Bodo Medium Class 9 Social Science Chapter 1 भारतबर्ष हादराव इउर’पियानफोरनि हाबफैनाय Question Answer. Class 9 Social Science Question Answer in Bodo to each Chapter is provided in the list of SCERT, NCERT, SEBA सामाज बिगियान Class 9 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें. Class 9th Social Science Chapter 1 Question Answer Class 9 Bodo Medium Social Science Chapter 1 Questions Answer. SEBA Bodo Medium Class 9 Social Science Chapter 1 भारतबर्ष हादराव इउर’पियानफोरनि हाबफैनाय Notes covers all the exercise questions in NCERT, SCERT.
Class 9 Social Science Chapter 1 भारतबर्ष हादराव इउर’पियानफोरनि हाबफैनाय
बोडो मीडियम कक्षा 9 सामाज बिगियान खोन्दो 1 भारतबर्ष हादराव इउर’पियानफोरनि हाबफैनाय Question Answer | Advent of the Europeans into India | इस पोस्ट में हम आपको ये समझा ने कि कोशिश की है की कक्षा 9 बोडो मीडियम सामाज बिगियान खोन्दो 1 Advent of the Europeans into India Question Answer. अगर आप एक सात्र या शिक्षाक हो बोडो मीडियम की, तो आपके लिए ये बोडो मीडियम कक्षा 9 सामाज बिगियान खोन्दो 1 Question Answer बोहत लाभदायक हो सकता है। कक्षा 9 सामाज बिगियान खोन्दो 1 मे आप अपना ध्यान लगाके पढ़ कर इस कक्षा 9 सामाज बिगियान में अछि Mark ला सकते हो अपनी आनेवाली परीक्षा में।
खोन्दो 1 भारतबर्ष हादराव इउर’पियानफोरनि हाबफैनाय
Chapter 1 Advent of the Europeans into India
जारिमिन
सेथि खोन्दो
आयदा बिथायारि सोंथि फिननाय जोबोद सुंद’/सुंद’ फिननायनि सोंथि
1. भारत आरो सोनाबारि हादरनि गेजेराव लैथोआरि लामा संनायगोरा गिबि पर्तुगीज नाबिका सोर? बिथाङा माब्ला आरो भारतनि बबेयाव गिबिखेब आगान होफैदोंमोन?
फिन:- भारत आरो सोनाबारि हादरनि गेजेराव लैथोआरि लामा संनायगोरा गिबि पर्तुगीज नाबीका जादोंमोन भास्क’ -डा-गामा।
बियो 1498 खुष्टाब्दआव खोलाभारतनि कलिकट बन्दराव आगान होदोंमोन।
2. दै लामाजों भुमखौ गिदिंखननो हानाय इंराज नाबिका सोरमोन?
फिन:- दै लामाजों भुमखौ गिदिंखननो हानाय इंराज नाबिका जादोंमोन फ्रान्सिस ड्रेक।
3. भारत हालामाव गिबि खेबनि थाखाय सोर इंराज नाबिका माब्ला हाबफैदोंमोन?
फिन:- भारत हालामाव गिबि खेबनि थाखाय इंराज नाबिका जादोंमोन जेमस मिलडेन हल। बियो 1599 खुष्टाब्दआव भारताव हाबफैदोंमोन।
4. इंलिस इष्ट इण्डिया कम्पानि माब्ला बबेयाव दाजादोंमोन?
फिन:- इंलिस इष्ट इण्डिया कम्पानिया 1600 खुष्टाब्दआव लण्डनाव दाजादोंमोन।
5. इष्ट इण्डिया कम्पानिया भारताव जायगा लाफैनायनि मोननै थांखि लिर।
फिन:- इष्ट इण्डिया कम्पानिया भारताव जायगा लाफैनायनि मोनने थांखिया जादोंमोन–
(क) भारतजों लोगोसे बेफार फालांगि होनाय।
(ख) भारतबर्ष आव इंराज खुंथाइ गायसननाय।
6. इंराजनि गिबि फालांगि मिरुआ भारतनि बहा आरो माब्ला गायसनजादोंमोन?
फिन:- इंराजनि गिबि फालांगि मिरुआ जादोंमोन भारतनि मसलियंट्टमआव 1611 सृष्टाब्दआव।
7. फर्ट उइलियामआ मा?
फिन:- फर्ट उइलियामआ जाबाय मोनसे फालांगि मिरु। बे फालांगि मिरुखौ गंथाम जायगानि गामि जमिदारि मोनथाइ मोननानै फालांगियारि मिरु जागायदोंमोन। दरथाम थावनि लाफानानैबो उनाव कलिकता नोगोराव महर सोलायदोंमोन। इंलण्डनि राजा थामथि उइलियामनि मुडाव बाउनानै फालांगियारि मिरुनि मुंखौ ‘फर्ट उइलियाम’ दोननाय जादोंमोन।
8. उदांस्रिनङे भारतनि बृटिस खुंथाइ समखौ मबे मोननै गाहाइ बाहागोआव राननो हायों सम मख नानै लिर।
फिनः- उदांस्रिनङे भारतनि बृटिस खुंथाइ समखौ मोननै गाहाइ बाहागोआव राननो हागौ–
(क) मंगल साम्राज्यो गोग्लैसोनायनिफ्राय जुरिनाने 1857 खुष्टाब्दनि सिपाइ बिग्रायखांनायसिम।
(ख) 1858 खुष्टाब्दनिफ्राय 1947 खुष्टाब्दआव भारतारिफोरनि आखाइयाव खुंथाइनि गोहो गथायनायसिम।
9. “भारत सोरखार आयेन” खौ सोर माब्ला मा थांखियाव सुजुदोंमोन?
फिन:- “भारत सोरखार आयेन” खौ बृटिस संसदा 1858 खुष्टाब्दनि 2 आगष्ट खालारखालि सुजुद मोन।
बेनि गुबै थांखिया जादोंमोन – सिपाइ बिग्रायनाय बायदि गिलु बालु थासारि सोमजिफिना। बेनि फारसे नोजोर लाखिनानै बृटिस सोरखारा भारतबर्षनि खुंधाइ राहानि सायाव गोथौथि होनो गोनां जादोंमोन।
10. भारत परिषद आयेनखौ माब्ला आरो मा थांखियाव सुजुनाय जादोंमोन?
