Bodo Medium Class 9 Social Science Chapter 5 आसामाव बृटिस खुंथाइनि जागायनाय Question Answer. Class 9 Social Science Question Answer in Bodo to each Chapter is provided in the list of SCERT, NCERT, SEBA सामाज बिगियान Class 9 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें. Class 9th Social Science Chapter 5 Beginning of British Administration in Assam Question Answer Class 9 Bodo Medium Social Science Chapter 5 Questions Answer. SEBA Bodo Medium Class 9 Social Science Chapter 5 आसामाव बृटिस खुंथाइनि जागायनाय Notes covers all the exercise questions in NCERT, SCERT.
Class 9 Social Science Chapter 5 आसामाव बृटिस खुंथाइनि जागायनाय
बोडो मीडियम कक्षा 9 सामाज बिगियान खोन्दो 5 आसामाव बृटिस खुंथाइनि जागायनाय Question Answer | Beginning of British Administration in Assam | इस पोस्ट में हम आपको ये समझा ने कि कोशिश की है की कक्षा 9 बोडो मीडियम सामाज बिगियान खोन्दो 5 Beginning of British Administration in Assam Question Answer. अगर आप एक सात्र या शिक्षाक हो बोडो मीडियम की, तो आपके लिए ये बोडो मीडियम कक्षा 9 सामाज बिगियान खोन्दो 5 Question Answer बोहत लाभदायक हो सकता है। कक्षा 9 सामाज बिगियान खोन्दो 5 मे आप अपना ध्यान लगाके पढ़ कर इस कक्षा 9 सामाज बिगियान में अछि Mark ला सकते हो अपनी आनेवाली परीक्षा में।
खोन्दो 5 आसामाव बृटिस खुंथाइनि जागायनाय
Chapter 05 Beginning of British Administration in Assam
आयदानि सोंथि फिननाय
गेबें फिननाय सायख’नानै दिहुन :
1. बृटिस जयन्तीया राज्योनि राजा राजेन्द्र सिंह/गबिन्द चन्द्र / तिरत सिंहखौ सिलेटाव सायख दोंमोन ।
फिन:- बृटिस जयन्तीया राज्योनि राजा राजेन्द्र सिंहखौ सिलेटाव सायख’दोंमोन ।
2. आसामनि जोबथा आह ‘म राजाया चन्द्रकान्त सिंह / कमलेश्वर सिंह / पुरन्दर सिंह / जगेश्वर सिंहमोन ।
फिन:- आसामनि जोबथा आह’म राजाया चन्द्राकान्त सिंहमोन ।
3. तिरत सिंहआ खाची/मणिपुर / जयन्तीया हादर सिबिसुलामोन ।
फिन:- तिरत सिंहआ खाची हादर सिबिसुलामोन ।
सुंद’ फिनायनि सोंनाय
1. गबिन्द चन्द्रआ बबे राज्योनि राजामोन ?
फिन:- कासार राज्योनि ।
2. डेभिद स्कटआ सोरमोन ?
फिन:- डेभिद स्कटआ बुरलुंबुथुर सेरफांनि खुंथाइगिरि बिबानगिरिमोन । बियो सासे आखा फाखा खुंथाइगिरि मोन ।
3. डेभिद स्कटनि उननि कमिसनारा सोरमोन ?
फिन:- डेभिद स्कटनि उननि कमिसनारा रवार्टश्वन मोन।
4. तिरत सिंआ बबे राज्योनि चियेम मोन ?
फिन:- तिरत सिंआ खाची राज्योनि चियेम मोन ।
5. मटक राज्योनि राजानि बिमुङा मामोन ?
फिन:- मटक राज्योनि राजानि बिमुङा गहाइ मोन ।
6. जेनकिन्सनि बिथोन बादियै सोर मासि खोमाना लादोंमोन ?
फिन:- जेनकिन्सनि बिथोन बादियै पुरन्दर सिंहआ राजमासि खोमाना लादोंमोन ।
7. जेनकिन्सआ आफां आसामखौ मा मा जिलायाव बाहागो खालामदोंमोन ?
फिनः- ग’वालपारा, दरं आरो कामरुप ।
8. बृटिसा सोरनो बाजि रां भाट्टा होनानै काछार दखल खालामदोंमोन ?
फिन:- गबिन्द चन्द्रनो बाजि रां भाट्टा होनानै काछार दखल खालामदोंमोन।
रनसाय रोखोमनि सोंनाय
1. डेभिद स्कटनि खाजोना खान्थिया माबादि मोन ?
