SEBA Class 10 Science Question Answer In Bodo Chapter 2 एसिद, खारदै आरो संखि | Acids, Bases and Salts | Class 10 Science Question Answer in Bodo As Per New Syllabus to each Chapter is provided in the list of SCERT, NCERT, SEBA Class 10 Science Chapter 2 Question Answer/Class 10 Science Chapter 2 Notes In Bodo दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 10 Science Question Answer In Bodo Chapter 2 Question Answer. Class 10 Science Question Answer Chapter 2 in Bodo. SEBA Class 10 Science Question Answer In Bodo Medium Chapter 2 covers all the exercise questions in NCERT, SCERT.
Class 10 Science Chapter 2 एसिद, खारदै आरो संखि
SEBA Class 10 Science Notes Chapter 2 In Bodo एसिद, खारदै आरो संखि Science Guide for Class 10th Chapter 2 In Bodo. Also Same NCERT Solutions for Class 10 Science इस पोस्ट में हम आपको ये समझा ने कि कोशिश की है की Class 10 Science Question Answer Chapter 2 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 10 Science In Bodo Medium बोहत लाभदायक हो सकता है। NCERT/SCERT Science Class 10 Chapter 2 मे आप अपना ध्यान लगाके पढ़ कर इस SEBA Class 10 Science Question Answer In Bodo Chapter 2 में अछि Mark ला सकते हो अपनी आनेवाली परीक्षा में।
फरा 2 एसिद, खारदै आरो संखि
Chapter 2 Acids, Bases and Salts
सोनाय फरा बिजाबनि
सों : नोंनो गंथाम आनजाद हासुं होनाय जादों। बेफोरनि गंसेआव सावनाय दै (distilled water) आरो गुबुन गंनैआव फारियै एसिडआरि गलिलाव आरो खारदैयारि ला। नोंनो गोजा लिटमास खाखोरल’ होनाय जादों, नों गंफ्रोमबो आनजाद हासुंनि मुवाफोरखौ माबोरै सिनायथि होगोन ?
फिन : गोजा लिटमास पेपारआ दै आरो एसिडआव जेबो सोलाया नाथाय खारैआव निल गाबसिम सोलायो।
Additional Questions & Answers
सों 1. एसिड आरो खारदैनि बुंफोरथाइ लिर। एसिद आरो खारदैनि मोनफायै बिदिन्थि हो।
फिन : एसिड : जायफोर मुवाया दैलाव गलिलावआव आयनथाइ जानानै हाइड्रजेन आयन, H⁺ आयनखौ उदां खालामो, बेखौनो एसिद होननानै बुंनाय जायो।
बिदिन्थि HCI (हाइड्रक्लरिक एसिड)
HCl (aq) → H⁺ (aq) + Cl(aq)
H⁺ + H₂O ⇔ H₃O⁺ (दैआव सोमजिनाय हाइड्रनियाम आयन)
खारै : जायफोर हाइड्रक्साइडआ दैलाव गलिलावआव आयनथाइ जानानै हाइड्रक्साइड आयन OH आयनखौ उदां खालामो बे मुवाफोरखौनो खारै (base) बुङो।
बिदिन्थि – सडियाम हाइड्रक्साइड।
NaOH(aq) → Na⁺(aq) + OH(aq)
सों 2. एसिड आरो खारदैनि गाहाय महरारि धोरोमफोरखौ लिर।
फिन : एसिद :
(i) एसिडआ गोखै स्वादनि।
(ii) निल लिटमासखौ गोजा खालामो।
खारद :
(i) खारदैनि स्वादआ गोखा (bitter)
(ii) गोजा लिटमासखौ निल खालामो।
सों 3. दैब्रां एसिड आरो गोसा एसिड बुंब्ला मा बुजियो?
फिन : दैब्रां एसिडआव इसेल’ बिबांनि एसिड आरो गोबां बिबांनि दै थायो। गोसा एसिडआव गोबां बिबांनि एसिड आरो इसेल’ बिबांनि दै थायो।
सों 4. दिन्थिसारग्राया मा ? मोनब्रै एसिड-खारै दिन्थिसारग्रानि मुं आरो बिसोरनि गाब आरो गाब सोलायनायखौ मख’।
फिन : जायफोर मुवाया एसिड आरो खारदैनि थाथाइआव गावनि गाबखौ सोलायनो हायो बेखौनो दिन्थिसारग्रा (indicator) बुङो ।
दिन्थिसारग्राफोर :–
हालदै : (i) हालदैआ गोमो l एसिडआंरि बिजोंआव गोमो आरो खारैआरि बिजोंआव जारोम मुगा जायो।
(ii) लिटमास : फानथाव गाबनि लिटमास गलिलावआ एसिडआव गोजा आरो खारदैआव गोमो जायो।
(iii) फेनलफथेलिन : दद्र आरो एसिडआरि बिजोंआव बेयो गाब गोयि आरो खारैयारि बिजोंआव गलाफि गाबनि जायो।
(iv) मिथाइल अरेन्ज : दद्र बिजोंआव कमला, एसिडआरि बिजोंआव गोजा आरो खारदैआरि बिजोंआव गाबा गोमो।
2.1 एसिड आरो खारदैनि रासायनारि धोरोमखौ बुजिमोननाय
नायबिजिरनाय : फारिलाइ
| नमुना गलिलाव | गोजा लिटमासनि गलिलाव | नील लिटमासनि गलिलाव | फेनल्फथालिन गलिलाव | मिथाइल अरेन्ज गलिलाव |
| HCI | जेबो सोलाया | गोजा जायो | गाब गोयै | गलाब गाब(pink) |
| H₂SO₄ | “ | “ | “ | “ |
| HNO₃ | “ | “ | “ | “ |
| CH₃COOH | “ | “ | “ | “ |
| NaOH | निल गाब जायो | जेबो सोलाया | गलाब गाब(pink) | गोमो गाब |
| Ca(OH)₂ | “ | “ | “ | “ |
| KOH | “ | “ | “ | “ |
| Mg(OH)₂ | “ | “ | “ | “ |
| NH₄OH | “ | “ | “ | “ |
Additional Questions & Answers
सों 1. अलफेक्टरि दिन्थिसारग्रा माखौ बुङो ? बिदिन्थि हो।
फिन : जायफोर मुवाया एसिडआरि एबा खारैआरि बिजोंआव मोनामनाया सोलायो बेफोर मुवाखौ अलफेक्टरि दिन्थिसारग्रा बुङो।
जेरै– सामब्राम गोजा (Onion), भेनिला जिरख ‘नाय, आरो क्ल ‘भ थाव बाइदि।
सों 2. नायबिजिरथियाव मोननाय रासायनारि फिनजाथाइखौ लिर।
फिन :
Zn(s) + H₃SO₅(aq) → ZnSO₄(aq) + H₃(g)
Zn(s) + 2HCl(aq) → ZnCl₂(aq) + H₂(g)
Zn(s) + 2CH₃COOH(aq) → Zn (CH₃COO)₂(aq) + H₂(g)
Zn(s) + 2HNO₂(aq) → Zn (No₃)₂(aq) + H₂(g)
सों 3. दैब्रां एसिडफोरा धातु आरो धातुनि अक्साइडजों माबादि फिनजाथाइ खालामो?
