SEBA Class 10 Science Question Answer In Bodo Chapter 4 कार्बन आरो बेनि खौसेमुवाफोर | Carbon and its Compounds | Class 10 Science Question Answer in Bodo As Per New Syllabus to each Chapter is provided in the list of SCERT, NCERT, SEBA Class 10 Science Chapter 4 Question Answer/Class 10 Science Chapter 4 Notes In Bodo दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 10 Science Question Answer In Bodo Chapter 4 Question Answer. Class 10 Science Question Answer Chapter 4 in Bodo. SEBA Class 10 Science Question Answer In Bodo Medium Chapter 4 covers all the exercise questions in NCERT, SCERT.
Class 10 Science Chapter 4 कार्बन आरो बेनि खौसेमुवाफोर
SEBA Class 10 Science Notes Chapter 4 In Bodo कार्बन आरो बेनि खौसेमुवाफोर Science Guide for Class 10th Chapter 4 In Bodo. Also Same NCERT Solutions for Class 10 Science इस पोस्ट में हम आपको ये समझा ने कि कोशिश की है की Class 10 Science Question Answer Chapter 4 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 10 Science In Bodo Medium बोहत लाभदायक हो सकता है। NCERT/SCERT Science Class 10 Chapter 4 मे आप अपना ध्यान लगाके पढ़ कर इस SEBA Class 10 Science Question Answer In Bodo Chapter 4 में अछि Mark ला सकते हो अपनी आनेवाली परीक्षा में।
फरा 4 कार्बन आरो बेनि खौसेमुवाफोर
Chapter 4 Carbon and its Compounds
4.1 कार्बननि बण्ड लोगो अरजाब बण्ड
Additional Question & Answers
सों 1. कार्बना मानो लोगो अरजाब बण्ड दायो?
फिन : कार्बननि गुन्द्राफारि बिसाना 6 आरो बेनि इलेक्ट्रनारि साजायनाया 2, 4l कार्बननि अरजाबग्रा खोलोबाव मोनब्रै इलेक्ट्रन दङ। कार्बन गुन्द्रासाया इलेक्ट्रन एंगारनाय एबा इलेक्ट्रन आजावनायनि जेबो गोहो गैया। बेनिखायनो कार्बननि अरजाबग्रा खोलोबनि इलेक्ट्रना गुबुन गुन्द्रासाजों रानसारलायनानै लोगो अरजाब बण्ड सोमजियो आरो दद्र गेसनि आखु मोनो। बेनिखायनो खौसेफोराव कार्बना जेब्लाबो ब्रै लोगो अरजाबग्राथि एबा ब्रै अरजाब।
बिदिन्थि हिसाबै कार्बना गाहायाव होनायबादि मिथेन खौसे दायो ।
सों 2. हाइड्रजेन गुन्द्रामाया (H₂) माबोरै सोमजियो?
फिन : हाइड्रजेन (H)नि गुन्द्राफारि बिसाना। बेखायनो K खोलोबाव मोनसेल’ इलेक्ट्रन थागोन। बेनि थाखै हाइड्रजेनआ खाथिनि दद्र गेस हिलियाम (He) नि बादि आखु मोननो गावसोरनि इलेक्ट्रनखौ रानसारना H₂ गुन्द्रामा दायो। H₂ गुन्द्रामायाव मोननै हाइड्रजेननि गेजेराव इलेक्ट्रन रानसारलायना मोनसे बण्ड सोमजियो।
सों 3. Cl₂, O₂, CH₄ गुन्द्रामाफोरनि लोगो अरजाब बण्ड सोमजिनायखौ बेखेव।
फिन : CI₂ गुन्द्रामानि सोमजिनाय :- मोनसे CI गुन्द्रासानि बाहेरा खोलोबआव मोन 7 इलेक्ट्रन थायो। बेनि अरजाब बिसाना 8-7=1 । बेखायनो बिसोरो जरासे इलेक्ट्रन रानसारना दिदोम क्लरिन गुन्द्रामा (CI₂) सोमजियो ।
O₂ गुन्द्रामानि सोमजिनाय : मोनसे अक्सिजेन गुन्द्रासानि बाहेरा खोलोबाव मोनड इलेक्ट्रन थायो। अरजाब बिसाना 8-6-2 । बेखायनो बिसोरो जरानै इलेक्ट्रन रानसारलायना अक्सिजेन गुन्द्रामा सोमजियो ।
CH₂ गुन्द्रामानि सोमजिनाय : कार्बन गुन्द्राया हाइड्रजेननि मोनब्रै गुन्द्रासाजों इलेक्ट्रन रानसारलायना दिदोम जायो ।
सों 4. लोगो अरजाब बण्डआ मोनबेसे रोखोमनि जानो हागौ? मा मा खौसेफोरा गुबुन गुबुन रोखोमनि बण्ड सोमजियो, मोनफ्रोमनिबो मोनफायै बिदिन्थि हो।
फिन : इलेक्ट्रन रानसारनायनि सायाव सोनारना लोगो अरजाब बण्डआ मोनथाम रोखोमनि जानो हागौ।
(i) से बण्ड– बिदिन्थि : H₂ गुन्द्रामा।
(ii) नै बण्ड– बिदिन्थि : O₂ गुन्द्रामा।
(iii) थाम बण्ड– बिदिन्थि : N₂ गुन्द्रामा।
सों 5. थाम बण्ड माखौ बुङो ? मोनसे बिदिन्थि होना थाम बण्ड सोमजिनायखौ दिन्थि।
फिन : मोननै गुन्द्रासानि गेजेराव जराथाम इलेक्ट्रन रानसारलायना सोमजिनाय बण्डखौनो थाम बण्ड बुङो। बेखौ = सिनजों दिन्थियो। N₂ गुन्द्रामानि गेजेराव थाम बण्ड सोमजियो।
सों 6. नै बण्ड बुंब्ला मा बुजियो? नै बण्ड गोनां मोननै गुन्द्रामानि मुं आरो दिन्थिसिन लिर।
फिन : मोननै गुन्द्रासानि गेजेराव जरानै इलेक्ट्रन रानसारलायनाय जानानै जाय बण्ड सोमजियो बे लोगो अरजाबलायग्रा बण्डखौनो नै लोगो अरजाब बण्ड बुङो।
नै बण्ड गोनां गुन्द्रामाफोर–
(i) अक्सिजेन = O₂
(ii) सालफार = S₂
सों 7. लोगो अरजाब बण्ड माखौ बुङो?
फिन : मोननै एबा बेनिख्रुइ बांसिन गुन्द्रासाफोरा (गेसारि एबा धातु नङै) दद्र गेसनि बादि दिदोम जानो थाखाय मोननै गुन्द्रासानि गेजेराव जरासे, जरानै एबा जराथाम इलेक्ट्रन रानसारलायनानै सोमजिनाय बण्डफोरखौ लोगो अरजाब बण्ड बुङो। बेबादि सोमजिनाय खौसेखौ लोगो अरजाब खौसे बुङो।
सों 8. लोगो अरजाब खौसेनि धोरोमफोरखौ लिर।
फिन : लोगो अरजाब खौसेनि धोरोमफोर :
(i) लोगो अरजाब खौसेनि आवलिनाय आरो गलिनाय आन्थोरा जोबोद खम।
(ii) लोगो अरजाब खौसेफोरा गेसारि, लाव लाव एबा गथा अबस्थायाव थायो।
(iii) लोगो अरजाब खौसेफोरा आवलिनाय एबा गलिनाय अबस्थायाव मोब्लिब दैदेननो हाया।
(iv) लोगो अरजाब खौसेफोरा दैआव गलिया नाथाय जिबारि गलिहोग्रायाव गलियो।
(v) लोगो अरजाब खौसेफोरा आयनजों दाजानाय नङा।
सों 9. लोगो अरजाब खौसेफोरा मानो मोब्लिबनि गाज्रि दैदेनग्रा?