फिन:- थुबिलगिरि एबा धनतन्त्रआव फोथायग्रा बृटिस इष्ट इण्डिया कम्पानिनि सासनगिरिफोरा सानथ्रियारि आरो बेसान्थियारि सासनजों लोगोसे खाजोना बुथुमनायाव गोबां गोसोहोदोंमोन। इंलण्डआव गोदान गोदान दारिमिन फसंनानै बेफार फालांगि बांहोनो आरो हादोर जैखालामनो बिसोरनो गोबां धोननि गोनांथि जादोंमोन । आसोल धोन बुथुमनो थाखाय कम्पानि सोरखारा असमीया मानसिफोरनि सायाव गोदान गोदान खाजोना जाबसिनना होदोंमोन।
बुरलुंबुथुर सेरफांनि इयुननि थाखाय जेबो थांखि लायालासिनो बृटिसा बै ओन्सोलनि खाजोना खांनायनि बेलायाव जरखा गोसोहोनो सोलाय सोल’ खालामनायनि बाथ्रा सानाखैमोन। खर’ सा आसामाव फाइक खान्थिखौ बोखारनानै बेनि सोलाय साफ्रोमबो सुबुंनिफ्राय थाम रां हाराव खाजोना खांदोंमोन। गोजाम खेलफोरनि बिबानगिरिफोरखौ बेबादि खाजोना खांनायनि बिबान होदोंमोन। जनार्दन बरबरुवा मुंनि सासे आह ‘म बिबानगिरिखौ खाजोना खांनायनि बिबान होदोंमोन। बिथांखौ हाजरिका, शइकिया आरो बरुवा मासिनि बिबानगिरिफोरा मदद खालामदोंमोन। बेनि उनाव खेलनि बिबानगिरिफोरखौ जायगानि सायाव बिथा खालामनाने बे खाजोना खांनायनि नेमा जाबाय। गंफा जिलानि माखासे मौजायाव बाहागो खालामनानै साफा बिबानगिरिनो बेबादि खाजोना खांनायनि बिबान होनाय जादोंमोन।
नगाव आरो रहानि खाजोना खांनायनि बिबान होनाय जादोंमोन आराधन रय आरो लता पानी फुकननो। गिबियाव बृटिसा धोनि थाखोनि मदद हेफाजाब मिजिं खालामनानै बिबानगिरिनि बिबान होदोंमोन। बे समाव दरं, डिमरीया, बेलतला, रानी बायदि फिसा राज्योआ थि हाराव खाजोना होदोंमोन। स्कटनि ‘खुंथाइनि समाव आफां आरो खर’सा आसामनि बेलायाव आलादा खाजोनानि राहा खालामनाय जादोंमोन। आफां आसामनि परगनाफोरखौ बिथांआ दैखांना होआखैमोन। आफां आसामाव आगोलनि बादिनो साफा चौधुरीनि सामलायनायनि मोनफा परगना दोननाय जायो । चिरत्रदार, तहबिलदार, पाटवारी, दाकुरीया बायदि खाजोना खांग्रा, साख्रिआवला थिसनाय जायो।
नगाव आरो रहा ओन्सोलखौ लाफानानै खाजोना खांनायनि थाखाय मोनसे आलाद गोर, बानायनाय जादोंमोन । बे गोरखौ गुवाहाटीनि सिङाव दोननाय जादोंमोन। हानि खाजोनानि अनगायै आलादा आलादा जिउ खुंथाइनि सुबुंनि सायावबो स्कटआ राङरि खाजोना जाबसिनदोंमोन, ताती, सनारी, ना सारग्रा, खामार बायदि गुबुन गुबुन जिउ खुंथाइनि सुबुंफोरा बे खाजोनाखौ होनोगोनां जादोंमोन। आह ‘म खुंथाइनि समाव खाजोनानि उदां देवट्टर, ब्रह्मट्टर आरो धर्मत्तर हानि सायावबो स्कटआ खाजोना थि खालामदोंमोन। बे हानिफ्राय खावसे बाहागो खाजोना लादोंमोन, बेखौ खेन्दा बुंनाय जादोंमोन।
स्कटनि दिनाव आफां आसामनि हानि जरीपआ बिथांनि खुंथाइ समावनो मावफुं जादोंमोन । हा – फोरखौ गामि ओन्सोल, गायग्रा एबा माइसालि आबाद ओन्सोल, आसु माइ, बेसर आबाद बायदि बायदि ओन्सोलाव बाहागो खालामनाय जादोंमोन। गोदान खामानिनि आदबा खामानियाव मावफुंजानायाव बबेबा बबेबा जायगायाव बारा आरो बबेबा जायगायाव खम जादोंमोन। आफिं आबाद मावनाय हायाव बांसिन बिबांनि खाजोना थि खालामनाय जादोंमोन। स्कटआ कम्पानिनो फोरमायदोंमोनदि आफा आसामाव बांसिन खाजोना खांनाय आरो बांनायनि मिजिं दें। आफां आसामाव साफ्रोमबो पाइकनो फुराथाम हा आबादनि थाखाय हगारना होनायनि थाखाय बिसोरनिफ्राय 2 राङै खाजोना लादोंमोन । बे हाखौ गामाटि आरो खाजोनाखौ गा- धन बुंनाय जायोमोन। बेनि अनगायैबो साफ्रोमबो मानसिया सुबुं खाजोना होनोगोनां जायोमोन। बे खाजोनाखौ कामरुपआव “पाइक खाजोना”, दरंआव” ‘जुहाल खाजोना”, एबा चरु खाजोना बुंनाय जादोंमोन ।
2. डेभिद स्कटनि खुंथाइ समाव बिजिरनायनि बेलायाव माबादि राहा आजावदोंमोन ?