फिन : धातुजों जानाय फिनजाथाइ :
गोबां धातुफोरानो दैब्रां एसिडजों फिनजाथाय जाना धातुनि संख्रि आरो हाइड्रजेन गेस सोमजिहोयो। एसिड लाना एसिड गुबुन गुबुन रोखोमनि संख्रि सोमजियो।
बिदिन्थि :
Na + HCI → NaCl + H,₂
Na + H₂SO₄ → Na₂SO₄ + H₂
धातुनि अक्साइडजों जानाय फिनजाथाइ :–
धातुनि अक्साइडआ दैब्रां एसिडजों फिनजाथाइ जाना संख्रि आरो दै सोमजिहोयो।
बिदिन्थि :–
Na₂O + 2HCI → 2NaCl + H₂O
MgO + H₂SO₄ → MgSO₄ + H₂O
सों 4. मदला जाहोनाय फिनजाथाइया मा ? खायसे बिदिन्थि हो।
फिन : एसिड आरो खारदैजों जाथाइ जाना संख्रि आरो दै सोमजियो। बेवहाय एसिड आरो खारदै मोनैनिबो आखुआ गैया जायो। बेखौनो मदला जाहोनाय फिनजाथाइ बुङो।
बिदिन्थि :
2NaOH (aq) + H₂SO₄ (aq) → Na₂SO₄ (aq) + H₂O (l)
NaOH (aq) + HCl (aq) → NaCl (aq) + H₂O
सों 5. धातुआ खारदैजों फिनजाथाइ जायोदा?
फिन : जाया।
सो 6. धातु नङै अक्साइडफोरा मा ? धातु नङै अक्साइडफोरा खारैयारि ना एसिडआरि ? फोरमायना लिर।
फिन : धातु नङै अक्साइडफोरा निल लिटमासखौ गोजा खालामो l बियो दैआव एसिड सोमजिहोयो। बिदिन्थि हिसाबै धातु नङैनि अक्साइड CO₂ आ दैआव कार्बनिक एसिड सोमजिहोयो। बेखायनो बियो एसिडआरि।
CO₂ + H₂O → H₂CO₃
कार्बनिक एसिड
सोंनाय फरा बिजाबनि, Page No. 22
सों 1. गाइखेर मोखै आरो गोखै मुवाफोरखौ मानो फिथलाइ आरो कपारनि आइजेंफोराव दोननो नाङा?
फिन : गायखेर दाखा आरों गोखै मुवाफोरा एसिडआरि आरो एसिडआ फिथलाई आरो कपारनि आयजोंफोरजों फिनजाथाइ जायो। बेखायनो बेफोरखौ कपार आरो फिथलाइनि आयजोंफोराव दोननो नाङा l
सों 2. मोनसे धातुजों मोनसे एसिडआ फिनजाथाइ जांयोब्ला सरासनम्रायै मा गेस ओंखारो ? मोनसे बिदिन्थिजों बेखेव बे गेसनि नुजाथिनायखौ नों माबोरै आनजाद खालामनो?
फिन : (i) जेब्ला एसिडआ धातुजों फिनजाथाइ जायो हाइड्रजेन गेस सोमजियो।
(ii) गंसे आनजाद हासुंआव जिंकनि थुख्राफोर लाना दैब्रां हाइड्रक्ल ‘रिक एसिड (5 मि.लि. सो) लासैयै दाजाबदेरब्ला फिनजाथाइ जाना हाइड्रजेन गेस सोमजियो ।
Zn + 2HCl → ZnCI₂ + H₂
बे सोमजिनाय गेसखौ मोनसे दैदेनग्रा हासुंजों थांहोना साबोननि गलिलावआव खोख्लैब्ला साबोननि गांथ ‘फा सोमजिना गेसखौ बोनथुमना दोनो । बेखौ केन्डेलजों सावब्ला पप सोदोब होना बेरलाङो ।
सों 3. धातुनि खौसे A आ दैलाव हाइड्र ‘क्ल ‘रिक एसिडजों फिनजाथाइ जानानै बुरुबर सोदोब (effervescence) सोमजिहोयो। ओंखारनाय गेसआ जोंबाय थानाय गंसे मम बाथिखौ खोमोरो। बे फिनजाथाइनि मोनसे सोमजिनाय खौसेआ केलसियाम क्ल ‘राइड जायोब्ला समानसु रासायनारि समानथाइ लिर।
फिन : केलसियाम क्लराइडआ जोबथा फिनजा मुवा आरो सोमजिनाय गेसआ जोंबाय थानाय केन्डेलखौ खोमोरो अब्ला बे गेसआ CO₂ । धातुनि खौसेआ केलसियाम कार्बनेट बेखायनो केलसियाम कार्बनेट आरो हाइड्रक्ल ‘रिक एसिडनि गेजेराव जानाय रासायनारि फिनजाथाइया जागोन :
CaCO₃ + 2HCI → CaCl₂ + CO₂ + H₂O
केलसियाम कार्बनेट केलसियाम क्लराइड
2.2 गासैबो एसिड आरो खारदैफोरनि गेजेराव मा गोरोबनाय दं?
Additional Questions & Answers
सों 1. नों माबोरै दैब्रां एसिड गलिलाव बानायनो?
फिन : दैआव एसिड एवा खारै (base) गलायनाया मोनसे दुंखांग्रा जाथाइ बेबादि गलिलाव बानायनायाव जोबोद सांग्रां जानांगौ। दैआव एसिडखौ लासै लासै दाजाबना एरना सोमावलांबाय थानांगौ। जुदि दैखौ गोसा एसिदजों दाजाबो अब्ला हरखाबै सोमजिखांनाय बिदुङा उसिफाववो आरो खामनो हागौ आरो दोननाय ग्लास आयजेंआ बायनो हागौ। बेबादि आयजेंआ बेरफ्रुनोबो हागौ आरो गस्ला, मोदोम खामग्लाबनो हागौ ।
सों 2. मा बादि मुवाफोरा एसिडआरि धोरोम दिन्थियो।
फिन : जायफोर मुवाया दैआव गलिनाय समाव H⁺ आयन सोमजियो, बेबादि मुवाफोरा एसिडआरि धोरोम दिन्थियो।
सों 3. एसिद एबा खारैनि दैब्रां खालामनाय बुंब्ला मा बुजियो ? मानो बिदि खालामनाय जायो?
फिन : दैजों एसिड एबा खारै गलायब्ला मोनफ्रोम सानगुदि रोजागासैआव आयनफोरा (H₃O एबा OH⁻) खमायो । बेबादि खालामनायखौनो एसिड एबा खारैनि दैब्रां खालामनाय बुङो ।
बिदि दैब्रां खालामोब्ला एसिडआरि एबा खारैआरि आखुखौ दिन्थियो।
सों 4. एलकालि आ मा?
फिन : एलकालिआ जाबाय मोनसे खारै जाय दैजों गलियो। बियो दांनायाव साबोन बादि, गोखा आरो जामख’ होग्रा (corrosive) ।
सों 5. गासै मदला खालामनाय फिनजाथाइनि सोलायनाय (essence) आ मा?
फिन : जिहेतु गासै एसिडआ H⁺ (aq) आरो खारैआ OH⁻ (aq) आयन सोमजिहोयो, गासै मदला खालामनाय फिनजाथाइआ H⁺ आरो OH⁻ आयन जथाइना बिदुं आरो दै सोमजि होनाय मोनसे फिनजाथाइ।
H⁺(aq) + OH⁻ (aq) → H₂O(I) + बिंदु
सोंनाय फरा बिजाबनि Page No. 25
सों 1. दैआरि गलिलावआव HCI, HINO₃ बायदि बायदिफोरा मानो एसिडआरि आखु दिन्थियो नाथाय एलकहल आरो ग्लुक ‘ज बादि खौसेफोरनि गलिलावफोरा मानो एसिडआरि आखु दिन्थिया?
फिन : HCI, HNO₃ बायदिफोरनि दैआरि गलिलावआ (Aqueous solution) H⁺ आयन सोमजियो। बेखायनो बेफोरनि गलिलावआ एसिडआरि आखुथाइनि जेराव एलकहल आरो ग्लुकजफोरा H⁺ आयन सोमजिहोयाखायनो एसिडआरि आखुथाइ गोनां नङा ।
सों 2. एसिडनि दैआरि गलिलावआ मानो मोब्लिब दैदेनो?