फिन:- भारत परिषद आयेनखौ 1861 खुष्टाब्दआव सुजुनाय जादोंमोन। बे आयेननि गुर्बे थांखिया जादोंमोन गोदान खुंथाइ राहाजों सोलोंथाइ गोनां भारतारिफोरखौ सिनायथि खालामनो होनाय।
सुंद’ / गोलाउ फिननायनि सोंथि
1. इंराजआ भारतजों फालांगि गोरोबथा खालामनो नाजानाया माब्ला जाफुंदोंमोन? बेनि थामथिमखौ सुंथाबै लिर।
फिन:- इंराजा भारतजों लोगोसे गोरोबा खालामनो नाजानाया 1756-57 मायथाइयाव जाफुंदोंमोन।
पर्तुगीज सदागरफोरबादिनो इंराज सदागर फोराबो भारतजों बेफार फालांगियाव गोसो होथाबनो नाजादोंमोन। बे थांखियै 1599 खुष्टाब्दआव जेमस मिलडेन हल मुंनि इंराज नाबिक सासेया इंलेण्डनि रानी एलिजाबेथनिफ्राय गांसे आरज बिलाइ लानानै गिबि खेबनि थाखाय भारत हादबाव हाबफैदोंमोन।
सानजारि हादरजों बेफार फालांगि खालामनायनि थांखियै 1600 खृष्टाब्दआव इंराज सदागरफोरा मोनसे फालांगिरि फसंथान लण्डनाव गायसनदोंमोन। बे फसंथाना इष्ट इण्डिया कम्पानि मुङै मुदांखा जादोंमोन। इंलेण्डनि रानी एलिजाबेथआ बे कम्पानिनों आफ्रिकानि खोला फारसे थानाय उत्तमासा लैथो रुगुनिफ्राय जागायनानै खोला आमेरिकानि मांगालान प्रनालीसिम गुवार लैथोआरि ओन्सोलाव 15 बोसोरनि थाखाय बेफार – फालांगि खालामनो बिधोन होदोंमोन। बे कम्पानिया लैथोआरि लामाजों भारतबर्ष आव आगान खोख्लैनायनि आगोलाव सुमात्रा, जाभा, मालाक्का बायदि थावनियाव मसलानि फालांगि खालामदोंमोन।
केप्टेइन उइलियाम हकिन्सआ 1690 खृष्टाब्दनि एप्रिल दानाव आग्रायाव आगान हेनानै म’गल राजदरबाराव सम्राट जाहांगीरखौ लोगो हमदोंमोन। केप्टेइन हकिन्सआ होनाय फालांगियारि गोरोबथानि आरज बिलाइखौ सम्राट जाहांगीर गनायथि होआखैमोन। 1615 खुष्टाब्दआव इंलेण्डनि राजा गिबि जेमसआ सार टमास र’ मुनि गुबुन सासे इंराजखौ जाहांगीरनि खाथियाव थिनहर बावदोंमोन। टमास र ‘आ जेबो रोखोमनि फालांगियारि गोरोबथा खालामनो हायाखैमोनब्लाबो सम्राट जाहांगीरआ इंराज सदागरफोरखौ चुराटआव फालांगियारि बादा गायसननो बिथोन होदोंमोन। बेनि उनाबो इंराज सदागरफोरा भारतजों फालांगियारि गोरोबथा खालामनो नाजाबायथादोंमोन आरो गुबुन गुबुन थावनियाव फालांगिखौ फेहेरलांनो हादोंमोन।
1715 खृष्टाब्दआव जन सारमननि दैदेननायाव इंराज सुबुनि मोनसे थान्दै हानजाया म’गल सम्राट फारुखसियारखौ लोगो हमनाने फालांगियारि गोरोबथांनि थांखि दैखांबावदोंमोन। इष्ट इण्डिया कम्पानीया बेनि उनाव राजानिफ्राय बिथोन मोननाने दुलाराय भारतवर्षआव जेबो हेंथा गैयाजा बेफार फालांगि खालाम लानो हायो।
1611 खष्टब्दिआव गलकुण्डा रायजोनि सुलताननिफ्राय बिधोन लानानै कम्पानिया मसलिपट्टमाव मोनसे फालांगि मिरु गायसनदोंमोन। 1636 वृष्टाब्दआव कम्पानिया आरमागावआव नैथि फालांगियारि मिरु बेखेवदोंमोन जायखौ उनाव फर्ट सेन्ट जर्ज मुडै मिथिनाय जादोंमोन। 1661 खुष्टाब्दआव इंलेण्डनि राजा लैथि चार्लसआ पर्तुगीज राजखुंग्रि केथेरिनखौ हाबा खालामनान जोथोब महरै बम्बाइ नोगोरखौ मोनदोंमोन। 1690 ख्रष्टाब्दआव जब चार्नक मुनि सासे बिबानगिरिया बंगनि नबाबजों खालामनाय मोनसे गोरोबथानि गेजेरजों कालीघाटा, सुतानुटि आरो गबिन्दपुर मुनि दरथाम गामिनि जमिदारी मोनथाइ मोननानै मोनसे फालांगियारि मिरु जागायदोंमोन।
इष्ट इण्डिया कम्पानिनो साखिआवला रबार्ट क्लाइबआ भारताव फामुवारि साम्राज्यो महर होनायनि सोलो, आदब खायदाखौ जोबोद खम समनि गेजेरावनो सोलनानै लानिहादोंमोन। क्लाइबआ गावनि कम्पानि स्वार्थआव गुबुन हादरारि इउर ‘पियान कम्पानीखौ भारतनिफ्राय एरख नायनि बिथांखि लादोंमोन। पलाची दावहायाव (1757 ख्रष्टाब्द) बंग, बिहार आरो उरिष्यानि नबाब सिराज उद्दौलाखौ (1956-57) सोलोजों फेजेनानै भारतवर्षआव बृटिस साम्राज्योनि अन्थाइ खाम्फा गायसनाने बृटिस साम्राज्योबाद गायसननायनिं लामाखौ गेबें खालामदोंमोन।
2. इष्ट इण्डिया कम्पानिया मात्रै भारतनि दाबथाम गाहाइ थावनियाव फालांगि मिरु गायसनदोंमोन बेनि मोनथाम गाहाइ सोलोनि सोमोन्दै लिर।
फिन:- इष्ट इण्डिया कम्पानिनि साधारन साखिआवला रबार्ट क्लाइबआ भारतआव फामुवारि साम्राज्यो महर होनायनि सोलो, आदब खायदाखौ जोबोद खम समनि गेजेरावनो सोलोंनानै लानो हादोंमोन।
(क) 1611 खुष्टाब्दआव गल कुण्डा राज्योनि सुलटाननिफ्राय बिन लानानै कम्पानिया मसलिपट्टमाव मोनसे फालांगि मिरु गायसंदोंमोन।
(ख) 1636 खुष्टाब्दआव कम्पानिया आमारगावआव नैथि फालांगि मिरु बेखेवदोंमोन। 1636 सृष्टाब्दआव चन्द्रगिरिनि राजाजों गोरोबथा खालामनानै माद्राजनि खाथिनि दखरसे थावनियाव आमरगावनि फालांगि मिरुखौ लांस्लायनानै बे मिरुनि मुंखौ फर्ट सेन्ट जर्ज गोदान मुं होनाय जादोंमोन।
(ग) 1661 खृष्टाब्दआव इंलेण्डनि राजा नैथि चार्लसआ पर्तुगीज राजखुंग्री केथरिनखौ हाबा खालामनानै जोथोब महरै बम्बाइ नोगोरखौ मोनदोंमोन। राजा चार्लसआ 1668 सृष्टाब्दआव बाजि रोजा पाउण्ड लननि सोलाय बम्बाइखौ इंराज कम्पानिनो गथायदोंमोन। बै समनिफ्रायनो बम्बाइ नोगोरा कम्पानिनि गाहाइ मावखुलि महर मोनदोंमोन।