फिन:- डेभिद स्टटआ बुरलुंबुथुर सेरफांनि मोनसे मैखोम ओन्सोलनि खुंथाइयारि बिबानाव दंमोन। स्कटनि खुंथाइ समाव जायगानि साधारन दैवानी आरो फौजदारी गचरफोरखौ फोजोबनो थाखाय जायगानि सुबुंजों दाजानाय माखासे पन्सायत दानाय जादोंमोन। गोथौथि गोनां दायफोरखौ कमिसनारनि लेङाइ बिबानगिरिफोरा पन्सायतनि मददाव बिसार खालामदोंमोन । पन्सायतनि बिसाराव गोजोनै सुबुंफोरा बिबानगिरिनि सायाव आपिल खालामनो हायोमोन । बेनि उनाव गोजानाब्ला कमिसनारनाव आपिल खालामनो हायोमोन आरो कमिसनारा आपील खोनासंनानै राय खालामदोंमोन। स्कटआ बिसारनि बेलायाव खर’सा आसामाव लम्बदर बरफुकननो देवानी बिसारनि बिबान होदोंमोन ।
फौजदारि गचर सौदोंमोन बृटिस बिबानगिरिया । आफां आसामाव देवानी गचरनि थाखाय गांनै आयेन फौजदारी गचरनि थाखाय गंसे बिजिसखालि दंमोन। पुलिस बिफानारि राहाखौबो बिथाङा गोख्री खालामदोंमोन । स्कटनि खुंथाइ समाव मवामरीया, चिंफौ आरो खामतिफोरजों मोजां सोमोन्दो गायसनदोंमोन। गासैबो खामानिखौ डेभिद स्कटआ गावनो सालायदोंमोन | लोरबां सावस्रिनि थाखाय बांद्राय मावसोमनानै 1831 मायथाइयाव डेभिड स्कटआ थैयो। सासे जोबोद गोरों आखा-फाखा खुंगिरि महरै डेभिद स्कटआ मोनसे समनि आसामाव मानगोनां थावनि मोनदोंमोन।
3. रबार्टसननि समनि खाजोना राहाया मा रोखोमनिमोन ?
फिनः- रबार्टसनआ आसामाव खाजोना राहाखौ फोसाबनानै हानि गुनखौ थि खालामनानै खाजोनानि निरिखखौ थि खालामदोंमोन । खाजोना खांनायनि सोबख ‘नायखौ बन्द खालामना हानि रोखोम, बिबां, आबादारिनि मुं-थं बायदि खारिथि लिरनायनि खान्थि सोलिदोंमोन। बे खारिथिनि बिथायाव आबादारिनि हा आरो सुख ‘नो गोनां खाजोनानि बिबां बेनि मुं लिरदेरनानै गांसे फोरमान बिलाइ एबा पट्टा होनायनि नेम खालामदोंमोन। न ‘नि खाजोना, खदाल खाजोना, नांगोल खाजोना एबा सुबुं खाजोना मोनसे लाखिनाय जादोंमोन। बे फोसाबथाइ आरो खाजोनानि हार बांनायनि जाउनाव राजथुबिलाव थुबुर जानाय धोननि बिबाङा बांदोंमोन ।
खाजोना साख्रिआवलाफोरनि जाख्ल ‘नायखौ होबथानो रबार्टसनआ हा, न’बां, हाग्रा ओन्सोल बायदिफोरनि बेखेवथि बुथुमनानै बेनि खाजोना थि खालामदोंमोन। बेनि अनगायैबो रायतनो पट्टा आरो खाजोना होनायनि रचिद होनाय जादोंमोन। खाजोनानि साख्रिआवलाफोरनि फिसा- फिसौ गचर होयोब्लाबो बिसोरो कालेक्टरनो फोरमाया लासिनो जरिमना एबा साजा होनो हायामोन। रबार्टसननि बेफोर फोसाबथाइया रायतनि मुलाम्फा लाबोदोंमोन ।
4. मेजर जेनकिन्सआ आसामनि थाखाय मा मा जौगाथाइयारि राहा आजावदोंमोन ?