फिन : एसिडआ दैआरि गलिलावआव आयन सोमजिहोयो आरो गलिलावआव आयननि जोहै मोब्लिब बोहैयो। बेबादिनो दैआरि एसिड गलिलावआ मोब्लिब दैदेनो ।
सों 3. गोरान HCI गेसआ मानो गोरान लिटमास खाखोरनि गाबखौ सोलायहोआ?
फिन : गोरान HCI गेसआ H⁺ आयन सोमजिहोआ आरो बेखायनो गोरान लिटमास बिलायनि जेबो गाब सोलाया।
सों 4. मोनसे एसिडखौ दैलाव खालामनायाव एसिडखौ दैआव होदेरनांगौ नाथाय देखौ एसिडआव होदेरनाङा होननानै सुबुरन होनाय जायो मानो?
फिन : एसिडआव दै गलायब्ला गोबां बिबांनि बिदुं सोमजिखाङो। बेनि थाखायनो दैयाव एसिडखौ लासै लासै दाजाबलांनाय जायो। जेब्ला एसिदआव दै दाजाबदेरनाय जायो अब्ला हरखाब गोबां बिदुं सोमजिनाय जाहोनाव उसिफावनानै एबा बेरफ्रुनानै सि-जोम, देहा-मोदोम खामग्लाबजोबनो हागौ।
सौं 5. एसिडनि गलिलावखौ दैलाव खालामोब्ला हाइड्र ‘नियाम आयन (H₃O⁺) नि खाब्रांथिनि माबादि गोहोम खोख्लैयो?
फिन : जेब्ला माबेबा बिबांनि एसिडआव दै गलायब्ला गलिलावआव सानगुदि रोजागासैनि हाइड्रनियाम आयन H₃O⁺ सोमजियो। दै दाजाबदेरना दैलाव खालामब्ला H₃O⁺ आ मोनफ्रोम सानगुदि रोजागासैआव खमियो आरो H₃O⁺ नि गोसाथिआ खमियो।
सों 6. सडियाम हाइड्र ‘क्साइडनि गलिलावआव बांद्राय खारदैखौ गलिहोयोब्ला हाइड्र ‘क्साइड आयन (OH⁻) नि खाब्रांथिनि सायाव माबादि गोहोम खोख्लैयो।
फिन : जेब्ला सडियाम हाइड्र ‘अक्साइड गलिलावआव बांद्राय खारै दाजाबनाय जायो अब्ला हाइड्र ‘अक्साइड आयननि गोसाथिआ बाङो, मानोना हाइड्र ‘अक्साइड आयननि बिबाङा मोनफ्रोम सानगुदि रोजागासैयाव बाङो जुदि खारैआ दैआव गलियै जायो, हाइड्र’अक्साइड आयननि गोसाथिआ दिदोमै थायो।
2.3 एसिड आरो खारदैनि गलिलावआ बेसेबां गोहोगोरा?
Additional Questions & Answers
1. सों अरायबो दिन्थिसारग्रा (Universal Indicator) आ मा?
फिन : अरायबो दिन्थिसारग्राया गोबां दिन्थिसारग्राफोरनि गलायथि। अरायबो दिन्थिसारग्राया हाइड्र’ नियाम आयन (H₃O⁺) नि गुबुन गुबुन गोसाथिआव गुबुन गुबुन गाब दिन्थियो ।
2. सों pH स्केलआ मा ? बेयो माबोरै गेबें जखा होयो?
फिन : मोनसे गलिलावआव हाइड्रजेन आयननि गोसाथि जखा सुग्रा स्केलआनो जाबाय pH स्केल। pH स्केलआव 0 (जाबोद एसिडआरि) निफ्राय 14 (जोबोद एलकालि) सिम pH जखा सुनो हायो।
pH नि माना एसिडआरि आखु बांब्ला खमियो फारसेथिं pH माना बांनाय लोगोसे खारैआरि आखुथाइया बाङो । निउट्रेल गलिलावनि pH माना 7 । 7 नि खमसिन pH माना एसिडआरि आखुफोरमायगोन आरो pH नि माना 7 निफ्राय 14 सिम बांनाया OH⁻ आयननि गोसाथि बांनाय फोरमायगोन एबा बे एलकालिनि गोख्रोंथिआ बांनाय।
3. सों मोनसे गलिलावनि pH बुंब्ला मा बुजियो। मोननै नोगोर A आरो B निफ्राय लाबोनाय अखानि दैआव pH आ फारियै 6 आरो 5। माबे नोगोरनि अखाया बांसिन एसिडआरि?
फिन : pH आ जाबाय मोनसे गलिलावआ एसिडआरि एबा खारैआरि दिन्थिग्रा । बियो दैआव थानाय H⁺ आयननि जखा होयो।
B नोगोरनिफ्राय लाबोनाय अखानि दैआ बांसिन एसिडआरि।
4. सों लोरबां आरो गोब्राब (strong) खारैआ मा?
फिन : जायफोर खारैनि pH माना खमसिन बे लोरबां आरो जायफोर खारैनि pH माना बांसिन बेयो गोब्राब खारै।
5. सों एसिड अखाया मा? जोंनि दैआरि जिउनि बिथिंआव बेयो माबोरै गोहोम खोख्लैयो?
फिन : अखा दैनि pH मानआ 5.6 निख्रुइ खम जायोब्ला बेखौ एसिड अखा बुङो। एसिड अखाया दैमा-बिलोफोराव गोग्लैब्ला बेफोरनि pH माना खमिलाङो।
जिहेतु जोंनि देहाया 7.0 निफ्राय 7.8 pH नि गेजेराव सोलिनो हायो अब्ला एसिड अखानि जाहोनाव pH मान खमायनाय दैआव थांना थानाया गोब्राब जायो ।
6. सों जोंनि सानफ्रोमबो जिउआव pH नि गोनांथिनि बागै सावराय ।
फिन : (i) जोंनि दोगोन बिखान्थियाव pH : जोंनि बान्दारनिफ्राय हाइड्रक्लरिक एसिद जिरिनानै आदार दोगोन जानायाव हेफाजाब खालामो। माब्लाबा बांद्राय एसिड सोमजिनानै दोगोन जानायाव हेंथा फैयो आरो सानाय, आलौनाय जायो। बेबादि जानायखौ सोखानो थाखाय एन्टासिड खारैखौ बाहायो। बेयो बांद्राय एसिडखौ मडला खालामो। मेगनेसियाम हाइड्र’ अक्साइड मुंनि गुरै खारैखौबो बेनि थाखाय बाहायनाय जायो।
(ii) हाथाय लोरबां जानाय जाहोंन हिसाबै pH नि सोलायनाय : हाथाय लोरबां जानाया जागायो जेब्ला खुगानि pH आ 5.5 नि खम जायो। केलसियाम फसफेतजों दाजानाय हाथायआ सोलेरनि गोरासिन मुवा। बेयो दैजों गलिया नाथाय pH आ 5.5 निख्रुइ खम जायोब्ला बेयो जामख ‘यो। खुगायाव थानाय बेक्टेरियाआ जाखांनाय उनाव खुगायाव थालांनाय चेनिनि बायस्रानाय आरो आदार मुवानि बायस्रानायनि जाहोनाव एसिड सोमजिहोयो।
बेनि थाखै खारैआरि तुथपेष्ट बाहायना जाखांनाय उनाव खुगा सुनांगौ अब्ला खुगानि एसिडखौ मडला खालामो जाय हाथाय लोरबां जानाय आरो जामख नायखौ होबथानो हायो।
