Bodo Medium Class 9 Social Science Chapter 2 भारतारि माहारियारि सानस्रि बेरखांनाय Question Answer. Class 9 Social Science Question Answer in Bodo to each Chapter is provided in the list of SCERT, NCERT, SEBA सामाज बिगियान Class 9 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें. Class 9th Social Science Chapter 2 Bharatari Mohariyari Sansri Berkhangnai Question Answer Class 9 Bodo Medium Social Science Chapter 2 Questions Answer. SEBA Bodo Medium Class 9 Social Science Chapter 2 भारतारि माहारियारि सानस्रि बेरखांनाय Notes covers all the exercise questions in NCERT, SCERT.
Class 9 Social Science Chapter 2 भारतारि माहारियारि सानस्रि बेरखांनाय
बोडो मीडियम कक्षा 9 सामाज बिगियान खोन्दो 2 भारतारि माहारियारि सानस्रि बेरखांनाय Question Answer | Growth of Indian Nationalism | इस पोस्ट में हम आपको ये समझा ने कि कोशिश की है की कक्षा 9 बोडो मीडियम सामाज बिगियान खोन्दो 2 Growth of Indian Nationalism Question Answer. अगर आप एक सात्र या शिक्षाक हो बोडो मीडियम की, तो आपके लिए ये बोडो मीडियम कक्षा 9 सामाज बिगियान खोन्दो 2 Question Answer बोहत लाभदायक हो सकता है। कक्षा 9 सामाज बिगियान खोन्दो 2 मे आप अपना ध्यान लगाके पढ़ कर इस कक्षा 9 सामाज बिगियान में अछि Mark ला सकते हो अपनी आनेवाली परीक्षा में।
खोन्दो 2 भारतारि माहारियारि सानस्रि बेरखांनाय
Chapter 2 Growth of Indian Nationalism
जारिमिन
सेथि खोन्दो
आयदा बिथायारि सोंथि फिननाय जोबोद सुंद’/ सुंद’ फिननायनि सोंनाय
1. भारतारि हारिमायारि सानस्रिनि जागायजेननायनि गाहाइ जाहोना मा? समखौ मख ‘नानै लिर।
फिन:- सोनाबारि सोलोंथाइनि गोहोम।
जिगुजौथाइनि धोरोम जावरिखांनाय।
2. आनन्दमठ सल ‘मानि लिरगिरिया सोर?
फिन:- बंकिम चन्द्र चट्ट ‘पाध्याय।
3. “स्यारे जाहाछे अच्छा…….. “मेथाइनि लिरगिरिया सोर?
फिन:- इकबाल।
4. भारताव गिबिसिन रेलनि हान्था मेलाया माब्ला बबेयाव फोसावजादोंमोन?
फिन:- 1853 खृ: आव बम्बाइ आरो थानेनि गेजेराव 21 किलमिटार लामायाव रेल सालायनाने भारताव गिबिसिन रेल खारहोनाय जादोंमोन।
5. भारताव गिबिसिन टेलिग्राफ राहाया माब्ला बबेयाव फोसावजादोंमोन?
फिन:- 1839 खृ: आव कलकाता आरो डायमण्ड हारबारनि गेजेराव सोरखारि नङै खोन्दोआव गिबि टेलिग्राफ राहा खालामनाय जादोंमोन।
6. भारताव गिबिसिन सेबखांनाया माब्ला बबेयाव गायसनजादोंमोन?
फिन:- भारताव गिबिसिन सेबखांसालि 1797 खृ:आव श्रीरामपुराव गायसन जादोंमोन।
7. कलिकातानि प्रेसिडेन्सि कलेजखौ गिबियाव मा मुङै बबेयाव गायसनदोंमोन?
फिन:- कलिकतानि प्रेसिडेन्सि कलेजखौ गिबियाव हिन्दु कलेज मुङैमिथिनाय जादोंमोन। बेखौ कलिकतायाव गायसननाय जादोंमोन।
8. लर्ड उइलियाम बेन्टिंकनि मोननै मख ‘जाथाव समाज फोसाबनायनि सोमोन्दै लिर।
फिन:- समाज फोसाबधाइ मोननैया जाबाय–
(1) आइजो सोलोंथाइनि गोसारनाय।
(2) सोनाबारि सोलोंथाइ गोसारनाय।
9. भारतारि खौरां बिलाइनि जारिमिननि सेथि एबा गिबिसिन रादाब बिलाइया मा?
फिन:- भारतारि खौरां बिलाइनि जारिमिननि सेथि रादाब बिलाइया जाबाय बेंगल गेजेट।
गोलाउ सोंनायनि सोंथि
1. सिपाइ बिग्रायनाया माबोरै भारतारि हारिमायारि सानसि जुरिखांहोदोंमोन सुंद यै लिर।
फिन:- पलासि दावहानि सेजौ बोसोर उनाव बृटिस खुंथाइनि हेंथायै भारताव मोनसे गिखांथाव बिग्रायखांनाय सोमजिदोंमोन। बे बिग्रायनायानो जादोंमोन- सिपाइ विग्रायनाय। बे बिग्रायनाया जादोंमोन मोनसे रोखोमनि राजखान्थियारि उदांनि सोमावसारनाय। मानोना सिपाहि बिग्रायनायनि गेजेरजोंनो बिग्रायारिफोरा इंराज खुंथाइखौ फोजोबना हादराव फिन मंगल खुंगिरिखौ मासियाव फज’फिननो नागिरदोंमोन। बिग्रायनायनि थांखिया जाफुंसाराखैमोनब्लाबो बेनि फिथाइया भारतारिफोरनि थाखाय मिजिंथावना मोनसे बाथ्रायाव बे बिग्रायनायनिफ्रायनो भारतारि हारियारि जिउवा दावगाखांदोंमोन।
2. “उदनि दैथायहरनाय लाइजाम” नि गुबै थांखिया मा मा मोन लिर।
फिन:- 1844 खृ: निफ्राय कम्पानिनि सोरखारा गोदान सोलोंथाइखौ थिसननायनि साखाफारा खालामदोंमोन। 1854 खृ: आव साउद नि नाजानायाव भारताव गोदान सोलोंथाइखौं फोसाबनाय जादोंमोन। उदआ दैथायनाय लाइजामनि गुबै थांखिफोरा जादोंमोन―
(1) गुदि थाखोनिफ्राय मुलुग सोलोंसालि थाखोसिम सोलोंथाइनि राहानि मोनसे थि बिथांखि दानाय।
(2) गाहाय थाखोआव हादरारि राव आरो गोजौ थाखोआव इंराजि रावजों सोलोंथाइ होनाने भारताव गोदान सोलोंथाइ खान्थिखौ थि खालामदोंमोन।
(3) गोरों फरायसानो बृत्ति होनाय आरो सोलोंसालियाव सोरखारि अनसुंथाइनि राहा खालामनाने सोलोंसालिनि बिबांखौ बांहोनायनि बिथांखि लादोंमोन।
(4) गंफ्रोमबो हादरसायावनो सोलोंथाइ बिफान खुलिनो बिथोन हादोंमोन।
3. भारतारि हारिमायारि जावरिखांनाय लाबोनायाव गाहाइ बिफाव लानाय मोन 6 जाहोननि सोमोन्दै लिर।
फिन:- मोनद’ जाहोनफोरा जादों–
(1) राजा रामम ‘हन राय आरो ब्राह्म समाज।
(2) आर्य समाज।
(3) प्रार्थना समाज।
(4) रामकृष्ण मिशन।
(5) थियशफिकेल ससाइटि।
(6) आलीगर सोमावसारनाय।
4. भारतारि हारिमायारि जावरिखांनाय लाबोनायाव सोनाबारि सोलोंथाइनि मोनब्रै गोहोमनि सोमोन्दै लिर।
फिन:- भारतारि हारिमायारि जावरिखांनाय लाबोनायाव सोनाबारि सोलोंथाइनि मोन गोहोमफोरा जादों–
(1) सोनाबारि सोलोंथाइया गिबियाव बंग हादरनि सुबुंफोरखौ सोमोनांहोदोंमोन, फारसेथिं राजथावनि कलकातानि फारसे गोसो बोगथाबनाय आरो गुबुन फारसेथिं बेनि सोलोंथाइ फसंथान। कलिकातानि सोलोंसालियाव फरायनो मोननाया मोनसे गोग्गानायनि आयदा जानाने फैदोंमोन।
(2) बिथांमोना बिजाब फरायनायनि गेजेरजों सोनाबारि मुलुगनि गेदेमा सानथौगिरिफोरनि आदर्शजों सिनायथि जानाने गावखौनो साबाय खर बावदोंमोन।
(3) माहारियारि, गावखुंथाइ, सुबुंदारा बादिनि सोमोन्दै गियान मोननायज बिसोरनि गोसोआ मिथिनो लुबैदोंमोन। फरायसा जिउखौं फोजोबनाने फैफिननायफोरा गावसोरनि गोदान साननाय-हनायखौ समाजाव गोसारहोदोंमोन। बिसोरनि गोसोआव खौसेथिनि सानस्रिया बेरखांदोंमोन। गादवजानायनिफ्राय उदां जानायनि बिसोर सिमां नुदोंमोन।
(4) रुश, भलतेयार, बार्क, मेकले, स्पेनसार बायदि मुदांखा सुबुंनि रनसाय फरायनानै बिसोरो गोसोआव गोसोन्थियारि गोजोननायखौ लाबोनो हादोंमोन।
5. भारतारि हारिमायारि जावरिखांनाय लाबोनायाव हान्था मेलानि जौगानाया माबादि गोहोम खोख्लैदोंमोन?
