Bodo Medium Class 9 Social Science Chapter 10 भारतनि राजखान्थियारि हान्जा Question Answer. Class 9 Social Science Question Answer in Bodo to each Chapter is provided in the list of SCERT, NCERT, SEBA सामाज बिगियान Class 9 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें. Class 9th Social Science Chapter 10 Political Parties in India Question Answer Class 9 Bodo Medium Social Science Chapter 10 Questions Answer. SEBA Bodo Medium Class 9 Social Science Chapter 10 भारतनि राजखान्थियारि हान्जा Notes covers all the exercise questions in NCERT, SCERT.
Class 9 Social Science Chapter 10 भारतनि राजखान्थियारि हान्जा
बोडो मीडियम कक्षा 9 सामाज बिगियान खोन्दो 10 भारतनि राजखान्थियारि हान्जा Question Answer | Political Parties in India | इस पोस्ट में हम आपको ये समझा ने कि कोशिश की है की कक्षा 9 बोडो मीडियम सामाज बिगियान खोन्दो 10 Basic Concepts of Economics Question Answer. अगर आप एक सात्र या शिक्षाक हो बोडो मीडियम की, तो आपके लिए ये बोडो मीडियम कक्षा 9 सामाज बिगियान खोन्दो 10 Question Answer बोहत लाभदायक हो सकता है। कक्षा 9 सामाज बिगियान खोन्दो 10 मे आप अपना ध्यान लगाके पढ़ कर इस कक्षा 9 सामाज बिगियान में अछि Mark ला सकते हो अपनी आनेवाली परीक्षा में।
खोन्दो 10 भारतनि राजखान्थियारि हान्जा
Chapter 10 Political Parties in India
उनसोलों
1. हान्जासेयारि खुंथाइनि राहा थानाय गंसे हादोरनि मुं लिर ।
फिन:- हान्जासेयारि खुंथाइनि राहा थानाय गंसे हादरनि मुङा जाबाय चीन ।
2. आमेरिका जथुम हादोराव थानाय हान्जायारि राहाया मा ?
फिन:- आमेरिका जथुम हादोराव हान्जानैयारि राहा दं ।
3. राजखान्थियारि हान्जानि मोननै आखुथाइ लिर ।
फिन:- राजखान्थियारि हान्जानि मोननै आखुथाइफोरा जाबाय:
(क) गौथुम आरो
(ख) नेम खान्थि, थांखि आरो बिखान्थि ।
4. राजखान्थियारि हान्जानि गाहाइ खामानि मोनसे लिर।
फिन:- राजखान्थियारि हान्जानि मोनसे गाहाइ खामानिया जाबाय सरासनस्रा सुबुंनो राजखान्थियारि सोलोंथाइ होना रोंगा रागा खालामनाय ।
5. आसामनि मोनसे ओनसोलारि हान्जानि मुं लिर ।
फिन:- आसामनि मोनसे ओन्सोलारि हान्जाया, जाबाय–
असम गन परिषद ।
6. झारखण्डनि गाहाइ ओन्सोलारि हान्जाय मा ?
फिन:- झारखण्डनि गाहाइ ओन्सोलारि हान्जाया जाबाय झारखाण्ड मुक्ति मर्चा ।
7. इउ. पि. ए. (U.P.A) नि आबुं ओंथिखौ लिर ।
फिन:- इउ. पि. ए (U.P.A) नि आबुं ओंथिया जाबाय इउनाइटेड प्रग्रेसिभ फ्रन्ट (United Progressive Front).
8. भारतनि गिबि राजखान्थियारि हान्जाया मा ?
फिन:- भारतनि गिबि राजखान्थियारि हान्जाया जाबाय भारतारि हारिमायारि कंग्रेछ ।
9. सोरनि दैदेननायाव ‘दि इन्डियान एससियेचन’ दाजादोंमोन ?
फिन:- एन. एन. बेनार्जीनि दैदेननायाव दाजादोंमोन ।
10. भारतनि हारिमायारि कंग्रेछनि गिबि आफादगिरिया सोरमोन ?
फिन:- उमेश चन्द्र बेनार्जी।
सुंद’ फिननायनि सोंनाय
1. भारत हादोरनि हान्जायारि राहानि आखुथाइया मा ?
फिन:- बेनि गाहाइ आखुथाइया जाबाय बेयो खुंगिरि आरो सरासनस्रा सुबुंनि गेजेराव फोनांजाबग्रा । बेयो सरासनस्रा सुबुंफोरखौ खुंथाइनि सेराव लाङो ।
2. फोराजखान्थियारि हादोर गंसेनि थाखाय मा हान्जायारि राहाया मुंथियै गोनां ?
