SEBA Class 10 Science Question Answer In Bodo Chapter 7 सामलायनाय आरो लोब्बा लाखिनाय | Control and Coordination | Class 10 Science Question Answer in Bodo As Per New Syllabus to each Chapter is provided in the list of SCERT, NCERT, SEBA Class 10 Science Chapter 7 Question Answer/Class 10 Science Chapter 7 Notes In Bodo.
Class 10 Science Chapter 7 सामलायनाय आरो लोब्बा लाखिनाय
SEBA Class 10 Science Notes Chapter 7 In Bodo सामलायनाय आरो लोब्बा लाखिनाय Science Guide for Class 10th Chapter 7 In Bodo. Also Same NCERT Solutions for Class 10 Science इस पोस्ट में हम आपको ये समझा ने कि कोशिश की है की Class 10 Science Question Answer Chapter 7 in Bodo. अगर आप एक सात्र या शिक्षाक हो बोडो मीडियम की, तो आपके लिए ये बोहत लाभदायक हो सकता है।
फरा 7 सामलायनाय आरो लोब्बा लाखिनाय
Chapter 7 Control and Coordination
Additional Questions
7.1 जिउआरिफोर बिसोम बिखान्थि
सों 1. हमथाग्रा अंगआ मा? मानसिनि हमथाग्रा एबा आजावग्रा अंगफोरनि खामानिखौ लिर।
फिन : सोलायस्लु आबहावानि सोमोन्दै मिथिनो एबा बायदि रोखोम जाखांनायखौ मोनदांनो सोलेराव खायसे मिथिहोग्रा जिबख्रि एबा अंग थायो। बेफोरखौ हमथाग्रा एबा आजावग्रा अंग बुङो।
मानसिनि हमथाग्रा अंगफोर आरो खामानि :–
(i) गन्थं- मोनामनाय मोनदांहोग्रा।
(ii) सालाय- थावनाय मोनदांहोग्रा।
(iii) खोमा- सोदोब मोनदांहोग्रा।
(iv) मेगन- सोरां मोनदांहोग्रा।
(v) बिगुर- बाहेरा नांजाबनाय मोनदांहोग्रा।
सों 2. आजावग्रा अंगफोरा थियै खामानि मावाब्ला मा जेंना नुजानो हागौ?
फिन : आजावग्रा अंगोफोरा आबहावानि बायदि सोलायथि मिथिहोयो। जोंनि आजावग्रा आंगोआ मिथिहोनाय बादि सोलेरा बेनि फिनथाइ होयो। बेफोर आजावग्रा आंगोआ थियै खामानि मावाब्ला जोंनि सोलेरा गिख्रंव खैफोदजों मोगा मोगि जानांगौ जागोन। बिदिन्थि हिसाबै माब्लाबा गुदुं बेसादखौ दांफ्लांनायखौ मोनदङाब्ला एबा आजावनो हायाब्ला जोंनि आखाया खामलांनो हागौ।
सों 3. बिसोम जिबख्रिनि माबे दाथाइया बिसोम मोनदांथि दैदेननायाव मदत खालामो–
(i) जिबख्रि मोदोमसिम।
(ii) मोदोमनि जोबथासिम।
एबा
डेनड्राइट आरो एक्सननि बिफावफोरा मा?
फिन : (i) डेनड्राइटआ मोनदांथिखौ जिबख्रि मोदोमसिम दैदेनो। बियो मोनदांथिखौ साइनेपसनि गेजेरजों गुबुन बिसोम जिबख्रिनि एक्सननिफ्राय मोनो।
(ii) एक्सनआ मोनदांथिखौ मोदोमनि जोबथासिम थांहोयो। बेनि मोनदांथिआ गुबुन बिसोम जिबख्रिसि साइनेपसनि गेजेरजों थाङो।
सों 4. मोनसे बिसोम जिबख्रिनि सावगारि आखिना बाहागोफोरखौ सिनायथि हो। आरो गाहायनिफोरखौ फिन हो–
(i) बबेयाव खौरांखौ मोननाय जायो?
(ii) माबेनि गेजेरजों खौरांआ मोनसे मोब्लिबारि मोनदांथि बादि दावबायो आरो
(iii) बबेयाव बे मोनदांथिखौ आवगायथिं दैथाय हरनायनि थाखाय मोनसे रासायनारि इसारासिम सोलायथारनांगौ।
फिन :
(i) डेनड्राइटनि खर ‘आव खौरांखौं मोनो।
(ii) जिबख्रि मोदोमनि गेजेरजों एक्सनसिम आरो एक्सननि जोबथा खर ‘सिम मोब्लिब इसारानि गेजेरजों खौरां रोगायो, बेखौ बिसोम मोनदांथि बुङो।
(iii) एक्सननि जोबथायाव मोब्लिबारि मोनदांथिआ माखासे रासायनफोर ओंखारहोयो। बेफोर रासायनफोरा लांदां जायगा साइनेपसखौ बारलाङो आरो उननि बिसोम जिबख्रि (neuron) नि मोनसे डेनड्राइटआव एखे रोखोमनि मोब्लिब मोनदांथिआ जागायो।
सों 5. साइनेपसफोरा मा?
फिन : मोननै खाथि खाथि थानाय बिसोम जिबख्रिफोरनि गेजेराव जोबोद गुसेब फाग एबा लांदां थायो, बेखौ साइनेपस बुङो।
सों 6. गाव मावफुंनाया मा ? हारसिं जाखांनाय जाथाइनि मोननै बिदिन्थि हो।
फिन : गाव मावफुंनाया जाबाय मोनसे जोबोद गोरलै एबा अरायथा आखुथाइ जेराव मेलेमनि थिननाय एबा सामलायनाय नङाबालानो, रोखोमसे मेवखांनायनि फारसे मोनफ्रोमबो समावनो रोखोमसे फिनजाथाइ सोमजिनाय जायो।
गाव मावफुंनाय जाथाइनि मोननै बिदिन्थि :–
(i) गुदुं प्लेटआव आखाय नांब्ला हरखाबै आखायखौ बोखारना लाबोनाये।
(ii) जामुंनि मोदोमफ्रु मोदोमनायाव खुदै ग ‘नाय।
सों 7. मानसिनि बिसोम बिखान्थिनि गाहाय बाहागोफोरखौ लिर।
फिन : मानसिनि बिसोम बिखान्थिनि गाहाय बाहागोफोरा जाबाय :–
(i) मिरु बिसोम बिखान्थि (Central nervous system)
(ii) साग्लोबनाय बिसोम बिखान्थि (Peripheral nervous system)
(iii) गाव मावफुंग्रा बिसोम बिखान्थि (Autonomic nervous system)
सों 8. मिरु बिसोम बिखान्थिआ मा? बेनि खामानिखौ लिर।
फिन : मेलेम आरो मेरु दुरुं लोगो नांनानै सोमजिनाय बिखान्थिआनो जाबाय मिरु बिसोम बिखान्थि।
बेसोरो सोलेरनि गासिबो बाहागोनिफ्राय खौरांखौ आजावो आरो बेखौ खौसे खालामो।
सों 9. साग्लोबनाय बिसोम बिखान्थिआव थानाय बिसोमफोरा मा मा? बियो मा खामानि मावो?
