Bodo Medium Class 9 Social Science Chapter 8 भारतबर्षनि भुमरखौरां Question Answer. Class 9 Social Science Question Answer in Bodo to each Chapter is provided in the list of SCERT, NCERT, SEBA सामाज बिगियान Class 9 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें. Class 9th Social Science Chapter 8 Geography of India Question Answer Class 9 Bodo Medium Social Science Chapter 8 Questions Answer. SEBA Bodo Medium Class 9 Social Science Chapter 8 भारतबर्षनि भुमरखौरां Notes covers all the exercise questions in NCERT, SCERT.
Class 9 Social Science Chapter 8 भारतबर्षनि भुमरखौरां
बोडो मीडियम कक्षा 9 सामाज बिगियान खोन्दो 8 भारतबर्षनि भुमरखौरां Question Answer | Geography of India | इस पोस्ट में हम आपको ये समझा ने कि कोशिश की है की कक्षा 9 बोडो मीडियम सामाज बिगियान खोन्दो 8 Geogrpahy of India Question Answer. अगर आप एक सात्र या शिक्षाक हो बोडो मीडियम की, तो आपके लिए ये बोडो मीडियम कक्षा 9 सामाज बिगियान खोन्दो 8 Question Answer बोहत लाभदायक हो सकता है। कक्षा 9 सामाज बिगियान खोन्दो 8 मे आप अपना ध्यान लगाके पढ़ कर इस कक्षा 9 सामाज बिगियान में अछि Mark ला सकते हो अपनी आनेवाली परीक्षा में।
खोन्दो 8 भारतबर्षनि भुमरखौरां
Chapter 8 Geography of India
उनसोलोंथि
1. भारतबर्षनि भुमखौरांङारि थाथाइखौ लिर ।
फिन:- भारतवर्षआ एसिया हादरमानि सिङाव । भारतनि साहाथिं बरफजों साग्लोबनाय हिमालय हाजोमालारि आरो चीन हादर, खोलाहा भारत लैथोमा आरो श्रीलंका, सानजाहा बंग लैथो आरो म्यानमार आरो सोनाबहा आरब लैथो आरो पाकिस्तान । बे हादरा 8°4‘28“ साहानिफ्राय सा 37°17‘53″ अक्ष हांखो आरो 68°73“ सानजानिफ्राय 94°24/47“ सानजा द्राघिमा हांखोनि गेजेराव दं 23 1/2 सा अक्षफान एबा सा दावथाइ हांखोआ भारतनि गेजेरजों बारलादों । बे हांखोआ हादरखौ सा आरो खोला समानै मोननै बाहागो खालामदों ।
सा-खोलायै भारत हादरनि हा बाहागोआ 3,214 कि.मि. आरो फ्राम सानजा-सोनाबै 2,933 कि.मि. फ्रामहालागै गोसारना दं । सानजा बंग, लैथो सोनाबहा आरब लैथो खोलाहा भारत लैथोमाजों लोगोसे भारतारि हा बाहागोआ 6,100 कि.मि. फ्राम गोलावै बोरिमा ओनसोल सोमजिहोदों । गोलावै बोरिमा हांखो बादियै भारतनि हा बाहागोआ बेनि नसुं हादरफोरजों हा बाहागोजोंबो सिमा हांखो सोमजिहोदों। भारतनि गासै हासायारि सिमा हांखोनि लाउथाइया जादों 15,200 कि.मि. ।
2. भारतनि बोरिमा हांखोनि लाउथाइया बेसेबां ?
फिन:- 6,100 कि.मि. ।
3. भारतनि गासै हा-सिमानि लाउथाइया बेसेबां ?
फिन:- हा-सिमानि लाउथाइया 15,200 कि.मि. ।
4. भारतनि हा बाहागोनि बागै गुसुङै लिर।
फिन:- भारतबर्षआ दरसे गुवार हादर । महराव बे बुहुमनि हादरफोरनि मादाव स्निथि थावनियाव दं । बे हादरा ब्रिटिस, जथुम हादरनिख्रुइ 13 फान आरो जापाननिख्रुइ 4 फान गेदेर । भारतबर्षनि हा दब्लाइथिया जादों 3,287,263 बर्ग कि.मि. । बे हादरा बुहुमनि गासै हा-दब्लाइथिनि 2.4 जौखोन्दो आवग्रिना दं । हादरनि गुवार महर आरो गोसार थाइनि थाखाय भारतबर्षखौ हादरमासाबो बुंनाय जायो । बेयो आथिखालाव गं 29 हादरसा आरो गं 7 मिरुजों खुंजानाय ओनसोलफोरजों दाजानाय गंसे गेदेर सुबुंखान्थि हादर ।
5. सा भारत आरो खोला भारतनि दैमाफोरनि मोनब्रै गाहाइ फाराग लिर ।
फिन:- सा भारत आरो खोला भारतनि दैमाफोरनि मोनब्रै फारागा जाबाय:
(a) सा भारतनि दैमाफोरा बरफजों खोबजानाय गोजौ हाजोमानिफ्राय ओंखारबोनायनि थाखाय बैफोर ओनसोलाव गासै बोसोरनाङैनो दैनि दाहार थायो । नाथाय खोला भारतनि दैमाफोरा रुजुनायाव गाहाय हाजोमा एबा जौयेन ओनसोलनिफ्राय बोहैबोनायनि थाखाय बेफोर मेसें बोथोराव रानब्लांफ्रामो ।
(b) सा भारतनि दैमाफोरनि गोजौ खारथाइ, गेजेर खारथाइ आरो गाहाय खारथाइ – बे मोनथाम खारथाइफोरखौ रोखायै नोजोराव गोग्लैयो, नाथाय खोला भारतनि दैमाफोरनि बेलायाव बे मोनथाम खारथाइफोरखौ रोखायै नुनी मोना ।
(c) सा भारतनि दैमाफोरनि सेफांफोरा गुवार आरो बै दैमाफोरा गोबां गोजान समान थालानि गेजेरजों बोहैलांनायनि थाखाय बेफोरनि खारथाइया लासै लासै आरो बेखायनो निजोम । नाथाय खोला भारतनि दैमाफोरनि सेरफांफोरा एसे गुसेब आरो सरासनस्रायै गोसा बोहैग्रा । बेखायनो बे दैमाफोस गोजोन नङा ।
(d) सा भारतनि दैमा नावद्रा हा बाहागोफोरा फुंलुगोनां
आरो खारदै गोनां जानायनि जुनै रोजा सुबुं थाथाइ नाथाय खोला भारतनि दैमा नावद्राफोरा एसेबां खारदै गोनां नङा । बेखायनो बैफोर ओनसोलाव सुबुं थाथाइखौ गेसें जानाय नुनो मोनी ।
6. भारतनि हा मिथिंगायारि बाहागोफोरा मा मा ?