फिन : लोगो अरजाब खौसेफोरा गलाय नङि गुन्द्रामाजों दाजानाय आरो बिसोरो आयन सोमजि होआ। बेखायनो बिसोरो मोब्लिबनि गाज्रि दैदेनग्रा।
सों 10. लोगो अरजाब खौसेफोरनि आवलिनाय आरो गोदौनाय सिमाया मानो जोबोद खम?
फिन : लोगो अरजाब खौसेआव थानाय गुन्द्राफोरनि इसिं गुन्द्रामायारि बोकथाबनाय बोलोआ जोबोद लोरबां। जोबोद इसे बिंदु शक्ति बाहायनानैनो बे बोकथाबमा बोलोखौ बोखारनो हायो। बेखायनो बिसोरनि आवलिनाय आरो गोदौनाय सिमाया जोबोद खम।
सों 11. महरबांआ मा ? कार्बननि महरबांफोरनि मुं आरो दाथायखौ दिन्थि।
फिन : मोनसे गुदि मुवाया एखे थासारियावनो मोननै एबा बांसिन महराव थानायानो बे गुदि मुवानि महरबां।
कार्बननि मोननै महरबांआ जाबाय हिरा आरो ग्रेफाइड। हिरायाव मोनफ्रोम कार्बन गुन्द्राया गुबुन मोनब्रै कार्बन गुन्द्राजों रोजोबै अरजाबना आखान्थिब्रैआरि दाथाइ सोमजियो।
हिरानि दाथाइ (Book Page 61)
ग्रेफाइडआव मोनफ्रोम कार्बन गुन्द्राया गुबुन मोनथाम कार्बन गुन्द्राजों अरजाबना थोरफो थोरफोयै आखान्थिड आरि दाथाय सोमजियो।
ग्रेफाइडनि दाथाइ (Book Page 61)
सों 12. हिरा आरो ग्रेफाइडनि महरारि धोरोमनि फाराख लिर।
फिन : फाराख :–
(i) हिराया गोरासिन गोजों बेसाद। ग्रेफाइडआ गुरै, गोसोम जौंथि।
(ii) हिराया मोब्लिबनि गाजि दैदेनग्रा। ग्रेफाइडआ गाहाम दैदेनग्रा।
(iii) हिरानि रोजोबथिआ बारा। ग्रेफाइडनिआ खम।
सों 13. “ग्रेफाइडआ मोब्लिबनि मोजां दैदेनग्रा नाथाय हिराया नङा” मानो?
फिन : ग्रेफाइडआव खायसे अरजाबग्रा इलेक्ट्रनफोरा एरैनो गोरलै बोलोजों बण्ड सोमजिना थायो। बेफोर इलेक्ट्रनफोरा गोरलैयैनो एंगारना उदां जानो हागौ। बेनि जाहोनाव ग्रेफाइडआ मोजां मोब्लिब दैदेनग्रा। नाथाइ हिरायाव बेबादि उदां जानो हानाय इलेक्ट्रन गोयैलाय बेयो मोब्लिबनि गाज्रि दैदेनग्रा।
सों 14. हिराया मानो गोरासिन मुवा? बेनि बाहायथि लिर।
फिन : हिरायाव कार्बन-कार्बन गुन्द्राफोरजों खाथि खाथियै अरजाबलायना आखान्थिब्रैआरि दाथाय सोमजियो। बेनिखायनो हिराया जोबोद गोरासिन मुवा।
हिरानि बाहायथि :–
(i) हिराखौ गहेना हिसाबै बाहायो।
(ii) ग्लास हानाय खामानिआव बाहायो।
(iii) अन्थाय बुखावलांग्रा हिसाबै बाहायो।
सें : 15. फुलारेन्स फोरा मा ? मोनसे बिदिन्थि हो।
फिन : फुलारेन्सआ कार्बननि मोनसे महरबां। बिदिन्थि हिसाबै बाकमिन्सटार फुलारेन्सआ C-60 जों फुतबल (जोलुर) नि महराव दोजानाय कार्बननि मोनसे महरबां।
सोंनाय फरा बिजाबनि Page No. 61
1. कार्बन डाइअक्साइडनि इलेक्ट्रन फोथा दाथाइया मा जागोन जायनि फरमुलाया CO₂ ?
2. मोनदाइन सालफार गुन्द्रासाफोरजों दोजानाय सालफार गुन्द्रामानि इलेक्ट्रन फोथा दाथाइया मा जागोन? (इसारा : मोनदाइन सालफार गुन्द्रासाफोरा महराव नांजाबनानै थायो।)
सालफारनि मोन 8 गुन्द्रानि बेंखन महर अरजाबनाय।
Additional Questions & Answers
4.2 कार्बननि बां मोखाङारि आखु
सों 1. कार्बना मानो बांसिन अनजिमानि खौसे मुवा दायो? मोननै जाहोन हो।
फिन : कार्बना बांसिन अनजिमानि खौसे मुवा दानायनि जाहोन :–
(i) बियो ब्रै लोगो अरजावग्राथि।
(ii) बिहा जिनज्रि दानो हानाय धोरोम दं।
सों 2. आबुं जानाय आरो आबुं जायै खौसे माखौ बुङो?
फिन : जायफोर हाइड्र कार्बनआव कार्बन गुन्द्रासाफोरा गावजों गाव से बण्डनि हेफाजाबै अरजाबना थायो। बेफोरखौनो आबुं जानाय हाइड्रकार्बन खौसे बुङो। बे हाइड्रकार्बनफोरखौ एलकेन बुङो।
बिदिन्थि :
जायफोर हाइड्रकार्बनआव कार्बन-कार्बननि गेजेराव नै बण्ड एबा थाम बण्ड थायो, बेफोरखौ आबुं जायि हाइड्रकार्बन खौसे बुङो। नै बण्ड गोनां खौसेखौ एलकिन आरो धाम बण्ड गोनां खौसेखौ एलकाइन बुङो ।
सों 3. आबुं जानाय आरो आबुं जायै खौसेफोरनि फाराख लिर।
फिन : फाराख :–
(i) आबुं जानायनिख्रुइ आबुं जायै खौसेफोरनि सांग्रांथिआ बांसिन।
(ii) आबुं जानाय खौसेआव कार्बन-कार्बननि गेजेराव मोनसेल’ बण्ड थायो नाथाय आबुं जायै खौसेआव कार्बन-कार्बननि गेजेराव मोननै एबा मोनथाम बण्ड थायो।
सों 4. जिनजिथ्राइ आ मा? बेनि धोरोमा मा?
