Bodo Medium Class 9 Social Science Chapter 4 माननि आसाम गाग्लोबनाय Question Answer. Class 9 Social Science Question Answer in Bodo to each Chapter is provided in the list of SCERT, NCERT, SEBA सामाज बिगियान Class 9 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें. Class 9th Social Science Chapter 4 Burmese Invasion of Assam Question Answer Class 9 Bodo Medium Social Science Chapter 4 Questions Answer. SEBA Bodo Medium Class 9 Social Science Chapter 4 माननि आसाम गाग्लोबनाय Notes covers all the exercise questions in NCERT, SCERT.
Class 9 Social Science Chapter 4 माननि आसाम गाग्लोबनाय
बोडो मीडियम कक्षा 9 सामाज बिगियान खोन्दो 3 माननि आसाम गाग्लोबनाय Question Answer | Burmese Invasion of Assam | इस पोस्ट में हम आपको ये समझा ने कि कोशिश की है की कक्षा 9 बोडो मीडियम सामाज बिगियान खोन्दो 3 Burmese Invasion of Assam Question Answer. अगर आप एक सात्र या शिक्षाक हो बोडो मीडियम की, तो आपके लिए ये बोडो मीडियम कक्षा 9 सामाज बिगियान खोन्दो 4 Question Answer बोहत लाभदायक हो सकता है। कक्षा 9 सामाज बिगियान खोन्दो 4 मे आप अपना ध्यान लगाके पढ़ कर इस कक्षा 9 सामाज बिगियान में अछि Mark ला सकते हो अपनी आनेवाली परीक्षा में।
खोन्दो 4 माननि आसाम गाग्लोबनाय
Chapter 4 Burmese Invasion of Assam
आयदानि सोंथि फिननाय
सुंद’ फिननायनि सोंलु
1. 1784 मायथांइयाव मान राजा बदौपायनि आमोलाव मानफोरा मबे दरखौ जै खालामदोंमोन?
फिन:- मानफोरा आराकान हादरखौ जै खालामदोंमोन।
2. मान आरो बृटिसनि गेजेराव माब्लानिफ्राय सुथुर जालायदोंमोन?
फिन:- मान।
3. माननि उदखाराव थानो हायैनि श्रीहतुआव खारखुमा लांनाय समाव कासारनि राजानि मुङा मामोन?
फिन:- ग ‘बिन्द सिंह।
4. मबे दावहायाव आह ‘मनि जेनायनि रादाब मोनानै पुर्नानन्द बुढ़ाग ‘हाइया थैदोंमोन?
फिन:- घिलाधारीनि दावहायाव जेनायनि रादाब मोनानै पुर्नानन्द बुढ़ागहाइया थैदोंमोन।
5. बैशाली हुकुं आ मा?
फिन:- बदननि लोगोआव मान सान्थ्रिजों फैनाय लिपिकाश लिरनाय मोनसे लिरबीदां।
6. बदन चन्द्रजों मान फाइखि फैनायाव आसामनि गाहाइ मन्त्रिया सोरमोन?
फिन:- पुर्नानन्द बुढ़ागहाइ।
8. बदनचन्द्रआ बेसेबां मान फाइख लोगोआव लाबोदोंमोन?
फिन:- 8000 मान फाइखि लाबोदोंमोन।
9. बदनचन्द्रआ आसामाव हाबनानै बेसेबां उफेरा फाइखि जथाइदोंमोन?
फिन:- 16,000 फाइखि जथाइदोंमोन।
10. बदनचन्द्रखौ चन्द्रकान्त सिंहआ मा बिमुजों गाहाइमन्त्रि फाथिदोंमोन?
फिन:- बरफुकन बिमुंजों गाहाइमन्थ्रि फाथिदोंमोन।
11. मानसि गाग्लोबनाया मा मा मायथाइयाव जादोंमोन?
फिन:- गिबि गाग्लोबनाय ― 1817 मायथाइयाव।
नैथि गाग्लोबनाय ― 1819 मायथाइयाव।
थामथि गाग्लोबनाय ― 1821 मायथाइयाव।
12. मबे मायथाइयाव बदन चन्द्रखौ बुथारनाय जादोंमोन?
फिन:- 1819 मायथाइयाव।
गेबें फिन्नायखौ सायख ‘नानै दिहुनः
1. 1816/1817/1819 मायथाइयाव मानफोरा आसामनि इसिङारि राजखान्थियाव आखाइ होदोंमोन।
फिन:- 1817 मायथाइयाव मानफोरा आसामनि इसिङारि राजखान्थियाव आखाइ होदोंमोन।
2. जगन्नाथ ढेकियाल फुकन/बदन चन्द्र बरफुकन/ चन्द्रकान्त बुढ़ाग ‘हाइ रुचिनाथ बुढ़ारा ‘हाइनि फंबायमोन?