फिन:- 1834 मायथाइयाव रबार्टसननि जायगायाव गबर्नर जेनेरेलनि एजेन्ट महरै मेजर जेनकिन्सआ थिसन जादोंमोन। बे फाइखि बिबानगिरिया आसामनि कमिसनार एबा गवर्नर जेनेरेलनि एजेन्ट हिसाबै बिबान लानायनि सिगाङावनो आसामनि सोमोन्दै मिथिखायोमोन। 1831 मायथाइयाव पेम्बार्टनजों बिथाङा कासार, मनिपुर लोगोसे आसामनिबो सार्भे खालामदोंमोन। बे सार्भेनि फोरमाय बिदाङाव मख’नाय जादोंमोन दि थुबिलगिरि इंराज सुबुंखौ आसामनि लांदां जानानै थानाय हायाव साहा, खुसेर आरो नील आबाद खालाम होनांगौ । आसामादि साहा आबादनि थाखाय साबसिन थावनि फोरमाय बिदाङाव मख ‘नाय जादोंमोन । जेनकिन्सनि बे हारोंखा आरो बिथोनखौ गोथौथि होनानै सोरखारा बिथांखौ खुंगिरि महरै आसामाव थिनहरो ।
मेजर जेनकिन्सआ आसामनि जौगाथाइनि थाखाय गोसो मोदोम नाजाथाबग्रा सासे मख ‘जाथाव इंराज बिबानगिरिमोन। स्कट बादिनो बे बिबानगिरियाबो आसामनि थाखाय गोबां मानबिथांखि आजावदोंमोन। बे राज्योनि साहा बिलाइ, खैला, थाव दामिन जौगाथाइजों बिथांनि मुङा लोबबा जानानै दंमोन। आसामजों बंगनि थोंजों फालांगियाव सिमायारि चकीफोरा हेंथा सोरजिदों होना स्कटआ चकीखौ बोखारना होदोंमोन।
उनाव जेनकिन्सआ गुबुन चकीफोरखौबो बोखारना होदोंमोन। वे बिबानगिरिनि नाजानायाव गुवाहाटी आरो शिवसागरआव इंराजि बिजोंनि फरायसालि गायसन जादोंमोन । मेजर जेनकिन्सआ आसामाव बंगदेशनि आम’ला थिसनायाव बेरेखा खालामदोंमोन आरो आसामनि जायगानि सुबुंनि जौगाथाइखौ बिथाङा लुबैदोंमोन |
5. जेनकिन्सआ माबोरै आसामखौ गुबुन गुबुन जिलायाव बोखावदोंमोन ?
फिन:- जेनकिन्सआ बृटिसनि दखलाव थानाय बुरलुंबुथुर सेरफांखौ गंब्रै जिलायाव बोखावदोंमोन। बेफोर जाबाय – ग’वालपारा, कामरुप, दरं आरो नगाव। गोजाम फोरमान बिलाइयाव नगाव जिलाखौ खागरिजान होन्नासो मख ‘नाय दं। बै समाव बे जिलाया सानजाहा धनस्रि दैसासिन गोसारनानै दंमोन। खागरिजाननि सदर थावनिया नगावमोन। 1834 मायथाइयाव बे सदर थावनिखौ रङागड़आव लांनाय जादोंमोन । बेनि उनाव पुरनि गुदाम सदर जायो। माखासे साननि उनाव आरोबाव नगाव नोगोरखौनो सदर थावनि फोसावनाय जायो ।
सोनाबहा मानस आरो सानजाहा बरनदीखौ सिमा महरै लानानै बुरलुंबुथुर फारसे सेराव दाजानाय कामरुप जिलानि सदर थावनिया गुवाहाटीमोन । गुवाहाटीयाव आसामनि कमिसनार सदर मावखुलि दंमोन ।
आगोलाव दरं राजानि सिङाव थानाय सोनाबनि ओन्सोलखौ लाफानानै बै ओन्सोलाव गोदानै दाजानाय जिलाखौ दरं जिला बुंनाय जायोमोन। बेनि सदर थावनिया गिबियाव मंगलदैयावमोन। नाथाय थावनिखौ सावस्रिनि मौजांनङै होनना साननाय जादोंमोन। बेयाव गोबां समाव दै बानाया लोमसावदोंमोन। बेनिखायनो 1836 मायथाइया मंगलदैनिफ्राय तेजपुराव सदर मावखुलिखौ दैखांना लांनाय जादोंमोन।
गार हाजोखौ लाफानानै ग’वालपाराया गोलाव रंपुरनि गेजेरजों खुंजानायमोन। बार्मा दावहानि उनाव डेभिद स्कटनि दिनाव में ‘वालपाराया बिथांनि खुथाइनि सिङाव जानाय ग ‘वालपाराखौ रंपुरनिफ्राय बोखारना लाबोनानै गंसे गोदान जिला दानाय जाबाय। उनाव गार’ हाजोखौ ग’वालपारानिफ्राय बोखावनानै गंसे गोदान जिला दानाय जायो। आरोबाव खफ’ नि जाहाज सोलिनायाव ग’वालपारानिफ्राय धुबुरीसिम सदर मावखुलिखौ दैखांना लांनाय जादोंमोन । धुबुरीया बै समाव जाहाजफोरनि जोबथा गाथोनमोन।
काछार दखल खालामनायनि उनाव बृटिसा बेखौ गंसे जिलायाव महर जायो । बेनि सदर थावनिया जाबाय शिलचर । 1836 मायथाइयाव काछारखौ ढाका डिभिजननि सिङाव लाखिनाय जायो आरो जिलानि बिबानाव थानाय बिबानगिरिखौ डेपुटि कमिसनार बुंनाय जायो । आसामाव इष्ट इण्डिया कम्पानिनि थाखाय रबार्टसना आह ‘म राजा पुरन्दर सिंहनो मोनसे गोरोबथा बिलाइयाव मुंसाई खालामदोंमोन। 1832 खृष्टाब्दआव मटक आरो शदियानि अनगायै गासैबो खर ‘सा आसामाव पुरन्दर सिंहखौ राजा फाथिनानै बोसोराव 50,000 राङैजोना होनो बुंनाय जादोंमोन। बिथाङा खाजोना होनो हायिनि थाखाय बिथांनि राज्योआ बृटिसनि खुंधाइ सिङाव थाङो । बिथांनि राज्योखौ गंनै जिलायाव महर होनाय जायो शिवसागर आरो लखिमपुर ।
बांद्राय सोंथि
1. आसामाव आहमफोरा माब्लानिफ्राय माब्लासिम राज्यो खुदोंमोन ?