फिन:- हा आखुथाइनि दाथाइ आरो आखुथाइनि सायाव सोनारनानै भारतनि मिथिंगायारि बाहागोखौ मोनब्रे बाहागोआव राननो हायो:
(i) साहानि हिमालय ओनसोल ।
(ii) सा भारतनि हायेन ओनसोल ।
(iii) खोला जौयेन ओनसोल ।
(iv) बोरिमा ओनसोल ।
7. सा भारतनि हिमालय हाजोमा ओनसोलनि आखुथाइ लिर ।
फिन:- (i) सा भारतनि हिमालय हाजोमा ओनसोला भारतनि सा सिमानि लोगोआव नांथाबना दङ ।
(ii) बेयो काश्मीरनि नङग हाजोमानिफ्राय अरुणाचल प्रदेश सानजा सिमहालागै सानजा सोनाबै गोसारनानै दं ।
(iii) बे ओनसोला फ्राय 2.500 कि.मि. गोलाउफ्राम आरो 240 कि.मि. निफ्राय 500 कि. मि. फ्रामहालागै गुवार बे हाजोमा ओनसोला बर्ग 5,00,000 बर्ग कि.मि. फ्राम हा दब्लाइथि आवग्रिना दं ।
8. सा भारतनि हायेन ओनसोलनि आखुथाइफोरखौ लिर ।
फिन:- सा भारतनि हायेन ओनसोला सानजाहा आसामनिफ्राय सोनाबहा पाकिस्ताननि सिमाहालागें 2.400 कि.मि. फ्राम हालागै गोसारना दें । बे समान हायेन ओनसोलनि अरथाइया जायगा लानानै गुबुन गुबुन जानाय नुनो मोनो । सिन्दु-गंगा हायेन ओनसोलनि अरथाइया 240 कि.मि. निफ्राय 320 कि.मि. सिमहालागै दंब्लाबो बुर्लुबुथुर हायेननि अरथाइया गरै 80 कि.मि. ल’ । सा भारतनि बे हायेन ओनसोला गासै 1,00,000 बर्ग कि.मि. फ्राम आवग्रिना दं ।
बे हायेना खोलाहा फारसे हायलांनाय आरो बेनि हाया हासारगोनां जानायनि थाखाय बेवहाय सुबुं थाथाइया रोजा । बे हायेन ओनसोला 75 लाख बर्ग कि.मि. आवग्रिना दें । गुबुनफारसे हिमालयनिफ्राय सोमजिनाय गंगा दैमा आरो बेनि दालाइ दैमाफोरा मोनसे गुवार हायेन ओनसोल सोमजिहोदों । बेयो उत्तर प्रदेश, बिहार, सोनाब बंगनि गासै बर्ग 3,57,000 कि.मि. आवग्रिना दं । हासार गोनां हा आरो गाहाम हान्था मेलानि राहानि थाखाय बे हायेना रोजा सुबुं थाथाइ गोनां आरो आबादनि बिथिङाव जौगानाय ।
बुर्लुबुथुर आरो बेनि दालाइ दैसाफोरा गुबैयै हिमालय ओनसोलनिफ्राय बुखारना लाबोनाय बाला हाब्रुनि गोदि ज ‘जानाने बुलुबुथुर हायेन सोमजिखांदों । गड़ै 80 कि.मि. फ्राम अरथाइ गोनां बे हायेना सा सानजानिफ्राय खोला सोनाबथिं बाग्लायदों । दैमाजों दाजानाय फुलुं गोनां हा आरो साबजाथाव हा दाथाइनि थाखाय बे ओनसोला सा सानजा भारतनि मादावनो रुजुधावै जौगानाय । बेयाव सुबुं थाथायाबों रोजा । नाथाय दैज्लां बोथोराव बे हायेननि गोबां जायगायानो दै बानाजों साग्लोब जायो ।
9. खोला जौयेन ओनसोलनि आखुथाइफोरखौ लिर ।
फिन:- खोला जौयेन ओनसोला महराव मोनसे आखान्थिथाम बायदि । बे जौयेन ओनसोला गोजाम गोरा अन्थाइजों दाजानाय । बेनि साहानि मालवा जौयेन ओनसोल आरो बिनध्य हाजोमा आरो सा-सानजानि छोतनागपुर जौयेन ओनसोलखौ लाफानानै बे गोसारद्वानानै थानाय गुवार जौयेन ओनसोला दाजादों ।
खोला जौयेननि गासैफ्राम दैमाफोरा सोनाबनिफ्राय सानजाहा बोहैग्लांनानै बंग लैथोआव गोग्लैहैदों। बे दैमाफोरनि मादाव म’हानदी, गोदाबरि, कृष्णा, पेनार आरो काबेरियानो गुबै । अदेबानि बिनाध्य आरो साटपुरानि सानजानि गेजेर ओनसोला सानजानिफ्राय सोनाबहा सेवला जालांदों । बेखायनो बे ओनसोलनि गेजेरजों नर्मदा आरो ताप्टी मुंनि मोननै गाहाइ दैमाफोरा सोनाबहा बोहैलांदों आरो मोननैबो दैमाया काम्बे लैथोसायाव गोग्लैदों ।
10. बोरिमा ओनसोलनि आखुथाइ लिर ।
फिन:- भारतनि बोरिमा ओनसोला लैथो थालानिफ्राय बेनि जौथाइया 30 मिटारनिफ्राय 50 मिटारनि गेजेराव । भारतनि बोरिमा ओनसोला गोलाउ आरो गुसे । बेखौ सानजा आरो सोनाब बोरिमा हिसाबै मोननै बाहागोआव बाहागो खालामनो हायो । 1,100 कि.मि. गोलाउफ्राम बे बोरिमा ओनसोला गड़ै 120 कि.मि. गुवार ।
सोनाव बोरिमा ओनसोला आरब लैथो आरो सोनाबघाट हाजोमानि सेराव दं । बेनि लाउथाइया 1.500 कि.मि. फ्राम आरो अस्थाइया 10 कि.मि. निफ्राय 15 कि.मि. नि गेजेराव । सानजा बोरिमा बादिनो बेनि सा आरो खोलानि बाहागो मोननैनि मुङाबो गुबुन गुबुन । मुम्बाई आरो बांगलर ‘नि गेजेरनि मुङा जादों ‘कंकन बोरिमा’ आरो बांगालर ‘निफ्राय कुमारिकासिम खोलानि बाहागोनि मुङा जादों ‘मालाबार बोरिमा’ ।