फिन:- भारतआव इष्ट इण्डिया कम्पानिनि खुंथाइयां जौगानाय लोगो लोगो भारतनि इसिझरि हान्था मेला राहायाव गोबां सोलायनाय फैयो। भारताव गोथां बेसाद बायनो थाखाय आरो इंलेण्डआव दिहुननाय सि जोम बायदि बेसादफोरखौ भारताव फाननो थाखाय भारत हादोरनि हान्था मेला राहाखौ जौगाहोनायनि गोनांथि जादोंमोन।
1839 खृ: आव कलकातानिफ्राय दिल्लीसिम ग्रेण्ड ट्रांक रड खोनाय जादोंमोन। बोसोरनैनि गेजेरावनो बे लामा खोनाया आबुं जानाय लोगो लोगो भारतनि हान्था-मेला राहायाव गोबां सोलायनाय फैयो। लर्ड डेलहाउसिनि खुंथाइ सम (1848-56) आव बे लामाखौ पेसबारसिम फुवारनाय जादोंमोन। गाहाइ नोगोर, बन्दर, हाथाइफोरखौ बे लामार्जो फोनांजाबनाय जादोंमोन। इंलेण्डनि बादिनो भारतावबो 1834 खृ: आव रेल फोनांजाब जागायनायनि थांखि लानाय जादोंमोन।
1853 खृ: आव बम्बाइ आरो थानेनि गेजेराव 21 किल’ मिटार लामायाव रेल सालायनाने भारताव गिबिसिन रेल खारहोनाय जायो। 1854 खृ: आव माद्राजाव रेल लामा बानायनायनि खामानिखौ जागायदोंमोन। गनै गाहाइ थावनिखौ मिरु बिन्दु महरै लानानै रेल हान्था मेला राहाखौ बांहोनाय जायो। 1883 खृः आव आसामावबो शदियानिफ्राय डिब्रुगरसिम रेल सालायनायखौ ज्ञागायो। आसामाव साह बिलाइ दिहुननाय आरो फालांगिखौ गोसारहोनायनि बिथिंखौ साननानैनो बे रेल सालायनायखौ जागायो।
बेबादिनो फोनांजाबनि दावगानाया भारतारिफोरनि गोसोआव गोजोननाय लाबोदोंमोन आरो हारिमायारि सानप्रियाबो सोलायदोंमोन।
6. भारतारि हारिमायारि जावरिखांनाय लाबोनायाव राजा रामम ‘हन रायनि बिहोमानि सोमोन्दै लिर।
फिन:- भारतारिफोरनि गेजेराव हारियारि सांग्रांथि लाबोनानै होफैनाय गिबिसिन सुबुनि मुङानो जाबाय राजा राममहन राय। बे सुबुङा दोहोरोम, समाज, फोसाबनाय, सोलोंथाइ गोसारनाय, राजखान्थि बायदि गासैबो बिथिङावनो गोदान सांग्रांथिनि सानस्रिखौ लाबोनायजों लोगोसे गोदान भारत दानायनि बेलायाव गोबां बिफाव लादोंमोन । भारतनि हारिमु, इसलाम हारिमु आरो सोनाबारि बे मोनथाम सोदोमस्रि सिनायथि जानायनि गोहोखौ लाबोनानै खौसेथि खालामना भारताव गोदान मुगाखौ जागायदोंमोन।
1797 खृ: आव इउरपारि मिशनारिफोरा खृष्ट धोरोम फोसावनायनि थांखियै श्रीरामपुराव गिबिसिन सेबखांसालि फसंदोंमोन। श्रीरामपुर सेबखांसालिया बांला रावआव दिहुननाय दिगदर्शन आर समासार दर्पन मुनि लाइसि गांनैया खृष्ट दोहोरोमखौ मोनसे गेदेर दोहोरोम महरै दिन्थिनानै हिन्दु दोहोरोमनि फारसे इनायै मुं सुनाय फोसावदोंमोन। हिन्दु दोहोरोमनि फारसे खालामनाय इनाय मुं सुनायनि हेंथायै राममहन राया मैखोमै बेरेखा खालामदोंमोन। हिन्दु दोहोरोमखौ मैला गयै दिन्थिनायनि थांखियै बिथाङा 1815 खृ: आव कलकातायाव अद्मीय सभा मुनि मोनसे फसंथान गायसनदोंमोन। 1828 खृ: आव ब्राह्म सभा मुनि गुबुन गंसे फसंथान गायसनदोंमोन। ब्राह्म सभाया उनाव ब्राह्म समाज मुङै मुर्दाखा जायो।
राजा राममहन राया सासे गोबां गुननि बिगोमामोन हिन्दु, दोहोरोमखौ फोसाबनायावल’ थायाजासे बिथाड़ा समाज फोसाबनाय आरो सोलोंथाइ बिथिङावबो समानै गोसो होदोंमोन। बिथाङा उन्दै हाबा, खोबथे खान्थि, गोबां हाबालानाय बायदिखौ मैखोमें बेरेखा खालामदोंमोन। फिसाइ थैजानाय हाबा आरो हारिबेरेखा हाबाखौ समाजारियै गनायथि होदोंमोन। हाबा खालामि ग्राफोरनि थाखाय फिसाइ थैजानाय हाबाखौ मोनसे मानथाखो गोनां खामानि होननानै फोसावदोंमोन। आयजोफोरनि सोलोंथाइ होनायाव गोसो होनायजों लोगोसे आयजोफोरनो दोहोननि मोनथाइ होनो थाखाय नांसोमदोंमोन। डेभिद हेयारजों लोगो नांनानै भारताव सोनाबारि सोलोंथाइखौ गोसारहोनो थाखाय 1817 खृः आव कलकातायाव हिन्दु कलेज गायसनदोंमोन। बे कलेजा उनाव प्रेसिडेन्सि कलेज मुङे मुंदांखा जायो।
राया भारताव अनसायनाय गोसोजों खुंथाइ थिसननायनि थाखाय कम्पानिनि सोरखारखौ खावलायदोंमोन। राफोद खुंथाइखौ फोजोबनो बिथा कार्यपालिकानिफ्राय न्यायपालिकाखौ बोखावनो नाजानायजों लोगोसे देवानी आरो फौजदारी खान्थिखौ फोसाबनायनि थाखाय सोरखारखौ खावलायदोंमोन।
बांनाय हानि खाजोनाखा बोखारनानै आबादारिफोरनि रांखान्थियारि थासारिखौ जौगाखांहोनो थाखाय खावलायदोंमोन। राया माखासे गोहोमगोनां हारियारि दैदेनगिरिखौ समाज जौगाथाइनि खामानियाव नांथाबहोनो हादोंमोन | बिथांमोननि गेजेराव दारकानाथ ठाकुर, प्रसन्न कुमार ठाकुर, हेनरि भिभियान डेरजिय बायदिया मख ‘जाथाव।
राजा राममहन राया गोदान भारतनि जोनोम होगिरि। गोदानथिनि बारहावाखौ बिथाङा गासैबो बिथिङावनो समानै गोसारहोनो हादोंमोन।
