SEBA Class 10 Science Question Answer In Bodo Chapter 8 जिबफोरा माबोरै आजायो

SEBA Class 10 Science Question Answer In Bodo Chapter 8 जिबफोरा माबोरै आजायो | How do Organisms Reproduce | Class 10 Science Question Answer in Bodo As Per New Syllabus to each Chapter is provided in the list of SCERT, NCERT, SEBA Class 10 Science Chapter 8 Question Answer/Class 10 Science Chapter 8 Notes In Bodo.

Class 10 Science Chapter 8 जिबफोरा माबोरै आजायो

SEBA Class 10 Science Notes Chapter 8 In Bodo जिबफोरा माबोरै आजायो Science Guide for Class 10th Chapter 8 In Bodo. Also Same NCERT Solutions for Class 10 Science इस पोस्ट में हम आपको ये समझा ने कि कोशिश की है की Class 10 Science Question Answer Chapter 8 in Bodo. अगर आप एक सात्र या शिक्षाक हो बोडो मीडियम की, तो आपके लिए ये बोहत लाभदायक हो सकता है।

फरा 8 जिबफोरा माबोरै आजायो

Chapter 8 How do Organisms Reproduce

Additional Questions

8.1 जिबफोरा गावसोरनि बादिनो नंगुबै नमुना सोरजियोना

सों 1. जिउआरिफोरा मानो आजायो?

फिन : जिउआरिफोरनि आजायनाय विखान्थिआ दोनथुमनो थाखै आरो मोनसे हारिसानि सुबुं अनजिमा बांहोनो थाखै गोनां। मोनसे हारिसानि जिउआरिया आजायाब्ला थैनायनि उनाव गोयै जालांगोन। बेखायनो बिसोरनि हारिसाखै बुहुमाव फोथांना लाखिनो थाखाय आजायो।

सों 2. रोखोम सोलायनाया माबोरै गोनांथि? 

फिन : आजायनाय समाव DNA नमुना दानायनि दिदोमथिया देहानि बुमिन नुथाइनि सामलायनायनि थाखाय गोनांथार जाहाते जिबफोरा थि थांना थाथाव जायगाखौ बाहायनो हायो।

आजायग्रा जिबफोरनि मोनसे जिब ज ‘थाइया मोनसे थि थांना थाथाव जायगायाव खाब जायो आरो जुदि थांना थाथाव जायगाया गोब्राबै सोलायो जिब ज ‘थाइया जोबस्रांलांनो हागौ। जुदि खायफा रोखोम सोलायनायफोरा बेफोर जिब ज ‘थाइफोरनि माखासे एखुथा जिबफोरनियाव थायो, बेसोरनि थांना थानायनि थाखाय माखासे खाबु जायो। बेखायनो रोखोम सोलाय सोलायनाया जोबोद गोनां।

सों ना य फरा बिजाबनि Page No. 128

सों 1. आजायनायाव DNA नमुना दानायनि गोनांथिया मा? 

फिन : मोनसे जिबख्रिनि जिबख्रि मिरुनि फोलेरारि आखुथाइ थानाय क्र ‘म’ जमफोरा DNA गुन्द्रामाफोरनि महराव बिमा-बिफानिफ्राय उननि जोलैसिम खौरां गोसारहोयो। जिबख्रि मिरुनि DNA आ प्रटिनफोर दानायनि थाखाय खौरांनि फुंखा। जुदि खौराङा सोलायो गबुन गुबुन प्रटिनफोरा बानायजायो। गुबुन गुबुन प्रटिनफोरा जोबथियाव देहानि बुमिनफोरखौ सोलाय होयो। बेनिखायनो आजायनायाव मोनसे गुदि जाथाइया जादों मोनसे DNA नमुना सोरजिनाय।

सों 2. रोखोमा हारिसानि थाखाय खाबुगोनां नाथाय एखुथा जिबनि थाखाय गोनांथि नङा मानो?

फिन : आजायग्रा जिबफोरनि मोनसे जिब ज ‘थाइया मोनसे थि थांना थाथाव जायगायाव खाब जायो आरो जुदि थांना थाथाव जायगाया गोब्राबे सोलायो, जिब ज ‘थाइया जोबस्रांलांनो हागौ। जुदि खायफा रोखोम सोलायनायफोरा बेफोर जिब-ज ‘थाइफोरनि माखासे एखुथा जिबफोरनियाव थायो, बेसोरनि थांना थानायनि थाखाय माखासे खाबु जायो। 

बिदिन्थि बादियै, दुङा–सुवा दैयाव बेक्टेरियानि सानखोआ थांनानै दं आरो जुदि मुलुगनां दुंखांबोनायनि दारै दैनि दुंथाइया बांबोयो गोबांसिन बेकटेरियाया थैनो हागौ, नाथाय माखासे रोखोमफोरा बिदुंखौ हेंथा होनो हायोब्ला थांना थागोन आरो बारायबोगोन। बेखायनो रोखोमा गोबाव सम हारिसाफोरनि थांना थानायनि थाखाय बाहायजाथाव।