फिन:- फोरजाखान्थियारि हादोर गंसेनि थाखाय राजखान्थियारि हान्जाया गोनांथार । राजखान्थियारि हान्जानि अनगायै आथिखालनि फोरजाखान्थिया ओंथि गैया । जायफोर फोरजाखान्थियारि हादोराव गोबां हान्जायारि दं बेबादि हादरफोरखौ थार फोरजाखान्थियारि राहा होननानै बुंनो हायो । नाथाय गोबां हान्जायारि राहा थानाय फोरजाखान्थिनिख्रुइ हान्जानैयारि राहा थानाय फोरजाखान्थिया बांसिन गोजोर आरो गोख्रों । गोबां हान्जायारि राहा थानाय फोरजाखान्थियाव गले गले जानो हानाय राजखान्थियारि आंखालखौ हान्जानैयारि राहायाव नुनो मोना ।
3. राजखान्थियारि हान्जानि आखुथाइ मोनब्रै लिर ।
फिन:- राजखान्थियारि हान्जानि आखुथाइ मोनब्रैया जाबाय:
(क) गौथुम ।
(ख) नेमखान्थि, थांखि आरो बिखान्थि ।
(ग) गोहो मोननो हास्थायनाय ।
(घ) हारिमायारि सार्थनि फारसे मान होनाय ।
4. मोनबा ओन्सोलारि राजखान्थि हान्जानि मुं लिर ।
फिन्नाय:- मोनबा ओनसोलारि राजखान्थि हान्जानि मुंफोरखौ गाहाइया होनाय जाबाय:
(1) डि.एम.के ।
(2) असम गण परिषद ।
(3) मिज’ नेचनेल फ्रन्ट ।
(4) शिवसेना ।
(5) नागालेण्ड पिपुलस कनफारेन्स ।
5. जथाइ सोरखार होनोब्ला मा मिथियो ?
फिन:- बबेबा मोनसे राजखान्थियारि हान्जाया हारसिङै बुरजा मासि मोननानै सोरखार दानो हायाब्ला माखासे राजखान्थि हान्जाया जं’ जानानै सोरखार दायो । बिब्दि सोरखारखौनो जथाइ सोरखार बुंनाय जायो । ज ‘थायाव ज’ जाफानाय हान्जाफोरनि थांखिया जुदा जुदा जायोब्लाबो खुंथाइ गोहोखौ मोननो थाखाय गावबा गाव हान्जानि थांखि आरो सार्थखौ दोनथ ‘नानै जवै थांखि लानानै जथाइ दानायाव सरजाबो ।
गोलाव फिननायनि सोंनाय
1. जथाइ सोरखार होनोब्ला मा मिथियो ? जथाइ सोरखारा माबादि थासारियाव दाजायो ?
फिन:- बबेबा मोनसे राजखान्थियारि हान्जाया हारसिङै बुरजा मासि मोननानै सोरखार दानो हायाब्ला माखासे राजखान्थियारि हान्जाया ज’ जानानै सोरखार दायो । बिब्दि सोरखारखौनो जथाइ सोरखार बुंनाय जायो । जथायाव ज’ जाफानाय हान्जाफोरनि थांखिया जुदा जुदा जायोब्लाबो खुंथाइ गोहोखौं-मोननो थाखाय गावबा गाव हान्जानि थांखि आरो सार्थखौ दोननानै जवै थांखि लानानै सोरखार दानो जथाइ दानायाव सरजाबो ।
जथाइ सोरखारनि सानखांथिया जोंनि हादोराव बारा गोजाम नङा । उदांस्रिनि उनाव भारतारि राजखान्थियाव भारतारि हारिमायारि कंग्रेछनि साग्लोब – सारनाया थानायसिमहालागै जथाइ सोरखारनि साननाया बेरखाङाखैमोन । 1947 मायानि 1967 मायबाइ सिमहालागै मिरु आरो रायजो मोननैयावबो भारतारि हारिमायारि कंग्रेसा खुंदोंमोन । बेखिनि समाव जथाइ सरखार दानायनि खोथा बेरखाङाखैमोन । नाथाय उनावहालागै “मोनसे हान्जानि साग्लोबनायाव हेंथा नुजाथि फैनायाव जथाइ सोरखार दानायनि मावफारिया जागाय जेनो । मिरुयाव 1977 मायथाइयाव म’रारजी देशाइनि दैदेनंनायाव गिबि जथाइ सोरखार दाजायो।” ”जनता दल “नि बे जथाइ सोरखारा 1979 मायथाइयाव बायफिननायनि उनाव 1979 मायथाइनि अक्टूबर दानाव चरण सिं नि दैदेननायाव गुबुन मोनसे जथाइ सोरखार दायो । बे सोरखारा जोरथाई जायाखिसै ।
बेनिखायनो नुनो मोनबायदि जेब्ला रावबो हान्जाथा हारसिङै बुरजा मासि मोनाब्ला जथाइ सोरखार दाजायो । बावैसो 2014 मायथाइनि मार्स दानाव जानाय सरासनस्रा बिसायख’थियाव भारतीय जनता पार्टीया हारसिं गोबांसिन अनजिमा मोननानै नरेन्द्र म’डीनि दैदेननायाव 2014 मायथाइनि 26 मे खालि सोरखार दायो । बेनि लोगो लोगोनो मनमहन सिं दैदेननायाव दाजानाय U.P.A जथाइ सोरखारा बायो आरो भारताव मोनसे हान्जानि खुंथाइ जुरिजेनो ।