7. भारतारि हारिमायारि जावरिखांनाय लाबोनायाव दयानन्द सरस्वतीनि बिहोमानि सोमोन्दै लिर।
फिन:- संस्कृत रावनि मुंदांखा पण्डित स्वामी दयानन्द सरस्वतीया पानजाबाव आर्य समाज गायसन दोंमोन। आर्य समाजा ‘सासेल’ इसोरखौ फोथायनानै मोदाइ-दावदायनि फुजा आरो मुसुखा पुजा होनायखौ नेवसिनाने राइजोफोरनि गेजेराव फोसावदोंमोन। आर्य समाजा दोहोरोमारि आर ‘ज गाबनायनि मुडाव बायजोआरिखौ मदद खालामाखैमोन। हिन्दु समाजनि उन्दै हाबा, हारि गावस्रानाय, गोबां हाबा खालामनायखौ समाजारि अनागार होनना फोसावदोंमोन। फिसाइ थैजानायनि हाबा, आयजो सोलोंथाइखौ गोसारहोनायनि थाखाय बाहागो लादोंमोन। आर्यसमाजा लैथो मदद खालामदोंमोन आरो बयखौबो खोमसि फोथायनायखौ नागारनो फोसावदोंमोन। स्वामी दयानन्दनि बेदआव जाय दोहोरोमा दं बेनो दोहोरोम। “बेदआव गिदिंना थांफिन” बे बानबुंथाइखौ बिथाङा फोसावदोंमोन।
आर्य समाज राहाखौ गोदान महर होदोंमोन। बेखौ शुग्दि होननानै मोनथिनाय जायो। हिन्दु दोहोरोमाव सिगाव हिन्दु नङै सुबुंखौ हिन्दु दोहोरोमाव दिक्षा होनायनि जेबो खाथि गैयामोन। स्वामी दयानन्दआ गिबि दोहोरोम सोलायनाय राहाखौ लाबोनान गुबुन दोहोरोमनि सुबुंखौ गोसो बादियै हिन्दु दोहोरोम लानायाव मोन्थाइ। इसलाम आरो खुष्ट दोहोरोमनि दावगाबोनायखौ होबथानानै मोनसे सिगां सारिनि हिन्दु समाज दानायनि थाखाय गोखों बिफाव लादोंमोन। आर्य
समाजनि दालाइखौ भारतनि गोबां जायगायाव फसंनानै भारताव हिन्दु मारियारि सानसि बेरखांहोदोंमोन।
8. भारतारि हारिमायारि जावरिखांनाय लाबोनायाव केशव चन्द्र सेननि बिहोमानि सोमोन्दै लिर।
फिन:- केशव चन्द्र सेनआ भारतारि हारिमायारि जांखिथाइखौ दानो थाखाय 1867 खृ: आव प्रार्थना समाज गायसननानै फोसाबनाय सोमावसारनायखौ जागायदोंमोन।
महाराष्ट्रनि नबबेष्णव सोमावसारनायनि दोहोरोमारि गुरु नामदेब, टुका राम, राम दास बायदि नबबैष्णब दोहोरोम गुरुनि नाजानायाब गंसे गोगो समाज दानायनि थाखाय बिथाङा रायजोफोरनि गेजेराव हाबसनहैदोंमोन। रानाडेनि गोख्रों नाजानायाव “फिसाइ थैजानाय हाबा होफिनग्रा आफाद’ आरो “खोला सोलोंथाइ समाज” मुनि गनै मुंदांखा फसंथाना जाखांदोंमोन। गिबि फसंथाननि गेजेरजों फिसाइ थैजानाय हाबानि फारसे थुलुंगा होनायजों लोगोसे फिसाइ थैजानायफोरनि राडारि अनसुंथाइनि थाखाय खुन्दुनि सि फसंथान दाना होदोंमोन। खोलायारि सोलोंथाइ समाजा अनाथ गथ ‘फोरनो सोलोंथाइ होनायजों लोगोसे बिसोरनि थानाय जानायनि थाखाय गोबां जायगायावनो आश्रम फसंदोंमोन। लेखा रोङि आरो जौगायि हारिखौ सोलोंथाइ होनो थाखाय मोनानि फरायसालि गायसनदोंमोन। प्रार्थना समाजनि फोसावनाय सोमावसारनाया गासै खोला भारतनि रायजोफोरनि गोसो सिङाव माहारियारि सानम्रि बेरखांहोनायाव थुलुंगा होदोंमोन।
9. भारतारि हारिमायारि जावरिखांनाय लाबोनायाव एनि बेसान्टनि बिहोमानि सोमोन्दै लिर।
फिन:- मिछेज एनि बेशान्टआ सासे आयारलेण्डनि हिन्जावमोन। बियो भारताव’ फैनानै भारत बिमानि जौगानायनि थाखाय अरायबो खामानि मावलांबाय थादोंमोन। 1875 खृ: आव आमेरिकानि निउयर्क सोहोराव थियशफिकेल ससाइटि गायसननाय जादोंमोन। वे फसंथाननि दालाय मावखुलिखौ 1885 खृ: आव माद्राजाव बेखेवनाय जादोंमोन। थियशफिकेल ससाइटिनि सोद्रोमा एनि बेसान्टआ समाज सिबिनायनि गेजेरजों गोजाम भारतारि सोदोमस्रि आरो हारिमुवारि दाफिननायनि सायाव गोसो होदोंमोन। भारतारि गोसो बिथिङारिखौ सिगां मोनग्रोथाइ होनानै बिथांनि माखासे आदर्श सोलोंसालि गायसंनदोंमोन मख ‘जाथावदि 1907 खृ: आव बारानसीयाव एनि बेसान्टआ गायसननाय चेन्ट्रेल हिन्दु स्कुलआ 1915 खृ: आव काशि मुलुग सोलोंसालियाव सोलायो।
मिछेस एनि बेसान्टआ भारतखौ बिमा हादर महरै गोबानानै लादोंमोन। बिथांनि साननाय-हनाय आरो मावथाइयाव भारतारिफोरनो थुलुंगा होदोंमोन। 1916 खृ: आव बेशान्टआ हम रूल लीग गायसननाने भारतारिफोरनि गेजेराव गाव खुंधाइनि गोनांथिखौ फोसावदोंमोन। बेसान्टआ 1917 खृ: आव हारियारि कंग्रेसनि जथुमायाव आफादगिरि मासि मोन्दोंमोन बिथाङा हारियारि कंग्रेसनि गिबिसिन आयजो आफादगिरिमोन।
10. भारतारि हारिमायारि जायरिखांनाय लाबोनायाव रामकृष्ण परमहंसनि बिहोमानि सोमोन्दै लिर।