1690 खृष्टाब्दआव जब गर्नक मुंनि सासे बिबानगिरिया बंगनि नबाबजों खालामनाय मोनसे गौरोबधानि गेजेरजों बोसोरफ्रोमबो जिनैजौ रांनि खाजोनानि सोलाय कालीघाटा(कलिकटा), सुतानुटि आरो गबिन्दपुर मुनि दरथाम गामिनि जमिदारि मोनथाइ कम्पानिया मोन्नानै बेयाव मोनसे फालांगियारि मिरु जागायदोंमोन।
3. भारतआव बृटिस साम्राज्योबाद गायसनायनि लामाखौ गेबें खालामना होनाय इष्ट इण्डिया कम्पानिनि बयनिखुइ मख जाथाव सुबुङा सोर? बिथाङा मा मा सोलोजों बृटिस सम्राज्योनि अन्थाइ खाम्फा गायसनदोंमोन मोनबै बानबुंथाइ होनानै लिए।
फिन:- भारताव बृटिस साम्राज्योबाद गायसननायनि लामाखौ गेबें खालामना होनाय इष्ट इण्डिया कम्पानिनि बयनिखुइ मख ‘जाथाव सुबुङा जादों रबार्ट क्लाइव।
(क) रबार्ट क्लाइबआ भारताव फामुवारि सम्राज्यों महर होनायनि सोलो, आदब खायदाखौ जोबोद खम समनि गेजेरावनो सोलोंनानै लानो हादॉमोन। क्लाइबा गावनि कम्पानिनि स्वार्थआव गुबुन हादरारि इउर ‘पीयान कम्पानिखौ भारतनिफ्राय एरख ‘नाय बिथांखि लादोंमोन।
(ख) बिथाङा दावहा नाडाब्लानो लोगो गोरोबथानि दौलेंजों हादरनि राजाफोरखौ कम्नानिनि फारसे गोमी गेलेमहोनो नाजादोंमोन।
(ग) बंग’नि नबाब, हायदराबादनि निजाम, अयध्यानि नबाब, राजपुतनानि राजाफोरा कम्पानिजों लोगो गोरोबथा खालामनानै साफ्रोमबो गावबा गावनि मोनथाइ गोहोखौ फोजावना लानोगोनां जादोंमोन।
(घ) पलाची दावहायाव (1757 खुष्टाब्द) बंग, बिहार आरो उरिष्यानि नबाब सिराज उद्दौलाखौ (1956-57) सोलोजों फेजेननाने भारतवर्षआव बृटिस साम्राज्योबादनि फामु गायसनदोंमोन।
रर्बाट क्लाइबनिफ्राय लर्ड डेलहाउसिनि (1948-56) खुंथाइ समसिम इष्ट इण्डिया कम्पानिया समनि बिदिन्थायाव दुलाराय भारतबर्षआव बृटिस साम्राज्यबादनि फामु गायसनदोंमोन।
4. सिपाइ बिग्रायखांनाय सोमजिनायनि मोनब्रै जाहोन लिए।
फिन:- सिपाइ बिग्रायखांनाय सोमजिनायनि मोनब्रै जाहोना जाबायः
(1) राजखान्थियारि जाहोन।
(2) रांखान्थियारि जाहोन।
(3) समाजारि जाहोन।
(4) धोरोमारि जाहोन।
5. सिपाइ बिग्रायखांनायनि मोनबै मख ‘जाथाव जाउनखौ फोरमाय।
फिन:- (1) बृटिस सोरखारा महारनीनि फोसावबि लाइनि गेजेरजों हादोरारि राजाफोरनि खुंथाइयाव आखाइ होयैनि सतबांसा होयो।
(2) भारतनि खुंथाइ बिबाना इष्ट इण्डिया कम्पानिनि आखाइनिफ्राय इंलेण्डनि राजानि आखाइयाव थाङो।
(3) हाथियार बिग्रायखांनायनि गेजेरजों भारतआव उदांसि मोनफुंनायनि मिजिंआ जोबस्रांलाङो।
(4) बे बिग्रायखांनायनि उननिफ्राय हिन्दु मुसलमान जयै भारतनि उदांसि सोमावसारनायाव बारसोमदोंमोन।
6. “भारत सोरखार आयेन” नि गेजेरजों मोन खुंथाइयारि सोलायनायनि सोमोन्दै फोरमाय।
फिन:- (1) ” भारत सोरखार आयेन” नि गेजेरजों इंलेण्ड सोरखारखौ थोंजों भारत सासन खालामनायनि गोहो होदोंमोन।
(2) भारत खुंथाइनि गासिबो बिबानखौ इंलेण्ड सोरखारनि आखाइयाव गथायनायनि फिथाइ महरै कम्पानिनि आमोलाव भारतजों लोबबा जानाने थानाय सामलायथाइ परिषद (Board of Control) आरो बिथोनगिरि आफाद (Courts of Directors) नि गोहोआ थुंगिर्दोमोन।
(3) गोदान आयेन बादियै भारत खुंथाइनि गासैबो विवान आरो गोहोखौ बृटिस मन्त्रिसभानि सासे सोद्रोमानि आखाइयाव गथायनाय जायो भारत खुंथाइजों थोर्जोयै लोबवा थानाय मन्थ्रिखौ “भारतनि गाहाइ नेहाथारि “बुंनाय जायो।
(4) ”भारत सोरखार आयेन” बायदियै भारतवर्षनि जौसिन खुंगिरि महरै गवर्नर जेनेरेल थावायब्लाबो बिथांखौ भाइचरय एवा राजथान्दैनि मर्यदा होनाय जायो। बे आयेना भाइचरय आरो हादरसायारि गाहाइ (गवर्नर) खौ थिसननायनि गोहो इंराज सोरखारनि आखाइयाव होनायजों लोगोसे कम्पानिनि फाइखि हानजाखौ बृटिस सोरखारनि सिडाव दोनदोंमोन।
7. लर्ड केनिङआ मोननै गाहाइ फोसाबधाइनि सोमोन्दै लिए।
फिन:- लर्ड केनिङ नि मोनने गाहाइ फोसाबथाइफोरा जाबाय :
(क) सोलोंथाइ राहानि जौगाथाइ : लर्ड केनिडआ सोलोंथाइ हानि जौगाथाइनि थाखाय “उडनि सोलोंथाइ मावविथांखि” खों भारतआव बाहायनानै मोनफ्रोमबो हादरलायावनी सासे गाहाइ नेहाथारिनि सिडाव सोलोंथाइ विफान मोनसे बेखेवदोंमोन।
(ख) फाइखिहान्जानि जौगाथाइ : लर्ड केनिडआ फाइखि हान्जानि दाथाइखौ इसे सोलायदोंमोन। गुबुन गुबुन हारि आरो धोरोमफाइखिफोरखौ ज’ खालामनानै मोनसे गलायमोन्देर भारतारि फाइखि हान्जा दादोंमोन। गोदान दानाय दोलोआव गोबां इउर ‘पीयान फाइखिखौ थिसनदोंमोन।
8. “भारतारि परिषद आयेन” नि मोनै गुन आरो मोनै गोरोन्थि लिर।
फिन:- भारतारि परिषद आयेननि मोननै गुन :
(1) भारतारिफोरनो बिधानमण्डलनि सोद्रोमानि मासि होनानै भारतआव थान्दैयारि सोरखार दानायनि आदबखौ सोरजिदोंमोन।’