2. जथाइ सोरखारनि मोननै गुण आरो गोरोन्थि लिर ।
फिन:- जथाइ सोरखारनि मोननै गुण-
(क) थासारि आरो समजों गोरोबनाय: जथाइ सोरखारा थासारि आरो समजों गोरोबनाय। सोलायनाय राजखान्थियारि आबहावा आरो थासारियाव जथाइ सोरखार दानानै भारत हादरनि बादि गिदिर फोरजाखान्थियारि हादोर गंसेयाव दिदोमै लाखिनाया जोबोइ गोनांथार ।
(ख) गोसोबादियै मावनो हायि सोरखार: हान्जासेयानो गोबां मासि मोननानै हान्जासेयारि सोरखार दायोब्ला सोरखारा गोसो बादियै खुंथाइ खुंनायनि गिनाय थायो । बिदि सोरखारा बिधान सभायाव गोबां थान्दै थानायनि खाबु लानानै सुबुं सार्थनि बेरेखायै खामानि मावनोबो गिया। नाथाय जथाइ सोरखाराव बिदि गिनांगौ गया । मानोना जायखि जाया बिथांखिखौ जथाइ सोरखाराव बाहागो लानाय हान्जाफोरनि गेजेराव मोजाङै सावरायनानैसो बिथांखि जायो । बेनिखायनो गोहोखौ गाज्रियै बाहायनो हाया आरो गोसीबादियै मावनो हानायनि लामा थाया।
मुलुगनि गोबां हादोराव जथाइ सोरखार दानाय नुनो मोनदोंब्लाबो बे सोरखाराबो गेना गैयि नङा ।
जथाइ सरखारनि गोरोन्थि :
(क) दान्दिजोर एबा दिदोम नङि: जथाइ सोरखारनिनियो बयनिख्रुइबो देरसिन गोरोन्थिया जाबाय दिदोमथि गैथि । जथाइयाव बाहागो लानाय हान्जाफोरा गावबा गाव हान्जानि सार्थआव हेंथा फैथोब्लानो जायखि जाया समावनो गनायथि होनायखौ दैखांना लाफिननायनि गिनाय थायो । बेनि जाहोनाव खुंथाइ समा आबुं जानायनि सिंगांनो सोरखारा बायो ।
(ख) लोरबां सोरखार: जथाइ सोरखारा सरासनस्रा लोरबां जायो । बाहागो लाग्रा गासैबो हान्जाफोरखौ गोजोन होनानै लाखिनांगौ जानायखाय बिदि सोरखारा जायखि जाया आयदानि सायाव दावगानो हाया ।
3. फोरजाखान्थियाव बेरेखा हान्जानि बिफावनि सोमोन्दै लिर ।
फिन:- फोरजाखान्थि हादोर गंसेयाव बेरेखा हान्जानि बिफावा जोबोर मख ‘जाथाव । गोख्रों बेरेखा हान्जा गैयाब्ला गंसे फोरजाखान्थियारि हादोर गंसेया थार जाफुंसारनायखौ मोननो हाया । सरासनस्रा सुबुं आरो हादोरनि सार्थखौ रैखा होनायाव आरो संबिजिरनि गोथारथि रैखा खालामनायाव बेरेखा हान्जाया सांग्रां पेहेरादारबादि खामानि मावो । खुंथाइयाव थानाय हानजाया जाहाथे हारिमायरि सार्थनि उल्थायै थांनानै जेबो खामानि मावनो हायिबादि गोख्रों नोजोर लाखियो । सोरखारनि बिखान्थि आरो बिथांखिफोरखौ नायबिजिरनाने नांगौ जायोब्ला सोरखारखौ संसदनि गेजेराव सावरायो । सरासनस्रा सुबुंफोरनि आंखाल, अजद लुबैनाय हास्थायनायफोरखौ संसदनि गेजेराव दैखाङो । बेरेखा हान्जाया खुंथाइयाव थानाय सोरखारा लुबैनानाय बायदियै खामानि मावाब्ला सुबुं बिबुंथि दानायनि गेजेरजों सोरखारखौ नारसिनो ।
4. ओन्सोलारि हान्जा जोनोम जानायनि गाहाइ जाहोनफोरखौ लिर ।
फिन:- ओन्सोलारि राजखान्थियारि हान्जानि जोनोमा भारतारि हान्जायारि राहानि मोनसे मख ‘जाथाव बिथिं । थांनाय जौथायनि द’थि जिथायाव भारतनि गिबि ओन्सोलारि हान्जा डि. एम. के ( द्राबिड़ मुननेत्रा काजागम) नि जोनोम जानायनि लोगो लोगोनों ओन्सोलारि साननाय हनायजों गुफुं माखासे ओन्सोलारि राजखान्थियारि हान्जा हादोराव नुजाथियो ।