फिन:- रामकृष्ण परमहंसनि (1834-86) बिदान्थेखौ मिरु खालामनानै रामकृष्ण मिशन जाखांदोंमोन। रामकृष्ण परमहंसआ सासे गोग्लै गोसोनि सुबुंमोन। बिथाङा कलिकतानि दक्षिनेश्वरआव थानाय कालीमन्दिरनि फुजारो मोन। बिथाङा गोदोन सोलोंथाइ मोनाखैमोन बिथांनि गुबै मुङा गदाधर चट्ट ‘पाध्याय। सोलोंथाइ गैयाब्लाबो हिन्दु, इछलाम, सृष्टान गासैबो धोरोमादि सासे गसाइखौनो मोनदांनायनि गुबुन गुबुन लामा बे बाथ्राखौ बिथाङा बुजिमोननो हादोंमोन। बिथाङादा मुसुखा फुजिनायाव फोथायनाय दंमोन। गासैबो धोरोमनि फारसे सहायसुला जानायखौ बिथाङा नागिरदोंमोन। 1886 खृ: आव रामकृष्ण परमहंसआ थैयो।
बिथांनि थैनायनि उनाव बिथांनि आंगो शिष्य बिबेकानन्दआ हादरनि गासैबो जायगाखौ गिदिनाने रामकृष्णनि बानीफोरखौ फोसावनानै गिर्दिथिंदोंमोन। बिबेकानन्दनि साननाय मावनायफोरा भारतारिफोरखौ खौसेथि लाबोनायजों लोगोसे हादर अनफावरि जानो थोजासे थुलुंगा होदोंमोन आरो हारिमायारि सानसि जाखांहोदोंमोन।
11. आलिगड़ सोमावसारनाया मा? बे सोमावसारनाया मुसलमानफोरखौ माबादि गोदान साननाय-हनायनि लामा दिन्थिदोंमोन लिर।
फिन:- भारतारि मुसलमान समाजखौ आलिगर सोलोंसालिनि बिजोजों गोदान सोलोंथाइ होनानै बिसोरनि गेजेराव माहारियारि सानसि बेरखांहोनायखौ आलिगर सोमावसारनाय होननानै बुंनाय जायो।
मुसलमान समाजखौ गोदान साननाय हनायजों फोथांफिननायनि बेलायाव शार शैयद अहमद खान (1817-98) नि बिहोमाया मख ‘जाथाव। बिथाङा मुसलमान हारिखौ सोनाबारि सोलोंथाइजों गोरों खालामनायंनि थांखियै 1864 खः आव गाजिपुराव गंसे इंराजि आदर्श फरायसालि गायसनो। 1865 खु: आव बिगियान समिति (Science Society) मुनि गंसे समाजारि फसंथान फसनाने बिथाङा इंराजि रावनि माखासे बिजाबखौ उर्द रावआव सोलायो। 1875 खृ: आव बिथाडआ आलिगर महम्मदान एल’ एण्डियान कलेज गायसनाो। एसे समनि गेजेरावनो फसंथाना सोनाबारि थुनलाइ हारिमुनि सिङाव गियान बुथुमनायनि गंसे मख ‘जाथाव मिरु जानानै फैयो।
शैयद अहमद खाना आलिगराव गायसननाय सोलोंसालिनि गेजेरजों मुसलमानफोरनि गेजेराव राजखान्थियारि सांग्रांथि लाबोदोंमोन। हारियारि कंग्रेस दानायनि उनाव कंग्रेसनि रोखोमसे साननाया गुबुन से हारियारि फसंथान जौगाखांनायनि थाखाय आलिगर महम्मदान एंल’ इण्डियान कलेजा जरखा मदद खालामदोंमोन। बेनि बेलायाव कलेजनि गोरापुं थिउडर बेगआ जरखा बिफाव लादोंमोन। बे फसंथाननि गेजेरजों भारतारि मुसलमानफोरा सोनाबारि सोलोंथाइ हारिमुनि सोमोन्दै मोन्थिनायनि लामांया उदां जादोंमोन। बे फसंथानाव सोलोंथाइ मोननाय माखासे गोरों सुबुङा मुसलमान समाजाव दैदेनगिरिनि बिबान लानानै समाजखौ गोबां बिबांनि खोमसि फोथायनायनिफ्राय उदां खालामनो हादोंमोन।
12. “रादाब बिलाइ” नि जोनोमा माबादि भारतारिफोरनि गेजेराव हारिमायारि सानमिनि साननायखौ सोलायनाय लाबोदोंमोन फोरमाय।
फिन:- इंराजि रावजों फोसावजानाय रादाब बिलाइनि गेजेरजों भारताव खौरां बिलाइनि जारिमिना जागायदोंमोन। इंराजि रावजों फोसावजानाय ” बेंगल गेजेट” आ 1780 खृः आव फोसावजायो बे खौरां बिलाइफोरा सुबुं फोनांजाबनायाव इंराजि समाजखौसो बुधिगिरि महरै खामानि मावदोंमोन गोदान सोलोंथाइजों सोलोंथाइ मोननाय भारतारिया खौरां बिलाइनि गोनांथिखौं मोनथिनायनि फिथाइ महरै जिगु जौथाइनि नैथि जौथाइनिफ्राय ओनसोलारि रावाव गोबां रादाब बिलाइ फोसावजादोंमोन। ओनसोलारि रावाव फोसावजानाय खौरां बिलाइनि गोबारै फोसावजानायाव खौरां बिलाइनि उदांस्रि आरो समाजाव जाखांनाय बेनि बिफावनि सोमोन्दै इंराज खुंगिरिफोरा सांग्रां जादोंमोन। बायजोयारि खुंगिरिफोरा मोजाङै हमनो हादोंमोनदि भारतनि उदां आरो थाबथानाय गैयै रादाब बिलाइया इंराज खुंथाइनि फारसे खैफोद लाबोगोन।
हादरारि रावनि रादाब बिलाइफोरा बायजो हादरारि खुंथाइनि हाबा-हुखानि सायाव गोख्रों सोंखारिनाने भारतारिफोरनि गोसोआव इंराज सोरखारनि हेंथायै सांग्रा खालामना होदोंमोन। बे बेलायाव बंग हादरनिफ्राय फोसावजानाय रादाव बिलाइफोरनि बिफावा बयनिखुइबो बांसिन। जिगु जौथाइनि नैथि बाहागोआव बंग हादोराव फोसावजानाय रादाब बिलाइ बंगदर्शन, सन्जीबनी ‘आर्यदर्शन, अमृतबाजार’ पत्रिका रादाब बिलाइया भारतारिफोरनि गेजेराव माहारियारि साननि बेरखांहोनायाव गोसोगोनां बिफाव लादोंमोन। बे रादाब बिलाइफोरा इंराज खुंथाइया भारतारिफोरखौ थगायबोनायनि महरखौनो बेरखांहोदोंमोन। सोलोंथाइ मोननाय समाजाव जाखांबोनाय गाव सांग्रांथिया बृटिश खुंगिरिफोरखौ साननोगोनां खालामदोंमोन।
1878 खृ: आव गाज्रि “प्रेस आइन” जाबसिनना होनाने इंराजफोरा हिन्दु, केशरी, बंगदर्शन, अमृतबाजार पत्रिका बायदि रादाब बिलाइफोरखौ बन्द खालामना होदोंमोन। लिटननि हाथियार आयेन आरो प्रेस आयेना भारतारिफोरखौ रागा जोंहोदोंमोन। भारतारिफोरा फारियै गावनि मान रैखाथिनि थाखाय नाजादोंमोन।