फिन : कार्बना गावसोरनि गेजेराव C-C बण्डनि हेफाजाबै जोबोत गोलाव जिनज्रि दानो हागौ। बे धोरोमखौ जिनज्रिथाइ बुङो।
जिनज्रिथाइनि जाहोनाव कार्बनआ गोलाव जिनज्रि, दालाय जिनज्रि एबा बेंखनारि जिनज्रि दानो हागौ।
सों 5. हाइड्रकार्बनफोरा मा? एलकेन, एलकिन आरो एलकाइन थाखोनि मोनफ्रोमनिबो मोनफायै बिदिन्थि हो।
फिन : कार्बन आरो हाइड्र ‘जेन थानाय खौसे मोनसेखौ हाइड्रकार्बन होननानै बुंनाय जायो।
बिदिन्थिफोर :
सों 6. मोनसे हाइड्रकार्बनहा मोनथाम कार्बन गुन्द्रा थायो । बिनि गुन्द्रामायारि फरमुला आरो दाथाय लिर जुदि बियो :–
(i) एलकेन
(ii) एलकिन
(iii) एलकाइन
सों 8. कार्बननि गोथों जिनज्रि दानो हानाय धोरोमा मा ? बिदिन्थि होना फोरमाय।
फिन : जिनज्रिथाइ, धोरोमनि थाखैनो कार्बना जिनज्रि खौसे दानो हायो। बे खौसेफोराव कार्बन गुन्द्रासाफोरा गावजों गाव मोनसेआ गुबुन मोनसेजों लोगो अरजाब बण्डनि हेफाजाबै अरजाबना गोलाव गोर्थों जिनज्रि दायो।
सों 9. आइस ‘मार ( Isomer) माखौ बुङो ? बिउटेननि आइसमारखौ दाथाइजों लोगोसे दिन्थि।
फिन : जायफोर खौसेनि गुन्द्रामायारि फरमुलाया एखे नाथाय बिसोरनि दाथाया जुदा जुदा, बेखौनो आइस ‘मार बुङो।
बिउटेननि आइस ‘मारः
सों 10. बेंखनारि कार्बनन खौसेआ मा? बिदिन्थि हो।
फिन : कार्बननि खायसे खौसेफोराव कार्बन गुन्द्राफोरा बेंखन महराव अरजाबलायना थायो।
सों 11. मावफुं गुदिथाइ माखौ बुङो? मोनबैसो मावफुं गुदिथाइनि हानजा आरो दिन्थिसिन लिर।
फिन : रोखोमसे नङि गुन्द्रासाफोरा एखुथायै एबा दोलोयै थायोब्ला बेफोरखौ मावफुं गुदिथाइ होननानै बुंनाय जायो।
मावफुं गुदिथाइफोरनि मुं आरो दिन्थिसिन :–
(i) एलकहल – OH
(ii) एलडिहाइड – CHO
(iii) किटन – > C =O
(iv) कार्बक्सिलिक एसिड –COOH
सों 12. गुबुन गुबुन मावफुं गुदिथाइनि मोनफायै खौसे मुवानि बिदिन्थि हो।
फिन : 1. एलकहल, बिदिन्थि : CH₂ OH (मिथानल)
2. एलडिहाइड बिदिन्थि : HCHO (मिथानेल)
3. किट’न विदिन्थि : CH₃COCH₃ (प्रपानल)
4. कार्ब ‘क्सिलिक एसिड, बिदिन्थि: HCOOH (मिथानइक एसिड)
सों 13. गोरोब खौसेआरि थाखो माखौ बुङो? बिसोरनि आखुथाइ लिर।
फिन : मोनफा गुन्द्रामायारि दिन्थि हांखोजों फोरमायनो हानाय एखे रासायनारि धोरोमगोनां जिबि खौसेफोरनि थाखोखौ गोरोब खौसेआरि थाखो बुङो।
आखुथाइफोर :
1. गोरोब खौसेआरि थाखो मोनसेनि गासैखौबो मोनफा गुन्द्रामायारि दिन्थि हांखोनि हेफाजाबै दिन्थिफुनो हायो।
2. गोरोब खौसेआरि थाखो मोनसेनि जायखि जाया खाथि खाथियै थानाय गुन्द्रामाया मोनसे कार्बन गुन्द्रासा आरो मोननै हाइड्रजेनजों फाराख जाना थायो।
3. मोनसे थाखोनि गोसैबो गुन्द्रामाया एखे रोखोमनि रासायनारि धोरोम दिन्थियो।
सों 14. एलकेन, एलकिन आरो एलकाइननि सरासनस्रा दिन्थि हांखो आरो आरो मोनब्रैयै फारि खौसेफोरनि मुं, दिन्थि हांखो लिर।
फिन :
गोरोब खौसे थाखो एलकेन एलकिन एलकाइन
सरासनस्रा दिन्थिहांखो CₙH₂ₙ+₂ CₙH₂ₙ CₙH₂ₙ-₂
एलकेन थाखो : मिथेन CH₄
इथेन C₂H₆
प्रपेन C₃ H₈
बिउटेन C₄H₁₀
एलकिन थाखो : इथिन C₂H₄
प्रपिन C₃H₆
बिउटिन C₄H₈
पेनटिन C₅H₁₀
एलकाइन थाखो : इथाइन C₂H₂
प्रपाइन C₃H₄
बिउटाइन C₄H₆
पेनटाइन C₅H₈
सों 15. एलकेन, एलकिन आरो एलकाइन गोरोब खौसेआरि थाखोआव गोग्लैनाथ खौसेफोरखौ सायख’–
सों 16. खायसे आबुं जानाय आरो आबुं जायै हाइड्र ‘कार्बननि मुं आरो फरमुलाखौ माबोरै दिन्थियो लिर।
फिन : गिबियावनो हाइड्र ‘कार्बननि थानाय कार्बननि अनजिमा हिसाबै मुंफोरखौ एरैबादि लिरो–
मोनसे कार्बन गोनां ‘मिथ’
मोननै कार्बन गोनां ‘इथ’
मोनथाम कार्बन गोनां ‘प्रप’
मोनब्रै कार्बन गोनां ‘बिउट’
मोनबा कार्बन गीनां ‘पेन्ट’
सों 17. गोथों जिनज्रि हाइड्र ‘कार्बन जेराव मोनसेल’ बण्ड गोनां, बेफोरो एलकेन गोरोब खौसे। बेखायनो बै कार्बननि अनजिमा दिन्थिनाय मुंजों लोगोसे (CH₄) ‘एन’ दाजाबदेरना खौसेनि मुंखौ फोरमायौ।
जेरै : मिथ + एन = मिथेन (CH₄)
इथ + एन = इथेन (C₂H₆)
प्रप + एन = प्रपेन (C₂H₈)
मोननै बण्ड गोनां आबुं नङैगोथों जिनज्रि हाइड्र ‘कार्बनफोरा एलकिन गोरोब खौसे। बेखायनो मुंजों लोगोसे इन दाजाबदेरना खौसे मुंखौ फोरमायो।
जेरै : इथ + इन = इथिन (C₂H₄)
प्रप + इन = प्रपिन (C₄H₈)
बिउट + इन = बिउटिन (C₄H₈)
मोनथाम बण्ड गोनां आबुं नङैगोथों जिनज्रि हाइड्र’कार्बनफोरा एलकाइन गोरोब खौसे। बेखायनो मुंजों लोगोसे “आइन” दाजाबदेरना खौसेनि मुंखौ फोरमायनाय जायो।
जेरै : इथ + आइन = इथाइन (C₂H₂)
प्रप + आइन = प्रपाइन (C₃H₄)
बिउट + आइन = बिउटाइन (C₄H₆)
सों 18. मावफुं गुदिथाइनि बिथिंआव खौसेनि मुंजों सिगां दाजाबदा एबा उन दाजाबदा होदेरना मुं होनाय जायो।
(i) हेल ‘जेन मावफुं गुदिथाइआव सिगां दाजाबदा क्ल ‘र एबा ब्रम’ बाहायो ।
जेरै :
(ii) एलडिहाइड मावफुं गुदिथाइआव गुन दाजाबदा एल होदेरना खौसेनि मुंखौ लिरनाय जायो।
सोंनाय फरा बिजाबनि Page No. 68
1. नोंसोर पेन्टिननि बेसेबां दाथाइआरि समान अरजाबथिनि सावगारि आखिनो हागौ?