फिन : साग्लोबनाय बिसोम बिखान्थिआव थानाय बिसोमफोरा जाबाय क्रेनियल बिसोम आरो मिरु दिरुंनिफ्राय ओंखारबोनाय मिरु बिसोम। बिसोर मोननैबो मेवखांनाय दैदेनग्रा आरो बिथोन दैदेनग्रा बिसोम जिबख्रिजों दाजानाय।
बिसोरो मेवखांनाय आरो खौरांफोरखौ मेलेम आरो मिरु दिरुंनिफ्राय दैदेनो।
सों 10. गाव मावफुंग्रा बिसोम बिखान्थिनि हाबाखौ लिर।
फिन : गाव मावफुंग्रा बिसोम बिखान्थिया मोदोमाव थानाय गोसो गोयि गेहेनफोरनि हाबाखौ सामलायो। जोंनि देहा सिङाव थानाय आंगोफोर जेरै– भान्डार, मैखुन मावखांनाय, संफ्ल, गिला बाइदि खामानिफोरखौ जों मिथियाजासेनो गाव मावफुंग्रा बिसोम बिखान्थिया सामलायो। बेनि अनगायैबो हां लानाय हगारनाय, मैखुननि मावखांनाय, दोगोन गोलोमदै निज्रायनाय बाइदि बिखान्थिखौ सामलायो।
सों 11. मानसिनि मेलेमनि रोखा सावगारि आखिना सिनायथि हो।
फिन :
सों 12. मानसिनि मेलेमनि गुबुन गुबुन गाहाय बाहागो आरो बिसोरनि बिबानखौ मख।
फिन : मानसिनि मेलेमनि गुबुन गुबुन गाहाय बाहागोफोरा जाबाय सिगां–मेलेम (fore-brain), गेजेर–मेलेम (Mid–brain) आरो उन–मेलेम (hind brain)।
(i) सिगां मेलेम :- बेयो मेलेमनि गाहाय सानग्रा बाहागो। बेवहायनो खोनानाय, मोनामनाय, नुनाय बायदिनि सामलायनाया जायो। सोलेरनि मावखांनायाबो बेजोंनो सामलायजायो।
(ii) गेजेर मेलेम :- बियो मोनसे रोजा इनजुर गोनां जायगा जाय खायसे नुथाय आरो खोनानायनि मिरु हिसाबै मावो। बेजों गाव गोसो मावफुंजायि जाथायफोरा जायो।
(iii) उन–मेलेम :- बेयो थियै गाव गोसो मावफुंजा जाथाइ देहानि आव-फावखौ सामलायनाय आरो सोलेरनि बावसिनि थाखाय बिबान गोनां। गोथोङै थाबायनाय, सायकेल सालायनायफोरा उन मेलेमनि सामलायनायाव जायो।
सों 13. मेवखांनाय दैदेनग्रा बिसोम जिबख्रि (sensory neuron) आरो बिथोन दैदेनग्रा बिसोम जिबख्रि (Motor neuron) नि फाराख लिर।
फिन : मेवखांनाय दैदेनग्राया बुथुमग्रा एबा हमथाग्रा अंगनिफ्राय बिसोम जाखांनायखौ एबा मोनदांथिखौ मिरु बिसोम बिखान्थिसिम दैथाय हरो।
बिथोन दैदेनग्राया बिसोम थुलुंगाखांनाय एबा बिथोनखौ मिरु बिसोम जिबख्रिनिफ्राय मावग्रा अंगसिम दैथाय हरो।
सों 14. गाव गोसो मावपुंजा मोदोम गेहेन मावसारनाय आरो सोलेरनि आवफाव सामलायनाय आरो बावसिखौ (balance) थियै लाखिनयाव बिबान लानाय मेलेमनि बाहागोनि मुं लिर।
फिन : गाव गोसो मावफुंजा मोदोम गेहेन मावसारनायखौ थियै लाखिग्रा मेलेमनि बाहागोआ सिगां–मेलेम (Fore-brain)
सोलोरनि आव– फाव आरो बावसिखौ थियै लाखिनाय मेलेमनि बाहागोआ जाबाय उन– मेलेमनि सेरेबलाम।
सों 15. सेरेबेलामआ थियै मावाब्ला जोंनि सोलेराव नुजाथिनाय जाथाइखौ लिर।
फिन : सेरेबेलामआ थियै मावाब्ला नुजाथिनाय माखासे जाथाइफोरा जाबाय–
(i) गोथोङै थाबायनो हायै।
(ii) सायखेल सालायनो हायै।
(iii) सोलेरनि आव-फाव (posture) आरो बावसि (balance) आ थियै जायै।
(iv) गाव गोसो मावफुंनाया थिगै जायै।
सों 16. जायखि जाया मोनामनाय मोनग्रा जानाया मेलेमनि माबे बाहागोनि गोरोन्थिनि थाखै जायो?