फिन:- जगन्नाथ ढेकियाल फुकनआ बुढ़ग ‘हाइ रुचिनाथ बुढ़ाग ‘हाइनि फंबायमोन।
3. बदनचन्द्रनि बुथारनाय जाथाइया जादोंमोन 1816/1817/1818 मायथाइनि आगष्ट दानाव।
फिन:- बदनचन्द्रनि बुथारनाय जाथाइया जादोंमोन 1818 मायथाइनि आगष्ट दानाव।
4. राजमाव नुमली चन्द्रकान्त सिंह / पुर्नानन्द बुढ़ागहाइ ब्रजनाथ गहाइनि बिमामोन।
फिन:- राजमाव नुमलीआ ब्रजनाथ ग ‘हाइनि
बिमामोन।
5. याण्डाबु गोरोबथा 1826/1828/1824 मायथाइनि फेब्रुवारि खालाराव सागन खालामनाय जादोंमोन।
फिन:- याण्डाबु गोरोबथाखौ 1826 मायथाइनि 24 फेब्रुवारि खालाराव सागन खालामनाय जादोंमोन।
6. मनिपुर आरो आराकानाव माननि राज्यो फेहेरनायनि सोमोन्दै सावराय।
फिन:- मानफोरा बुरलुंबुथुर हायेन आरो कासारावल’ गावसोरनि गोहोखौ फेहेरनानै दलर थायाखैमोन। बिसोरो मनिपुरावबो राजनखरनि नख ‘र दावहानि खाबु लानानै बिदा–फंबाइनि साथाम गेजेराव सुरजित सिंह आरो गम्भीर सिंहखौ होखारनानै मार्जित सिंहखौ राजा फाथिनानै मनिपुरखौ माननि आथिंसिंनि रायजो खालामना दोनदोंमोन।
मनिपुरनिफ्रायनो मानफोरा कासाराव हाबदोंमोन आरो लासै लासै ब्रिटिस रायज्योनि सिमासिम आवगायलांदोंमोन। बेनिखायनो 1824 खृष्टाब्दनि जागायजेन्नायावनो बृटिस सोरखारनि गाव राज्योनि रैखाथिनि सार्थआव बुरलुंबुथुर सेरफाङिव मनिपुर आरो कासारनिफ्राय मानफोरखौ होखारनो थिरांथा लादोंमोन।
बदन बरफुकनआ कलिकतायाव थानाय ब्रह्मदेशनि थान्दैखौ लोगो हमबाय। बृटिसनिफ्राय मददनि जेबो मिजिं गैयैलाय बदना थान्दैजों ब्रह्मदेशनि अपरापुरसिम थांनानै मान राजाखौ लोगो हमबाय। मान राजा आलं पायारनि समनिफ्रायनो ब्रह्मदेशआ रायजो फेहेरनो गोबां नाजाथाबदोंमोन।
ब्रह्मदेशआ आराकान दखल खालामनानै लासै लासै मनिपुरनि सायाव गोबां खेब गाग्लोबदोंमोन। मान राजानि, बदौपायानि आमोलाव मान फाइखिफोरा आराकान दखल खालामनाय लोगो लोगो मान फाइखिया मारागुइ द्वीप हानजानिफ्राय चटुग्राम बन्दरसिम दुलाराय बंगप सागरनि सेरसिम गाहाइ राजखान्थि गोहोआव महर मोनो।
ब्रेजि रोजासो आराकानी सुबुङा ब्रह्मदेशनि इनाय खुंथाय आरो सोबख ‘नायाव सहायनो हायैनि इंराजनि दखलाव थानाय बंगदेशआव बादा लादोंमोन। बे अनसुंथाइ बादानि सुबुंफोरखौ ब्रह्म राजा बदौपाया थिनहरफिनो थाखाय इंराज सोरखारखौ नारसिनदोंमोन। नाथाय बृटिस सोरखारा राजि जायैयाव अनसुंथाइ बादानि सुबुंखौ लानानै मान आरो इंराजनि गेजेराव बेरेखा नुजाथिदोंमोन।
7. माननि आसाम गाग्लोबनायनि जाहोनफोरखौ सावराय।
फिन:- आसामनि जारिमिनाव माननि गाग्लोबनाया मोनसे मख ‘जाथाव जाथाय। आसामनि थाखाय बे गाग्लोबनाया गोबां दाजाबथायारि आरो दानख ‘थायारि बिथिं दं। माननि आसाम गाग्लोबनायनि लोगोआव रायजो गोसारहोनाय हाबिलासाबो सिथाबना दंफायोमोन। मनिपुरनि आरो आराकाननि सायाव गावनि राज्यो गोसारहोनाय हाबाफारिनि जाउन महरै ब्रह्महादनि राजाया जोबनायाव आसाम गाग्लोबनानै बेनि सायावबो राजखान्थियारि गोहोमथाइ गायसन दोंमोन।
जिदाइन जौथाइनि नै-खावसे बाहागोआव ब्रह्म हादरनि राजाया सोनाब दिगथिं राज्यो गोसार होनायनि लामा लादोंमोन। इंराजा बंगदेशआव पलाशी दावहा जै खालामनायनि बोसोरनैसोनि सिगां ब्रह्महादरनि राजा आलिंपाया मनिपुराव मोनसे फाइखि हान्जा दैथायहरदोंमोन।
बिथाङा मनिपुरनि हेंथायै नैथि फाइखि हान्जा हरबावदोंमोन 1759 मायथाइनि जोबनाय फारसे। बिथांखौ उनसंनानै कर्बि छिंबुछिम मुंनि मान राजानि आमोलाव 1765 मायथाइयाव मान फाइखिया फिन मनिपुर गाग्लोबनानै गोबां हाजार मनिपुरी मानसिफोरखौ ब्रह्मदेश सिम लाना थांनायजों लोगोसे मनिपुरनि राजा जयसिंहखौ हादरनिफ्राय होखारदोंमोन। बेनि उनावबो मान सान्थिफोरा गले गले मनिपुर गाग्लोबनाने हादोरखौ लोरबां खालामदोंमोन। सम सम बिब्दियैनो 1782 मायथाइसिम मनिपुरनि सायाव मान फाइखिनि गाग्लोबनाया सोलिदोंमोन आरो 1798 मायथाइनिफ्रायसो गोजोनै थानो हादोंमोन।
1784 मायथाइयाव मान राजा बदौपायानि आमोलाव मान फाइखिफोरा आराकान दखल खालामनाय लोगो लोगो मान फाइखिया मारागुइ दीप हान्जानिफ्राय चटुग्राम बन्दरसिम दुलाराय बंगप सागरनि सेरसिम गाहाइ राजखान्थि गोहोआव महर मोनो। बे थासारिया मानफोरखौ बृटिसजों लोगोसे मुलुगनांआरि सिमाहांखोनि बाहागोआरियाव सोलाय होनायनि लोगोसे राजखान्थियारि बादायगिरियावबो सोलायहोयो।
अब्लानिफ्रायनो मोननैबो गोहोआ गावजों गाव सुथुर जालायनो हमो। आराकानाव थानो लानानै मान राजा जुनियायै बदौपाया आरो बिनि फिसौजो बागिदन्ननि राज्यो खुंनाय समाव बिसोरनि रायजो फेहेरनायनि खान्थिखौ मनिपुर आरो आसाम फारसे गोसारहोनो नाजायो।