11. भारतनि बारहावानि आखुथाइनि लिर ।
फिन:- भारतवर्षआ गंसे गेदेर हादर । बेनि हा दाथाइयाबो गुबुन गुबुन । हादरनि ओनसोल लानानै बारहावानि गुबै जाहोथाइफोर जेरै दुंथाइ, बारनि नारथाइ, बार आरो सिदोमानि सोलाय सोल’ जायो । बेखायनो बे हादराव गुबुन गुबुन रोखोमनि बारहावा मोननाय जायो । गाहाइयै हादरनि गेदेरथि, बिषुब हांखोनिफ्राय जानथाइ आरो मौसुमी बारनि सायावनो बेनि बारहावानि फारागथिया सोनारो । अक्षफान बादियै थावनिफोरनि बिदुंनि सोलाय सोल’नि थाखायनो बारहावाया गुबुन गुबुन जायो । भारतनि गेजेरफ्रामजों बारलांनाय कर्कक कर्कटक्रान्तिया हादरखों सा आरो खोला मोननै बाहागोआव बाहागो खालामदों । बेनिनो सा बाहागोआ समान मण्डलाव आरो खोलानि मोननै “बाहागोआ गुदुं मण्डलाव गोग्लैंदों । बेखायनो सरासनस्रायै सा भारतनि रुजुनायाव खोला भारतआव दुंनाया बारा ।
भारतनि हा खोन्दोआ हाजो हाजोमा, जौयेन, बालाहामा, हायेन बायदि हा दाथाइजों दाजानाय । बेबादि हा दाथाइआनो जायगाफोरनि गेजेराव जौथाइनि फारागथि लाबोना होदों । एखे अक्षफानाव दङब्लाबो जौथाइनि फारागथिनि जुनै जायगाफोराव बिंदु, बारनि नारथाइ, अरथ आरो सिदोमानि बिबाङा खम वारा जायो । जाउनाव बारहाबायाबो गुबुन गुबुन जायो । खोला भारता गुदुं मण्डलाव गोग्लैदोंब्लाबो बेनि हा दाथाइखौ जौयेन ओनसोला थि खालामनायनि जुनै बारहावाया एसे बिबांनि गुरै । लैथोनि गोहोमनि थाखायबो खायफा जायगानि बारहावाया रोखोमसे जानो हागौ । बेबादि जायगोफोराव गुसु बिदुंनि सोलाय सोल ‘आ बारा नङा । मुम्बाइनि थावनिया लैथोनि सेराव जानायनि जुनै बेनि बारहावाया एखे।
12. मौसुमी बारनि गोहोमनि बागै मोनसे लिरसुंथाइ लिर ।
फिन:- भारतनि बारहावायाव मौसुमी बारनि गोहोमा गोबां । बोसोरनि गुबुन गुबुन बोथोराव गुबैयै गोलोमबोथोर आरो गोजांबोथोराव मौसुमी बारआ बारो । गोलोम बोथोराव खोला सोनाब मौसुमी बार आरो गोजां बोथोराव, सा-सानजा मौसुमी बार बारो । खोला सोनाब मौसुमी बारा आरब लैथोनि साजों बारबोनानै भारतआव हाबफैयो । बे बारआ खोला सोनाब दिगनिफ्राय फैनायनि थाखाय बेखौ खोला-सोनाब मौसुमी बार बुङो । आरब लैथोमानिफ्राय गोबां बिबांनि दुंहाव खर्फ’ रोगाना लाबोनाय बे बारआ गिबियावनो सोनाबघाट हाजोमायाव हेंथा मोनो ।
अब्ला बे गोजौफारसे बिरलांना गुसु जायो आरो अखा हाहोयो । बेबादिनो सोनाब बोरिमा ओनसोलनि कंक’ न आरो मालाबार बोरिमायाव बोसोरि 300 से.मि. निख्रुइ गोबांसिन अखा हायो । बे बारजों खावसे बाहागो सोनाबघाट हाजोमा बारलांनानै बंग लैथोफारसे आवगायलाङो । बंगलैथोनि साजों बारबोनायाव फिन गोबां दुंहाव खर्फ’ आजावना बे आसाम एबा सा-सानजा ओनसोलाव हाबफैयो । बे बारआ मेघालय जौयेनाव हेंथा मोननानै (सौग्राव हैनानै) गोबां अखा हायो । बे खोला सोनाब मौसुमीनि आसाम आरो हिमालयनि गाहाय ओनसोलफोराव गोबां आखा हायो ।
गुबुनफारसे, सा सानजा मौसुमी बारा गोजां बोथोराव बारो । बे बारा गेजेर एछियानिफ्राय सा सानजा दिगै भारतआव बारपैयोखायनो बेखौ सा सानजा मौसुमी बार बुङो । साहानि हिमालय हाजोमाया बे गुसु बार फैनायखौ हेंथा होनायनि जाउनाव भारतआव गोबां गुसु मोनदांनो मोना । बेनिनो माखासे बाहागो हिमालय ओनसोल बारबोनानै भारतआव हाबफैयो । बेखायनो बेनि जाउनाव अखा हाया । नाथाय, बै बारा बंगलैथोनि साजों बारलांनायाव एसे दुब्रुद खफ मोनो। गुदुं ख ‘फ’ गोनां बे बारा फैनानै जेब्ला सानजाघाट हाजोमायाव सौग्रावफैयो अब्ला भारतनि सानजा बोरिमायाव गुबैयै रानस्राव मण्डल वोरिमायाव अखा हायो ।
13. भारतनि अखानि रानसारथाइनि बागै मोनसे फोरमायथि हो ।