फिन : पेन्टननि मोनथाम दाथायारि आइस ‘मारफोरा :
2. कार्बननि मोननै धोरोमफोरा मा मा जाय जोंनि सोरगिदिं नुनो मोननाय गोबां अनजिमानि कार्बन खौसेफोर सोमजिहोयो?
फिन : (i) ब्रै लोगो अरजाबग्राथि आरो
(ii) केतिनेसन धोरोमनि थाखै कार्बन खौसेफोरनि अनजिमाया गोबां।
3. साइक्ल पेन्टेननि फरमुला आरो इलेक्ट्रन फोथा दाथाइया मा जागोन?
4. गाहायाव होनाय खौसेफोरनि दाथाइ सावगारि आखि
(i) इथानइक एसिड
(ii) ब्रम पेन्टेन
(iii) बिउटानन
(iv) हेक्सानेल
3. ब्रम पेन्टेन
5. नोंसोर गाहायनि खौसेफोरखौ माबोरै में होगोन?
4.3 कार्बन खौसेफोरनि रासायनारि धोरोमफोर
Chemical Properties of Carbon Compounds
Additional Questions & Answers
सों 1. कार्बननि खामनाया मा? फिनजाथाइजों दिन्थि।
फिन : कार्बननि महरबांआरि महर आरो खौसेफोरा थोजासे अक्सिजेननि थासारिआव खामनानै कार्बनडाइ-अक्साइड, बिदुं आरो सोरां सोमजियो।
बिदिन्थि :
(i) C + O₂ → CO₂ + बिदुं + सोरां।
(ii) CH₄ + 2O₂ → CO₂ + 2H₂ O + बिदुं + सोरां।
(iii) CH₃ CH₂ OH + 3O₂ → 2CO₂ + 3H₂O + बिदुं + सोरां।
सों 2. आबुं जानाय आरो आबुं जायै हाइड्र ‘कार्बननि मादाव माबे मोजांसिन अरसालाय होयो?
फिन : आबुं जानाय हाइड्र ‘कार्बनआ गोजों अरसालाय होयो जेराव आबुं जायै हाइड्र’कार्बनआ गोसोम उखुन्दै गोनां गोमो अरसालाय होयो।
सों 3. गाहायनि माबे गोमो अरसालाय होना खामा?
CH₄ C₂H₄ एबा C₂H₂
फिन : CH₄ । बियो नीला गाबनि अरसालाय होयो।
सों 4. बन सावग्रा अरदाबाव मानो खुन्थिफोरनि गेजेराव लांदां दोनो? जाहोन हो।
फिन : बन सावग्रा अरदाबाव खुन्थिफोरनि गेजेराव लांदां दोनो जाहाते बेफोरनि गेजेरजों बारआ हाबो आरो खामनो थाखै अक्सिजेन मोनो।
सों 5. बिदिन्थि होना फोरमाय, खायसे मुवाफोरा मानो –
(i) अरसालाय होआबालानो खामो।
फिन : बन, सार्कलफोरा अर सावब्ला जागायजेननायाव ख ‘फ’ जाग्रा मुवाफोर खामनायनि जाहोनाव अरसालाय ओंखारो आरो उनाव गोजों अरखि जाखांना अरसालाय होआबालानो बिदुं होयो।
(ii) अरसालाय होना खामो।
फिन : मम, एल.पि. जि. गेसफोरा अरसालाय होना खामो। बेनि जाहोना बे बिथिंआव गेसारि मुवाफोरा खामो।
(iii) अरसालाय होयो आरो हांगार सोमजियो।
फिन : खामनाय समाव थोजासे अक्सिजेन / बार मोनाबोला हांगार गोनां उखुन्दै ओंखारो।
सों 6. खैलाया मा? बेखौं मानो बेगेंथाइ जनजाग्रा बुङो? बेनि गाहाइ थादेरसाया मा?
फिन : खैलाया रासायनारियै खौस एबा खोबथेनाय अबस्थायाव थानाय बायदि बायदि जखानि कार्बन गोनां गोब्राबथार जिबमुवा।
कौति कौति बोसोरनि सिगां जोबोद गुदुं आरो सिदोमा बारहावानि गोहोमाव बुहुमनि सा बाहागोआ गुदुं हाग्रामाजों बुंफबदोंमोन। नाथाय सम फारियाव मिथिंगायारि अलखदआव बेफोर बिफां लाइफांफोरा हा सिङाव फबजादोंमोन। हा-सिङाव दुंनाय, नारसिननाय, आरो बायदि बायदि जिबसानि जाथाइ जाहोनाय जाउनाव फबजानानै थानाय दंफांआ फारि गुस्लायनानै खैला सोमजियो। बेनिखायनो बेखौ रोखोमसे बेगेंथाइ जनजाग्रा बुङो।
बेनि गाहाय थादेरसाया जादों कार्बन।
सों 7. ज’ थाइनाय फिनजाथाइफोरा मा ? मोनसे बिदिन्थि हो।
फिन : आबुं जायि हाइड्र ‘कार्बनफोरा निकेल एबा पेलाडियाम बायदि थुनज्लायग्रानि थाथाइआव गोरलैयै हाइड्र ‘जेन अरजाबना आबुं हाइड्र ‘कार्बनसिम सोलायो । बेखौनो ज’ थाइनाय फिनजाथाइ बुङो।
बिदिन्थि :
सों 8. दोनखार फिनजाथाइफोरा मा ? मिथेनआ मोले साननि सोराङाव क्ल ‘रिनजों फिनजाथाइ खालामोब्ला मा सोमजियो?
फिन : जायफोर फिनजाथाइयाव हाइड्र ‘कार्बन जिनज्रिनिफ्राय मोनसे एबा बांसिन गुन्द्रासाखौ गुबुन गुन्द्रासानि हेफाजाबै दोनखारनो हायो बेफोर फिनजाथाइखौ दोनखारनाय फिनजाथाइ बुङो।
मिथेनआ मोले साननि सोराङाव क्ल ‘रिनजों फिनजाथाइ खालामनानै क्लर’ मिथेन सोमजियो।
सों 9. मोननै कार्बन खौसे A आरो B नि गुन्द्रामायारि फरमुलाया फारियै C₃H₈ आरो C₃H₆ मोननैनि माबे जथाइनाय फिनजाथाइ दिन्थिगोन? नोंनि फिनथिनि रासायनारि फिनजाथाइनि हेफाजाबै फोरमाय, ज’थाइनाय फिनजाथाइया माबोरै मैगं थाइगं, घिउ दारिमिनआव बाहायजाथाव?
