SEBA Class 10 Science Question Answer In Bodo Chapter 1 रासायनारि फिनजाथाइ आरो समानथाइ | Chemical Reaction and Equation | Class 10 Science Question Answer in Bodo As Per New Syllabus to each Chapter is provided in the list of SCERT, NCERT, SEBA SEBA Class 10 Science Question Answer In Bodo Chapter 1/Class 10 Science Chapter 1 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें।
Class 10 Science Chapter 1 रासायनारि फिनजाथाइ आरो समानथाइ
SEBA Class 10 Science Notes Chapter 1 In Bodo रासायनारि फिनजाथाइ आरो समानथाइ Science Guide for Class 10th Chapter 1. Also Same NCERT Solutions for Class 10 Science इस पोस्ट में हम आपको ये समझा ने कि कोशिश की है की SEBA Class 10 Science Question Answer In Bodo Chapter 1 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 10 Science In Bodo Medium बोहत लाभदायक हो सकता है।
फरा 1 रासायनारि फिनजाथाइ आरो समानथाइ
Chapter 1 Chemical Reaction and Equation
Additional Questions & Answers
सों 1. रासायनारि सोलायनाय एबा फिनजाथाय जादों होनना जों माबोरै मिथिनो?
फिन : रासायनारि फिनजाथाइ जानायखौ मिथिनो गाहायाव होनाय बादि सोलायनायफोरखौ नोजोर खालामनो हागौ―
(i) मुवानि महर एबा थासारि सोलायनाय ।
(ii) गाब सोलायनाय
(iii) गेस सोमजिनाय
(iv) बिदुं सोलायनाय (बांनाय एबा खमायनाय)
सों 2. रासायनारि समानथाय मोनसेखौ माबादि लिरो ? बिदिन्थिजों फोरमाय।
फिन : मोननै एबा बेनि बांसिन मुवाफोरनि गेजेराव फिनजाथाइ जानाय मुवाफोरखौ दिन्थिहांखो आरो फरमुलाजों दिन्थिसारनाय जायो। बिदिन्थि महरै जिंक आरो दैब्रां सालफिउरिक एसिदनि गेजेराव फिनजाथाइ जानानै हाइड्रजेन गेस आरो जिंक सालफेत सोमजियो। बे फिनजाथाइनि समानथाइया जाबाय–
Zn+ H₂SO₄ → ZnSO₄ +H₂
समानथाई मोनसे लिरनाय समाव गाहायाव होनाय बाथ्राफोरखौ गोसोआव लाखिनांगौ–
(i) गावजों गावनि गेजेराव फिनजाथाइ जानाय मुवाखौ फिनजाग्रा (Reactant) होननानै बुङो। गोजौनि फिनजाथाइयाव Zn आरो H₂SO₄ आ जाबाय फिनजाग्रा । फिनजाग्राफोरखौ समानथाइयाव थिर (→) सिननि आगसिथिं लिरनाय जायो आरो बेफोरखौ दाजाब (+) सिनजों जुदा खालामनानै दोननाय जायो ।
(ii) फिनजाथाइयाव सोमजिनाय मुवाफोरखौ फिनजामुवा (Product) बुंनाय जायो। गोजौनि फिनजाथाइयाव फिनजा मुवाया जाबाय ZnSO₄ आरो H₂ l फिनजामुवाफोरखौ थिर सिननि आगदाफारसे लिरनाय जायो। मुवानि मोनसेखौ गुबुननिफ्राय दाजाब सिनजों जुदा खालामनाय जायो l
(iii) फिनजाथाइ मोनसेयाव बाहायनाय थिर (→) सिन एबा समाव (=) सिनआ सोमजि होनाय फोरमायो ।
सों 3. रंथं समानथाइ (skeletal equation) आरो समानसु समानथाइ (Balanced equation) माखौ बुङो ? मोनफ्रोमनिबो मोनफायै बिदिन्थि हो ।
फिन : रासायनारि समानथाइ मोनसेनि फिनजाथाइयाव फारनैथिंबो थानाय मुवाफोरनि अनजिमाया समान नाङाब्ला बे समानथाइखौ रंथं समानथाइ (skeletal equation) बुङो ।
बिदिन्थि :- H₂ + O₂ → H₂O
बेवहाय थिर सिननि फारनैथिंजाय O₂ गुन्द्रासानि अनजिमाया समान जाना थायाखै।
थिरसिन एबा समान सिननि फारंनैथिंजायबो मोनफ्रोम रोखोम गुन्द्रासानि अनजिमाया समान जानानै थायोब्ला बे समानथाइखौ समानसु समानथाइ (Balanced equation) होननानै बुंनाय जायो
बिदिन्थि :- 2H₂ + O₂ → 2H₂ O
बेवहाय फारनैथिंबो हाइड्रजेननि गुन्द्रासा अनजिमाया मोनब्रै आरो अक्सिजेननि अनजिमाया मोन 2
सों 4. मोनसे समानथाइनि बिदिन्थि लाना समानसु खालामलांनाय आदबफोरखौ फोरमाय।
फिन : हाइड्रजेन आरो अक्सिजेननि गेजेराव फिनजाथाइ जाना दै सोमजिनाय समानथाइखौ लानाय जाथों।
(i) गिबियावनो रंथं समानथाइखौ लिरनाय जाबाय।
H₂ + O₂ → H₂O
(ii) समानसु नङै समानथाइनि फारनैथिंजायबो थानाय गुन्द्रानि अनजिमाफोरखौ सानना नाय ।
(iii) दैनि मोनसे गुन्द्रामायाव अक्सिजेननि मोनसे गुन्द्रासा थायो। जिहेतु मोनसे अक्सिजेन गुन्द्रामायाव मोननै गुन्द्रासा थायो, बेनिखायनो मोननै गुन्द्रामानि दै सोमजिगोन ।
H₂ + O₂ → 2H₂ O