8.2 मोनसेल’ जिबनि आजायनायनि रोखोम

सों 3. इष्ट जिबख्रिनि बारायनाय आरो मैखुननि बारायनायनि फाराख लिर। 

फिन : इष्ट जिबख्रिआ फेंखा अरनाय (budding) खान्थिजों बारायो। बिमा जिबख्रिआ गिबियाव मेगन ओंखारना फारियै लावगाना देरबोयो जायखौ फेंखा अरनाय बुङो। बिमा जिबख्रिनि जिबख्रि मिरुआबो लावगाना उनाव खावनै जायो आरो खावसेआ फेंखा अरनाय साजो जिबख्रिआव थाङो। बेबादिनो फेंखा अरनाया मोननै एबा बांसिनै जिनज्रि बादि जायो।

मैखुननि बिथिंआव हाइफि एबा खुन्दुंबादि बाहागोआव दुलुर फिथर बादि दाथाइनि हायनाख’ सिथाबना थायो। बिफोराव माखासे हाइना गुन्द्राफोर थायो। बे हायना गुन्द्राफोरा थाथावना थासारि मोनब्ला गोदानै मैखुन सोमजिहोयो।

सों 4. नै-सोखावनाय आरो बां-सोखावनायनि फाराखा मा? 

फिन : नै-सोखावनायाव मोनसे बिमा जिबख्रिआ मोननै साजो जिबख्रिआव गावस्रायो गुबुन फारसेथिं बां सोखावनायाव मोनसे बिमा जिबख्रिआ गोबां साजो जिबख्रिआव गावस्रायो। 

एमिबा, इष्ट बाइदिया नै-सोखावग्रा अरो मेलेरिया बियाद बाइदिया बां-सोखावग्रा।

सों 5. फिनउजिनायआ मा? बेबादि जानाय मोननै जिबन बिदिन्थि हो।

फिन : खायसे जिबा गोबां खोन्दोफोराव बायस ‘योब्लाबो बे खोन्दोफोरा आलादा एखुथा जिब महरै देरबोयो। बेखौनो फिनउजिनाय होनना बुङो। 

बिदिन्थि : हाइड्रा आरो प्लेनिरिया।

सों 6. मेगन ओंखारनाय बिखान्थिजों हाइड्रानि आजायनायखौ बेखेव। 

फिन : हाइड्रा जिबफोरा आजायनायनि थाखाय मेगन ओंखारनाय बिखान्थिआव फिनउजिग्रा जिबख्रिखौ बाहायो। हाइड्रानियाव मोनसे थिखानाय बाहागोआव खनले खनले जिबख्रि गावस्रानायनि दारै मोनसे बायजोथिं बारायगानाय बादि मोनसे मेगना जौगाबोयो। बेफोर मेगनफोरा जोबोद उन्दै एखुथा जिबफोराव जौगाबोयो आरो जेबला फुरायै रायो, बिमा-बिफा सोलेरनिफ्राय एंगारबोयो आरो गोदान उदां एखुथा जिब उजिबोयो। 

सों 7. खायसे लाइफांआ बारायनो थाखाय मोदोमारि आजायनायखौ मानो बाहायो? मोननै बिदिन्थि हो।

फिन : मोदोमारि आजायनायनि खाबुफोन जाबाय :

(i) बेगर सोमजियै लाइफांनि थाखाय फोलेर फेहेरनो थाखाय बे बिखान्थिआ बाहायथावना।

(ii) बेगरजों आजायनायनिख्रिइ बे विखान्थिआ जोबोत गोरलै आरो गोख्रैसिन जानाय बिखान्थि। 

(iii) गासैबो दिहुनजानाय लाइफांफोरा जिनआरि बादियै बिमा बिफानियाव थानाय गासैबो आखुथाइफोरजों रोखोमसे। 

बिदिन्थि : थाइलिर, खमला।

सों 8. आलु आरो पुदिनाफोराव मोदोमारि आजायनाया माबोरै जायो, लिर। 

फिन : (i) आलुआव खायसे मेगन ओंखारग्रोयो। बे मेगननिफ्राय गोदान गोथां गोरलै फेंखा आरो रोदा ओंखारो। रोदाफोरनि खर’आव फिसा फिसा बेदरफोर सोमजिना उनाव देरबोयो।

(ii) पुदिना बाइदि लाइफांफोराव गुदिनिफ्राय सोमजिनाय दालाया बिमा लाइफांनि इसे गोजानाव रोदा अरनानै गोदान लाइफां सोमजियो। दालइखौ सिफायना होयोब्लाबो लाइफांआ रज’नो हायो।

सों 9. मोदोमारि आजायनायनि मोननै आदब मख’। 

फिन : (i) थोरफो खालामनाय (Layering)

(ii) खोलोम होनाय (grafting)

(iii) हरस’नाय (cutting)

सों 10. बिदाम फिसिनाया मा? बे मावखान्थिखौ फोरमाय।

फिन : बेगर एबा बिथ ‘नि सोलाय लाइफां देहानि जिबख्रिनिफ्राय लोइफां सोमजिहोनायखौनो बिदाम फिसिनाय बुङो। 

बे मावखान्थियाव–

–– जिबख्रिफोरखौ मोनसे दानाय बिजोंआव दोननाय जायो जेराव बिसोर जिबख्रिफोरनि केलास एबा जिबख्रि दुलुर सोमजियो। 

–– बे जिबख्रि दुलुरथुमखौ फिसिनाय बिजोंनिफ्राय बख’ना लाबोनानै दैलाव बिजोंआव लाखिना सोमावना होयोब्ला जिबख्रिफोरा आलादा आलादा जायो।

–– बेबादि आलादा जानाय जिबख्रि दुलुरफोरखौ बोखारना लाबोना फिसिनाय आयजेंआव लखिनानै जुनिया राहाजों बानायनाय रोजा जामुंसिम जायगा सोलायहोनो नांगौ। बे जामुंआव थानाय जुनिया खायसे हरमननि गोहोमाव जिबख्रि दुलुरथुमाव थानाय जिबख्रिफोरनिफ्राय मोनफा मोनफा मादासा सोमजियो आरो लाइफांनि फुलि सोमजिगोन।

सों 11. उन्दै थाखोनि लाइफांनि आथोन नङिआजायनाय बिखान्थिफोरा मा मा?

