावद्रानि ल ‘पनुर ओनसोलनि गामियारि मानसिफोरा गोलाउ जौखांनाय आरो गोथौ नङि एबा गोलाउ हाखर सोमजिनायखौ फोरमायनो बै सोदोबखौं बाहायदोंमोन ।
21. मोननै रोखोम बरफ दैमाया मा मा ?
फिन:- हादरमायारि बरफ दैमा आरो हाजो जौयेन एबा सेरफां बरफ दैमा ।
22. बरफ दैमा सोमजिनाय मोनथाम हाजो ओनसोलनि मुं लिर ।
फिन:- बरफ दैमा सोमजिनाय मोननैसो हाजो ओनसोलनि मुंआ जाबाय:
(क) इउरपनि अल्पस ।
(ख) आमेरिकानि रकि आरो
(ग) एसियानि हिमालय ।
23. बरफ गुन्द्राया मा मा ?
फिन:- मोनब्रै रोखोमनि बरफ गुन्द्राया जाबाय:
(क) साखाथि बरफ गुन्द्रा ।
(ख) हानि बरफ गुन्द्र ।
(ग) गेजेरारि बरफ गुन्द्रा ।
(घ) उफ्रा आरो जोबथि बरफ गुन्द्रा ।
24. बोरिमा हांखो माखौ बुडों?
फिन:- हादरमा आरो लैथोमाफोरनि फोनांजाबनाया दोंसे खेंख्रा खेंख्रि गोलाउ हांखोबादि। बे हांखोखौनो बोरिमा हांखो बुङो । बिनि लाउथाइया 0.5 निजुत किल ‘मिटारफ्राम ।
25. खुरखानाय आरो दोनथुमनायनि जाहोनाव दैमायाव सोमजिनाय जेंनाफोरनि मुखौ लिर ।
फिन:- खुरखानाय आरो दोन थुमनायनि जाहोनाव दैमायाव सोमजिनाय जेंनाफोरा जाबाय :
(क) गराइ आसुगुर : दैमानि सेरफां ओनसोलाव ।
(ख) बालाबारि : गोजां बोथोराव दैमानि बिखानि जायगायाव ।
(ग) लोमसाव हायेन : दैमा सेरफांनि सेराव जायो ।
(घ) ब-द्वीप : दैमानि गेजेराव ।
26. बालाहाफावनि महर आरो सोमजिनायनि जाहोनफोरा मा मा ?
फिन:- बालाहाफावनि महर आखे सोमजिनायनि जाहोनफोरा जाबाय :
(क) बारनि दोहोरोम ।
(ख) बारनि बोहैथि दिग ।
(ग) लाइफांनि जोख्लोबनाय ।
(घ) मिथिंगायारि आबहावाया रोखोमसेनङि ।
27. बरफ दैमानि बोहैथि दाहारा मा मानि सायाव सोनारो ?