(iii) हानि pH आरो लाइफां रजनाय : बांसिन लाइफांआ हानि pH आ 7 नि खाथियाव थायोब्ला साबसिनै रज ‘यो। मिथिंगायाव हानि pH आ बांद्राय एसिड आरि एबा खारैआरि जानो हागौ। माब्लाबा रासायनारि हासार बाइदिसिनानि जाहोनाव pH नि माना हायाव खम बांद्राय जायो।
अब्लानो लाइफां रजनायनि सायाव गाज्रि गोहोम गोग्लैयो। हाया बांद्राय एसिडआरि, जायोब्ला सुनै हाब्रु (calcium oxide) एबा केलसियाम हाइड्रअक्साइड एबा सक (calcium carbonate) बाहायो। बांद्राय खारैआरि जायोब्ला सेवनाय हासार फोर बाहायो।
(iv) सिमा आरो जिउआरिनि थांना थानाय : जोंनि सोलेरा pH सिमा 7.0 नि फ्राय 7.8 नि गेजेराव खामानि मावो । मानिबा जाहोनाव pH नि माना खम-बारा जायोब्ला. बाइदिसिना लोमजानाय सानाय जायो। दैआव थाग्रा जिठआरिआ बै pH सिमानि खाथिआवनो थांना थायो ।
एसिड अखानि जाहोनाव दैमा-बिलोफोरनि दैनि pH सिमाया खमियो (एसिडआरि जायो) जायनि जाहोनाव दैनि जिउआरिफोरा थांना थानो गोब्राब जायो।
गुबुन गुबुन ग्रहफोरनि बिखुंआव बारमण्डलनि pH सिमाया जोबोत खम। बेखायनो बैफोराव जिउआ थांना थानो हाया ।
7. सों गाहायाव होनायफोरनियाव थानाय एसिडनि रासायनारि मुं लिर :
(i) मोस्रोम (ii) नारें (iii) गाइखेर (iv) एम्बु फानथाव
फिन : (i) मोस्रोम ――फरमिक एसिड
(ii) नारें ―― साइत्रिक एसिड
(iii) गाइखेर ―― लेकटिक एसिड
(iv) एम्बु फानथाव ―― अकजेलिक एसिड
8. सों खुगायाव बिजोंआ मानो एसिडआरि जायो? बे एसिडआरि बिजोंनि गाज्रि जाउनआ मा? बेखौ माबोरै होबथानो हायो?
फिन : खुगायाव थानाय बेक्टेरियाआ आदार जानायनि उनाव सिनि आरो आदार गुन्द्राफोरखौ बायस्राहोना एसिड सोमजिहोयो। बेबादिनो खुगायाव pH माना खमायो आरो बिजोंआ एसिडआरि जायो।
बेबादि जायोब्ला हाथायआव जाथाइ जाना हाथाया जामख ‘यो ।
बेखौ होबथानायनि साबसिन लामाया जाबाय जाखांनाय उनाव हाथायखौ खारै आखुनि हाथाय हुग्रा मलम (tooth paste) जों साफा जाजासे हुनाय।
9. सों एन्टासिडफोरा मा ? एन्टासिड हिसाबै बाहायनाय मोननै खौसे मुवानि मुं लिर।
फिन : सोलेरनि बांद्राय एसिदखौ मदला खालामनो थाखाय बाहायनाय खारैआरि मुवाफोरानो जाबाय एन्टासिड। बिदिन्थि हिसाबै
(i) मेगनेसियाम हाइड्रअक्साइड
(ii) सडियाम हाइडड्रजेन कार्बनेट ।
10. सों बेरे जोनाय जायगायाव सानाय आरो बुंखांनाय मानो जायो ? बेनिफ्राय माबोरै रैखा मोननो हायो?
फिन : बेरेआ जोनाय जायगायाव एसिड (मिथनइक एसिड) गालाङो। बेनि थाखैनो सानाय-बुखांनाय जायो।
बेनिफ्राय रैखा मोननो बेरे जोनाय जायगायाव गुरै खारै जेरै बेकिं सडा बाइदिखौ फोनना लानांगौ।
सोंनाय फरा बिजाबनि Page No. 28
1. सों नोंहा A आरो B मोननै गलिलाव दं। गलिलाव A नि pH मानआ 6 आरो B नि pH मानआ 8 हाइड्र ‘जेन आयननि खाब्रांथिया माबे गलिलावआव बांसिन? माबेआ एसिडआरि आरो माबेआ खारदैयारि?
फिन : गलिलाव A आव हाइड्रजेन आयननि गोसाथिआ बांसिन। गलिलाव A आ इसे एसिडआरि आरो गलिलाव B आ खारैआरि ।
2. सों गलिलावनि आखुआव H⁺ (aq) आयननि खाब्रांथिया मा गोहोम खोख्लैयो?
फिन : H⁺ आयनआ जेसेबां बांसिन एसेबां एसिडआरि आखुआ बांसिन।
3. सों खारदैआरि गलिलावआवबो H⁺ (aq) आयननि खाब्रांथिया मा गोहोम खोख्लैयो?
फिन : खारैआरि गलिलावआवबो H⁺ आयनफोरा थायो। नाथाय OH⁻ आयननि रुजुनायाव H⁺ आयनआ जोबोद खम थायो। बेखायनो OH⁻ आयनआ बांसिन थानाय थाखाय गलिलावआ खारैआरि जायो।
4. सों सासे आबादारिया बिनि फोथारनि हाखौ हानि मा अबस्थायाव गोरा सुनै (केलसियाम अक्साइड) एबा गोथै सुनै (केलसियाम हाइड्र ‘क्साइड) एबा स ‘क (केलसियाम कार्बनेट) जों सामलायनो गोनां जायो होननानै नोंसोर सानो?
फिन : लाइफांफोरा pH सिमा 6-8 नि गेजेराव साबसिनै थांना थायो। बेखायनो हाया एसिडआरि जायोब्ला आबादारिफोरा हायाव सुनै हाब्रु (Slaked lime) एबा सुनै (Quick lime) एबा सक बाहायो।
2.4 संख्रिनि सोमोनदै गोबांयै मिथिनि
Additional Questions & Answers
सों 1. संख्रिफोरा माबोरै सोमजियो? दैआरि गलिलावआव बिसोरनि PH आ बेसेबां?
फिन : संख्रिफोरा एसिड आरो खारदैनि अरजाबनायाव सोमजियो। बिदिन्थि हिसाबै सालफिउरिक एसिड आरो सडियाम हाइड्रअक्साइडनि अरजाबलायनायाव सडियाम सालफेट (Na₂SO₄) संख्रि सोमजियो ।
गोसा एसिड आरो गोसा खारैनि संख्रिनि pH मानआ 7। गोसा एसिड आरो गुरै खारैनि संख्रिनि pH मानआ 7 नि खम ।
गुरै एसिड आरो गोसा खारैनि संख्रिनि pH मानआ 7 नि बांसिन ।
सों 2. गाहायाव होनाय संख्रिफोरखौ एसिडआरि, खारैआरि आरो निउट्रेल हिसाबै बाहागो खालाम :
पटासियाम सालफेत, एमनियाम क्ल ‘राइड, सडियाम कार्बनट, सडियाम क्ल ‘राइड
फिन : निउट्रेल संख्रि : पटासियाम सालफेट, सडियाम क्लराइड ।
एसिडआरि संख्रि : एम ‘नियाम क्ल ‘राइड ।
खारै आरि संख्रि : सडियाम कार्बनेट ।
सों 3. जों आदाराव बाहायनाय संख्रिनि मुंआ मा? बेनि pH माना बेसेबां? बेयो निउट्रेल ना खारैआरि?
