Bodo Medium Class 9 Social Science Chapter 13 गुबै रांखान्थियारि जेंनाफोर Question Answer. Class 9 Social Science Question Answer in Bodo to each Chapter is provided in the list of SCERT, NCERT, SEBA सामाज बिगियान Class 9 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें. Class 9th Social Science Chapter 13 Question Answer Class 9 Bodo Medium Social Science Chapter 13 Questions Answer. SEBA Bodo Medium Class 9 Social Science Chapter 13 गुबै रांखान्थियारि जेंनाफोर Notes covers all the exercise questions in NCERT, SCERT.
Class 9 Social Science Chapter 13 गुबै रांखान्थियारि जेंनाफोर
बोडो मीडियम कक्षा 9 सामाज बिगियान खोन्दो 13 गुबै रांखान्थियारि जेंनाफोर Question Answer इस पोस्ट में हम आपको ये समझा ने कि कोशिश की है की कक्षा 9 बोडो मीडियम सामाज बिगियान खोन्दो 13 Question Answer. अगर आप एक सात्र या शिक्षाक हो बोडो मीडियम की, तो आपके लिए ये बोडो मीडियम कक्षा 9 सामाज बिगियान खोन्दो 13 Question Answer बोहत लाभदायक हो सकता है। कक्षा 9 सामाज बिगियान खोन्दो 13 मे आप अपना ध्यान लगाके पढ़ कर इस कक्षा 9 सामाज बिगियान में अछि Mark ला सकते हो अपनी आनेवाली परीक्षा में।
खोन्दो 13 गुबै रांखान्थियारि जेंनाफोर
Chapter 13 Types of Classification of Government
आयदानि सोंनाय फिननाय
जोबोद सुंद’ /सुंद’ फिननायनि सोंनाय
1. बुंफोरथि लिर–
(क) गौजारोङि ।
फिन:- (क) गैजारोङि: गैजारोङिनि बुंफोरथिखौ गुबुन गुबुन सुबुङा गुबुन गुबुनै बिबुंथि होदों । गुवार ओंथियाव गैज़ारोङिया औरैबादि मोनसे थासारिखौ बुजायो जेराव सासे मानसिया बिनि जिउनि गुदि गोनांथिफोरखौ जेरै आदार, सि- जोम, थाग्रा जायगा (न बां), सोलोंथाइ आरो सावत्रिनि खाबुंफोरखौ मोननायाव फेलें जायो । सम्पद आरो आयनि समान नङै रानसारथाइया गंसे हादरनि रांखान्थियारि समानथि नङिसोमजि होयो । जाउनाव दोहोनि आरो हावरियानि गेजेराव थानाय फारागथिया बाङो । गैजारोङि मानसिफोरा गैंजारोङि सोरखियाव गोग्लैनानै गैंजारोङि निफ्राय आरो गोबांसिन गैजारोङिनि गेजेराव दावख्लायो ।
(ख) बेकार ।
बेकार: सरासनस्रा बेकार सोदोबा खामानि गैयिखौ बुजायो । जायफोर सुबुङा खामानि मावनायनि जेबो खाबुमोना बिसोरखौ बेकार होनना बुङो । नाथाय रांखान्थियाव बेकार बुङोब्ला बैसोरखौ बुजायो जायफोरहा खामानि मावनायनि गोहो आरो गोसो दं नाथाय जेबो थि थिसनथाइ मोना । सासे मानसिहा खामानि मावनायनि गोहो दं नाथाय बियो सोलिथाइ मुजुरायाव खामानि मावनो गोसो गैयाब्ला बिखौ बेकार होननानै बुंनो हाया । बेकारा मोननै रोखोमनि –
(1) गामियारि बेकार आरो (2) सोहोरारि बेकार फिन गामियारि बेकारखौ मोननै थाखोआव राननाय जादों (1) बोथोरारि बेकार आरो (2) महर सोलायनाय बेकार, बेबायदिनो सोहोरारि बेकारखौबो मोननै थाखोआव राननाय जादों (1) दारिमिनारि बेकार आरो लेखागोरों बेकार ।
(ग) सुबुं अनजिमानि रोजाथि ।
सुबुं अनजिमानि रोजाथि: भारतबर्षनि सुबुं अनजिमा बांनायनि हारआ बुहुमनि मादावनो बसिन । सुबुं अनजिमाथिंनिफ्राय भारतआ बुहुमनि नैथि सुबुंबां हादर। 2011 मायथाइनि सुबुं साननाय बायदियै भारतनि सुबुं अनजिमाया जादों 121 कौटि । सुबुंअनजिमानि रोजाथि (मोनफ्रोम बर्ग किल मिटाराव) सा 382, बयनिख्रुइ गोबांसिन सुबुं अनजिमानि रोजान्थि थानाय रायजोआ जादों सोनाब बंग’ आरो एसेल’ रोजान्थि थानाय राज्योआ जादों अरुणाचल प्रदेश । आसामनि सुबुं अनजिमानि रोजाथिया जादों सा 397 थामहिनवा आसामनि सुबुं अनजिमानि रोजाथिया हादरनि सुबुं अनजिमानि रोजान्थिनिख्रुइ बांसिन । आसामनि कामरुप नोगोरमा जिलायाव सुंबुं अनजिमानि रोजान्थिया बांसिन (2010) । नैथि सुबुं अनजिमा रोजान्थि बांसिन थानाय जिलाया जादों धुबुरी (1171) एसेल’ सुबुं अनजिमा रोजान्थि थानाय रायजोआ जादों दिमा हासाव (44) ।
(घ) आथोन रुजुथाइ ।