फिन:- जिथामजौ जौथाइनिफ्राय जिगुजौ जौथाइनि गिबि वाहागोसिम आहमफोरा राज्यो खुदोंमोन ।
2. आहम राजफोलेरनि गायसनगिरिया सोर ?
फिन:- चुकाफा ।
3. इंग-बार्मी दावहाया माब्ला आरो मानो जादोंमोन ?
फिन:- इंग बार्मी दावहाया 1824-1826 खुष्टाब्दआव जादोंमोन।
माननि दावगाबोनायखौ होबथानो थाखाय बे दावहाया जादोंमोन।
4. मानफोरा बृटिसनि बादायारि महरै माब्ला खर’ दैखांदोंमोन ?
फिन:- मानफोरा आराकान, मनिपुर आरो काछार जै खालामदोंमोन आरो आसामखौ जै खालामनाय लोगो लोगोनो मानफोरा बृटिसफोरनि बादायारि हिसाबै खर’ दैखांदोंमोन ।
5. आहमनि द ‘जौ बोसोर राज्योखुंनाया माब्ला जोबदोंमोन ?
फिन:- माननि आसाम गाग्लोबनायनि उनाव आहमनि द’जौ बोसोर राज्योखुंनाया जोबना फैदोंमोन।
6. ग’बिन्द चन्द्रआ बबेनि राजा मोन ?
फिन:- काछारनि राजा मोन।
7. गिबि इंग- बार्मा दावहाया मा मा गंब्रै दावहाथिलियाव जादोंमोन ?
फिन:- गिबि इंग- बार्मा दावहाया गंब्रै दावहाथिलियाव जादोंमोन । बेफोर जादोंमोन :
(1) बुरलुंबुथुर सेरफां आरो आहम राज्यो।
(2) काछार।
(3) मनिपुर ।
(4) ब्रह्म हादोर ।
8. खुंथाइयारि सुबिदानि थाखाय स्कटा आसामखौ मा मा बाहागोआव रानदोंमोन ?
फिन:- खुंथाइयारि सुबिदानि थाखाय स्कटा आसामखौ मोननै बाहागोआव रानदोंमोन ।
(1) गोजौ आसाम ।
(2) गाहाइ आसाम ।
9. डेभिद स्कटआ दानाय सान्थि हान्जानि मुङा मा ?
बे हान्जाखौ माब्ला दानाय जादोंमोन ?
फिन:- सान्थि हान्जानि मुङा आसाम लाइट इनफेन्ट्रि । बे हान्जाखौ 1826 मायथाइयाव दानाय जादोंमोन ।
10. इष्ट इण्डिया कम्पानिया मायाव फोथाइदोंमोन ?
फिन:- इष्ट इण्डिया कम्पानिया थुबिलखांन्थियाव फोथाइदोंमोन ।
11. इष्ट इण्डिया कम्पानिया गुबै धोन बुथुमनायनि थाखाय मा राहा लादोंमोन ?
फिन:- इष्ट इण्डिया कम्पानिया गुबैधोन बुथुमनायनि थाखाय कम्पानिनि सरकारा असमीया मानसिफोरनि सायाव गोदान गोदान खाजना जाबसिना होदोंमोन |
12. 1820 मायथाइयाव बुरलुंबुथुर सेरफां ओन्सोलनि बिबानखौ सोरनि आखाइयाव होनाय जादोंमोन ?
फिन:- डेभिद स्कटनि आखाइयाव ।
13. डेभिद स्कटआ बबे बबे जायगानि गबर्नर जेनेरेल एजेन्ट महरै थिसन जादोंमोन ?
फिन:- सा छिकिम, खोला काछार आरो चिलेटनिफ्राइ दुलाराय सानजा ओनसोलनि थाखाय डेभिद स्कटखौ गवर्नर जेनेरेलनि एजेन्ट महरै थिसनदोंमोन
14. डेभिद स्कटखौ मा मा मासियाव थिसननाय जादोंमोन ? बियो साखिनि खामानिखौ माब्लानिफ्राय लादोंमोन ?