थांनाय जौथायनि दाइनथि जिथायाव गोबां ओन्सोलारि हान्जा जोनोम मोननायनि थाखाय बे जिथायखौ ओन्सोलारि राजखान्थियारि हान्जानि सनानि जिथाय होनना बुंनाय जायो ।
ओन्सोलारि राजखान्थि हान्जा जोनोम जानायनि गुबै जाहोन महरै सिनाय जानाय आयदाफोरा जाबाय-
(क) दुलाराय भारतारि राजखान्थियारि हान्जाफोरनि समानै नायि खान्थि ।
(ख) हादोरनि बायदि रावारि आरो धोरोमारि हान्जानि गेजेराव थानाय फारागथि ।
(ग) बाङाइ अन्जिमानि सुबुंफोरनि गेजेराव नुजानाय रैखाथि गैयि साननाय ।
(घ) मिरु सोरखारा बांसिनै मिरुवारि खालामनो नाजानाय आरो रायजोआरि सम्पदफोरनि सायाव बांसिन मोनथाय मोननो नाजानाय।
(ङ) गासैंबो रायजोफोरनि फारसे मिरु सोरखारनि समानै नायनायनि आंखाल ।
(च) हादोरारि हान्जा एबा मिरुवारि सोरखारनि रायजोआरि दैदेनगिरिफोरनि लोरबांथि ।
5. फोरजाखान्थियारि हादोराव राजखान्थियारि हान्जानि गोनांथिनि सोमोन्दै लिर ।
फिन:- आथिखालाव फोरजाखान्थि आरो राजखान्थियारि हान्जा मोननैया मोनसेया मोनसेखौ सुफुंग्रा राजखान्थियारि हान्जानि अनगायै जेरै फोरजाखान्थिया सोलि होया, बिब्दिनो फोरजाखान्थिनि अनगायै राजखान्थियारि हान्जाया ओंथि गैया । राजखान्थियारि हान्जाया जाबाय खुंगिरि आरो सरासनस्रा सुबुंनि गेजेराव फोनांजाबग्रा । बेयो सरासनस्रा सुबुंफोरखौ खुंथाइनि सेराव लाना थाङो ।
बुहुमनि गंफ्रोमबो फोरजाखान्थियारि हादरावनो राजखान्थियारि हान्जा एबा राजखान्थियारि खान्थिनि राहा दं । बे हान्जायारि खान्थिया बबेयावबा हान्जासेयारि, बबेयावबा हान्जानैयारि आरो बबेयावबा गोबां हान्जायारि ।
आथिखालाव चीनखौ लाफानाने गोबां साम्यबादी हादोराव हान्जासेयारि राहा मोनसे राजखान्थियारि हान्जा थानायनि उलथायै इंलेण्ड, आमेरिका बाइदि हादोराव हान्जानैयारि आरो भारत, बांलादेश, पाकिस्तान बायदि हादोराव गोबां हान्जायार राहा दं ।
राजखान्थियारि हान्जानि अनगायै आथिखालनि फोरजा खान्थिया ओंथि गैया । फोरजाखान्थियारि हादोर गंसेयाव राजखान्थियारि हान्जा मोनसेनि गोनांथार आखुथाइफोरा जाबाय-
(क) गौथुम ।
(ख) नेम-खान्थि, थांखि आरो बिखान्थि ।
(ग) गोहो मोननो हास्थायनाय ।
(घ) हारिमायारि सार्थनि फारसे मान होनाय ।
बेफोर माखासे आखुथाइ लानानै दाजानाय राजखान्थियारि हान्जानि फोरजाखान्थियारि हादोर गंसेयाव गुबै खामानिया जाबाय–
(क) सारसनस्रा सुबुंनो राजखान्थियारि सोलोंथाइ होनानै रोंगा रागा खालामनाय ।
(ख) सरासनस्रा सुबुंनि गोसोआव राजखान्थियारि सांग्रांथि बांहोनाय ।
(ग) सुबुंनि बिदुंथि दानाय ।
(घ) सुबुं बिदुंथिखौ गोख्रो खालामनाय । बेनि अनगायैबो फोरजाखान्थियाव सरासनस्रा सुबुंफोरा सोरखार दानाय खान्थियाव बाहागो लानायनि थासारि सोरजिनायाबो राजखान्थि हान्जानि मोनसे मख ‘जाथाव बिबान । बिसायखथियाव देरहानानै सोरखार दानाय राजखान्थियारि हान्जानि अनगायैबो बेरेखा हान्जायाव थानाय राजखान्थियारि हान्जाया सोरखारनि-मावनाय-दांनायाव गोख्रों नोजोर होयो । नांगो जायोब्ला दाथायारि सुबुरुन होनानै सरखारखौ गोथों लामाजों दावगालांनो खावलायो । बे खोथाया रोखादि गंसे मोज्रां गोख्रों फोरजाखान्थियारि हादोर दानायाव राजखान्थियारि हान्जाया जानोगोनां मेंरोङि पहेरादार ।
6. राजखान्थियारि हान्जानि आखुथाइ आरो हाबाफारिनि सोमोन्दै लिर ।