आथोन रुजुथाइ: आथोननि रुजुधाइयाव मोनफ्रोम रोजा हौवाफोरनि उल्थायै हिन्जावफोरनि अनजिमाया 940, हादरनि राज्योफोरनि मादाव फेरेलायाव ओथोननि रुजुथाइया बांसिन (1084) आरो हारियानायाव आथोननि रुजुथाइया एसेल (877) आसामनि आथोननि रुजुथाइया जादों 954 बेयो मोनसे मोजां लैखोन । मानोना बे रुजुथाइया भारतारिनि रुजुथाइनिख्रुइ बांसिन । मरिगाव जिलायाव आथोननि रुजुथाइया बयनिख्रुइ बांसिन (974) आरो कामरूप नोगोरमायाव बयनिख्रुइ बाङाइ (922) ।
(ङ) गाहायथार गैजारोङि ।
गाहायथार गैजारोङि: गैजारोङिनि सिमाहांखोआनो रानसारथाइ हांखोनि मोनसे गाहायसिन सिमाखौ थि खालामनानै होयो । बेयो गंसे हादरनि सुबुंफोरखौ गोजारोङि आरो गैजारोङि नङि बे मोननै बाहागोआव रानदों । भारतबर्षनि गैारोङि सिमाहांखोनि गुबुन गुबुन बेखेवथि होनाय जादोंब्लाबो केलरि बिथायारि बेखेवथियानो जादों बांसिनै बाहायजानाय । भारतनि बिथांखि आयगा केलरि बिथायाव बुंनाय फोरमायथि बायदिब्ला गामि ओन्सोलाव साफ्रोमबोनि खर ‘सा आया गाहायसिन 2400 केलरि आरो सोहोर ओन्सोलाव सानफ्रोमबोनि खर’सा आया 2100 केलरि आदार बुथुमनो हायाब्ला सासे सुबुंखौ गौजारोङ होननानै बुंनाय जायो ।
(च) आजवथाव जौगाथाइ ।
आजवथाव जौगाथाइ: आथिखालाव बुहुमनि हादोरफोरनि गेजेराव रांखान्थियारि दावगानाय मोननो थाखाय जाबादि बादायज्लायनाय जागायनो हमदों बेनो आबहावानि सायाव गाज्रि गोहोम खोख्लैदों । आबहावा जोबस्रांनाया बुहुमनि सोरगिदिं गिनाय लाबोदों । बुहुमनि दुंथाइनि फारसे जौथाइयाबो बांनो हमदों । बेनि जाउनाव बुहुंमनां दुंथाइ नि जेंना नुजादों । जिवारि महर मुस्रिया खम जानाय, बारहावा सोलायनाय आरि गोबां जेंनाया आबहावाखौ गाज्रि खालामदों ।
रांखान्थियारि जौगानाय आरो दावगानायनि थाखाय जाहाथे आबहावानि सायाव गाज्रि गोहोम गोग्लैया बेखौ नोजोर लाखिनानै 1987 मायथाझ्याव Brundtland आयगा याद ‘ आजासे एबा आजावथाव जौगाथाइ नि सानखांथाइखौं होदों । बे आयगआ आबहावा आरो जौगाथाइनि मुलुग ‘आयग होननानैबो मिथिजायो । आयगनि बादिब्ला जाय रांखान्थियारि दावगानायनि गेजेरजों आथिखालनि उनजोलैनि आंखालफोरा गैया जालांनो हायो थेवबो बेनि लोगो लोगो इयुन जोलैनि आंखालफोरखौ होखारनाय बेलायाव एसेबो मानिना लानाय जाया, बै रांखान्थियारि जौगानायानो जादों थाद’नाय गैयि एबा आजाबथाव रांखान्थियारि जौगानाय ।
(छ) सोमखोर रांखान्थि ।
सोमखोर रांखान्थि: जाय रांखान्थिनि गाहाइ थांखिया जादों आबहावानि फारसे गिनाय गोनां आरो थासारिनि आदब नि जेंनाफोरखौ होखारनानै “आजावथाव जौगाथाइ मोननाय बेफोरबायदि रांखान्थिखौनो सोमखोर रांखान्थि बुंनाय जायो ।
आवहावा सांग्रा सुबुं आरो फसंथानफोरनि थाखाय दा गुदि मोनथोरा जादों – साननाया मुलुगनां जाथों, खामानि मावनाया जायगायारि जाथों।
2. गौजारोङि सिमाहांखोआ मा ? गामि ओन्सोल आरो सोहोर ओन्सोलनि गैजारोङिनि सिमाहांखोआ मा ?
फिन:- गैजारोङिनि सिमाहांखोआनो रानसारथाइ हांखोनि मोनसे गाहायसिन सिमाखौ थि खालामनानै होयो जाय गंसे हादरनि सुबुंफोरखौ गजारोङि आरो गैजारोङि नङि बे मोननै बाहागोआव रानदों ।
भारतबर्षनि गैजारोङिनि सिमाहांखोनि गुबुन गुबुन बेखेवथि होनाय जादोंब्लाबो केलरि बिथायारि बेखेवथियानो जादों बांसिनै बाहायजानाय । भारतनि बिथांखि आयगा केलरि बिथायाव बुंनाय फोरमायथि बायदिब्ला गामि ओन्सोलाव सानफ्रोमबोनि खर ‘सा आयआ गाहायसिन 2400 केलरि आरो सोहोर ओन्सोलाव सानफ्रोमबोनि खरसा आयआ 2100 केलरि आदार बुथुमनो हायाब्ला सासे सुबुंखौ गैजारोङि होननानै बुंनाय जायो । गामि ओन्सोलाव गोबां केलरिनि गोनांथि जायो मानोना गामियारि मानसिया सोहोराव थाग्रा मानसिफोरनिख्रुइ देहायारि परिस्रमा बांसिन ।
3. 2011 मायथाइनि सुबुं साननाय बायदियै भारतबर्ष आरो आसामनि सुबुं अनजिमाया बेसेबां ?
फिन:- 2011 मायथाइनि सुबुं साननाय बादियै भारतनि सुबुं अनजिमाया जादों 121 कौटि ।
आसामनि सुबुं अनजिमाया जादों 3 कौटि 12 लाखफ्राम ।
4. बुहुमनि हा दब्लायथिनि बेसेबां जौखोन्दो भारताव दं ?
फिन:- बुहुमनि हा दब्लायथिनि 2.4 जौखोन्दो भारतआव दं ।
5. भारतनि गोबांसिन आथोननि रुजुथाइगोनां राज्योआ बबे आरो बेसेबां ?