फिन : उन्दै थाखोनि लाइफांनि आथोन नङिआजायनाय बिखान्थिफोरा जाबाय– 

(i) गावस्रानाय।

(ii) मेगन ओंखारनाय।

(iii) खोन्दो जानाय।

(iv) हायना गुन्द्रा दानाय।

सों ना य फरा बिजाबनि Page No. 133

सों 1. बांसोखावनायनिफ्राय नै सोखावनायखौ माबोरै फाराग दिन्थिनो? 

फिन : नै-सोखावनायाव मोनसे बिमा जिबख्रिआ मोननै साजो जिबख्रिआव गावस्रायो गुबुन फारसेथिं बां सोखावनायाव मोनसे बिमा जिबख्रिआ गोबां साजो जिबख्रिआव गावस्रायो।

एमिबा, इष्ट बाइदिया नै-सोखावग्रा आरो मेलेरिया बियाद बाइदिया बां-सोखावग्रा।

सों 2. हायनागुन्द्रानि गेजेरजों आजायोब्ला मासे जिबा माबोरै खाबु जागोन? 

फिन : हायना गुन्द्राफोरा रोजा इनजुरजों दाजानाय । जेब्लासिम बारायनायनि थाखाय बानजायथाव थासारियाव फैया अब्लासिम हायना गुन्द्राया बे रोजा नजुरजों रैखाथि होजायो। बेनिफ्राय मोजां बानजायथाव थासारि मोनब्ला बारायो।

सों 3. जाहोन हो मानो जेथोगोनां जिबफोरा फिनउजिनायनि गेजेरजों गोदान एखुथा जिब जोनोम होनो हाया।

फिन : जेथो गोनां जिबफोरा फिनउजिनाय मावखान्थिनजों एखुथा जिब सोमजिहोनो हाया। बेनि जाहोना जादों सोलेरनि माखासे बाहागोफोरा जुनियायै मोनफा थि खामानि मावनो थाखाय दाजानाय। बेखायनो मोनसे बाहागोआ खोन्दो खालामजायोब्ला बेयो एखुथायै जेबो खामानि गोयै जायो। 

सों 4. माखासे रोखोमनि लाइफां बारायनायनि थाखाय मानो मोदोमारि आजायनायखौ सर’ खालामनाय जायो? 

फिन : माखासे रोखोम लाइफांनि बारायनो थाखाय मोदोमारि आजयनाय सर’ खालामनाय जाहोना :

(i) बियो बेगर गोयै लाइफां आजायनायनि मोनसे मावखान्थि। 

(ii) जोबोत खम समनि गेजेरावनो आबुं लाइफां मोनो।

(iii) बियो बारायनायनि थाखाय मोनसे गुसुं मावखान्थि।

(iv) बियो गोरलै आरो खम खरसाजोंनो बेसेन गोसा लाइफां मोननी हानाय मावखान्थि।

सों 5. DNA नमुना दानाया आजायनाय बिखान्थिनि गोनांथार बाहागो मानो? 

फिन : DNA आ जाबाय मोनसे जिनआरि बेसाद जायफोरा प्रटिन दानायनि खौरांनि फुंखा। जुदि खौरांआ सोलायो गुबुन गुबुन प्रटिनफोरा बानायजायो। गुबुन गुबुन प्रटिनफोरा जोबथियाव देहानि बुमिनफोरखौ सोलायहोयो। वेखायनो आजायनायाव DNA नमुना दानाया गोनांथार बाहागो।

8.3 आथोनारि आजायनाय

Additional Questions

सों 1. आथोनारि आजायनाया मा? 

फिन : मोननै गुबुन गुबुन जिबख्रियारि अंगनि खेबसे लोगो लाहोफानानै सोमजिनाय गोदान जिबख्रि सोमजिहोनायखौ आथोनारि आजायनाय बुङो। 

सों 2. आथोन नाङि आजायनाय आरो आथोनारि आजायनायनि फाराख लिर।

फिन : आथोन नाङि आजायनायाव मासेल’ जिउआरि नांदेरना थायो। बेवहाय मोननै आथोननि गोनांथि जाया। आथोनारि आजायनायाव मोननै आजाय जिबख्रि ज’जायो। जोला आजाय जिबख्रि आरो जो आजय जिबख्रिनि गोरोबनाय जिबख्रिआ गले गले गावस्राना जिबख्रिनि अनजिमाया बाङो आरो उनाव माफा आबुं जिउआरि सोमजिखाङो।

सों 3. से आथोनारि आरो नै आथोनारि बिबारनि फाराख लिर। मोनफ्रोमनिबो मोनफायै बिदिन्थि हो।