1819-23 नि समाव बिसोरो मनिपुरनि सायाव राजखान्थियारि गोहोमथाइखौ गायसननानै मारजित सिं, गम्भीर सिं आरो सुरजित सिं मुंनि साथाम राजखुंगुरखा हादरनिफ्राय होखार हरो। बे राजखुंगुरफोरा कासारसिम खारखोमालाङो। बिसोरनि उदखाराव थानो हायैनि कासारनि राजा गबिन्द चन्द्रआ श्रीहत्तसिम खारखोमा थांनाने इंराजनि सेराव हेफाजाब बिहैयो। नाथाय इंराजफोरा बिथांखौ हेफाजाब होयैयाव बिथाङा मान राजानि हेफाजाव बिहैयो।
मानफोरा कासाराव गावसोरनि गोहोखौ गायसननायनि मिजिंआव 1823 मायथाइयाव ग ‘बिन्दचन्द्रनि मददाव मनिपुरनि राजखुंगुर गम्भीर सिंनि हेथायै दाङाबाजियाव हाबसोमो। मानफोरा आहम सान्थ्रिखौ फेजेननाने जरहाटखौ दखल खालामो। मान सान्थ्रिगाहाइ चन्द्रकान्त सिंहखौ गिदिंना फैफिननो बुंथायजादोंमोनब्लाबो चन्द्रकान्तआ गिदिंना फैफिनाखिसै। अदेबानि इंराजनि रायजोआवसो अक्षय लाहैयो।
8. माननि आसाम गाग्लोबनायनि फिथाइखौ बेखेवनानै दिन्थि।
फिन:- मान गाग्लोबनायनि थाखाय बांसिन नुनो मोनोदि बदन चन्द्र बरफुकनखौ दायनिगिरि खालामनाय जायो। बदन चन्द्रआ मानखौ हांख्रायनानै लाबोयामोनब्ला आसामाव माननि गाग्लोबनाय जानाय नङिमोन। सोरबा सोरबा लिरगिरिया बुंनो नागिरोदि बदनचन्द्रजों लोगोसे पुर्नानन्द बुढ़ाग ‘हाइयाबो दायनिगिरि। मानोना बदन चन्द्रआ पुर्नानन्दनि अनागिरि खुंथाइखौ फोजोबनो थाखायसो माननि मदद लादोंमोन। नाथाय नखरनि दाङावाजियाव आखाइ होनो सुथुरखौ लेंना लाबोनाय खामानिया खान्थिगोनां नङा।
माननि आसाम गाग्लोबनायनि फिथाइफोरा जाबायः
(1) माननि आसाम गाग्लोबनाया आसामाव आह ‘म खुंथाइनि द’जौ बोसोरनि खुंथाय थुंगिनायनि लामाखौ बेखेवना होदोंमोन।
(2) आह ‘म स्वर्गदेउफोरा अरायथा नाङाब्लाबो ब्रह्मदेशनि राजानि सिङाव थानांदोंमोन।
(3) आह ‘म राजाफोरा मुङावल’ राजा जानानै दंमोन। बिसोरनि आखाइयाव जाय फाइखि गोहोनि गोनांथि दंमोन गासिबो जोबस्रांबोदोंमोन। राजखान्थियारि लोरबांथि सोमजिदोंमोन। मासि मोननो थाखाय सोलिनाय इसिङारि ‘दाङावाजिया आह ‘म राजाखान्थिखौ लोरबां खालामदोंमोन। राहा-लामा गोथे जानानै चन्द्रकान्त सिंहआ बंगदेशनि बृटिस साम्राज्योआव खारखोमा लांदोंमोन। पुरन्दर सिंह आबो बृटिस राज्योआव बादा लानानै दंमोन। हादरनि गदेमाफोरा हादर रैखा खालामनायाव मदद खालामनो हायाखिसै। माननि गाग्लोबनाया आसामनि लोरबां खुंथाय राहाखौ गेरेब होसिनबाय।
(4) माननि गाग्लोबनाया आसामनि रांखान्थि राहाखौ थेरबेथेर खालामदोंमोन। दिहुनथाय मुवानि बिबाङा जोबोद बाङाय जालाङो। फालांगि बाङाय जायो। सदागर बेफार फालांगिफोरा बेफोरखौ बन्द खालामो। माननि गाग्लोबनायनि जाउनाव आसामनि समाजारि जिउआ थेरबेथेर जालाङो। गामिफोराव सुबुं अनजिमाया खमि लांदोंमोन। खायसे हादर नागारनानै उसुंसे राज्योआव बादा लाबाय। बेनि जाउनाव गामियारिफोरा लांदो जायो आरो आबाद मावनायाव हेंथा जायो। गोवां थावनिया हाग्रायाव महर मोनो।
बयनिखुइ गोसोहोनो गोनां आयदाया जाबाय इष्ट इण्डिया कम्पानिनि आखाइ होनाय। मानफोरा आसाम सेग्लाबनाय जाथाइया बृटिसफोरखौ आसामाव लाबोदोंमोन। मानफोरा आराकान, मनिपुर आरो कासार जै खालामदोंमोन आरो आसाम जै खालामनाय लोगो लोगो मानफोरा। बृटिसनि हेंथायै खर’ दैखाङो। आसाम आरो बेनि असुंसे ओन्सोलफोराव मानफोरनि थाथाइया बृटिसफोरनि गोहोनि फारसे हुमखि महर मोनदोंमोन। माननि दावगा ‘बोनायखौ होबथानायनि थाखाय 1824-1826 मायथाइयाव गिबि इण्ड-बार्मा दावहा जादोंमोन।
(5) बे इंग-बार्मा दावहाया थुंगियो याण्डाबु गोरोबथानि गेजेरजों। बे गोरबथानि उनाव मानफोरा आसाम नागारनो गोनां जायो आरो आसामआ आबुङै बृटिसनि आखाइयाव थाङो।
9. मबे बिग्रायनायखौ “पानीमुवा बिग्रायनाय” होनना बुंनाय जायो।
फिन:- पुर्नानन्दनि उदखार सासनखौ हादोरनि फोरजाफोरा मोजां मोनाखैमोन। जाउनाव बिथांखौ सासननिफ्राय बोख्लायनो सोलोखालामनाया सोलिगासिनो दंमोन। हादोरनि गोबां गेदेरगोलाव आरो बिबानगिरिफोरा कमलेश्वर सिंहनि राज्यो खुंनाय समाव बे बिग्रायनायखौ सोमजि होदोंमोन। पानीमुवा मुंनि सासे बिग्रायारिया बे बिग्रायनायखौ दैदेनदोंमोन। बेनिखायनो बे बिग्रायनाया पानीमुवा बिग्रायनाय महरै मिथिजायो।
10. 1817 मायथाइनि आसामाव मानफोरनि फाइखि गाग्लोबनायनि मोनै फिथाइखौ फोरमाय।
फिन:- (1) माना आसामनि इसिङारि राजखान्थियाव आखाइ होनाय समावबो हादरनि गाहाइमन्थ्रिया जादोंमोन पुर्नानन्द बुढ़ारा ‘हाइ। माननि बे आखाइहोनाया जादोंमोन जुनियायै गाहाइ मन्थ्रि पुर्नानन्द बुढ़गहाइनि अनागारि आरो गोगा आखुनि हेंथायै। बे जाथायनि थाखाय बदन चन्द्र बरफुकनखौ दायनिगिरि खालामनाय जायोब्लाबो गाहाइ दायनिगिरिया जादोंमोन राजमन्थ्रि पुर्नानन्द बुढ़ागहाइ।
(2) मानफोरनि 1817 खुष्टाब्दनि फाइखि गाग्लोबनायनि गाहाइ थांखिया जादोंमोन पुर्नानन्दनि अनागारिनिफ्राय बदन बरफुकन आरो स्वर्गदेउ चन्द्रकान्त सिंहखौ रैखा खालामनाय।
11. गिबि इंग-बार्मा दावहाया माब्ला जादोंमोन? बे दावहाया बबेयाव जादोंमोन?