फिन:- भारतनि गोबांसिन आथोननि रुजुथाइगोनां राज्योआ केरेला। बेयाव 1084 दं ।
6. आसामनि सुबुंअनजिमानि रोजाथिया बेसेबां ?
फिन:- 397 सा ।
7. महर सोलायनाय बेकार सोरखौ बुङो ?
फिन:- खम जौगानाय हादरनि आबाद, आखाइ – सिल्प, खुसरा फालांगि बायदियाव जेसेबां मावदांसाफोर मावनायनि गोनांथिदं बेनिख्रुइ गोबांसिन मावदांसाफोरा खामानि माववाय थानायनि थाखाय बे बांद्राय मावदांसाफोरखौ बेनिफ्राय बोखाना लाबोब्लाबो दिहुनथाइया खामाया । बे थासारियाव बे बांद्राय मावदांसाफोरखौ नुनायाव खामानि मोननाय बायदि नुयोब्लाबो थारैनो बेकारसो । बिब्दि बेकारफोरखौ महर सोलायनाय बेकार बुङो । बिदिन्थि बादियै मोनसे खामानिखौ सानै मानसिया मावनो हायोब्ला बे खामानियाव जिदु साबा मानसिखौ थिसननाय जायो, अब्ला उफ्रा साथाम मानसिखौ महर सोलायनाय मावदांसा होननानै बुंनाय जायो ।
8. खाउरिनि बेसेन बांनाया मा ?
फिन:- खाउरिनि बेसेन बांनाया जाबाय- बेसादनि बेसेना बाडने नाथाय मैलोआ खम जालाडो । रांखान्थियाव खाउरिनि बेसेन बांनाय बुडोब्ला बेसादनि बेसेना बांनाय हाल- सालखौ बुजिनाय जायो ।
9. खाउरिनि बेसेन बांनाय जाहोनफोरा मा मा ?
फिन:- खाउरिनि बेसेना बांनाय जाहोनफोरा गुबैयै:
(1) गोनांथि आरो (2) खरसा।
10. गादाबजानाय खाउरिनि बेसेन बांनाया माखौ बुङो ?
फिन:- सरकारा गुबुन गुबुन थोंजों राहानि गेजेरजों जेरैबादि राइजोनो रानना होनाय राहा होयो, सरकारआ दर-दाम थि खालामना होनाय आरिनि गेजेरजों दर-दामखौ सामलायो । बेफोर सामलायनाय राहायानो दर दामनि थाखोखौ उदां खाउरिनि बेसोन बांनायनि दर-दामनि थाखोनिख्रुइ खमाव लाखियो आरो दर-दामनि थाखो बांनायनि बिबाङा खमायो । बेफोरबादि खाउरि बेसेन बांनायखौ गादबजानाय खाउरिनि बेसेन बांनाय होननानै बुङो ।
11. खान्थिनां (दाजामि) नङि खोन्दोआव मावदांसानि अनजिमाया ‘बसेबां थायो ?
फिन:- 10 सा निख्रुइ खम मावदांसाथायो ।
13. आजावथाव जौगाथाइनि बुंफोरथिखौ बबे मोनसे आयगा माब्ला होदोंमोन ?
फिन:- आजावथाव जौगाथाइनि बुंफोरथिखौ Brundtland आयगआ 1987 मायथाइयाव होदोंमोन ।
14. आबहावा सानसुमैफोरनि गाहाइ मोनथोरा मा ?
फिन:- आवहावा सानसुमैफोरनि गाहाइ मोनथोरा जादों साननाया मुलुगनां जाथों, खामानि मावनाया जायगायारि जाथों ।
गोलाव फिननायनि सोंथि
1. भारतवर्षआव सुबुंअनजिमा बांनाय जेंनानि गाहाइ जाहोनफोरखौ सावराय ।
फिन:- भारतवर्षआव सुबुंअनजिमा बांनाय जेंनानि गाहाइ जाहोनफोरा जादों:
(1) गोजौ जोनोमनि हार। (2) लेखा रोङि (3) गैजारोङि (4) समाजारि गियान गैयि (5) सुबुं अनजिमा सोलोंथाइनि आंखाले ।
1. गोजौ जोनोमनि हार: आसामनि बेलायाव बायजोनि राज्यो आरो हादोरनिफ्राय हाबफैनाय दावबायखननाया सुबुं अनजिमानि जेंनाखौ बांसिन जेथो गोनां खालामसिनदों । जुनियायै नसुं हादर बांलादेश आरो नेपालनिफ्राय जानाय आयेन बेरेखा हाबफैनाया आसामति सुबुं दाथाइयाव गोहोम खोख्लैदों ।
जोनोमनि हार आरो थैनायनि हारनि फारागथियानो जादों सुबुंअनजिमानि बांनायनि जाहोन । भारतवर्षआव सुबुं अनजिमा बांनायनि गाहाइ जाहोनानो जादों जोंनि हादोराव थैनायनि हार आरो जोनोमनि हार मोननैबो खम जादों । नाथाय थैनायनि हारनि रुजुनायाव जोनोमनि हारा खमायदों । बुहुमनि सुबुंअनजिमानि 17.5 जौखोन्दोआ जादों भारतनि सुबुं अनजिमा ।
2. लेखारोङि: लिरनो फरायनो रोङि सुबुंखौ लोखारोङि बुंनाय जायो । लेखारोङै सुबुंफोरा सरासनस्रा सोलोंथाइनि खमथार खाबुनिफ्रायबो जानगारजानाय । भारतनि 48 सा सुबुआ लोखारोङि । नोगोर ओनसोलनिख्रुइ गामि ओन्सोलाव लेखारोङिया गोबां आरो हौवाफोरनिख्रुइ हिनजावफोरनि लेखारोङैया बांसिन ।