फिन : जेब्ला बारसे बिबाराव जोला खानाय एबा गोरबोलाइ मोननैनि मोनसेल’ थायो, बेखौ से आथोनारि बिबाह बुङो। बिदिन्थि-मैथ्रु (मुदुमकुल) आरो तरमुज। जेब्ला बारसे बिबारा जोला खानाय आरो गोरबोलाइ मोननैबो थायो, बेखौ नै आथोनारि बिबार बुङो। बिदिन्थि- जबा, बेसर।

सों 4. बारसे बिबारनि लावग ‘आरि हाखावनायनि सावगारि आखिना बाहागोफोरखौ दिन्थि।

फिन :

सों 5. गोगो जानाय (fertilization) आ मा? 

फिन : जो जोनोम जिबख्रिआ जोला आजाय जिबख्रिजों जाबथुम जानाय (fusion) खौनो गोगो जानाय बुङो। 

सों 6. हायना नांनाया मा? हारसिङैहायना नांनाय आरो गुबुनजों हायना नांनायनि फाराखखौ लिर।

फिन : हायना गुन्द्राया जोला खानायनिफ्राय गोरबोलाइसिम बारस्लायनायखौनो हायना नांनाय बुङो।

हायना गुन्द्रानि बारस्लायनाया बारसे बिबारनि गेजेरावनो जायोब्ला बेखौ हारसिङै हायना नांनाय आरो जुदि हायना गुन्द्राया मोनसे बिबारनिफ्राय गुबुन मोनसे बिबारसिम बारस्लायो बेखौनो मालायजों हायना नांनाय बुंनाय जायो। मालायजों हायना नांनाया बार, दै, एबा जिउआरि फोरबादि थान्दैनि दारै मावफुंजायो।

सों 7. हायना नांनाय आरो गोगो जानाय उनाव बारसे बिबाराव मा मा सोलायो?

फिन : बिबाराव नुनाय सोलायनायफोर–

(i) बिबार फाइलि, बिबार बिखं, जोला खानाय गोरबो देन्था आरो गोरबो खर’ फोरा लहरायनानै सिरिलांनो हागौ।

(ii) सरासनम्स्रायै बिबार फाइखिआ रानलाङो आरो बिदैख ‘खौ हमथायो। 

(iii) बिदैख ‘आ लासैनो फिथाइ आरो बेगरसिम सोलायो।

सों 8. गाजा बेरनाय (germination) माखौ बुङो? 

फिन : इउन लाइफां एबा गोरबो मादा थाना बेगरा उदायनाय थामिननि सिनङाव गोदान लाइफांसिम जौगाहोयो। बे बिखान्थिखौनो गाजा बेरनाय (germination) बुङो।

सों 9. जौमोन जानाय लोगो हौवासा आरो हिनजावसानि देहायाव मा मा सोलायनाय नुजायो?

फिन : जौमोन जानाय लोगो लोगो आजायग्रा अंगनि सेर सेराव रोजा खोमोन बारायनाय, खुगायाव, आथिं आखायाव मिजि मिजि दारि, खोमोन रज ‘नाय गाराङा गावनो हमनाय आरो आथोना सम सम गेदेरै गोलाव आरो थोंगोर जानाय।

हिनजावसाफोरनिआव आहार बासानि महरा गेदेर जानाय, आहार बासानि बिजौ फिथौनि बिगुरा गेदेर जानाय, सावगुसु (menstruate) जानाय, आरो आजायग्रा अंगनि सेर सेराव रोजा खोमोन रज ‘नाय नुनो मोनो। 

सों 10. मानसिनि बिथिंआव सोलेरा आथोनारि रानायखौ मानो दिन्थियो? 

फिन : मानसि एबा बां जिबख्रियारि सोलेराव जुनियाथि हाबा मावनो जुनिया जिबख्रि रोखोमनि गोनांथि जायो। बे थांखिनि थाखाय जुनिया बिदामफोर जौगायो। जेब्ला देहाया बैसो गोरा महरसिम बारायो अब्ला देहानि फुंखाफोरा गाहाइयै बे बारायनायखौ जाफुंहोनो बिथोन होजायो। 

जेब्ला बेयो जाबाय थायो, आजायग्रा बिदामनि रानाया मोनसे गाहाइथार आगुथि नङाबो जानो हागौ। बे बादिनो सरासनस्रा देहानि बारायनायनि हारा लासै जानाय लेखायै आजायग्रा बिदामफोरा रानो हमो। लाइमोन बैसोनि बे सम खोन्दोखौनो जौमोन बुङो।

सों 11. मानसिनि आजायनाय बिखान्थिआव थानाय आंगोफोरा मा मा? 