फिन : सिगां-मेलेमनि मोनामनाय आजावग्रानि गोरोन्थिनि थाखै जायो।
सों 17. बिसोम बिखान्थिनि माबे बाहागोआ गाव मावफुंनाय बोरलाखौ सामलायो? खौरां मोननाय आरो खौराङा दावबायनाय निउरन (बिसोम जिबख्रि) नि बाहागोखौ मख’।
फिन : मेरु दिरुंआ गाव मावफुंनाय बोरलाखौ सामलायो।
बिगुराव नांनाय बिदुंखौ आजावग्राया मोनदां होयो। बे बिदुंनि मोनदांनायखौ बिसोम जिबख्रिनि डेनड्राइडआ मिथिहोयो। बे मिथिनाय खौरांआ मोब्लिबारि मोनदांथि बादि मेवखांनाय दैदेनग्रा बिजोंनिफ्राय मिरु दिरुंनि सिंआरि बिसोम जिबख्रिसिम थाङो।
सों 18. जोंनि सोलेराव मेलेमा माबोरै जोथोनै रैखाथि होजायो?
फिन : मानसिनि सोलेराव मेलेमा बेगेङारि बाकसु सिङाव थायो। बागसु सिङाव, मेलेमा बिलावजों आबुं जानाय बेलुनाव हाबना थायो जाय गोबां सक सोबखांनायखौ ज’गायो। बियो मेनिनजेस होननाय दाजाबग्रा बिदामजों मोनथाम खोन्दोआव बोनथुम जायो।
सों 19. बिसोम बिदामा माबोरै जाथाइ जाहोयो?
फिन : मेलेमा बिसोमनि जोहै गासै सोलेरनिफ्राय खौरां बुथुमो। बेफोर खौरांनि सायाव बिथा खालामना गरन्थ लायो आरो गरन्थखौ जाथाइनि थाखाय मोदोम गेहेनसिम मिथिहोनाय जायो।
जेब्ला बिसोम मोनदांथिआ मोदोम गेहेनसिम सहैयो मोदोम गेहेन बेजेआ मावसारो। मोदोम गेहेन जिबख्रिफोराव बिसोरनि दाथाय आरो साजायथाइखौ सोलायग्रा जुनिया प्रटिनफोर थायो जाय बिसोम मोब्लिबारि मोनदांथिफोरखौ फिनहरो। जेब्ला बियो जायो, बेफोर प्रटिनफोरनि गोदान साजायथाइफोरा गुसुंसिन महरनि मोदोम गेहेन जिबख्रिफोर सोमजिहोयो। जाथाइ जाखांनाय उनाव उन्था जाथाया जायो आरो मोदोम गेहेना बिसोरनि गुदि महर आरो थाथायाव फैफिनो।
सों ना य फरा बिजाबनि Page No. 119
सों 1. गाव मावफुंनाय जाथाइ आरो थाबायनायनि गेजेराव मा फाराग दं?
फिन :
| गाव मावफुंनाय | थाबायनाय |
| 1. गाव मावफुंनाय जाथाइया गाव सानस्लाबा बालानो रोखोमसे मेवखांनाय फारसे रोखोमसे फिनजाथाइ सोमजिनाय। 2. गाव मावफुंनाया मेरु दिरुंनि जोहै सामलायजानाय आरो सोमोन्दो गोनां। 3. बियो गाव गोसो मावफुंजायि (involuntary action) जाथाइ। | 1. थाबायनाया जाबाय बिसोमनि जोहै आथिंनि मोदोम गेहेनसिम हरनाय खौरांनि फिनजाथाइ। 2. उन मेलेमा आथिंनि मोदोमगेहेनखौ सोलिनो बिथोन होयो आरो सामलायो। 3. बियो गाव गोसो मावफुंनाय जाथाइ (voluntary action)। |
सों 2. मोननै निउरन (बिसोम जिबख्रि) नि गेजेराव थानाय साइनेपसआव मा जायो?
फिन : बिसोम जिबख्रिनि जोहै लाबोजानाय खौरांफोरा एक्सननि गेजेरजों बेनि जोबथासिम थाङो। एक्सननि जोबथायाव मोब्लिबारि मोन्दांथिआ साइनेपसआव माखासे रासायनफोर ओंखारहोयो। बे रासायनफोरा साइनेपसखौ बारलाङो आरो उननि बिसोम जिबख्रि (neuron) नि मोनसे डेनड्राइटआव एखे रोखोमनि मोब्लिबारि मोनदांथि जागायो।
सों 3. मेलेमनि बबे बाहागोआव सोलेरनि आवफाव आरो समानथाथाइखौ सामलायो?
फिन : सोलेरनि आव-फाव आरो समानथाथाइखौ मेलेमनि उन-मेलेम (hindbrain) आ सामलायो जायखौ चेरिबुलाम बुङो।
सों 4. धुप खाथिनि मोदोमनायखौ नों माबोरै हमदाङो?
फिन : धुप खाथिनि मोदोमनायखौ गन्थंआव थानाय हमथाग्रा आंगो (आजावग्रा) आंगोनि जोहै मोनदाङो। बे खौरांआ सिगां मेलेमनि आलादा थावनिसिम दैदेनजायो जाय खौरांनि ओंथिखौ फोरमायो।
सों 5. गाव मावफुंनाय जाथाइआव मेलेमनि बिफावा मा?
फिन : सोलेरनि गासै बिसोमफोरा मेलेमसिम थांनाय बेसोरनि लामा मिरु दिरुंनि मोनसे मुथायाव लोगो नाङो। गाव मावफुंनाय बोरलाफोरा बे मेरु दिरुङाव गावनो गाव सोमजिखाङो, खौराङा सोसनजानायब्लाबो मेलेमसिम सहैनो थांबाय थायो। मेलेमा गोबां मावरोंनायखौ इउननि थाखैबो दोनथुमनो हागौ।
लाइफांनि फोनांजाबनाय एबा लोब्बा लाखिनाय
Additional Questions
सों 1. मोखां जानाय (tropism) माखौ बुङो? मोखां जानाय जाथाया लाइफांनिआव मानो जायो?
फिन : लाइफांआ साननि सोरां, दै, गेजेर बोकथाबमा बायदिनि एरथुग्राफोरनि फिनहरनाय महरै जाखांनायखौ मोखां जानाय (tropism) बुङो।
बे बादि मोखां जानाया लाइफांनि बारायनायजों लोब्बा गोनां। लाइफांआ एरथुग्रानि फिन हरनाय महरै लासैयै मोखां फारसे एबा जानगारै बारायो। बे बादि खामानिआ लाइफां हरमनजों सामलाय जायो।
सों 2. जिउ ‘ट्रपिजम माखौ बुङो? दाजाबथाइ जिउ ‘ट्रपिजम आरो दानखथाइ जिउ ‘ट्रपिजमआ मा?