3. गैजारोङि: सम्पद आरो आयनि समान नङै रानसारनाया गंसे हादरनि रांखान्थियाव रांखान्थियारि समान्थि नङि सोमजिहोयो । बेनि बिदिन्थि महरै दोहोनि आरो हावरियानि गेजेराव थानाय फारागथियो बाङो । गैजारोङि मानसिफोरा गैजारोङि सोरखियाव गोग्लैनानै गोजारोङिनिफ्राय आरो गोबांसिनि दावख्लायो । बेनिखायनो गैजारोङिनि जेंनाया मानसिखौ खमथार गैजारोङैयाव सुखु सुबिदानिफ्राय जानगारहोनायनि अनगायैबों सुबुंथिनि मानथाखोखौबो गाहाइ खालामो। गैजारोङै गंसे नखारा नखर, खुरमा बाहागि, नसुंसे आरो समाज-हादोरनि फारसे बिबान मावलांनो हाया । लेखारोङै, खाना फोथाइनाय, गाज्रि आसारखान्थि बायदिखौ होखारनायनि लाखाय थानाय बायदिसिना बिथांखिफोरखौ गैजारोङै थासारिया हेंथाहोयो ।
4. समाजारि अगियान: अगियाना गोबां समावनो मानसिखौ गाज्रि लामाथिं लानाथाङो अगियानि सुबुंङा गावनि गोहो आरो सानबिजिर सोलोखो बाहायनो रोङा । अगियानथिया समाजारि जौगानायाव हेंथा सोमजिहोयो । समाजारि अगियानथिया बानबुंथाइ गैयि खामानि एबा नेमखान्थिफोरखौ नागारैनि थाखाय गोदान नेम एबा गोदान जायखिजाया बाथ्राफोरखौ आजावनो गोसो खालामा । गोदान खामानि एबा नेम गाज्रि जाथाइ जाहोनो हागौ होनना बिसोर नंखायैनो गियो । सोलोंथाइ गोसारहोनायनि गेजेरजों समाजारि अगियानथिखौ होखारनो हायो ।
5. सुबुंअनजिमा सोलोंथाइनि आंखाल: सुबुंअनजिमा बांनायखौ होबथानायनि थाखाय सोलोंथाइया मोनसे गोनांथार हाथियार । सोलोंथाइया गियान बांहोनायजों लोगोसे गियाननि आंखालाव जायफोर हुदा, गोसोजानाय, गोसो-सानस्रिफोरा गावआरि एबा जुथुमारि जिव दावबायनायाव हेंथा महरै गसंथायो बेखो गेबें गियान, मोनदांथि आरो बेसेन बुजिनायनि हेफाजाबजों गोरलैयैनो जानगारहोनायाव हेफाजाब होयो । सोलोंथाइगैयिनि थाखाय सुबुं अनजिमाया बांलांगासिनो दं ।
2. गैजारोडिया माखौ बुङो? गैजारोङि सिमाहांखोआ माबोरै गैजारोङिथिखौ थिखालामो बेखेव ।
फिन:- गैजारोङिनि बुंफोरथिखौ गुबुन गुबुन सुबुङा गुबुन गुबुनै बिबुथि होदों । गुवार ओंथियाव गैजारोङिया एरैबादि मोनसे थासारिखौ बुजायो जेराव सासे मानसिया बिनि जिउनि गुदि गोनांथिफोर जेरै आदार, सि-जोम, थाग्रा जायगा (न-बां) सोलोंथाइ आरो सावस्रिनि खाबुफोरखौ मोननायाव फेलें जायो ।
गोरलै ओंथियाव जिव खुंनायनि थाखाय खमथार गोनांथिफोरखौ थोजासे बिबाङै मोनफुङै हाल- सालखौनो गैजारोङि बुंनाय जायो ।
गैजारोङिनि सिमाहांखोआनो रानसारथाइ हांखोनि मोनसे गाहायसिन, सिमाखौ थि खालामनानै होयो जाय गंसे हादरनि सुबुंफोरखौ गैजारोङि आरो गैजारोङि नङि बे मोननै बाहागोआव रानदों । भारतवर्षनि गैजारोङि सिमाहांखोनि गुबुन गुबुन बेखेवथि होनाय जादोंब्लाबो केलरि बिथायारि बेखेवथियानो जादों बांसिनै बाहायजानाय । भारतनि बिथांखि आयगा केलरि बिथायाव बुंनाय फोरमायथि बादिब्ला गामि ओन्सोलाव सानफ्रोमबोनि खर ‘सा आयआ गाहायसिन 2400 केलरि आरो सोहोर ओन्सोलाव सानफ्रोमबोनि खर’सा आया 2100 केलरि आदर बुथुमनो हायाब्ला सासे सुबुंखौ गैजारोङि होननानै बुंनाय जायो । गामि ओन्सोलाव गोबां केलरिनि गोनांथि जायो । मानोना गामियारि मानसिफोरहा सोहोराव थाग्रा मानसिफोरनिख्रुइ देहायारि परिस्रमा बांसिन ।
3. खाउरिनि बेसेन बांनाया माखौ बुङो? खाउरिनि बेसेन बांनायनि सामलायनाय गाहाड़ खान्थिफोरखौ सावराय ।
फिन:- सरासनस्रा बेसादनि बेसेन बांनाय हाल सालखौनो खाउरिनि बेसेन बांनाय होनना बुंनाय जायो । नाथाय रांखान्थियाव खाउरि बेसेन बांनाय होननानै बुङोब्ला खेबसेयैनो सरासनस्रा बेसेननि थोरफो बांनाय हाल-सालाखौ बुजायनाय जायो । खाउरिनि बेसेना बाङोल्ला बेसादनि बेसेना बाङो नाथाय मैलोआ खम जालाङो ।
खाउरिनि बेसेन यांनायखौ सामलायनाय गाहाइ खान्थि मोनथामा जाबाय:
(क) नायबायनाय खान्थि ।
(ख) सरकारि रां बाख्रियारि खान्थि आरो
(ग) नायलायि खान्थि ।