फिन : C₃H₆ आ आबुं जायि हाइड्र ‘कार्बन आरो बियो जथाइनाय फिनजाथाइ दिन्थियो। बिदिन्थि हिसाबै C₃H₆ आ ब्रमिन एबा हाइड्र ‘जेन अरजाबो।
सेंनाय फरा बिजाबनि Page No. 71
सों 1. इथानलखौ इथान ‘यक एसिडसिम सोलायनाया मानो अक्सिजाबनाय फिनजाथाइ?
फिन : इथानलनिफ्राय इथानयिक एसिडसिम सोलायनाया जाबाय अक्सिजाबनाय, मानोना :
(i) इथानलजों खारैआरि पटासियाम पारमेंगानेट एबा एसिडआरि पटासियाम डाइक्रमेत बादि अक्सिजाबहोग्रानि जाहोनाव अक्सिजेन अरजाबो।
(ii) फिनजाथाइनि फिनजा मुवाफोरा CO₂ आरो दै नङा। आरोबाव बिंदु एबा सोरांबो सोमजिया।
सों 2. अक्सिजेन आरो इथाइननि ज ‘थाइखौ जालाइ होनायनि थाखाय सावनाय जायो। इथाइन आरो बारनि जथाइखौ मानो बाहायनाय जाया नोंसोर बुंनो हागोन ना?
फिन : इथाइन आरो अक्सिजेनआ गोबां बिदुं होयो जायखौ जालाय होनायाव बाहायो। नाथाय बाराव बैखौ सावोब्ला जेराव नाइट्रजेन आरो गुबुन सांग्रां नङै गेसारि थायो, थोजासे अक्सिजेन मोना आरो नांगौ जखानि बिदुं होनो हाया।
4.4 खायसे गोनां कार्बन खौसेफोर- इथानल आरो इथानयिक एसिड
Additional Questions & Answers
सों 1. इथानल आ मा? आनजादसालियाव बेखौ माबोरै बानायनो हायो?
फिन : इथानलआ जाबाय सरासनस्रायै मिथिजानाय एलकहल। बियो गासै जौआरि लोंग्रा बेसादति मोनफा गोख्रों थाफादेर हिसाबै थायो। बेनि दिन्थिसिनआ C₂H₅ OH आनजादसालियाव फसफ ‘रिक एसिडनि थादेरआव इथाइलिनखौ दैजों गलायदेरोब्ला इथानल सोमजियो।
सों 2. इथानलनि धोरोम आरो बाहायथि लिर।
फिन : धोरोम :–
(i) इथानलआ सरासनस्रा बिदुंआव लाव लाव।
(ii) इथानलआ दैआव जायखि जाया रुजुधाइयावनो गलियो।
(iii) सडियामजों फिनजाथाइ जाना एलकहलआ हाइड्रजेन सोमजिहोयो।
(iv) बिसोरो हाइड्रकार्बन बायदि खामो।
बाहायथि :
(v) बेखौ फेग्रा लोंनाय बेसाद, जेरै – हुइस्कि, जौ, बियार आरो गुबुन गुबुन लोंग्रा हिसाबै बाहायो ।
(vi) बेखौ मुलै, गाब बायदिफोरावबो बाहायो।
(vii) बेखौ खाम मुवा हिसाबै बाहायो।
(vii) बिखौं जिबारि खौसेफोरनि गलिहोग्रा हिसाबै बाहायो।
सों 3. बांद्राय एलकहल बाहायनायनि गाज्रि फिथाइया मा?
फिन : बांद्राय एलकहल बाहायनायाव देहानि गोबां जेंना नुजाथियो।
(i) बे फेग्रा बेसादखौ लोंब्ला मोजां गाज्रि साननो हायै जायो।
(ii) बांद्राय लोंनाया संफ्लखौ गाज्रि खालामो आरो थैनाय लामासिम नारथ्रोदना हरो।
(iii) बेखौ लोंग्राया लोङा बालानो थानो हायै जायो।
(iv) नखरनि रांआरि बिथिंखौ सिलिंखार खालामो।
सों 4. एलकहल माखौ बुङो?
फिन : इथानलआ जाबाय मोनसे गोनां दारिमिनारि गलिहोग्रा। इथानलनि गाज्रि बाहायथिखौ होबथानो, मिथाइल एलकहल आरो गाब गोनां मुवा कपार सालफेत बाइदिखौ गलायना लोंथावै बादि बिस गोनां खालामना लाखिनाय जायो। बेखौनो मिथिंगायारि नङि (Denatured) एलकहल बुङो।
सों 5. मा जायो लिर, जेब्ला सडियामआ इथाइल एलकहलजों फिनजाथाइ जायो?
फिन : जेब्ला सडियाम धातु थुख्रा मोनसे इथाइल एलकहलआव सोमब्रना होनाय जायो अब्ला गोख्रों जाथाय जायो आरो हाइड्रजेन गेस सोमजियो।
2C₂H₅OH + 2Na → 2C₂H₅ONa + H₂
इथाइल एलकहल सडियाम धातु सडियाम इथक्साइड हाइड्रजेन गेस
सों 6. इथान ‘यिक एसिडनि गुबुन मुङा मा? बेनि दिन्थिसिन (फरमुला) खौ लिर।
फिन : इथान ‘यिक एसिडनि गुबुन मुङा एसिटिक एसिड। बेनि फरमुलाया CH₃ COOH
सों 7. मोनसे एलकहल जायनि गुन्द्रामायारि फरमुलाया C₂H₂O, बेखौ एसिटिक एसिड आरो गोसा सालफिउरिक एसिडजों फुदुङोब्ला मोनसे गोजोनथाव मोदोमनाय खौसे सोमजियो :
(i) जाथाय जानायखौ दिन्थिनो रासायनारि फिनजाथायखौ लिर।
(ii) फिनजाथायआव सोमजिनाय मुवाफोरनि मुं हो।
फिन : C₂H₆O (इथाइल एलकहल) आ गोसा सालफिउरिक एसिडनि थाफादेरआव एसिटिक एसिड (CH₃OOH) जों जाथाय जाना मोदोमग्रा खौसे एसटार (इथाइल एसितेट) सोमजियो।
सों 8. इथान ‘यिक एसिडनि बाहायथिखौ फोरमाय।
फिन : इथान ‘यिक एसिड एबा एसिटिक एसिडनि बाहायथि :
(i) बेखौ आसार बानायनायाव भिनेगार हिसाबै बाहायो।
(ii) खर’ सानायाव बाहायनाय एसपिरिन बानायनायाव बाहायो।
(iii) मोनसे गोनां मिजि (खुन्दुं) सेलुलज एसिटेत बानायनायाव बाहायो।
(iv) फां बुन्दैनिफ्राय लाथा खाहोना राबार सोमजि होनायाव बेखौ बाहायो।
सों 9. सापनिफेकेसन माखौ बङो? बेनि फिनजाथाइखौ हो।
फिन : एसटारखौ सडियाम हाइड्रक्साइड (खारदै) जों गलायनायाव एलकहल आरो काब ‘लिक एसिडनि संख्रि सोमजिनाय मुवाखौ साबोन बानायनायाव बाहायो। बेखायनो बे फिनजाथाइखौ सापनिफिकेसन बुङो।
CH₃COOC₂H₅ C₂H₅OH + CH₃COONa
सों 10. इसटेरिफिकेसन माखौ बुङो ? बेखौ फोरमायनो मोनसे रासायनारि समानथाड हो।
फिन : एसटारफोरा गोजोनथाव मोदोमग्रा मुवा। बेफोरखौ मोदोमफ्रुग्रा मुवा आरो थावहोग्रा थान्दै महरै बाहायो।
एलकहलखौ गोसा सालफिउरिक एसिडनि थाफादेरआव कार्बक्जेलिक एसिदजों फुदुंब्ला एसटार सोमजियो। बेखौनो एसटारिफिकेसन बुङो।
CH₃ COOH + C₂H₅OH → CH₃COOC₂H + H₂O
एसिटिक एसिड इनाइल एलकहल इथाइल एसिटेट एबा एसटार
सों 11. एसटारआ एसिड आरो खारदै जों फिनजाथाइ जाना मा सोमजियो ? फिनजाथाइ लिर।
फिन: एसटारआ एसिड एबा खारदैजों फिनजाथाइ जाना एलकहल आरो कार्बक्जेलिक एसिड खौसे सोमजिहोयो।
CH₃COOC₂H₅ + NaOH/HOI → CH₃COOH + C₅H₅ OH
सोंनाय फरा बिजाबनि
सों 1. नोंसोर एलकहल आरो कार्बअक्सिलिक एसिडनि गेजेराव फारागखौ माबोरै आनजादजों दिन्थिनो?