फिन:- भारतबर्षनि आबादनि जौगानायाव मौसुमी बार । थोंजोङै हेफाजाब होबोगासिनो दङ । मौसुमी बारनि जाउनाव अखा हानायनि थाखाय आबाद दिहुनथाइया बाङो आरो आबादा मोजां जायो । मौसुमी बारा नङाब्ला आबाद दिहुनथाइखौनो साननो हाया । आसामाव सा-सानजा मौसुमीनिख्रुइ खोला सोनाब मौसुमीनि गोहोमा बांद्राय । मानोना, खोला सोनाब मौसुमीनि थाखायनो हादराव गोबां अखा हायो। बे अखानि रानसारथाइया हादरनि गासैबो जायगायावनो समान नङा ।
भारतनि बोसोरारि गड़ अखानि रानसारथिनि मानसावगारि – खौ नायोब्ला नुनो मोनोदि, सा सानजानि हिमालयनि गाहाय बाहागो, मेघालय जौयेननि खोला बाहागो आरो सोनाबघाट हाजोमानि सोनाब सरख्लाय गोबां अखा हायो । अरुणाचल प्रदेशनि बायजो हिमालय ओनसोलाव गोबां अखा हानाय नुनो मोनो । बे ओनसोलाव बोसोरारि गड़ अखानि बिबाङा 400 से.मि. निख्रुइबो बारा । बेनि उल्थायै राजस्थाननि थर बालाहामा आरो बेनि खाथि खाला ओनसोलफोराव बोसोरारि गड़ै 50 से.मि. निबो खम अखा हायो ।
मख ‘नो गोनांदि थर बालाहामानि मबेबा मबेबा जायगायाव अखाया खम थामहिनबा 20 से.मि.निबो खम । बेनि अनगायैबो खोला जौयेननि सा आरो सोनाब बाहागो आरो गुजरात ओनसोलाव अखा खम जायो । बे ओनसोलाव 50 से.मि. निफ्राय 100 से.मि.नि गेजेराव अखा हायो । नाथाय बुर्लुबुथुर हायेन समान ओनसोलखौ नाजानाने सा भारतनि हायेन ओनसोलाव अखाया गेजेर जखानि । बोसोरारि गड़ै 100 से.मि. निफ्राय 200 से.मि.सिमहालागै बे ओनसोलाव अखा हायो ।
14. भारतनि लाइफांफोरखौ मोनबोसे बाहागोआव बाहागो खालामनाय जादों लिर ।
फिन:- भारतनि लाइफांफोरखौ मोनद’ बाहागोआव राननाय जादों:
(1) अराय सोमखोर लाइफां ।
(2) मौसुमीयारि लाइफां ।
(3) सु गोनां बालायारि लाइफां ।
(4) गांसो हारि लाइफां ।
(5) ब दीपआरी लाइफां ।
(6) हाजोआरि लाइफां ।
15. भारतनि अराय सोमखोर लाइफांनि आखुथाइ लिर ।
फिन:- भारतनि अराय सोमखोर लाइफांनि आखुथाइफोरखौ गाहायाव होनाय जाबाय:
(i) जाय ओनसोलाव बोसोरारि अखानि बिबाङा 200 से.मि. निख्रुइ बारा आरो बोसोरारि गड़ बिदुंआ 25″ चेन्टिग्रेडनिफ्राय 27″ चेन्तिग्रेद, बे बादि ओनसोलाव अराय सोमखोर लाइफां रज यो ।
(ii) अराय सोमखोर अरनबारिया सरासनस्रायै गोजौ बिफां- लाइफांनि जथाइ । बेबादि गांसोफोरा रोजा हाग्रामा सोमजि होयो ।
(iii) अराय सोमखोर लाइफांफोरा 45 मिटार हालागै गोजौ जायो । गोजौ बिफांफोरनि अनगायैबो रायदों, औवा, दिंखिया आरो बेन्दों हारि गाहाइ लाइफांबो नुनो मोनो ।
(iv) बोसोरनि गासै बोथोरावनो बेफोर लाइफांनि बिलाइया सिरिया ।
(v) अराय सोमखोर लाइफांखौ सरासनस्रायै सोनाघाट हाजोमानि सोनाब हायदाब सरख्लाय अरुणाचल हिमालयनि गाहाइ बाहागो गोजौ आसाम, मणिपुर आरो मिज ‘रामनि हाजो ओनसोल आरो आन्दामान-निकबर दीप हानजायाव नुयो ।
16. भारतनि हाजोमायारि लाइफांनि आखुथाइ लिर ।
फिन:- जौथाइ आरो हाजो हाजोमानि सेवला बादियै अखा, बिंदु आरो हानि गुननि सोलाय सोल’ जायो । बेखायनो हाजो ओनसोलनि गुबुन गुबुन जौथाइयाव गुबुन गुबुन रोखोमनि लाइफां नुनो मोनो । भारतनि हिमालय ओनसोलावबो जौथाइ लायै जौथाइ गुबुन गुबुन हारिनि लाइफां मोननाय जायो । बे लाइफांनि आखुथाइफोरा जाबाय–
(i) जायफोर ओनसोला गड़ै 1,000 मिटार जौथाइनि गाहाय हाजोमा लारिया रोजा मौसुमीयारी अरनजों साग्लोबजानाय बेफोर ओनसोलाव साल दंफांजों लोगोसे गोबां माखासे बेसेन गोसा दांफांफोरखौ नुनो मोनो ।
(ii) जायाफोर ओनसोला 1,000 मिटारनिफ्राय 2,000 मिटार, जौथाइ बे- बादि ओनसोलाव गुवार बिलाइ गोनां उक आरो सरल हारिनि अराय सोमखोर लाइफां मोननाय जायो ।
(iii) 1,600 मिटारनिफ्राय 3,000 मिटार जौथाइनि अरनबारि दङा । बे रोखोम लाइफांखौ काश्मीर, हिमाचल प्रदेश, उत्तरान्चल, दार्जिलिं आरो चिकिम हिमालय ओनसोलाव देवदारुनिफ्राय लानानै गुबुन रोखोमनि सरल बिफांनि अरनबारि दं ।
(iv) 3000 मिटारनिख्रुय जौसिन हाजोआरि ओनसोलाव आल्पाइन लाइफांखौल’ मोनो ।
17. भारतनि आथिखालनि सुबुं अनजिमाया बेसेबां ? बेनि रोजोबथिया बेसेबां ?