13. भारतारि हारिमायारि कंग्रेसनि जोनोम जारिमिननि सोमोन्दै गुसु लिर। मोनसे सुंदुं’ रेबसु लिर।
फिन:- गबर्नर जेनेरेल लर्ड डफरिननि समाव एलेन अक्टभियान हिउम मुनि सासे आजिरा मोननाय सोरखारनि बिबानगिरिया भारतारिफोरनि सार्थआव मोनसे हारियारि फसंथान दानायनि साखा फारा खालामदोंमोन। हिउमआ कलकाता मुलुग सोलोंसालियाव फरायनाय डिग्रिनि फरायसाफोरखौ थांखिनानै गांसे उदां लाइजामजों बिधांमोनखौ बिमा हादर सिबिनायाव बारसोमनो खावलायदोंमोन। गासै 50 फरायसाफोरनि मददाव कलकातायाव मोनसे जथुमा खुंनाय जादमोन। इन्दियान नेसनेल इउनियन मुं होनाय बे जथुमा हादरनि जौगानायनि सार्थआव मोनसे भारतनाङे हारियारि फसंथान जाखांहोनायनि बाथ्रा फोरमायदोंमोन। बम्बाइयाव मोनसे सुबुंगौमा खुंनायनि थांखि लानानै मोनसे हारियारि फसंथान दानायनि थांखि लानाय जायो। गवर्नर जेनेरेल डाफरिना हिउमखौ थुलुंगा होदोंमोन।
1885 खृः नि 28 डिचेम्बराव बम्बाइनि गकुलदास तेजपाल संस्कृत कलेजाव सुबुंगौमाखौ खुंनाय जादोंमोन। भारतनि गुबुन गुबुन जायगानिफ्राय सा 72 थान्दैया सुबुंगौमायाव नुजाथिदोंमोन। आफादगिरिनि थाखाय सायख ‘नाय जादोंमोन कलकातानि बेरिष्टार उमेश चन्द्र बन्दपाध्यायखौ बे सुबुंगौमाया थांखिनाय हारियारि फसंथाननि मुंखौ” भारतारि हारियारि कंग्रेस” होननानै थि खालामदोंमोन। बे वादिनो भारतारि हारिमायारि कंग्रेसा जोनोम जादोंमोन।
14. भारतारि हारिमायारि कंग्रेसनि हाबाफारि आरो जौगानायनि सोमोन्दै गुसुङै लिर।
फिन:- कंग्रेसनि जागायजेननाय समाव जायफोर दैदेनगिरिमोन बिसोर गोजोन हान्जामोन। गोजोन हानजा फसंथान महरै सिनायथि होनाने हारियारि कंग्रेसा आइजलाइनि गेजेरजों भारतारिफोरनि गुबुन गुबुन जेंनानि फारसे गोसोहोनो सोरखारखौ खावलायदोंमोन। इंराज खुंगिरि आरो बृटेइन सोरखारनि खाथियाव मोजां सोमोन्दों लाखिनानै खुंथाइ हानजायाव भारतारि थान्दै थिसननायानो हारियारि कंग्रेसनि मोनसे मख ‘जाथाव थांखिमोन। बे मिजिंखौ खालामनानैनो 1890 खृः आव हारियारि कंग्रेसा सुरेन्द्रनाथ बन्दपाध्यायनि दैदेननायाव मोनसे सांग्रा हान्जाखौ इंलेण्डसिम दैथाय हरदोंमोन। नाथाय 1892 खृः आव भारत परिषद आयेना हाबायाव भारतारिफोरनो जेबो होयियासो हारियारि कंग्रेसखौ सानहाबहोदोंमोन। गोजोननि राहाजों बृटिसनिफ्राय गोबां मिजिं खालामनानैबो जेबो मोनियाव कंग्रेसनि माखासे दैदेनगिरि मावथिफोरनि गोसोआव सोलिबाय थानाय साननाय हनायखौ नागारनांगौ साननांगौ जायो। कंग्रेसनि गेजेरावनो मोनसे गोदान गोहोआ जाखांबोदोंमोन। बिथांमोनहा आर ‘जलाइ गथायनायखौ नागारनानै बृटिसनि हैंथायै सांग्रां जानो बयखौबो हुमखि होदोंमोन।
1905 खृः आव जालांनाय मोननै मख ‘जाथाव जाथाया हारियारि कंग्रेसनि इसिडाव मोनसे दुहाव थासारि सोमजिहोदोंमोन। गिबिया जादोंमोन जापाननि आखाइयाव रासियानि जेननाय आरो गुबुन मोनसेया बंग सिफायनाय। एसियानि फिसा गोहो जापाना गोहोगोरा हादर रासियाखौ फेजेननाय जाथाया भारतनि माहारियारि सुबुंफोरनि गोसोआन सोमावसारनायनि सानस्रि बेरखांहोदोंमोन फारसेथिं कोर्जननि (1899 1905) बंग सिफायनाया माहारियारि सुबुंफोरनि गोसो सिङाव मैखोम इंराज बेरेखा सानखिखौ बेरखांहोदोंमोन।
1905 खृः आव बारानसि हारियारि कंग्रेसनि आफादगिरि गयालकृष्ण गखलेनि गुरै रावनि बिबुंथिखौ बिपिन चन्द्र पाला बेरेखा खालामदोंमोन। पालआ अननायखौ नागारनाने हादरनि हाबाफारिखौल’ गोसो होनानै गोखों राहानि गेजेरजों हारियारि कंग्रेसखौ आवगायलांनो खावलायदोंमोन। बे जाथायखौ मिरु खालामनानै कंग्रेसनि गेजेराव गोरोबलायि जादोंमोन। 1906 खृः आव दादाभाइ नउरजीनि आफाद दैदेननायाव खुंनाय हारियारि कंग्रेसनि कलकाता जथुमाया गावनि हादरनि सोमावसारनायनि हाबाफारि लानायाव थासारिखौ एसे सोलायहोदोंमोन।
नाथाय 1907 खृः आव रास बिहारि घर्षानि आफाद दैदेनायाव खुंनाय कंग्रेसनि चुरात जथुमायाव कंग्रेसा मोननै बादायाव गावस्रायो- मोनसेया गोरा हानजा, गुबुन मोनसेया गुरै हान्ना। गोरा हान्जायाव दंमोन बालगंगाधर तिलक, लाला लाजपत राय आरो बिपिन चन्द्र पाल। गोरा हानजाफोरा अरविन्द घर्षानि दैदेननायाव गावनि हादर, हारियारि सोलोंथाइ बायदि आयदाफोरनि सायाव मिजिं खालामनाने भारतारिफोरनि गेजेराव राजखान्थियारि माहारियारि साननिखौ हमथानानै लाखिदोंमोन। 1916 खृः सिम गोरा हान्जाफोरा गुरै हारियारि कंग्रेसनिफ्राय जानगाराव दंमोन।
बांद्राय सोंथि
1. मगल साम्राज्योआव माब्लानिफ्राय गालाय-गुजाया नुजाथिदोंमोन?