(क) नायबायनाय खान्थि : सरकारआ आजावनाय खाउरियारि खान्थिनि मादाव बेंकनि हार खान्थिया मख’ जाथाव । बेंकनि हारआ जादों बै हार जाय हारआव मिरु बेंकआ फालांगियारि बेंकनो रां दाहार होयो । खाउरिनि बेसेन बांनाय समोव बैकनि हारखौ बांहोनाय जायो। जायनि जाउनाव फालांगियारि बेंकआ हाथाइनि हारखौ बांहोयो । बेनि जाउनाव रां दाहार लाग्राया रां दाहार लानो राहा गोमानाङो आरो हाथाइयाव रां दाहारा खमायनानै खाउरिनि बेसेन बांनाया सामलायजायो ।
(ख) सरकारि रां बाख्रियारि खान्थि : बे खान्थिखौ ‘आय आरो खरसा’ खान्थि होनानैबो बुंनाय जायो । सरकारनि खरसाखौ गारनानै हादराव गासैबो गोनांथिखौ खमायनो हायो आरो खाउरिनि बेसेन बांनायखौ सामलायनो हायो । बेनि अनागायैबो गुबुन गुबुन रोखोमनि टेक्स फोनांनानै राइजो राजानि आखाइयाव थानाय उफ्रा खाउरिखौ सरकारनि आखाइयाव लाबोनो हायो । बेनि जाउनाव गासैबो गोनांथिया खमायलांगोन आरो खाउरिनि बेसेन बांनाया सामलायजागोन । बेनि अनगायैबो सरकारआ राइजो राजानिफ्राय रां दाहार लानानै खाउरिनि बेसेन बांनायखौ सामलायनो हायो ।
दिहुनथाइ बांनाय खान्थि: हादरनि सरकारआ बाहायजायि सम्पदफोरखौ थियै बाहायनानै दिहुनथाइ खामानिखौ गोख्रै मावनो हायोब्ला हादराव दिहुनथाइया बांगोन आरो बेसाद बांनायावलो गोनांथिनि हारआव जगायनाया बांनाने दर दामनि थाखोआ सामलायजागोन ।
4. बेकार जेंनाया माखौ बुङो ? बेयो बेसेबां रोखोमनि ? बे जेंनानि गाहाइ जाहोनफोरखौ मुंख’ ।
फिन:- जायफोर सुबुङा खामानि मावनायनि जेबो खाबु मोनां बिसोरखौ बेकार होनना बुंनाय जायो । नाथाय संखान्थियाव बेकार होनना बुङोब्ला बैसोरखी बजायो जायफोरहा खामानि भावनायनि गोहो आरो गोसो दं नाथाय जेबो थि चिसनथाइ मोना । सासे मानसिहा खामानि भावनायनि गोहो थासेयावबो गोहोदं नाथाय बियो सोलिनाइ सुजुरायाव खामानि मावनो थाखाय गोसो गैयाब्ला बिखौ बेकार होनतानै बुनो हाया ।
बेकारा सरासनसा मोननै रोखोमनि:
(1) गामियारि बेकार ।
(2) सोहोरारि बेकार ।
गामियारि बेकारा मोननै रोखोमनि:
(क) बोथोरारि बेकार ।
(ख) महर सोलायनाय बेकार ।
सोहोरारि बेकाराबो मोननै रोखोमनि:
(क) दारिमिनारि बेकार ।
(ख) लेखागोरों बेकार ।
बेकार जेंनानि गाहाइ जाहोनफोरखौ गाहाइयाव मुख नाथ जाबाय :
(1) गोख्रै सुबुं अनजिमा बांनाय ।
(2) थिसनथाइ गैथि जौगाथाइ ।
(3) थाद’नाय गैयि आबाद जौगाथाइ ।
(4) दारिमिन फसंनायनि गोहैलो खारथाइ ।
(5) जेंना गैयि सोलोंथाइ रहा ।
5. रेबसुं लिर:
(क) बोथोरारि बेकार (ख) गोनांथियारि आरो खरसायारि खाउरिनि बेसेनबांनाय (ग) आजावजाथाव जौगाथाइ (घ) सोमखोर रांखान्थि (ङ) उदां खाउरि आरो सामलायनाय खाउरि ।
फिन:- (क) बोथोरारि बेकार: जाय मावदांसफोरा बोसोरनि मोनसे समाव एबा बोथोराव खामानि मावनापनि खाबुमोनैनि थाखाय बेकार जाना थायो बिसोरखौनो बोथोरारि बेकार बुंनाय जायो । जोंनि हादोराव गोबां ओन्सोलावनो आबाद फोथाराव दैसारफावनायनि खाबु गैयिनि थाखाय मेसें बोथोराव आबाद दिहुनथाइनि थाखाय हा एवनाय बायदि रोखोमनि आबादारि खामानिफोरा बन्द’ थायो । बेनिखायनो गुबुन समफोराव खामानि मोननाय खायसे मानसिफोरा अब्ला बेकार जायो । बेबादिनो साहा दारिमिन, सेनि दारिमिन बायदिफोरावबो बोसोरनि खायसे समाव सानैसो मावदांसाफोरा बेकार जाना थायो ।
(ख) गोनांथियारि आरो खरसायारि खावरिनि बेसेन बांनाय: बेसादनि बेसान बाङोब्ला आरो खावरिनि बेसेन खमायोब्ला बेखौ खाउरिनि बेसेन बांनाय बुंनाय जायो । खाउरिनि बेसेन बांनायनि जाहोना गुबैयै। मोननै मोनसेया जादों गोनांथि (साहिदा) आरो गुबुन मोनसेया जादों खरसा ।
गोनांथिनि सायाव खाउरिनि बेसेन बांनाया जादों जेब्ला मुवा एबा मावमिननि फारसे गोनांथिया गोबां सिनै बाङो आरो बेनि रुजुनायाव मुवा आरो मावमिननि जगायनाया बाङा । बेबादि थासारियाव मानसिनि आखाइयाव गोबांसिन खाउरि एबा बायनायनि गोहो थायो आरो बेनिनो हाथायाव थानाय एसेल’ बिबांनि मुवा एबा मावमिननि फारसे गोनांथिया बाङो । बिदिन्थि बादियै मुवा आरो मावमिन फोरनि बेसेना बाङो । बेबादि थासारियाव खाउरिनि बेसेना सोमजियो ।