(iv) मोननै गुन्द्रामा दैयाव हाइड्रजेननि मोनब्रै गुन्द्रासा थायो, बेनिखायनो हाइड्रजेननि मोनब्रै गुन्द्रासाया मोननै गुन्द्रामा हाइड्रजेननिफ्राय फैगोन।
2H₂ + O₂ → 2H₂O
बे समानथाइनि फारनैथिंबो अक्सिजेन आरो हाइड्रजेननि गुन्द्रासाया समान समान। बेनिखायनो समानथाइया समानसु जाबाय।
सों 5. गोजा जाहाबनाय गुदुं आयरननि साजों दै खफ थांहोयोब्ला हाइड्रजेन गेस आरो फेरसफेरिक अक्साइड (Fe₃ O₄) सोमजियो । रासायनारि समानथाय लिरना समानसु खालाम।
फिन : (i) गिबियावनो रंथं समानथाइ लिरना लानाय जाबाय।
Fe + H₂O → Fe₃O₄ + H₂
(ii) मोनसे गुन्द्रामा Fe₃ O₄ खौ सायख’ना नोजोर खालामब्ला नुगोन बेवहाय अक्सिजेन गुन्द्रासाया मोनब्रै दं जेराव आगसिथिं थानाय दै गुन्द्रामायाव अक्सिजेन गुन्द्रासाया मोनसेल’ दं। बेखायनो H₂O खौ 4 जों सानजाबबाय।
Fe + 4H₂O → Fe₃O₄ + H₂
(iii) हाइड्रजेन गुन्द्रासाया आगसिथिं गासै मोन डाइन जाबाय। बेखायनो आगदानि H₂ जों 4 सानजाबवाय।
Fe + 4H₂O → Fe₃ O₄ + 4H₂
(iv) आरोबाव Fe गुन्द्रासाखौ आगदानिजों समान खालामनो आगसिआव 3 सानजाबनाय जाबाय।
3Fe + 4H₂O → Fe₃O₄ + 4H₂
दानिया बेनो समानसु समानथाइ जाबाय।
(v) जोबनायाव समानथाइनि फिनजाग्रा आरो फिनजा मुवानि महरारि बिथाथाइ दिन्थिनो खौसे मुवानि फरमुलाजों लोगोसे गुबुन गुबुन दिन्थिसिन बाहायनाय जायो। खौसे मुवाया गेसारिब्ला (g), गथाब्ला (S), लावलाव (1) आरो दैयारिब्ला (aq) बाइदि। गोजौनि समानथाइयाव बेफोर दिन्थिसिन बाहायनाय जाबाय।
3Fe(S) + 4H₂O(g) → Fe₃O₄(S) + 4H₂(g)
(दैआ ख ‘फ’ महराव दंखायनो बेवहाय g बाहायनाय जादों)
सोनाय : (फरा बिजाबनि, Page No. 6)
सों 1. दोंसे मेगनेसियाम फिटाखौ बाराव सावनायनि सिगां मानो साखोन सिखोन खालामनाय जायो?
फिन : मेगनेसियाम फिटानि बिखुंआव खायसे गोथार नङै बेसात (unwanted impurities) अरजाबना थानायखौ गैया खालामनो, बेखौ बाराव सावनाय सिगां साफा खालामनाय जायो आरो गोथार मेगनेसियाम धातुखौल’ सावनाय जायो ।
सों 2. गाहायनि रासायनारि समानथाइफोरनि समानसु समानथाइ लिर।
(i) हाइड्र’ जेन + क्ल’ रिन → हाइड्र ‘जेन क्ल ‘राइड ।
फिन : H₂ + Cl₂ → HCI
H₂ + Cl₂ → 2HCI (समानसु)
(ii) बेरियाम क्ल ‘राइड + एलुमिनियाम सालफेट → बेरिम सालफेत → एलुमिनियाम क्ल ‘राइड।
फिन : BaCl₂ + AI₂(SO₄)₃ → BaSO₄ + AICI₃
3BaCl₂ + Al₂(SO₄)₃ → 3BaSO₄ + 2AICI₃ (समानसु)
(iii) सडियाम + दै → सडियाम हाइड्र ‘क्साइड + हाइड्र ‘जेन ।
फिन : Na + H₂O → NaOH + H₂
2Na + 2H₂O → 2NaOH + H₂ (समानसु) ।
3. गाहायनि फिनजाथाइफोरनि थाथाइनि दिन्थिसिन बाहायनानै मोनसे समानसु रासायनारि समानथाइ लिर।
(i) बेरियाम क्ल ‘राइडनि गलिलाव आरो दैयाव सडियाम सालफेटजों फिनजाथाइ जानानै। गलियि बेरियाम सालफेट आरो सडियाम क्ल ‘राइडनि गलिलाव सोमजिहोयो।
फिन : BaCl₂ (aq) + Na₂SO₄ (aq) → BaSO₄ (S) + NaCl (aq) l
(ii) सडियाम हाइड्र ‘क्साइड गलिलाव (दैआव) आ हाइड्र ‘क्ल ‘रिक एसिडनि गलिलाव (दैआव) जों फिनजाथाइ जानानै सडियाम क्ल ‘राइड आरो दै सोमजिहोयो।
फिन : NaOH (aq) + HCl (aq) → NaCl (aq) + H₂O (l) l
Additional Questions & Answers
रासायनारि समानथाइनि रोखोमफोर (Types of Chemical Reactions)
सों 1. रासायनारि सोलायनायनि सायाव सोनारनानै रासायनारि समानथाइफोरखौ मा मा रोखोमआव राननाय जादों ?
फिन : रासायनारि सोलायनायनि सायाव सोनारनानै रासायनारि समानथाइफोरखौ गाहायाव होनाय बादि माखासे रोखोमाव राननाय जादों।
(i) दाजाबनाय फिनजाथाइ (combination reaction)
(ii) बायस्रानाय फिनजाथाइ (Decomposition reaction)
(iii) रानसारनाय फिनजाथाइ (Displacement reaction/single displacement)
(iv) नैफान रानसारनाय फिनजाथाइ (Double Displacement)
(v) सोखावनाय फिनजाथाइ (Dissociation reaction)
सों 2. (a) मा जायो जेब्ला गोरान सुनैखौ दैजों दाजाबदेरनाय जायो?
फिन : गोरान सुनैखौ दैजों दाजाबदेरब्ला बिदुं सोमजिना गलिलाङो ।
(b) गोजौनि जाथाइनि रासायनारि समानथाइ लिर।
फिन : CaO(S) + H₂O (l) → Ca(OH)₂ + बिदुं ।
(c) बेयो मा रोखोमनि फिनजाथाइ?