फिन:- डेभिद स्कटआ गड़खपुराव सासे रेजिष्ट्रार महरै खामानिखौ मावनो ‘लाजेनदोंमोन। बेनि उनाव बंगनि गोबां जिलायाव बिजिरगिरि, कार्लकृर बायदि खामानियाव थिसन जादोंमोन। बियो सिभिल कमिछनार आरो बिजिरगिरिबो जादोंमोन ।
बिथाङा 1807 मायथाइयाव सारिव्रजिवखौ मावनो लादोंमोन।
15. डेभिद स्कटआ आसामाव फैनानै बबे जायगाखौ लादोंमोन ?
फिन:- कम्पानीनि एजेन्ट डेभिद स्कटआ आसामाव फैनानै गुवाहाटी आरो ग’वालपारानि गेजेरनि गुवार ओन्सोलखौ लादोंमोन ।
16. बुरलुंबुथुर सेरेफांआव थानाय मानसिफोरनि हालसाला माब्ला जोबोद दुखुनांथाव मोन ?
फिन:- मानफोरखौ उदखार खालामनाय समाव बुरलुंबुथुर सेरफांआव थानाय मानसिफोरनि हालसाला जोबोद दुखुनांथाव मोन।
17. गा- माटि आरो गा-धन आ मा ?
फिन:- गाहाइ आसामाव साफ्रोम पाइकनो फुराथाम आबादनि हा होनायनि थाखाय बिसोरनिफ्राय 2 राङै खाजना आदाय खालामनाय जादोंमोन । बै हा खिनिखौ गा-माटि आरो खाजोना खिनिखौ गा- धन बुंनाय जादोंमोन ।
18. खाजना खांग्रा बिबानगिरिफोरखौ मा मा मुङै मिथिनाय जायोमोन ?
फिन:- चिरस्तदार, तहबिलदार, पाट’वारी, ठाकुरीया बायदि मुङै मिथिनाय जार्दोंमोन ।
19. पाइक खाजोनाया मा ?
फिन:- डेभिद स्कटनि समाव असमीया साफ्रोम मानसिफोरा सुबुंखर ‘फा आय होनो गोनां जादोंमोन। बे बादि खाजोनाखौ पाइक खाजोना बुंनाय जादोंमोन ।
20. सुबुंखर ‘फा खाजोनाखौ कामरुपआव आरो दरङाव मा मुङै मिथिनाय जायो ?
फिन:- कामरुपआव – पाइक कर आरो
दरङाव – जुहाल कर आरो चरुकर मुङै मिथिनाय जायो ।
21. बृटिसनि हेंथायै बिग्रायनाय मोनथामा मा मा ?
फिन:- (1) ग’मधर क’ वर, धनन्जय पियलि फुकन, जीउराम दुलीया बरुवा बायदिनि विग्रायनाय ।
(2) गदाधरनि बिग्रायनाय ।
(3) गेदेर गोलाव थाखोनि मानसिफोरा बृटिसनि हेंथायै बिग्रायनाय।
22. मटक राज्योनि उलाफादा मा मोन ?
फिन:- मटक ज्योनि उलाफदा जादोंमोन राङागड़ा।
23. चिंफौफोरनि जायगाया बबेयाव मोन ?
फिन:- मटक राज्योनि सानजा थानाय नदिहिं आरो टेङापानी दैमानि गेजेरनि हायेन ओन्सोलाव चिंफौफोरा दंमोन ।
24. चिंफौफोरनि गाहाइखौ मा बुङो ?
फिन:- गाम बुङो ।
25. आसामाव गिबि गिबियै बृटिस सासननि हेंथा खालामनाय सुबुङा सोर ?
फिन:- ग’मधर कँवर ।
26. डेभिद स्कटनि थैनायनि उनाव जानाय कमिसनार सानैनि मुं लिर।
फिन:- कमिसनार सानैया जादोंमोन – क्रेब्रुकट आरो रबार्टचन ।
27. रबार्टचननि फोसाबनायफोरखौ बेसेबां बाहागोआव राननाय जादों ? बाहागोफोरनि मुं लिर ।
फिन:- फोसाबनायफोरखौ मोनथाम बाहागोआव राननाय जादों। बाहागोफोरा जादों – खाजोना बिफान, खुथाइयारि बिफान आरो बिजिर बिफान।
28. जयन्तीया राज्योखौ सोर माबोला दखल खालामदोंमोन ?
फिन:- जयन्तीया राज्योखौ केप्टेइन लिष्टारा 1835 मायथाइयाव दखल खालामदोंमोन।
29. आसामनि जौगाथाइनि थाखाय नाजानाय सासे मुंख जाथाव बिबानगिरिनि मुं लिर ।
फिन:- मेजर जेनकिन्स ।
30. पियलि बरफुकन आरो जीउराम दुलीया बरुवाखौ माब्ला आरो बबेयाव फासि होनाय जादोंमोन ?