फिन : मानसनि आजाय बिखान्थिआव गाहायाव होनाय आंगोफारा दाजानाय : 

(i) बेगर– जोनोम जिबख्रि एबा लादि सोमजि होनाय।

(ii) इपिडिडाइमिस– बेगरआ जिरि होनाय लादिखौ दोनथुमग्रा।

(iii) लादि नाला– लादि ओंखारलांग्रा नाला।

(iv) लादिख’ आरो प्रस्टेट बिथोब– लादि ओंखारग्रा एबा दै बायग्रा नालानि गेजेरजों बिसोरो बिसोरनि जिरिथाइखौ दाजाबदेरो जाहाथे लादिफोरनि रोगाथाइखौ गोरलैसिन खालामनो बिलाव महराव थायो आरो बिलावआ सुफुंसारनायबो ज ‘गायो।

(v) हासुदै लामा– हासुदै लामाया लादि आरो हासुदै मोननैनिबो मोनसे आगोसार लामा दायो।

(vi) आथोन अंग (penis)– आथोन अंगआ लादिखौ हौवानिफ्राय हिनजावनि आजाय आंगोसिम दैथायाग्रा आंगो।

सों 12. जो आजाय बिखान्थिनि आंगोफोर आरो बिसोरनि खामानिखौ गुसुङै फोरमाय।

फिन : जो आजाय बिखान्थिनि बाहागोफोर आरो खामानि :

(i) जरासे बिदैख’– जो जोनोम जिबख्रि आरो हरमन सोमजिहोनाय। 

(ii) फेल ‘पियान नाला– फेल ‘पियान नालाया जोनोम जिबख्रि एबा बिदैखौ फिसाख ‘सिम दैबायो।

(iii) फिसाख’– गोगो जानाय बिदै गोरोब जिबख्रिआ फिसाख ‘नि थोरफो खानायाव हाबसोलाङो आरो जिबख्रि गावस्रानाया जागायो। फिसाख’आ गोरलै गथ ‘नि जौगानायखौ मोदोमाय लानो महर दायो आरो जोथोनै रेखाथि होनो गावनो गाव थियारि जायो।

(iv) जो आथोन अंग– बियो गुसुं आरो गुवार फुवार जाग्रा। जो आथोन अंगआ एसिडारि लाव लाव मुवा ओंखारहोयो, बियो लादिखौ फिसाख ‘सिम थांनो गोरलै खालामो।

सों 13. हिनजावसाफोरनि जौमोन बैसो मोननाय समाव नुजानाय जायखिजाया मोननै सोलायथिखौ फोरमाय।

फिन : हिनजावसाफोरनि बिथिंआव– 

(i) आहार बासानि महरा देरखांबोनायजों लोगोसे आहार बासानि बिजौआव फिथौनि बिगुरा गोसोमसिन जाबोयो।

(ii) हिनजवफोरनि सावगुसु (menstruate) जागायो।

सों 14. फिसाख ‘नि गाहाय खामानिफोरा मा मा? 

फिन : फिसाख ‘आ गोगो बिदै लाखिनायनि मोनसे साबजाथाव बाहागो। फिसाख’आ मोनफ्रोमबो दानाव आजावनो आरो देरखांबोनाय गोरबो मादाखौ जोथोनै रैखाथि होयो। बियो देरखांबोनाय गोरबो मादाखौ फिसिनो थैजों लोगोसे थोजासे आदार देथाय हरो।

आजायग्रा सावस्रि (Reproductive health)

सों 1. आथोनारि सनदेरग्रा बेरामफोरा मा? आथोनारि सनदेरग्रा बेरामफोरनि मुं लिर। बेफोरनि माबे मानसि सोलेरनि बेराम होबथाग्रा (Immune) बिखान्थिखौ गाज्रि खालामो?

फिन : आथोन गेलेनायनि जाहोनाव बारस्लायनाय बेरामखौ आथोनारि सनदेरग्रा बेराम बुङो।

बेफोर बेरामा बेक्टेरियानि जोहै सनदेरनाय जेरै – गन’रिया (gonorrhoea) आरो सिफिलिस (shyphilis) आरो भाइरासनि जोहै सनदेरनाय जेरै वार्ट (wart) आरो एइस आइ भि–एइडस (HIV-AIDS) फोरा हमफाजायो।

HIV-AIDS आ सोलेरनि बेराम होबथाग्रा बिखान्थिखौ गाज्रि खालामो।

सों 2. गोरबोआव थानायखौ हाबथानाय आदबनि माखासे थाखोफोरखौ बेखेवना लिर।

फिन : गोरबोआव थानायखौ होबथानाय आदबफोर : 

(i) जुन्थियारि हेंथा (Mechanical barrier) :– बे आदबाव लादिया बिदैसिम सहैयै बादि हौवानि आथोन अंगआव कण्डम माननानै एबा हिनजावनि आथोन अंगआव महरसे खोबग्रा सोना लानाय जायो।

(ii) रासायनारि हेंथा (Chemical barrier) :– बे आदबाव हिनजावफोरा गोरबोआव थाहोयि मुलि बाहायो। खायसे जानाय मुलि एबा आथोनारि मुलि बाहायनानैबो गोरबोआव थानायखौ होबथानी हायो।

(iii) Intrauterine contraceptive devices (IUCDS) :– गोरबोआव थानायखौ होबथानाय गुबुन मोनसे खायदाया जाबाय लुप (loop) एबा कपार-टि (copper-T) खौ फिसाख ‘आव दोनहरनाय। बेखौ बाहायब्ला फेलपियान नालाया थाबथेयो आरो बिदैआ फिसाख ‘सिम सहनो हाया।

(iv) साव हाखावआरि आदब (Surgical Method ) :– बे आदबआ हौवा आरो हिनजाव सानैनिबो थाखाय बाहायजाथाव। हौवानि लादि नालानि फिसा बाहागो आरो हिनजावनि बिदै नालानि फिसा बाहागोखौ हास ‘नाय जायो जाहाते लादिफोरा ओंखारबोनो हाया।

सों 3. बिदैआ गोगो जायाब्ला मा जायो? 