(2) बे आयेना मिरुवारि बिधानमण्डलनो खाजोना, राहारि, रैखाथि फाइखिनि सरैखा, हादरनि राज्यो आरो बृटिस – भारत आवग्रिनाय राज्योनि सिमा रैखाथि बायदि आयदायाव बिथोन आरो आयेन दानायनि गोहो होदोंमोन।
भारतारि परिषद आयेननि मोननै गोरोन्थि :
(1) बे आयेना गोदानै दाजानाय हादरसायारि विधान परिषद फोरखौ गावबा गावै माखासे आयेनारि गोहो होदोंमोनब्लाबो, गुबैयै बे गोहोआ मुंआवल ‘मोन। बबेखानि मोनसे आयेनानो बंगनि गबर्नर जेनेरेलखौ सिमागैयि गोहोनि बिगुमा खालामदोंमोन।
(2) बे आयेना गवर्नर जेनेरेलनि आखाइयाव जरखा आयेन जारि खालामनो हानाय गोहो होनाय जादोंमोन। बिथाङा परिषदजों मोनबो सोमोन्दो लाखिया लासिनो जायखिजाया रोखोमनि गोहो बाहायनो हायोमोन।
9. इंराजनि समाव जायगानि गावफुंथाइनि गेजेरजों सोलायनायफोरखौ सावराय।
फिन:- इंराजनि सुबुंदारारि आदर्शनि फारसे गोसो बोथाबनाय माखासे भारतारि लोगो मोनदोंमोन, जायफोरा खुंथाइयारि गियान बुथुमनायनि थाखाय ‘गिबियावनो, जायगानि खुंथाइयाव बाहागो लानाया गोनांथिमोन। भारतारिफोरनि गेजेराव सोलोंथाइ फेहेरनाय आरो भारतारिफोरखौ गोदान खुंथाइजों सिनायथि खालामना होनायजों लोगोसे समाजनि सोलोगोरा सुबुंफोरखौ बिसोरनि गुदि खामानिफोरखौ बिसोरनि गेजेरजोंनो मावफुंनायनि सायाव गोथौथि होदोंमोन बे थांखिखौ सिगाडाव लानानैनो थांखि आजावनाय बर्डफोराव बिसायख’ जानाय सोद्रोमा थिसनानै खुंथाइनि खोन्दोफोरखौ मिरु खुथाइनिफ्राय उदां खालामना लाखिनो नागिरदोंमोन।
1882 खृष्टाब्दआव जारिमिनारि थांखि बादियै गंफ्रोमबो महकुमायाव गंफा लकेल बर्ड दायो। नांगौ बादियै गंफ्रोमबो लकेल बर्डन सि थानाय गामि ओन्सोलनि लाटफोराव गंफायै गुदि बर्ड दानायनि राहा लादोंमोन। लकेल बर्डनि बांसिन सोद्रोमाफोरखौ बिसायख’नानै लाबोनायजों लोगोसे सोद्रोमा फोरनि गेजेरनिफ्राय सासे सोरखारिनङि सुबुंखौ आफादगिरि हिसाबै सायख नायनि राहा लादोंमोन।
लर्ड रिपनआ गावखुंथाइनि थांखिफोरखौ दुलाराय भारतबर्ष आवनो मावपुंनो बिथोन होदोंमोन। बिथांनि बे बिथोनफोरखौ हादरसाफोरनि गाहाइ खुंगिरिफोरा मोनै रोखोमै मावफुंदोंमोन। खायसे हादरसानि जिला खोलोबाव आरो खायसे हादरसायाव महकुमा खोलोबाव लकेल बर्डफोरखौ दादोंमोन | गामि ओन्सोल बादिनो नोगोर ओन्सोलफोराबो जायगानि खुंथाइनि थांखि बादियै नोगोर ओन्सोलफोराव नोगोर खुंधाइ आरो नोगोर आफाद दानाय जादोंमोन। नोगोर आफाद आरो नोगोर खुंथाइनि बर्डफोरनि सा 75 जौखोन्दो सोद्रोमाखौ बिसायख’थिनि गेजेरजों सायख’नाने लानायनि राहा खालामदोंमोन। बबेखानि नोगोर ओन्सोलनि बे बर्डफोरनि आफादगिरिखौ नांगौबायदियै सायख ‘नो हायोमोन।
रिपननि मोखथाङारि सानाय हनाया भारतारि खुंधायाव मोनसे गोदान रादाव लावोदोंमोन। मानोना बिथाङा गिबिखेबनि थाखाय जायगानि खुंथाइ राहायाव सुबुंदारारि आदबनि गेजेराव बोनानै लाबोदोंमोन। लर्ड रिपननि बे फोसावथाया भारतारि जायमानि खुंथाइनि जारिमिननि मोनसे गोसोखांथावना खोन्दो।
10. सिभिल सार्भिसआव भारतारिफोरा मात्रै थिसनजादोंमोन? बे सार्भिसनि जौगाथाइनि सोमोन्दै सावराय।
फिन:- इष्ट इण्डिया कम्पानिनि खंथाइ समाव भारतबर्षनि पाब्लिक सार्भिसनि मासिफोरखौ इंराज सुबुंखौल’ लानानै सुफुंनाय जादोंमोन। भारत सोरखार सामलायनायनि बिबाना बृटिस सोरखारनि आखाइयाव (1858 खृष्टाब्द) थांनायनि उनाव भारतारि लेखा गोरोंफ्राबो पाब्लिक सार्भिसनि मासियाव हादरनि सुबुंखौ थिसनफानो गोसो फोरमायदोंमोन। लेखा गोरों भारतारिनि गोसोआव थुलुंगा खांनायखौ नोजोर खालामनानै जिगु जौथाइनिफ्राय भारतारिफोरखौबो पाब्लिक सार्भिसनि मासियाव थिसनथाइनि राहा जादोंमोन।
1833 खृष्टाब्दनि चनदआ भारतारि सुबुंखौ खुंथाइनि गोजौ मासियाव थिसनायनि बेलायाव सोलोंथाइ थि खालामनायनि राहा लानो बिथोन हादोंमोन कम्पानिनि डाइरेक्टरफोरनि थानि थाखायनो बेयो जाफुडाखैमोन बबेखानि बे आयेना भारतारिफोरनि फारसे खाबु होनाय गुवार गोसोन्थिखौ इंराज खुंगिरिफोरा गासिबो नेवसिनो हायाखैमोन। 1833 खृष्टाब्दआव डेपुटि मेजिस्ट्रेड आरो 1843 खृष्टाब्दआव डेपुटि कालेक्टर मुंनि मोनै मासि सोरजिनानै मोनबो मासिनि थाखाय भारतारि सुबुडा बानजागोन होनना मिथिनो होदोंमोन।
1853 खुष्टाब्दनि चनदआ पाब्लिक सार्भिसनि थाखाय बादायारि आनजाद खुंनो थाखाय बिथोन होदोंमोन। भारतारि सुबुंखौबो बे आनजादाव ज’नो थाखाय विथोन होदोंमोन। नाथाय बे आनजादखौ इंलेण्डआव खुनाय थाखाय जोबोद खम अनजिमानि भारतारिफोरा जनो हादोंमोन। 1858 वृष्टाब्दनि महारानीनि फोसाव बिलाइया हादरनि सुबुंफोरखौ गेजेर बिफाव लानानै पाब्लिक सार्भिसनि मासियाव थिसननायनि बाथ्रा होदोंमोन। बे बाथ्रानि बिथायाव भारत गाहांइ नेहाथारिया मोनसे आंफाद दानानै होदोंमोन।