फिन : आदाराव बाहायनाय संख्रिनि मुङा सडियाम क्ल ‘राइड। बेनि pH माना 7। बेयो निउट्रेल।
सों 4. संख्रि अन्थायआ मा? बेयो माबोरै सोमजियो?
फिन : संख्रिफोरा गथा खानानै गेदेर दाना हिसाबै थायो। बेयो जारें गाबनि आरो गोथार नङै। बेखौनो संख्रि अन्थाय बुङो ।
जेब्ला लैथोनि सिगां समनि मुवाफोरानि लैथोआ रानलाङो अब्लानो संख्रि अन्थाय सोमजियो। संख्रि अन्थायआ खैला खनि बादि सिंआवबो थायो।
सों 5. खायसे संख्रिफोरखौ मानो हाइड्र ‘टेट’ संख्रि बुङो? गुफुर गाबनि मोननै हाइड्रेटेट संख्रिनि मुं आरो रासायनारि फरमुला लिर।
फिन : खायसे संख्रिफोरखौ सिदोमा बाराव लाखिब्ला थि बिबांनि दै गुन्द्रामाफोर सोबनानै लायो। बेबादि संख्रिफोरखौ हाइड्रेतेट संख्रि बुंनाय जायो।
बेरियाम क्ल ‘राइड – BaCl₂H₂O
केलसियाम सालफेट – CaSO₄2H₂O
सों 6. सरासनस्रा बाहायबाय थानाय संख्रिनि गुदिथाया मा ?
फिन : लैथोनि दै आरो संख्रि अन्थाय l
सों 7. सरासनस्रा बाहायबाय थानाय संख्रिखौ लैथोनि दैनिफ्राय माबोरै बानायनाय जायो?
फिन : लैथोनि दैखौ खफ जाहोनानै सडियाम क्ल ‘राइडनि गुफुर गथा रग ‘फोर मोनो। बे सडियाम क्लराइडखौ गोथां संख्रि बुङो। बेवहाय सडियाम सालफेट, केलसियाम सालफेट, केलसियाम क्ल ‘राइड आरो मेगनेसियाम क्लराइड बाइदिफोरा गोथार नङै हिसाबै थाफायो। बे गोथां संख्रिखौ दैआव गलायना लानाय जायो। मैलाफोरखौ सरगार नाय जायो आरो गलिलावनि गेजेरजों क्लरिन गेस हगार हरना गोथार सडियाम क्ल ‘राइडखौ गोदि ज ‘होनाय जायो।
सों 8. जाग्रा संख्रि गलिलावनि गेजेरजों जेब्ला मोब्लिब थांहोनाय जायो अब्ला सडियाम हाइड्र ‘क्साइड सोमजिनायजों लोगोसे मोननै गेस X आरो Y सोमजियो। X आ पप सोदोब होना खामो जेराव Y खौ लोंनाय दैनि ‘जिउसा गोयै खालामनो बाहायो।
(i) X आरो Y खौ सिनायथि हो।
(ii) गोजौआव फोरमायनायनि रासायनारि समानथाइ लिर।
(iii) गोरान केलसियाम हाइड्र ‘अक्साइडजों Y नि जाथाइखौ फोरमाय।
फिन : (i) X आ हाइड्रजेन गेस आरो Y आ क्ल ‘रिन गेस।
(ii) 2NaCl(aq) + 2H₂O (l) → 2NaOH(aq) + Cl₂(g) + H₂(g)
(iii) गोरान केलसियाम हाइड्र ‘क्साइडनि गेजेरजों Y एबा क्ल ‘रिन गेस हगारहरब्ला ब्लिसिं पाउदार सोमजियो।
सों 9. क्लर-एलकालि मावखान्थि माखौ बुङो? बेवहाय सोमजिनाय मोननै गेसनि मुङा मा मा?
फिन : सडियाम क्लराइडनि दैलाव गलिलावजों मोब्लिब बोहैहोब्ला, बियो बायस्रानानै सडियाम हाइड्र ‘क्साइड (एलकालि) आरो क्ल ‘रिन (क्लर’) सोमजिनायखौनो क्लर’ एलकालि मावखान्थि बुङो।
बे मावखान्थिआव क्लरिन आरो हाइड्रजेन गेस सोमजियो ।
सों 10. ब्राइननि मोब्लिब बिजिरनायाव सोमजिनाय मुवाफोर आरो बिसोरनि बाहायथि लिर।
फिन : ब्राइननि मोब्लिब बिजिरनायाव सोमजिनाय मुवाफोरा–
(i) क्लरिन गेस
(ii) H₂ गेस
(iii) सडियाम हाइड्रक्साइड।
क्लरिन गेसनि बाहायथि :
(i) बेखौ दै गोथार खालामनो MCD जों बाहायो।
(ii) सानस्रिग्रा देख ‘र (Swimming pool) फोराव दैखौ जिउसा गोयै खालामनो बाहायो।
(iii) PVC, CFC, ब्लिचिं पाउदार आरो जिउसा फोथैग्रा बानायनायाव CI₂ गेस बाहायो।
हाइड्रजेन गेसनि बाहायथि :
(i) बेखौ खाममुवा हिसाबै बाहायो ।
(ii) एम ‘निया बानायनायाव बेखौ बाहायो ।
(iii) माखन बानायनायाव बेखौ बाहायो ।
सडियाम हाइड्रक्साइडनि बाहायथि :
(i) साबोन बानायनायाव बाहायो ।
(ii) गाब होग्रा मुवा बानायनायाव ।
(iii) धातु सोलोंथाइनि दारिमिनआव बेखौ बाहायो ।
सों 11. ब्लिसिं पाउदारआ मा? बेखौ माबोरै बानायो?
फिन : केलसियाम अक्सिक्लराइड (CaOCI₂) आ ब्लिसिं पाउदार।
ब्लिसिं पाउदार बानायनाय : गोरान गोथै सुनै [slaked lime, Ca(OH)₂ ] नि गेजेरजों गोबाव सम क्ल’रिन गेस हगार हरना ब्लिसिं पाउदार सोमजिहोनाय जायो ।
Ca(OH)₂(s) + Cl₂(g) → CaOCl₂(s) + H₂O(I)
सों 12. ब्लिसिं पाउदारआ मानो क्ल ‘रिननि बादि गोख्रों मोनामो? बिनि गाहाय बाहायथिफोर लिर।
फिन : ब्लिसिं पाउदारआ क्ल ‘रिनबादि गोख्रों मोनामो, मानोना बेयो बारजों (CO₂ गेस) लासैयै फिनजाथाइ खालामो आरो क्ल ‘रिन गैस सोमजियो।
CaOCl₂(s) + CO₂(g) → CaCO₃(s) + Cl₂(s)
ब्लिसिं पाउदारनि बाहायथि :
(i) लोंनाय देखौ जिउसा गोयै खालामनो बाहायनाय ।
(ii) क्लर ‘फर्म बानायनो बाहायो ।
(iii) खुन्दुं आरो दंफां बाइदिफोरखौ जोंथि खालामनो बाहायो ।
सों 13. बेकिं सडानि बागै गुसुङैलिर।
फिन : बेकिं स ‘डाया जाबाय सडियाम हाइड्रजेन कार्बनेत। रासायनारि दिन्थिसिनआ NaHCO₃
बानायनाय : सडियाम क्ल ‘राइडखौ गोथां मुवा हिसाबै बाहायना बेकिं स ‘डा बानायो ।
NaCl + H₂O + CO₂ NH₃ → NH₄CI + NaHCO₃
एम ‘नियाम सडियाम
क्लराइड हाइड्र ‘जेन कार्बनेट।
बाहायथि :
(i) संनाय खावनायाव बाहायो।
(ii) बान्दारआव एसिड बांद्राय सोमजिनायखौ निउट्रेल खालामनो मुलै हिसाबै बाहायो।
(iii) गोरलै लोंग्रा बेसादआव बाहायो।
(iv) अर खोमोरनायाव बाहायो।
सों 14. बेकिं सडाया केक आरो ब्रेडफोरखौ गुरै आरो स्पन्जबादि (Spongy) खालामनायाव माबोरै सहाय खालामो?