फिन : बेयो दाजाबनाय फिनजाथाइ ।
सों 3. दुंखांग्रा फिनजाथाइ माखौ बुङो ? बेबादि रोखोमनि मोननै बिदिन्थि हो।
फिन : जायफोर रासायनारि फिनजाथाइआव फिनजा मुवाजों लोगोसे बिदुं सोमजिखाङो। बे फिनजाथाइखौ दुंखांग्रा फिनजाथाइ बुङो l
बिदिन्थि :–
(i) खैलानि खामनाय l
C(S) + O₂(g) → CO₂ (g) + बिदुं l
(ii) हाइड्र ‘जेन आरो अक्सिजेननिफ्राय दै सोमजिनाय ।
2H₂(g) + O₂(g) → 2H₂O (l) + बिदुं l
आरोबाव–
(iii) मिथिंगायारि गेसनि खामनाय ।
CH₄(g) + 2O₂(g) → CO₂(g) + 2H₂O (I) + बिदुं l
(iv) हां लानाय l
C₆H₁₂O₆(aq) + 6O₂(aq) → 6CO₂(aq) + 2H₂O (l) + बिंदु l
सों 4. जेब्ला मोनसे गोथां फेरास सालफेत रग ‘खौ गोख्रोंयै फुदुंनाय जायो बिनि गाबा जारोम सिम सोलायो आरो खामनाय सालफार ओंखारो।
(a) खौसे मुवानि मुं लिए।
फीन : गोथां फेरास सालफेत रग ‘खौ फुदुंनायनि जाहोनाव फेरिक अक्साइड आरो मोनामग्रा सालफार-डाइ-अक्साइड सोमजियो।
(b) फिनजाथाइया मा रोखोमनि फोरमाय l
फिन : बे फिनजाथाइआ बायस्रानाय फिनजाथाइ ।
(c) रासायनारि फिनजाथाइखौ हो।
फिन : 2FeSO₄(S) ––बिंदु→ Fe₂SO₃(S) + SO₂(g) + SO₃(g)
सों : 5. मोनसे गुफुर संख्रिखौ फुदुंब्ला मोनामग्रा गेस आरो थालायाव गोदि ज ‘होनानै बायस्रायो।
(i) संख्रिनि मुङा मा?
फिन : संख्रिनि मुङा लेड नाइट्रेड ।
(ii) बायस्रानाय फिनजाथाइखौ लिर।
फिन : Pb(NO₃)₂ (S) ––बिंदु→ 2PbO(S) + 4NO₂(g) + O₂(g)
लेड नाइट्रेड लेड अक्साइड
सों 6. गोसोम आरो गुफुर गाब गाहोनो बाहायनाय मोननै संख्रिनि मुं लिर । बेसोरखौ साननि सोरांआव दोनोब्ला सोमजिनाय फिनजाथाइखौ लिर।
फिन : गोसोम गाब गाबगाहोनो सिलभार क्ल ‘राइड आरो गुफुर गाब गाहोनो सिलभार ब्रमाइड संख्रि बाहायो।
सोंनाय, फरा बिजाबनि : Page 10
सों 1. मोनसे मुवा ‘X’ नि गलिलावखौ गुफुर गाव होनायाव बाहायनाय जादों।
(i) ‘X’ मुवानि मुं आरो बेनि फरमुलाखौ लिर।
फिन : ‘X’ आ गोरान सुनै (CaO)
(ii) गोजौआव मोननाय ‘X’ मुवाजों दैजों जानाय फिनजाथाइखौ लिर।
फिन : CaO(S) + H₂O → Ca(OH)₂ (aq)
गोरान सुन केलसियाम हाइड्र’ अक्साइड
सों 2. मावफारि 1.7 आव गंसे आनजाद हासुंआव बुथुमजानाय गेसनि बिबांआ गुबुन गंसे आनजाद हासुंआव बुथुमजानाय गेसनि बिबांनिख्रुइ फाननै मानो ? बे गेसनि मुंखौ लिर।
फिन : मावफारि 1.7 आव दैनिफ्राय हाइड्र ‘जेन गुन्द्रामा आरो अक्सिजेन गुन्द्रामा मोननो थाखै दैखौ मोब्लिब बिजिरनाय जायो । फिनजाथाइया गाहायाव होनाय बादि
2H₂O(l) → 2H₂(g) + O₂
फिनजाथाइयाव मोननै गुन्द्रामानि हाइड्रजेन आरो मोनसे गुन्द्रामानि अक्सिजेन गेस सोमजियो जाहोनाव हाइड्र ‘जेन गेसनि बिबांआ अक्सिजेन गेसनि नैफान जायो l
Additional Questions & Answers
जायखारनाय फिनजाथाइ (Displacement Reaction)
सों 1. सोलायनाय फिनजाथाइआ मा ? मोनसे बिदिन्थि होनानै बेखेव।
फिन : Fe(s) + CuSO₄(aq) → FeSO₄(aq) + Cu(s)
कपार सालफेट आइरन सालफेट
गोजौनि फिनजाथाइयाव आइरन (सोर) आ CuSO₄ निफ्राय Cu खौ दैखारना FeSO₄ सोमजिदों Fe आ Cu निख्रुइ सांग्रां धातुखायनो Cu खौ दैखारदों। बेबादि फिनजाथाइयानो सोलायनाय (Displacement) फिनजाथाइ l
सों 2. मा जायो जेब्ला सडियाम सालफेत आरो बेरियाम क्ल ‘राइडनि गलिलावखौ ज ‘यै गलायनाय जायो ? फिनजाथाइखौ लिर ।
फिन : सडियाम सालफेत आरो बेरियाम क्ल ‘राइडनि गलिलावखौ गलायब्ला दैआव गलियै बेरियाम सालफेटआ गोदि जयो।
Na₂SO₄(aq) + BaCl₂(aq) → BaSO₄(s) + NaCl(aq)
सिलभार नाइट्रेट आरो सडियाम क्लराइडआ CI⁻ आरो No³⁻ आयनफोरखौ सोलायलायदों।
मावफारि 1.2 खौ गोसोखांफिन जेराव नों लेड (II) नाइट्रेट आरो पटासियाम आय ‘डिननि गलिलावखौ मिसायदोंमोन।
(i) सोमजिनाय गोदिनि गाबआ मामोन ? नों गोदिज ‘नाय खौसेनि मुंखौ बुंनो हागोन ना ?
(ii) बे फिनजाथाइनि समानसु रासायनारि समानथाइखौ लिर।
(iii) बेयो मोनसे नैफान जायखारनाय फिनजाथाइबो नंगौ ना?