फिन:- भारतनि आथिखालनि सुबुं अनजिमाया सा 1,21,01,93,422 । बेनि रोजोबथिया जाबाय मोनफ्रोम किल ‘मिटाराव 382 सा ।
18. सुबुं दावबायखननाया मोन बेसेबां रोखोमनि आरो मा मा ?
फिन:- सुबुं दावबारखननाया मोननै रोखोमनि ।
(i) सिङावनि दावबायखननाय ।
(ii) बायजोआरि दावबायखननाय ।
सिङावनि दावबायखननायखौ आरोबाव मोननै बाहागोआव रानबावदों–
(i) हादर सिङावनि दावबायखननाय ।
(ii) हादरसा सिङावनि दावबायखननाय ।
19. भारतनि रांखान्थिनि गाहाइ आखुथाइफोरखौ लिर।
फिन:- भारतनि रांखान्थिनि गाहाइ आखु थाइफोरा जाबाय―
(i) गाहाय सुबुं सानखो आय ।
(ii) सुबुं सानखो आयनि लासै बांनाय ।
(iii) बांद्राय सुबुं अनजिमानि गोहोम ।
(iv) निखाउरि गैजा रोङि ।
(v) आबाद सोनारनाय ।
(vi) बांद्राय खामानि गैयि जेंना ।
(vii) सानथांखिनि सायाव सोनारना जौगाखांनाय।
20. भारतनि मिरुजों खुंजानाय ओनसोलफोरा मा मा ?
फिन:- भारतनि मिरुर्जी खुंजानाय ओनसोलाफोरा जाबाय-
(1) आन्दामान आरो निर्क’ बर दीपगोबां ।
(2) चन्दीगड़ ।
(3) दिल्ली ।
(4) दद्रा आरो नगर हाभेली ।
(5) दमन आरो दिउ ।
(6) लाक्षादीय ।
(7) पण्डिचेरी ।
आथिखालाव दिल्लीखी हादरारि राज भावनि महरैबो आलादा मान होनाय जादों ।
21. भारतनि आथिखालाव हादरसाफोर गं बेसे?
फिन :- गं 29 ।
22. भारतबर्षनि बावसो दाजानाय हादरसाया मा ?
फिन:- टेलेंगाना ।
उफेरा सोंथि
1. बुहुमनिसा दुलुरखायआव थानाय हादरनि मुङा मा ?
फिन:- भारत ।
2. भारतआ बचे हादस्मानि सिङाव ?
फिन:- एचिया ।
3. बुहुमनि देरसिन हादरमानि मुङा मा ?
फिन:- एछिया ।
4. भारतवर्षआ एछिया हादरमांनि बबे बाहागोआव दङ ?
फिन:- खोला बाहागो ।
5. भारत हादरनि सि सोरगिदिं सिमाखौ लिर ।
फिन:- साहा हिमालय, हाजोमालारि आरो चीन हादर, खोलाहा भारत लैथोमा आरो श्रीलंका, सानजाहा बंग लैथो आरो म्यानमार आरो सोनाबहा आरब लैथो आरो पाकिस्तान ।
6. भारत हादरा बबे द्राघिमा हांखोनि गेजेराव दं ।
फिन:- भारत हादरा 8°4/28/“ साहानिफ्राय 37°17/53“ सा अक्ष हांखो आरो 68°7/33“ सानजानिफ्राय 97°24/47“ सानजा द्राधिमा हांखोनि गेजेराव दङ ।
7. भारतनि गेजेरजों बारलांनाय अक्ष हांखोआ मा ?
फिन:- 23 1/2 सा –अक्षफान हांखोआ भारतनि गेजेरजों बारलांदों ।
8. भारतनि हा बाहागोआ माबोरै गोसारना दङ ।
फिन:- भारतनि हा बाहागोआ सा खोलायै 3,214 कि.मि. फ्राम आरो सानजा सोनाबै 2.933 कि.मि. फ्रामहालागै गोसारना दं ।
9. भारतनि हासायारि सिमा हांखोनि लाउथाया बेसेबां ?
फिन:- 15,200 कि.मि. ।
10. बुहुमनि हादरफोरनि गेजेराव भारतनि थावनिया बेसेबां ?
फिन:- स्निथि ।
11. भारतनि हा दब्लायथिया बेसेबां ?
फिन:- 3,287,263 वर्ग कि.मि. ।
12. भारतआ बुहुमनि हा दब्लायथिनि बेसेबां आवग्रिना दं ?
फिन:- 2.4 जौखोन्दो ।
13. भारतनि हा दब्लाइथिनि बेसेबां बाहागो हाजोमाजों आरो बेसेबां बाहागो जौयेनजों आवग्रिना दं ?
फिन:- हाजोमानि दब्लाइथि – 10.7 जौखोन्दो ।
हायेननि दल्लाइथि – 18.6 जौखोन्दो ।
14. हिमालय हाजोमा ओनसोलाव मा मा नुनो मोनो ?
फिन:- हिमालय हाजोगा ओनसोलाव जोबोद गोजी हांजो थिखिनि, बरफानि दैमा, थिया हाजो खंखर, दै बाज्रुम बायदि नुनो मोनो ।
15. खोला भारतनि मोनद’ हाजोमासारिनि मुं लिर ।
फिन:- आराबली, बिन्ध, सातपुरा, महादेव, महाकाल, सानजाघाट, सोनाव बायदि।
16. ‘सिन्धु-गंगा बुर्लुबुथुर हायेन ओनसोल’ बुंब्ला मा बुजियो ?