फिन:- पियलि बरफुकन आरो जीउराम ढुलीया बरुवाखौ 1830 खुष्टाब्दनि आगष्ट दानाव शिवसागर फुख्रिनि फाराव फासि होदोंमोन।
31. स्कटआ आसामनि बबे जायगानि सिभिल कमिछनार जादोंमोन?
फिन:- गवालपारा आरो गार’ पाहारनि सिभिल कमिछनार जादोंमोन।
32. बबे दावहायाव मानफोरा फुरायै जेनदोंमोन ?
फिन:- ब्रह्महादोराव जानाय दावहायाव मानफोरा फुरायै जेननांदोंमोन ।
33. महगड़ दावहाया सोर सोरनि गेजेराव जादोंमोन ? फिथाइखौ लिर ।
फिन:- महगड़ दावहाया आहम आरो माननि गेजेराव जादोंमोन ।
बे दावहायाव आह ‘मफोरा जेननांदोंमोन । मानफोरा आहमफोरखौ फेजेनानै आसामनि सेराव थानाय इंराजनि दखलाव थानाय उत्तरबंग, ग’वालपारा, चिलेट आरो चितागंग ओन्सोलनि फोरजाफोरनि सायावबो गाग्लोबदोंमोन । कलिकटायाव थानाय इंराज गवर्नर जेनेरेल आमहाष्टेआ बे सोमोन्दै अजद होनायाव मानफोरा जेबो खोमाहो आखैमोन ।
34. मानफोरनि लोगोआव इष्ट इण्डिया कम्पानिया मानो एना – एनि जादोंमोन ?
फिन:- मानफोरनि लोगोआव इष्ट इण्डिया कम्पानिया गोबां जाहोनाव एना- ऐनि जादोंमोन। 1822 खृष्टाब्दआव मानफोरा चट्टग्रामाव सानैसो इंराज सुबुंखौ खादोंमीन। बिसोरनि सानैसोआ खाजानाय अवस्थायाबनो थैनायाव मान आरो इंराजनि सोमोन्दैआ गोखा जायो। कम्पानिया गोहोआव थानाय चाहपुरीयाव हाबनानै मानफोरा फिरफिला बिरहोदोंमोन। बेनिखायनो बृटिसफोरा ढाका आरो गवालपारा जानानै बुरलुंबुथुर सेरफांआव हाबनानै ओन्सोलखौ मानफोरनिफ्राय रैखा खालामनो थिक खालामदोंमोन। बेनिखायनो मोननैबो हान्जानि गेजेराव एना-एनि जादोंमोन ।
35. बृटिसा बुरलुंबुथुर सेरफांआव नुजाथिनानै मा फोसावदोंमोन ?
फिन:- बृटिसा बुरलुंबुथुर सेरफांआव नुजाथिनानै फोसावदोंमोनदि दावहा जैखालामनायनि गोसोजों बिसोर आसामाव फैयाखै। मान गाग्लोबनायनिफ्राय आसामखौ रैखा खालामनोसो बिसोर फैदों। गुवाहाटीनिफ्राय मोनसे फोसाव बिलाइनि गेजेरजों असमीया फोरखौ बिसोरजों लोगोसे हेफाजाबहोनो हांख्रायो । बिसोर फोथाइथि होदों मोनदि इंराजा आसामाव फामु गायसननो फैयाखै, फैदों अनागारि मानफोरनि आखाइनिफ्राय आसामखौ रैखा खालामनोसो। मानफोरा थांब्ला आरो आसामाव मान गाग्लोबनायनिफ्राय हेंथाहोनो हानाय बायदियै दिदोम सरकार दाजायोब्ला कम्पानीया आसाम नागारना थांगोन होन्नानैबो फोसाव बिलाइयाव रोखायै बुंनाय जादोंमोन।
36. असमीया फोरनि गिबिखेब बृटिस बेरेखा बिग्रायनायनि जाहोनफोरखौ लिर ।
फिन:- गिबियाव माननि अनागारिनिफ्राय हादरखौ उदां खालामनो थाखाय इंराजफोरखौ थागिबिफोरा बरायदोंमोनब्लाबो बिसोरनि आसाम दखल खालामनायनि बोसोरने उनावनो आसामाव खेबथाम बृटिसनि बेरेखा बिग्रायखांदोंमोन ।
गिबिखेब बृटिस बेरेखा बिग्रायनायनि जाहोन :
1. आसामाव बृटिस खुंथाइ गायसनजानाय लोगो लोगो आहम मन्थ्रि बिबानगिरिफोरा राजानि दिनाव मोनाय हा हु खामानि मावग्रा, पाइक, मान सन्मान बायदि जरखा खाबु खोमानो गोनां जादोंमोन । आह ‘म मन्थ्रि बिबानगिरि थाखोनि बे गोजोनगैयियानो बिग्रायखांनायनि गाहाइ जाहोनमोन । सम थांनाय लोगो लोगो बृटिस बेरेखा धोनि थाखोआ बुजिदोंमोनदि इंराज कम्पानि सोरखारा आसामखौ आह’मनो हगारनानै होआ आरो 1824 खुष्टाब्दआव गुवाहाटीयाव बिसोरो होनाय रादाया नंखायमोन।