फिन:- राजखान्थिचारि हान्जानि आखुथाइफोरा जाबाय:-
(क) गौथुम ।
(ख) नेमखान्थि, थांखि आरो बिखान्थि ।
(ग) गोहो मोननो हास्थायनाय ।
(घ) हारिमायरि सार्थनि फारसे मान होनाय ।
गोजौनि आधाइफोरजों दाजानाय राजखान्थियारि हान्जानि हाबाफारि (खामानि) फोरा जाबाय―
(क) सरासनस्रा सुबुंनो राजखान्थियारि सोलोंथाइ होनानै रोंगा-रागा खालामनाय ।
(ख) सरासनस्रा सुबुंनि गोसोआव राजखान्थियारि सांग्राथि बांहोनाय ।
(ग) सुबुंनि बिदुंथि दानाय ।
(घ) सुबुं बिदुंथिखौ गोख्रों खालामनाय ।
7. जथाइ सोरखारनि राहायानो आथिखालाव जुनिया गोनांथि मोननायनि जाहोनफोरखौ लिर ।
फिन:- जथाइ खान्थिया आथिखालाव जुनिया गोनांथि मोननायनि जाहोन माखासेया जादों―
(1) राजखान्थियारि हान्जा बांनाय ।
(2) मोनसेल’ राजखान्थियारि हान्जानि गोनांथिया खमायलांनाय ।
(3) मोनसे बिसायख’थियाव कौटि कौटि रां बाहायनायनि उनाव सोरखार दानायाव जेंना नुजाथियोब्ला आरो गोदानै बिसायखथि खुनानै रां खरसा खालामनावनायखौ होबथानो जथाइ सोरखार दानाय जायो ।
(4) सोरखाराव ओन्सोलारि थान्दैफोरखौ सरजाबनायाबो जथाइ सोरखार दानायाव गोनांथि मोनो ।
बांद्राय सोंथि
1. हादोर खुंनायनि गोजामसिन खान्थिया मा मोन ?
फिन:- हादोर खुंनायनि गोजामसिन खान्थिया राजतन्त्र मोन ।
2. हान्जासेयारि राहा लानाय गंसे हादोरनि बिदिन्थि हो ?
फिन:- चीन हादोर ।
3. हान्जानैयारि राहा थानाय गंनै हादोरनि बिदिन्थि हो ?
फिन:- इंलेण्ड आरो आमेरिका ।
4. गोबां हान्जायारि राहा थानाय गंथाम हादोरनि बिदिन्थि हो ।
फिन:- भारत, बांलादेश आरो पाकिस्तान ।
6. मा हान्जायारि राहा थानाय फोरजाखान्थिया बांसिन गोजोर आरो गोख्रों ?
फिन:- हान्जानैयारि राहा थानाय फोरजाखान्थिया बांसिन गोजोर आरो गोख्रों ।
7. मा हान्जायारि खान्थिखौ थार फोरजाखान्थियारि राहा होननानै बुंनो हायो ?
फिन:- गोबां हान्जायारि राहा थानाय हादोरफोरखौ ।
8. राजखान्थियारि राहानि मोननै आखुथाइ लिर ।
फिन:- (क) गौथुम आरो (ख) नेम-खान्थि, थांखि आरो बिखान्थि ।
9. राजखान्थियारि हान्जानि मोनसे गुबै खामानि लिर ।
फिन:- राजखान्थियारि हान्जानि मोनसे गुबै खामानिया जाबाय―
(क) सरासनस्रा सुबुंनो राजखान्थियारी सोलोंथाइ होनानै रोंगा रागा खालामनाय ।
10. भारतारि हारिमायारि कंग्रेछा माब्ला जोनोम जादोंमोन ?
फिन:- 1855 मायथाइयाव ।
11. भारतारि हारिमायरि कंग्रेछखौ सोर जोनोमहोदोंमोन ?
फिन:- एलेन अक्टभियान हिउमआ ।
12. “मुसलिम लिग” खौ माब्ला दानाय जादोंमोन ?
फिन:- 1906 मायथाइयाव ।
13. “हिन्दु महासभा” राजखान्थियारि हान्जाखौ माब्ला दानाय जादोंमोन ?
फिन:- 1916 मायथाइयाव ।
14. “स्वराज पार्टी” खौ माब्ला दानाय जादोंमोन ?
फिन:- 1922 मायथाइयाव ।
15. भारतनि गिबि राजखान्थि हान्जानि मुङा मा ?
फिन:- भारतारि हारिमायारि कंग्रेछ (Indian National Congress).
16. भारतनि नैथि राजखान्थि हान्जानि मुङा मा ?
फिन:- मुसलिम लिग ।
17. भारतनि थामथि राजखान्थियारि हान्जानि मुङा मा ?
फिन:- हिन्दु महासभा ।
18. भारतनि ब्रैथि राजखान्थियारि हान्जानि मुङा मा ?
फिन:- स्वराज पार्टी ।
19. “दि इन्डियान एस सियेसन” खौ सोरनि दैदेननायाव दानाय जादोंमोन ?
फिन:- एस. एन. बेनार्जित दैदेननायाव ।
20. भारतारि साम्यबादी हान्जा” या माब्ला जोनोम मोनदोंमोन ?