खाउरि बेसेन बांनायनि गुबुन मोनसे जाहोना जादों मुवा आरो मावमिननि दिहुनथाइ खरसा बांनाय । बेखौ खरसानि खाउरि बेसेन बांनाय होननानै बुंनाय जायो । खरसानि सायाव खाउरि बेसेन बांनाया गाहाइयै मोनथाम जाहोननि जाउनाव सोमजियो–
(क) मुज्रा बांनाय ।
(ख) मुलाम्फानि बिबां ब्रांनाय ।
(ग) मुवानि सायाव फोनांनाय टेक्सनि बजाय ।
(ग) आजावजाथाव जौगाथाइ: आथिखालाव बुहुमनि हादोरफोनि गेजेराव रांखान्थियारि दावगानाय मोननो थाखाय जाबादि बादायज्लायनाय जागायनो हमदों बेनो आबहावानि सायाव गाज्रि गोहोम खोख्लैदों, आबहावा जोबस्रांनाया बुहुमनि सोरगिदिं गिनाय लाबोदों । बुहुमनि दुंथाइनि फारसे जौथाइयावबो बांनो हमदों । जिबारि महर मुस्रीया खम जानाय, बारहावा सोलायनाय आरि गोबां जेंनाया आबहावाखौ गाज्रि खालामदों ।
रांखान्थियारि जौगानाय आरो दावगानायनि थाखाय जाहाथे आबहावानि सायाव गाज्रि गोहोम गोग्लैया बेखौ नोजोर लाखिनाौ 1987 मायथाइयाव Brundtland आयगा थाद’ आजासे एबा आजावथाव जौगाथाइनि सानखांथाइखौ होदों ।
(घ) सोमखोर रांखान्धि: जाय रांखान्थिनि गाहाइ थांखिया जादों आबहावानि फारसे गिनाय गोनां आरो थासारिनि आदबनि जेंनाफोरखौ होखारनानै आजावजाथाव जौगाथाई मोननाय बेफोरबायदि रांखान्थिखौनो सोमखोर राखान्थि बुंनाय जायो ।
आबहावा सांग्रां सुबुं आरो फसंथानफोरनि थाखाय दा गुदि मोनथारा जादों साननाया मुलुगनां जाथों, खामानि मावनाया जायगायारि जाथों।
(ङ) उदां खाउरि आरो गादबनाय खाउरिनि बेसेन बांनाय: जेबला दर-दाम थाखोनि सायाव जेबो सामलायनाय थाया आरो दर दामा बांलाङो बेफोरबादि थासारिखौ उदां खाउरिनि बेसेन बांनाय होननानै बुंनाय जायो ।
गुबुनफारसेथिं सरकारआ गुबुन गुबुन थोंजों राहानि गेजेरजों जेरैबादि राइजोनो रानना होनाय राहा होयो, सरकारआ दर-दाम थि खालामना होनाय आरिनि गेजेरजों दर- दामखौ सामलायो । बेफोर सामलायनाय राहायानो दर दामनि थाखोआ उदां खाउरिनि बेसेन बांनायनि दर- दामनि थाखोनिख्रुइ खमाव लाखियो आरो दर-दामनि थाखो बांनायनि बिबाङा खमायो । बेफोरबायदि खाउरि बेसेन बांनायखौ गादबनाय खाउरिनि बेसेन बांनाय होननानै बुङो ।
बांद्राय सोंथि
1. बुहुमनि गुबुन गुबुन हादोरफोरा सोगामोगि जाबोबाय थानाय गेदेर जेंनाया मा ?
फिन:- गैजारोङि ।
2. रांखान्थियारि समानथि नङिया माबोरै सोमजियो ?
फिन:- सम्पद आरो आयनि समानङै रानसारथाइनि जाउनाव रांखान्थियारि समानथि नङिया सोमजियों ।
3. भारतबर्षनि गैजारोङिनि सिमाहांखोखौ मानि बिथायाव खालामनाय जादों ?
फिन:- केलरि बिथायाव ।
4. भारतारि रांखान्थिनि गुबुन मोनसे गाहाइ आखुथाया मा ?
फिन:- गोसोरथि आरो गिलिरथि गैंजारोङैया भारतारि रांखान्थिनि गुबुन मोनसे गाहाइ आखुथाइ ।
5. बाथि बासोरारि बिथांखिनि गुबै थांखिया मा मोन ?
फिन:- गैजारोङिखौ सुस्रांनाय ।
6. बाथि बासोरारि बिथांखिया माब्ला जागायनानै माब्ला जोबदोंमोन?
फिन:- बाथि बासोरारि बिथांखिया:
जागायदोंमोन ― 1974 मायथाइनि 1 एप्रिलाव ।
जोबदोंमोन ― 1979 मायथाइनि 31 मार्चआव ।
7. खमथार गोनांथि मावथांखिखौ माब्ला आजावनाय जादोंमोन ?
फिन:- बाथि बा बोसोरारि बिथांखियाव ।
8. गैजारोङिसिमा हांखोखौ माबोरै थि खालामनाय जायो ?
फिन:- हायुङारि नमुना जरिब गथुम नि सामब्लायनायाव दानारि खर’सा आ उदां खावरिनि आरो आय बाहायनाय खर ‘सा नि खारि बुथुमनाय जायो आरो बेनि बिथायावनो गैंजारोङि सिमाहांखो थि खालामनाय जायो ।
9. तेण्डुलकारनि दैदेननायाव गथायनाय फोरमायथि बायदिब्ला बेसेबां जौखोन्दो सुबुंआ गैजारोङि सिमाहांखोनि सिङाव जिउ खुदोंमोन ?