फिन :
(i) गोदि जनाय मुवानि गाबा जारें गोमो l बे खौसेनि मुंआ लेड आयडाइड l
(ii) Pb(Na₃)₂ + 2kl → Pbl₂ + 2KNO₃
(iii) बेबो नैफान रानसारनाय फिनजाथाइ।
सों 3. अक्सिजाब आरो अक्सिगार फिनजाथाइ माखौ बुङो ? मोनफ्रोमनिबो मोनफायै बिदिन्थि हो।
फिन : (i) जाय फिनजाथाइआव अक्सिजेन एबा मोब्लिब दानख ‘था गुदि मुवाया अरजाबो, बेखौनो अक्सिजाब फिनजाथाइ बुङो ।
S(s) + O₂(g) → SO₂(g)
सालफारजों अक्सिजेनअरजाबदों।
(ii) जाय फिनजाथाइआव हाइड्रजेन एबा मोब्लिब दाजाबथा गुदि मुवाया अरजाबो एबा अक्सिजेनआ एंगार जायो बेखौनो अक्सिजाब फिनजाथाइ बुङो ।
CuO(s) + H₂(g) → Cu(s) + H₂O
CuO निफ्राय अक्सिजेनआ एंगार जादों।
CI₂(g) + H₂(g) → 2HCI(g)
CI₂ जों हाइड्रजेन अरजाबदों।
सों 4. अक्सिजाब-अक्सिगार (रेडक्स) फिनजाथाइआ मा ? गाहायनि फिनजाथाइआव अक्सिजाब आरो अक्सिगार जानाय मुवाखौ सिनायथि हो।
CuO + H₂ → Cu + H₂O
फिन : मोनसे फिनजाथाइआवनो मोनसे मुवाया अक्सिजाबनाय आरो गुबुन मोनसेया अक्सिगारनाय जायोब्ला बे फिनजाथाइखौ अक्सिजाब-अक्सिगार फिनजाथाइ बुङो ।
होखानाय फिनजाथाइआव H₂ आ H₂O सिम अक्सिजाबदों आरो Cuo आ Cu सिम अक्सिगारों।
सों 5. रेडक्स फिनजाथाइ नङैआ मा ? बिदिन्थिनि हेफाजाबै बेखेव ।
फिन : जाय फिनजाथाइआव अक्सिजाब एबा अक्सिगार मोननैबो फिनजाथाइआ जाया एबा इलेक्ट्रन आजावनाय-नागारनाय दिन्थिनाय जाया, बे फिनजाथाइखौ रेडक्स फिनजाथाइ नङैबुङो l बिदिन्थि–
(i) HCl(aq) + NaOH(aq) → NaCl(aq) + H₂O (I)
(ii) BaCl₂(aq) + Na₂SO₄(aq) → BaSO₄(s) + 2NaCl(aq)
सों 6. रेडक्स फिनजाथाइ मोननैनि बिदिन्थि हो जायफोरखौ सानफ्रोमबोनि जिउआव नुनो मोनो।
फिन : (i) खामनाय फिनजाथाइ
(ii) कार्बहाइड्रेटनि सोरां बिजिरनाय l
सोनाय- फरा बिजाबनि Page 13
सों 1. कपार सालफेट गलिलावआव गंसे सोरनि गाजोलखौ सोमब्र ‘योब्ला मानो गलिलावनि गाबआ सोलायो ?
फिन : कपार सालफेत गलिलावआव सोरनि गाजोल सोमब्र ‘ब्ला गलिलावनि निल गाबा गैया जालाङो ।
बे फिनजाथाइयाव सोरआ कपारखौ दैखारो। बिदिनो कपार सालफेटनि बिबांआ खमियो आरो बिनि गाबआ गैया जालाङो ।
Fe(s) + CuSO₄(aq) → FeSO₄(aq) + Cu(s)
सों 2. मावफारि 1.10 आव होनाय मोनसे नैफान जायखारनाय फिनजाथाइनि बिदिन्थि हो ।
फिन : बेरियाम क्ल ‘राइड गलिलावआव सालफिउरिक एसिद दाजाबदेरब्ला गलियै BaSO₄ (बेरियाम सालफेट) आरो हाइड्रक्लरिक एसिद सोमजियो।
BaCl₂ + H₂So₄ → BaSO₄ + 2HCI बे मोनसे नैफान रानसारनायनि बिदिन्थि।
सों 3. गाहायनि फिनजाथाइफोराव सोमजिनाय अक्सिजाबनाय मुवा आरो अक्सिगारनाय मुवाखौ सिनाय ।
(i) 4Na(s) + O₂(g) → 2Na₂O(s)
(ii) CuO(s) + H₂(g) → Cu(s) + H₂O (l)
फिन : अक्सिजाबनाय मुवाया : 4Na(s), H₂(g)
अक्सिगारनाय मुवाया : O₂(g), CuO(s)
सोंथि बिदां
सों 1. गाहायनि फिनजाथाइनि सोमोन्दै माबे बुंथिया गोरोन्थि ?
2PbO(s) + C(s) → 2Pb(s) + CO₂(g)
(a) लेडनि अक्सिगारनाय जादों।
(b) कार्बन डाइक्साइडनि अक्सिजाबनाय जादों।
(c) कार्बननि अक्सिजाबनाय जादों।
(d) लेड अक्साइडनि अक्सिगारनाय जादों।
(i) (a) आरो (b)
(ii) (a) आरो (c)
(iii) (a), (b) आरो (c)
(iv) गासैबो
फिन : (i) [ मि.गो. (iii) आरो (iv) आधार ]
सों 2. Fe₂O₃ + 2Al → AI₂O₃ + 2Fe
गोजौनि फिनजाथाइया गाहायनि माबे फिनजाथाइनि बिदिन्थि
(a) अरजाबनाय फिनजाथाइ
(b) नैफान जायखारनाय फिनजाथाइ
(c) बायस्रानाय फिनजाथाइ
(d) जायखारनाय फिनजाथाइ
फिन : जायखारनाय फिनजाथाइ ।
सों 3. हाइड्र ‘क्ल ‘रिक एसिडखौ सोरनि गुन्द्रायाव होदेरोब्ला मा जायो ? गेबें फिननायखौ सायख’।
(a) आइरन क्ल ‘राइड आरो हाइड्र ‘जेन गेस सोमजियो ।
(b) आइरन हाइड्र ‘क्साइड आरो क्ल ‘रिन गेस सोमजियो ?
(c) जेबो फिनजाथाइ जाया ।
(d) दै आरो आइरन संख्रि सोमजियो ।
फिन : आइरन क्ल ‘राइड आरो हाइड्र ‘जेन गेस सोमजियो ।
सों 4. मोनसे समानसु रासायनारि समानथाइया मा ? रासायनारि समानथाइखौ मानो समानसु खालामनो नांगौ जायो ?