फिन:- 1924 मायथाइयाव ।
21. “ससियेलिष्ट फराम” मुंनि हान्जाया माब्ला नुजादोंमोन ?
फिन:- 1938 मायथाइयाव ।
22. गिबि सरासनस्रा बिसायखथिया माब्ला जादोंमोन ?
फिन:- 1952 मायथाइयाव ।
23. गिबि सरासनस्रा बिसायखथियाव बेसेबां राजखान्थि हान्जाया बाहागो लादोंमोन ?
फिन:- बाजिनि बांसिन ।
24. ससियेलिष्ट फरामा कृषक मजदुर पार्टी जों लोगो नांनानै दानाय हान्जानि मुङा मा ?
फिन:- प्रजा ससियेलिष्ट पार्टी ।
25. गिबि सरासनस्रा बिसायखथियाव दुलाराय भारतारि थाखोनि बेसेबां राजखान्थियारि हान्जाया बाहागो लादोंमोन ?
फिन:- मोन 14 ।
26. भारतनि गिबि ओन्सोलारि हान्जानि मुं लिर ।
फिन:- डि.एम.के. (द्राबिड़ मुननेत्रा कामागम) ।
27. ब्रैथि सरासनस्रा बिसायख’थिया माब्ला जादोंमोन ?
फिन:- 1967 मायथाइयाव ।
28. ओन्सोलारि राजखान्थियारि हान्जा जोनोम जानायनि मोनसे जाहोन लिर ।
फिन:- ओन्सोलारि राजखान्थियारि हान्जा जोनोम जानायनि मोनसे जाहोना जाबाय-दुलाराय भारतारि राजखान्थियारि हान्जाफोरनि समानै नायि खान्थि ।
29. ‘अकालि दल’ ओन्सोलारि राजखान्थियारि हान्जाया बबे हादोरसानि ?
फिन:- पान्जाबनि ।
30. “नेचनेल कनफारेन्स’ ओन्सोलारि राजखान्थियारि हान्जाया बबे हादोरसानि ?
फिन:- जम्मु काश्मीरनि ।
31. “शिवसेना” ओन्सोलारि राजखान्थियारि हान्जाया बबे हादोरसानि?
फिन:- महाराष्ट्रनि ।
32. “ए. आइ. डि. एम. के “राजखान्थियारि हान्जाया बबे हादोरसानि?
फिन:- तामिलनाडुनि ।
33. बेरेखा हान्जानि गोख्रों बिफाव थानाय गंनै हादोरनि में लिर ।
फिन:- आमेरिका जुथुम हादोर आरो इंलेण्ड ।
34. बेरेखा हान्जानि मोनसे मावनोगोनां खामानि लिर ।
फिन:- बेरेखा हान्जानि मोनसे मावनोगोनां खामानियां जाबाय: सरासनस्रा सुबुं आरो हादोरन सार्थखौ रैखा होनायाव आरो संबिजिरनि गोथारथि रैखा खालामनायाव बेरेखा हान्जाया सांग्रां पहेरादारबादि खामानि भावनांगौ ।
35. जथाय सोरखार माखौ बुङो ?
फिन:- माखासे राजखान्थि हान्जाया ज’ जानानै सोरखार दानायखौनो जथाइ सोरखार बुंनाय जायो ।
36. मनम’हन सिंनि दैदेननायाव दाजानाय जथाइ सोरखारनि मुङा मा मोन ?
फिन:- U.P.A थामहिनबा इडनाइटेड प्रग्रेसिभ फ्रन्ट ।
37. मिरुनि गिबि जधाइ सारखारखौ माब्ला दानाय जादोंमोन ?
फिन:- 1977 मायथाइयाव ।
38. सोरनि दैदेननायाव गिबि जथाइ सोरखासो दानाय जादोंमोन ?
फिन:- म’रारजी देशाइनि दैदेननायाव ।
39. 2014 मायथाइनि सरासनस्रा बिसायख’थियाव मा राजखान्थियारि हान्जाया बांसिन मासि मोनदोंमोन ?
फिन:- भारतीय जनता पार्टि ।
40. ओन्सोलारि राजखान्थियारि हान्जानि रानानि जिथाइ होनना बबे मायथाइखौ बुंनाय जायो ?
फिन:- 1980 मायथाइखौ बुंनाय जायो ।
41. राजतन्त्र आव हादरनि खुंगरिया सोरमोन ?
फिन:- राजतन्त्रआव हादरनि खुंगिरिया जादोंमोन राजा ।
42. हान्जासेयारि राहा माखौ बुङो ? बिदिन्थि हो ।
फिन:- जायफोर हादोराव मोनसेल’ राजखान्थि हान्जा थायो बेखौनो हान्जासेयार राहा बुंनाय जायो । चीनाव मोनसेल’ राजखान्थियारि हान्जा दं ।
43. हान्जानैयारि राहा माखौ बुङो । बिदिन्थि हो–
फिन:- जायफोर हादोराव मोननै राजखान्थियारि हान्जा दं बेखौनो हान्जानैयारि राहा बुंनाय जायो । जेरै इंलेण्ड आरो आमेरिका ।
44. गोबां हान्जायारि राहा थानाय गंथाम हादोरनि मुं लिर:
फिन:- (1) भारत (2) बांलादेश आरो (3) पाकिस्तान ।
45. बेसेबां मायथाइयाव भारतारि हारिमायारि कंग्रेछनि जोनोम जादोंमोन ? बेनि जोनोमगिरिया सोरमोन ?