फिन:- गिबि इंग-बर्मा दावहाया 1824 मायथाइनि 5 मार्स खालाराव जादोंमोन। बे दावहाया कासाराव जादोंमोन।
12. याण्डाबु गोरोबथानि मख ‘जाथाव फिथाइफोरखौ फोरमाय।
फिन:- याण्डाबु गोरोबथानि सख ‘जाथाव फिथाइफोरा जाबाय :
(1) बे गोरोबथानि गेजेरजों गिबि इंग बार्मा दावहाया थुंगिदोंमोन।
(2) याण्डाबु गोरोबथाया आसामाव माननि आमोलखौ थुंगिहोदोंमोन।
(3) याण्डाबु गोरोबथानि रादायफोरा बृटिसनि मोजां फारसे थांदोंमोन।
(4) बे गोरबथानि उनाव इष्ट इण्डिया कम्पानिया आसामाव खुंथाइनि बिबान आजावनानै बृटिस साम्राज्य जागायदोंमोन।
(5) बे गोरोबथानि सर्थ बादियै आसामा गावनि उदांस्रि खौ खोमानानै गुवुननि सिङाव सोलिनोगोनां जादोंमोन।
13. याण्डाबु गोरोबथानि गोथौथिनि सोमोन्दै लिर।
फिन:- आसामजों लोगोसे दुलाराय सा-सानजा ओन्सोलनि थाखाय याण्डाबु गोरोबथाया जोबोद गोसोहोनो गोनां राजखान्थि थांखिनि गोरोबथामोन। बे गोरोबथाया आसाम जारिमिननि दाहारखौ सोलायहोदोंमोन। बे गोरोबथानि सर्थफोरा बृटिसनि मोजां फारसे थांदोंमोन। माननि खुंथायखौ सिलिंखार खालामनानै बृटिस इष्ट इण्डिया कम्पानिया खुंथाइनि बिबान लायो। मख ‘नोगोनांदि बे गोरोबथानि आगोलनिफ्रायनो बुरलुंबुथुर सेरफाङाव मानफोरखौ होखारनायनि खाबु लानानै बृटिसआ गोहोखौ फेहेरदोंमोन।
सुंदयै लिर :
1. बदौपाया।
2. गम्भीर सिं।
3. गबिन्द चन्द्र।
4. दामान गरौ।
5. हाव बरा।
6. घिलाधारीनि दावहा।
7. ब्रमनाथ।
8. पुरन्दर सिंह।
9. लुक’ डेका फुकन।
10. आलुमिंगि।
11. दवनीया।
12. याण्डाबु गोरोबथा।
फिन:- (1) बदौपाया : बदौपाया ब्रह्महादरनि राजामोन। पुर्नानन्द बरगहाइ आरो बदन चन्द्र बरफुकननि गेजेराव बेरेखा गोसो दंलायोमोन। बेनिखायनो बदना पुर्नानन्दखौ साजाहोनो थाखाय गिबियाव इराजनि हेफाजाब बिदोंमोन। इंराजा बिखौ हेफाजाब हौयैयाव ब्रह्महादरनि राजानि हेफाजाब नागिरदोंमोन। आगोलनिफ्रायनो मान आरो इंराजनि गेजेराव एना-एनि दंलायोमोन। बे समावनो बदनचन्द्रआ चन्द्रकान्तनि जानानै हेफाजाब नागिरनायाव मान राजाया मोजां मोनदोंमोन।
बदना बदौपायानि मदद लानाने 8000 मान फाइखिजों लोगोसे लामायाव माननि खाजोना खांग्रा राजा सानैसोनिफ्राय दाइन रोजा, गासै 16,000 फाइखि लानानै पाटकाइ लामाजों आसामाव हाबफैयो। घिलाधरयाव जानाय दावहायाव मान फाइखिनि आखाइयाव पुर्नानन्दनि फाइखिया जेन्नाङो। मानफोरनि 1817 खृष्टाब्दनि फाइखि गाग्लोबनायनि गाहाइ थांखियानो जादोंमोन पुर्नानन्द ग ‘हाइनि अनागारनिफ्राय बरफुकन आरो स्वर्गदेउ चन्द्रकान्त सिंहखौ रैखाखालामनाय।
(2) गम्भीर सिं : मानफोरा आसाम गाग्लोबनाय समाव मनिपुरनि राजाया गम्भीर सिं मोन। बियो जोबोर गोहोगोरा राजा आरो सोलोगोनां राजा मोन। बिथांनि लोगोआव काछारनि राजाहा जेबो मोजां सोमोन्दो गैयामोन। बेनिखायनो बिसोरनि गेजेराव गले गले दावहा जाफ्लेबाय थायोमोन। गम्भीर सिंहनि गाग्लोबनायाव राजाया कासारनि राजाया थावरिनो हायैनि इंराजनि मदद लाहैदोंमोन। इंराजफोरा बुजिमोनदोंमोनदि मानफोरा कासारखौ दखल खालामोब्ला कासारनि सिमाखाथिनि इंराजनि दख ‘लाव थानाय श्रीहट्ट आ खैफोद जागोन। बेनिखायनो माननि गाग्लोबनायखौ होबथानो थाखाय बिसोर साखा फारा जादोंमोन आरो राहा लामा लादोंमोन।
(3) गबिन्द्र चन्द्र : गबिन्द्र चन्द्रआ कासारनि राजा मोन। बिथाङा कृष्णचन्द्रनि थैनायनि उनाव कासार राइजोनि राजउलाफादाव ज ‘दोंमोन। आसामा फुरायै माननि सिङाव फैनायनि उनाव मानफोरा इंराजनि रायजोआव हाबनानै उदखार खालामनो हमो। गुबुनफारसेथिं मान सोरखारनि साम्राज्यबादि खामानिफोरा इष्ट इण्डिया कम्पानिखौ समखिखां होदोंमोन।
ग’वालपारा श्रीहट्ट आर चट्टग्रामनि लामाजों मानफोरा इंराजनि रायजोआव हाबनानै लुथिनो हमदोंमोन माना नगावनि 1819 मायथाइयाव गावसोर जै खालामनाय मनिपुर राजोनि गेजेरजों कासाराव हाबदोंमोन। गबिन्द्र चन्द्र आरो मनिपुर राजा गम्भीर सिंहनि गेजेराव आगोलनिफ्रायनो एना एनि दंखायोमोन। बेनिखायनो गबिन्द्रचन्द्रआ इंराजनि सिंजानानै गम्भिर सिंहनि राज्योखौ गाग्लोबदोंमोन।