फिन:- सा भारताव हिमालयन हाजोमा ओनसोलनिफ्राय बोबोनाय देगा दैसाफोरजों गुवार फैलाव हायेन ओनसोलनि जोनोम जादों । गाहायै सिन्धु गंगा बुरर्लुबुथुर दैमा आरो बेसोरनि गोबां दालाइ दैसाफोरा सोमजिहोनाय फुलुं गोनां गुवार हायेन ओनसोलखी सिन्धु-गंगा बुर्लुबुथुर हायेन ओनसोल बुंनाय जायो ।
17. भारताव थानाय मोनद’ बिलोमानि मुं लिर ।
फिन:- उलार, पुस्कर, सस्बर, चिल्का, कलार आरो पलिकट ।
18. लकटक बिलोमाया बबेयाव दङ ?
फिन:- मणिपुरआव ।
19. दैमा दैसानि बिमा होनना बबे हादरखौ बुङो ?
फिन:- भारत हादरखौ ।
20. खोला भारतनि गाहाइ दैमाफोरनि में लिर ।
फिन:- नर्मदा, ताप्ती, महानदी, गोदावरी, कृष्णा आरो काबेरी ।
21. हिमालय हाजोमाया मा मा हादराव गोसारना दं ?
फिन:- भारत, नेपाल, भुटान आरो चीन हादर ।
22. भारताव हिमालय हाजोमाया बबेनिफ्राय बबेसिम गोसारना दं ?
फिन:- काश्मीरनि नडग हाजोमानिफ्राय अरुणाचल प्रदेश हादरसानि सानजा सिमहालागै गोसारना दं ।
23. हिमालय हाजोमाया बेसेबां आवग्रिना दं ?
फिन:- 2.500 कि.मि. गोलाउफ्राम आरो 240कि.मि.निफ्राय 500 कि.मि. फ्राम गुवार आवग्रिना दें ।
24. हिमालय हाजोमानि हा-दब्लाइथिया बेसेबां ?
फिन:- 5,00,000 वर्ग कि.मि.।
25. हिमालय हाजोमानि जौथाइया बेसेबां ?
फिन:- लैथो थालानिफ्राय 8,000 मिटारनिबो बारा ।
26. हिमालय हाजोमाया मा मुगायाव सोमजिखांनाय ?
फिन:- हिमालय हाजोमाया थामथि मुगायाव सोमजिखांदोमोन ।
27. हिमालय हाजोमाया मा लौथोनिफ्राय सोमजिनाय ?
फिन:- तेथिछ लैथोनिफ्राय सोमजिदों ।
28. हिमालय हाजोमाया मा अन्थाइजों दाजानाय ?
फिन:- हिमालय हाजोमाया थामथि मुगानि गोरलैयै खुरखाजानाय गोरलै अन्थाइफोरजों दाजानाय ।
29. सिन्धु-गंगा हायेन ओनसोलनि अरथाइया बेसेबां ?
फिन:- 240 कि.मि. निफ्राय 320 कि.मि. ।
30. सा भारतनि गोसा हायेनफोरा मा मा ?
फिन:- सा भारतनि हायेनफोरा जाबाय:
1. सोनाब हायेन ।
2. पान्जाब हारियाना हायेन ।
3. गंगा हायेन ।
4. सा बंग हायेन ।
5. बुर्लुबुथुर हायेन ।
31. पान्जाब हारियाना हायेना मा मा जों दाजादों ?
फिन:- शुटलज, बिपाशा आरो राबि दैमाजों पान्जाब हारियाना हायेना दाजादों ।
32. हिमालय ओनसोलनिफ्राय ओंखारनाय दैमाया मा मा ?
फिन:- सिन्दु, गंगा आरो बुर्लुबुथुर ।
33. सिन्दु दैमानि दालाइ दैसाया मा मा ?
फिन:- शुटलेज, बिपाशा आरो रबि ।
34. गंगा दैमाया बबे बरफ दैमानिफ्राय ओंखारदों ?
फिन:- गंगोत्रि मुंति बरफ वैमानिफ्राय गंगा दैमाया ओंखारदों ।
35. चीन हादरनि तिब्तत जौयेनाव थानाय बरफ दाखानि मुङा मा ?
फिन:- चेमा – युंदुं ।
36. खोला सेरफांनिफ्राय बुर्लुबुथुराव नांफैनाय दालाइ दैसाफोरा मा मा ?
फिन:- खोला सेरफांनि गाहाइ दालाइ दैसाफोरा जाबाय बुरी दिहिं, दिचां दिखौ, धनस्रि, कपिली आरो कृष्णाई ।
37. गोजाम गोरा अन्थाइजों दाजानाय ओनसोला मा ?
फिन:- खोला जौयेन ओनसोल ।
38. काम्बे लैथोसायाव गोग्लैहैनाय मोननै दैमानि में लिर ।
फिन:- नर्मदा आरो ताप्ती ।
39. बोरिमा ओनसोला बबेयाव दं ?
फिन:- खोला जौयेन ओनसोलनि सानजा आरो सोनाव सिमायाव बंग लैथोनि सेर सेर भारतनि बोरिमा ओनसोला दं ।
40. भारतारि दीपआ बेसेबां बाहागोनि आरो मा मा ?
फिन:- मोननै बाहागोनि आरो बेफोर (i) लाक्षादीप आरो (ii) आन्दामान निकबर दीपहानजा ।
41. आन्दामान निकबर दीप हानजाया बेसेबां दीपफोरनि जथाइजों दाजानाय ?
फिन:- आन्दामान ओनसोलनि मोन 204 आरो निकबर ओनसोलनि मोन 11 फिसा गेदेर दीपफोरखौ लानानै गासै 215 दीपफोरनि जथाइजों दाजानाय ।
42. मनग्र ‘भआ मा ?