फिन:- 1855 मायथाइयाव भारतारि हारिमायारि कंग्रछनि जोनोम जादोंमोन । बेनि जोनोमगिरिया जादोंमोन एलेन अक्टभियान हिउम ।
46. डि इन्डियान एस’सियेसननि जोनोमगिरिया सोर ? बे हान्जाखौ माब्ला दानाय जादोंमोन ?
फिन:- ” दि इन्डियान एस सियेसन” नि जोनोमगिरि जादोंनो एस. एन. बेनार्जी । बे हान्जाखों 1876 मायथाइयाव दानाय जादोंमोन ।
47. भारतारि हारिमायारि कंग्रेछनि गिबि जथुमा बबेयाव जादोंमोन ? बे जथुमनि आफादगिरिया सोरमोन ?
फिन:- भारतारि हारिमायारि कंग्रेछनि गिबि जथुमा जादोंमोन बम्बाइ (मुम्बाइ) नोगोराव । बे जथुमनि आफादगिरिया जादोंमोन उमेश चन्द्र बेनार्जी ।
48. भारतनि ब्रैथि राजखान्थियारि हान्जानि मुं लिर ? बे हान्जाखौ सोर माब्ला दादोंमोन ?
फिन:- भारतनि ब्रैथि राजखान्थियारि हान्जाया जाबाय स्वराज पार्टी । 1922 मायथाइयाव चित्तरन्जन दास आरो मतिलाल नेहेरुमोना बे हान्जाखौ दादोंमोन ।
49. भारतनि गिबि सरासनस्रा बिसायखथिया माब्ला जादोंमोन ? बेयाव बेसेबां राजखान्थियारि हान्जाया बाहागो लादोंमोन ?
फिन:- भारतनि गिबि सरासनस्रा बिसायखथिया 1952 मायथाइयाव जादोंमोन । बे बिसायखथियाव बाजिनिबो बांसिन राजखान्थियारि हान्जाया बाहागो लादोंमोन ।
50. आथिखालनि भारतनि हादोरारि थाखोनि गंनैसो मख ‘जाथाव राजखान्थियारि हान्जाफोरनि मुं लिर ।
फिन:- आथिखालनि भारतनि हादोरारि थाखोनि गंनेसो मख ‘जाथाव राजखान्थियारि हान्जाफोरनि मुंफोरा जाबाय:
भारतारि हारिमायारि कंग्रेछ, भारतारि जनता दल, भारतारि कमिउनिष्ट, पार्टी, भारतारि कमिउनिष्ट पार्टी (मार्क्सबादी), तृणमुल कंग्रेछ, आम आदमी हान्जा बायदि बायदि।
51. “प्रजा ससियेलिष्ट पार्टी” नि जोनोमा माबोरै जादोंमोन ?
फिन:- 1952 मायथाइयाव भारतनि गिबि सरासनस्रा बिसायख’थिनि सिगां सिगां ससियेलिष्ट फरामा कृषक मजदुर पार्टीजों लोगो नांनानै “प्रजा ससियेलिष्ट पार्टी” जोनोम होदोंमोन।
52. भारतनि गिबिसिन ओनसोलारि हान्जानि मुंआ मा ? बेखौ बबेयाव दानाय जादोंमोन ?
फिन:- भारतनि गिबिसिन ओनसोलारि हान्जानि मुङा जाबाय: डि.एम. के । बे हान्जाखौ तामिलनाडुआव दानाय जादोंमोन ।
53. राजखान्थियारि हान्जा माखौ बुङो ?
फिन:- हादोरनि एबा राइजो राजानि जेंनाफोरनि फारसे एखे रोखोमनि बिबुंथि थानाय आरो जयै थांखिखौ मावफुंनो थाखाय लोगोसेयै खामानि मावनो थिरांथालानाय खायसे सुबुंनि ज’थाइखौनो राजखान्थियारि हान्जा बुंनाय जायो ।
54. जथाइ सोरखारनि मोनसे गेनाखौ फोरमायना लिर ।
फिन:- जथाइ सोरखारनि देरसिन गेना एबा गोरोन्थिया जाबाय दिदोमथि गैयि । जथाइयाव बाहागो लानाय हान्जाफोरा गावबा गाव हान्जानि सार्थआव हैंथा फैयोब्लानो जायखिजाया समावनो गनायथि होनायखौ दैखांना लाफिननायनि गिनाय थायो । बेनि जाहोनाव खुंथाइ समा आबुं जानायनि सिगांनो सोरखारा बायो ।
55. जथाइ सोरखारनि मोनसे गुणखौ फोरमायना लिर ।
फिन:- जथाइ सोरखारनि मोनसे गुणआ जाबाय थासारि आरो समजों गोरोबनाय । सोलायनाय राजखान्थियारि आबहावा आरो थासारियाव जथाइ सोरखार दानानै भारत हादोरनि बादि गिदिर फोरजाखान्थियारि हादोर गंसेयाव सोरखारखौ दिदोमै लाखिनाया जोबोद गोनांथार ।
56. मिरुआव जथाइ सोरकार खुंनाय मुंफोरा मा मामोन ?