फिन : लाइफांआ गोजौ फारसे आरो गाहाय फारसे फारियै गोरलै बिथ’ फोर आरो रोदाफोरनि बारायनाया बहुमनि बोगथाबनाय एबा गेजेर बोगथाबमानि फिनहरनाय रोखायै जायो बेखौ जिउ ‘ट्रपिजम बुङो।
गोरलै बिथ ‘फोरा बुहुमनि बोगथाबनायनि गोजौ फारसे बारायनाया दानख ‘थाय जिउ ‘ट्रपिजम आरो रोदाफोरा बुहुमनि बोगथाबना फारसे बारायनाया दाजाबथाय जिउ ”ट्रपिजम।
सों 3. केम ”ट्रपिजम आ मा? मोनसे बिदिन्थि हो।
फिन : खायसे रासायनारि मुवाफोरनि थाफादेराव लाइफांनि बारायलांनायखौ केम ”ट्रपिजम बुङो।
बिदिन्थि हिसाबै– हायना नालाफोरा बिदैख्रिफोरनि फारसे बारायनाय।
सों 4. खायसे सांग्रां लाइफांफोरनि मावसारनाया माबोरै जायो? बे बादि लाइफांनि बिदिन्थि होना बेखेव।
फिन : खायसे सांग्रां लाइफांफोरा दांनाय लोगो लोगो, दांनायनि फिननाय महरै बिलाइखौ मावसारो। बे बादि मावसारनाया थारै दांनाय बिन्दोनि सोलाय गुबुन बिन्दोआव जायो। लाइफांआ दांनाय खौरांखौ मोनसे जिबख्रिनिफ्राय गुबुन मोनसे जिबख्रिसिम हरनो थाखाय मोब्लिबारि राहाखौ बाहायो। बिसोरहा खौरां दैदेनग्रा जुनिया बिदाम गैया।
बे बादि लाइफां जेरै चुइमुइ एबा आंखौ दादां लाइफांफोरा दांनाय लोगो लोगो बिसोरनि दैनि बिबां सोलायनानै जिबख्रि महरखौ सोलायो जायनि जाहोनाव बिलाइया थनथ्र ‘नाय एबा थख्रबनाय जालाङो।
सों 5. लाइफां हरमन माखौ बुङो? मोनफ्रोमनिबो मोनफायै लाइफां हरमननि बिदिन्थि हो जाय–
(a) लाइफां बिजौ बारायहोयो।
(b) लाइफां बिथ’ बारायहोयो।
(c) लाइफां जिबख्रि गावस्राहोयो।
फिन : लाइफांनि जायफोर रासायनारि खौसेफोरा बारायनाय, जौगानाय आरो आबहावासिम फिनहरनायनि लोब्बा लाखिनायाव मदत होयो, बेफोरनो लाइफां हरमन।
(a) लाइफां बिजौ बारायहोग्रा हरमनआ अक्सिन।
(b) लाइफां बिथ’ बारायहोग्रा हरमनआ जिबरेलिन।
(c) लाइफां जिबख्रि गावस्राहोग्रा हरमनआ साइट’ काइनिन।
सों ना य फरा बिजाबनि Page No 122
सों 1. लाइफां हरमनफोरा मा मा?
फिन : लाइफांनि जायफोर रासायनारि खौसेफोरा बारायनाय, जौगानाय आरो आबहावासिम फिन हरनायनि लोब्बा लाखिनायाव मदत होयो, बेफोरनो लाइफां हरमन। बेफोरो जाबाय– अक्सिन, जिबरेलिन, साइट’ काइनिन बायदि बायदि।
सों 2. सोरांनि फारसे सांग्रां लाइफांनि बिलाइफोरनि मावसारनायनिफ्राय गोरलै बिथ ‘नि मावसारनायखौ माबोरै फाराग खालामनो?
फिन : (i) सोरांनि फारसे सांग्रां लाइफांनि बिलाइफोरनि मावसारनाया सोरांनि फारसे देबलाङो नाथाय बिथ’नि मावसारनाया सोरांजों जाखांनाय एबा देबनाय जाया।
(ii) सोरांनि फारसे देबनाया अक्सिन मुंनि हरमननि थाखै जायो नाथाय सांग्रां लाइफांनि मावसारनाय बिसोरनिआव थानाय दैनि बिबां सोलायनाय जाहोनाव जायो।
सों 3. बारायनायाव मदद होग्रा लाइफां हरमननि मोनसे बिदिन्थि हो।
फिन : अक्सिना बिजौ बारायहोनायाव मदत होयो।
सों 4. मोनसे मददनि सोरगिदिं मोनसे आसि बेन्दोंनि बारायनायखौ माबोरै अक्सिना जाहोयो?
फिन : मोनसे आसि बेन्दोंआ जेब्ला हमथानो राहा मोनो अक्सिन हरमना सोमजिग्रा जायगायाव ओंखारो। बेनि जाहोनाव आसि बेन्दोंआ हमथा राहानि सोरगिदिं बारायना हमथाना थायो।
सों 5. हाइड्र’ट्रपिजम (Hydrotropism ) खौ दिन्थिनो मोनसे आनजाद खालाम।
फिन : हाइड्र’ट्रपिजमआ जाबाय सिदोमानि मोनदांथि मोननो बारायनाय मावसारनाय। गाजा बेरनो गोनां खायसे मटर एबा बुट बायदिनि बेगरखौ गिसि जाबोर लाखिनाय मोनसे सोल’ बाकसायाव दोननाय जाबाय जायनि थालाया गोबा वाइर गज (wire gauze) जों दाजानाय। साननै सानथामसो सोमावाबालानो दोननाय जाबाय आरो जाबोरखौ गिसियै लाखिनाय जाबाय। साननैसोनि उनाव ओंखारनय रोदा बिजौआ आरोबाव गिसि जोबोर फारसे दबलांफिनगोन। बेनो रोदानि हाइड्रट्रफिक।
7.3 जिउआरि हरमन
Additional Questions
सों 1. हरमनखौ मानो रासायनारि दैथायग्रा बुंनाय जायो?