फिन : समानसु रासायनारि समानथाइआव फारनैथिंबो थानाय मोनफ्रोम गुदि मुवानि अनजिमाया समान समान जायो। बे बादि समानथाइआव मोदोमबां आरो सार्ज एबा आयननि समानसु जायो l
मोनसे फिनजाथाइ जानायाव मोनफ्रोम मुवानि मोदोमा बाङा एबा खमाया । फिनजाथाइआव माबेबा गुदि मुवाया केतायन सोमजिनो एंगारनाय इलेक्ट्रननि बिबाङा एनायन सोमजिनो आजावनाय इलेकट्रननि बिबांजों समान, बेनिखायनो बेफोरखौ दिन्थिनो समानथाइखौ समानसु खालाम नांगौ l
सों 5. गाहायनि बुंथिखौ रासायनारि समानथाइजों लिर आरो बेफोरखौ समानसु खालाम ।
(a) हाइड्र ‘जेन गेसआ नाइट्रजेनजों अरजाबनानै एम ‘निया सोमजिहोदों ।
फिन : 3H₂(g) + N₂(g) → 2NH₃(g)
(b) बारआव हाइड्र ‘जेन सालफाइड गेसआ खामनानै दै आरो सालफार डाइअक्साइड सोमजिहोदों।
फिन : 2H₂S(g) + 30₂(g) → 2SO₂(g) + 2H₂O (I)
(c) बेरियाम क्ल ‘राइडआ एलुमिनियाम सालफेटजों फिनजाथाइ जानानै एलुमिनियाम क्ल ‘राइड आरो बेरियाम सालफेटनि गोदि सोमजिहोदों।
फिन : 3BaCl₂(aq) + AI₂(SO₄)₃(aq) → 2AICI₃(aq) + 3BaSO₄(s)
(d) पटासियाम धातुआ दैजों फिनजाथाइ जानानै पटासियाम हाइड्र ‘क्साइड आरो हाइड्र ‘जेन गेस सोमजिहोदों ।
फिन : 2K(s) + 2H₂(l) → 2KOH(aq) + H₂(g)
सों 6. गाहायनि रासायनारि समानथाइखौ समानसु खालाम।
(i) HNO₃ + Ca(OH)₂ → Ca(NO₃)₂ + H₂O
फिन : 2HNO₃ + Ca(OH)₂ → Ca(NO₃)₂ + 2H₂O
(ii) NaOH + H₂SO₄ → Na₂SO₄ + H₂O
फिन : 2NaOH + H₂SO₄ → Na₂SO₄ + 2H₂O
(iii) NaCl + AgNO₃ → AgCI + NaNO₃
फिन : NaCl + AgNO₃ → AgCl + NaNO₃
(iv) BaCl₂ + H₂SO₄ → BaSO₄ + HCI
फिन : BaCl₂ + H₂SO₄ → BaSO₄ + 2HCl
सों 7. गाहायनि समानथाइफोरनि समानसु रासायनारि समानथाइ लिर l
(a) केलसियाम हाइड्र ‘क्साइड + कार्बन डाइअक्साइड → केलसियाम कार्बनेट + दै।
फिन : Ca(OH)₂ + CO₂ → CaCO₃ + H₂O
(b) जिंक + सिलभार नाइट्रेट → जिंक नाइट्रेट + सिलभार ।
फिन : Zn + 2AgNO₃ → Zn(NO₃)₂ +2Ag
(c) एलुमिनियाम + कपार क्ल ‘राइड → एलुमिनियाम क्ल ‘राइड + कपार ।
फिन : 2Al + 3CuCl₂ → 2AICI₃ + 3Cu
(d) बेरियाम क्ल ‘राइड + पटासियाम सालफेट → बेरियाम सालफेट + पटासियाम क्ल ‘राइड ।
फिन : BaCI₂ + K₂SO₄ → BaSO₄ + 2KCI
सों 8. गाहायनि फिनजाथाइफोरखौ समानसु खालाम आरो मोनफ्रोमनिबो बेलायाव फिनजाथाइनि रोखोमखौ सिनायथि हो।
(a) पटासियाम ब्र ‘माइड (aq) + बेरियाम आय ‘डाइड (aq) → पटासियाम आय ‘डाइड (aq) + बेरियाम ब्र ‘माइड (s)
फिन : 2KBr (aq) + Bal₂ (aq) → 2Kl (aq) + BaBr₂ (s) नैफान जायखारनाय फिनजाथाइ l
(b) जिंक कार्बनेट (s) → जिंक अक्साइड (s) + कार्बन डाइअक्साइड (g)
फिन : ZnCO₃(s) → ZnO(s) + CO₂(g) बायस्रानाय फिनजाथाईl
(c) हाइड्र ‘जेन(g) + क्लरिन (g) → हाइड्र ‘जेन क्ल ‘राइड (g)
फिन : H₂ (g) + Cl₂ (g) → 2HCI (g)
दाजाबनाय फिनजाथाइ l
(d) मेगनेसियाम (s) + हाइड्र ‘क्ल ‘रिक एसिड (aq) → मेगनेसियाम क्ल ‘राइड (aq) + हाइड्र ‘जेन (g)
फिन : Mg (s) + 2HCl(aq) → MgCl₂ (aq) + H₂ (g) जायखारनाय फिनजाथाइ l
सों 9. दुंखांग्रा फिनजाथाइ आरो दुंसोबग्रा फिनजाथाइ बुङोब्ला मा बुजियो ? बिदिन्थि हो ।
फिन : जायफोर रासायनारि फिनजाथाइयाव बिदुं सोमजिखाङो बे फिनजाथाइखौ दुखांग्रा एबा बिदुं सोमजिग्रा फिनजाथाइ (Exothermic reaction) बुङो। गुबुन फारसे बिदुं सोबग्रा फिनजाथाइफोरखौ दुंसोबग्रा एबा बिंदु सोबखांग्रा (Endothermic reaction) फिनजाथाइ बुङो। बिदिन्थि हिसाबै :
दुंखांग्रा फिनजाथाइ : C(s) + O₂(g) → CO₂ बिदुं (393.7 KJ)
दुंसोबग्रा फिनजाथाइ : C(s) + 2S(s) → CS₂- बिदुं (92 KJ)
सों 10. हां लानायखौ मानो मोनसे दुंखांग्रा फिनजाथाइ हिसाबै साननाय जायो ? बेखेव।