फिन:- मिरुआव जथाइ सोरकार खुंनाय मुंफोरा जादोंमोन:
(1) इउनाइटेड फ्रन्ट ।
(2) इउनाइटेड प्रग्रेसिभ फ्रन्ट ।
(3) नेसनेल डेम ‘क्रेटिक एलाइन्स ।
57. जथाइ सोरखार खान्थिया आथिखालाव जुनिया गोनांथि मोननायनि मोनथाम जाहोन हो ।
फिन:- जथाइ सोरखार खान्थिया आथिखालाव जुनिया गोनांथि मोननायनि जाहोनफोरा जादों–
(1) राजखान्थियारि हान्जा बांनाय ।
(2) मोनसेल’ राजखान्थियारि हान्जानि गोनांथिया खमायलांनाय ।
(3) मोनसे बिसायख’थियाव कौटि कौटि रां बाहायनायनि उनाव सोरखार दानायाव जेंना नुजाथियोब्ला आरोबाव गोदानै बिसायखथि खुनानै रां खरसा खालामबावनायखौ होबथानो जथाइ सरखार दानाय जायो ।
58. बेरेखा हान्जानि मावनोगोनां मोननै खामानि लिर ।
फिन:- बेरेखा हान्जानि मावनोगोनां खामानिफोरा जाबाय:
(क) सरासनस्रा सुबुं आरो हादोरनि सार्थखौ रैखा होनायाव आरो संबिजिरनि गोथारथि रैखा खालामनायाव बेरेखा हान्जाया सांग्रां पहेरादारबायदि खामानि मावनांगौ ।
(ख) खुथाइयाव थानाय हान्जाया हारिमायारि सार्थनि उलथायै थांनानै जेबो खामानि मावनो हायिबायदि गोख्रों नोजोर होनांगौ ।
59. फोरजाखान्थियारि हादोर गंसेयाव बेरेखा हान्जा गैयाब्ला मा जायो ?
फिन:- गोख्रों बेरेखा हान्जा गैयाब्ला गंसे फोरजाखान्थियारि हादोर गंसेया थार जाफुंसारनायखौ मोननो हाया । लोगोसेनो सरासनस्रा सुबुंनि सार्थखौबो रैखा खालामनो हाया ।
60. आथिखालनि भारत हादोरनि मख ‘जाथाव राजखान्थियारि हान्जाफोरनि मुं मख’ ।
फिन:- आथिखालानि भारत हादोरनि मख ‘जाथाव राजखान्थियारि हान्जाफोरा जाबाय डि. एम. के, ए. आइ. डि. एम. के (तामिलनाडु), आकालि दल (पान्जाब), लेगु देशम (अन्ध्रप्रदेश) नेचनेल कनफारेन्स
(जम्मु काश्मीर), असम गण परिषद (असम), मिज’ नेचनेल फ्रन (मिज ‘राम), शिवसेना (महाराष्ट्र), नागालेण्ड पिपुलस कनफारेन्स (नागालेण्ड), झारखण्ड मुक्ति मर्चा (झारखण्ड) बायदि बायदि ।
| SL No. | CONTENTS |
| Unit – 1 | जारिमिन |
| Chapter – 1 | भारतबर्ष हादराव इउर’पियानफोरनि हाबफैनाय |
| Chapter – 2 | भारतारि माहारियारि सानस्रि बेरखांनाय |
| Chapter – 3 | मवामरीया सुबुं बिग्रायखांनाय |
| Chapter – 4 | माननि आसाम गाग्लोबनाय |
| Chapter – 5 | आसामाव बृटिस खुंथाइनि जागायनाय |
| Unit – 2 | भुमरखौरां |
| Chapter – 1 | बुहुम बिखुंनि सोलायनाय |
| Chapter – 2 | बारमण्डल |
| Chapter – 3 | भारतबर्षनि भुमरखौरां |
| Chapter – 4 | आसामनि भुमरखौरां |
| Unit – 3 | राजखान्थि |
| Chapter – 1 | भारतनि राजखान्थियारि हान्जा |
| Chapter – 2 | सोरखारनि बाहागो राननाय |
| Unit – 4 | रांखान्थि बिगियान |
| Chapter – 1 | रांखान्थिनि गुदि आयदाफोर |
| Chapter – 2 | गुबै रांखान्थियारि जेंनाफोर |
Notes of Class 9 Social Science in Bodo Medium | Bodomedium Class 9 Social notes इस पोस्ट में हम आपको ये समझा ने कि कोशिश की है की Bodo Medium 9th class Social Science Question answer | Class 9 Social Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।