फिन : बिदैख ‘आ दानफ्रोमोबो दैफा बिदै उदां खालामो, फिसाख’ आबो दानफ्रोमबो दैसे गोगो जानाय बिदैखौ आजावनो गावनो थियारि जायो । बेबादिनो थोरफो खानाया रोजा आरो सिबु जाबोयो। बिदैआ गोगो जायाब्ला फिसाख’ थोरफोआ लासैयै बायस्रायो आरो थै आरो बिजला महरै जो आथोन अंगनि गेजेरजों बायजोआव ओंखारबोयो। बे गिदिंखना दानफ्रोमबो जायो आरो बेखौ सावगुसु (menstruation) होनना बुङो आरो बियो साननैनिफ्राय दाइन सानसिम थायो।

सों ना य फरा बिजाबनि Page No. 140

सों 1. हायना नांनाय आरो गोगोजानायनि फारागखौ माबोरै दिन्थिगोन? 

फिन : एखे हारिसानि लाइफां विबारनि हायना गुन्द्राया जोला खानायनिफ्राय गोरबो लाइसिम बारस्लायनायानो जाबाय हायना नांनाय।

गोगो जानाया जाबाय गोरोब जिबख्रि (Zygote) सोमजिहोनो जोला आजाय जिबख्रिआ बिदैजों जाबथुमनाय।

सों 2 लादिख’ आरो प्रस्टेट बिथोबनि बिफावआ मा?

फिन : लादिख’ (seminal vesicle) आ फिस्ला बिलाव सोमजिहोयो। बियो लादि थांग्रा लामाखौ फिस्ला खालामो। बे बिलावआ एसिडारि जानायनिफ्रायबो रैखाथि होयो। एसिडा सरासनस्रायै हासुदै नाला आरो हिनजावनि आजाय आंगोआव थायो।

प्रस्टेट बिथोबा प्रस्टेटआरि बिलाव सोमजिहोयो जायफोरखौ हासुदै नालायाव उदां खालामो। आथोनारि गेलेनाय समाव मोदोम गेहेननि थनथ्र ‘नाय आरो थाथाइफिनग्रा (elastic) बिदामनि जाहोनाव बे बिलावआ गोबां सोमजियो। 

सों 3. जौमोन बैसोनि समाव हिनजावसाफोरनियाव मा मा सोलायनायखौ नुनाय जायो?

फिन : जौमोन बैसोनि समाव हिनजावसाफोरनिआव आहार बासानि महरा गेदेर जानाय, आहार बासानि बिजौ फिथौनि बिगुरा गेदेर जानाय, सावगुसु (menstruate) जानाय, आरो आजायग्रा अंगनि सेर सेराव रोजा खोमोन रज ‘नाय नुनो मोनो। 

सों 4. बिमानि देहा सिङाव गोरबो मादा (embryo) या माबोरै आदार (nourishment) खौ मोनो?

फिन : गोरबो मादाया फुल मुंनि जुनिया बिदामनि हेफाजाबजों बिमानि थैनिफ्राय सुफुंसारनाथ मोनो। मादानि फारसेनि बिदामाव भिलाइ थायो। बिमानि फारसे बाहागोआव थैनि खथा (spaces) फोर थायो, जाय भिलाइजों साग्लोबना दं। 

बेयो बिमानिफ्राय मादासिम ग्लुकज आरो अक्सिजेन बारलांहोनो थाखाय मोनसे गेदेर सा बिखुं दब्लाइथि जगायना होयो। जौगाबोनाय मादाया नाङि मुवाफोर सोमजिहोयो आरो बेखौ बिमानि थैसिम दैथाय हरनानै फुलनि गेजेरजों जानगार होनो हायो।

सों 5. जुदि सासे हिनजावआ मोनसे कपार-टि (Copper-T) खौ बाहायो बेयो बिनि आथोनजों बारस्लायनाय बेरामफोरखौ होबथानायाव हेफाजाब मोनगोन ना?

फिन : कपार– T बाहायनायआ गोरबोआव थानायखौ होबथाग्रा मोनसे आदब। बियो सासे हिनजावखौ आथोनजों जानाय बेरामनिफ्राय जेबो रैखाथि होआ।

सोंथि  बिदां

सों 1. गाहायनि बबेयाव मेगन ओंखारनायनि गेजेरजों आथोनरि नङि आजायनाया जायो?

(a) एमिबा।

(b) इष्ट।

(c) प्लाजम ‘डियाम।

(d) लिसमेनिया।

फिन : (b) इष्ट।

सों 2. गाहायनि बबेआ मानसिनि जो आजायग्रा बिखान्थिनि बाहागो नङा?

(a) बिदैख।

(b) फिसाख।

(c) लादि नाला।

(d) फेल ‘पियान नाला।

फिन : (c) लादि नाला।

सों 3. हायना खर’ आव थायो–

(a) बिखं।

(b) बिदैख्रि।

(c) गोरबोलाइ।

(d) हायना गुन्द्रा।

फिन : (d) हायना गुन्द्रा।

सों 4. आथोनारि नङिआजायनायनिख्रुइ आथोनारि आजायनायनि गोबांसिन खाबुफोरा मा मा?