फिन : जों जानाय आदाराव कार्बहाइड्रेट खौसे थायो। बे कार्बहाइड्रेटआ दोगोन जाना ग्लुकजसिम सोलायो। हां लानाय समाव अक्सिजेननि विथाथिजों ग्लुकजआ बिदुं सोमजिहोना अक्सिजाबनाय जायो ।
C₆H₁₂O₆(aq) + 60₂ → 6CO₂(aq) + 6H₂O(I) + बिदुं (ग्लुकज)
बे बादिनो हांलानाया दुंखांग्रा जाथाइ ।
सों 11. बायस्रानाय फिनजाथाइखौ मानो अरजाबनाय फिनजाथाइनि उलथा होननानै बुंनाय जायो ? बेफोर फिनजाथाइफोरनि समानथाइ लिर।
फिन : बायस्रानाय फिनजाथाइया दाजाबनाय फिनजाथाइनि उलथा। बायस्रानाय फिनजाथाइयाव मोनसे गुन्द्रामाया बायस्राना मोननै एबा बेनिख्रुइ बांसिन मुवासिम सोलायो। बिदिन्थि हिसाबै सिलभार क्ल ‘राइडखौ साननि सोराङाव लाखिब्ला बायस्राना सिलभार आरो क्लरिनसिम सोलायो ।
2AgCl(s) ––साननि स्रां→ 2Ag(s) + Cl₂(g)
फारसेथिं, दाजाबनाय फिनजाथाइयाव मोननै एबा बांसिन गुदि मुवाफोरा अरजाबना मोनसे खौसे मुवासिम सोलायो। बिदिन्थि हिसाबै कार्बन आरो अक्सिजेनआ अरजाबना कार्बन डाइ अक्साइड सोमजियो ।
C(s) + O₂(g) → CO₂(g)
सों 12. बायस्रानाय फिनजाथाइयाव शक्टिखौ बिदुं सोरां एबा मोब्लिबनि महराव दैथायनायनि मोनफा मोनफा समानथाइ लिर ।
फिन : 2MgO(s) –बिंदु→ 2Mg(s) + O₂(g)
AgBr(s) –सोरां→ Ag(s) + Br₂(g)
सों 13. जायखारनाय आरो नैफान जायखारनाय फिनजाथाइनि गेजेराव मा फाराग दं ? बेफोर फिनजाथाइनि समानथाइ लिर।
फिन : जायखारनाय फिनजाथाइयाव सांग्रांसिन धातुआ खम सांग्रां धातुखौ दैखारो ।
बिदिन्थि : Fe(s) + CuSO₄(aq) → Cu(s) + FeSO₄(aq)
सोरआ कपार धातुखौ दैखारदों।
नैफान जायखारनाय फिनजाथाइयाव मोननै फिनजाग्रा मुवा बिसोरनि आयनखौ सोलायलायो।
बिदिन्थि : Ag NO₃(aq) + NaCl(aq) → AgCl(s) + NaNO₃(aq)
सिलभार नाइट्रेत आरो सडियाम क्ल ‘राइडआ CI⁻ आरो NO⁻ आयनफोरखौ सोलायलायदों ।
सों 14. सिलभारनि सोदांनायाव सिलभार नाइट्रेट गलिलावनिफ्राय सिलभार दिहुननायाव कपार धातु जायखारनायाव लोब्बा दं। फिनजाथाइखौ लिर।
फिन : 2AgNO₃(aq) + Cu(s) → Cu(NO₃)₂ (aq) + 2Ag(s)
सों 15. मोनसे गोदिज ‘नाय फिनजाथाइ बुंङोब्ला मा बुजियो ? बिदिन्थि होनना बेखेव l
फिन : मोननै फिनजाग्रा मुवाफोरा जेब्ला गलिनाय बिथाथिआव जाथाय जायो अब्ला मोनसे एबा बांसिन फिनजा मुवाया माब्लाबा गलियै विथाथिआव गोदि हिसाबै थायो। बे फिनजाथाइखौ गोदि ज ‘होनाय फिनजाथाइ बुङो ।
बिदिन्थि : FeCl₃(aq) + 3NH₄OH(aq) → Fe(OH₃) + 3NH₄Cl(aq)
बेवहाय आइरन हाइड्रअक्साइडआ {Fe(OH)₃} गोदि ज’ यो ।
सों 16. गाहायाव होनायखौ अक्सिजेननि मोननाय एबा खोमानायजों लोब्बा लाखिनानै बेखेव आरो मोनफ्रोमनिबो मोननैयै बिदिन्थि हो ।
(a) अक्सिजाबनाय (b) अक्सिगारनाय
फिन : (i) जाय फिनजाथाइयाव माबेबा मुवाया अक्सिजेन नाजावो बे फिनजाथाइखौनो अक्सिजाब फिनजाथाइ बुङो ।
2Mg +O₂ → 2MgO(Mg आ अक्सिजाबदों)
(ii) जाय फिनजाथाइयाव माबेबा मुवाया अक्सिजेन एंगारो बेखौनो अक्सिगार फिनजाथाइ बुङो ।
ZnO + C → Zn + CO (ZnO आ अक्सिगारदों)
सों 17. मोनसे गोजों मुगा गाब गोनां गुदिमुवा X खौ बारआव फुदुंनायाव गोसोम गाबनि जाबाय। गुदिमुवा X नि मुं आरो सोमजिनाय गोसोम गाबनि खौसेनि मुंखौ लिर।
फिन : गुदि मुवा X आ कपार (Cu)
खौसे मुवाया कपार अक्साइड (CuO)
2Cu(s) + O₂ –बिंदु→ 2Cuo
जारें गोसोम
सों 18. जों मानो सोरजों बानायजानाय बेसादफोराव गाब फुननो गोनां जायो?
फिन : गाबआ अक्सिजाब हेंथा हिसाबै खामानि मावो आरो सोरनि आयजेंखौ जामख ‘नायनिफ्राय रैखाथि होयो। बियो सोरनि मुवा आरो सिदोमा बारनि गेजेराव होथेग्रा हिसाबै खामानि मावो ।
सों 19. थाव एबा मेजेम थाफादेरनाय जामुंखौ नाइट्रजेन गेसजों आबुं खालामना लाखिनाय जायो । मानो?