फिन:- बरफ दैमानि बोहैथि दाहारा गुबैयै गाहायनि जाहोनफोरनि सायाव सोनारी :
(क) बरफनि बिबां ।
(ख) बुहुम बिखुंनि दाथाइ आरो सरखलाय ।
(ग) बारनि बिदुं ।
28. लैथो लैथोमानि गुथाल सोमजिहोनाय जाहोनफोरखौ लिर ।
फिन:- लैथो लैथोमानि गुधाल सोमजिहोग्राफोरा जाबाय :
1. हा बिरोंमायारि दाथाइ ।
2. लैथो सेरनि गोथौथि ।
3. दैमानि नुजाथि ।
4. बारनि खामानि ।
5. बोरिमायारि लाइफांनि खोबथेनाय ।
6. सम सम मावखांनाय बांग्रिं ।
7. अरगें हाजी बेरफ्रावनाय आरि ।
29. बायजोआरि जाहोग्राया मा ? बेनि मोननैसो जाहोग्राफोरनि बागै लिर । एबा बायजोआरि जाहोग्राया माबादियै बुहुम बिखंनि सोलायनाय लाबोयो बेखेवना लिर।
फिन:- बायजोआरि जाहोग्राया जाबाय ओरैबायदि मोनसे जाहोग्रा जायनो बायजोनिफ्राय खामानि मावो । गुबुन गुबुन रोखोमनि बायजोआरि जाहोग्राया जाबाय साननि रोदा, बार, अखा, दैमा, बरफनि दाहार आरि। बे जाहोग्राफोरनि खायसेखौ गाहायाव सावरायनाय होनाय जाबाय–
1. दैमा : बायजोआरि जाहोग्रा महरै बुहुम बिखुङाव दैमा दैसानि बिफावा बेसेबा गुवार । दैमानि खामानिया गुबैयै
(क) खुरखानाय ।
(ख) बोहैखारनाय ।
(ग) दोनथुमनाय बायदिजों सोमोन्दोगोनां ।
खुरखानाय हाबानि गेजेरजों दैमाया गोदि सोमजिहोयो। बेफोर गोदिफोरखौ दैमाया हायेनसिम रोगाना लाबोयो आरो जोबथारनायाव बेफोर दैमानि बोहैथि लामायाव फारनैथिंबो मोखाङाव ज’ जायो। दैमाया बुखारना लाबोनाय मुवाफोरा बोहैथि लामाजों लोगोसे फारनैबो आरो मोखाङाव ज’ जानानै बायदि रोखोमनि जेंना सोमजिहोयो। दोनथुमनायनि जाउनाव बेफोर बाहागोनि बालाबारि, लोमसाव हायेन, मिथिंगायारि बान्दो आरो ब-द्वीपआनो गाहाइ ।
2. बार : बारनि खामानिया बालाहामा ओनसोलाव सोमोनांथाव । बारनि गोख्रैथिया जेसेबांनो गोखों जायो एसेबांनो खामानियाबो गौख्रों जायो । जाय ओनसोलनि बुहुम बिखंआ गोरान आरो लाइफांआ गेर्सें बे ओनसोलाव बारनि गोहोमा गोबां जायो। बेखायनो बालाहामानि सायाव बारआ गोरलैयै खामानि मावनो हायो । बालाहामा ओनसोलाव बारआ गोरलैयै खामानि मावनो हायो । बालाहामायाव बारआ खुरखानाय, दैदेननाय आरो बुखारनायनि गेजेरजों बायदिसिना बाहागो सोमजि होयो ।
3. बरफ दैमा : मेरु ओनसोलाव गेदेर गेदेर बिबांनि बरफ थोरफोआ ज’ जानानै थानाय बरफफोरा बुहुम बिखंनि सरख्लाय लामाजों लासैयै ओंखारबोनायानो जाबाय बरफ दैमा। बरफ दैमायाबो खुरख ‘नाय, दैदेननाय आरो गोग्लैबोनाय खान्थिजों बुहुम बिखंनि सोलायनाय लाबोयो ।
बरफ दैमाया गाहाइयै मोननै रोखोमनि :
(क) हादरमायारि बरफ दैमा
(ख) सेरफां बरफ दैमा ।
4. लैथो गुथाल : लैथोनि गुथाला थाद नाय गैयि खामानि मावनानै बोरिमा ओनसोलाव गोबां सोलायनाय लाबोयो । हा बिरोंमायारि दाथाइ, लैथो सेरनि गोथौथि, दैमानि नुजाथि, बारनि खामानि, बोरिमायारि लाइफांनि खोबथेनाय आरो गोबां सायाव गुथालनि दोहोरोम आरो मावसारनाया सोनारो ।
30. बारनि खामानिनि गेजेरजों बुहुम बिखङा मा बायदि सोलायो बेखेवना लिर। एबा बारनि खामानिजों बुहुम बिखंआ मा बायदि, सोलाय सोल’ जायो ?