फिन : आथोनारि आजायनाय समाव मोननै गुबुन गुबुन एखुथा जिबख्रिनि DNA गोरोबलायो। आथोनारि आजायनाया एखे बिमा बिफानिफ्राय उन जोलैनो रोखोम जाहोयो आरो गोदान जथाइनि आखु सोमजिहोनायाव मदत खालामो। आथोनारि नङै आजायनायाव इसेल’ रोखोम सोलायनाय नुयो। आथोनारि नङै आजायनायाव हारिसा फारि जौगानायनि खमसिन खाबु नुनो मोनो।

सों 5. मानसिनि बेगरजों मा मा हाबा मावफुंजायो?

फिन : मानसिनि बेगरा लादि सोमजिहोग्रा मोनसे जायगा। बेनि अनगायै हरमन आरो टेष्ट ‘ष्टे’रननि जिरिनायाव बेगारनि बिफाव थायो। टेष्ट ‘ष्टे’ रनआ जौमोन बैसोआव गथ’ फोरनि महर नुथाइखौ सोलायहोयो।

सों 6. साउगुसुवा मानो जायो?

फिन : बिदैआ जेब्ला गोगो जाया अब्ला फिसाख’ थोरफोआ लासैयै बायस्रायो आरो थै आरो बिज्ला महरै जो आथोन अंगनि गेजेरजों ओंखारबोयो। बे गिदिंखनआ दानफ्रोमबो साननैनिफ्राय दाइन साननि थाखाय जायो। बे बादिनो सावगुसुआ जायो।

सों 7. बारसे बिबारनि लाउग ‘आरि (Longitudinal) हाखावनाय सावगारि मोनसे आखिना सिनायथि हो। 

फिन :

सों 8. गोरबोआव थानायखौ होबथानायनि गुबुन गुबुन आदबफोरा मा मा?

फिन : गोरबोआव थानायखौ होबथानायनि गुबुन गुबुन आदबफोरा जाबाय :–

(i) जुन्थियारि हेंथा :- कण्डम बाहायनाय। 

(ii) रासायनारि हेंथा :- पिल जानाय।

(iii) कपार–टि (Copper-T) सोनाय।

(iv) साव हाखावआरि आदब। 

सों 9. से जिबख्रियारि आरो बांजिबख्रियारि जिबनि गेजेराव आजायनायनि फारागफोरा मा मा?

फिन : से जिबख्रिआरि जिबनि थाखाय जिबख्रि गावस्रानाय एबा सोखावनाया, गोदान एखुथा जिब सोमजिहोयो। बिसोरनि देहाया जायखि जाया समान थालायाव बायस्राना समानै मोननै जिबख्रिआव रानजायो। बिदिन्थि हिसाबै एमिबाया बेबादि गावस्रायो। गुबुन से जिबख्रिआरि जरै मेलेरिया बियाद, प्लाजमडियाम बाइदिया। बायस्राना गोबां साजो जिबख्रि सोमजिहोयो। इष्टफोरा नाथाय उन्दै मेगनफोर ओंखारहोना आलादा जाना बारायो।

बां जिबख्रियारि जिबफोरनि गेजेराव आजायनाया फिन उजिनाय, खोन्दो खालामनाय, आथोनारि आजायनाय बायदिजों जायो।

(i) फिन उजिनाय :- माबेबा एखुथा जिबआ गोबां खोन्दोआव बायस ‘यो अब्ला गोबां खोन्दोफोरानो आलादा एखुथा जिब महरै देरबोयो। बिदिन्थि– हाइड्रा। 

(ii) खोन्दो खालामनाय :- खायसे जिबनि बैसो रानाय बाहागोआ उन्दै उन्दै गज’आव बायफ्लेयो। बेफोर गज’फोरा एबा खोन्दोफोरा गोदान एखुथा जिब महरै बारायो। 

बिदिन्थि– स्पाइरगाइरा।

(iii) आथोनारि आजायनाय :- बेयावं जो आरो जोला आजाय जिबख्रिआ जाबथुमना गोरोब जिबख्रि (zygote) सोमजियो। 

सों 10. हारिसानि जिब ज’थाइ दिदोमथि ज’गायनायाव आजायनाया माबोरै हेफाजाब होयो?

फिन : आजायनाया जिब जथाइयाव रोखोम लाबोयो जाय जिब जथाइया थि थांना थाथाव जायगाखौ बाहायनो हायो। आजायनाय मोनसे एखुथा जिबनि नमुना सोमजिहोयो जाय मोनफा थि आबहावायाव गोरोबनो हायो।

सों 11. गोरबोआव थानायखौ होबथानाय आदबखौ आजावनायनि जाहोनफोरा मा मा जानो हागौ?