फिन : सडियाम बाय कार्बनेटआ बिदुं होब्ला बायस्राना CO₂ सोमजियो। बेयो केक आरो ब्रेड बाइदिखौ गुरै आरो स्पन्ज बादि खालामो।
सों 15. वासिं सडाया मा? बेखौ माबोरै बानायो? बिनि बाहायथि लिर।
फिन : वासिं सडाया मोनसे सडियाम कार्बनेट खौसे। बेनि दिन्थिसिनआ Na₂CO₃10H₂O। बेयो खारैआरि।
वासिं सडाखौ बेकिं सडानिफ्राय बानायनो हायो। गिबियाव बेकिं सडाखौ बिदुं होनानै सडियाम कार्बनेट सिम सोलायहोयो। सडियाम कार्बनेटखौ रग’ जाहोफिनोब्ला (Recrystallization) वासिं सडा मोनो।
2NaliCO₃ –बिदुं→ Na₂CO₃ + H₂O + CO₂
बेकिं सडा सडियाम कार्बनेट
Na₂CO₃ + 10 H₂O → Na₂CO₃10H₂O
सडियाम कार्बनेट वासिं सडा
बाहायथि :
1. सडियाम कार्बनेट (washing soda) खौ कास, साबोन, आरो लेखानि दारिमिनाव गोबाङै बाहायो।
2. सडियाम खौसे जेरै सुवागु (बराक्स) बाइदि दिहुननायाव बेखौ बाहायो।
3. न’नि बाइदिसिना सुनाय-साफा खालामनाय बायदि खामानियाव बाहायो।
4. अरायथा गोरा दैखौ होखारनायाव बाहायो।
सों 16. जेब्ला मोनसे सडियाम खौसे ‘X’ जायखौ सडा-एसिड अर खोमोरग्रा हिसाबै बाहायो, बेखौ फुदुंनाय जायो अब्ला सडियाम खौसे ‘Y’ लोगोसे दै आरो कार्बन डाइ अक्साइड सोमजियो। Y खौ रग’ (crystallization) खालामब्ला Z खौसे सोमजियो। X,Y,Z खौ सिनायथि हो।
फिन : सडियाम बाइकार्बनेटखौ सडा-एसिड अर खोमोरग्रा हिसाबै बाहायो। बेखौ बिदुं होब्ला सडियाम कार्बनेट सोमजियो।
2NaHCO₃ → Na₂CO₃ + H₂O + CO₂
सडियाम कार्बनेटखौ रग’ (crystallisation) खालामब्ला Na₂CO₃10H₂O मोनो।
बेखायनो X आ NaHCO₃ (सडियाम हाइड्रजेन कार्बनेत)
Y आ Na₂CO₃ (सडियाम कार्बनेत)
Z आ Na₂CO₃10H₂O (वासिं सडा)
सों 17. सडियाम अक्साइडआ दैजों जाथाइ जाना सोमजिनाय रासायनारि फिनजाथाइखौ लिर। बे गलिलावआ फिनल्फथालिन आरो गोजा लिटमास पेपारजों माबादि आखु दिन्थियो?
फिन : Na₂O + H₂O → 2NaOH (aq)
सडियाम हाइड्र’क्साइडआ खारैआरि। फिनल्फथालिन गलिलावखौ गलाफि आरो गोजा लिटमास बिलाइखौ निल गाबसिम सोलायो ।
सों 18. रंग’ खालामनायनि दै (water of crystallization ) माखौ बुङो? बिदिन्थि हो।
फिन : रग’ खालामनायनि दैआ जाबाय मोनसे संख्रिनि फरमुला सानगुदियाव थानाय दै गुन्द्रामानि थि अनजिमा।
बिदिन्थि हिसाबै कपार सालफेटनि फरमुला सानगुदियाव मोनबा दैनि गुन्द्रामा दं। रासायनारि फरमुला CuSO₄5H₂O l सडियाम कार्बनेट (गिसि) आव मोन 10 दैनि गुन्द्रामा दं रासायनारि फरमुला Na₂ CO₃10H₂O l
सों 19. प्लासटार अब पेरिस ( Plaster of paris) आ मा? बेखौ माबोरै बानायो ? बेनि गोनां बाहायथि लिर।
फिन : CaSO₄ 1/2 H₂O खौसेआनो जाबाय प्लासटार अब पेरिस ।
जिपसामखौ 373K बिदुंआव फुदुंब्ला दै गुन्द्रामाफोरा गैया जाना केलसियाम सालफेट हेमि हाइड्रेत (CaSO₄ 1/2 H₂O) सोमजियो, जायखौ प्लासटार अब पेरिस बुंनाय जायो।
बाहायथि :
(i) बेखौ स ‘क आरो अर खामनो हायै बेसाद बानायनायाव बाहायो।
(ii) सोलेरनि बेगें बायनाय एबा लोरिनाय फोराव प्लासटार खालामनो बाहायो।
सों 20. हस्पितालफोराव बाहायजाथावना जानाय बादियै प्लासटार अब पेरिसआव मा मख ‘जाथाव गुण थायो ?
फिन : प्लासटार अब पेरिसआव साजायनो हानाय आरो गोरा खालामनो हानाय गुण थायो। बेखौ जेब्ला दैजों फिसिनाय जायो अब्ला बेयो 10-15 मिनिटनि गेजेराव गथा आरो गोरा ज ‘थाई सोमजियो । बेनि थाखायनो बेखौ बायनाय, गावनाय बाहागोआव प्लासटार खालामनो बाहायनाय जायो।
सों 21. प्लासटार अब पेरिसखौ सिदोमा होबथा दोनग्रायाव मानो दोनथुमनांगौ? जाहोन हो।
फिन : प्लासटार अब पेरिसआ केलसियाम सालफेट हेमिहाइड्रेत (CaSO₄ 1/2 H₂O) नि जथाइ। जेब्ला बेखौ बारनि सिदोमायाव उदाङै लाखिनाय जायो अब्ला बेयो सिदोमा सोबखांना जिपसाम (CaSO₄ 2 H₂O) सिम सोलायो जायनि आखु आरो गुणआ जुदा। बेखायनो प्लासटार अब पेरिसखौ सिदोमा होबथा दोनग्रायाव दोननाय जायो।
सोंनाय फरा बिजाबनि Page No. 33
1. CaOCI₂ खौसेनि साधारण मुङा मा?
फिन : ब्लिसिं पाउदार ।
2. क्ल ‘रिना माबे मुवाजों फिनजाथाइ जायोब्ला ब्लिसिं पाउडार सोमजियो?
फिन : सुनै दै ।
3. गोरा देखौ गुरै खालामनायाव बाहायनाय सडियाम खौसेनि मुं लिर।
फिन : सडियाम कार्बनेट।
4. सडियाम हाइडू ‘कार्बनेटनि गलिलावखौ फुदुङोब्ला मा जागोन ? फिनजाथाइनि समानथाइखौ लिर।
फिन : सडियाम हाइड्र ‘जेन कार्बनेटखौ बिदुं होब्ला सडियाम कार्बनेत आरो CO₂ गेस सोमजियो।
2NaHCO₃ → Na₂CO₃ + CO₂ + H₂O
5. प्लाष्टार अफ पेरिस आरो दैनि फिनजाथाइखौ दिन्थिनाय मोनसे समानथाइ लिर।
फिन : 2CaSO₄ 1/2 H₂O + H₂O → 2CaSO₄2H₂O
प्लाष्टार अब पेरिस जिपसाम
सोंथि बिदां (EXERCISE)
सों 1. मोनसे गलिलावआ गोजा लिटमासखौ नीला खालामदों, बेनि pH मानआ जानो हागौ–
(a) 1.