फिन : हरमना मोनसे रोखोमनि रासायनारि जिब खौसे। बेफोर हरमना मोनफा थि बिथोबनिफ्राय ओंखारना थोंजोङैथै दाहारनि लोगोआव गलायनानै थिखानाय अंगसिम बोहैलाङो आरो गोगोमै बारायहोयो, आबुङै दाफुं होयो, जौगाहोयो आरो गुबुन गुबुन सोलेरनि जाथाइफोरनि गेजेराव सोमोन्दो लाखियो आरो सामलायो। बेबादिनो गोबां रासायनारि दैदेनग्रा महरै हाबा मावोखायनो हरमनखौ रासायनारि दैथायग्रा बुंनाय जायो।
सों 2. मानसिनि सोलेराव थानाय मोनबा सिंआरि निज्रायग्रा बिथोबफोरनि मुं लिर।
फिन : मानसिनि सोलेराव थानाय सिंआरि निज्रायग्रा बिथोबफोरा जाबाय :
(i) पिटुइटारि बिथोब।
(ii) थाइरइड बिथोब।
(iii) पेराथाइरइड बिथोब।
(iv) एड्रिनेल ब्रिथोब।
(v) आमायथु बिथोब।
सों 3. गोलोन्दि आरो डायबेटिस बेरामा मा हरमननि आंखालाव जायो? बेफोर बेरामखौ होबथानायनि राहाफोरा मा?
फिन : गोलोन्दि बेरामा थाइरक्सिन आरो डायबेटिस बेरामा इनसुलिन हरमननि आंखालाव जायो।
बेफोर बेरामखौ होबथानाय राहा :
(i) जोंनि जामुंआव आयडिन गोनां संख्रि बाहायनांगौ जाहाते थाइरक्सिन हरमन दानायाव थाइरइड बिथोबआ गोरलै जायो आरो गोलोन्दि बेरामा होबथा जायो।
(ii) डायबेटिस बेरामखौ होबथानो इनसुलिन बिजि थुनाय जायो बियो सोलेरनि ग्लुकजखौ सामलायो।
सों 4. गाहायाव होनाय सिंआरि निज्रायग्रा बिथोबआ सोमजिहोनाय हरमननि मुं आरो बिसोरनि खामानि मख’।
(i) थाइर ‘इड।
(ii) पिटुइटारि।
(iii) एड्रिनेल।
(iv) जो आजाय बिथोब।
फिन :
| बिथोब | हरमन | हाबा |
| (i) थाइर’इड (ii) पिटुइटारि (iii) एड्रिनेल (iv) जो आजाय बिथोब | थाइर ‘क्सिन समाट्रपिन आरो एड्रिनेल थाइरइड जाखांहोग्रा इष्ट्रजेन प्रगेस्टेरन | मोदोमनि बारायनाय आरो जिबरासायनारि हाबायाव हेफाजाब खालामो आरो लोगोसे सोलेरनि देरनायखौ सामलायो। थाइरइड बिथोब जिरिहोनाय सामलायनाय बेनि अनगायैबो जिउआरिखौ फेहेरनो हानाय गोहो गोनां आरो गुबुन गुबुन जिउबिखान्थि जुथाइनो थाखाय माखासे हरमन जिरि होनाय। सोलेरखौ खायसे खामानि मावनो शक्टि होनाय, जेरै– मैखुन मावखांनाय हार आरो अक्सिजेन। जगायनो हां लानाय हार बायदि। आहारनि देरखां बोनाय मांखोआरि थै। गनाय सामलायनाय। |
सों 5. उन्दै समावनो माबे हरमननि आंखाल जायोब्ला बावनासा (dwarfism) जायो?
फिन : पिटुइटारि बिथोबा बारायग्रा हरमन जिरिहोयो। बेनि आंखाला उन्दै समावनो जायोब्ला बावनासा (dwarfism) जायो।
सों 6. हौवाफोरनि लाइमोन बैसोजों लोब्बा थानाय सोलायनाया माबे बिथोबनिफ्राय ओंखारनाय मा हरमननि थाखै जायो?
फिन : जोला आजायख’ बिथोबनिफ्राय ओंखारनाय हरमन टेष्ट’स्टेरननि थाखै हौवाफोरनि लाइमोन बैसोजों लोब्बा थानाय सोलायनायफोरा जायो।
सों ना य
सों 1. जिउआरिफोरनियाव रासायनारि लोब्बा लाखिनाया माबोरै जायो?
फिन : इसिंआरि बिथोबफोरनिफ्राय जिरिनाय हरमनफोरा थोंजोंङै थैसिम थाङो आरो थैजों लोगोसे थि हरमना मोनफा थि जायगासिम सहैयो। बै थि जायगायाव थानाय जिबख्रिफोरा खायसे जुनिया गुन्द्रामाफोर थायो आरो बिफोरो मोनफा थि रासायनारि खौसे हरमनखौ सिनायो आरो आजावो। बेबादिनो जिबख्रिआ खामानि मावनो हायो।
सों 2. आय ‘दिन गोनां संख्रिखौ बाहायनाया मानो सुबुरुनथाइ होथावना?
फिन : थाइरक्सिन हरमन दानायाव थाइरइड बिथोबनि थाखाय आय ‘दिननि गोनां जायो। सोलेराव थाइरक्सिना कार्बहाइड्रेट, प्रोटिन आरो मेजेम रासायनारि जाथाइखौ सामलायो जाहाते बारायनायनि थाखाय साबसिन बावसि जगायो। आय ‘दिना थाइरक्सिननि बिजिरख’ दानायनि थाखाय गोनांथार। आय ‘दिननि आंखाल जायोब्ला गोलोन्दि एबा गोदोना बुंखांनाय बेराम जायो। आय ‘दिननि बिबांखौ जोंनो जोबोत खम बिबांनि नांगौ। आय ‘दिन गोनां जाग्रा संख्रिआव थोजासे बिबांनि आय ‘दिन थयो। बेखायनो अरायबो आय ‘दिन गोनां संख्रि बाहायनांगौ।
सों 3. जोंनि सोलेरा माबोरै फिनहरो जेब्ला थैयाव एड्रेनेलिना जिरियो?