फिन : जोंनि हादोताव सुबुं अनजिमाया बोसोरफ्रोमबो बांगासिनो दं। बेयो मिथिंगायारि धोन आरो हादोतनि रांखान्थियारि बिथिंआव गोहोम खोख्लैयो। गोरबोआव थानायखौ होबथानाय आदबा गोसो गोयै गोरबोआव थानायखौ होबथायो। खायसे गोरबोआव थानायखौ होबथानाय आदब गाहायै कण्डम बाहायनाय आदबा आथोनजों जानाय बेरामफोर आरो एइडस बाइदि बेरामफोरनिफ्राय रैखाथि होयो।

MULTIPLE CHOICE QUESTIONS

सों 1. ब्रायफायलामनि जौगानाय बाहागोआ :

(क) बिलाइ मेगन।

(ख) सिमायारि मेगन। 

(ग) मोदोमारि मेगन। 

(घ) बिलाइ रुगुं।

फिन : (क) बिलाइ मेगन।

सों 2. गोदै आलुनि बिथिङाव मोदोमारि आजायनाया जायो :

(क) बिथ।

(ख) बिलाइ।

(ग) रोदा।

(घ) मोनसेबो नङि। 

फिन : (क) बिथ।

सों 3. लाइफांनि हायना गुन्द्रा सोमजिनायखौ बुङो।

(क) हायनाख। 

(ख) मेगन ओंखारनाय।

(ग) बायस्रानाय।

(घ) खोन्दो जानाय।

फिन : (क) हायनाख। 

सों 4. हाइड्रानि सरासनस्रा आजायनाय बिखान्थिया :

(क) खोन्दो खालामनाय।

(ख) मेगन ओंखारनाय। 

(ग) थोरफो खालामनाय। 

(घ) खोलोम होनाय।

फिन : (ख) मेगन ओंखारनाय। 

सों 5. गाहायनि माबेयाव फिन उजिनाय नुनो मोना?

(क) एमिबा।

(ख) हाइड्रा।

(ग) स्पन्ज।

(घ) प्लेनेरिया।

फिन : (क) एमिबा।

सों 6. माबे बेरामा आथोनजों गोसारो :

(क) AIDS.

(ख) गोलोन्दि।

(ग) लोमजानाय। 

(घ) पेलाग्रा।

फिन : (क) AIDS.

सों 7. गाहायनि माबे गोरबोआव थानाय होबथानाय आदबा साबसिन?

(क) IUCD.

(ख) कण्डम बाहायनाय।

(ग) हाखावारि आदब। 

(घ) गोजौनि गासैबो।

फिन : (घ) गोजौनि गासैबो।

सों 8. मानसिनियाव बिदै गोगो जानाय बाहागोआ– 

(क) आथोन।

(ख) बिदैख।

(ग) फिसाख।

(घ) केल ‘पियान नाला।

फिन : (घ) केल ‘पियान नाला।

सों 9. मानसिनि बबे मोनसे बिखान्थिजों प्रष्टेट बिथोबा लोब्बा दं–

(क) जोला जोनोम बिखान्थि।

(ख) जो जोनोम बिखान्थि।

(ग) सिगारनाय बिखान्थि।

(घ) दोगोन बिखान्थि।

फिन : (क) जोला जोनोम बिखान्थि।

सों 10. टेष्ट ‘स्टेरन हरमन सिगारग्रा जिबखान्थि मुङा–

(क) जोनोम जिबख्रि।

(ख) सारट ‘लि जिबख्रि।

(ग) लेइडिग जिबख्रि।

(घ) लादि जिबख्रि।

फिन : (घ) लादि जिबख्रि।

Chapter No.	CONTENTS
खोन्दो – 1	रासायनारि फिनजाथाइ आरो समानथाइ
खोन्दो – 2	एसिद, खारदै आरो संखि
खोन्दो – 3	धातु आरो धातुनडिफोर
खोन्दो – 4	कार्बन आरो बेनि खौसेमुवाफोर
खोन्दो – 5	गुदि मुवाफोरनि आन्थोरारि थाखोराननाय
खोन्दो – 6	जिउ बिखान्थि
खोन्दो – 7	सामलायनाय आरो लोब्बा लाखिनाय
खोन्दो – 8	जिबफोरा माबोरै आजायो
खोन्दो – 9	फोलेरफारि आरो फारि जौगानाय
खोन्दो – 10	सोरां-रिफिनाय आरो रिफिख ‘ननाय
खोन्दो – 11	मानसिनि मेगन आरो रंगिना-संगिना बुहुम
खोन्दो – 12	मोब्लिब गोहो
खोन्दो – 13	मोब्लिब दाहारनि सुम्बकारि गोहोम
खोन्दो – 14	शक्टिनि फुंखाफोर
खोन्दो – 15	जोंनि आबहावा
खोन्दो – 16	मिथिंगायारि सम्पदनि सामलायनाय

SEBA Class 10 Science Question Answer In Bodo Chapter 8 जिबफोरा माबोरै आजायो | How do Organisms Reproduce | Class 10 Science Question Answer in Bodo As Per New Syllabus दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 10 Science Question Answer In Bodo Chapter 8 Question Answer. Class 10 Science Question Answer Chapter 8 in Bodo. SEBA Class 10 Science Question Answer In Bodo Medium Chapter 8 covers all the exercise questions in NCERT, SCERT.

SEBA Class 10 Science Question Answer In Bodo Chapter 8 in Bodo Medium | Bodomedium Class 10 General Science notes इस पोस्ट में हम आपको ये समझा ने कि कोशिश की है की Bodo Medium Class 10 Science Question answer | SEBA Class 10 Science Question Answer In Bodo Chapter 8 अगर आप एक bodo सात्र या शिक्षाक हो तो आपके लिए लावदयक हो सकता है।

Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।