आफादआ भारतारि पाब्लिंक सार्भिसनि बादायारि आनजादखौ भारतआव खुंनो बोसोन होदोंमोन। नाथाय 1862 खुष्टाब्दनि सिभिल सार्भिस आयेनाव दाजाबदेरनाय धारा बायदियै पाब्लिक सार्भिसनि मासिया इंराज सुबुंनि थाखाय सरैखाथिजानानै थानायनि थाखाय कमिटिनि वे बिथोनखौ मावफुडाखैमोन। भाइचरय लर्ड लिटननि मावबिबान समाव (1876-80) भारतारि पाब्लिक सार्भिसनि बिजार्थिनि वैसोखों 21 बोसोरनिफ्राय 19 बोसोर सिम खमायनाय जादोंमोन बिजार्थिनि बैसोनि सिमानि सोमोन्दै भारतारिनि बिबुंथिखौ फोरमायनो बन्दपाध्याया लालमहन घोष मुनि सासे आयेन रोंग साखौ इंलेण्ड आव थिनहरदोंमोन। उनावहाय भारतारि पाब्लिक सार्भिसआव बिजार्थिनि बैसोख फिन 22 बोसोर खालामनो गोनां जादोंमोन।
11. बृटिसनि सिडाव थानाय भारत आरो उदांस्रि भारतनि सिभिल पाब्लिक सार्भिस सोमोन्दै मोनथाम फाराग फोरमाय।
फिन:- (1) बृटिस खुंथाइनि सिडाव थानाय भारतारि फरायसाफोरा सिभिल पॉब्लिक सार्भिसनि आनजादखौ इंलेण्डसिम थांनानै हैनांगौमोन।
नाथाय उदांस्रि भारतनि सिभिल पाब्लिक सार्भिसनि आनजादखौ भारतावनो होनो हागौ।
(2) बृटिसनि सिडाव थानाय भारतनि पाब्लिक सार्भिसनि मासिफोरनि द’बागनि सेआ इंराज फोरनि थाखाय सरैखा खालामखानायमोन। बेनिअनगायैबो लर्ड लिटना मासिफोरनि थाखाय गोजौ फोलेरनि भारतारि सुबुंफोरखौसो सायख नायनि विथोन होदोंमोन।
उदांस्रि भारताव इंराज सुबुंफोरनि थाखाय जेवो माँसि सरैखा खालामनाय जायाखै आरो गोजौ फोलेरनि थाखायबो सरैखा खालामनाय जायाखै।
(3) उदांस्रिनि सिगाङाव पाब्लिक सार्भिस आय गनि बिथिङाव मन्टेगु चेमचफर्डनि फोरमायथि, ली आय ‘गनि फोरमायथियाव थानाय नेमखान्थिफोरनि फारसे सोलोंथाइ मोननाय भारतारिफोरनि गोसोआव जेबो थुलुंगानाय जाखाङाखैमोन।
भारतवर्षआ उदांसि जानायनि उनाव पाब्लिक सार्भिसआव थिसननाय गोजाम खान्थिया गोमालाङो। दुलाराय भारतारि बिथायाव उदां बादायारि आनजाद खुनायनि राहा खालामनाय जायो। दुलाराय भारतनि पाब्लिक सर्भिस आय’ग आरो हादोरसायारि विथायाव रायजोआरि पाब्लिक सर्भिस आयोग दानाय जायो।
उफ्रा सोंथि
1. भारतनि लोगोआव गोदोनिफ्रायनो सोमोन्दो थानाय गंनै इउर ‘पीय हादोरफोरनि मुंलिर।
फिन:- (1) ग्रीच आर र ‘म।
2. धोरोम दावहाया माब्ला जादोंमोन?
फिन:- सृष्टाब्द जिनै जौथाइयाव।
3. तुर्की फाइखिफोरा कनस्टान्टिनपलखौ माब्ला लादोंमोन?
फिन:- 1453 ख्रष्टाब्दआव।
4. गोदान लामा संनायनि बेलायाव लामा एवसांग्रानि बिफाव लादोंमोन?
फिन:- पर्तुगीजफोरा।
5. सोर माब्ला आफ्रिका हादरमानि खोला फारसे थानाय उत्तमासा लैथो रुगुङाव आगान हैदोंमोन?
फिन:- पर्तुगीज नाबिक बार्थल’ मिउडियाज आ 1487 खृ:आव उत्तमासा लैथो रुगुडाव आगान हैदोंमोन।
6. रालफ फिटच मुंनि नाबिकआ मा मा हादर गंनैखौ गिदिंदोंमोन ?
फिन:- हादर गंनैया जाबाय (2) भारत आरो (2) ब्रह्मदेश।
7. सोर माब्ला आरो मानो इंराज हारिनि थाखाय गोगानाय लाबोदोंमोन?
फिन:- रालफ फिटच मुनि सासे नाविका 1582 खुष्टाब्दआव भारत आरो ब्रह्महादर गिर्दिनानै गासै इंराज हारिनि थाखाय मोगानाय लाबोदोंमोन।
8. रानी एलिजाबेथनिफ्राय आरज बिलाइ लानानै गिबि खेबनि थाखाय सोर भारत हादराव हाबफैदोंमोन?
फिन:- जेमस मिलडेन हलआ गिबिखेबनि थाखाय भारत हादराव हाबफैदोंमोन।
9. इंराज फालांगिफोरा लण्डनाव गायसननाय फालांगियारि फसंथाननि मुङा मा?
फिन:- इंलिस इष्ट इण्डिया कम्पानि।
10. इष्ट इण्डिया कम्पानिया भारतनि बबे बबे जायगायाव मसला फालांगि खालामदोंमोन?
फिन:- (1) सुमात्रा (2) जाभा (3) मालाक्का।
11. उइलियाम हकिन्सआ भारतनि बबे दैमाजों फैनानै चुराट बन्दराव आगान होफैदोंमोन?
फिन:- ताप्ती वैमानि गेजेरजों फैनानो चुराट बन्दराव आगान होफैदोंमोन।
12. मगल सम्राट जाहांगिरखौ लोगो हमनाय गिबि जेमचनि थान्दैनि मुङा मा मोन?
फिन:- उइलियाम हकिन्स।
13. जाहांगीरनि खाथियाव फैनाय इंराजनि नैथि थान्दैनि मुङा मामोन? बियो माब्ला भारताव फैदोंमोन?
फिन:- सार टमास र’। 1615 खुः आव भारताव फैदोंमोन।
14. जन सारमननि दैदेननायाव इंराज सुबुंनि मोनसे थान्दै हान्जाया माब्ला भारताव फैदोंमोन? बै समाव मगल सम्राटा सोरमोन?
फिन:- 1715 खु: आव जन सारमननि दैदेननायाव इंराज सुबुनि मोनसे थान्दै हान्जाया भारताव हायफैदोंमोन।
बै समाव, मगल सम्राट जादोंमोन फारुखसियार।
15. मंगल म्रम्राट फारुखसियारखौ फाहामनाय फाहामगिरिनि मुडा मा मोन?
फिन:- डा: हैमिलटन।
16. भारतसिम हाबफैनाय इष्ट इण्डिया कम्पानिनि गिबि आरो गाहाइ थांखिया मा मोन?
फिन:- भारतसिम हाबफैनाय इष्ट इण्डिया कम्पानिनि गिबि आरो गाहाइ थांखिया जादोंमोन बेफार-फालांगि खालामनाय।
17. सोरनि बिथोन लानानै इष्ट इण्डिया कम्पानिया माब्ला मछलिपट्टमआव फालांगिमिरु गायसनदोंमोन?
फिन:- गलकुण्डा राज्योनि सुलताननिफ्राय बिथोन लानानै कम्पानिया मसलिपट्टमआव फालांगि मिरु गायसनदोंमोन।
18. आमरागावआव गायसननाय इंराजनि नैथि फालांगि मिरुनि गोदान मुङा मा मोन?
फिन:- फर्ट चेन्ट जर्ज।
19. बम्बाइ सोहोरखौ सोर मा रोखोमै मोनदोंमोन?