(2) धोनि थाखोनि सुबुंफोरा आगोलनि मान सन्मानजों गोरोबनाय बृटिस खुंथाइयारि बिबानगिरि मोनै जाबाय। आह ‘म मुगायाव गोजौ आह’म फोलेरनि जायोब्ला आरो खुंथाइनि एसे गियान थाब्लानो गोजौ थाखोनि खुंधाइयारि मासिनि थाखाय नायबिजिरनाय जायोमोन । नाथाय इंराजफोरा जायगानि सुबुंफोरनि गेजेराव हारि सायख’वालासिनो गोजौ गाहाइनि फाराख लाखियालासिनो लेखा गोरों आरो सरासनस्रा साननायनि गियान थानाय सुबुंनोसो बिबानगिरिनि बिबान होदोंमोन ।
(3) गिबियाव बृटिस आह’म मन्थ्रि थाखोनि माखासे सुबुंनो बिबानगिरि बिबान आरो पेन्सन होनानै गोजोन होनो नागिरदोंमोन, नाथाय गासैबो आह म मन्थ्रि बिबानगिरिफोरा बेफोर खाबु, जरखायै पेन्सननि खाबु मोनैयाव गोजोनाखैमोन। बिबानगिरिनि बिबान मोनायफोराबो ‘अलसिया’ आरो आखा फाखा नङि जालांदोंमोन ।
(4) आगोलनि फार्म एबा फामुफोरखौ खोमानांनानै आरो खामानि गैजायि जानानै बिसोर रांखान्थियाव लोरबां जादोंमोन ।
(5) इंराज खुंथाइजों थाफानो सर’ जानाय एबा खुंथाइयारि खामानियाव आखा फाखा बंगदेशनि सुबुंखौ सोरखारा थिसनथाइ होनायाव धोनि थाखोआ गोजोनाखैमोन ।
(6) माननि अनागारिनि उनाव सरासनस्रायै गोजोननि थासारि फैब्लाबो खाजोना बांनाया गासैबो थाखोनि सुबुंनि थासारि लोरबां खालामदोंमोन। जरखायै मावसोमनायनि सोलाय नोगोद दोहोन होनो गोनां जानायाव आरो धोन बाहायनाया खम जानायाव सरासनस्रा थाखोनि सुबुङा गाज्रि थासारि जादोंमोन। बेनिफ्राय रैखा मोननो गोबाङा नखर हालामखौ गारनो गोनां जादोंमोन |
(7) इंराज सोरखारा रादाय होनाय बायदिब्ला माननि आखाइनिफ्राय उदां खालामनानै आह’म राजानो गथायना होआलासिनो गावसोरनो रोदा सुथाबनायाव आसामनि फोरजाफोरा गोजोनाखैमोन। बिसोर इंराजखौ बरायदोंमोन, मानोना बिसोर फोथायदोंमोनदि केप्टेइन वेल्स बादि बिसोर गिदिंलांफिनगोन। नाथाय इंराजआ फोथायखेबस’ खालामनानै आसामनि उदांस्रि रैखा खालामनो हानाय असमीयाया हादर रैखानि थाखाय आखाइयाव हाथियार दैखांना लाबाय दैदेननाय धोनि थाखोआ ।
| SL No. | CONTENTS |
| Unit – 1 | जारिमिन |
| Chapter – 1 | भारतबर्ष हादराव इउर’पियानफोरनि हाबफैनाय |
| Chapter – 2 | भारतारि माहारियारि सानस्रि बेरखांनाय |
| Chapter – 3 | मवामरीया सुबुं बिग्रायखांनाय |
| Chapter – 4 | माननि आसाम गाग्लोबनाय |
| Chapter – 5 | आसामाव बृटिस खुंथाइनि जागायनाय |
| Unit – 2 | भुमरखौरां |
| Chapter – 1 | बुहुम बिखुंनि सोलायनाय |
| Chapter – 2 | बारमण्डल |
| Chapter – 3 | भारतबर्षनि भुमरखौरां |
| Chapter – 4 | आसामनि भुमरखौरां |
| Unit – 3 | राजखान्थि |
| Chapter – 1 | भारतनि राजखान्थियारि हान्जा |
| Chapter – 2 | सोरखारनि बाहागो राननाय |
| Unit – 4 | रांखान्थि बिगियान |
| Chapter – 1 | रांखान्थिनि गुदि आयदाफोर |
| Chapter – 2 | गुबै रांखान्थियारि जेंनाफोर |
Notes of Class 9 Social Science in Bodo Medium | Bodomedium Class 9 Social notes इस पोस्ट में हम आपको ये समझा ने कि कोशिश की है की Bodo Medium 9th class Social Science Question answer | Class 9 Social Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।