फिन : एड्रिनेलिनखौ थजोङै थैसिम जिरिनाय जायो आरो सोलेरनि गुबुन गुबुन बाहागोसिम लांजायो। एड्रिनेलिननि थांखि अंग एबा जुनिया अंगआ जाबाय मैखुन। बियो मैखुननि मावखांनायखौ गोख्रैसिन खालामो अब्ला जोंनि मोदोम गेहेनसिम अक्सिजेन जगायनाया बाङो।
दोगोन बिखान्थि आरो बिगुराव थानाय थैया बेफोर अंगनि उन्दै धमनिफोरनि सोरगिदिं मोदोम गेहेनफोरनि थनथ्र ‘नाय जाहोनाव खमायो। बेयो थैखौ जोंनि बेगेंख ‘आरि मोदोम गेहेनसिम रानसारो।
गेजेर बिसि आरो खामिहारा मोदोम गेहेनफोरनि थनथ्र ‘नाय जाहोनाव हां बोनाय हगारनायाबो बाङो।
बेफोर गासिबो फिनहरनायफोरा ज ‘यै थासारिजों लोब्बा लानानै जिउआरिपोरखौ साखा– फारा जानो गोहो होयो।
सों 4. खायसे डायबेटिस बेरामिफोरखौ मानो इनसुलिननि बिजि थुनायजों नायनाय जायो।
फिन : आमायथु मुंनि बिथोबा इनसुलिन हरमन जिरि होयो। बे हरमना थैनि सिंनि थोरफोखौ दबथायो। बेनि आंखालाव थैनि सिंनि थोरफोआ बाङो आरो डायबेटिस बेरामा जायो। बेखायनो थैनि सिंनि थोरफोखौ सामलायनो थाखाय इनसुलिन बिजि थुनायजों नायनाय जायो।
सोंथि बिदां
सों 1. गाहायनि बबेआ मोनसे लाइफां हरमन?
(क) इनसुलिन।
(ख) थाइरक्सिन।
(ग) इष्ट्रजेन।
(घ) साइट ‘काइनिन।
फिन : (घ) साइट ‘काइनिन।
सों 2. मोननै बिसोम जिबख्रिनि गेजेराव थानाय लांदां जायगाखौ बुङो।
(क) डेनड्राइट।
(ख) साइनेपस।
(ग) एक्सन।
(घ) मोन्दांथि।
फिन : (ख) साइनेपस।
सों 3. गाहायाव मख ‘नाय बबेनि थाखाय बिबान गोनां?
(a) साननाय।
(b) मैखुन मावखांनायखौ सामलायनाय।
(c) सोलेरखौ थि लाखिनाय
(d) गोजौनि गासिबो।
फिन : (d) गोजौनि गासिबो।
सों 4. जोंनि सोलेराव आजावग्राफोरनि (receptor ) हाबाया मा? रोखायै खामानि मावनो हायि आजावग्राफोरनि थासारिखौ सान। मा मा जेंना नुजाथिनो हागौ।
फिन : आजावग्राफोरनि खर ‘आ खायसे जुनिया बिसोम खरजों दाजानाय। बिफोरो जेंनि मोनदांग्रा अंग जेरै गन्थं, सालाइ, इसिं खोमा बायदियाव थायो।
बेनि गाहाय हाबाया आबहावानिफ्राय खौरां आजावनाय। बिदिन्थि हिसाबै साखिनाय आजावग्राया थावनाय मोनदांगोन आरो मोनामनाय आजावग्राया मोनामनायखौ मोनदांहोगोन।
जेंनि सोलेराव आजावग्राफोरा मोजाङै खामानि मावाबोला खौरांफोरा मेरु दिरुंजों मेलेम मोनहैनो गोबाव सम लागोन। बे थासारियाव खौरांनि फिनहरनयाव गोबाव जागोन अब्ला सोलेरनि जखम जाग ‘लांनो हागौ।
बिदिन्थि हिसाबै गुदुं मुवा दांनायनि खौरांखौ थाबै मोनाब्ला जोंनि आखाया खामलांनो हागौ।
सों 5. मोनसे बिसोम जिबख्रिनि दाथाइखौ आखि आरो बेनि हाबाखौ फोरमाय।
फिन :
(i) जिबख्रि मोदोमनि गेजेरजों एक्सनसिम आरो एक्सननि जोबथा खर ‘सिम मोब्लिब इसारानि गेजेरजों खौरां रोगायो, बेखौ बिसोम मोनदांथि बुङो।
(ii) एक्सननि जोबथायाव मोब्लिबारि मोनदांथिआ माखासे रासायनफोर ओंखारहोयो। बेफोर रासायनफोरा लांदां जायगा माइनेपसखौ बारलाङो आरो उननि बिसोम जिबख्रि (neuron) नि मोनसे डेनड्राइटआव एखे रोखोमनि मोब्लिब मोनदांथिआ जागायो।
सों 6. लाइफाङाव फट’ट्रपिजमा माबोरै जायो?
फिन : लाइफांनि गोरलै बिथ’ फोरा साननि सोरांनि फारसे देबलांनायजों फिनहरो। जेब्ला फांसे लाइफांखौ फारसे लांदां बाकसायाव दोनो अब्ला लाइफांनि बारायनाय गोरलै बिथ’आ लांदां फारसेजों बारायलाङो। मोनसे अक्सिन मुंनि हरमन, गोरलै बिथ ‘नि खर’ बिजौआव बिजिरख’ दाजायो, बेयो जिबख्रिफोरखौ गोलावसिन बारायनायाव मदत होयो।
जेब्ला साननि सोराङा लाइफांनि फारसेथिंनिफ्राय फैयो, अक्सिना गोरलै बिथ’नि साया गोग्लैनाय बाहागोथिं बायस्रालाङो। अक्सिननि बे जमा जाफैनाया सोरांनिफ्राय गोज़ानाव थानाय गोरलै बिथ ‘नि जिबख्रिफोरखौ गोलावसिन बारायनो थुलुंगा होयो। बे बादिनो लाइफांखौ सोरांनि फारसे दबलांनाय नुयो।
सों 7. मोनसे मेरु दिरुंजखम जानायनि बिथिङाव बबे इसाराफोरा हेंथा मोनगोन?