फिन:- इंलेण्डनि राजा नैथि चार्लसआ पर्टुगीज राजखुग्री केथरिनखौ हाबा खालामनानै जोथोब महरै बम्बाइ नोगोरखौ मोनदोंमोन।
20. केथरिना सोर?
फिन:- केथरिना जादोंमोन पर्तुगीज राजखुंग्री। बिखौ इंलण्डनि राजा नैथि चार्लस 1661 खृष्टाब्दआव हाबा खालामदोंमोन।
21. कलिकाता नोगोरखौ सोर माब्ला गायसनदोंमोन?
फिन:- कलिकाता नोगोरखौ जब चार्नकआ 1690 खुष्टाब्दआव गायसनदोंमोन।
22. राजा चार्लछ आ माब्ला आरो मानि सोलाय बम्बाइखौ इंराज कम्पानिनि आखाड्याव गथायदोंमोन?
फिन:- राजा चार्लछआ 1668 खुष्टाब्दआव बाजि रोजा पाउण्ड लननि सोलाय बम्बाइखौ इंराज कम्पानिनो गथायना होदोंमोन।
23. कलिकाता नोगोरखौ उनाव मा मुङै मिथिनाय जादोंमोन?
फिन:- फर्ट उइलियाम मुङै मिथिनाय जादोंमोन।
24. पलाची दावहाया माब्ला जादोंमोन?
फिन:- 1757 सायथाइयाव।
25. पलाची दावहाया सोर सोरनि गेजेराव जादोंमोन?
फिन:- पलाची दावहाया इष्ट इण्डिया कम्पानी आरो बंग नि नबाब चिराज उद्दौलानि गेजेराव जादोंमोन।
बे दावहायाव इष्ट इण्डिया कम्पानिया देरहादों मोन।
26. एलाहाबाद गोरोबथाया सोर सोरनि गेजेराव जादोंमोन? बै गोरोबथानि जाउनखौ लिर।
फिन:- 1765 मायथाइयाव मग ‘ल सम्राट छाह आलम आरो रबार्ट क्लाइबनि गेजेराव एलाहाबाद गोरोबथाया जादोंमोन।
बे गोरोबथानि जाउनाव इष्ट इण्डिया कम्पानीया बंग, बिहार आरो उरिष्यानि सायाव राजखान्थियारि गोहो मोनदोंमोन।
27. बंग हादराव नै-खुंथाइयारि सासन सोर बाहायदोंमोन?
फिन:- रबार्ट क्लाइबा नै-खुंथाइयारि सासन बाहायदोंमोन।
28. सोरनि खुंथाइ समाव इष्ट इण्डिया कम्पानीया भारतनि मोनसेल’ गोहो महरै सानजादोंमोन?
फिन:- लर्ड वारेन हष्टिंसनि खुंथाइ समाव।
29. बृटिस सोरखारा सामलायगिरि आयेन (Regulating act) खौ माब्ला बाहायदोंमोन? बे आइननि गेजेरजों मा खालामनाय जादोंमोन?
फिन:- बृटिस सोरखारा 1773 मायथायाव सामलायगिरि आयेन बाहायदोंमोन। बे आइननि गेजेरज बंग’ प्रेसिडेन्सिनि गवर्नरखौ “गवर्नर जेनेरेल” विमुं होनाय जादोंमोन। माद्राज आरो बम्बेनि गवर्नर सानैखौ बंग’नि गवर्नर जेनेरेलनि सिं खालामनाय जादोंमोन।
30. पिटनि भारत आइनखौ माब्ला नाजावनाय जायो? बे आइननि मोननै थांखि लिए।
फिन:- पिटनि भारत आइनखौ 1784 मायथाइयाव नाजावनाय जादोंमोन। बे आइननि मोननै थांखिया जादोंमोन–
(1) बे आइना भारतबर्ष आव मोननै खोलोबनि सरकार सोरजिदोंमोन।
(2) बे आइननि गेजेरजों कम्पानिया भारतवर्षखौ सासन खालामदोंमोन, गुबुन फारसेथिं कम्पानिया सामलायजादोंमोन बृटेइननि नखर सरकारनि गेजेरजों।
31. लर्ड डेलहाउछीया गबर्नर मासिनिफ्राय माब्ला बिदाय लादोंमोन? बिथांनि उनाव सोर बिथांनि बिबानखौ नाजावदोंमोन?
फिन:- 1856 मायथाइय़ाव विदाय लादोंमोन।
बिथांनि उनाव लर्ड केनिङा बे बिबानखौ नाजावदोंमोन।
32. सिपाइ बिग्रायनायनि जागायनायखौ माब्ला सोर माबायदि जागायदोंमोन?
फिन:- 1857 मायथाइनि 29 मार्च खालाराव 34 नं हादरारी आथि सान्थि हान्जानि सिफाई मंगल पाण्डेया बेरेकपुराव सिफाइ वादायाव इंराज बिबानगिरिनि मोदोमाव गुलि गावनानै सिफाइ बिग्रायनायखौ जागायदोंमोन।
33. मंगल पाण्डेनि हेफाजाबगिरिया लोगोआ सोरमोन?
फिन:- इश्वरी पाण्डे।
34. “जों भारतारि सुबुं” बे सांग्रांथिनि उल्थायै इंराज सासन-गिरिफोरा नाजावनाय गुबै खान्थिया मा मोन?
फिन:- गुबै खान्थिया जादोंमोन Divide and rule (बोखाव आरो सासन खालाम)
35. भारत सरकार आइननि गेजेरजों मा मावनाय जादोंमोन लिए।
फिन:- भारत सरकारनि आइननि गेजेरजों भारतवर्षनि जौसिन सासनगिरि महरै गवर्नर जेनेरेलखौ राजथान्दै महरै गनायथि होनाय जादोंमोन बे आइना भाइचरय आरो ओन्सोलारि गाहाइखौ थिसननायनि गोहोखौ इंराजनि आखाइयाव होनायजों लोगोसे कम्पानिनि सान्थि हान्जाखौ बृटिस सरकारनि सिं खालामदोंमोन। भारतनि सचिब (गाहाइ) आरो बृटिस सरकारनि गासैबो मावख ‘गोरा, साखि आवलाफोरनि बेथन भाट्टा आरिफोरखौ भारतनिफ्राय बुधुमनाय खाजोनानि गेजेरजों होनाय राहाया वे आइन आव मोनसे मुंख ‘जाथाव दफा मोन।
36. लर्ड केनिंआ नैथि खेबनि थाखाय भाइचरय जानानै मानि सायाव गोसो होदोंमोन?
फिन:- रांआरि बिथिंनि सायाव गोसोहोंदोंमोन।
37. लर्ड केनिङा रांआरि जौगाथाइनि थाखाय लाबोनाय गोरोंसा सानैनि मुं लिर।
फिन:- (1) जेम उइलछन (2) छेमुवेल।
38. “बंग खाजोना आइन” माब्ला नाजावनाय जायो? बे आइननि गेजेरजों मा खालामनाय जादोंमोन?
फिन:- 1859 मायथाइयाव नाजावनाय जायो।
बें आइननि गेजेरजों अरायथा बन्दवस्त आ सोमजिहोनाय गालाय गुजाया जोबदोंमोन। वे आइना रायत फोरखौ हानि सायाव गावनि मोनथाइखौ होदोंमोन। नील फालांगिफोरनिफ्राय नील आबादारि फोरखौ रैखा खालामदोंमोन। हादोराव दिहुननाय थांखुनि खाजोना थि खालामना होदोंमोन।
39. लर्ड केनिङा भारतनि सोलोंथाइनि जौगानायनि थाखाय मा खालामदोंमोन?