(4) दामान गरौ : दामन गगैया जादोंमोन पुर्नानन्द बर ‘गहाइनि सासे सान्थ्रि गाहाइ। पुर्नानन्द बरग ‘हाइनि सासननि गासै बाथ्रायावनो बियो गोख्रों मदद होयोमोन। मवामरीया बिग्र यनायनि समाव स्वर्गदेउ गौरिनाथ सिंहआ राजउलाफाद एंगारनानै गुवाहाटीसिम खारखोमालांदोंमोनब्लाबो आहम राज्योनि लागामा फुरायै पुर्नानन्द बुढ़ागहाइनि आखाइयाव थाङो। बियो बिथांनि सान्थ्रिगाहाइ दामन गगैनि हेफाजाबाव राज्योखौ सरैखा होनो नाजादोंमोन। बाथ्रायाव बुंनाय दंदि पुर्नानन्द बुढ़ागहाइ आरो दामन गगैनि मेरो नाजानायनि फिथाइ महरै हादोराव सुख सान्ति गायसनजादोंमोन।
(5) हाव बरा : पुर्नानन्द बुढ़ागहाइनि गुबुन सासे सान्थ्रि गाहाइया जादोंमोन हाव बरा। बदन बरफुकना बदौपायानि मदद लानानै 8000 मान सान्थ्रि आरो लामायाव माननि खाजोना खांग्रा राजा सानैसोनिफ्राय दाइन रोजा गासै 16,000 फाइखि लानानै पाटकाइ लामाजों आसामाव हाबबाय। अब्ला बुढ़ागहाया माननि गाग्लोबनायखौ हैंथा होनो हाव बरा आरो दामान गरौनि दैदेननायाव मोनसे सान्थ्रि हान्जा दैथाय हरदोंमोन। नाथाय बदननि दैदेननायाव फैनाय मान सान्थ्रिनि आखाइयाव बिसोरो घिलाधारीनि दावहायाव जेननाङो। घिलाधारीयाव पुर्नानन्दआ दैथाय हरनाय सान्थ्रि हान्जानि जेननायनि रादाबखौ मोन्नानै वियो थैयो।
(6) घिलाधारी दावहा : बदन बरफुकना ब्रह्म हादरनि राजा बदौपायाखा लोगो हमनानै पुर्नानन्द बुढ़ागहाइनि हेंथायै बायदि बाथ्रा बिथुङनो बुङो आरो हेफाजाबनि थाखाय आरज गाबो। मान राजाया बदननि आरजगाबनायखौ होना राजि जायो। बदौपाया 8000 मान फाइखिजों लोगोसे लामायाव माननि खाजोना खांग्रा राजा सानैसोनिफ्राय दाइन रोजा, गासै 16,000 फाइखि लानानै पाटकाइ लामाजों आसामाव हाबफैयो।
माननि गाग्लोबनायखौ होबथानो थाखाय पुर्नानन्दआ दामान गगै आरो हाव बरानि दैदेननायाव मोनसे सान्थ्रि हान्जा दैथाइ हरदोंमोन। 1817 मायथाइयाव मान सान्थ्रि आरो बुढ़ागहाइनि सान्थ्रिनि गेजेराव घिलाधारी गाथोनाव दावहा जायो। बे दावहायाव माननि आखाइयाव असमिया सान्थ्रिया जेन्नाङो। दावहायाव जेननायनि खौरांखौ मोनमारनो पुर्नानन्दआ थैयो। बे दावहाखौनो मुंदांखा घिलाधारी गाथोननि दावहा होनना बुंनाय जायो।
(7) ब्रजनाथ : आहम राजफोलेरनि सासे राजाया जादोंमोन ब्रजनाथ। बिथाङा राजा राजेश्वरं सिंहनि फिसौप्ला। बदननि खामानि-दामानिफोराव सुखुवै जानानै नुमली राजमाव आरो सानैसो। बिबानगिरिफोरा फावफान्दायनानै रुपसिं मुंनि सासे सुबेदारनि आखाइजों बदन बरफुकनखौ बुथारनाय जादोंमोन। चन्द्रकान्तआ गुवाहाटीयाव थानाय रुसिनाथ बुढ़ागहाइनो थाबैनो बे बुथारनायनि रादाबखौ हरनानै ज ‘रहाताव लिंहनायसै।
रुसिनाथा राजाखौ फोथायाखैमोन। बिथाङा बदननि लोगोसे चन्द्रकान्तखौबो माननि गाग्लोबनाय आरो बिफा पुर्नानन्द गहाइनि थैनायनि थाखाय दायहमदोंमोन। रुसिनाथा ब्रजनाथ सिंह आरो बिथांनि फिसाज्ला पुरन्दर सिंहनि लोगोआव खायसे हिन्दुस्थानी फाइखि लानानै जरहाटसिम आगान सुरलाङो। चन्द्रकान्त स्रिहंआ लुकु डेकाफुकननि दैदेननायाव रुसिनाथनि हेंथायै मोनसे सान्थ्रि हान्जा दैथाय हरनानै रंपुरसिम जायखारलांदोंमोन।
चन्द्रकान्त सिंहआ दैथाय हरनाय बै सान्थ्रिफोरा रुसिनाथनि आखाइयाव जेननायजों लोगोसे लुकु डेका फुकनआबो दावहायाव बुथार जायो। चन्द्रकान्तआ गिनानै खारखोमा लांनायाव रुसिनाथा आह’म राजा राजेश्वर सिंहनि फिसौज्ला ब्रजनाथखौ राजा हिसाबै फोसावो। नाथाय बिनि अंगआ गाज्रि जानायनि थाखाय फिसाज्ला पुरन्दरखौ राजा फाथियो। बेनि उनाव चन्द्रकान्तखौबो हमना लाबोनानै आगदानि खोमाखौ हासिनानै अंगखौ गाज्रि खालामनाय जानायाव बिथाङि राजा जानो हानायनि गुनखौ खोमानांदोंमोन आरो बिथोखौ तरातलीयाव सायख’नाय जायो।