फिन:- तेण्डुलकारनि दैदेननायाव गथायनाय फोरमायथि बायदिब्ला गामि ओन्सोलाव 33.8 जौखोन्दो सुबुं आरो नोगोर ओन्सोलाव 20.9 जौखोन्दो सुबुं गैजारोङि सिमाहांखोनि सिङाव जिउ खुदोंमोन । बुंनो थाङोब्ला 29.8 जौखोन्दोआ गैजारोङि सिमाहांखोनि सिङाव जिउखुंदोंमोन ।
10. गैजारोङिनि जाहोनफोरखौ बेसेबां बाहागोआव रानदों ? मा मा?
फिन:- मोनथाम बाहागोआव रानदों:
(क) जारिमिनारि ।
(ख) रांखान्थियारि ।
(ग) समाजारि ।
11. गामियारि भारतवर्षआव गैजारोङैनि गुबै जाहोनफोरा मा मा ?
फिन:- गैजारोङिनि गाहाय जाहोनफोरा जादों:
(1) हा बिगुमानि आंखाल (2) आबाद खोन्दोनि बायजोआव माव थिसनथाइनि आंखाल (3) आबाद खोन्दो आव सोमजिनाय बोथोरारि निखामब्ला, (4) सोलोंथाइ गैयि आरो जामबा मावदांसानि गोहो (5) सिमा गोनां आबाद दिहुनथाइनि बिबां, गाहाय एबा एसेल’ मुजुरानि हार बायदि बायदि ।
12. सोहोर ओन्सोलाव गैजारोङिनि गुबै जाहोनफोरा मा मा ?
फिन:- सोहोर ओन्सोलाव गैजारोङिनि गुबै जाहोनफोरा जादों:
(1) गामि ओन्सोलनि गैजारोङिनि थाखाय सोहोर ओन्सोलाव सोमजिनाय जिरायनाय गैयि दावबायफैनाय ।
(2) थाग्रा न ‘नि आंखाल ।
(3) गेब्रें आबहावा ।
(4) बस्ति ओन्सोल सोमजिनाय बायदि बायदि ।
13. गोबां सुबुङानो रांखान्थि समाजारि जौगानायनि मोजां फिथाइफोरनिफ्राय जानगाराव थानांगौ जानायनि जाहोना मा ?
फिन:- हारि मुगैलायनाय आरो बोरोन मुगैलायनाय खान्थिनि जाउनाव गोबां सुबुङा रांखान्थि समाजारि जौगानायनि मोजां फिथाइफोरनिफ्राय जानगाराव थानांगौ जादों ।
14. सुबुं बेरफ्रावनाय होनब्ला मा बुजियो ?
फिन:- सुबुं बेरफावनाया सुबुं अनजिमानि बांग्लोबनायखौ बुजायो ।
15. सुबुं अनजिमानि बांनाया बबे हादोराव बांसिन ?
फिन:- भारबर्षआव बांसिन ।
16. 2011 मायथाइनि सुबुं साननाय बायदियै भारतनि सुबुं अनजिमाया बेसेबां ?
फिन्नाय:- भारतनि सुबुंअनजिमाया 121 कौटि ।
17. बुहुमनि बेसेबां जौखोन्दो हा दब्लायथिया भारतबर्षआव दं ?
फिन:- 2.4 जौखोन्दो भारतबर्षआव दं ।
18. भारतनि बबे रायजोआव सुबुं अनजिमाया बांसिन ?
फिन:- उत्तरप्रदेश आव (19.9 कौटि) ।
19. भारतनि बबे रायजोआव सुबुं अनजिमाया खमसिन ? सुबुं अनजिमाखौ मुंख’ ।
फिन:- खमसिन सुबुंअनजिमा – लक्षादीप ।
सुबुं अनजिमा – 64,419 ।
20. आसामनि बबे जिलायाव सुबुं अनजिमाया बांसिन ? सुबुं अनजिमाया बेसेबां ?
फिन:- बांसिन सुबुंअनजिमा थानाय जिलाया धुबुरी सुबुं अनजिमाया जाबाय 28 लाख 26 हाजार ।
21. आसामनि बयनिख्रइ खमसिन सुबुंअनजिमा थानाय जिलानि मुङा मा ? सुबुं अनजिमाया बेसेबां ?
फिन:- खमसिन सुबुंअनजिमा थानाय जिलानि मुङा दिमाहासाव सुबुं अनजिमाया जाबाय – 2,13, 529 सा ।
22. भारतबर्षनि सुबुंअनजिमानि रोजाथिया बेसेबां ?
फिन:- 382 सा ।
23. भारतनि बयनिख्रुइ गोबांसिन सुबुंअनजिमानि रोजाथि थानाय रायजो आरो खमसिन रोयजोनि में लिर ।
फिन:- बांसिन सुबुंअनजिमानि रोजाथि थानाय राजोआ जाबाय- सोनाब ।
बंग (1029), खमसिन रोजाथि थानाय राज्योआ जाबाय- अरुणाचल प्रदेश (17) ।
24. भारतनि आथोन रुजुथाया बेसेबां ?
फिन:- भारतनि आथोन रुजुथाया मोनफ्रोम रोजा हौवाफोरनि उल्थायै 940 सा ।
25. भारतनि बबे रायजोआव आथोननि रुजाथाया खमासिन ?
फिन:- हारियानायाव (877) ।
26. आसामनि सुबुंअनजिमानि रोजाथि गोबांसिन थानाय गंनै रायजोनि मुं लिर ।
फिन:- कामरुप नोगोरमा (2010) ।
धुबुरी (1171) ।
27. आसामनि आथोन रुजुथाया बेसेबां ?
फिन:- आसामनि आथोन रुजुथाया जादों 954.
28. आसामनि बबे गंनै जिलायाव आथोन रुजुथाया गोबांसिन आरो खमसिन ?
फिन:- गोबांसिन आथोन रुजुथाय थानाय जिला मरिगाव (974) खमसिन आथोन रुजुथाय थानाय जिला कामरुप नोगोरमा (922).