फिन:- बुहुम बिखुंनि सोलायहोग्रा बायजोआरि जाहोनफोरनि मादाव बारआ रोखोमसे जाहोग्रा। बुहुम बिखुंनि खायफा ओनसोला नेमबादि बारनाय बार हारिकेन, टाइफन, टर्नेड, आरिफोर बादि बारनि जाहोनाव जाब्रथाइनि जोहैबो खैफोद गोग्लैयो बबेखानि बुहुमनि बालाहामाफोरावसो सोलाय होग्रा जाहोन हिसाबै बारनि गोहोमा बेसेबा गोजानसिम थाङो ।
बालाहामानि गोबारै बारनाय बारआ हाद्रि, बाला आरो अन्थाइफोरखौ बुखारना गोजौ हानि खालामो । बे खहा खालामनायखौ खुरख ‘नाय बुङो । मोननै रोखोमनि खुरख ‘नाया जाबाय इनछेलबार्ग आरो इयारदां ।
हाद्रि बालाफोरखौ दुद्रु खान्थिजों बुखारना लांनानै बालाहामानि बिखुङाव गोजौ खालामनानै बाला हाफाव सोमजिहोयो। बारनि दोहोरोम बोहैथि, गोहो आरो लाइफांनि जोख्लोबनाय आरिनि सायाव सोनारनानै बाला हाफावनि महर दाथाइया गुबुन गुबुन जायो ।
31. फाराग लिर :
(क) हा बाहागो आरो दै बाहागो
फिन:- (i) हा बाहागो बुङोब्ला बुहुमनि हा बाहागोखौ बुजियों आरो दै बाहागो बुङोब्ला बहुमनि दै बाहागोखौ बुजियो ।
(ii) हा बाहागोआ बहुमनि 21 जौखोन्दो आवग्रिना दङ । नाथाय दै बाहागोआ बुहुमनि 71 जौखोन्दो आवग्रिना दङ ।
(iii) हा बाहागोआव फैलाव हायेन हा, जौयेन हा, हाजी हाला, दैमा सेरफां बालाहामा लोमसावनाय समान आरि नुनो मोनो। दै बाहागोनि लैथोमायाव गोदोनानै नाथाय बिथाथियाव जौयेन, समान थाला, हाजो सारि, गोथौ खात, प्रबाल इनजुर आरि नुयो ।
(ख) बायजोआरि आरो सिङारि जाहोग्रा
(i) बायजोआरि जाहोग्राया बहुमनि सा बाहागोआव खामानि मावो नाथाय सिङारि जाहोग्राया बहुमनि सिं बाहागोआव खामानि मावो ।
(ii) बायजोआरि जाहोग्राया लासै लासै अरायसम खामानि मावगासिनो थायो नाथाय सिङारि जाहोग्राया लासै एबा हरखाबनो सोमजिखांनो हागौ ।
(iii) बायजोआरि जाहोग्राया गोजौ जायगाखौबो जामहोनानै गाहाय जायगाखौ बोरि खालामो । सिङारि जाहोग्राया गोथौ जायगाखौबो जौगाखां होनानै गोजौ जायगाखौबो जसो होनो हायो।
(iv) बायजोआरि जाबाय साननि बिंदु, बार, अखा, दैमा, बरफ दैमा, लैथोनि दोहौ आरियानो गाहाइ। सिङारि जाहोग्राफोरनि मादाव बांग्रिं मावनाय आरो अरगें बेरफ्रुसारनायनो गाहाइ ।
(ग) बाला हायेन आरो मिथिंगायारि बान्दो
(i) बाला हायेना जोबोद गुन्दै बालाजों ज ‘जानानै सोमजियो आरो मिथिंगायारि बान्दोआ गिलिर मुवाफोरजों दाजानानै सोमजिनाय ।
(ii) बाला हायेना दैमानि बिखायाव एबा दैमानि रुगुं सेराव गोलाव एबा गुसेबै सोमजिनाय ओनसोल । मिथिंगायारि बान्दोआ दैमानि रुगंआव गोलावै सोमजिनाय अन्थाइनि बान्दो
(iii) बाला हायेना दैमानि बोहै दाहारजों बुखार लांजायो। बेयो बांसिने गोजां बोथोराव सोमजियो । मिथिंगायारि बान्दोआ बुखार जानायनि गेजेरजों सोमजियो आरो बेफोर गोरा जानायनि थाखाय दैजों बुखारजाया।