फिन:- मनग्र ‘भआ जाबाय कच्छ लैथोसानि बोरिमा ओनसोलाव गंगा- बुर्लुबुथुरनि ब-दीप ओनसोलाव थामहिनबा सुन्दरबनाव आरो महानदी, गोदाबरी, कृष्णा, काबेरि, दैमानि ब-दीप ओनसोलाव मोननाय रोखोमसे लाइफां ।
43. बुहुमदांखा ब-दीपनि मुङा मा ?
फिन:- सुन्दरबन ।
44. भारताव बुहुमनि सुबुं अनजिमानि बेसेबां जौखोन्दो थायो ?
फिन:- 17.5 जौखोन्दोफ्राम ।
45. भारतनि बबे रायजोआव बांसिन आरो बबेयाव खमसिन सुबुं अनजिमा दं ?
फिन:- उत्तर प्रदेशआव बांसिन आरो लाक्षादीप ओनसोलाव खमसिन सुबुं अनजिमा दङ ।
46. सुबुं दावबायखननाय बुंब्ला मा बुजियो ?
फिन:- मानसिफोरा जुगामियै एबा जुगामि नङालासै थाग्राखुलि सोलायना मोनसे जायगानिफ्राय गुबुन मोनसे जायगासिम दावबायलांनायखौनो सुबुं दाववायखननाय बुंनाय जायो ।
47. बांद्राय सुबुं अनजिमा बांनायाव सोमजिनाय मोनथाम जेंना मख’।
फिन:- आदार, सि जोम आरो थाग्राखुलि, खामानि गैयि ।
48. मिथिंगायारि आबहावानि गोनांथार जिउआरि बाहागोआ मा ?
फिन:- मानसि ।
49. सुबुं सानखो आय बुंब्ला मा बुजियो ?
फिन:- गासै हादरारि आयखौ गासै सुबुं अनजिमाजों राननायखौनो सुबुं सानखो आय बुंनाय जायो ।
50. भारतनि सेथि बा-बोसोरारि सानथांखिया जागायनाय ?
फिन:- 1951 मायथाइयाब सेथि बा बोसोरारि बिथांखिया जागायो ।
51. भारतनि बोथोरनि बागै बेखेवसारनानै लिर ।
फिन:- बिंदु, अखा, बारनि नारथाइ, बार आरो सिदोमा बोथोरनि जाहोग्रानि धोरोम आरो लैखोनफोरा बोसोरनि गासैबो समावनो एखे थाया । बेफोरनि मान एबा बिबाङा बोसोरनि गुबुन गुबुन समाव गुबुन जानाय नुनो मोनो । बे फारागथिनि थाखायनो बोसोराव माखासे बोथोर नुनो मोनो । भारताव बोसोराव मोनब्रै रोखोम बोथोर नुयो (i) गोजां बोथोर (ii) आगु दैज्लां (iii) दैज्लां (iv) आगु गोजां बोथोर ।
आगु गोजां बोथोराव अखानि बिबाङा खमिनो हमो आरो गोजां बोथोरा जागायजेनो । गोजां बोथोराव अखाया खम जाखायो आरो बांद्राय गुसु मोनदांनो हमो । आगु दैज्लां बोथोराव बिंदु आरो अखा मोननैबो फारियै बांनो हमो । गुबुनफारसे, दैज्लां बोथोराव मौसुमी बारनि गोहोमाव बारा अखा हायो आरो बिदुआबो बांलाङो । अदेबानि अखा बारा हानायनि थाखाय दैज्लां बोथोराव बिदुंआ एसे बिबांनि खम जायो । भारतारि बोथोर बिगियान फसंथाननि बादियै दैज्लां बोथोरा जुन दाननिफ्राय सेप्तेम्बर दानसिम, आगु गोजां बोथोरा अक्टबर दाननिफ्राय दिसेम्बर दाननि गेजेरसिम गोजां बोथोरा दिसेम्बरनि गेजेरनिफ्राय मार्स दाननि गेजेरसिमहालागै आरो आगु दैज्लां बोथोरा मार्सनि गेजेर बाहागोनिफ्राय मे दानसिम हमनाय जायो।
52. हिमालय हाजो सोमजिनायनि फोथायथिखौ बेखेवना लिर ।
फिन:- हिमालय हाजोमा लारिया थामथि मुगायाव सोमजिखांदोमोन होनना हा बिगियानगिरिफोरा आन्दास खालामदों । आथिखालाव हिमालय हाजोमा थाखोआ जाय ओनसोलखौ आवग्रिनादं गोबां निजुत बोसोरनि आगोलाव बै ओनसोलाव मोनसे लैथो दंमोन । बे लैथोनि मुङा जादों तेथिछ लैथो ।
बे तेथिछ लैथोनि साहा आरो खोलाहा फारसे मोननै गोजाम हा खोन्दो दंमोन । साहानि हा खोन्दोखौ ” आंगारालेण्ड” आरो खोलाहानि हा खोन्दोखौ “गाण्डोवानालेण्ड” होनना मिथिनाय जायो । बे मोनने हा खोन्दोनिफ्राय खुरखाजानाय गोदि आरिफोरा तेथिस लैथोनि थालायाव जमा जादोंमोन ।
समजों लोगोसे गिलिर जाबोनाय जाबोर मैलाफोरनि नारसिननायाव तेथिस लैथोनि साहा आरो खोलाहा थानाय हा खोन्दो मोननैया फारियै खाथियाव दावथ्रोदबोयो । थामहिनबा साहानि हा खोन्दोआ खोलाहा आरो खोलाहानि हा खोन्दोआ साहाफारसे दोरोदलांनो हमो । बेबादि दोरोद लांनायनि जाउनाव गेजेर तेथिस लैथोआवजमा जानाय गोदि जाबोर-जोथोरनि गोदिफोरा नारसिनजानानै गोजौफारसे जौखांबोयो आरो उनाव गोरा जानानै हाजोनि महर लायो । बे फारिखान्थिजों हिमालय हाजोमालारिया सोमजिखांदों होनना फोथायनाय जायो ।
53. दावबायखननायनि मोनद’ गोहोम लिर:
फिन:- (i) दावबायखननायनि जाउनाव हादरनि रांखान्थियारि धोरोम आरो रावनि फारागथि बांदों आरो जाउनाव गोबां रोखोमनि हारिमु सोमजिखांदों ।