(b) 4.
(c) 5.
(d) 10.
फिन : (d) 10.
सों 2. मोनसे गलिलावआ गावस्रानाय दाउदैन बिखंजों फिनजाथाइ जानानै मोनसे गेस सोमजिहोयो जाय सुनैनि दैखौ गाइखेर बादि खालामो। गलिलावआव दं–
(a) NaCl.
(b) HCI.
(c) LiCL.
(d) KCI.
फिन : (b) HCI.
सों 3. 8 मिः लि:नि HCI गलिलावआ 10 मि: लि: NaOH गलिलावखौ आबुङैमदला जाहोयो । जों 20 मि: लि: NaOH नि एखे गलिलावखौनो लायोब्ला बेखौ मदला खालामनो थाखाय गोनांथि जानाय HCI गलिलाव (सिगांनि बादि एखे गलिलाव) नि बिबाङा जागोन ।
(a) 4 मि.लि.
(b) 8 मि.लि.
(c) 12 मि.लि.
(d) 16 मि.लि.
फिन : (d) 16 मि.लि.।
सों 4. गाहायनि माबे रोखोमनि मुलिखौ दोगोनजायिखौ जाहोनो थाखाय बाहायनाय जायो?
(a) एन्टिबाय ‘टिक।
(b) एनालजेसिक।
(c) एसिड होबथाग्रा।
(d) एन्टिसेप्टिक।
फिन : (c) एसिड होबथाग्रा l
सों 5. गाहायनि फिनजाथाइफोरनि सोदोब समानथाइ आरो समानसु समानथाइ लिर।
(a) दैलाव सालफिउरिक एसिडआ जिंक सेरेबजों फिनजाथाइ जादों।
फिन : जिंक + दैलाव सालफिउरिक एसिड → जिंक सालफेट + हाइड्र’जेन।
Zn + H₂SO₄ → ZnSO₄ + H₂
(b) दैलाव हाइड्र ‘क्ल ‘रिक एसिडआ मेगनेसियाम फिटाजों फिनजाथाइ जादों।
फिन : मेगनेसियाम फिटा + दैलाव हाइड्र’क्ल’रिक एसिद → मेगनेसियाम क्ल’राइड + हाइड्र’जेन ।
Mg + 2HCI → MgCI₂ + H₂
(c) दैलाव सालफिउरिक एसिडआ एलुमिनियाम पाउडारजों फिनजाथाइ जादों।
फिन : एलुमिनियाम पाउदार + दैब्रां हाइड्रक्लरिक एसिड → एलुमिनियाम सालफेट + हाइड्रजेन।
2A1 + 2H₂SO₄ → AI₂(SO₄)₃ + 3H₂
(d) दैलाव हाइड्र’क्ल ‘रिक एसिडआ सोरनि गुन्द्राफोरजों फिनजाथाइ जादों।
फिन : दैब्रां हाइड्रक्लरिक एसिड + सोरनि गुन्द्राफोर → सोरनि क्लराइड + हाइड्रजेन
2Fc + 6HCI → 2FcCI₃ + 3H₂
सों 6. एलक ‘हल आरो ग्लुक ‘जफोर बादि खौसेमुवायावबो हाइड्र ‘जेन थायो नाथाय एसिड होननानै बुंनो हाया। बेखौ फोरमान खालामनो थाखाय मोनसे मावफारि फोरमायना लिर।
फिन : गंसे बिकाराव एलक’हल आरो ग्लुक ‘जनि गलिलाव लानाय जाबाय। मोनसे कर्क लाना गाजोल गंनैजों फारनै खरथिंजायबो ओंखारना थानाय बादि सुफ्लंना लाबाय। दानिया कर्कखौ गलिलावआव सोमब्र ‘ना गोंनै गाजोलाव 6 V नि बेटारि, गंसे बाल्ब आरो सुइज दाजाबनाय जाबाय। दानिया सुइजखौ अन खालामबाय, नाथाय बाल्बआ जोङाखै। बेनि जाहोना जाबाय गलिलावआव H⁺ गैया बेयो दिन्थियोदि हाइड्रजेन आरो ग्लुकजआ एसिड नङा।
सों 7. सावनाय दैया मानो मोब्लिब दैदेना, नाथाय अखाहादैया मानो दैदेनो?
फिन : अखानि दैआव एसिडनि आयनफोर थायो आरो बेखायनो बेयो मोब्लिब दैदेनो जेराव सावनाय (distilled) दैआव आयन थाया आरो मोब्लिब दैदेना।
सों 8. एसिडफोरा मानो दैनि बिथाथियाव एसिडआरि आखुखौ दिन्थिया?
फिन : एसिडफोरा दैयाव हाइड्रनियाम आयन सोमजियो। नाथाय दै गोयैयाव हाइड्रनियाम आयन सोमजिया जायनि थाखै एसिडआरि आखु दिन्थिया।
सों 9. A, B, C, D आरो E मोनबा गलिलावखौ साग्लोबसार दिन्थिसारग्राजों आनजाद नायनायाव pH मानखौ फारियै 4, 1, 11, 7 आरो 9 मोनबाय। माबे गलिलावआ–
(a) दद्र’।
(b) गोख्रों एलकालि आखु गोनां।
(c) गोख्रों एसिडआरि।
(d) लोरबां एसिडआरि।
(e) लोरबां एलकालि आखु गोनां। pH मानखौ हाइड्र ‘जेन आयन गोसाथिनि बांलांनाय फारियाव साजाय ।
फिन : (a) D.
(b) C
(c) B
(d) A
(e) E
H⁺ आयन गोसाथिनि pH माननि फारि बांनाय :
10 < 9 < 7 < 4 < 1
सों 10. समान लाउथाइनि मेगनेसियाम फिटाखौ A आरो B आनजाद हासुंआव लानाय जाबाय। A आनजाद हासुंआव हाइड्र ‘क्ल ‘रिक एसिड (HCI) आरो B आजाद हासुंआव एसिटिक एसिड (CH₃ COOH) होदेरनाय जाबाय। मोननैबो एसिडनि बिबां आरो गोसाथिया एखे। माबे आनजाद हासुंआव हिस हिस सोदोब (fizzing) आ बांसिन गोख्रै सोमजिगोन आरो मानो?
फिन : हाइड्र’क्लरिक एसिड थानाय आनजाद हासुं A आव हिस हिस सोदोबा बांसिन गोख्रैयै ओंखारगोन। बेनि जाहोना जाबाय हाइड्रक्लरिक एसिडआ एसिटिक एसिडनिख्रुइ सांग्रांसिन आरो मेगनेसियाम फिटा आरो HCI नि गेजेराव जानाय जाथाइया Mg आरो एसिटिक एसिडनि गेजेराव जानाय जाथाइनिखुइ गोख्रैसिन l
सों 11. गोथां गाइखेरनि pHl मानआ 6. बेयो दाखायाव महर सोलायोब्ला pH मानआ सोलायगोन होनना नों माबोरै सानो ? नोंनि फिननायखौ बेखेव।
फिन : गायखेरनि pH आ 6 निख्रुइ खमसिन जागोन जेब्ला बेयो गायखेर दाखासिम सोलायो। जाहोना जाबाय गायखेर दाखा जानायाव लेकटिक एसिड सोमजियो ।
सों 12. सासे गाइखेर फानग्राया गोथां गाइखेराव इसे बिबांनि बेकिं स’डा होदेरो।
(a) बियो मानो गोथां गाइखेरनि pH मानखौ 6 निफ्राय इसे खारदैआरि आखुसिम सोलायो?