फिननाय :
| आनजाद | एलकहल | कार्ब ‘क्जिलिक एसिड |
| 1. लिटमास आनजाद 2. सडियाम कार्बनेट 3. सडियाम धातु आनजाद | जेबो गाब सोलाया जाथाय जाया H₂ आ बुद बुद फेंफोना सोमजिना ओंखारबोयो। | निल लिटमासगलिलावआ गोजा जायो। गोख्रैयै बुद बुद फेंफोना सोमजियो। H₂ सोमजियो नाथाय फेंफोना सोमजिया |
सों 2. अक्सिजाबग्रा मुवाफोरा मा?
फिन : अक्सिजाबग्रा थान्दैआ गुबुन मुवाफोरनो अक्सिजेन होग्रा मुवा। बिदिन्थि हिसाबै खारदैआरि पटासियाम पारमांगानेट एबा एसिडआरि पटासियाम डाइक्रमेतआ अक्सिजेन होनानै एलकहलखौ कार्ब’अकिसेलिक एसिडसिम सोलायो।
4.5 साबोन आरो डिटारजेन्ट Soap and Detergents
Additional Questions & Answers
सों 1. साबोननि साफा खालामनाय मावखान्थिखौ देखेव।
फिन : साबोन एबा गोजों खालामग्राफ्रा (Detergent) रोखा धोरोम गोनां मोननै बाहागोजों दाजानाय। मोनसे बाहागो एबा खरआ गिदिर हाइड्रकार्बन जथायजों दाजानाय जाय हाइड्रफबिक (दै गग्रा)। गुबुन बाहागो एबा खरआ दानखथाय सार्ज गोनां जाय हाइड्रफिलिक (दै अनसायग्रा)। जेब्ला दैजों साबोन फोनांनाय जायो, बियो थार गलिलाव सोमजिया नाथाय बियो एरैबादि गोसारो जाहाते बिनि दानखथाय खरआ दैआव आरो हाइड्रफबिक बाहागोआ दैनि बायजोआव ओंखारना थायो। दै सिङाव, बियो गुन्द्रामाफोरनि थुबर सोमजिहोयो जेराव हाइड्रफबिक खरआ थुबुरनि इसिंआव आरो आयनारि खरआ थुब्रानि सा बाहागोआव थायो। बेबादि सोमजिनायखौ सेरेब हानजा (Micelles) बुङो।
बे बादिनो साबोना सेरेब हानजा (Micelles) सोमजि होनाय थाखाय मैला एबा थावआरि जिनिरफोरखौ साफा खालामनो हायो जिहेतु बे मैलाफोरा सैरेब हानजा (Micelles) नि इसिं बाहागोआव बोनथुम जायो। सेरेब हानजा (Micelles) गलिलावआव लाथा महराव (Colloid) थायो आरो बियो आयन आयन नारगारलायनाय जाहोनाव जयै दाखा जाफिना । बेबादि मैलाफोरा सेरेब हानजा (Micelles) महराव थायो आरो साफा खालामगारजायो ।
सों 2. सेरेब हानजा (Micelles) फोरा मा? सेरेब हानजा सोमजिनाया सि जोम साफा खालामनायाव माबोर हेफाजाब खालामो? एबा साबोननि साफा खालामनाय मावखान्थिखौ बेखेव।
फिन : साबोन एबा गोजों खालामग्राफ्रा (Detergent) रोखा धोरोम गोनां मोननै बाहागोजों दाजानाय। मोनसे बाहागो एबा खर’ आ गिदिर हाइड्र’कार्बन ज’ थायजों दाजानाय। जाय हाइड्रफबिक (दै नारखारग्रा)। गुबुन बाहागो एबा खर’ आ दानख ‘थाय सार्ज गोनां जाय हाइड्रफिलिक (दै मोजां मोनग्रा)। जेब्ला दैजों साबोन फोनांनाय जायो, बियो थार गलिलाव सोमजिया नाथाय बियो एरैबादि गोसारो जाहाते बिनि दानखथाय खरआ दैआव आरो हाइड्रफबिक बाहागोआ दैनि बायजोआव ओंखारना थायो। दै सिङाव, बियो गुन्द्रामाफोरनि थुबुर सोमजिहोयो जेराव हाइड्रफबिक खरआ थुबुरनि इसिंआव आरो आयनारि खरआ थुब्रानि सा बाहागोआव थायो। बेबादि सोमजिनायखौ सैरेब हानजा (Micelles) बुङो।
बे बादिनो साबोना सेरेब हानजा (Micelles) सोमजि होनाय थाखाय मैला एबा थावआरि जिनिरफोरखौ साफा खालामनो हायो जिहेतु बे मैलाफोरा सेरेब हानजा (Micelles) नि इसिं बाहागोआव बोनथुम जायो। सेरेब हानजा (Micelles) गलिलावआव लाथा महराव (Colloid) थायो आरो बियो आयन आयन नारगारलायनाय जाहोनाव ज ‘यै दाखा जाफिना। बेबादि मैलाफोरा सेरेब हानजा (Micelles) महराव थायो आरो साफा खालामगारजायो।
सों 3. डिटरजेन्ट (Detergent) फोरा रासायनारि बादियै मा? डिटारजेन्टफोरा गोरा दैआवब्लाबो मानो साबसिन साफा खालामग्रा थान्दै?
फिन : सरासनस्रायै डितारजेन्टफोरा गोलाव जिनज्रि कार्बअक्सिलिक एसिदनि एम ‘नियाम एबा सालफ ‘नेट संख्रि।
बेनि सार्ज गोनां खर ‘आ गोरा दैआव केलसियाम आरो मेगनेसियाम आयनजों गलियै दाखा सोमजि होआ। बेबादिनो बिसोरो गोरा दैआवबो गोहोम खोख्लैयो।
सों 4. साबोना मानो गोरा दैआव फेंफोना सोमजिया?
एबा
साबोना गोरा दैआव फेंफोनानि अनगा मानो गेदा (मैला) सोमजिहोयो?