(8) पुरन्दर सिंह : मान थांनायनि उनाव बदन चन्द्रआ राज्योनि गासै गोहोनि बिगोमा जादोंमोन। बिथाङा रुसिनाथानि मानसिफोरखौ गोबां बुथारदोंमोन। गोबांनि धोन सम्पदखौनो सेखना लादोंमोन। बदननि खामानियाव फोरजाफोरा थावरिनो हायै जादोंमोन। राजमावा रुपसिं मुंनि सासे फिसाइ सान्थ्रिनि दारै बदनखौ बुथारदोंमोन। बे समावनो रुसिनाथा ब्रजनाथ कँवरखौ लोगोआव लानानै खायसे सान्थ्रि हरनानै ज ‘रहात फारसे आवगाय बोनायसै। चन्द्रकान्तआ रंपुरसिम थांनायसै। रुचिनाथा जरहाटखौ दखल खालामनानै ब्रजनाथनि फिसाज्ला पुरन्दर सिंहखौ राजउलाफादाव फजनायसै।
(9) लुकु डेका फुकन : बिथाङा चन्द्रकान्त सिंहनि सासे फोथायसुला बिबानगिरि मोन। बिमाहादोरखौ बिग्रायारिफोरनि आखाइनिफ्राय रैखा खालामनो बियो जोबोद नाजादोंमोन आरो सुथुरजों खाजानानै जिव बाउदोंमोन। लुकु डेका फुकना उनदै फोलेरनि सुबुंमोनब्लाबो राजानि फारसे एबा हादोरनि फारसे बिहा जोबोरैनो सिविनाय दंमोन। हादोरनि फैगो खैफोदखौ नुनाने राजाया सानस ‘मोनाखैमोन। डेकाफुकना बे समावनो साहसजों राजानि सेराव गसंदोंमोन। अब्ला राजाया डेकाफुकननि आखायाव हादोर रैखानि बिबानखौ होनानै राजउलाफादसिम खारखोमा लांदोंमोन।
(10) आलुमिंगि : ब्रह्महादरनि राजा बदौपायानि सासे सान्थ्रिगाहाइया जादोंमोन आलुमिंगि। बदन बरफुकनखौ बुथारनायनि उनाव चन्द्रकान्त सिंहखौ उलाफादनिफ्राय बोख्लायनाय आरो अनागारि खालामनाय जाथाइया आसामनि राजखान्थियारि थासारिखौ जोबोद जेथोगोनां आरो दिदोमथियै खालामदोंमोन। बदनखौ बुथारनायनि खिथेर होखारनो आरो चन्द्रकान्तखौ फिन उलाफादाव फ’ जफिननो आलुमिंगिनि दैदेननायाव ब्रह्म राजाया 1819 खृष्टाब्दआव मोनसे सान्थ्रि हान्जा दैथाइ हरो। जाँजीनि सेराव फुलपानी याव आहम सान्थ्रिनि लोगोआव मान सान्थ्रिया गिबि मोगामोगि जालायो।
गिबियाव आहम सान्थ्रिया सुथुर हान्जाखौ बादा होदोंमोनब्लाबो उनफारसे सुथुरखौ होख्रांहरनो हायाखिसै। आहम सान्थ्रिया ज ‘राहाटसिम गिदिंना फैफिननायाव मान सान्थ्रिफोरा बिसोरनि उनलायो। राजा पुरन्दर आरो रुचिनाथ बुढ़ाग ‘हाइया गुवाहाटीयाव खारखोमा लाङो। मानफोरा चन्द्रकान्तखौ फिन उलाफादाव के जफिनो। राजा जानानै चन्द्राकान्तआ पुरन्दरखौ हमनो गुवाहाटीसिम सान्थ्रि दैथायहरदों होनना मिथिनानै पुरन्दर आरो रुसिनाथ बंगहादरसिम थांनानै इंराजनि आश्रय लायो। मिंगि माहा तिल ‘वारनि दैदेननायाव हान्जासे मान सान्थ्रिखौ चन्द्रकान्तखौ हेफाजाब होनायनि थाखाय लाखिनानै आलुमिंगिया ब्रह्म हादोरसिम गिदिंना थांफिनो।
(11) दवनीया : मान गाग्लोबनायनि समाव खाबुलानानै गोबां धोनि असमिया सुबुंआ असमिया सुबुंनि सायाव अनागारि खालामनो हमदोंमोन। बै समनि असमीया सावरायगिरिफोरा मुंख लादोंमोनदि, गोबां महरलाखुमानाय असमीया सुबुंफोरा गावसोरखौनो मान होनना सिनायथि होदोंमोन। बेफोरबायदि सुबुंफोरखौनो दवानीया बुंनाय जादोंमोन।
(12) याण्डाबु गोरोबथा : 1826 सृष्टाब्दनि 24 फेब्रुवारि खालाराव इंराज कम्पानि सोरखार आर ब्रह्मदेश राजानि गेजेराव मुंदांखा याण्डाबु गोरोबथा जालाङो। बे गोरोबथानि जोहै इंग-बार्मा दावहायाबो थुंगियो।
मानफोरा आसामखौ दखल खालामनानै जोबनायाव बृटिसनि राज्योआवबो आखाइ होदोंमोन। बिथांमोना ग’वालपारा चिलेट आरो चिटागड़ नि बायदि जायगाफोराव लुथिनो, उदखार खालामनो हमदोंमोन। अब्ला इंराजा माननि हेंथायै दावहा फोसावो। कासाराव मान इंराजनि गिबि दावहा जुरियो। डेभिद स्कटनि दैदेननाय इंराज सान्थ्रिनि आखाइयाव जेननानै मान सान्थिफोरा जाय जेरै हागौ एरै खारखोमादोंमोन। इंराज सान्थ्रिफोरा दावखोलांनानै मानफोरखौ गंनैसो दावहायाव फेजेनबावनानै रुंपुरखौ दखल खालामदोंमोन।
1824 खृ: नि जोबनाय फारसे दुलाराय आसामआ इंराजनि आथिंसिङाव थांदोंमोन। इंराजफोरा मानफोरखौ इयाण्डाबुसिम होख्रांहरदोंमोन। 1826 मायथाइनि 24 फेब्रुवारीयाव याण्डाबुआब फारनैनिफ्रायबो गोरोबलायनायाव याण्डाबु गोरोबथाया जायो। बे गोरोबथा बायदियै मान राजाया आसाम, आराकान आरो टेनासेरिम राज्योखौ इंराजनो हगारना होयो। बे बायदिनो आसामा इंराजनि आखाइयाव थाङो। लोगो लोगो दजौ बोसोर आहम खुंथाया जोबना फैयो।
बांद्राय सोंथि
1. आसामनि मानसिफोरा सोरखौ मान होनना बुंदोंमोन?