फिन : अक्सिजेन अक्सिजाबनायनिफ्राय रैखा मोनहोना गोगोयै लाखिनो थाखाय आदारखौ नाइट्रजेन गेसजों आबुं खालामना लाखिनाय जायो ।
सों 20. मोनफ्रोमनिबो मोनफायै बिदिन्थि होनानै गाहायाव होनायफोरखौ बेखेव ।
(a) जामख ‘नाय (b) सेवथाइ
फिन : (a) जामख’ नाय : सिदोमा आरो अक्सिजेननि जाथायनि जाहोनाव धातुआ जामखयो। आइरन (सोर) बादि धातुफोरनि सा बाहागोआव माराम जाना जाम ‘खयो। बे जाथाइखौ जामख ‘नाय बुङो ।
जामख ‘नाया मटर गारि, दालां, न’ बाइदियाव बाहायनाय धातुफोरनि सायाव जायो आरो बेफोरखौ गाज्रि खालामो ।
(b) सेवथाइ : आदारखौ गोबाव सम लाखिब्ला थाव आरो मेजेमफोरा अक्सिजाबो आरो खैसिब जाना मोनामो आरो बेखौ जायोब्ला बेराम जायो। बेखौनो सेवथाइ (Rancidity) बुङो ।
बेनिफ्राय बारग ‘नो सेवथाइ (Rancidity) अक्सिजाब हेंथा हिसाबै नाइट्रजेन बादि गेस बाहायो। बिदिन्थि हिसाबै जाग्रा मुवा सिपस (chips) पेकेतआव नाइट्रजेन गेस आबुं खालामना जुथुमनाय जायो जाहाते गोबाव साननि उनावबो बाहायजाथाव थायो l
सर’नि थाखाय सोंनाय बिदां
(A) जोबोद गुसुं फिननि सोंनायफोर :
(i) मम बाथि खामनाया महरारि सोलायनाय ना रासायनारि सोलायनाय ?
फिन : रासायनारि सोलायनाय ।
(ii) हां लानाया रासायनारि सोलायनाय होनना मानो बुंजायो ?
फिन : हांलानायाव बिदुं सोमजियो ।
(iii) सोरां बिजिरथिखौ मानो बिदुं सोबग्रा (दुंसोबग्रा) फिनजाथाइ होनना गनायो ?
फिन : बे जाथाइयाव साननि शक्टि नाजावो l
(iv) नैफान रानसारनायनि गुबुन मुङा मा ?
(v) आदारा दोगोन जायोब्ला मा रोखोमनि रासायनारि फिनजाथाइया जायो ?
(vi) बिदुं सोबग्रा रासायनारि फिनजाथाइनि मुं लिर।
(vii) गाहायनि माबे दुखांग्रा फिनजाथाइ
(a) फिनजा- बिंदु → फिनजाग्रा
(b) फिनजा + बिंदु → फिनजाग्रा
(B) सुंद’ फिन रोखोमनि सोंनाय :
(i) महरारि सोलोयनाय आरो रासायनारि सोलोयनायनि गाहाय फाराख लिर ।
(ii) रासायनारि समानथाइनि गोनांथिफोरा मा मा ?
(iii) बिदिन्थि होना मोब्लिबारि फिनजाथाइनि बागै बेखेव l
(iv) गाहायनि माबे दाजाबनाय फिनजाथाय ? फिनजाथाइनि रासायनारि समानथाइ लिर ।
(a) दोंसे मेगनेसियाम टारखौ बाराव सावोब्ला ।
(b) सुनै अन्थाइखौ बिदुं होब्ला ।
(c) प्रटिनफोरखौ एमिन’ एसिदसिम सोलायोब्ला l
(d) दैनि गेजेरजों मोब्लिब थांहोब्ला ।
(v) रासायनारि सोलायनायनि बागै लिर जेब्ला सुनै अन्थायखौ गोख्रोङै फुदुंनाय जायो ।
(vi) 8gm मिथेन फुरायै सावनो बेसे ग्राम अक्सिजेननि गोनांथि जागोन ?
(vii) मोनसे मावफारिआव रासायनारि फिनजाथाइ जानायनि जायखिजाया मोननै नायबिजिरनाय लिर ।
(viii) खायसे रासायनारि मुवाफोरखौ मानो खोमसियाव एबा गोसोम दिंग्रिआव लाखिनाय जायो ?
(ix) सिनिनि दानाखौ फुदुंब्ला मा जायो ? नोंनि नायबिजिरनायखौ लिर ।
(x) जेब्ला सोरखौ बार आरो सिदोमायाव उदांयै लाखिनाय जायो, बियो माराम जायो ।
4Fe + 30₂ + 3H₂O 2Fe₂O₃3H₂O
सोर बार सिदोमा माराम
बेखौ मानो लासै फिनजाथाइ बुङो ? फिनजाथाइनि मुंखौ लिर l
(C) गोलाव फिन रोखोमनि सोंलु
1. (i) दाजाबनाय फिनजाथाइनि मोनसे बिदिन्थि हो जाय दुखांग्रा फिनजाथाइ l
(ii) गाहायनि फिनजाथाइखौ फुरा खालाम आरो बेखौ समानसु खालाम ।
C₆H₁₂O₆ + O₂ →
(iii) फेरास सालफेतखौ फुदुंब्ला मा मा गेस सोमजियो ?
1. माब्ला मोनसे रासायनारि फिनजाथाइखौ गोदि जनाय फिनजाथाइ होनना बाहागो खालामो, मोननै बिदिन्थिजों बेखेव ।
आयनारि समानथाइ माखौ बुङो ? मोनसे बिदिन्थि होना बेखेव।
फिन : जाय समानथाइआव बाहागो लानाय खौसेमुवा आरो आयनफोरखौ दिन्थिनाय जायो, बेखौनो आयनारि समानथाइ बुङो ।
बिदिन्थि हिसाबै –
Zn + 2H SO₄²⁻ → Zn²⁺ SO₄²⁻ + H₂
1. जिंक हाइड्रजेन आयन सालफेत आयन जिंक आयन सालफेत आयन हाइड्रजेन बे समानथाइनिफ्राय आयनारि समानथाइखौ जो मोनो :
Zn + 2H⁺ → Zn² + H₂
2. गाहायनि आयनारि समानथाइखौ समानसु खालाम :
(i) Cu + Ag⁺ → Cu² + Ag
(ii) Na + H⁺ → Na⁺ + H₂
(iii) Fe + 2H⁺ → Fe²⁺ + H₂
3. माराम जानाय आरो खामनायनि मोननै फाराख लिर ।
फिन : (i) माराम जानाया मोनसे लासै मावखान्थि जेराव खामनाया मोनसे गोख्रै मावखान्थि ।
(ii) माराम जानाया अक्सिजेन आरो सिदोमानि बिथाथियाव जायो जेराव खामनायाव अक्सिजेननिल गोनांथि जायो ।
4. गाहायाव फिनजाथाइ मोनसे होनाय जाबाय :
2Al + Fe₂O₃ → 2Fc + AI₂O₃ + बिदुं गाहायनिफोरखौ
फिन : (i) अक्सिजाबग्रा मुवानि मुं लिर । [Fe₂O₃]
(ii) अक्सिगारग्रा मुवानि मुं लिर । [AI]
(iii) बेनि मोनसे फालांगियारि बाहायनाय लिर ।
5. “मोनसे निल गाबनि संख्रिआ फुदुंडोब्ला गुफुर जालाङो ।” बेनि जाहोन हो। फुदुंनायनि उनाव मोननाय संख्रि आव दै दाजाबदेरब्ला मा जायो ? बेनि फरमुलाखौ लिर ।
फिन : संख्रिआ कपार सालफेत (CuSO₄5H₂O) । बिदुं होब्ला बेयो दैखफ एंगारना दाना महर लायो आरो गुफुर CuSO₄ सोमजियो। बेवहाय दै दाजाबफिनब्ला हाइड्राइड जायो आरो निल गाब सोमजियो l
MULTIPLE CHOICE QUESTIONS
★ गाहायाव होनाय सोंनायफोरनि थार फिनखौ सायख’ :
1. गाहायनि माबे अरजाबनाय फिनजाथाइ :
(क) धातुनि बिजिरख ‘नाय
(ख) धातुनि खामनाय
(ग) मोब्लिब बिजिरनाय
(घ) खम सांग्रां धातुनि गलिलावआव सांग्रांसिन धातु दाजाबनाय l
फिन : (ख) धातुनि खामनाय l
2. गाहायनि माबे सोलायनाया अक्सिजाबनाय नङा ?