फिन : गोस दैआव केलसियाम आरो मेगनेसियाम आयनफोरा थायो। बिसोरो साबोनजों फिनजाथाइ जाना गलियै केलसियाम एबि मेगनेसियाम साबोन सोमजियो जाय थावआरि आथा-सिथा बेसाद जायनि जाहोनाव फेंफोना सोमजिया।
Ca²⁺ + 2C₁₇H₃₅COONa (C₁₇H₃₅COO)₂Ca + 2Na⁺
आथा-सिथा बेसाद
सोंनाय फरा बिजाबनि Page No. 76
सों 1. डिटारजेन्ट बाहायनानै गोरा दैखौ नोंसोर आनजाद नायनो हागोन ना?
फिन : हाया। मानोना डिटारजेन्टआ गुरै दै एबा गोरा दै मोननैआवबो समानै गोहोम खोख्लैयो।
सों 2. मानसिफोरा सि-जोम सुस्रांनो थाखाय गुबुन गुबुन आदब बाहायो। सरासनस्रायै साबोन होखांनायनि उनाव बिसोर अन्थाइयाव बुयो एबा बेखौ बैथाजों बुयो, ब्रासजों हुख ‘यो एबा वासिं मेसिनाव गलाइ मुवाजों जांख्रिनानै होयो। साखोन-सिखोन सि-जोमफोर मोननो थाखाय मानो जांख्रिनायनि गोनांथि जायो?
फिन : साबोना मैलाफोरखौ गोबा-गोबा थोरफो खालामना होखारो। बेनि थाखै माइसेलनि माखासे थोरफो दाना मैलाखौ होखारनो हानायबादि सि-जोमखौ गोबाव सम सोमावग्लुंनांगों एबा संसेब नांगौ।
सोंथि बिदां
सों 1. C₂H₆ गुन्द्रामायारि फरमुला गोनां इथेनाव दं।
(a) 6 लोगोआरजाब बण्डफोर।
(b) 7 लोगो अरजाब बण्डफोर।
(c) 8 लोगो अरजाब बण्डफोर।
(d) 9 लोगो अरजाब बण्डफोर।
फिन : (b) 7 लोगो अरजाब बण्डफोर।
सों 2. ब्रै कार्बनगोनां बिउटान ‘ननि मावफुंगुदिथाइया जाबाय।
(a) कार्बअक्सिलिक एसिड।
(b) एलडिहाइड।
(c) किटन।
(d) एलकहल।
फिन : (c) ketone किटन l
सों 3. संनायाव संग्रा आइजेंनि थालानि बायजोआव गोसोम जानायनि ओंथिया जाबाय।
(a) जामुंआ आबुंयै संजायाखै।
(b) जनजाग्राया आबुंयै खामजोबाखै।
(c) जनजाग्राया गिसि
(d) जनजाग्राया आबुंयै खामजोबदों।
फिन : (b) जनजाग्राया आबुंयै खामजोबाखै।
सों 4. CH₃ CI आव सोमजिनाय बण्डखौ बाहायनानै लोगो अरजाब बण्डनि आखुखौ बेखेव।
फिन : CH₃CI नि कार्बन गुन्द्रायाव थानाय पानब्रै अरजाबग्रा इलेक्ट्रननि मोनथामजों मोनथाम हाइड्र ‘जेनआ इलेकट्रन रानसारलायना लोगो अरजाब बण्ड दायो आरो कार्बननि ब्रैथि अरजाबग्रा इलेक्ट्रनजों क्ल ‘रिना गावनि मोनसे अरजाबग्रा इलेक्ट्रनजों रानसारलायना लोगो अरजाब बण्ड दाना गोरोब रुबुं जायो ।
सों 6. गोरोबखौसेयारि थाखोआ मा? मोनसे बिदिन्थिजों बेखेव।
फिन : मोनसे गोरोब खौसे थाखोआ मोनसे खौसेनि हानजा जायफोरहा एखे मावफुं गुदिथाय थायो नाथाय गुबुन गुबुन जिनज्रि दाथाय गोनां। मोनसे गोरोब खौसे थाखोहा समान रासायनारि धोरोम गोनां नाथाय महरारि धोरोमफोरा जुदा जुदा।
बिदिन्थि : CH₃ OH, C₂H₅OH, C₃H₇OH, C₄H₉OH
रोखोमसे गोरोब खौसे थाखो।
सों 7. इथानल आरो इथानयिक एसिडखौ बेसोरनि महरारि आरो रासायनारि धोरोमफोरखौ बिथा खालामनानै माबोरै फाराग दिन्थिनो हायो?
फिन :
| आनजाद | इथानल | इथान ‘यिक एसिड |
| 1. लिटमास आनजाद 2. सडियाम बाइकार्बनेट 3. सडियाम धातु आनजाद | जेबो सोलाया जेबो गांथफा सोमजियो H₂ ओंखारनागांथफा सोमजिगोन | निल लिटमासखौ गोजा खालामो । CO₂ ओंखारना गांथफा सोमजियो । H₂ सोमजियो नाथाय गांथफा जाया। |
सों 8. दैआव साबोन होदेरोब्ला सेरेब हानजा (micelle) या मानो सोमजियो? इथानल बादि गुबुन गलिहोग्राफोरावबो सेरेब हानजा सोमजिगोन नामा?
फिन : साबोननि गुन्द्रामाफोरा गोलाव जिनज्रि कार्बअ ‘क्जिलिक एसिडनि सडियाम आरो पटासियाम संख्रिफोर l साबोननि एसिड जोबथा खरआ दैआव गलियो जेराव कार्बन जिनज्रिआ थावआव ग ‘लियो। जेब्ला साबोन खारै दैयाव दाजाबो हाइड्रफिलिक (एसिड खर’) खर ‘आ दै साओं गोरोब फायो आरो हाइड्रफबिक खर’ (कार्बन जिनज्रि) दैनि सायाव थायो। बे गुन्द्रामानि हानजाया जेराव हाइड्रफबिक खरआ हानजानि इसिं बाहागोआव आरो आयनारि खर ‘आ थुब्रानि सा बाहागोआव थायो जायखौ सेरेब हानजा (Micelle) बुङो। बेबादि सेरेब हानजा (Micelle) आ गुबुन गलिहोग्रा इथानल (जेराव फेति एसिडनि सडियाम संख्रिआ गलिया) आव सोमजिया।
सों 9. कार्बन आरो बेनि खौसेफोरखौ गोबां खामानियावनो मानो जनजाग्रा हिसाबै बाहायनाय जायो?
फिन : कार्बन आरो बेनि खौसेफोरा मोनफ्रोम सानगुदि लिरथायआव गोबां बिबांनि बिदुं होयो आरो बेखायनो बेफोरखौ गोबां खामानिआव बाहायो ।
सों 10. गोरा दैआव साबोन होदेरनायाव सोमजिनाय सामनिनि सोमोन्दै बेखेव।
फिन : गोरा दैआव Ca आरो Mg संख्रि थायो। साबोन (कार्बअक्जिलिक एसिड) जों Ca आरो Mg आ फिनजाथाइ जाना स्काम मुंनि गलियै बेसाद सोमजियो।
सों 11. नोंसोर साबोनखौ लिटमास खाखोर (गोजा आरो नीला) जों आनुजाद नायोब्ला मा सोलायनाय नुनो मोनगोन?
फिन : गोजा लिटमासआ निल गाबसिम सोलायो मानोना साबोनआ खारदैआरि।
सों 12. हाइड्र ‘जेन दाजाबदेरनाया मा? बेनि दारिमिनारि बाहायनाया मा?