फिन:- सम्राट उरांजेबनि थैनायनि उनाव मगल साम्राज्योआव गालाय-गुजाया नुजाथिदोंमोन।
2. भारतबर्ष आव बृटिस सासननि जागायजेननाया माबोरै जादोंमोन?
फिन:- भारतवर्षआव फालांगिनि थाखाय राजखान्थियारि गोहो मोननायनि गोनांथि जानायाव इष्ट इण्डिया कम्पानिनि मख ‘गोरा बरार्ट क्लाइबा बंगानि नबाब चिराज उद्दौलाखौ पलाची दावहायाव फेजेन्नानै भारतवर्षआव बृटिस सासन जागायदोंमोन।
3. पलाची दावहाया सोर सोरनि गेजेराव जादोंमोनमोन? बे दावहायव सोर देरहादोंमोन?
फिन:- पलाची दावहाया इष्ट इण्डिया कम्पानिनि मावख ‘गोरा रबर्ट क्लाइ आरो बंगनि नबाब चिराज उद्दौलानि गेजेराव 1757 मायथाइयाव, जादोंमोन वे दावहायाव बार्ट क्लाइबा देरहादोंमोन।
4. सिपाइ बिग्रायनाया माब्ला जादोंमोन?
फिन:- 1857 मायथाइयाव।
5. सिपाइ बिग्रायनायनि गाहाइ थांखिया मा मोन?
फिन:- 1857 मायथाइनि सिपाइ बिग्रायनाया जादोंमोन मोनसे रोखोमनि राजखान्थियारि उदांस्रिनि बिग्रायनाय। सिपाइ बिग्रायनायनि गेजेरजों बिग्रायारिफोरा इंराज सासनखौ नेवसिनानै हादोराव फिन मंगल सासनखौ उलाफादाव फज ‘नायनो जादोंमोन सिपाइ बिग्रायनायनि गाहाइ थांखि।
6. भारताव इंराज सासननि फिथाइया मा मोन?
फिन:- भारताव इंराज सासननि फिथाइया जादोंमोन– इंराज सासना भारतारिफोरखौ सोनाबारि सोलोंथाइ– हारिमुनि लोगोआव सिनायथि खालामना होनायाव भारतारिफोरनि साननाय-हनाया सोलायदोंमोन। बिसोरनि गोसोआव गोदान सानस्रि जाखांदोंमोन। बानबुंथाइनि गेजेरजों गासैबो बाथ्राखौ सानाय हनायनि फारसे बिसोर गोसोहोदोंमोन।
सुसिनाय, इनाय बायदिनि बिथिंफोरखौ बिजिरना नायनो बिसोरहा गोहो मोननायनि गेजेरजों समाज, हारि आरो बिमाहादरनि फारसे बिबान बुजिनाय सानसि जाखादोंमोन।
7. गोदान जांख्रिथाया माब्ला आरो बबेयाव गिबियै जागाय जेनदोंमोन?
फिन:- जिद’ जौथाइयाव इउर ‘पआव गिबि गिबियै गोदान जांख्रिथाया जागायदोंमोन।
8. भारतनि गोदान जांख्रिथाया माब्ला जागायदोंमोन?
फिन:- जिगु जौथाइयाव जागायदोंमोन।
9. भारतारि हारिमायारि मानस्रि जागायजेननायनि जाहोनफोरखौ लिर।
फिन:- (i) सोनाबारि सोलोंथाइनि गोहोम।
(ii) हान्था – मेलानि जौगानाय।
(iii) दोहोरोम आरो समाज फोसाबनाय सोमावसारनाय।
10. भारताव गोदानारि सोलोंथाइया माब्ला जागायदोंमोन?
फिन:- 1854 खृष्टाब्दआव।
11. भारताव माब्ला आरो माबोरै इंराजी रावनि गेजेरजों सोनाबारि सोलोंथाइ राहा बाहायनाय जादोंमोन?
फिन:- 1834 मायथाइयाव गवर्नर जेनेरेल लर्ड मेकलेआ भारताव इंराजी रावनि गेजेरजों सोनाबारि सोलोंथाइ राहा बाहायदोंमोन।
12. एरैबायदि साबा सुबुंनि मुं लिर जायनि लिरनायनि गेजेरजों भारतारिफोरा माहारियारि सुबुंदारा बायदिनि सोमोन्दै गियान मोनदोंमोन ?
फिन:- साबा सुबुंफोरा जादोंमोन–
(1) रुछ’।
(2) भल्टेयार।
(3) बार्क।
(4) मेकले।
(5) स्पेनचार।
13. सोर गिबियाव हादोर अनफावरि खन्थाइ रनसायदोंमोन?
फिन:- इश्वर चन्द्र गुप्ता।
14. आनन्द मठ सल माखौ सोर रनसायदोंमोन?
फिन:- बंकिमचन्द्र चट्टोपाध्याय।
15. सोर मा मेथाइजों बिमाहादोरखौ रैखा खालामनो आरज गाबदोंमोन?
फिन:- बंकिम चन्द्र चट्टापाध्याया “बन्दे मातरम” मेथाइजों बिमाहादोरखौ रैखा खालामनो आरज गाबदोंमोन।
16. सोर मा मेथाइजों हारिमायारि सानस्रिखौ फोजाखांदोंमोन?
फिन:- खन्थाइगिरि इकबाला “स्यारे जहाछे अच्छा हिन्दोस्तान हमरा” मेथाइजों हारिमायारि सानस्रिखौ फोजाखांदोंमोन।
17. गेण्डट्रांक र ‘डखौ माब्ला बानायदोंमोन? बेयो बबेनिफ्राय बबेसिम गोसारना दंमोन?
फिन:- 1839 मायथाइयाव बानायदोंमोन।
बे लामाया कलिकतानिफ्राय दिल्लीसिम गोसारना दंमोन।
18. माद्राजाव माब्ला रेल लामा बानायनायनि खामानिखौ जागायदोंमोन?
फिन:- 1858 खृष्टाब्दआव।
19. आसामाव माब्ला रेल लामाखौ जागायदोंमोन? बे लामाया बबेनिफ्राय बबेसिम सोलिदोंमोन?
फिन:- 1883 मायथाइयाव आसामाव रेल लामा जागायदोंमोन। बेयो शदियानिफ्राय डिब्रुगड़सिम सोलिदोंमोन।
20. भारताव माब्ला सोरकारि खोन्दोआव टेलिग्राफ बाहायनाय जादोंमोन?
फिन:- 1851 खृष्टाब्दआव।
21. भारतमि बबे गंनै जायगायाव गिबि टेलिग्राफखौ बाहायदोंमोन?
फिन:- (1) कलिकटा।
(2) आग्रा।
22. भारतारिफोरनि गेजेराव हारियारि जांखिथाइ लाबोनाय गिबि सुबुडा सोर?
फिन:- राजा रामम ‘हन राय।
23. भारतबर्ष आव गोदान मुगानि जागायनाया माब्ला जादोंमोन?