फिन:- ब्रह्म हादोरनि फोरजाफोरखौ आसामनि मानसिफोरा मान होनना बुंदोंमोन।
2. आसामनि हारिमायारि जिबनि जारिमिननि मोनसे मुंख ‘जाथाव जाथाया मा?
फिन:- आसामनि हारिमायारि जिवनि जारिमिनाव माननि आसाम गाग्लोबनायनि मोनसे मुंख ‘जाथाव जाथाइ।
3. मवामरीयाफोरनि सोर दैदेनगिरिया आसामनि गेदेर सान्थ्रि गाहाइ बिबान मोनदोंमोन?
फिन:- सर्बानन्दआ गेदेर सान्थ्रि गाहाइनि बिबान मोनदोंमोन।
4. कलीया भम ‘रानो मा बिमुं, आरो मानो होदोंमोन?
फिन:- कलीया भम ‘रानो प्रताप बल्लभ बिनुं होदोंमोन।
5. पुर्नानन्दखौ फोरजाफोरा मानो मोजां मोनखैमोन?
फिन:- पुर्नानन्दआ सासे अनागारि, गोगा आखुनि थाखाय हादरनि सुबुंफोरा बिखौ मोजां मोनाखैमोन।
6. पुर्नानन्द बरग ‘हाया कलीया भम ‘राखौ मानो बरफुकन फाथिदोंमोन?
फिनः- गाहाइ आसामनि आह’म सासनगिरि बदन बरफुकनखौ दायनिगिरि होननानै बिखौ बोख्लायनानै पुर्नानन्द बरग ‘हाइया कलीया भम ‘राखौ बरफुकन फाथिदोंमोन।
7. मवामरीया बिग्रायनाया सोर राजानि दिनाव जादोंमोन?
फिन:- गौरीनाथ सिंहनि दिनाव।
8. पिजौ गाभरुआ सोर?
फिन:- पिजौ गाभरुआ बदनचन्द्र बरफुकननि फिसाजो। बिखौ पुर्नानन्द बुढ़ागहाइनि फिसाज्ला वरेया नाथा हाबा खालामदोंमोन।
9. पानीमुवानि बिग्रायनायखौ सोर दैदेनदोंमोन?
फिन:- पानीमुवा मुनि सासे बिग्रायारिया दैदेनदोंमोन।
बे बिग्रायनाया पुर्नानन्दनि अनागारि सासननि हेंथायै जादोंमोन।
10. चन्द्रकान्त सिंहआ मानो राजा जानो हायाखैमोन?
फिन:- चन्द्रकान्त सिंहनि आगदा खोमाखौ हास ‘नानै देहाखौ गाज्रि खालामनाय जादोंमोन। आहम राजफोलेराव मोनसे नेम दंमोन दि जाय राजखुंगुरहा देहायाव गाज्रि दागो थायो बिसोर-राजा जानो हाया। बेनिखायनो चन्द्रकान्त सिंहआ राजा जानो हायाखैमोन।
11. चन्द्रकान्तखौ उलाफादाव फजनो सोरनि दैदेननायाव ब्रह्मराजाया माब्ला सान्थ्रि दैथाइ हरदोंमोन?
फिन:- चन्द्रकान्तखौ उलाफादाव फजनो आलुमिंगिनि दैदैननायाव ब्रह्मराजाया 1819 खृष्टाब्दआव मोनसे सान्थ्रि हान्जा दैथायदोंमोन।
12. मान सान्थ्रिजों लोगोसे आसामाव फैफानाय लिरगिरि सानैया लिरनाय लिरबिदां गांनैया मा मा?
फिन:- लिरबिदां गांनैया जादों–
(1) बैशाली हुकं।
(2) बैशाली मुंडुन-चुन खाम।
13. 1817 खुष्टाब्दनि सान्थ्रि गाग्लोबनायनि गुबै थांखिया मा मोन?
फिन:- मानफोरनि 1817 खृष्टाब्दनि सान्थ्रि गाग्लोबनायनि गुबै थांखियानो जादोंमोन पुर्नानन्द ग ‘हाइनि अनागारिनिफ्राय बदन बरफुकन आरो स्वर्गदेउ चन्द्रकान्त सिंहखौ रैखा खालामनाय।
14. इंग-बर्मा दावहाया माबोरै जोबदोंमोन?
फिन:- इंग बार्मा दावहाया जोबदोंमोन मुंदांखा याण्डाबु गोरोबथानि जोहै।
15. याण्डाबु गोरोबथानि मोननै फिथाइ लिर।
फिन:- (1) याण्डाबु गोरोबथानि रादायनि उनाव मानफोरा आसाम नागारना थांनोगोनां जायो।
(2) बे गोरोबथानि सर्तबादियै आसामा फुरायै बृटिछ सरकारनि सिङाव थाङो।
16. ब्रह्म हादरनि राजानि हेंथायै सोर माब्ला दावहा फोसावदोंमोन?
फिन:- ब्रह्म हादरनि राजानि हेंथायै गवर्नर जेनेरेल लर्ड आर्महाष्टा 1824 खृष्टाब्दनि 5 मार्चआव दावहा फोसावदोंमोन।
17. चिंफौफोरखौ सोर माबोला फेजेनदोंमोन?
फिन:- चिंफौफोरखौ निउभिला 1825 खृष्टाब्दनि जुन दानाव फेजेनदोंमोन।
18. बदन बरफुकना बदौपायानि हेफाजाब लानानै बेसेबां सान्थ्रि लाबोदोंमोन?
फिन:- 8000 सा सान्थ्रि लाबोदोंमोन।
19. चरिङिया फुकना सोर?
फिन:- चारिङिया फुकना जाबाय आहम राजआफादनि मोनसे बिबान। बे बिबानखौ होनाय जादोंमोन सतराम मुंनि सासे सेंग्रानो। बे सतरामा जादोंमोन चन्द्रकान्त सिंहनि लोगो। बिखौ बिग्रायनायनि दैदेनगिरि साननानै पुर्नानन्दआ सायख ‘नाय साजा होदोंमोन। सायख’नाय साजाखौ होनाय जादोंमोन नामरुपआव। नामरुप आव बियो नागा दुथुंफोरनि आखाइयाव जिव गारदोंमोन।
20. इंराज सान्थ्रिया फारथामबोनिफ्राय माबोरै मानफोरखौ होना लांदोंमोन?