फिन : गायखेर फानग्रा मानसिया गोथार गायखेराव इसे बेकिं स ‘डा दाजाबदेरो जाहाते इसे खारैआरि जायो अब्ला गायखेरखौ गोबाव सम दोनथुमनो हायो।
(b) गाइखेरा मानो दाखा जानायाव गोबाव सम लायो?
फिन : गायखेराव लेकटिक एसिड सोमजिनायनि थाखै दाखा खायो। गिबियाव खारैआरि आखु, बेकिं स ‘डाखौ निउट्रेल सिम सोलायग्रोनांगौ आरो बांद्राय लेकटिक एसिड सोमजिनाय उनावसो गायखेरा दाखा खायो।
सों 13. प्लाष्टार अफ पेरिसखौ गंसे सिदोमा होबथाग्रा आइजेंआव लाखिनाय जायो। मानो बेखेव?
फिन : प्लाष्टार अब पेरिसआ केलसियाम सालफेत हेमिहाइड्रेत (CaSO₄ ½ H₂O) नि जथाइ। जेब्ला बेखौ बारनि सिदोमायाव उदाङै लाखिनाय जायो, अब्ला बेयो सिदोमा सोबखांना जिपसाम (CaSO₄ 2H₂O) सिम सोलायो जायनि आखु आरो गुणआ जुदा। बेखायनो प्लाष्टार अब पेरिसखौ सिदोमा होबथा दोनग्रायाब दोननाय जायो।
सों 14. मदला जानाय फिनजाथाइया मा ? मोननै बिदिन्थ हो।
फिन : एसिड आरो खारैनि गेजेराव फिनजाथाइ जाना संख्रि आरो दै सोमजिनायखौ निउट्रेल खालामनाय फिनजाथाइ बुङो।
खारै + एसिड → संख्रि + दै
बिदिन्थि :
(i) HCI + NaOH → NaCl + H₂O
हाइड्र ‘क्ल ‘रिक सडियांम हाइड्र’क्साइड सडियाम दै
एसिड (खारै) क्लराइड (संख्रि)
(ii) CH₃COOH + NaOH → CH₃COONa + H₂O
एसिड खारै संखि
सों 15. वासिं स’डा आरो बेकिं स ‘डानि मोननै गोनां बाहायनाय लिर।
फिन : बेकिं स’डानि बाहायथि :
(i) बेखौ बेकारिआव बानायो ।
(ii) बेखौ स’डा एसिड अर खोमोरग्रा हिसाबै बाहायो ।
सुग्रा सडा (वासिं स ‘डा) नि बाहायथिः
(i) बेखौ ग्लास, साबोन आरो पेपार बानायनायाव बाहायो ।
(ii) दैनि अरायथा गोराथि होखारनो बाहायो ।
MULTIPLE CHOICE QUESTIONS
सों 1. साबोन गलिलावआव थरथिंनैसो मिथाइल अरेन्ज गलिलाव होदेरब्ला, गलिलावनि गाबा जायो–
(क) कमला।
(ख) गोमो।
(ग) जारें।
(घ) गाब सोलाया।
फिन : (ग) जारें l
सों 2. बिलाव Hcl नि गलिलावआव गोथां लिटमासखौ होदेरनाय जायोब्ला गलिलावनि गाबआ–
(क) गाब गोयि जायो।
(ख) गोथाडैनो थायो।
(ग) गोजा जायो।
(घ) सोमखोर जायो।
फन : (ग) गोजा जायो।
सों 3. बिलाव NaOH नि स्वादआ
(क) गोखै।
(ख) गोखा।
(ग) गोदै।
(घ) गोबाब।
फिन : (ख) गोखा l
सों 4. बिलाव सालफिउरास एसिडनि गलिलावआव सडियाम थुख्रासे होदेरनाय जायोब्ला गाहायाव होनाय बबे गेसआ सोमजिगोन ?
(क) H₂.
(ख) SO₂.
(ग) H₂S.
(घ) O₂.
फिन : (क) H₂.
सों 5. सुनै दैनि गेजेरजों थोजासे सम Co₂ गेसखौ थांनो होयोब्ला सुनै दैआ गिबियाव गाइखेर बादि गुफुर आरो उनाव गोगो साफा जाहैयो। बे जाथाइयाव गलिलावआव थायो–
(क) CaCo₃.
(ख) Ca(OH)₂.
(ग) Ca(HCO₃)₂.
(घ) CaO.
फिन : (ग) Ca(HCO₃)₂.
सों 6. गाहायनि दिन्थिसारग्राफोरनि मादाव माबे एसिड खारदै दिन्थिसारग्रा नङा?
(क) फिनलफथेलिन।
(ख) भेनिला।
(ग) लिटमास।
(घ) मिभाइल अरेन्ज।
फिन : (ख) भेनिला l
सों 7. गाहायनि माबे गुदि मुवाया मोनसे एसिडारि अक्साइड सोमजिहोयो?
(क) Mg.
(ख) Na.
(ग) P.
(घ) Al.
फिन : (ग) P.
सों 8. गाहायाव होनायफोरनि मादाव मिथिंगायारि दिन्थिसारग्राया जाबाय–
(क) फिनलफथेलिन।
(ख) मिथाइल अरेन्ज।
(ग) मिथाइल गोजा।
(घ) लिटमास।
फिन : (घ) लिटमास l
सों 9. गाहायनि माबे खमसिन PH मान गोनां?
(क) चिनि।
(ख) टमेट’ जुइस।
(ग) भिनेगार।
(घ) सुग्रा सडा।
फिन : (ग) भिनेगार l
सों 10. भान्डाराव दोगोन, जाथाइ जानायाव हेफाजाब होग्रा दैलाव एसिड गलिलावआ–
(क) HCI.
(ख) H₂SO₄.
(ग) CH₃COOH.
(घ) साइट्रिक एसिड।
फिन : (क) HCI.
| Chapter No. | CONTENTS |
| खोन्दो – 1 | रासायनारि फिनजाथाइ आरो समानथाइ |
| खोन्दो – 2 | एसिद, खारदै आरो संखि |
| खोन्दो – 3 | धातु आरो धातुनडिफोर |
| खोन्दो – 4 | कार्बन आरो बेनि खौसेमुवाफोर |
| खोन्दो – 5 | गुदि मुवाफोरनि आन्थोरारि थाखोराननाय |
| खोन्दो – 6 | जिउ बिखान्थि |
| खोन्दो – 7 | सामलायनाय आरो लोब्बा लाखिनाय |
| खोन्दो – 8 | जिबफोरा माबोरै आजायो |
| खोन्दो – 9 | फोलेरफारि आरो फारि जौगानाय |
| खोन्दो – 10 | सोरां-रिफिनाय आरो रिफिख ‘ननाय |
| खोन्दो – 11 | मानसिनि मेगन आरो रंगिना-संगिना बुहुम |
| खोन्दो – 12 | मोब्लिब गोहो |
| खोन्दो – 13 | मोब्लिब दाहारनि सुम्बकारि गोहोम |
| खोन्दो – 14 | शक्टिनि फुंखाफोर |
| खोन्दो – 15 | जोंनि आबहावा |
| खोन्दो – 16 | मिथिंगायारि सम्पदनि सामलायनाय |
SEBA Class 10 Science Question Answer In Bodo Chapter 2 in Bodo Medium | Bodomedium Class 10 General Science notes इस पोस्ट में हम आपको ये समझा ने कि कोशिश की है की Bodo Medium Class 10 Science Question answer | SEBA Class 10 Science Question Answer In Bodo Chapter 2 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।