फिन:- गोदोनि भारतारि हारिमु, इसलाम धोरोमारि हारिमु आरो सोनाबारि सोदोमस्रि बे मोनथाम सोदोमनिनि लोगोआव सिनायथि जालायनायनि उनाव भारतबर्षआव गोदान मुगाया जागायदोंमोन।
24. मिसनारिफोरा बाडला रावआव फोसावनाय रादाब बिलाइ गंनैनि मुं लिर।
फिन:- (1) दिगदर्शन आरो
(2) समासार दर्शन।
25. हिन्दु दोहोरोमनि फारसे मुगैनाय गोसोनि हेंथायै सोर गोखों हेंथा होदोंमोन?
फिन:- राजा रामम ‘हन राय।
26. राजा रामम ‘हन राया आखाइजों लिरनाय बिजाब गांनैनि मुं लिर।
फिन:- (1) ब्राह्मन सेवधि।
(2) ब्राह्मन मिछनारि संबाद।
27. “आत्मीय स ’भा” खौ माब्ला आरो बबेयाव गायसनदोंमोन?
फिन:- 1815 मायथाइयाव कलिकतायाव गायसनदोंमोन।
28. ब्राह्मन समाजखौ माब्ला गायसनदोंमोन?
फिन:- ब्राह्मन समाजखौ राजा रामम ‘हन राया 1828 खृः आव गायसनदोंमोन।
29. ब्राह्म सभाखौ उनाव मा मुङै मिथिनाय जादोंमोन?
फिन:- ब्राह्म समाज मुङै मिथिनाय जादोंमोन।
30. हिन्दु दोहोरोमनि गुबै बिजाबनि मुङा मा?
फिन:- बेद आरो उपनिषद।
31. राजा रामम ‘हन राया समाजनि जौगानायनि थाखाय मा मा खामानि मावलांदोंमोन?
फिन:- (1) उन्दै हाबालानायखौ होखारनाय।
(2) खोबथे खान्थिखौ होखारनाय।
(3) गोबां हाबालानाय सोलिनायखौ बन्द खालामनाय।
(4) रान्दि हाबा होफिननाय।
(5) गुबुन हारिनि गेजेराव हाबा लालायनायखौ सोलिहोबाय।
32. मोननै आइजो सोमोन्दै गाज्रि खान्थिनि मुं लिर।
फिन:- (1) सती सावनाय खान्थि।
(2) खोबथे खान्थि।
33. हिन्दु कलेजखौ माबोला आरो बबेयाव गायसनदोंमोन?
फिन:- हिन्दु कलेजखौ 1817 मायथाइयाव कलिकतायाव गायसंदोंमोन।
34. हिन्दु कलेजखी उनाव मा मुङै मिथिनाय जादोंमोन?
फिन:- प्रेछिडेन्सि कलेज मुङै मिथिनायं जादोंमोन।
35. रामम ‘हन बायदि साथाम गोहोमगोनां दैदेनगिरिनि मुं लिर।
फिन:- (1) दारका नाथ ठाकुर।
(2) प्रसान्न कुमार ठाकुर।
(3) हेनरि भिभियान डेरजिय।
36. इयं बेंगल फंसथाननि गायसनगिरिया सोर?
फिन:- हेनरी भिभियान डेरजिय।
37. ‘बन्दे मातरम’ ‘मुनि मेथायनि रनसायगिरियां सोर?
फिन:- बंकिम चन्द्र चट्ट ‘पाध्याय।
38. गोदान भारतनि जोनोमगिरिया सोर?
फिन:- राजा रामम ‘हन राय।
39. आर्ज समाजखौ सोर माब्ला आरो बबेयावमोन?
फिन:- आर्ज समाजखौ स्वामी दयानन्द स्वरस्वतीया 1875 मायथाइयाव पान्जाबाव गायसनदोंमोन।
40. आर्ज समाजनि मोनथाम थांखि लिर।
फिन :- (1) रान्दि हाबाखौ सोलिहोनाय।
(2) आइजो सोलोंथाइ होखारनाय।
(3) उन्दै हाबाखौ होखारनाय।
41. गोदोनि हिन्दु समाजनि मोनथाम गाज्रि खान्थि लिर।
फिन:- (1) उन्दै हाबा।
(2) हारि बासिनाय खान्थि।
(3) गोबां हाबालानाय खान्थि।
42. स्वामी दयानन्दआ मा बानी (रादाब) फोसावदोंमोन?
फिन:- बेदसिम गिदिंना थांफिन– बे बानी (रादाब) खौ फोसावदोंमोन।
43. आर्ज समाजा माराहा फोसावदोंमोन?
फिन:- आर्ज समाजा धोरोमारि बास्लायनाय खान्थिखौ फोसावदोंमोन।
44. दयानन्द स्वरास्वतीया बबे मोननै धोरोमनि दावगानायखौ हेंथा होदोंमोन?
फिन:- (1) इछलाम धोरोम।
(2) ख्रष्टान धोरोम।
45. प्रार्थना समाजखौ सोर बबेयाव माब्ला गायसनदोंमोन?
फिनः- प्रार्थना समाजखौ केशब चन्द्र सेना 1867 मायथाइयाव महाराष्ट्र आव गायसनदोंमोन।
46. प्रार्थना समाजनि गाहाइ दैदेनथिखौ सोर लादोंमोन?
फिन:- जाष्टिछ महादेव ग ‘बिन्द रानाडे।
47. महाराष्ट्रआव गोदान बैष्णब सोमावसारनायनि धोरोमारि गुरु साथमा सोर सोर मोन?
फिन:- (1) गुरु नामदेव।
(2) टुकाराम।
(3) रामदास।
48. ग’ बिन्द रानाडेनि दैदेनथियाव जाखांनाय गंनै मुंदांखा फसंथाननि मुं लिर।
फिन:- (1) रान्दि हाबा फसंथान।
(2) दाक्षिनात्य सोलोंथाइ समाज।
49. प्रार्थना समाजनि मोनथाम थांखि लिर।
फिन:- (1) रान्दिफोरनि रांआरि जौगाथाइ।
(2) मावरिया गथ ‘फोरनि सोलोंथाइ दान आरो मावरिया आस्रम गायसननाय।
(3) मोनाबिलि फरायसालि गायसनाय।
50. 1905 खृष्टाब्दनि मोननै मुंख ‘जाथाव जाथाइफोरा मा मोन?
फिन:- (1) जापाननि आखाइयाव रुचियानि जेननाय।
(2) बंग’ सिफायनाय फोसावनाय।
51. लाल’ म ‘हन घ ‘षखौ सोर आरो माब्ला लण्डनाव दैाथायहरनाय जादोंमोन?
फिन:- लाल म’हन घ ‘षखौ इण्डियान एछ’चियेनआ लण्डन सिम दैथाइ हरदोंमोन। मानोना आइ, चि. एच. आनजाद होग्रानि बैसोनि सिमाखौ खम खालामनानै भारतारिफोरखौ जानगारहोनायनि आयदाखौ गइंराज सरकारनी बुजायनो थाखाय दैथारहरदोंमोन।
52. 1905 मायथाइयाव बारतारि हारिमायारि कंग्रेसनि जथुम्माया बबेयाव ‘दोंमोन? बे जथुम्मानि आफादगिरिया सोरमोन?