फिन : गोरोबै रुबुं हाइड्र ‘कार्बनजों केटालिष्टनि थाफादेरआव हाइड्रजेन दाजाबदेरनायखौ हाइड्रजेनेसन बुङो।
दारिमिनारि बाहायथि : मैगं थाइगंनि थावफोरा गोरोबै रुबुं गोलाव कार्बननि जिनज्रि गोनां। बेफोरो निकेल केटालिष्टनि थाफादेरआव हाइड्रजेनेसन जाना गोरोब रुबुं कार्बन जिनज्रिसिम सालायो जायफोरा जिउआरिनि मेजेम एबा घिउ। बेबादिनो हाइड्रजेनेसन खालामना मिथिंगायाव मोननाय मैगं-थाइगंनि थावनिफ्राय दारिमिनफोराव घिउ बानायनाय जायो ।
सों 13. गाहायनि माबे हाइड्र ‘कार्बनफोरा ज ‘थायनाय फिनजाथाइ।
दिन्थियो : C₂H₆, C₃H₈, C₃H₆, C₂H₂ आरो CH₄
फिन : C₃H₆ आरो C₂H₂
सों 14. माखन आरो संनाय थावनि गेजेराव रासायनारि फाराग दिन्थिनो ‘हानाय मोनसे आनजाद मख’।
फिन : संग्रा थावआ गोरोबै रुबुं हाइड्र ‘कार्बन जेराव माखनआ गोरोब रुबुं हाइड्रकार्बन। गोरोबै रुबुं हाइड्रकार्बनजों थरथिंसे ब्रमिन दाजाबदेरब्ला ब्रमिननि जारें गाबआ गोमालाङो जेराव गोरोब रुबुं हाइड्रकार्बन आरो ब्रमिनजों जेबो जाथाइ जाया। बेखायनो जेब्ला संग्रा थावआव ब्रमिन दाजाबदेरब्ला गाबआ गोमालाङो नाथाय माखनआव ब्रमिन दाजाबदेरब्ला जारोम जायो।
सों 15. साबोननि सुस्रानाय खामानिखौ बेखेव।
फिन : साबोनआ दैआव सेरेब हानजा (micelle) सोमजिहोयो। थावआरि मैलाफोरा सेरेब हानजानि मिरुआव/ इसिंआव नांजाबना थायो। सेरेब हानजाफोरा गावजोंगाव नांजाबलाया आरो आयनजों आयन नारगारलायनाय जाहोनाव बिसोरी फाराख जाना थायो। मैला थाफादेरनाय सेरेब हानजाफोरा गलिलावआव कलयड जाना थायो आरो बिफोरो गोरलैयै सुगार जायो।
MULTIPLE CHOICE QUESTIONS
1. गाहायनि बबे खौसेआ हाइड्रंकार्बन नङा ?
(क) R-CH₃
(ख) RCH=CH₂
(ग) RCH₂ OH
(घ) CH₃ CH=Cu₂
फिन : (ग) RCH₂ OH.
2. एलकेनआ बाहागो लानाय मोनसेल’ फिन जाथाइया जादों–
(क) बां दाजाबारि फिनजाथाइ।
(ख) ज ‘थाइनाय फिनजाथाइ।
(ग) दोनखारनाय फिनजाथाइ।
(घ) अक्सिजाब-अक्सिगार फिनजाथाइ।
फिन : (ग) दोनखारनाय फिनजाथाइ।
3. आबुं जानाय हाइड्रकार्बनाव थानाय बण्डफोरा जादों–
(क) से-आरो नै बण्ड।
(ख) नै बण्ड ल’।
(ग) से बण्ड ल’।
(घ) से आरो थाम बण्ड।
फिन : (ग) से बण्ड ल’।
4. एलकिनफोरनि सरासनस्रा गुन्द्रामायारि दिन्थिहांखोआ जादों–
(क) Cn H₂ₙ⁻₂
(ख) CnH₂ₙ
(ग) CnH₂ₙ⁺₂
(घ) CnH₂ₙ⁻₃
फिन : (ख) CnH₂ₙ ।
5. मिथेननि C-H बण्डफोरा दिग मोखां जानानै थायो–
(क) मोनसे घनक।
(ख) मोनसे लिग दब्लाइ।
(ग) मोनसे ब्रै खलबाव।
(घ) मोनसे आयत दब्लाइनि ख ‘ना मोनब्रैनि फारसे।
फिन : (ग) मोनसे ब्रै खलबाव।
6. गाहायनि माबे जराया आइस ‘मार नडा।
(क) n- बिउटेन आइस बिउटेन।
(ख) n- पेनटेन आरो निअपेनटेन।
(ग) 1- बिउटाइन आरो 2- बिउटाइन।
(घ) प्रपेन आरो मिथाइन प्रपेन।
फिन : (घ) प्रपेन आरो मिथाइन प्रपेन।
7. गाहायाव होनायफोरनि माबे खौसेया गोदै मोनामनाय गोनां?
(क) CH₃ CH₂ CH₂ OH
(ख) CH₃CH₂X
(ग) CH₃ CH₂ COOH
(घ) CH₃ COOC₂H₅
फिन : (ग) CH₃ CH₂ COOH.
8. गाहायनि माबे क्लरिनजों दोनखार फिनजाथाइ जायो?
(क) CH₃CH₃
(ख) CH₂=CH₂
(ग) CH=CH
(घ) CH₃C=CH
फिन : (क) CH₃CH₃।
9. इष्टार खौसेखौ सायख’
फिन : (क)।
10. गाहायनि माबे खौसेखौ पेट्रलजों गलायो आरो मटर गारिफोराव जनजाग्रा हिसाबै बाहायो?
(क) इथिन।
(ख) इथान ‘ल।
(ग) इथानेल।
(घ) एसितन।
फिन : (ख) इथान ‘ल।
| Chapter No. | CONTENTS |
| खोन्दो – 1 | रासायनारि फिनजाथाइ आरो समानथाइ |
| खोन्दो – 2 | एसिद, खारदै आरो संखि |
| खोन्दो – 3 | धातु आरो धातुनडिफोर |
| खोन्दो – 4 | कार्बन आरो बेनि खौसेमुवाफोर |
| खोन्दो – 5 | गुदि मुवाफोरनि आन्थोरारि थाखोराननाय |
| खोन्दो – 6 | जिउ बिखान्थि |
| खोन्दो – 7 | सामलायनाय आरो लोब्बा लाखिनाय |
| खोन्दो – 8 | जिबफोरा माबोरै आजायो |
| खोन्दो – 9 | फोलेरफारि आरो फारि जौगानाय |
| खोन्दो – 10 | सोरां-रिफिनाय आरो रिफिख ‘ननाय |
| खोन्दो – 11 | मानसिनि मेगन आरो रंगिना-संगिना बुहुम |
| खोन्दो – 12 | मोब्लिब गोहो |
| खोन्दो – 13 | मोब्लिब दाहारनि सुम्बकारि गोहोम |
| खोन्दो – 14 | शक्टिनि फुंखाफोर |
| खोन्दो – 15 | जोंनि आबहावा |
| खोन्दो – 16 | मिथिंगायारि सम्पदनि सामलायनाय |
SEBA Class 10 Science Question Answer In Bodo Chapter 4 in Bodo Medium | Bodomedium Class 10 General Science notes इस पोस्ट में हम आपको ये समझा ने कि कोशिश की है की Bodo Medium Class 10 Science Question answer | SEBA Class 10 Science Question Answer In Bodo Chapter 4 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।