फिन:- इंराज सान्थ्रिफोरा सिगांग्रो थियारि जाखानाने फारथामबो निफ्रायबो मानफोरखौ होना लांदोंमोन। बुरलुंबुथुरजों लर्ड मेकम ‘राइननि सिङाव मोनसे
हान्जाया ग’वालपारा जानानै गुवाहाटी फारसे दावगाबोदोंमोन। नैथि हान्जाया चट्टग्राम आरो श्रीहट्ट सिमाजों आराजान जानानै मनिपुर, जयन्तीया राज्योनि फारसे दावगायो। बे हान्जाखौ दैदेनदोंमोन डेभिद स्कटआ। सार केम्पवेलनि दैदेननायाव थामथि हान्जाया इराबती दैमाजों रेंगुन फारसे आवगायलांदोंमोन।
21. पुर्नानन्द बुढ़ागहाइनि मुंदांखाथिनि सोमोन्दै मा मिथिगौ लिर।
फिन:- पुर्नानन्द बुढ़ागहाइया जोबनो गैयै सहायनाय आरो सोलोजों राज्योनि गासैबो बिग्रायनायखौ स्लिम खालामनाने आसामाव गोजोन गायसनदोंमोन। बिथाङा मोनसेनि उनाव मोनसे बिग्रायनायखौ दबथायदोंमोन। बिथांनि नाजानायाव रंपुर नोगोरा जोंखांदोंमोन। फोरजानि सुबिदानि थाखाय बियो गोबां आलि लामा बानायदोंमोन। स्वर्गदेव गौरीनाथ सिंहनि दिननिफ्राय चन्द्रकान्त सिंहनि दिनसिम बियो बुढ़ागहाइ राजमन्थ्रीनि बिबान मोनदोंमोन।
22. याण्डाबु गोरोबथानि नैथि पेराग्राफाव आसाम सोमोन्दै मा बाथ्रा लिरनाय दंमोन?
फिन:- याण्डाबु गोरोबथानि नैथि पेराग्राफाव आसाम सोमोन्दै बाथ्रा लिरनाय दं। गोरोबथानि बे फारिलाइनि बादिब्ला आभा राजाया उसुंसे आसाम रायजो आरो आसामनि सिङाव थानाय कासार राज्यो आरो जयन्तीयानि सायाव गासिबो दाबिखौ नागारो। लोगोसे इयुनावबो बेफोराव जेबो आखाइ होआ होनना रादाय खायो। मोनसे गोसो होनांगौ बाथ्राया जाबाय- मानफोरा आसामखौ इंराजनि आखाइयाव गोरलैयै नागाराखैमोन। एबा आसामनि जानानै याण्डाबु गोरोबथा बिलाइयाव रावबो सागन खालामाखैमोन। आसामखौ दैदेननो हानाय मोनसेबो राजगोहो गैयामोन।
23. सोर बायदि सुबुंफोरखौ द ‘वानीया बुंनाय जायो?
फिन:- माननि सुबुङारिनङै अनागारिनि सल’आ फोरमायस ‘हायै। गामि गायाफोराव रावबोगैयै जानायाव बुरलुंबुथुर सेरफांनि बांसिन बाहागोआ हाग्रा बांग्राजों बुंफबनो हमो। मानसिफोरा खारलांनानै नसुंसे राइजोफोराव हाबहैदोंमोन, आबाद-फसल, बेफार-फालांगिफोरा गाज्रि जादोंमोन। माननि महर लाखोमानानै खायसे गुबुन मानसिफोराबो असमीया मानसिफोरनि सायाव उदखार खालामदोंमोन। बैसोरखौनो द ‘वानीया बुंनाय जादोंमोन। मानफोरनिख्रुइ बिसोरनि अनागारिया बांसिन गोख्रोंमोन।
24. ‘क’ बाहागोखौ ‘ख’ बाहागोजों गोरोबहो
| ‘क’ | ‘ख’ |
| 1. माननि आमोल बुंनाय जायो | 1. जगेस्वर सिंहआ राजा जायो। |
| 2. 1821 मायथाइयाव | 2. 1821-25 मायथाइसिम बे समखौ। |
| 3. याण्डाबु गोरोबथा जायो | 3. कमलेस्वर सिंहआ राजा जायो। |
| 4. आहम राजा गौरिनाथ सिंह थैनायनि उनाव | 4. 1826 खुष्टाब्दनि 24 फेब्रुवारीयाव। |
| 5. मिंगिमहाया सासे | 5. गिबि इंग-बार्मा दावहा जादोंमोन। |
| 6. 1824-1826 मायथाइयाव | 6. मानफोरनि सान्थ्रिगाहाइ मोन। |
फिन:-
| ‘क’ | ‘ख’ |
| 1. माननि आमोल बुंनाय जायो | 2. 1821 मायथाइयाव। |
| 2. 1821 मायथाइयाव | 1. जगेस्वर सिंहआ राजा जायो। |
| 3. याण्डाबु गोरोबथा जायो | 4. 1826 खृष्टाब्दनि 24 फेब्रुवारीयाव। |
| 4. आहम राजा गौरिनाथ सिंह थैनायनि उनाव | 3. कमलेस्वर सिंहआ राजा जायो। |
| 5. मिंगिमहाया सासे | 6. मानफोरनि सान्थ्रि गाहाइमोन। |
| 6. 1824-1826 मायथाइयाव | 5. गिबि इंग-बार्मा दावहा जादोंमोन। |
| SL No. | CONTENTS |
| Unit – 1 | जारिमिन |
| Chapter – 1 | भारतबर्ष हादराव इउर’पियानफोरनि हाबफैनाय |
| Chapter – 2 | भारतारि माहारियारि सानस्रि बेरखांनाय |
| Chapter – 3 | मवामरीया सुबुं बिग्रायखांनाय |
| Chapter – 4 | माननि आसाम गाग्लोबनाय |
| Chapter – 5 | आसामाव बृटिस खुंथाइनि जागायनाय |
| Unit – 2 | भुमरखौरां |
| Chapter – 1 | बुहुम बिखुंनि सोलायनाय |
| Chapter – 2 | बारमण्डल |
| Chapter – 3 | भारतबर्षनि भुमरखौरां |
| Chapter – 4 | आसामनि भुमरखौरां |
| Unit – 3 | राजखान्थि |
| Chapter – 1 | भारतनि राजखान्थियारि हान्जा |
| Chapter – 2 | सोरखारनि बाहागो राननाय |
| Unit – 4 | रांखान्थि बिगियान |
| Chapter – 1 | रांखान्थिनि गुदि आयदाफोर |
| Chapter – 2 | गुबै रांखान्थियारि जेंनाफोर |
Notes of Class 9 Social Science in Bodo Medium | Bodomedium Class 9 Social notes इस पोस्ट में हम आपको ये समझा ने कि कोशिश की है की Bodo Medium 9th class Social Science Question answer | Class 9 Social Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।