29. आसाम आरो भारतनि सुबुं अनजिमा बांनायनि गुबै जाहोनफोरखौ मुंख’ ।
फिन:- सुबुंअनजिमा बांनायनि गुबै जाहोनफोरा जाबाय:
(1) गोजौ जोनोमनि हार ।
(2) लेखा रोङि ।
(3) गैजारोङि ।
(4) समाजारि गियान गैयि ।
(5) सुबुं अनजिमा सोलोंथाइनि आंखाल ।
30. आसाम सिम दावबायखननाया सोलिबाय थानाय बायजो राज्यो गंनैनि मुं लिर ।
फिन:- आसाम सिम दावबायखननाया सोलिबाय थानाय बायजो रायजो गंनैया जाबाय:
(1) बांलादेश ।
(2) नेपाल ।
31. सोहोरारि बेकारखौ बेसेबां बाहागोआव रानदों ? बाहागोफोरा मा मा ?
फिन:- सोहोरारि बेकारखौ मोननै बाहागोआव रानदों:
(1) दारिमिनारि बेकार ।
(2) लेखागोरों मावदांसा ।
32. भारतबर्षनि बेसेबां जौखोन्दो आइजो मावदांसाया दाजायि खोन्दोआव दं ?
फिन:- 90 जौखोन्दोनिख्रुइबो बांसिन आइजो मावदंसाया ।
33. मावदांसा सुबुंअनजिमाखौ रुजुथायाव माबोरै मोननाय जायो ?
फिन:- गासै मावदांसा अनजिमाखौ सुबुं अनजिमाजों राननानै 100 जों सानजाबोब्ला मावदांसा सुबुं अनजिमानि रुजुथाइखौ मोननाय जायो ।
34. N.S. S. O नि आबां मुं खौ लिर ।
फिन:- National Sample Survey Organisation.
35. बेकारनि अनजिमाखौ साननो दिहुननाय सानखांलाइफोरनि मुं लिर ।
फिन:- सानखांलाइफोरा जाबाय:
(1) सोलिथाइ बिथायाव एबा सोलिनाय बोसोरनि बिथायाव ।
(2) सोलिथाइ सानफ्रोमबोनि बिथायाव ।
(3) सोलिथाइ हाबथायारि बिथायाव ।
36. बेकार जेंनानि जाहोनफोरा मा मा ?
फिन:- (1) गोख्रै सुबुं अनजिमा बांनाय ।
(2) थिसनथाइ गैयि जौगाथाइ ।
(3) थाद ‘नाय गैयि आबाद जौगाथाइ ।
(4) दारिमित फसंनायनि गोहैलो खारथाइ ।
(5) जेंना गैथि सोलोंथाह राहा ।
37. मा जाहोनाव धोनि आरो गौजारोङिनि गेजेराव थानाय फारागा बाङो ?
फिन:- सम्पद आरो आपनि समाननङै रानसारथिया गंसे हादोरनि रांखान्थियाव रांखान्थियारि समानथिनङै सोमजिहोयो । बेनि जाउनाव धोनि आरो गैजारोङैनि गेजेराव थानाय फारागथिया बांलाङो ।
38. खाउरिनि बेसेन बांनाय रांखान्थियाव मा गोहोम खोख्लैयो बिजिर।
फिन:- खाउरिनि बेसेन बांनाया रांखान्थियाव गुबुन गुबुन रोखौमै गोहोम-खोख्लैयो । खाउरि बेसेन बांनायनि जाउनाव बयनिख्रुइ खहा जानाय थाखोआ जादों थाजोर बेथन मोननाय थाखो । मानो होनोब्ला खाउरि बेसेन बांनाय समाव बेसादनि दर दामा बाङो । नाथाय थाजोर बेथन मोनग्राफोरनि आय एबा मुजुरिया बाङा । जाउनबायदियै बिसोरनि राङारि हाल-सालाव खैफोद सफैयो। खाउरि बेसेन बांनाया दोनथुमनायनि सायावबो गाज्रि गोहोम खोख्लैयो । दर दाम थाखोआ बांनायाव बाहायनाय हाबायाव गोबां खरसा खालामनो गोनां जायो आरो बेनिफ्राय दोमथुमनायनि बिबाङा खम जालाङो । बेनि अनगावैबो बेबादि समाज खाउरिनि बेसेना खमा जालांनायाव दोनथुमग्राफोरनि दोनथुमनाय दोहोननि बेसेनाबो खम जालाङो । खाउरिनि बेसेन बांनाय समाव बेसादनि बेसेना बांनायाव लाबो जानाय खोन्दोनि सायावबो गोहोम गोग्लैयो । न’नि बेसादनि बेसेना बांनायाव हादर गेजेरारि हाथाइयाव बेफोर बेसादनि गोनांथिया खमाय लाङो । जाउनाव लाबोजानाय बेसादा खमायो ।
| SL No. | CONTENTS |
| Unit – 1 | जारिमिन |
| Chapter – 1 | भारतबर्ष हादराव इउर’पियानफोरनि- हाबफैनाय |
| Chapter – 2 | भारतारि माहारियारि सानस्रि बेरखांनाय |
| Chapter – 3 | मवामरीया सुबुं बिग्रायखांनाय |
| Chapter – 4 | माननि आसाम गाग्लोबनाय |
| Chapter – 5 | आसामाव बृटिस खुंथाइनि जागायनाय |
| Unit – 2 | भुमरखौरां |
| Chapter – 1 | बुहुम बिखुंनि सोलायनाय |
| Chapter – 2 | बारमण्डल |
| Chapter – 3 | भारतबर्षनि भुमरखौरां |
| Chapter – 4 | आसामनि भुमरखौरां |
| Unit – 3 | राजखान्थि |
| Chapter – 1 | भारतनि राजखान्थियारि हान्जा |
| Chapter – 2 | सोरखारनि बाहागो राननाय |
| Unit – 4 | रांखान्थि बिगियान |
| Chapter – 1 | रांखान्थिनि गुदि आयदाफोर |
| Chapter – 2 | गुबै रांखान्थियारि जेंनाफोर |
Notes of Class 9 Social Science in Bodo Medium | Bodomedium Class 9 Social notes इस पोस्ट में हम आपको ये समझा ने कि कोशिश की है की Bodo Medium 9th class Social Science Question answer | Class 9 Social Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।