फिन:-लर्ड केनिङा भारताव भाइचरय महरै बिबान लानानै सोलोंथाइ राहाखौ जौगाहोनो थाखाय “उडनि सोलोंथाइ फोसोबथाइ” बिथांखिखौ बाहायनानै गंफ्रोम प्रदेशावनो सासे गाहाइनि (सचिब ) सिडाव सोलोंथाइ बिफान मोनसे खुलिदोंमोन।
40. सामलाइयारि आइनखौ माब्ला नाजावनाय जादोंमोन?
फिन:- 1793 मायथाइयाव नाजावनाय जादोंमोन।
41. सिभिल सार्भिस मासिखौ मोननाय गिबि भारतारि सुबुंआ सोरमोन?
फिन:- सतेन्द्र नाथ ठाकुर।
42. सिभिल सार्भिस आनजादाव उथिनाय गिबि असमीया सुबुंनि मुं लिर।
फिन:- आनन्दराम बरुवा।
43. आइचिछन आयगा लक सेवा आयगखौ बेसेबां बाहागोआव रानदोंमोन? बाहागोफोरा मा मा?
फिन:- मोनथाम बाहागोआव रान्दोंमोन।
बेफोर जादोंमोन–
(1) इमपरियेल इण्डियान सिभिल सार्भिस।
(2) प्रभिन्सियेल सिभिल सार्भिस।
(3) साबअरडिनेट सिभिल सार्भिस।
44. रयेल कमिसन अन पाब्लिक सार्भिसा माब्ला आरो सोरनि दैदेननायाव दाजादोंमोन?
फिन:- रयेल कमिसन अन पाब्लिक सार्भिसा 1962 खुष्टाब्दआव लर्ड इसलिंटननि दैदेननायाब दाजादोंमोन।
45. ली आयगखौ माब्ला आरो सोर दादोंमोन? बे आयगा मा बोसोन होदोंमोन?
फिन:- ली आयगखौ बृटिस सरकारा 1935 मायथाइयाव दादोंमोन। ली आयगा थाबैनो भारतवर्षआव सिभिल सार्भिस आयग दानायनि विथांखि होदोंमोन आरो 15 बोसोरनि गेजेराव सिभिल सार्भिस मासियाव भारतारि सुबुंनि अनजिमाखौ 50 जौखोन्दोसिम बारायहोनो बोसोन होदोंमोन।
46. गाहाइयाव होनाय आगसिनि मायथाइफोरखौ आगदानि जाथाइफोरनि लोगोआव गोरोब हो।
| मायथाइ | जाथाइ |
| (1) 1487 | फ्रान्सिस ड्रेकआ लैथोलामाजों बहुमनि सोरगिदिं गिदिङो। |
| (2) 1498 | माद्राजाव फर्ट-वेन्ट जर्ज खरंखौ लुनाय जायो। |
| (3) 1580 | बार्थल- मिड- डियाजा उत्तमाशा अन्तरीपआव नुजाथियो। |
| (4) 1600 | पलाची दावहा। |
| (5) 1639 | भास्क-डा-गामाया कलिकट बन्दराव नुजाथियो। |
| (6) 1757 | पिटनि भारत सासन आइन। |
| (7) 1857 | सामलायारि आइन। |
| (8) 1765 | इंराज सदागरफोरा लण्डनाव फालांगियारि मिरु गायसनो। |
| (9) 1773 | एलाहाबाद चुक्टि। |
| (10) 1784 | सिफाइ दावहा। |
फिन:-
| मायथाइ | जाथाइ |
| (1) 1487 | बार्थल- मिड- डियाजा उत्तमाशा अन्तरीप आव नुजाथियो। |
| (2) 1498 | भास्क-डा-गामाया कलिकट बन्दराव नुजाथियो। |
| (3) 1580 | फ्रान्सिछ डेका लैथोलामाजों बहुमनि सोरगिदिं गिदिङो। |
| (4) 1600 | इंराज सदागर फोरा लण्डनाव फालांगियारि मिरु गायसनो। |
| (5) 1639 | माद्राजाव फर्ट-वेन्ट जर्ज खरंखौ लुनाय जायो। |
| (6) 1757 | पलाची दावहा। |
| (7) 1857 | सिफाइ दावहा। |
| (8) 1765 | एलाहाबाद चुक्टि। |
| (9) 1773 | सामलायारि आइन। |
| (10) 1784 | पिटनि भारत सासन आइन। |
47. थारफिननायखौ सायखना दिहुन :
(i) लर्ड लिटननि बायदियै सिभिल सार्भिस आनजादाव बिजाथिनि बैसोनि गोजौ सिमाया 19 बोसोर/ 21 बोसोर/ 23 बोसोर>
फिन:- 19 बोसोर।
(ii) सुयेज जामफैया बेखेवजायो 1868/1869/1870 मायथाइयाव।
फिन:- 1869 मायथाइयाव।
(iii) भारतारि हारिमायारि कंग्रेसा दाजायो 1884/1885/1886 मायथाइयाव।
फिन:- 1885 मायथाइयाव।
(iv) सिफाइ बिग्रायनाया जादोंमोन 1857/1858/1860 मायथाइयाव।
फिन:- 1857 मायथाइयाव।
(v) भारताव गिबि फामु गायसंदोंमोन पर्तुगीजफोरा/ इंराजफोरा/ फरासिफोरा।
फिन:- पर्तुगीजफोरा।
(vi) भास्क-डा-गामाया भारताव फैदोंमोन 1498/1490/1680 फिननाय 1498 मायथाइयाव।
फिन:- 1498 मायथाइयाव।
(vii) फरासी इष्ट इण्डिया कम्पानीखौ दानाय जादोंमोन– 1668/1650/1721 मायथाइयाव।
फिन:- 1668 मायथाइयाव।
(viii) इंराजा गिबि फालांगियारि मिरु गायसनदोंमोन चिराज उदौला / जाहांगीर /साजाहान/ नि दिनाव।
फिन:- जाहांगीरनि दिनाव।
(48) थार फिन्नायखौ सायखना दिहुन—
(i) आसामनि गिबि आइ.चि.एछ आ जादोंमोन—
(a) सुरेन्द्र नाथ दत्त।
(b) रमेश चन्द्र दत्त।
(c) आनन्द राम बरुवा।
(d) सत्येन्द्र नाथ ठाकुर।
फिन:- (c) आनन्द राम बरुवा।
(ii) आथिखालाव भारतनि सिभिल सार्भिसनि आनजादनि जौसिन सिमाया—
(a) 25 बोसोर।
(b) 30 बोसोर।
(c) 33 बोसोर।
(d) 35 बोसोर।
फिन:- (b) 30 बोसोर।
(iii) भारतनि गिबि सिभिल सार्भिस मासिखौ मोननाय सुबुङा जादोंमोन—
(a) आनन्दराम बरुवा।
(b) सुरेन्द्र नाथ बन्द पध्याय।
(c) सत्येन्द्रनाथ ठाकुर।
(d) श्रीपद बाबाजी ठाकुर।
फिन:- (c) सत्येन्द्रनाथ ठाकुर।
(iv) लर्ड रिपन मा फोसावथाया भारतनि जारिमिनाव
गोसोखांथाव आयदा जानानै थागोन?