फिन : (i) गाव मावफुंनाय जाथाइया हेंथा फैयो मानोना गाव मावफुं बोरलाया मिरु दिरुंआव थायो। बेखायनो सोलेरखौ रैखाथि होनो गोख्रै खौरांआ सफैनाय नङा। जायनि जाहोनाव सोलेराव माखासे खैफोद जानो हागौ।
(ii) सोलेरनि गुबुन गुबुन मोनदांथिआ मेलेमसिम सहैनाय नङा।
(iii) मेलेमनिफ्राय फैनाय खौरांफोरा सोलेराव दैदेनजानाय नङा।
सों 8. लाइफाङाव रासायनारि लोब्बा लाखिनाया माबोरै जायो?
फिन : लाइफांनि बारायनाय जौगानाय आरो आबहावासिम फिनहरनायनि लोब्बा लाखिनायाव गुबुन गुबुन लाइफां हरमनफोरा मदद होयो। हरमनफोरा जेराव मावदों बेनि जानगाराव थानाय जायगाफोराव बेफोर बिजिरख’ दाजायो आरो जाथाइनि थावनिसिम गोरलैयै गोसारो। बिदिन्थि हिसाबै जेब्ला बारायनाय लाइफां साननि सोरां नागिरो अब्ला गोरलै बिथ’आव अक्सिन मुंनि हरमनआ बिजिरख’ दाजायो आरो गुबुन जिबख्रिसिम गोसारना जिबख्रिखौ लावलांनायाव मदत खालामो।
सों 9. मोनसे जिबाव सामलायनाय आरो लोब्बा लाखिनायनि मोनसे बिखान्थिनि थाखाय गोनांथिया मा?
फिन : जिउआरिफोरा गुबुन गुबुन रोखोमनि मावसारनाय दिन्थियो। बे मावसारनाया बारायनायनि जाहोनाव, आबहावाया सोलायनायनि फिनहरनो थाखाय एबा आदार नागिरनो थाखाय।
आबहावायाव जानाय मोनफ्रोम सोलायनाया थि फिनहरनायनि मावसारनाय। बे बादिनो मोनफ्रो मावसारनायाव गासै बाहागोआनो सोमोन्दो थाज्लायनांगोन। गंसे खोलोम हमनो जेरै आसि बिमा आरो आसिफोरनि सोमोन्दो थानांगोन बे बादिनो जिबख्रि बाङारि जिबफोरहा जुनिया बिदाम थानांगोन जाहाते सामलायनाय आरो लोब्बा लाखिनाया जायो।
सों 10. गावगोसो मावफुंजायि जाथाइ आरो हारसिं जाखांनाय जाथाइनि गावजों गावनि फारागा मा मा?
फिन :
| गाव गोसो मावफुंजायि जाथाइ | गाव गोसो मावफुंनाय जाथाइ |
| 1. फिनजाथाइनि मावफु नायासानाबालानो जानाय। 2. गाव गोसो मावफुं जायिआ आजावग्राया होनाय मोनदांथिनि गोख्रै फिनथि होनाय। 3. आजावग्रा जायग्रायावनो मावनाया जाफुङो। 4. बे जाथाया गाव मावफुंनाय बोरलाजों लायो। | 1. गोसोजों साननानै मावनाय। 2. गाव गोसो मावफुं नाया आजावग्राया एरथु हरनायनि फिनथि होनाय। 3. मेलेमनि जोहैसो मावनो थिननाया जाफुङो। 4. गाव मावफुंनाय बोरलाजों जाया। |
सों 11. जिउआरि फोरनि सामलायनाय आरो लोब्बा लाखिनायनि थाखाय बिसोम आरो हरमनारि जुन्थि आदबखौ रुजु आरो फाराग दिन्थि।
फिन :
| बिसोम बिखान्थि | हरमनारि जुन्थि |
| 1. बिसोम बिखान्थिनि गुबुन गुबुन हाबाया निउरन मुंनि मोनसे सानगुदिजों सामलायजानाय। 2. निउरनआ मोननै रोखोमनि बिसोमः (a) मोनदांग्रा बिसोम जाय हमथाग्रा अंगनिफ्राय मिरु बिसोम बिखान्थिसिम मिथिनो मोननायखौ दैथायहरो। (b) सालायग्रा बिसोम जाय मिरु बिसोम बिखान्थिनिफ्राय मावग्रा अंगसिम बिथोन दैथायो। 3. बिसोम बिखान्थिआ गासै सोलेर बाहागोआव बिसोमनि जेखनजों दाजानाय। 4. बिसोम बिखान्थिनि दैदेननाया मोब्लिबारि मोनदांथिब्लाबो सिमा गोनां। गासै खौरांआ बिसोम बिदामजों सरजाब जानाय जिबख्रिसिमल’ सहयो। | 1. हरमनफोरा, इसिं बिथोबा जिरि होनाय रासायनारि खौरां दैथायग्रा। 2. हरमनफोरा थोंजोंङै थैआव गोग्लैयो आरो देहा जिबख्रिआव बायस्राहैयो। बिसोरो जाथाइ खालामनाय जायगानि जानगाराव सोमजियो। 3. हरमनारि जुन्थिआ जेबो जेख ‘न थाया। 4. जिबख्रिफोरहा जुनिया गुन्द्रामा थायो जाय हरमना लाबोनाय खौरांखौ बुथुमनो हायो। बिहा जेबो मोब्लिबारि मोनदांथि थाया। |
सों 12. फांसे सांग्रां लाइफाङाव जानाय मावसारनाय आखु आरो जोंनि आथिंनि मावसारनायनि गेजेराव फारागा मा?