फिन:- 1905 मायथाइयाव भारतारि हारिमायारि कंग्रेसनि जथुम्माया बानसीयाव ज ‘दोंमोन। बे जथुम्मानि आफादगिरिया जादोंमोन ग ‘पाल कृष्ण ग ‘खल।
53. 1907 मायथाइयाव हारिमायारि कंग्रेसखौ मोननै बाहागोआव बाहागो खालामनाय जादोंमोन? बाहागो मोननैनि मुं लिर।
फिन:- कंग्रेसनि बाहागो मोननैया जादोंमोन–
गौरा हान्जा आरो गुरै हान्जा।
54. गोरा हान्जानि साथाम दैदेनगिरिफोरनि मुं लिर।
फिन:- (1) बाल गंगाधर तिलक।
(2) लाला लाजपात राय।
(3) बिपिन चन्द्र पाल।
55. इंलेण्डनि बिसायख ‘थियाव देरहानो हानाय गिबि भारतारिया सोरमोन? बिथाङा देरहानाय समष्टिनि मुङा मा?
फिन:- दादा भाइ नौरजीआ जादोंमोन गिबि भारतारि समष्टिनि मुङा जादों गेजेर फिन्सबारि (इंलेण्ड)।
56. उदनि फोरमाय बिदांआ मा?
फिन:- भारतनि सोलोंथाइ खान्थिखौ माबायदि जौगाहोनो हागोन बिनि सोमोन्दै इंलेण्डआव थानाय बर्ड अब कन्ट्र’ लरनि आफादगिरि चार्लछ उदआ मोनसे फोरमाय बिदां भारत सरकारनो 1858 खुष्टाब्दआव दैथाइ हरदोंमोन। बे फोरमायबिदांखौ उदनि फोरमायबिदां होननानै बुंनाय जायो।
उदआ गावनि फोरमाय बिदांआव गिबि खोलोबनिफ्राय भुम फरायसालिसिम सोलोंथाइ गोसारहोनायनि मोनसे गुवार थांखि जथायदोंमोन। गाहाइ थाखोआव हादोरारि रावजों आरो गोजौ थाखोआव इंराजी रावजों सोलोंथाइ होनायनि बोसोन होननै भारत बर्षआव सोलोंथाइनि बिथाखौं गायसनदोंमोन।
57. भारतनि उदांस्रि सोमावसारनायाव एनि बेछान्तनि बिफाव बेखेव।
फिन:- थिय छफिकेल छ’ चाइटिआ मोनसे मुलुगारि फसंथान। बे फसंथानखौ बयजोंबो मिथिजानाय खालामनो थाखाय एनि बेछान्तआ 1893 मायथाइयाव माद्राजाव नुजाथियो। बेछान्तआ समाज सिबिनायनि गेजेरजों गोदोनि भारतारि सोदोमस्रि आरो हारिमुखौ बुरखांफिननायनि सायाव गोसो होदोंमोन। बिथांनि खामानियाव गोसो गुदुं आरो गुवार साननाया भारतारिफोरखौ थुलुंगा होदोंमोन।
58. लर्ड लिटना मानो प्रेछ आइनखौ जारि खालामदोंमोन?
फिन:- 1861 खृष्टाब्दनिफ्राय भारतबर्ष आव गोबां जायगायाव आदारनि आंखाला नुजाथिदोंमोन। आंखालनि नाख्रेबनायाव गोबां भारतारिफोरा थैनायखौ गोबाना लादोंमोन। सरकारा आदारनि आंखालखौ होखारनायनि जेबो सा लायियाव हादोरारि रावनि हादाब बिलाइया लर्ड लिटन आरो बिसोरनि सिङाव थानाय हादाबारि सासनगिरिफोरखौ गोख्रों सोंखारिदोंमोन। लिटना बेनि थाखाय रागाया थिखिनियाव सिखारदोंमोन आरो ओन्सोलारि रावनि रादाब बिलाइनि सायाव हेंथा होनो थाखाय 1878 खष्टाब्दआव गाज्रि प्रेस आइनखौ जारि खालामदोंमोन।
59. लर्ड लिटना नाजावना साम्राज्यबादि खान्थिया सोलोंथाइयाव गेजेर थाखोनि मानसिफोरखौ गोजोन गैयि खालामनायनि जाहोनफोरा मामा?
फिन:- लर्ड लिटना नाजावनाय साम्राज्यबादि खान्थिया सोलोंथाइयाव गेजेर थाखोनि मानसिफोरखौ गोजोनगैयि खालामनायनि जाहोनफोरा
(1) जाय समाव खोला भारत, पान्जाब, बंगदेशनि खायसे ओन्सोलाव आंखालनि जाउनाव लाख लाख मानसिया थैदोंमोन के समाव लर्ड लिटना कौटि कौटि रां हरनानै महरनी भिक्टरीयाखौ भारतनि सम्राट महरै फोसावदोंमोन?
(2) भारतारि सुबुंफोरखौ सिभिल सार्भिसनिफ्राय जानगार होनायनि थांखिये। लिटना 1877 मायथाइयाव भारतारि सिभिल सार्भिसनि आनजादगिरनि बैसोखौ 21 निफ्राय 19 बोसोर खमायना होदोंमोन।
60. लानदां जायगा सुफुं :
(i) भारतारि हारिमायारि कंग्रेसनि गिबि जथुम्मायाव बंग हादरनि ………… आ आफादगिरि जादोंमोन।
फिन : उमेश चन्द्र बेनार्जी।
(iii) 1780 मायथाइयाव कलिकतानिफ्राय ………….. मुंनि गांसे हाबथायारि इंराजि रावआव फोसावजादोंमोन।
फिन : बेंगल गेजेत।
(iii) ……….. दखल मोनथाइ लानानै जापान आरो रुचनि गेजेराव 1904 मायथाइयाव दावहा जादोंमोन।
फिन : मान्चुरियायाव।
(iv) ………नि फोरमायबिदांखौ भारतर्बषआव गोदान सोलोंथाइ मेगना कार्टा महरै साननाय जायो।
फिन : उडनि।
(v) लिटन खुंथाइया नाजावनाय आइनखौ …………..आइन बुंनाय जायो।
फिन : हाथियार आयेन।
| SL No. | CONTENTS |
| Unit – 1 | जारिमिन |
| Chapter – 1 | भारतबर्ष हादराव इउर’पियानफोरनि हाबफैनाय |
| Chapter – 2 | भारतारि माहारियारि सानस्रि बेरखांनाय |
| Chapter – 3 | मवामरीया सुबुं बिग्रायखांनाय |
| Chapter – 4 | माननि आसाम गाग्लोबनाय |
| Chapter – 5 | आसामाव बृटिस खुंथाइनि जागायनाय |
| Unit – 2 | भुमरखौरां |
| Chapter – 1 | बुहुम बिखुंनि सोलायनाय |
| Chapter – 2 | बारमण्डल |
| Chapter – 3 | भारतबर्षनि भुमरखौरां |
| Chapter – 4 | आसामनि भुमरखौरां |
| Unit – 3 | राजखान्थि |
| Chapter – 1 | भारतनि राजखान्थियारि हान्जा |
| Chapter – 2 | सोरखारनि बाहागो राननाय |
| Unit – 4 | रांखान्थि बिगियान |
| Chapter – 1 | रांखान्थिनि गुदि आयदाफोर |
| Chapter – 2 | गुबै रांखान्थियारि जेंनाफोर |
Notes of Class 9 Social Science in Bodo Medium | Bodomedium Class 9 social science notes इस पोस्ट में हम आपको ये समझा ने कि कोशिश की है की Bodo Medium 9th class social science Question answer | Class 9 social science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।