(a) लकेल बर्ड दानाय।
(b)गाव खुंथाइयारि सासन बाहायनाय।
(c) रांआरि मिरुथाइनङिबिथांखि।
(d ) भारतारिखौ आफादगिरि फाथिनाय।
फिन:- (b) गाव खुंथाइयारि सोसन बाहायनाय।
(v) आमेरिकानि बेप्टिष्ट मिछनारीफोरा आसामाव गिबियाव मिछन गायसनदोंमोन—
(a) जयपुराव।
(b) शदियायाव।
(c) शिवसागराव।
(d) नगावआव।
फिन:- (b) शदियायाव।
(vi) बारानासीयाव सोर संस्कृत कलेज गायसंदोंमोन?
(a) लर्ड रिपना।
(b) वारेन हेष्टिंसआ।
(c) जनाथन डानकाना।
(d) राम महन रायआ।
फिन:- (c) जनाथन डानकाना।
49. लान्दां जायगाखौ सुफुं :
(i) 1759 मायथाइयाव “बेदरा “याव दावहा जादोंमोन …………. नि गेजेराव।
फिन:- इंराज आरो डाछफोरनि गेजेराव।
(ii) ……….. मायथाइनि ……….. दानाव बृटिछ संसदा भारत सासन खान्थि मुङै गोदान आइनखौ बाहायदोंमोन।
फिन:- 1858 आगष्टआव।
(iii) “बंग खाजोना’” मुनि आयेनखौ दानाय जादोंमोन ……….. मायथाइयाव।
फिन:- 1859 मायथाइयाव।
50. भारतनि लोगोआव बेफार फालांगि खालामनायाव केप्टेइन हकिन्सआ माबायदि नाजादोंमोन लिर।
फिन:- 1608 खृष्टाब्दआव इंलेण्डनि राजा गिबि जेम्सआ भारतजों बेफार फालांगि खालामनायनि थांखियै केप्टेइन उइलियाम हकिन्स मुंनि सासे बृटिस थोंजोडै मगल सम्राट जाहांगीरनिसिम गांसे आरज बिलाइ दैथायदोंमोन हकिन्सआ ताप्ती दैमानि गेजेरजों चुराट बन्दराव आगान खोलैदोंमोन। बिथाङा 1690 खृष्टाब्दनि एप्रिल दानाव आग्रायाव आगान होनानै म ‘गल राजदरबाराव सम्राट जाहांगीरखौ लोगो हमदोंमोन। बेनो इंराजनि आग्रायाव गिबि आगान होफैनायमोन। केप्टेइन हकिन्सआ बोसोरनैसो मग ‘ल साम्राज्यआव थानानै सम्राटनिफ्राय बेफार फालांगिनि खाबु लानो नाजादोंमोन।
केप्टेइन हकिन्सआ होनाय फालांगियारि गोरोबथानि आरज बिलाइखौ सम्राट जाहांगीरा गनायथि होआखैमोन। 1615 ख्रष्टाब्दआव इंलेण्डनि राजा गिबि जेम्सआ सार टमास र’ मुनि गुबुन सासे इंराजखौ जाहांगीरनि खाथियाव थिनहर बावदोंमोन। ‘टमास र’ आजमीरआव नुजाफैनानै सम्राटखौ लोगो हमदोंमोन। टमास र ‘आ जेबो रोखोमनि फालांगियारि गोरोबथा खालामनो हायाखैमोनब्लाबो सम्राट जाहांगीरआ इंराज सदागरफोरखौ चुराटआव फालांगियारि बादा गायसननो बिथोन होदोंमोन। बेनि उनावबो इंराज सदागरफोरा भारतजों फालांगियारि गोरोबथा खालामनो नाजाबाय थादोंमोन आरो गुबुन गुबुन थावनियाव फालांगिखौ फेहेरलानो हादोंमोन।
51. सिफाइ बिग्रायनायनि जागायजेननाय माबोरै सोमजिदोंमोन बुजायना लिर।
फिन:- लर्ड केनिङआ भारतनि गवर्नर जेनेरेल जाना फैदोंमोन। थिक बे समावनो 1857 खुष्टाब्दनि 29 मार्च खालाराव 34 नं हादरनि फाइखि हान्जानि मंगल पाण्डेया बेरेकमुर फाइखि बादायाव इंराज बिबानगिरिनि मोदोमाव गुलि गावनानै फाइखि बिग्रायखांनायखौ जागायजेनहोदोंमोन। पाण्डेजों लोगोसे पहेरा होग्रा इशोर पाण्डेखौबो दायनिगिरि खालामनानै सानैखौबो जिउ फोजोबनायनि साजा होनाय जाथायाव दुलाराय सा भारत नाङै बिग्रायखांनाया अर जोंसिनदोंमोन।
बिग्रायखांनायनि जाहोनफोरा, बेनि आगोलनि इंराज खुंथाइनि सिङाव जाँसे बोसोरनि राजखान्थि, रांखान्थि आरो समाजारि राहानि बेक ग्राउन्दआव गलायमोनदेर जानानै दं। राजफोलेरनि थाखो आरो सुबुहारिनि गोजोननाय गैयैआ विग्रायखांनाय थासारि 1835 ख्रष्टाब्दआव कम्पानिनि खाउरिनिफ्राय म’गल सम्राटनि मुंखौ बोखारना होनाय जादोंमोन। मोनसे समावनों राजफोलेरनि पार्ची रावखौ बोखारनाने खुंथाइ जन्त्रआव इंराजी राव बिजाथाय महरै भारतारिफोरनि गोसोआव बिग्रायखांनाया वांसिनदोंमोन। लर्ड डेलहाउसिनि खुंधाइया गासैबो धोरोमारिनि भारतारिफोरनि गोसोआव गोजोननाय गैयि थासारि सोमजिहोदोंमोन। जायनि जाउनाव मुंदांखा सिपाइ बिग्रायखांनाया जागायदोंमोन।
| SL No. | CONTENTS |
| Unit – 1 | जारिमिन |
| Chapter – 1 | भारतबर्ष हादराव इउर’पियानफोरनि हाबफैनाय |
| Chapter – 2 | भारतारि माहारियारि सानस्रि बेरखांनाय |
| Chapter – 3 | मवामरीया सुबुं बिग्रायखांनाय |
| Chapter – 4 | माननि आसाम गाग्लोबनाय |
| Chapter – 5 | आसामाव बृटिस खुंथाइनि जागायनाय |
| Unit – 2 | भुमरखौरां |
| Chapter – 1 | बुहुम बिखुंनि सोलायनाय |
| Chapter – 2 | बारमण्डल |
| Chapter – 3 | भारतबर्षनि भुमरखौरां |
| Chapter – 4 | आसामनि भुमरखौरां |
| Unit – 3 | राजखान्थि |
| Chapter – 1 | भारतनि राजखान्थियारि हान्जा |
| Chapter – 2 | सोरखारनि बाहागो राननाय |
| Unit – 4 | रांखान्थि बिगियान |
| Chapter – 1 | रांखान्थिनि गुदि आयदाफोर |
| Chapter – 2 | गुबै रांखान्थियारि जेंनाफोर |
Notes of Class 9 Social Science in Bodo Medium | Bodomedium Class 9 Social notes इस पोस्ट में हम आपको ये समझा ने कि कोशिश की है की Bodo Medium 9th class Social Science Question answer | Class 9 Social Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।