(ii) दावबायखननायनि जाउनाव हादरनि रांखान्थियारि खोन्दोआव सोलायनाय जादों आरो बेफोर फालांगियाव गोसारदों ।
(iii) दावबायखननाय हादरनि एबा बेनि गोबां ओनसोलनि सुबुं दाथाइखौ सोलायहोदों । दावबायखननायनि जाउनाव सुबुं अनजिमा बांनाय, रोजोबथि, सोलोंथाइ गोनां सुबुं गोरों गोरानि हारा सोलायदों ।
(iv) दावबायखनफैनायनि जाउनाव माब्लाबा समाजारि आरो राजखान्थियारि जेंना जाहोनो हागौ ।
(v) दावबायखफैग्राफोरा गोदान जायगा आरो समाजाव माब्लाबा गोरोबनो हायआव गोसोआरि नारसिनथाइयाव गोग्लैयो ।
(vi) दावबायखननायनि जाउनाव हादरनि एबा हादरसाफोरनि राजखान्थियारि थासारिनि लामाफोरा सोलायनायनि फारसे आवगायलांदों ।
54. भारतारि रांखान्थियाव आबाद खोन्दोनि गोनांथिखौ लिर ।
फिन:- भारतारि रांखान्थियाव आबाद खोन्दोनि गोनांथिया सिमा गैयै आरो बेनि जाहोनफोरा फारियै गाहायनि बायदि:
(i) हादरनि सरासनस्रा सुबुंफोरा आदार बुथुमनायनि जुनै आबाद खोन्दोनि सायावनो सोनारनो गोनां जायो ।
(ii) हादरनि खामानि मावनो हाम्रा मानसिफोरनि 60 जौखोन्दोनिख्रुइ बांसिन मानसिफोरा आबादारि खोन्दोआव नांथाबना दङ ।
(iii) हादरारि आयनि बांसिन बाहागोआनो आबाद खोन्दोआनो जगायदों ।
(iv) आबादनिफ्राय मोननाय गोथां मुवानि सायाव सोनारना हादराव गोबां दारिमिन सोमजिखांदों आरो बेजों लोगोसे आबादारि खमानियाव बाहायनाय हाथियार आरो आइजें-आइला बानायनो थाखायनो गोबां दारिमिन सोमजिखांदों ।
55. भारतारि रांखान्थियाव दारिमिन खोन्दोनि गोनांथिफोरखौ लिर ।
फिन:- (i) उदांस्रिनि उननिफ्राय हादरनि रांखान्थियाव दारिमिन खोन्दोनि बिहोमाया फारियै बांबोनो हमदों । थांनाय 2009-10 मायथाइयाव भारतबर्षनि नखरारि दिहुनजानाय मुवानि 28 जौखोन्दो दारिमिन खोन्दोआनो बाहायदों। उदांस्रिनि समाव दारिमिन खोन्दोनि बे बिहोमाया जादोंमोन 14 जौखोन्दोल’ । दारिमिननि अनजिमा आरो दिहुनथाइ बांनायानो बे जौगाखांनायनि गुबै जाहोन ।
(ii) भारतबर्षबादि खामानि गैयिनि जेंनाजों बुंफबनाय हादर गंसेनि थाखाय दारिमिन खोन्दोनि बिहोमा सिमा गैयि । दारिमिन खोन्दोआनो हादरनि गोबां अनजिमानि मानसिफोरखौ खामानियाव सोना होनो हादों। दासिमहालागै हादरनि फिसा गेदेर दारिमिनफोराव 4 कौटि 30 लाख फ्राम मानसिफोरा खामानि मावना दङ ।
(iii) इसिंदाथायारि खाबुफोरनि जौगानाया हादरनि रांखान्थियारि जौगानायनि थाखाय एंगार हायि । बे बेलायाव दारिमिन खोन्दोआनो हादरनि इसिंदा थाइयारि खाबुफोरनि जौगानायाव जुनिया बिहोमा जगायदों ।
(iv) हादरनि सुबुं अनजिमा बांनाय लोगो लोगो सानफ्रोमबो बाहायनायनि थाखाय गोनां जानाय बाहायजानाय मुवाफोरनि बेसेनाबो बांलांनो हमदों । दारिमिनारि जौगाखांनाया बै मुवाफोरखौ बानायनायाव हेफाज़ाब होदों । आथिखालाव हाथायाव जों आदार, सि- जोम, आइजें-आइलाफोरनिफ्राय लानानै बायदि रोखोमनि बाहायजानाय मुवा मोननो हादों खालि दारिमिनारि खालामनायनि गेजेरजोंसो ।
| SL No. | CONTENTS |
| Unit – 1 | जारिमिन |
| Chapter – 1 | भारतबर्ष हादराव इउर’पियानफोरनि हाबफैनाय |
| Chapter – 2 | भारतारि माहारियारि सानस्रि बेरखांनाय |
| Chapter – 3 | मवामरीया सुबुं बिग्रायखांनाय |
| Chapter – 4 | माननि आसाम गाग्लोबनाय |
| Chapter – 5 | आसामाव बृटिस खुंथाइनि जागायनाय |
| Unit – 2 | भुमरखौरां |
| Chapter – 1 | बुहुम बिखुंनि सोलायनाय |
| Chapter – 2 | बारमण्डल |
| Chapter – 3 | भारतबर्षनि भुमरखौरां |
| Chapter – 4 | आसामनि भुमरखौरां |
| Unit – 3 | राजखान्थि |
| Chapter – 1 | भारतनि राजखान्थियारि हान्जा |
| Chapter – 2 | सोरखारनि बाहागो राननाय |
| Unit – 4 | रांखान्थि बिगियान |
| Chapter – 1 | रांखान्थिनि गुदि आयदाफोर |
| Chapter – 2 | गुबै रांखान्थियारि जेंनाफोर |
Notes of Class 9 Social Science in Bodo Medium | Bodomedium Class 9 Social notes इस पोस्ट में हम आपको ये समझा ने कि कोशिश की है की Bodo Medium 9th class Social Science Question answer | Class 9 Social Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।