फिन : सांग्रां लाइफांआ एरथुग्रानि फिननाय बिलाइखौ मावसारो। सांग्रां लाइफांनि मावसारनाया दांनाय बिन्दोनि सोलाय गुबुन मोनसे बिन्दोआवसो जायो। बे लाइफांफोरा दांनाय मोनदांनाय लोगो लोगो दैनि बिबांनि सोलायनायजों लाइफां जिबख्रिफोरनि महरा सोलायो जाउनाव बुगा खांनाय एबा थनथ्रलांनाय जायो बेखायनो महरा सोलायो। बेफोर गासै जाथाइनि थाखै जेबो जुनिया बिदाम थाया।
जोंनि आथिंनि मावसारनाया मोदोम गेहेनजों नांजाबनाय बिसोमजों जायो। आथिंखौ सोमावनो मेलेमा बिसोमनो बिथोन हरो। बेफोर खौरांफोरा मोब्लिबारि मोनदांथिजों गोसारो। खौरांआ आथिंसिम थांब्ला मोनदांथिआ रासायनारि सिगनेलसिम सोलायो आरो मोदोम गेहेना आथिंखौ दैखांनो थनथ्र ‘यो आरो गोसारो। बेफोरो मोनफा जुनिया प्रटिननि जोहै महर सोलायनाय जायो आरो मोब्लिब मोनदांथिनि फिननाय महरै मावसारनायखौ जाफुंहोयो।
MULTIPLE CHOICE QUESTIONS
सों 1. थै नारथाइया सामलाय जायो :
(क) एड्रिनेल बिथोब।
(ख) थाइरइड।
(ग) थाइमास।
(घ) पेनक्रियास।
फिन : (क) एड्रिनेल बिथोब।
सों 2. मेलेम आरो मेरु दुरुंआ ज ‘यै–
(क) साग्लोबनाय बिसोम बिखान्थि।
(ख) मेरु बिसोम बिखान्थि।
(ग) गावजों मावफुंग्रा बिसोम बिखान्थि।
(घ) सिम्पेथेथिक बिसोम बिखान्थि।
फिन : (क) साग्लोबनाय बिसोम बिखान्थि।
सों 3. बारायनाय हरमनआ सोमजियो–
(क) थाइरइड।
(ख) एड्रिनेल।
(ग) गनाड।
(घ) पिटुइटारि।
फिन : (घ) पिटुइटारि।
सों 4. थाइरक्सिन हरमन दानायाव थाइरइड बिथोबनो गोनां जानाय गुदि मुवाया–
(क) अक्सिजेन।
(ख) आयडिन।
(ग) नाइट्रजेन।
(घ) आइरण।
फिन : (ख) आयडिन।
सों 5. हौवाफोरनि लाइमोन बैसोजों लोब्बा थानाय हरमनआ जाबाय–
(क) इष्ट्रजेन।
(ख) टस्ट ‘स्टेरन।
(ग) थाइरक्सिन।
(घ) एड्रिनेलिन।
फिन : (ख) टस्ट ‘स्टेरन।
सों 6. एड्रिनेलेनआ बांहोयो–
(क) मैखुन मावखांनाय।
(ख) थै नारथाइ।
(ग) मोननैबो।
(घ) मोनसेबो नङा।
फिन : (ग) मोननैबो।
सों 7. थैनि सिनि थोरफोखौ दबथायग्रा हरमनआ–
(क) टेस्ट ‘स्टेरन।
(ख) इष्ट्रजेन।
(ग) इनसुलिन।
(घ) थाइरक्सिन।
फिन : (ग) इनसुलिन।
सों 8. मोननै निउरननि गेजेराव थानाय लांदां जायगाखौ बुङो :
(क) साइनेपस।
(ख) जरा।
(ग) साइनेपिस।
(घ) मोनसेबो नङा।
फिन : (क) साइनेपस।
सो 9. बिथ’ बारायनायाव मदद होग्रा हरमननि मुङा–
(क) जिबारेलिनं।
(ख) साइटकाइनिन।
(ग) अक्सिन।
(घ) मोनसेबो नङा।
फिन : (क) जिबारेलिनं।
सों 10. गाव मावफुं जाथाइयाव मावफुं बोरलाया दाजानाय :
(क) मेलेम-मिरु दुरुं गेहेन।
(ख) हमथाग्रा-मेरु दुरुं-गेहेन।
(ग) गेहेन-मेरु दुरुं हमथाग्रा।
(घ) गेहेन-हमथाग्रा-मेरु दुरुं।
फिन : (ख) हमथाग्रा-मेरु दुरुं-गेहेन।
| Chapter No. | CONTENTS |
| खोन्दो – 1 | रासायनारि फिनजाथाइ आरो समानथाइ |
| खोन्दो – 2 | एसिद, खारदै आरो संखि |
| खोन्दो – 3 | धातु आरो धातुनडिफोर |
| खोन्दो – 4 | कार्बन आरो बेनि खौसेमुवाफोर |
| खोन्दो – 5 | गुदि मुवाफोरनि आन्थोरारि थाखोराननाय |
| खोन्दो – 6 | जिउ बिखान्थि |
| खोन्दो – 7 | सामलायनाय आरो लोब्बा लाखिनाय |
| खोन्दो – 8 | जिबफोरा माबोरै आजायो |
| खोन्दो – 9 | फोलेरफारि आरो फारि जौगानाय |
| खोन्दो – 10 | सोरां-रिफिनाय आरो रिफिख ‘ननाय |
| खोन्दो – 11 | मानसिनि मेगन आरो रंगिना-संगिना बुहुम |
| खोन्दो – 12 | मोब्लिब गोहो |
| खोन्दो – 13 | मोब्लिब दाहारनि सुम्बकारि गोहोम |
| खोन्दो – 14 | शक्टिनि फुंखाफोर |
| खोन्दो – 15 | जोंनि आबहावा |
| खोन्दो – 16 | मिथिंगायारि सम्पदनि सामलायनाय |
SEBA Class 10 Science Question Answer In Bodo Chapter 7 सामलायनाय आरो लोब्बा लाखिनाय | Control and Coordination | Class 10 Science Question Answer in Bodo As Per New Syllabus दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 10 Science Question Answer In Bodo Chapter 7 Question Answer. Class 10 Science Question Answer Chapter 7 in Bodo. SEBA Class 10 Science Question Answer In Bodo Medium Chapter 7 covers all the exercise questions in NCERT, SCERT.
SEBA Class 10 Science Question Answer In Bodo Chapter 7 in Bodo Medium | Bodomedium Class 10 General Science notes इस पोस्ट में हम आपको ये समझा ने कि कोशिश की है की Bodo Medium Class 10 Science Question answer | SEBA Class 10 Science Question Answer In Bodo Chapter 7 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।