(क) अरजाबनाय
(ख) नै फान जायखारनाय
(ग) जामख ‘नाय
(घ) सेवथाइ ।
फिन : ख) नै फान जायखारनाय l
3. जेब्ला कपारनि आइजोंखौ गोबाव सम गारनानै दोनो अब्ला गोथां जालामा खानाय नुयो । बेनि जाहोना जादों–
(क) कपारनि अक्सिगारनाय
(ख) कपानि जामख ‘नाय
(ग) कपारनि फिनजाथाइ
(घ) कपारजों हाइड्रजेन अरजाबनाय ।
(i) क, ख
(ii) ख, ग
(iii) ग, घ
(iv) क, घ
फिन : (i) क, ख l
4. गाहायनि माबे मावखान्थियाव बायस्रानाय फिनजाथाइ जाया ?
(क) मोब्लिब बिजिरनाय
(ख) सानदुंआव दोननाय
(ग) दुसारनाय (Distillation)
(घ) बिदुंआरि (Thermal)
फिन : (ग) दुसारनाय (Distillation)
5. गाहायनि माबे रेडक्स फिनजाथाइ नङा ?
(क) बाराव मेगनेसियाम फिटा सावनाय
(ख) जिंक सेरेबआव देब्रां हाइड्रक्लरिक एसिद दाजाबदेरनाय
(ग) सडियाम क्लराइडजों सिलभार नाइट्रेट दाजाबनाय
(घ) हांलानायाव शक्ति एंगारनाय ।
फिन : (ग) सडियाम क्लराइडजों सिलभार नाइट्रेट दाजाबनाय l
6. कपार गुन्दैखौ बाराव बिदुं होब्ला कपारनि सा बाहागोआ गोसोम जायो ? बियो–
(क) अरजाबनाय फिनजाथाइ
(ख) बायस्रानाय फिनजाथाइ
(ग) जायखारनाय फिनजाथाइ
(घ) फारागजानाय फिनजाथाइ l
फिन : (क) अरजाबनाय फिनजाथाइ l
7. मेगनेसियाम फिटाखौ बाराव सावब्ला सोमजिनाय खौसेनि मुङा–
(क) मेगनेसियाम अक्साइड
(ख) मेगनेसियाम हाइड्राइड
(ग) मेगनेसियाम क्लराइड
(घ) गोजौनि मोनसेबो नङा l
फिन : (क) मेगनेसियाम अक्साइड l
8. गाहायनि माबे दुंखांग्रा फिनजाथाइ नङा–
(क) मिथिंगायारि गेसनि खामनाय
(ख) हां लानाय
(ग) मैगं थाइगं सेवनाय
(घ) सिलभार ब्रमाइडनि बायस्रानाय l
फिन : (घ) सिलभार ब्रमाइडनि बायस्रानाय l
9. Fe₂O₃ + 2Al → Al₂O₃ +2 Fe
गोजौनि बिदिन्थि फिनजाथाइया मोनसे
(क) अरजाबनाय फिनजाथाइ
(ख) बायस्रानाय फिनजाथाइ
(ग) जायखारनाय फिनजाथाइ
(घ) नैफान बायस्रानाय फिनजाथाइ
फिन : (ग) जायखारनाय फिनजाथाइ l
10. CuO + H₂ → Cu + H₂O समानथाइयाव अक्सिगारनाय मुवाया जाबाय–
(क) CuO
(ख) H₂
(ग) Cu
(घ) गोजौनि मोनसेबो नङा ।
फिन : (ग) Cu.
| Chapter No. | CONTENTS |
| खोन्दो – 1 | रासायनारि फिनजाथाइ आरो समानथाइ |
| खोन्दो – 2 | एसिद, खारदै आरो संखि |
| खोन्दो – 3 | धातु आरो धातुनडिफोर |
| खोन्दो – 4 | कार्बन आरो बेनि खौसेमुवाफोर |
| खोन्दो – 5 | गुदि मुवाफोरनि आन्थोरारि थाखोराननाय |
| खोन्दो – 6 | जिउ बिखान्थि |
| खोन्दो – 7 | सामलायनाय आरो लोब्बा लाखिनाय |
| खोन्दो – 8 | जिबफोरा माबोरै आजायो |
| खोन्दो – 9 | फोलेरफारि आरो फारि जौगानाय |
| खोन्दो – 10 | सोरां-रिफिनाय आरो रिफिख ‘ननाय |
| खोन्दो – 11 | मानसिनि मेगन आरो रंगिना-संगिना बुहुम |
| खोन्दो – 12 | मोब्लिब गोहो |
| खोन्दो – 13 | मोब्लिब दाहारनि सुम्बकारि गोहोम |
| खोन्दो – 14 | शक्टिनि फुंखाफोर |
| खोन्दो – 15 | जोंनि आबहावा |
| खोन्दो – 16 | मिथिंगायारि सम्पदनि सामलायनाय |
SEBA Class 10 Science Question Answer In Bodo Chapter 1 in Bodo Medium | Bodomedium Class 10 General Science notes इस पोस्ट में हम आपको ये समझा ने कि कोशिश की है की Bodo Medium Class 10 Science Question answer | SEBA Class 10 Science Question Answer In Bodo Chapter 1 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।