(घ) हादरमायारि बरफदैमा आरो हाजो जौयेन एबा सेरफां बरफ दैमा
(i) हादरमायारि बरफदैमाफोरा फारनैबो मेरु ओनसोलनि गुवार एलेखासिम साग्लोबनानै थानाय ओनसोल नाथाय हाजो जौयेन बरफ दैमाया मोननै हाजो सारिनि गेजेराव सेरफांथिं ओंखारबोनाय बरफ दैमा ।
(ii) हादरमायारि बरफ दैमाखौ सा मेरु खोला मेरुआवल’ मोनो। हाजो एबा जौयेन बरफ दैमाफोरखौ गाहाइयै इउरपनि आल्पस, सा आमेरिकानि रकि आरे एसियानि हिमालय ओनसोलाव नुनो मोनो ।
(iii) हादरमायारि बरफ दैमानि बोहैथिया लासै। जौयेन बरफ दैमानि बोहैथियाबो लासैब्लांबो हाजोनिफ्राय ओंखारबोनायनि जाहोनाव हादरमायारि बरफ दैमानिखुइ एसेबाबो गोख्रोसिन ।
(iv) हादरमायारि बरफ दैमाया मेरु ओनसोलाव गोबां सोलायसुला खालामनो हाया नाथाय जौयेन बरफ दैमाया बुखारनाय, खुरखानाय, रोगानायनि गेजेरजों बायदिसिना महर सोमजिहोयो ।
(ङ) दैमा आरो बरफ दैमा
(i) दैनि बोहैथि दाहारानो दैमा । मेरु ओनसोलाव ज जानानै थानाय बरफफोरखौनो बरफ दैमा बुङो ।
(ii) दैमाया गोजौ जायगानिफ्राय जोबोर गोबारै ओंखारबोयो। बरफ दैमाया लामै लासैयैसो ओखारबोयो ।
(iii) दैमाया अखा, निज्रा आरो हाजोनि बरफनिफ्राय दै मोनो। मेरु ओनसोलनि बर दामोलनिफ्राय बरफ दैमाया बोहैबोयो ।
(iv) दैमाया लोमसाव हायेन, मिथिंगायारि बान्दो, बाला हाफाव बायदिसिना महरनि जेंना सोमजि होयो । बरफ दैमाया द्रामलिन, एस्कार आरो केम सोरजियो ।
| SL No. | CONTENTS |
| Unit – 1 | जारिमिन |
| Chapter – 1 | भारतबर्ष हादराव इउर’पियानफोरनि हाबफैनाय |
| Chapter – 2 | भारतारि माहारियारि सानस्रि बेरखांनाय |
| Chapter – 3 | मवामरीया सुबुं बिग्रायखांनाय |
| Chapter – 4 | माननि आसाम गाग्लोबनाय |
| Chapter – 5 | आसामाव बृटिस खुंथाइनि जागायनाय |
| Unit – 2 | भुमरखौरां |
| Chapter – 1 | बुहुम बिखुंनि सोलायनाय |
| Chapter – 2 | बारमण्डल |
| Chapter – 3 | भारतबर्षनि भुमरखौरां |
| Chapter – 4 | आसामनि भुमरखौरां |
| Unit – 3 | राजखान्थि |
| Chapter – 1 | भारतनि राजखान्थियारि हान्जा |
| Chapter – 2 | सोरखारनि बाहागो राननाय |
| Unit – 4 | रांखान्थि बिगियान |
| Chapter – 1 | रांखान्थिनि गुदि आयदाफोर |
| Chapter – 2 | गुबै रांखान्थियारि जेंनाफोर |
Notes of Class 9 Social Science in Bodo Medium | Bodomedium Class 9 Social notes इस पोस्ट में हम आपको ये समझा ने कि कोशिश की है की Bodo Medium 9th class Social Science Question answer | Class 9 Social Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।